Post: #1
Title: الهلال محتاج لنقطتين خارج الأرض ..
Author: طلحة عبدالله
Date: 08-14-2009, 10:03 PM
وإلا فالرماد كال أي حماد أزرق ..
يتبع ...
|
Post: #2
Title: Re: الهلال محتاج لنقطتين خارج الأرض ..
Author: فتحي الصديق
Date: 08-14-2009, 10:15 PM
Parent: #1
حنجيب 3 نقاط من لوساكا ..ومعاهم 3 من داخل الأرض ..
زائد الرصيد العندنا.. نحمد الله.
|
Post: #4
Title: Re: الهلال محتاج لنقطتين خارج الأرض ..
Author: ودرملية
Date: 08-14-2009, 10:20 PM
Parent: #2
سلامات
وعوافي
انشاء الله النقطتين تجي يا طلحة ..
وربنا ينصر الهلال داخل وخارج البلد..
وانشاء الله المريخ يجيب نقاط مباراة الغد ...
وانشاء الله يتأهل الفريقين لدوري الاربعة..
وانشاء الله يكون النهائي بين الهلال والمريخ ..
وانشاء الله يفوز بالكأس الفريق الذي يستحقه..
وكهلالابي..
انشاء الله يفوز الهلال بالكأس ..
كدة بطنا بتكون باردة ..
وقول آمين ..
|
Post: #3
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-14-2009, 10:16 PM
Parent: #1
سبع نقاط لا تؤهل
بل ولن تخرج بأبي الهل من حدود أم درمان وعليه أن يجتهد
للحصول علي نقطتين على الأقل من أمام زيسكو بزامبيا وكانو بنيجيريا
كون أن مباراته أمام الإمبراطور المريخي أمرها منتهي لصالح أخوان
العجب حتى ولو لعب أبو الهل داخل تابوت وليس مقبرة .
يتبع ..
|
Post: #5
Title: Re: الهلال محتاج لنقطتين خارج الأرض ..
Author: أمين محمد سليمان
Date: 08-14-2009, 10:26 PM
Parent: #3
والله يا سعادتك تحننو !!
خليك من الهلال أب سبعه ، كدي في الأول شوف بتموها أربعه بكره ولا لا ؟!!!!
|
Post: #6
Title: Re: الهلال محتاج لنقطتين خارج الأرض ..
Author: Yassir Tayfour
Date: 08-14-2009, 10:32 PM
Parent: #5
يا أمين.
قول لي طلحة يعد نقاطهم أولاً، حتى بعدين يعد نقاط الجيران، والنقاط كان ما كفو ناس البيت حرام على لجيران..
___
|
Post: #8
Title: Re: الهلال محتاج لنقطتين خارج الأرض ..
Author: جمال السنوسي
Date: 08-14-2009, 10:40 PM
Parent: #6
يعدو ليهم شنو
هي فرد نقطة
يعدوها كيف
نص
نص
واللا ربع ربع
وااللا ثمن ثمن
كلو عند الوصيف نقطة
وغدا ندعوكم لمشاهدة الفيلم المكرر
موت وصبف
بطولة زيسكو
بدلا من اتراكو
|
Post: #7
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-14-2009, 10:36 PM
Parent: #3
فتحي الصديق وود رملية
بعد التحية
اتمني معكما تأهل المريخ والهلال وذهابهما معا لنهائي البطولة الكبيرة
لكن الأمنيات وحدها لا تكفي بالنظر لمستوي الفريقين في البطولة حتى اليوم .
المريخ أضاع نصرا كان في متناول أقدام لاعبيه أمام الهلال في المباراة
الأولي وعاد ليخسر ثلاث نقاط أخري أمام كانو في مباراة كان يفترض أن يخرج
منها بنقطة على الأقل لو أرتفع لاعبيه قليلا لمستوي المسؤولية.
والهلال رغم تعادله أمام المريخ بارض هذا الأخير وفوزيه على زيسكو وكانو بارضه
لكنه لم يقدم مستوي مطمئن إذ ان فوزه على زيسكو بهدف سجله مدافع ربما
بضربة حظ يؤكد أن الفريق كان في حالة سيئة رغم ان الفريق الزامبي ليس
بالخصم القوي ، ومع ملاحظة ارتفاع مستواه الفني الى حد ما في مباراة اليوم وتحقيقه
للفوز على كانو إلا أنه لم بصل بعد للمرحلة المأمولة التى يستطيع معها
التجاسر في مبارياته الثلاث المقبلة .
|
Post: #9
Title: Re: الهلال محتاج لنقطتين خارج الأرض ..
Author: فتحي الصديق
Date: 08-14-2009, 10:43 PM
Parent: #7
| Quote: والهلال رغم تعادله أمام المريخ بارض هذا الأخير وفوزيه على زيسكو وكانو بارضه |
حرام عليك يا طلحة والله.. الهلال حصل على سبع نقاط من ثلاث مباريات . وحافظ على نظافة شباكه حتى الان ..ويقف في صدارة مجموعته ..
قل لنا ماهو المطلوب من الهلال ؟ ثم
ماهو المطلوب من المريخ ؟
|
Post: #11
Title: Re: الهلال محتاج لنقطتين خارج الأرض ..
Author: محمد عادل
Date: 08-14-2009, 10:53 PM
Parent: #10
ياطلحه
ياخى خليك فى روحك انت محتاج لكم نقطه
انا عملت 7 وكانو 4 وانت لو غلبتا ونسال الله ادينا الفى مرادنا حتعمل 4 وزيسكو حيبقى فى نقاطو
تمشى زامبيا نفرض اتعادلتا ونسال الله يكضب الشينة حتعمل 5 انا قول اتغلبت من كانو انا حكون 7 وكانو7 اجى فى مقبرتى (مفخرتى) ارصعك اعمل 10 وتبقى انت فى 5 نقاط كانو حيغلب زيسكو وحيعمل 13 نقطه
اسافر زامبيا اتغلب حكون 10 وانت تغلب كانو حتعمل 8
اها بعد كدا اقول ليك خليك فى نقاطك يابو نقطه
|
Post: #12
Title: Re: الهلال محتاج لنقطتين خارج الأرض ..
Author: عبدالعزيز الفاضلابى
Date: 08-14-2009, 11:17 PM
Parent: #11
ياطلحة ,, اولا البركة بالعودة
انا لى زمن ماشفتك فى المنبر ,, يكون شوفى قل ولا شنو?
يازول مايهمك ,, التأهل حاصل ان شاء الله
والخيل الحرة بتجى فى اللفة وشنو ديك بتبين عند المخادة
واللفة ناسك ديل مجربينها ,, والعجب قالوا رجع
والقادم أحلى ,,
والحلاوة بجيبوها معاهم آخر السنة من ابوظبى اما اصحابك ديل خليهم يقرشوا كريكاب وحلاويات سعد ,, ولا اقول ليك خليهم ياكلوا كعك العيد اصلو شكلو زى الشعار بتاعهم بس ناقص هارون دياب يدخلو الفوتو شوب ويضربو اللون.
|
Post: #13
Title: Re: الهلال محتاج لنقطتين خارج الأرض ..
Author: طارق الكوتش
Date: 08-14-2009, 11:26 PM
Parent: #12
ابو الهضارب اشتغل
|
Post: #14
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-14-2009, 11:38 PM
Parent: #13
حبايبي مشجعو أبو الهل
أتكلم لمصلحة فريقكم وليس لمريخيتي
اذا كان الهلال انتصر على زيسكو وكانو بارضه فمن المرجح
ايضاان يخسر من الفريقين بارضهما ، اما مباراته مع الامبراطور
المريخي فاظنكم تعترفون ولو سرا انه لا قبل لفريقكم بتلك المعمعة
وقد قيل للهلالاب في هذا المقام :
أسمعوا كلام العقل لا العاطفة .
اللهم اهديهم فيمن هديت .
|
Post: #15
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-14-2009, 11:52 PM
Parent: #14
يا أمين وياسر طيفور
نقاط المريخ ما محتاجة حساب
بكرة ح تكون اربعة باذن الله فاذا اضفنا ليها نقاط كانو والهلال ح تبقي عشرة
باعتبار انه من المحتمل ان يخسر اما زيسكو بلوساكا ..
طبعا ليس من الحكمة اعتبار مباراة المريخ امام الهلال خارج ارضه لانو جماهير
المريخ ممكن تطلع الطابق التاني بالرد كسل وتشجع فريقا من هناك ..
|
Post: #17
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 00:04 AM
Parent: #15
با فتحي
الهلال باقي ليهو ماتشين خارج ارضو وعليه ان يجتهد عشان يجيب نقطتين على الأقل
فربما نافس على الصعود لنصف النهائي ومن الخطل المراهنة على مباراته امام المريخ
لان المباراة ستلعب بامدرمان وهي عاصمة المريخ ايضا كما هي عاصمة الهلال ومن المحتمل
بنسبة كبيرة جدا فوز المريخ .
اما المريخ فالمطلوب منو يقوز كما فاز الهلال في المبارتين بارضو على ان يسعي للحصول
على نقطة في مباراته ام زيسكو بزامبيا.
دا باعتبار ان مباراته امام الهلال لا ينظر لها كونها خارج ارضه .
|
Post: #18
Title: Re: الهلال محتاج لنقطتين خارج الأرض ..
Author: Osama Mohammed
Date: 08-15-2009, 00:04 AM
Parent: #14
Quote: أسمعوا كلام العقل لا العاطفة .
اللهم اهديهم فيمن هديت . |
يا زول ها عقل وعاطفة ده قولو لي ناس المؤتمر الوطني ....... ولا لي ناس الشكاوي المرفوضة (شكلاً..)
نحنا ناس امسك لي واقطع ليك ......
كامبوس .....كابوس العدو ....... وسادومبا البرقد العدو بالجنبة ... والباقين بتعرفوهم زي جوع بطنكم ....
يا زول ربنا يوفق فريقك لو انتو بالجد قلبكم علينا ....نحنا ناس طيبين وبنحب الخير لي اي زول .. ما بنحسد اي زول
موش نحنا صفر كبييييييييييييييييييييييييييير...فالكبير زي ما قالو طبعو التوقير ....
وما تخاف لو لا قدر الله حصل اي شئ كدة ولا كدة بكرة ما حنشمت فيكم ...بس ما بنقدر على محمد عادل خلو بالكم منو ولا كلمو ليهو ميادة
ماسكة ليها ورق عليهو (ورق ما مزور اصلي بخط كيبوردو ) المهم ربنا معاكم وابقو عشرة على حفرة الدخان لحدي ما تلقو ليها اسم اصلو الرد كسر ده ما كويس معاكم وبخذلكم .....
اسامة ( صاحب مصطفى اتنة )
|
Post: #30
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 09:53 AM
Parent: #11
انتقل لأسفل
|
Post: #28
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 09:36 AM
Parent: #10
دا شنو يا طارق يا كوتش
بقيت تألف قصص كمان .
|
Post: #16
Title: Re: الهلال محتاج لنقطتين خارج الأرض ..
Author: هيثم درار
Date: 08-15-2009, 00:02 AM
Parent: #7
Quote: رغم ان الفريق الزامبي ليس
بالخصم القوي ، |
الكلام ده بكرة ما تجى تنكرو
الله يكضب الشينة وما يملطشكم
واذ ثبت العكس فيبقى انو الوصيفاب دون المستوى
|
Post: #19
Title: Re: الهلال محتاج لنقطتين خارج الأرض ..
Author: ياسر عبدالكريم محمد
Date: 08-15-2009, 02:21 AM
Parent: #16
إنت يا طلحة كانو والهلال
ديل ما لعبت معاهم
غلبت منو فيهم
والله طموحاتك كبيرة فى الفاضى
وغدا لنا كلام اخر
|
Post: #20
Title: Re: الهلال محتاج لنقطتين خارج الأرض ..
Author: ahmed khidir
Date: 08-15-2009, 02:52 AM
Parent: #19
طلحة
سلامات
انت خليك على المريخ اضاع نصر فى متناول اليد
لحدى ما مباريات المجموعه تنتهى وتفضل بى نقطتك الواحده دى
والله حالتكم صعبه
الله يكون فى عونكم
|
Post: #21
Title: Re: الهلال محتاج لنقطتين خارج الأرض ..
Author: أمين محمد سليمان
Date: 08-15-2009, 02:59 AM
Parent: #20
| Quote: فاذا اضفنا ليها نقاط كانو والهلال ح تبقي عشرة |
يا دكتور وهبه ، عليك الله شوف لي العند طلحه ده من أعراض الصمرقع ولا شيتا تاني ؟
|
Post: #22
Title: Re: الهلال محتاج لنقطتين خارج الأرض ..
Author: عبدالوهاب علي الحاج
Date: 08-15-2009, 05:51 AM
Parent: #21
| Quote: يا دكتور وهبه ، عليك الله شوف لي العند طلحه ده من أعراض الصمرقع ولا شيتا تاني ؟ |
للاسف نعم
المرض عند طلحة في مرحلة الحضانة
لكن بعد كورة الليلة يمكن يخش المرحلة البعديها بسرعة
وربما بدا يلقط ورق طوالي (يعني آخر مراحلو)
سترك يارب
|
Post: #23
Title: Re: الهلال محتاج لنقطتين خارج الأرض ..
Author: طارق الكوتش
Date: 08-15-2009, 06:22 AM
Parent: #22
Quote: المرض عند طلحة في مرحلة الحضانة
سترك يارب |
|
Post: #24
Title: Re: الهلال محتاج لنقطتين خارج الأرض ..
Author: أمين محمد سليمان
Date: 08-15-2009, 07:23 AM
Parent: #23
(إنا لله و إنا إليه راجعون ) !!
ده الانا كنت خايف منو ذاتو يا دكتور !!
و الحل شنو هسي ؟! طلحه ده بهمني امرو جدا !!
|
Post: #25
Title: Re: الهلال محتاج لنقطتين خارج الأرض ..
Author: عبدالله كع
Date: 08-15-2009, 07:34 AM
Parent: #23
سلامات ياخي : وينك
كدا انسي حسابات الهلال دي .. ( وبيني وبينك انت بتتمني الهلال يقيف هنا ).. .. ..
المريخ شتت خلا ص ... والليلة حا نجي نعزيكم في الحفرة حقتكم
والنتيجه ( 0 / 0 )
|
Post: #26
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 09:01 AM
Parent: #25
عزيزي القارىء
تمعن معي كيف يهرج مشجعو أبو الهل وقت الجد
هذه هي المشكلة المزمنة التى اوردت فريقهم موارد لا إنجازات
ولا بطولات خارجية فيها .
كلما حاول الزعماء المريخاب مساعدة حزاني الهلال الكارهين
لواقعهم الاجدب الأقحط ضحكوا وهزروا وسخروا وهم لا يعلمون بالطبع
إنهم إنما يضحكون على انفسهم .
نحاول هنا أن ننبههم للخطر المحدق حتى لا يناموا على عسل النقاط
السبع التى لماها أبو الهل بالحظ ومساعدات الحكام ،لكنهم يقابلون
ذلك بكل الغرور والتعالي وهم في سخريتهم سادرون .
يقيني أن مرمي الله ما بترفع أصلو .
|
Post: #27
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 09:29 AM
Parent: #26
مفردة سمجة كفار ميت ليهو تلاتة يوم
لا اتعامل مع هكذا مفردات .
|
Post: #29
Title: Re: الهلال محتاج لنقطتين خارج الأرض ..
Author: ياسر بيناوي
Date: 08-15-2009, 09:41 AM
Parent: #27
طلحة ياخي الشردن خلهن اقرع فريق المواسير
Quote: تمعن معي كيف يهرج مشجعو أبو الهل وقت الجد
هذه هي المشكلة المزمنة التى اوردت فريقهم موارد لا إنجازات
ولا بطولات خارجية فيها .
كلما حاول الزعماء المريخاب مساعدة حزاني الهلال الكارهين |
القال داير مساعدتك منو هسع
شوفو ناس مازدا ذو الدفع الثلاثي دا
نحن هينييييييييييييييييييييييين
النقاط بنعرف نجيبا من وين والدليل القاطع انو عندنا 7
شوف الناس العندهم فرد نقيطة
خالص الود
|
Post: #31
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 09:57 AM
Parent: #29
محمد عادل او من ينوب عنهQuote: اجى فى مقبرتى (مفخرتى) ارصعك اعمل 10
|
عشان كدا يا أبني قلنا ليكم حاولوا تلموا ليكم
نقطتين على الأقل من برة .
الزعيم المريخي خاتي نقاط أبو الهل الثلاث في جيب
الملك الوراني .
|
Post: #32
Title: Re: الهلال محتاج لنقطتين خارج الأرض ..
Author: عثمان جلال الدين
Date: 08-15-2009, 10:05 AM
Parent: #31
أني أرى رؤوساً قد أينعت وحان قطافها
نتمنى النصر المؤزر لزيسكو على المزملاب (المريخاب سابقاً)
هلر أيتكم كيف قفل يافعنا منير أمبدة فيكتو نامو النام بيكم
مرتييين .. وهنا يكمن الفرق بين فتياننا وناس سفاري وأمير دمورية وعمو ريتشارد..
أرعوي فإن الكرة لا تلعب بالعواطف..
|
Post: #33
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 10:36 AM
Parent: #32
سلامات يا فاضلابي Quote:
التأهل حاصل ان شاء الله
والخيل الحرة بتجى فى اللفة وشنو ديك بتبين عند المخادة
واللفة ناسك ديل مجربينها ,, والعجب قالوا رجع
والقادم أحلى ,,
والحلاوة بجيبوها معاهم آخر السنة من ابوظبى اما اصحابك ديل خليهم يقرشوا كريكاب وحلاويات سعد ,, ولا اقول ليك خليهم ياكلوا كعك العيد اصلو شكلو زى الشعار بتاعهم بس ناقص هارون دياب يدخلو الفوتو شوب ويضربو اللون.
|
توقعاتي كالتالي :
المريخ سيفوز اليوم باذن الله ويصل للنقطة 4
سيلعب مباراته المقبلة مع كانو في الرد كاسل
وبالطبع سيضربه ليصل للنقطة 7 متساويا مع
أبو الهل الذي أشك كثيرا في تحقيقه نتيجة إيجابية
امام زيسكو بزامبيا .
المريخ سيسافر إلى زامبيا وينتزع نقطة على الأقل من
زيسكو ليصل للنقطة 8 .
كانو سيحقق الفوز على الهلال بنيجيريا ليتساوي معه في النقاط
(7 لكل ) ليتنافسا على المركز الثاني خلف الزعيم المريخي
صاحب النقاط الثماني .
المباراة الأخيرة للمريخ أمام أبو الهل يحتاج فيها لنقطة
واحدة فقط ليتاهل إما متصدرا وإما ثانيا.
وربما لا يحتاج لأية نقطة .
|
Post: #34
Title: Re: الهلال محتاج لنقطتين خارج الأرض ..
Author: mwahib idriss
Date: 08-15-2009, 11:00 AM
Parent: #33
نقطتين اقرب الى لبن الطير
|
Post: #36
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 11:20 AM
Parent: #35
هلا يا أسامة Quote: كامبوس .....كابوس العدو ....... وسادومبا البرقد العدو بالجنبة .
|
عليكم الطلاق لو مراهنين على ديل واطاتكم أصبحت
جروا بطاطينكم وواصلو شخريكم
واحذروا الكوابيس .
|
Post: #37
Title: Re: الهلال محتاج لنقطتين خارج الأرض ..
Author: عمر الفاروق
Date: 08-15-2009, 11:38 AM
Parent: #36
صدق كلامك صاح ..!!!
الهلال اذا خسر مبارتيه الخارجيتين فمباراة المريخ صعبة وصعبة جداً مش عشان المريخ ممكن يفوز او المريخ احسن والكلام الفارغ اللافي ده ..لالالالالالا.. لأنو هلال مريخ ما عندها اي ضمانات وما عندها اي علاقة بي كورة القدم وحساباتها ..
الأسهل للهلال عشان يتأهل الفوز في مباراة واحدة خارجية بدل ما يلقط نقطتين تلاقيط ..
في رأيي المتواضع جداً جداً على الهلال ان يلعب مهااااجم وبضراوة في مبارة كانو القادمة فلا شئ يخسره الهلال في هذه المباراة وده اسسسسسهل طريق للهلال للتأهل أي طريق غير ده صعب وصعب جداً ...
الهلال لمن تأهل على حساب الأهلي قبل سنتين كان من باب اسهل الطرق برضو وهو يحقق المستحيل ويفوز على الأهلي 3-صفر ويخرج من حسابات التأهل وعقدها قبل جولة ..
الهلال الحالي ممكن يطلع من المعمعة والحسابات قبل جولتين ..
هي مباراة كانو فقط والفوز وحده وإلا فلا طعم للفوزين المحليين والتعادل المحلي كمان ..
|
Post: #38
Title: Re: الهلال محتاج لنقطتين خارج الأرض ..
Author: khaleel
Date: 08-15-2009, 11:43 AM
Parent: #37
يا طلحة الشفيف
سنهزم كانو في ارضه وزيسكو في ارضه ونجمع ستة نقاط اضافية
ونترك لك مباراتنا معك عملن لله
لكي تتاهل معنا
|
Post: #39
Title: Re: الهلال محتاج لنقطتين خارج الأرض ..
Author: mwahib idriss
Date: 08-15-2009, 12:00 PM
Parent: #38
اصحى يا خليل الحلم الكتير عواقب بتكون غير محمودة
نقطة من الخارج زى لحس الكوع
تراهن
|
Post: #40
Title: Re: الهلال محتاج لنقطتين خارج الأرض ..
Author: khaleel
Date: 08-15-2009, 12:03 PM
Parent: #39
Quote: نقطة من الخارج زى لحس الكوع
|
والله يا مواهب لا اراهن
الهلال سنوات طويلة لم يفوز خارج امدرمان
وخسر خارج امدرمان مع فرق ضعيفة
الله يستر من محطة سبعة
|
Post: #41
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 04:41 PM
Parent: #40
يا هيثم درار
صدقني يا بلد زيسكو الغلبو أبو الهل دا ما ح يصمد كتير قدام العاصفة الحمراء
القاك بعد الماتش .
|
Post: #42
Title: Re: الهلال محتاج لنقطتين خارج الأرض ..
Author: أمين محمد سليمان
Date: 08-15-2009, 07:36 PM
Parent: #41
Quote: يا أمين وياسر طيفور
نقاط المريخ ما محتاجة حساب
بكرة ح تكون اربعة باذن الله |
Quote: رغم ان الفريق الزامبي ليس
بالخصم القوي |
Quote: المريخ سيفوز اليوم باذن الله ويصل للنقطة 4
|
Quote: صدقني يا بلد زيسكو الغلبو أبو الهل دا ما ح يصمد كتير قدام العاصفة الحمراء
القاك بعد الماتش . |
يا دكتور وهبه ،
بعد الحصل الليله ده ما اظن الطب بينفع ! الراي شنو نسوقو الزريبه يقرو ليه في راسو ؟!
|
Post: #43
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 07:54 PM
Parent: #42
يا امين الشمتان
الحقيقة الفاز الحكم ما زيسكو
انتو حتى الحاجات الواضحة دي بتنكروها
|
Post: #44
Title: Re: الهلال محتاج لنقطتين خارج الأرض ..
Author: عمران حسن صالح
Date: 08-15-2009, 08:02 PM
Parent: #43
انتو البوست بتاريخ متييييييييييييييين ؟؟
ياخي شوفنا بقى تلاتة تلاتة ..!
..
عليكـ الله يا طلحة انت زول كويس ياخي مش كان احسن البوست ده وبالتاريخ الفوق ده يكون شايت في مصلحة المريخ قبل بحثكـ عن مصلحة الهلال؟؟
أها :
خم..
وصر ..
|
Post: #45
Title: Re: الهلال محتاج لنقطتين خارج الأرض ..
Author: فيصل نوبي
Date: 08-15-2009, 08:08 PM
Parent: #44
قبل المباراة
Quote: يا هيثم درار
صدقني يا بلد زيسكو الغلبو أبو الهل دا ما ح يصمد كتير قدام العاصفة الحمراء
القاك بعد الماتش . |
بعد المباراة
Quote: يا امين الشمتان
الحقيقة الفاز الحكم ما زيسكو
انتو حتى الحاجات الواضحة دي بتنكروها |
___________
و نقول
ظووووووووووووووووووط
و التلاته حلااااااااااااااااااااااااااتة
|
Post: #46
Title: Re: الهلال محتاج لنقطتين خارج الأرض ..
Author: أمين محمد سليمان
Date: 08-15-2009, 08:21 PM
Parent: #45
يا نوبي
بالله لو في نفس المدينه الفيها طلحه ده ، مفروض تكون معاو ، تواسيهو و تخفف من المو ! المقام مقام شفقه و رحمه و ليس مقام شماته !
|
Post: #47
Title: Re: الهلال محتاج لنقطتين خارج الأرض ..
Author: عمران حسن صالح
Date: 08-15-2009, 08:22 PM
Parent: #43
انتو البوست بتاريخ متييييييييييييييين ؟؟
ياخي شوفنا بقى تلاتة تلاتة ..!
..
عليكـ الله يا طلحة انت زول كويس ياخي مش كان احسن البوست ده وبالتاريخ الفوق ده يكون شايت في مصلحة المريخ قبل بحثكـ عن مصلحة الهلال؟؟
أها :
خم..
وصر ..
|
Post: #48
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 08:30 PM
Parent: #47
من سالف العصر والاوان انا معترف بقدرة الهلالاب العجيبة على
التحوير والتدوير وقلب التصوير ..
تماما كما يفعلون هنا في هذا البوست ..
البوست دا يا هلالاب بتكلم عن فرص الهلال وكيفية استغلالها للتأهل
وليس عن المريخ .
عموما مازلت عند رائي وهو :
مالم يتصيد ابو الهل نقطتين على الاقل من خارج الديار فالرماد
كل اي حماد ازرق .
آخر القول :
من يضلل فلا هادي له
|
Post: #49
Title: Re: الهلال محتاج لنقطتين خارج الأرض ..
Author: محمد البشرى الخضر
Date: 08-15-2009, 08:51 PM
Parent: #48
تنظير يا عمك
حساب بيدرك دا كان بفرض حصول المريخ على نقاط زيسكو اليوم
لكن كالعادة حساب الحقل طلع مختلف
بالله ممكن تعيد الحساب على ضوء النتيجة الأخيرة - يعني لو حالتك النفسية سمحت
او ممكن تخليها لبكرة يكون الصداع خف شوية
|
Post: #50
Title: Re: الهلال محتاج لنقطتين خارج الأرض ..
Author: طلحة عبدالله
Date: 08-15-2009, 08:57 PM
Parent: #49
جرجير من جرجرة
اختلف في شنو يا بلد ..؟
لازم نقطتين على الاقل من برة
او باختصار:
الهلال ما يعتمد على كورتو امام المريخ
اللهم الا اذا حدث اتفاق خلف الكواليس ..
|
Post: #51
Title: Re: الهلال محتاج لنقطتين خارج الأرض ..
Author: Adam Mousa
Date: 08-15-2009, 10:01 PM
Parent: #50
Quote: يا أمين وياسر طيفور
نقاط المريخ ما محتاجة حساب
بكرة ح تكون اربعة باذن الله فاذا اضفنا ليها نقاط كانو والهلال ح تبقي عشرة
باعتبار انه من المحتمل ان يخسر اما زيسكو بلوساكا ..
طبعا ليس من الحكمة اعتبار مباراة المريخ امام الهلال خارج ارضه لانو جماهير
المريخ ممكن تطلع الطابق التاني بالرد كسل وتشجع فريقا من هناك .. |
طبعا دى دايما مشكلتكم يا اعلام المريخ الجريح مشغولين بالهلال (عقدتكم)
انا نفسي القاك يوم واحد يا طلحه فاتح ليك بوست عن المريخ..ز
يا اخى ارجو ان تكون شجاعا وتفتح بوست عن السلوك المشين لحارس المرمى الذى يطأ ويركل
لاعبا خصما وهو على الارض..أو رئيس النادى الذى يخالف كل اللوائح المنظمه للعبه ويجلس
فى دكة البدلاء وكأنه عضو فى الجهاز الفنى..والرئيس ده يرجى الراجيهو من غرامات الكاف
على هذه المخالفه..ثم الجمهور الذى مارس شغبا اوقف به المباراه لنحو 15 دقيقه..
يا أخى اتكلمو عن تيمكم ومشاكلكم والفيكم مكفيكم.. وخلونا فى حالنا..
قال الشاعر:
عليك نفسك فتش عن معايبها**وخل عثرات الناس للناس..
_________________________________________
طلحه حمدلله على السلامه والعود أحمد..يعنى تلفون ساى ما بلزمنا...
|
Post: #53
Title: Re: الهلال محتاج لنقطتين خارج الأرض ..
Author: طارق أحمد خالد
Date: 08-15-2009, 10:22 PM
Parent: #51
Quote: نقاط المريخ ما محتاجة حساب
بكرة ح تكون اربعة باذن الله فاذا اضفنا ليها نقاط كانو والهلال ح تبقي عشرة
باعتبار انه من المحتمل ان يخسر اما زيسكو بلوساكا ..
طبعا ليس من الحكمة اعتبار مباراة المريخ امام الهلال خارج ارضه لانو جماهير
المريخ ممكن تطلع الطابق التاني بالرد كسل وتشجع فريقا من هناك .. |
نموذج للتعصب الذي يعمي البصيرة
مشكلة الكرة في الصحفيين الرياضيين من الجانبين: أشعال نار التعصب بالنقد غير الموضوعي ورؤية الحقائق بنظارة ملونة بلون الفريق الذي يشجعونه.
|
Post: #52
Title: Re: الهلال محتاج لنقطتين خارج الأرض ..
Author: عبدالوهاب علي الحاج
Date: 08-15-2009, 10:11 PM
Parent: #50
Quote: الهلال ما يعتمد على كورتو امام المريخ
اللهم الا اذا حدث اتفاق خلف الكواليس .. |
|
Post: #54
Title: Re: الهلال محتاج لنقطتين خارج الأرض ..
Author: yasir Abdelgadir
Date: 08-15-2009, 10:48 PM
Parent: #52
طلحة ياصديقي
من امبارح شايف البوست وماداير ادخل لاني عارفة هضربة وبتفوت
والليلة كنت قايلك بتكب الزوغة
لكنك جيت بس بنفس اعراض الحمي
اها ياخوي ودعتك الله وبجيك صادي لمن تزول الاعراض أصلو
| Quote: المقام مقام شفقه و رحمه و ليس مقام شماته |
|
Post: #55
Title: Re: الهلال محتاج لنقطتين خارج الأرض ..
Author: حسام هارون
Date: 08-15-2009, 11:02 PM
Parent: #54
أهة يا اخوانا..الصمرقع دة علاجو شنو؟؟
|
Post: #56
Title: Re: الهلال محتاج لنقطتين خارج الأرض ..
Author: ahmed khidir
Date: 08-16-2009, 00:19 AM
Parent: #55
قلته لى البوست عن نقاط الهلال
عليك الله فى هضربة اكتر من دى
Quote: نقاط المريخ ما محتاجة حساب
بكرة ح تكون اربعة باذن الله |
Quote: توقعاتي كالتالي :
المريخ سيفوز اليوم باذن الله ويصل للنقطة 4 |
دا شعر ما عندكم ليهو رقبه
فضحتونا خسارة فى ارضكم
متعودين دائما
حالتكم تحنن
|
Post: #57
Title: Re: الهلال محتاج لنقطتين خارج الأرض ..
Author: عبدالله كع
Date: 08-16-2009, 07:37 AM
Parent: #56
| Quote: صدقني يا بلد زيسكو الغلبو أبو الهل دا ما ح يصمد كتير قدام العاصفة الحمراء |
الحته ... عجبتني والله العظيم
الله معاك ...
زكرتني حبيبك مزمل ابو القاسم في شطحاتووووووووووووووو
|
Post: #58
Title: Re: الهلال محتاج لنقطتين خارج الأرض ..
Author: محمد عبد الماجد الصايم
Date: 08-16-2009, 09:03 AM
Parent: #57
|
Post: #59
Title: Re: الهلال محتاج لنقطتين خارج الأرض ..
Author: nashaat elemam
Date: 08-16-2009, 09:23 AM
Parent: #58
الحبيب طلحة عبد الله..
مشتاقين وكده..
البوست كان قبل مباراة الأمس التي خسرها المريخ، وقلت في البوست انكم فائزون بالاربعة.. يعني قربت كده انهزمتم بقريب لاربعه.. هاهااهه
والله يا طلحة ما شمتان فيكم..
لكن والله كورتنا دي حاجه معذباها غير كلام الجرايد مافي..
اها بعد الشفناهو امبارح.. جاينكم بس بي سبعه نقاطنا ديل، وبنتهم بيكم عشرة.. والسنه الجاية استعدوا للكونفيدرالية.. ياها قدرتكم.. و(كلٌ ميسر لما خلق له).. هاهاهاهاها
|
Post: #61
Title: Re: الهلال محتاج لنقطتين خارج الأرض ..
Author: abuguta
Date: 08-16-2009, 09:50 AM
Parent: #60
لقد تحققت نبوة طلحة
بهذه الطريقة وذلك الكبرى الذلاى اهداه المريخ لزيسكو
ان الهلال فى حوجة لنقطة او نقطين خارج الاراض
بعد الكرم الذى سنجده من اخوتنا ناس المريخ
3 نقاط فى ارضنا..سنصل للعشرة
وزيسكو يصل للعشرة
فنحن فى حوجة لنقطة خارج الراض
|
Post: #62
Title: Re: الهلال محتاج لنقطتين خارج الأرض ..
Author: Maawya Hussein
Date: 09-12-2009, 10:04 AM
Parent: #61
وإلا فالرماد كال أي حماد أزرق ..
|
Post: #63
Title: Re: الهلال محتاج لنقطتين خارج الأرض ..
Author: عبدالوهاب علي الحاج
Date: 09-12-2009, 10:12 AM
Parent: #62
Quote: بل ولن تخرج بأبي الهل من حدود أم درمان وعليه أن يجتهد
للحصول علي نقطتين على الأقل من أمام زيسكو بزامبيا وكانو بنيجيريا
كون أن مباراته أمام الإمبراطور المريخي أمرها منتهي لصالح أخوان
العجب حتى ولو لعب أبو الهل داخل تابوت وليس مقبرة . |
من اقوال المدحور طلوووووح المسكين في هذا البوست
____
صمرقعك كعب يا ولدي
|
Post: #64
Title: Re: الهلال محتاج لنقطتين خارج الأرض ..
Author: ismeil abbas
Date: 09-13-2009, 00:36 AM
Parent: #63
كل عام وانتم بخير..
|
Post: #65
Title: Re: الهلال محتاج لنقطتين خارج الأرض ..
Author: عمران حسن صالح
Date: 09-13-2009, 01:00 AM
Parent: #64
| Quote: ياخي شوفنا بقى تلاتة تلاتة ..! |
بلاهي أنا علقت هنا وكتبت الـ تلاتة تلاتة الفوق دي ...؟؟؟
ومن تاريخ 15-8-09، ؟؟؟
حولا ..
عشان تآمن يا عمر الفاروق ..
|
Post: #66
Title: Re: الهلال محتاج لنقطتين خارج الأرض ..
Author: طارق أحمد خالد
Date: 09-13-2009, 01:08 AM
Parent: #65
صاحبي الزماااااان (من بوست اليوم الحار والورشة) عمران حسن صالح
رمضات كريم والثلاثة يتربوا فوق عزنا
شوف الرابط دا خصصناهو لحبيبنا طلحة
هكذا تحدث حبيبنا طلحة... بوست توثيقي
|
|