Post: #1
Title: شكرًا.. سعادة العقيد على محمد عثمان .!
Author: مزمل خيرى
Date: 07-30-2009, 08:26 PM
كانت لدى رغبة جامحة فى فتح بوست أحكى فية قصة مشكلتى التى حدثت مساء الثلاثاء الماضى داخل مبانى القسم الشرقى مع ملازم ثان يدعى مأمون ولقد وعدت بفتح البوست فور وصول رد الشكوى التى كان من المفترض أن تسلم للسيد مدير شرطة محافظة الخرطوم سعادة اللواء ابراهيم عثمان كما اشرت فى مداخلى فى بوست الزميل عمر عثمان :-
خبر عاجل : ماقلنا ماخاب من راهن عليك شرطة السودان ... ا...قبض على عصابة البنات
ولكن بعد نص ساعة من مداخلتى تلك تلقيت أتصال هاتفى رقيق من سعادة العقيد شرطة على محمد عثمان مدير قسم الخرطوم شرق وطلب منى بكل لطف مقابلتة بمبانى القسم لمعرفة التفاصيل وحل مشكلتى ..!
وبالفعل ذهبت وقابلنى فى مكتبة هاشا باشا واكرمنى جدا وكان برفقتة العقيد حيدر مسئول الجنايات بمحلية الخرطوم ، وسردت لهم كل تفاصيل المشكلة من حجزى ودخولى الحراسة بدون مسوغ قانونى بتصرف (غير مسئول) من الملازم المذكور ، بعد استماعة لتفاصيل المشكلة أعتذر لى بأدب جم على تصرف الملازم مأمون ووعد باتخاذ كافة الاجراءات الكفيلة برد حقوقى المتمثلة فى حبسى مـــــع المجرمين والنشالين بدون وجة حق .. !!
وذكر لى فى حديثة انة من المداومين على الاطلاع على موقع سودانيز اون لاين منذ فترة طويلة وأنة تلقى موضوع مشكلتى ايضا من زميل البورد جنابو عثمان عمر والذى اشكرة ايضا اهتمامة بقضيتى ..
حقيقة بعد مقابلتى لسيادتة العقيد وجدتة انسان شهم وضابط يعرف واجباتة تماما مما اجبرنى على عدم فتح البوست الذى كنت اود فتحة هنا ..!!
شكرا سيادة العقيد على .. شكرا سيادة المقدم حيدر وشكر خاص لسيادة الرائد عبدالله موسى الذى كان السبب فى حل المشكلة فى حينها .. شكرا لكم جزيــلا ً .. ودمتم فى خدمة المواطن المغلوب على امرة .
وانا فى انتظار ماتسفر عنة الأجراءات ضد الملازم المذكور .
|
Post: #2
Title: Re: شكرًا.. سعادة العقيد على محمد عثمان .!
Author: نوفل عبد الرحيم حسن
Date: 07-30-2009, 08:42 PM
Parent: #1
الشرطه السودانيه لا زالت بخير
وستكون بخير طالما فيها أمثال سعادة العقيد علي محمد عثمان
له التحيه والتقدير ولكل من امتهن عمل الشرطه بشرف وتجرد واضعا خدمة المواطن نصب اعينه
وانا فى انتظار ماتسفر عنة الأجراءات ضد الملازم المذكور
معك ننتظر
|
Post: #3
Title: Re: شكرًا.. سعادة العقيد على محمد عثمان .!
Author: ذواليد سليمان مصطفى
Date: 07-30-2009, 08:53 PM
Parent: #2
ان كانت الشرطة بخير فهؤلاء
هم فلاذات اكبادهم
مع تحياتي لهم
وهم من ابناء الوطن الخيار
ويدل على ذلك انهم شرف للوطن
ومن اسر كريمة
|
Post: #4
Title: Re: شكرًا.. سعادة العقيد على محمد عثمان .!
Author: omer osman
Date: 07-30-2009, 08:55 PM
Parent: #2
الف شكر ليك انت يامزمل على تجاوبك وذهابك لمقابلة الاخ العقيد على محمد عثمان
|
Post: #5
Title: Re: شكرًا.. سعادة العقيد على محمد عثمان .!
Author: omer osman
Date: 07-30-2009, 08:58 PM
Parent: #4
العقيد شرطة على محمد عثمان ضابط بوليس نموذج وهو من اوائل دفعته حزبه الشرطه والوطن
وهو كذلك دفعة زملاءنا في البورد الطيب عثمان يوسف ومحمد التلب وفارس موسي وعبده عوض وعلى سرالختم وياسر عبدالكريم
|
Post: #6
Title: Re: شكرًا.. سعادة العقيد على محمد عثمان .!
Author: omer osman
Date: 07-30-2009, 09:04 PM
Parent: #5
صورة لسعادة العقيد شرطة على محمد عثمان برفقة الاستاذ ياسر عرمان امام مكتب الحركة الشعبية يوم بلاغ القنبلة
|
Post: #21
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 09:39 AM
Parent: #4
شكرا جنابو عمر على الأهتمام والاتصال
بالسيد العقيد على لحل المشكلة .!!
|
Post: #7
Title: Re: شكرًا.. سعادة العقيد على محمد عثمان .!
Author: مزمل خيرى
Date: 07-31-2009, 08:25 AM
Parent: #2
نوفل
سلام يا صاحب
شكرا على المرور
العقيد على والله خجلنى بتعاملة الراقى معى ، وقال ياريت اى مواطن يعرف حقوقو شنو .؟
وأن قيادة الشرطة لا تتهاون ابدا فى تجاوزات افرادها تجاة المواطن .. وان هناك اجراءات كفيلة باعادة الحقوق الى كل من يتظلم من شرطى مهما كانت رتبتة .!
|
Post: #8
Title: Re: شكرًا.. سعادة العقيد على محمد عثمان .!
Author: فيصل محمد خليل
Date: 07-31-2009, 08:34 AM
Parent: #7
| Quote: وأن قيادة الشرطة لا تتهاون ابدا فى تجاوزات افرادها تجاة المواطن |
غرغرغرغرغر
|
Post: #9
Title: Re: شكرًا.. سعادة العقيد على محمد عثمان .!
Author: omer osman
Date: 07-31-2009, 08:37 AM
Parent: #8
البضحك شنو يافيصل ....... كان ما مصدقنا شد سلك لقريبك سيادتو خالد حسن محمد سعيد .....
بالمناسبة سيادتو خالد متابعك في المنبر وبسلم عليك ..........
|
Post: #10
Title: Re: شكرًا.. سعادة العقيد على محمد عثمان .!
Author: فيصل محمد خليل
Date: 07-31-2009, 08:44 AM
Parent: #9
عمر عثمان ازيك
سيادتو خالد حسن محمد سعيد .....
دا ما فيهو كلام
راجل ولا كل الرجال
ما قريبي لازم يكون كدا
شوقي ليهو ماسورة مكسورة
|
Post: #11
Title: Re: شكرًا.. سعادة العقيد على محمد عثمان .!
Author: omer osman
Date: 07-31-2009, 10:15 AM
Parent: #10
Quote: عمر عثمان ازيك
سيادتو خالد حسن محمد سعيد .....
دا ما فيهو كلام
راجل ولا كل الرجال
ما قريبي لازم يكون كدا
شوقي ليهو ماسورة مكسورة |
والله يافيصل قريبك مافيهو كلام تب التقول شايقي
|
Post: #12
Title: Re: شكرًا.. سعادة العقيد على محمد عثمان .!
Author: شمس الدين ساتى
Date: 07-31-2009, 04:09 PM
Parent: #11
عمر عثمان-- والشايقية بس هم الرجال
|
Post: #13
Title: Re: شكرًا.. سعادة العقيد على محمد عثمان .!
Author: فيصل محمد خليل
Date: 07-31-2009, 04:24 PM
Parent: #12
| Quote: عمر عثمان-- والشايقية بس هم الرجال |
غرغرغرغر
شمس الدين ساتي جاي مشمر قميصو و بنيتو بره
|
Post: #14
Title: Re: شكرًا.. سعادة العقيد على محمد عثمان .!
Author: عبده عوض
Date: 07-31-2009, 06:00 PM
Parent: #13
الأخ مزمل خيري ..
| Quote: شكرًا.. سعادة العقيد على محمد عثمان .! |
- شكراً ليك إنت .. وأنت تتبع الإجراءات القانونية للحصول على حقوقك كاملة ورد الظلم الذي حاق بك .. ويقيني انك لن تضل الطريق بإذن الله .
- من المهم جداً أن يتعرف كل مواطن على حقوقه كاملة .. وأن يسعى جاداً للحصول عليها ..
- الشرطة حالياً تحفل بالكثير من القيادات الشابة القادرة الواعية المؤهلة لحماية المواطنين وحفظ الحقوق ، والعقيد علي محمد عثمان أبرزهم ( ويعتبر من أبرز الشايقية البواليس حالياً !! وقد يكون ذلك هو السر في إتقانه للعمل الشرطي !! ) ..
- تحية خاصة للدفعة علي محمد عثمان .. ولكل المخلصين من أمثاله ..
|
Post: #15
Title: Re: شكرًا.. سعادة العقيد على محمد عثمان .!
Author: سيف الدولة كامل
Date: 07-31-2009, 09:21 PM
Parent: #14
سلامات يا مزمل , الضابط ملازم يعني
لسه قدامه مشوار عشان يكتسب الخبرة
|
Post: #16
Title: Re: شكرًا.. سعادة العقيد على محمد عثمان .!
Author: ابراهيم الرشيد عبدالرحمن وراق
Date: 08-01-2009, 07:15 AM
Parent: #15
الاخ مزمل سلام
ناسف لما حاق بك ومتابعين معاك واشيد بصفة خاصة بمعرفتك حقوقك القانونية واصرارك على التمسك بها واتمنى ان يكون ذلك هو ديدن كل
مواطن سودانى.
الاخ العقيد على قد تبدو شهادتنا فيه مجروحة باعتبار الزمالة, لكنه والله يتصف باكثر مما قيل فيه
| Quote: حزبه الشرطه والوطن |
لك التحية
|
Post: #17
Title: Re: شكرًا.. سعادة العقيد على محمد عثمان .!
Author: علاء الدين يوسف علي محمد
Date: 08-01-2009, 07:46 AM
Parent: #16
Quote: راجل ولا كل الرجال
ما قريبي لازم يكون كدا |
و قرايب فيسل دة هُم الرجال يعني يا ساتي ولا شنو!!!!؟
التعديل لإلحاق حرف الألِف إلى (ساتي)
|
Post: #19
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 09:13 AM
Parent: #16
الاخ ابراهيم
أشكرك على المرور والأهتمام
Quote: ناسف لما حاق بك ومتابعين معاك واشيد بصفة خاصة بمعرفتك حقوقك القانونية واصرارك على التمسك بها واتمنى ان يكون ذلك هو ديدن كل مواطن سودانى.
|
أتمنى أن يعرف كل مواطن حقوقة
وأن يتقدم بالشكوى فى حال تعرضة
للظلم من الشرطة وهناك جهات متخصصة
لاستقبال هذة الشكاوى والبت فيها .
|
Post: #20
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 09:33 AM
Parent: #15
سيف
Quote: سلامات يا مزمل , الضابط ملازم يعني
لسه قدامه مشوار عشان يكتسب الخبرة |
لسع مشوارو طويل جدا .. ربنا يكون فى عونو ساكت .!!
|
Post: #18
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 09:08 AM
Parent: #14
جنابو عبدة
شكرا على المرور
Quote: - من المهم جداً أن يتعرف كل مواطن على حقوقه كاملة .. وأن يسعى جاداً للحصول عليها ..
|
هذا ما أسعى الية حاليا... وانا فى أنتظار وعد السيد العقيد على بأتخاذ الاجراءات اللازمة.!!
|
Post: #22
Title: Re: شكرًا.. سعادة العقيد على محمد عثمان .!
Author: علاء الدين يوسف علي محمد
Date: 08-01-2009, 11:59 AM
Parent: #18
نتمنى أن يقوم السيد العقيد باللازم
أو عليك باللجوء لآلية الشرطة
|
Post: #23
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 12:06 PM
Parent: #22
علاء الدين
Quote:
نتمنى أن يقوم السيد العقيد باللازم
أو عليك باللجوء لآلية الشرطة
|
الغريبة ياعلاء فى (جهات) من الصباح ضربت تسأل عن مشكلتى مع الضابط دة شنو ؟
ياربى ديل يكونوا ناس الآلية القاصدهم أنت .؟؟
|
Post: #24
Title: Re: شكرًا.. سعادة العقيد على محمد عثمان .!
Author: ناذر محمد الخليفة
Date: 08-01-2009, 12:39 PM
Parent: #18
الأخ مزمل ..
شكرا لإتباعك الوسيلة الحضارية لرد حقوقك .. والشكر موصول للعقيد علي محمد عثمان ..
ولكن ...
هل بإمكانك إخبارنا بما جرى معك تفصيليا من الملازم المذكور؟!!
إذ لا يكفي كتابة نصف القصة هكذا وجعل القراء والزوار يكيلون المدح لك ولسيادة العقيد ..!
نريد أن نعرف كامل القصة حتى نقف على الحدث كليا ..
إن لم يكن هنالك ما يمنع ..!!
|
Post: #25
Title: Re: شكرًا.. سعادة العقيد على محمد عثمان .!
Author: Hisham Ibrahim
Date: 08-01-2009, 01:27 PM
Parent: #24
مزمل
أقل لمسه حضاريه من رجال الشرطه تعني الكثير للجميع
معكم أشكر هذا الراقي ( سعادة العقيد )
وأملنا أن يكون هذا حال كل المُنتسبين لهذا الجهاز الحساس
ولو ما تصرف معاك بالأسلوب الراقي دا
كان بستك زي بقى غير
هشام
|
Post: #27
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 02:02 PM
Parent: #25
هشـــام
Quote: ولو ما تصرف معاك بالأسلوب الراقي دا
كان بستك زي بقى غير
|
بس الحمدلله العقيد طلع فاهم جـداً ودى واحدة من الأسباب الخلتنى
اصبر وأشوف نهاية الشكوى شنو ؟
|
Post: #26
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-01-2009, 01:55 PM
Parent: #24
ناذر
Quote: حقيقة بعد مقابلتى لسيادتة العقيد وجدتة انسان شهم وضابط يعرف واجباتة تماما مما اجبرنى على عدم فتح البوست الذى كنت اود فتحة هنا ..!!
|
|
Post: #28
Title: Re: شكرًا.. سعادة العقيد على محمد عثمان .!
Author: السمؤال بدرالدين
Date: 08-01-2009, 02:30 PM
Parent: #26
كفارة يا رجل
|
Post: #29
Title: Re: شكرًا.. سعادة العقيد على محمد عثمان .!
Author: Ridhaa
Date: 08-01-2009, 11:15 PM
Parent: #28
الأخ مزمل خيري
سلام ....
الحمدلله البلد ماشة في مشوار الطريق الصاح ( الناس أمام القانون سواء )
أتمنى أن تضرب المثل الأعلى في الصفح عنه ....
أتمنى أن يكون هناك اعلان في كل الصحف والتلفاز والقنوات الفضائية السودانية
عن أماكن الجهات المنوط بها قبول دعاوي المواطنيين المتضررين من الجهات الرسمية
والأمنية ......
خالص تحياتي
|
Post: #30
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-02-2009, 12:31 PM
Parent: #29
تلقيت اتصال هاتفى قبل قليل من الملازم اول شرطة مجاهد
برئاسة شرطة محافظة الخرطوم للاداء باقوالى فى مجلس
التحقيق الذى شكل فى مواجهة الملازم ثان مامون .
|
Post: #31
Title: Re: شكرًا.. سعادة العقيد على محمد عثمان .!
Author: ناذر محمد الخليفة
Date: 08-02-2009, 01:34 PM
Parent: #30
!!!!
Quote: تلقيت اتصال هاتفى قبل قليل من الملازم اول شرطة مجاهد
برئاسة شرطة محافظة الخرطوم للاداء باقوالى فى مجلس
التحقيق الذى شكل فى مواجهة الملازم ثان مامون . |
خطوة في الإتجاه الصحيح نحو سيادة دولة القانون ..
|
Post: #32
Title: Re: شكرًا.. سعادة العقيد على محمد عثمان .!
Author: Abdelrahim Mansour
Date: 08-02-2009, 01:48 PM
Parent: #31
**
*
الأخ: مزمل خيري
يا حبيب كفارة و سلامتك
و تحية لكل أبناء الشرطة فهم دائما عين الوطن التي لا تنام، رغم التجاوزات.
______
الرائد: عبدالله موسى اذا كان من الدفعة 59 كلية الشرطة، فهو من ما كان ملازم ثاني راجل اخو أخوان و ما بيقصر.
*
**
|
Post: #36
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-02-2009, 05:15 PM
Parent: #32
الحبيب ابراهيم
سلامات
| Quote: الرائد: عبدالله موسى اذا كان من الدفعة 59 كلية الشرطة، فهو من ما كان ملازم ثاني راجل اخو أخوان و ما بيقصر. |
الرائد عبدالله موسى معرفة قديمة وكتر خيرو جاء فى اخر لحظة وأطلق سراحى من الحراسة .
شكرا للمرور وشكرا لسيادة الرائد عبدالله موسى .
|
Post: #35
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-02-2009, 05:08 PM
Parent: #31
ناذر
| Quote: خطوة في الإتجاه الصحيح نحو سيادة دولة القانون .. |
الشرطة بخير طالما هناك ضباط شرطة مثل العقيد على محمد عثمان الذى لم يهمل
قضيتى وأمر بتشكيل مجلس تحقيق فى مواجهة الضابط المعنى لتأخذ العدالة
مجـــــــــراها .
|
Post: #33
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-02-2009, 03:24 PM
Parent: #30
عدت قبل قليل من رئاسة شرطة محافظة الخرطوم بعد
ان تم اخذ اقوالى بواسطة ملازم اول يدعى مجاهد حسن
وكان فى غاية التهذيب وهو يستقبلنى فى مكتبة ، وكان
أمينا جدا وهو يدون اقوالى فى محضر التحرى حرفيــاً.
وايضا تم استجواب الشاهد الذى احضرتة معى .
|
Post: #34
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-02-2009, 04:58 PM
Parent: #29
الاخ رضـــا
Quote: ( الناس أمام القانون سواء )
|
هذة هى الرسالة التى أود أن اوصلها للملازم مامون
ان لا احد فوق القانون .!!
إن أخطأ الضابط يحاسب
وإن أخطأ المواطن يحاسب
فأنا لا أحمل كرهاً عليه.. ولكننى تضررت
نفسيا ومعنويا بسبب زجى فى الحراسة بدون
ذنب ، وأنا متأكد تماما أن تصرفه هذا لن يرضى
قادة الشرطة والمسئولين .!!
|
Post: #37
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-03-2009, 09:06 AM
Parent: #28
السمؤال
سلامات
شكرا ليك على المرور والاتصال .
|
Post: #38
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-04-2009, 02:15 PM
Parent: #37
تحية وتعظيم سلام لرئاسة شرطة محلية الخرطوم وهى تولى أمر
قضيتى ضد الملازم مامون مصطفى جُل أهتمامها ..
وأكـرر بأن القصد من الأصرار على قضيتى هو أن يعلم الضابط
المعنى أن القانون يسرى على الجميـــع ..
ولا أحد فوق القانون مهما كانت وظيفتة ..!
ونحن فى بلد ينعم بالعدالة.
|
Post: #39
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-05-2009, 08:38 AM
Parent: #38
الانتباهة الصادرة صباح اليوم الاربعاء 5 أغسطس 2009م ...
خبر يستحق علية الثناء ... ولا أحد فوق القانون .
|
Post: #40
Title: Re: شكرًا.. سعادة العقيد على محمد عثمان .!
Author: فيصل محمد خليل
Date: 08-05-2009, 08:56 AM
Parent: #39
ليه ماخد الفه دي كلها
ما كنت تجيب من الاخر
|
Post: #41
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-05-2009, 09:27 AM
Parent: #40
فيصــل
مسكاقنا؟
Quote: ليه ماخد الفه دي كلها
ما كنت تجيب من الاخر |
صدقنى مافهمت قاصد شنو .؟
|
Post: #42
Title: Re: شكرًا.. سعادة العقيد على محمد عثمان .!
Author: فيصل محمد خليل
Date: 08-05-2009, 09:40 AM
Parent: #41
قريبي الكوماري مزمل
دا انت واقع من السماء سبع مرات
بس نحن الخرمنا التعريفة
|
Post: #43
Title: Re: شكرًا.. سعادة العقيد على محمد عثمان .!
Author: مزمل خيرى
Date: 08-05-2009, 09:57 AM
Parent: #42
Quote: قريبي الكوماري مزمل
|
ههههههههه
برضو مافهمت قصدك .!!
|
Post: #44
Title: Re: شكرًا.. سعادة العقيد على محمد عثمان .!
Author: Abdlaziz Eisa
Date: 08-05-2009, 10:00 AM
Parent: #42
( ويعتبر من أبرز الشايقية البواليس حالياً !! وقد يكون ذلك هو السر في إتقانه للعمل الشرطي !! ) ..
ده تبرير ضحل وينوء بالقبلية...
(دعوها انها منتنة)
إساءة للشرطة التي وجدت مديحا كثيرا في هذا البوست..
تحياتي
|
Post: #45
Title: Re: شكرًا.. سعادة العقيد على محمد عثمان .!
Author: فيصل محمد خليل
Date: 08-05-2009, 10:22 AM
Parent: #44
| Quote: برضو مافهمت قصدك .!! |
استعين بصديق
|
Post: #46
Title: Re: شكرًا.. سعادة العقيد على محمد عثمان .!
Author: Ridhaa
Date: 08-05-2009, 10:27 AM
Parent: #44
الأخ عبدالعزيز عيسى
سلام :
للتوضيح : معروف على مر العصور في السودان ومنذ دخول المستعمر الأنجليزي
للسودان أن قبيلة الشايقية هي من أكثر القبائل في السودان انخرط أهلها
في العمل العسكري ( بوليس - سجون - جيش ) فصارت العسكرية تجري في دمهم.
لذلك أتقن أهلها العمل العسكري ....
وليس هنالك مايدعو للعنصرية ..
تحياتي
|
Post: #47
Title: Re: شكرًا.. سعادة العقيد على محمد عثمان .!
Author: Abdlaziz Eisa
Date: 08-05-2009, 10:37 AM
Parent: #46
الأخ/ رضــا
سلام
مهما يكن من أمر فالشئ لا يحتاج لهذا النعت.. وفي المنبر..
وهل ما ذكرته هو رأي عبده كاتب المداخلة!!
شكرا على التوضيح..
تحياتي
عبدالعزيز
|
Post: #48
Title: Re: شكرًا.. سعادة العقيد على محمد عثمان .!
Author: ALZOLZATOO
Date: 08-05-2009, 10:47 AM
Parent: #47
غايتو يازمل اتاكد لي انو انت ماجعلي
لانو ده لو جعلي ولقى العقيد شايقي كان قال اخير الحراسة كااااااااك
من الشعب ليك تحية لرجال الشرطة السودانية ( طبعا الناس الكويسين منهم بس )
تحياتي
زاتوووو
|
Post: #49
Title: Re: شكرًا.. سعادة العقيد على محمد عثمان .!
Author: Ridhaa
Date: 08-05-2009, 11:09 AM
Parent: #47
Quote: وهل ما ذكرته هو رأي عبده كاتب المداخلة!!
|
الأخ عبدالعزيز
يازول انت تفكيرك مشى بعيد للعنصرية ..
فنرجو احسان الظن بالناس ...
هذه آخر مداخلة لي في هذا الشأن لكي لاينحرف البوست عن مساره ..
أتمنى من الأخ عبده التداخل لتوضيح معنى ماكتبه ...
خالص احترامي وتقديري .
|
|