Post: #1
Title: قيادات بالحركة الشعبية تتهم عرمان بتدمير قطاع الشمال
Author: محمد فرح
Date: 07-29-2009, 10:11 AM
الخرطوم _ الوطن
29/7/2009م
تصاعدت حدة الخلاف داخل كيان قطاع الشمال بالحركة الشعبية الذي يتزعمه ياسر عرمان واتهمت قيادات من القطاع عرمان بأنه يستهدف القيادات النشطة والمتحركة ويمارس التحريض ضدها,الامر الذى فكك العضوية بالقطاع .
وكشفت مها طارق الطيب القيادية بمكتب الراحل قرنق الذى يحمل الرقم (1) بسوق ليبيا والذى يضم نحو (12) الف عضو كشفت للوطن ان مكتبها تعرض لهجومين مسلحين الاول بتاريخ 17/3/2008م والثاني بتاريخ 23/4/2008م وذلك في اطار ممارسة الترهيب ضد القيادات النشطة .
واتهمت عرمان بالعمل على حجب الحقائق من القيادات العليا للحركة الشعبية وابعاد العناصر القيادية ذات الثقل الجماهيري من قطاع الشمال مثل القيادي عبدالعزيز الحلو وآخرين .
واشارة الى ان ياسر عرمان يقود قطاع الشمال الى الهاوية بسبب غياب الاهداف وعدم وضوح الرؤية الى جانب احاطته لنفسه بمجموعة من القيادات غير الفاعلة والتي تفتقد الى السند و الدعم الجماهيري مما تدل ممارسته على تدمير القطاع .
وتحسرت القيادية مها على مالآت المكتب رقم (1) والذى يحمل اسم الراحل قرنق بأمبدة والذي تجاوزت عضويته الاحد عشر الف عضو,وتم تشريد كوادره وقياداته وشبه اغلاقه بعد فصل قطاع الشمال ثلاثة من انشط واكفاء كوادره .
|
Post: #2
Title: Re: قيادات بالحركة الشعبية تتهم عرمان بتدمير قطاع الشمال
Author: Abdelfatah Saeed Arman
Date: 07-29-2009, 12:56 PM
Parent: #1
و الله يا ود فرح ندمتنى على فتحت البوست!!
لانو لما شفت قيادات دى قلت القى دينق الور مثلاً او باقان اموم .. بالميت كده قلت القى منهم ياسر جعفر.. تجى تقول لى مها الطيب!! و
الله ضحكت جنس ضحك مها الطيب دى منو؟ و الله مافى زول سمع بيها. ياخى، عليك الله قول لسيد احمد خليفه العميل فى جهاز امن نميرى تحت اسم
(توتيل) يشتغل ليكم كويس فى الجهاز لانو بالصورة دى بغطس حجركم يا خى. اما قصة الحلو، زى ما بقولوا الشباب دى الجديدة لانك لو عرفته
العلاقة البتربط ما بين عرمان و الحلو.. الضحك بشرطك زيادة.
مؤونة عام من الكضب
|
Post: #3
Title: Re: قيادات بالحركة الشعبية تتهم عرمان بتدمير قطاع الشمال
Author: omar alhag
Date: 07-29-2009, 01:21 PM
Parent: #2
داخل كيان قطاع الشمال بالحركة الشعبية الذي يتزعمه ياسر عرمان
والله يا ناس الوطن ( والذين معهم) بالغتو عديل كدة كيان داخل قطاع ده مصطلح (لنج)
الذى يتزعمه عرمان
(اشي لجنة شعبية)
عوووووووووووووووووووووووووووووووووووووووووووووووك
اصحي يابريش ( اقصد ياتوتيل)
سيد احمد الخليفة وصحيفته الوطن لم تقدم لهم الحركة الشعبية الدعوة لحضور مؤتمرها بجوبا وكتب (سيد) ماكتب بداية ب (صباح الخير سلفاكير) وهاهو ينتهي بسوق لبيا المكتب رقم (1) وشباكو لبني .
مائة عام
من العزلة
|
Post: #4
Title: Re: قيادات بالحركة الشعبية تتهم عرمان بتدمير قطاع الشمال
Author: NEWSUDANI
Date: 07-29-2009, 03:51 PM
Parent: #3
و الله يا ود فرح ندمتنى على فتحت البوست!!
والله نفس الشعور يا فتاح أنا كنت فاكر بالميت لام أكول أجي ألقاها مها منو؟؟
كدي يا صاحب البوست أمشي شوف محاكمة لبنى حسين وخليكم في جلد النسوان والله ما عارف مغستكم شنو مع المرأة ؟؟
مؤؤنة عشرين سنة من حاج نور
|
Post: #5
Title: Re: قيادات بالحركة الشعبية تتهم عرمان بتدمير قطاع الشمال
Author: ibrahim alnimma
Date: 07-29-2009, 05:17 PM
Parent: #4
| Quote: قيادات بالحركة الشعبية تتهم عرمان بتدمير قطاع الشمال |
صراحة انا عاوز رأيك انت هل تود ان يتم استبدال ياسر باخر لا يدمر قطاع الشمال؟؟هل
انت متعاطف خالص مع الحلو؟؟؟؟
|
Post: #8
Title: Re: قيادات بالحركة الشعبية تتهم عرمان بتدمير قطاع الشمال
Author: محمد فرح
Date: 07-30-2009, 07:55 AM
Parent: #5
Quote: صراحة انا عاوز رأيك انت هل تود ان يتم استبدال ياسر باخر لا يدمر قطاع الشمال؟؟هل
انت متعاطف خالص مع الحلو؟؟؟؟ |
الاخ ابراهيم
والله دي مسألة تخص عضوية قطاع الشمال وحزب الحركة الشعبية
مؤنة عام من الود
|
Post: #7
Title: Re: قيادات بالحركة الشعبية تتهم عرمان بتدمير قطاع الشمال
Author: محمد فرح
Date: 07-30-2009, 07:52 AM
Parent: #4
| Quote: مؤؤنة عشرين سنة من حاج نور |
من زكاة الحياة الصبر على مشاكل الخلق...
زكاة الدعوة..
نوم قليل..
وعمل كثير لا يقف..
حتى يقف القلب.
من أقوال الشيخ الشهيد حاج نور
كم نشتاق الى حديثك العذب يا شيخنا
|
Post: #6
Title: Re: قيادات بالحركة الشعبية تتهم عرمان بتدمير قطاع الشمال
Author: محمد فرح
Date: 07-30-2009, 07:48 AM
Parent: #2
Abdelfatah Saeed Arman
Quote: و الله يا ود فرح ندمتنى على فتحت البوست!!
لانو لما شفت قيادات دى قلت القى دينق الور مثلاً او باقان اموم .. بالميت كده قلت القى منهم ياسر جعفر.. تجى تقول لى مها الطيب!! و
الله ضحكت جنس ضحك مها الطيب دى منو؟ و الله مافى زول سمع بيها. ياخى، عليك الله قول لسيد احمد خليفه العميل فى جهاز امن نميرى تحت اسم
(توتيل) يشتغل ليكم كويس فى الجهاز لانو بالصورة دى بغطس حجركم يا خى. اما قصة الحلو، زى ما بقولوا الشباب دى الجديدة لانك لو عرفته
العلاقة البتربط ما بين عرمان و الحلو.. الضحك بشرطك زيادة.
مؤونة عام من الكضب |
دا خبر منقول من جريدة أقراهو واتخارج ،
داير تكذبو دا حقك ما في زول بقدر يغالطك فيهو
بس داير ترد رد باحترام تاني..كويس؟
ولا اقول ليك!! غيرت رأيي..
تعال انت دا ورينا قاصدة شنو مها الطيب الما قيادية بكلامها عن "القيادات العليا" القالتها دي؟
وبالمرة دي ورينا المكتب رقم واحد الجابت تظلمها دا عشانو حصل فيهو الكلام دا ولا ما حصل.
|
|