Post: #1
Title: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 08:04 PM
البوستات المأزومة (........)
يكتب أحد الزملاء بوستاً ويقول رايو في قضية عامة ،
يتحول البوست بي قدرة قادر الي محاكمة ومقصلة لصاحب البوست ،
ومع العلم إنو دا منبر حر !!،
وبوست أماني الأمين خير مثال ،
فتح الزميل محي الدين جبريل بوست بعبر فيهو عن راي رياضي ..
البوست قلب هجوم كاسح عليه ومحاكمة وصلت الي الجهاز الذي يعمل به !!
ــــ
حاجة عجيبة !
|
Post: #2
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 08:28 PM
Parent: #1
حالة صحية للمنبر يالمسلمي (برضو رأي)
يعني حنستفيد شنو لو البوست الخير مثال كان مشى
في إتجاه رأي صاحبة البوست .. أما كلامك عن مقصلة
وإقصاء ومحاكمة .. ده كلام مجازي وكبير ولا يرقى
إلى إنك توصف مداخلات وآراء آخرين بها ..
الجلد جلد يالمسلمي .. يعني أربعين صوت تنزل
من يد جلاد على إحدى بنات بلدك .. والراي راي
يظل مكتوب هنا صح كان أم خطأ ..
|
Post: #3
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 08:38 PM
Parent: #1
هذه أول مداخلة للأستاذة ، أماني الأمين :
Quote: العزيزه لبني ..
حين سمعتك تتحدثين الي قناة العربيه في ذلك الصباح,
ملأني الفخر بك .. وغص حلقي مرارة, فقد شعرت بك, بالظلم وقسوته ..
وكان تضامني معك غير مشروطا,
وصدقا لم يكن يهمني انتماءك السياسي أو الفكري ..
فقد حركتني القضيه .. وكتبت دفعا عن المبدأ : لمــاذا تجـــلد لبنــــي ؟
ثم شاهدتك تخرجين من المحاكمه في ذلك التسجيل الشهير علي اليوتيوب ..
وتزغردين ..!!!!
فسألت نفسي سؤالا كدت أن أفتح له بوستا ..
وهو: لماذا تزغرد لبنـــــــــي ؟؟!!! |
من الرابط أدناه ،
Re: عذرا لبــــني .. بدأت تفقدين تضامنــــي !!
ــــ
ماتعرضت له أماني في البوست أعلاه .. هو مؤسف جداً في رأيي ،
هناك أمثلة أخري قادمة .
|
Post: #4
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 08:44 PM
Parent: #3
أها ياالمسلمي إنت جيب وأنا بجيب
| Quote: ماتعرضت له أماني في البوست أعلاه .. هو مؤسف جداً في رأيي ، |
أي واحدة من الحاجات التحت دي تعرضت لها ..
Quote: امانى كتبت راى ردينا عليها بى راى .. قالت لبنى بقت تخدم فى اجندات
اخرى .. فى زول قال ليها سحلتيها ؟؟ راى وبنبادلها راى
سحبنا باسويردها ؟؟
سحبنا البوست ؟؟
اعتقلناها ؟؟
وديناها بيوت الاشباح ؟؟؟ جلدناها ؟؟
قاطعناها ؟؟ بالعكس فجعنا فى رايها وجبنا ليها المنطق .. لو المنطق
سحل انت وهى وال اتشددولها ما تسحلونا ؟ |
|
Post: #5
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 09:05 PM
Parent: #4
صلاح ليون ،،
المداخلات البتناقش بي موضوعية ودون إسفاف ودون تحوير لي أصل الموضوع ..و مها كانت درجة إختلافها مع صاحب البوست
بتساعد علي سير البوست نحو هدفه المنشود .
أنا إعتراضي علي نوع المداخلات البتتخلي عن الفكرة وتمشي لي صاحب الفكرة زاتو ،
وهاك مثال جديد ،،
Quote: أنا كنت متحير لمن الناس تقفل التلفزيون
لمن محي الدين جبرين يقرأ نشرة الاخبار
أهو كشفت نفسك
اذا عرف السبب ضاعت الحيرة
أنت عمر الجزلي قريبك |
ودا من هنا :Re: مع إنى ماعندى شغلة كتيرة بالكورة ... لكن الماقادرة ...الزول يكون مريخابى .
والمداخلة أعلاه كانت لا تمت إلي موضوع البوست بأي صلة !!
|
Post: #6
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 09:13 PM
Parent: #5
طيب يا المسلمي
خليني من بوست الرياضة ده لاني ما قريتو
لكن انت جايب من الخير مثال المداخلة الأولى
لصاحبة البوست نفسو .. أين ما تعرضت له ؟؟
|
Post: #7
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: د.نجاة محمود
Date: 08-11-2009, 09:20 PM
Parent: #6
تكتب بوست لاولياء امور طلابك
يجي واحد يخرمج البوست وبكري يسحبو
واولياء لم يصلهم النداء الهام
|
Post: #10
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 09:34 PM
Parent: #7
Quote: تكتب بوست لاولياء امور طلابك
يجي واحد يخرمج البوست وبكري يسحبو
واولياء لم يصلهم النداء الهام |
كامل تضامننا مع بوستيك المحروف المحزوف ،
ــــ
بالله دي حالة يادكتورة !؟
|
Post: #8
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 09:21 PM
Parent: #6
| Quote: أين ما تعرضت له ؟؟ |
قول واحد.. ياصلاح :
Quote: لقد قيل لك في غير ما مرة ان لبني هي من يتضامن معك انت واخريات من نساء السودان
ولكنك تصرين علي فهم القضية علي انها دعوي جنائية ضد لبني ، وان لبني تثير كل هذه
المناصرات من اجل ان تكسب القضية في المحكمة لتعلن براءتها.
هذا فهم متواضع الادراك والافق ، |
|
Post: #9
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 09:33 PM
Parent: #8
| Quote: هذا فهم متواضع الادراك والافق ، |
وهل أنقص ذلك من فهمها وإدراكها وسعة أفقها
يعني خلاص العبارة دي خلت تلات ارباع الناس
القرت البوست لما يشوفوها يقولو ليها يا متواضعة
ليس إنحراف ولا تحوير مجرد رأي قد يُسي لقائله ..
في حال وعي القراء لمن هي صاحبة البوست وماذا
تكتب هنا في المنبر وهم كثر على ما أرجو..
جيب اتنين
|
Post: #11
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: رأفت ميلاد
Date: 08-11-2009, 09:42 PM
Parent: #9
صلاح ليون ينصر دينك .. تعبنا من الوصايا والفهم الفاق إمكانياتنا ده .. كل واحد داير ينتعل ثوب الصلاح .. ويحدد ماذا يُفترض يكتب وما لا يُفترض ..
|
Post: #12
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: بدر الدين اسحاق احمد
Date: 08-11-2009, 09:50 PM
Parent: #11
سيد + ناس البوســت ســلام
مفيد جدا البوســت فى نظرى ...( المسلمى ، ليون )
عم / رافــت عليك الله خليهم يواصلو ..
|
Post: #18
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 10:10 PM
Parent: #12
الأخ بدرالدين إسحق
شكراً علي المرور والمتابعة .
ــــ
خليك قريب إمكن البوست دا يميل كدة ولا كدة  .
|
Post: #14
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: عبد اللطيف بكري أحمد
Date: 08-11-2009, 09:52 PM
Parent: #11
عشان كدا يارأفت أخوي سمعنا كلام تمبس وود الصائم وكبرنا اللفة
من بوستات شبيهة،،
تأكد لي الناس ديل خبراء أجانب عدييل كدا،،
,,,,,
محاولات الإصلاح برضو نفترض فيها حسن النية ياشباب
والحلم يتحقق عيشا هادئا ما تحقق صلاح كل الناس،،
المسلمي : أطلع من هذا المستنقع (خلي البورد في عواستو دي)
(هههههههه) والله جادي ياتمبس،،
المسلمي والله مرور للمجاملة والتحية والإعتذار عن مخاشنة سابقة
ويبقى الود سيد الموقف ما أقمنا لبعضنا صروحا من الإحترام في دواخلنا،،
|
Post: #19
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 10:19 PM
Parent: #14
Quote: المسلمي والله مرور للمجاملة والتحية والإعتذار عن مخاشنة سابقة
ويبقى الود سيد الموقف ما أقمنا لبعضنا صروحا من الإحترام في دواخلنا،، |
الحبيب عبداللطيف يازول إعتذار شنو ؟ ومخاشنة شنو؟
إنت لحدي هسي متذكر؟
وأكيد لازم يكون الود سيد الموقف ،
تسلم يازوق .. ومقدرين مرورك الكريم .
|
Post: #15
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 10:03 PM
Parent: #11
| Quote: .. تعبنا من الوصايا والفهم الفاق إمكانياتنا ده .. كل واحد داير ينتعل ثوب الصلاح .. ويحدد ماذا يُفترض يكتب وما لا يُفترض .. |
والمداخلة دي ياصلاح ليون تحديداً مثال قوي جداً لما أقصده تماماً ،
ـــ
شكراً رأفت ميلاد.. للمثال الحي الذي أرفدتنا به .
|
Post: #13
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 09:52 PM
Parent: #9
ليون ياحبيب ،،
Quote: ليس إنحراف ولا تحوير مجرد رأي قد يُسي لقائله ..
في حال وعي القراء لمن هي صاحبة البوست وماذا
تكتب هنا في المنبر وهم كثر على ما أرجو.. |
ياأخي الراي السئ هنا يجد من يسانده ويدقو ليهو دلوكة كمان !
إنت قايل إنحراف البوست بكون كيف يعني ؟ ما أهو يجيك واحد يرشك .. ويخشو المطبلاتية يصفقوا !
ــــ
قول إتنين ،
Quote: سيظل الكوز كوزا مهما تدسدس
................
سقط القناع |
من هنا برضو :Re: عذرا لبــــني .. بدأت تفقدين تضامنــــي !!.
|
Post: #16
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 10:07 PM
Parent: #13
| Quote: سيظل الكوز كوزا مهما تدسدس |
أها دي بالذات كنت راجيها منك ..
ويعني شنو لو قالو ليها كوزة ..
إنتو الكيزان أو الوطني دي حاجة شينة
لو كده عندك الملايين ممن يُطبل ويهتف
للحكومة في الخرطوم واتنين او تلاتة هنا في المنبر
فماذا لو كان كلامها جانب صايد الانقاذ أو أتى على هوى اهله
لا غبار عليها في هذه الحالة أن تفند الآراء المضادة ..
الحكومة لا تتضامن مع لبنة وعايزة تجلده .. لشيء في نفسها .. وللا حقارة ساكت ما موضوعنا
جات صاحبة البوست وسحبت تضامنها .. بسبب زغرودة .. لشي في نفسها .. خطأ ارتكبته لبنى برضو ما موضوعنا
المهم حقت تبارك .. ما بقو في سرج واحد
|
Post: #17
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: HAIDER ALZAIN
Date: 08-11-2009, 10:09 PM
Parent: #13
السيد المسلمي .. التحايا يا عزيز ..
طالما فتحت الموضوع بالله اتمني انك تدخل البوست دا معاك في اللستة ..
وتدينا رأيك عما حصل به لانه مضايقني من العصر ..
ممكن نسمع وجهة نظرك أيضاً ..
*** هل فعـــلا نحــــنا محتـــاجــــين ليهــــو ****
وهل نعد تم فيهو انحراف والا محاكمة طبيعية !!
|
Post: #20
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 10:22 PM
Parent: #17
حيدر الزين ازيك
خليك ياخي مع ود الباوقة هناك في طواحين الهوا
كنت حابي اجيك والبوست أنا مستهويهو لكن الزول ده
بطني بطم لما ادخل بوستاتو .. فخليك مرابط ..
بوست البصل ..
لكن البوست الجبتو ما مقنطر إنو كان ينحرف ..
ده طبعا لو وافقني السيد المسلمي إنو كلامنا
عن البوستات الجادة .. التي تناقش قضايا مهمة
لكن توجد بعض البوستات يُحق لها الانحراف أو هي
جاهزة من تلقاء نفسها لتقبل الانحراف ..
ياخي بصل .. زول بكره البصل يعني لو انحرف
حيخلوهو يكره البصل والفجل وبس .. لكن ما تزيدو عن كده
المسلمي اجيك بكرة وللا بحرفو
|
Post: #21
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: HAIDER ALZAIN
Date: 08-11-2009, 10:35 PM
Parent: #20
عارف يا صلاح ليون .. انا براي مواعيد النومة جات وبرجع ليك لموضوع البصل دا بكرة
البوستات سواء جادة او بوستات للترويح برضو بتحمل رؤية من اتبها لكن مسالة
إنه الناس تترك الحرف المكتوب قدامها وتقعد للزول في تولاتو إنه نيتك كدة
والا ماكدة وإنت قاصد الشئ الفلاني وتبحبت بروفايلو عشان تطلع خطا دا هنا المرفوض
أنا جبت للسيد المسلمي مثال البوست دا لانه من الناس المشاركين فيهو ومن الناس الجو
كتبو كلام ما استسغتو صراحة بس الزمن ضايقني ما اتداخلت ووقت جيت المساء لقيت مافي داعي
بعد ست البوست رفعت يدها منه ..
الرسالة المفروض تصل انه الناس ما تكيل بمكيالين حتي ولو المقصود مزاح او موضوع جادي ..
والبوست دا بقعد فيهو معاك من بكرة ..
وبرضو راجينك في بوست الكهرباء البديلة لكهربة السد .. لووووووول
تحياتي
|
Post: #22
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-11-2009, 10:46 PM
Parent: #21
الحبيب حيدر الزين ،
إنت عارف بوست البصل دا غريب بشكل !
وناس فيصل نوبي وودالصايم لو شافوهو والله يودوهو خور أبوحبل ،لوووووووووول.
ـــ
زي ماقال الأخ صلاح ليون نجي بكرة ..لو مالقيت البوست دا بقي شبه منحرف .
|
Post: #23
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-11-2009, 10:53 PM
Parent: #21
طيب يا حيدر الزين ارد ليك لانو لسه مساهر
انت لو جاي بكرة تناقش في انحراف البوستات
بصورة عامة أكيد ما حنصل لي حاجة عشان كده
خلينا نخصص ..
رؤية من كتبها دي يا زول لكن ما واسعة وساع الزمم في بلد الهم
وانت بتكون متعاطف مع البوست ساكت عشان عندك تجربة عن الكُره .. بالرغم
من إنو كانت فيهو شيء من سياسة .
كمثال:
واحد بحب الجبنة شديد جا فتح بوست يقوم ينحرف
ولغاية ما يصلو حتة أنو ما رضع كويس .. يعني
مش يدخلو في النوايا .. لا يقرب يدخلو معاو بطن
أمو .. طيب الغلطان منو من البداية .. غلطان
سيد البوست نفسو مادام جانا هنا وجايب معاهو
خصوصيات وأشياء تهمو في المقام الأول ..
لكن لو واحد جاب معلومات عن جبنة معينة وعايز
ينصح بتناولها أو غيرو في هذه الحالة نناقشو
لغاية ما نصل لي حليب الجبنة ده جابو من وين
وما بنكون حرفنا البوست .. يعني زي ما قلته
في أول مداخلة ((حالة صحية))
لي باكر ..
| Quote: وبرضو راجينك في بوست الكهرباء البديلة لكهربة السد .. لووووووول |
والله ما بقدر .. وحاجة خاصة كده وما حافتح ليها بوست ..
|
Post: #26
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: HAIDER ALZAIN
Date: 08-12-2009, 07:52 AM
Parent: #23
صلاح ليون .. صباحك خير ..
قلت انت :
Quote: كمثال:
واحد بحب الجبنة شديد جا فتح بوست يقوم ينحرف
ولغاية ما يصلو حتة أنو ما رضع كويس .. يعني
مش يدخلو في النوايا .. لا يقرب يدخلو معاو بطن
أمو .. طيب الغلطان منو من البداية .. غلطان
سيد البوست نفسو مادام جانا هنا وجايب معاهو
خصوصيات وأشياء تهمو في المقام الأول ..
لكن لو واحد جاب معلومات عن جبنة معينة وعايز
ينصح بتناولها أو غيرو في هذه الحالة نناقشو
لغاية ما نصل لي حليب الجبنة ده جابو من وين
وما بنكون حرفنا البوست .. يعني زي ما قلته
في أول مداخلة ((حالة صحية))
|
ما بقدر إلا اتفق معاك فيما قلته اعلاه ..
رغم إني قصدي الول للسيد المسلمي أنه الناس ما تتطرق لخصوصيات الشخص
والبوست الضربت بيهو المثل في انه الناس بدل تتكلم عن البصل والجبنة البيضاء
مشت قصت ولصقت البروفايل بتاع الكاتب وانه انت بتقول عندك ولدين وبالبروفايل مؤشر
انك عازب وخلافو ..
دا مش بيمرق الموضوع من اراء ونقاش ومداولات دا بيخرج من البورد واسفيرو للبيوت ..
تاني اظن لو واصلت معاكم هنا بحرف ليكم البوست دا نفسه .. فدعوني متابع معاكم
الليلة عاوز اشوف خبر دولة المؤسسات واكمل مع الكهرباء الجديدة .. :)
لك مودتي
|
Post: #29
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 09:48 AM
Parent: #26
Quote: والبوست الضربت بيهو المثل في انه الناس بدل تتكلم عن البصل والجبنة البيضاء
مشت قصت ولصقت البروفايل بتاع الكاتب وانه انت بتقول عندك ولدين وبالبروفايل مؤشر
انك عازب وخلافو |
والله ياحيدر الزين أختنا منال كانت محظوظة جداً ،،
فلو كان بوستيها جادي وهادف ، كان شافت العجب في تناقضها بين كتابتها وبين بروفايلها ،
ومن غير أي تعب كانت سوف توصف بعدم المصداقية وعدم الشجاعة .. وعييييك .
ـــــ
وأنا عارفك ياأخوي يدك كانت ماكلاك علي بوست البصل .. لكن شكلك لقيتو ماجايب حقو .
|
Post: #28
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 09:09 AM
Parent: #23
Quote: لكن لو واحد جاب معلومات عن جبنة معينة وعايز
ينصح بتناولها أو غيرو في هذه الحالة نناقشو
لغاية ما نصل لي حليب الجبنة ده جابو من وين
وما بنكون حرفنا البوست .. يعني زي ما قلته
في أول مداخلة ((حالة صحية)) |
الحاجة الماصحية ياصلاح أخوي يجيك واحد من وين كدة يقول ليك إنت زمان قلت مابتحب منتجات الألبان !
وكمان يجيب ليهو إقباس ورابط كمان !
ويبداء في جرجرة البوست بإتهام صاحبه بالتناقض والكيل بمعيارين و... و.... ،
ويجي صاحب البوست يرد ويبرر وجهة نظرو في قوله السابق والتداعيات الكانت مؤثرة و..... ،
ويتبرع أحدهم بنفي كل التبريرات بتاعت صاحبنا عن البوست الزماااااان داك ،
وكدة بكون البوست لفة في حلقة مفرغة تماماً !!،
|
Post: #24
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: أمين محمد سليمان
Date: 08-11-2009, 11:07 PM
Parent: #21
ليون يا صديقي ، سلام عليكم
شوف إنت هسي رايك مخالف ميه ميه لرأي أبو السيد و البوست بقي ماخد طابع مساجلات بينك و بينو ، و ده كلام جميل و بيحصل في أرقي العائلات ! ألما جميل و ما بيحصل في أرقي العائلات إنك تفتح بوست ، يجيك زول مخالفك في الرأي - و لا عندو معاك عكه في بوست سابق - و يجي داخل و ينعتك بالفيك و الما فيك ، و تبقي إنت في تولاه - زي ما قال الطريفي - و في الاخر بدل ما الناس تناقش موضوع البوست ، القصه تبقي عكه جديده لحدي ما واحد في المتعاككين يفتح بوست تاني و داك يجيهو ناطي و البوستات تفقد معناها اللي من اجلو فتحت .... و هكذا دواليب ! و ده البتكلم عنو أبو السيد لو أنا فهمتو صاح !!
|
Post: #25
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صلاح ليون
Date: 08-12-2009, 07:26 AM
Parent: #24
أمين المُعرّب
سلامات .. وآسفين ما قدرنا نجي السماية..
نردها ليك في الطهور لو الله مده في العمر
| Quote: و لا عندو معاك عكه في بوست سابق - و يجي داخل و ينعتك بالفيك و الما فيك |
لو نعتك بالفيك مافيها حاجة والمافيك تقوم بي كل
هدو تبرر ليهو .. أو تتجاهلو وتواصل في فكرتك..
أما في حالة إنك تعكها معاهو وتنجر لي هترشاتو
مما يؤدي لانبثاق اكثر من بوست ولمة الناس (وهذا
ما يسميه المسلمي إنحراف أو تحوير) فالحاجة دي
برضو كويسة والجرجرة بتفيد وبتجيب المفيد ..
|
Post: #27
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: mohmmed said ahmed
Date: 08-12-2009, 08:08 AM
Parent: #25
المسلمى
انحراف البوستات موضوع يحتاج لدراسة
والاسباب كثيرة الدراسة تعرفنا اكتر
من الاسباب الواضحة
يجى زول ناطى ما بريد صاحب البوست ويبقا ليهو فى رقبتو
بوست يتشاكلو فيهو انتين وصاحب البوست ما عارف يعمل شنو
بوست يستلمو اتنين بينق بونق خد وهات وصاحب البوست يراعى ساى
هسا انا عندى بوست مساخة الزملاء
تحول لظرافات وطرف ونكت
لكن دا نوع الانحراف الحميد
انا ذاتى جاريت الموضوع والعنوان قعد فى السهلا
|
Post: #30
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: حيدر حسن ميرغني
Date: 08-12-2009, 09:59 AM
Parent: #27
سلام يالسيد
زي ماقال متداخل فوق
نقل الصراع من بوست لبوست مختلف تماما في الفكرة حاجة تطمم البكن
|
Post: #41
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 04:37 PM
Parent: #30
الأخ حيدر حسن ميرغني ،
إنتقال الصراع تخطي مرحلة من بوست الي أخر ..بل أصبح من ربع الي ربع أخر وهكذا ،
وهذا يدل علي حقيقتين إتنين :
الحقيقة الأولي إستشراء الفجور في الخصومة وسط أعضاء الأون لاين ،
والتانية هو إنعدام الجودية هنا ، وعدم جبر الخواطر ،
والموضوع دا ياحيدر ميرغني خطير جداً ،
شنو يعني لما تختلف مع زول في رأي أو فكرة ؟
وشنو يعني لو أخوك غلط عليك ؟
وشنو البخليك ماتقبل تدخل الأخوان في الموضوع ؟
نظام ياجماعة مافي زول يجي يقدم لي نصائح !
وشنو يايعني ماتقبل إعتذار من زول غلط عليك ؟
ـــ
لوالناس إتعاملت مع بعض بحسن نية .. أعتقد ممكن نصل لبوست غير منحرف .
|
Post: #31
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: محمد عبد الماجد الصايم
Date: 08-12-2009, 10:07 AM
Parent: #27
باللاي دا كلو عشان رشوكـ ببصلة
| Quote: يجى زول ناطى ما بريد صاحب البوست ويبقا ليهو فى رقبتو |
زي منو كـــدا يا عمكـ؟
لأنو دي طاقية مقاسا كويس لناس كتار هنا!
بعد ما ترد على السوعال الفوق دا برجع ليكـ لـ
Quote: هسا انا عندى بوست مساخة الزملاء
تحول لظرافات وطرف ونكت
لكن دا نوع الانحراف الحميد
انا ذاتى جاريت الموضوع والعنوان قعد فى السهلا |
|
Post: #42
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 04:53 PM
Parent: #31
ودالصايم ياعمك ،
بعد التحية والأشواق .
وبما إنك جيت برااااك ،
أها يا أخوي هاك الكلام العدييييل دا،
ممارسات الضحكونجية برضو من أسباب جرف البوستات الي متاهات تانية ،
وطبعاً الضحك هنا هو فن من الفنون البتخلي القاري ينظر لفكرة الموضوع الجادي.. بعيون هزلية ساخرة ،
ــ
بالمناسبة وش ضاحك واحد ممكن يجهجه البوست .
|
Post: #40
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 04:15 PM
Parent: #27
mohammed said ahmed
تحياتي ،،
| Quote: بوست يتشاكلو فيهو انتين وصاحب البوست ما عارف يعمل شنو |
والغريب في ذلك إذا صاحب البوست حينها لايستطيع فعل أي شئ تجاه مايحدث !
| Quote: بوست يستلمو اتنين بينق بونق خد وهات وصاحب البوست يراعى ساى |
وهنا بيظهر التكتيك الجد جد ،
والفكرة بتكمن في تخريب البوست وإفراغه من محتواه لهدف يعلمه المخرب !
ــــ
شكراً علي المرور .
|
Post: #32
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 10:17 AM
Parent: #24
الخال أمين ،
| Quote: ألما جميل و ما بيحصل في أرقي العائلات إنك تفتح بوست ، يجيك زول مخالفك في الرأي - و لا عندو معاك عكه في بوست سابق - و يجي داخل و ينعتك بالفيك و الما فيك ، و تبقي إنت في تولاه |
-
والحالة دي ياخال بتتم بتكتيك عالي جداً ،
وبتتم بي سوء نية مسبق مع صاحب البوست ، ومايزيد الطين بلة هو دخول الشللية في خضم الصراع ،
يعني ياأمين هسي في البوست دا .. جاء رأفت ميلاد وعمل مداخلة مهببة ولا ترتقي لطرح البوست وفكرته ،
وحاول يستفزني _ ربما لعداوة أو موقف مخالف سابقاً ، الله أعلم _ ليجرني الي ما أحذر منه !!.
لكن هو من غير مايقصد دعم البوست دعم حقيقي .
ــــ
وفي نوع تاني من تحوير البوستات تجده في هذا الرابط : Re: شامبيون ،
|
Post: #33
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: محي الدين جبريل
Date: 08-12-2009, 11:13 AM
Parent: #32
المسلمى أخوى ... طابت أوقاتك
Quote: فتح الزميل محي الدين جبريل بوست بعبر فيهو عن راي رياضي ..
البوست قلب هجوم كاسح عليه ومحاكمة وصلت الي الجهاز الذي يعمل به !!
ــــ
حاجة عجيبة ! |
عليك الله بس حاول أدخل البوست بتاعى ده خاصة فى الصفحة التانية ، بشرط تشيل معاك ليمونة لانك ح تستفرغ
Post: #34
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: محمد عبد الماجد الصايم
Date: 08-12-2009, 11:21 AM
Parent: #32
غايتو يا أبو السيد
مما جبت قصة الشامبيون دي تبقى أكييييد قاصد نوبي ولا قمر بوبا
|
Post: #35
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: صديق الموج
Date: 08-12-2009, 11:46 AM
Parent: #34
إنحراف البوستات وتحويرها ... هل هو تكتيك ؟؟ أم قضاء وقدر ؟
المسلمى..سلام يغشاك
يازول حسب تجربتنا هنا
مرات بكون قضاء وقدر ومرات غباء وغدر،،،
|
Post: #36
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: abdalla osman
Date: 08-12-2009, 01:18 PM
Parent: #35
| Quote: بوست يستلمو اتنين بينق بونق خد وهات وصاحب البوست يراعى ساى |
السيد إزيك ولعلك طيب
__________________________________________
تحياتي لك ثم عبرك لود الصايم وفيصل نوبي
|
Post: #37
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: ASHRAF MUSTAFA
Date: 08-12-2009, 01:45 PM
Parent: #36
المسلمي ازيك
بوست جميل وهام
متابعين
|
Post: #39
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: El hadi A.bashir
Date: 08-12-2009, 02:04 PM
Parent: #37
Al-Musalami
Salaaaam
I think it is healtheir approche,beacuse it gives the reader(s) of any post to read,understand it from different angles
I totally, disagree of your point of view when you appointed yourself as an EVALUATOR
El hadi
|
Post: #43
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: السيد المسلمي
Date: 08-12-2009, 04:59 PM
Parent: #35
صديق الموج ،
سلام ياحبيب .
| Quote: مرات بكون قضاء وقدر ومرات غباء وغدر،،، |
أتفق معك في حكاية غباء وغدر تماماً،
ــــــــــ
ياعمك لو جدعتنا بي كم رابط كدة نكون شاكرين.
|
Post: #44
Title: Re: إنحراف البوستات وتحويرها ... هل هو تكتيك ؟؟ أم قضاء وقدر ؟!
Author: محمد البشرى الخضر
Date: 08-12-2009, 05:44 PM
Parent: #43
مسلمي يا عمك
بالللاي بعد تخلص ردود ومطايبة وبتاع ... ما تنسى تقوم تلف
|
|
|