Post: #1
Title: نصيــــــحة : الناوي عمرة رمضان ما يجــي
Author: معتصم ود الجمام
Date: 08-18-2009, 10:32 PM
من المدينة المنورة
الى الجميع اي زول ناوي عمرة رمضان في هذا العام
خلوهـــا لرمضانات جايات والكلام علي انا ...
واخص بذلك الاخوان معتصم محمد صالح والمسلمي
والله يسلم الجميع ...
|
Post: #2
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-18-2009, 10:50 PM
Parent: #1
للاهمية ... فوق
سامي الجابر لاعب الهلال السعودي السابق
اصيب بانفلونزا الاتش 1 ان 1 بالواضح الخنازييييير
وبريه مني خنازير بوتو .....
|
Post: #3
Title: Re: نصيــــــحة : الناوي عمرة رمضان ما يجــي
Author: حمد فتح الرحمن
Date: 08-18-2009, 11:20 PM
Parent: #2
ربنا يشفي سامي و جميع المرضى
انتا المقعدك لى اسه شنو ؟
|
Post: #4
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-18-2009, 11:40 PM
Parent: #3
حمد يا جميل قاعد بكمام وقلبي في يدي
وبعد كم يوم مشتت السودان شهر ونص تاكل جمب امي في الحاج يوسف
|
Post: #5
Title: Re: نصيــــــحة : الناوي عمرة رمضان ما يجــي
Author: وجن
Date: 08-19-2009, 00:00 AM
Parent: #4
والله طيَّرت قلبي
أها الزول المضطر يعمل شنو
والبحتك مع المعتمرين يومياً مافي ليو وقاية
عليك الله طمنِّي
|
Post: #6
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-19-2009, 00:19 AM
Parent: #5
العزيزة وجن
ليه انت ساكنه في مكه ولا المدينة المنورة ولا شنو ..
عليك بالكمام ومواد التعقيم اليدوية وربك يسلم
والسلام بطرف الاصابع
|
Post: #7
Title: Re: نصيــــــحة : الناوي عمرة رمضان ما يجــي
Author: محمد الطيب يوسف
Date: 08-19-2009, 01:08 AM
Parent: #6
ود الجمام الموضوع ما بالضخامة دي
انا قاعد في مكة محل العمرة زاتا وتفشي المرض ماوصل للصورة المخيفة دي
والناس عايشة حياتها عادي
ماتحرم الناس من العمرة ساكت
ودي واحترامي
|
Post: #8
Title: Re: نصيــــــحة : الناوي عمرة رمضان ما يجــي
Author: وجن
Date: 08-19-2009, 01:33 AM
Parent: #6
لو علي أنا هينة
أهلي
وناسي
وأبوي
أبوي
ياود الجمام
شغلو
في نص المعمعة دي في مكة
وما بعاين لروحو
شغلو وبس
ونفسو
آخر همو
|
Post: #9
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-19-2009, 09:45 AM
Parent: #8
الاخ محمد
الحالات في تزايد وهناك قلق من جهات رسمية
والمطالبة من المعتمرين ارتداء الكمامات
هناك جمعيات طبيه خيرية تقوم بتوزيع الكمامات مع
معقمات لليدين مجانا في المنطقة المحيطه بالمسجد النبوي
العزيزة وجن
انا لا اقصد اثارة القلق لديك فقط الاحتياط واجب
|
Post: #10
Title: Re: نصيــــــحة : الناوي عمرة رمضان ما يجــي
Author: محمد إبراهيم علي
Date: 08-19-2009, 10:43 AM
Parent: #9
معتصم
ربنا يحفظ الحجاج والمعتمرين بس المرض ده خطير على اصحاب الامراض المزمنة والاطفال و النساء الحوامل الباقين ممكن يتعالجو منو وعلى فكرة الكمامة البتباع في السوق دي ما بتمنع منك العدوي دي اكتر حاجة بتعملها انو لوانت حامل للفيروس وعطست بتمنع الفيروس يتنقل منك لواحد تاني الكمامات اللي ممكن تمنع منك العدوي شكلها زي بتاعة ناس الحرب الكيماوية ديك
وربنا يحفظكم في المدينة ومكة وكل مكان
|
Post: #11
Title: Re: نصيــــــحة : الناوي عمرة رمضان ما يجــي
Author: Mahassin Ibrahim
Date: 08-19-2009, 11:00 AM
Parent: #10
معتصم : ليك كل الخير في هذه المعلومه المفيده.
حقيقي يا معتصم توجد كميه من الترددات هنا من المعتمرين علي وجه الخصوص. لان العمره بها تجمع من الناس يفوق الوصف والاختلاط القادم من مختلف البقاع بيكون بشكل خرافي .
انا أفتكر العاقل يكون حريص علي نفسه وياجل المساله لحين أخر. وربنا ما أمر بالهلاك.
لك تشكراتنا وتقديرنا.
وربنا يجيبك بالسلامه لاهلك . وقلبي مع الاهل والاصدقاء والمعارف المقيمين بالاماكن المقدسه.
|
Post: #12
Title: Re: نصيــــــحة : الناوي عمرة رمضان ما يجــي
Author: السمؤال بدرالدين
Date: 08-19-2009, 11:04 AM
Parent: #10
معتصم
سلامات
انا غايتو سلمت جوازي للحج
وتب ما بتراجع
وما ادارك انو الانفلونزا منذ زمن موجودة عندنا هنا زااااتو
|
Post: #13
Title: Re: نصيــــــحة : الناوي عمرة رمضان ما يجــي
Author: عمار محمد ادم
Date: 08-19-2009, 12:05 PM
Parent: #12
شيوعى و...............
|
Post: #14
Title: Re: نصيــــــحة : الناوي عمرة رمضان ما يجــي
Author: عمر الفاروق
Date: 08-19-2009, 12:12 PM
Parent: #13
في إشاعة إنو تتأجل مباراة النصر والحزم الليلة لأنو في خمسة من لاعبين الحزم اصيبوا بي العدوى والله اعلم ..
وربنا يشفي المرضى ويجنبنا واياكم ..
|
Post: #15
Title: Re: نصيــــــحة : الناوي عمرة رمضان ما يجــي
Author: Adam Mousa
Date: 08-19-2009, 12:21 PM
Parent: #14
شيوعى ومجاور أخير من كوز ومتعاور
|
Post: #16
Title: Re: نصيــــــحة : الناوي عمرة رمضان ما يجــي
Author: محمد عبد الماجد الصايم
Date: 08-19-2009, 12:29 PM
Parent: #15
| Quote: شيوعى ومجاور أخير من كوز ومتعاور |
|
Post: #17
Title: Re: نصيــــــحة : الناوي عمرة رمضان ما يجــي
Author: صلاح الدين ابراهيم الفضل
Date: 08-19-2009, 01:01 PM
Parent: #16
انت يا محمد غبدالماجد بس اقعد لى للضحك ... لكن ضحكتك عينة .. ربنا يخليك
|
Post: #18
Title: Re: نصيــــــحة : الناوي عمرة رمضان ما يجــي
Author: نصر الدين عثمان
Date: 08-19-2009, 01:16 PM
Parent: #17
رمضان كريم
Quote: في إشاعة إنو تتأجل مباراة النصر والحزم الليلة لأنو في خمسة من لاعبين الحزم اصيبوا بي العدوى والله اعلم ..
وربنا يشفي المرضى ويجنبنا واياكم .. |
|
Post: #20
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-19-2009, 01:43 PM
Parent: #18
شكرا لكم جميعا ( وشكر خاص لعمار محمد ادم )
في العادة يكون الحرم النبوي مزدحم بالمعتمرين في مثل هذه الايام
والمدينة في حالة من الحركة ولكن الشاهد ان عدد المعتمريين حتى الان قليل جدا
حتى الان هناك اعداد قليلة من المصريين ..
|
Post: #19
Title: Re: نصيــــــحة : الناوي عمرة رمضان ما يجــي
Author: عبدالله كع
Date: 08-19-2009, 01:37 PM
Parent: #16
يا خي البضحك شنو ........ !!!
| Quote: شيوعى ومجاور أخير من كوز ومتعاور |
ــــــــــــــــــــــ
شكرا يا جمام .. انا ناوي .. كان ادخل راسي في جردل جاي جاي
|
Post: #21
Title: Re: نصيــــــحة : الناوي عمرة رمضان ما يجــي
Author: سيف اليزل الماحي
Date: 08-19-2009, 01:53 PM
Parent: #19
.
ياجمام .. سلامات .. سلامات
الوالد جاي "زيارة" منتصف رمضان، لازم يلبس كمامات برضو؟
ربنا يحفظ الجميع
سيف اليزل
.
|
Post: #22
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-19-2009, 01:55 PM
Parent: #19
مرحب بيك عبد الله وبكل المعتمريين الناويين
تعال بس ورينا جاي متين انا موجود بالمدينة حتى تاريخ 25 رمضان
بعدها ساغادر الى السودان
|
Post: #23
Title: Re: نصيــــــحة : الناوي عمرة رمضان ما يجــي
Author: Adam Mousa
Date: 08-19-2009, 02:38 PM
Parent: #22
| Quote: كان ادخل راسي في جردل جاي جاي |
غايتو أكان دخلت رأسك فى جرل:
يلمو فيك (المطوعين) ويقولو لاتجوز عمرة فاقد العقل..وتبقى عليك اتنين انفلوزا وجن..
|
Post: #24
Title: Re: نصيــــــحة : الناوي عمرة رمضان ما يجــي
Author: jini
Date: 08-19-2009, 04:24 PM
Parent: #23
تعرف يا ود الجمام
اخونا عمار دا فلاحتو فيك ايران السنة دى لاحج لا عمرة ووقفت الرحلات الجوية وتونس ايضا والايران حيجوا فى النجف خلى عمار يفتح خشمو!
اى واحد حج او عمر قبل كدة مفروض يمتنع لان الرسول صلعم حج مرة واحدة وهذا سيقلل الازدحام وكذلك الاطفال الصغار وكبار السن مفروض ما يجوا !
وانا اقترح الزام كل الشيوخ والمفتيين وعلماء السودان ومن لف لهم وكل اهل الاسلام السياسي انصار واخوان وطالبان وتلميذان ومدرسان بان يتم الزامهم بالاعتمار والحج عشان البيان بالعمل والتجربة خير برهان يا الله فكاهم مننا يا فكان منهم !
جنى
|
Post: #25
Title: Re: نصيــــــحة : الناوي عمرة رمضان ما يجــي
Author: بشير حسـن بشـير
Date: 08-19-2009, 04:34 PM
Parent: #24
.
.
الأخ معتصم ، وزوار البوست الكرام ،،،،،،،، تحياتى
أنا أقيم فى جده ، وحقيقه موضوع هذه الأنفلونزا لم
تشغل بالى من قبل كثيرا ، وأمس كنت فى مدينة مكه
المكرمه حتى الساعات الأولى من هذا اليوم ، وجمعتنى
مناسبه بنفر كريم من ناس مكه ، ودار أغلب الحديث
عن أنفلونزا الخنازير ، وعلمت منهم أنه الموسم الحالى
للعمره والحج معا سيكون مضروبا ، والوباء بدأ ينتشر
بشكل واضح هذا على حسب قول هؤلاء الأخوه ، حقيقه إنزعجت
جدا جدا من المستوى الذى وصل إليه الوباء هنا فى السعوديه
وخاصه فى مدينة مكه المكرمه ، وكان فيهم صيدلى ذكر أنه
العقار الذى أكتشف فى سويسرا لا زال فى طور التجارب
وإذا أثبت فعاليته سيتم تصنيعه بعد ذلك ، يعنى الحكايه
عايزه ليها أقل حاجه 6 أشهر وربنا يلطف
أيضا فيما يخص الخسائر الماديه فى مكه المكرمه فقط
علمت أنه الخسائر ستكون فى حدود ال 7 مليار ريال
بالنسبه للسكن وهذا لموسمى العمره والحج الذين إتضح
فشلهم ووضح للناس هنا تماما
ربنا يلطف بالعباد ويحفظهم .........
.
..
|
Post: #26
Title: Re: نصيــــــحة : الناوي عمرة رمضان ما يجــي
Author: كمال ادريس
Date: 08-19-2009, 05:45 PM
Parent: #23
السلطات السعودية قامت بتوفير طبيب في كل الفنادق الكبيرة على ان يقدم خدماته لفنادق المنطقة الحيطة به كاجراء احترازي... اضافة الى أن السعودية حشدت امكانيات ضخمة لاخراج موسم بدون اصابات ... في ظل تواتر انباء انتشار المرض ومنع 22 دولة عربية لمعتمريها من النساء الحوامل وكبار السن والاطفال من موسم العمرة.
|
Post: #27
Title: Re: نصيــــــحة : الناوي عمرة رمضان ما يجــي
Author: الرفاعي عبدالعاطي حجر
Date: 08-19-2009, 06:25 PM
Parent: #26
نصيحة من زول بيحب الناس
.........................حجر.
|
Post: #28
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-19-2009, 06:51 PM
Parent: #27
شكرا للجميع ,,,
حديث غير مؤكد هناك اتجاه لايقاف استقبال افواج جديدة من المعتمرين
تونس ,,,, الغاء عمرة رمضان لهذا العام
http://www.newstin.ae/tag/ar/136193180
|
Post: #29
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-20-2009, 00:41 AM
Parent: #28
الايام القادمات
ربما سيقال كلام اكبر من كلامي هذا حول هذا الموضوع
ونتظر ونحذر ...
|
Post: #30
Title: Re: نصيــــــحة : الناوي عمرة رمضان ما يجــي
Author: saif massad ali
Date: 08-20-2009, 03:58 AM
Parent: #29
ود الجمام
نحية وشوق
يازول انت كمان ما تجي السودان اقعد قبلك
ماتجيب للناس هوا معاك
|
Post: #31
Title: Re: نصيــــــحة : الناوي عمرة رمضان ما يجــي
Author: الكباشى البكرى
Date: 08-20-2009, 04:43 AM
Parent: #30
| Quote: نصيــــــحة : الناوي عمرة رمضان ما يجــي |
طوالي مايجي والله كلامك دا العلماء ومجالس الافتاء
عملو جلسات وجلسات ماقدرو يطلعو بالصيغه دي.
|
Post: #32
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-20-2009, 09:42 AM
Parent: #31
الكباشي سلام
يا ابوي هي نصيحة يعني فيك تاخد بيها او تتركا
ناس الفتاوي ممكن يمنعوا ...
سيف تحايا وود يا زول
نحنا جايين شوق للاهل ما جارين من القصة دي
|
Post: #33
Title: Re: نصيــــــحة : الناوي عمرة رمضان ما يجــي
Author: Adam Mousa
Date: 08-20-2009, 11:52 PM
Parent: #26
@@
|
Post: #34
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-21-2009, 01:18 AM
Parent: #33
ادم موسى والله اشكرك شكر السنين
|
Post: #35
Title: Re: نصيــــــحة : الناوي عمرة رمضان ما يجــي
Author: sourketti
Date: 08-21-2009, 01:10 PM
Parent: #34
الأخ ود الجمام ...
وجدت انفلونزا الخنازير السمعه السيئة دون غيرها بسبب الوفيات التى وقعت بين المصابين عام 1918 (50 مليون حالة وفاة من 500 مليون مصاب بالمرض) وعدم دقة الفحوصات المخبريه السريعه والخاصه بكشف المرض PCR وأن المصل الذى يقى ضد المرض له من المضاعفات مالا يشجع على تعاطيه مثل الشلل وغيره والعقار الذى يتم تناوله فى حالة الاصابه ليس مخصصاً لفيروس إنفلونزا الخنازير بل للانفلونزات بصفه عامه والكمامة المعنيه بالوقايه ليست هى الكمامة التى تباع بواسطة الباعه المتجولين بل هى كمامات N-95...وهى كمامات سميكه من عدة طبقات ...
بصفة عامه الانفلونزا المعنيه لا تفرق كثيراً عن الانفلونزات الاخرى والتى تتسبب أيضاً فى وفيات وسط المصابين من كبار السن وضعيفى المناعة لسبب أو آخر ...
ظروف الازدحام فى مساكن مغلقه بسبب حرارة الجو ثم الخروج من جو المكيفات البارد للساخن بالخارج (Chilling) من أهم الاسباب التى تساعد على تفاقم المشكلة ...
الضغط النفسى المصاحب للاصابة بالانفلونزات (غير الخنازير) هذه الايام يقلل من مناعة المصاب مما يساعد على تفاقم المشكله ...
الانفلونزات الآسيويه وسط الحجاج والمعتمرين والمعروفة فى كل عام لاتقل فى مضاعفاتها عن انفلونزا الخنازير ...
ماء زمزم لما شُرب له ...
|
Post: #36
Title: Re: نصيــــــحة : الناوي عمرة رمضان ما يجــي
Author: معتصم ود الجمام
Date: 08-21-2009, 01:23 PM
Parent: #35
شكرا سوركتي علي المعلومات
ونتمنى سلامة الجميع
|
|