السيد المنور والحاج المضوى (قصيدة)

يا هادم الوثن في الثالثة الألفيه
جاك سيدي الحسن وكساك جلابيه
يا وارث الختم قوت القلوب الحيه
يا الغيث الهطل منو البلاد مرويه
يا صاحب الوكت مليان وقار ورويه
***
استوت الصفوف وصلينا في الضهريه
زازاني الشعر لحقني ود ضحويه
التئمت نفوس باقي الوصول بالنيه
استوت القلوب زادت وفاء وحنيه
بارك حاج مضوي وفاتحتو كاربي قويه
***
النعش العظيم شايله الولاد ختميه
رايات في السماء وأسيادنا الصوفيه
نبكيك للوطن للصدق والحريه
ويا سيدنا المنوّر اشواقنا ماها شويه
دا الحاج المضوي تاريخو ميه الميه
***
إنت الفيك منوّر للحاج مضوي هديه
عزيت حاج مضوي ما فيك دي المحريه
يا سيد الزمان نهديك الف تحيه
الشوق والنضال اشواقنا المطويه
وفي كنفك تكون كل البلاد محميه
***
السيد زعيم الامة سودانيه
شرف للبلد اداها اسمى هويه
نحترمك زعيم ومكانتك مرعيه
يلقوك بالحجار ويلقوا الثمار مرميه
يحفظك الاله فوق السنة المئويه
ــــ

ظ