Post: #1
Title: لبني ؟؟؟؟ الحقيقه وين ؟؟؟؟
Author: عبدالله كع
Date: 08-05-2009, 01:34 PM
Parent: #0
لبني ؟؟ يا اخوانا مليون بوست ...................................... ليه ؟
انا ما بعرفها :
بس الحاجه الغريبه ليه بس لبني من دون كميه البناطلين اللفه في الخرطوم .
الجرجرة دي كله في البنطلون ! واللا فعلا في والشيشه كلام قلة الادب .. ؟ قريناهو !
حقيقه انا شوفته حفلة عيد ميلاد قبل فترة .. حاله صعبه قسما بالله !!!
بناطلين اخير منها امفكو !!! والبلوزة حححححححححححححححححته - وفي ارديه كمان - !
والحاجه البتجنن ما بتقدر تفرز الولد من البنت !!
ده شوف بعيني الحا يأكله الدود
ناس بتتضامن معاها .. عشان شنو ؟ البنطلون .. مع ان السودان كلو لابسو !
واللا مع الشيشه والحاجات التانيه !!وناس النظام العام برغم اي حاجه !!
وضع مؤسف وحزين !
ما لقيت زول في هذا المنبر وقف في الاتجاه التاني غير ملاسي ! واجزم ان هناك كثر !
ناس بتظاهر ! لاسقاط الماده 152 - وبرضو ماشين يحضرو الجلسه عشان البنطلون !!
و يا ناس النظام العام انتو الخرطوم دي كلها ما فيها غير لبني دي !!! و اظنكم قاصدنها !! ليه ؟
في شنو يا خوانا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نفهم بس ؟
الحقيقه شنو ؟
ووين ؟
نصدق منو ؟
لبني واللا ناس النظام العام . ؟؟
سمعنا بما فيه الكفايه .. !!!
يا جماعه اخواتنا - بناتنا ......
اللهم استر عليهم
..
كع لا مع لبني ولا مع النظام العام
والبلف ويدور ربنا بوديهو النار
و كع حذين جدا جدا .
|
Post: #2
Title: Re: لبني ؟؟؟؟ الحقيقه وين ؟؟؟؟
Author: شمائل النور
Date: 08-05-2009, 02:37 PM
Parent: #1
| Quote: بس الحاجه الغريبه ليه بس لبني من دون كميه البناطلين اللفه في الخرطوم . |
دا ما المجنن بوبي ذاااااااااااتو
حقيقة انا داخلت فى اول بوست للبنى وانفعلت جدا معها لحظتها،لكن بعداك لقيت الكلام دا ما داخل راسي يعني كلنا بنلبس بناطلين ما عجبهم الا بنطلون لبنى ، ليه؟؟؟
دا السؤال الفارض نفسو حاليا ، لكن السذج ماسكين في بنطلون دي ،،البنطلون المسكين ذنبو شنو؟؟
Quote: نصدق منو ؟
لبني واللا ناس النظام العام . ؟؟
|
المعطيات القدامنا بتخلينا نصدق لبنى
لكن المنطق غير كدا
|
Post: #3
Title: Re: لبني ؟؟؟؟ الحقيقه وين ؟؟؟؟
Author: فتحي الصديق
Date: 08-05-2009, 03:22 PM
Parent: #2
| Quote: أجلت محكمة جنايات الخرطوم شمال جلساتها في مواجهة الصحافية لبنى احمد حسين والموظفة في بعثة الأمم المتحدة لحفظ السلام في السودان المتهمة بارتداء الزي الفاضح وفقا لقانون النظام العام إلى الرابع من أغسطس (آب) المقبل بعد أن شهدت أولى جلسات المحكمة حضورا مكثفا للعشرات من الصحافيين ومراسلي الوكالات والفضائيات وممثلي منظمات المجتمع المدني والأمم المتحدة ووكالاتها ودبلوماسيين غربيين وقيادات من الحركة الشعبية والقوى السياسية، فيما تطوع العشرات من المحامين للدفاع عن لبنى، |
الأخ عبدالله..لك التحايا الطيبات..
التهمة التي أقتيدت بها السيدة لبنى الى المحكمة واضحة ولا غموض فيها ولا تحتاج لاجتهاد مجتهد..هذا فقط للتوضيح ولك التقدير.
|
Post: #4
Title: Re: لبني ؟؟؟؟ الحقيقه وين ؟؟؟؟
Author: كمال عباس
Date: 08-05-2009, 03:33 PM
Parent: #3
كتب الاخ عبد الله
Quote: نصدق منو ؟
لبني واللا ناس النظام العام . ؟؟ |
وماهو وجه التناقض بين موقف لبني والنظام العام/
هيا قولوا لنا هل قدم النظام تهمة أخري للبني ?
التهمة الموجهة للبني ومن جلدن هي أرتداء زي فاضح وطبعا تم توجيه
هذا التهمة وتلاوتها عليها قبل الشروع في أي أجراء وعلي ضوء ذلك صرحت
لبني أنها متهمة بإرتداء زي فاضح وهاجمت القانون والجهات المنفذة للقانون
ولا أعتقد أن لبني غبية بالدرجة التي تلفق فيها تهمة غير المعنية وتزيف
أقوال النظام العام!!
وإن كانت لبني قد ذكرت تهمة غير الواردة بصحيفة إتهامها فلماذا لم تصوب
إدارة النظام ذلك وتبين ماهية التهمة الحقيقية ?
|
Post: #16
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-08-2009, 08:47 AM
Parent: #3
Quote: الأخ عبدالله..لك التحايا الطيبات..
التهمة التي أقتيدت بها السيدة لبنى الى المحكمة واضحة ولا غموض فيها ولا تحتاج لاجتهاد مجتهد..هذا فقط للتوضيح ولك التقدير. |
اخي فتحي صباح فل :
يعني نفهم ان البنطلون او ما ظهرت به لبني سبب التهمه !!
معقولة والبلد بقت كلها بناطلين !! حتي الدعايات في التلفزيون بنطلونات
لسه السؤال زي ما هو
وين الحقيقه ..؟؟؟؟؟؟
سمعتنا بقت زي الواطه ونحنا شعب متخلف وتااااااااافه
عشان بنحاكم البنطلونات ... عجبي !!
كع مليان احزان
|
Post: #17
Title: Re: لبني ؟؟؟؟ الحقيقه وين ؟؟؟؟
Author: فتحي الصديق
Date: 08-08-2009, 09:03 AM
Parent: #16
Quote: اخي فتحي صباح فل :
يعني نفهم ان البنطلون او ما ظهرت به لبني سبب التهمه !!
معقولة والبلد بقت كلها بناطلين |
نعم يا أخي..لقد أقتيدت لبنى الى قسم الشرطة ثم المحكمة بتهمة لبس البنطلون لا بتهمة أخرى ..وهذا للتأكيد لكل من يقرأ ويتداخل هنا في هذا البوست...ولك التقدير والشكر .
|
Post: #5
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-06-2009, 07:41 AM
Parent: #2
شمائل : يا فرده
| Quote: حقيقة انا داخلت فى اول بوست للبنى وانفعلت جدا معها لحظتها،لكن بعداك لقيت الكلام دا ما داخل راسي يعني كلنا بنلبس بناطلين ما عجبهم الا بنطلون لبنى ، ليه؟؟؟ |
ده الحصل تقريبا علي كل خلق الله ... تفاعلت وتضامنت .......... بشدة علي ان ارتداء البطلون لايعاقب عليه القانون !!
لكن لما الموضوع بقي علي كل لسان وتواترت الرويات عن - المكان - والوقت - ونوع الشلة - وما بداخل الصالة من امور
وفلام ودرامات
بداء الفار يلعب ديب سنتر فرود .. وكل يوم قصه اطرف واروع من يوم امس بتفاصيل دقيقه وتاتيك في حلقات مسلسله ..
ويمكن ان تسيطر علي مسلسلات رمضان
| Quote: المعطيات القدامنا بتخلينا نصدق لبنى لكن المنطق غير كدا |
اه وين الحقيقه ؟ : نعم ناس النظام العام عندهم امور ما انذل الله بها من سلطان !!
كمان لو الزول ما جاء في نواحيهم (( تشمل قانونوهم ) مابسالو ! ؟
الشكيه ليي الله
اللهم استر علي ولايانا
كع برضو حزين الي ما ال اليه حال خرطومنا الطويل
|
Post: #6
Title: Re: لبني ؟؟؟؟ الحقيقه وين ؟؟؟؟
Author: عمار محمد ادم
Date: 08-06-2009, 07:45 AM
Parent: #5
يا كع انت تعرف لبنى ؟
|
Post: #7
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-06-2009, 07:51 AM
Parent: #6
| Quote: يا كع انت تعرف لبنى ؟ |
ولا داير !
|
Post: #8
Title: Re: لبني ؟؟؟؟ الحقيقه وين ؟؟؟؟
Author: عمار محمد ادم
Date: 08-06-2009, 07:59 AM
ليه؟؟؟؟؟؟؟؟؟؟؟؟
|
Post: #10
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-06-2009, 08:33 AM
Parent: #8
يعني لو عرفتها واللا ما عرفتها ما فارقه معاي !!
|
Post: #9
Title: Re: لبني ؟؟؟؟ الحقيقه وين ؟؟؟؟
Author: Muna Khugali
Date: 08-06-2009, 08:10 AM
Parent: #6
Quote: ده الحصل تقريبا علي كل خلق الله ... تفاعلت وتضامنت .......... بشدة علي ان ارتداء البطلون لايعاقب عليه القانون !!
لكن لما الموضوع بقي علي كل لسان وتواترت الرويات عن - المكان - والوقت - ونوع الشلة - وما بداخل الصالة من امور
وفلام ودرامات
بداء الفار يلعب ديب سنتر فرود .. وكل يوم قصه اطرف واروع من يوم امس بتفاصيل دقيقه وتاتيك في حلقات مسلسله ..
ويمكن ان تسيطر علي مسلسلات رمضان |
سلام يا عبدالله..
عندما تم القبض علي لبني بهذه التهم لم تكن وحدها..الفتيات الاخريات تم جلدهن بنفس التهم..
تهمة لبني واضحة وهي ارتداء زي فاضح والزي الفاضح زي ما كلنا شوفناه كان بنطلون عادي جدا..
ولو كان في امر غير تلك التهم لما ترددوا علي الاطلاق علي التصريح بها وتوجيهها لها للمحاكمة..
القيل والقال والظنون شيء يجب علينا جميعا ان نبعد عنه لانه فعل مؤذي وظالم خاص عندما يتعلق الموضوع بسمعة الانسان
في مجتمع مثل مجتمعنا..ويؤذي لبني وكل النساء..اذ أين يقف هذا وأين يكون حد الشكوك؟؟
الفقره اعلاه التي افتبستها مما كتيته انت.. تستند علي الاقاويل والظنون وهي لا تقل علي الاطلاق عن القمع الذي تعرضت له لبني
والفتيات الاخريات..ومؤسف للغاية حتي وان لم تكن تقصده كما بدا..كما ان يرسخ من سياس القوانين الظالمة!
علينا ان نكون حذرين في مثل هذه الامور خاصة ان كنا نسأل الله السترة لأبناءنا..
باختصار يا عبدالله..لو كان هناك ماهو أكثر مما جاء في التهم الموجهه للبني..لرأيناه في التهمة الرسمية الموجهه لها
وليس النظام العام بفقراته جميعها ولا من يطبقه حريص علي سمعة النساء حتي يخفيها..
من ناحية اخري الفقره 152 لم تعرف ماهو الزي الفاضح..
هل يمكن مثلا ان يكون التوب السوداني بشكله المتعارف عليه قبل قدومهم ..وهو مقبول تماما اجتماعيا ..زيا فاضحا؟؟
لماذا يعتبر البنطلون زيا فاضحا؟؟
رأينا ما كانت ترتديه لبني..ما هو الفاضح فيه؟؟
هل اصرار لبني علي الدفاع عن نفسها وعن سمعتها ثم الدفاع عن اخواتها الأخريات يجب ان يقابل بالتشكيك؟؟
وهل يمكن لمن تم القبض عليه بأي تهمة..أن يأتي علنا ويدافع عن نفسه ويقف بقوة أمام قانون بحاله ومنفذين للقانون لا يعرفون
الرحمه ان كانت تهمته تهمة غير المعلنة؟؟
تحياتي..
|
Post: #11
Title: Re: لبني ؟؟؟؟ الحقيقه وين ؟؟؟؟
Author: Rihab Khalifa
Date: 08-06-2009, 08:55 AM
Parent: #9
عبدالله سلام
الحقيقه انه في قانون يتعارض مع دستور محتاج تغيير و الغاء
لبني و اخواتها ديل حادثه، و لكن القانون باقي
is that true enough for you?
|
Post: #12
Title: Re: لبني ؟؟؟؟ الحقيقه وين ؟؟؟؟
Author: محمد عمر الفكي
Date: 08-06-2009, 09:23 AM
Parent: #11
الاخ عبد الله
تحية طيبة وبعد
احس بشئ من التشكيك من جانبك في صحة رواية لبنى لما حدث، مع ان كل الدنيا من مشرقها الي مغربها باتت تعرف ان التهمة هي ارتداء بنطلون.
البلاغ المفتوح على ما نعرف هو بتهمة ارتداء البنطلون ولو كان غير ذلك لما تجرأت لبنى وقامت بهذه الحملة ولما سكتت شرطة النظام العام طوال الفترة السابقة.
التشكيك والهمز واللمز مرفوض جملة وتفصيلاً لا نرضاه للبنى ولا لغيرها ونخشى ان تكون هذه التلميحات مدخلاً لحرف القضية الى ابعاد اخرى بس صدقني ما حتنفع لانه اي محاولة من هذا النوع ستكون بمثابة سكين ترتد الي نحر صاحبها.
منو البيقنع العالم دا كله بعد انتشار قصة البنطلون انه الموضوع ما بنطلون؟ دي تبقى هبالة
دا كوم والدايرة يجلدوا ليها لعيبة الكورة دي كوم تاني، دي ما عملوها الا ناس طالبان الحاصروا ميدان كورة وجلدوا اللعيبة وقصوا ليهم شعرهم جزاً كجز صوف الغنم.
|
Post: #15
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-06-2009, 11:04 AM
Parent: #12
محمد عمر ود الفكي .. صباحاتك .
| Quote: احس بشئ من التشكيك من جانبك في صحة رواية لبنى لما حدث، |
لانني سمعته كميات من الرويات وقراءته اشياء لايصدقها عقل عن هذا الموضوع !!
وليه اكذب ناس النظام العام وانا رايت بي عيوني الفي راسي ديل حاجات تشيب الراس من اشياء تجنن ؟؟ وليه الاخريات اتجلدا ( عشان السمعه ) برضو ؟
وليه الرويات علي قفي من يشيل في هذا الحادثه ؟
ووين لبني من ذمان من امر اللبس الفاضح ؟؟ وقانون النظام العام ؟
وانتو زاتكم وين من الاشياء هذه ؟
والساكت عن الحق شيطان اخرس !!
Quote: مع ان كل الدنيا من مشرقها الي مغربها باتت تعرف ان التهمة هي ارتداء بنطلون.
البلاغ المفتوح على ما نعرف هو بتهمة ارتداء البنطلون ولو كان غير ذلك لما تجرأت لبنى وقامت بهذه الحملة ولما سكتت شرطة النظام العام طوال |
يا اخي تابيته بطرس لابساهو في قلب الحيكومه !! ناس النظام العام ما شايفنها يعني ؟؟
وحاتك الخرطوم عن بكرة ابيها لابسه بناطلين ولكن بنطلون عن بنطلون يفرق !!
(العالم عرف التهمه هي ارتداء بنطال )!
اعلام فطير وضعيف ويهتمه بامور وهميه لا يتطرق الي لب الموضوع ( قانون النظام العام نفسو القائمين علي امرو ))
| Quote: التشكيك والهمز واللمز مرفوض جملة وتفصيلاً لا نرضاه للبنى ولا لغيرها ونخشى ان تكون هذه التلميحات مدخلاً لحرف القضية الى ابعاد اخرى بس صدقني ما حتنفع لانه اي محاولة من هذا النوع ستكون بمثابة سكين ترتد الي نحر صاحبها. |
تشكيك وهمز ولمز - بتاع شنو ؟ الحقيقه وين من هذا اللغط ؟ لنفترض انها مقصوده .. معناها القصه حاجه تانيه - ممكن تكون سياسيا او شخصيه مع ناس النظام العام! اذان الكلام عن البنطلون كلام وهمي وفارغ !!
بس سؤال واحد
ليه لبني ؟؟ والخرطوم محزقه داخل البناطلين اشكال وانواع بنطلون شنو ياااخي !! في ارديه وارديه واستريتش كمان فهمتني يا قلب !!
Quote: منو البيقنع العالم دا كله بعد انتشار قصة البنطلون انه الموضوع ما بنطلون؟ دي تبقى هبالة
|
اعلام خفيف خفة الكلب اللحس العجين يا سيدي .. ! القناة العربيه بالتحديد !
افراد شرطة النظام نعم فيهم الذي يعاني نفسيا وفيهم الحاقد وفيهم الحقير ولكن , لمن نقول كلهم نكون تجنينا علي اهلينا ممن منا ليس له قريب في الشرطة السودانيه ؟ واي مكان فيه الصالح والطالح .
واللهم استر ولايانا
كع حزين ..
|
Post: #14
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-06-2009, 10:16 AM
Parent: #11
Quote: الحقيقه انه في قانون يتعارض مع دستور محتاج تغيير و الغاء
لبني و اخواتها ديل حادثه، و لكن القانون باقي
is that true enough for you? |
شكرا ...
وكيف يستقيم الحال مع التغير والالغاء !!!
اعتقد يحتاج تعديل لكي يستقيم الحال المائل
|
Post: #13
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-06-2009, 09:38 AM
Parent: #9
الاستاذه مني
QUOTE] | Quote: تهمة لبني واضحة وهي ارتداء زي فاضح والزي الفاضح زي ما كلنا شوفناه كان بنطلون عادي جدا..[/QUOTE |
اولا : من وجهة نظري لا اري زاك الزي الذي ترتديه فاضحا وااكد لكي استاذتنا انه لا يوجد شخص علي وجه الارض ان يجرمها في ملابسها تلك ! حتي النظام العام نفسهو ..
الحاجه الاهم : لماذا ارتضين الاخريات الجلد دونها ؟ واتوقع الاجابه خوفا علي السمعه !!
Quote: القيل والقال والظنون شيء يجب علينا جميعا ان نبعد عنه لانه فعل مؤذي وظالم خاص عندما يتعلق الموضوع بسمعة الانسان
في مجتمع مثل مجتمعنا..ويؤذي لبني وكل النساء..اذ أين يقف هذا وأين يكون حد الشكوك؟؟ |
معلمتي :
اصبحت هذه القضيه قضية راي عام : وكل من هب ودب يتكلم عنها .. ولها ما لها في الاسافير ..
نعم انني اسمع واقراء واري كما خلق الله - ويكون حد الشك والقيل والقال بظهور الحق والحقيقه ... ولكن اين في موضوعنا هذا ؟ و لماذا لبني بالتحديد ؟؟؟؟؟؟ وين كانت قبل ذلك ؟
مني خوجلي : وبما انك اتيتي( بسمعة ) و(مجتمنا ) .
اصبح الامر خطيرا في السودان وهناك ظاهر ة لابد ان يكون لها حدا هي الازياء الفاضحه (( والازياء الفضحه لاتخطئها عين )) وهذه حقيقة واقعه ومن الجنسين كما ن - قسما اشياء لا نعرفها ولاتعرفنا ازياء رايتها بام عيني وفي اماكن خاصه و عامه -
Quote: لماذا يعتبر البنطلون زيا فاضحا؟؟
رأينا ما كانت ترتديه لبني..ما هو الفاضح فيه؟؟
هل اصرار لبني علي الدفاع عن نفسها وعن سمعتها ثم الدفاع عن اخواتها الأخريات يجب ان يقابل بالتشكيك؟؟
وهل يمكن لمن تم القبض عليه بأي تهمة..أن يأتي علنا ويدافع عن نفسه ويقف بقوة أمام قانون بحاله ومنفذين للقانون لا يعرفون
الرحمه ان كانت تهمته تهمة غير المعلنة؟ |
ولماذا لبني لو حدها ! ولماذا لم نراها ولم نسمع عنها وعن نضالها من قبل ما تم القبض عليهن ؟؟؟
اختي مني خوجلي : اذا كانت الاستاذه لبني تقاتل من الغاء هذا القانون او من يقوم علي امره من رجال شرطة قاصرين انني اقف اشدد من عضدها وكامل تضامني معاها
اما لو ان نضالها من اجل ( الحريه ) التي نسمع ونري بعضا منها في وسائطنا البسيطة سوف يكون هذا النوع من النضال مردود عليها
| Quote: هل اصرار لبني علي الدفاع عن نفسها سمعتها وعن ثم الدفاع عن اخواتها الأخريات يجب ان يقابل بالتشكيك؟؟ |
B]
التشكيك والقيل والقال ... بداء بعد نضال الاستاذه لان البنطلون ليس بالزي الفاصح !!!
وسؤالي : لماذا الاستاذه لبني ؟؟ .. واين كانت من قبل ؟؟؟ هل النظام العام له قصد في اساءة سمعة الاستاذه لبني والاخريات ؟
اما ماذا ؟
اللهم استر ولايانا
برضو .... كع في قمة الحزن والاسف
|
Post: #18
Title: Re: لبني ؟؟؟؟ الحقيقه وين ؟؟؟؟
Author: محمد عمر الفكي
Date: 08-08-2009, 09:44 AM
Parent: #13
Quote: لانني سمعته كميات من الرويات وقراءته اشياء لايصدقها عقل عن هذا الموضوع !!
وليه اكذب ناس النظام العام وانا رايت بي عيوني الفي راسي ديل حاجات تشيب الراس من اشياء تجنن ؟؟ وليه الاخريات اتجلدا ( عشان السمعه ) برضو ؟
وليه الرويات علي قفي من يشيل في هذا الحادثه ؟ووين لبني من ذمان من امر اللبس الفاضح ؟؟ وقانون النظام العام ؟
وانتو زاتكم وين من الاشياء هذه ؟
والساكت عن الحق شيطان اخرس !! |
الاخ عبد الله
انا شخصياً مسالة لبس البنطلون دي من عدمه ماهاماني كتير لانه انا من بئية اصلاً ما بتلبسه لا رجال (لا الطلبة والموظفين) لا حريم ومع ذلك فقد كتبت من زمان عن الظواهر الاجتماعية السيئة (اللبس تحديداً) فلسنا والحمد لله شياطين خرس.
اما كثرة الروايات فنحن نتفق معك تماماً والمرة دي مصدقين ناس النظام زيك وما حنكذبهم هم فتحوا بلاغهم المادة 152 وهي تهمة ارتداء ملابس فاضحة واعتقد ان شرطة امن المجتمع (كما تسمي) هي فرع من افرع الشرطة الموحدة والشرطة الموحدة لديها ناطق باسمها فياريت كانوا عملوا بيان ويقولوا لينا لقوا لبنى دي بتعمل في شنو غير انها لابسة البنطلون دا؟ يعني هم خايفين على سمعتها اكتر منها؟ لو عندهم شئ غير كدا وحياتك انت ما كانوا دسوه.
دمت يا سيد
|
Post: #19
Title: Re: لبني ؟؟؟؟ الحقيقه وين ؟؟؟؟
Author: عمار محمد ادم
Date: 08-08-2009, 10:34 AM
Parent: #18
يا اخوانا فى بوليس ومتحرى وقاضى وقانون وفى شالكى وفى شهود وفى بينات..اذن فلننتظر ولتكون حينها كع او كع كرع ما يفرق معاى!!!!!!!
|
Post: #20
Title: Re: لبني ؟؟؟؟ الحقيقه وين ؟؟؟؟
Author: عبدالله كع
Date: 08-08-2009, 12:43 PM
Parent: #19
| Quote: يا اخوانا فى بوليس ومتحرى وقاضى وقانون وفى شالكى وفى شهود وفى بينات..اذن فلننتظر ولتكون حينها كع او كع كرع ما يفرق معاى!!!!!!! |
 IMG]http://www.sudaneseonline.com/uploadpic/Jun09upload/27.gif[/IMG]
عمار صورتك دي كبيره .. وشتحت لينا البوست , يا حبوب
|
Post: #21
Title: Re: لبني ؟؟؟؟ الحقيقه وين ؟؟؟؟
Author: عمار محمد ادم
Date: 08-08-2009, 01:38 PM
Parent: #20
ما بعرف اصغرها . ورينى كيف
|
Post: #22
Title: Re: لبني ؟؟؟؟ الحقيقه وين ؟؟؟؟
Author: ASHRAF MUSTAFA
Date: 08-08-2009, 06:47 PM
Parent: #21
|
|