Post: #1
Title: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 01:04 AM
سودانييز اون لاين ده عزيز علينا ياجماعة
وماعاوزين نطفش منه
وعشان كده تعالوا نجمع تبرعات ...
والمطلوب من الاتية اسمائهم المساهمة بصورة فرض العين
1- ناجي عاوين صور ..اي صور منك حاتكون جميلة
2- حمور ..الينا بقصة
3- نصار وكمال قسم الله ..حاورونا في موضوع الديمقراطية
4- منى خوجلي اكتبي عن حزنك واشواقك
5- ملاسي اكتب اي كلمتين او اقول ليك اعمل كود لاي جملة وبرضو محبتنا لوجودك ذايده ..(مع انك غيااااز)
6- ياطلال عفيفي وعصام عبد الحفيظ ..عليكم الله تعالوا بكاميراتك
7- يا عزاز ودينا خالد ..اكتبن عن نضجنا وقصة نساء بلادي الحزينة
8- وياتمبس .ادي اي زول بالتقيل ما مشكلة ..
9- وياعمر دفع الله نزل لينا كركاتير
10- ندى على والجندرية تعالن جندرن لينا البوست ده وانا حا اساعدكن في الحته دي
11- يا الجماعة السمحين البقروا في البوست ده ..ما تردوا شحدتي دي ساكت ..العندك جيبوا
12- يا نادية عثمان ..سمح؟؟
13- سلمى سلامة ..تعالي بحنبن العميري والايام السمحة وجيبي معاك رأفت ميلاد
14- يا ايزابيلا ..انا عارفة زحمة البلد دي ..لكن ما تبخلي على اختك بكلمة
15- ابو العزايم ..طلباك صورة توثيقية
بصراحة ياجماعة .. انا عاوزاكم تحرروا لي البوست ده بحاجات سمحة
وبرضوا عاوزه ضغطي ينزل شوية من نفر الكلام الحاصل في البورد اليومين ديل...
عليكم الله .. مشاركة لله
محبتي
|
Post: #2
Title: Re: رجاءاً ..ادعم هذا البوست بمساهمة ينوبك ثواب
Author: حبيب نورة
Date: 07-08-2009, 01:47 AM
Parent: #1
|
Post: #3
Title: Re: رجاءاً ..ادعم هذا البوست بمساهمة ينوبك ثواب
Author: نوفل عبد الرحيم حسن
Date: 07-08-2009, 02:01 AM
Parent: #2
والله يا منال ياهو بقي سودانيز اون لايم
الناس بقت متلومه لوم شديد
معزتي
|
Post: #4
Title: Re: رجاءاً ..ادعم هذا البوست بمساهمة ينوبك ثواب
Author: سلمى الشيخ سلامة
Date: 07-08-2009, 02:38 AM
Parent: #3
منال الزولة السمحة
وين مختفية
ما تطولى الغياب
خصائص الشعر لدى عبد العزيز العميرى
الشعر لدى العميرى كان احد محطاته اذا علمنا انه ممثل اذاعي وتلفزيونى ومسرحى ومخرج تلفزيونى ومسرحى وكاتب دراما ومطرب ، نضيف الى كل ذلك الشعر كتجربة لها فرادتها وخواصها متنقلا بين العامية والفصحى ، بين السرد الحكائى والتداعى القصصى متخفيا فى ذكورية الخطاب باتجاه الحبيبة مفصحا عنها فى احايين اخرى ( علية ، ايمان )متفاعلا مع الحياة التى احبها دائما .. رغم حلولية السفر ، الموت داخل المتن الشعرى لعبد العزيز العميرى
الحس القصصى
حين تطالع قصيدة العميرى فى ديوانه الوحيد غير المسمى، المتوفر على جمعه عبد الرحمن العميرى (ود رقية ) تحس ان ثمة حوار دائربين الشاعر والاخر (انا- هو) وتجلى ذلك فى قصيدته ( سعاد )حيث يقول :
انا يا سعاد ود الجرف
ود السواقى النايمة فى ساعة المقيل
الواهبة خيرا مع القصيد
تدى وتشيل
يعرف هويته وانتماؤه ومكانه وزمانه فى ايجاز محكم وجمل شعرية واضحة المعالم ..
فى لحظة اخرى من القصيدة يود ان يؤكد انتماؤه لذلك المكان :
ـ والله يا ست البنات لو ماكده
انا كنت روحت المدينة
لتجئ اجابة سعاد غاضبة باتجاهه
ـ اريتك
بمعنى ليتك تفعل .. لكنه لا يجاريها فى القول ، بل تجئ الاجاية متاففة من ذلك الفعل الذى بالقطع سيترتب عليه :
ـ كنت خليت الجداول باكية نشفانة وحزينة
ـ طيب تعال
وتعال هنا تعنى فى تصورنا ان ثمة حوار كان يدور بينهما قبل كتابة هذه الابيات فى مخيلة الشاعر فليس من مجانية هنا تفرض هذه المقولة ( طيب تعال ) لولا ما اشرنا اليه حيث نجده من ناحيته رافض لفكرة الذهاب للمدينة فالطقس هنا حميم ولذلك فكرة التخلى عنه غير واردة
كنت سبت حنان وعشه
وقعدة البيت الحنينة
وريحة القهوة وصوت الفندك
الرز البدفق شوق وزينة
ونحس بانو اللحظة ديك ش.و.ب
يا سلام جقمة بكر وانا اه من الحلة وسنينا
وفى سياق قصيدة سعاد نجده يروى عن اهل الحلة من زرع ؟ ومن ( قرع ) من تزرج ومن رفض موحيا لاهله ان الحياة تبدأ من هناك وسرة العالم تبدأ هى الاخرى وتنتهى هناك لا يود مفارقة الهنا الى الهناكحيث يومئ لمن يود العيش هناك بقوله
مبروك عليك صخب المدينة
مبروك عليك ضوء الكهارب
والستاير لونا زينة
وانا سيب لى جرفى وشقاى
خايف تضيع نى المدينة
فهل اضاعته المدينة ؟بل سحره الريف حيث نراه اكثر ارتباطا بالريف
نمشى الحقل زراعة نعدم تانى مجاعة
نمشى نشيل العمل اليومى
نلحق ركب الزمن الضوئى
نوصل قبله ساعة
ٍٍٍٍٍٍٍٍٍٍٍٍٍ
|
Post: #5
Title: Re: رجاءاً ..ادعم هذا البوست بمساهمة ينوبك ثواب
Author: Abdelrahim Mansour
Date: 07-08-2009, 02:55 AM
Parent: #4
بالقلم و الصورة تغطية فعاليات دورة ساسل الثانية بفرجينيا
في جو مليء بالود و الاحترام على الأرض و الغيوم و السحب في السماء و الحضور الكبير و الرائع بدأت دورة د. محمد عبدالحليم. و التي نظمها الاتحاد السوداني الأمريكي لكرة القدم (ساسل) و برعاية و كالة البحر الأحمر للسفر و السياحة بولاية فرجينيا خلال الفترة ما بين 4-5 يوليو 2009. و شارك في الدورة، التي شهد لها الجميع بالتنظيم الممتاز و الإدارة الحكيمة من اتحاد (ساسل)، تسع فرق هى أريزونا، أهايو، بوسطن، البني، الينوى، فرجينيا، كاليفورنيا، ميريلاند، و نيويورك و قد قدموا عروض قويه و جميله.
الدورة جذبت انتباه أبناء الجالية في القطر القارة أمريكا، فهي تعد اكبر تجمع سوداني منظم. كما كان هنالك حضور لمنظمات العمل المدني و الطوعي و قد لاحظ الجميع الحضور الجميل و الأنيق لرابطة أبناء الجنوب بمنطقة واشنطون دى سى الكبرى، و الرابطة السودانية الأمريكية بنيويورك، رابطة أمل السودان بجامعة هاورد، و الجالية السودانية بمنطقة دالاس الكبرى. الجمعية السودانية الأمريكية بولاية ايوا، جالية فيلادلفيا، منتخب دالاس و أهايو، و كان لحضور د. اكيج كوج سفير السودان بواشنطون إيقاع خاص فهو مشهود له و معروف عنه المشاركة في المناسبات الاجتماعية منذ أن كان نائب للسفير بالبعثة الدائمة للأمم المتحدة، و قد رحل عن نيويورك تاركا وراءه الأثر الطيب في نفوس أهل نيويورك.
و بلا شك كان معسكر الناشئين تفاحة الدورة فقد وجد الاهتمام الكبير من الحضور لما قدموه من عروض و أداء ينم عن وجود مهارات لابد من رعايتها و تأهيلها. و الاهتمام بالناشئين و الشباب هو احد الأهداف الأساسية للاتحاد السوداني الأمريكي لكرة القدم (ساسل) و قد بزغت فكرة إقامة دوره خاصة للناشئين و الشباب تحت رعاية اتحاد ساسل.
تخللت الدورة لقاءات تلفزيونيه من قناة هارمونى مع إفراد الجالية السودانية من المناطق المختلفة و رجالات العمل العام، بالإضافة للإذاعة الداخلية التي ربطت بين الميادين و إذاعة النتائج و بث الأغاني السودانية خلال الفواصل.
و على هامش الدورة نجحت جهود الوساطة بين الاتحادات الرياضية إلى دعوة البعض للتفاكر و النقاش لنبذ الخلافات و خلق اتحاد واحد قوى يجمع الجميع و يلبى الحوجة للتعاون و العمل من اجل جالية رياضيه قويه و موحدة.
الدورة كانت عظيمة و رائعة و منظمة بشكل مميز و دل على الجهد الكبير الذي بذل في إقامتها. كانت الميادين معدة بطريقة جميله و منظمة و الخدمات الفندقية على اعلي مستوى. التحية لكل من ساهم في إخراج الدورة و تحية خاصة للاتحاد السوداني الأمريكي لكرة القدم (ساسل) و وكالة البحر الأحمر للسفر و السياحة و فريق فرجينيا و جهازه الفني و الإداري لاستضافتهم هذا الملتقى الفريد.
و الوعد لقاء جديد و أفضل في العام القادم إن شاء الله.
|
Post: #6
Title: Re: رجاءاً ..ادعم هذا البوست بمساهمة ينوبك ثواب
Author: Al-Mansour Jaafar
Date: 07-08-2009, 03:50 AM
Parent: #5
عدد 1 دعم لبوست منال:
كمال
الإحترام والسلام
هناك نهجان لصياغة الأسماء اللاإنجليزية في الكتابة الإنجليزية
الأول هو نهج التبعية الكتابية بنقل مترجم للحروف من الورق إلى الورق دون المرور بالذاكرة الصوتية لنطق الحرف أي نقل حرف لحرف ماأمكن ذلك
والثاني هو نهج كتابة النطق والتصويت كما هو مسموع للإنجليزي وتكوين هذا السمع في ذهن له نطقه المألوف الذي شكل ذاكرته الصوتية.
النهج الثاني كان هو الغالب لأن المترجم يترجم من العجمة إلى ما هو فصيح في لغته وسمع أهلها ولا يترجم ليقرى ما يقرأه فيها أهل اللغة المترجم منهاأي إنه يترجم إلى أذهان إنجليزية اللغة لا إلى إذهان عربية تقرأ الإنجليزية.
من الوزن السابق كان اهل المغرب العربي أشد فرنسية من المصريين إذ تنشأ أذهانهم عليها كالنحت في الحجر ولا يكسبوها كسبا كالنقش في الرمل مثل كثير من المصريين الذين يتعلمونها كباراً
المشكلة كما ذكرت أنت تكمن في تعجيم الأسماء العربية مقروءة بغير لغتها وصوتياتها، فتصويتنا نطقاً مختلف عن طريقة تصويتهم ومأألفوا سمعه
حتى في بعض لغات الأوربيين تجد الهجاء القديم والنطق الحديث مختلفان. كذلك في كتابة الأسماء الواحدة بين اللغات الأوربية المختلفة فماركس Marx تصير Marks وكارل Karl تصير شارلز Charles والعجب في الشق الأول من إسمي "ذوالنون" فهو في اللغات الأوربية أكثر من عشرة صور وهو كذلك حتى في اللغة الواحدة من تلك اللغات. كذلك حرف الـ J في لغات عددا تجده مقابلاً في بعض اللغات لحرف الياء في اللغة العربية وفي بعضها الأخر مقابل لحرف الجيم الفارسية المنقوط أسفلها بثلاثة نقاط وقد يكون مسكوتاً عن النطق في بعضها الأخر.
لو رجعت في لغات أوربا لأسماء الأعلام القدامى كإبن سينا وإبن رشد والقزويني وإبن حيان تجد العجب العجاب تماماًمثلما نحن نترجم منطوقات اللغات الإغريقية واللاتينية القديمة حيث بلاتو تصير أفلاطون وفيلوسوفي = فلسفة ثم حكمة!!!! ..إلخ في التفكير في الترجمة أجد قيماً كتاب الأعلام ديكنسون وهيرفي وديكنز المسمى "تدبير الترجمة العربية" Thinking Arabic Translation فيه بعض النقاط المفيدة في هذا الموضوع.
في الإصطلاحات الإجتماعية الإقتصادية ذات الدالات السياسية تتغاير الثقافات حسب حاكميتها وحسب حكوماتها مما أعرفه في ذلك أن إصطلاح "الشعب" كان في أصله الأوربي يعني الكادحين يعني لما يجي رأسمالي سوداني ما بيلبس أقمشة أو احذية شعبية ولا بيسكن في حتة شعبية ويصرح إنه من الشعب السوداني بقعد أضحك، نفس الكلمة أخذت في اللغة والثورة الروسية شكل مفردة البروليتاريا ككتلة مثلثة عمال وزراع وكادحين مربوطة بالعرق والدم والظروف الصعبة. وفي دستور الدكتور الترابي ترجم "التوالي" إلى (حرية المشاركة) Free Participation !! وكذا حين يترجمون مفردة "الديمقراطية" مثالاً إلى "شورى" أو "الفائدة" إلى "عائد تعويضي" وذا من طبيعة الكيد باللغة في السياسة وأهم كيداته في نظري هي ترجمة إسم "الدول المتحدة الأمريكية" إلى "(الولايات) المتحدة الأمريكية" ترجمة رسمية منهم وخليك من إنها متحدة أو موحدة بحرب اهلية . ولكن بعد كشف كل هذا الخطل العالمي والدولي ترى أيضاً النطق العربي للأسماء المحلية في السودان.
من كل ذلك خرجت بنهج (منهج x) جديد في التفكير والحياة هو "التأثيل" ولي كتاب فيه عكفت فيه خمس سنوات وقدأوشك على الإنتهاء.
المهم في صدد ترجمة الأسماء العربية نقلاً أو توطيناً لها وصياغة المفردات والحروف ودالات المفردات التي كان إمامها"الجرجاني" في لغة ثانية فقد شكلت لجنة حديثة في بريطانيا وعموم أوربا لترجمة الأسماء العربية ترجمة (صحيحة)!
بيد إن أكثر ما أميل إلى تصحيحه وحصفه فهو في الكتابة العربية نفسها فالخطأ في اللغة الثانية للإنسان مقدر معتبر. ومثال هذه الأخطاء في اللغة العربية تجد الكتب والصحف والناس وأهل الثقافة غي هذا المنبر يكتبون مفردة "الُقرءآن" كتابتهم مفردة الزواج "القرآن" والفرق واضح بين المفردة الأخيرة والمفردة الأولى فالأولى كاملةالصحة في وضع الهمزة بعد حرف الراء.
كذلك يفصلون ويفرقون في إسم عبدالله بين مفردة عبد وإسم الجلالة فتصير عبد الله إسمان منفصلان كتابة مع إنهما إسم واحد من شقين مجتمعين!
وأيضاً يقولون توجه للقبلة والصحة في الكلام أن يكون إتجه إلى القبلة أما حكايات "عليه" و"منه" و...ئياً فتطول.
وبعضهم لا يعرف كيف يجمع إسم "إمروءالقيس"
وأنا لي أخطاء عددا
ختاما ياأخ كمال أشكرك شكراً جزيلاً لفتحك الكريم هذا الموضوع المهم ولإتاحتك لي عرض بعض أفكاري فيه.
ولك مع الود كل التقدير
والسلام
أها رأيك شنو في المساهمة دي؟
|
Post: #7
Title: Re: رجاءاً ..ادعم هذا البوست بمساهمة ينوبك ثواب
Author: أيزابيلا
Date: 07-08-2009, 04:16 AM
Parent: #6
منال الشوق الف يا زولة
خشي اللنك دة واقريهو مع كلام سلمى الشيخ الفوق دة
http://www.youtube.com/watch?v=jsIMqVZxQEk&feature=related
ون هنا لى قدام اى عود اخضر يلاقينى بفتل ليك منو شتلة
قصرت معاك؟؟؟
ـــــــــــــ
بلدكم دى يا منال عجيبة
الله بس يدينا خيرا
|
Post: #8
Title: Re: رجاءاً ..ادعم هذا البوست بمساهمة ينوبك ثواب
Author: صديق عبد الجبار
Date: 07-08-2009, 06:48 AM
Parent: #7
المحترمة منال .. تحية طيبة وأسعد الله صباحك بكل خير ..
الجمال مازال موجودأً بداخلنا .. ما علينا إلا أن نرعاه ونخرجه إلى العلن .. شكراً لدعوتك الجميلة ..
أسمحي لي أن أساهم بهذه اللقطات التي أخذتها وأنا في عمان / الـأردن في رحلة إستشفاء مع إبنتي ميسون ، أتمنى من الله أن يتم شفائها ..!!
وهي تظهر منطقة ماء معين السياحية ومياه العيون الكبريتية الي يؤمها الناس من أجل الترويح والعلاج .
تحياتي ومعزتي
"أبوفواز"
|
Post: #9
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 05:48 PM
Parent: #8
حبيب نورة
يعني ده القدرت تتجود بيه على طلبي
ياخي انا عارفه انك عندك قصائد سمحه..ادينا منها واحده لله قبل ما تقوم من وهيطك للواسعه دي..سمح؟
منتظراك ..وكلم معاك ناس الخير ينوبك عنا خير
محبتي
|
Post: #10
Title: Re: رجاءاً ..ادعم هذا البوست بمساهمة ينوبك ثواب
Author: حبيب نورة
Date: 07-08-2009, 05:54 PM
Parent: #9
يا مدثر......... يا مزمل
يا مزمل صمتك .. أهتف ... أنسف كل سكاتك قول
عبِّي لهاتك و أعرف .... كيف كلماتك تبقي رسول
يا مدثر أنو ضراك الزيف ,,, بتخدع نفسك
قِيم الليل بي شاهق .... حسك
لسانك طهـِّر ..... أطرد منك معني بدسك
ماك مسيطر يا مدثر
يوم الخوف بي وجعوا ...... بمسّك
ما تتدثر و لا تتحسر
فاكر زيفك ما بتفسر ؟
فاكر الوهم الساكنك جوة
بفضل حاضنك وما بتكسر ؟
أكشف حال الزيف في السكة
أخسف أرض الخوف و أنفكّ
يا مدثر
ولست عليهم يوم بمسيطر !
يا مزمل أوعك تهمِل
أنوا غطاك الوعد الهسة
حاول جمِّل كل مداخلك
المارق منك ما بتدسّي
يا مزمل وهم الفكرة
ما تتغابي الشمس البكرة
و أفهم أنو صباحك لسة !
يا مدثر محلك غيمة
باكر تلقي المطرة نشاف
يا مزمل موجة و شيمة
بتحلم تبقي الموية ضفاف
يا متلحِّف وهمك
وهمك ظلمك
يا متخوِّف ألمك
زيفك ألمك
ما تتضارا ورا مقداف
شايف جُزراً ما بتنشاف
يا مزمل ........ يا مدثر
يا متوكل علي لادينك ... دينك
ما تتخيل أنو يقينك
مارد حرفاً باقي سجينك
يا متباكي علي ميتينك ... دينك
دينك ممشي و خطوة عديلة
دينك شعلة تبُق في سنينك
يا مدثر ......... يا مزمل
يا مزمل وهم الممشي
ما تتغشي
يا متوهِّم أنو المنية
كلام مصرور في قافية وغنية
تعتِّر ليك أنشاء الله القشة
لا بتجيك مبتسمة الدنيا
ولا فد غنية
ياخي تجيك أنشاء الله الكشة !
يا مزمل .......... يا مدثر
|
Post: #11
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 05:56 PM
Parent: #9
نوفل ..الباحث الرصين
بنحاول شوية نغير الجو.. لان سودانييز اون لاين ده والله بلدنا واهلنا
وما عاجبني خريب البيوت الحاصل فيه ده.... المسافة بين الاسفير والواقع عندنا نحن ناس سودانييز اون لاين شبه معدومة لان اغلبية الاعضاء بعرفوا بعض او اتعرفوا على بعض بعد العضوية وبالتالي الموضوع بقى بخش البيوت.
واوعدك حا انزل ليك صور هنا تعجبك هنا ..خليك متابع واتحفني ببعض المشاركات
|
Post: #12
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 05:58 PM
Parent: #11
سلمي
من اصدق ما قرأت في هذا البورد هذا الشجن والحزن الذي تلبسيه على فقيدنا العميري
يا سلمي...نزلي لينا حاحة عن حواء الطقطاقة لو عندك
|
Post: #13
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 06:10 PM
Parent: #12
عبد الرحيم
شكرا على الصور الجميلة
وعجبتني حكاية انه ما اولاد بس في فريق الناشئين ..توجد ايضاً بنات
عجبتني جندرة ناس ساسل دي وزادت احترامي ليهم
..................
وهاك التشجيع ده لفريق نيويورك
لا الباني لا الينوي
نيويورك بس ياهوي
لا بوسطن لا اريزونا
في السنتر بارك هناك لاقونا (بضم القاف)
لا فرجينيا ولاتكساس
نيويورك هي الساس ( قصدي الاساس )
(حقوق التأليف لازم تتحفظ)
................
حرر لينا مصطبة البوست ده معاك يا كابتن
|
Post: #17
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 08:34 PM
Parent: #13
الاخ المنصور جعفر
شكرا على مداخلتك المفيده والمتخصصة
وبخصوص موضوع اللغات انا مازلت عندي مشكلة انه افكر بالانجليزي عشان كده بتلعثم وما بقدر اعبر عن فكرتي بصورة واضحة ومباشرة
الحل يكون كيف في الحالة دي؟
|
Post: #14
Title: Re: رجاءاً ..ادعم هذا البوست بمساهمة ينوبك ثواب
Author: خالد عبد الله محمود
Date: 07-08-2009, 06:23 PM
Parent: #12
كورسات تعلم اللغه الفرنسيه- فى 7 أيام مجانيه - بالفيديو والانجليزيه ايضا
كورسات تعلم اللغه الفرنسيه
سهله - سريعه - بالفيديو - من البدايه الى الاحتراف
فى 7 أيام
كورس لغات متعدده مجانا بالصوت والصوره لمده 7 ايام
يأخذك من البدايه الى الاحتراف
اتمنى تكونوا مهتمين وان تستفيدوا من هذه الكورسات
تعلم اللغه الفرنسيه بدون متاعب
الفيديوهات سهله للغايه
إليكم شرح مصور لكيفيه الإشتراك فى موقع الكورسات
الشرح سهل للغايه
إضغط الرابط التالى
http://frenchcoarse.50webs.com
اتبع الشرح مع الصور التاليه
الصوره كبيره الحجم قد تستغرق بعض الوقت فى الفتح
إملأ بياناتك كما فى الصوره التاليه
داخل الإيميل
بعد الضغط على رابط تفعيل حسابك سوف ترى هذه الصفحه
شرح صفحه حسابك
بنفس الطريقه يمكنك الإشتراك فى كورسات الغات الأخرى مثل
الايطاليه من هنا
http://italianpod.com?a_aid=b4a44e50&a_bid=4df14bd8
الاسبانيه من هنا
http://spanishpod.com?a_aid=b4a44e50&a_bid=478c843c
الصينيه من هنا
http://chinesepod.com?a_aid=b4a44e50&a_bid=e3e9ac2e[/B]
* ملطوش .. ما دايرين أي مشاكل مع كوستاوي 
|
Post: #36
Title: Re: رجاءاً ..ادعم هذا البوست بمساهمة ينوبك ثواب
Author: سلمى الشيخ سلامة
Date: 07-09-2009, 01:39 AM
Parent: #12
منال
ياحبيبة ازيك
الشغل بتاع حوا الطقطاقة داير ليهو "بصير او بصيرة "
لانه فى كاسيت
مدته ساعتين
واختك ما بتعرف للشغلات حقات التكنلوجيا
الله يدينى زولة ولا زول وحات سيدى ما بتاخر
لانه مهم جدا
زى ما حكيت ليك امنا حوا الطقطاقة من مواليد الرهد 1926
ولمن بقى عمرها اتناشر سنه سافرت مع زول قريبها من الرهد لعطبرة
فى الفترة ديك كانت بدت تغنى
عشان كدا سفروها من الرهد عشان ما تغنى
المهم الزمن لف ودور وجات حوا لامدرمان
وعرفت درب الغنا
اهلها لمن عرفوا انها بقت تغنى
لحقوها وحلقوا ليها راسا
الكلام دا قبل الاستقلال طبعا
لمن حلقوا ليها راسا وطردوها لقت نفسها محمية فى بيت الفنان ابراهيم الكاشف
وكان معاها عاشة الفلاتية زى ماهى قالت
"عشنا فى بيت الكاشف ، كنا بنطلع للغنا من بيته انا وعشه اختى " الكاشف كان بورينا الصاح من الغلط فى الالحان
ويقول لينا دا ما كلام سمح ما تغنوه
لمن وقفنا على كرعينا وقفة صاح كان وراها الكاشف الله يرحمو
المقابلة طويلة وفيها توثيق لكل اغنياتها وتجربتها من الالف الى الياء
اتعملت سنة 2006 والاشرطة قاعدة لكين ما بعرف افرغا للكومبيتر
ياناس العلم ادونا ايدكم
تسلمو
|
Post: #15
Title: Re: رجاءاً ..ادعم هذا البوست بمساهمة ينوبك ثواب
Author: Elmosley
Date: 07-08-2009, 06:55 PM
Parent: #1
ندعمكم تماما بان نسال
عملتو لي شنو انت وسفيان نابري
في (لن ابالي)
|
Post: #16
Title: Re: رجاءاً ..ادعم هذا البوست بمساهمة ينوبك ثواب
Author: Kostawi
Date: 07-08-2009, 08:29 PM
Parent: #15
|
Post: #18
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 08:39 PM
Parent: #16
الاخ صديق عبدالجبار ابوفواز
ربنا يدي ميسون العافية وشكرا على الصور الجميلة
ياريت لو عندك صور من البرداء تنزلها لينا
|
Post: #19
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 08:42 PM
Parent: #18
خالد عبدالله
دي مشاركة دسمة
وانا شخصياً حا استفيد منها كثير شديداً
لك التحايا يا استاذ
|
Post: #20
Title: Re: رجاءاً ..ادعم هذا البوست بمساهمة ينوبك ثواب
Author: Kostawi
Date: 07-08-2009, 08:56 PM
Parent: #19
|
Post: #21
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 09:23 PM
Parent: #20
استاذنا الموصلي
اول امبارح كنت مع سفيان في الماسنجر ونبهته لموضوع اغنيتك
وكان اتحرك لينا معاهو البوردابي قاسم المهداوي بكون تمام جدا
|
Post: #23
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 09:35 PM
Parent: #21
كوستاوي
اختياركم لجامعة هاورد اختيار عجبني شديد
لانه جامعة حقتنا نحن السود.. هذه جامعة بنيت من اجل الحقوق المدنية
والانتصار لتلك الحقوق كان اخر نتائجها ان اوباما هو سيد البيت الابيض الان
...
التحية للفنان شرحبيل ولكل المشاركين
....................
ياكوستاوي عليكم الله حاول اخلق طريقة اتصال مع ناس Summer Stage in Central Park in New York. ووريهم انه عندنا عباقرة في الفن
عشان زي الاستاذ شرحبيل ما المفروض يتفوت على الدنيا كلها..
............
|
Post: #22
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-08-2009, 09:24 PM
Parent: #19
منال إزيك
والله عرفتى لى ناس البورد ديل
..... نجارين جنس نجر
أها شوفى صورة ملوال ده
تعرفى لما شفت صورة عمك(جدك) الشلكاوى ده جاتنى
رغبة أسمع صوت النصيبة الشايلها و يظمبر بيها و لا أحلى.
لاوو و تصفيفة شعر تحفة و آلة عجيبة
رايك شنو فى تنوع المليون ميل.
غايتو يا منال ده بوست ما صبقك عليهو زول
|
Post: #24
Title: Re: رجاءاً ..ادعم هذا البوست بمساهمة ينوبك ثواب
Author: 7abib_alkul
Date: 07-08-2009, 10:12 PM
Parent: #22
نديه ليك دفرة
|
Post: #25
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 11:24 PM
Parent: #24
استاذنا ابو العزائم
حا اغطس واجيب ليك اسم الالة دي ..بعدين
يا ابو العزائم يا اخوي المنبر ده سمح وفيه ناس سمحين ..
والنصيحة انا موجوعه شديد على الحاصل في المنبر (من الزول ابسبحه ده ) ولكن عاوزه الناس تخف شويه عشان خاطر الزولة المظلومة في صمة خشمها
..............
كلم لي ناس قطر يجمعوا لي شوية مواضيع ومساهمات
...............
|
Post: #26
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-08-2009, 11:27 PM
Parent: #25
حبيب الكل
including myself
شكرا للهمة وما نعدمك يا ابو مروة
تم جميلك وجيب لينا مشاركة
|
Post: #27
Title: Re: رجاءاً ..ادعم هذا البوست بمساهمة ينوبك ثواب
Author: Hussein Mallasi
Date: 07-08-2009, 11:34 PM
Parent: #26
| Quote: ملاسي اكتب اي كلمتين او اقول ليك اعمل كود لاي جملة |
كوت يا منال ,, إسمو كوت مش كود!!
|
Post: #29
Title: Re: رجاءاً ..ادعم هذا البوست بمساهمة ينوبك ثواب
Author: Emad Abdulla
Date: 07-08-2009, 11:46 PM
Parent: #27
| Quote: كوت يا منال ,, إسمو كوت مش كود!! |
....
القال ليك تناديهو منو !!
|
Post: #28
Title: Re: رجاءاً ..ادعم هذا البوست بمساهمة ينوبك ثواب
Author: Al-Mansour Jaafar
Date: 07-08-2009, 11:38 PM
Parent: #25
منال:
الإحترام والسلام
قلتي:((عندي مشكلة انه افكر بالانجليزي عشان كده بتلعثم وما بقدر اعبر عن فكرتي بصورة واضحة ومباشرة ))
وذي واحدة من الإجابات الممكن تفك عقدة لسانك: http://www.eric.ed.gov/ERICWebPortal/custom/portlets/re..._0=no&accno=EJ503819
لكن في رأي البرئي جداً إن لغة العيون تكفي.
ولك مع الود كل التقدير
|
Post: #30
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-09-2009, 00:17 AM
Parent: #28
| Quote: حا اغطس واجيب ليك اسم الالة دي ..بعدين |
عفارم عليك
بس يا بت الناس لا الكتاب وصلنى ولا البوست كملتيهو.
والله من هيجة (الزول أبو سبحة)بقيت أدخل المنبر
و أطلع زى الفار.
|
Post: #31
Title: Re: رجاءاً ..ادعم هذا البوست بمساهمة ينوبك ثواب
Author: عبداللطيف حسن علي
Date: 07-09-2009, 00:22 AM
Parent: #28
Quote: 1- ناجي عاوين صور ..اي صور منك حاتكون جميلة
2- حمور ..الينا بقصة
3- نصار وكمال قسم الله ..حاورونا في موضوع الديمقراطية
4- منى خوجلي اكتبي عن حزنك واشواقك
5- ملاسي اكتب اي كلمتين او اقول ليك اعمل كود لاي جملة وبرضو محبتنا لوجودك ذايده ..(مع انك غيااااز)
6- ياطلال عفيفي وعصام عبد الحفيظ ..عليكم الله تعالوا بكاميراتك
7- يا عزاز ودينا خالد ..اكتبن عن نضجنا وقصة نساء بلادي الحزينة
8- وياتمبس .ادي اي زول بالتقيل ما مشكلة ..
9- وياعمر دفع الله نزل لينا كركاتير
10- ندى على والجندرية تعالن جندرن لينا البوست ده وانا حا اساعدكن في الحته دي
11- يا الجماعة السمحين البقروا في البوست ده ..ما تردوا شحدتي دي ساكت ..العندك جيبوا
12- يا نادية عثمان ..سمح؟؟
13- سلمى سلامة ..تعالي بحنبن العميري والايام السمحة وجيبي معاك رأفت ميلاد
14- يا ايزابيلا ..انا عارفة زحمة البلد دي ..لكن ما تبخلي على اختك بكلمة
15- ابو العزايم ..طلباك صورة توثيقية
|
شوفي بالله الناس البره اللسته ديل طيبين كيف !
كلهم جو شاركوا بدون دعوة ، عدا ملاسي وماشارك !
ــــــــــــــــــــــــــــ
حوا والدة !
|
Post: #32
Title: Re: رجاءاً ..ادعم هذا البوست بمساهمة ينوبك ثواب
Author: معاوية المدير
Date: 07-09-2009, 00:34 AM
Parent: #31
قريبتي منال ...
الباوقة سحر وجمال, مش كده؟؟؟
|
Post: #33
Title: Re: رجاءاً ..ادعم هذا البوست بمساهمة ينوبك ثواب
Author: رأفت ميلاد
Date: 07-09-2009, 01:13 AM
Parent: #32
فى حب يا أخوانا أكتر من كدة .. مع الإعتزار للأغنية
|
Post: #35
Title: Re: رجاءاً ..ادعم هذا البوست بمساهمة ينوبك ثواب
Author: رأفت ميلاد
Date: 07-09-2009, 01:22 AM
Parent: #33
منال مساهمتى جات مسالمة عشان سلمى جات وما كلمتنى
هاكى دى ولى علينا الجندر .. ونارك البطفيها بنولعا جندرية
|
Post: #37
Title: Re: رجاءاً ..ادعم هذا البوست بمساهمة ينوبك ثواب
Author: Hussein Mallasi
Date: 07-09-2009, 08:46 AM
Parent: #35
| Quote: والله من هيجة (الزول أبو سبحة) بقيت أدخل المنبر و أطلع زى الفار. |
ما تختها في الزول أبو سبحة .. ياهو حالك من يومك العرفناك.
|
Post: #38
Title: Re: رجاءاً ..ادعم هذا البوست بمساهمة ينوبك ثواب
Author: Tabaldina
Date: 07-09-2009, 09:06 AM
Parent: #37
..
.
عرق رباطاب يا برعي ..
______________
اهو قلنا ندعم بضحكة ..
|
Post: #39
Title: Re: رجاءاً ..ادعم هذا البوست بمساهمة ينوبك ثواب
Author: عبدالله شمس الدين مصطفى
Date: 07-09-2009, 09:16 AM
Parent: #37
منال كيفك؟؟
زمن هاااائل.
إنسربتى سريعاً من القاهرة، أو هذا ما يبدو لى.
| Quote: يا سلمي...نزلي لينا حاحة عن حواء الطقطاقة لو عندك |
هذه كتابة كانت بمثابة تهنئة للطقطاقة بمناسبة عيد الأم .
حــواء الطقطـآقـــة .... التحــــــية لــك فــــى عـــ... الأم ..............
دمتى يا منال وتحياتى لك
|
Post: #40
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-09-2009, 01:22 PM
Parent: #39
| Quote: ما تختها في الزول أبو سبحة .. ياهو حالك من يومك العرفناك |
ضبان الجزارة إشتغل
|
Post: #41
Title: Re: رجاءاً ..ادعم هذا البوست بمساهمة ينوبك ثواب
Author: Manal Mohamed Ali
Date: 07-09-2009, 02:58 PM
Parent: #40
الله يجازيك يا ملاسي
والله على قولك ياعماد..براي سويتها في نفسي
يا ملاسي انا عندي لجنه في لساني شويه ..
__________
ياملاسي وابو العزائم انا مدسيه في البوست ده عشان خايفه من الكاراتيه الحاصل بهناك داك ___باقى اختكم خوافه شديد_
عشان كده ما تتشاكلوا هنا ..وممنوع الدخول بالعكاكيز ولو عكاز عشر ياملاسي
____________
ملاسي عليك الله سلم لي الزولة الراقية اللطيفة غاده ( محاولة احتماء)
|
Post: #42
Title: Re: رجاءاً ..ادعم هذا البوست بمساهمة ينوبك ثواب
Author: salah elamin
Date: 07-09-2009, 03:10 PM
Parent: #41
سلام يا كمرد
|
Post: #43
Title: Re: رجاءاً ..ادعم هذا البوست بمساهمة ينوبك ثواب
Author: Al-Sadig Yahya Abdall
Date: 07-09-2009, 03:32 PM
Parent: #42
و ماذا عن اسهام رجرجة المنبر يا منال؟؟؟
|
Post: #44
Title: Re: رجاءاً ..ادعم هذا البوست بمساهمة ينوبك ثواب
Author: اتحاد مناهضي سد الشريك
Date: 07-09-2009, 04:09 PM
Parent: #43
لا للسد
لا للتهجير القسري
"اتحاد مناهضي سد الشريك"
|
Post: #45
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-09-2009, 09:08 PM
Parent: #44
| Quote: وممنوع الدخول بالعكاكيز ولو عكاز عشر ياملاس |
عشان خاطرك حا أستعمل معاهو حاجة حضارية جدا(الكمدة بالرمدة)
/
/
/
[IMG]http://www.sudaneseonline.com/u1/hostat1.gif[/IMG
|
Post: #46
Title: Re: رجاءاً ..ادعم هذا البوست بمساهمة ينوبك ثواب
Author: مزن ابوعبيدة النيل
Date: 07-09-2009, 09:33 PM
Parent: #45
i am enjoying this,
|
Post: #47
Title: Re: رجاءاً ..ادعم هذا البوست بمساهمة ينوبك ثواب
Author: محمد حيدر
Date: 07-10-2009, 07:13 AM
Parent: #46
الاعزاء
الاستاذه / منال محمد علي
كيفك
من يوم حفله عاصم البنا
تاني ما شفناك
إنشاء الله تكوني بخير
مشتهي أحضر حفله زي دي
[
|
Post: #48
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-10-2009, 08:49 AM
Parent: #47
إيمان ... هاك الصورة دى عشان تريح شوية من دشمانات المنبر
تخيلى الزهور دى رصوها زهرة زهرة قدامنا ولو تلاحظى فى أقصى الصورة
(الرص) شغال ...... إلتقاط خاص ...بروكسل
|
Post: #49
Title: Re: رجاءاً ..ادعم هذا البوست بمساهمة ينوبك ثواب
Author: HAIDER ALZAIN
Date: 07-10-2009, 10:44 AM
Parent: #48
الاستاذة منال محمد على
سلام
اعتقده نوع من انواع نقل الملكية لشخص من شخص لآخر زمن المهدي ..
ارتحتي من جري عطبرة والا لسع ؟!
طيب ريحي شوية من تعب سودانيز اونلاين ...
تحياتي
|
Post: #50
Title: Re: رجاءاً ..ادعم هذا البوست بمساهمة ينوبك ثواب
Author: Muna Khugali
Date: 07-10-2009, 11:29 AM
Parent: #49
| Quote: منى خوجلي اكتبي عن حزنك واشواقك |
يا سلام يا منال..
تصدقي أديتيني فكره لاسم مساحه اكتب فيها بعد أن أطلقت سراح بوست لحظه من فضلك .زصديقي الذي بدأت الكتابه به
قبل اربعة سنوات او مايقارب..
شكرا لمحاولة انقاذنا جميعا من هم الصراعات والخلافات وايضا محاولة انقاذ المنبر وارجاع
مساحاته النقيه للميدان..
كلنا مسئولين عن سلامةالمنبر وهو يحتاجنا جميعا..لأننا ببساطة احببناه وهو يجمعنا..ووجدنا فيه مساحات ترضينا جميعا
وتفرحنا..وربما توافقيني أن اي أخذ انساني لابد أن يقابله عطاء انساني..
توقفت منذ الارشفه ولم افتح اي بوست ولم اصطحب معي اي بوست..واكتفيت بالمشاركات الخفيفه هنا وهناك..
والسبب احساسي بانهيار جزء من قواي كل يوم ادخل فيه المنبر..وبضياع المجهود وسط كم من الكراهيه بين الكثيرين يسبب احباط
لهمم من لا يشاركهم افعالهم او افوالهم..وامور كثيره في هذه الصراعات القاسيه لا نعرف كيف نقف حيالها!
سأكتب عن حزني واشواقي..وسأكتب في سطورهم عن كل ما ارغب وأتمني ..وسأشارك الجميع افراحهم وآمالهم بكل طاقتي..
وشكرا يا منال
|
Post: #51
Title: Re: رجاءاً ..ادعم هذا البوست بمساهمة ينوبك ثواب
Author: Abdlaziz Eisa
Date: 07-10-2009, 12:29 PM
Parent: #50
لله!!
|
Post: #52
Title: Re: رجاءاً ..ادعم هذا البوست بمساهمة ينوبك ثواب
Author: Muna Khugali
Date: 07-10-2009, 02:48 PM
Parent: #51
يا منال في حديقة حيوان لندن..صورة تاريخيه..شوفي السايق الحنظور!
|
Post: #53
Title: Re: رجاءاً ..ادعم هذا البوست بمساهمة ينوبك ثواب
Author: عمر دفع الله
Date: 07-10-2009, 06:00 PM
Parent: #52
|
Post: #54
Title: Re: رجاءاً ..ادعم هذا البوست بمساهمة ينوبك ثواب
Author: ابراهيم عدلان
Date: 07-10-2009, 07:44 PM
Parent: #53
كيفك يا منال
الصوره دي وردي ذاتو ما عندو و هي من خاص الخاص ارفع بيها بوستك الجميل
|
Post: #55
Title: Re: رجاءاً ..ادعم هذا البوست بمساهمة ينوبك ثواب
Author: عبد اللطيف السيدح
Date: 07-10-2009, 08:07 PM
Parent: #54
معاني الاوصاف
آدم الشخص الوحيـد الذي لم يـُقلد أحـداً
& الإنسان مخلوق يولد باكيًـا .. ويعيش شاكيـاً
الرجل المغـرور ديـك يظن أن الشمس لم تشرق .. إلا عنـد سماع صوتـه
الصديق شخصٌ لايفيـدك دائما.. ومع ذلك تستمتع بوجـوده
الدبلوماسي رجل يستطيع أن يقطع رقبـة خصمـه .. دون أن يستخدم السكيـن
الزوج المحتـرم هو الذي يذكر يـوم ميلاد زوجتـه .. ولكنـه ينسىَ عمرهـا
الحب مرض أخشى مايخشاه المصاب بـه أن ُيْشَفىَ منـه
التجريـة فن يجعلك قادراً على وقف الكلمـة .. بعد أن تصل إلى طرف لسانـك
السعاده إحساس يأتيك .. كلما كنت مشغولاً عن الإحساس بالتعاسة .. وعطر لاتستطيع أن تنشره في الناس .. دون أن يعلق بـك قطرات منـه
العاقل إنسان لايسعى إلى نيل السعادة ... بل يسعى إلى تجنب الشقاء
المتشائم شخص يـُخير بيـن شّريـن .. فيختار الشريـن
الغـرور مُسكن يخفف آلام المغفليـن
التجاعيـد توقيـع الزمان على الوجوه .. ليـُثبت مـروره عليهـا
الفتاة البريئـة مخلـوق يصـُرخ إذا رأى فـأراً .... ويبتسم إذا رأى ذئبـاً
الزمن لص ظريف يسرق شبابنـا
الهـواء طعام تقدمـه السماء .. مجانـاً لكل الفقراء
خاتم الزواج أغلى خواتم الدنيـا لأنـه يكلف صاحبـه أقساطاً شهريـة مدىَ الحيـاة
البسمـة الدافئـة لغـة اللـُطف العالميـة
الفضولي إنسان يسألك عن الآخريـن
الرجل العظيم إنسان يحمل بيـن ضلوعـه قلب طفـل
الأنانــى إنسان يُحدثـك عن نفسه
اللبْق إنسان يُحدثـك عن نفسك
الرجل الشهم هو الذي يحمي المرأة الضعيفـة من كل رجل .. إلا من نفسه
الدلال نفط تسكبـه المرأة على نـار الرجل
الغيـرة صداقـة إمرأة لامرأة أخرى .. ومجهر يكبـر الأشياء الصغيـرة
الإتيكيت صوت لاتحدثـه .. وأنت تشرب المـاء
تغريـد الطيـور موسيقى الطبيعـة .. وسماعهـا حـلال
الأزهـار عبـق تـُصـدِره الأرض .. ونحـن نستـورده
الضحكـة أعظم سلاح تكافح بـه الحيـاة .. وتهـزم بـه عدوك
الصدق كتاب نادر .. لايطبع منـه إلا نسخـة واحدة فقط
الحب الخالـد حب المِرء لنفسه
الـزواج الإقتناع بحلاوة الحريـة داخل قفص الزوجيـة
إلـخ ....... علامـة تستخدم لجعل الآخريـن يعتقدون بأنـك تعرف المزيــد
الضميـر صوت كبيـر يهمس في أذنـك .. ليـُريك كم أنت صغيـر
الشخص الصـريح هو الذي يقول كل مايخطر لـه .. دون أن يفكر فيـه أو يُخطط لـه
الرجل الناجح هوالذي يرتكب أخطاءه .. في وقت لايـراه فيـه أحد
الواجب هو الشي الذي نتوقع أن يؤديـه نحونـا الآخـرون
الثنــاء زهرة زكيـة الشذى .. حتى لو كانت صناعي
|
Post: #56
Title: Re: رجاءاً ..ادعم هذا البوست بمساهمة ينوبك ثواب
Author: سيف الدولة كامل
Date: 07-10-2009, 08:31 PM
Parent: #54
سلحفاء ,, شاطئ راس الجنز سلطنة عمان
|
Post: #58
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-10-2009, 10:05 PM
Parent: #57
أبراهيم عدلان سلام
ياخوى بعد إذنك و إذن صاحبة البوست
أنا لاطش لاطش صورة وردى - على ميرغنى - صباح
و أظنكم عارفين موديها وين
|
Post: #60
Title: Re: رجاءاً ..ادعم هذا البوست بمساهمة ينوبك ثواب
Author: Mohamed Yassin Khalifa
Date: 07-11-2009, 09:38 AM
Parent: #59
العزيزة منال
كيفنك وعساكي بالخير
حبيت بس أنال ثواب أجر الدخول للساحة الخضراء دي
وبصراحة...
تشكري ومعاك جمهور المساهمين في بوستك اللطيف ده
|
Post: #61
Title: Re: رجاءاً ..ادعم هذا البوست بمساهمة ينوبك ثواب
Author: tmbis
Date: 07-11-2009, 10:02 AM
Parent: #60
Quote: سودانييز اون لاين ده عزيز علينا ياجماعة
وماعاوزين نطفش منه |
..
منــال يا بت امي .. حسع الواحد كان قام اتونس معاك هنـا يقوموا يحكموا عليهو بالاعدام رميا بالرصاص .. من الجماعة المطفشاتية .. وكان جبت سيرة تراجي .. بتقومي تحمبكي ..
انا اعمل ليكم شنو ..؟ اتقطــع يعني ؟؟
معاك رقم تمنية .. من القائمة اعلاهـ .. 
|
Post: #62
Title: Re: رجاءاً ..ادعم هذا البوست بمساهمة ينوبك ثواب
Author: ماضي ابو العزائم
Date: 07-17-2009, 00:19 AM
Parent: #61
Quote: حا اغطس واجيب ليك اسم الالة دي ..بعدين
|
تعرفى يا إيمان أخوك عكليت
|
Post: #63
Title: Re: رجاءاً ..ادعم هذا البوست بمساهمة ينوبك ثواب
Author: قاسم المهداوى
Date: 07-17-2009, 03:41 AM
Parent: #1
and me ya manal
???????
gasim
|
Post: #64
Title: Re: رجاءاً ..ادعم هذا البوست بمساهمة ينوبك ثواب
Author: Mutwali Malik
Date: 07-17-2009, 04:13 AM
Parent: #63
طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً. فأنشد قائلاً:
شديت ال Pentium واصبح يبرطع جايط
وال Internet دقش قلبتو صايت صايت
على ام شعراً حلال ما طولنو وسائط
وعطشان الغرام ما برونو K.Bite 2
فرد عليه الطيب قائلاً:
الفيك يا طه Virus والله الكريم الشافي
وما بفيدك طبيب حتى ان بقيت Mc Kafi
غير لخلوخة الهرفة أم قليباً جافي
وأركز للتجيك يا طه Options مافي
استسلم طه وأنشد:
إيميلك وصل زود علي الهم
والفكر انشغل ال Ram عليك وال ROM
يالصلاح جميع أنا والحبيب نتلم
ويا ساكن الضريح سيدى الحسن Dot Com
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني الفقير البكتب البخرات
قال Defrag ما بفيد أحسن To Reformat
بعد ما كت فقير بخراتي Word و Excel
دقشتني أم رشوم خلت درايفي إختل
Mother Board القلب الكان زمان Intel
بقى Chipset رخيص كل ما ربطتو أنحل
الخبر الأكيد الليلة جابو ال Yahoo
وقال ست البنات إيميلنا مي طارياهو
ست القوام Hardware نظامو براهو
غرامك Virus الهجعة البقرض الجاهو
|
Post: #65
Title: Re: رجاءاً ..ادعم هذا البوست بمساهمة ينوبك ثواب
Author: قاسم المهداوى
Date: 07-17-2009, 04:31 AM
Parent: #63
ya manal
how ar you
please call me on
0020105506917
gasim
|
Post: #66
Title: Re: رجاءاً ..ادعم هذا البوست بمساهمة ينوبك ثواب
Author: نادر الفضلى
Date: 07-17-2009, 04:22 PM
Parent: #65
منال
تحياتى
بوست فكرته جميلة .. كشكول
مساهمات المتداخلين بلورت فكرته
وأتوقع أنك ستطالبين كل ثلاث أشهر
بعد الأرشفة فى فتح بوست مشابه كشكول
فهنالك كثير من البوستات التى تفتح
ليست للنقاش و لكن لعرض فكرة أو خبر
أو صورة و فيديو أو قصيده ففى هذا
الكشكول يتاح ذلك .. و بضمن قراءة
عد كبير من الأعضاء أو عموم القراء
ليس لدى الأن مساهمة وأكتفى بالإشارات التالية
* الصحفيه لبنى أحمد حسين تمثل قضية المرأة السودانيه
و ما تتعرض له من ترهيب وإنتهاك لآدميتها و كرامتها
* * وشرحبيل أحمد فنان بحجم الوطن و رمز من رموزه
زيارته لأمريكا يجب أن تكون حدثاً كبيراً تهتم به
كل فعاليات العمل العام السودانى بأمريكا
وإن كان الفضل يعود لمجموعة الطلاب السودانيون
الذين قدموا له الدعوة و رتبوا برنامج جامعة هاورد
ولكن تكريم هذا الفنان القامة يجب أن يكون واجب
علينا جميعاً .. فى إحتفاء ضخم يتناسب مع مدى مكانته
وحبنا لهذا الفنان المبدع شرجبيل أحمد
|
|