Post: #2
Title: Re: سفارى يرقص عجين الفلاحة ... يوجد فيديو
Author: كمال عباس
Date: 07-20-2009, 05:23 PM
Parent: #1
سلام برير
دي لقطة من ماتش كورة والله من صبحية?
|
Post: #5
Title: Re: سفارى يرقص عجين الفلاحة ... يوجد فيديو
Author: برير احمد إبراهيم
Date: 07-20-2009, 06:12 PM
Parent: #2
قالوا ياكمال كرومى كان بيغنى ليهو اللول اللول
|
Post: #3
Title: Re: سفارى يرقص عجين الفلاحة ... يوجد فيديو
Author: برير احمد إبراهيم
Date: 07-20-2009, 05:24 PM
Parent: #1
اللقطة الفكاهية الاخرى هي تلك التى اوقف فيها ود املبينا الكرة امام
سفاري لمدة تجاوزت العشرين ثانية بمقياس الرجفة الدلاقينية...
} وهيا ادخلوا معي لمضابط الحوار القادم ..
امبيلي:.تعال يا ولد ..؟
} سفاري: ..ايوه داير شنو..؟
} امبيلي: ..انت اسمك منو يا شاطر..؟
} انا سموني سفاري ...
} امبيلي:.. جاري من شنو يا ولدي..؟
سفاري:..قلت ليك سفااااري انت ما بتسمع..؟
امبيلي: ..طيب براحا ما تزعل يا قشاري قول لي عمرك كم..؟
سفاري:..انا قدر دامر وأكبر من العجب واصغر من طمبجا...
امبيلي: ..يعني دفعتك ناس عاكف عطا..؟
سفاري: ..لا دفعتي ناس عقيد..!
امبيلي:..قلت لي يا ولد بتقرا في سنة كم...؟
سفاري:..وانا لو كنت بقرا كان حالي مدافع للدلاقين وحاتك كانت
سماعتي مربطة في اضني وصفوف العيادة بالعشرات...
امبيلي:...طيب يا قشاري صحي سرقوا موبايلك وفتحت بلاغ...؟
سفاري:..القال ليك منو...؟
امبيلي:...خليك من القال لي منو صاح ولا ما صاح...؟
سفاري:...ايوه صاح فقدت موبايلي والله الشالو دا ما اخليه ليوم
الدين..
امبيلي:...طيب انت فقدته وين..؟
سفاري: ..فقدته في المعسكر..
امبيلي: ..طيب المعسكر دا ما كبير في ياتو حتة بالظبط انت فقدته..؟
سفاري:...يا زول انت مقلّب عليِّ المواجع مالك..؟
امبيلي:.. كنت نايم ..؟
سفاري:..ياخي عليك الله مرر الباص او املصا بي جاي او شوت في
القون ريِّحني من العذاب دا..
امبيلي:..كدي روق شوية واهدأ لانك مطيع ما حا ابهدلك وحا أمرر
الكورة بس قول لي إنت خاتي زول في راسك يكون شالو...؟
سفاري:...عليك الله يا امبيلي خلي السخافة المسألة دي طولت وناسكم
بقوا يضحكوا وانا لو بضمن اشيلا كنت نطيت في رقبتك مرر ياخي
خلصنا وبلاش تزيد الامي اصلو انا كنت منتهي في سيكافا بسبب
موضوع الموبايل وما داير ادبل زعلة الجمهور مني حركنا يا خي انا
شايف القيصر هنااااك اديها ليهو وخليني اتخارج وتاني والله لو
جيتك اكون جنيت على نفسي...
امبيلي:...طيب توعدني تديني المعلومة كاملة بعدين..؟
سفاري: وحات الله أوريك أي شى بس انت اوعدني ما تكلم زول عشان
لمن فتحت بلاغ فتحوا فيني جحيم ...
امبيلي:..خلاص عفيتك وربنا يرجع المفقود..يا قيصر هاك الباص دا..!
منقووول من عمود شريان رياضي
|
Post: #4
Title: Re: سفارى يرقص عجين الفلاحة ... يوجد فيديو
Author: حيدر حسن ميرغني
Date: 07-20-2009, 05:27 PM
Parent: #3
شغل تمام
|
Post: #6
Title: Re: سفارى يرقص عجين الفلاحة ... يوجد فيديو
Author: كمال عباس
Date: 07-20-2009, 10:02 PM
Parent: #4
Quote: امبيلي: ..انت اسمك منو يا شاطر..؟
} انا سموني سفاري ...
} امبيلي:.. جاري من شنو يا ولدي..؟
سفاري:..قلت ليك سفااااري انت ما بتسمع..؟
امبيلي: ..طيب براحا ما تزعل يا قشاري قول لي عمرك كم..؟
سفاري:..انا قدر دامر وأكبر من العجب واصغر من طمبجا |
...
|
Post: #7
Title: Re: سفارى يرقص عجين الفلاحة ... يوجد فيديو
Author: حمزاوي
Date: 07-21-2009, 06:45 AM
Parent: #6
| Quote: وانا لو كنت بقرا كان حالي مدافع للدلاقين وحاتك كانت |
دا ياهو اسلوبكم
فعلاً جلافيط
|
Post: #8
Title: Re: سفارى يرقص عجين الفلاحة ... يوجد فيديو
Author: haroon diyab
Date: 07-21-2009, 06:54 AM
Parent: #7
| Quote: منقووول من عمود شريان رياضي |
كما توقعت.....!!!!!
|
|