بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين

*** القراء قبل البوردابيات و البورداب فى السعودية:

أى كلام أقوله مهما علا و سما لن يرق إلى سماءكم فأنتم إخوه و أخوات حد النجوم

أى كلام جميل وحلو يعبر عنكم

أى كلام مموسق منمق ... ممزوج بعطر الحروف ، موجه لكم

أى كلام يحمل كل معانى الكرم و البشاشه و حسن الضيافة فهو جزء من وصفكم

أى كلام يحمل كل معانى الشكر و التقدير و الثناء و العرفان و تمنى

ردالجميل .. ممهور بتوقيع العاجزين ، ده كلامنا ... أنا و أسرتى لكم كلكم عدا

تمبس و ود الصايم وحيدر الزين وود الباوقة.. وهم عارفين الأسباب

*** لنا عودة ......... نحكى فيها بشاشة اسماعيل عباس و معتصم دفع الله و خالد الحرب

و عمايل عمدة بورداب الرياض و عمدة بروداب جده التى فاقت حد الخيال

*** لنا عودة نحكى فيها قصة بوردابى الرياض الذى إتهمنا بالتسبب فى تأخير قدوم مولوده التالت

*** لنا عودة نحكى فيها عن شبال تمبس وزوقة ود الصايم وهروب ود الباوقة و حيدر الزين

*** لنا عودة نحكى فيها عن قيقراوى وزوجته و أساسى و عصام دهب

*** لنا عوده نحكى فيها عن أناسا يجاورون الثريا سموا و رفعه / حليمه / د. شيراز / عزاز/ أميمه

تأكل لحمتنا وتشرب روبنا ....... وما تجيب سيرتنا.


صدر تحت توقيعي : بأمر بورداب الخرطوم أو للدقة (جماعة منهم)

Quote: تأكل لحمتنا وتشرب روبنا ....... وما تجيب سيرتنا. صدر تحت توقيعي : بأمر بورداب الخرطوم أو للدقة (جماعة منهم) *** صديقى : عمر محمد عثمان *** فى بوست خاص بى ناس الخرطوم ... بس تأكد يا عمر إنك بهذه المداخله حملت كفنك بين يديك لأنو ده دليل إدانه جاهز حأعمل منو كوتيشن بى هناك *** بس رأيك شنو فى ناس حيدر الزين و تمبس وود الباوقة وود الصايم.؟

---

Post: #4 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: omer osman Date: 08-14-2009, 12:48 PM Parent: #3 Quote: بس رأيك شنو فى ناس حيدر الزين و تمبس وود الباوقة وود الصايم.؟ جملة والا قطاعي

---

Post: #5 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-14-2009, 01:03 PM Parent: #4 Quote: جملة والا قطاعي *** يا عمر : بى طريقتك دى حتفتل لى البوست و حتدى الجماعه ديل فرصة الهرب التانية... *** الرفاعى حجر و يوسف أبوسنينه و أنا منتظرين و البوردابى أبو المولود ما عارف يقيف مع الخيانه ولا معانا!! Post: #6 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: عبد اللطيف السيدح Date: 08-14-2009, 01:46 PM Parent: #5 بورداب الرياض كوم وصديق الموج كوم لحالو ليه شيلتو من عنوان البوست يا الطيب؟ Post: #7 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: محمد عبد الماجد الصايم Date: 08-14-2009, 01:56 PM Parent: #6 يا سعادتكـ أخباركـ ياخ وحمد لله على السلامة! رجعت ولا لسه في السودان ___________ القدم ليهو رافع Post: #8 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: osman righeem Date: 08-14-2009, 02:00 PM Parent: #3 Quote: فى بوست خاص بى ناس الخرطوم ... بس تأكد يا عمر إنك بهذه المداخله حملت كفنك بين يديك لأنو ده دليل إدانه جاهز حأعمل منو كوتيشن بى هناك إستغفرتك يا مالك روحي اخونا عمر عليك بالمنبهجة Post: #9 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-14-2009, 04:43 PM Parent: #8 Quote: بورداب الرياض كوم وصديق الموج كوم لحالو ليه شيلتو من عنوان البوست يا الطيب؟ *** الأخ عبداللطيف السيدح : حرام عليك يا السيدح صديق الموج كان قائد صفوف المستقبلين فى الرياض *** والسؤال وين إسمك إنت من عنوان البوست ؟ أم يكفيك ود الباوقة ؟ *** شكرا ود السيدح . Post: #10 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: ود الباوقة Date: 08-14-2009, 07:27 PM Parent: #9 فهمونا يا شباب الحاصل شنو؟؟ اخونا الطيب الحقنا بالحاصل.. Post: #11 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: Hadeer Alzain Date: 08-14-2009, 09:43 PM Parent: #10 مرحبآ بعودة الأخ الكريم جنابو الطيب عثمان يوسف بعد طول غياب وألف حمدا لله على السلامة أخي مع التحايا العطرة لك وللأسرة الكريمة Post: #12 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: ismeil abbas Date: 08-14-2009, 09:55 PM Parent: #11 العزيز الطيب عثمان......السلام عليكم,,, وحمدآ لله على سلامتكم..ومتابع اخبارك مع ألأخ/الفضل يوسف أبوسنينة..وسبب مررورك مرة ثانية بالرياض..وعرفتك ركبت طيران من هناك... يا اخى..لقاك والله زادنا سرور وبهجة..وتاكد أضفت إلى معرفتى رجل اعتز به..... لك الود والتقدير..وما عملناهوا اقل من الواجب تجاهك......................إسماعيل محمد احمد عباس... Post: #13 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-15-2009, 08:48 AM Parent: #12 Quote: القدم ليهو رافع القدم ليهو رافع القدم ليهو رافع القدم ليهو رافع *** يا عمك القال الكلام ده ... قاصد بيهو شنو ؟ Post: #14 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-15-2009, 08:56 AM Parent: #13 Quote: فهمونا يا شباب الحاصل شنو؟؟ اخونا الطيب الحقنا بالحاصل.. *** يا ود الباوقة بطل الحركات دى تلفون واحد لى تمبس ولا ود الصايم بتعرف الحاصل .. ده لو كنت ما عارف . و كان ما لقيت ليك مخارجه قول ( الرووووب ) حتى بالماسنجر مقبولة . Post: #15 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-15-2009, 09:10 AM Parent: #14 Quote: مرحبآ بعودة الأخ الكريم جنابو الطيب عثمان يوسف بعد طول غياب وألف حمدا لله على السلامة أخي مع التحايا العطرة لك وللأسرة الكريمة *** أهلا بيك أختنا هدير الزين ( أخت طارق ) ... طوالى إتذكرت المثل الذى يضرب بشــجرة الصندل *** أهلا و ألف مرحب ... و التحايا لك من كل أفراد الأسره Post: #19 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-15-2009, 10:35 AM Parent: #15 Quote: *** لنا عودة ......... نحكى فيها بشاشة اسماعيل عباس و معتصم دفع الله و خالد الحرب و عمايل عمدة بورداب الرياض و عمدة بروداب جده التى فاقت حد الخيال *** لنا عودة نحكى فيها قصة بوردابى الرياض الذى إتهمنا بالتسبب فى تأخير قدوم مولوده التالت *** أبدأ ببورداب الرياض لأن جغرافيا الطريق فرضت علينا ذلك : *** الأخ و الصديق قاسم سيد أحمد أحد قراء البورد الأفزاز و الذى أستلمنا بمجرد أن دخلنا الرياض متحججا بأنه ساكن فى المدخل فعلينا أن نمر على بيته لتبديل الملابس ثم مواصلة المشوار الى بقية البورداب المتمترسين مع خالد الحرب فى المخرج 18 . ففاجأنا بتخصيص الشقة التى تحت شقته و قام بإنزال كل أغراضنا بها و سلمنا المفتاح قافلا بذلك الطريق على كل البورداب الذين كان كل منهم على استعداد لأن يستضيفنا معه بما فيهم أخونا النور يوسف الذى كان الاتفاق أن نحل معه منذ البدايه . فلك كل الشـكر و لأسرتك أخى قاسم سيد أحمد . *** فى المخرج 18 كان نعظم بورداب الرياض فى إنتظارنا و على رأسهم العمده يوسف أبوسنينه و العمده خالد المحرب . محتفيا بمقدم حفيدته الأولى . فتجسـدت لنا بشاشة السايبر على الواقع بلقاء الأخ إسماعيل عباس الرجل الصبوح و الأخ معتصم دفع الله و الذى عاتبنى قبل أن يصافحنى على عدم ردى على إحدى مداخلاته ، فهأنذا أعتذر لك حتى ترضى . ثم الأستاذة حليمه محمد عبد الرحمن و الأخت الأستاذة عزاز شامى و الأخت الدكتوره شيراز . و أخونا تمبس الذى كان محتفيا فى ذلك اليوم بعودته الى المنبر . و الذى أضفى على المكان روعة على روعته بقفشاته و ضحكاته المدويه مشـكلا ثنائيا إستثائيا مع شيخ العرب صديق الموج فاكهة اللقاء . *** العمده يوسف أبوسنينه و زوجته : الرجل الذى تجاوز بكرمه معنا حد الدهشــه هو و أسرته الفاضله الرجل الذى تعجز الكلمات عن وصـفه ( ترب الطائى ) .. تقبل منا تواضع كلماتنا فى حقكم . *** الأسـتاذ المستشار القانونى / سيف الدين بخيت : ذلكم الرجل الخلوق البشوش هادئ الطباع جمعنا على مأدبة العشاء بمزلة العامر بكل الكرم السودانى الأصيل رقم الظروف القاهره التى كان يمر بها . *** لنا عــودة ............ Post: #33 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: سيف بخيت موسي Date: 09-01-2009, 08:57 PM Parent: #19 Quote: الأسـتاذ المستشار القانونى / سيف الدين بخيت : ذلكم الرجل الخلوق البشوش هادئ الطباع جمعنا على مأدبة العشاء بمنزله العامر اولا لا يكرم المرء في داره وحقيقة سعدنا أيما سعادة بتشريفكم لنا بمنزلنا المتواضع وكان عشمنا أن يكون حضور بيننا بورداب الرياض ولكن عصرت علينا في موضوع الزمن ، إنتظرنا عودتك مرة أخرى عبر الرياض ، ولكن شكلك بقيت تاجر سيارات " سبع صنائع والبخت ضائع" منتظرينك في الجايات يا عمك Post: #16 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: HAIDER ALZAIN Date: 08-15-2009, 09:12 AM Parent: #14 يا لشيل الحال يا جنرال .. أولاً حمد لله سلامة ونورت بيك المملكة ... بس تربطني مع تمبس ، وود الصائم ، وكمان ود الباوقة والله لميتنا لمة .. يا جنابو نحن ناس شرقية وديل وسطى في العيد ما بنتلم .. مع انه والله لو وصلني خبر انك بالرياض ما كان حوجتك تفتح البوست لانه بالاحلام الواحد يتمني يقابلك مش يسمع صوتك فقط .. بس الحمد لله اعرف انك وصلت عن اجمل الناس بالبورد وهم بورداب الرياض يضاروا الشمس ويكفوا العين .. لا مزيد بل عذري لعدم المتابعة .. وأسفي على نفسي عشان ما اتشرفت بيك .. ومودتي التي لا تنضب وحمد لله سلامة يا ملك .. Post: #17 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: omer osman Date: 08-15-2009, 09:51 AM Parent: #16 Quote: يا لشيل الحال يا جنرال .. أولاً حمد لله سلامة ونورت بيك المملكة ... بس تربطني مع تمبس ، وود الصائم ، وكمان ود الباوقة والله لميتنا لمة .. يا جنابو نحن ناس شرقية وديل وسطى في العيد ما بنتلم .. مع انه والله لو وصلني خبر انك بالرياض ما كان حوجتك تفتح البوست لانه بالاحلام الواحد يتمني يقابلك مش يسمع صوتك فقط .. بس الحمد لله اعرف انك وصلت عن اجمل الناس بالبورد وهم بورداب الرياض يضاروا الشمس ويكفوا العين .. لا مزيد بل عذري لعدم المتابعة .. وأسفي على نفسي عشان ما اتشرفت بيك .. ومودتي التي لا تنضب وحمد لله سلامة يا ملك .. ياحيدر الزين اعتذارك ده انا النقيب ما بقبل بيهو خليهو سعادة الجنرال ...... بلاش حنك معارضين معاك (بدل وش يد شايلة مديدة) Post: #18 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: فايزودالقاضي Date: 08-15-2009, 10:19 AM Parent: #17 حمداً لله على السلامه جنابو الطيب ... سعدنا بصحبتك في سهرة جدة ...ونتمني ان تكرر الزيارات ... كن بخير انت واسرتك ... فايزودالقاضي .. Post: #20 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: ASHRAF MUSTAFA Date: 08-15-2009, 01:47 PM Parent: #18 جنابو الطيب عثمان يوسف تحياتي يا غالي وشوقنا محيط المنبر فعلا افتقدك يا راقي Quote: *** الأخ و الصديق قاسم سيد أحمد أحد قراء البورد الأفزاز و الذى أستلمنا بمجرد أن دخلنا الرياض متحججا بأنه ساكن فى المدخل فعلينا أن نمر على بيته لتبديل الملابس ثم مواصلة المشوار الى بقية البورداب المتمترسين مع خالد الحرب فى المخرج 18 . ففاجأنا بتخصيص الشقة التى تحت شقته و قام بإنزال كل أغراضنا بها و سلمنا المفتاح اصيل والله الراجل ده فعلا السودان البعرفه وبفتخر بيه انا اصلا احب السعودية وافتخر بالسودانيين هناك لكن ازددت محبة واحترام للسودانيين هناك بما فيهم البورداب من خلال بوستك الجميل الراقي سلامي لكل اهلنا الطيبين في المملكة Post: #21 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-16-2009, 03:32 PM Parent: #20 *** ذنبا مغفورا أخونا حيدر الزين و أشكرك جدا على مهاتفتك الرقيقة .. ( براااءه ) .... و لم يكن شيل الحال إلا لحبنا لك فى الله و عشـما فى الشوفه . *** المعلومات تفيد أن تمبس كلو ما يشوف البوست ده بكره العرس الماشى عليهو ده *** المهم لو جيت و قلت الرووووب عازمنك شهر عسل بى جاى . Post: #22 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: ismeil abbas Date: 08-17-2009, 10:05 AM Parent: #21 ياعزيز..إنت .....بنعرفك ..قبل ما نقابلك....الناس ..الجميلة سيرته بتسبقه....ربنا يحفظكم... إسماعيل محمد احمد عباس... Post: #24 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: tmbis Date: 08-17-2009, 10:23 AM Parent: #22 يا كمندان .. حمد الله على السلامة .. البوست دا زاتو فتحتو متين .. تفتحو البوستات ساااكت من ورانـا .. عشان ناس حيدر الزين يتفسحو .. اللحظات الجميلة دايما بتمشي بسرعة يا جنابو .. سعادتنا لاتوصف كلما نلتقي واحد من الأخوان في السايبر وتزداد سعادة لما نلتقي بي باقي اسرتو .. وبما اننا ناس وسط وفي المعبر الرئيسي .. وناس عاصمة ومركز ثقل لمتنا بتكون سريعة وتلقائيه مالم يكون في ظرف طارئ جدا .. وجودك واسرتك في اليوم داك كان ليهو معنى كبير .. ولو لا ضيق الزمن لكان لنا حديث .. للاسف الشديد بعديها بي ايام كنت في جدة في زيارة عمل سريعة كنت بتمنى انو اكرر المقابله فيها .. لكن لا اسعفني الزمن ولا ظرف العمل .. على وعد انو نتقابل يا كمندان .. تحياتي ليك وللاسرة ولاصدقائي الصغار .. وحمد الله الف على سلامة العودة.. Post: #25 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: omer osman Date: 08-17-2009, 10:28 AM Parent: #24 Quote: يا كمندان .. حمد الله على السلامة .. البوست دا زاتو فتحتو متين .. تفتحو البوستات ساااكت من ورانـا .. عشان ناس حيدر الزين يتفسحو .. اللحظات الجميلة دايما بتمشي بسرعة يا جنابو .. سعادتنا لاتوصف كلما نلتقي واحد من الأخوان في السايبر وتزداد سعادة لما نلتقي بي باقي اسرتو .. وبما اننا ناس وسط وفي المعبر الرئيسي .. وناس عاصمة ومركز ثقل لمتنا بتكون سريعة وتلقائيه مالم يكون في ظرف طارئ جدا .. وجودك واسرتك في اليوم داك كان ليهو معنى كبير .. ولو لا ضيق الزمن لكان لنا حديث .. للاسف الشديد بعديها بي ايام كنت في جدة في زيارة عمل سريعة كنت بتمنى انو اكرر المقابله فيها .. لكن لا اسعفني الزمن ولا ظرف العمل .. على وعد انو نتقابل يا كمندان .. تحياتي ليك وللاسرة ولاصدقائي الصغار .. وحمد الله الف على سلامة العودة.. براءة ............ هو البراءة لقاها حيدر الزين لمن تمبس الطيب ........ تاني ماتقول حاجة Post: #23 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: omer osman Date: 08-17-2009, 10:17 AM Parent: #21 Quote: *** ذنبا مغفورا أخونا حيدر الزين و أشكرك جدا على مهاتفتك الرقيقة .. ( براااءه ) براءة !!!!!!!! كورة أوانطة هاتو فلوسنا Post: #26 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: tmbis Date: 08-17-2009, 10:45 AM Parent: #23 Quote: براءة !!!!!!!! كورة أوانطة هاتو فلوسنا زيسكووو Post: #27 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: HAIDER ALZAIN Date: 08-17-2009, 03:06 PM Parent: #23 يا جنابو عمــر ... طبعاً الجنرال ادي تعليمات بأني إنصرف فبطل ( بظبطة ) واحترم الاقدمية .. شايفك معترض ؟! ضاعت العسكرية والله من دخلوا فيها الشرطة الشعبية ههههههه .. بعدين ما شاء الله شايفك غيرت الشعار ( الاحمر ) سخن معاك الجو ** تمبس يا حبيب .. كدي خلص من كوستاوي وبقية الشلة بعدين بتفكر للبوستات وشكلي كدة والله اعلم حا افتح ليك بوست زي دا .. .... Post: #28 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: Yousif A Abusinina Date: 08-17-2009, 03:50 PM Parent: #27 وحات ربى عيونى رققن من الفرحة بعودتك بالسلامة ما اتفقنا وقلنا بلاش الكلام البزعل دة ولا يكرم الرجل فى دارة يا ابو محمد وعارفين روحنا مقصرين طمئنا على سلامه الوصول والاهل بعد العشرين الف كلم القطعتها دى من الامارات الى السودان تعرف يا اخونا عثمان رغيم ناس الخيانة العظمى ظهروا بالله عمر عثمان لو حااااااااااااااارقوا شويه اللحمة والروب دة خلينا رسل لية كرتون مراعى يسكر بيه وكم خروف مجمد من خرفان الهدى بس يستنى موسم الحج على الابواب ههههه ويا بورداب وبودبيات الخرطوم الاعزاء دة واحد من الخونه زرزوة خلى يطلع الباقين ابو محمد حبيب الكل نورت البورد والامارات مليون الف سلامة وعند كدة واربط بس كفاية ما زيد على فكرة بورداب الرياض زعلاليين عشان عرفت تبيع السيارة كان مستنين الرجعه تكون بالرياض وتشوف العجب مش روب ولحم يا يا جنابو عمر كدى انت بس قول خير واصلنا هنا وشوف نعمل فيك شنوووووو Post: #29 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: أسامه الكرور Date: 08-17-2009, 07:02 PM Parent: #28 ياالطيب نحن ناس الشرقيه برضو فطيتنا ومشيت بى فوق على الرياض هسى داير تشيل حالنا ولا شنو ..؟؟ ....................... عمر محمد عثمان .. كما كنت Post: #30 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 08-17-2009, 10:53 PM Parent: #29 *** واحد من بورداب الرياض لم يكن ضمن المستقبلين رقم متابعتو لكل تحركاتنا من الامارات و اتعذر بأن زوجته على وشك الوضوع خلال ساعات ... قبلنا العذر و دعينا ليه بالولد لأنو عندو من البنات إتنين .... إتصلنا بيه بعد تلاته يوم قال لسه ما فى جديد .... إتصلنا بيه بعد خمسة يوم قال لسة مافى جديد ... بعد يومين إتصل بينا هو قال لى تعرف الزول ده قال حالف ما يجى طالع إلا تتخارجو من الرياض . طوالى قلت للمدام لمى حاجاتك نقوم نتخارج من الرياض . مشينا المدينه و زرنا و كررنا الزيارة و كمان قعدنا كم يوم و من هناك مشينا العمره و عمرنا و بعد تلاته يوم بعد العمره المدام قالت لى نتصل بالناس ديل نبارك ليهم المولود و نعرف سمو منو . و كان الرد كالعادة و الله لسة ما فى جديد ... *** بعد إسبوع ... تعرف يا أبو الطب الزول ده قال حالف ما يجى طالع و إنتو فى السعودية ... طوالى قلت للمدام لمى حاجاتك نقوم نتخارج ... لكن أخونا الرفاعى حجر قام حلف طلاق قال ما ممكن تمشوا و إنتو يادووووب قعدتو معانا 10 يوم لازم تكملوا الأسبوع ده .... *** بعد اسبوع تانى .......... سافرنا و بعدنا *** و لسه ما فى جديد *** بعد اسبوع فى السودان ..... و لسه ما فى جديد ...... أنا ما بتكلم ساى عندى أبو سـنينة شاهد و إذا فى زول بطعن فى شاهدتو ممكن الرجوع لتاريخ دخولى ( يوم إحتفال خالد الحرب بحفيدته ) و تاريخ مغادرتى و تاريخ ميلاد ( محمد ) باقى أبوه قانونى ضليع *********** لنا عودة Post: #31 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: Yousif A Abusinina Date: 08-18-2009, 03:59 PM Parent: #30 يا جنابو ابو محمد انت العسكريه ما زالت ساريه المفعول او انتهت اذا ساريه المفول اصدر تعليماتك لجنابو عمر عثمان يبطل حركاتة مع بوردباب السعوديه عامه والرياض خاصة. وقندهار انكشف امرها خليه افتح بوست مدعم بالصور والبحصل علية ما لينا بيه دعوة ( جنت مراكش على نفسها) والله يا عمر بنحبك وبنعزك بنحبك زى الطيب و المناكفه معاك ليها طعم خاص خلى صدرك رحب هههههههههه ونصحية اخويه من جمال السنوسى غير الون للون الازرق ؟؟؟؟ والباقى يكمليوا مجانيين الكورة انا مشجع على خفيف هههههههه فى انتظارك يا جنابووا يا ........ ود ابوسنينه Post: #35 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: سيف بخيت موسي Date: 09-01-2009, 09:10 PM Parent: #31 Quote: *** واحد من بورداب الرياض لم يكن ضمن المستقبلين رقم متابعتو لكل تحركاتنا من الامارات و اتعذر بأن زوجته على وشك الوضوع خلال ساعات ... قبلنا العذر و دعينا ليه بالولد لأنو عندو من البنات إتنين .... إتصلنا بيه بعد تلاته يوم قال لسه ما فى جديد .... إتصلنا بيه بعد خمسة يوم قال لسة مافى جديد ... بعد يومين إتصل بينا هو قال لى تعرف الزول ده قال حالف ما يجى طالع إلا تتخارجو من الرياض . طوالى قلت للمدام لمى حاجاتك نقوم نتخارج من الرياض . مشينا المدينه و زرنا و كررنا الزيارة و كمان قعدنا كم يوم و من هناك مشينا العمره و عمرنا و بعد تلاته يوم بعد العمره المدام قالت لى نتصل بالناس ديل نبارك ليهم المولود و نعرف سمو منو . و كان الرد كالعادة و الله لسة ما فى جديد ... *** بعد إسبوع ... تعرف يا أبو الطب الزول ده قال حالف ما يجى طالع و إنتو فى السعودية ... طوالى قلت للمدام لمى حاجاتك نقوم نتخارج ... لكن أخونا الرفاعى حجر قام حلف طلاق قال ما ممكن تمشوا و إنتو يادووووب قعدتو معانا 10 يوم لازم تكملوا الأسبوع ده .... *** بعد اسبوع تانى .......... سافرنا و بعدنا *** و لسه ما فى جديد *** بعد اسبوع فى السودان ..... و لسه ما فى جديد ...... أنا ما بتكلم ساى عندى أبو سـنينة شاهد و إذا فى زول بطعن فى شاهدتو ممكن الرجوع لتاريخ دخولى ( يوم إحتفال خالد الحرب بحفيدته ) و تاريخ مغادرتى و تاريخ ميلاد ( محمد ) باقى أبوه قانونى ضليع *********** لنا عودة سمعت بحمل الناقة .........بس دا وحياتك يا جنابوا الموضوع دا دخلني مدرسة عموما حمد الله على سلامتك وسلامة محمد وامه عظيم شرفنا بمعرفتك على الطبيعة Post: #32 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: سيف بخيت موسي Date: 09-01-2009, 08:31 PM Parent: #1 Quote: لنا عودة نحكى فيها قصة بوردابى الرياض الذى إتهمنا بالتسبب فى تأخير قدوم مولوده التالت ولله يا سعادتك صراحة شككتني في حسبتي إنت عارف ولادة الكبر الحسبة فاكة والتربية كمان تمنينا تشريفكم لنا في يوم عقيقة محمد ولكن تأتي الرياح بما لا ... سعدنا كثير بمرورك بالرياض سلام للعالي جنابو Post: #34 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: الطيب عثمان يوسف Date: 09-01-2009, 09:05 PM Parent: #32 Quote: تمنينا تشريفكم لنا في يوم عقيقة محمد ولكن تأتي الرياح بما لا ... سعدنا كثير بمرورك بالرياض *** حضرة المستشـار / أبو محمد .... تعظيم ســلام ..... رياحنا التى أتت بم لا نشتهى . *** فى إنتظاركم فى ظبية الخليج ... قريبا إن شاء الله Post: #36 Title: Re: بورداب و بوردابيات السعودية : أى كلام .... عدا : تمبس وود الصايم ..ود الباوقه و حيدر الزين Author: Shiraz Abdelhai Date: 09-01-2009, 11:32 PM Parent: #34 Quote: ثم الأستاذة حليمه محمد عبد الرحمن و الأخت الأستاذة عزاز شامى و الأخت الدكتوره شيراز ] ...رغم قصر اللقاء.... والدقائق المستعجله (لاحقه شنو ماعارفه....) وشوية الزمن المسروق ..إلا أنو كانت ملاقاة شحمانه..... سعدت بالتعرف عليك....وبدفء مقابلتك وكأنك تعرفنا من سنين..... وبالإبتسامه المبهجه لزوجتك....والتى (والحق يقال) أدهشتني ايما دهشه باحتضانها لثقافتنا وتمازجها مع الكل بأريحيه كامله...وقبول صادق لكل ماهو سودانى.....آلاف التحايا العطره لها...وقر عينا بها ....أم العيال.... لم تمهلنا وقتا لإكرامك والترحيب بك ..ولم تطل المقام بيننا ولكن كانت لحظات لا تنسي.... ...الجايات أكتر من الرايحات يا جنابو..... ...أتمنى لقائك والأسره ثانية فى مساحة أرحب ...فللحديث بقيه!!.....