Post: #1
Title: بكا قديم و متجدد..
Author: Siham Elmugammar
Date: 08-20-2009, 10:16 AM
هى الدنيا يا صديقة. لا قوة لنا بها. ليت الامر كان باليد يا حبيبة يا جميلة.
لكنها الحياة الرهاب . الحياة التى تشبة لفتة الجيد. الحياة الثانية يا حبيبة
هى الحياة التى لا نملك معها مصائرنا ... من منا لايريد طولة العمر يعيش ويشوف
جنياته بكبرو قدام عينو... الخوف يتأكلنى اخاف ان اصير الى ما صرتى اليه
اخاف غيم الدنيا يرحل بى قبل الحق يا عزيزة
اخاف ان يصير حال ابنائى كحال من تركتيهم خلفك يتخطفهم الالم والشتات
انا حزينة عليك و عليهم . مكبلة انا يا جميلة . او كما اذكرك
احاول ان ابعد ما أل اليه حالك فى تلك الحفرة المافى زول بدورها كقول عمى مصطفى
يا عم انت جرستك دى كلها خوف من الموت !!!! نان يا بتى حفرة السجم دى البدورها منو
لك الله فيها يا عزيزة فانه رحيم غفور كريم يكرم مثواك و يعوض شبابك الحنة
وارجوه و اتوسل اليه و اطمع فى كرمه ان يتولى امر الصغار الذين تششتو ايدى سبأ
الله الله الله
يا ليتنى لم أمر عليهم اليوم لاطمئن و اتقصى اخبارهم
اهلنا قالو يا حبيبة:
قالو ليهو ابوك مات
قال نعمة وزالت
قالو ليهو امك ماتت
قال هملة و طالت
فانت كنتى لهم و كنتى بهم أذكرك فى اخر لقاء بيننا وانتى تسريننى ما يضج براحتك
قلت ليك انتى مسافرة ليه هسه؟
قلت لى اولادى قلبهم طاير و مشتاقين لى و انا عاوزة افسحهم اقضى معاهم وقت
واعوضهم على ايام المرض التى تسربت
لم ادرى ساعتها انه الوداع لنا جميع
ويح قلبى (كما يقول العرب)
بأى دموع ابكيك هذه المرة
بأى دموع احكى و اضوق المر على ما آل اليه الحال
بعضا منهم فى ايد امينه يا حبيبة
ولكن يؤلمنى و ان اراهم قد تفرقو
كل اتنين فى حتة
ما المصير؟؟؟؟
بل ما هو المصير نفسه!!!
المصير يتشيىء يا بت أمى
|
Post: #2
Title: Re: بكا قديم و متجدد..
Author: عبدالكريم الامين احمد
Date: 08-20-2009, 10:57 AM
Parent: #1
| Quote: بل ما هو المصير نفسه!!! |
هلا بيير
حباب وحبابك التاملات العميقة علي ماهية الحياة الدنيا ومصائرناوالمصير..
وده جدل يا سهام فلسفي وعميق وفيه وصول الي اجابات مهمة واساسية في هذه الدنيا العجيبة..
اهلنا بقولو الدنيا بتلدا بدون درة
اي انها بتلد الاحداث دون سابق انذار
|
Post: #3
Title: Re: بكا قديم و متجدد..
Author: Siham Elmugammar
Date: 08-20-2009, 03:25 PM
Parent: #2
سلام يا كيكى
بأيدى وشديدى
شلت كرعينى طبظت بيهم قلبى؟؟؟؟
| Quote: وده جدل يا سهام فلسفي وعميق وفيه وصول الي اجابات مهمة واساسية في هذه الدنيا العجيبة.. |
يا بيير تلك هى المفارقة و القنص المن غير صقور
يأتيك من حيث لا تحتسب وانت غارق فى الفلسفة والتنظير !!!!!
|
Post: #4
Title: Re: بكا قديم و متجدد..
Author: عبدالكريم الامين احمد
Date: 08-24-2009, 08:10 PM
Parent: #3
Quote: يا بيير تلك هى المفارقة و القنص المن غير صقور
يأتيك من حيث لا تحتسب وانت غارق فى الفلسفة والتنظير !!!!! |
هلا يا بيير
ووين ياخي البوست ده انا لقيتو هناااك في القضارف..
فلنجلعه مساحة للتجوال في مدارات وكراكير هذه الحياة الدهشة
والتي تكمن اجمل لحظاتها في التامل فيها...
ويلا المايك معاك وسنعود
|
Post: #5
Title: Re: بكا قديم و متجدد..
Author: ibrahim kojan
Date: 08-24-2009, 10:00 PM
Parent: #4
يا سيدي الحسن منك ياخ....
|
|