بوست الشرارة وييييينو؟!

ــــ

ـــ
اقصد بوست مظاهرات بإم درمان وينو؟!


بكتب في مداخلتي وأرسلتها فإذا به في الخور




كيزان المنبر الدخلوا البوست دا تحيداً (عبييييطيييين) .. برضو عبيييطيييين

المشكلة ما مشكلة مويه ومقطوعة المشكلة شعب كامل , وتلك هي سياسات الإنقاذيين (جوع كلبك يتبعك) يطلع الوالي أو يطلع المعتمد يتكلم للناس ويقول افتحوا إليهن الشارع , ده إسمو (ترويض) وأفراغ محتوي المظاهرة التي خرجت , تخرج أرواحهم حكامنا للسماء السابع , بقدر ما زلوا هذا الشعب العملاق بالبطش والتنكيل وسرقة حقوقهم ومكتسباته وحريته وإرادته في العيش بالحياة وهو كريم , ولكنهم يريدون أن يعيش وهو كظيم .

أدعم تلك المظاهرة الشرارة ولــ تعم كل القري والحضر والمركز والهامش ..
والتحية للشرفاء من نساء والرجال الذين خرجو في تلك المظاهرة ..

المنفعجية يمتنعوا ويولو الأدبار

ما جاهم عمك بتاع نفي الاثبات قال ابداً مافي ولا حصل رغم انه بكري الخير مرّ بالمظاهرة ..
والمعتمد جاهم ..
ورغم انهم قفلوا الشارع وحركة المرور وبرضو قالوا مافي مظاهرة ..

اها عمر عثمان قال هيك اخبار فيها ضرر على امن المواطن وسمعة البلد ( التقول المواطن آمن )

وكدة كدة خاصة بعد عضة شية بيت الفنون .. لقينا البوست طار ..

وبرضو انت بعد شوية بوستك دا بيطير .. وان قلت بغم براك بتطير برضو

ـــــ
هلا حيدر الزين الزول الزين

والله كيزان المنبر دا زاتو يجيبو الجلا والوباء للمواطن الما آمن , وبالله هو لو أمن طلع الشارع يفتش علي كباية الموية والنيل العظيم جبنو, واليوم مؤتمر دول الحوض التي لربما تغير حصة السودان الما أستغليناه أبداً طولة الفترة السابقة 1929م إلي 2009 ثمانيين سنة راحت في الفاضي مياه النيل , وحكومة الكيزان الحرامية اللصوص السراقيين ناصبيين بلد بحالها عشرين سنة وما قادرين يوفروا لمواطن أمر درمان لا أمن ولا موية , شن فايدتها الدولة؟! وشن فايدة سكوت المواطن ؟! دا كلو كوم والناس الأصلاً ما عندها موية ولا حتي في الرهاب ؟!
بلد ما ضاريها إلا الكيزان والنفعجية الإنتهازية , بايعي الضمير , من أجل مصالحهم الذاتية الضيقة , علي حساب الشعب المغلوب علي أمره وسط لا وجود إلي معارضة , ومعارضة تعودت علي أن تأخذ مناصب ومراكز قيادية وسلطة من جهد وعرق المواطن الصابر ,
والأن إتضحت الرؤية لا خير في كيزان بما فيهم النفعجية والإنتهازية ولا خير في معارضة , فالشعب هو الذي يأتي بحقه , ووجب عليه أن يعي الدروس من تاريخه الماضي لا تنازل عن الحقوق وكل الحقوق من عصابة الدولة اللإ إسلامية ولا تفريط في كل الجهد والعرق لمعاضة مايعة هي التي ساعدت في تواجد دولة الظلم والقهر والتشريد .

ـــ
البوست الذي تم حذفه يدخل في إطار الخبر


فبأي أحقية يتم حذفه ؟!


فهل لم تكن هنالك مظاهرة ؟!

برضو كتبته مداخلة
وقلته ما دام أب مصادر بتاع السوابق داك قال 100% إنو مافي
يصبح اكيد في .. ولما اتصلنا بالعرضة اصلو ما خاب ظننا..

ــــ
هلا ومرحبا الاخ صلاح ليون (المصادم)

Quote: برضو كتبته مداخلة وقلته ما دام أب مصادر بتاع السوابق داك قال 100% إنو مافي يصبح اكيد في .. ولما اتصلنا بالعرضة اصلو ما خاب ظننا..

هم كدا يا صلاح ضد العلمية والموضوعية ومن يوم الله إبتلانا بيهم , ما عندهم شيء غير الكذب والنفاق , والعبط الفيهم موهوبين فيه وموهومين إنو الناس عندها أهل في قلب أيها مكان في الوطن في أقرب مكالمة هاتفية تأخذ تقرير كامل عن الأوضاع , دا كلو بعيد عنهم لانو تعودوا علي الكذب فصار شيء طبيعي وعادي بالنسبة ليهم وكانو الواحد لو (فقع ليهو كضبة) زي شرب ليهو كباية موية , والموية معدومة من مواطن بلدنا وتحت قدمي المواطن (إله الموية) أكبر حوض لتخزين المياه الجوفية هو الحوض النوبي بلاش من النيل إب سدود (الغصبية) الغير مدروسة بالعلمية والموضوعية , بس شفقة منهم للـ لهف واللحس موارد شعب وبيعها, يعني مسابقة للزمن .