الصورة التي أرعبت قادة المعارضة السودانية فتقاعسوا عن قيادة الشارع

من هم قادة المعارضة السودانية ؟
السيد الصادق المهدي
دكتور حسن الترابي
محمد ابراهيم نقد
علي محمود حسنين

انهم يدعون الشعب السوداني النزول الى الشارع عبر بيانهم عن الناطق الرسمي ابوعيسى

انهم يريدون ان يضعوا العربة امام الحصان
فلينزلوا هم الى الشارع و ليتبعهم الشعب السوداني , اما ان يدعوا الشعب من منافيهم الطوعية و ابراجهم العاجية النزول الى الشارع هو امر مضحك .

زعيم المعارضة في زيمباوي لم يختار منفىً اختيارياً او تحصن ببرج عاجي ثم طالب شعبه بالانتفاضة .. نزل هو و تعرض للضرب و التنكيل .. فلماذا تخشون انتم النزول ابتداءً الى الشارع .

اعتادت قيادات القوى السياسية السودانية سرقت نضالات الشعب السوداني و تجييره لصالحها عبر الحقب الماضية حيث ينزل الشعب السوداني الشارع و يقلع الدكتاتور من منبعه و يحمل الزعيم الجديد على الاكتاف من برجه ثم ينصبه . بعد ذلك ينشغل الزعيم الجديد عن امور البلاد و الشعب الى شأنه الخاص و تكريس وقته في اسباب بقاءه في السلطة بدل خدمة الشعب .
اليوم هنالك قوى جديدة في الساحة السودانية لم تكن معروفة من قبل منها الحركة الشعبية و حركة العدل و المساواة بقيادة الدكتور خليل ابراهيم و باقي الحركات الثورية الاخرى . هذه القوى لا تتوانى في استخدام كل الوسائل المشروعة سلمياً و عسكرياً في تحقيق مطالب الشعب السوداني و هي التي اوصلت الانقاذ الى هذه المحطة .
لذلك يجب اتاحت الفرصة لهذه القوى الجديدة التي لها الاستعداد للتضحية بالروح في سبيل الوطن بدل اعادة سيناريو ما يعرف بالقوى الوطنية و رموزها الخربة و على رأسهم الصادق المهدي .

لماذا لا ينزل الصادق المهدي الى الشارع و يقود الشعب السوداني من اجل الديمقراطية التي فرط فيها حين اوكلها له الجماهير السودانية , ام انه يخاف الرصاص و بطش السلطان ؟

الاحباب في هذا البوست

الشعب اصابه الفتور و الارهاق من كيد السارقبن القداما و الجدد

السارقبن من المركز و الهامش و هامش الهامش و مركز الهامش

صدقني كدت ان ا صدق مقال د\حسن مكي عن العصابات في المركز و الهامش

باخي كلامك ده في محله علي الاقل بصورة نظرية او علي مستوي التنظير

و لكن الواقع شئ


..يا حبيب الجماعة جاؤا بالانقلاب بالبندقية ما حيمشوا ساكت

يعني هم مغفلين

طيب المغفل منوا؟

. نحن مغفلون لاننا غير منظمين و حاقدين علي بعضنا البعض و يسهل تقسيمنا الي كويمات و خشوم بيوتات

باخي انظر الي الجنوب و تجيشه قبليا قبل و بعد موت القائد قرنق

انظر الي حركات دارفور برغم مشروعيتها اصبحت خشوم بيوت قبلية

.. و من الصعب لمهم في وحدة واحدة و الزمن لصالح المؤتمر

اما من شارك المؤتمر الوطني و لحس السلطة المتورة المغمسة في دماء الباسطاء ..لا بترك السلطة المبتورة هذه لكي ينال الشعب الشرعية

اما الشعب تركناه و عبارات
نشجب
ندين و نتاضلمن مع فلان

احياء ذكري شهداء المنطقة او المجموعة

و تمر الابام و السنون حتي تتحول الاحداث الي شريط صغير علي حافة شاشات التلفاز و نحن نشاهد الفلم


------------------------

سننتطر عقود حتي نصل الي نصف شرعنة الدولة

و اتمني ان اكون مخطئ ... و ننعم حكم رشبد

شحتو

الاخ شحتو
يجب ان لا نستسلم لاكذوبة المركز القاضي بفساد حركات الهامش و قبلنتها لنفسها.. فحركات الهامش لم تجد الفرصة لتعبر عن نفسها كحركة العدل و المساواة صاحبة الرؤية و المشروع القومي .. اما من وقعت من الحركات كحركة التحرير قطاع مني اركو , هي حركة شابتها الصبيانية و ادارة المعارك في غير معترك .. لم تستطع تطويع الاحداث لصالحها بجانب فقدانها لاستراتيجية طويلة المدى و فوق ذلك , تلكئ الحكومة في الايفاء بوعودها .
يجب ان لانصدق ان للهامش عصابات تسرق كما المركز , فـ للهامش قضية و قضية مشروعة بينما المركز يقوم اساساً على الاستهبال و الهمبتة .. و هي تستمد مشروعيتها من ادعاء الوطنية و تخوين الاخرين .

نعم هم جاءوا عبر البندقية و ذهباهم يستوجب استخدام ذات البندقية .. غير ان الانتفاضة الشعبية هي وسيلة اقل تكلفة اذا اتفقت القوى السياسية و على رأسها قوى الهامش على رؤية واضحة يحفظ للكل حقه بحسب حجمه , و اذا نزلت هذهالقيادات الى الشارع و قادت العمل بدل التمترس خلف الشعب .

ظلننا نسمع ان 9 يوليو 2009م ستفقد الحكومة شرعية وجودها و كنا ننتظر نتيجة هذا الادعاء و ما ستتمخض عنه من عمل يصب في صالح الوطن .
اصبنا بخيبة امل , عادت الاحزاب السودانية تكتفي بالادانة و مطالبة الجماهير بالخروج بدلاً عن خروج قادة تلك الاحزاب الى الشارع .

الكلام دا حقيقي قوي جداً:


زعيم المعارضة في زيمباوي لم يختار منفىً اختيارياً او تحصن ببرج عاجي ثم طالب شعبه بالانتفاضة .. نزل هو و تعرض للضرب و التنكيل .. فلماذا تخشون انتم النزول ابتدءاً الى الشارع ؟


عاش نضال الشعب السوداني بعيداً عن لعبة الكراسي


والزحف الشعبي مستمر

الاخ Al-Mansour Jaafar

Quote: عاش نضال الشعب السوداني بعيداً عن لعبة الكراسي والزحف الشعبي مستمر

نعم عاش نضال الشعب بعيداً عن لعبة الكراسي و لكن لا بد لهذا الشعب من قيادة تكرس نفسها لخدمة الشعب حتى لا تصبح الحكاية هرجة جماهيرية على قرار الرياضة الجماهيرية في الكتاب الاخضر .

الشعب يحتاج الى قيادات بديلة عن الماضي و البديل هو قوى الهامش .

سمعنا جعجعة و ضجيجاً صاخباً و لم نر طحينا
هؤلاء هم قادة المعارضة
يطالبون الشعب بقيادتهم !!

يبدو انو الجماعه ديل يا الصادق ضرار إشتاقوا لي التعويضات والمنابر الكلامية

لذا دعونا في وضعنا هذا خير لنا مائة مره من ما هو مثل الديمقراطية الثالثة

هذا العهد دفعنا له الكثير وآن أوان حصادنا




تذكر معي حالنا والديمقراطية الثالثة !!


الشارع الذي وقف فيه الجيش معنا(85) وقتها ضد نميري !

لو كنا نعلم انه سؤدي بنا الديمقراطية الثالثة !!


أكيد اكيد ما كنا حا نقيف فيهو لحظة

لذا حرام علينا الشارع وينتظرنا بعده الصادق والميرغني وأسماء لا تودي بنا الا الى الوراء

فدعنا مع هؤلاء حتى يريد الله امراً كان مفعولا !





هشام

Quote: فدعنا مع هؤلاء حتى يريد الله امراً كان مفعولا !

Quote: السيد الصادق المهدي دكتور حسن الترابي محمد ابراهيم نقد علي محمود حسنين + الميرغني + مبارك الفاضل + محمد ابراهيم نقد

لو ديل كلهم مرقوا الشارع وتقدموا الصفوف الامامية نحن سنكون من خلفهم سائرون والشعب السوداني
كلهم بيكونوا وراءهم بس اليطلعوا هم في الاول

الاخ الصادق وضيوفه الكرام
تحياتي وتقديري
القيادات السياسية الحزبية عندنا لا هم لها سوى السلطة وهي قد اعتادت منذ الاستقلال ان تستولى على السلطة اما بتحريض فئات الشعب من طلاب وعمال واستغلال مشاعر الاستياء لديهم للخروج الى الشارع .. فاذا جاءت الديمقراطية بما لا يشتهي احد الاحزاب .. قام بتحريض القوات المسلحة واستغلالها للوصول الى السلطة من زمان ناس عبدالله خليل (بس عجبني للترابي!!!!!)
المهم يا اخوان انا شخصيا لست مع الانقاذ .. ولا مع اي حزب .. لكن لو اصلو الانتخابات حتجيب واحد من السياسيين الشايفنهم ديل خلونا في انقاذنا دي .. وحكاية الفساد دي اصلها حاصلة .. في كل حكومة هناك عناصر فساد .. ولو عندنا حرب او معركة حقو تكون ضد الفساد .. لانو الناس الفاسدين ديل حتى لو الحكومة اتغيرت حيلقو طريقة يخشو بيها .. واهو ما في ديمقراطية اكتر من امريكا لكن برضو الفساد موجود
اساسا نحن حتى استقلالنا حصلنا عليه بمنحة وليس نتيجة نضال او كفاح مسلح .. ولم يتعرض اي واحد منهم للسجن مثل مانديلا (الغريبة انهم ما شافو السجون الا بعد الاستقلال)
دة رأيي باختصار ودمتم

Quote: الشعب يحتاج الى قيادات بديلة عن الماضي و البديل هو قوى الهامش .

قوي الهامش ديل منو؟

سلفاكير والبشير, الاتنين من الهامش, وحاليا بيدهم القوة
يبقي هم زاتهم قوي الهامش

موغابي برغم رزاياه ساهم في استقلال البلد

الصراع معاهو شرف كبير

لكن هؤلا سارقي سلطة بليل

لما يتخوقف منهم قادة المعارضة؟

الاخ الصادق ضرار
تحياتى

عشان الكلام ما يكون على عواهنه ممكن تورينى من هو الشعب ؟ ومن هم قادة المعارضة ؟
وهل الشعب البتقولوا عليه ( ان ) قادة المعارضة بختطفوا ثورته بطلع بدون ترتيب ؟

قادة المعارضة ديل جزء اصيل من اى تغيير يتم فى السودان ولذلك سموا قادة ...
لغة الانقاذ دى اطلعوا منها شوية وقدموا خطاب نموذجى يستطيع ان يخترق اللغة القديمة ويقدم حلول جدية للتحرك الايجابى ..
دة اذا ما كان فى نفس يعقوب حاجة ...

فتك بعافية

Quote: القيادات السياسية الحزبية عندنا لا هم لها سوى السلطة وهي قد اعتادت منذ الاستقلال ان تستولى على السلطة اما بتحريض فئات الشعب من طلاب وعمال واستغلال مشاعر الاستياء لديهم للخروج الى الشارع .. فاذا جاءت الديمقراطية بما لا يشتهي احد الاحزاب .. قام بتحريض القوات المسلحة واستغلالها للوصول الى السلطة من زمان ناس عبدالله خليل .. لكن لو اصلو الانتخابات حتجيب واحد من السياسيين الشايفنهم ديل خلونا في انقاذنا دي ..

الاخ العزيز الفاضل عبداللطيف
لقد اصبت كبد الحقيقه .

Quote: الاخ الصادق ضرار تحياتى عشان الكلام ما يكون على عواهنه ممكن تورينى من هو الشعب ؟ ومن هم قادة المعارضة ؟ وهل الشعب البتقولوا عليه ( ان ) قادة المعارضة بختطفوا ثورته بطلع بدون ترتيب ؟ قادة المعارضة ديل جزء اصيل من اى تغيير يتم فى السودان ولذلك سموا قادة ... لغة الانقاذ دى اطلعوا منها شوية وقدموا خطاب نموذجى يستطيع ان يخترق اللغة القديمة ويقدم حلول جدية للتحرك الايجابى .. دة اذا ما كان فى نفس يعقوب حاجة ... فتك بعافية

اخي الفاتح الصادق حامد
وهل الشعب البتقولوا عليه ( ان ) قادة المعارضة بختطفوا ثورته بطلع بدون ترتيب ؟
النقطة دي مهمة .. انت تسميها ترتيب و انا اسميها جبن .. جبن عديل كده .. الناس ديل خايفين على انفسهم و بس .. ترتيب شنو العايز ليهو سنوات ؟ بعدين الاحزاب دي ما عندها استراتيجيات و تصورات مستقبلية لما تؤول عليه الاوضاع السياسية بعد 9 /7/2009م ؟ او ما عندهم خطة طوارئ ؟ و كيف يكونوا ناس سياسة اذا ما بقدروا بقروا المستقبل ؟
هم يضيعون فرصة تاريخية لتصحيح الاوضاع في السودان و السبب جبن قادة المعارضة .
انا مؤمن ان قادة المعارضة جزء اصيل من اي تغيير و الا ما طالبتهم بتحمل مسؤولياتهم .. بعدين التحرك الايجابي ده شكلوا كيف ؟ يعني يقعدوا في بيوتهم و يطالبوا الناس بالخروج ؟

Quote: قوي الهامش ديل منو؟ سلفاكير والبشير, الاتنين من الهامش, وحاليا بيدهم القوة يبقي هم زاتهم قوي الهامش

اخوي nazar hussien
معقول البشير مهمش ؟

Quote: موغابي برغم رزاياه ساهم في استقلال البلد الصراع معاهو شرف كبير لكن هؤلا سارقي سلطة بليل لما يتخوقف منهم قادة المعارضة؟

اخي حيدر حسن
الجماعة ديل دايرين الحكم على طبق من ذهب .. ولى زمن ذلك .. من يدعي النضال و الكفاح عليه بالخروج و تحمل تبعات ذلك .

Quote: لقد اصبت كبد الحقيقه .

حمزه الكوبي .. يعني دايرنا ننتظر كم سنة تانية ؟
لعلمك لست من يوافقون على اجتثاث الانقاذ , بل ادعو الى مشاركة كل الوان الطيف السوداني بشكل يحفظ للجميع حقوقهم .

اخي elfadl abdellatif
الاخ الصادق وضيوفه الكرام

Quote: تحياتي وتقديري القيادات السياسية الحزبية عندنا لا هم لها سوى السلطة وهي قد اعتادت منذ الاستقلال ان تستولى على السلطة اما بتحريض فئات الشعب من طلاب وعمال واستغلال مشاعر الاستياء لديهم للخروج الى الشارع .. فاذا جاءت الديمقراطية بما لا يشتهي احد الاحزاب .. قام بتحريض القوات المسلحة واستغلالها للوصول الى السلطة من زمان ناس عبدالله خليل (بس عجبني للترابي!!!!!) المهم يا اخوان انا شخصيا لست مع الانقاذ .. ولا مع اي حزب .. لكن لو اصلو الانتخابات حتجيب واحد من السياسيين الشايفنهم ديل خلونا في انقاذنا دي .. وحكاية الفساد دي اصلها حاصلة .. في كل حكومة هناك عناصر فساد .. ولو عندنا حرب او معركة حقو تكون ضد الفساد .. لانو الناس الفاسدين ديل حتى لو الحكومة اتغيرت حيلقو طريقة يخشو بيها .. واهو ما في ديمقراطية اكتر من امريكا لكن برضو الفساد موجود اساسا نحن حتى استقلالنا حصلنا عليه بمنحة وليس نتيجة نضال او كفاح مسلح .. ولم يتعرض اي واحد منهم للسجن مثل مانديلا (الغريبة انهم ما شافو السجون الا بعد الاستقلال) دة رأيي باختصار ودمتم

لا يمكن قبول الحكم العسكري و التسلط بديلاً عن الديمقراطية بدعوى انتهازية قادة الاحزاب . نحن نريد الديمقراطية و لكن ليس بالشكل القديم .. نريد ديمقراطية بمواصفات جديدة .

Quote: لو ديل كلهم مرقوا الشارع وتقدموا الصفوف الامامية نحن سنكون من خلفهم سائرون والشعب السوداني كلهم بيكونوا وراءهم بس اليطلعوا هم في الاول

بقال
هذا ما وددت قوله بالضبط
شاهدنا المظاهرات في باكستان .. كان في قيادة الشارع قادتها من القضاة و المحامين و السياسين .. تعرضوا للضرب و التنكيل .. اتذكر مشهد المحاميات و كيف تم ضربهن بالعصي و ركلهن داخل سيارات الشرطة .. الاقامة الجبرية .. التهديد بالقتل .. كل ذلك لم يثني قادة المعارضة و الجمهور من خلفهم اسقاط الدكتاتور المسنود امريكياً .. نواز شريف تحدى و نزل المطار .. بناذير بوتو ضحت بحياتها و منحت شعبها الحرية ..

شاهدنا قادة المعارضة في زيمبابوي و الصورة تحكي هول المأساة ..

لم يخرج قادة المعارضة الى الشارع يا بقال .. اطمئن
لانهم عقلاء
و العقل هنا هو الجبن .

الاخ Faisal Elrasheed

Quote: فدعنا مع هؤلاء حتى يريد الله امراً كان مفعولا !

قلتَ : دعنا مه هؤلاء
لماذا تدع القارب لهؤلاء لتظل تحت رحمتهم ؟
اليس الاوجب ان تنادي بنظام يجد صوتك مساحة و رأيك احترام ؟

Quote: يبدو انو الجماعه ديل يا الصادق ضرار إشتاقوا لي التعويضات والمنابر الكلامية لذا دعونا في وضعنا هذا خير لنا مائة مره من ما هو مثل الديمقراطية الثالثة هذا العهد دفعنا له الكثير وآن أوان حصادنا تذكر معي حالنا والديمقراطية الثالثة !! الشارع الذي وقف فيه الجيش معنا(85) وقتها ضد نميري ! لو كنا نعلم انه سؤدي بنا الديمقراطية الثالثة !! أكيد اكيد ما كنا حا نقيف فيهو لحظة لذا حرام علينا الشارع وينتظرنا بعده الصادق والميرغني وأسماء لا تودي بنا الا الى الوراء فدعنا مع هؤلاء حتى يريد الله امراً كان مفعولا ! هشام

الاخ Hisham Ibrahim
طبعا اختلف معك جوهراً .. ذلك ان الديمقراطية مبدأ اصيل و ان فشل الممارسة او فشل قادة الحكم في انزال الديمقراطية بصورتها المثلى لا يدعو الى رفضها .
استغرب لمن ينادي بالديكتاتورية و ممارسة التسلط و قهر الشعوب .
مع احترامي.

Quote: كحركة العدل و المساواة صاحبة الرؤية و المشروع القومي

سلام ياسيد ضرار
ماتخاف الله ؟؟ انت بتتكلم عن حركة العدل والمساواة حقتنا دى ولا حركة عدل ومساواتن تانية؟؟
قال قومية قال.ههههههههه

Quote: سلام ياسيد ضرار ماتخاف الله ؟؟ انت بتتكلم عن حركة العدل والمساواة حقتنا دى ولا حركة عدل ومساواتن تانية؟؟ قال قومية قال.ههههههههه

حركة العدل و المساواة حقت تشاد !!
يلا كتر الضحك


ــــــــ
اعترفت اخيراً انو في حركة سودانية اسمها العدل و المساواة ؟!!

Quote: هم قادة المعارضة السودانية ؟ السيد الصادق المهدي دكتور حسن الترابي محمد ابراهيم نقد علي محمود حسنين انهم يدعون الشعب السوداني النزول الى الشارع عبر بيانهم عن الناطق الرسمي ابوعيسى انهم يريودن ان يضعوا العربة امام الحصان فلينزلوا هم الى الشارع و ليتبعهم الشعب السوداني , اما ان يدعوا الشعب من منافيهم الطوعية و ابراجهم العاجية النزول الى الشارع هو امر مضحك . زعيم المعارضة في زيمباوي لم يختار منفىً اختيارياً او تحصن ببرج عاجي ثم طالب شعبه بالانتفاضة .. نزل هو و تعرض للضرب و التنكيل .. فلماذا تخشون انتم النزول ابتدءاً الى الشارع

عفارم عفارم يا الصادق ياخ على الاقل خليهم ينسحبوا من المجلس الوطني . لكن وييين معقولة يخلوا حقوق نهاية الخدمة 300 مليون سوداني غير الراتب والعربة الفارهة والمخصصات

الأوجب مطالبة الحكومة

باحترام حق المواطنين في التظاهر السلمي

قادة وقواعد


الباقر موسى

بس الفي الصوره دا يا الصادق
رئيس دوله ولا قائد معارضة..؟؟

خبر عاجل::

الترابي ونقد وحسنين يجتمعون في بيت الصادق.. وقرروا النزول الي الشارع بعد قليل بعد ان طالعوا هذا البوست..

احمد محمد بشير

Quote: بس الفي الصوره دا يا الصادق رئيس دوله ولا قائد معارضة..؟؟

يا حريف الزول المبهدل ده ما شايفوا ؟ الريس آخر ترطيبه اسفل الصورة .

Quote: خبر عاجل:: الترابي ونقد وحسنين يجتمعون في بيت الصادق.. وقرروا النزول الي الشارع بعد قليل بعد ان طالعوا هذا البوست..

الترابي ممكن و حسنين و لكن الصادق ده مشكوك في امره .. الله يعلم انو يضحي بنفسه ..
قال هو مهدد و الحكومة ادته العين الحمراء بعد اتفاق العدل و حزب الامة .
لا نطالبهم بالخروج , فقط يلزموا انفسهم و يتركوا الثوار لرسم معالم السودان .

Quote: الأوجب مطالبة الحكومة باحترام حق المواطنين في التظاهر السلمي قادة وقواعد الباقر موسى

الباقر اخوي
اذا الحكومة حردت و همبكت و قالت جئنا بالسلاح العايزها ياخدها بالسلاح نقعد بعد دا نطالبها باحترام حق المواطنين في التظاهر السلمي ؟
ياخي كيف نطالب حكومة عسكرية تحكم بالنار و قطع الاوصال ان تسمح بالتظاهر ضدها ؟
انا ضد استخدام القوة و الخراب و لكن التظاهر السلمي حق مشروع ينتزع و ليس منحه من الانقاذ .

Quote: عفارم عفارم يا الصادق ياخ على الاقل خليهم ينسحبوا من المجلس الوطني . لكن وييين معقولة يخلوا حقوق نهاية الخدمة 300 مليون سوداني غير الراتب والعربة الفارهة والمخصصات

ياسر هرون ابوالقاسم
يعني الناس ديل شغلتهم وظائفهم و اموالهم و مخصصاتهم عن هموم الشارع ؟
هههه

لا لا يا الصادق ضرار...

Quote: يا حريف الزول المبهدل ده ما شايفوا ؟ الريس آخر ترطيبه اسفل الصورة .

انت كان كيدا ما جايب خبر... التحت في الصوره دا "روبرت موقابي" الرئيس الزمبابوي.. ومعروف انو رفض تسليم السلطة لاي رئيس.

*** اما المبهدل والمزعمط دا انا ما متذكر اسموا منو.. بس هو رئيس دوله افريقية.. وزوجتوا توفت في حادث حركة قبل شهور عندما حاولت المعارضة اغتيال.. ولكن نجاه الله وتوفت زوجته في الحال.

اعتقد صورت الرئيس هذة اخذت عندما كان معارض للنظام وهو في السجون... او ربما "وهذا احتمال كبير" قدأخدت هذة الصوره بعد نجاته من الحادث المروري الذي توفت فيه زوجته.

Quote: او ربما "وهذا احتمال كبير" قدأخدت هذة الصوره بعد نجاته من الحادث المروري الذي توفت فيه زوجته.

http://www.youtube.com/watch?v=TOX53_qbhc4&feature=related

الصادق ضرار

تقديري

لعل كلامك يقود الى مراجعة التاريخ

والحق المشروع في التساؤل من سرق

انتصارات الشارع السوداني ابريل

او اكتوبر او غيرهم من الانتفاضات ؟؟؟


شكرا ياضرار السؤال كبير ومسكوت عنه .


......................................حجر.

Quote: نريد ديمقراطية بمواصفات جديدة .

طيب القزاز عايزو كهربا و لا عادي يا الصادق ضرار.

Quote: طيب القزاز عايزو كهربا و لا عادي يا الصادق ضرار.

الاخ سيف النصر
غلبتني اقول شنو .

Quote: الصادق ضرار تقديري لعل كلامك يقود الى مراجعة التاريخ والحق المشروع في التساؤل من سرق انتصارات الشارع السوداني ابريل او اكتوبر او غيرهم من الانتفاضات ؟؟؟ شكرا ياضرار السؤال كبير ومسكوت عنه . ......................................حجر.

الرفاعي عبدالعاطي
في هذه المرحلة نحتاج من يسمون انفسهم بقيادات الاحزاب الوطنية تحمل مسؤولياتهم .. لا يمكن ادانة عزوة امدرمان على انه عمل عسكري غير مشروع ثم تتقاعس عن قيادة الشارع سلمياً بدعوى الترتيب .
اتفق معك ان التاريخ السياسي السوداني يحتاج الى مراجعة شاملة و تقييم .

Quote: هذه المعارضة !! الخرطوم : الهادي محمد الامين ذات الاعتبارات والحسابات السياسية ومصالح المؤتمر المؤتمر والحركة الشعبية التي أجلست الطرفين لتوقيع اتفاق السلام الشامل بنيفاشا في العام 2005م هي التي دعت الجانبين خلال اليوميين الماضيين للجلوس مرة أخري علي الطاولة للإتفاق علي شرعية النظام ودستورية الحكومة والتي شككت أحزاب المعارضة في شرعيتها وانتهاء أجلها .. وبعد أن ثبتت دستورية الحكومة دعونا الآن وبنفس منطق (المعارضة) نبحث عن شرعية (المعارضة) التي أثارت سحائب من الغبار الكثيف حولها مدي شرعية الحكومة الحالية .. من حقنا ان نستفسر عن من الذي أعطي احزاب المعارضة صك الشرعية ومن الذي فوضها للحديث باسم المناوئين للنظام القائم ؟؟ ومن الذي منحها سجلات الملكية والحيازة لكي تعارض ؟؟ وحينما هربت القوي المعارضة إلي خارج السودان لمنازلة النظام.. هل تشاورت مع الشعب السوداني للتحقق من موافقته لخروجها؟؟ وعندما كانت تستلم أموال السحت الممحوقة وتلتهم دولارات الدول الغربية وتستقطع (الكومشن) وضريبة المعارضة من السفارات هل دفعت لهذا الشعب الصابر والمغلوب علي أمره أم دخلت كل تلك الثروات إلي جيوبهم وحساباتهم المصرفية ببنوك سويسرا ؟؟ وهل كانت المعارضة بالخارج تعبّر عن أشواق وطموحات الأغلبية الصامتة والسواد الاعظم من السودانيين الغبش ؟؟وماذا استفاد الشعب السوداني من معارضتهم للإنقاذ وماذا كسب الآن من مصالحتهم للحكومة الحالية ؟؟ ما هي الفوائد والعائدات التي قدمها فاروق أبوعيسي بوجوده اليوم في المجلس الوطني ؟؟ وهل تبرع في يوم من الايام لصالح الكادحين وهو يعيش عيشة الارستقراط ؟؟ كيف يعارض أبوعيسي الحكومة وهو يجلس في برلمانها ويصرف من أجورها الشهرية ويتلقي حوافزها ونثرياتها ويقف مع الاعضاء في صف المرتبات امام(الخزينة ) والحسابات ؟؟ وكيف يكون الرجل معارضا وهو يستلم(المعلوم) من خصمه السياسي ؟؟ معارضة تهاجم الحكومة بالنهار وتتسامر معها بالليل !! وإني لأتساءل ما هو الفرق بين أحزاب الحكومة وأحزاب المعارضة حاليا ؟؟ إنهم يأكلون باسم الشعب السوداني البسيط ويتكسبون علي سمعته وحسابه ويعيشون بانتهازية علي عرق جبينه !! كما رأينا رجلا معارضا يسب وياعن الحكومة ويخرج مغاضبا ثم لا يلبث ذات الرجل وبدون حياء أوخجل ان ينفخ عقيرته شاكرا الحكومة بعد ان يعيّن وزيرا أو وزير دولة !! أي معارضة تلك التي تعارض من الفنادق حينما تكون بالخارج وتعارض من الفلل الرئاسية والعمارات عندما تكون بالداخل!. يمتطون سيارات الحكومة ويطالبونها بالتعويضات ويقبضون البدل والبدلات ومنحة الرئيس وعلاوة غلاء المعيشة وووو .. ويعارضون !! إنني لا أشك لحظة في ان المعارضين (هؤلاء) هم حكوميون أكثر من الحكومة و(متكوزنين) أكثر من (الكيزان) ويلعبون علي كل الحبال ويقومون بأدوار مرسومة لصالح النظام الحاكم !! أثروا واغتنوا وشبعوا حتي أصابتهم التخمة !! بنوا العمارات في الأحياء الراقية والمنازل ذات الطوابق العالية بضواحي الخرطوم تزوجوا مثني وثلاث ورباع ... فالمعارضون اليوم هم المستفيدون من (المعارضة) مثل إستفادتهم من (الحكومة) علي حد سواء .. وقولوا لي بربكم كيف يعيش هؤلاء المعارضون اليوم ؟؟ إنهم في بحبوحة من الحياة بينما من يناضلون باسمهم يسحقهم(بلدوزرالفقر) وينتظرون ملك الموووووووووووووووت !

عندما تنعدم الشفافية النتيجة هي مثل هذه الكتابات .
كيف يستطيع الصادق المهدي الخروج الى الشارع لقيادة الشعب و هو الذي يتمتع بحماية النظام ؟
كيف يستطيع اولئك الخروج و الحكومة تبتزهم بما اخدت ايديهم من تحت الطاولة ؟

سبحان الله يا الصادق ضرار !!!!!!!!
الجزئية التي اقتبستها انا من كلام الاخ الفاضل

Quote: القيادات السياسية الحزبية عندنا لا هم لها سوى السلطة وهي قد اعتادت منذ الاستقلال ان تستولى على السلطة اما بتحريض فئات الشعب من طلاب وعمال واستغلال مشاعر الاستياء لديهم للخروج الى الشارع .. فاذا جاءت الديمقراطية بما لا يشتهي احد الاحزاب .. قام بتحريض القوات المسلحة واستغلالها للوصول الى السلطة من زمان ناس عبدالله خليل .. لكن لو اصلو الانتخابات حتجيب واحد من السياسيين الشايفنهم ديل خلونا في انقاذنا دي ..

وكتبت انت

Quote: اعتادت قيادات القوى السياسية السودانية سرقت نضالات الشعب السوداني و تجييره لصالحها عبر الحقب الماضية حيث ينزل الشعب السوداني الشارع و يقلع الدكتاتور من منبعه و يحمل الزعيم الجديد على الاكتاف من برجه ثم ينصبه . بعد ذلك ينشغل الزعيم الجديد عن امور البلاد و الشعب الى شأنه الخاص و تكريس وقته في اسباب بقاءه في السلطة بدل خدمة الشعب .

يعني توافق كبير بينا .... لا ادري ما الذي ازعجك ؟؟؟؟؟

Quote: يعني دايرنا ننتظر كم سنة تانية ؟

دي قس علي المدي الزمني لحركات (الهامش الاميبيه) متي ستتوحد ؟؟؟طالما التعويل اصبح عليها !!!

الأخ الصادق ضرار

تحياتي

تقول

Quote: الباقر اخوي اذا الحكومة حردت و همبكت و قالت جئنا بالسلاح العايزها ياخدها بالسلاح نقعد بعد دا نطالبها باحترام حق المواطنين في التظاهر السلمي ؟ ياخي كيف نطالب حكومة عسكرية تحكم بالنار و قطع الاوصال ان تسمح بالتظاهر ضدها ؟ انا ضد استخدام القوة و الخراب و لكن التظاهر السلمي حق مشروع ينتزع و ليس منحه من الانقاذ .

لما البشير قال " العايزها ياخدها بالسلاح "

ملأنا له الآفاق معسكرات مسلحة

من حفرة النحاس إلى همشكوريب

حتى تراجع عن ذلك واضطر لتوقيع أتفاقيات السلام

التي قبل فيها تداول السلطة سلميا

أي أنه وقع على إنهاء حكم الإنقاذ

وتأسيس حكومة الوحدة الوطنية

التي تقوم على المشاركة

وتمهد الطريق لتداول حر للسلطة

وهذا كلام موقع ومشهود

ونحن نطالبه بالإيفاء به

وإذا عادوا

عدنا


الباقر موسى

السيد الصادق المهدي
دكتور حسن الترابي
محمد ابراهيم نقد
علي محمود حسنين

ليس هؤلاء من يدعون الشعب السوداني للنزول إلى الشارع لأن هؤلاء لا يهمهم الشعب ولا يهمهم السودان فقط نهمهم المناصب وكرسي الحكم عشان كده أي دعوة منهم يجب على الشعب أن لا يعيرها إهتمام ، والله لا عادهم للسلطة مرة اخرى عشان ما نرجع تاني للقراءة الأولى والقراءة الثانية وأملاك المهدي وأملاك الميرغني لحدي ما ينط فيها عسكري تاني. يا هؤلاء الشعب أصبح مفتح وواعي وعارف ما حا تجيبوا ليهو حاجة وكدي أول حاجة إتفقوا في بعضكم بعدين خلوا الشعب يتفق معكم.

اخي حمزه بابكر
العفو يا حبيب لست منزعجاً . ثمة فارق بين موقفينا .. حيث تعليق الاخ الفاضل اختتمه بـ :

Quote: خلونا في انقاذنا دي

هنا الاختلاف .. يعني ما برضى بالتسلط عشان القادم مجهول .. ده تخويف للناس .. لذلك قلت لك : يعني دايرنا ننتظر كم سنة .

مع الود .


الاخ الباقر موسى

Quote: ونحن نطالبه بالإيفاء به وإذا عادوا عدنا الباقر موسى

عين العقل و كلام مقبول .

Quote: السيد الصادق المهدي دكتور حسن الترابي محمد ابراهيم نقد علي محمود حسنين ليس هؤلاء من يدعون الشعب السوداني للنزول إلى الشارع لأن هؤلاء لا يهمهم الشعب ولا يهمهم السودان فقط نهمهم المناصب وكرسي الحكم عشان كده أي دعوة منهم يجب على الشعب أن لا يعيرها إهتمام ، والله لا عادهم للسلطة مرة اخرى عشان ما نرجع تاني للقراءة الأولى والقراءة الثانية وأملاك المهدي وأملاك الميرغني لحدي ما ينط فيها عسكري تاني. يا هؤلاء الشعب أصبح مفتح وواعي وعارف ما حا تجيبوا ليهو حاجة وكدي أول حاجة إتفقوا في بعضكم بعدين خلوا الشعب يتفق معكم.

الاخ Shawgi Sulaiman
اتفق معك تماماً في كل ما ذكرته و يظل السؤال : ما هو البديل ؟
قوى الهامش ؟
الانقاذ ؟
لا يوجد خيار ثالث .

Quote: اليوم هنالك قوى جديدة في الساحة السودانية لم تكن معروفة من قبل منها الحركة الشعبية و حركة العدل و المساواة بقيادة الدكتور خليل ابراهيم و باقي الحركات الثورية الاخرى . هذه القوى لا تتوانى في استخدام كل الوسائل المشروعة سلمياً و عسكرياً في تحقيق مطالب الشعب السوداني و هي التي اوصلت الانقاذ الى هذه المحطة

الأخ الصادق ضرار

سلام
سئل بعض جنود حركة العدل والمساواة عند تنفيذهم عملية الذراع الطويلة في مايو2008م عن عزيمتهم القوية في تحمل السفر الطويل ونقص الزاد حتى الوصول إلى امدرمان.. فقالوا: ان أكثر ما يحثهم ويدفعهم في القتال هو وجود د. خليل ابراهيم رئيس الحركة بينهم, يأكل مثلهم, يمشى مثلهم, يقاتل مثلهم... وهو الشئ الذي كان مفقودا لديهم عما سبق من قيادات سياسية عرفوها..
وكان ذلك ديدن الراحل د. جون قرنغ ديمابيور مع جنود الحركة وفي مراحل كانت حرجة في القتال....

الشعب شبع مآساة, ظلم وطغيان.. وهو يحتاج للقيادات التي تتقدمه في أي شكل تحرك للتغيير..


تحياتي

عبدالعزيز

Quote: الأخ الصادق ضرار سلام سئل بعض جنود حركة العدل والمساواة عند تنفيذهم عملية الذراع الطويلة في مايو2008م عن عزيمتهم القوية في تحمل السفر الطويل ونقص الزاد حتى الوصول إلى امدرمان.. فقالوا: ان أكثر ما يحثهم ويدفعهم في القتال هو وجود د. خليل ابراهيم رئيس الحركة بينهم, يأكل مثلهم, يمشى مثلهم, يقاتل مثلهم... وهو الشئ الذي كان مفقودا لديهم عما سبق من قيادات سياسية عرفوها.. وكان ذلك ديدن الراحل د. جون قرنغ ديمابيور مع جنود الحركة وفي مراحل كانت حرجة في القتال.... الشعب شبع مآساة, ظلم وطغيان.. وهو يحتاج للقيادات التي تتقدمه في أي شكل تحرك للتغيير.. تحياتي عبدالعزيز

الاخ عبدالعزيز
الدكتور خليل ابراهيم لا نتحدث عنه طالما هو يفعل , فلندع افعاله تتحدث عنه حتى لا نتهم بالتطبيل .. لكن و للحقيقة ان الدكتور خليل ابراهيم هو حارس الجلابة الاول و حامي مصالحهم ذلك ان خليل ينشد العدل و يعطي كل ذو حق حقه . قابلناه و نحن طلاب بالجامعة و حينها كان وزيراً للتربية و التعليم بدارفور, طالبناه بتحمل نفقات الاعاشة و الترحيل و الاسكان لطلاب دارفور بالعاصمة حيث صعوبة الوضع و نحن اكثر من خمس عشرة رابطة و اتحاد .. كان رده : ان الغاء مجانية التعليم هي سياسة الدولة و انه ملتزم باداء الامانة و التكليف حسب الموجهات .. ذكرناه بان كل المسؤولين في الدولة يستأجرون المنازل لطلاب ولاياتهم على حساب الدولة , كل من موقعه و حسب امكانيات منصبه , هز رأسه و انفض سامرنا .. شخص بسيط مثل الشهيد عبدالله ابكر الذي وصفه كمال بخيت بانه يشبه الباعة المتجولون .. ميزة الدكتور خليل انه يملك عزيمة لا تفتر .. قوي لا تهده الاهوال و المصائب .. عنيد صنديد لا يتنازل او يتململ عن الحق مهما كلفه .. واضح كالشمس لا يحب الكلام المعسول و المنمق و الكذب . ادار حركته بجهد و حنكة عندما كان بالخارج .. لما كثر الحديث عن وجوده بالخارج , نزل الميدان و اصبح جندياً بين قواته و هو اليوم يقود حركته و يشارك في كل المعارك .. ذكر رفاقه ان خليل آخر من انسحب من امدرمان في عملية الذراع الطويل حيث اشرف على عملية الانسحاب .
اعتقد ان الدكتور خليل هو رجل الساعة و سيكتشف الشعب السوداني ذلك عاجلاً ام آجلا .

الباقر موسى ... الصادق ضرار ...

Quote: لأوجب مطالبة الحكومة باحترام حق المواطنين في التظاهر السلمي قادة وقواعد الباقر موسى

عشان الحوار ما يمشى فى اتجاه غلط ...

لغة السلاح دى كانت لغة ما قبل نيفاشا ...

بعد نيفاشا ... اللغة بقت ... الدايرا يجى يشيلا بى صناديق الإقتراع ...
_____________________

لاكين السؤال لى الباقر موسى:

فى زول منع الـ 28 حزب وقواعدهم من التظاهر؟

فى زول قدم لى تصريح لى مظاهرة سلمية ... ورفضوا ليهو؟

ولاّ المقصود شنو بى "مطالبة الحكومة باحترام حق المواطنين بالتظاهر السلمى"؟


بالله ما تخمّنا ساكت ..... الجماعة ديل شافوا الصورة وخافوا ... مافى زول حماهم يظاهروا ...







... المهم ...

Quote: السيد الصادق المهدي دكتور حسن الترابي محمد ابراهيم نقد علي محمود حسنين

و معهم خليل و محمد عثمان الميرغني
و علي عثمان و البشير
كلهم لا رجاء منهم و لا خير فيهم للسودان و للشعب
كل حياتهم مصلحة زواجهم مصلحة الاحياء التي يسكنوها
للمصلحة
كيف نامن لهم السودان و هم من باعوا السودان و خيراته
هم من شردوا أبنائه

Quote: الدايرا يجى يشيلا بى صناديق الإقتراع ...

الاخ تبارك شيخ الدين

كيف الوصول الى هذه المحطة , صناديق الاقتراع هي المعضلة .




ــــــــــــــــــ

Quote: و معهم خليل و محمد عثمان الميرغني و علي عثمان و البشير كلهم لا رجاء منهم و لا خير فيهم للسودان و للشعب كل حياتهم مصلحة زواجهم مصلحة الاحياء التي يسكنوها للمصلحة كيف نامن لهم السودان و هم من باعوا السودان و خيراته هم من شردوا أبنائه

الاخ حسن الطيب
شن دخل خليل مع اهل الحل و الربط ؟!!

Quote: كيف الوصول الى هذه المحطة , صناديق الاقتراع هي المعضلة .

نحن ... كل الشعب ... نضع هذه المعضلة نصب أعيننا ... ونمد ما تبقّى من حبال الصبر (التى صارت زهيد الثمن بعد سلام الجنوب وانخفاض معدّل الأعمال العسكرية فى دارفور) حتى أبريل القادم ... ولكل بداية نهاية ...









... المهم ...

Quote: يعني ما برضى بالتسلط عشان القادم مجهول .. ده تخويف للناس .. لذلك قلت لك : يعني دايرنا ننتظر كم سنة .

الاخ الصادق
تحياتي مجددا
الحكاية ليست تخويف ولكنها قراءة واقعية للتاريخ .. وبالمناسبة فالتاريخ لا يعيد نفسه ... كل الحكاية اننا لا نتعلم من دروسه وعبره ..
بالامس كان في واحد من المعارضة (اول مرة اشوفو) ببيقول انو الشعب السوداني سيكون اسعد حالا اذا ذهبت الانقاذ .. فمن اي عالم بالغيب اتى بهذه الشهادة? ولكن بصراحة فان هناك كما ذكرت من يريد خراب الديار ليحصل على شلية منها على اشلاء البسطاء والسذج
الشواهد امامنا كثيرة قلنا ان افغانستان ستكون افضل بزوال طالبان .. وقلنا ان العراق ستصبح افضل بزوال صدام .. هذا لا يعني انهم كانو في نعيم ثم زال .. وانما كانو في بؤس فازدادوا بؤسا .. لان الصراع السياسي اليوم اصبح صراعا مسلحا ولم تعد تسعه اروقة البرلمانات .. والسلاح اليوم اصبح تجارة سريعة وهائلة الارباح .. والذئاب من تجاره يتحينون الفرص لاشعال فتنة هنا او هناك
نعم ان الوضع الراهن سئ ولكن قبل تغييره علينا العمل على ان يكون القادم افضل .. وعلينا ان نرجح بين كفتين .. المر او الامر منو .. عشان كدة قلت ليك خلونا في انقاذنا دي .. والى ان تغيروا ما بانفسكم .. بعد داك غيرو الحكومة .. لانكم كما تكونو يولى عليكم .. يعني الناس البتقولو عليهم فاسدين ديل منكم ولكم .. والفساد لو لم يجد من يرعاه ويرويه فلن ينمو .. ويجدون الدعم منا .. القصة يا لصادق اخوي طويلة وما قصة انقاذ وخلاص انها قصة شعب لعبت به القوى السياسية
بس حبيت اوضح نقطة ولقيت نفسي (انجرفت) و(انحرفت عن الموضوع
مع خالص الود والتقدير
الفضل

9/8/2009م

شهر مضى و شهور ستمضي

نحن نعيش في ظل حكومة غير شرعية

المعارضة اكدت ذلك

و لا تستطيع ان تفعل اكثر من

دعوة الشعب السوداني النزول الى الشارع

يقيني انهم جبناء .. ليس اكثر من ذلك

ليس لديهم فكر و منهج و رسالة للشعب

بل مصالح ذاتية و طريقة حياة

لذلك هم احرص الناس على الفانية


ـــــــــــــــــــــ
شكراً اخي تبارك شيخ الدين
و الاخ الفضل على المساهمة
و معكم ننتظر قادمات الايام