صور نادرة جدا - عن تاريخ السودان.

ود حبوبة يصلي قبل إعدامه

ودحبوبة قبل الإعدام

الناس العنهم مرثية أخته ومطلعها [ الواعي ما بوصوه توري اب زنود ساقوه] نشكرهم لو نزلوها لنا هنا
الطريف انني سمعتها اول مرة أيام نظام عبود بصوت محمد ابراهيم نقد لما جا يبارك لنا انا وحامد الانصاري العرس وهو مختفي في مدني حيث كنا
سعاد ابراهيم احمد
الخرطوم في 10 يوليو 2009

ماما سعاد
اظن ايضا ان الجنزير قيلت فيه
http://www.youtube.com/watch?v=aFBBi-YUHZU

بهاء/طوكيو

Quote: أغنية الواعي ما بوصو من كلمات بت مسيمس وهى حكامة وشاعرة الزبير باشا ولقد عاصرت ود حبوبه وثورته واسمها الحقيقي رقية أيضا وهى من منطقة المسلمية .. ولقد تحصلت على ثلاث نصوص لهذه الأغنية منها نصا مكتوبا وتختلف هذه النصوص عن بعضها البعض قليلا... استمعت لها من الفنان بادي محمد الطيب والفنان بابكر ودنوبه وهو من منطقة بارا ... ونص ودنوبه لا يختلف كثيرا عن النص الذي أورده الأستاذ صديق محمد احمد البادي في كتابه لمحات من حياة ود حبوبه ... ولحن الأغنية الحالي لبادي محمد الطيب ، حيث ذكر لي الفنان بادي محمد الطيب إنها كانت تغنى في شكل مناحة وكذلك أغنية بتريد اللطام .. الواعي ما بوصو كلمات بت مسيمس رواية الفنان / بادي محمد الطيب الواعي ما بوصو من أمس الضحى تورى أب زنود ساقو يا مقنع ولياتو ******** تور بقر الجواميس العليك الرك يا عقد الحديد للحلبي ما بتنفك تورك يا أم رشوم في الحلق عشرق دقيت الجسر وحاجر مشارع الحق ********* غنيت وجبت مسدار المكنه بتكاكى وجنن مدافع النار لفوك يا رحل الكحل دلوك ما بتندار أمانة يا صقر ما تفرشت ليك برجال ******** غنيت وجبت نمك بجر القول عليك يا مقنع الكاشفات أسد الخلا الحجر اليويات ساقوك لي الشنق يا أبو أمنه حوبتك جات ******* غنى وشكري يا خضرة الجٌم طلع لي عشارى الليله مسكو يفوح ما خطف البدينقه وما جفل مجروح سيفو بياخد الخوده ومعاها الروح ******** أمك ولدتك ما ولدتم أتنين تسلم لي يا تلبى البكيل العين حالف يمين ما بكون بين البين دقيت الجسر لي متعة الحيين ********* غنيلو يا بنيه من قومة الجهل ما قاملو بى نيه وكت الشوف أشوف وقفولو سلطيه تعدى وركز قال اخوكى يا رقيه رواية ثانية لكلمات الأغنية الواعي ما بوصوه من أمس الضحى تورى أب قرون ساقوه يا مقنع ولياتو الواعي ما بوصوه الفتح الدرب خلى العريب يمشوه ************ غنيت بجيب مسدار المكنه بتكاكى جنك مدافع النار يا قصر الرجال اللي الفقر عصار يا قصر الفراسه اللي الضلع كسار يا نار الزبل الما بندركلك حال يا رحل الكحل لا بتنزاح ولا بتندار عوج الطنضبه الما بتعدلو النار درعولو أم خريز العسكر الزنهار مأمن بالقماحه اتقدلت ليك برجال *********** الليله عليك غنيت بلع الألف كلو قال ولا استكفيت يوم جوك للحرب لا سخيت ولا ضليت صامت بالقماحه أتفرشت واتغطيت دا تور الجواميس العليهو الرك دا عقد الحديد لى الحلبى ما بنفك دا سم الغدور الفى الحلق عشرق منو غيرك دق فى الحراجه مدافع الحق *********** الليله عليك غنيت يا مطرق الجراح قلت ليهم عشارى مسكو يفوح ما ختف البدينقا وما جفل مجروح بلع الألف كلو درب الجبين مطروح جابوك بى أم خريز الزدخانه تفوح سيفك بشيل الفقر ومعاها ملاح المخ *********** من كوجه وكجيج لي عند بلاد العين جابونا الضحى في مركز الكامنين الأهبل يقول أدوه عشره سنين والعاقل يقول حكموا عليهو بسنتين وكتا جانا الجنا الطبق الجنيه في أتنين كملت العمد والمشايخه وحلانين ******** ابشر يا صقر ما تكتر الحلقان تأكل ليك مطايبا ما لحم سخلان تأكل في المطايب ما لحم عيران تأكل في المطايب فوق ضهر سلطان تتغدى وتفوت كبده وكلا ومصران شن منك نقول لامات عقيد مرجان ******** تكلم يا لساني تكلم المنطوق عن مدافع الحق الفى مشيها بروق قال قاسم اليمين كان اليمين مطلوق زى كاسر الأسود ما بشنقوه في السوق اضعط هنا للذهاب الى المصدر

محمد الامين
وبهاء

شكرا علي المرور والإضافة

شكرا كتير الاستاذة المناضلة سعاد

لك التحية وربنا يديم عليك الصحة العامية

نحاول ننفذ المطلوب

فرحة النساء بدخول فاطمة أحمد إبراهيم البرلمان

الملحن العم أحمد مرجان ملحن نشيد العلم (نحن جند الله)

الطيب صالح في صباه في قرية كرمكول

الشاعر ود الرضي

المرحاكة 1950

أبناء المهدي البشري - عبدالرحمن - الفاضل في الشكابة

" ليالي الخير جادن"

شكرا محمد آدم الحسن.

Up