Post: #1
Title: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 10:55 AM
وأقتبس فى شهادتى المنقوصة فى حقكم من حديث أمبراطور برنامج أغانى عمنا السر قدور .. ( دا الأداء البدخل الزول الزمن وينسيهو الزمن)
ربما يوجد جزء فارغ من الكوب ... لكن خلوه يكافى العين .....
|
Post: #2
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 11:04 AM
Parent: #1
ويكفيكم فخرا أنكم أثريتم الأسافير وشرايين الشبكات بأعذب الألحان السودانية
وجددتم لأصيل الغناء مكانة عبر أجمل الأصوات الشابة ...
|
Post: #3
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: هاشم محمد الحسن عبدالله
Date: 08-24-2009, 12:50 PM
Parent: #2
شكرا للأستاذمحى الدين على هذا البوست المنصف ، وأناأشاركمكمالرأى فى أن الفنان المبدع الأستاذ حسن فضل المولى يبذل جهودا جبارة مع فريق عمله من فنيين ومذيعين ومقدمين لتقديم خدمات تلفزيونية راقية عبر قناة النيل الازرق مما جعلها تتصدر القنوات السودانية فى المتابعة ولها تاثيرها الرائع فى كل مناحى الحياة باسلوب مدروس عصر فيه الأستاذ حسن فضل المولى كل خبراته الثرة لخلق هذه التوليفة الرائعة من الأعمال، فالتحية له ولفريق عمله.
|
Post: #4
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: بكري الخير
Date: 08-24-2009, 01:01 PM
Parent: #3
برقية لكل التيم العامل بقناة النيل الازرق: اليكم ترفع القبعات
|
Post: #5
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محمد الامين محمد
Date: 08-24-2009, 01:08 PM
Parent: #4
الديكور في النيل الازق يحتاج الي بعض الاجتهاد اضافة الي مساحات الاستديو ضيقة بعض الشي
زمن القتاة قليل جدا مقارنة يالقتوات الاخري بعض المذعين يتمادون في الحديث دون مرعاة زمن البرنامج وهذا لا يعطي الضيف مزيدا من البراح
االمذيع شيبة الحمد لة صوت اخباري جميل فلماذا لا يحول الي الا قسم الاخبار بدلا من المنوعات
|
Post: #6
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: الطيب شيقوق
Date: 08-24-2009, 02:26 PM
Parent: #5
محي الدين ود جبريل
كيفك ورمضان كريم
اعجبني تعليق للاستاذ محمد المرتضى حامد على كلام الاستاذ السر قدور عندما شبه زيدان ، وهو يحلق في سماء المطار ، ليجد طريقه للهبوط ، قال المرتضى معلقا ما يلي :-
Quote: الســــــــــــــــــاحق المـــــــــــــــــــــــــــاحق زيدان..
فنان ومطرب ومغني نعشقه في كل حالاته ولانستثني موسما في ريدتنا ليهو،
الحلقه كانت نهائي مبكر كما يقولون،
عندما استهل الأداء اليشبه (شلالات حرير نجوان البتبالغ) عرف الجميع
أن الإنصات والتمتع بالدهشة هو الخيار الأوحد ، جميل ما سألناه ، عرف
الجميع كيف يكون الغنا الماخمج ونجح المخرج في التقاط تعابير الوجوه
ليشهد الجميع نتائج ترتيل ما تيسر من سورة البهار وكأنه كان يقول للحضور
: ألعبوا تاني .
أبدع قدور في تشبيه زيدان بقبطان طائرة ينتظر الهبوط والممرات تزدحم بالعماليق
من أمثال الكونكورد أبوعفان والجمبو أحمد المصطفى والسي ون ثيرتي سيد خليفه
ولكنه نجح بهبوط ناعم غير آبه ببرج المراقبة وهو يقود إيربص إيه 380 من تولوز
مباشرة إلى جي إف كيه فصفقت الجماهير في تيرمنال المحبة والشجن وما برحت.
والله الليله يا ودالعباسيه ماعندنا كلام تب، ياخ في الليله ديك لما ظهرت كنا نتهجى
الحروف الأولى في كتاب الهوى وقاموس الريده المقدس يوم برزت توأما ل (بخاف)
وصدر مرسوم جمهوري غير معلن يحظر التجول والتزمت قوى الشعب العامل العاشق منصتة
لنبض ووجيب الفؤاد وأصبحت تؤرخ لتلك الحقبة ب الليه ديك.
إتصل بي عضو عاشق بالمنبر وصوته يتهدج عندما غنى العندليب (في بعدك يا غالي أضناني الألم )
يحاول أن يشرح مابه حتى أحسست بأن الله تقبل صومه لهذا اليوم بغسل من سلسبيل ينبع بين
الحنين والأنين، حنين لأيام الجمال الأخضر وأنين من لحون كأرخبيل يشاطئ الفردوس .
الليله عاد يا ودالعباسية اقدل وسكِّت الخشامه .
اللهم الطف بنا وابق على باب الريده غير منسد.
باكر بيعود القاش. |
ورد هذا التعليق في بوست الاستاذة نجلاء - او نجوى - العضو في سودانيز اونلاين بعنوان - اغاني واغاني للقدامى والمستجدين
خالص ودى
|
Post: #11
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 06:23 PM
Parent: #6
شيقوق يا حبيب الكل ... طبعا لازم تجمع هنا ، وأنا كنت واثق من حضورك
طالما البوست فى حضرة النيل الأزرق .. فمعناه بوست فى حضرة الفن والجمال .. وما أنت ببعيد عنهما ...
يلا جر بنبرك ...
وأطربنا
|
Post: #24
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-26-2009, 07:51 PM
Parent: #11
سافرد جانبا من هذا البوست عن مواقف شخصية وتجربة حقيقية عايشتها مع الاستاذ حسن فضل المولى
تؤكد أن هذا الرجل جدير بالنجاح الذى تحققه هذا القناة ...
|
Post: #7
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: سيف اليزل الماحي
Date: 08-24-2009, 02:31 PM
Parent: #5
.
سلامات ..
ماعندنا مشكلة في الشكر والتقدير ده
لكن بنسأل: القناة دي حقت منو؟؟
لانو الريحة ظاهرة ... ولو بقت كذلك أقنع منها!
سيف اليزل
.
|
Post: #12
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 06:31 PM
Parent: #7
سيف اليزل كل سنة وأنت بخير
Quote: لكن بنسأل: القناة دي حقت منو؟؟
لانو الريحة ظاهرة ... ولو بقت كذلك أقنع منها!
|
سيف أخوى ... خلينا فى المهم ... الإبداع ... الفن ... الجمال ...
وبعدين المشكلة شنو فى إنها حقت منو ... يا صديقى النيل الأزرق حسب معلوماتى المتواضعة شراكة بين حكومة السودان وشبكة راديو
وتلفزيون العرب
المهم إنها إبداع فى إبداع وكفى
|
Post: #18
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محمد الامين محمد
Date: 08-25-2009, 08:56 AM
Parent: #12
فوق
|
Post: #19
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-25-2009, 09:20 AM
Parent: #18
صديقى اللدود محمد الأمين محمد
رمضان كريم ... وربنا يتقبل
Quote: الديكور في النيل الازق يحتاج الي بعض الاجتهاد اضافة الي مساحات الاستديو ضيقة بعض الشي
زمن القتاة قليل جدا مقارنة يالقتوات الاخري بعض المذعين يتمادون في الحديث دون مرعاة زمن البرنامج وهذا لا يعطي الضيف مزيدا من البراح
االمذيع شيبة الحمد لة صوت اخباري جميل فلماذا لا يحول الي الا قسم الاخبار بدلا من المنوعات |
كلامك ده ربما يكون صح فى بعض الأحيان ، مع إعتقادى إنو قناة النيل الأزرق حتى الآن من أكثر القنوات السودانية إهتماما بديكور برامجها
ولكن قطعا هذا لايعنى تطلع كثير من المشاهدين إلى مزيد من التطوير...
شيبة الحمد لم يكن لى شرف لقاءه من قبل ، إستمعت له كثيرا .. فصوته أقرب للأداء الإخبارى ... لكن أن تكون للمذيع مقدرة تقديم
المنوعات والأخبار معا فهذا محمود حتى يكون ذو قدرة فى إدارة الحوار بصورة أجمل فى مستقبله المهنى ...
ولكن فى ذات الوقت التخصصية تمكن الفرد من التجويد أكثر فأكثر ...
|
Post: #10
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 06:18 PM
Parent: #4
صديقى بكرى الخير
كل سنة وانت طيب يا اخوى
| Quote: برقية لكل التيم العامل بقناة النيل الازرق: اليكم ترفع القبعات |
وبالمناسبة بحكم زمالة المهنة التى جمعتنى بمعظم شباب النيل الازرق
ففيها شباب ماشاء الله ، متعاونين ، تجمعهم أواصر المحبة بينهم وولائهم التام لشعار المحطة التى يعملون بها
|
Post: #8
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 06:14 PM
Parent: #3
هاشم محمد الحسن
| Quote: مما جعلها تتصدر القنوات السودانية فى المتابعة ولها تاثيرها الرائع |
وفعلا بالطريقة دى أعتقد إنها إحتلت الصدارة بين القنوات السودانية
محبتى
|
Post: #9
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: معاوية عوض الكريم
Date: 08-24-2009, 06:17 PM
Parent: #8
محى الدين
رمضان كريم ياخى
|
Post: #13
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 06:34 PM
Parent: #9
قريبى وصديقى معاوية
شكرا للتوقيع والحضور
|
Post: #14
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: MOHAMMED ELSHEIKH
Date: 08-24-2009, 07:10 PM
Parent: #13
[B]عزيزي بشهادتنا شهادتك سالمة و الف سالمة
لأننا عرفناك هنا وادركنا الفرق بين الأعلامي الذي يبحث عن التلميع و يستخدم معظم انواع سلالم التسلق حتى تلك المزودة بثعبان
و الأعلامي الباحث عن الحقيقة و النجاح من خلال التصاقه بأبناء جلدته!!
اتمنى ان لا تكون شهادتي في شهادتك مجروحة.
احي شباب النيل الأزرق..... واخص بالتحية الأذاعية الشابة العائدة (و الله العظيم نسيت اسمها(خرف مبكر) لكن هي ابنة استاذ الأجيال مبارك خاطر)
دا نيل ازرق تاني
|
Post: #15
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-24-2009, 07:46 PM
Parent: #14
ود الباوقة اللذيذ تفاحة محمد الشيخ ... رمضان كريم
شكرا على الكلام السمح ... والشهادة الكبيرة منك ...
النيل الأزرق خرجت من مدرستها شباب لهم بصمات لا خفى على أحد ...
تسابيح مبارك خاطر وغيرها من الشباب...
|
Post: #16
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: إبراهيم عبد الحليم
Date: 08-24-2009, 08:26 PM
Parent: #15
شهادة من أعلامى مقدرة
لقناة مقدرة رغم بعدى عن الوطن وعدم ألتقاطى لها هنا
رمضانك كريم أخى محى الدين
إبراهيم عبد الحليم
|
Post: #17
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: الطيب شيقوق
Date: 08-24-2009, 08:42 PM
Parent: #16
هو ات فاكر بنبري بجرهو بلا حطيب النيل الازرق؟
جيب حطيبك واسعلني من الغناء يا مسنوح
|
Post: #22
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-25-2009, 09:35 AM
Parent: #17
Quote: هو ات فاكر بنبري بجرهو بلا حطيب النيل الازرق؟
جيب حطيبك واسعلني من الغناء يا مسنوح |
هي حلييييييييييل أبوى
والله ياودشيقوق أنا صوطتا اليوتيوب دا صواطة عشان أنزل ليك أغنية طابق البوخة مالقيتا ...
دحين أخدلك قوقيلة كدى وحومة فى اليوتيوب وأبحتا لينا هنا ... خلنا نطرب معاك
|
Post: #20
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-25-2009, 09:27 AM
Parent: #16
زميلى وصديقى إبراهيم عبد الحليم
رمضان كريم ... وكيف أحوالك مع البلد البعيد داك ....
Quote: شهادة من أعلامى مقدرة
لقناة مقدرة رغم بعدى عن الوطن وعدم ألتقاطى لها هنا
|
عليك باليوتيوب ... وأكيد مريت على رصيد النيل الأزرق فيهو
|
Post: #21
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: خالد علي محجوب المنسي
Date: 08-25-2009, 09:34 AM
Parent: #20
أول البرنامج شنو ؟
والساعة كم ؟
وفي أي قناة ؟
بعدين انت ما عاوز تتصل
بكرة بجي أفطر معاك
|
Post: #23
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-25-2009, 09:43 AM
Parent: #21
ودالمنسى ياعمك ... ياخ شنو ... جننتنا زاتو ... وإنت وين هسع ... معانا هنا ولا مع التانين ..
وبعدين رسلت ليك فى الإنجمامة بتاعتك قلت ليك أجدعنى بتلفونك لانو رقمك المعاى مابيرد ...
وهسع ده تلفونى 00249912209577 كلمنا ونحن نجيك طوالى لو كنت فى السودان ... لكن انا عندى إحساس إنك سافرت من دبى للمجر
وبعدين
Quote: أول البرنامج شنو ؟
|
أنا بتكلم عن مستوى أداء القناة عامة ... مع إنو شهادتى فى حقهم مجروحة ... فهم أكبر من أن يقيم أداءهم من فى مقامى المتواضع ..
محبتى الأكيدة والشديدة
|
Post: #25
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: طلحة عبدالله
Date: 08-26-2009, 08:22 PM
Parent: #23
محي الدين الهلالابي
رمضان كريم يا زول
اها انا واحد من الناس ما عارف والله ما ثقل شهادتك سواء كانت مجروحة او برئية في حسن
وناس النيل الأرزق لكن ياخ ان شاء الله اشوفك عما قريب احد افراد اسرتهم..
انا بتمني ليك الخير ياخ .
|
Post: #26
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: محي الدين جبريل
Date: 08-26-2009, 10:33 PM
Parent: #25
طلحة المريخابى ... رمضان كريم ياصديقى القديم ...
Quote: محي الدين الهلالابي
|
آمييييييييييييييييييييين يارب العالمين
Quote: اها انا واحد من الناس ما عارف والله ما ثقل شهادتك سواء كانت مجروحة او برئية في حسن
وناس النيل الأرزق |
والله ياطلحة أخوى مافهمت كلامك ده بالضبط كده
لكن إنت عارف ياطلحة .. بتدينى إحساس إنو إنت ماطلحة زولنا الزماااان داك ... لو بتتذكر .. جلسنا فى صالة تحرير واحدة ، كنا بنتغدا
سوا وكنا وكنا وكنا وكنا أخوان فى المهنة ... نحن فى يوم من الأيام كنا قريبين من بعض
وعليك الله لو ما إتذكرتنى أو نسيت الايام ماتحرجنى قدام ضيوف البوست .... سمح؟
لكن صدقنى أنا ... والله أحسن اسكت .. واعذرنى على كلامى ده لو فيهو عتاب ... لانو اللامك دارك ......
عموما تلك الأيام أنا لم ولن أنساها رغم إنقطاعى عن الحوش لأكثر من عام ....
والله أنا زول بحس بأيى زول زاملتوا فى الحيشان وكأنو أخوى ود أمى وابوى ... بفرح بلقاءه وبحزن عند غيابه وبعاتبوا لو جافانى ...
محي الدين جبريل
مذيع النشرة الإقتصادية بالتلزيون وكت كنت شغال إنت فيهو ... وصاحب ياسر مختار زميلك داك
التعديل لأخطاء طباعية
|
Post: #27
Title: Re: حسن فضل المولى وأسرة النيل الازرق ... شهادتى فيكم مجروحة ..
Author: طلحة عبدالله
Date: 08-26-2009, 10:59 PM
Parent: #26
دا شنو دا يا محيو ياخ
علي وعليك طلاق تلاتة شدة ما بتذكرك وبذكرك كانك جمبي هسع محل ما قاعد
انت ذاتك محي الدين الزعيل الحساس الكنت قاعد اقوليك تعال اقرا لي
التقرير دا وما حصل رفضت لكن لما جاء يوم وجيت لقيتك قاعد في جهازي
بالصالة وقلت ليك عن اذنك خمس دقايق بس احرر النشرة واقوم ليك قمت
وموش ما جيت تاني جمب جهازي بس بل انك بقيت ما بتمش معانا الكافتيريا
انا والوغد اسامة والسمين محمد فضل الله وبقية شلة الأوغاد .
اها من اليوم داك عرفتك زول ابو الدقيق * وبقيت اشاغلك بالحركات دي
وانت تدخل النار وتطلع في حين يبلبط كل من اسامةالوغد ومحمد السمين بالضحك .
وهسع هنا في البورد دا قاعد استعيد في ايامي الخوالي معاك والضحك شارطني
يا محي الدين والله انتوا الواحد لو عايز يطلعكم من راسو الا كان اقلع الراس
يختوا في تربيزة ويجيب ليهو شفاطة عشان يشفط منو أحلي وامتع الذكريات .
لك الود ايها الوغد الكبير ولكل الاوغاد هناك .
__________
* ابو الدقيق تقال للزول البزعل سريع .
|
|