ارفعوا اقلامكم عن دكين

الزول ده شايف الدوحة و عامل السن شذبوا قلمو شوية
خلوهو في حالو فأني أخاف عليكم ان يبلغ السيل فيه الزُبي










_____
قطع شكـ لن أخفي سعادتي لو فعلها السيل

يا ود التوم ..
الذي في الدوحة ده ما دكين .. ( يكون صلاح غريبة ؟ ) .

أظن صاحبنا إنثبأ فبثأ و افشخل، و تخاهع فبشّق ، و تكرجبط عليه الهباكيع فتأبطظ و بثا .


.....
كلما اقرا الهبوب الأخيرة حقتو .. ارجع للمكتبة الدكينية و اقرا و ادي ربي العجب :
الظعن ظعن البلقاء .. لكن الطعن كلو كلو ما طعن ابي محجن .

Quote: الظعن ظعن البلقاء .. لكن الطعن كلو كلو ما طعن ابي محجن .

شكرا خدر وشكرا عمده وياريت يرجع لينا الوغد دكين !!

دكين بخير

لم أقرأ كل ما كتبه دكين في هذا المنبر..

لكني لم أشهد له كبوة ولا لقلمه نبوة ..

فلكم أطربني هذا الفتى..

نعم يا خدر فليرفعوا أقلامهم عنه ..

فان رايانه لن تنتكس.

شكرا ياأبا لقاء . .. والى اللقاء.

إن كان ثم من يكتب فيطرب القارئيه ، و يكتب فيدخل اللغة في كُستبانة ، و يكتب لتأخذك النشوة النشوة ، و يكتب فتحسده على تمكنه من الإمساك بمفاتيح قيادك و رسن المواضيع ، و من يكتب فيفاجئك في العبارة التالية بما لم تكن تتوقع .. و يكتب فتحمد الله أن قيض للكتابة من يرفعها شأوا فارعاً عليا .

إن كان ثم من يفعل ذلك هنا في هذا الحيز السايبري .. فهو دكين دونما منازع .

ود التوم
صاحبنا ده قبل يومين دخلت ليهو بوست لقيتو كاتب لي زميل (شكراَ جزيلاَ )
فإنفقعت من الضِحكـ و إنفنقلت علي قفاي






تفتكر يا حكمدار القصة دي عندها علاقة بي (الحج) العملو السنة الفاتت ؟

دكين ده يا خدر

هو "عروة بن الورد"

مع إختلاف شوية فى التفاصيل الوردية

لازم يكون فى شى "ما ياهو" هبش الزول ده

دكين نار

ممكن يدفيك ويحرر ليك موية الشاى وحلة العشا
وتولع سجارتك من طرف جمره

لكين لو ختيت ايدك فيهو

بحرقك

مع إنه ناره دى وقودها الحرف والكتابة

أعدت للسمحين

سلامات خدر والجميع

دكين زول واضح حد الوضوح والأجمل انو لا يتجمل


ربنا يدارك عليهو ....

خدر.....سلام..

اتوقعتك تفتح بوست باسم الوغد فى الكترابة القايمة دى

تعرف دا البوست الوحيد عن دكين الممكن الزول ياخدفيهو راحتو

اما ناس الغباين وتصفية الحسابات ابعد منهم قدر ما تقدر
كان تتكلم بيدينك وكرعينك بفهمو الدايرين يفهمو بس ...


فى ناس برة الشبكة كانو دخلو البوست دا اقنع منو
هنا لسة نحن بنتعامل بفهم المامعانا.. ضدنا ..

يعنى اشمعنا دكين قندولو مفنقل الريكة ياقول حبوبة
دكين ما زول عادى زيو وزى خلق الله البكتبو فى البورد ديل


اها ابقى طيب وبركة الجيت ياخدر

إذا لبسنا ليكم أي طاقية من طواقي أميرة الفوق دي
عماد عبد الله دا .. حتلبسوهو يا تو طاقية!






_________
باللاي بقيتو تختفو سريع كــدا!

Quote: إذا لبسنا ليكم أي طاقية من طواقي أميرة الفوق دي عماد عبد الله دا .. حتلبسوهو يا تو طاقية!

عماد عبدالله ......دا خليهو ماعندك بيهو شغلة
بنلبسو اى واحدة وبكون رااضى.. لانو حسن النية عندو متوفر
زى صاحبو خدر ...




انت زاتك طاقيتك عندى ياود الصايم(البتقع من السماء تحملها الواطة )

خلونا نشوف طواقى سمحة ومريحة ونلبسها لبعض بدل الضيق النحن فيهو

Quote: (البتقع من السماء تحملها الواطة )

Smalton Kika aridlafini



دا عدم موضوع مني ساي!

والله ياخدر ..جاتنى قصة النكتة الشهيرة (تكتل طالب تكتل أمة) فيأخى (تدبرس بدكين تدبرس بأمة)

ود الصايم ..
لبسني الطاقية الدايرها كان لقيت لي راس ..
بقينا يا مولاي ما فارزين راسنا من قعرنا في هذا الزمان البيض .


.....
هو الراس عمل كم الأيام دي ؟؟؟

Quote: هو الراس عمل كم الأيام دي ؟؟؟

مع الخريف دا داقى الـ 50 .!!!

استجابة لرغبة الزملاء الأعزاء
أعلن عن رفع قلمي عن دكين!

Quote: فى ناس برة الشبكة كانو دخلو البوست دا اقنع منو هنا لسة نحن بنتعامل بفهم المامعانا.. ضدنا ..

أها شيتاً غير دا وطواقيك يا أميرة حمانا نخش البوست الفات داك مافي








سلامات ياطارق

Quote: فى ناس برة الشبكة كانو دخلو البوست دا اقنع منو هنا لسة نحن بنتعامل بفهم المامعانا.. ضدنا ..

لحنيها ليهو يا اميرة ..
و شوفي ليك كم كمان كدا .. و اعملي ليهو سيرة بالكلام دا لحدي الكوشة ..

..
..

الزول دا محتاج نفخ اكتر .. همتكم معانا ..

Quote: هو الراس عمل كم الأيام دي ؟؟؟

حدد يوم الشراء

في نص الاسبوع رخيص
وفي الــ weekend غالي شويه
ولما يكون الجو مطر غالي شديد
ولما الجو يكون مطر و كمان weekend بيكون معدوم خااااااااالص




هاك نفس

Quote: قطع شكـ لن أخفي سعادتي لو فعلها السيل

ولن أخفي سعادتي لو فعلها الزبي (وما عض طرف العراقي وقال يا فكيك) ...

يا خدر دكين ده زول واحد كان لاقيتو في البورد ولا برة البورد ... يا تقبلو زي ما هو كدة يا تخليهو مرة واحدة وبتكون ريحته راحة شديدة اصلاً الايام دي كايس ليهو سبب عشان ينزل باقي الناس الفي الفيس يوك ... وما اظنيتو باقي ليهو كتيرين ...

الاقلام دي خليها براها بتترفع ...
وتجف الصحف حتي لو صار الحبر كوكا كولا

سلامات كتيرة ليك ووللأولاد
(المقصود الزوجة والأولاد)

Quote: ارفعوا اقلامكم عن دكين

خدر سلام

يا خدر دكين فتح بوست و تم نقله لمكتبته يعني بكري إتخلص منو و قام دكين فتح بوست تاني

يعني دكين لو ما فتح البوستات أكيد ما في زول حا إمشي عليه

و تأكد لو البوست دا إتشال دكين حا إفتح بوست تالت و رابع

علي محمد علي - فيصل خليل - اسامة الفنان - ابوذر - ريهان - اميرة - ودالصائم
- حاتم الياس - مزمل خيري - ممدوح - جميدة - سيف - جعفر - ابوالشوش

لقد فعلها السيل يا اصدقاء

Quote: بس والله انا ماسعيد بي البسويهو معاك ده.. ولكني اطلب الحق في قول احسبني منه براء..ولو لم اكن منه كذلك فماعايز غير اني ازح بي عفني ده من ناسك ديل.. لكي لا يتضررو( ويهلو) عليك وعلى غيرك بالمهاتفات واللمز غير الكريم..

Quote: يعني معقول انا بعد هذا العمر وانتا بعد هذا العمر والدنيا بعد ماوصلت اليه من الحريات والبني ادم بعد ماوصل اليه حاله من تطور واصبح قادرا على الاختيار الحر نجي بعد ده كلو تلقى ناس عندها راي في زول ويغلبا تقولو قداما وتقعد تمارس اشغال المشاط ويغلبا تقول لي الشينة منكورة؟؟

خدر
إزيك ومساء النور والمطر
قصة البوستات "الواسعة المُدورة" دى
ذكرتنى ,,,حكاية لطيفة

وأنا فى سنة أولى إنترنت كان فى بوست فى سودانييز اونلاين عن "البالتوكــ"
والناس كلها كانت بتتكلم عن البالتوكــ...
أنا طبعاً إفتكرتها "حكاية مقصورة على كِبار السن من البورداب"
إلى أن هدانى الله "إليه"
المهم
دخلت شمال فى اول قروب سودانى
ولقيت ليك الخلق دى
تنضم
وتنبذ
ومشاحنات من طرف
وغايتو
بقيت بحاجز
يا عمكـ,,
"عمك دى كانت مافى غايتو ,,,للضمان كدا" الوكت دا
يا جماعة
كدى روقو المنقا



المهم ساهرت ليك لى الفجر بكوركـــ
والجماعة مرقو وفضلت انا وزولة كدا
كانت ناسية البالتوك فاتح دى قصة تانية

,,,
,,,

أتـــــــــاري يا خدر انا ما كان "المايكــ" معاى واظن إنو مافى زول سمع كورايكى,,,ونضمى النضمتو كلو كلو

ـــــــــ

اسى يا خدر بوستكــ دا بشبهنى زمان

Quote: "وغايتو بقيت بحاجز يا عمكـ,, عمك دى كانت مافى غايتو ,,,للضمان كدا" الوكت دا يا جماعة

....
أها , و لقيتو ؟؟؟
المكرفون ...
لقيتو ؟؟

Quote: .... أها , و لقيتو ؟؟؟ المكرفون ... لقيتو ؟؟

فى النهاية جانى براهو









ــــــــ
انت أكيد ما قصدك المايكــ

Quote: ود الصايم .. لبسني الطاقية الدايرها كان لقيت لي راس ..

خدر...

سلااام ياخى...

..
.
حسي الاقتباسات دى عاجباك؟؟
عجباً
بالله قولوا خير لاصلاح ذات البين
او لتصمتوا...


___________

حميده شوف لاميرة دى دلوكة؛

Quote: حميده شوف لاميرة دى دلوكة؛

غلطان ياتبلدينا وستين غلطان ...

شوف غيرى ...

..
.

Quote: غلطان ياتبلدينا وستين غلطان ...

أنا شخصياً ما شايف كدا...

_________

وبرضو ممكن يكون صحيح ما برضو زول عادى
ممكن اغلط زى وزى باقى خلق الله وافنقل ريكتى
بدون قندول ..

اشوف غيرك ما فهمتها
لذا اتجاوزها لحين ..

تايم اذ اوفر .. :)

Quote: أتـــــــــاري يا خدر انا ما كان "المايكــ" معاى واظن إنو مافى زول سمع كورايكى,,,ونضمى النضمتو كلو كلو

لا بكونو سمعوك يا ملك لكن تقول شنو

بس تكون ما معاهم ....المعنى ضدهم ..



عماد عبدالله عندى ليك طاقية .... تنفع؟؟؟

الاعزاء
خدر وعماد وعلى بشير وفيصل خليل واسامة جليل والمطر والبت ريهان والبت اميرة وحاتم وابارو وسيف وابوامنة وابو حسين والملك
ومحمد عثمان
..
دمتم على بذلكم هذه العبارات ..
عزائي تفهمكم مع اخوة اخرين نفحوني من محبتهم في هذا العرس الذي احسبه عُسرا..
ولستُ سعيدا بقوة حجتي وانما كلي اسفٌ لان اجد الادميين وقد تغبشت بصائرهم فاختلطت الاحوال عندهم..
زي ماشايفين اهو الواحد انتهت به الامور الى اوضاع تعسرت فيه صحبة السويين من الادميين..فلم يتبقى في هذه الاوضاع إلاكم مع قلة اخرى محببة الى النفس وسقط متاع من بشر..
اوضاع مؤسفة ..نفس الاوضاع التي ذكرها من وكده ماعارف- واظنو الطبراني -وقال:
(ان الناس قد مسخو خنازير فمن وجد كلبا فليتسمك به)








ـــــــــــــــــ
ودالصايم

كتبت بقلمك والكتابة منك براء ..هب انك رفعت قلمك انا حاستفيد شنو..
انتا شنو وقلمك شنو؟

(*)

تعرف يادكين .. الدرش الحاصل ده كلو رشاشو المفترض ..
وكمية التنابذ بينك وبين (وهبة) التي أمتدت لحلقات ..

أظنها جميعها تكال بمكيال من هاتفه ليغتابك ..
يعني الزول أو الناس الهاتفوه ديل من حقهم يبدو راي فيك ..
قدامك .. وراك .. في الحمام ..

مع أن الأولى أبرك (سنتجاوز الأخيرتين) ..

لكن ألم (تحرقهم روحهم من ما جرى) ؟
ألم يؤرقهم فعلهم ؟

تعرف إتوقعت في الزمن االردئ ده إنو يجوا بكل شجاعة عشان يفضوا الإشتباك ده
ويقولوا ديل نحن يا (دكين .. في عينك أها داير شنو )؟

لبه ؟

أوريك ليه ..

لأنو إنتا من جيت المخروبة دي وبقيت زول دوحة , ..
لبست طاقية (زول بيت) ودخلت بيوت الناس وعاشرتهم وصاحبتهم ,وأكلت عيش وملح
مع أغلبهم ..

أنا أتخيل لي شربت معاك شاي
):

لا لا والله إتغديت معاك في بيت صلاح عبدالله ..

ذات مرة ..


أها أسي إنتا كنتا قربت تناسب ناس الدوحة عديل كده ..
وكمان بقيت (مدافع شرس عن أهلها) ..

ومشكلتك مع (وهبة ده زاتو بدت بسبب دفاعك عن طارق الدوحة )دي

):

أها أسي قلبك أبيض وأخو أخوان و ومارضيت في زول من ناس الدوحة وجيت
داوست تلتمية شنب وتسعمية طرحة عشانو (ودي محمدة ورجالة تب )

أها من حقك على الزول الإغتابك ده إنو يريحك من هم التفكير في هل ياترى مين
ومن صديقي ومن عدوي ..

هو شتمك يعني مادارك طيب ياخي ماطالبين منو يجي يكتبا هنا عشان برستيجو ,البورد
ده أمار بالسوء والزول بخاف على صورتو فيهو أكتر من خوف اللبوة على جناها ..

يريحك من شكوك قد تسوءك في من حولك ويتصل عليك :

يقول ليك ها أنذا وبكرهك وأنا ماني زولك ..إنتهى ..

وتمشي تمسحو من الفيس بوك ..
والتلفون ..
وتابى ملحو ..

وتختا دربو ..

ياخي ده زول مابختشي وماعندو ريحة الكرامة ..
تشتمو في بعض بسببو وتشتمو فيهو هو زاتو ..

ومتفرج ..عادي ..

عارف الله يستر مايكون إتداخل أو إتداخلوا ..
وعلى رؤوسهم طاقية الأجاويد وزينو بوستاتك دي بتوقيع محبين ..

أها كده (وهبة) ده على الأقل بما إنو (الوحيد العارفهم مفروض هو زاتو يسقطوا من نظروا) ..

ويعرف إنو إنتا أشرف منهم مليون وتلتمية سنة ضؤئية ..


____

ودعتكم لي الله

Quote: لأنو إنتا من جيت المخروبة دي وبقيت زول دوحة , .. لبست طاقية (زول بيت) ودخلت بيوت الناس وعاشرتهم وصاحبتهم ,وأكلت عيش وملح مع أغلبهم .. أنا أتخيل لي شربت معاك شاي ): لا لا والله إتغديت معاك في بيت صلاح عبدالله ..

!!!!!!!!!!!!!!!!!!


ياكمال سالم ......
عليك الله فك لجامك ده من خشمي....!!!!!

--------
ياخدر
الف تحية وسلام
اعذرني اخي

Quote: اقلامكم

إنت جادي؟

دكيــــــــــــــن دكيــــــــــــــن ليوم الدين
أو كما قال التسوي تندم ولا ما تسوي تندم
سلامات يا خدر

Quote: لأنو إنتا من جيت المخروبة دي وبقيت زول دوحة , .. لبست طاقية (زول بيت) ودخلت بيوت الناس وعاشرتهم وصاحبتهم ,وأكلت عيش وملح مع أغلبهم .. أنا أتخيل لي شربت معاك شاي ): لا لا والله إتغديت معاك في بيت صلاح عبدالله ..

؟؟؟؟؟؟؟؟؟؟؟؟؟؟؟؟؟؟؟؟؟

(*)

عذراً أخي / صلاح عبدالله
أرجو أن لايسوءك إستشهادي بك هنا عرضاً ..

خاصة أنني أعرف أنك تحترم ذاتك إلى درجة الترفع عن الخوض في مثل هذا ..
حتى ولو على السبيل الآنف ..



لك العتبى ..



__________________________

هل بينكم من ينفحنى برقم تلفون دكين
هنا،على الخاص،العام،
مغرود فيه بلحيل
خدر خلى قلبك على الزول ده،،،

ود الموج يا حبيب
داير بيهو شنو تلفون دكين

موش قتا دكين اتغير ..
اهو ده انا في تغيري..احب نفسي وما وصلت اليه..
في معرض حاجتي الى البيان .اصعب شي انك تلقى محبينك بكرسو لي فهم العولاق..




معزتي ياموج تغشك وتغشى ايامنا السمحة






ــــــــــــــ
تلفوني قفلتو لانو الخلق طلعت ديني تلفونات..

سلامات يا شباب

ناجي الملكـ
يا اخوي شكلك لسه انت بتفتش للمايك , انا مايكي عندي قااااعد (راجع البوست التاني)

محمد عثمان سلامات ياسيدي
شفت البوستات دي لذيذه كيف

صالح تبلدينا
خلي الرواشة و ركز شوية شوف الاقتباسات ماشة علي ويين
الصلح ما بنابا لكن الموضوع اكبر من اصلاح ذات البين
لو خليت اميرة في حالها صدقني خا تتفق معاي


بت الشيخ
نومي قفا يا بتنا ماعندي بوست بستلمو مني زول تاني إلا تحت توقيعي و موافقتي
لكن ممكن ابيع البوست و ابيعك انت و دكين و ابوساندرا فوق البيعة لو لقيت سعر كويس

هارون يا ملك
اخد راحتكـ يا فنان , البوست بوستكـ

ودالصائم
بعد شنو ؟ بعد ما إتفشيت ؟

حيدرنا
كااااااااااااااااااااكـ

Quote: إن كان ثم من يكتب فيطرب القارئيه ، و يكتب فيدخل اللغة في كُستبانة ، و يكتب لتأخذك النشوة النشوة ، و يكتب فتحسده على تمكنه من الإمساك بمفاتيح قيادك و رسن المواضيع ، و من يكتب فيفاجئك في العبارة التالية بما لم تكن تتوقع .. و يكتب فتحمد الله أن قيض للكتابة من يرفعها شأوا فارعاً عليا . إن كان ثم من يفعل ذلك هنا في هذا الحيز السايبري .. فهو دكين دونما منازع .

احبتي خدر وصحبه
تحياتي لكم و للحضور الكريم
وشكرا لاخي الاستاذ عماد لكلماته الطيبة

ويا مولانا خدر يجب ان نقيم علي المدعو الوغد دكين حد الغياب وهو ان يمتنع عن الكتابة والحديث عن الطيبات والفواكه وما استدار منها... لمدة تلاتة شهور

Quote: بت الشيخ نومي قفا يا بتنا ماعندي بوست بستلمو مني زول تاني إلا تحت توقيعي و موافقتي لكن ممكن ابيع البوست و ابيعك انت و دكين و ابوساندرا فوق البيعة لو لقيت سعر كويس

غايتو يا خدر ما عندك أمان أصلو

..
.

Quote: صالح تبلدينا خلي الرواشة و ركز شوية شوف الاقتباسات ماشة علي ويين الصلح ما بنابا لكن الموضوع اكبر من اصلاح ذات البين لو خليت اميرة في حالها صدقني خا تتفق معاي

أبو لقاء
ما ممكن تكون انت زول فنان ومرهف الاحساس وبطيبتك المعهودة
وبخلفية اننى لم يحدث ان اسئت اليك او اسئت الىً تأتى وبلامقدمات
تصفنى وكأننى درويش او اروش يعبر هنا .. بل يمكن ان يكون
معدل تركيزه اقل ..
تعال واسألنى ما الذى لم يعجبك يا تبلدينا فى الإقتباسات ؟؟
ودعنا نتفق فى هذا او ذاك ونتناقش بيننا وقد نختلف تماما ولا غضاضة
وقد نصل الى اتفاق ولكن مسالة تجى بكل عدم ذوق وتقول لى بطل رواشه
تترك الفكرة التى طرحتها انا بأن هذه الاقتباسات وان السيل بلغ الزبًي
غير مريحه .. وتتجه مباشرة لشخصى لتصفنى بالرواشه فهذا لا اقبله منك ..
وهذا للعلم ولزم توضيحه ..
نقطة سطر جديد..
الموضوع ليس اكبر من اصلاح ذات البين بل مثل هذا البوست
وعدد من البوستات للفريق الاخر ومجموعة من حمله الدفوف صعب الامر عليهما
فلم يستطيع صاحبك هذا ان يتنازل ولم يقدر صاحبنا ذاك ان يتساهل ..
وصرنا فى حيرة من امرنا ..
وكاد ان يصير المنبر كتلتين مع او ضد .. وطرف ثالث يشهد محتارا
ان عبر عن مجرد تعبير فلابد ان يفهم او يقيم على اشياء معينة..
لذا كان الاحرى انت او المسلمى او هرون او اساسي ترك الماء هامدا
بدلا من رمى هذه الحجارة التى تعكره وتحركه فى شكل مشاحنات
تجر كل يوم طرف او طرفين جديدين ..

اميرة كأخت اعرفها اسفيرياً واعتز بمعرفتها واقعاً قادرة ان تعبر او
تقف عند ارائى فلا تجعلها حجر عثرة بيننا حتى نتفق او لا نتفق ..


_________

بالمناسبة الوصاية الجندرية _وكأنهن دمى لا يملُكنَ
رأياً او كيبورد _ ليست من ضمن معتقداتى ..

فدعو ذوات الشأن التحدث عن شأنهن ..


ويبق الود ما بقى الاحترام؛




تم تعديل لاضافة حرف لام

(*)

نهارك سعيد يا(دكين)

وشكراً على حسن ظنك بمن عاشرت من أهل الدوحة
وأشهد أنك أنصفت وحرصت على العيش والملح ..

أما بخصوص سعيك لتوقيعات أهل الدوجة ..

فأميرة الشيخ وآخرين قد كفياك شر البحث عن براءة الآخرين
وقامت بعمل لائحة وأتصلت بي للتوقيع وأنا جاهز للتوقيع والبصمة والفيش

وشكراً ياصديق على الثقة الغالية ..

ولحدي هنا دورك إنتهى ..
لأنك لست متهماً بشئ حتى تسعى لبراءتك ..
المتهمون هم من يجب عليهم ذلك ..
وقد كان (أميرة)وآخرين من المتهمين وقد فعلوها ..

محبتي ..


_____________________________

بالمناسبة أنا حا أغيب عن البورد حتى الغد معاي ضيف من أوربا
نازل عندي كان حبيتو أوقع بيتي مفتوح وبصمتي مبذولة ..

Quote: معاي ضيف من أوربا

برضو يوقع ..
مش في الدوحة ؟
الخواجة المعاك يوقع يا كيمو و يبصم .


........
يا أميرة : الخواجات بصمتهم ناعمة شوية و ما بتظهر بأخوي و اخوك ..
كلآتي : تكنكشي في اليد و تدوسيها دوس غتاتة .. الخواجة ح يقول ليك : أو مااااي .. أعملي مجنونة و ما تشتغلي بيهو ، انفخي الورقة بعد داك نفخ بذمة و اخلاص ..
بعدين قولي ليهو : صانكيو بري مطش خواجه .
الدنيا ما معروفة .

..
.
..
.

Quote: فأميرة الشيخ وآخرين قد كفياك شر البحث عن براءة الآخرين وقامت بعمل لائحة وأتصلت بي للتوقيع وأنا جاهز للتوقيع والبصمة والفيش

___________

انتو جاديين !!؟ والله ما قادر اصدق
يا اميرة انت فى محل كدا مش قلت ما ممكن تسيبى شغلك
وتتعابي القوالات .. بالله اتلموا فى الويكند وشوفوا ليكم
مخرج من الهليمانه دى ..

فعلآ الدنيا اتغيرت و القيامة قربت
بقت تتكتب بوستات لرفع الاقلام عن دكين !!!!

هم منو ديل الساكين دكين عاوزين يشلخوهو ?
اللهم نسألك حسن الخاتمة و ما تورينا يوم يكتب لرفع الاقلام عنا

و الاسد لما يعجز ... الى آخره الى آخره الى آخره

الغنمايَّة تلحّس كيبوردو..

غايتو...أنا شخصية الود الحزين والمجروح دى ماقاعد تنفع معاى وهسع أنا ماخايف على دكين اٍلا من الشخصية دى ومااااااظنيتها بتقسم معاهو ولاهو ببقى ليها هوين



دكين يا..حديد

Quote: يا اميرة انت فى محل كدا مش قلت ما ممكن تسيبى شغلك

تبلدينا.. سلاااام...

محل قلت دا تسالنى هناك شان ارد ليك.....

وفعلا ماعندى وقت كتير فاااضى شان اسك البوستات دى

وكل شئ يترد عليهو فى محلو شان الكلام مايطلع من الصياغ بتاعو

وبجيك راجعة لباقى كلامك الهنا..
ابقى طيب ..

..
.

Quote: محل قلت دا تسالنى هناك شان ارد ليك.....

أميرة سلااام
والله تصدقى انا نا عارف ياتو بوست ..
ما متفقه معاى انو الابوستات تشابهت وكذلك المداخلات ..!!؟؟
بعدين انا شايف الخلط دا ما واقع فيهو برااى ..
بشوية ملاحظة بتتاكدى من كلامى
___________

بعدين ما قصدى سك البوستات

تيك يور تايم؛

Quote: برضو يوقع .. مش في الدوحة ؟ الخواجة المعاك يوقع يا كيمو و يبصم

ههههههههههههههههههيكة
حلوة ياوغد

انا قررتا اني لا اكتفى بتواقيع البني ادمين فقط..

كل البط في مزارع الدوحة حتتوزع ليهم لست للتوقيع..

واشوف من اي اسر البط انتمي..

ومن ثم اقبل على محلات الاحذية..
واشوف موطي نفسي من من اقدام الاخرين..
وهل فعلا اعمل جزال لي وجع الضهر زي ماقال اخوي حمد ولا اكتفى بالوورنيش ؟؟


المحريني القى الصمرقع ده وين ؟؟
القاهو على اي حال ذاتو..
صاحي ولا نايم..
وهل هو عجالي ام بقري ام من نوع وقافي وقعادي ؟!!

Quote: وعدد من البوستات للفريق الاخر ومجموعة من حمله الدفوف صعب الامر عليهما فلم يستطيع صاحبك هذا ان يتنازل ولم يقدر صاحبنا ذاك ان يتساهل .. وصرنا فى حيرة من امرنا ..

طيب ياتبلدينا....

يبدو انك متفق معاى فى كلامى حول المطبلاتية وناس الغباين
الخلانا فى حيرة امرنا هنا فى الدوحة اكتر منكم وخاصة اننا بقدر
قادر كلنا بقينا متهمين فى نظر الكل...

نادر
ابو محمود

زي ماشايف صعب جدا اني ارد على هذا وذاك ..
واباري اللستة..

ولكن صدقني
معزتك عندي دوما ظلت كما كانت ولم تتغير وشاكر لك فضل اتحافي بالحاجات السمحة دي ..
دمتا رايق مشمول بما عهدتك من صدام..

Quote: يا أميرة : الخواجات بصمتهم ناعمة شوية و ما بتظهر بأخوي و اخوك .. كلآتي : تكنكشي في اليد و تدوسيها دوس غتاتة .. الخواجة ح يقول ليك : أو مااااي .. أعملي مجنونة و ما تشتغلي بيهو ، انفخي الورقة بعد داك نفخ بذمة و اخلاص .. بعدين قولي ليهو : صانكيو بري مطش خواجه . الدنيا ما معروفة .

thak youu very much Emad

اها ياعماد انت لو كنت فى الدوحة دحين حتوقع ولا نبقى
على وقيع الخواجة....










_____________________________________________________________
اها النحدثك والله وماطالبنى حليفة الخواجة ال مع كيمو قال لى ببصم..
رايك شنو?

Quote: لكن ممكن ابيع البوست و ابيعك انت و دكين و ابوساندرا فوق البيعة لو لقيت سعر كويس

بتخسر ، بتخسر كتير
يا وغد يا شرير

أها ، شمت فينا أبلة ظاظا
عاجبك كده ؟

في شأن الأقلام التي شحذت لنحر الود دكين
فما تشيل هم ، هو واثق من سماكة رقبته
و واثق أكثر من موقفه

وبصراحة ، انا رغم وقوفي متفرجآ
أو على حافة المنبر
ظللت أتكلم مع دكين كلما سنحت لي فرصة
بأن يستعيد قلمه الرشيق وموضوعاته الجاذبة
ولا أخفي عليكم انه لم يكن يعير قولي وطلبي التفاتآ
كنت أحاوله وانا على علم بسلامة موقفه
الذي نلخصه في نقطتين :
1- من حق أي شخص أن يدقق في إختيار اصدقائه
وإذا ما تسلل له أحدهم بأي وسيلة كانت
مشروعة أو غير مشروعة ، برغم تدقيقه ذاك
فله الحق أيضآ في أن يغلق تلك الثغرة التي
تسللت منها الصداقة غير المقبولة
هذا الموقف سليم وينبغي الا يثير حفيظة أحد

2- ومن حق أي شخص نمت إلى علمه غيبة أن يلاحق
المصدر حتى يعرف من أين أتته الطعنة
هذا حق مشروع لكل مغتاب
و أيضآ ينبغي أن لايثير البحث والتقصي
للوصول للفاعل حفيظة أي أحد ، اللهم إلا الفاعل

Quote: 2- ومن حق أي شخص نمت إلى علمه غيبة أن يلاحق المصدر حتى يعرف من أين أتته الطعنة هذا حق مشروع لكل مغتاب و أيضآ ينبغي أن لايثير البحث والتقصي للوصول للفاعل حفيظة أي أحد ، اللهم إلا الفاعل

شكراً على وضوحك يا(أبوساندرا)
وبصمتك وتوقيعك مطلوبين عشان تكون قدوة للآخرين...
وكمان بضيف علي كلامك نقطة تالتة ...
إنو نحنا متهمين برضو... ومن حقنا نبرئ نفسنا...
ومن حق دكين كمان عليناكصديق إنو نبرئ نفسناقدامو ...

ولا شنو؟

اليكم تفاصيل اول تلفون اليوم الصباح بدري لجمع اول توقيع:

(جرس)
- الو ؟؟
- السلام عليكم .. كفيك ياخينا..
- وعليكم السلام مرحب..منو معاي ؟؟
- دكين معاك؟؟
- دكين ؟؟دكين بتاع قصيدة عبد الرحمن الريح؟؟انتا حي؟؟
- الريح؟؟هو بلاي كان عبد الرحمن الريح؟؟ ياخي ماعلينا..انا بس..
- لا معليش انتاعايز تغالطني ..تضرب لي وتغالطني..دي موش الفيهاالبيت البقول (كعب نوم النهار أمس العصير كنت نايمه
رأيت قدام الفريقنا أشوف صقوراً حايمه)
- ياخي حرم ماعارف فيها ولا مافيها انا الناس القتهم ديل ذاتو ماسمعتا بيهم ..بس انتا متاكد انها كانت (صقور) ما (بط)؟؟
ياخي انا دكين ..انتا مابتعرفني بس انا دكين بتاع سودانيزاون لاين ..
- سودانير اون لاين؟؟ انتو عملتو موقع الكتروني زي بقية خطوط طيران العالم مبروك..اها رقمي ده فاز بي تذكرة ولا دي حركات منكم ..كمهاالجايزة بتاعتي؟؟
- ياخينا بطل استهبال وحركات الزول الماعارف دي ..انا دكين ..دكين الذي اتاكل لحمة حيا وماكرهتموه..انتا حتعمل لي رايح ولا شنو؟؟
- ايواااااا.. ده شغل مجانين معناتا..خير يا اخ دكين في حاجة ..
- لا بس قتا اضرب اسالك انتا (الهليت ) على وهبة بتلفونات اعتقد وهبة على اثرها انو (الجزمة ذاتو ظلما)؟؟
- وهبة ..تلفونات..هليت؟؟جزمة؟؟ ياخينا انتا عارف انتا ضارب لي منو ..شكلو كده ضارب غلط ياحبيب..
- لا ياخي ماغلط ولا اي شي انتا موش دي نمرتك(**********) ؟؟
- ايوه نمرتي ..بس من بتين الواحد بضرب لي زول بي نمرتو ..لحدي قبل انوم امس الناس كانت بتضرب لي بعض بالاسماء والعرفة؟!!
- معليش ياخي ده ظرف طاري فرضتو ظروف تغير احوال الرجال في هذا الزمن الــواطي..
- واطي؟؟ ياخي ممكن تتخير الفاظك لو سمحتا..
- اسف بس دي الفاظي كده عجبتك عجبتك ماعجبتك خلينا في موضوعنا..
- انتا حيوان؟؟
- لا انا قتا ليك انا اسمي دكين ..
- انتا يازول الله ماليك..عايز شنو بالضبط؟؟
- ياخي انتا شكلك مابتسمع كويس ...الانا عايزوقتو ليك وموجود في السطر الرابع من هذه المكالمة التلفونية..ارجع ليهو انا بكرر كلامي بي مزاجي بس ..موش وفقا لما يطلبه المستعمون..
- لا لا لا ..انتا الظاهر عليك داير شبك ومشاكل..وشكلك مجنون..
- ياخينا والله لو استهديت بالله وكنتا خليت بالك لي كلامي ده حتلقى انو انا اصلا ماقليت ادبي معاك..بس دي تنشنة منك ساي وضيف افق..انا حاريها في السودانة لذلك لسع مواصل معاك طلبي..
- ياخي كرهتني انا عايز مني شنو بالضبط ؟؟انا لا بعرفك ولا شفتك ولا عايز ذاتو...ولو سمحتا تاني ماتضرب لي هنا..
- خلاص كده وصلنا لي نتيجة ممتازة ..ممكن بس توصف لي بيتكم وين عشان اجيك وتوقع لي على حتة (انك مابتعرفني دي) القتها دي لاني محتاج ليها..
- (كلك)..

سلام يا أبو لقاء

لو رفعت كلّ الأقلام عن هذا الوغد و ظل هناك قلم يلفظ آخر روح حبر فيه .. فاعرف أنه قلمى ..

الزول دا لو كنت رئيسة المباشر .. لفرغته عن العمل لمدة قرن .. براتب كامل لا ينقص ريالا .. بعلاواته و بدلاته .. و لتخيّّرت له قصرا منيفا فى الرصافة .. جهّـز بأفضل ما يليق بالقصور .. و ملأت كل ردهات القصر بالأقلام و الأوراق و اللابتوبات و قلت له

يازول هذا قدرك فاكتب
أعرف أن رأسه أحيانا قوى و ناشف
و سيقول ما أنا بكاتب
سأقول أكتب
فيقول ما أنا بكاتب
و حين يرددها ثلاثا
سانهره .. ّ يا أيها الوغد .. "الأحوال" و "المراسيم" و "الأوراد" هل كانت شيٌ من العفن أم طرف من خبر الاخرة

Quote: ومن حق دكين كمان عليناكصديق إنو نبرئ نفسناقدامو ...

شكرا اميرة على هذا الاختصار الواضح لهذا الجانب..

اها انا الحق ده ذاتو ما ساكيهو عنوة واقتدارا لانو ليس من لي انا افعل ذلك..فهو خاص بكم كما اسلفتي..
وانتو الذين تملكون منحه او عدم منحه..
فمن منحه باختياره فقد ابرني ..
ومن تحفظ فهو من حقه ولا الومه على التحفظ..
وكلا المتحفظ والمانح عندي في تمام الاحترام وحسن ظني كما اكدت مرارا..



انا ليس لي حق في ان احمل الناس على تبرئة انفسهم من اتهام القوالة الساقه وهبة..
والقوالة دي ذاتا خشوم بيوت..
فمن نقل الى من يحسبه صديقا عزيزا كلاما وصله عن اخر ..فهو في عرف بعض الناس غير قوال وليس متهما بالضرورة..
وما سعيي الى فعائلي هذه سوى ان ارى اين ظلمت هذا الناقل(إن وجد اصلا وكان وهبة محقا واحسبه من الكاذبين)
لكي ارى افي اهله ام بدنة ام عافيته قد ظلمته..
لن اعتذر عنما فعلته اليه في غالب الاحوال..
فهو لايستحق الاعتذار عن فعل اتيه انا فشكاه الى غيري..
فلينصفه هذا الغير ان استطاع..
ولكني ساكفيه ظلمي واجعل بيني وبينه سدا فلا يصله السوء مني مادامت الديمومة


اها الجانب التاني
هي مسالة هذه الصفات التي الصقها وهبة جزمة وبطة وظربان معفن وماهو منصوص على ملا الناس هنا وليس في مكان اخر..
وهذه مسالة انا بحلها مع وهبة..
تدخل الناس فيها غير محمود..اما وقد فعلو فليس في مقدوري ان امنع رايا يراه كاتب بالغ مبلغ ومختار
اعلاني في هذا المنبر مبني على عدة امور
اولهم انو وهبة ده انا عرفتو هنا وليس في مكان اخر
تانيا المشتركين الاعزاء الذين خاطبتهم وجزء كبير منهم برضو من هنا
وتالتا انو انا عايز احس باني بقدر افعل(من تفعيل) اختياراتي دي في الدنيا دي ولو على هذا العالم السايبر..
يشكو الناس من القمع كثيرا.. فاحبتت ان افيض..
احساسي بالغبن وكتموتو الاراء جواي فاض فبلغ الذبى في عالم البشرية هذا..
اقلاه ياخي امرقو انشالله هنا..
او في عشاء قريب اوفي لستة عليها تواقيع..

يا عز ..

أعملوها " كِرتِلّه " !!
كيف معاكم ؟
بدل لستة و توقيع و بصمة تجيب الريبة و الزعل .. أقلبوها كرتلة ياخ .
كرتلة كبيرة كده و مدغلبة .. و أي زول " يقطع " .


.....
ياخي كيتو تيق هي بتان ..
إكّي جبراييل , ِتِر مصيباً سوكي جُم ..
كِتو تيق أوووو أزيز .

ياجماعة .....سلااااااااااام

اها فى لمة صغيرونة كدا طللعت ب30توقيع ...
كاش داون ....

من غير ذكر الاسماء ..

عمدة امبس

ياخي اللستة دي تاني مافي منها رجعة
اميرة مصرة تحددها ..لانو قالت الكلام المغتغت القالو وهبة ده بمسها كونها جزء من الدوحاباب..
وقات لي ماعندك شغلة بي ..دي مشكلتنا نحنا في الدوحة دي..
الزول ده قال ليك جزمة
وعملنا قوالين
انتا شوف مشكلتك وين وشوف ليك ورنيش وخلي لي قصة القوالة دي..



ــــــــــــــ
teron fatisanki
i bketmo


الترجمة بي عربي دنقلا
ترون فطيسنكي اي تكي بموقمو.

الترجمة بعربي عموم السودان

حدو يقول لي انا كضاب او يقول لي ديل ناس فلان..

الترجمة بي لغتي الخاصة:
يا اخسر باص ويردي ده ماسوف عليه ..
يا اخسر صديق
يا يقول انا كضاب محل ماقال قوالتو هنا في بورد بكري ده..

سلام يا أبو لقاء

كوت/ لو رفعت كلّ الأقلام عن هذا الوغد و ظل هناك قلم يلفظ آخر روح حبر فيه .. فاعرف أنه قلمى ..

الزول دا لو كنت رئيسة المباشر .. لفرغته عن العمل لمدة قرن .. براتب كامل لا ينقص ريالا .. بعلاواته و بدلاته .. و لتخيّّرت له قصرا منيفا فى الرصافة .. جهّـز بأفضل ما يليق بالقصور .. و ملأت كل ردهات القصر بالأقلام و الأوراق و اللابتوبات و قلت له

يازول هذا قدرك فاكتب
أعرف أن رأسه أحيانا قوى و ناشف
و سيقول ما أنا بكاتب
سأقول أكتب
فيقول ما أنا بكاتب
و حين يرددها ثلاثا
سانهره .. ّ يا أيها الوغد .. "الأحوال" و "المراسيم" و "الأوراد" هل كانت شيٌ من العفن أم طرف من خبر الاخرة/ كوت وانتهى

ياعلي
سلاما اسوقو ليك معبا محبة..

انتا لسع في اطراف الرصافة؟؟
ياخوي ما كفاك..
بتلم فيها لي بتين؟؟ اخشى عليك من اسمك ده..
الاعدام قالو لايزال على الهوية..


ياخي شكرا على كلماتك التي دوما ظلت في الخاطر تذكرني بانك مجامل اكتر ممايجب..
وويسرني ان اجد نفسي من بين احبابك ..وتقبل محبتي

واحدة من بركات دين انو ظهر الفنان علي الحلاوي من جديد , يازول بتقتس وين انت ؟
مشتاقين شديد والله و الامانة في الذُمة اوعكـ ترفع منو قلم ولا طبنجة , والرد بالسد

يا شباب و شابات اولا اعتذر إعتذار كبير علي عدم المتابعة , الجري وراء المعايش كتير لكن قطع شكـ
الويكـ اند ده حا نقضيهو مع بعض , و أ‘تذار تاني لكل زول ما رديت عليهو إندفدولي بسبب طبيعة البوست( بوست مفتوح)
فشكرا لتكبدكم المشاق و البوست بوستكم إتفضلو .


اميرة الشيخ
سلامات يا بتنا , حقو قصة التوقيعات دي ترخوها شوية لانو وفقاَ لثقتي في فطنة القارئ المتابع القضية اصبحت واضحة
اسه و القارئ فهم الحقيقة ويين . من حقكم صاح انو تّبرئوا انفسكم لكن كمان تّبرئوها من شنو ؟
هل معقول نخلي الخوف من القوالات يا اميرة هو البحدد حركة حياتنا او مواقفنا؟ امال رقيب و عتيد ديل دورهم شنو ؟
دعي ما لرقيب لرقيب و ما لعتيد لعتيد و كله في اللوح المحفوظ + ارشيف بكري.
دكين عمل العليهو هنا بي بوستاتو و انتو اكبر من قصة التشكيكـ في نزاهتكم (اعني كل بورداب الدوحة).




ويا ناس الدوحة اصالة عن نفسي و نيابة عن عماد عبدالله الشهير بودالتوم , لم يحدث قط ان ساورنا مجرد احساس ان اهل
الدوحة الذين خبرناهم لسنوات طوال هنا يمكن ان يخوضوا في اوحال كهذه , عهدناكم سودانيين اصيلين لا تغتابون اخوانكم
و بورداب شجعان تقولونها في عين التخين او الضعيف , تعرفون قدر الناس و قدر انفسكم.

Quote: يازول هذا قدرك فاكتب

ياسلااااام ده من اجمل ما يمكن تقبله..
انه قدري ..فتقبلوني كما قدري اوفلا قبول..
سلمت يا علي

Quote: و بورداب شجعان تقولونها في عين التخين او الضعيف , تعرفون قدر الناس و قدر انفسكم.

غايتو دخلتالضعيف في أضافرينو.
التخين أصلو داخل في طيزبطة

Quote: ويا ناس الدوحة اصالة عن نفسي و نيابة عن عماد عبدالله الشهير بودالتوم , لم يحدث قط ان ساورنا مجرد احساس ان اهل الدوحة الذين خبرناهم لسنوات طوال هنا يمكن ان يخوضوا في اوحال كهذه , عهدناكم سودانيين اصيلين لا تغتابون اخوانكم و بورداب شجعان تقولونها في عين التخين او الضعيف , تعرفون قدر الناس و قدر انفسكم.

ابو لقاء ...

مافى زول قال زى كلامك دا...
لانو الناس دى جزء كبير منها ساورهم شك نحن قوالين
وفى ناس مشو ابعد من كدا وقالو دى عادة ناس الدوحة
البوستات دى كلها شفت ليك زول جا وقال الكلام دا غلط فى حق ناس الدوحة

حاجة مهمة ياخدر...
كلام الليلة دا كلو شان بكرة تانى مايجى زول يفتح خشمو ويقول كلام فارغ
انا شخصيا اى زول يجى يقول ناس الدوحة قوالين بقيف ليهو فى حلقو

شكرا ياطارق....

Quote: طيزبطة

الاخ محمد عثمان بكري

المثل ده حسب علمي اللدني فان الطائر الذي كان يشغل فيه حيزا هو الوز..
فهل لتغير نوعية الطائر والاستعاضة عنه بالبط اي علاقة بي مايدور هذه الايام عن البط؟؟




وسلامي واعتذاري يغشى البط والوز وكل الطيور التي ظلت مؤخراتها نهبًا لامثال الانسان..

Quote: فهل لتغير نوعية الطائر والاستعاضة عنه بالبط اي علاقة بي مايدور هذه الايام عن البط؟؟

أبدا يا دكين .

..
.
ما بدرى؛
الناس دى لسه شايله نوبه وقاعدم تمدح ..
وبتوزع بليلة كمان ..


____________

من زريبة الشيخ البرعي

سلام ابو لقاء
سلام دكين


بعد الغياب الطويل ابحث
فى مقعد بينكم
فهل من مقعد شاغر او حتى بنبر يا تبلدينا


ومحتاجين لمديح اولاد حاج الماحى
لكنى ما عارف ياتو مدحة


سلام

..
.
سلام يا شفيف ..

حبابك عشرة يا عصام انا حسي قاعد
مصاغر ابولقاء دا .. ادنى فنجان قهوة مره
منتظر السكرية .. :(
_____________

اليومين دى المشروبات كلها حنظلية ..
حليل الشامبيون ..

Quote: أبو لقاء ما ممكن تكون انت زول فنان ومرهف الاحساس وبطيبتك المعهودة وبخلفية اننى لم يحدث ان اسئت اليك او اسئت الىً تأتى وبلامقدمات تصفنى وكأننى درويش او اروش يعبر هنا .. بل يمكن ان يكون معدل تركيزه اقل .. تعال واسألنى ما الذى لم يعجبك يا تبلدينا فى الإقتباسات ؟؟ ودعنا نتفق فى هذا او ذاك ونتناقش بيننا وقد نختلف تماما ولا غضاضة وقد نصل الى اتفاق ولكن مسالة تجى بكل عدم ذوق وتقول لى بطل رواشه تترك الفكرة التى طرحتها انا بأن هذه الاقتباسات وان السيل بلغ الزبًي غير مريحه .. وتتجه مباشرة لشخصى لتصفنى بالرواشه فهذا لا اقبله منك .. وهذا للعلم ولزم توضيحه ..

صالح سلامات
ابشر بالخير يا فنان , صاقرني زي ما عاوز و اسف علي تأخير الرد اولا
تانيا اعتذر عن اي أحساس بالتقليل ليكـ وصلكـ مني يا سيدي

Quote: تعال واسألنى ما الذى لم يعجبك يا تبلدينا فى الإقتباسات ؟؟

بالنسبة للكوت و سؤالكـ فيهو يا صالح لو ركزت شوية حا تنتبه لي انو انت اصلا سألت و جاوبت
في اول تعليق ليكـ في البوست ده , انت قلت

Quote: .. . حسي الاقتباسات دى عاجباك؟؟ عجباً بالله قولوا خير لاصلاح ذات البين او لتصمتوا... ___________ حميده شوف لاميرة دى دلوكة؛

يعني يا صالح مافي لا طريقة لا وكت اسألكـ بيها خاصة بعد كلامكـ لي حميدة
مداخلتكـ يا صالح في مجموعها فيها حمولات ما لطيفة ضدي و ضد اميرة
و سميتها عديل انو انا يا اقول لاصلاح البين او اصمت و كأنما انا بولع في نيران
بين دكين و وهبة . و صورت اميرة كحاملة دلوكة تحرر بها إوار المعركة
يا صالح انت زعلت و انا اعتذرت ليكـ اسه احتراما لعلاقتي معاكـ و ليكـ
لكن انت راجع مُداخلتكـ العدائية الاولي و راجع كلامي ده و قول لي اخف (رواشة) القلتها انا
ولا الاوصاف الدمغتنا بيها انا و اميرة في مداخلتكـ الصغيرونه الفوق دي ؟
اكرر إعتذاري ليكـ تاني
اعدل يا صالح قبل ان تغضب لنفسكـ

الموده يا فنان