Post: #1
Title: زين عالـم قبيـح
Author: عبدالوهاب علي الحاج
Date: 07-23-2009, 08:42 PM
اتغدرت على آخر عمري ...
كنت مفتكر اني ود مفتح وحريف وبتاع دراسات (جدول) زي ما قال منعم جارنا ....
كنت شغال بـسوداني mDSL في امانة الله اها قمت اتفلسفت ونظّرت وصرحت بانو ناس سوداني ديل ما بحترمو الزبون وعندهم اسوأ خدمات ما بعد البيع ويميلون الى توظيف الناس الما بعرفو يتعاملوا مع الجمهور ولما تخش لاي مكتب من مكاتب شركة سوداني نادرا ما تخرج مجبور الخاطر وشغلتك ما مقضية .... وغير كدا ولدي الكبير ممتحن السنة دي وما بقدر اتعامل مع النت بالشكل المفتوح بتاع زمان وقررت الدخول يومي الخميس والجمعة فقط من كل اسبوع وداير لي نظام لو انا ما شغال ما يخصم لانو لا يعقل ادفع 120 جنيه اجرة شهر كامل في الظروف الصعبة دي واشتغل بيهو 8 يوم بس و سمعت انو ناس شركة زين عندهم حزمة اشتراك 2 قيقا ب 51 جنيه يمكن ان تفي بالغرض واتصلت ببعض الاصدقاء طلبا للمشورة لمزيد من التدقيق لانو ( وهبة دايما زول نجيضة وتفتيحة وما بقع الا واقف)  ... تحت تحت كدا خالفت بعض النصائح وبالتحديد كدا نصيحة الظلامي والامنجي الاخ علاء الدين يوسف ...
وشلاقتي بس الخلتني اغير لشركة زين عملت عندهم اشتراك جبت الجهاز وتمنو 120 جنيه وسددت فاتورة الشهر 51 جنيه كاملة ( إن ادفانس ) والحق يقال ، اسرع من جهاز سوداني وشكلو سمح وكان جيت جيعان تاكلو وشغلتو لمدة ثلاثة ساعات كاملة وهاك يافيسبوك و3 مشاركات في المنبر وعرجت على موقع الاذاعة سمعت لي اغنية لعثمان حسين وحبست بواحدة من ابوداؤود وطلعت ...
الصباح وصلت العيال المدرسة ومن بحري طالع على الخرطوم لقيت مكتب زين قدامي دخلت قلت اعرف الحاصل شنو واشوف استهلاكي كم من اول يوم (ووهبة زول نجيضة وضد المفاجآت) سألت الموظف دق الرقم قال لي استهلاكك لحدي الان مبلغ وقدره واحد وعشرين جنيه !!!! تتخيلوا واحد وعشرين جنيه في تلاتة ساعات قرب يجيني هارت اتاك يازول كدي عاين كويس يمكن تكون 2 جنيه وعشرة قروش (ودي برضو كتيرة) .. قال لي : ياحاج تعال شوف بنفسك .. خشيت شفت براي فعلا 21 جنيه  يعني الساعة بـ 7 جنيه ياخ اصلو انا مؤجّر الصافات (1) والله دي مصيبة كبيرة .. طلبت من الموظف الغاء الخدمة فورا او تغييرها لنظام الداونلود المفتوح ومستعد ادفع الـ 120 جنيه كل شهر وهو اخف قدرا من النظام المحدود قال لي والله ياحاج ما ممكن نغيرو ليك الا بعد مرور الشهر الاول بالنظام الاخترتو انت... وعيبهم الاكبر لو اشتغلت او ما اشتغلت الايجار الشهري رااااكب ياجماعة دي مصيبة شنو دي ؟
اغيثوني ... اغيثوني ... النجدة ... النجدة
|
Post: #3
Title: Re: زين عالـم قبيـح
Author: ناذر محمد الخليفة
Date: 07-23-2009, 08:49 PM
Parent: #1
|
Post: #4
Title: Re: زين عالـم قبيـح
Author: Magdi Ahmed Elsheikh
Date: 07-23-2009, 08:55 PM
Parent: #3
Quote: وعيبهم الاكبر لو اشتغلت او ما اشتغلت الايجار الشهري رااااكب
ياجماعة دي مصيبة شنو دي ؟
اغيثوني ... اغيثوني ... النجدة ... النجدة |
اها اسع انت قاعد وين..!!
علي الاقل رد علي التلفون ,
والا خايف يدفوعك برضو,,,!لووول
|
Post: #5
Title: Re: زين عالـم قبيـح
Author: الملك
Date: 07-23-2009, 08:56 PM
Parent: #3
ما سالتنى ليه؟؟!!
|
Post: #6
Title: Re: زين عالـم قبيـح
Author: Abdelmuhsin Said
Date: 07-23-2009, 08:58 PM
Parent: #5
عما كباسه يعنى بوست ناذر الوصل عشرومية صفحه داك كنت عميان منو
والله تستاهل .
|
Post: #9
Title: Re: زين عالـم قبيـح
Author: عبدالوهاب علي الحاج
Date: 07-23-2009, 09:03 PM
Parent: #6
ياجماعة
شكرا لمروركم
بس ما بقدر اتابع الردود على البوست دا
والـ 21 جنيه ما كتيرة عليكم خدوا راحتكم البوست بوستيكم
_____
مجدي الشيخ والله كنت نام ومعليش
هسه انا صاحي ومستعد للرد على اي اتصال
وتحياتي للعيال
|
Post: #38
Title: Re: زين عالـم قبيـح
Author: ذواليد سليمان مصطفى
Date: 07-26-2009, 08:50 PM
Parent: #9
مرحب عمي المنهوب
ان هذا النظام نظام نهب حديث
فى عالم الجريمة والاتصالات
وايضاً حدث لي فى مصر
حاولت الاشتراك فى (فودافون نت)
وبعد الاشتراك قالوا لي عندك (500)ميجابايت
وبعد هذا الفرح
فتحت النت وجاءك يا زول
تحميل وكلام بالماسنجر واسكاي بي
وونسة وددردشة
لمدة 6 ساعات
فاصبحت الصباح وجدة حسابي
صفر من الميجا بايت
فهذا النظام هو المصدر الحقيقي للاتصالات
فولدك برضؤ منكوب زيك
وانا فى مصر
|
Post: #11
Title: Re: زين عالـم قبيـح
Author: Magdi Ahmed Elsheikh
Date: 07-23-2009, 09:07 PM
Parent: #6
Quote: عما كباسه
يعنى بوست ناذر الوصل عشرومية صفحه داك كنت عميان منو
والله تستاهل . |
يكون عندو رطوبة ياعمك,,,,!!
_______________________________
وهبة الشركة ممكن ترفع عليك دعوي بعنوانك ده
قلت ليك اشتكيهم بعدين تعال!!
انت ما بتسمع الكلام مالك ياخ!!
|
Post: #13
Title: Re: زين عالـم قبيـح
Author: علاء الدين يوسف علي محمد
Date: 07-23-2009, 09:13 PM
Parent: #6
ياخ أنا مُمتكيِّف ليك كيف
كيف عجيب ذاتو
شِن قُلنا يا وهبة
لو كنت قِصيِّر معليش
لكن الطول دة كلو و ما تشتغل بي كلامي
أها تاني شمومة بس
تفتح الأون لاين و تكتفي بالعناوين فقط
واللهِ يا وهبة يوم السبت الصباح النت قطع
فتحتو من الموبايل
بس صفحة الأون لاين الرئيسية و ما فتحت أي بوست تصفُّح بس للعنواين من أول الصفحة لآخرها
يعني مسألة بتاعت أقل من خمس دقايق
خصم 5 جنيه
وزين برضو
بس أمانة لله في زين كونكت مُتعة
لكن إشتراك مفتوح
الشمومة دة بيدوي في داهية تشتغل أقل من المفتوح مليون مرة و تجيك فاتورتو مضروب حق داك في مليون
عجبني ليك
|
Post: #7
Title: Re: زين عالـم قبيـح
Author: حمور زيادة
Date: 07-23-2009, 09:02 PM
Parent: #5
المشكلة ما انك اتمقلبت.
المشكلة انو و لا يهمهم و ما بيأثر فيهم.
صراحة بستغرب في الماركتنق (يا قول تبلدينا) في البلد دي.
لما هو اساسا انت شغال باعتبار انو الحاجة بتبيع روحا و ما مهم راي الجمهور او المقالب البيخشو فيها .. طيب معين ليك ناس تسويق تهبب بيهم شنو ؟
كامل التضامن معاك يا وهبة.
خصوصا في موضوع انو الموظف قال ليك يا حاج دي.
و الله اظن يا حاج وجعتك اكتر من القروش.
|
Post: #10
Title: Re: زين عالـم قبيـح
Author: كمال علي الزين
Date: 07-23-2009, 09:05 PM
Parent: #3
(*)
زين ياوهبة زين
|
Post: #41
Title: Re: زين عالـم قبيـح
Author: ناذر محمد الخليفة
Date: 08-07-2009, 02:50 PM
Parent: #3
|
Post: #8
Title: Re: زين عالـم قبيـح
Author: مزمل خيرى
Date: 07-23-2009, 09:03 PM
Parent: #1
الخرطوم : 25 ابريل 2009م
حققت الشركة السودانية للهاتف السيار (زيـن) نجاحاً جديداً بفوزها بجائزة أفضل شركة فى تحقيق النتائج خلال فترة الربع الأول من العام الحالى 2009م من بين 22 شركة للهاتف السيار بمجموعة زين للاتصالات ، كما كانت من ضمن افضل الشركات بالمجموعة التى حققت جميع اهدافها للعام 2008م
وتسلم الجائزة المهندس / هشام عــلام المدير التنفيذى للعمليات فى زين_ السودان من الدكتور / سعد البراك المدير التنفيذى لمجموعة زين خلال الاجتماع نصف السنوى للمجموعة الذى يعقد حاليا بمنتجع ( مرسى علم ) على البحر الأحمر بجمهورية مصر العربية خلال الفترة من 24 الى 26 ابريل الحـــالى .
واثنى الدكتور سعد البراك على اداء زين_ السودان والتى استطاعت رغم تأثير الازمة المالية العالمية على اداء كل شركات الاتصالات ان تتجاوز اهدافها خلال الربع الاخير من العام 2008م والربع الاول من هذا العام 2009 م .
وهنـــأ الفريق طيــار / الفاتح عروة العضو المنتدب لشركةزيـــن_ السودان جميع منسوبى الشركة ومشتركيها بهذا النجاح ، مشيرا الى ان الاهداف التي تحققت وأدت لفوز الشركة كان في مقدمتها تجويد وتحسين وانتشــار خدمات الشركة بكل انحاء السودان مؤكدا أن هذا الانجاز يعود الفضل الاول فية لعائلة زين من المشتركين بالسودان الذين فاق عددهم 6 مليون مشترك فعلى ، مؤكدا أن هذا النجاح دليل على عافية مناخ الاستثمار فى السودان رغم ظروف الازمة المالية العالمية ، .
وجًـدد الفريق طيار / الفاتح عروة التزام الشركة وسعيها من أجل تقديم أفضل الخدمات لمشتركيها واسهامها الفاعل فى الاقتصاد السودانى مشيرا الى أن الفترة المقبلة ستشهد المذيد من التطوير وتقديم أفضل الخدمات وزيادة استثماراتها فى توسعة الشبكة بانحاء السودان كافة .
يذكر أن مجموعة زين تضم حالياً ٍ22 شركة لتقديم خدمات الهاتف السيار بافريقيا والعالم العربى .
_____________
خبر تناقلتة كل الصحف الصادرة فى الخرطوم فى صفحاتها الاولى والاخيرة
------------
وهية الكلام كلو برضو زين عالم قبيح
|
Post: #12
Title: Re: زين عالـم قبيـح
Author: Amin Mohamed Suliman
Date: 07-23-2009, 09:13 PM
Parent: #8
يا وهبه دايما مخجلني و فاضحني : ما ممكن تعلق فشلك في عدم قرايه شروط الخدمه علي زين !
زين عالم جميل شاء من شاء و أبي من أبي ! *
---------------------------------------
* الضبع الاسفيري أمين في حاله كسير تلج لزين عشان يشغلو معاهم !
|
Post: #15
Title: Re: زين عالـم قبيـح
Author: حذيفه ابراهيم الكباشي
Date: 07-23-2009, 09:20 PM
Parent: #12
سوف تتم المعالجه فقط لعيونك يا وهبه
..
|
Post: #14
Title: Re: زين عالـم قبيـح
Author: السيد المسلمي
Date: 07-23-2009, 09:17 PM
Parent: #8
وهبة ياعمك كدي روق المنقة حبة بس ،،
المشكلة مافي زين كخدمة ...أعتقد المشكلة كانت في المعلومة الغير مكتملة التي بنيت عليها إختيارك ،،
ــــــــ
دكتور مجدي سلامات ياحبيب ،
|
Post: #16
Title: Re: زين عالـم قبيـح
Author: Amin Mohamed Suliman
Date: 07-23-2009, 09:23 PM
Parent: #14
يا أبو السيد ، إنت الكراتين البيوزعها ياسر بيناوي فيها شنو ؟ لانو في البوست التاني انا طلبت من ياسر يدي وهبه وحده ، والله لو فيها إنترنتات ، يكون وهبه حظو !!
|
Post: #17
Title: Re: زين عالـم قبيـح
Author: السيد المسلمي
Date: 07-23-2009, 09:50 PM
Parent: #16
| Quote: والله لو فيها إنترنتات ، يكون وهبه حظو !! |
امين ياحبيب إنت عايز تخدمنا متين يعني !؟
عمك دا كرتونة واحدة بتروح تسليك في مكنتو الخردة دي لووووووووووووووووووووول ،
عشان يدور صاح إلا نجيب ليو كونتينر أو قندران مشحون بالكراتين...مونة عام يعني للضمان كدة .
أما حكاية الانترنت دي مافيها مشكلة ووهبة زاتو لياقة للسهر ماعندو لوووووووووووول.
ــــــــــــــــ
أمين ياخ جرجرتنا معاك ...غايتو الله يسامحك .
|
Post: #18
Title: Re: زين عالـم قبيـح
Author: Amin Mohamed Suliman
Date: 07-23-2009, 10:03 PM
Parent: #17
شوف يا أبو السيد ، انا عامل ليكم إنت و ياسر تهديد بهناك إنو وهبه ده كرتونتو تجيهو قبل التلات !!!
Quote: عشان يدور صاح إلا نجيب ليو كونتينر أو قندران مشحون بالكراتين...مونة عام يعني للضمان كدة .
أما حكاية الانترنت دي مافيها مشكلة ووهبة زاتو لياقة للسهر ماعندو لوووووووووووول.
|
عمك ده عشان يدور صاح ، بفتكر إنو تنزلو ليهو كرتونه صغيره بتاعت فياجرا مع قندراني الانترنتات عشان اللياقه القلتها دي !
Quote: أمين ياخ جرجرتنا معاك ...غايتو الله يسامحك .
|
موضوع الكراتين ده انا ما بخليو لحدي ما وهبه يستلم كرتونتو !! و حدكم التلات الفينا ده !!!
|
Post: #19
Title: Re: زين عالـم قبيـح
Author: Magdi Ahmed Elsheikh
Date: 07-23-2009, 10:11 PM
Parent: #18
وهبة شيش الشيشة زين,,!!
|
Post: #20
Title: Re: زين عالـم قبيـح
Author: السيد المسلمي
Date: 07-23-2009, 10:18 PM
Parent: #18
| Quote: بفتكر إنو تنزلو ليهو كرتونه صغيره بتاعت فياجرا |
ـــــ
بعد الوصفة السحرية دي ممكن وهبةتلقاهو تاني يوم فاتح ليهو بوست ...زين عالم جميييييل ،،
|
Post: #21
Title: Re: زين عالـم قبيـح
Author: Yassir Tayfour
Date: 07-23-2009, 11:32 PM
Parent: #20
عشان كده الفيس بووك رائق..
___
كما قال المثّل، كافي البلاء بالبليلة، ويا ناس زين بليلتكم في السلك..
|
Post: #22
Title: Re: زين عالـم قبيـح
Author: Amin Mohamed Suliman
Date: 07-24-2009, 00:17 AM
Parent: #21
Quote: عشان كده الفيس بووك رائق..
___
كما قال المثّل، كافي البلاء بالبليلة، ويا ناس زين بليلتكم في السلك..
|
بالله يا ياسر بدل ما تضامن مع وهبه جاي شمتان فيهو ؟
أبو السيد و ياسر بيناوي قالو ح يسلمو وهبه الكرتونه قبل التلات إنشالله ،و سمعت تحت تحت كده إنو رابطه معجبي وهبه بالخليج حا ترسل كرتونه الفياجرا ، عشان تاني مش الفيس بوك ، الإنترنت كلو يبقي هادي ! و عليك الله يا ياسر انسي موضوع البليله ده و أضرب لناس الخليج ديل أعرف لينا منهم بالظبط ح يرسلو الكرتونه دي بتيين ؟
|
Post: #23
Title: Re: زين عالـم قبيـح
Author: شول اشوانق دينق
Date: 07-24-2009, 08:29 AM
Parent: #22
يعنى هسى يا عمك ناس زين ديل اجليهم لانى كنت عايز اشترك معاهم (وش جادى جداً + مزمل يمتنع)
|
Post: #24
Title: Re: زين عالـم قبيـح
Author: Muna Khugali
Date: 07-24-2009, 09:48 AM
Parent: #23
والله يا عبد الوهاب عندكم نظم غريبة جدا تشيل قروش كتيره وخدماتها مش ولابد!
الانتونت هنا 24 ساعة في البيت وكلها عشرين استرليني في الشهر..عندك مشكله فيه ونادرا ما يحدث ذلك..
تتصل بالتلفون بدون ما يحاسبوك علي المكالمه..بمهندسين الشركه..موجودين في الهند..يتابعوا معاك خطوه خطوه لغاية ما يتصلح..
ويشكروك كمان!
20 استرليني يعني افتكر 80 ألف سوداني..اسه في نسبة بين عندنا وعندكم؟؟
غير كده بالله اكلوا لي شية قندهاريه معاكم!
|
Post: #25
Title: Re: زين عالـم قبيـح
Author: الحاج حمد الحاج
Date: 07-24-2009, 03:03 PM
Parent: #24
| Quote: مؤكدا أن هذا الانجاز يعود الفضل الاول فية لعائلة زين من المشتركين بالسودان الذين فاق عددهم 6 مليون مشترك فعلى |
وهبة الحمد لله ما قلت زين عائلة قبيحة كان راس السوط وصلك ، كامل تضامني معك
|
Post: #26
Title: Re: زين عالـم قبيـح
Author: saif massad ali
Date: 07-24-2009, 03:26 PM
Parent: #25
وهبة
طيب المشكلة وين شيل ورقك وامشي مكتب حماية المستهلك
وارفع ضدهم شكوي يرجعو ليك فلوسك ويتابعو معاك كمان طريقة الناس ديل في تعاملهم مع المستهلك المسكين
عالم عجيبة وغريبة شويه
|
Post: #27
Title: Re: زين عالـم قبيـح
Author: عبدالوهاب علي الحاج
Date: 07-24-2009, 05:40 PM
Parent: #26
| Quote: طيب المشكلة وين شيل ورقك وامشي مكتب حماية المستهلك |
الاخ ود مساعد
تحياتي
للأسف الحكومة هنا تحمي المنتج او بائع الخدمة فقط
تتخيل ناس سوداتل زمان كان عندهم محكمة ونيابة متخصصة للنظر في امر مخالفات المشتركين
ولا عزاء للمستهلك...
موظف شركة زين اكد لي ان الـ Browsing ما عليهو رسوم تذكر واكد لي اني لو ما عملت Download او Upload الـ 51 جنيه بتاعتك دي بتقضيك الشهر كلو وانا اتجنبت تماما حكاية الابلود والداونلود وبرضو حاسبوني بـ 7 جنيه للساعة شفت كيف ؟
ولا نقول الا حسبنا الله ونعم الوكيل
|
Post: #28
Title: Re: زين عالـم قبيـح
Author: عبدالوهاب علي الحاج
Date: 07-24-2009, 06:09 PM
Parent: #24
| Quote: 20 استرليني يعني افتكر 80 ألف سوداني..اسه في نسبة بين عندنا وعندكم؟؟ |
العزيزة منى خوجلي
كيفك وكيف ايامك واتوحشناك يعلم الله
للاسف نحن في بلد تغض الطرف عن اي شئ من شأنه اذلال المواطن
لا رقابة على السلع المباعة للاسف طالما ان الجهة المستثمرة تدفع الضرائب بانتظام وتقدم كل فروض الولاء والطاعة
آخر همومها المواطن ..لا رقابة ولا حماية للمستهلك ..
|
Post: #29
Title: Re: زين عالـم قبيـح
Author: Magdi Ahmed Elsheikh
Date: 07-24-2009, 07:15 PM
Parent: #28
وهبة,,
تناقلت وكالات الانباء ان مشكلتكم في طريقها للحل,,,
يحلنا الحلا بلة او كما قال..!!
غايتو جاكم ,,
والله اداكم,,
ماتنسي حق ابوعلوة والريس,,
وحقي عفيتو ليك,,
غايتو جنس غايتو (وش مسنن)
------------------------------------------
اها ح تستلم بالاسترليني !!!
|
Post: #30
Title: Re: زين عالـم قبيـح
Author: Hassan Makkawi
Date: 07-24-2009, 07:19 PM
Parent: #28
Quote: سوف تتم المعالجه فقط لعيونك يا وهبه
|
كفو يا حذيفة
مع حذيفة عادت زين لعالم الجمال!!!
___________________________
عيون وهبة بالنظارة ولا من غير؟؟؟
|
Post: #31
Title: Re: زين عالـم قبيـح
Author: Magdi Ahmed Elsheikh
Date: 07-24-2009, 07:28 PM
Parent: #30
| Quote: عيون وهبة بالنظارة ولا من غير؟؟؟ |
ح يسمكروها بالليزر ياعمك....!!!
|
Post: #33
Title: Re: زين عالـم قبيـح
Author: Hassan Makkawi
Date: 07-24-2009, 07:53 PM
Parent: #31
| Quote: ح يسمكروها بالليزر ياعمك....!!! |
قصد وهبة سمكرى العيون
وقاليهو خليك حنون
بالليزر ممكن يكون
فاتورتى قلبت جفون
ولحبيبى ما ظن أخون
أنقذنى من الجنون
وحرمونى جنبك أكون
_______________
هاكونا متاتا
|
Post: #32
Title: Re: زين عالـم قبيـح
Author: ناذر محمد الخليفة
Date: 07-24-2009, 07:52 PM
Parent: #28
وهبة !!
Quote: موظف شركة زين اكد لي ان الـ Browsing ما عليهو رسوم تذكر واكد لي اني لو ما عملت Download او Upload الـ 51 جنيه بتاعتك دي بتقضيك الشهر كلو وانا اتجنبت تماما حكاية الابلود والداونلود وبرضو حاسبوني بـ 7 جنيه للساعة شفت كيف ؟
|
أنا زمان كتبت إنو موظقين شركات الاتصالات ديل قاعدين في الصقيعة ساي وما مؤهلين ولا فاهمين حاجة !!
لانو لو كانوا فاهمين أدنى أبجديات شغلهم دا كان مفروض يوروك إنو البراوزنق زاتو عبارة عن داون لود..
لكن شركات الاتصالات بتختار موظفيها من طرف بدون تأهيل كافي ولا تثقيف كافي حتى ..!!
صنفرة :
زين عالم شين يا وهبة .. شين شناة العدو ..!!
|
Post: #34
Title: Re: زين عالـم قبيـح
Author: يوسف الولى
Date: 07-24-2009, 09:37 PM
Parent: #32
بالمناسبه دى
يا ريت واحد يدينا شويه معلومات عن الاسعار والخيارات المتوفره فى السودان للاشتراك فى النت
ويا ريت تفصيل السرعات والاسعار بالجنيه القديم لانو الجديد ده لسه ما مفهوم بالنسبه لينا
وشكر شديد مقدما
|
Post: #35
Title: Re: زين عالـم قبيـح
Author: haroon diyab
Date: 07-25-2009, 09:09 AM
Parent: #34
وزين عالم جميييييييييييييييل
وفوووووووووووووووووووووووووق
عشان خاطر زيييييييييييييييييين
رشوا الرشاشة.....!!!!
عافي منكم
عشان تاني تتصمرقع
كاااااااااااااااااااااااكـ
|
Post: #36
Title: Re: زين عالـم قبيـح
Author: Hassan Makkawi
Date: 07-25-2009, 07:37 PM
Parent: #35
| Quote: والخيارات المتوفره |
يا عمك
حسب كلام وهبة هى خيارة واااااااحدة!!!!
|
Post: #37
Title: Re: زين عالـم قبيـح
Author: فادية اليمني
Date: 07-26-2009, 07:56 AM
Parent: #36
حــاج وهبة
قلت لي زين مالها؟
خليك زين
|
Post: #39
Title: Re: زين عالـم قبيـح
Author: ناذر محمد الخليفة
Date: 07-27-2009, 07:10 AM
Parent: #37
زين عالم شين ..!!
|
Post: #40
Title: Re: زين عالـم قبيـح
Author: Magdi Ahmed Elsheikh
Date: 07-28-2009, 10:50 PM
Parent: #39
اشرح لو سمحت.....!!
وما هو دليلك ناذر اخوي...!!
في انتظارك,,!
|
Post: #42
Title: Re: زين عالـم قبيـح
Author: Amin Mohamed Suliman
Date: 08-07-2009, 04:01 PM
Parent: #40
إنتو يا أخوانا مش كان في مداخلات بعد يوم 28/7 ده ؟ البوست ده شكلو إنترم !!
|
Post: #43
Title: Re: زين عالـم قبيـح
Author: ناذر محمد الخليفة
Date: 08-08-2009, 05:12 PM
Parent: #42
تشابه عليك البقر يا أمين ..
داك بوستي البي هناك بتاع زين ومسلسل سخافاتها ..
ما دا البيوضح قبح زين ...!!
وفي البوستين الشناة واردة ..
|
Post: #44
Title: Re: زين عالـم قبيـح
Author: أمين محمد سليمان
Date: 08-09-2009, 03:06 AM
Parent: #43
Quote: تشابه عليك البقر يا أمين ..
|
يا أبو النا
كلامك صاح والله تشابه علي البقر ، اتاريك ما براك الشاني حرب علي زين ، معاك عم وهبه !
|
Post: #45
Title: Re: زين عالـم قبيـح
Author: ناذر محمد الخليفة
Date: 08-09-2009, 07:49 PM
Parent: #44
|
|