Post: #1
Title: أليس من الأفضل تقسيم سودانيزأونلاين إلى منابر!
Author: Elbagir Osman
Date: 07-19-2009, 07:13 PM
Parent: #0
منبر رياضي
منبر سياسي
منبر أجتماعي
منبر ثقافي فني
الخ
إضافة إلى المؤسسة الخيرية
بهذه الطريقة تصبح المساهمات والمتابعة أسهل
ولا يثقل إهتمام على الأخر
الباقر موسى
|
Post: #2
Title: Re: أليس من الأفضل تقسيم سودانيزأونلاين إلى منابر!
Author: علاء الدين محمد بابكر
Date: 07-19-2009, 09:06 PM
Parent: #1
اخوي الباقر..
انت موضة التقسيم الماشة في البلد شنو؟
حسي يجيك واحد ناطي يقول ليك نعمل لكل قبيلة منبر..
تعرف انا ما بفهم في الكورة لكن وسط الجوطة اتثقفت..لو بقت براها عمري ما افتحها
|
Post: #3
Title: Re: أليس من الأفضل تقسيم سودانيزأونلاين إلى منابر!
Author: Elbagir Osman
Date: 07-19-2009, 09:10 PM
Parent: #2
أهلا علاء
أنا فعلا بقصد أخوانا بتاعين الكورة
أنا ما بفهم عناوينهم
وأظن عناوين المواضيع السياسية تثقل عليهم
فلماذا لا يستمتع كل
بمنبر خالص لموضوعه المفضل
ويمكنه ها مرة مرة الإطلال على المنابر الأخرى
مع الود
الباقر
|
Post: #4
Title: Re: أليس من الأفضل تقسيم سودانيزأونلاين إلى منابر!
Author: حبيب نورة
Date: 07-19-2009, 09:10 PM
Parent: #1
والله دة أحلا إقتراح
الداير السياسة
وعكازي وعكازك
يشيل درقتوا و يمشي
والبحب الباسطة
يلقاها بالسمنة
والداير الشعر
يمشي سوق عكاظ
وكدة نكون ظبطنا امورنا
وكل زول ينام علي الجنب البريحو
ونفضها سيرة
علي اليمين الراجل دة بقول كلام زي الفل
|
Post: #5
Title: Re: أليس من الأفضل تقسيم سودانيزأونلاين إلى منابر!
Author: ALazhary2
Date: 07-19-2009, 09:56 PM
Parent: #4
.
.
خلوه كده زي أكلة (القطر قام) أو زي فلم : (سمك لبن تمر هندي)
.
.
|
Post: #6
Title: Re: أليس من الأفضل تقسيم سودانيزأونلاين إلى منابر!
Author: محمد الامين احمد
Date: 07-19-2009, 09:57 PM
Parent: #4
تحية طيبة للجميع
Quote:
تعرف انا ما بفهم في الكورة لكن وسط الجوطة اتثقفت..لو بقت براها عمري ما افتحها
|
و ده الهدف يا عزيزى و جاك الجواب ، عارف فى ناس دخلت هنا و هى ما بتعرف سودانى
و اتعلمو من هنا ، فى ناس دخلت و ما بتعرف سياسة ، و شوية شوية فهمو من هنا
و فى ناس ميح فى الفن ، و شوية شوية بقو يدندنو مع الناس الهنا ، فى ناس ما كان ليها
فى الدين ، و برضو اتعلمو من هنا ، و الامثلة على كده كتير
ما يميز سودانيز اون لاين انها تمثل نبض الشارع السودانى ، يعنى يوم الكورة تلقى المنبر كلو كورة
يوم يكون فى حدث سياسى او محلى معين بتلقى المنبر كلو هايج بالموضوع ده ، بصورة مصغرة
عن الشارع السودانى بكل اطيافو ، و فى ناس كتير اتعلمت فن التعايش هنا، و تلقاهم من اتجاهين
مختلفين ، لكن بسبب المنبر ده اتداخلو ، فى ناس من نوع يقول ليك ، يا اخ انا ما لى دعوة بـ السياسة
و النقاشات الدينية ، خلونى فى الونسة و الكورة و الطرب و بس ، شوية شوية بلقى نفسو مجبر
يعرف عن الاخبار حتى و لو من العناوين بس ، و نفس الحالة لناس السياسة و الدين الا ما يدخلو كده
و لو بالغلط فى بوست رياضى او علمى او نكت حتى ،
سودانيز اون لاين ، سرها فى خلطتها
خلونا كده اجاركم الله
|
Post: #7
Title: Re: أليس من الأفضل تقسيم سودانيزأونلاين إلى منابر!
Author: Muna Khugali
Date: 07-19-2009, 10:52 PM
Parent: #6
لا لا..نفضلها هكذا..
مختلطة بوستاتها ومختلفة مواضيعها..
قهذا ما يجعل لسودانيزاونلاين شكل تكافل أكبر..وتوعيه اكثر وترفيه أجمل..
ان قسمها بكري الي منابر فانهه تموت بعد أن تفقد خاصيتها وروحها..
وعلي كل حال من كتب موضوع مرغوب به سياسيا او اجتماعيا او دينيا او من اي نوع..
وكان له قراءه.فانه لن يبعد من الصفحات الاولي..
واذا بعد..فمن الممكن أن يرجع للصفحات الاولي بمشاركه..
واذا مافي مشاركة يبقي هو اساسا بقي مافي ليه أهمية أو انتهت مهمته..
ولا شنو؟؟
تحياتي..
|
Post: #8
Title: Re: أليس من الأفضل تقسيم سودانيزأونلاين إلى منابر!
Author: ناذر محمد الخليفة
Date: 07-19-2009, 11:14 PM
Parent: #7
Quote:
.
.
خلوه كده زي أكلة (القطر قام) أو زي فلم : (سمك لبن تمر هندي)
.
. |
|
Post: #9
Title: Re: أليس من الأفضل تقسيم سودانيزأونلاين إلى منابر!
Author: معتصم مصطفي الجبلابي
Date: 07-19-2009, 11:24 PM
Parent: #8
اثنى هذا الاقتراح
|
Post: #10
Title: Re: أليس من الأفضل تقسيم سودانيزأونلاين إلى منابر!
Author: Elbagir Osman
Date: 07-20-2009, 00:34 AM
Parent: #9
| Quote: و فى ناس كتير اتعلمت فن التعايش هنا، |
ربما كان هذا أقيم ما في سودانيزأونلاين
وأنا أشهد عليه
..
مسألة أجتذاب عناوين الإهتمامات الأخرى
لمهتمين جدد ...
زي البدخل الدكان عشان يشتري حاجة واحدة
تجذبه المعروضات الأخرى..
يجوز
....
يمكن أنا ذاتي قلت الكلام دا في موجة مواضيع رياضية
ربما لم أشعر بشعور الآخرين عندما تسود مواضيع سياسية
و
مرحب بمزيد من الآراء
الباقر
|
Post: #11
Title: Re: أليس من الأفضل تقسيم سودانيزأونلاين إلى منابر!
Author: Amin Mohamed Suliman
Date: 07-20-2009, 00:47 AM
Parent: #10
الذ حاجه الناس بتناقش كانو بكري ح يشتغل بيكم !!!
|
Post: #12
Title: Re: أليس من الأفضل تقسيم سودانيزأونلاين إلى منابر!
Author: وجن
Date: 07-20-2009, 00:53 AM
Parent: #10
لما أدخل أى منتدى آخر والقاهو مقسم حتى ولو سوداني ما بقدر أقرأ منو ولا حرف
بجرى منو جرى زي الجاري وراي زول
وأول ما أرجع سودانيز أون لاين بشيل نفسى
وبحمد الله إن وصلت بر الآمان
عاجبني كده
لكن لو لقيت طريقه بس شيل لينا الحاجات المرصرصه فوق دي جاطت لينا بيتنا حبه
ضايروها كده ولا كده إن شاء الله في آخر الصفحة
عارفاها مانشتات مهمه لكن كتيره ياخ
|
Post: #13
Title: Re: أليس من الأفضل تقسيم سودانيزأونلاين إلى منابر!
Author: Elbagir Osman
Date: 07-20-2009, 01:06 AM
Parent: #12
طيب
ممكن نستمر كمنبر واحد
وطبعا لكلا الوضعين فوائد
..
بس أخوانا بتاعين الرياضة يساعدونا شوية
بالعناوين المفهومة
يعني لغة "الرش" و"أححححح"
ما ممكن تجذبني لموضوع رياضي
ممكن أقرأ عنوان مثل "لهذه الأسباب أتوقع فوز الفريق الفلاني"
او نقد لمدرب أو إدارة نادي أو أسلوب لاعب أو قوانين منافسة
الباقر
|
Post: #14
Title: Re: أليس من الأفضل تقسيم سودانيزأونلاين إلى منابر!
Author: محمد عبد الماجد الصايم
Date: 07-20-2009, 10:05 AM
Parent: #13
| Quote: أنا فعلا بقصد أخوانا بتاعين الكورة |
يا عمكـ
ناس الكورة ديل كلامهم حار!
ما تنشبكـ فينا وبعدين نتلوم معاكـ!
|
Post: #15
Title: Re: أليس من الأفضل تقسيم سودانيزأونلاين إلى منابر!
Author: محمد أبوالعزائم أبوالريش
Date: 07-20-2009, 10:24 AM
Parent: #14
Quote: يعني لغة "الرش" و"أححححح"
ما ممكن تجذبني لموضوع رياضي |
الأخ الباقر ...
فاهمك تماماً .. ولأني ما بفهم في الكورة ده تقريباً بيعبّر عني .. لكن .....
صدّق أو لا تصدّق .. دي العناوين البتجذب ناس الكورة، وهي ثقافة قايمة بي ذاتها، وخلي واحد من بتاعين الكورة يحكي ليك عن (دار الرياضة - أم درمان) .. عالم قايم بي ذاتو .. وهي دي المفردات المستخدمة .. وهي ملح أجوائهم.
بس حقيقة عندي ملاحظة أرجو يسمعوها مني (بعد ما وقفت في صفّهم وكدا). يعني تكون في كورة هسة شغّالة على الهواء .. واحد يفتح بوست يقول (جبنا فيكم قون يا رشاشات) .. بعد شوية واحد تاني يفتح بوست يقول (أحي انا .. جبنا الدرون)، يعني كل بوست بيحكي لحظة من لحظات المباراة، وبالطريقة دي ممكن لحدي نهاية المباراة يكون إتفتح 90 بوست (عمر المباراة 90 دقيقة)، في حين إنو بوست واحد ممكن يجمع كل الآراء والمناكفات والمكاواة المحببة للجميع.
والاّ مش!
|
Post: #16
Title: Re: أليس من الأفضل تقسيم سودانيزأونلاين إلى منابر!
Author: tmbis
Date: 07-20-2009, 10:25 AM
Parent: #14
Quote: منبر رياضي
منبر سياسي
منبر أجتماعي
منبر ثقافي فني |
..
| Quote: ما تنشبكـ فينا وبعدين نتلوم معاكـ! |
Quote: يعني لغة "الرش" و"أححححح"
ما ممكن تجذبني لموضوع رياضي |
.. يعني يا باقـر الناس تتونس ونسة دقاقة انصاص الليالي ما تلقى البونسك لتقل في دمك السياسي ، تجي تشبكم قاعدين تتونسو ونسه ناعمة مع البنات ..، التكسي يرش ناس المريخ زووط .. تجي تقول زووط دي زاتو ما سمعت بيها .. وفي النهاية عايز كمان تقسم لينا المنبر لي خلايــا..؟؟
إنتو يا جماعة نوعية ناس باقر دي ما دخلت استاد الخرتوم قبل كدا واكلت قصب سكر وتبش بي شطـة ..؟
والله يا باقـر حظك سمح .. تعرف نوعيتك دي كان جات داخله دار الرياضة .. ذات دقسة .. والله ناس عثمان موسى وكمال افرو يشبكوك ( وهـ وهـ وهـ ) .. يا زهرة .. نقط نقط نقطك جـا .. يا زهرة نقط نقط نقطك جا .. والله الفي راسك تطير ..
ياخ مالك مال الكورة يا باقر .. خليك في سياستك وفي لافتاتك دي حسع انت المنبر العام دا يعني خلالاص ماليهو حاجات مفيده حتين تجي تقسمو ..؟
فكنا ياخ عليك الله ..
|
Post: #17
Title: Re: أليس من الأفضل تقسيم سودانيزأونلاين إلى منابر!
Author: عبدالكريم الامين احمد
Date: 07-20-2009, 01:09 PM
Parent: #16
يازول المنبر ده كده كويس جدا وبعبر بكل حاجاتو عن نبض الاشياء بدلالاتها ولغتها وروحها..
وناس الكورة من حقهم يجو يكتبو يوقلو (احييييي ووووييييييي وكاااااك)
وناس السياسة والمثقافتية من حقهم ايضا يجو يشكبونا (حيت انو واعتقد وايضا وكذلك ..والهامش والمركز وشرعية وشيوعية وكيزان وانصار سنة)..
ناس الثقافة والادب برضو ليهم الحق في الحديث عن البنفسج في شعر فلان الفلاني واندياح الالوان في اركلوجيا شعر ادونيس ونقد العقل الوين كده ماعارف الثقافي..
وناس الدين برضو يدونا لمحة عن الصراع الشعيي السني ..وفقه الضرورة ونسمع لينا حديث عن عام الرمادة..
سودانيز كده مية مية واي محاولة تنميطه وفرض حالات الاخريين المزاجية حيبوظ وببقي اخير عدمو..
ومن اراد تفعيل اهتماماته فليكتب فيها ويجد لها رواجا وجماهير وجمهور
|
Post: #18
Title: Re: أليس من الأفضل تقسيم سودانيزأونلاين إلى منابر!
Author: محمد عبد الماجد الصايم
Date: 07-20-2009, 01:20 PM
Parent: #17
| Quote: إنتو يا جماعة نوعية ناس باقر دي ما دخلت استاد الخرتوم قبل كدا واكلت قصب سكر وتبش بي شطـة ..؟ |
أنا لا أعتقد!
بيكون دخل بس الوداهو دقسو ووقفوا في السلكـ!
|
Post: #19
Title: Re: أليس من الأفضل تقسيم سودانيزأونلاين إلى منابر!
Author: جعفر محي الدين
Date: 07-20-2009, 01:31 PM
Parent: #18
أنا أتفق مع أبو العزائم
يعني ما في داعي موضوع واحد سواء أكان كروي أو سياسي أو اجتماعي ينداح في المنبر ويغرقوا لأخمص صفحاته
لذا نرجو من الأخوة المشاركين في المنبر محاولة قراءة عناونين المنبر الأخيرة قبل افتراع خيط جديد
وبذلك يمكننا حصر النقاش داخل بوست واحد ونضمن لهذا البوست البقاء عاليا،
فأحيانا كثيرة تسقط بوستات غنية بالمعلومات فقط لأن هناك عنوان آخر يشبهها قد يكون كاتبه من أصحاب الحظوة أو عنده رهط مقدر.
|
Post: #20
Title: Re: أليس من الأفضل تقسيم سودانيزأونلاين إلى منابر!
Author: ناذر محمد الخليفة
Date: 07-20-2009, 02:07 PM
Parent: #19
Quote: أنا لا أعتقد!
بيكون دخل بس الوداهو دقسو ووقفوا في السلكـ! |
نسأل الله السلامة من وقوف السلك ..!!!
|
Post: #21
Title: Re: أليس من الأفضل تقسيم سودانيزأونلاين إلى منابر!
Author: ممدوح أبارو
Date: 07-20-2009, 02:34 PM
Parent: #20
عارف يا الباقر دي ميزة البورد إنو شامل
ولو إتقسم حيبقي ذي منتديات (فرتقوها الشفوت) وما شابهه
|
Post: #22
Title: Re: أليس من الأفضل تقسيم سودانيزأونلاين إلى منابر!
Author: طارق جبريل
Date: 07-20-2009, 03:18 PM
Parent: #21
احلى ما في المنبر دة قصة ام دفسو دي
دة يكب ليه شوية ثقافة ينورنا
وداك يرشنا سياسة لم نآمن
ودة يضقل بينا كورة لمن نتكيف
وداك يرشنا مزازيك لمن ننقز
شفت يا الباقر في حياتك كوجين الآبري الأحمر
كان ما الكوجين دة الآبري دة ما بنظبط
|
Post: #23
Title: Re: أليس من الأفضل تقسيم سودانيزأونلاين إلى منابر!
Author: Elbagir Osman
Date: 07-20-2009, 10:55 PM
الصايم
اتلوم للآخر
أنا يوم ما بعدت عشان الشبك
الباقر
|
|