Post: #1
Title: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-17-2009, 03:19 PM
السادة القراء ..
نبحث عن الاخ عبد اللطيف السيدح عضو المنبر العام .. والمؤتمرجي المعروف بهتافيته واللذي إعتمر عمامة الفتوى في احكام شرع الله مؤخراً ..
ولقد غادر المنبر العام منذ صبيحة يوم 14/08/2009م ولم يعد حتي الان رغم العديد من البوستات
المفتوحة بإنتظاره إفادته وتشجعه بالإجابة ..
وننوه لان السيد السيدح وعند مغادرته كان يرتدي قميص احمر كاروهات بالازرق وصورته تملأها
الظلال مما ادي لأحمرار العينين ..
لمن يجده نرجو منه الايعاز له بضرورة موافاتنا بالبوستات التي سنرفدكم بها تباعاً ..
والله لا يضيع اجر من احسن عملا ... 
|
Post: #6
Title: Re: خرج ولم يعد ، أوصافه كالآتي : - عبد اللطيف السيدح ...
Author: حيدر حسن ميرغني
Date: 08-17-2009, 03:52 PM
Parent: #4
حيدر
الزول ده ولـوف
عايز شوية مباصرة ويقلب طوالي
فورة وتزول .. رشو على خفيف
يا تيفا تعال
ليك الامان
|
Post: #7
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-17-2009, 03:55 PM
Parent: #6
والله يا سيد(ح) طالما استاذنا حيدر حنين أداك الامان ما عليك تاني ..
كدي بس تعال ادينا النجيضة يا قول ود الصائم في البوستات الفوق دي ..
ما تقعد تتضاري وتتزواغ عاوز ردود مُشبعة ..
* حيدر حسن يا حبيب .. لك التحايا
|
Post: #8
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 07:13 AM
Parent: #7
النداء فوق لذوي القلوب الرحيمة ..
الرجاء من يجد المذكورة اوصافه تسليمه لأقرب بوست من البوستات المدونة بالأعلى ..
والله لا يضيع اجر من احسن عملا ...!!
|
Post: #9
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 09:44 AM
Parent: #8
والله يا سيدح تعبنا تعب عشان نسل البوست دا من صفحات بكري المختفية دي .. تعب لا يعلم بيهو الا الله ..
دحين تعال انسلّ مارق يآخ عاوز نعرف منك قبل رمضان آخر اخبار الفتاوى ..
|
Post: #10
Title: Re: خرج ولم يعد ، أوصافه كالآتي : - عبد اللطيف السيدح ...
Author: omer osman
Date: 08-18-2009, 09:54 AM
Parent: #9
يجيكم تكوركو......... يخليكم تكوركو
|
Post: #11
Title: Re: خرج ولم يعد ، أوصافه كالآتي : - عبد اللطيف السيدح ...
Author: الرفاعي عبدالعاطي حجر
Date: 08-18-2009, 10:18 AM
Parent: #10
السيدح ياحيدر لم يخرج ولم يعد خرج للجهاد المدفوع القيمة وسيعود متى ضل سعيه !!!
|
Post: #12
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 10:24 AM
Parent: #11
| Quote: السيدح ياحيدر لم يخرج ولم يعد خرج للجهاد المدفوع القيمة وسيعود متى ضل سعيه !!! |
الغريبة موجود في لوحة الحضور يا الرفاعي .. وبيقرأ ..!
طالبنو يقعد ويتكلم بعدها صدقني حا يعرف انه سعيه ضال بعد يسمع كلامو الماراكب عدلو..
|
Post: #13
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 10:30 AM
Parent: #10
| Quote: يجيكم تكوركو......... يخليكم تكوركو |
هو بالكوراك او بدونه راضي يظهر ..
** السيدح انساك من جنابو دا تعال ادينا النجيضة يآخ ،،،
|
Post: #14
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 10:41 AM
Parent: #13
OVER
|
Post: #15
Title: Re: خرج ولم يعد ، أوصافه كالآتي : - عبد اللطيف السيدح ...
Author: محمد حسن العمدة
Date: 08-18-2009, 10:48 AM
Parent: #13
حيدر ياخوي يكون الجماعة ما سددو حق البوستات الفاتت والرصيد انتهى
الا اسكراتش جديدة تغطي السالب وضمان مية بوشت على الاقل 
|
Post: #16
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 11:07 AM
Parent: #15
Quote: حيدر ياخوي يكون الجماعة ما سددو حق البوستات الفاتت والرصيد انتهى
|
اااهممممممممم.. 
ممكن والله يا عمدة خاصة وانه متابع البوست والمنبر ..
يكون السبب عدم التسديد عشان شايف الفردة التاني ود الباوقة ذاااتو رافع قلمو الايام دي
ومرتاح من العرضة ..!
** غايتو م ح ج ما سوى فيكم خير ابداً .. وكله من خدر وتور الابيض قطع رزقهم ..
السيدح تعال خليها القروش اثبت شخصيتك بس ما اكتر !!
|
Post: #17
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-18-2009, 12:45 PM
Parent: #16
لسع الدنيا بخير .. وحواء ما عقمت من ولاد الحلال الممكن يدلونا على الاخ الغيابو طال ،،،
|
Post: #18
Title: Re: خرج ولم يعد ، أوصافه كالآتي : - عبد اللطيف السيدح ...
Author: ghariba
Date: 08-18-2009, 05:10 PM
Parent: #17
هو بخير ويبلغكم تحياته وسيعود قريبا
( استراحة محارب )
|
Post: #19
Title: Re: خرج ولم يعد ، أوصافه كالآتي : - عبد اللطيف السيدح ...
Author: الرفاعي عبدالعاطي حجر
Date: 08-19-2009, 06:28 PM
Parent: #18
تعرف الراجل مشغول بالتهاني بي قدوم رمضان عموما كل سنة وانت طيب وتصوم وتفطر عل خير
وربنا يهديك ... ممكن تكون توجيهات المؤتمر الوطني بعد فشل كل عناصره الامنية من تحقيق
تقدم .
...........................................................حجر.
|
Post: #21
Title: Re: خرج ولم يعد ، أوصافه كالآتي : - عبد اللطيف السيدح ...
Author: أيوب خليل
Date: 08-19-2009, 06:43 PM
Parent: #19
.
.
|
Post: #30
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-23-2009, 07:33 AM
Parent: #21
شكراً على النقطتين يا ايوب خليل ..
نردهم ليك في الافراح بعد عودة السيدح ،،،
|
Post: #25
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-20-2009, 10:37 AM
Parent: #19
ورمضان كريم ليك ولينا ولكل الاخوة يا الرفاعي عبد العاطي حجر ..
جعلنا الله واياكم من عتقاء شهره الكريم ..
وجعله شهر هداية وخير وصراط مستقيم والافتكاك من توجيهات العصابة الظالمة لأخونا السيدح ..
ودي وتقديري
|
Post: #24
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-20-2009, 07:22 AM
Parent: #18
Quote: هو بخير ويبلغكم تحياته وسيعود قريبا
|
يا غريبة .. ياجيد ما جاب الغراب لامــه ...
هسع دي إفادتك !
|
Post: #20
Title: Re: خرج ولم يعد ، أوصافه كالآتي : - عبد اللطيف السيدح ...
Author: عبدالمجيد الكونت
Date: 08-19-2009, 06:43 PM
Parent: #15
حيدر ياخوي افتح خشم البقرة بتلقى الرايحي 
ود العمدة انا قتلك داير من عينة الوشوش دي
ياخي رسل لي منها بقجي مع بداية رمضان ده
|
Post: #22
Title: Re: خرج ولم يعد ، أوصافه كالآتي : - عبد اللطيف السيدح ...
Author: خدر
Date: 08-19-2009, 07:01 PM
Parent: #20
كلمتك يا السيدح و ما صدقتني
ود جمعة قبضكم فوق كلكم بي بوست واحد
الشماتة ما مطرية
|
Post: #29
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-22-2009, 09:14 PM
Parent: #22
Quote: كلمتك يا السيدح و ما صدقتني
ود جمعة قبضكم فوق كلكم بي بوست واحد
الشماتة ما مطرية |
يا خدر رمضان كريم ...
عاد هي الشماتة كيفنها وانت ضبحت ليهم التور الابيض هنا خليتهم يبرطعو برة الزريبة ..
غايتو البقت في السيدح ورفيقو ود الباوقة بدخلة محمد جمعة دي ما بتطلع الا بتعب رمضان
إن شاء الله يقضوهو مذاكرة عشان ينجحو في موسم الحج ..
ودي لك
|
Post: #23
Title: Re: خرج ولم يعد ، أوصافه كالآتي : - عبد اللطيف السيدح ...
Author: بشري الطيب
Date: 08-19-2009, 07:03 PM
Parent: #20
Quote: يا السيدح أخوي بوستك تعال لي ردو
تجاهلك ليهو طول وفايت حـــــدو |
Quote: إنتظرتوا لما ما جاء رحت زرتو
يا عوازلي إنتو جرتو كان عرفتو
كــــــــان عزرتـــــــو |
وكانت هذه مداخلتي في بوست تركه صاحبه مهرولاً
|
Post: #26
Title: Re: خرج ولم يعد ، أوصافه كالآتي : - عبد اللطيف السيدح ...
Author: كمال ادريس
Date: 08-20-2009, 11:11 AM
Parent: #23
ياحيدر سلام ... وكل سنة وكل الناس طيبة. وللسيدح مثلها... يمكن يرد على التهنئة.
|
Post: #31
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-24-2009, 12:19 PM
Parent: #23
بشري الطيب يا صديق .. رمضانك كريم
| Quote: وكانت هذه مداخلتي في بوست تركه صاحبه مهرولاً |
اللهم يا بركة الشهر الكريم ترجع المهرولين وتثبت قلوبهم وتملاها يا رحمن ..
يجو يحلونا من ناس مستر هيدفون ورجالة فضولة والصوص النتر يا كريم يا حكيم ..
|
Post: #27
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 08-20-2009, 11:38 AM
Parent: #20
يا كونت .. رمضان كريم وتصوم بعافية وتفطر بالمغفرة ..
| Quote: حيدر ياخوي افتح خشم البقرة بتلقى الرايحي |
في قائمة حضور بكري تلقى صاحبنا مُتحكر ..
علا باقي لي القصة فيها مستحقات غير مُسددة .. والا نراجع موقف م ح ج ..
تحياتي
|
Post: #28
Title: Re: خرج ولم يعد ، أوصافه كالآتي : - عبد اللطيف السيدح ...
Author: Azhari Mohamed
Date: 08-22-2009, 01:22 PM
Parent: #27
كل عام والجميع بالف خير ورمضان كريم
اجمل وصف خرج ولم يعد
المشكلة في المحامين الراكبين طوالي غلط (صلاح غريبه دا لفو ليه راسه عشان يشوف عديل -خالف تذكر محامي السيدح وتاج السر بئس ....)
Quote: هو بخير ويبلغكم تحياته وسيعود قريبا
( استراحة محارب ) |
|
Post: #32
Title: Re: خرج ولم يعد ، أوصافه كالآتي : - عبد اللطيف السيدح ...
Author: معاوية عوض الكريم
Date: 08-24-2009, 12:35 PM
Parent: #28
| Quote: يجو يحلونا من ناس مستر هيدفون ورجالة فضولة والصوص النتر يا كريم يا حكيم .. |
| Quote: Re: خرج ولم يعد ، أوصافه كالآتي : - عبد اللطيف السيدح ... |
بالله شوف عنوان البوست دا موسيقى كيف
اوصافه كالاتى ::
عبد اللطيف السيدح
دا كلام شنو دا
|
Post: #33
Title: Re: خرج ولم يعد ، أوصافه كالآتي : - عبد اللطيف السيدح ...
Author: محمد حسن العمدة
Date: 08-24-2009, 12:45 PM
Parent: #32
موش غريبة الزول دا يختفي مع هلال رمضان ؟؟
.....................................
|
Post: #34
Title: Re: خرج ولم يعد ، أوصافه كالآتي : - عبد اللطيف السيدح ...
Author: الرفاعي عبدالعاطي حجر
Date: 08-25-2009, 00:17 AM
Parent: #33
| Quote: موش غريبة الزول دا يختفي مع هلال رمضان ؟؟ |
هزيمة 188 صفر
مشجع واحد بس من الباوقة
ودايروا يجي يازول دا حمد الله انو رمضان دخل العضم
والله دا الزول الوحيد بيكون يقول يارب رمضان سنة كدا.
بعد رمضان العيد وبعد العيد المدارس وبعد المدارس الحج
الله كريم ياسيدح الجمعة فاطرين عندكم في الحرم آيه رآيك ؟؟؟.
..................................................حجر
|
Post: #35
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 09-01-2009, 03:49 PM
Parent: #34
يا الرفاعي افقدوا زولكم دا ما يكون الجماعة ادوهو الصالح العام ..
|
Post: #36
Title: Re: خرج ولم يعد ، أوصافه كالآتي : - عبد اللطيف السيدح ...
Author: حيدر حسن ميرغني
Date: 09-01-2009, 04:17 PM
Parent: #35
يجب مواساة الرجل في سرقة اللابتوب بتاعو من قبل حرامية مناضلين
|
Post: #37
Title: Re: خرج ولم يعد ، أوصافه كالآتي : - عبد اللطيف السيدح ...
Author: صلاح ليون
Date: 09-01-2009, 04:32 PM
Parent: #36
| Quote: في قائمة حضور بكري |
ياخي هي دي رجعوها
دي الفايدة الوحيدة من البوست ده ياحيدر
تحياتي
|
Post: #39
Title: Re: خرج ولم يعد ، أوصافه كالآتي : - عبد اللطيف السيدح ...
Author: HAIDER ALZAIN
Date: 09-16-2009, 12:11 PM
Parent: #37
بالغت يا صلاح ليون .. واولاً كل عام وانت بخير وعيدكم سعيد باذن الله ..
بالغت ..
هسع دي الفايدة الوحيدة ونحن عاملين للسيدح نظام :
سألين عنك و يوماتي رحيل لموانئ المدن النفطية. ...
لك تحياتي
|
Post: #38
Title: Re: خرج ولم يعد ، أوصافه كالآتي : - عبد اللطيف السيدح ...
Author: Abdlaziz Eisa
Date: 09-01-2009, 04:47 PM
Parent: #36
سلامات
المأمورية يمكن تمت...
وممكن تكون في اعادة إرسال...
أو تكليف واحد من العينة البتهابش ..!!
ننتظر...
تحياتي
عبدالعزيز
|
|