Post: #1
Title: الى الأعزاء في الدوحة
Author: نهال كرار
Date: 08-05-2009, 08:47 PM
عبدالرحمن بركات ورشيدة, أميرة الشيخ, طارق المكي , محمد عبدالرحمن, عبدالغني كرم الله, كمال الزين, ساندرا وماهيتاب, كمال سالم
والي من سعدت بلقائهم لأول مرة راوية العباسي , عزيز ( DKEEN ) عبدالكريم الأمين, فيصل الزبير, عماد الشبلي , معتصم ( رقم صفر ) , نورالهادي, ليلى صلاح ( الأبنوسة), أستاذنا السني دفع الله
ومن خارج البورد العزيز عم سيف وابنته عزة
جملتم أيامي يا أصدقاء... عدت بذكريات سأظل أحتفي بها طويلا
____
التعديل الأخير لإضافة اسم الأستاذ الجميل السني دفع الله
مع الإعتذار عن ذاكرتي الضعيفة :)
|
Post: #2
Title: Re: الى الأعزاء في الدوحة
Author: نهال كرار
Date: 08-05-2009, 08:56 PM
Parent: #1
كلمات الشكر تعجز أمام لطفكم
|
Post: #3
Title: Re: الى الأعزاء في الدوحة
Author: Amira Elsheikh
Date: 08-05-2009, 09:01 PM
Parent: #2
نهال كرار......
انا اسعد زول بصحبتك وبمعرفتك
اتمنيتك تكونى مقيمة فى الدوحة,,
محبتى ياصاحبة...
_______________
مابينا شكرا...
|
Post: #4
Title: Re: الى الأعزاء في الدوحة
Author: نهال كرار
Date: 08-05-2009, 09:12 PM
Parent: #3
يا أميرة
وأنا اتمنيتك تكوني هنا, لكن ناس الدوحة ما بفكوك لينا بالساهل :))
ياخ مشتااااقه لي لمتنا ونستنا يا أميرة
|
Post: #5
Title: Re: الى الأعزاء في الدوحة
Author: نهال كرار
Date: 08-08-2009, 12:27 PM
Parent: #1
*
|
Post: #6
Title: Re: الى الأعزاء في الدوحة
Author: Rawia
Date: 08-08-2009, 12:39 PM
Parent: #5
نهال كرار الحلوة ورائعة
سعدت بمعرفتك ولقياك وسعيدة جدا بناس زيك ومن جيلك وعندهم كل الثقة والالتزام
بتمنى ليك النجاح والتقدم في كل عمرك
برغم ضيق الوقت كانت لقاءات مفعمة بالجميل
____________
عبدالرحمن بركات ورشيدة بيخجلوا عدييييل
سعيدة بيهم وبكل الناس الرائعين القابلتهم في الدوحة
وبتمنى دوام التواصل معهم
|
Post: #7
Title: Re: الى الأعزاء في الدوحة
Author: عمر سعد
Date: 08-08-2009, 12:45 PM
Parent: #6
والله شرفتى الدوحه
طبعا وزير خارجيتنا فى الدوحه هنا بس بيكلمنا يقول لينا دكين الوغد جاى
رانى مسافر ..........
بس....................................................................
شرفتى الدوحه على كل ونورتيها واهل الدوحه اهل كرم الجزء يمثل الكل
مباره الرد حا نرسل ليك اميره الشسيخ ..
|
Post: #9
Title: Re: الى الأعزاء في الدوحة
Author: عزام حسن فرح
Date: 08-08-2009, 12:47 PM
Parent: #7
شكيتكُم على الله يا ناس البندر ... ما حدثتوني بِجَيه نِهال مالكُم؟
|
Post: #8
Title: Re: الى الأعزاء في الدوحة
Author: كمال سالم
Date: 08-08-2009, 12:46 PM
Parent: #6
الشابه الخلوقه المهذبه المثقفه نهال كرار ,, لك التحايا ,,
حقيقة نحن من سعدنا بلقياك ,,
أسأل الله أن يوفقك وأنت دوما تسعين وراء دروب العلم والمعرفه ,,
تحياتى ,,
|
Post: #10
Title: Re: الى الأعزاء في الدوحة
Author: عزام حسن فرح
Date: 08-08-2009, 12:53 PM
Parent: #8
كمال سالِم
الله يُقتُل عدوك ... قول آمين
سمِح وكتين الحِكاية فوقا الله ورسولو ما تحب لي البِتحِبو لِروحك ...
ما حدثتني مالك؟ وإتْ عارِفني بريدك حتو أفتح بريدك
|
Post: #11
Title: Re: الى الأعزاء في الدوحة
Author: Amira Elsheikh
Date: 08-08-2009, 01:15 PM
Parent: #10
لما نتلاقى فى الاجتماع بوريك ماحدثناك ليه
|
Post: #12
Title: Re: الى الأعزاء في الدوحة
Author: نهال كرار
Date: 08-08-2009, 01:53 PM
Parent: #1
العزيزة راوية العباسي
أنا الأسعد بمعرفتك يا راوية :)
الوقت كان فعلا ضيق , كنت بتمنى نتلاقى أكتر
ياريت تزورينا في الإمارات :)
عمر سعد وعزام
تحياتي لكما
أنا الملامة والله :) , عدم إلتقائي بالكثيرين/ات كان بسبب ضيق الوقت بعدانتهائي من الإمتحانات
وزي ماقال عمر سعد
| Quote: اهل الدوحه اهل كرم الجزء يمثل الكل |
|
Post: #13
Title: Re: الى الأعزاء في الدوحة
Author: DKEEN
Date: 08-08-2009, 02:21 PM
Parent: #12
والله يانهال اتلاقينا صدفة ساي..
جيت اوصل بركات لي صلاة الجمعة قام قال لي ياخي ما تتغدى معاناعيزومة مراكبية ساااي بعيد عنك
انا تقلتا فيها دمي لاني ماعندي حتة اتغدى فيها بعد ماقفلو مطعم عبد الهادي..
البركة في تقالة الدم..
تقالة الدم المزعلاكم مني دي..
غايتو كان نفسي القاكي زولة شرسة عشان ما احس بي تجليات عذابات الضمير
للاسف مرقتي هادية اكتر من مما هو متصور ..
ومابردتي لي ضميري..
شكرا ليك وللصدفة الجمعتا بيك ..
|
Post: #14
Title: Re: الى الأعزاء في الدوحة
Author: عزام حسن فرح
Date: 08-08-2009, 04:05 PM
Parent: #13
لو سمحتي يا نِهال ما تخُتيني مع عمر سعد في صعيد واحِد وكمان
جايبا إسمو قُبالي وجاراني بِوراهو بِالواو أبجدِيًا أنا بجي
قُبالو ... حرف العين إشتركنا فوقا ... عِلا الزاي هيل عزام ما
قُبال الميم هيل عُمر ... على الأقل إذا كان لابُد منو تبقى عزام
وبعدين (فراغ) وبعدين (تاني فراغ) وبعدين عمر ... معقول كِده
يا نِهال ...
ــــــــــــــــ
أميرة بِت الشيخ
السبب حتى لو كان داك برضو ما بِحميكُم تحدِثوني ... شنو يعني
والله ده حُسُد مِنكُم ساي ... كدي تاني أسمع زول فيكُم بِقول إنو
بِهمو أمري ...
حتو الجمال دايرين تحِجْزو مجالو ...
شِنْ بِسو غير أعايِن الغزال وأنجالو ...
يِمْه قالو حتـو القمر بكى وشجالو ...
والله حقو الواحِد يِزعل رمضان ما يِصومو كَيتًا فوقُكُم ...
|
Post: #15
Title: Re: الى الأعزاء في الدوحة
Author: Faisal Al Zubeir
Date: 08-08-2009, 04:21 PM
Parent: #14
نهال .. تحياتي..الكريمة بنت الاكارم،، سعدنا بمعرفتك.
|
Post: #16
Title: Re: الى الأعزاء في الدوحة
Author: khaleel
Date: 08-08-2009, 04:45 PM
Parent: #15
ونحن مافي الدوحة برضو
مافي غوانتامو
|
Post: #17
Title: Re: الى الأعزاء في الدوحة
Author: عبدالكريم الامين احمد
Date: 08-08-2009, 04:48 PM
Parent: #16
هلا يا نهال وسعدنا والله..
وهل من عودة للدوحة هل مرة اخري
علي الاقل اخوي الكاشف خليل الكاشف ده بكون رجع من غونتامو 
|
Post: #18
Title: Re: الى الأعزاء في الدوحة
Author: nadus2000
Date: 08-08-2009, 06:08 PM
Parent: #17
الأخت الصغيرة نهال
تحياتي
ما زالت دوائر السعادة التي نشرتيها في ربوع الدوحة تواصل اندياحها، وأعزاء لنا يزكرونها-غاب عني حرف الزال- ويزكرونك، فشكرا لكي نهال، واعتزر ان تغيبت عن مواكب الاحتفاء بكي....
|
Post: #19
Title: Re: الى الأعزاء في الدوحة
Author: عمر سعد
Date: 08-08-2009, 06:25 PM
Parent: #17
;;Quote:
Quote: عمر سعد وعزام
لو سمحتي يا نِهال ما تخُتيني مع عمر سعد في صعيد واحِد وكمان
جايبا إسمو قُبالي وجاراني بِوراهو بِالواو أبجدِيًا أنا بجي
قُبالو ... حرف العين إشتركنا فوقا ... عِلا الزاي هيل عزام ما
قُبال الميم هيل عُمر ... على الأقل إذا كان لابُد منو تبقى عزام
وبعدين (فراغ) وبعدين (تاني فراغ) وبعدين عمر ... معقول كِده
يا نِهال ...
ــــــــــــــــ
أميرة بِت الشيخ
السبب حتى لو كان داك برضو ما بِحميكُم تحدِثوني ... شنو يعني
والله ده حُسُد مِنكُم ساي ... كدي تاني أسمع زول فيكُم بِقول إنو
بِهمو أمري ...
حتو الجمال دايرين تحِجْزو مجالو ...
شِنْ بِسو غير أعايِن الغزال وأنجالو ...
يِمْه قالو حتـو القمر بكى وشجالو ...
والله حقو الواحِد يِزعل رمضان ما يِصومو كَيتًا فوقُكُم ... |
......................................................................................................................................
عملت الشخيت بعد ه اقيف بعيد النوريك ود خور ابو عنجه الجد جد الما عرفتو
اولا : انت رطانى من الاقاليم
لمن ناس العاصمه (بن عمران ) وما جاورها يعرفو بعدين نفكر فى ناس الاقاليم ديل ..
تانيا : انا ود امدرمان محل بيذيعو البيان مش زيكم كلو مره كاشينكم من حته لى حته زى الجداد.
تالتا: انت بس تقع ابو هامور حدك .
رابعا : اخلص من هشام ادم فى الاول وانا بطلع ليك ده لو خلصت من هشام
خامسا: انته خلاص خليت ......... وبقيت تسال فى .............................
سادسا: اميره الشيخ عندها حق انو يستثنوك من الكلام لانك كبكابه .
سابعا : ان ارفض ان يتبعنى عزام فى الاسم وارفض حتى ان تكون درجه خامسه بعدى .
ثامنا : شن جاب لى جاب .......................................................................
كدى ماشى لى مشوار مجامله وجاييك برواقه
قال زاى قبل الميم شوف الرطانى علاقتك شنو بالعربيه .زى ما قال السر قدور الا تسوقه بس من الشحانيه للبندر وبالعكس.
رجع لى كتابى بالليل ده قبل الصباح يطلع .............................................................................................
المهم وتنهدات وتخريمه :-
كمال سالم ده هو زاتو الببيع انته ما عرفتو لسه تقول لى يكلمك اها كلموك بى ح.ل...
انا غير يكلمنى بى مقطوع الطارى دكين ومقطوع الطارى رانى ونجيب ووووحاتك ما بيكلمنى بى شئ
اقعد قعادك وبطل لخبته جاتك .......................................الجات لى حبوبتى .
|
Post: #20
Title: Re: الى الأعزاء في الدوحة
Author: كمال علي الزين
Date: 08-08-2009, 07:02 PM
Parent: #19
(*)
سلامات _ يانهال _
كنا نتمنى أن تطول إقامتك أكثر حتى نستطيع إيفاءك حقك
من الإحتفاء .. يازولة ياراقية ..
محبتي ..
|
Post: #21
Title: Re: الى الأعزاء في الدوحة
Author: Amira Elsheikh
Date: 08-08-2009, 07:18 PM
Parent: #20
غوانتامو انشاءالله يمشي ليها كيكى دا
والله ياخليل وجودك فى مكان بخلى المكان لذيذ
|
Post: #22
Title: Re: الى الأعزاء في الدوحة
Author: عبدالكريم الامين احمد
Date: 08-08-2009, 07:24 PM
Parent: #21
اميرة الشيخ
مذيعتك ام عينا منططة وفصيحة دي انا عارفها حتطلع مريخابية ذات يوم..
لو في حاجة احمر من الطماطم برضو مبروكة وبخيتة عليها وعليك
|
Post: #23
Title: Re: الى الأعزاء في الدوحة
Author: دينا خالد
Date: 08-08-2009, 07:55 PM
Parent: #19
نهال ؟؟ ديل كلهم شفتيهم ؟؟ قوية لكن !
غايتو حققتى لى نصف احلامى فى الدنيا ..
ـــــــــــــــــــ
كمال سالم
جينا نفتش الشمار فوجدنا اوصافك
( الشابه الخلوقه المهذبه المثقفه نهال كرار ,, لك التحايا ,,)
يعنى قلت لى الكلام على الاخلاق .... لووووووووووووول
عملتها ظاااااااااااهرة يا كيمو ..
|
Post: #24
Title: Re: الى الأعزاء في الدوحة
Author: نهال كرار
Date: 08-08-2009, 08:05 PM
Parent: #1
شكرا يا كمال سالم على الدعاء بالتوفيق, في وقتها وربنا يسمع منك :))
تحياتي ليك
يا دكين ما تخرب لي الصورة ياخ, شنو ما طلعتي شرسة ولقيتك هادية ومابردتي ضميري
انت عايزني أشاكلك من أول مرة كدا! وفي بيت ناس عزاز علي زي رشيدة وأبوساندرا
مامشكلة ممكن أبرد ليك ضميرك قريبا لو عايز :))
|
Post: #25
Title: Re: الى الأعزاء في الدوحة
Author: Amira Elsheikh
Date: 08-08-2009, 08:43 PM
Parent: #24
Quote: يعنى قلت لى الكلام على الاخلاق .... لووووووووووووول
عملتها ظاااااااااااهرة يا كيمو .. |
الله يسالنى خلقة واخلاق.....
|
Post: #26
Title: Re: الى الأعزاء في الدوحة
Author: حبيب نورة
Date: 08-08-2009, 11:05 PM
Parent: #25
أحلا ناس
والله العظيم أحلا ناس
نهال كيفنك
والتحية لكل بورداب الدوحة
|
Post: #27
Title: Re: الى الأعزاء في الدوحة
Author: Rawia
Date: 08-08-2009, 11:10 PM
Parent: #26
| Quote: الله يسالنى خلقة واخلاق..... |
أشهد
__________
أميرة ....
كيكي يبرا من غوانتانمو
دا مشروع مواطن أمريكي صالح...بعد كم سنة كدا
|
Post: #28
Title: Re: الى الأعزاء في الدوحة
Author: أبو ساندرا
Date: 08-08-2009, 11:36 PM
Parent: #27
| Quote: وفي بيت ناس عزاز علي زي رشيدة وأبوساندرا |
شكرآ جزيلآ يا نهال
وشكر مضاعف إذ تتحلي بكل هذا الكرم الفياض
وتذكرينا ولسانك يلهج بالشكر
ونحن في واقع الأمر لم نفعل شيء يستحق
كل الحب لك من رشيدة والبنات
وانا
|
Post: #29
Title: Re: الى الأعزاء في الدوحة
Author: بهاء بكري
Date: 08-08-2009, 11:49 PM
Parent: #28
Quote:
عملت الشخيت بعد ه اقيف بعيد النوريك ود خور ابو عنجه الجد جد الما عرفتو
اولا : انت رطانى من الاقاليم
لمن ناس العاصمه (بن عمران ) وما جاورها يعرفو بعدين نفكر فى ناس الاقاليم ديل ..
تانيا : انا ود امدرمان محل بيذيعو البيان مش زيكم كلو مره كاشينكم من حته لى حته زى الجداد.
تالتا: انت بس تقع ابو هامور حدك .
رابعا : اخلص من هشام ادم فى الاول وانا بطلع ليك ده لو خلصت من هشام
خامسا: انته خلاص خليت ع.ش وبقيت تسال فى .............................
سادسا: اميره الشيخ عندها حق انو يستثنوك من الكلام لانك كبكابه .
سابعا : ان ارفض ان يتبعنى عزام فى الاسم وارفض حتى ان تكون درجه خامسه بعدى .
ثامنا : شن جاب لى جاب .......................................................................
كدى ماشى لى مشوار مجامله وجاييك برواقه
قال زاى قبل الميم شوف الرطانى علاقتك شنو بالعربيه .زى ما قال السر قدور الا تسوقه بس من الشحانيه للبندر وبالعكس.
رجع لى كتابى بالليل ده قبل الصباح يطلع .............................................................................................
المهم وتنهدات وتخريمه :-
كمال سالم ده هو زاتو الببيع انته ما عرفتو لسه تقول لى يكلمك اها كلموك بى ح.ل...
انا غير يكلمنى بى مقطوع الطارى دكين ومقطوع الطارى رانى ونجيب ووووحاتك ما بيكلمنى بى شئ
اقعد قعادك وبطل لخبته جاتك .......................................الجات لى حبوبتى . |
والله ياود قلبا حدثتو .... اها عقبال لي نسيبي ابو قميص كبدي داك
نهال ازيك معليش عجبني كلام حفيد العمدى ده رشهم
|
Post: #30
Title: Re: الى الأعزاء في الدوحة
Author: nourelhadi awad
Date: 08-09-2009, 00:03 AM
Parent: #28
نهال
شكرا
و
كان بعض الضوء وقت شروقك
كوني بخير
|
Post: #31
Title: Re: الى الأعزاء في الدوحة
Author: نهال كرار
Date: 08-09-2009, 09:36 AM
Parent: #1
لوول يا دينا ختيتيها لي طخ :)
هذه قسمتي فيما أملك, نمسك في موضوع الأخلاق دا شدييد كان كدا :)
فيصل الزبير تحياتي
أنا الأسعد يا فيصل :)
|
Post: #32
Title: Re: الى الأعزاء في الدوحة
Author: نهال كرار
Date: 08-09-2009, 10:37 AM
Parent: #1
يا خليل متحسرة على عدم ملاقاتك والله
صاحبك كيكي اتغاتت عليك وماكلمك :))
|
Post: #33
Title: Re: الى الأعزاء في الدوحة
Author: رقم صفر
Date: 08-09-2009, 12:34 PM
Parent: #32
نهال ، ربنا يسامحك ويسامحنا
المرة الفاتت جيتي وما عرفنا الا لمن سافرتي ، ووعدتنيني
في المرة الجاية نتكلم عن الافلام ، وفجاة اراك امامي في حفل القرية التراثية
ومحمد عبدالرحمن كلمته انو نجي نتصل عليك سوا ، لكن من اليوم داك حتي اول امس
لم اقابل محمد (مشغول بالشيلة والريحة ، ومكتملة ولا مامكتملة ) ،، فله العذر
المرة الجاية اذا جيتي وما اتصلت علي بشكيك لي قريبك ,,,, والله اشعر بالاسف والاعتذار
لعدم تمكنني من زيارتكم ، لكن باذن الله الجايات اكثر من الرايحات
سعيدين بشوفتك
|
Post: #35
Title: Re: الى الأعزاء في الدوحة
Author: Amira Elsheikh
Date: 08-12-2009, 00:06 AM
Parent: #32
Quote: يا خليل متحسرة على عدم ملاقاتك والله
|
والله يانهال خلى مفترض اى زول يجى الدوحة دا يلاقيهو
قررررررررب يبقى علم من اعلام الدوحة...
|
Post: #34
Title: Re: الى الأعزاء في الدوحة
Author: نهال كرار
Date: 08-10-2009, 02:21 PM
Parent: #1
سلامي وتحياتي أخي العزيز عبدالجليل ( نادوس) وسلامي للعزيزة ليلى ( الأبنوسة)
سألظل أتحسر على قصر المدة التي حرمتني لقياكم
لكما كل الود
كمال تحياتي
لسه كل تفاصيل اللمة الجميلة في ( الساحة ) في بالي
شكرا يا كمال :)
|
Post: #36
Title: Re: الى الأعزاء في الدوحة
Author: Alsa7afa_30
Date: 08-12-2009, 11:25 AM
Parent: #34
نهال كرار
مرحباً بك في دوحة الأصدقاء ..
و الجايات أكتر ان شاء الله ..
| Quote: شكيتكُم على الله يا ناس البندر |
|
Post: #37
Title: Re: الى الأعزاء في الدوحة
Author: نهال كرار
Date: 08-14-2009, 11:27 AM
Parent: #1
سلاااام يا حبيب نورة
وبورداب الدوحة فعلا أحلى ناس
وانت معاهم :)
كيكي ازيك , سعدت أنا والله بلمتكم :)
|
Post: #38
Title: Re: الى الأعزاء في الدوحة
Author: نهال كرار
Date: 08-14-2009, 11:44 AM
Parent: #37
أميرة وراوية
أشهد بأن دينا لا تقصد سوى المزح :))
أبوساندرا العزيز
زي ما قالت راوية بتخجلوا الواحد عديييل :)
لك ولرشيدة والبنات كل الحب وتحياتي لهن
|
Post: #39
Title: Re: الى الأعزاء في الدوحة
Author: دينا خالد
Date: 08-15-2009, 03:18 PM
Parent: #38
نهـــــــــــال يا اميرة
وانتى قايلانى بهزر مع اى زول ؟؟ يا سلام
على اخلاقك يا نبيلة يا صافية الدواخل يا قول ناس سودانيز ((
يااااااااااااا جمييييييييييلة ــ ودى كيتا على كمال سالم
عشان تانى ما يقرم من ناس الشمارات الشمار ..
ـــــــــــــــــــــ
هسه رسونا على بر يا ناس الدوحه لحد هسه عندنا
شهادة امراتين عايزين واحد رجل .. عشان
يكتملوا 2 عدول .. طيعا فى شهادات كدا اخير منها شهادة
مرأه واحده .. لووووووووووووول ..
|
Post: #40
Title: Re: الى الأعزاء في الدوحة
Author: محمد أبوالعزائم أبوالريش
Date: 08-15-2009, 04:42 PM
Parent: #39
| Quote: شكيتكُم على الله يا ناس البندر ... ما حدثتوني بِجَيه نِهال مالكُم؟ |
يا عزام ..كدي روق في بكانك .. ناس البندر (نحن) زاتم ما أخدوا خبر، واللوم ركبهم.
نعشم في جايات يا نهال إنشاء الله.
تحياتي
|
Post: #41
Title: Re: الى الأعزاء في الدوحة
Author: معتصم الطاهر
Date: 08-15-2009, 05:49 PM
Parent: #40
الأخت نهال كرار ..
عفوا لم نسمع بحضورك ..
لكن كل البيوت فى الدوحة بيوتنا
و كل الايادى التى امتدت فيها من كفوفنا ..
|
Post: #42
Title: Re: الى الأعزاء في الدوحة
Author: كمال سالم
Date: 08-17-2009, 01:42 AM
Parent: #41
Quote: هسه رسونا على بر يا ناس الدوحه لحد هسه عندنا
شهادة امراتين عايزين واحد رجل .. عشان
يكتملوا 2 عدول .. طيعا فى شهادات كدا اخير منها شهادة
مرأه واحده .. لووووووووووووول .. |
غايتو يادينا حكيتيها لمن جابت الدم !!
طالما الشمار كاتلك وبما إننى من أصحاب
الشهادات الغير مضروبه بقول ليك ( حلا وحمار كمان )
والأخلاق والتهذيب والثقافه تواروا خجلا من الخلقه التى
أبدع فيها الخالق ,, كفايه ولا أزيدك بصوره ؟؟
|
Post: #43
Title: Re: الى الأعزاء في الدوحة
Author: عبدالغني كرم الله
Date: 08-17-2009, 06:06 AM
Parent: #42
نهال....
ازيك يا أصيلة....
طبعا يادينا خالد...
أميرة دي بعشرة رجال...
وعينها بصييييييييييييييييييييييييييرة... بالخلق، والخلق...
وبخصوصي، رأيت جزء من نهال...
من الصعب، أن ترنو عينيك، وتلمس أفقها
فهي فتاة، تحمل الكثير من العمق، والهدوء، وصدق التحليل...
يعني شفنا جزء، من حقول نضارتها...
(أعندك شك)...
وجوة باسمة "أنا امي في التعامل مع الايقونات"..
________
زي ما بعمل صديقي "كمال على الزين"..
غايتو، انا حاسي البت دي لو وضعت صورتها، (لصار عدد المتداخلين في بوستهاتها، يتجاوز الأربعة ألف)..
(وجه جاد جدا)...
وصباح الخير ياكرام...
|
Post: #44
Title: Re: الى الأعزاء في الدوحة
Author: نهال كرار
Date: 08-17-2009, 10:06 AM
Parent: #1
الليلة ووووب ( الحقوق محفوظة لأميرة الشيخ )
انت قاصدة تحرجيني يا دينا, مالك حكيتيها كدا معاي :)
بهاء بكري
مشتاقوون والله , وافتقدك المرة دي
بقت لي الدوحة فيها حاجة ناقصة :)
الأستاذ نورالهادي عوض
سعيدة برؤيتك يا فنان
لك التحية والشكر
معتصم ( رقم صفر )
يوم الحفلة التفت أصور , لقيتك اختفيت :)
لسه على وعد الونسة في الأفلام .. وان شاءالله الجايات أكتر
تحياتي ليك
|
Post: #45
Title: Re: الى الأعزاء في الدوحة
Author: Siddig A. Omer
Date: 08-17-2009, 11:22 AM
Parent: #44
الاخت نهال...عندى ليك "قطيعة"...أصلوأ الناس ديل ما بجيبوأ لينا الا المكسرين...و المشكوشين.....و المجانين و هلم جراً...و ما بتكلموأ معاك الا أذا عندهم "شيرنك" و لا "تبرعات"..أما الناس الحلوين و المرتاحين....فديل لايجب أن نراهم...نحنا "بتاعين" الاقاليم البعيدة.
لكن ليك على كان جيت المرة الجاية و ما جيتى "زورتينا" فى الخور البعيد.
صديق القاعد بعيد
|
Post: #46
Title: Re: الى الأعزاء في الدوحة
Author: Salah Abdulla
Date: 08-17-2009, 11:44 AM
Parent: #45
أهلين أختنا نهال ..
أسفنا على عدم مقابلتنا ليك ..
لكن ما دام الفوق ديل كللللهم قابلوك ، فزي القابلناك..
كانت عندنا مشكلة هنا في تعميم الاخبار على ناس الدوحة
لكن بعد ده ما في مشكلة ، لأنو في سبعة اشخاص تم اختيارهم عشان يكونوا هم ولاة أمرنا
ويقوموا بكل الواجبات المطلوبة..
كدي بعد ده نسمع لينا في زول جا ومشى وماقابلناه ، والله نسكهم بالعكاكيز..
عبدالغني كرم الله ، الراجل الأديب الأريب ، كيف إنك ياخي..
|
Post: #47
Title: Re: الى الأعزاء في الدوحة
Author: دينا خالد
Date: 08-17-2009, 07:27 PM
Parent: #46
Quote: وبخصوصي، رأيت جزء من نهال...
فهي فتاة، تحمل الكثير من العمق، والهدوء، وصدق التحليل...
يعني شفنا جزء، من حقول نضارتها...
|
شفتو اللولوه ؟؟؟؟؟ شفتو ؟؟؟
الجزء دا من الحقل معلوم بالضرورة يا ع الغنى ...
لووووووووووووووول ..
ـــــــــــــــــــــــــــ
عليك بالجزء الاخر من الحقل .. حيثو يكمن الشمار يا اخ العرب !!
لووووووووووول يا غنى !
Quote: من الصعب، أن ترنو عينيك، وتلمس أفقها
|
يعنى نقدر نقول ما حصلت وشها ؟؟؟ تفوت عليكم مرة تانية ؟؟؟؟
حريف لكن ..
|
Post: #48
Title: Re: الى الأعزاء في الدوحة
Author: دينا خالد
Date: 08-22-2009, 04:54 AM
Parent: #47
اها يا ناس الدوحة ما قتو لينا ؟؟
ــــــــــــــــ
منتظرنكم !!
|
Post: #49
Title: Re: الى الأعزاء في الدوحة
Author: نهال كرار
Date: 08-22-2009, 10:37 AM
Parent: #48
الرووووب يا دينا والله الروووب :)
أنا مستعدة أرسل ليك صورتي ... جادة جدا والله
|
Post: #50
Title: Re: الى الأعزاء في الدوحة
Author: دينا خالد
Date: 08-23-2009, 05:24 AM
Parent: #49
نهال يا عسسسسل ! والله عسسل
خلاص خليناك
الكلام على الاخلاق ياخ !!
ــــــــــــــــــــــــ
كمال ؟؟ نخليها ؟
|
Post: #51
Title: Re: الى الأعزاء في الدوحة
Author: ALGARADABI
Date: 08-23-2009, 06:32 AM
Parent: #50
نهال
يعني ديل كلهم شافوك فبل بورداب الانارات؟؟؟
ياخ الزاد في حالة زي دي مفروض يحرم على الجيران....
دينا خالد يا قريبتنا:
بتثقي في شهادتي؟؟
|
Post: #52
Title: Re: الى الأعزاء في الدوحة
Author: محمد عبدالرحمن
Date: 08-23-2009, 06:55 AM
Parent: #51
شنو يااخوانا الحاصل بهنا ...مالكم زانقين بتنا نهال
الزنقة الحارة دى ..يااخوانا دينا دى الملاحظ ليها بقت
تخصص ناس دوحة ...وعمر الفاروق ذاتو ..
اااى حبونا بس كمان ما للدرجة دى .. هذا من جهة ..
من الناحية التانية اقدم كثير الاسف والاعتذار لنهال
على انها جاءت هذه المرة ووجدتنى مشغول (جدا )
وقصرت (تماما) فى القيام بالواجب ..حتى انو كنت
مستحى ادخل البوست ... هذا وافيدكم علما بأن جية
نهال كانت بالنسبة لنا كجية الفصول الخريف والمطر
والربيع ...فدخلت من ضمن ما نؤرخه له فى عادى
حديثنا ..(ياخ مااتذكرت الموضوع دا ؟.. ياخ دا كان لما جية
نهال الاخيرة دى ) ..
***
واخيرا كل عام وانتم بخير ورمضان كريم ...كنت عايز
استرسل لكن خفت ساكت (الله يسالنى ) ..
|
Post: #53
Title: Re: الى الأعزاء في الدوحة
Author: دينا خالد
Date: 08-23-2009, 07:32 AM
Parent: #52
القردابى
لا مابثق ...
ــــــــــــــــ
لانك ببساطة شاهد ما شافش حاجة .. داير تجى تشهد
بى عنعنه ؟؟ شكرا ليك ما بتنفع .. !!
|
Post: #55
Title: Re: الى الأعزاء في الدوحة
Author: ALGARADABI
Date: 08-23-2009, 07:53 AM
Parent: #53
دينا
زمان لما قلتي انك قريبتنا في بوست ما، ما صدقتك
لكن هسة صدقتك...
| Quote: لانك ببساطة شاهد ما شافش حاجة |
موش في أغنية بتقول:
واحدين قالو شفنا الشافه
|
Post: #54
Title: Re: الى الأعزاء في الدوحة
Author: دينا خالد
Date: 08-23-2009, 07:40 AM
Parent: #52
محمد عبد رحمن ؟
يعنى مشغول لدرجة ما بتقدر ترفع راسك تشوف ؟؟
بتصلح فى ساعة ؟؟
الدايرين تشوفوهم بتشوفووووهم .. بطل اللكلكة ..
ــــــــــــــــــ
بركة الخوفتا .. فهمتك ،، فهمتك ... عمر الفاروق صاحبى مالك وماله؟
دعه فى قمقمة .. مربوط مع الجماعة وهناك محاولات لفك اسره
|
|