Post: #1
Title: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!!
Author: humida
Date: 08-22-2009, 11:56 AM
من حوالي اسبوعين يجاهد الاخوان ( مامان و صحبه ) .. للوصول الي حل قانوني مع مكتبة جرير لرد اعتبار الشعب السوداني ..
مكتبة جرير مكتبة سعودية .. قد يكون اصحابها من الذين ( يا دوب يفكون الخط ) .. فلا رقيب و لا حسيب علي مثل هذه المؤسسات .. و اغلب العاملين بها ( عمالة شرق اسيوية ) لا يتكلمون حتي اللغة العربية ( اردو - بشتون - لغة الطير - حركات باليد ) ..
و تقوم بترجمة الكتب الامريكية و الاوربية .. كعناوين وواجهة للمكتبة .. وانها مكتبة راقية و تقدمية و حداثية .. و الموضة الآن في السعودية انه كل ما اقتربت من الحياة الغربية انت مودن و هاي و تجنن ..
و بهذه الطريقة .. باعت مكتبة جرير قلم الرصاص الذي سعره ريال .. بخمسة او ستة ريالات .. بما انها مكتبة مودرن و ممكن تقابل فيها بنات فاتحة وشها .. و في بعض فروعها مقاهي ستاربكس .. عشان الحكاية تكون مودرن آآآآوي ..
اغلب المترجمين و المصححين اللغوييين و حتي الادارة من المصريين .. و المصري في هذه البلاد لازم يعمل فيها ارقوز و يحاول يضحك السعودي بأي شكل .. حتي لو جات في الشعب السوداني .. دووول طيبين آآآآآوي ..
لا استبعد ان يكون المترجم مصري .. و ينتهي الامر بخصم شهر او شهرين .. او حتي بانهاء عقد المترجم .. و تعود المكتبة لسالف عهدها .. القلم بـ10 ريال .. و البراية بـ5 ريال .. و الحسابة بتحسب ..
..
..
في الشأن الرياضي ..
و في الكورة بالتحديد يحفظ لنا بعض السعوديين بعض الانجازات في الكورة السعودية .. و مشاركة الشعب السعودي نفس العشق .. رغم اننا محل استهزاء كبير جدا بسبب المستوى الكروي المتدني .. و علو كعب الفرق السعودية في المنطقة في الفترة الاخيرة بسبب دعم الحكومة لها ..
و لكن رغم المنشات الحديثة و المدربين الاجانب و محاولة الاتحاد السعودي الارتقاء باللعبة .. ألا أن ثقافة الجمهور السعودي .. محلك سر ..
قبل اسابيع .. حدثت اشكالية بين الاتحاد السعودي ممثلا لفريق الشباب السعودي ( الدوري الممتاز ) .. و بين الاتحاد السوداني لكرة القدم ممثلا في ( شداد ) .. و وصل للامر الي الفيفا .. و الامر كله لا يعدو صراع حول قوانيين كرة القدم .. و موقف شداد المتشدد حيال تسجيل اللاعب الليبي طارق التايب في فريق هلال الساحل .. و عدم رضى شداد ان يكون الاتحاد السوداني جسر عبور و طريقة للإلتفاف حول القانون ..
موقف شداد ضد فريق الشباب السعودي .. و رغم احتكام السعوديين للفيفا .. ألا انه جلب الشتائم و الاهانات للشعب السوداني .. ( الرياضي و الما رياضي ) .. بعقلية كيف السودانيين يقولوا لا .. و بأسلوب عنصري مقزز ( حسب العقلية العربية البدوية ) .. من فريق 90% من مشجعيه من ذوي البشرة السمراء .. ( فريق الشباب من اقل الاندية السعودية جماهيرية ) ..
الحمد لله انتهي الامر بواسطة الفيفا .. و اجبار شداد علي ارسال بطاقة اللاعب الدولية الي الاتحاد السعودي .. و اظن انه كتب علي حاشية الخطاب ( يا شداد بطل الحركات القرعة بتاعتك دي جبت لروحك الاساءة ) ..
..
..
معليش .. رمضان كريم ..
|
Post: #2
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: حيدر حسن ميرغني
Date: 08-22-2009, 12:11 PM
Parent: #1
والله ياحميدة شداد ده جاب لينا القطايع عديييل
ياخي زول اتوهَض في مجال الرياضة دي قبل ما السعوديين يلبسوا العقال زاتو
يجي اليوم يتهزأ ويهزئ بينا بكل سهولة
لا عذر له ابدا
|
Post: #3
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: humida
Date: 08-22-2009, 01:02 PM
Parent: #2
حيدر ..
سواء الامر كان بيد شداد .. و لا بيد مكتبة جرير ..
الحكاية دي بتوصلنا لنتيجة انه نحن اصبحنا ملطشة .. و من شعوب لا تماثلنا ( كما قال طيب الذكر سيف الدين الدسوقي ) ..
الاغتراب في السعودية .. علمنا حاجات كتيرة .. و الاحتكاك بشعوب الارض خلانا نميز بصورة واضحة الطيب و الخبيث ..
اكثر الناس ضررا علي الشعب السوداني في المهجر .. هم المصريين .. و هم من بدء النكات علي السودانيين و الاستهزاء بهم ..
مقولة ( السوداني كسلان ) .. اطلقها المصريين عندما راجت مقولة ( السودان سلة غذاء العالم ) .. و اتجاه الاستثمارات الخليجية نحو السودان ..
اضافة الي تشابه المهن التي يتنافس عليها السودانيين و المصريين في دول الخليج .. ( معلمين - اطباء - اداريين - محاسبين ) ..
|
Post: #4
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: HAIDER ALZAIN
Date: 08-22-2009, 10:35 PM
Parent: #3
OVER مع بقية بوستات هذه المهازل المتلاحانا من الاعراب ..
حميدة رمضان كريم يا حبيب
|
Post: #5
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: بشير حسـن بشـير
Date: 08-22-2009, 10:54 PM
Parent: #4
حميده ، وزواره الكرام
رمضان كريم أولا
طولوا بالكم يا شباب ، اليوم أول أيام رمضان ، وياما تشوفوا
ضحك وإستهزاء من الما بدو حتى الآن ديل .
طاش ما طاش
البرامج المصريه على شوتايم ، وأوربيت
وبرامج الفيل الكويتى ، الهندى داوؤد حسين
برامج الأطفال الكرتونيه على أبو ظبى وغيرها
برامج ، ومسلسلات ، وأفلام ، كلها تسعى للنيل من
الشعب السودانى وبشتى الطرق ، المهم هو إضحاك
العربى الأهبل علينا نحن السودانيين
حسبنا الله ونعم الوكيل ،
حاجه تجيب الضغط للما عنده ، والعنده الله يستر عليه
من الموت بالسكته القلبيه .
أنا شخصيا قاطعت الفضائيات منذ اليوم الأول ، مسلسلات
وأفلام بس . وإنشاء الله ما ألقى لى حجر مدسوس فى نصها
أصله المثل بيقول ( الشقى يلقى الحجر فى المراره )
فقعوا مرارتنا ، الله يفقع مرارتهم.
.
.
.
|
Post: #7
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: نورالدين الفحل
Date: 08-23-2009, 12:39 PM
Parent: #6
حميدة المسألة اصبحت لاتحتمل وكأن الامر مرتب ومعد لة بطريقة منظمة
وقد ساهم كثير من السودانين فى نهضة ونشأة هذة البلاد قبل المصرين
من المهم جدا الرد عليهم والتندر بسقطاتهم هنا وهناك بمثل مايصفونا
فلنبدأ بكتابات واسكتشات تعرى واقعهم الهش وتهدد عرشهم الهلامى.
|
Post: #8
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: وليد محمد المبارك
Date: 08-23-2009, 12:43 PM
Parent: #7
انت شوفتوا حاجة
لو كنت بتعرف لغة بويفية كان سمعت نفس الكلام في قضية كوارزما
ولو بتعرف لغة الهوسا بتلقى نفس الكلام في نجيريا
فضحتونا
|
Post: #9
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: مريم بنت الحسين
Date: 08-23-2009, 03:10 PM
Parent: #8
حسب ما فهمته من نادر.. تسجيل اللاعب في هلال الساحل هدفه الإلتفاف حول القانون فعلا... واعتقد انه شداد بستحق اننا نقيف معاه لو ده هو الحال... لو فاهمه غلط، فهموني
بنت الحسين
|
Post: #10
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: مزمل خيرى
Date: 08-23-2009, 03:20 PM
Parent: #9
بلا شداد بلا وجع قلب .!!
عليك الله شداد شنو مع العطش دا .!!
حميدة رمضان كريم وتصوم وتفطر على خير ..
|
Post: #11
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: mayada kamal
Date: 08-23-2009, 03:25 PM
Parent: #9
مصريين شنو كمان.......
ديل اسع بقوا شغالين في محلات بيع الفراخ المشوي والبيض عندنا في السودان
تعالوا شوفوا الخرطوم اللاماب ملانه مصريين بيبعوا حاجات حاملنها على كتوفهم
يا بياعين في محلات الفراخ المشوي والبيض
نحمد الله السودان بقى بجذبهم كعمالة وافدة
|
Post: #12
Title: Re: بعد كتاب جرير .. مسلسل اهانة السودانيين يتواصل في منتديات فريق الشباب السعودي بسبب شداد ..!
Author: د.محمد حسن
Date: 08-23-2009, 03:33 PM
Parent: #11
| Quote: نحمد الله السودان بقى بجذبهم كعمالة وافدة |
ويجذب معاه اخطر انواع التهاب الكبد الوبائي ( بورتسودان تعد مدينة موبوءة بالتهاب الكبد الوبائي نتيجة لاحتلالها بالعمالة المصرية )
حميدة رمضان كريم
ميادة رمضان كريم
|
|