يا اهل لندن هل تعرفون رجلا اسمه عبد الله رمرم

انقطعت عنا اخباره وقد كان يسجل حضورا كبيرا.........

اسمر اللون محدودب الظهر له انف مميز!!

كثير الحركة سريع الكلام..

مناضل قدبم ..

الحمد لله أن السيد عبدالله رمرم بخير وعافية

ونسأل الله له طول العمر في سعادة وهناء..

أستاذي أزهري

رمضان كريم وجعلنا الله وأياكم من عتقائه

سلم لي على العم رمرم وبلغه أطيب الأمنيات

وعفواً أخي عمار أنا مثلك كنت أستغي الأخبار من زملاء الخارجية السابقين .. تقبل إعتذاري

اعتقد انه صديق المرحوم الاستاذ عبلد الرحمن مختار
و قد كنا نرسل الصحافة عن طريقه للندن .


ببعض الجهد يمكن ان احصل لك على رقم هاتفه
ان لم يتكرم احدهم و يقصر المشوار .

يا عمار رمضان كريم..
وأنا أطالع على هذا البوست
كان معى بالصدفة أحد أقربائى المقيمين فى لندن..
أفادنى أن الأخ عبد الله رمرم بخير وصحة جيدة
ويلتقيه بين الحين والآخر فى إجوار رود..
لمذيد من التفاصيل يمكن الإتصال بى..


أزهرى

نؤكد ان الحبيب عبد الله رمرم بخير وصحة جيدة
أطاالله عمره فهو نعم الأخ
شاءت ظروف السفر خارج بريطانيا
عدم حضور تخرج ابنه من جامعة كيمبردج
العريقة قبل اسابيع ...
....

سلام ورمضان كريم عليكم


العم عبدالله رمرم بخير وصحة تمام وهو الان موجود

فى السودان وكنت قد التقيتة فى شارع الجمهورية قبل فترة ليست بطويلة




تخريمة

صلاح البندر ارجو ايصال سلامى وتحياتى للاخ بدر الدين الطاهر ( الشيف)

من هشام عبد الكريم امين ادريس

الحمد الله ان الاخ رمرم بخير . فهو زميل عزيز من زمن الخارجية التى كانت وقد احق زمالته واخوتهلى برعايته لابنى عندما كان يدرس فى لندن وتلك محمدة لا انساها له ما دمت حيا. غلبنى العثور على عنوانه واشكر كل من يدلنى على تلفونه
على حمد ابراهيم

الان اختلفت الروايات هل هو فى لندن ام السودان.,

يا حليل عبد الله رمرم ..
بالجمال والحب دندن
وقالوا عايش فيها لندن.

دا الغريب اللينا محن
وليهو كل الجكس جنن
مرة يفصح ومرة ألجن
كان مناضل وتاها فى الفن
وينو جكنون ويانى جكنن
واوع يبقى زولى (جلكن)
وفى بهيم الليل سنسن!!

ولى مشاعرو الياها دوزن
غنى صديق وسمعتو طنطن
وليها كل الدارى بشتن
كان ليبينى ومالو جبَن
يا حليلو وشوقنا بالطن

اصلو بكرا وكان معجن
وطاريها امات منو يشكن
مرة يضحكن ومرة يبكن
ياهو هيلن وليهو ويلدن

ما مدغلب شويى اسمن
وفى جيوبو حلاوى شَكن
لاهو خمجان ولاهو ارعن
بس تمسكن وتب تمكن
كل يوم يديك وجهن
مرة صارى ومرة ضحكن

انا داير عديل اركب هناك اجيك
عارفك تنستر ما انت عاد ما كيك
والاخلاص مطاعم والله عارفه الفيك
والزول بى قروش والله ما يباريك

تاكل ودار تحلى قاشر وعامل شيك
فى مقلب اكلتو مولاى ما يوريك
تاكل فى الجداد سوسيو سكسك سيك
والمكر المكرتو ما بكرة بيك يحيك

الرز جوة كستر جيبولنا دية وديك
تاكل فى المطايب لامن خربت وشيك
وقاصد انو تمكر الله لا يجازيك
عبدالله استعد جايك اخرت ايديك

استرلينى حر لو جابنى ما يوديك
يازول الكرم كاتبنو فى عينيك
تصرف وما بتلاوز يديك وما بيديك
والكرم الطبع خليتو ما يخليك

جاييك واستعد جهز لى با اخى الشيك
ما باقى القروش عارف سنة تمشيك
البيت والايجار باقى المعاش الليك
حقك فى التمر وشيتا علينا وعليك

يا على شوف ابوك يتجلى كيف فى الداره
دا الزول ما حريف مليان فهم وبصاره
وان صفق معاى شايف لى فيهو شتارة
واتحضر ابوك سايقلو كان ترتارة

يا زول اصل ابوك عزة وفنون وحضارة
رمرم وطنى ثورى ما سام مبادئو تجارة
يكدح فى الحياة محظوظ وماها شطارة
فالح فى الزبالى ملخت ايدى المحارة

رموم يا مناضل مليان حماس وضكارة
من اجل البلد خليتها اقوى سفارة
تفلح فى النقز بالليل مع الطمبارة
تب جاييها لندن شرابى فى الكدارة

رمرم يس.........

تعذب فينا رمرم يس
بعد سبعين تحلب التيس
بشوفو كلامى دخل الميس
وبكرة معاك ببقى عريس

تفطس فى الشعر فطيس
وكان صديق ليك جليس
رمرم تب لعن ابليس
واصلو امام وما قسيس

امانى زولى ما لبيس
يشك ويحير البوليس
بيشبه يا على القديس
بلا الرحمن مالو رئيس

اريتك بكرة تملا الكيس
واصلك خبرة فى الونيس
ترانى الليلى فى الوسويس
اجر مقشاشتى للكنيس

نحنس عاد جنس تحنيس
ونملس فى الكلام مليس
بعد لندن على باريس
كفاكم غربة ليلى وقيس

تعربد انت فى لندن وحالنا خواضة فى المطرة
تشمشم انت فى لندن وسر عبدالله فى النخرة
تعاين يا جنى رمرم تبحلق بس تقول صبرة
توكر فينا يارمرم وبيت الثورة ما وكرة

مكانك تسقى ياعبد الله فى المترة
تساوى الارض بالواسوق وشك غطتو الغبرة
وتشرب من جديول فوق ونومك فى ضليل شجرة
نكركع يا ابو البنوت ونحنا قلال وما كترة

ياه!!
عبدالله رمرم
لا زلت اذكر هذا الإنسان الباسم البشوش
كان قريبا للجميع ودودا دون تكلف
لا يبخل على احد بوقته
كان معلما من معالم وزارة الخارجية فى سبعينات وثمانينات القرن الماضى
سعيد ان اسمع انه بخير واريد الاتصال بهذا الإنسان..
إنسان من الزمن الجميل
يترك بصماته على قلب كل من يعرفه

له الودالكثير..

نورالدين منان

وكانت حفلى بى سكرها
سكر عبد الله قام شترها
يمينا انت ماك بشرا
واريت عبدالله ما حضرا

براكا طلبت الغلبة( يامنان)
صحيح عبد الله زول انسان
ياهو الزول العرفتو زمان
يعيش فى لندن الغربة
وقليبوا معانافى السودان
__________________________________________________________
فسعيد ان اسمع انه بخير واريد الاتصال بهذا الإنسان..
إنسان من الزمن الجميل
ى السودان

سلم لى على رمرم
على الزول الظريف من جم
على الأخلاق تسير بقدم
على زولا كبير وهرم
ما فى مثيلو يا بن العم
عرمرم جيش ده ود رمرم

منان

سلامك ليهو تب يوصل
بشوفها زيارتو هى الحل
يبقى تلاقى فى البركل
وفى لندن يكون افضل

خفيف عبد الله ماهو بغل
بيطلق ضحكة فى الاول
وزول لعاب تقول طمبل
وليها شتارتو نتحمل

حقيقة الزول هناك طوَل
وخايف جيتو يتبهدل
يشوت ضفارى اتارى أشول
وليها البهجة ما كمل

رمرم شوفنا ليك طول
صديق زمنا مضى واجمل
اريت سودانا زى اول
واصلو الفرحة ما بتكمل
منان

ورمرم اسطى فى الفرحة
زمان التكسى بالطرحة
وامانى حياتنا ما سمحة
ومنو كمان تجيك نفحة

ز