Post: #1
Title: كيزان المنبر .............
Author: بشري الطيب
Date: 07-08-2009, 02:35 PM
في الفترة الأخيرة تميزت كتابات كيزان المنبر بشكل محدد، وبغض النظر عن أن هذا الشكل متفق عليه بين كتابه أو لا إلا إنه إسلوب يوضح نوعية كادر المؤتمر الوطني والذي أهم صفاته أن يكون غير ملم بالتاريخ وليس له نصيب من المعرفة التي تؤهله ليناقش قضايا محورية وجوهرية في مجمل المشكل السوداني فعلى سبيل المثال يقوم الكوز عمر عثمان (بجلب) أي مقال أو موضوع يتناول الحزب الإتحادي بشكل سالب ظناً منه أنه بذلك يستطيع أن ينال منه وعادة لا يناقش متداخليه ويمارس الهروب وتلك صفة قد يكون إكتسبها حديثا بعد إنضمامه لهؤلاء القوم.
ومثال آخر هو السيدح وده تخصصوا في الحزب الشيوعي مع إنه لا يفقه شيئا لا عن الحزب الشيوعي ولا غيرو ويعتقد أنه يمتلك الحق المطلق وغيره الباطل المطلق ويمارس نوع من الوصاية والتنهر مع محاوريه وليس في قاموسه مكان للآخر وكل من يختلف معه فهو شيوعي (فاكر نفسو بنبذ فيهم).
علي غرار( عمار) هل ننتظر من الشيوعيين توسلاً بطلب ال...ان من الشعب السوداني
omer osman .. تاني بتجي المولد ..؟!
الميرغني أضاع فرصة العمر
|
Post: #2
Title: Re: كيزان المنبر .............
Author: humida
Date: 07-08-2009, 02:42 PM
Parent: #1
بوست كعب شديد ..
..
..
قول اتنين ..
|
Post: #3
Title: Re: كيزان المنبر .............
Author: بشري الطيب
Date: 07-08-2009, 03:33 PM
Parent: #2
وإنت البجيبك محل الكعب شنو؟؟؟؟
|
Post: #4
Title: Re: كيزان المنبر .............
Author: HAIDER ALZAIN
Date: 07-08-2009, 03:34 PM
Parent: #2
انت اتاريك ماسك سبحة وبتعدّ ..
طيب ...
بتاع صلاح البنشر .. قول ستة ...
يا بشري الطيب ..
كلامك الفوق كله جميل بس قصة السيدح دا متخصص في الشيوعيين بالغت فيها ..!
ياخي دا تخصصه المتوظف بيهو ما عارف فيهو حاجة ..
قال ليك ايه المهنة في ( الندوة ) انقر ..!!
محرر صياغة
اي والله .. شفت البلد دي فاضية كيف ..
زي معلم الكوارع الباكستاني الهسع شغال معانا مكانيكي سيارات ..
ولا ناكر يقول والله في باكستان اول انا في شغل مطعم بعدين انا في يجي هنا كفيل مافي مطعم
انا في روح صناعية بعدين شغل سيارة ..
وحكمة الله لي يوم الليلة ما بيعرف يسوق سيارة ..!!
فدحين ما تخصص الزول دا ساكت ..!!
|
Post: #5
Title: Re: كيزان المنبر .............
Author: بشري الطيب
Date: 07-08-2009, 03:45 PM
Parent: #4
ود الزين سلامات....
أول شئ إنت الحاصل شنو المنبر عجاجو قايم مشيت فاتحة البلد وجيت ما فاهم حاجة...
أما بالنسبة لي تخصص السيدح الموضوع ده عندهم عادي الناس ديل بخصصوا ساي.
بعدين إنت المهنة دي تكون فهمتها غلط الزول يمكن شغال صياغة دهب (مخير الله في خلقو)
|
|