بورداب الرياض وليلة تكريم علاء حيمورة وأحمد حنين ( يوجد صقرية ) ..

يقول شاعر الشعب محجوب شريف ..

يا ماشى لى بلداً بعيد ..
قول للمخاصم أُسرتو ..
قول للطالت هجرتو ..
أمك هناك مادقّ باب ..
ماعاد قطار ..
ووصّل جواب ..
اسمك تهزّها ذكرتو ..
والبيت وراك لو شفتو كيف ..
ضاعت مواسمو وخضرتو ..

قدرنا أن نهاجر ونتغرب وتحتضننا الكثير من المنافي ولكن لأبد في يوم نرجع نعود لحضن الوطن نعود حيث الأهل والأحباب ..
لا أبالغ إن قلت لكم بأن ليلة الأمس كان كل شي فيها جميل ومرتب الحضور الكبير للبورادب وضيوفهم رغم موعد الحفل منتصف الأسبوع والإمتحانات الدراسية، الكل كان يحيط بالصديقين أحمد حنين وعلاء حيمورة في لحظات كانت تتساقط بسرعة معلنة عن فراق موقت على أمل اللقاء هناك في البلد حتى الصغار كانوا يحلقّون حولهم ويرقصون طرباً ولسان حالهم يقول للفنان الموهوب مرزوق سنغني معك لعثمان حسين وللجابري سنغني لحقيبة الفن فأطربنا يا شادي ..
بدأ الحفل والذي قاد دفته في البداية الأخ يوسف السماني بآيات من الذكر الحكيم تلاها الأخ محمود بكر ثم كلمة البورداب من الريس أبوجهينة الذي كرمه البورداب بدرع تقديراً لنيله شهادة الماجستير، ثم كنا على موعد مع الطرب والفنان مرزوق محمود بعدها جاءت لحظات الإحتفاء والتكريم للأخوين علاء حيمورة وأحمد حنين ومن ثم كلمات على لسانهم للجمع الكريم وكان يقوم بالتقديم بعدها الأخ صديق الموج وشخصي الضعيف ثم واصل الفنان مرزوف محمود روائع الغناء السوداني فإنطرب الجميع حتى الساعات الأولى من صباح هذا اليوم وفي دواخلهم أن لا تنتهي هذه اللحظات وأن لا ينتهي الحفل كذلك أبت نفس عمر الفاروق إلا أن يشارك بالغناء فكانت لفتة بارعة منه أدهشت الحضور ..
كان معنا على الأثير بإتصالهم الجميل والذي كان لها صدىً وسط جميع البورداب دينق من أمريكا ومنى خوجلي وآسيا ربيع من المملكة المتحدة وانعام حيمورة من السودان فشكراً لهم على مشاركتهم في وداع أخوة لنا ..
شكراً بورداب الرياض وأنتم دوماً عنوان للوفاء تكريماً لأهل العطاء ..
شكراً اللجنة المؤقرة وأنتم تتحركون في كل الإتجاهات بدون كلل أو ملل لإنجاح فعاليات البورداب ..
رافقتكما السلامة أحمد وعلاء مع أمنياتنا لكم بالتوفيق في مجال عملكما الجديد وأنتما تنعمان بطيب الإقامة والعيش على أرض الوطن الحبيب ..

نترك الباقي لكاميرا الريس ود الباوقة وعمران حسن صالح ..

التحية لبورداب الرياض و الاخوين علاء حيمورة و احمد حنين و رافقتهما السلامة اينما يمما و جهيهما

منعنا الشديد القوي و كمامة الاوكسجين ... بنتلاقى تاتي ان شاء الله في الزمن السمح ,,,

معتصم سلامات و حمد لله على عودة ديجانقو

كان تسجِّلوا لينا صوت عُمر الفاروق وهو بيغني
الكلام دة تحديداً كان بهم شروق أبو الناس شديد

إنعام حيمورة
تعبتي تعب شديد لكن ..
شفتي حفل الوداع كان كيف!!!؟ أرجي الراجيك

Quote: كان تسجِّلوا لينا صوت عُمر الفاروق وهو بيغني الكلام دة تحديداً كان بهم شروق أبو الناس شديد

يا علاء ...
والأستاذ الموصلي . والدكتور معز بخيت وأسرار بابكر ...........وعييييييييييكـ ..
للإتصال بصديق الموج لتوثيق (كواريكـ ) الفاروق ...
لوووووووووووووووووووول

لالا يا عمران ياخ
ما للدرجة دي كمان
الزول دة فنان بطبيعتو
لكن الوقفة دي شكل زول بيغني في "قنبلة"
أو
سي يا بدوي سيييييييييييييييييييييي

Quote: إنعام حيمورة تعبتي تعب شديد لكن .. شفتي حفل الوداع كان كيف!!!؟ أرجي الراجيك

هيييع انا بتك يا حيمورة والله خليهم ينزلوا ليك المحادثة ..

قلت ليهم - وعد- حا نستقبله (مع اني ما جبت سيرة اخوي ) استقبال اضخم من وداعكم ..


بورداب الرياض انا سعيدة جدا بالفرصة الاديتوني ليها ..

لو عارفة القصة كان فيها غنى كان غنيت ليهم - فرمالتي- على الهواء مباشرة ..


لكن بعد محادثتي زوول لذيذ رسل لي مسج منكم قال لي

قومي لفي (يكون منو ياربي) من الوش الاخدر دا


شكرا معتصم دفع الله

شكرا صديق الموج

شكرا بورداب الرياض ..

سلام بالكوم يا انعام وشوق شديد ..
ياخي أحمد وعلاء ديل يستاهلوا كل الخير ..
وخليناهم أمانة عندكم أبقوا 10 عليهم ..


بورداب الرياض بحميمتهم ووقفتهم مع بعض يجعلون كل شي جميل ..
هذا ديدنهم في تكريم أهل العطاء ..
ربنا ما يحرمنا منكم ..

علاء يا صاحب ..
ما تعصر على الموضوع دا كتير
بس انت انتظر الألبوم القادم الزول دا غناي ناس عمران ديل ما يغشوك ..
سلم على أهلي بالله ..

الاخت الفاضلة / عزاز

Quote: التحية لبورداب الرياض و الاخوين علاء حيمورة و احمد حنين

والتحية ليك يا راقية وحقيقة كم كنت اتمنى ان نسعد بوجودك معنا لانو فاتك يوم من اجمل ايام الرياض ..

شكرا ليك ولكلامك الطيب وربنا يرد غربتك ومنتظرنك في السودان ...

ألف سلامة ليك يا عزاز ..
الجايات أكتر من الرايحات ..

Quote: كذلك أبت نفس عمر الفاروق إلا أن يشارك بالغناء فكانت لفتة بارعة منه أدهشت الحضور ..

أدهشت الحضور يا معتصم ؟؟؟؟
ياخي أنا أضاني (فارقة زمن) من أمس !!!!!!!
منو الأقنع عمر الفاروغ ده يغني ياخي ...

غايتو (على قول تباركـ ) .. الجات من السماء تحمله الواطة ...

وانا ابت نفسي من اني ما الاحظ تغميضة العين
لوووووووووووووووووووووول

Quote: وانا ابت نفسي من اني ما الاحظ تغميضة العين

في اللحظة دي بالذات كان بردد :
عينيك وحاتك غربتى وأهلى وبلادى .. الفيها ضايع لي زمن
عينيك وحاتك شوقى لى زولاً ولوف … من بعدو ساب عينى سهن
....
لوووووووووووووووول يكا

من أجل (المرحلة الجديدة ) جهَز المُحتفى به نفسه بعدد واحد(سكسوكة) كاربة وقليل مما يحفظ من كلمات المرحلة على شاكلة ( نحسب أنه ) وعمل بروفة علينا وهو يلقى كلمة الوداع ...متعيناً بالريس ( ود الباوقة )

الإهداء إلى نوبي وآخرين .....

هـــــــات أجمل تعليق ....

Quote: ( يوجد صقرية ) ..

على (خُطى ) الريس ود الباوقة (ابنته) قدمت ( صقرية ) كااااااربة ... ما كانت شايفة أيِ زول وهاكـ يا رقيص ...

الواحد يا دووووب رجع من دكتور الأنفس!
دي عملية تعملا يا عمر الفاروق!

يااخي إنتوا حلوين

ربنا يكتب السلامة

حقيقي الرياض حتفقد

عنصر اساسية بالنسبة

لحنين مقاتل شرس فليطيب

له وبه المقام ... وابو

الاخلاق البديعة الرايق

الجميل د. علاء حيمورة

وسلام يا آل الرياض .



...........................حجر.

سلام يا الرفاعي ..
أحمد حنين وعلاء حيمورة فقدهم عظيم ..
وأكيد في الوطن سيجدون الأجمل والأفضل ..
أمنياتنا لهما بالتوفيق ..

ولك شكري الجزيل ..

تحية كبيرة
وامنيات بالحجم العائلى الكبير للعائدين
لأحضان الوطن
بان يحملوا معهم عدة وعتاد العودة
واللى من اهمها وأولها
هذا التآلف الأسرى الجميل
مدوا جسوره لكل مكان
ولاتجعلوه محصورا او محبوسا بأى جغرافيا
امنيات التوفيق لعلاء حيمورة واحمد حنين
كونوا جميعا بألف خير

شكراً أخي منصورً لكلامك الطيب ..
وألف مرحب بيك في المنبر ..
هذا ما نود أن نكون عليه ..
المنبر خلق علاقات حميمية وطيبة بين أعضائه في كل مكان ..
لعلك ترى الكثير من البوستات والصور لحفلات البورداب في شتى أنحاء العالم ..

تقديري ..

يا سلام يا بورداب الرياض .. ويا اسر بورداب الرياض ..
ليلة جميلة اعادة لي ذكري ايام جميلة ح نفتقد فيها حنين وحيمورة ..
..
للاسف ومن دون الأيام .. وفي ليلة خاصة بي بورداب الرياض .. اصل متأخر ..
دخلت ولقيت الناس دي .. حت شديد.
كأنهم ما شافو ليهم حفلة قبل كدا ..
شئ صقرية .. وشي (كشف) بتاع الستينات داك .. وشئ (تويست ) بتاع ناس زمن كوستاوي .. وكل يغني على ليلاه ..
كان يوم جميل ولحظات حلوة مرت بسرعة ..
وداخلني يقين عجيب .. أنو اي زول عندو حاجة عايز يجضموها ليهو .. يكلم بورداب الرياض ..

الشئ الوحيد الأزعجني في المسالة دي .. صوت عمر الفاروق وهو يحاول أن يغني .. عملية متعبة جدا .. عندي ليها بوست خاص لو سمح لي الشباب .. ما كمان نحن بنعرف نسمع غنا وشفنا الفنانين بغنو كيف ..
الحاجة المزعجة التانية بالنسبة لي .. الأخ الزميل محمد عبد الماجد الصايم ..
ياخ دا امس التقول مسافر هو .. ياخ حفر الحتات دي حفر مبالغ فيهو .. لدرجو انو ماف اي واحد من الزملاء قدر يرقص بي راحتو ..
انا بقترح انو الأستاذ الفنان عمر الفاروق والأستاذ محمد الصايم يعملو ليهم فرقة استعراضية
يا عمر ومحمد اعملو ليكم فرقة استعراضية .. والله تدقو دق في الدنيا دي .. إنتو قايلين كل الناس ممكن تستحمل..؟


يوم جميل يا معتصم .. ابقو دائما رواد في صناعة اللحظات الجميلة ..

يا شباب البنية دي تعابة شوية وعشان الصقرية المرة الجاية تكون كاربة

اناشد الاخ دينق بان يرسل لنا قليل من ( الاوفلتين ) الامريكي ...

طبعا يا ودالباوقة صقرية البت دي صقرية معارضة ما حقت سدود

لذلكـ نكرر رسالتكـ لى دينق بالسرعة اللازمة .



ربنا يحفظها ويقر بها اعينكم ويجعلها من اللاتي يصدحن بالحق ولو في وجه ود الباوقة

..................................................حجر.

Quote: وداخلني يقين عجيب .. أنو اي زول عندو حاجة عايز يجضموها ليهو .. يكلم بورداب الرياض ..

والله نفس الكلام الكنت بفكر فيهو يا تامبا ..
حاجاتنا دائماً بتتم بترتيب عجيب وبسهولة شديدة ..
ياخي اللجنة دي ربنا يديها العافية قاعدة تبذل مجهود مقدر وإكتسبوا خبرة كبيرة في تنظيم الحفلات والبرامج ..
والبورداب من خلفهم ما قاعدين يقصروا دائماً حاضرين ..
التحية لكل الذين وقفوا في إنجاح هذا الحفل ..
والأماني الطيبة للأخوين علاء وحنين بحياة حلوة في البلد ..



بس تاني أعصر على روحك شويه ياخ عشان ما تفوت عليك حاجات حلوة زي دي

.

معتصم وتمبس

ياخ والله إزيكم

عديل كده

يسأل الله سألت عليك حين كنت هناك ..
وكل تلفوناتك بطرفي مقفوله ..
شوقنا لا يوصف يا عبير ازيك يا بنت يا نيل ..
سعيد بطتلك علينا ..

كوني بخير ..

Quote: الواحد يا دووووب رجع من دكتور الأنفس! دي عملية تعملا يا عمر الفاروق!

يا عمك ..
انت كمان ما تبالغ

يا عمران بطل الحسادة ياخ ..
الزول دا غنى بمزاج عالي تجي تقول أضانك فارقه زمن ..


شكراً على الصور والمجهود ..
واصل يا حبيب فالتوثيق مهم لمثل هذه الإحتفائيات ..

كالعادة تخرج مناسبات بورداب الرياض مرتبة وجميلة
بالامس كان وداع الاخوين العزيزين / حنين وحيمورة
وبرغم الحزن على فراقهم الا انها كانت امسية بهيجة .


شكرا للجميع فهو وداع على امل اللقاء
فى الوطن الحبيب فى القريب ان شاء الله



عمر الفاروق : انصحك بان تذهب لبرنامج نجوم الغد .

( يا عمر انت صوتك جميل فقط محتاج لبعض التمارين للسلم العالى
و ارجو ان تخرج من شخصية الفنان محمود عبدالعزيز و تدينا حقك انت
وبعدين الصلعة دى لو لقيت ليك طاقية غطيتا يكون احسن عشان شكلك يكون
متماشى مع البرنامج عموما اتمنى لك مستقبل مشرقا يا ابنى )

طبعا دى ملاحظات لجنة التحكيم فى برنامج نجوم الغد

( بنمزح معاك يا عمر )





أحمد العمار

التعديل لاضافة الفقرة الاخيرة دى عشان الفاروق دا ما يقوم يشمنا كمان

حنين وحيمورة
نلتقي في براحات بلدنا الكبير ان شاء الله
والله مامنعني من الحضور الا ظرف طاريء جدا جدا
وحتى اللحظات الاخيرة كنت في تنسيق مع الصديق خالد محمود ولكن...
لكم التحية والمودة والتحية لبورداب الرياض اجمعيييييييييين.

............
وش مكسوف

هكذا هم بورداب الرياض

البارحه فاضت مشاعرنا نحوهم , كأنها عزمت لفظ انفاسها في حبهم العميق
زفراتنا الحمئه لم يفتر توارتها , هي دائماً في الإستباق لأنها بالفعل تركض بالعزيمة كلها لتخصهم بالود
ما هدأت بتاتاً علّها بالماء تغسل حزنها من فيض هذا الافتراق

حــنـين يا حنين وعلاء فاكهة المساء

لكم فى القلب مساحة ألف فرسخ من حدود فضاءنا الممهول .
حنين لولا الحديث عن خيرة الاسماء ما ( حُمّد ) لاعتمدناك الحنين الي الحنين .
ذلكم الرجل النقي السريرة مبتسماً كعادته التي لا تفارق محياه ابدا
عالياً شامخاً كما وودنا له ان يكون فينا بذات السمات البديعة في الجمال .
علاء الدين حيمورابي من سيشد أزر ( درش ) بعدك ؟ ومن يشاركه العناء ؟
أعرف ان (طارق نقد ) كعادته لا يهتم كثيراً لصرعات الدهر لان له شؤون تخصه فى الاساس
فيا علاء الدين لك ما ترى أي الوسائل اقرب لتوصيل هذا الحب .

أحمد الحنين

غاص فينا في البعيد إذ تعلمنا منه كيف لنا أن نقول كلمتنا ملئ السمع , لمن اراد ان يسومنا سوء العذاب .
ذلكم الرجل الابيض القلب كسارية الشراع يبحر دائماً صلباً , لا يخاف البحر والريح والامواج .
عندما تحدث عنه احد اصدقائه معدداً صفاته التي لم تغب عنا جميعاً
قاطعه مازحاً متسامياً بكل أدب وعفه
أهذا انا يا محمد ...!!
أم احمد حنين آخر ..؟
ذاك هو حنين لا يركن للتربيت على الكتف ولا المدح والإطراء
دائماً في تجرد ونكران ذات وهذا ديدن الانقياء مثلك يا حنين
هم دائماً لا ينصتون لصوت المديح حتي لاتقف مسيرتهم عند ذاك الحد
تراهم ينظرون الي علٍ ويرون انفسهم صغاراً ضعافاً وفقراء
يقنعون انفسهم بأنهم لم يقدموا شيئاً يستحق الاشادة
لذلك تراهم في رحلة بحث مستديم عن ما هو افضل من ذلك حتي يتبينه القوم
ولكنا نعرفهم تمام المعرفه

علاء الدين وحنين ..

بلاشك سنفتقد كوكبين فريدين تشهد لهما المجرات المضيئة في السماء بأنهما الاقرب الاشد توهجاً حينما تمسـّنا الحوجه للضوء
وكما قال الموج عزاؤنا الوحيد انكما ستسطعان في سماء النيلين كبذرةٍ إكسير تم من غرسها بعناية فائقه لتتأكد لنا الاسطورة
حميوره وأحمد كلاهما صافي القلب كلما اقتربت منه يكيل لك الف قنطار حب
البارحه كان الغناء راقصاً لا فرحاً بوداعهما ولكن ليخفف عنّا حسراتنا الموجعه
طربا واستعرضا فنون الحماسة كلها فها احمد يطرب ملء اشجانه وينشر ثوبه راقصاً كالطواويس
رافعاً عصاة الي اعلي ناظراً لاعلي همة في الذرى فاقت خيال الناظرين
كاد ان يغيبني النوم عن احتفالية الحنين الي الحنين
ولكن صوت شكري لك ابو أواب إذ كانت مهاتفتك في الوقت المناسب
نهضنا وصديقي متسارعين الي الحدث

ما ان سلم علينا حتي قال بشوق ...


جايني الساعه اطناشر ....!!!

داش يا صاحب ..
دائماً كلامك جميل زيك ..

بالله زيدنا من حروفك ..

الجايات اكتر من الرايحات يا معاذ ..
وجودك بيبهجنا والله ..
خالد أسعدنا بحضوره أمس ربنا يديم المحبة بين الناس ..
ودائماً ملمومين في السمح ..

(*)

لحين صحية

لحين صحية

وقدامك خميس كمان ..

يا زول على راحتك الجمعة بعد باكر ...

والله يا وزير الري المرة دي الموية حارة ....

لظرف خاص أضطررت للسفر خارج الرياض بعد أن قطعت عهداً بالحضور وأمثال حنين وحيمورة تشد إليهما الرحال.

بالتوفيق للأخوين (حيمورة/ حنين)
وإنشاء الله السودان الشقيق يرحب بيكم

وبنتلاقى لو في العمر بقية

تحياتي يا سيف بخيت ..
وجودك أضفى على المكان رونق جميل ..
مع أمنياتنا لحنين وحيمورة بعودة موفقه ..

خيره في غيره يا وراق ..
ولحنين وحيمورة كل التوفيق وطريق السلامة إن شاء الله ..

لظرف خاص أضطررت للسفر خارج الرياض بعد أن قطعت عهداً بالحضور وأمثال حنين وحيمورة تشد إليهما الرحال.

حقيقة وقبل شكر بورداب الرياض الذين حضروا اشكر الذين لم تسعفهم الظروف للحضور فقد كان الحضور انيقا مثل كل الاخوة بورداب الرياض ..

وبهذه الامسية الرائعة روعة البورداب اصبح الدين ثقيلا والجميل كبيرا فربنا يقدرنا على رد الجميل
وان نكون قريبين منهم رغم بعد المسافات ...


شكرا لكم جميعا وشكر خاص للاخوة والاخوات الذين هاتفو الحفل لصادق دعواتهم ...

شكرا ابو جهينة وحكومته ....


ابقو عشرة على الوزارة السيادية ( وزارة الري ) ...

Quote: والله يا وزير الري المرة دي الموية حارة ....

يا ود الباوقة دي محاولة منه للتنصل من الوزارة ... بس حتى لو كبينا فيها شااااي وشربناها الوزارة محمداك محمداك ... سيك .. سيك معلق فيك !!!

Quote: لحين صحية

لا باللاي

علاء وحنين
لكما الأمنيات بالتوفيق أينما كنتما..ظرف قاهر منعني من الحضور والمشاركة في حفل وداعكم..وربنا يعدل خطوتكم محل ما تقبلو..
شكرا معتصم..شكرا لكل الجميلين مثلك.أفراد هذا الكيان ..وأولهم الريس أبوجهينة.
ومبروك عودة تنقا لفضاءات المنبر مرة تانية.

الأخ الحبيب طارق نقد ويمينه (يسار الصور) أحد الضيوف نأمل أن يتحفنا أحد باسمه .... (كرهتنا النيلين الأبيض والأزرق زاتو )

جميل الحرف والروح ( زهرة بورداب الرياض ) والغائب دون عذر (ومكتول كمد) الحبيب الجميل شتـــــــــــات
"موسيقى تصويرية مرفقة " ....

يا بكري ياخي شيل تمبس ورجع لينا أكواد المزيكا الله يرحم والديكـ "
ولا يخفى (القمرين) الأستاذ الفنان (الفاروغ ) "" ياخي طخ "" .. وصاحب الضحكة المجلجلة حبيبنا ود الصايم .

Quote: لحين صحية وقدامك خميس كمان .. يا زول على راحتك الجمعة بعد باكر ... والله يا وزير الري المرة دي الموية حارة ....

ولايهمك المرة الجاية نجيب معاها تلاجة

Quote: لا باللاي

ود الصايم

يعني أقوم أجليها واقفة ولا شنو ؟؟؟

الوجيه اسماعيل عباس ، صاحبي ، وش مبتسم خلقة ، " كسير أيِ حاجة للنهاية "
الله يحلكـ من عمر الفاروغ

.
.
.
.
نأسف لسوء الصورة بسبب الغبار الذي ألمَ بغباراب الرياض أمس

أخي الشفيف معتصم
تحياتي ،


فعلاً كانت ليلة من أحلى الليالي
كيف لا تكون كذلك والمحتفى بهما
هما حنين وحيمورة ، وكفى .

كانت لمة ظريفة ، تجلى فيها
ود الباوقة وصغيرته بالصقرية
أما ود الأرباب وأحمد حنين
وحيمورة فقد تجادعوا في العرضة
الجعلية ، بينما شاكسهم شحرفان
وود الموج في (تويست) الستينات ؟!

(الناس ديل من الزمن دااااااك موجودين) ؟! لووووووول !؟


و .. شكراً الفنان مرزوق ، فقد كان
رائعاً- كالعهد به- وهو يشدو بأغنيات
متنوعة من عثمان حسين والجابري وغيرهم .



تخريمة :

Quote: طبعا دى ملاحظات لجنة التحكيم فى برنامج نجوم الغد

الحمد لله ما كان هناك مستمعين متعصبين من
المريخاب ، وإلا لهتفوا: (التحكيم فاشل ) ؟!؟!


لكن بالجد يا ود الفاروق ..
صوتك حلو.. (مواهب ضائعة) ؟!
بس .. ما عرفت تختار الأغنية المناسبة!



وعوداً حميداً ومظفراً للوطن يا حنين وحيمورة .
ونحن من خلفكم لاحقون بإذن الله (متى ما نادى المنادي) ؟!



مودتي ،




( ليمو )

المريخابي ( الصهيوني ) محمد عمران والخال الجميل حمزاوي

ود الباوقة لحظ إتصال البوردابي الجميل الأخ دينق .. صفق الكل لإتصال دينق بطريقة لا شعورية
تحكي روعة الفهم والود الموجود رغم الخلاف

النجم القادم بقوة الصفوة محمد عمران ابن الرشاشة عمران
مع خاله حمزاوي من الصفوة ايضاً

الدقة القديمة ورقصة ( التويست ) ...
علاء حيمورة ، صديق الموج..
أحبكم يا ناس ..
.

.
.
نأسف الصورة كلها ( غبار ) !!!!!!!

ذلك ما كان من أمر الصور التي خرجت إلى الوجود بغير شوائب تمنع النشر ..
والإعتذار بقوة إلى الحبايب :
خالد سعيد ، ليمو ، تمبس ، حيمورة ، صديق ، معتصم ، حليمة ، يوسف السماني ، شحرفان ، داش ، ود الشيخ
وأيضاً لكل من لم تسعفني الذاكرة التي شاخت لأن حال كاميرتي لم يكن يسر " فرصة لعمر "
وبالتالي فصورهم لا تصلح للنشر رغم الإجتهاد في تعديلها ..
.
.
أتمنى من ود الباوقة أن يقوم باللازم لباقي الشباب ...

كانت ليله جميله جدا وعجبنى الباوقه عندما تحدث مع دينق وقال له اهلا يااستاذ دينق
نشوفكن الليله انشاء الله

مرحب بحنين و علا الدين بينا.... مليون مرحب و انشاء الله يطيب بيكم المقام هنا

بس يا بودراب الرياض سين سؤال؟

لو الواحد جاكم عمرة و راجع السودان برضو بتعملوا ليهو وداع؟

Quote: والإعتذار بقوة إلى الحبايب : خالد سعيد ، ليمو ، تمبس ، حيمورة ، صديق ، معتصم ، حليمة ، يوسف السماني ، شحرفان ، داش ، ود الشيخ

ســـبحان الله ... لا بيصورنا ولا بذكرونا ... معليش الله غااااالــب .... الله فـــــي ....

يا عمدة ..
انت صورتك جوه في القلب محفوظة ..

أولاً ألف مرحب بيك في المنبر أخي حافظ ..
وثانياً أي بوردابي يزور الرياض هو محل حفاوة وترحاب من البورداب ..
فأهلاً بك وبكل من يزورنا في الرياض ..

هذا هو حضوري للمرة الثانية لمناسبة يقيمها بورداب الرياض
إلا أنها الأولى بعد نيلي عضوية المنبر ، كانت الأولى حضوري لها ضيف شرف ولم تكن
بطعم الثانية بالأمس فلقد تجلى الحضور بأكمله وكانت آية من الروعة والجمال وما
زاد من رونقها وجمالها تلك القفشات التي كانت تنطلق من كل الإخوة وخاصة صديق الموج بالرغم
من لدغاته السامة إلا أنه وفي إعقادي كان نجما لهذه المناسبة وياريت نشوف واحدة ثانية بس
ما تكون وداع لبورداي حتى لا يشوبها الحزن متع الله كل الحضور بالصحة والعافية وعودا حميدا
لصديقي العزيز علاء حيمورة والأخ/ أحمد حنين وأسرته ودعواتنا لهم بالتوفيق والسداد بأرض
الحبائب سوداننا الغالي
مع تحياتي وتقديري لكل بورداب الرياض ونصرخ في أذن المهندس الراقي مهندس المناسبة الأخ/ معتصم
دفع الله ومن عاونه في إخراج ليلة الأمس بأن يضعوا في حسبانهم إقامة مثلها كل شهر من أجل
توطيد أواصر المحبة بين الجميع

مع تحياتي وتقديري

كل لحظة كانت حلوة بيكم ..

البوست دا أبقوا عليهو 10 وخلوهو للربع التاني إن شاء الله يبقى كيلو عديل كده
في كلام سمح كتير إتقال ..
وفي كلام أسمح أكيد ح يتقال ..


محبتي ..

أحلى ناس إنتو والله

ربي يخليكم يا رب

الرائعون بورداب الرياض


كما قال معتصم كلها احداث من مكالمة دينق الى عناء عمر الفاروق

حقيقة كانت مكالمة الرائع دينق مفاجاة المفاجاة

كذلك اتحفتنا الفضليات منى خوجلي واسيا ربيع بحديث من القلب

ورقص الجميع على انغام زروق هذا الشباب صوته مليء بالطرب الامر
الذي حعل عمر الفاروق يجلس بجواره طيلة الحفل
وووو كثيرة ولكن:
كانت ليلة ياحنين وعلاء

Quote: لو الواحد جاكم عمرة و راجع السودان برضو بتعملوا ليهو وداع؟

بس اعرف تعال والله ياحافظ نعمل ليك الما اتعمل نحن لاقين زول زيك
ياحلو تحياتى

الاخ الاستاذ معتصم
تحياتي

وياخ انت جميل وبروفايلك اجمل

والتحية لبورداب الرياض وهم يزفون اثنين منهما لبورداب السودان ومرحبا بهما وموعدنا معهما قندهار

بورداب الرياض...........................ألق وجمال...

أحمد حنين وعلاء حيمورة...ربنا يحفظمك ويوصلكم سالمين...كنتو رائعين...

الريس أبوجهينة ..مبروك الماجستير....بعد درع البورداب..

ألأخ/دينق من امريكا..لقيناك زى ما إتخيلناك زول جميل محياك....

منى عوض خوجلى أختنا الحنينه..دائمآ حضور الله يحفظك...

ألعزيزة..أسيا ربيع...ألق وحضور وفن..شكرآ على المشاركة الرائعة...

ألأخت/إنعام حيمورة........مبادرة دائمآ بالخير..صوتك أطربنا...

صديقى الجميل عمران....دبلوماسى وطلبو قاسى...صديقى كسر لى وأنا أكسر ليك...

عمر الفاروق....موهبة...نجوم ألأمس.....حانجيب ليك فرقة ونريح مرزوق شوية.....

مرزوق دائمآ مبدع....

Quote: منعنا الشديد القوي و كمامة الاوكسجين

ألأخت/عزاز..سلامتك..وكان حضورك سيزيد من البهجة.....

ألأسر الذين حضروا لهم منا خالص التقدير رغم صعوبة الجو....والذين لم يحضروا فاتتكم حاجة حلوه والجايات اكثر من الرايحات..

اللجنة المنظمة..للحفل..كنتم كما عهدناكم...

لجنة بورداب الرياض..عودتونا على الفرح قرضوا على كده....الله يفرحكم يارب دائمآ..

معتصم دفع الله الشفيف..سوى لينا التقيل وخفيف..جمال روحك مافى ليها مثيل..

التحية للجميع......................إسماعيل محمد احمد عباس....

الصور جاياكم هبطرش خليكم قريب ...

الاخوة بورداب الرياض

ان شاء الله دايما ملمومين في الخير يارب
دا رابط لفيديو الحفلة جاتني بالايميل من المربوط الزميل عادل ABUHUSSIEN

http://www.youtube.com/watch?v=kAm8omfUcBg

يا جماعة دقيقة أحي أخونا وهبة دا ..
ونقول ليهو حمد لله على سلامة العودة المنبر منور يا حبيب ..



وثانياً ..
نناشد الريس بكري بارجاع باسوورد الأخ عادل أبو حسين ( ABUHUSSIEN ) ..
وبدورنا نشكره على التوثيق بالفيديو يديك العافية يا حبيب ..

نناشد الريس بكري بارجاع باسوورد الأخ عادل أبو حسين ( ABUHUSSIEN ) ..
وبدورنا نشكره على التوثيق بالفيديو يديك العافية يا حبيب ..

تمام يا الشفيف ..

نطالب الاخ بكري بالتحرك سريعا لارجاع اخونا وحبيبنا ابو الحسين ..

وهبة وهاهي ثمار عودتك بدينا في قطافها ....

Quote: الصور جاياكم هبطرش خليكم قريب ...

[B]ريقنا نشف يا ود الباوقة

بتك الصغيرة إبداع يمشي على رجلين

الله يحفظه ويستره "امين"

منتظرين
يوجد سلام للجميع

في إتصال هاتفي الآن مع المكاتل أحمد حنين وهو في طريقه إلى مدينة جدة ..
يبلغكم تحياته ويشكركم على اللحظات الجميلة التي قضاها معكم والحفل الذي أثلج صدره وأسرته ..
ولظروف سفره لم يستطع الدخول للمنبر للكتابة لكم ويعدكم حال وصوله جدة أو الخرطوم بالرد عليكم ..

صحبتك السلام يا حنين ..
وودعناك الله والرسول ..

تحياتي أخي سيف الدين علي ..
بورداب الرياض حين يلتقون يحولون لمتهم لمكان جميل مكان للفرح ..
مرحباً بك أخ كريم يزيد بورداب الرياض جمالاً ..
لمة البورداب مشروع قديم في الخاطر ولكن دائماً ما نصطدم بظروف البلد دي ..
ولكن لسه عند وعدنا بلقاءات متكرره ..
لك الود ولكل من معك ..

تقديري ..

كانت جميلة بحضوركم أخي أبوأحمد ..
مع أمنياتنا الصادقة لحنين وحيمورة بالتوفيق في رحلة العودة للوطن ..

الحبيب ليمو كيفك ..
ياخي أنا بعد كل حفلة للبورداب بكون عايز لي أسبوع بحاله ..
أسبوع عشان أفيق من الدهشة ..
وأسبوع عشان أرتاح فيهو
اللمة دائماً حلوة بيكم ..
يا بورداب عندكم مقدرة كبيرة على جعل أي لحظة جميلة ..
كل التوفيق لعلاء وحنين في رحلة العودة للوطن ..
رافقتكما السلامة ..

إفتقدناك كثيراً يا فتحي ..
وإلى لقاءات ثانية أجمل ..
كل المنى لأحمد حنين وعلاء حيمورة بالتوفيق ..

Quote: لحين صحية

يا درس ..
أها لسه ما صحيت ؟..

الحبيب أحمد العمار ..
ياخي أي شي جميل بيكم ..
المشاعر الصادقة دائماً تأتي باللحظات الحلوة ..
أبقوا 10 على الحاجات السمحة دي وعلى تكاتفكم ..

يديك العافية ..

حبيبنا مــو ..

الشكر لك ياجميل .. وعودتك تفرح ياصديقي،

شكراً بورداب الرياض .. فقد كان يوماً يليق بكم وبضيوفكم ..
في وداع حنين وحيمورة .. كان الجمال حاضراً في كل شئ .. في تألف الأخوان ..وصدق الكلمات .. وصفاء الأرواح .. والتفاعل الجميل مع المبدع مرزوق ..

نتمنى للأخوين علاء حيمورة وحنين التوفيق في الوطن .. وهم السابقون وإنا إنشاء الله بلهم لحاقون ..

نسأل الله لهم الثبات ..


تحياتي الأرباب

تخريمة فاروقية :
والله ياود الفاروق إبداع في كل شئ .. بالمناسبة في واحد داير يربطك لي حفلة عديل كده ..

غايتو عمر الفاروق لو كان دفع متين ريال كان خليناه غنى الاغنية الثانية..
بالمناسبه عمر قبلوه فى برنامج (نجوم القد)
طبعا عمر يقد الدنيا دى كلها.ياود يا قداد انت... .
ماساهل الزول ابوصلعة ده تب،،

تسلموا يا بورداب الرياض
وربنا يوفق أحمد حنين وعلاء الدين

بعض الأحداث برؤيه أخرى :

و إلى البوردابى القادم : السيد وزير الرى .... يتبع //

يا مصدق ...
الإحتفاء القادم أنا ( الشيرنق ) حقكـ بدفعوا ..
بس خليني أعمل تعديل على الكاركاتير الفوق ده وأنزلو " يوم السبت " ...
بس ان شاء الله البوست ما يمشي الإرشيف ......

Quote: بس خليني أعمل تعديل على الكاركاتير الفوق ده

خليتك يا عمران ....
ياااخ إنت عاوز ليك إذن ؟ الكاراكاتير كاراكاتيرك .. خوش و أعمل الدايرو...
و خلينى أنا أتفرغ للسيد/ وزير الرى و أركان وزارته و بقية أعضاء مجلس الوزراء و ربما السيد الرئيس نفسه .....
( أبوجهينه ) ما تقوموا تفهمونا غلط .

Quote: وقدامك خميس كمان .. يا زول على راحتك الجمعة بعد باكر ... والله يا وزير الري المرة دي الموية حارة ....

لوووووووول
عليك دينك يا مصدق اديها واحد كاركاتير مكرب في الحوار البين ود الباوقة وسيادة الوزير دا


مووووو الرايع و بورداب الرياض
فقد عظيم لبورداب الرياض خاصة و السعودية عامة سفر العزيزين احمد حنين و علاء الدين ، و نتمنى ليهم التوفيق في بلدهم الثاني السودان

تحياتي لبورداب الرياض القدلمى منهم و الجدد ، المفصولين منهم و العائدين

لحين لقاء في اقرب سماية

معتصم .. سلاااااااااااااااام

التحية ليكم ولى لمتكم السمحة دى وربنا يديم المحبة والتواصل


حنين وعلاء حيمورة ربنا يوفقكم وين ما مشيتو ..

انشاءالله يجى يوم تحتفل الرياض بخروج اخر سودانى من اراضيها ..هههههه

Quote: و إلى البوردابى القادم : السيد وزير الرى .... يتبع //

حبيبنا مصدق

في الانتظار علي أحر من الجمر .. ما تطول علينا

أحمد حنين .. والوعد أن نلتقي ..

اتصلت به وهو يطوي الفيافي والوهاد طارحاً الرياض خلفه .. وأمامه النيل والنخيل والبلد الأمين ..
متجهاً إلى حيث تشتهي الأمنيات ..
" هكذا الميكادو قد علمنا أن نرى الأوطان أماً وأبا " ..
فلا تلم كفي أبا مهند إذا السيف نبا .. فقد صح العزم مني والدهر أبى ..
هكذا علمنا الأجداد أن "من كان حافظاً لأوطانه حامياً لها فذكره مسك في الأنام وعـــنبر"

هكذا يمضي أبومهند وهو يطوي الصفحة الأخيرة من مشوار طويل من التاريخ والعطاء والذكريات ..
فكم رقص العشب على خطانا .. وكم انطفأت النار تحت أقدامنا الحافية .. ..
ولكن شيئاً يبقى هنا رغم تهاليل الوداع ..
لم يكن وداعاً .. إذ لا وداع للعائدين .. بل تكريم لوشائج حميمة ومشاعر نبيلة نبتت كحفنة ضوء على كتلة من الظلام .. أو كما قال أبو رامي يوسف السماني ..
كان أن نحن التقينا على شطٍ لم يزل رطباً والأحلام ترفرف على نوافذ مفتوحة على ساحل ووعد ومدينة ..
واليوم تمضي وعطاؤك الذهبي باذخ يشحذ همتنا الشحيحة .. وليلك القمري يحفِّز القرية النائمة على همٍ ووجعٍ صقيل ..
ذلك ما كنت عنه تحيد ..
وأنت الآن تروم تخوم يهش عشبها للمطر الغائب ..
تدنو على خطوة لا تكبو .. تمشي وعلى كتفيك عبء الشمس المشرئبة للشروق ..
قد كنت فينا محارباً أصيلاً يزينه بريق الرمح والسيف وصليل القلم والقرطاس .. ووعدك فينا لن يموت ..
كنا .. إلا أنت ..
تمزِّق فينا الهمة العاطلة والشتات وتستديم الفرح الموقوت ..
كنت والرواد ودقاسم ..أبوجهينة.. حمزاوي تزرعون العهد لتولد القيمة من جديد عندما تفتر عزيمة الأشبال على قرع الطبول وهدير الرعود ..

هذا واليوم يأخذنا للبعيد ..
قل للأمهات ما تزال القبلة على الجبين ..
قل للآباء العزم موروث .. من الساقية والمنجل والشادوف ..
قل لحمائم النيلين إن خيامنا في الصحراء مضروبة على عجل .. قل لها ألا تنسي نوتة الألحان وموسيقى الأجيال..
قل للحبيبة في المعامل والجسور الحقول ..
قل لها لتطل على الشرفة كل صباح لتنسق نبات الظل .. وتدع الأبواب مفتوحة للرياح .. وتحتفظ بمصباح الغرفة مضيئاً ..
قل لها ضئ عيونكم .. نور طريقنا ..
فما نزال نحتفظ بالمناديل والعطر والخاتم الفيروز ..
قل للتاكا وتوتيل .. للبحر والنهر .. للغابة والصحراء .. للغرب والجنوب .. أننا عائدون ..

أبومهند ..
ها قد بلغ الجدول البحر .. وانطوى ظل الظهيرة على عجل ..
لا نقول وداعاً .. بل إلى لقاء على الشط الآخر ..
"فظلال النخيل التطاول على حدود الحلم في حلفا يعود ليورق في البداية عند قمبيلا" ..


"الراحل " علاء أيها الحيموري ..
أبيت إلا أن توقِّع في كتاب الراحلين ..
فدعنا نأخذ من أثرك قبضة .. وخذ من صوتنا همسة ..
خذ من احتفالاتنا أغنية ..
من صخبنا ضحكة ..
من صفحاتنا كلمة ..
واكتب على أوراق النيل جملة حب وسلام ..
لك الود يا صديقي ..
دربك أخدر .. وهناك نلتقي ..


معتصم .. شقيقي الجميل ..
كل كتاب .. أنت الغلاف ..
كل قصيدة .. أنت القافية ..
وكل أغنية .. أنت اللحن ..
كعادتك دائماً تترك بصمات جميلة ولو على جدران منسية ..
أحبك جداً يا هذا ..


تمبس .. رفيق المتاهة الغامضة ..
بين الاستقبال والوداع .. تتكسر أجنحتك وأياي ..
والوقت يمضي بطيئاً .. عابثاً .. وثقيل .. .. اشفق علي نفسي وإياك ..
" أصلو العمر شوقاً كان ..
وحزناً كان ..
وصبراً كان ..
أصلو العمر كان درباً مشيتو كسيح .. كان غرساً سقيتو بكا وقبضت الريح"
اصحى ياخي الزهور صاحية وانت نايم !!!!!


داش .. يا شقا ..
تأسر الحروف وتأسرني ..
تبكي وتبكيني ..
تمزق ثياب القصيدة وتمزقني ..
مصيرك يوم تموت مرفوعاً بالحزن .. منصوباً بالشوق .. مجروراً بالحنان .. ظرفك الأسى .. وصفتك الشقاء ..


عمران ..
توقظني وأنا من يتوق كل يوم أن يأتي الصباح مخففاً من عبء المساء ..
مجرداً من ثقل الهزيمة .. كالأطفال يولدون بلا خطيئة ..
بريئاً كسواحل عذراء موسومة بالبراءة لم تدنسها الخطي الآثمة ..
وهل من سبيل يغالب الكأبة أم أن الحياة خطيئة واليوم ذئب لليوم والأيام التالية ..
تسألني وأسائل نفسي كيف للأكواب الفارغة أن تحتفظ بحرارة الأنامل الرقيقة عندما ينسى الوادعون ذلك اللقاء ..
عندما يتم إغلاق المقهى على أقدام الجنود البرابرة وتقتلع العاصفة تلك الشتول اليانعة ..
لا أدري ..

عمران .. يا لذيذ يا رايق .. مين أدك .. مين زيك انت يا ود ..
توقظني دائماً يا عمران من غفوتي الساذجة .. ولا أدري
فأنا لم تأتني الدنيا فأكون من الخائضين فيها ولم تغلب عليَّ الآخرة فأكون من العاملين لها .. زي ما قال ابوحيان التوحيدي ..
كأن الدنيا فك مفترس فتح فكيه ولم يبتلعني ..
كأن هناك هاوية تنتظرني ..
أبكي وحيداً لجدراني وكتبي وأرففي ..
الليل يلعنني والنهار يرفضني ..
وحظي يصطف بعيداً عن صفي ..
فيا حزني ويا أسفي ..
تجدني دوماً لست راضياً أعاتب نفسي على كثير من الاخفاق والخيبات (يا ريت لو كانت زي خيبة ناس شيلر وماكس فيبر ..)
بالله عليك الله يا عمران ادعو لي معاك ياخ ..
تحياتي ..


معتصم بالله سلم لي على كل البورداب .. وكل الناس الهنا والهناك ..

وسلام ..

صلاح/ شتات

ما شاء الله تبارك الله عمي ود الموج في خفته ورشاقته كأنه ابن عشرين ..

تبارك الله .. شوفو ( الجيرك ) دا

الريس ابو جهينة وكلمة البورداب ..

الان الريس في طريقه الى اسبانيا .. تروح وتجي بالسلامة ...

هييييييييع المكاتل في صقرية جعلية ..

ناسف لعدم وضوح الصورة وذلك لرداءة الاحوال الجوية في تلك الليلة ...

صديق البورداب اخو الاخوان مصطفى شحرفان مع المكاتل في رقصة استعراضية ..

الاستاذ احمد الشايقي .. ابت نفسه الابية الا ان يشارك في الصقرية .. له التحية ...

الحبيب معتصم دفع الله
وجميع الاوفياء / بورداب الرياض

لقد كانت ليلية ستخلد ذكراها ابد الدهر .. كنتم اخوتي البورداب كما توقعنا .. جميلين صفات واهل كرم ..
عفوا اخوتي على التأخير فقد كنا انا والاخ احمد حنين في زيارة للمشاعر المقدسة وافترقنا في مكة فذهب الاخ حنين برفقة اسرته الكريمة الى جدة ليغادر بحرا
وذهبت انا وبرفقة الدكتور عماد حيموره واسرته الى المدينة المنورة وها انا اعود اليوم الى الرياض لاحزم ما تبقى من حقائب استعدادا للمغادرة صباح الخميس .

سوف اعود اليكم اخوتي فردا فردا عسى ان اجد من الكلمات ما يليق بمقامكم ..

الإخوة بورداب الرياض لم احظى بشرف حفل وداع الأخوان
أحمد حنين وعلاء الدين حيمورة لاسباب فوق العادة .
خالص الأماني بقضاء أيام سعيدة قادمة في السودان ( الشقيق )حلوة دي مش كده !!!)

ربنا يوفقكم لما فيه الخير والسداد.
معتصم دفع الله يا حمامة السلام اهديك السلام .

المحتفى به علاء الدين حيمورة برفقة البوردابي سيف بخيت موسى ..

يا شفيف الصور لس كثيرة ..

طولوا بالكم شوية ...

صقرية مخلوطة بشيء من المحسية والشايقية بين الخال حمزاوي وحيمورة ...

الاخ الكريم البوردابي ابو الحسين ..

الاخ الكريم ليمو ..

أحمد حنين

إتخرطم
بقى بشرب الشامبيون

الاخ الموقر محمد بكر ..

بالهنا والشفا ....

Quote: إتخرطم بقى بشرب الشامبيون

خلاص رجعوهو لينا ..



كيفك يا ملك ..
مشتاقين يا حبيب ..

الاخ العزيز معتصم دفع الله وبورداب الرياض وضيوفهم الكرام.

لقد كنت سعيد جدا بأن أخاطب الاخوة بورداب الرياض عبر الاثير وأرجوا أن تطبع كلماتي زاكرة طيبة عن الاخوان الاعزاء علاء حيمورة وأحمد حنين وتمنياتي لهم بالنجاح والتوفيق في السودان الوطن .


Deng

لقد كنت سعيد جدا بأن أخاطب الاخوة بورداب الرياض عبر الاثير وأرجوا أن تطبع كلماتي زاكرة طيبة عن الاخوان الاعزاء علاء حيمورة وأحمد حنين وتمنياتي لهم بالنجاح والتوفيق في السودان الوطن .

اغلى مكالمة تلقيتها مؤخرا كانت من الاخ الكريم دينق ..

ايضا كانت مقاجأة الحفل ..

بالله يا دينق كتر لينا من المفاجأت ...

الأخ الحبيب دينق ..
كيفك يا زول يا زين ..
سعادتنا بسماع صوتك ومكالمتك اللطيفة كان لها صدىً جميل لدى الجميع ..
بالفعل كانت لفتة بارعة تؤكد طيب معدنك وخوتك الصادقة ..
يا ريت يا دينق مزيد من المكالمات مزيد من التواصل ..

محبتي وتقديري ..