Post: #1
Title: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 08:49 AM
الاعزاء الاخوه والاخوات خارج الوطن الحبيب ..
خلف الطقس الممطر في الخرطوم اليوم عده خسائر فادحه وعده حوادث متفرقه ...
كما ساهم في قطع بعض خطوط الاتصال جراء تهدم بعض المباني .. لا يمنع من ان الجو جميل جداولكن مازالت الامطار تهطل ..
تضامنا مني مع كل البورداب خارج الوطن ,
كل من لم يستطع الاتصال باهله في السودان اليوم , سواء لسوء الشبكه او بسبب الفلس..
فقط الرجاء ارسال رقم الهاتف هنا في البوست وساقوم بالاتصال بهم وتطمينكم في نفس البوست ...
المنبر زي ما بيلمنا في الفرح ممكن يلمنا عشان نطمن بعض ..
اشوفكم قريب ..
|
Post: #2
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: ALGARADABI
Date: 08-26-2009, 08:55 AM
Parent: #1
اريتك تبقى طيب انتا
وقد ينعم الله بالبلوى وان عظمت
ويبتلي الله بعض القوم بالنعم
جعلها الله سقيا خير وبركة
على رأي ناس النشرة الجوية
|
Post: #5
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 09:03 AM
Parent: #2
الحمد لله نحن ما جاتنا عوجه ..
شكرا على سؤالكم ...
ممكن التلفون يترسل في الماسنجر الداخلي منعا للاحراج ..
ارقدوا عافيه ..
المسلمي الجميل شكرا على المرورو ورمضان كريم واكيد دا اقل واجب .. اللي ربنا بيقدرنا نسويهو ما بنقصر ابدا .. انشالله
|
Post: #3
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: العوض المسلمي
Date: 08-26-2009, 08:55 AM
Parent: #1
شكرا داليا علي الفكره وتطمين الزملاء علي اسرهم واهليهم
وصباحك خير ورمضان كريم
|
Post: #4
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: عبدالله ود البوش
Date: 08-26-2009, 09:01 AM
Parent: #1
العزيزة داليا صباحك خير
ورمضان كريم وامطاركم خير وبركة
الله يباركك يا بتي عليك الله شوفي لي الجنا فريد دا
وين ؟ لاول مرة يصوم في السودان ... كانوا خايفين
لكن بعد الامطار دي احسن من رياض السعودية سخانة وجابت
ليها رطوبة .
شوفي لي الجنا دا وين وحجز ولا ما حجز وكمان لو ساعدتيهو
بالحجز يكون اجرك اضعاف وعارفنك قاصدة الاجر من الابري الموزع حول العالم
وربنا يتقبل صالح اعمالك ...
الولد فريد دا رقمو 0907353787 أو 0926468184
شوفي لي الجنا دا حكايتو شونو لحدي اسع ما جاء ولا حجز
وتقبلي تحياتي يابتي داليا يا بت الكرام
|
Post: #6
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: علي الكرار هاشم
Date: 08-26-2009, 09:09 AM
Parent: #4
شكرا يا داليا علي هذا الطرح الراقي والمثمر والمفيد
نحن فعلا مبسوطين عشان المطره (((((((((((((((((((((صبت ليكم في عينيكم)))))))))))))))))))))))))
انتو عاوزين جو بدون تعب وخرمجه
ومن زمان اياهو الحال زاتو
وتصبح طين وترعه كبيره حوش مكسور
...
شكرا تاني علي اللفته البارعه
وشهرك مبارك
|
Post: #7
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: سارة علي
Date: 08-26-2009, 09:12 AM
Parent: #6
رمضان كريم !!!!!
|
Post: #26
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 03:23 PM
Parent: #7
ساره علي ...
الله اكرم !!!!!!!
|
Post: #9
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 09:22 AM
Parent: #6
علي الكرار ..
يديك العافيه وشكرا على المرور ودا اقل واجب .. نحن سودانيين ولكلام دا كلوووو بيشبهنا ..
حتى مطرتنا بتشبهنا ..
|
Post: #8
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 09:19 AM
Parent: #4
عمو عبدالله ازيك ..
صباحك خير ورمضان كريم ... التلفونين مقفولات بس انا حا حولهم تاني لحدي باقي اليوم دا واطمنك انشالله ومن ناحيه الحجز ما تشيل هم
انشالله يجي في اقرب وقت .. بس لو ممكن ترسل لي تلفون تاني غير ديل ...
ربنا يطمنك عليهو وتتلموا في ساعه خير انشالله ..
|
Post: #10
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: عبدالله كع
Date: 08-26-2009, 09:38 AM
Parent: #8
الاخت داليا :
شهرك مبارك وتصومي وتفطري علي خير ..
الشبكه ضاربه خالص عندكم .. حاجه تمام معاي
واخـــــــــوك مفلس فلس السنيين
واتصلي لي علي الحاجه حليمه ( امي ) وقولي ليها ولدك
البكر بسلم عليك ويبارك ليك رمضان ... ويطلب منك العفو والعافيه
والرضي علي ... وبعترز ليك لانو تاخر في الاتصال
رقم التلفون - 122324969
واشكرك شكرن كتيرن اختي دلويه
|
Post: #13
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 09:47 AM
Parent: #10
عبدالله كع ..
الحاجه كويسه وبتسلم عليك وما عنده عوجه ,,
الحمد لله مافي مويه دخلت ليكم وما عندكم اي عوجه وناس بيتكم كويسين..
الوالده بتسلم عليك وقالت ليك عافيه منك ..
امتداد الدرجه التالته عموما كويس ..
بالمناسبه الوالده شايقيه وكده ؟؟؟ وبالمناسبه زوله لطيفه جدا الله يخليها ليك ..
انا ما جبت سيره الفاس عشان ما تشفق عليك بس قلت ليها الشبكه كعبه ..
ارقد عافيه ..
|
Post: #11
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: Mohd Ibrahim
Date: 08-26-2009, 09:39 AM
Parent: #8
داليا ممكن نعرف الاماكن المتضررة وين في الخرطوم
اركويت ياتو محطة اوالصحافة ياتو مربع
شكزا للمساعدة
|
Post: #12
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: إدريس البدري
Date: 08-26-2009, 09:42 AM
Parent: #11
الاخت داليا....تشكري جد علي الفكرة
باللاي شوفي لي معاك الجنا منتصر اخبارو شنو
0126191362
وليك جزيل الشـكر
|
Post: #14
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: د.محمد حسن
Date: 08-26-2009, 09:57 AM
Parent: #12
داليا
ربنا يزيدك كمان وكمان
انت شخصية رائعة
|
Post: #19
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: محمد عبد الماجد الصايم
Date: 08-26-2009, 12:18 PM
Parent: #14
مافي طريقة تتصلي علينا تشوفي أحوالنا وكــدا مع الرطوبة دي؟
|
Post: #15
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: Hani Arabi Mohamed
Date: 08-26-2009, 10:00 AM
Parent: #8
شكرا جزيلا يا أصيلة
|
Post: #16
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: البدري عبد الله
Date: 08-26-2009, 10:09 AM
Parent: #15
مبادرة رائعة تنم عن اصالة ونقاء معدنك
جعلها الله امطار خير ...
|
Post: #17
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: فادية اليمني
Date: 08-26-2009, 11:02 AM
Parent: #16
سارة
الله اكرم حبيبتى انت كان عايزة انا بمشي ليك للحاج عديل كده فى البيت اها شن قولك
داليا
كل سنة وانتى طيبة
|
Post: #44
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: صالح عبده
Date: 08-27-2009, 09:38 AM
Parent: #17
داليا
شكرا للخدمة الراقية
كنت عايز ارسل ليكي
تلفوني ولكن خايفه يتسرب
|
Post: #18
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: عبدالله ود البوش
Date: 08-26-2009, 11:43 AM
Parent: #8
Quote: عمو عبدالله ازيك ..
صباحك خير ورمضان كريم ... التلفونين مقفولات بس انا حا حولهم تاني لحدي باقي اليوم دا واطمنك انشالله ومن ناحيه الحجز ما تشيل هم
انشالله يجي في اقرب وقت .. بس لو ممكن ترسل لي تلفون تاني غير ديل ...
ربنا يطمنك عليهو وتتلموا في ساعه خير انشالله .. |
شكرا داليا بتي والله شغلك دا شغل ناس يتنفسوا كرم وشهامة
غايتو حظ البعرسك بس اكون كريم غير كدا بتعب معاك ..
المهم .. زي ما اقول عمك تبارك
اضربي للجنا دا تاني ودليهو على الحجز ...
معليش اتعباك معانا لكن الزيك انت بكوس لتعب نفسو وراحة الغيرو
الله اديك العافية واديك الفي مرادك ... وابعد عنك اولاد الحرام وبنات الحرام
|
Post: #20
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: معتصم دفع الله
Date: 08-26-2009, 12:22 PM
Parent: #18
دا شعور جميل منك يا داليا ..
وزي ما بقول المثل الناس لبعضها ..
والله أنا متكيف من المطرة دي شديد لأنها بردت الجو على أهلنا البسطاء الطيبين ..
وفي نفس الوقت أدتنا أخت رائعة زيك تتفقد أحوال أهلنا في غيابنا ..
شكراً جميلاً ..
|
Post: #21
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: مريم بنت الحسين
Date: 08-26-2009, 12:29 PM
Parent: #20
داليا.. والله جدعه وبت رجال... عفيت منك..
محبتي
ملاحظة هامه: يا ناس الجندر، دي المفردات الموجودة إلى ان يتم تعديلها
|
Post: #22
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: yasir Abdelgadir
Date: 08-26-2009, 12:42 PM
Parent: #21
إنت إنسانة من طراز فريد...لانك بتهتمي بهموم الغير
ربنا يحقق كل أمانيك في هذا الشهر الكريم
تحياتي
|
Post: #23
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: عبدالله كع
Date: 08-26-2009, 12:46 PM
Parent: #21
شكرا ....داليا
يا خي الله يديك الفي مرادك .. ...............
يا خ اقولك حاجه .... الله يوديك الجنه زاااته ...
الولده شايقه .. اكيد . كانها جات بكره من البلد بالرغم ليها كتر من 40 سنه في العاصمه .. وحاتك انا بشحن الجوال بي ميه ريال .. بس عشان
اسمع كلامه .. واكمل الرصيد كلو في مكالمه واحده .. وحاة خوتك بكون مبسوط بسطه ... تعادل فرحة الصائم لحظة افطاره امكن اكتر كمان
نعم .. شوايقه من الاراك - اراك ود سورج ...
الله يخليك ..
|
Post: #24
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: محمد عبد الماجد الصايم
Date: 08-26-2009, 02:41 PM
Parent: #23
يا داليا
عاوزين نشوف حجر للمرة وبناتها ياخ!
|
Post: #25
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 03:18 PM
Parent: #4
عمو عبدالله ..
الحمد لله لميت في الصغير فريد ..
هم كويسين في الشقيلاب وما جاتهم عوجه من المطر والحمد لله ..
بكره ماشين يعملوا تاشيره الخروج والحجز وانا حاكون معاهو على اتصال ولو استلزم الامر حامشي معاهو عديل ...
ربنا يطمنك عليهم ويصلوك بالسلامه انشالله ..
|
Post: #27
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 03:28 PM
Parent: #25
ود الصايم ... حجر صحي ولا شنو ؟؟
|
Post: #29
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: محمد عبد الماجد الصايم
Date: 08-26-2009, 03:31 PM
Parent: #27
معليش يا داليا ياخ
الشيشة مع الصيام مع الرطوبة عملوا شغل شفط!
قصدي عاوزين حجز طيراااااان ياخ!
من 28 سبتمبر إلى 1 أكتوبر بالكتير!
|
Post: #31
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 03:45 PM
Parent: #29
ود الصايم .يا عمك .(بالكاف العجيبه ديك ).... سودانيه ولا سعوديه .؟؟؟ كم مقعد ؟؟؟ وفي زول داير يقعد جمب الشباك ؟؟؟؟ كااااااااااااااك ...
لا لا لا بالجد سودانيه ولا سعوديه وعدد المقاعد و خط الرحله رياض خرطوم ولا العكس ؟؟؟
رسل لي الاسماء والمعلومات دي في الماسنجر الداخلي ورقم تلفون ...
|
Post: #38
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: مزمل خيرى
Date: 08-26-2009, 08:10 PM
Parent: #29
ود الصايم
بس.؟
شكرا داليا عن الفكرة الحلوة دى ..
______
ود الصايم بالمناسبة صورتك دى بتفرسنى لمن القاك خاشى بيها بوست بكاء .!!
الناس حزنانة وانت بتضحك .!!
|
Post: #40
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 11:21 PM
Parent: #38
مزمل خيري ...
شرق عظيم مرورك ... والفكره دي الحمد لله انها اثمرت مع كم زول وكمان في ناس رسلوا الارقام في الخاص ...
ملاحظه : ود الصايم دا كان ربنا قسم ولاقيتو انا في الحياه ما حاعرفو الا يكون عامل نفس الرياكشن دا ...يبقى لي
تقاطيعو بقت كده بس ...
تشكرات افاندم .......
|
Post: #28
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: Muna Khugali
Date: 08-26-2009, 03:30 PM
Parent: #25
فكرة انسانية حلوة..
كل سنة وانت طيبة..
|
Post: #30
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: صديق الموج
Date: 08-26-2009, 03:41 PM
Parent: #28
داليا ..ازيك
البورداب ديل كتار فى الخارج اقل شى 5000 شخص
لو اتصلت على اهلهم بكلفوك كتير
يعنى لو كل واحد كلمتى اهله بريال معناها دى 5000 ريال
انا عايز اوفر عليك..
امشى لى امى اديها تلاته الف ريال بس
مصاريف العيد ومنها خالتك تدعو ليك ومنها وفرت ليك الفين ريال
بالله مش فكرة حلوة،،،
|
Post: #32
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: humida
Date: 08-26-2009, 03:49 PM
Parent: #30
داليا ..
سنة ستة و تسعين كنت مجكس لي بت اسمها سارة في حلتنا .. اول ما تنزل من المواصلات آخر محطة ..
تلفي يمين بعد يسارك في مزيرة .. بيت مطرطش كدا رمادي ..
الوكت داك كانت بتعمل شرايط .. حلبية الملامح .. و صوتها عالي ..
كان لقيتيها اديها تلفوني .. ( في البروفايل ) .. قولي ليها الزول دا دقتو المطرة .. !!
|
Post: #33
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: Dalal Ezzaldin
Date: 08-26-2009, 03:58 PM
Parent: #32
داليا رمضان كريم .. ما كنت موجوده قبلها عشان ارحب بيك
منوره يا دلوش .. تصومي وتفطري على خير
|
Post: #35
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 04:15 PM
Parent: #32
حميده ..
وصلت البيت بعد تعب .. وساره اتذكرتك بي يا الله ويا امين .. وساره تسلم عليك واديتها تلفونك .. وقالت ليك رجع لي شريط فريد الاطرش الشلتو مني زمان
وكمان الخمسه قروش اللي اتدينتها منها زمان ... وقروش المواصلات الدفعتها ليك عافياها ليك عشان الملح والملاح ...
ولمن تضرب ليك ارفع ليها ما تزوووووووغ .....
|
Post: #34
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-26-2009, 04:02 PM
Parent: #30
عمو صديق الموج ...
كل سنه وانت طيب انشالله ...
والله والله يا عمو صديق فرحه الناس بالتطمين على اهلهم تسوى اكتر من ملايين الريالات ..
و والله الدعوات الحلوه الجاتني الليله , من البورداب او من اهلهم اللي اتصلت عليهم تسوى عندي كتير ...
رد الله غربتك .. وطمنك على الوالده ...
|
Post: #36
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: عبدالله ود البوش
Date: 08-26-2009, 07:45 PM
Parent: #25
Quote: عمو عبدالله ..
الحمد لله لميت في الصغير فريد ..
هم كويسين في الشقيلاب وما جاتهم عوجه من المطر والحمد لله ..
بكره ماشين يعملوا تاشيره الخروج والحجز وانا حاكون معاهو على اتصال ولو استلزم الامر حامشي معاهو عديل ...
ربنا يطمنك عليهم ويصلوك بالسلامه انشالله .. |
أبنتي العزيزة داليا
غايتو يا بتي اجرك على الله بس وانت البتعملوا فيهو دا عمل كبير
وصادر من قلب كبير من اسرة طيبة وكريمة يعني ما جائي من فراغ
واكيد من يزرع الخير يجده وربنا يعدل دربك واسهل امورك
ياداليا الاولاد ديل ( فريد ونادر احجزي ليهم على السودانية
الرياض الخرطوم ) ومعاهم عفش تقيل معظمه حلو مر وحاجات رمضان
عشان تحصل فطور بورداب الرياض
ولو عندك وصايا للرياض على العين والراس
وكمان تابعي معاهم قبول بنتي اريج للجامعة .
|
Post: #37
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: بشير جبريل علي
Date: 08-26-2009, 08:06 PM
Parent: #36
| Quote: وكمان تابعي معاهم قبول بنتي اريج للجامعة . |
ود البوش ..يا جميل
كمان ما قدر ده ..خليها حلوة ..في 5000 بوردابي غيرك زي ما قال الموج ..
شكرا ليك يا داليا ..على طيبة دواخلك ..الله يعرس ليك كان ما معرسة ..
وكان معرسة تدبلي ..مالو في حد أحسن من حد ..
|
Post: #39
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: محسية
Date: 08-26-2009, 08:47 PM
Parent: #37
داليا إنت جميلة بمعنى الكلمة ...
|
Post: #41
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: saif massad ali
Date: 08-26-2009, 11:24 PM
Parent: #39
داليا
الله يزيدك خير وبركة
|
Post: #42
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: سيف الدولة كامل
Date: 08-27-2009, 01:12 AM
Parent: #41
بت الكباشي ,,, كيف حالك يا اصيلة
حلفتك بالله ومحمد رسول الله ما دايره ليك
حاجة من نيويورك والله تصلك هوي يا بت الاصول.
|
Post: #43
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-27-2009, 06:50 AM
Parent: #42
سيف الدوله يا اصيل ...
رمضات كريم ويديك الف عافيه ...
والله حليفتك دي على عيني وعلى راسي , وخلاص ما عتدك مشكله اديني فرقه اكتب اللسته حقت الحاجات الدايراها .. لوووووووول
كللك زوق والله وربنا يرد غربتكم جميعا ...
ارقد عافيي ...
|
Post: #45
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: وجن
Date: 08-27-2009, 10:12 AM
Parent: #43
يا سيف عليك الله شوف ليها عريس
البت دي كتيرة على أخوي والله
ماتقولي نطيت بس عاوزين ليك الأحسن والله
والود دا زاتو لسه بقرأ
|
Post: #48
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-27-2009, 12:18 PM
Parent: #45
وجن يا عسوله ..
ازيك , والله العرس دا قسمه ونصيب لكن في زول في المنبر دا قال لي انا حلمت انك عرستي بوردابي .....!!!!!
لووووووووول ,,,
ربنا يدي العافيه انشالله ويدينا على قدر نيتنا انشالله ..
تحياتي للاموره لمار ولي ريم ...
|
Post: #46
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: بابكر التوم
Date: 08-27-2009, 10:14 AM
Parent: #43
الاخت الفاضلة داليا
رمضان كريم
متابعين بفرح بما تقومين بة منذ انضامك شئ مفرح وماغريب على سودانيتا ،،،
كنا قد يأسنا من وجودها ولكن لايزال الخير موجود فينا ..
الله يقويك بس
|
Post: #47
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: محمد إبراهيم علي
Date: 08-27-2009, 10:55 AM
Parent: #46
يا بت ملوك النيل
يااخت البدور
يا بت ملوك النيل
|
Post: #49
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: داليا الكباشى
Date: 08-27-2009, 01:58 PM
Parent: #47
الاخوه والاخوات حبيباتي الحلوين ... المتداخلين جميعا ...
شكرا شديد على الكلام الحلو .. كلماتكم فيها دافع لي كي استمر هنا ... هنا في هذا البلد .. وهنا في هذا المنبر .. وذلك لصعوبه الاستمراريه في كليهما ...
يديكم الف عافيه .. احبكم جميعا ...
|
Post: #50
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: نادر
Date: 08-28-2009, 02:41 PM
Parent: #49
يديك الفي مراضك يا زولة يا واعية
سلامات ورمضان كريم والوطن بعافيته بأمثالك.
|
Post: #51
Title: Re: البورداب خاج الوطن .. في زول ما قدر يتصل على اهلو الليله ؟؟؟ (توجد خدمه اتصال مجانيه)
Author: سيف الدولة كامل
Date: 08-30-2009, 04:20 AM
Parent: #50
الاخت \ وجن ,,, سلامات
والله بت الكباشي تستاهل كل خير ,, والعرسان هنا بالكوم
نعمل ليها فيزا وتجي تختار,, السوق حاااااااااااااار
والله يا وجن انا زيك ولدي لسه في الجامعة والا كنت ناسبت
شيخة عرب,
|
|