Post: #1
Title: كلية الهندسة والمعمار ـ جامعة الخرطوم ـ قسم الأمن والمخابرات
Author: مزاحم الضوي
Date: 08-15-2009, 01:48 PM
درسنا واتخرجنا من كلية الهندسه والمعمار جامعة الخرطوم
فى سبعينات القرن الماضى وكانت الكلية تضم الاقسام التالية
* الهندسه الكهربائية
* الهندسه المدنية
* الهندسه الميكانيكية
* الهندسه االكيميائية
* الهندسه المعمارية
وفى الاخر افتكر عملوا المساحةا
والمهندسين مالين القطاع الخاص والحكومه وخاصة
وزارات الرى والاشغال والصناعة والكهرباء ..... وزراء
ووكلاء ورؤساء اقسام ومهندسين
ايه حكاية المهندسين اليومين ديل
مهندس مدير عام الأمن والمخابرات
زحلقوهو وجابو بدلو مهندس اخر مدبر عام للأمن والمخابرات
الأتنين خريجين كلية الهندسة حامعة الخرطوم فى التمانينات
سؤالى هل تم انشاء قسم أمن ومخابرات فى الكليه ولا الحاصل شنو
قال اليوم الحار قال .... ورونا يابتاعين التمانينات
يا خليل .... يامجمر ...... يافضلى
|
Post: #2
Title: Re: كلية الهندسة والمعمار ـ جامعة الخرطوم ـ قسم الأمن والمخابرات
Author: NEWSUDANI
Date: 08-15-2009, 04:51 PM
Parent: #1
عمنا مزاحم عبد الوهاب الضوي
عمنا دي لاعلاقة ليا بالعمر، بما أني دفعة 82 -83 أزيدك في الشعر بيت من دفعنا في هذا النظام:
- لواء أمن سابق -جمال حسنين زمقان
-يوسف أحمد يوسف- مدير هجليج
-عبد الباسط حمزة-مرافق أسامة بن لادن وشريك أساسي في أريبا ،عفراء (الدفعة الأولى مساحة)
-صلاح عبدالله قوش
-محمد عطا
-طارق محجوب -شباب البناء (الشعبي الآن)
-وداد النحلة
-سنية من الكيمكال (زوجة الدرديري محمد أحمد)
ديل بتذكرهم أنا براي ما عارف ناس هشام المجمر يرصدوا لينا الباقي ،،
شو بدك أحلى من هيك ؟؟؟؟
|
Post: #3
Title: Re: كلية الهندسة والمعمار ـ جامعة الخرطوم ـ قسم الأمن والمخابرات
Author: MOHAMMED ELSHEIKH
Date: 08-15-2009, 09:20 PM
Parent: #2
و بينما انا وبدر التوم(على صحن الفول نزل)جلوس في معتقل دار المحاميين في منتصف ديسمبر89(بعد ستة شهور بس من الأنقلاب) اتي ضابط امن بكامل عفشه(الطبنجات وكدى) لتسليم المعتقل الدكتورطارق اسماعيل أخصائي جراحة الأطفال ونبهني بدر لأفاجأ بالضابط عبارة عن م.م.ا وهو من دفعتنا وزميلنا في الكلية بتاعة الأمن دي.
اللهم نسألك رد القضاء و اللطف فيه على قول د. البوني
|
|