ألان غازي سليمان في تلفزيون السودان

أنا ماسك في سلفاكير ...كده..وأشار بكلتا يديه !!! وهو يصرخ

أنا علي الطلاق لن أطلع من الحركه الشعبيه حتي أطلع كل من فيها ...

يا دكتور طمنا عليك بعد نهاية الحلقة

يا دكتور طمنا عليك بعد نهاية الحلقة

ربنا يستر يانصار

الحركه الشعبيه جاهزه مويه ونور في الجنوب وما جاهزه في الشمال للانتخابات

يجب تغيير قيادات قطاع الشمال...بسببهم انشق لام أكول ....
بعد كل هذا الشيب لن أسكت على الخطأ ..والعاوز يرفدني ..اليرفدني

المذيعه في قمة الربكه والدربكه...الضيف ما مديها فرصه تسأل..والله تحنن

انتهت الحلقه والمذيعه كانت أسعد انسان بنهاية الحلقه

انتهت الحلقه والمذيعه كانت أسعد انسان بنهاية الحلقه

ما اظنها اسعد منك
وشر البلية ما يسعد

والله يا جعفر فعلا لا أحد ينافس المذيعه في سعادتها غيري ...

الأخ الدكتور الصادق

.

Quote: أنا علي الطلاق لن أطلع من الحركه الشعبيه حتي أطلع كل من فيها ...

إنما قال انه سيطلع الناس العاوزينو يطلع منها ... و ليس كل الناس ... و هو يعنى المجموعة المسئولة عن قطاع الشمال.....
و حا يطلعهم منها...... الرجل عنيد جدا و نفسه طويل ..... و هذا هو الفرق بينه و بين د. لام أكول كما قال....
الرجل عنيد و لا يعرف التنازل .....و الناس القاصدهم خليهم يبلو شعرهم..
أنا أعجبت باللقاء لآنه كان تلقائى و بدون لولوة....

وهو الاستضاف غازى دا زول عاقل كدا يعنى D:

بالظبط كده الأخ .. محمد شمس ويبدو أنه مليان جدا وزعلان من قيادات الحركه في قطاع الشمال

Quote: وهو الاستضاف غازى دا زول عاقل كدا يعنى

خالد ... غازى ده خاله هو الدكتور التيجانى الماحى ....فموضوع العقل خليهو بعيد....
و هو من المتطوعين فى حرب السويس 56
والده هو الأستاذ محمد أحمد سليمان أنشأ مدرسة بورتسودان الأهلية بعد أن ضايقه الإنجليز و ممن كان معه من الأستاذة عبدالرحمن الوسيلة ....
....أعتقد أن شخصا نشأ فى جو كهذا لن يعرف التنازل ... و سيكون شرسا....
أنا لا أعرف من يقصدهم بالضبط ..(إن كان يقصد ياسر أو غيره) ... لكن أعرف شيئا واحدا أن هؤلاء سيكونون تاريخا عما قريب...
....
كلامه عن المحكمة الجنائية أعتقد أنه فيه قمة الوطنية و النظرة الثاقبة .. و قد أثار هذه النقاط
1) لماذا لم تحاكم المحكمة القيادات السياسية و أختارت محاكمة القيادات الميدانية فى حادثة حسكنيته ؟
2)هل المحكمة سياسية أم جنائية ؟ و ماذا كان سيحدث إذا استخدمت الصين حق الفيتو ؟ هل سيضيع العدل حينها ؟

محمد شمس الدين انت قاعد تتكلم عن غازي سليمان البنعرفه دا ولا غازي تاني؟

البرنامج كان فيهو كميه من الصراخ يصعب معها المتابعه ..بس تابعته حتي النهايه ...كيف؟ ماعارف

نصار..سلام
أنا لم استمع لغازى من قبل الآ مرة فى قناة الجزيرة ...

حلقة اليوم شاهدتها كلها ...
ما هى المشكلة فيها يا نصار....
هى أشبه بالونسة ... لكن كلام دغرى ... و انا شايفو كويس ...
.
هل المشكلة فى طريقة الكلام والقاءه .. ام فى مضمون الكلام ؟
إذا كانت المشكلة فى الطريقة ... فى ناس كانت بتتكيف لخضر بشير ... و غيرهم كان بتكيف للكابلى و حسن عطية...
مضمون الكلام ورينا الغلط فيهو شنو ؟

مضمون الكلام ورينا الغلط فيهو شنو ؟

كله غلط بل كثير من الكذب:

1-قال أنه كان مؤيدا للأنقاذ ولو كان ضابط لكان أخذ السلطة في السؤال البعده قالت له كنت مؤيد للأنقاذ قال لا كنت معارضا !!!!!!!!!!!!!
2-قال أنه من المؤسسين للحركة الشعبية !!!! ده كذب من غير الخوض فيه لأنه كذب واضح
3- الجزء المهم أن هذا الغازي كان لديه حزب "جاد"جبهة أستعادة الديمقراطية الى مايو 2005 ولم يكن في الحركة الشعبية بأئ حال من الأحوال
4-المضحك حقيقة أن هذا الغازي يقول أنه ماسك في سلفاكير ميادريت وليست مياردييت ورددها مرتين فكيف تجهل بأسم زعيمك بالله عليك؟؟
5-يتهم قيادة قطاع الشمال بالتعيين وهو يعلم بأن الحركة الشعبية عقدت المؤتمر العام الثاني بمشاركة 550 عضو من الشمال النيلي ولم يكن منهم وأختارت 250 أعضاء مجلس التحرير ولم يكن منهم وأختارت 27 أعضاء مكتب سياسي ولم يكن منهم فعجبي لهذا الأراجوز القيادي ؟؟في أي من قيادات وهياكل الحركة أنت؟؟
6- هو يقول بأنه قاعد في الحركة وهو يعلم بأن رئيس الحركة خاطب رئيس المجلس الوطني لأزاحته من اللجنة التشريعية وحاجج أحمد أبراهيم الطاهر وسوف ومازال يسوف الى الآن
7-غازي يعلم بأن مقعده في المجلس الوطني ده عين فيه من لجنة الأختيار والتي كانت من عضوية قادة قطاع الشمال الذي يهاجمه الآن ،، وهو يعلم بأنه ماكان ليكون هنا لولا أن بعض الشخصيات من قيادة القطاع قررت تجامله لألحاحه على التعيين (هذه هي المصيبة)
8-هو لا يريد المجاهرة بأنضمامه للأم أكول لأنه سيفقد المنصب في الحال حسب الدستور وعليه قرر اللياقة

أراجوز السياسة السودانية

الاخ محمد شمس الدين
واضح انك ليك علاقة خاصة بغازي و اهله قد تكون صلة قرابة او معرفة بالاسرة الكبيرة دا فعلا بخليك تحسن الظن في غازي الانت نفسك قلت ما سمعته يتكلم الا مرة واحد و دي التانية.. اقاربه الذكرتهم علي العين و الراس و هو ذاته كأنسان محل تقدير لو لا لاي شي تبقي الصلة الانسانية محترمة.. لكن المهم هو غازي الشخص المطلع بشأننا العام،، غازي بعد معارضة لسنوات اختار انه يكون مهرج سياسي يتخذ الموقف وضده في نفس اللحظة،، غازي خرب العمل النقابي و عمل مؤسسات المجتمع المدني و دخل الحركة الشعبية في وقت كان فيه اقرب ما يكون للمؤتمر الوطني..