Post: #1
Title: ناس المنبر العالي ..سلام .
Author: الفاضل احمد عباس
Date: 08-10-2009, 09:34 AM
Parent: #0
شكرا بكري على الاستضافة الكريمة في بيت السودان الرحيب .
والشكر آلاف للغالي الشامي الحبر على المثابرة التي تمخضت في النهايةعن "نظرة من بكري ابوبكر "
والشكر موصول لكل من ساند طلب انضمامي للحوش الفسيح .
وان شاء الله زي ما استفدنا كثيرا من المنبر من خارجه .. نستفيد كمان وكمان من داخله .
وفي انتظار تشجيعكم .. وصرف "روشتة الانتماء " لفضاءات منبركم الاثير.. والاثيري ..
|
Post: #2
Title: Re: ناس المنبر العالي ..سلام .
Author: محمد عبد الماجد الصايم
Date: 08-10-2009, 09:51 AM
Parent: #1
حبابكـ ألف يا عمكـ!
بعدين روشتة شنو ياخ!
شوف مقاس الكــدارة وأربط الشنكارات كويس!
|
Post: #3
Title: Re: ناس المنبر العالي ..سلام .
Author: الشامي الحبر عبدالوهاب
Date: 08-10-2009, 10:07 AM
Parent: #2
الف مرحب بيك يا الفاضل
ونورت المنبر وشكرا لاستجابة بكري السريعة
وكويس انو اول المرحبين بيك ودالصائم عميد
المنبر وعمدته
|
Post: #11
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:30 PM
Parent: #3
الشامي .. الشيخ الاستاذ
لولاك مثابرتك لما دخلت هذا المنبر .. واشكرك على ذلك كثيرا
والمنبر منور بوجود امثالكم فيه ..
وكما سبق ان اخبرتك هاتفيا فاني قد جربت الكثير من انواع الانتظارات ، الا ان " شوق المستهام" جربته
حصريا في انتظار نظرة "الريس بكري" .
ومدد .. ياالشامي مدد ..
|
Post: #10
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:20 PM
Parent: #2
الصايم - كيف حالك
والتقدير اكوام للمبادرة بالترحيب ..
وان شاء الله اول دائما .
وبعدين ياخي الكدارات لزومها شنو؟ الشوت ضفاري ولا شنو ؟
عموما ..اخطط للوقوف في حراسة مرمى الاحباب لصد "المرتدات " .. وبعدين اشوت بمزاجي !!
|
Post: #4
Title: Re: ناس المنبر العالي ..سلام .
Author: salee
Date: 08-10-2009, 10:09 AM
Parent: #1
اهـــــــــلا وسهلا
|
Post: #5
Title: Re: ناس المنبر العالي ..سلام .
Author: منال
Date: 08-10-2009, 10:12 AM
Parent: #4
نورت البورد يالفاضل
مودتى ..
|
Post: #6
Title: Re: ناس المنبر العالي ..سلام .
Author: سلمى الشيخ سلامة
Date: 08-10-2009, 01:09 PM
Parent: #5
الفاضل احمد عباس ؟
ازيك
هل انت الزول الكان بكتب فى الاتحادى فى القاهرة من السعودية ؟
تحياتى لك
|
Post: #7
Title: Re: ناس المنبر العالي ..سلام .
Author: الكباشى البكرى
Date: 08-10-2009, 01:11 PM
Parent: #6
اهلا وسهلا
مرحب بالقادم من طرف الاخ الشامي
نتمني ان يطيب لك المقام .
|
Post: #8
Title: Re: ناس المنبر العالي ..سلام .
Author: Alsa7afa_30
Date: 08-10-2009, 01:15 PM
Parent: #7
ألف مرحب
نورت الديار ..
|
Post: #9
Title: Re: ناس المنبر العالي ..سلام .
Author: BAKTASH
Date: 08-10-2009, 01:19 PM
Parent: #8
حبابك عشرة
ولا اقول ليك..... حبابك الاف... الدار دارك..
|
Post: #18
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:50 PM
Parent: #9
بكتاش
العشرة ما شوية .. اذاما دفعت " كاش " ، او بشيك محبةمصدق يصرف للمستفيد الاول من بنك الوداد ..
شكرا ياخي .
|
Post: #16
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:47 PM
Parent: #8
حسام
نور الله دروبك ..
|
Post: #15
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:45 PM
Parent: #7
الكباشي البكري
واتمنى ان ان اقدم ما يسوغ لي المقام بين كل هؤلاء الناس الكويسين .
|
Post: #14
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:42 PM
Parent: #6
سلمى
كيف الحال .. وشاكرين على مبادرتك بالسؤال .
واجابة عليه اقول : ليس انا الشخص الذي كنت اكتب في الاتحادي من السعودية ..
ولكني قطعا انا ذات الشخص الذي كان صحفيا بجريدة الاتحادي منذ صدورها في ايام الديمقراطية الثالثة ، وحتى
لحظة صادر انقلابيو "الانقاذ" ذات مساء اغبر اقلامنا واغلقوا مبنى الصحيفة الذي كان وقتئذ في الخرطوم
غرب بجوار السفارة الامريكية.. ومنذ ذلك التاريخ تتقاذفنا شواطيء الغربة في انتظار "جودو" ..!!
|
Post: #13
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:35 PM
Parent: #5
منال
البورد منور باهلو
وكتر خيرك على الترحيب وجبر الخاطر
|
Post: #12
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:33 PM
Parent: #4
سالي
شكرا جزيلا على الترحيب
|
Post: #17
Title: Re: ناس المنبر العالي ..سلام .
Author: اميمة مصطفى سند
Date: 08-10-2009, 01:49 PM
Parent: #12
الفاضل
هلا بيك
"نائبتك"
|
Post: #19
Title: Re: ناس المنبر العالي ..سلام .
Author: د.نجاة محمود
Date: 08-10-2009, 01:51 PM
Parent: #17
منور
حضر الشلة والكبك ابو شلاخات
دي الروشتة..
مودتي
|
Post: #22
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 03:25 PM
Parent: #19
د. نجاة
والله غايتو جنس ارهاب !!
ما تقولي لي حضر "الكلاشات " للمواجهة .. وجزمة "اديداس " للجري في حال الحكاية سخنت..
ويا مثبت القلوب والاقدام .. ثبتنا في وجه راجمات "الاعدقاء " ..
وقطعا ما في خوف طالما تمترسنا بخندق انتم فيه يادكتورة ..
|
Post: #21
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 01:58 PM
Parent: #17
اميمة
بداية .. كيف الحال ؟
وبعدين .. يشرفني ان اكون "نائبا" .. وسادنا لخدمة صرح ابداع راحلنا المقيم مصطفى سند ..
اما في جمعية الصحفيين فانت فعلا نائبة
|
Post: #20
Title: Re: ناس المنبر العالي ..سلام .
Author: مصطفى احمد الضو
Date: 08-10-2009, 01:51 PM
Parent: #12
Quote:
عموما ..اخطط للوقوف في حراسة مرمى الاحباب لصد "المرتدات " .. وبعدين اشوت بمزاجي !! |
أخي الفاضل
أولاًً: مليون مرحبا، وأنتم من أصحاب المبادئ والقيم المهنية.
وثانياً: المقتبس أعلاه من أصعب المراكز، لأن الشوت الأشتر في المرمى كتير هذه الأيام.
نورت ونورت ونورت.
تعديل املائي
|
Post: #23
Title: Re: ناس المنبر العالي ..سلام .
Author: عبد اللطيف السيدح
Date: 08-10-2009, 03:48 PM
Parent: #20
| Quote: ناس المنبر العالي ..سلام . |
معقولة دي الفاضل عباس شخصياً
هذه اضافة كمية ونوعية لهذا المنبر الذي ازداد جمالاً ورونقاً
دي عايزة سوزوكي
الصابرات روابح وفعلاً شيخ الكباشي جرّّ السبحة
ويا الكباشي بحرك قائم: برد الليل وزينك عائم
نهنئك من الاعماق وابقي عشرة علي الباسوورد لأن الهكر حائم الايام دي بجدة
وشكرا للحبيب بكري الذي لم يخيب ظننا به ابدا
ووصيتي ليك ما تقيف حارس مرمي خليك رأس حربة من البداية عشان ما يختوك في الكنبة.
مع مودتي
ابو خزيمة
|
Post: #25
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 04:16 PM
Parent: #23
السيدح .. سلام
انتم من حفزتونا للولوج الى هذا العالم الاسفيري لمعانقة الحرف الانيق ومطالعة الافكار النيرة..
والله يابوخزيمة .. سبحة الشامي تعمل اكثر من كدة .. عشان كدة اعمل حسابك " وسيب البتعمل فيهو " قبال
يبرك ليك اخونا الكباشي ويطيرك "سقط لقط " .. وعموما دا موضوع بيننا نقاش لاحق فيه ..
اما عن وقوفي في حراسة المرمى .. ياخوانا من فيكم سقط من ذاكرته العمالقة : سبت دودو - عبدالعزيز - الطيب سند - وحامد بريمة وزغبير " والاخير المعنى في بطن الشاعر " ..
شكرا تاني يابوخزيمة على الترحيب
|
Post: #24
Title: Re: ناس المنبر العالي ..سلام .
Author: الفاضل احمد عباس
Date: 08-10-2009, 04:07 PM
Parent: #20
مصطفى
ياخي اشكرك على دفء الترحيب .. واخجلتم تواضعنا بالاشارة لحكاية المباديء التي نلوذ بها سويا تحصنا من
كتاحة "الزمن الكعب " .. يا سيدي انتم قبلنا في المسك على جمر المباديء ، والعض بالنواجذ على قيم
المهنية .
والنور نوركم .. وكذلك الوهج والضياء ..
اما عن حراسة المرمى ، فقد حددت مهمتي فيه بالتصدي لـ "المرتدات " فقط .. اما "الشوتات" الاصيلة فدونها صدور الاحباب من كتيبة الدفاع الناطقة ..وهي قطع شك ليست كتيبة "خرصاء " كتلك التي عرفناها في سنيين الدراسة الجامعيةبالخرطوم ..!!
|
Post: #26
Title: Re: ناس المنبر العالي ..سلام .
Author: عبد اللطيف السيدح
Date: 08-10-2009, 04:23 PM
Parent: #24
كده دخلت التمرين
بس خليك مسخن
ما تخش التقسيمة
|
Post: #27
Title: Re: ناس المنبر العالي ..سلام .
Author: خضر عطا المنان
Date: 08-10-2009, 08:19 PM
Parent: #1
الحبيب ود أحمد عباس
مرحبا بك قلما يزيدنا طولا في زمان الانبطاح
تحياتي للأسرة الكريمة.
ترحيبي بلا حدود وسلامي وعظيم تقديري .
خضرعطاالمنان
|
Post: #28
Title: Re: ناس المنبر العالي ..سلام .
Author: فيصل محمد خليل
Date: 08-10-2009, 08:42 PM
Parent: #27
يا هلا .
لو ما عندك مقانص
ربي مقانص
تحياتي
|
Post: #30
Title: Re: ناس المنبر العالي ..سلام .
Author: الفاضل احمد عباس
Date: 08-11-2009, 08:33 AM
Parent: #28
فيصل
حتى لو اردت ان اربي "مقانص " يبدو انها لن تنمو لعامل السن .. لذلك ساعول كثيرا على "القفازات البلاستيكية " التي تدمي ولكنها لا تقتل ..
شكرا على الترحيب
|
Post: #29
Title: Re: ناس المنبر العالي ..سلام .
Author: الفاضل احمد عباس
Date: 08-11-2009, 08:30 AM
Parent: #27
العزيز خضر
كلماتك ترفد النفوس المتعبة بدفق الامل في الغد الانضر ..
سيعدى زمن الانبطاح كما مرت من قبله ازمنة الهزيمة والخوف .. وطوبى لمن استند على "عكازة حريته" واقفا .. او مات - كما الاشجار- واقفا..
جزيل شكري على الترحيب اللامحدود ..
|
Post: #31
Title: Re: ناس المنبر العالي ..سلام .
Author: lana mahdi
Date: 08-11-2009, 08:47 AM
Parent: #29
مرحباً أخي الحبيب الفاضل
هل أنت الفاضل عباس الذي كنت تكتب مقالات ثورية في بدايات الإنقاذ في جريدة الخرطوم؟
لنا
|
Post: #32
Title: Re: ناس المنبر العالي ..سلام .
Author: الرفاعي عبدالعاطي حجر
Date: 08-11-2009, 09:28 AM
Parent: #31
تعرف يافاضل
اول مرة أقرأ بوست ترحيب كاملا
من العنوان بدخل بكتب ترحيبي وانصرف
لزوم واجب وكدا لكن توقفت وقرأت كامل
البوست الانيق دا وقلت النفس دا ما غريب
زولا بنعرفوا ويعرفنا وهتفت عاليا ان اهلا
وسهلا ومرحب بالزول الانيق الطبعو دائما هادئ
بس ما عارف المنبر دا بيخلي الزول يغير طباعو
اعمل حسابك املا جيوبك بكل اشكال العصي فالسحرة
كُثر.
والله مرحب بالاف اللغات وسعدنا بك ويلا ورينا الاناقة
في قدلة حروفك ... واوعااااك تمسكها .
............................................حجر.
|
Post: #34
Title: Re: ناس المنبر العالي ..سلام .
Author: الفاضل احمد عباس
Date: 08-11-2009, 10:19 AM
Parent: #32
حجر
يامن تحرك كوامن البرك الساكنة لتنداح ابداعا و"مناوشات " مستفزة ..
سعدت كثيرا بروعة ترحيبك الذي فيه منك الكثير ..
وان جيت لاناقة الحرف ، فانت فارس في هذا المضمار لا نطمع في الركض حذوه..
وكان قلت الهدوء .. فانت ورغم حرفك الصاخب ، تضج دواخلك بالهدوء ..
اما نصيحتك بامتشاق اسلحة "الدمار الشامل " من العصي لزوم ردع السحرة ، فهي معلقة في "الاضان" حلق ..
فان رمى السحرة عصيهم اولا تفرجنا عليها حتى تكمل "قدلتها " .. وبعدين نكون اخر من يلقي ..
وعندها صاحب الحق يملأ شبكته .. وليس بالضرورة "الحشاش " ..!!
حجر
كلماتك تشهق بروعة الحرف المترع بصبابات الابداع ..
وتسلم
|
Post: #33
Title: Re: ناس المنبر العالي ..سلام .
Author: الفاضل احمد عباس
Date: 08-11-2009, 09:54 AM
Parent: #31
لنا مهدي
ثورية شنو ياكافي البلاء ؟
وهل نحن من جيل البطولات ام الثورات ؟
نحن جيل منبت .. دجننا نميري ايام الجامعة بـ" البومبان" والهراوات الغليظة كلما فكرنا في الخروج هاتفين بسقوط نظام مايو وفي احسن الاحوال كانت جحافلنا تعود ادراجها قبل ان تبلغ المظاهرة مبنى "سونا " بشارع البلدية .. والغريبة ان الفارسات من الطالبات يكنا اخر المتراجعات بينما نحن .. اسكتي ساي ..!!
اى ثورية .. اذا كانت "الانقاذ " قد ولجت "عشرينيتها " الثانية ؟؟
الاستاذة / لنا:
ليس مثلنا من يتحدث او يكتب اوحتى يهتف بـ"الثورية " ..
وكتر خيرك على حسن الظن ..
|
Post: #35
Title: Re: ناس المنبر العالي ..سلام .
Author: كمال ادريس
Date: 08-12-2009, 12:08 PM
Parent: #33
اولا اقبل اسفي لاني لم الحظ البوست من مبتدأه... الان فقط يمكنني ان احمل بقجتي وارحل وانا مرتاح... وجودك اخي الفاضل هنا و(هناك) يؤكد ان التركة سيحملها (الرجال)... ستجد في هذا الاسفير ملاذا من ضفرات (الصياغة) اوقات الظعن.
مرحبا اخي الفاضل الفاضل انا الاكثر سعادة بوجودك ... والمايك معاك
|
Post: #36
Title: Re: ناس المنبر العالي ..سلام .
Author: عبدالله كع
Date: 08-12-2009, 12:32 PM
Parent: #35
مرحبيتن .. يا فرده
|
Post: #40
Title: Re: ناس المنبر العالي ..سلام .
Author: الفاضل احمد عباس
Date: 08-12-2009, 01:57 PM
Parent: #36
عبدالله
شكرا ياغالي على الترحيب ،، وان شاء الله نكون قادرين على استحقاقات "الفردة "
شكرا مجددا ..
|
Post: #37
Title: Re: ناس المنبر العالي ..سلام .
Author: عوض أحمد عمر
Date: 08-12-2009, 12:57 PM
Parent: #35
صاحب القلم الرزين والفكر المتزن
مرحبتين حبابك....
اليوم السعيد الليلة جابك ...
|
Post: #38
Title: Re: ناس المنبر العالي ..سلام .
Author: صديق الموج
Date: 08-12-2009, 01:04 PM
Parent: #37
حباب الفاضل...اتفضل
سوك بالتسامح فمك
ومرحب بيك اضافة نوعية للمنبر
نشوفك يا قون،،،
|
Post: #42
Title: Re: ناس المنبر العالي ..سلام .
Author: الفاضل احمد عباس
Date: 08-12-2009, 02:08 PM
Parent: #38
الموج
التسامح فضيلة انقرض عارفو فضلها في هذا الزمن الاغبر ..
ونتمنى ان نكون عند حسن الظن ..
شكرا عزيزي
|
Post: #41
Title: Re: ناس المنبر العالي ..سلام .
Author: الفاضل احمد عباس
Date: 08-12-2009, 02:04 PM
Parent: #37
عوض عمر
اعادتنا مداخلتك - وقبل ذلك اتصالك - الى تلك الايام .. ايام الجمعية التأسيسية في ايام الديمقراطية الثالثة ، وتغطية جلسات المجلس، ومطاردة التصريحات النارية من هاشم بامكار .. الدكتور وابوحريرة.. وغيرهم من رموز الزمن الجميل ..
واظن ان واحدة من اهم حسنات العضوية بهذا الموقع الحي ، اعادة جسور الوصل مع احبة فصلتنا عنهم عوامل الزمن وصروفه .
سعيد بان "الم " فيكم مجددا .. وشكرا ياعوض ..
|
Post: #39
Title: Re: ناس المنبر العالي ..سلام .
Author: الفاضل احمد عباس
Date: 08-12-2009, 01:53 PM
Parent: #35
كمال الفنان
انت عارف لما الانسان يوصفوه بانه فنان ما خلووا ليهو حاجة ..
وانت فنان بالفطرة في مضماري الكلمة .. والوتر ..
يا صديقي مثلك لا يرحل ويسيب "الشيلة " ..
دمت لنا مبدعا "هنا ".. ونقابيا توفيقيا "هناك " .
اما اوجاع "الصياغة" فقد "هردت المصارين " ..لكن اين المفر ؟
شكرا يا عزيز على دفق السعادة الذي سكبته في نفسي .
|
Post: #43
Title: Re: ناس المنبر العالي ..سلام .
Author: محمَّد زين الشفيع أحمد
Date: 09-10-2009, 10:02 AM
Parent: #39
الأُستاذ / الْفاضل أحمد عبّاس .
أهلًا بِكَ في سماءِ ( سُودانيز أون لاين ) .. أيُّها الْقريبُ قَلبًا وَرَحِما.
وتَحيَّتي عَبرَكَ لأخَويْـكَ / مُبارك ، وقرشـي ، أزواجِ خالَتَيَّ هُناك .
ولكَ احترامي .
أخوك / محمَّد زين .
_____________________
* وتقبّل مودّاتِ أخينا : طارق أحمد عثمان ، فقد كلّفني بها على مَسْمَعٍ
من ذبذباتِ هاتفي صباحًا .
|
Post: #44
Title: Re: ناس المنبر العالي ..سلام .
Author: عبد الفتاح زوما
Date: 09-10-2009, 10:46 AM
Parent: #43
مرحبا بك اخى الفاضل فى زهرة اسافير السودان ..
يكفى انك بيننا لننهل من عذب مداد قلمك الادب والحكمة ..
معليش برلوم يرحب ببرلوم .. واكيد حنتقابل فى الخيرات
|
Post: #45
Title: Re: ناس المنبر العالي ..سلام .
Author: محمَّد زين الشفيع أحمد
Date: 09-30-2009, 06:56 AM
Parent: #44
( * ) .
|
|