شعوري الحقيقي كهلالابي تجاه المريخ اليوم

كهلالابي أتمني أن تنتهي مباراة المريخ وزيسكو بالتعادل لسبب بسيط
أن المريخ وزيسكو منافسين للهلال علي بطاقة التأهل للمربع الذهبي
فإذا ما تعادل المريخ مع زيسكو اليوم تكون حظوظهما للتأهل قد تضآلت
فيصبح الوضع كالآتي :
1/ الهلال 7 نقاط من 3 مباريات
2/ كانو 4 نقاط من 3 مباريات
3/ المريخ نقطتين من 3 مباريات
4/ زيسكو نقطتين من 3 مباريات
للتبقي ثلاث جولات لكل فريق في هذه المجموعة علماً بأن للهلال مباريتين
خارج أرضه مع كانو وزيسكو واحتمال أن يتعثر وارد بشدة ، كما أن مبارته
مع المريخ لا تعتبر في أرضه بل هي 50% لكل فريق ،
بعيداً عن العاطفة وبالنظر لمصلحة الهلال نتمني أن تخرج المباراة تعادلية
ليس هذا كراهية في المريخ بل هي حسابات العقل والمنطق ....


ما تزعلوا يا مريخاب

Quote: كهلالابي أتمني أن تنتهي مباراة المريخ وزيسكو بالتعادل لسبب بسيط أن المريخ وزيسكو منافسين للهلال علي بطاقة التأهل للمربع الذهبي فإذا ما تعادل المريخ مع زيسكو اليوم تكون حظوظهما للتأهل قد تضآلت فيصبح الوضع كالآتي : 1/ الهلال 7 نقاط من 3 مباريات 2/ كانو 4 نقاط من 3 مباريات 3/ المريخ نقطتين من 3 مباريات 4/ زيسكو نقطتين من 3 مباريات للتبقي ثلاث جولات لكل فريق في هذه المجموعة علماً بأن للهلال مباريتين خارج أرضه مع كانو وزيسكو واحتمال أن يتعثر وارد بشدة ، كما أن مبارته مع المريخ لا تعتبر في أرضه بل هي 50% لكل فريق ، بعيداً عن العاطفة وبالنظر لمصلحة الهلال نتمني أن تخرج المباراة تعادلية ليس هذا كراهية في المريخ بل هي حسابات العقل والمنطق ....

كلام جميل

Quote: كلام جميل

كلام مووووش جميل
انا عايز المريخ ينهزم
عشان نسكت الفارات اللي
كل يوم فالقيننا كاسات عابرات القارات
ولغاية هسع يقولوا ليك كاس مانيلا وشنو شنو
مافي طموح لقدام وانما طبطبة الاثارات

من حق المريخاب أن يتمنوا الهزيمة للهلال في مقبل مبارياته لأن هذا في مصلحة فريقهم
وتعزيز حظوظه في الصعود للمربع الذهبي وهذا لا ينقص من وطنية المريخاب بقدر ما
هو حب لناديهم . وكذلك الحال بالنسبة للهلالاب .



لا مكان للوطنية الضيقة في كرة القدم الرحيبة

مقول لفيلسوف رياضي توفي قبل 3.000 عام في أثينا القديمة

شكراً يا محمد علي المرور
التنافس الأفريقي حامي جداً ولا مكان فيه للعواطف وما قدمه المريخاب
من خدمات للفرق المنافسة ضد الهلال لا يحصي فيها من هو علناً وما في الخفاء
والشواهد كثيرة ، لا نصف المريخاب بالخونة ولكنه التنافس في كرة القدم .

يا زمراوي فوز زيسكو اليوم يجعله منافس قوي للهلال
عشان كده عايزنها تعادل عشان الإثنين يقيفوا في نقطتين



لا مكان للعواطف في المنافسات الأفريقية

مقولة لحكيم في الدولة المصرية قبل 5.000 عام

حبيبنا زهير ..سلامات ...

انا بفهم الكورة انها كورة ..يعني مابديها البعد الوطني والحاجات البقولوها الناس ...يعني ممكن عادي بل وعادي جداً اشجع المنتخب البرازيلي لو لعب مع السودان ...واشجع الاتحاد السعودي لو لعب مع الهلال السوداني ...


تخريمه :

ياخي مادام انك زول مستنير - حسب علمي - وزول احمر وهاج المزرقك شنو ياقريبي ؟!!!

يا فايز أولاً ربنا يرحم نزار الخليفة بقدر ما أمتعنا ويجعل الجنة مثواه
ثانياً انا هلالابي من سنة 73 ، وأكتر بوست مكيفني في البورد دا كلو البوست
بتاع محي الدين جبريل : كيف الزول يبقي مريخابي

ثالثاً : أتفق معاك في إنو الكورة حاجة والوطنية حاجة تانية

حسابات منطقية

بس أول مرة أعرف إنك كوتش محترم جدا

بس عايزك تحلل لي حال الهلال

(الأطراف مقصوصة.. الدفاع لايساهم في بناء الهجمات، ووسط بلا لياقة، وتوهان في الهجوم، ألا تلاحظ أن أهدافنا كلها من ضربات ثابتة؟

هذا وضع مخيف لعاشق شفقان) نسمع منك..

هذا لا يمنع أن يحقق المريخ اليوم نتيجة إيجابية وهو الأقرب للتحقق وبالتالي سيصبح رصيد المريخ
4 نقاط وهو ما يجعله علي بعد ثلاث نقاط أو مباراة واحدة ليصبح مساو للهلال في النقاط ...

زهير سلامات
كتبت هذه المداخله فى بوست ما يوم امس قبل كورة الهلال وكانو
وسوف اعيدها هنا ( فاليسمح لى كاتب ذلك البوست )

لاعلاقه بين تشجيع الانديه التى تتحكم
فيها العواطف تماما و الوطنيه
ده كوم وداك كوم براهو ،
والذى يتصور هذا يحدث فى كرة القدم للانديه
فهو اما مجامل او خالف تذكر و السلام
او منافق او آخر فى نفس المعنى ....
ولك ان تقف بجانب قلبك وانت كامل الوطنيه
فكرة القدم فى تشجيعها اصلا تقوم على العواطف

والمثاليه و الوطنيه هنا لا معنى فى انحاء
العالم و الادله كثيره و التى تعلن عن الولاء للانديه
والا كيف لاداهور ان يحرز هدفا فى مرمى منتخب يلعب باسم نيجيريا ويفرح هل هو خان وطنه
ام كريستانو رونالدو عندما احرز هدف ولا اجمله فى مرمى بورتو البرتقالى قاد فريقه الى نصف النهائى
ووووو والامثله كثيره جدا فى جميع انحاء العالم

الوطنيه فى كرة القدم عندما يلعب منتخب الوطن والسلام عليكم و رحمة الله و بركاته

فى الختام بقول :
الغربه التى نعيش فيها علمتنا كيف نعشق السودان لدرجة الجنون ونتمنى له ولاهلنا كل الخير و الامان
ونشجع السودان فى كل المناحى التعليميه و البحوث و التاريخ و الجغرافيا وهكذا
اما فى دنيا كرة القدم فاننى وبكل حب و تقدير اشجع الانديه الثلاث الآتيه فقط
الهلال السودانى
سيد البلد السودانى
فريق دولة جمهورية الهلال بالسودان

واتمنى هزيمة فريق المريخ ( لانه المنافس الوحيد للهلال داخليا و الآن داخليا و خارجيا )
فى كل المناسبات المحليه و القاريه و العربيه حتى ولو كانت هزيمته لا تخدم سيد البلد
ولكن احترم عشاقه من اخوان و اصدقاء و زملاء و معارف بكل ما تحمل هذه الكلمه من معنى

وارجو من اى رياضى فى تشجيع ما يحب ان يبعد عن التجريح و الخصوصيات اذا كانت للاعبين او للاداريين او للاعلاميين او الجماهير
لاننا فى النهايه اخوان و الرياضه للمحبه والجمال مع الاحتفاظ بحق الآخرين فى التعبير و الفرح طالما لايمس احد فى شخصه


مودتى و تحياتى الاكيده لكاتب هذا البوست ولكل المتداخلين

تحليل منطقي و في مصلحة الهلال


تسلم يا جميل

كلفني الهلالابي الكبير حاتم ابراهيم
باهداء كل الهلالاب في المنبر هذا الكليب من انتاجه مع هدية خاصة لود البشرى ونوبي
.
http://www.youtube.com/watch?v=YdgS145kNr8

أنا هلالابي .... لكن أتمنى أن أشاهد لقاء قمة في النهائي بين الهلال والمريخ


هل هذا ممكن ؟

Quote: حسابات منطقية بس أول مرة أعرف إنك كوتش محترم جدا بس عايزك تحلل لي حال الهلال (الأطراف مقصوصة.. الدفاع لايساهم في بناء الهجمات، ووسط بلا لياقة، وتوهان في الهجوم، ألا تلاحظ أن أهدافنا كلها من ضربات ثابتة؟ هذا وضع مخيف لعاشق شفقان) نسمع منك..

يا غلامابي بالغت عديل كده مع الهلال أظنك لم تشاهد مباريات الهلال الأخيرة
الهلال في تطور مضطرد منذ بداية الموسم ... وكل مباراة يلعب أفضل من المباراة السابقة

خليك قريب واستمتع ..... بالهلال

Quote: لاعلاقه بين تشجيع الانديه التى تتحكم فيها العواطف تماما و الوطنيه ده كوم وداك كوم براهو ، والذى يتصور هذا يحدث فى كرة القدم للانديه فهو اما مجامل او خالف تذكر و السلام او منافق او آخر فى نفس المعنى .... ولك ان تقف بجانب قلبك وانت كامل الوطنيه فكرة القدم فى تشجيعها اصلا تقوم على العواطف والمثاليه و الوطنيه هنا لا معنى فى انحاء العالم و الادله كثيره و التى تعلن عن الولاء للانديه والا كيف لاداهور ان يحرز هدفا فى مرمى منتخب يلعب باسم نيجيريا ويفرح هل هو خان وطنه ام كريستانو رونالدو عندما احرز هدف ولا اجمله فى مرمى بورتو البرتقالى قاد فريقه الى نصف النهائى ووووو والامثله كثيره جدا فى جميع انحاء العالم الوطنيه فى كرة القدم عندما يلعب منتخب الوطن والسلام عليكم و رحمة الله و بركاته فى الختام بقول : الغربه التى نعيش فيها علمتنا كيف نعشق السودان لدرجة الجنون ونتمنى له ولاهلنا كل الخير و الامان ونشجع السودان فى كل المناحى التعليميه و البحوث و التاريخ و الجغرافيا وهكذا اما فى دنيا كرة القدم فاننى وبكل حب و تقدير اشجع الانديه الثلاث الآتيه فقط الهلال السودانى سيد البلد السودانى فريق دولة جمهورية الهلال بالسودان واتمنى هزيمة فريق المريخ ( لانه المنافس الوحيد للهلال داخليا و الآن داخليا و خارجيا ) فى كل المناسبات المحليه و القاريه و العربيه حتى ولو كانت هزيمته لا تخدم سيد البلد ولكن احترم عشاقه من اخوان و اصدقاء و زملاء و معارف بكل ما تحمل هذه الكلمه من معنى وارجو من اى رياضى فى تشجيع ما يحب ان يبعد عن التجريح و الخصوصيات اذا كانت للاعبين او للاداريين او للاعلاميين او الجماهير لاننا فى النهايه اخوان و الرياضه للمحبه والجمال مع الاحتفاظ بحق الآخرين فى التعبير و الفرح طالما لايمس احد فى شخصه مودتى و تحياتى الاكيده لكاتب هذا البوست ولكل المتداخلين

تمام يا طارق وأتفق معاك مية المية
بس الجماعة أمبارح خذلونا وإتهزموا بالتلاتة وكده عقدوا لينا الأمور

أدعو معي اللهم أمنح المريخ التعادل في زامبيا

من الآن وإلي مباراة المريخ مع زيسكو في زامبيا يجب أن نقف وقفة رجل واحد
من أجل أن يظفر المريخ بنقطة من هناك أو يفوز حتي نرتاح في الصدارة ...

العزيز سيف الدولة

شكراً علي المرور ،

ولا زلنا في موقفنا الداعم للمريخ في مباراته القادمة مع زيسكو لا بد أن ينتصر
أبناء عمنا أو يتعادلوا وبي كده يكون الوضع لو هزم الهلال أمام كانو في نيجريا

الهلال 7
كانو 7
المريخ 4
زيسكو 4

وفي الجولة الخامسة تحسم الأمور ، الهلال أمام زيسكو في زامبيا
والمريخ أمام كانو في أمدرمان ، والتي سنتمناها تعادلة إذا ما خرج المريخ امام زيسكو
بنتيجة إيجابية ...

نتيجة الأمس الهلال متضرر منها كما المريخ

شكراً يا عمر علي الفيديو الجميل ، وبه شغل مكرب
بس للأسف مافيهو هوبة مهند الطاهر الشهيرة

شكراً للهلالابي حاتم .....

Quote: عشان نسكت الفارات اللي

والفارة الزيك الساكت طول عمر يعمل شنووووووووووووووووو ....
زمراوي انت زول غير سوي كل مداخلاتك تجاه المريخ تنعم عن عقد نفسية ؟؟؟؟؟

لا مشكلة لدينا في أن يكون المريخ الطرف الثاني في النهائي طالما كان الهلال هو الطرف
الأول . بس بطريقتهم دي الله أعلم ....

يا شباب روقوا المنقة ، الشئ كورة ليس إلا

Quote: حاتم ابراهيم

يااااااااااااااااااااااااااااااه
يشهد الله إشتقنا للزول ده
و يا ريت بكري يرجعه
و من دربي ده هسي ماشي ارسل لي بكري عشان يرجع لينا حبيبنا حاتم


__
شكرا يا عمر ياخ

Quote: و من دربي ده هسي ماشي ارسل لي بكري عشان يرجع لينا حبيبنا حاتم

الاخ / فيصل نوبي
ياريت يتكلل جهدك بالنجاح
الزول ده - كيبوردو_ مولع نار ومنتظر الباسورد
علشان يحصل ابداعات الهلال في الميدان الاخضر
شكرا ليك

فيصل نوبي منور والله

وطلتك اسعدتنا