واااااااااااااااي رمضان جانا ...!!!!!!!!!!!

اعلن د. شداد قبل كم يوم كده ان اول يوم من شهر رمضان المبارك حايكون يوم الجمعه الموافق 21 في شهر اغسطس الجاري ...

الراجل دا قال الكلام دا من هنا ويلا هوووووووووب يا اسعار المواد الغذائيع طيييييري السما ....ّّّّ!!!!!


شوال السكر 140 الف جنيه

جركانه زيت الكريستال الكبيره 30 الف جنيه

كيلو الطماطم 6 الف ( فيهو خمسه طماطمايات) يعني الطماطمايه باكتر من الف جنيه

شوال البصل ( .....) ( حجب السعر حفاظا على قلوبكم من السكتات لا سمح الله ..!!)

يا اخوانا الخلعه اللي لمت في الناس شنو ..؟؟؟؟

والادهى وامر انو مافي زول معترض ...

الناس دي بتشتري في امانه الله ...!!!!!!!!

في شنووووووو؟؟؟؟؟؟

داليا سلامات

Quote: اعلن د. شداد قبل كم يوم كده ان اول يوم من شهر رمضان المبارك حايكون يوم الجمعه الموافق 21 في شهر اغسطس الجاري ... الراجل دا قال الكلام دا من هنا ويلا هوووووووووب يا اسعار المواد الغذائيع طيييييري السما ....ّّّّ!!!!! شوال السكر 140 الف جنيه جركانه زيت الكريستال الكبيره 30 الف جنيه كيلو الطماطم 6 الف ( فيهو خمسه طماطمايات) يعني الطماطمايه باكتر من الف جنيه شوال البصل ( .....) ( حجب السعر حفاظا على قلوبكم من السكتات لا سمح الله ..!!) يا اخوانا الخلعه اللي لمت في الناس شنو ..؟؟؟؟

دبل واي مش واي واحدة!!

رمضان بجي بمجرد ماينتهي الفات والمستفيدين منو الطفيلية في زمن المشروع

الاسلامي ، شفتي المهازل دي كيف !!


(كل حدث في التاريخ يكرر نفسه مرتين : المره الاولي كمأساة والثانية كمهزلة)

ماركس !

كل سنة وانت طيبة يا عسل
كنت عاوزة أطلق واية أنا زاتي وأعلن الجرسة بس خجلتى والله
الأسعار العامة إتعودنا عليها وزي ما قلت بنشتري مع فرق الجغرافية المكانية (في أمان الله)
رغم أن الشراء أصبح مجرد عادة بعيداً عن الإعتراض وكيف نعترض ومن يسمع والشكوى لغير الله مذلة
والغريبةتُعلن التخفيضات الهائلة بمناسبة الشهر الفضيل
ولكنها تخفيضات واهية وخادعة لم تعد تمر حتى على عقول الأطفال
أمَّا الواية الشخصية التي كنت سأطلقها فهي من نوع آخر
فأنت مازلت على البر وتشاركي ناس البيت الهموم اليومية
أما نحن فنتمنى أن نجد من يشاركنا الهموم المنزلية والطبيخية
والأطفالية والزوجية والعملية
ماعاوزة أخوفك خالص لكن قدر ما تقدري خليك زي ما إنت
يا زولة تصومي وتفطري على خير
وأهو الحمد لله سمعنا الجو عندكم كويس أهو حاجة تخفف برضو جهدالصيام
بالله دعواتك

Quote: واااااااااااااااي رمضان جانا ...!!!!!!!!!!!

صرختك دي عاوزة ليها خليفة المعتصم في الالفية التالنة وتحت حكم الانقاذيون



غايتو الا في الحلم

Quote: واااااااااااااااي رمضان جانا ...!!!!!!!!!!!

الله يرضي عليك يا داليا ما تصرخي كده ، هسي سيد صبري يسمعك يجي يلغيو كمان !!

رمضان ما جا وبس

كمان دخل فى العضم

والجيب

امين محمد ...

والله يتلغي دي ما تنفع ونحن زااااتنا رمضان دا بنستناهو على احر من الجمر ..

لكن ممكن تعمل زي زميل اختي في الجامعه القال رمضان دا انا شايلو بديل السنه دي ...!!


تصوم وتفطر عافيه ..

استلاف حته : القنقليز بي الشي الفلاني ..!! القنقليز الوااااااحد دا ؟؟؟؟

يا كونت سلامات ...

(خليفه معتصم مين والناس نايمين ..؟؟) .. اقتباس من ساره كباشي ...!!!


والله الاسعار دي دايرا ليها ابو عرام , ابو جبل , منصور الحفتي , ريا وسكينه ..!! حاجه زي دي كده ..

يانقعد نخت يدنا على خدنا ونقول يا ريت اللي جرى ما كان ...

صباحك ورد وارقد عافيه ...



ملاحظه : الكبكبيه دقش التمنيه الف .. النوع المتوسط كمان ... واااااااااااااااي

اوووووووو وجونه يا جميله ازيك ... تصومي وتفطري على خير

انت ما عارفه نصيحتك القولتهيا دي حاتعمل ليكي مشاكل في منبر الشبك دا ؟؟؟

تقولي لي خليكي كده عدييييييل كده ؟؟؟




كامل التضامن معك كست بيت ....

تصومي عافيه وسلمي لي على الاموره لمار ...

عبد اللطيف صباح الورد ...

طيب مادام بيكرر نفسو مرتين , مالو طواااااالي ماشي متكرر كل سنه ...!!!

الكلام دا ماشي على سنين كتير ه خلاس زي .... سنه كده ..!! ( حجب العدد حفاظا على سلامه قلوبكم وعقولكم )



بشاره : الكركديه الوااااااحد دا , البنشربوفي حليوه دا طاااااااار السما .. الرطل بي ... الف جنيه

( حجب السعر مراعاه لشعور العزابه وكده ) .. واااااااااي

ارقد عافيه وشكرا على المرور الجميل ..

سلام يا داليا


رمضان شهر الرحمة في السودان شهر المأكلة..

شهر واحد يعدل ميزانية السنة كووووووولها
عشان كدا ناس السوق بيعملو ارباحهم في الشهر دا


انا قيلاك قلتي وااااااااااااي من الحر وقطع النور


كل سنة وانت بالف خير..تصومي وتفطري على خير مع من تحبين

سلام اخت داليا ورمضان كريم
طبعا زيادة الاسعار دي ماساة شديدة
لكن عنوان البوست غير موفق اطلاقا
لك كامل المودة والاحترام

داليا سلامات ..

Quote: انا قيلاك قلتي وااااااااااااي من الحر وقطع النور

وأنا أن زي أختي دكتورة نجاة دي ، قايلك متجرسة من الحر والكهرباء
والله العظيم حرام عليكم إنتو يا داليا البتمشو تشتروا بالمبالغ دي
رمضان ده ما بيتصام بدون بليلة مثلاً؟؟
ما تشتروا ، وشوفوا التجار ح يعملوا شنو
بكرة ينزلوا ليكم الاسعار

وين الحكومة من البيحصل ده
ما فى رقابة على الأسعار حتي في حاجات رمضان المعروووووفة دي؟؟



غايتو ،، معليش استحملوا ، شهر واحد وبيعدي ..
تصوموا وتفطروا على خير ..

الحالة عامة والشراء استعدادا لرمضان يدخل الشفقة في النفس

دي مداخلة للاخ مطر قادم في بوست آخر عن نفس الموضوع
عسى أن يقرأ المسؤولين ، وتحن قلوبهم على عباد الله الصائمين ..

Quote: حديث ودلالة : الأسعار والربح المشروع عن أنس بن مالك رضي الله عنه قال : قال الناس يا رسول الله غلا السعر فسعر لنا يا رسول الله ، فقال : إن الله هو المسعر القابض الرازق الباسط وإني لأرجو أن ألقى الله وليس أحد منكم يطلبني بمظلمة في دم ولا مال . رواه الترمذي وابن ماجة. يبين الحديث أن الصحابة رضي الله عنهم عندما ارتفعت الأسعار ولم يقدروا عليها والحديث ورد في سعر الزيت طلبوا من الرسول صلى الله عليه وسلم أن يحدد الأسعار ولا يتركها لتلاعب التجار مخافة الربح الكبير الفاحش فقال عليه السلام : إن المسعر هو الله تعالى وحده وأن للبائع أن يحدد السعر بالربح الذي يراه مناسباً وأن ما يحصل عليه رزقاً من الله تعالى ، فالله هو الرازق وهو القابض إلا أن الربح يجب أن يكون فيما تعارف عليه الناس وإذا زاد عن المعقول فلا بد من تدخل ولي الأمر بذلك، ولذلك قال عليه السلام وإني لأرجو أن ألقى الله وليس أحدñ منكم يطلبني بمظلمة مما يعني أن لا يقصر ولي الأمر في رفع الظلم عن الناس إذا وقع عليهم من التجار بزيادة الأسعار أو الاحتكار وغيرها. مشروعية الربح : إن الدين الإسلامي خاتم الديانات السماوية التي أنزلها الله تعالى وأراد بها تنظيم حياة الناس فكان فيه من الأنظمة ما يكفي لبناء المجتمع القوي المتكامل. ولذلك عندما طبقت هذه الأنظمة أوجدت أعظم حضارة عرفتها الإنسانية، ومما جاء به مشروعية الربح وضبط عملية البيع والشراء لأنها الدعامة الأولى في النظام الاقتصادي اللازم لأي مجتمع فالربح يضمن للتاجر دخلاً يؤمن له الحياة السعيدة الشريفة . الربح المشروع : أجاز الإسلام الربح في عملية التبادل التجاري إلا أن النصوص الشرعية لم تحدد المقدار المسموح به ولقد بحث الفقهاء قديماً وحديثاً في بيان هذا المقدار الذي يتفاوت تبعاً لكل عصر وسلعة ويمكن إيجاز الآراء في ذلك على النحو التالي: - رأى بعض الفقهاء أن الربح الجائز ينبغي أن لايتجاوز ثلث ثمن السلعة المباعة وإلا أصبح فاحشاً منهياً عنه لما يؤدي إليه من إرهاق المشتري وزيادة دخل البائع وخلق الطبقية في المجتمع فما زاد عن الثلث فهو حرام مهما كان نوع السلعة ومستوى المعيشة. - ويرى آخرون بأن الربح يحدده البائع بما يراه مناسباً لأن المسعر هو الله تعالى شريطة أن يكون السعر بالقيمة المتعارف عليها عند أهل الخبرة وقت البيع بالغاً هذا السعر ما بلغ كما يدل الحديث السابق أن الله هو المسعر القابض .. مما يعني ضرورة تدخل ولي الأمر للحفاظ على مصلحة الناس الأمنية والاقتصادية الأسعار والربح المعاصر : يسعى الكثير من أصحاب رؤوس الأموال في الوقت الحالي للحصول على الثراء السريع بشتى الطرق للانضمام إلى مواكب أغنياء العالم نظراً لتفشي النظرة المادية على الحياة وقياس مكانة الإنسان الاجتماعية بمقدار ما يملك من أموال بغض النظر عن الاعتبارات الأخرى للفرد، ولذلك نرى الكثير من التفاوت في الأسعار للمادة الواحدة باختلاف الأماكن ومستوى المعيشة فيها وغالباً لا يوجد سقف للربح عند التاجر ولارقابة فعلية من ولي الأمر نظراً لسيادة الفكر الرأسمالي أما الرأي الراجح في مقدار الربح والذي تطمئن إليه النفس أن تحديد الربح من قبيل المصالح المرسلة الذي يترك الأمر فيها لولي الأمر كما قال معظم الفقهاء استناداً على الحديث السابق. وعليه فإن كان رفع الأسعار بهامش ربحي كبير يضر بالمصالخ العامة ويؤدي إلى الضرر ببعض فئات المجتمع فلولي الأمر التدخل لمنع الضرر وبالقدر الذي يراه مناسباً كلاً أو بعضاً كيفاً أو كماً وإن لم يحدث رفع الأسعار ضرراً بالمصالح العامة أو كان الرفع ضبطاً للحركة الاقتصادية ولمنع التضخم المالي في البلد فلا يتدخل ولي الأمر ويترك الموضوع للتجار وخبرتهم في ذلك. وجوهر الفكرة هو ما تقتضيه الشريعة وتقرره قواعد الدين الحنيف تبعاً لقاعدة ‘’الضرر يزال’’. وقاعدة ‘’ لاضرر ولا ضرار، وقاعدة ‘’ الضرر مرفوع بقدر الإمكان إجماعاً’’ وعوداً على الحديث فأن قول النبي صلى الله عليه وسلم : إن الله هو المسعر. لايحمل على التجار الذي يسعى إلى الربح السريع وإنما يحمل على واقع أمر الصحابة والسلف الصالح رضوان الله عليهم الذين يرضون بالربح اليسير ولا يثقلون كاهل المسلمين لأن الوازع الديني كان قوياً عندهم بحيث يقف مانعاً عن ظلم العامة كما أن تقوى الله تعالى ومراقبته كانت مستحوذة على نفوسهم فلا يرضون بأكل الحرام بالربح الفاحش. كما لم يكن عندهم طمع يحملهم على رفع الأسعار ولاحب المال يغريهم على جمعه للتفاخر به إذ أن مقدار الإنسان آنذاك كان بمدى إيمانه لا بمقدار ما يملك فلم يكن هناك داع لتدخل ولي الأمر في تحديد الأسعار ولا لسن قوانين توقع العقوبة على من يخالف التسعيرة لذلك قال عليه السلام: الله هو المسعر القابض الباسط... ومما يؤكد ذلك أن الصحابة كانوا يتنافسون في الصدقات ورعاية الفقير والمحتاج ولا أدل على ذلك من تبرعهم سيما الأغنياء منهم في غزوة تبوك، ولا ننسى تبرع عثمان بن عفان وعبد الرحمن بن عوف السخي لفقراء المسلمين رضي الله عنهما بقواقل الزاد والزيت لفقراء المدينة دون مقابل وغيرهم كثير مما يدل على قوة الوازع الديني في نفوس السلف الصالح من المسلمين الذي يمنعهم من التلاعب بالأسعار لصالحهم. إلا أن النبي صلى الله عليه وسلم استدرك ذلك بصفته ولي أمر لا رسول فقال : وإني لأرجو أن ألقى الله... مما يدل على أن حماية العامة من مسؤولية ولي الأمر فأذا استحوذ المال على نفوس التجار واستولى الطمع على قلوبهم فأخذوا يتلاعبون بالأسعار ويشقون على الناس في الحصول على السلع الضرورية كما هو الحال في زماننا فلا بد من تدخل ولي الأمر ليرفع الضرر عنهم وهو ما أفتى به الفقهاء المتأخرون لأنه يدخل ضمن المصالح المرسلة العامة ، أما إذا لم يتدخل ولي الأمر وترك الأمر للتجار لخلق التنافس والمساهمة في حركة السوق للمساهمة في الازدهار الاقتصادي كما نرى في بعض أنواع السلع فينبغي على التجار أن يتقوا الله تعالى وأن لايسعوا إلى الثراء السريع على حساب الطبقة الفقيرة من العامة لأن ذلك يؤدي إلى الطبقية المذمومة شرعاً وعرفاً وأن يرضوا بالربح القليل للتخفيف على الناس في زمن العسرة فلقد مدح رسول الله صلى الله عليه وسلم التاجر السمح في البيع والشراء وروي عن عبدالله بن عمر رضي الله عنهما أن رجلاً ذكر للنبي صلى الله عليه وسلم أنه يخدع الناس في البيوع فقال له رسول الله : إذا بايعت فقل لا خلابة . متفق عليه فكان الرجل يقول ذلك دائماً عندما يبيع والخلابة هي الخديعة بلطيف الكلام ومنها الزيادة الفاحشة في الربح مع الكلام الجميل الذي يخدع المشتري وينفق السلعة وفي حديث آخر قال عليه السلام : أفضل الكسب بيع مبرور وعمل الرجل بيده . رواه أحمد. والبيع المبرور هو الذي لا غبن فيه ولا غش ويخلو من الزيادة الفاحشة في الربح وبذلك لا يكون هناك داع لتحديد الأسعار وخلق الطبقية الاجتماعية فالإيمان الصحيح والتقوى ومخافة الله تعالى أفضل سعر وأفضل مقياس للربح المشروع

Quote: والادهى وامر انو مافي زول معترض ... الناس دي بتشتري في امانه الله ...!!!!!!!! في شنووووووو؟؟؟؟؟؟

مافي شي ..
بالضبط كده : ( مافي شي ) !!


......
و لأنه ( مافي شي ) فيبقي ما تستغربي من الصنّه دي .
صومي صيامك يا بت بلاش حركات مواطنين معاك .

عمداااااااااااااااا ...

حبابك الف نورت البوست بعد طول غيبه ..

رمضان دساك من اسي ولا شنو ؟؟؟

ايواااااا انت النوع البيردوم الحاجات في العربيه وبعدين يقول الحساب كم ؟؟؟

ويطلع ربطه القروش او بطاقه الصراف الالي ويبقى دافع سااااكت ...

والله دي مشكله .. يا ناس دال : اذا شبعتم تفلسفتم ؟؟؟؟؟

تصوم وتفطر عافيه ( زينا ما زي ناس دال ) ...

داليا .. يا أيتها المواطنة الكيشة ..
دال بتاع مين ياخي .. كلنا في ( السودان ) شرقُ .

شوفي يا زولة : الناس - في رمضان في غير رمضان - بتشتري سااااااكت عشان ساكتين ..
و عايشين ساكت برضو عشان ساكتين .. و مهيمين ساكت برضو عشان ساكتين ..
و ساكتين عشان مقهورين و وارمين .. مقهورين عشان مظلومين .. مظلومين و مهببين لسببين :
1 - رضوا ينظلموا ( و في الحالة دي خليهم يروحوا في ستين ، بلا فقر معاهم ) ..
2 - ما قادرين يفرفروا من كترة الضغط .. و لا في أبومروّه يفرفرهم ( غالباً أبومروه مشغول بهبش الكعكة .. أو باللعلعة البيش ) .
ده كلووووووو ، و ... رمضان وااااااااي ..
و نحنا واااااي .. و انتو وااااااي .. البلد كلها مويوية بمزاج .


......
صوموا يا داليا .. صوموا تصِحّوا ..
- هذا ، و الصيام خشم بيوت - فاظفري بذات الكتمان .. تربت مواطَنتك .

داليا و المتداخلين

كل عام و انتم بخير تصومو و تفطرو علي خير إن شاء الله

والله ياداليا الواحد شايل هم الما لاقيين الحاجات دي فى الشهور العادية اللهم سهل عليهم الشهر الفضيل إن شاء الله بمر الشهر الكريم و الناس كلها مستورا قولو اميييييييييييين

رمضان شهر الخير والبركة
برة جرسة برة واااااااااى

غايتو يا داليا نحن هنا في المغرب نكورك لامن الله يغفر لينا
بداية رمضان مع دخول المدارس
والاتنين يخلن الزول يعوعي
قولوا لي ابوي يقرأ البوست دة:
يا حاج الشهر دة مصاريفك راحت في حق الله

طارق جبريل يا جرسه ... ازيك

تصوم وتفطر على خير ولو الضيق حاصل ما عندك مشكله نديك دفره لانو والله كلو ولا مصاريف الحاج دي ...


كن بخير ..

وتصوم وتفطر عافيه انشالله ..

السيد سيد ...

والله كلامك صاح ربنا يلطف بالناس دي كلها ويساعد يا رب ...





تخريمه تاااني : شوال البصل 185 الف جنيه واااااااااااااي ...

دلوشه
حليل رمضان
وناس رمضان
وهذا الشعب الغلبان

Quote: اعلن د. شداد

اها انا حا اصوم من الخميس
عشان شداد ده

صديقي وليد ...

عاصم كباشي قال ليك ( ما تضايق يا زووول ) ...

وبالمناسبه ناس ليبيا صايمين بكره ...!!! فا ممكن تقلب ليبي وتصوم معاهم عاااادي ...

او تقلب اوروبي ما تصوم نهااااائي ...

لكن برضو العزومه بتاعتي قائمه ....


شكرا لرده الروح للبوست يا ولي .... تصوم عافيه (اذا قررت تصوم) ..

رمصان من جانا....... آبري

الكرشة ملانا......... آبري

عصيده قوية .......... آبري

ملاح تقلية ........... آبري

أو كما جاء


داليا وضيوفها رمضانكم كريم

الكوريه البيبلو فيها التمر بالليل ويختوها تحت العنقريب عشان الزول ما يكسل من السحور ...

ولو الله راضي عليك اليوما ديك تلقى ليق كوبايه لبن جمبها وبالعدم كوز مويه باااااارد او حلومر ساااقط ..http://www.sudaneseonline.com/db/attention/100_Balloons.gif


شكرا عصام على المرور الملون ...


تصوم وتفطر عافيه ...

العزيزه جدا الدكتوره نجاه الما هينه ولا لينه ...


والله حر الواطه دا اخير من حر الجيوب .. نعمل ايه بس ربنا يجيب العواقي سليمه ...


ويعدي رمضان دا على خير ويكفينا شر الاست ... لاف المادي وكده ... لوووووول ..


بالمناسبه رغم كل شي انا والله مبسوطه منك عديييييييل كده ربنا يقويك ونحن معاك قلبا وقالبا ...


تصومي وتفطري معاي انا ومن احب يا حبيبه ...

up

نسبه للوجود بوستات مشابهه..

سلامات استاذة داليا


كل سنة وانتو طيبين

تصومو وتفطرو علي خير

غايتو الله يكون في عون الموظفين

(الغلبانين) والعمال المساكين


هو منو المامسكين في السودان


إلا اتباع الحزب الحاكم


برضو التحيه ليهم

لانو الدنيا رمضان وكدا



الله يستر بس