Post: #1
Title: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-06-2009, 10:25 AM
الخبر يقول،
و العهدة على الراوى:
أحد الصبية ممن يأكلون التيك أوى (دائما) فى أحد المحلات المعروفة جدا فى الخرطوم،
أشتبه فى مرض الكبد الوبائى، و كانت نتيجة الفحص إيجابية!!!!
بعد فحص العاملين (المستقدمين من دولة صديقة) بالمحل، تبين إصابة (اغلبهم) بهذا المرض القاتل،
حمانا الله و إياكم،،
السؤال هو:
ما هى معايير النظافة و الصحة للعاملين بحقل الغذاء بالسودان؟؟؟
|
Post: #2
Title: Re: خبر خطير...نرجو التوضيح...صناعة الغذاء فى السودان!!
Author: omer osman
Date: 07-06-2009, 10:29 AM
Parent: #1
Quote: بعد فحص العاملين (المستقدمين من دولة صديقة) بالمحل، تبين إصابة (اغلبهم) بهذا المرض القاتل،
|
على حد علمي هذه الدولة ....... مشهورة بارتفاع نسبة الاصابة بهذا المرض لدي مواطنيها.
|
Post: #3
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-06-2009, 10:34 AM
Parent: #2
| Quote: على حد علمي هذه الدولة ....... مشهورة بارتفاع نسبة الاصابة بهذا المرض لدي مواطنيها. |
بالظبط يا عمر،،
و للاسف اهلها بقوا الغالبية العظمى فى محلات الاكل فى الخرطوم،،،
و طبعا نحن قوم، بناخد الامور ببساطة،،
و عيب جدا نسال زول يعمل فحوصات و يجيب لينا شهادة قبل مايشرع فى العمل،،،،
|
Post: #4
Title: Re: خبر خطير...نرجو التوضيح...صناعة الغذاء فى السودان!!
Author: omer osman
Date: 07-06-2009, 10:40 AM
Parent: #3
الاخت هالة
حسب القانون يفترض ان تكون هناك شهادات صحية للعاملين في هذا الحقل تمنح بعد إجراء الفحصوصات الطبية وتجدد كل ستة اشهر
مقابل رسوم مالية ........ في كتير من الاحيان تكون الرسوم اهم في الموضوع ؟!
|
Post: #5
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-06-2009, 10:46 AM
Parent: #4
| Quote: حسب القانون يفترض ان تكون هناك شهادات صحية للعاملين في هذا الحقل تمنح بعد إجراء الفحصوصات الطبية وتجدد كل ستة اشهر |
دة المفروض،،،
لكن،،
| Quote: مقابل رسوم مالية ........ في كتير من الاحيان تكون الرسوم اهم في الموضوع ؟! |
افهم من كدة،
القانون لا يطبق بحذافيره؟؟؟
طيب و العمل؟؟؟
|
Post: #6
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-06-2009, 11:04 AM
Parent: #5
طبعا من المعروف أن مرض زى دة يتم التعامل مع حامله بجدية شديدة، نسبة لخطورته و سهولة إنتقال العدوى، كمثال المملكة العربية السعودية، فيتم ترحيل المريض فورا،،،،
|
Post: #7
Title: Re: خبر خطير...نرجو التوضيح...صناعة الغذاء فى السودان!!
Author: SHIBKA
Date: 07-06-2009, 11:20 AM
Parent: #6
ياهالة
انا لما كنت في السودان
كنت عضوة في جمعية حماية المستهلك
حسي اتنبح من الكلام في الموضوع دا
اولا واخرا
حسبي الله ونعم الوكيل
|
Post: #8
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-06-2009, 01:07 PM
Parent: #7
شبكة،
أيوة،
حسبى الله و نعم الوكيل،،
لكن يا جماعة،
التاجر يسرقنى قروش زيادة و لا يبيع لى وزن ناقص،
دة كوم،،
و كونه يصدر لينا (و العياذ بالله) مرض بطال زى دة،
كوم ما بتسكت عليه أبدا،،،
الموضوع دة ح يفقدنا الثقة فى كل المشاريع التجارية الشبيهة،،،
|
Post: #9
Title: Re: خبر خطير...نرجو التوضيح...صناعة الغذاء فى السودان!!
Author: عصام علي أحمد
Date: 07-06-2009, 01:21 PM
Parent: #8
اكيد مصريين
|
Post: #16
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 06:44 AM
Parent: #9
الأخ عصام على أحمد،،
بدون تعليق،،،
شكرا لكريم مرورك،،،
|
Post: #10
Title: Re: خبر خطير...نرجو التوضيح...صناعة الغذاء فى السودان!!
Author: Muna Khugali
Date: 07-06-2009, 01:23 PM
Parent: #8
Quote: و طبعا نحن قوم، بناخد الامور ببساطة،،
و عيب جدا نسال زول يعمل فحوصات و يجيب لينا شهادة قبل مايشرع فى العمل،،،، |
يبقي لازم يتغير مفهومنا للعيب حيث تكون مصلحة الانسانيه هي الاساس..وليس الخوف علي مشاعر الشخص الطالب للعمل..
وبعدين عيب ليه ماهم بيعملوا قروش قدر الليله وبكره ويبنوا بيها نفسهم..
يبقي مش عيب يمرضونا ويعملوا قروش من صحتنا؟؟
التساهل في الشهادات الصحيه امر غير منطقي وغير مقبول واي انسان مصاب بمرض معدي لا يجب علي الاطلاق ان يعمل في مثل هذه المهن..
الشهادات الصحيه يحب ان يتبعها فحوصات دوريه للاطمئنان علي الصحه الخاصه والعامة..
فين الصور؟؟واحشاني يا بديعة!
|
Post: #11
Title: Re: خبر خطير...نرجو التوضيح...صناعة الغذاء فى السودان!!
Author: Hassan Makkawi
Date: 07-06-2009, 01:45 PM
Parent: #10
التهاب الكبد الوبائى
من أشد الأمراض فتكاً!!!
| Quote: العاملين (المستقدمين من دولة صديقة |
وشكلنا كمان مش عارفين صديقنا من عدونا
|
Post: #12
Title: Re: خبر خطير...نرجو التوضيح...صناعة الغذاء فى السودان!!
Author: Alshafea Ibrahim
Date: 07-06-2009, 04:18 PM
Parent: #11
الأخت هالة تحياتي
للأسف هذا هو الاستثمار في بلدي ... صناعة الأغذية ... لو كنت والي أو معتمد لسمحت لبائعات الأطعمة الشعبية العمل ليل نهار أمام هذه المحلات الراقية وأدفع لهن راتب يومي وحوافز مجانية ... أشخاص أجانب مصابون ، أطعمة فاسدة ، رقابة صفر .. مستهلك يتميز ببساطة وحسن نية لأبعد الحدود ...
المصيبة الأكبر .. سمعت حلقة قبل يومين على قناة النيل الأزرق أو الشروق تقريبا وموضوعها الأطعمة الفاسدة وضيفها مسئول بحماية المستهلك والتي ثبت فسادها وعدم صلاحيتها للاستهلاك الآدمي وبواسطة خبراء ومعامل لم تقتصر على الموز والمانجو وغيرها من الخضروات بل أمدت القائمة لتشمل حتى (الدكوة) وغيرها من السلع الاستهلاكية المستوردة ومعبأة داخل بلاستيك ومواد حافظة وتباع في الطرقات والبقالات دون رقيب .... سرطانات - فشل كلوى - أمراض فتاكة ... والمواطن يشتري الداء والدواء بنفسه ... للآسف ... مصائب تدمي القلب
مودتي
الشفيع إبراهيم
|
Post: #13
Title: Re: خبر خطير...نرجو التوضيح...صناعة الغذاء فى السودان!!
Author: Deng
Date: 07-06-2009, 04:41 PM
Parent: #12
يا هالة . الدولة ما فاضية من مطاردة بائعات الشاي السودانيات.
دينق.
|
Post: #14
Title: Re: خبر خطير...نرجو التوضيح...صناعة الغذاء فى السودان!!
Author: Haydar Badawi Sadig
Date: 07-07-2009, 04:37 AM
Parent: #13
ماهي الدولة، يا هالة؟
مع وافر الشكر والتقدير.
من الضروي أن تكون هناك توعية بهذا الأمر الهام قبل
أن يستفحل هذا المرض المعدي الخطير.
|
Post: #15
Title: Re: خبر خطير...نرجو التوضيح...صناعة الغذاء فى السودان!!
Author: اسعد الريفى
Date: 07-07-2009, 06:21 AM
Parent: #14
Quote: ماهي الدولة، يا هالة؟
مع وافر الشكر والتقدير.
من الضروي أن تكون هناك توعية بهذا الأمر الهام قبل
أن يستفحل هذا المرض المعدي الخطير |
Quote: ياهالة
انا لما كنت في السودان كنت عضوة في جمعية حماية المستهلك
حسي اتنبح من الكلام في الموضوع دا
اولا واخرا
حسبي الله ونعم الوكيل |
| Quote: في كتير من الاحيان تكون الرسوم اهم في الموضوع ؟ |
و حقيقة تانية
اغلب المطاعم .. يعمل فيها الطباخين فى مطابخ " سيئة الهوية" و حارة جدا .. فيتساقط العرق .. على ..الحلل و الصحون !!
أما صناع البيزا و التى تكاد تصبح "وجبة شعبية" فى الخرطوم سيتى .. فلاحظ فقط .. من يعجن و كيف يعجن .. و هل على الاقل يغسل يديه قبل العجن .. و الاظافر ..
أما تلك الكنولوجياه المسماة .. بالقفازات او الجوانتى و التى تكاد تكون "بتراب القروش" فهى ثقافة مترفة طالما أن ثقافتناتتمحور و فى نطاق " الزارعا الله فى الظلط بتقوم" !!
المسألة تحتاج حملات توعية على المستوى "القومى" لان تكلفة علاج الامراض التى تستشرى و تنتقل .. و نصاب بها هذه الممارسات .. تبلغ المليارات " بالقديم" ..
|
Post: #21
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 07:39 AM
Parent: #15
اسعد الريفى،
Quote: و حقيقة تانية
اغلب المطاعم .. يعمل فيها الطباخين فى مطابخ " سيئة الهوية" و حارة جدا .. فيتساقط العرق .. على ..الحلل و الصحون !!
أما صناع البيزا و التى تكاد تصبح "وجبة شعبية" فى الخرطوم سيتى .. فلاحظ فقط .. من يعجن و كيف يعجن .. و هل على الاقل يغسل يديه قبل العجن .. و الاظافر ..
أما تلك الكنولوجياه المسماة .. بالقفازات او الجوانتى و التى تكاد تكون "بتراب القروش" فهى ثقافة مترفة طالما أن ثقافتناتتمحور و فى نطاق " الزارعا الله فى الظلط بتقوم" !!
المسألة تحتاج حملات توعية على المستوى "القومى" لان تكلفة علاج الامراض التى تستشرى و تنتقل .. و نصاب بها هذه الممارسات .. تبلغ المليارات " بالقديم" .. |
ما عارفة أقول ليك،
الله يسامحك على الصورة (الجمالية) دى،
ولا اقوم جارية،،
عموما جزاك الله خير،
هى فعلا (ظروف) بتحصل كل يوم،
و اتخيل فى كل مكان،
و برضو،
اين مفتشين الاغذية؟؟؟
و هل تراجع نظافة هذه المحلات و العاملين بها حتى يتم تجديد الشهادات؟
و السؤال الاهم،
هل يحق لى كمستهلك الدخول إلى المطابخ الخلفية و تفقد الممارسات التى تتم أم لا؟؟
يا ريت تواصل معانا حتى نطلع من البوست دة بفهم محدد،
|
Post: #19
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 07:22 AM
Parent: #14
أستاذ حيدر،
Quote: ماهي الدولة، يا هالة؟
مع وافر الشكر والتقدير.
من الضروي أن تكون هناك توعية بهذا الأمر الهام قبل
أن يستفحل هذا المرض المعدي الخطير. |
لإجابة عن سؤالك أعلاه،
فى تقديرى الخاص،
الدولة هى كيان يضم و يحمى المواطن و يدافع عنه و يحفظ حقوقه،،
أكتر من كدة،
ما عارفة أعبر كيف،،،،
التوعية موجودة،،
بأعتبار إنو أنا و جيراننا و أهلى و اصدقائى مثلا،
نعلم بخطورة المرض،،،
المشكلة الحماية كيف؟؟
اسعدنى مرورك،،،
|
Post: #23
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 08:14 AM
Parent: #13
| Quote: يا هالة . الدولة ما فاضية من مطاردة بائعات الشاي السودانيات. |
طيب نعمل شنو إحنا يا دينق؟؟
نمشى نفتش (أظافر) الناس البعملوا الأكل و لا كيف؟؟
المشكلة يا دينق ثقافة الاكل فى السودان كلها أختلفت ،
على الاقل فى الخرطوم،،
اصبح الاكل السائد هو التيك أوى،،
بدليل المنظر حسه،
بين كل مطعم و مطعم،
يوجد مطعم،،،
لازم يكون فى حل،،،،
|
Post: #18
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 07:08 AM
Parent: #12
Quote: الأخت هالة تحياتي
للأسف هذا هو الاستثمار في بلدي ... صناعة الأغذية ... لو كنت والي أو معتمد لسمحت لبائعات الأطعمة الشعبية العمل ليل نهار أمام هذه المحلات الراقية وأدفع لهن راتب يومي وحوافز مجانية ... أشخاص أجانب مصابون ، أطعمة فاسدة ، رقابة صفر .. مستهلك يتميز ببساطة وحسن نية لأبعد الحدود ...
المصيبة الأكبر .. سمعت حلقة قبل يومين على قناة النيل الأزرق أو الشروق تقريبا وموضوعها الأطعمة الفاسدة وضيفها مسئول بحماية المستهلك والتي ثبت فسادها وعدم صلاحيتها للاستهلاك الآدمي وبواسطة خبراء ومعامل لم تقتصر على الموز والمانجو وغيرها من الخضروات بل أمدت القائمة لتشمل حتى (الدكوة) وغيرها من السلع الاستهلاكية المستوردة ومعبأة داخل بلاستيك ومواد حافظة وتباع في الطرقات والبقالات دون رقيب .... سرطانات - فشل كلوى - أمراض فتاكة ... والمواطن يشتري الداء والدواء بنفسه ... للآسف ... مصائب تدمي القلب |
والله يا الشفيع إبراهيم،
كانها حرب،
و الواحد ما عارف ياخد ساتر من شنو بالظبط،
المهددات بقت كتيرة،
و أى حاجة الواحد يهبشها فيها مشاكل،،
و بعدين بالنسبة للأطعمة،
حتى لو المستهلك حريص ،
و بيختار الأطعمة بعد مراجعة تاريخ الصلاحية مثلا،،
دة ما ضمان،
لأنهم ممكن يكونوا مغيرين التاريخ فى المنتج،
يبقى الحل شنو،
لازم تكون فى جهة حقيقة بتدافع عن المستهلك دة،،
أنا عارفة ح يجوا ناس حماية المستهلك جاريين يدافعوا عن نفسهم بضراوة،
يمكن عندهم شوية مجهودات،
لكن ابدا ما كفاية،،،،،
الكلام يطول،
بس يا ريت يكون فى أثر إيجابى،،
مودتى،،
|
Post: #17
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 06:53 AM
Parent: #11
حسن مكاوى،
Quote: التهاب الكبد الوبائى
من أشد الأمراض فتكاً!!! |
الخطورة من إنتقال العدوى ليست فقط مقتصرة على صناعة الغذاء،
و لكن أخشى و أخاف من مستوى التعقيم مثلا فى عيادات الاسنان،،
و طبعا معروف العائد المربح جدا لهكذا إستثمار،،
و برضو السودانيين (على طيبتهم) لا يأخذون حذرهم كفاية،،
Quote: Quote: العاملين (المستقدمين من دولة صديقة
وشكلنا كمان مش عارفين صديقنا من عدونا |
ما أظنوا دى النيران الصديقة،
دايما اخطر من نيران العدو،
لانك ما بتعرفها جاية من أى إتجاه،،،
|
Post: #20
Title: Re: خبر خطير...نرجو التوضيح...صناعة الغذاء فى السودان!!
Author: ALZOLZATOO
Date: 07-07-2009, 07:29 AM
Parent: #17
العزيزة هالة
طبعا هنا الواحد بيلاحظ شغل البلدية بالصدفة يعني يوم تخشي معطعم ومايدوك سلطة تقول ليهو وين السلطة يامعلم يقول ليك البلدية في الصيف بتمنع السلطات في المطاعم بعدين تكوني بتشتري شاورمه على الفحم من محل كبير تجي تلاقيهو مقفل بالشمع الاحمر اها ياجماعة الناس ديل وين يقول ليك ماجددوا الكرت الصحي بتاعهم .
فالشغلانة عايزة متابعة وضمير صاحي مايمشي المسئول للمطعم يختوا ليهو فطور مالذ وطاب يطلع ويقول ليهم انت احسن منكم مافي
تحياتي
زاتووو
|
Post: #24
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 10:30 AM
Parent: #20
زااتووو،،
كيف؟؟
| Quote: طبعا هنا الواحد بيلاحظ شغل البلدية بالصدفة يعني يوم تخشي معطعم ومايدوك سلطة تقول ليهو وين السلطة يامعلم يقول ليك البلدية في الصيف بتمنع السلطات في المطاعم بعدين تكوني بتشتري شاورمه على الفحم من محل كبير تجي تلاقيهو مقفل بالشمع الاحمر اها ياجماعة الناس ديل وين يقول ليك ماجددوا الكرت الصحي بتاعهم . |
و هو دة المفروض،
فى تفتيش دورى،
و فى كمان شهادات صحية تصدر بعد فحوصات معملية،،
وفى إهتمام بسلامة الأطعمة و حياة البشر،،،
| Quote: فالشغلانة عايزة متابعة وضمير صاحي مايمشي المسئول للمطعم يختوا ليهو فطور مالذ وطاب يطلع ويقول ليهم انت احسن منكم مافي |
و ما زال السؤال قائما،،،
إحنا نعمل إيه؟؟؟
طيب الكبد الوبائى نمشى نتطعم أو نجدد التطعيم،
لكن المنظر الوصفو اسعد فوق دة،
نتعامل معاهو كيف؟؟؟
بالجد بتعامل مع الامور دى بحيرة شديدة،
نحاول نحرك المياه الراكدة و لا نسكت على كدة؟؟؟
تحياتى،،،
|
Post: #22
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 07:55 AM
Parent: #10
منى،
كيف؟
ليه ما بترديش؟؟؟
الصور جاية فى السكة،،،
Quote: يبقي لازم يتغير مفهومنا للعيب حيث تكون مصلحة الانسانيه هي الاساس..وليس الخوف علي مشاعر الشخص الطالب للعمل..
وبعدين عيب ليه ماهم بيعملوا قروش قدر الليله وبكره ويبنوا بيها نفسهم..
يبقي مش عيب يمرضونا ويعملوا قروش من صحتنا؟؟ |
ذكرتينى بواحدة أعرفها،
قالوا ليها الغبار فى السودان بيبرد الجو،
قالت فالحين يضحكوا عليكم،،،،
:D :D :D
تعرفى،
الحل شنو؟؟
من رايى كل واحد (وواحدة) يتمسكوا بحقهم و ما يفرطوا فيه،،
يعنى مثلا،
عندنا فى الشركة فى مطعم معروف (برضوا من الاصدقاء إياهم)،
بيقدم خدماته فى البوفيه،
الزميلات لاحظوا واحد منهم بينظف التربيزات ،
و يمشى (بنفس الإيد) يحشى السندوتشات،
اشتكوا للإدارة و طلبوا نقله،،
أأم إيه؟؟؟؟
نقلوه شوية،
و جابوا واحد تانى،
يحاسب فى الكاشيير،
و ينظف التربيزات،
و مرة مرة يحشى السندوتشات (للحبايب بس)،،،
و بعد فترة جابوا الاولانى راجع،،،،
شفتى كيف مهم الواحد ما يتنازل عن حقه؟؟؟
Quote:
التساهل في الشهادات الصحيه امر غير منطقي وغير مقبول واي انسان مصاب بمرض معدي لا يجب علي الاطلاق ان يعمل في مثل هذه المهن..
الشهادات الصحيه يحب ان يتبعها فحوصات دوريه للاطمئنان علي الصحه الخاصه والعامة.. |
قوليلهم و النبى،،،
|
Post: #25
Title: Re: خبر خطير...نرجو التوضيح...صناعة الغذاء فى السودان!!
Author: Tabaldina
Date: 07-07-2009, 10:50 AM
Parent: #22
..
.
شنو يا جماعة دولة صديقة شقيقة ودولة مشهورة
ما تقولو مصر يا اخت بلادى ..سبب البلاء والهم
انا صراحة بهله المصريين والبنغاله فى البلد دى
والله تزيد لينا المرض امراض ..
الدولة السودانية مفترض تعيد اجراءات استقدام العماله المستقدمة
ذات الوظائف الهامشية..
يعنى ما محتاجين انحنا لبتاعين شاوروما ولا كشرى ولا ويترز ..
ولا عمال نظافه فى الشركات بنغاله واثيوبين .. ولا حتى لاعب كورة زاتووووووو
ياخى حوارى امدرمان فيها ابرع واحرف ناس بطقطقو الكفر ..
ولو اصحاب الشركات بتاعت الإستقدام او المطاعم دى وزراء ولا اصحاب وزراء مفترض يتقوا الله فينا
هذا ان كانت لهم بقايا نخوة او ايمانيات ..
قانون الاستثمار قانون كلو ثغرات ولم نر الا استثمار فى المطاعم
والماكولات التى تنقل لنا الاوبئة والمصائب يعنى للان ما شفنا زراعة واسعة
ولا مصانع ملبوسات او تعليب لحوم او حديد صلب ..
______________
بالله مؤمن ولا جحا ولا دودى شنو ؟؟
حسي قندهار دى اطعم من لحمتها مرت على زول ..
حليلك يا سلوى؛؛
|
Post: #26
Title: Re: خبر خطير...نرجو التوضيح...صناعة الغذاء فى السودان!!
Author: أحمد الشايقي
Date: 07-07-2009, 11:07 AM
Parent: #25
Quote: قانون الاستثمار قانون كلو ثغرات ولم نر الا استثمار فى المطاعم
والماكولات التى تنقل لنا الاوبئة والمصائب يعنى للان ما شفنا زراعة واسعة
ولا مصانع ملبوسات او تعليب لحوم او حديد صلب ..
|
|
Post: #28
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 11:25 AM
Parent: #26
أحمد الشايقى،،
شكرا للمرور،،،
|
Post: #27
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 11:20 AM
Parent: #25
يا تبلدينا،
كلامك كلو صاح طبعا،
بس أنا ما عايزة أخصص المسألة،
عاوزة الحل يكون على المستوى العام،،
ما عايزة أحدد جنسيات بعينها،،،
ما السودانيين الشغالين فى نفس المجال لازم يراعوا نفس الشروط،،
الحكاية أزمة فى حقوق المستهلك المسكين دة،
يدفع بالغالى و ما يلقى ابسط حقوقه:
النظافة و الامان
Quote: بالله مؤمن ولا جحا ولا دودى شنو ؟؟
حسي قندهار دى اطعم من لحمتها مرت على زول ..
حليلك يا سلوى؛؛ |
هى فعلا يا حليلك يا سلوى،
عشان مسكينة قدروا عليها،،
مين جحا دة؟؟؟؟
|
Post: #29
Title: Re: خبر خطير...نرجو التوضيح...صناعة الغذاء فى السودان!!
Author: Muna Khugali
Date: 07-07-2009, 11:36 AM
Parent: #27
طيب ايه رايكم بقي انه جحا ده كان حقوقه كمستهلك محميه تماما..
لانه كان بياكل علي الريحه!
|
Post: #30
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 11:45 AM
Parent: #29
Quote: طيب ايه رايكم بقي انه جحا ده كان حقوقه كمستهلك محميه تماما..
لانه كان بياكل علي الريحه! |
العيش...الرغيف يا منو،،
كان فيه بروميد البوتاسيوم ووزنه ناقص،،،
|
Post: #31
Title: Re: خبر خطير...نرجو التوضيح...صناعة الغذاء فى السودان!!
Author: رأفت ميلاد
Date: 07-07-2009, 12:02 PM
Parent: #30
| Quote: الدولة هى كيان يضم و يحمى المواطن و يدافع عنه و يحفظ حقوقه،، |
تعرفى يا هالة وظيفتى فى السودان البديت بيها كنت "مدقق حسابات" .. وكنت أشمئذ من المتهربين من الضرائب .. بعد ما شفت الخدمات والمزايا والقيمة لدافعى الضرائب هنا من الدولة .. لقيت ناسنا ليهم ألف حق وهم يدفعوا فى كروش الآخرين بالمجان .. تقولى لى يحموا الناس من الأمراض .. وكشف طبى والحاجات الإنصرافية دى ..
أسلم حاجة الناس تبطل الأكل كلو كلو
|
Post: #32
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-07-2009, 12:20 PM
Parent: #31
| Quote: أسلم حاجة الناس تبطل الأكل كلو كلو |
يا رافت،
طيب بطلنا الاكل،
طيب و الاشياء التانية،
علاج الاسنان....الخ الخ،،
نتصرف فيه كيف؟؟
و لا صحى إحنا الاسنان ذاااتها نعمل بيها شنو؟؟؟
سؤال:
عادل إمام لما قال:
دة أنا غلبان،،
كان قاصد مسكين و لا مغلوب على أمرو؟؟؟
|
Post: #33
Title: Re: خبر خطير...نرجو التوضيح...صناعة الغذاء فى السودان!!
Author: nazar hussien
Date: 07-07-2009, 01:19 PM
Parent: #32
| Quote: كان قاصد مسكين و لا مغلوب على أمرو؟؟؟ |
كان قاصد حالتنا دي زاتا
|
Post: #34
Title: Re: خبر خطير...نرجو التوضيح...صناعة الغذاء فى السودان!!
Author: Hala Hassan
Date: 07-08-2009, 07:41 AM
Parent: #33
صباح الخير يا نزار،
Quote: Quote: كان قاصد مسكين و لا مغلوب على أمرو؟؟؟
كان قاصد حالتنا دي زاتا |
تعرف كتير جدا بتحصل مواقف،
طوالى بتذكر العبارة دى،
و بقول،
بالغ عادل إمام والله،،
وصف بليغ جدا قدر يعبر بيه عن حالات إستثنائية أصبحت طبيعية،،،
كن بخير،،،
|
|