ART تأكل أموالنا بالباطل

شبكة راديو وتلفزيون العرب تملك الحق الحصري لنقل عدد من المنافسات
ومنها الدوري السوداني الممتاز وبطولة أفريقيا للأبطال وهما المنافستان
التي تدفع السودانيين للإشتراك في باقات ART وإذا ما حسبنا اعداد المشاركين
من داخل وخارج السودان سنجد الرقم مهول ، وبالتالي المبالغ المحصلة من هؤلاء
المشتركين ، ودون الدخول في تفاصيل الارقام المعقدة ، رسوم الإشتراك داخل السودان
60 رسوم أولية ، 135 جنيه إشتراك ثلاثة أشهر أي كل شهر 45 جنيه ، ماذا تقدم لنا
ART مقابل هذه المبالغ ، كل المباريات التي تقام داخل السودان تنقل بكاميرتين
فقط مما يجعل متابعة الكرة تحصيل حاصل ، وهنالك كثير من اللقطات لا نشاهده
كما يحدث في الدوريات الأخري ، وكمثال علي ذلك ، لا أحد علي وجه التحديد يستطيع
أن يفتي بصحة ضربات الجزاء في مباراتي الأمس وأول أمس ، إضافة لعدم وجود إستديو
تحليلي مصاحب لمباريات القمة في البطولة الأفريقية ، ولا تغطيات مصاحبة ولا غيره
بالعربي الفصيح ناس ART لا يقدموا لنا خدمة جيدة مقابل ما أستلموا من أموالنا
مقدماً ...

حتي مذيعي هذه القناة لا يعرفون شيئاً عن الكرة السودانية
وعادة ما يخطأون في أسماء اللاعبين ، ومعلوماتهم كلها مغلوطة
يجب أن تهتم إدارة الشبكة بالسودان والرياضة السودانية لأنه
قطاع كبير وهام ، وانا علي يقين بأن عدد المشتركين السودانيين
في هذه الشبكة لا يقل عن عشرات الآلاف ....

انتو لسه من زمن الاشتراك
اشترى جهاز واحد يغنيك من البتدفعو ( بس الجهاز غالى شوية )

دى مناسبة عاوز لي وكيل للجهاز ده

Quote: اشترى جهاز واحد يغنيك من البتدفعو ( بس الجهاز غالى شوية )

النضيف كيفنك ياخي ...

الحقنا بالجهاز ده .. لينا زمن نفتش ليه ...

لا بد من إجبار هذه القناة علي إحترام المشاهد السوداني
وتقديم خدمة تليق به وبما يدفعه ...

والله يا زهير اتفق معاك تماما بالذات في حكاية المذيعين دي ،بينطقوا أسماء السودانيين بطريقه مقرفه ...وبعدين عندهم دعايه كده عن الفرق السودانيه وبرضو ناس ما سودانيين برضو تشوفه تطرش عديل كده ..الله يقرفم ياخ ..

حبيبنا زهير ...سلامات ...

ده كلام صح !!!

وليه مايكون عندنا قناة رياضيه مادام عندنا كم هائل من المحلليين والكتاب الرياضيين ؟!! ودوري محلي متعدد ( كأس السودان ، الممتاز ، وغيرها )...

يجب في ظل التطور الحاصل في الكرة السودانية ومشاركة الاندية الكبيرة في الكثير من الدورات الخارجيه ان تتطور وسائل الاعلام الرياضية ...ومثال انشاء قناة رياضية تعني بالرياضة والتحليل وإن امكن شراء حصرية مشاهدة المباريات وبذلك نستطيع ان ندعم الثورة الرياضية بشكل سليم يخدم الكرة السودانية وكذلك يكون العائد داعم اساسي لهذه القناة ...

ولا رأيك شنو ؟

تخريمه : انت عارف في جهاز في السوق يفتح المشفر والمامشفر .. ماعارف في السودان في ولا مافي لكن في السعودية مشتت والمشفر بقي ارضي ...


ودي ،،،

د. الصادق في الكثير من تعليقات هؤلاء المذيعين نشتم عنصرية بغيضة
خاصة حينما ينصبوا الهلال والمريخ مدافعين عن العرب والعروبة في المحافل
الافريقية رغم أن الهلال يلعب بإسمه وليس بأي صفة أخري ...

يا النضيف
الحكاية لو بقت في السهلة كدا ، طيب الجماعة ليهم حق يقرضوا المصاريف ويلغوا الاستديو التحليلي ذاتو - رسل عدد واحد جهاز نجربه وبعدين نتكلم في موضوع الوكيل ....

**
بأختصار شديد يا زهير...

العرب ديل ما بيحبوا السودانين... وحتي في مجالات الاعلام بيعاملونا بنفس القعليه التي يعامل بها الزول السوداني في بلادهم التي يشقي فيها السوداني.

يعني نحنا ما بنسوي عندهم شي.. ولذلك لا تستبعد أخ زهير هذا التحقير والتهميش لدوريات السودان رغم اهميتها في القاره الافريقية.
**

ود القاضي يا حبيب

الدوري السوداني يحتاج لتغطية إعلامية تسهم في تطوره ، وإقتراحك وجيه ميه الميه ، وسمعت أن
الإذاعة الرياضية إف إم 104 بصدد إنشاء قناة رياضية ، وهنالك القناة الأرضية النيلين ولكنها
لا تنقل كل الفعاليات ، كلامك حقيقي محتاجين لقناة حقيقية تنقل كل فعاليات الدوري السوداني
ومباريات الفرق السودانية في البطولات الأفريقية بكل تفاصيلها وقطع شك مثل هذه القناة ستسهم
في تطور كرة القدم والرياضة عامة ، ولكن يجب أن تدار هذه القناة باحترافية ومهنية بعيداً
من العشوائية التي يتميز بها إعلامنا خاصة الرياضي ، وشكراً يا حبيب علي المرور

والله يا زهير كونوا مباريات الفرق السودانيه تكون من غير ستديو تحليلي ،معناه منتهى الأستهتار والاستخفاف بالمشاهد السوداني ..الناس ديل عندهم نظره ثابته ومتاصله تجاهنا وهي نظره دونيه

زهير سلامات
ده طبعا غير التقطيع المستمر من مباراة لاخرى وبوظان الاعصاب
غايتو ART ده يوم بتكتل ليها سودانى ... لكن يجب ان يكون
للاتحاد العام دور فى مباريات الدورى الممتاز على حسب العقد
اذا اصلا هنالك عقد و المسأله ما لم فلوس
وايضا يجب ان يحتج الاتحاد العام و نادى الهلال و المريخ فى ما يخص
البطوله الافريقيه للاتحاد الافريقى ..................................

__________

د الصادق سلامات وكفاره والجاتك فى صفوتك سامحتك ..............

د. الصادق بيدنا نستطيع إيقاف هذه المهزلة وإجبارهم علي احترامنا
وفرقنا الكبيرة ، الهلال والمريخ من أكبر الفرق في المنطقة ولها من
الجماهير ما يفوق كل الفرق الأخري عدا الأهلي القاهري ، ونحن نشكل قوة
اقتصادية كبيرة في حسابات تجارة كرة القدم ، فهل إتحدنا من أجل إنتزاع
حقوقنا

ياكوتش سلامات ..طبعا أنت وجمال السنوسي وللاسف معاكم محمد عادل ، أنا رديت ليكم في المكان المناسب ..واصلو ده حال المجنونه ..لو ما مجنونه الهلال يتصدر والزعيم يقبع في القاع ...لكن معليش ولسه بينا وبينكم الأيام...we will never give up
معليش يا زناتي طلعنا بره البوست ..الناس ديل مفورين دمنا من امبارح ..براك شفت الحصل

سيبك من ده كلو
المباريات ما بينقولها إلا إذا كان طرفها الهلال أو المريخ

انا بديكم فكرة صغييييرة..
تخليكم انتو تاكلو اموالم بالباطل..
شرط ان يكون لديك كرت منتهي الصلاحية..
بالاضافة لاي ريسيفر...
----
نواصل..

Quote: انا بديكم فكرة صغييييرة.. تخليكم انتو تاكلو اموالم بالباطل.. شرط ان يكون لديك كرت منتهي الصلاحية.. بالاضافة لاي ريسيفر...

قصدك يا جيمس الطريقة بتاعت ربط الرسيفر بوصلت يو أس بي بموقع يورسات لتحديث الشفرات الخاصة بنظام اير دي تو ولا ياتو طريقة..؟؟

اذا كانت الطريقة الانا أقصدها لابد في الحال دي جهازك يكون من النوع "يورسات" ولابد من الاعتماد علي القمر نايل سات فقط.. ودي كويس مع الاخوه في السودان.. ولابد من توفر انترنت و وصلت يو أس بي بين الرسيفر و لا حوجه لكرت منتهي ويمكنك فصل الرسيفر من النت بعد تنزيل الباتش او الشفره الجديده و في حالت ناس الاي ارتي يحدثوا الشفره ما عليك الا تحميل الباتش من الموقع وكيدا بتاكل اموال العرب دي بالباطل بي مذاج.

وانا ما عارفك قاصد ياتو طريقة لانك زكرت اي نوع من انواع الرسيفر بس دي في نظري بتكون صعبه لانو نظام التشفير في مناطق السودان و الشرق الاوسط بيعتمد علي القمر نايل سات ومن المعروف انو القنوات المشفره في قمر نايل سات تشفر بنظام الاير دي تو وهو نظام شفره صعبة جدا لانها تربط صاحب البطاقة و رقمها بالقمر الصناعي الذي يتعامل مع البطاقة فقط يعني الاستقبال بيكون مرسل من القمر للبطاقة.

ولكن يا جيمس رسيفرات يورسات البتحميل منافذ للكروت بنظامالتشفير اير دي تو يمكنها تحديث الشفره عن طريق النت ولاحظ يا جيمس انو الشفر يتم تغييرها بين الحين و الاخر وهما عاملين فيها نجيضين ناس الاي ار تي ديل بس في الانجض منهم... ولو كان نظام تشفيرهم بنوع الفياكسس تو فكانو اكلو نيم زمان.. وفي الدول الاوربيين نجد خدمت القمر الهوت بيرد و الفرنسيين مبدعين في مجال كسر شفرات الفياكسس الخاصة بالقمر هوت بيرد وهنالك تحديثات يوميه لشفرات الفياكسس في المنتديات الفضائيه و يمكنك تحديث الباقات المكسور الشفره لجميع الرسيفرات من المنتديات ومن الملاحظ انو الاي ار تي لديها نفس الباقات الرياضية وكامل القنوات في الهوت بيرد بنظام تشفير الفياكسس تو في شمال افريقا ويمكن للاخوه في الخرطوم ناس زهير زنتاني مشاهدة الباقات الخاصة بال ا ار تي في القمر بأطباق كبيره جدا تتعدي الثلاث امتار بس هذه الاطباق مكلفه جدا اما الشفرات الخاصة بالهوت بيرد بنظام فياكسس فهي متاحه من قبل المهندسيين الفرنسيين بصوره دوريه و محدثه بكل جديد.

ما عارفك انت قاصد ياتو طريقة يا جيمس...

Quote: بأختصار شديد يا زهير... العرب ديل ما بيحبوا السودانين... وحتي في مجالات الاعلام بيعاملونا بنفس القعليه التي يعامل بها الزول السوداني في بلادهم التي يشقي فيها السوداني. يعني نحنا ما بنسوي عندهم شي.. ولذلك لا تستبعد أخ زهير هذا التحقير والتهميش لدوريات السودان رغم اهميتها في القاره الافريقية.

العزيز أحمد الدوري السوداني من أكثر الدوريات شعبية في المنطقة غض النظر عن مستواه الفني ، وبالتالي يمكن أن يكون من أكثر الدوريات التي تدر أموالاً ، وكل الفرق صاحبة شعبية في مناطقها ، ويمكن أن نستثني فريقي الموردة والخرطوم (3) من الفرق الجماهيرية ولكنهما فريقيان عريقان في الدوري الممتاز ، ومباريتهم تجد المتابعة من العديدين , لذلك يجب علي ART أن تهتم بالدوري السوداني بشكل يليق به أو تتركه لأي من القنوات الأخري ،

Quote: سيبك من ده كلو المباريات ما بينقولها إلا إذا كان طرفها الهلال أو المريخ

وأحياناً لا يتم نقل مباريات هلال مريخ والنقل نفسه غاية في السوء

Quote: انا بديكم فكرة صغييييرة.. تخليكم انتو تاكلو اموالم بالباطل.. شرط ان يكون لديك كرت منتهي الصلاحية.. بالاضافة لاي ريسيفر... ---- نواصل..

هاتها باعجل ما تيسر فهؤلاء لا مال لهم لدينا

Quote: المباريات ما بينقولها إلا إذا كان طرفها الهلال أو المريخ

بصراحةART جميلة و ممتعة صحيح ممكن تكون غالية شوية علي نوعيه السيرفيس لكن هنا فى الامارات معقول سعرها.


بالنسبة للدوري بنقلو اغلب المبارايات قبل تلاته اسابيع كانو ناقلين الموردة و حي العرب و ده دليل علي نقلهم للمبارايات التي ليس طرفها الهلال و المريخ.



لو حليتوني من الاشتراك الشهري و لكن بشكل قانوني تكونو ما قصرتو تب .

Quote: قصدك يا جيمس الطريقة بتاعت ربط الرسيفر بوصلت يو أس بي بموقع يورسات لتحديث الشفرات الخاصة بنظام اير دي تو ولا ياتو طريقة..؟؟ اذا كانت الطريقة الانا أقصدها لابد في الحال دي جهازك يكون من النوع "يورسات" ولابد من الاعتماد علي القمر نايل سات فقط.. ودي كويس مع الاخوه في السودان.. ولابد من توفر انترنت و وصلت يو أس بي بين الرسيفر و لا حوجه لكرت منتهي ويمكنك فصل الرسيفر من النت بعد تنزيل الباتش او الشفره الجديده و في حالت ناس الاي ارتي يحدثوا الشفره ما عليك الا تحميل الباتش من الموقع وكيدا بتاكل اموال العرب دي بالباطل بي مذاج. وانا ما عارفك قاصد ياتو طريقة لانك زكرت اي نوع من انواع الرسيفر بس دي في نظري بتكون صعبه لانو نظام التشفير في مناطق السودان و الشرق الاوسط بيعتمد علي القمر نايل سات ومن المعروف انو القنوات المشفره في قمر نايل سات تشفر بنظام الاير دي تو وهو نظام شفره صعبة جدا لانها تربط صاحب البطاقة و رقمها بالقمر الصناعي الذي يتعامل مع البطاقة فقط يعني الاستقبال بيكون مرسل من القمر للبطاقة. ولكن يا جيمس رسيفرات يورسات البتحميل منافذ للكروت بنظامالتشفير اير دي تو يمكنها تحديث الشفره عن طريق النت ولاحظ يا جيمس انو الشفر يتم تغييرها بين الحين و الاخر وهما عاملين فيها نجيضين ناس الاي ار تي ديل بس في الانجض منهم... ولو كان نظام تشفيرهم بنوع الفياكسس تو فكانو اكلو نيم زمان.. وفي الدول الاوربيين نجد خدمت القمر الهوت بيرد و الفرنسيين مبدعين في مجال كسر شفرات الفياكسس الخاصة بالقمر هوت بيرد وهنالك تحديثات يوميه لشفرات الفياكسس في المنتديات الفضائيه و يمكنك تحديث الباقات المكسور الشفره لجميع الرسيفرات من المنتديات ومن الملاحظ انو الاي ار تي لديها نفس الباقات الرياضية وكامل القنوات في الهوت بيرد بنظام تشفير الفياكسس تو في شمال افريقا ويمكن للاخوه في الخرطوم ناس زهير زنتاني مشاهدة الباقات الخاصة بال ا ار تي في القمر بأطباق كبيره جدا تتعدي الثلاث امتار بس هذه الاطباق مكلفه جدا اما الشفرات الخاصة بالهوت بيرد بنظام فياكسس فهي متاحه من قبل المهندسيين الفرنسيين بصوره دوريه و محدثه بكل جديد. ما عارفك انت قاصد ياتو طريقة يا جيمس...

الكلام دا مالو صعب كده يا أحمد ،