سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!!

عاوز لى واحد بوردابى فنان ينزًل لى أغنية

( كن قليبكى فراكى أنا بطراكى)...بعد داك

بقول كلامى ....

*******

وكن قليبكي فراكي أنا بطراك ياقمير في سماكي ..

الجميل ابو القاسم
تحايا ومحبة

وبكلمة الأسف التي نبغضها جميعاً ازف اليك نباء اعدام الكوتات في
مجزرة ( بكرية) صارمة تحت شعار {ووالله لو كان يدي مصدر دخول للهكر لقطعتها}

لكن حبي في هذه الأغنية تحديداً
و(إعزازي) للقميرة الأستاذة سلمى الشيخ سلامة
وتقدير المترامي الأطراف لشخصكم

نسجتها كتابة ومعزرة مُقدماً إن وجدت اخطاء

وكن قليبكي فراكي انا بطراكي
ياقمير في سماكي

قليب عطشان ومُضَرح
قليب مرضان ومُطَرح

شوفك لي من صَرح
قلبي عليك بِِجَحَرح

الهم الفوق القلب
مـ دريبو إلا الرب

الزول اب خاطراً صَب
الشايل الخاتر تَب

لاني في الريد يبنيا
خَداراً ساقي الصيد يبنيا

ياخُدرة الفرهيد يبنيا
خَليني نتم الريد يبنيا


ولك وللعزيزة سلمى كامل احترامي وومحبتي




ومعزرة للتعدل لشربكة الحروف !!

الاخ الفنان جدا

محمد ألجزولى ...


يا خوى والله انت (تميت الخياته بالحرير) ...

أحسن من كده مافى ...

Quote: وكن قليبكي فراكي انا بطراكي ياقمير في سماكي قليب عطشان ومُضَرح قليب مرضان ومُطَرح شوفك لي من صَرح قلبي عليك بِِجَحَرح الهم الفوق القلب مـ دريبو إلا الرب الزول اب خاطراً صَب الشايل الخاتر تَب لاني في الريد يبنيا خَداراً ساقي الصيد يبنيا ياخُدرة الفرهيد يبنيا خَليني نتم الريد يبنيا ولك وللعزيزة سلمى كامل احترامي وومحبتي

ودى وتقديرى

أبو ألقاسم قور

تحايا اخ أبو ألقاسم
و شوق نيلين و معااهم نهر عطبره للزوله الاسمها سلمى دى..

و الاغنية هنا:

كن قليبكى فراكى....اضغط للاستماااع

الاستاذ قور
تحياتى
أدخلنى هذا المكان محبتى الكبيرة للاستاذ عبد القادر سالم
وددت لو انزلت الاغنية .. لكن أخى محمد عثمان صاحب فضل وواجب قام باللازم
لكن ..
رايت الا أدخل دارك الوريفة هذه بيد خالية
ما رأيك فى :
جيناك زى وزين
هجر الرهيد يوم جفhttp://www.youtube.com/watch?v=1vpm266ufnU

لاستاذ سمير

شكرا ...شكرا

انت زول فنان

Quote: أدخلنى هذا المكان محبتى الكبيرة للاستاذ عبد القادر سالم وددت لو انزلت الاغنية .. لكن أخى محمد عثمان صاحب فضل وواجب قام باللازم لكن .. رايت الا أدخل دارك الوريفة هذه بيد خالية ما رأيك فى : جيناك زى وزين هجر الرهيد يوم جفhttp://www.youtube.com/watch?v=1vpm266ufnU[/QUOTE] كل الرهود جفت أخوى فضيلى جماع زقلنا ....عود مشماش أخوك قور

---

Post: #19 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 01:24 PM Parent: #6 الاستا ذ سمي مرحب بيك ..الدار دارك Quote: تحايا اخ أبو ألقاسم و شوق نيلين و معااهم نهر عطبره للزوله الاسمها سلمى دى.. و الاغنية هنا: كن قليبكى فراكى....اضغط للاستماااع طبعأقوى صورة فى الاغنية دى التعبير 0 (كن قليبكى فراكى).... وفرت ألقلب دى هى الخلت ( الجكس بتاعنا الزمان) سلمى .... ما بتنسى ألخوة ولا ألايام ألحلوة.... نقول (سلمى + مسرح )= معهد موسيقى فك القوس + معهد موسقى ومسرح سلمى ْْ + مسرح معهد موسيقى عموما هى معادلة مجنونة ... القليب بفر .... والعمر( دحلوب ) والدنيا دنبنقا ... دمت يا حبيبى قور

---

Post: #7 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: سلمى الشيخ سلامة Date: 08-12-2009, 00:33 AM Parent: #1 قاسم قور ياكوز يا مافى داعى اتمها اها محمد الجزولى بارك الله فيهو جاب ليك النص ومحمد عثمان جاب ليك الغنية وسمير شيخ ادريس ما قصر جاب ليك فوق البيعة غنوة بحبها يلا قول كلامك مستنية كلامك ما تجيب لى الهوا يسمح حالك

---

Post: #8 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: خالد العبيد Date: 08-12-2009, 00:51 AM Parent: #7 ازيك يا قور وتحياتي ده كلام شنو جكاكي .. وفراكي .. سلمى سوت ليك شنو ياخ ؟

---

Post: #9 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: سلمى الشيخ سلامة Date: 08-12-2009, 01:02 AM Parent: #8 خالد العبيد يا حبيب ازيك يا شهقة نفس سمحة عارف قاسم دا من المعهد خاتى عينو على وقدر ما قال نعرس حلفت ما اديهو وش الله ياخدو الكوز لكنه صحبى وحات الله خليك من حكاية كوزنتو دى كنا فى المعهد الشحمة والنار نخش الركن شكلة لى رب السما العفارة دى تقول يا واحد اول ما الركن انتهى اول سؤال يا منى يا منو ـ الفول كيف ؟ ونتلم فى صحن الفول و"نشربو" الشاى ويا ركن ما دخلك شر كانت اخلاق النقاش عالية والمتناقشين نفسهم روحهم سمحة ما حصل انتهى ركن نقاش بضرب ولا حدة امكن لاننا بنقيف فى خشبة واحدة ولا ورا مكيرفون واحد رغم انه الاتنين اتخرجنا نقد لكن الروابط بيناتنا كانت تتخطى الحدود السياسية وتتجاهلها احيانا

---

Post: #10 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: خالد العبيد Date: 08-12-2009, 01:53 AM Parent: #9 سلام ياسلمى تعرفي قور ده زول سمح رغم انو ما اتلاقينا وياريت الاقيهو Quote: ونتلم فى صحن الفول و"نشربو" الشاى هسه كان عرستيهو وجبتيه امريكا وعزمتيهو " بيتزا هت " وحاة سيدي الحسن يطلب عصيدة !!

---

Post: #11 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 07:30 AM Parent: #10 يا خالد الله عليك ....يا فهامة ياهو دا الكلام زاتووووو أها يا سلمى رايك شنوه جيتك بالدرب عديل وخالد السمح اختصر ألطريق الكوزنة دى ما فترة وفاتت البيتزا حقت أميركا .... والعرس .... وكن قليبكى فراكى أنا بطراكى يا قمير فى سماكى كوزك المعفن من أجلك حبا قور

---

Post: #13 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: هواري نمر Date: 08-12-2009, 08:22 AM Parent: #11 يا ســـــــــــــــــــــــلام يا سلام.. انا شامي ريحة دعاش... ونسمة هبوب ......خريفية.. وسامع..ونسات و وحكي و ذكريات و نضمي دقاق.. عليكم الله..قولو.. اتونسو..احكو...اتذكرو...واضحكو بي صوت عال...و اشربو الشاهي...و الفول برضو .. يالله.. يا سلمي سلامة...(قندهار هيوستن) بتسلم عليــــــــــك و مشتاقة ليك يا استاذ \قور.. شكر للبوست الجنينة.. و النفم الحنين..و كلامك الريحتو...سودان جميل و بلد كريم اجمل الود

---

Post: #14 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: abubakr Date: 08-12-2009, 08:38 AM Parent: #13 Quote: وكن قليبكى فراكى أنا بطراكى يا قمير فى سماكى في المدافرة اليومية wrangling لانتزاع بسمة والله كفيتوني بسمات يوم كامل ...كتر خيركم كتير

---

Post: #15 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Adam Mousa Date: 08-12-2009, 10:55 AM Parent: #14 Quote: ده كلام شنو جكاكي .. وفراكي الحبيب خالد ودالعبيد تحياتى وحمدلله على السلامه..وبعودتك عاد للمنبر حيويته وألقه.. جكاكى يعنى الترزى..فالترزى عند البقاره زى سيد اللبن فى المدن و(المعنى واضح)..

---

Post: #22 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 01:49 PM Parent: #14 Quote: في المدافرة اليومية wrangling لانتزاع بسمة والله كفيتوني بسمات يوم كامل ...كتر خيركم كتير يا أخوى الدنيا آخرة كوم رماد كان انت فى الخرطوم تعال بكره عازمك ( سوق الناقه) ... ومن هناك نعرج على الحاج يوسف ...نصف دائرة قطبية نمشى سوق (أنقولا ) نتعشى ( المعافن التلاته) وهى الكول والمرس والكمبو .... تصل البيت يالله يالله ...النفيس هيق ...هيق ...هيق تنوم تصحى اليوم البعدو ... أخوك قور

---

Post: #34 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: abubakr Date: 08-14-2009, 03:22 PM Parent: #22 Quote: كان انت فى الخرطوم تعال بكره عازمك ( سوق الناقه) ... ياخوي انا في بلاد النووق ذاتن.. خرتوم وين ؟؟ اخر مرة كدة قبل 15 سنة وقبلها 15 زييها وهكذا ..اها مش انت بتاع مسرح وافلام وفن اعمل فيلم "بربري في بلاد النووق " وانا حاكتب الايسكريبت (مش بتقولو علي النضمي كدة ) ...بس خليك من صحبي الجميل سلمي ؟؟...تسلم

---

Post: #20 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 01:31 PM Parent: #13 يا هوارى Quote: يا سلمي سلامة...(قندهار هيوستن) بتسلم عليــــــــــك و مشتاقة ليك يا استاذ \قور.. شكر للبوست الجنينة.. و النفم الحنين..و كلامك الريحتو...سودان جميل و بلد كريم اجمل الود انت يا أخوى ألغربة ألبطال عضتك ... والله لو كانت الغربة رجلا لقتلته... عاين ....تحت ...تحت ( زى ما بقول المرحوم على المك) ..ما تغيب منك بسمه عليك أن تستعمر البسمة وما تخليها تفارقك ... بعدين أنا متأكد سيجى يوم انت تعود للوطن.... ماهو دى المجنن بوبى زاتوووووووووو

---

Post: #16 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: سلمى الشيخ سلامة Date: 08-12-2009, 11:15 AM Parent: #11 Quote: البيتزا حقت أميركا .... والعرس .... يا سجم انت بتسوى شنو بلورى التراب ؟ يا خوى بعد دا البنية عرسها قرب وبقيت حبوبة "الجكيسة "تانى تحت غطاء "الشفع بشمو هوا " اخت ليك الشافع فى العربية والزها قدامى واقعد فى الشارع "البنشات مترترات هنا " واشيل "اللاب توبى " ويا "شات " جاك زول والشافع يلعب اها قصرت ؟ لكين يا قور ان بقيت شكاكى وان لبست كاكى مافى ليك ، مااااااااااااافى ليك شم القدحة

---

Post: #17 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: عبدالكريم الامين احمد Date: 08-12-2009, 11:25 AM Parent: #16 تاااني يا ود ابوك جيت تنلم وتهدي للحكامة سلمي شنو يا اخوي كلامك ده.. الزولاية تختر ليها يمين تلقاها نطت شمال ...جاااا عجججج تبقي ليها جكاكي تلقاها وقفت بعيد وعملت شخيييييت مقولاتا لناس الخراتيم.. الفكي (لبن ابيض) مات ولاشنو..؟؟ شيل ليك راس هنا سكر وجغس خلا اخيي يربطك طببببببببب مع القمير ده _____________________ ياخي انتو بالجد احلي ناس في البورد ده ولمن تلعبو ون تو القصة بكون فيها دراما ومسرح وشغاليت تزرع الروعة والدهشة.. واها قاعدين ططططططططططب

---

Post: #18 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: سلمى الشيخ سلامة Date: 08-12-2009, 12:31 PM Parent: #17 ياكيكى ياخ كلم زولك دا انحنا الاتنين نقاد اتخرجنا نقد اتخيل الونسة شكلها كيف؟ بعد "الشنون وقعن" عليك الله ياقاسم متذكر فصلكم اللعين "بيروت " احكى للناس عنه اجمل فصل كان فيهو ناس عجيبة ياخ والتسمية زاتا جات من وين ؟ كان حكيت ما بكلم ليك حوا صحبتى واقول ليها قور "بقى شكاكى وسوالكو الفضيحة "

---

Post: #24 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 01:53 PM Parent: #17 يا ولدأبوك عبدالكريم Quote: الزولاية تختر ليها يمين تلقاها نطت شمال ...جاااا عجججج كلها خصائص قديمه متعود ليها ...ما أصلوا طبع التنس نطيط.... رمية: كدوسه فيهو (كدكور ) ولا شنوه؟

---

Post: #21 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 01:41 PM Parent: #16 يا سلمى Quote: ان بقيت شكاكى وان لبست كاكى مافى ليك ، مااااااااااااافى ليك شم القدحة والله يا جماعه سلمى دى كانت متل (كورة التنس) !!! تضرب يها الحيطة تنط ..... وحات حبى الكاتلو كمت كان (تهوهوى ....وتخرفى ..وسونك يقعن لغاية ما يدقوا ليك اللحم ) سأظل عللى الوعد القديم ..... نحن يدوب ابتدينا ... ( يامحمديافنان ) عليك النبى كان مانزلت أغنية ( نحن يدوب أبدينا ) لأبراهيم عوض الحب الحسى دا حب عجلات ساى ... والله فى زمنا الحبيبة أصلا ما تقابلها ...خوف من التلعثم... عشان كده ناس كتار ( غالهم الدمع وا أبصروا شيئا)

---

Post: #23 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: صباح حسين طه Date: 08-12-2009, 01:52 PM Parent: #21 الله الله الله الله الله الله الله الله الله أحلي بوست وأحلي ناس ناس المسرح والفن المجانـــــــــــــــــــــــــــين

---

Post: #25 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 01:58 PM Parent: #23 يا صباح Quote: أحلي بوست وأحلي ناس ناس المسرح والفن المجانـــــــــــــــــــــــــــين الحلوين بشوفو الحلوين مش الشاعر قال كلام شوه كده كده ( فى الحياةشيئا جميلا) ولا شنو كده ما عارف رايك شنو فى حكاية سوق (انقولا) و( غندهار) قور

---

Post: #27 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: عبدالأله زمراوي Date: 08-12-2009, 02:04 PM Parent: #25 Quote: قاسم قور ياكوز يا يشهد الله يا سلمى بأن الرجل، ونحن جلوس نحتسي القهوة عند شيخ العرب، نورالهدى، صاحب دار عزة دحض هذه الشائعة، حتى خلته شيوعياأحمرا وهّاجا... سلام تام لقور ولشقيقتي سلمى....

---

Post: #28 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 02:46 PM Parent: #27 Quote: يشهد الله يا سلمى بأن الرجل، ونحن جلوس نحتسي القهوة عند شيخ العرب، نورالهدى، صاحب دار عزة دحض هذه الشائعة، حتى خلته شيوعياأحمرا وهّاجا... يا خوى تتذكر الكلام دا كلو وتنسى كبدة الجمل .... جاب لينا نور الهدى شطة ...دافية فى كيس أسود تنسى الجمل وكبدتو وتتذكر المكوزه والمشيعه .... الحكايات دى ضحكنا عليها زمان .... وهم ضحكوا علينا .... بعدين يا خوى ....بوستنا بوست حب ومن أصول الحب البينا ( سلمى لازم تقول لى يا كوز يا معفن)

---

Post: #26 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-12-2009, 02:00 PM Parent: #23 يا صباح Quote: أحلي بوست وأحلي ناس ناس المسرح والفن المجانـــــــــــــــــــــــــــين الحلوين بشوفو الحلوين مش الشاعر قال كلام شوه كده كده ( فى الحياةشيئا جميلا) ولا شنو كده ما عارف رايك شنو فى حكاية سوق (انقولا) و( غندهار) قور

---

Post: #29 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-13-2009, 07:31 AM Parent: #26 *******

---

Post: #30 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-14-2009, 01:08 PM Parent: #29 يا قمير فى سماكى

---

Post: #31 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-14-2009, 01:10 PM Parent: #30 يا أخونا كل ما أتذكر سلمى أتذكر معاها آسيا ربيع عاوز لى مفسراتى نبيل!!!

---

Post: #32 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-14-2009, 01:14 PM Parent: #31 وكمان بتذكر Deng الله يا دينق يا ولدى تعال نتونس فى البوست خليك من الكلام الجاد البتعمل فيهو دا انت شاب ..... والمشوار قدامك طويل ... حسى يقوم يضربك ضغط ولا سكرى ساى تعال نتونسوا .....

---

Post: #33 Title: Re: سلمى ألشيخ سلامه ....ببقى ليكى أم جكاكى ...وكن قليبكى فراكى أنا بطراكى يا قمير فى سماكى!!! Author: Abuelgassim Gor Date: 08-14-2009, 01:17 PM Parent: #32 الونسة بتطول العمر حسى نحن فى السودان بنتونس طوالى كل واحد ماسك أخوهو الجنبوا وهاك يا ونسه وعاد لما يكون فى بكاى ولا فرح .. يا زول تكسر ركبه وهاك يا دَش