Post: #1
Title: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: حاتم تاج السر المبارك
Date: 08-16-2009, 11:53 AM
الحلة الجديدة و تدفق الذكريات و ينتهي الحديث فيها لما تحمله من شجون للسكان ذلك الحي العريق و ذكرت الحلة سواء الشمال او الوسط او الجنوب لا بانت لك تلك الاعلام من مباني و شخصيات تاريخية اذكر منهاميدان المولد و مجمع ابراهيم مالك و معهد الموسيقي و المسرح و هاشم عبدون ( مدرسة الحلة المزدوجة) و النموزجية و نادي الجلاء و البرنس و ديم سلمان و الدفاع و الزومة سابقا و مساجد ذات تاريخ مثل جامع ميرغنى و نواصل
|
Post: #2
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: حاتم تاج السر المبارك
Date: 08-18-2009, 11:38 AM
Parent: #1
نواصل عن الحلة الجديدة
لم اذكر ميدان الليق الشهير و نادي كلي كما ذكرني احد الاخوة تلفونيا
لايوجد من الحلة في البورد احد غيري
قلوا سلام ياناس الحلة
|
Post: #3
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: وليد محمد المبارك
Date: 08-18-2009, 11:46 AM
Parent: #2
وقاقرين واخوانو
القطر
وهبة
قدورة
واخرين
|
Post: #15
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: omer osman
Date: 08-18-2009, 01:16 PM
Parent: #3
Quote: وقاقرين واخوانو
القطر
وهبة
قدورة
واخرين |
بالمناسبة اظن الشغيل لاعب المريخ وسليمان تية لاعب النيل والفريق القومي زماااان من نفس العائلة
|
Post: #5
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-18-2009, 12:26 PM
Parent: #1
انت عارف ياحاتم انا حاامسكك من حلة ناس امنة فراج لحد ماادخلك ديم سلك رايك شنو
ياله نبداء
|
Post: #6
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: محمد عبد الماجد الصايم
Date: 08-18-2009, 12:32 PM
Parent: #5
يا النوراني
أبدا من الشارع القبل ناس آمنة فراج من ناحية الشرق!
شارع جامع الحسن
|
Post: #8
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: Salah Abdulla
Date: 08-18-2009, 12:38 PM
Parent: #6
سلام يا حاتم
نحن ناس الديم ، والحلة الجديدة بتشبه الديم تقريباً في حاجات كتيرة جداً
وكانت لنا ايام فيها ..
الشفوت ناس وليد وودالصايم جوك
لكن أخونا النوراني شكلو ( مقددها) .
| Quote: من حلة ناس امنة فراج لحد ماادخلك ديم سلك رايك شنو |
آمنة فراّج دي منو؟؟ (وجه يدعّي البراءة)
|
Post: #9
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: Abdelrahim Mansour
Date: 08-18-2009, 12:41 PM
Parent: #6
الأخ العزيز جدا: حاتم تاج السر المبارك
سلامات
مشتاقين عديل كدا، باقي الكلام يكون بالتلفون الرجاء إرسال رقم تلفونكم
Quote:
لايوجد من الحلة في البورد احد غيري
قلوا سلام ياناس الحل
|
سلام و حضور يا حبيب
و كانت لنا أيام
ولى عوده
*
**
|
Post: #7
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-18-2009, 12:35 PM
Parent: #5
نتحرك من حلة ناس امنة فراج
مرورا بميدان الليق ونادى الدفاع
حتى تصل ميدان الفحم وفرن الزهرة الآلى واظن اول فرن آلى فى المنطقة كلها بعد فرن سيحة بالمنطقة الصناعية ,نادى ديم سلمان
ونخش نصلى المغرب فى مسجد ابراهيم مالك .
|
Post: #10
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-18-2009, 12:46 PM
Parent: #7
وبعدالصلاة تطلع بالباب الجنوبى تلقى عمتك حواء طلعت حلل الكوارع تاخذ ليك طلب سريع كده ولا شوربة
وتتجه غرب عديل لحد الخلوة والله نست اسم صاحب الخلوة
على العموم ونحن ماشين نرجع شرق الى ان نصل شارع البط
|
Post: #12
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-18-2009, 12:55 PM
Parent: #10
وانت ماشى لحد طاحونة عمك طه سٌميت عليه المحطة وانت متجه على محطة الماسورة قبل ماتحصل محطة الماسورة
على يمينك حلة ناس ادم (كٌدمبوس) بتاع المواتر الله يرحمه اتوفى فى القاهرة وبعداك بتلقى اخوان عبدو الجزار كان فى امن نميرى واخوانه ابراهيم عطرون ونادر ومجدى وعييييييييييييك.
|
Post: #11
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: عبد الدائم سيد أحمد
Date: 08-18-2009, 12:54 PM
Parent: #7
يا النورانى ما تلخبط
شوف مداخلتك الفوق دى انت اتحركت من وين وصليت المغرب وين
دا كلام دا ،،،، معقولة بس
يا صلاح عبدالله ناس الديم بيقولو ليهم ديامة
اها ناس الحلة بقولوا ليهم شنو ،،،
غايتو يا سيد البوست بعد شوية حيجى واحد يشلخ ليك البوست ده T
عارف ايام الثانوى فى مدرسة المقرن كنا بنحسد زملائنا ساكنى الحلة الجديدة
من سهولة المواصلات بتاعتكم ، البص الاحمر فاضى وكل واحد قاعد مرتاح فى كرسى
ونحن ناس الصحافة بندافر يومنا كلو فى الحافلات
مدارس العباسى وابو حمامة مش تبعكم برضو
خالص الود
|
Post: #13
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-18-2009, 01:07 PM
Parent: #11
عبد الدايم قال
Quote: يا النورانى ما تلخبط
شوف مداخلتك الفوق دى انت اتحركت من وين وصليت المغرب وين
دا كلام دا ،،،، معقولة بس |
طبعا انا فاهم قصدك لكن دى الحلة الجديدة حلة المتناقضات
اما قولك
Quote: غايتو يا سيد البوست بعد شوية حيجى واحد يشلخ ليك البوست ده T
|
انت ماتقول عديل حلة عبده T
ماتخاف حانجى ماشين بيها برضو
|
Post: #14
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-18-2009, 01:14 PM
Parent: #13
والله ياحاتم البوست ده جميل انا كنت زهجان فكه لى الزهجة وهيّج اشجانى
المهم على قول تبارك شبخ الدين
انا والله نعست والليل عندى دخل
بجيك صاد بكرة ان شاءالله
نشوف الفضل لينا شنو
|
Post: #16
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: omer osman
Date: 08-18-2009, 01:21 PM
Parent: #13
| Quote: آمنة فراّج دي منو؟؟ (وجه يدعّي البراءة) |
ضحكة من بوليس قديم في الاوسط الخرطوم (الجنوبي سابقاً)
|
Post: #17
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: ود الباوقة
Date: 08-18-2009, 01:49 PM
Parent: #16
يا جماعة مسؤولين من الخير.
اين صديقي عوض ( بكش ) يسكن جوار محطة المبارك .
ولقد اغترب الى الامارات قيل اكثر من 30 عاما ..
|
Post: #18
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: omer osman
Date: 08-18-2009, 02:01 PM
Parent: #17
من بواليس الحلة الجديدة
الفريق سيد الحسين عبدالله والفريق محمد الحسن ادريس والعقيد كمال خليل والعقيد محمد عثمان عبدالله (دفعتنا)
بعدين الزول داك بتاع الليق (فيصل) زول لسانو طويل خلاص مش برضوا ساكن الحلة الجديدة ؟؟؟
|
Post: #19
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: برير احمد إبراهيم
Date: 08-18-2009, 06:57 PM
Parent: #18
قصدك ياجنابو فيصل جقود ... الزول المرح الجميل
اخوه لاعب الهلال السابق اسامه جقود ....
.....................
صديقى عبد الريحم مخمد احمد منصور .. اخبارك .. مشتاقين والله
سوف ارسل لك تلفونى + ايميلى فى رسالة خاصة ...
.....................
خلونا نبدأ بلعيبة الكورة ..شنو بادينها لينا بامانه فراج وثوره وباعوضه
اولاد قاقارين طبعا الاشهر بالاضافه الى اسامه جقود
وعلمت ايضا ان فيصل العجب قد ترك بحرى وسكن الحله الجديدة
شمال قريبا ... وهيثم كمال لاعب الهلال السابق ايضا
واخونا عادل ادم حارس المريخ ...
|
Post: #20
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: Salah Abdulla
Date: 08-18-2009, 08:09 PM
Parent: #19
يا ناس الحلة الجديدة هوووي ، ما تنسوا ناس الكورة مولانا الفاتح محمد مختار
وأظنو هسع في مجلس إدارة الهلال ،، وشقيقه محتار محمد مختار
وجعفر مجيد ، وحيدر عبدالحفيظ ، وديل زملان وفرد ناس أسامة جقود
ولاعب الاهلي السابق صلاح عبدالدايم ، وده شوتو ما تقابلها رجلو اليمين فيها شيطان..
والملحن وعازف الطرمبة المرحوم سليمان أبوداؤود أبرع الملحنين الشباب
وبرضو الملحن وعازف الكمان الماهر النور محمد جمعة (الفي الحلة بيتو) كما يحلو له أن يقول
واستاذ نصرالدين
وبرضو إنتو جايين كده جيبو لينا حاجة من المرحوم عبدالوهاب حريقة وكده....
يا جنايو عمر عثمان كمال خليل عبدالواحد أخونا ودفعة أخوي الرائد معاش وحيد عبدالله الدفعة (50)
بالمناسبة أنا مفروض من ناس (51) لكن كبيت الزوغة..
يا سلام على الحلة الجديدة وناسها ..
|
Post: #22
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: omer osman
Date: 08-18-2009, 08:31 PM
Parent: #20
Quote: يا جنايو عمر عثمان كمال خليل عبدالواحد أخونا ودفعة أخوي الرائد معاش وحيد عبدالله الدفعة (50)
|
ياسبحان الله اخو سيادتو وحيد عبدالله ياسلام ياخي وحيد راجل ممتاز وظريف واخو اخوان اشتغلت معاه في القسم الشرقي الخرطوم وقضينا
ايام حلوة اخر عهدي بيهو مع ناس الامم المتحدة في الخرطوم ....... سلامي وتحياتي ليهو
|
Post: #23
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: سيف الدولة كامل
Date: 08-18-2009, 08:36 PM
Parent: #20
دفعة الدراسة والكورة ,و اخونا هاشم اسحاق لاعب النيل
عبد المنعم ابراهيم لاعب البرنس,, زملاء الدراسة,,
فتحي عبد الوهاب, محمد النقر ادريس, كاب الحجا
عصام عبد الكريم, عادل عثمان الحاج و محمد عبد اللطيف
حمزة الجلال, ابراهيم جعفر,عمر عبد السلام, ازهري وعمر
فضل المولي, جنابو ازهري نورالدايم, والمرحوم عادل صديق
فتخي لاعب الرميلة,, شباب حلوين قضينا معاهم ايام حلوة,
عبده T وعراقي الساكوبيس.. بس الخانات كانت كتيييرة,
ما انسي مولانا ونان الدفعة القدامنا.
واصل ,و عسا نحصل واحد من ناس الزمن الجميل.
|
Post: #24
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: عبدالرازق الطيب يس
Date: 08-18-2009, 08:44 PM
Parent: #20
يا جماعه أنتو مشيكم دامالو مكعوج وكمان. بالنهار. يعني الواحد لو مشي غرب من ميدان الليق وما ترتع زي الترتعه البتسو فيها دي اول شي حا يلاقيه دكان سعيد. وبعدين بيت الموسيقار النور جمعه. واول مره أشوف زيدان ابراهيم شحما ولحما شفتو مع النور دا بعد ناس النور دا البيت الكنا ساكنين فيه. بالمناسبه كان في واحده قبطيه ساكنين جيراننا وهي اول امراه في حياتي اشوفه سايقه عربيه. و اعتقد أيضاً انو الشاعر اسماعيل حسن كان ساكن في الشارع دا. حاتم السر بس نشوفك و نسمعبك هنا تحياتي لك وللاسره
|
Post: #21
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: omer osman
Date: 08-18-2009, 08:27 PM
Parent: #19
Quote: قصدك ياجنابو فيصل جقود ... الزول المرح الجميل
اخوه لاعب الهلال السابق اسامه جقود ....
|
ياهو زاتو يابرير الشكر ليك
|
Post: #25
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: tarig alnour
Date: 08-18-2009, 08:52 PM
Parent: #19
| Quote: خلونا نبدأ بلعيبة الكورة |
سليمان تيه
خالد مركز
اسماعيل طبق
صارقيل
الرشيد استرلينى لاعب الهلال فى الثمانينات
طبعا ياحتم نحنا ديامة ( ديم سعد ) ولكن سكنه فتره من الزمن فى غريقانه غرب طرمبة
ودالحسين (ابوحمامه) ايام لهاايقاع كفر ووتر
|
Post: #26
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: صديق الموج
Date: 08-18-2009, 08:58 PM
Parent: #19
حاتم العزيز تحياتى
انا قصتى مع الحله الجديده قصه
جئتها مصادفه ولم ابرحها الا وانا مغتربا ولكن لم يزل فى قلبى لها منزله خاصه.
و حبب الاوطان الى اهلها مارب قضاها الشباب هنالك
فلى فيها غيمة وشجرة وظل واخوة افاضل.
انا من مواليد امدرمان ولازلت اقطنها ومفتون بعشقها هذه المدينه القريه
ولا اغالى ان قلت لك ان الحله تشبه امدرمان كثيرا اقل شى اجتماعيا.
جئتهم ضيفا ذات صدفه فشملونى بعطفهم ورعايتهم لدرجة ان ادمنت الاقامه فيها
عندما اغتربت وصادفت بعضهم فى دروب الغربه وياتى الحديث عن الحله واسهب فى
الحديث عن الحله واهلها ومواقفهم المشرفه وترحابهم بالغريب كان السؤال الذى يورقهم.
صديق الموج انتو بيتكم كان وين فى الحله؟؟
جوابى دايما كل بيوت الحله بيوتى وكل اهلها اهلى ولم اكن ابالغ اذ هى الحقيقة.
وعندما اخبرهم اننى كنت احضر يوميا من امدرمان واعود بعد ان يغلق
نادى الدفاع ابوابه كانو لايصدقون ذلك .
قضيت حوالى تسعه اشهر اخرج من منزلنا فى الثورة الحارة 12 الساعة الثالثه
عصرا مستغلا بص الثورة حتى المحطه الوسطى امدرمان ومنها استغل بص ابورجيله
حتى المحطة الوسطى الخرطوم ومنها الباص الاحمر حتى محطة ود المبارك،لاجد
فى انتظارى فيصل ودابرق وحاتم محمد بخيت ومحمد محمود التنقيتو وكمال خليل
فى بوابة النادى وقتها كان النادى فى شارع الحله الوسطانى ومقابل دكان عيسى
الترزى وجنوب دكان ود المبارك.
كان النادى خلية نحل يموج بالشباب النشط ويمور بالشابات النشيطات
واسطة عقدهن الاخت شامة محمد بخيت وكانت اول امراة سودانية تشغل
منصب سكرتير فى نادى رياضى وحق لكم ابناء الحله ان تفاخروا بذلك.
يساعد شامه المرحومة فاطمه ابراهيم صالح عليها الرحمة وسلوى وباعوضه
بنات امنه فراج.
كانت ادارة النادى فى ذلك الوقت على النحو التالى:
المقدم ادريس عبد الله عباس رئيسا
صلاح ابراهيم صالح نائب الرئيس
شامة محمد بخيت سكرتيرا عاما
صديق الموج سكرتيرا ثقافيا
النقيب محمد حسن مقبول امينا للمال وصل رتبة اللواء ونزل معاش
كمال خليل وحاتم محمد بخيت مسئولى النشاط النسوى
وعضوية صلاح عبد الله عباس وصلاح حسن وفيصل ابراهيم صالح واخرون لم تسعفنى
ماتسمى ذاكرة فى تذكر اسماء باقى اعضاء اللجنه،
عملنا تلك الايام عملا جبارا هذه هى اللجنه التى استطاعت ان تتحصل على
تصديق لارض النادى الحاليه،وشهدت الدار فى عهدهم نشاط ثقافى واجتماعى ماهول
كانت تقام كل ثلاثاء فى رمضان ذلك العام 1977 ندوة دينيه وكل خميس
لقاء اسرى واذكر ان غنى فى احد تلك اللقاءات المرحوم الخالدى وشهدت
الدار مولد اغنية سلمى وهى من الحان ابن الحله المرحوم سليمان ابوداؤد
ذلك الفنان الانسان وطالما اتينا على ذكر الاموات لابد ان نترحم على روح ريحانة
شباب الحله المرحوم عصام خليل.فقد كان شابا خلوقا وموهبه كرويه فذه
ولعب فى نادى النيل الخرطومى.و الشاب عمر محمود عليه الرحمه.
كان النادى يضم فى عضويته كل اباءنا من رجال ذلك الحى الوطن،عمنا ود المبارك
وعمنا ابراهيم صالح ومع رئاسته لنادى الفروسيه الا انه كان يهتم بنادى
الدفاع اهتمامه بمنزله،عمنا عبد الله عباس،اولاد دوكه،عمنا الجريفاوى،
وكل رجال الحله الاماجد لا مستثنيا احدا من الكرام،الرحمة تتغشى من توفاه الله
منهم ونتمنى طول العمر والصحه لمن تبقى منهم.
شباب الحله اولاد ابرق التاج، صلاح، فيصل، واخواتهم،عوض محمد بخيت (جولط)
حاتم،نابغ واخواتهم،محمد حسن مقبول،صلاح حسن،وشقيقهم الاصغر نسيت اسمه
عادل الجريفاوى،جمال ودالمبارك وشقيقته واذكر ان احد شقيقاته كانت تدرس
بروضة النادى،بدوى ،اسماعيل طبق،فيصل وعلى شرف الدين،ال شاطر،ادريس عبد الله عباس
واشقاؤه عمر وصلاح،وعمر الاخر كان يعمل مضيفانسيت اسم والده ولكن اظن محمود،الكشيف حسن وشقيقته الفنانه قسمه
وشقيقاتها،ابراهيم بلد،فيصل وهيثم وعاطف وشقيقاتهم،سلوى وباعوضه بنات خالتى امنه،
احمد حسن زوج سلوى ومع انه كان يسكن الخرطوم (3)الا انه وبحكم انه ابن اخت فيصل
شرف الدين كان تواجده فى الحله بصورة يومية عيسى الترزى صاحب القفشات الذكيه.
كل هولاء كان لهم القدح المعلى فى بروز نادى الدفاع كاول نادى فى رابطه يضم
فريق فى الممتاز فى الكرة الطائرة وفريق كرة سله للبنات ونشاط ثقافى تحدثت
عنه الخرطوم طويلا فى تلك الايام..
حاتم العزيز قطعا سوف اعود لهذا البوست انشاء الله وسوف اعود بالكثير عن الحله
الجديده بنيها لياليها ذكرياتها واجمل واغلى ما في الحله الجديده قطعا اهلها
فهم من اكرم ولطف اهل الخرطوم قاطبة.
رعى الله الحله ووقاها من كل شر وحفظ اهلها عنوانا للمحنه والالفه والتالف ودمتم،،،،
|
Post: #27
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: حاتم تاج السر المبارك
Date: 08-19-2009, 10:32 AM
Parent: #26
كل الاخوة /الاعزاء المتداخلين
بكم اكتملت شجوني مما دفعني للكتابة خطاب اجازة لاعيد بالحلة
سوف لاانسي لاحضر لكم صورة جديدة عن المعالم الجديدة الظهرة بالحلة
طبعا عنواني السعودية /الرياض جوال 0501717133
يارب ميدان الجلاء فيه دافوري و لا انتهي؟
|
Post: #28
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: برير احمد إبراهيم
Date: 08-19-2009, 10:57 AM
Parent: #27
اما الاكل ده حق الحله الجديده وناسها
ادريس والشواشو الشهيه ... والرشيد ( رشا ) والتحليات الجميله
مرور بالعازه وباعوضه والكوارع اللذيذه ...وعشه زايد
والطعميه الطاعمه المقرمشه ...
|
Post: #29
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-19-2009, 11:52 AM
Parent: #28
حلة الكنوز
حلة فرنسا
|
Post: #30
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-19-2009, 11:56 AM
Parent: #29
ديم سلك
الدخلو هِلك
|
Post: #31
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: elnawrani margan
Date: 08-19-2009, 12:00 PM
Parent: #30
ومن المفارقات
يصبح مركز صحى القوز
ورابطة القوز
فى نص الحلة الجديدة
|
Post: #32
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: حاتم تاج السر المبارك
Date: 08-22-2009, 09:44 AM
Parent: #31
السلام للجميع طبعا وجدت مايحفظ الحلة و لكن اذكر وجه الحلة الاخر الروابط و المكتبة الثقافية بالحلة جديدة وسط و الاسابيع الثقافية و النشاط الرياضي اما ناس (T) و اتابعهم هذا تاريخ في مرحل عامة .
يلا مع رمضان في الحلة
|
Post: #33
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: حاتم تاج السر المبارك
Date: 08-23-2009, 12:18 PM
Parent: #32
الاخ / صديق الموج
بحديثك الثر عن الحلة شمال و رغم انني من وسط و لكن انتمي لنادي الدفاع حيث لعبة في فريق الناشئن به مع كل من الشبلي و حافظ و عثمان حسن ونزار و معتز و اخرون حيث كنا طلبة بمدرسة القوز المتوسطة و النادي بميدان الليق المحل الجديد و نحن في انتظار المزيد من الذكريات بالحلة .
|
Post: #34
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: Abdelrahim Mansour
Date: 08-28-2009, 01:11 PM
Parent: #33
يا شباب الحلة الجديدة
سلامات و رمضان كريم و تصوموا و تفطروا على خير و ربنا يتقبل الصيام و القيام و يجعلنا من عتقاء هذا الشهر المبارك الطيب
سلام و تحية خاصة للدفعة حاتم تاج السر و برير احمد إبراهيم
*
**
|
Post: #35
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: حاتم تاج السر المبارك
Date: 09-30-2009, 08:23 AM
Parent: #34
سلامي للجميع و عيد مبارك متاخرة حسب الظروف من الحلة احي الجميع و للحديث بقية
|
Post: #36
Title: Re: عندما يقال الحلة الجديدة ( الخرطوم) انتهي الكلام يلا نرفع تحياتنا للحلة
Author: عبدالله ود البوش
Date: 09-30-2009, 08:58 AM
Parent: #35
الاخ حاتم وناس الحلة تحياتي
نحن كنا سكان داخلية المعهد الفني بالحلة
ارجو ان تحدثونا عن علاقتكم بناوقتها كشريحة سكانية بالحلة
ايجابياتهم وسلبياتهم ومدى تأثركم بهم
رايك شنو يا حبيبنا صديق الموج مع تحياتي
|
|