شـر البلية ما يقطع القلب .. مشروع الربط الكهربائى السوداني الأثيوبي !!؟

..
.

Quote: السودان ما هذا السودان!!؟

كما وصفه طلحه جبريل فى احد اعمدته يوما ما ..

بلد يعبره أراضيه اطول انهار العالم واعذبها
وتهطل الامطار فيه بغزارة شهور عده ويعانى سكانه
من الجوع والعطش ..
حقيقة هذا بلد المتناقضات على مر الدهور والحكومات
ثورة فى السدود _ او كما قيل _ وقطوعات مستمرة فى التيار الكهربائى
بل هناكـ تعديل مرتقب فى فاتورة شراء الكهرباء المدعومه
اخر البدع او المتناقضات ..
وحيث يعانى المواطن فى العاصمة
بل فى كل انحاء البلاد .. بنقص فى التيار الكهربائى
تلك الخدمة التى صارت فى معظم الاقطار كالهواء الذى نتنفسه
حتى انك لا تذكر ان هناك شئ اسمه كهرباء فهى من البديهيات
نسمع بمشروع الربط الكهربائى مع اثيوبيا لاخر نقطه على الحدود
وهى مدينة القلابات السودانية والمتمه الحبشية ..
وهو فى اخر خطواته للانتهاء ..!!!

Quote: تم بالقلابات الشرقية بولاية القضارف أمس الأول تركيب آخر برج في مشروع الربط الكهربائي الاثيوبي الذي تنفذه الهيئة القومية للكهرباء بتمويل من بنك التصدير والاستيراد الهندي بقرض قيمته 25 مليون دولار وتسعه مليون دولار تمويل محلي وقال المهندس صديق هارون عبدالله مدير موقع مشروع الربط الكهربائي في تصريح (لسونا) ان البرج الذي تم تركيبه اليوم يقع في آخر نقطة حدودية مع الجارة اثيوبيا وعلي بعد بضع مئات الامتار منها واشار ان المشروع في عمومياته عبارة عن خط ناقل KV 220 بطول 157 كيلو متر يمتد من مدينة القضارف حتي القلابات مبينا ان هذا الخط يتكون من 407 برج بالاضافة الي دائرتين للكهرباء بمحطة القضارف الفرعية الجديدة واعلن سيادته انه من المؤمل الفراغ من تركيب كل خطوط نقل الكهرباء بنهاية العام الحالي ويتم افتتاح مشروع الربط الكهربائي السوداني الاثيوبي في الربع الاول من العام القادم وذلك بالتنسيق مع جهات الاختصاص في الجارة الاثيوبية. سونا

http://www.rayaam.info/News_view.aspx?pid=582&id=43940

نحن لا ندرى ماهى الجدوى الاستراتيجية من ربط اثيوبيا والتى ينبع منها
هذا النيل العظيم ..؟؟
ولا الفائدة العائدة لنا من توزيع تيارنا المتقطع للاخرين ..؟؟
وهل اكتفينا ذاتيا نحن فى منازلنا ومصاتعنا ومشاريعنا حتى نمد هذا الخط
بملايين الدولارات ..؟؟
اما كان اجدى ان يستفاد من هذه الميزانية فى اكمال الفشل الذريع الحالى؟؟
الم يفكر المهندس/مكاوى محمد عوض مدير الهيئة القومية للكهرباء فى توفير
الكهرباء للمصانع والمنازل بدلا عن هذه الجدوله والقطوعات المستمرة؟؟
وبعد ما نتربط بالجارة ؟ ماذا نتستفيد نحن ؟؟
اثيوبيا دى غير العماله الغير قانونية وممارسة الوظائف الهامشية لفتياتها
الجميلات ماذا نتستفيد منها ؟؟
________

يا خلق يا حكومة ..الزاد لو ما كفى اهل الدار
حرم على الجيران ..!!

تبلدينا
في حاجة ما مفهومة في مشروع الربط الكهربائي ده
وقدر ما فتشته عنو في النت ما طلعته بي شي .. وقبل ما
نشوت في البوست ده ونكون بره الشبكة كدي النفهم
الشي ده هل هو تصدير وللا إستيراد
الرد الرد ... السد السد .... السودان يستورد كهرباء من أثيوبيا !!

..
.
سلام يا صلاح
والله ما تجاهل بس
ياخى والله الينك الختيتو دا
اعتبرت بيهو البوست دا محروق ..
فما حبيت اواصل فيه ما دام فى نقاش فى بوست تانى
ورغم عدم قناعاتى بمفاهيم محمد سليمان لكن قلت انسى الفكرة

وبعد دا ماطلعت باجابة

Quote: الشي ده هل هو تصدير وللا إستيراد

ما اعتقد الموضوع استيراد ..
معقولة كل (ثورة السدود) مروى - كجبارالشريك
تعلية الروصيرص وكمان نستورد ..
رغم تريج التصدير
بس بطرح تساؤل يعنى الشلالات واندفاع المياه
لتوليد الكهرباء فى الهضبة الاثيوبية اقوى ولا فى المناطق المنبسطه ؟؟

__________

عموما اقتصادنا وجغرافيتنا طلعونا منها
بيش ساااى ..

اها نشوفكـ فى دهليز اخر..

دكتور تبلدينا،
تحياتي،

في حوار جرى بيني وبين بعض الأخوة الإثيوبيين هنا في أمريكا
عن مشروع الربط الكهربائي السوداني الإثيوبي توقفنا عند
نقطة من الذي يمد الآخر بالكهرباء السودان أم إثيوبيا؟!!
الإثيوبيون يقولون حكومتهم هي التي تمد السودان بالكهرباء..
ولكنني ذكرت لهم العكس بأن السودان هو الذي يمد إثيوبيا
بالكهرباء.

Quote: وبعد ما نتربط بالجارة ؟ ماذا نتستفيد نحن ؟؟ اثيوبيا دى غير العماله الغير قانونية وممارسة الوظائف الهامشية لفتياتها الجميلات ماذا نتستفيد منها ؟؟

مع إحترامي يا دكتور تبلدينا كلامك الذي ذكرته عن الكهرباء
كان جميل لكن الفقرة المذكورة أعلاه بصراحة (ما عجبتني)!
خلو الناس في حالها.