Post: #1
Title: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-09-2009, 12:23 PM
تتحدث الأوساط عن وصول مفاجئ للزعيم ودشيقوق للبلاد ، وترجح المصادر أن يغادر الرجل الخرطوم فورا لقضاء إجازته بالبردانة بعيدا عن
الأضواء ، حيث تتحدث الأنباء الواردة من هناك عن إجراءات أمنية مشددة حول البلدة ، ووصول العشرات
من الصحفيين وهواة تصوير النجوم .
التعديل مزاج
|
Post: #2
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: عمر صديق
Date: 07-09-2009, 12:36 PM
Parent: #1
العزيز محي الدين
تحياتي
ولازم تخطرنا بي وصول شيخ العرب
|
Post: #3
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-09-2009, 12:57 PM
Parent: #2
ود عمى عمر صديق
الراجل ده لو فعلا وصل يكون خبر بمليون .....
طبعا فى حاجات بنعرف بيها جيتو....
أول حاجة..
أزمة فى السلع المعروضة فى شارع البحر فى ابروف ...
ثانيا بكون فى أزمة فى العتان فى سوق المويلح .....
ونمرة تلاتة دى أسأل منها أبارو
|
Post: #4
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: عمر صديق
Date: 07-09-2009, 01:22 PM
Parent: #3
محي الدين
تحياتي
| Quote: ونمرة تلاتة دى أسأل منها أبارو |
خلاص انت جهز عربية تكون من نوع
الفور ويل درايف وعمروماشاف ورشة
اخر صيحة في الموديل وماضاق خرشة
بريربة العسين الطامنة من الهرشة
بدني بلودا بي سرعة ابنصي الفرشة
وبعد ماتجهزا انا بنشي لي عمي البلولة واكلنو واجابتو حا تكون :
قال لي يا ابن اخوي طلبك علينا مجاز
وكل تاخبرنا تم الزيت وكب الجاز
امش قدامنا تم في عملك الانجاز
واكتم خبرو من عارض ومن حجاز
وبعد كدا نغشي مدني ونسال اباور ونسوقو معانا لي قعور الصعيد حيث ودشيقوق
|
Post: #5
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: Ahmed Yousif Abu Harira
Date: 07-09-2009, 01:32 PM
Parent: #4
| Quote: وإجراءات أمنية مشددة بالبردانة ... |
سلام يا ودجبرين
آخر ما سمعنا انو بيتو طلع بير بترول ، فهل الاجراءات المشددة دي عشانو وللا عشان البير؟
Quote: لفور ويل درايف وعمروماشاف ورشة
اخر صيحة في الموديل وماضاق خرشة
بريربة العسين الطامنة من الهرشة
بدني بلودا بي سرعة ابنصي الفرشة |
عمر صديق
كان اغشيتوني بي عربيتكم السمحة دي بمش معاكم البردانة وبمدح لكم:
لي زيارتو حدينا النوق
حبيبنا قريبنا ود شيقوق
ولي زيارتو ....
|
Post: #6
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: عمر صديق
Date: 07-09-2009, 01:56 PM
Parent: #5
Quote: عمر صديق
كان اغشيتوني بي عربيتكم السمحة دي بمش معاكم البردانة وبمدح لكم:
لي زيارتو حدينا النوق
حبيبنا قريبنا ود شيقوق
ولي زيارتو .... |
شيخ البطانة ود ابحريرة
يازول نحن نغشاك لانو العربية كان ود جبرين جابها براها بتتوجه نحو البطانة التي قال فيها الشاعر الراكب معانا:
تسلمي انتي ياالزانت عواليك دككك
برقك مالي شايل الليل صبيبك وتككك
غير البنفض الشرابة تصعب سككك
عيشك دان ومرحاتك بدان من زككك
|
Post: #8
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-09-2009, 05:43 PM
Parent: #5
شيخ العرب أحمد أبو حريرة حبابك ألف
Quote: سلام يا ودجبرين
آخر ما سمعنا انو بيتو طلع بير بترول ، فهل الاجراءات المشددة دي عشانو وللا عشان البير؟
|
الإجراءات الأمنية طبعا لود شيقوق البترول ده أصلو بقى أمبريش بلا فايدة حارسنو ليها شنو
Quote: كان اغشيتوني بي عربيتكم السمحة دي بمش معاكم البردانة وبمدح لكم:
لي زيارتو حدينا النوق
حبيبنا قريبنا ود شيقوق
ولي زيارتو .... |
لى زيارتو حدينا الفور ويل
لودشيقوق الكريم واصيل
ود عزالقبائل اللى حمولو بشيل
رجاجياهو أم ضفاير اللى هموما بزيل
هيييييييييييييييييييييع
والله الليلة الواحد بقى شاعر بقدرة قادر
يلا ياودصديق أجدع فى الراجل
|
Post: #7
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-09-2009, 05:36 PM
Parent: #4
أبشر آآآود صديق
Quote: الفور ويل درايف وعمروماشاف ورشة
اخر صيحة في الموديل وماضاق خرشة |
ومعود على البلد البعيد داكا .... الصورة أدناه فى ود العباس شرق سنار
وود البلولة ده كلامو براه عاد
|
Post: #9
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: احمد حامد صالح
Date: 07-09-2009, 06:14 PM
Parent: #7
اخر الاخبار
وصول وفد المقدمة على متن عشرين مروحية صافات 17 و قد صرح مدير البروتكول بتاجيل وصول الزعيم لمدة 24 ساعة نسبة للامطار الغزيرة و الرياح العاتية مما تسبب فى اغلاق مطار البردانة الدولى و قد هبطت طائرة الزعيم اضطراريا بمطار قلاديمة العسكرى حيث استقبلته الجماهير بكل الحفاوة و الترحاب انتهى الخبر
|
Post: #10
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-10-2009, 10:36 AM
Parent: #9
| Quote: وصول وفد المقدمة على متن عشرين مروحية صافات 17 |
صافات كمان .... الله يجازى محنك يا أحمد
وبعدين البقرة خللك فيها شى للمونتلاب ده ... لا تضيعو
سمح ؟
|
Post: #11
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: احمد حامد صالح
Date: 07-10-2009, 03:09 PM
Parent: #10
محى الدين تحياتى و ودى
متخاف على الموتلاب نحلب اتنين و نخلى اتنين
اخبار الزعيم ... تشير الى تحرك الزعيم برا من قلاديمة نحو السوكى و استقبلته الجماهير فى التريرات بالهتافات العاصفة ... ايدناك بايعناك للجمهورية ايدناك ... فيما خاطب الزعيم الجماهير مؤكدا استعداده لتحقيق نصر كاسح على منافسه زعيم المعارضة الحلاوى
|
Post: #12
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: طارق جبريل
Date: 07-10-2009, 03:16 PM
Parent: #11
المسنوح دة بالله ما تقصروا معاهو
ومن عندي انا اشتروا ليه رٌُبطة طلح
|
Post: #14
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-10-2009, 05:35 PM
Parent: #12
طارق ود جبريل
آزول نحن قلنا من علامات ودشيقوق فى الخرطوم
Quote: أزمة فى السلع المعروضة فى شارع البحر فى ابروف ...
ثانيا بكون فى أزمة فى العتان فى سوق المويلح .....
|
طبعا السلع المعروضة فى شارع البحر فى ابوروف دى الطلح الميتين بى شوقوا إنتوا ....
وتانى زولك مابخليلوا ديكا ولا عتودا حايم بالسهلة
غايتو الله لا لماك فيهو .... الكلام الفوق ده كلو أنا موثقوا ليهو بالصور
أصبر شوية هو بجى ناطى ..... وأنا بفك آخرى
محبتى
|
Post: #16
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: اْسامة اْباّرو
Date: 07-11-2009, 07:48 PM
Parent: #12
طارق جبريلQuote: المسنوح دة بالله ما تقصروا معاهو
ومن عندي انا اشتروا ليه رٌُبطة طلح |
هى بردانه من شنو؟
ما كترة الغتغته !!( وش حفرة)
ياخى البردانه دى بالنهار تتلمسه من الدخاخين ( العريريب
ده ما يسمعنا باقى لسانو شوكة طلح وبطنه شملة بردانه )..
تحياتى محى الدين
|
Post: #25
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-12-2009, 12:15 PM
Parent: #16
حبيبنا أسامة ابارو
الراجل إتصلت عليهو أمس الأول فى البردانة .... لقيت ليك الجماعة داقاهم مطرا تقيلة
وبعدين ياعمك .... قال : عليهو اليمين الحلة كلها قامت بعد المطر دكنابة ودخاخين
نفسى أعرف السر شنو ... ديل لو شافوهم ناس الغابات على يفتحوا فيهم بلاغ بتاع ( إبادة جماعية لأشجار الطلح )
محبتى
|
Post: #33
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: اْسامة اْباّرو
Date: 07-12-2009, 01:21 PM
Parent: #25
محيو الجميل| Quote: لقيت ليك الجماعة داقاهم مطرا تقيلة |
أها..
البردانه ووصلا ... إيجى راجع كيييييييييييف؟
وحاتك إلّا يركب طلحوا شقيق ...البردانه - سنجه
|
Post: #36
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-12-2009, 01:56 PM
Parent: #33
Quote: البردانه ووصلا ... إيجى راجع كيييييييييييف؟
|
إنت عارف يا أسامة أبارو صاحبك جاء فعلا الخرطوم حسب كلام خالد لمحرب قال ببرادو
لكن مصادرى الما تغبانى قالت عمك جا بى تيمس مكتوب عليهو ( السايقة واصلة)
وبعدين بلا التيمس شن بشيل شوالات البتاع بتاعو
وده الجابو من السلطنة طبعا
|
Post: #13
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-10-2009, 05:29 PM
Parent: #11
احمد جنا ودأبصالح
إت آآآزول أنا قايل من البلد داكا ......
زولك قالوا يشترى فى العقالات ساااااى .... ( البردانة تسبح فى بحيرة من النفط ) أو كما أوردت صحافة الخرطوم
صنفرة
دحين أخدلك كريعة من اللبن ده تحت أمو
وأكشحنا بالباقى
|
Post: #15
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: السيد المسلمي
Date: 07-11-2009, 06:38 PM
Parent: #13
Quote: المسنوح دة بالله ما تقصروا معاهو
ومن عندي انا اشتروا ليه رٌُبطة طلح |
طارق ودجبرين شكراً لدعمكم اللامحدود للزعيم ودشيقوق ،،
عليه ومن الأخر كده أنا برضو من عندي ربيطة بتاعت شااااف ،،
ــــــــ
غايتو عليك جنس حاجات هاهاهاهاها .
|
Post: #17
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: احمد محمد بشير
Date: 07-11-2009, 08:02 PM
Parent: #15
بالجد ود شيقوق دا ليه فتره ما ظهر...
غايتو دي أخبار كويسه..
|
Post: #18
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: خالد المحرب
Date: 07-11-2009, 08:45 PM
Parent: #17
كنت عبر الهاتف مع الزعيم ودشيقوق بعد ضرب الشيه والكبده النيه فى طريقه الى الخرطوم قادما من عوله
يمتطى برادو فارهه ولعشاق العريبى من بورداب الخرطوم دا الموبايل بتاع العريبى ودشيقوق وشمار سريع مدقوق
0919937901 وشكرا
|
Post: #19
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: احمد حامد صالح
Date: 07-11-2009, 10:41 PM
Parent: #18
كده البتصل بالزعيم يؤكد لينا موضوع الاقامة فى امارة البردانة هل سيكون بنظام الكفالة ام لا و هل هناك معاملة خاصة لمواطنى الامارات المجاورة الكسابات و الشيخ طلحة
مع تحياتى
|
Post: #20
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: طارق جبريل
Date: 07-11-2009, 11:11 PM
Parent: #19
السيد المسلمي وود ابارو
غايتو انا شيخي شيقا دة ما بدور فيه الكلام
لكن تحت تحت كدة بالله اقطعوا ليه شجرة طلح
وواحدة بتاعة شاف
والشملة دي بيلقاها لااااقدام
وكمان ان بقيتوا رسلتولوا برطمان كركار ما بطال
لانه الطلح الناشف بيشقق
|
Post: #21
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: فاروق حامد محمد
Date: 07-11-2009, 11:50 PM
Parent: #20
أرتفعت أسهم شركة "شيقو" للطلح العربي
في بورصة الخرطوم بعد وصول الفارس
الشيخ الطيب بن مضوي آل شيقوق الطلحي
الى البلاد الأسبوع الماضي !!!!!!!
|
Post: #34
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-12-2009, 01:45 PM
Parent: #21
Quote: أرتفعت أسهم شركة "شيقو" للطلح العربي
في بورصة الخرطوم بعد وصول الفارس
الشيخ الطيب بن مضوي آل شيقوق الطلحي
الى البلاد الأسبوع الماضي !!!!!!! |
يافاروق الطلح والعدتان .....
الزول قالوليك يشنقل العتود وراء التانى... ويمشى يفتش فى الطلح لى وجع الكرعين والقاوت
|
Post: #22
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: السيد المسلمي
Date: 07-12-2009, 00:02 AM
Parent: #20
طارق ودجبريل ,,,,
غايتو عندك ثقه مبالغة في زولك دا !!
الحاجات القولتها دي كلها ساهله ...
لكن خوفي كلو يكون نسي المهديئات بتاعتات المسنين في الطيارة
غايتو لو الكلام د حصل بالجد ..... بنخارجو في اول فوج لوووووووول .
ـــــــــــــــــــــــــــــ
بالله كلمو خليهو يتصل عل وهبة في تلاته تسعات 
وهبة دا ياودجبريل عندو جنس محن الله لا حوجك ليهن هاهاهاهاهاها,
|
Post: #23
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: Hala Hassan
Date: 07-12-2009, 06:25 AM
Parent: #22
الف حمدالله على سلامة شيخ العرب ود شيقوق،،
جانا و جاب معاهو الخير و المطر،،،
|
Post: #24
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: الصادق خليفة
Date: 07-12-2009, 07:22 AM
Parent: #23
الف حمد الله على سلامة شيخ العرب ود شقيقوق
ود جبريل ترا يا زول انت ما اوفيت بوعدك معاي
في و بوست سابق دقيت سدرك ووعدت بأرسال بعض مسلتزمات السياسة السودانية للذي منو لكن أه لا رسلت ولا سعلت
ما عافي منك كان شريتني الوقت دا كلو.
|
Post: #28
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: محي الدين جبريل
Date: 07-12-2009, 12:35 PM
Parent: #24
الصدق ودخليفة
إنت معاى ولا ودجبريل التانى ....
Quote: الف حمد الله على سلامة شيخ العرب ود شقيقوق
ود جبريل ترا يا زول انت ما اوفيت بوعدك معاي
في و بوست سابق دقيت سدرك ووعدت بأرسال بعض مسلتزمات السياسة السودانية للذي منو لكن أه لا رسلت ولا سعلت
ما عافي منك كان شريتني الوقت دا كلو. |
وفى كل الأحول حبابك ألف
وودجبريل مابقصر معاك ... وكان دقا منك طناش طلباتك عندنا مجابة محل ماتكون
ودجبرين
|
Post: #37
Title: Re: عاجل ... أنباء عن وصول ودشيقوق البلاد، وإجراءات أمنية مشددة بالبردانة ...
Author: الصادق خليفة
Date: 07-13-2009, 07:12 AM
Parent: #28
[Quote: QUOTE]الصدق ودخليفة
إنت معاى ولا ودجبريل التانى .... |
مع الخيانة يا سيدي ، يا أخوي الفيك انعرفت تب بقيت تزوغ , راجع مكتبتك ممكن تتذكر
وفى كل الأحول حبابك ألف
وودجبريل مابقصر معاك ... وكان دقا منك طناش طلباتك عندنا مجابة محل ماتكون |
و في كل الاحوال حبابك مليون وزيادة و الله الطناش داقيوه انت يا الحبيب لكن برضو حتت طلباتك مجابة دي خففت علي شوية.
الداهي دا قالو المطر كان جاء اسعارو بترتفع
|