Post: #1
Title: شارع - ساكت – باسم قرنق مافي!!
Author: Hussein Mallasi
Date: 07-17-2009, 11:35 AM
معقول الكلام دا 
|
Post: #2
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 11:36 AM
Parent: #1
بينما أي زول من رموز السودان القديم
عندو شارع – كبير – باسمو في الخرطوم!
|
Post: #3
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 11:40 AM
Parent: #2
مش كدا و بس .. حتى الشارع شرق استاد المريخ سموهو حسن أبو العائلة؛
و الجنوب استاد الهلال سموهو الطيب عبد الله .. ليه .. ما تعرف!!
|
Post: #5
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 11:42 AM
Parent: #3
خلي الشوارع .. ياخي كاس سيكافا المسكينة دي ما سموها كاس قرنق!
|
Post: #4
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 11:41 AM
Parent: #2
اقترح ان يتم تغيير أسم جامعة جوبا لتصبح جامعة الزعيم جون قرنق
|
Post: #6
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 11:45 AM
Parent: #4
حتى الساحة الخضراء – القالوا شالت 8 ملايين التقول عندنا قنابير – ما سموها ساحة قرنق.
|
Post: #7
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 11:47 AM
Parent: #2
أكاديمية عسكرية سموها اكاديمية نميرى للعلوم العسكرية..
اتخيل نميرى بتاعك يا ملاسي ..( وش خايف )
.........
ويبخلو على قرنق
|
Post: #8
Title: Re: شارع - ساكت – باسم قرنق مافي!!
Author: حسين محي الدين
Date: 07-17-2009, 11:54 AM
Parent: #7
| Quote: اقترح ان يتم تغيير أسم جامعة جوبا لتصبح جامعة الزعيم جون قرنق |
i like it
|
Post: #9
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 11:55 AM
Parent: #8
شكرا حسين
|
Post: #10
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 12:04 PM
Parent: #9
مستخسرين عليهو حتيتة شارع
و بعد دا كلو دايرين الوحدة تكون جاذبة!
______
حوى هو!!
|
Post: #11
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 12:04 PM
Parent: #9
جامعة أو أى مرفق أو شارع في العاصمة القومية أفضل من جامعة جوبا
ربط قرنق بجوبا وملكال و واو فقط ، يصب فى نفس الاتجاه الانفصالي والعنصري
....
للاسف النخبة الحاكمة لاعندها حس قومي ولا حتى مجرد ذكاء سياسي
|
Post: #14
Title: Re: شارع - ساكت – باسم قرنق مافي!!
Author: Mannan
Date: 07-17-2009, 12:08 PM
Parent: #11
خذوا الحكمة من افواه المجانين
ورب ضارة نافعة!!!!!!!
|
Post: #15
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 12:09 PM
Parent: #11
أقتراح ثاني :
تسمية شارع أفريقيا بشارع قرنق ،وتسمية الشارع الممتد من مطار جوبا حتى سوق الملكيه بشارع جعفر نميري.
|
Post: #12
Title: Re: شارع - ساكت – باسم قرنق مافي!!
Author: حافظ حسن ابراهيم
Date: 07-17-2009, 12:05 PM
Parent: #9
ملاسي سلامات ....
فعلاً قرنق يستحق اكثر من شارع , لكن هذا ليس مهم ... عموماً الشهيد د.جون قرنق ما محتاج لشارع عشان نتذكرهو بيهو ... الشهيد في قلوبنا.... لكن نخلي شارع قرنق او غيره بس يحاولوا يتكرموا يغيروا اسم الشارع الفي قلب الخرطوم و في قلبنا دا .... يغيروا الشارع المسمي بشارع الزبير باشا .... لانه بالجد دا شارع ما تتخيل مستفز قدر كيف....
|
Post: #13
Title: Re: شارع - ساكت – باسم قرنق مافي!!
Author: Frankly
Date: 07-17-2009, 12:05 PM
Parent: #1
عندهم الجنوب كاملاً يسموه "جمهورية قرنق العلمانية الإنفصالية العنصرية العظمى"
هي "نيو سايت" ما سموها "قرنق سيتي" عايزهم يسموا شارع في الخرطوم باسم المتمرّد السابق؟
|
Post: #16
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 12:17 PM
Parent: #13
| Quote: تسمية شارع أفريقيا بشارع قرنق |
أثني
| Quote: ،وتسمية الشارع الممتد من مطار جوبا حتى سوق الملكيه بشارع جعفر نميري |
لا
كفاية عليهو الاكاديمية العسكرية
( عليه رحمة الله و غفرانه )
|
Post: #17
Title: Re: شارع - ساكت – باسم قرنق مافي!!
Author: حسين محي الدين
Date: 07-17-2009, 12:18 PM
Parent: #16
ياتو فيهم؟؟
|
Post: #19
Title: Re: شارع - ساكت – باسم قرنق مافي!!
Author: saif massad ali
Date: 07-17-2009, 12:27 PM
Parent: #17
مامهم في جبل في النيل الابيض يحمل اسم جد قرنق
اسمو جبل العرشكول
|
Post: #25
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 12:45 PM
Parent: #19
Quote: في جبل في النيل الابيض يحمل اسم جد قرنق
اسمو جبل العرشكول |
جد قرنق اسمو ديمبيور ياسيف
وعرشكول اسم نوبي
ومافى اسم افريقي معرف بالحرف ( ال )
صح ..؟؟
|
Post: #18
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 12:25 PM
Parent: #16
يا الطاهر سلامات
أولا:أوافق علي تخليد أسم قرنق في الخرطوم.
ثانيا :هل تعتقد أن حكومة جنوب السودان ستوافق على تسمية أي مرفق أو شارع في الجنوب باسم زعيم غير جنوبي ؟الأزهري أو المهدي أو علي دينار أو علي عبداللطيف أو عثمان دقنه.
|
Post: #20
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 12:29 PM
Parent: #18
حسين محي الدين
|
Post: #21
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 12:34 PM
Parent: #20
بيويوكوان عندو شارع و قرنق ما عندو .. فتأمل!
|
Post: #34
Title: Re: شارع - ساكت – باسم قرنق مافي!!
Author: ذواليد سليمان مصطفى
Date: 07-17-2009, 03:33 PM
Parent: #21
| Quote: بيويوكوان عندو شارع! |
بيويوكوان ده جبهجي من الكيزان
من الاصل المؤتمر الوطني
لازم يكون عندو شارع
قرنق :علماني
حارب الكيزان
حتي وصل قلوب الشعب السودان
وكان وحدوي
وبكثرة شعبيتوا كان بفوز بحكم السودان
عشان كده كان فى مؤامرة لقتلوا
والكلام هنا فى فرق بين الكيزان والعلمانين
|
Post: #22
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 12:38 PM
Parent: #18
هلا دكتور صديق
| Quote: هل تعتقد أن حكومة جنوب السودان ستوافق على تسمية أي مرفق أو شارع في الجنوب باسم زعيم غير جنوبي ؟ |
الجنوبي ، أى جنوبي ، بيتعامل برد الفعل مع الشمالي
اذا تقدمت نحوه بخطوة يتقدم نحوك بخطوتين
اذا احببته احبك .. واذا كرهته يكرهك
حكومة الجنوب ستواقف ، فقط كيف توفر لها من الثقة والاحترام بحيث لاتشعر هى بانها حكومة جنوب فقط أو رئيسها رئيس الحركة الشعبية فقط ..؟
العلة فى الشمال يا اخى ..
مودتى
|
Post: #23
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 12:42 PM
Parent: #22
ياخي مركز ثقافي – ساكت – باسمو مافي!!
____
قطاع الشمال قاعد
يعمل شنو ما تعرف!
|
Post: #24
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 12:44 PM
Parent: #23
راشد دياب .. عبد الكريم ميرغني .. الخاتم عدلان .. و هلم جرا ...
|
Post: #27
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 12:50 PM
Parent: #24
| Quote: ياخي مركز ثقافي – ساكت – باسمو مافي!! |
كلم صحبك وجدى يغير اسم ( مركز مالك عقار ) الى ( مركز جون قرنق )
وبالمرة كدة يكلم مالك : مافي داعي للنرجسية
لو ماقرنق هو ماكان بقى والي
|
Post: #26
Title: Re: شارع - ساكت – باسم قرنق مافي!!
Author: Balla Musa
Date: 07-17-2009, 12:48 PM
Parent: #23
أتوقع وضع صورة قرنق فى الدولار الذى سيكون العملة الرسمية لجمهورية جنوب السودان القادمة.
يعنى جورج أحسن من قرنق فى شنو?
|
Post: #28
Title: Re: شارع - ساكت – باسم قرنق مافي!!
Author: عبد اللطيف السيدح
Date: 07-17-2009, 01:50 PM
Parent: #26
| Quote: العلة فى الشمال يا اخى |
انت جادي في الكلام ده يا الطاهر ؟؟
طيب ما تشوف العلة وتحلها
ان شاء الله تكون عند عبدالرحيم محمد حسين زاتو
|
Post: #29
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 02:33 PM
Parent: #28
Quote: انت جادي في الكلام ده يا الطاهر ؟؟
طيب ما تشوف العلة وتحلها
ان شاء الله تكون عند عبدالرحيم محمد حسين زاتو |
بس ده الفهمتو من عبارة ( العلة في الشمال ) ...؟؟
.......
العلة في المفاهيم الخاطئة التى يحملها كل عبد الرحيم و محمد و حسين و غيرهم تجاه الجنوب والجنوبي ..!!
والعلة هي : أزمة الثقة وعدم الاحترام
وانا اساهم بقدر المستطاع سعيا للحل
|
Post: #30
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 02:41 PM
Parent: #28
تحياتي يا الطاهر
لا اتفق معك في إنو العله في الشماليين ،أنا تربيت وترعرعت في الجنوب ،لا أظن أن حكومة الجنوب ستوافق على أطلاق أي أسم غير جنوبي في الجنوب ..
لماذا تتعالى الأصوات بتهمة العنصريه إذا نادى أحد الشماليين بلانفصال ؟؟
من طرح حق تقرير المصير ؟أليس هم الجنوبيين ؟؟لماذا لا يتهموا بالعنصريه ؟؟
تحياتي واحترامي
|
Post: #31
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 03:16 PM
Parent: #30
هلا بيك دكتور صديق
يسعدنى حوارك ، وليعذرنا الاخ ملاسي على انحراف البوست رغم انفنا
| Quote: لا اتفق معك في إنو العله في الشماليين |
أحترم ماتراه ، وهذا من حقك ، ولكن اختلف معك فيه وهذا من حقي
| Quote: أنا تربيت وترعرعت في الجنوب ،لا أظن أن حكومة الجنوب ستوافق على أطلاق أي أسم غير جنوبي في الجنوب .. |
عبارة ( لا أظن ) تحتمل الاثنين ( قد توافق ) و ( قد لا توافق )
ومع ذلك ، عملا بظنك ، لماذا لا توافق ..؟
ماهى اسباب الرفض ..؟
الإجابة هى ( مربط الفرس ) و ( أصل الأزمة )
| Quote: لماذا تتعالى الأصوات بتهمة العنصريه إذا نادى أحد الشماليين بلانفصال ؟؟ |
لأن الأسباب التي تجعل البعض الشمالي يطالب بالانفصال اسباب عنصرية
( الناس ديل مابنقدر نعيش معاهم ) .. هكذا تجد تبريرهم
ولايسألون أنفسهم لماذا لانستطيع العيش سويا ..؟
منذ الاستقلال النخبة الشمالية هي المسيطرة على مقاليد السلطة والسلطة والمجتمع ، وهي المسؤولة على هذه ( الحواجز والهواجس )
الدين ليس حاجزا ، حتى لانستخدمه في غير محله ، فالكثير من الدول التي تشبه السودان أهلها يعيشون سويا بلا حواجز او هواجس
ولا فرق بين مسلمهم ومسيحيها في الحقوق والواجبات
نحن فى السودان ، منذ الاستقلال ، نفتقر الي المساواة في الحقوق والواجبات
ولا داع للتافصيل ، لانها قد تأتي بذكر اقاليم اخرى غير الجنوب ..أيضا تفتقر الي ( المساواة فى الحقوق والواجبات )
| Quote: من طرح حق تقرير المصير ؟ |
الجنوب ..
ولكن السؤال المهم : لماذا طرح الجنوب تقرير المصير ..؟؟
Quote: أليس هم الجنوبيين ؟؟
لماذا لا يتهموا بالعنصريه ؟؟ |
لا يتهموا بالعنصرية لأنهم لم يجدوا فرصة المشاركة الحقيقية في صناعة القرار الوطني
لو شاركوا ، وفعلوا بمشاركتهم أفعال تتسم بالعنصرية تجاه الشمال لاتهامناهم بالعنصرية
الجنوبي لم يكن يملك قرار الجنوب ، ناهيك عن قرار السودان ، فكيف احكم عليه بالعنصري ..؟
أم انت تقصد بالجنوبيين العامة التى لاحول لها ولاقوة ، كما عامة الشمال ..؟
هؤلاء أيضا ضحايا تلك النخب .. ( كل العامة) ضحايا يا دكتور صديق
ولذلك اجد العذر لأى مواطن انفصالي ..؟.. لانه ضحية
ولكن لا اجد العذر لاى مثقف او نخبوى يطرح نفسه فى العمل العام
انفصالية النخبوي والمثقف عنصرية ليس الا ..
ولك الود
|
Post: #32
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 03:20 PM
Parent: #31
الطاهر تحياتي مره أخرى ..
ممكن تديني تفسير لاحداث الخرطوم بعد موت قرنق ؟؟
|
Post: #35
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 03:36 PM
Parent: #32
| Quote: ممكن تديني تفسير لاحداث الخرطوم بعد موت قرنق ؟؟ |
أحداث الاثنين .. بعض الصعاليق من ابناء الجنوب إستغلوا غياب السلطة وارتكبوا تلك الجرائم
أحداث الثلاثاء ..بعض الصعاليق من ابناء الشمال استغلوا حماية السلطة وارتكبوا تلك الجرائم
وعليه ، الاثنين والثلاثاء يسأل عنها السلطة ..
هل أيدت الحركة الشعبية أو اى مثقف جنوبي أحداث الاثنين ..؟؟؟؟؟؟؟؟؟؟؟؟
لا
بالعكس ، انا شاهد على زيارات بعض النخب الجنوبية لأسر شمالية تضررت من تلك الاحداث
بل ، معنا هنافي المنبر زميل صحفي ، رافق بعض النخب في تلك الزيارات .. اتمنى ان يدل بشهادته
ليس من العدل أن تنسب تصرفات صبيانية قام بها بعض الجهلاء - من الجنوب والشمال يومى الاثنين والثلاثاء - لأقليم كامل( الشمال أو الجنوب ) ثم تبنى عليها أحكامك
مودتى
|
Post: #33
Title: Re: شارع - ساكت – باسم قرنق مافي!!
Author: Balla Musa
Date: 07-17-2009, 03:22 PM
Parent: #31
بالغت ياالطاهر ساتى وجهجهت افكارنا!!
كيفك يازول واريتك تبقى طيب.
|
Post: #36
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 03:41 PM
Parent: #33
هلا بالعزيز بله ..
كيفك ياخى ولعلك وكل احبابك بخير وعافية
انا بخير و تشكر ع السؤال
ولك الود ..
|
Post: #37
Title: Re: شارع - ساكت – باسم قرنق مافي!!
Author: Balla Musa
Date: 07-17-2009, 03:50 PM
Parent: #36
تعرف يا الطاهر
وبما أنى غالبا أكتفى بصورة البروفايل دون قراءة اسم العضو..
فحتى المداخلة كنت مستغرب كيف راوية العباسى تتداخل أكثر من مرة مع ملاسى.
|
Post: #40
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 04:03 PM
Parent: #37
| Quote: كنت مستغرب كيف راوية العباسى تتداخل أكثر من مرة مع ملاسى |
هههههههه
لا ياخى
فى البوست ده بالذات ( ملاسي يتجلى )
او كما قال سفيرنا منان ( رب ضارة نافعة )
هههههههه
|
Post: #38
Title: Re: شارع - ساكت – باسم قرنق مافي!!
Author: Dr.Elsadig Abdalla
Date: 07-17-2009, 03:53 PM
Parent: #36
سلامات
لماذا استغل (صعاليك )الجنوب واشعلوا هذه الشرارة ليلحق بهم( صعاليك ) الشمال!!
هل كان هناك أي مبرر ل(صعاليك) الجنوب من البدايه أصلا ؟؟
|
Post: #39
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 03:58 PM
Parent: #38
| Quote: نت مستغرب كيف راوية العباسى تتداخل أكثر من مرة مع ملاسى. |
أنا ذاتي في الأول كشيت.
|
Post: #43
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 04:36 PM
Parent: #39
| Quote: أنا ذاتي في الأول كشيت. |
كشيت ؟؟؟؟
.......
تكشك كشة محلية ماعندها موارد غير الكشات
|
Post: #42
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 04:32 PM
Parent: #38
Quote: لماذا استغل (صعاليك )الجنوب واشعلوا هذه الشرارة ليلحق بهم( صعاليك ) الشمال!!
هل كان هناك أي مبرر ل(صعاليك) الجنوب من البدايه أصلا ؟؟ |
ليس هناك أى مبرر ، ولو كان هناك مبرر لما وصفتهم بال(صعاليق )
ولأنهم (صعاليق ) يجب علينا ألا ننسب تصرفاتهم للعقلاء
( الصعاليق ) في ذمة العقلاء ، ويجب على العقلاء توعيتهم بدلا عن مجاراتهم
ولا كيف .؟؟
مودتى
|
Post: #41
Title: Re: شارع - ساكت – باسم قرنق مافي!!
Author: كمال عباس
Date: 07-17-2009, 04:06 PM
Parent: #13
Quote: عندهم الجنوب كاملاً يسموه "جمهورية قرنق العلمانية الإنفصالية العنصرية العظمى"
هي "نيو سايت" ما سموها "قرنق سيتي" عايزهم يسموا شارع في الخرطوم باسم المتمرّد السابق؟ |
!!!!!!!!!!!
|
Post: #44
Title: Re: شارع - ساكت – باسم قرنق مافي!!
Author: اسامه خليفه
Date: 07-17-2009, 04:48 PM
Parent: #41
الزعيم جون قرنق اسمه اكبر من يكتب بازقة الخرطوم في ظل هذا النظام المتلاشي ..
جون قرنق اسمه منحوت في قلوب كل الشرفاء ومحبي الحريه من ابناء شعبنا البطل..
|
Post: #45
Title: Re: شارع - ساكت – باسم قرنق مافي!!
Author: khaleel
Date: 07-17-2009, 05:08 PM
Parent: #44
ملاسي
انا لا احبذ اطلاق اسماء الناس علي الشوارع
لكني اقترح انشاء معهد
باسم معهد دكتور جون قرنق لدراسات السلام
|
Post: #46
Title: Re: شارع - ساكت – باسم قرنق مافي!!
Author: حيدر حسن ميرغني
Date: 07-17-2009, 05:18 PM
Parent: #45
بوست موفق ياملاسي
الملاحظة دي ما ممكن تروح في الهواء ساكت
أعملوا توقيعات وتضامن
|
Post: #47
Title: Re: شارع - ساكت – باسم قرنق مافي!!
Author: يوسف الولى
Date: 07-17-2009, 05:43 PM
Parent: #46
Quote: الجنوبي ، أى جنوبي ، بيتعامل برد الفعل مع الشمالي
اذا تقدمت نحوه بخطوة يتقدم نحوك بخطوتين
اذا احببته احبك .. واذا كرهته يكرهك |
نفس كلام وفكره هيلارى كلنتن بس غير كلمه جنوبى ليهودى وشمالى لى عربى
سؤال : هل سمى اى شارع فى الجنوب باسم قرن؟
بخصوص جاذبيه الوحده.. اليوم الشمالين اكثر حوجه لاقناعهم بجاذبيه الوحده مع الجنوب
ولا اعتد ان الجنوبين محتاجين يجذبوهم للوحده لان تلاته ارباعهم يعيش ( مش ساكن بس ) فى الشمال
|
Post: #48
Title: Re: شارع - ساكت – باسم قرنق مافي!!
Author: Rawia
Date: 07-17-2009, 05:51 PM
Parent: #46
Quote:
أنا ذاتي في الأول كشيت. |
هو إنت لاقي 
|
Post: #49
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 06:18 PM
Parent: #48
و الكباري البلا عدد دي .. و لا واحد يسموهو قرنق!
|
Post: #50
Title: Re: شارع - ساكت – باسم قرنق مافي!!
Author: Frankly
Date: 07-17-2009, 06:32 PM
Parent: #1
يا حسين ملاسي إنت قاصد تتكلّم عن قرنق ولا إنجازات الإنقاذ؟
ولا جامعة من الجامعات
ولا مصنع سيارات
ولا طيّارة صافات
ولا مطار من المطارات
ولا دبّابة سودانية الصنع بين الدبّابات
ولا راجمة من الراجمات
ولا سد من السدود ولا مشروع من المشروعات
ولا خطة خمسية ولا شركة من الشركات
ولاااا.........................
|
Post: #51
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 06:44 PM
Parent: #50
| Quote: يا حسين ملاسي إنت قاصد تتكلّم عن قرنق ولا إنجازات الإنقاذ؟ |
ما فرقت يا فرانكلي؛ لانو قرنق ذاتو ممكن تعدو انجاز من انجازات الانقاذ.
|
Post: #70
Title: Re: شارع - ساكت – باسم قرنق مافي!!
Author: على تاج الدين على
Date: 07-24-2009, 06:49 PM
Parent: #51
| Quote: ما فرقت يا فرانكلي؛ لانو قرنق ذاتو ممكن تعدو انجاز من انجازات الانقاذ. |
هههههههههههههههههههههههههههههههههه
|
Post: #52
Title: Re: شارع - ساكت – باسم قرنق مافي!!
Author: الطاهر ساتي
Date: 07-17-2009, 06:47 PM
Parent: #50
صدقني ياحيدر ملاسي ماكان قاصد كدة
هو كان داير يشاتر بيهو
لكن ربنا وفق ليهوالبوست
....
ياهو ذاتو رب ضارة نافعة
|
Post: #53
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 07:01 PM
Parent: #52
Quote: كاديمية عسكرية سموها اكاديمية نميرى
للعلوم العسكرية .. اتخيل نميرى بتاعك يا ملاسي |
مش أحسن من يسموها كرري.
|
Post: #54
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 07:08 PM
Parent: #53
يقول ليك الحركة الشعبية حاكمة كل الجنوب و نص الشمال ليدلل على استبعاد
خيار الانفصال؛ نص شمال دا شنو الغالبهم يسموا فيهو شارع باسم قرنق!!
|
Post: #55
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 07:32 PM
Parent: #54
مش بس ما سمو شارع باسمو و كمان أكبر شارع في الخرطوم اسمو عبيد ختم!
|
Post: #56
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 07:35 PM
Parent: #55
حتى "شارع الستين" الماعندو اسم مستكترين يسموهو قرنق!!
|
Post: #57
Title: Re: شارع - ساكت – باسم قرنق مافي!!
Author: الصادق اسماعيل
Date: 07-17-2009, 07:40 PM
Parent: #56
Quote: يقول ليك الحركة الشعبية حاكمة كل الجنوب و نص الشمال ليدلل على استبعاد
خيار الانفصال؛ نص شمال دا شنو الغالبهم يسموا فيهو شارع باسم قرنق!! |
يمكن لأنهم ما بتاعين شوارع
|
Post: #59
Title: Re: شارع - ساكت – باسم قرنق مافي!!
Author: حسين محي الدين
Date: 07-17-2009, 07:45 PM
Parent: #56
فائدة:
| Quote: أكبر شارع في الخرطوم اسمو عبيد ختم! |
كسرة:
ملاسي أزيك ياخي
انت جبت موضوع الشوارع ده من وين
|
Post: #58
Title: Re: شارع - ساكت – باسم قرنق مافي!!
Author: السيد المسلمي
Date: 07-17-2009, 07:44 PM
Parent: #54
ياخ سان جيمس عندو صينيه ،،
وجورج حجار عشان السجاير عملوا ليهو شارع كبير في المنطقة الصناعية ،،
أقول حاجة غاندي الهندي عدييييييل عندو شارع !!
عزيز كافوري عندو حلة مجاورة لي حلة كوكو  !!!
ــــــــــــــ
زي قصة الثري الذي لم ينجب ولكنه كان يمتلك تيساً فحلاً ( التيس هنا ضكر الماعز )
وخصص له بيطرياً ومسكناً وعامل يقوم بكل لوازمه ... من أكل وإعارة عند الحوجة لبهائم القرية ..
كان مبرره لإخوته عندما طالبوه بوقف الصرف علي هذا التيس وطالبوه ببيعه أو ذبحه ...
قال ليهم يا أخواني التيس دا شايل إسمي ... كل الحلة بتقول دا تيس فلان  ،،
|
Post: #60
Title: Re: شارع - ساكت – باسم قرنق مافي!!
Author: Tabaldina
Date: 07-17-2009, 08:00 PM
Parent: #58
..
.
6 سنوات يا ملس شغال فى المنبر
دوير بينا البلد دا !!
الناس دى فهمه بقي حركى _ شعبي
___________
انا ذاى فى البداية شكيت .. ما كشيت :)
|
Post: #61
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 09:32 PM
Parent: #60
خليك من الشوارع .. حتى الطرفيات شي مانديلا و شي مايو و شي انجولا
|
Post: #62
Title: Re: شارع - ساكت – باسم قرنق مافي!!
Author: Mannan
Date: 07-17-2009, 09:57 PM
Parent: #61
ملاسى سلام
بوست أملس ودمو خفيف...
بمناسبة الشوارع حقو يضيفو كلمة "حرامى" قدام شارع الأربعين فى امدر عشان إسمو يبقى" شارع الأربعين حرامى" او المجلس الأربعينى... المهم الأربعين دى نخليها ما نغيرها كمان شارع الستين نضيف ليها كلمة "داهية" عشان تبقى فى "ستين داهية"... ما كلها شوارع فى شوارع.. بدون يافطات وارقام...
والله ظريف واخوى الطاهر كشف سر الظرف " الإجبارى" ... زى الهبوط الإضطرارى...
منان
|
Post: #63
Title: Re: شارع - ساكت – باسم قرنق مافي!!
Author: Hussein Mallasi
Date: 07-17-2009, 10:29 PM
Parent: #62
ياخي خليك من أي حاجة .. مش كان نايب أول .. اشمعنى الزبير.
|
Post: #64
Title: Re: شارع - ساكت – باسم قرنق مافي!!
Author: Faisal Al Zubeir
Date: 07-17-2009, 10:37 PM
Parent: #63
.. والسبب المؤتمر الوطني الذي يختزل التاريخ في 30 يونيو 1989 ونفض ما اتفق عليه مع السيد الصادق المهدي في اتفاق التراضي الوطني :
Quote: ثانياً: تهيئة المناخ:
4. تكوين لجنة لمراجعة أسماء الشوارع والمنشآت لتعميم الرمزية القومية |
يعني من حقك ان تطالب بشارع باسم "ملاسي" - ما فيش حد احسن من حد -على الاقل انت من رموز سودانيزاونلاين!!!
|
Post: #65
Title: Re: شارع - ساكت – باسم قرنق مافي!!
Author: Hussein Mallasi
Date: 07-18-2009, 07:09 AM
Parent: #64
Quote: كلم صحبك وجدى يغير اسم ( مركز مالك عقار ) الى ( مركز جون قرنق )
وبالمرة كدة يكلم مالك : مافي داعي للنرجسية لو ما قرنق هو ماكان بقى والي |
غير صحيح .. فالسيد مالك عقار أصبح والياً بكسبه.
|
Post: #66
Title: Re: شارع - ساكت – باسم قرنق مافي!!
Author: Omer Sakin
Date: 07-18-2009, 07:10 AM
Parent: #64
Quote:
مستخسرين عليهو حتيتة شارع
و بعد دا كلو دايرين الوحدة تكون جاذبة!
|
|
Post: #67
Title: Re: شارع - ساكت – باسم قرنق مافي!!
Author: دوت مجاك
Date: 07-18-2009, 08:50 AM
Parent: #66
Quote: [شارع - ساكت – باسم قرنق مافي!!
|
حسين ملاسي كيفك
الزعماء اللى اسمائهم اتسمت بيهم الشوارع ديل زعماء على وزن استهزاءك
د/ جون قرنق ما محتاج يتسمى باسمه شارع
اسمه فى القلوب محفور
ولا بتنسي
انت شوف ليك اى شارع سميها باسمك
ومبروك عليك
وعلى زعيمك
زعيمك دى بيجك ليهو
طالما الامر .....
|
Post: #68
Title: Re: شارع - ساكت – باسم قرنق مافي!!
Author: Hussein Mallasi
Date: 07-22-2009, 10:39 PM
Parent: #67
فجأة كدا .. و بين ليلة و ضحاها .. تمت تسمية شارع المهندسين الرئيسي باسم عبد الله بدري.
|
Post: #69
Title: Re: شارع - ساكت – باسم قرنق مافي!!
Author: Hussein Mallasi
Date: 07-24-2009, 06:37 PM
Parent: #68
كان السؤال: من هو عبد الله بدري ..
فكانت الاجابة: أحد رموز الحركة الاسلامية و توفي لرحمة الله قبل بضعة أيام ..
|
Post: #71
Title: Re: شارع - ساكت – باسم قرنق مافي!!
Author: فيصل محمد خليل
Date: 07-24-2009, 07:01 PM
Parent: #69
فليعتز قرنق بان هولاء لم يسموا
شارع باسمه.
هذه محمدة يهئنا بها قرنق
|
Post: #72
Title: Re: شارع - ساكت – باسم قرنق مافي!!
Author: ماضي ابو العزائم
Date: 07-24-2009, 08:53 PM
Parent: #71
| Quote: هل تعتقد أن حكومة جنوب السودان ستوافق على تسمية أي مرفق أو شارع في الجنوب باسم زعيم غير جنوبي ؟الأزهري أو المهدي أو علي دينار أو علي عبداللطيف أو عثمان دقنه |
على عبداللطيف دينكاوى رغم الاسم
|
|