تقريبا ... الناس نست الناس..

Post: #1
Title: تقريبا ... الناس نست الناس..
Author: tmbis
Date: 06-30-2009, 09:54 AM
Parent: #0

يعني ..
الواحد بقى قاعد في البورد وما ناقش أبوالنوم ..

الحنك شنو يا جماعة ..؟
أو بي صورة أوضح .. كنـا واقفين وين ؟؟ لانو من العيب خالص تخلي حاجاتك بي قفاك وتقوم تمسك ليك في حاجة تانية هي ما بي قفاك ..

Post: #2
Title: Re: تقريبا ... الناس نست الناس..
Author: نصار
Date: 06-30-2009, 09:56 AM
Parent: #1

واقف براك و الهم عصف
يا زول بركة الجيت
محل واقف خليهو
ابدي سطر جديد

Post: #8
Title: Re: تقريبا ... الناس نست الناس..
Author: ALGARADABI
Date: 06-30-2009, 10:02 AM
Parent: #2

ممكن تقول لي سر حب الناس ليك شنو؟

انا ما بحبك ياخ

Post: #9
Title: Re: تقريبا ... الناس نست الناس..
Author: omer osman
Date: 06-30-2009, 10:03 AM
Parent: #2

Quote: الحنك شنو يا جماعة ..؟

في طير قام ليهو ريش ...... وفي ورل بقي يقدل

والواعي ما بوصوهو ....... من محل ما كنت واقف شووووووت

Post: #64
Title: Re: تقريبا ... الناس نست الناس..
Author: محمد الامين محمد
Date: 06-30-2009, 11:27 AM
Parent: #2

Quote: بركة الجيت

عسل انت وبسكويت
حمد اللة ع السلامة

Post: #80
Title: Re: تقريبا ... الناس نست الناس..
Author: tmbis
Date: 06-30-2009, 01:00 PM
Parent: #2

Quote: ابدي سطر جديد

ازيك يا سميي العزيز ..
بس ما تنسى أنو في نقطة (.) قديمة حقو نكز عليها شديد .. قديمك نديمك
..
Quote: ممكن تقول لي سر حب الناس ليك شنو؟

يا قرض .. أنت لو ما بتحبني قررض علي كدا .. خليني احبك بي (حاجاتي)..
..
Quote: والواعي ما بوصوهو ....... من محل ما كنت واقف شووووووت

يا جستابو عمر.. شكرا علي البوست البي هناك .. يا سيادتك .. في اقرب إدارة داخليه ..
نشووت طوالي يعني ؟؟
خلاص ادينا الفاتحة ..
..
يا محمد الأمين ..
ياتو نوع من البسكويت بالضبط ؟؟
اوعه يكون بركة بتاع بورسودان داك ..؟ كدا بتقوم على الجماعة الكاروشة
..
Quote: الجماعة كرهوني السؤال منك ياخي

والله يا انعام حيمورة .. علمتي لي نفسيات عديل كدا ..
ياخ العالم عندو مشروع نزع سلاح .. فكي اللعب شوية حرقتي لينا روحنا يا شيخه

Post: #3
Title: Re: تقريبا ... الناس نست الناس..
Author: انعام حيمورة
Date: 06-30-2009, 09:56 AM
Parent: #1

الجماعة كرهوني السؤال منك ياخي

مليون حمد لله على السلامة ...

Post: #4
Title: Re: تقريبا ... الناس نست الناس..
Author: حيدر حسن ميرغني
Date: 06-30-2009, 09:59 AM
Parent: #3

ابدأ سطر جديد

وحمد الله بالسلامة

Post: #5
Title: Re: تقريبا ... الناس نست الناس..
Author: ALazhary2
Date: 06-30-2009, 10:01 AM
Parent: #4

.
.

حمد الله على السلامة ياتمبس

نورت المنبر ياحبيب
.
.

Post: #10
Title: Re: تقريبا ... الناس نست الناس..
Author: ود الباوقة
Date: 06-30-2009, 10:04 AM
Parent: #5

عاد تمبس ولكن بدون نقطة ..

حاجة تمام ...

Post: #7
Title: Re: تقريبا ... الناس نست الناس..
Author: محمد عبد الماجد الصايم
Date: 06-30-2009, 10:02 AM
Parent: #4

في نفس الـ نقطة الخليتنا فيها!

Post: #12
Title: Re: تقريبا ... الناس نست الناس..
Author: osman righeem
Date: 06-30-2009, 10:04 AM
Parent: #4

اخونا الحبيب

هو انت انت بتتنسي

كنا واقفين في النقطه
لكن لو رحعت النقطه
بتلقانا مشينا منها
ونتقابل
في فرح قايم
و فرح جاي
و فرج لسه

Post: #6
Title: Re: تقريبا ... الناس نست الناس..
Author: walid taha
Date: 06-30-2009, 10:01 AM
Parent: #1

لا حولاااااااااااااااااا

Post: #13
Title: Re: تقريبا ... الناس نست الناس..
Author: mohanad haimoura
Date: 06-30-2009, 10:05 AM
Parent: #6

[

B]حمد لله على السلامه

Post: #117
Title: Re: تقريبا ... الناس نست الناس..
Author: tmbis
Date: 07-01-2009, 09:37 AM
Parent: #13

حيدر يا سيد العجلة ..
ياخ نشكر لكم تكبدكم المشاق وارهاق التقنية ..
وبدينا سطر حسب توصياتكم ..
بس عليك الله موضوع (العجلة) دا ما تنساهو لي .. أنا نازل اجازة..
..
الأزهري الزعيم ..
منور بيكم والله .. الله يسلمك ويعافيك ..
..
Quote: عاد تمبس ولكن بدون نقطة ..
.. الرد السد يا ريس .. سمك وكهربه .. و(كواميد) من محمد فرح
..
Quote: في نفس الـ نقطة الخليتنا فيها!
.. قوووم لف ياخ .. شايفك عامل مسردب من موضوع المؤتمر وكدا .. خلينا نفضى ليك تاكلو في قروشنا وعاملين فيها رايحين ..
..
Quote: ونتقابل
في فرح قايم
و فرح جاي
و فرج لسه
. يا رغيم .. والله حباب الأفراح وحبابك يامفرح .. الفرح ما بناباهو ..إلا خلينا نشوف باقي الناقط الميته القدامنا دي
..
Quote: لا حولاااااااااااااااااا
وليد طــه .. والله تتخيل أمبارح حلمان بيك الحلم كان فوقو عربية مازدا وحيات خوتك .. غايتو تم الباقي خيال .. روووح بدخانك ياخ ..
..
مهند حيمورة .. عداداتك راشه شكلك .... غايتو عمر الفاروق بعد السمعتو امس منو دا .. لو قال ليك يا مهند اطلع معاي عداد ... وسمعت كلامو .. تكون بالغته .. عمر دا من النوعية البجدعوها بي البيض بتاع الكوكتيل ..

Post: #14
Title: Re: تقريبا ... الناس نست الناس..
Author: ابراهيم محمد الحسن
Date: 06-30-2009, 10:06 AM
Parent: #6

تمبس ،،

حمدا لله على السلامة ،،
ونورت ،،

أقترح تبدأ من ناس ود الصائم ومؤتمر الإعلامييين ،،

Post: #18
Title: Re: تقريبا ... الناس نست الناس..
Author: ماجدة عوض خوجلى
Date: 06-30-2009, 10:08 AM
Parent: #6

الف حمدلله على السلامة بركة بالرجعة ياتمبس ..
تسلم يارب من كل شر ..

Post: #20
Title: Re: تقريبا ... الناس نست الناس..
Author: بشير جبريل علي
Date: 06-30-2009, 10:09 AM
Parent: #6

Quote: تقريبا ... الناس نست الناس..

ياخي أنت بتتنسي ..
حمد الله على السلامة

Post: #11
Title: Re: تقريبا ... الناس نست الناس..
Author: احمد معتصم الطيب
Date: 06-30-2009, 10:04 AM
Parent: #1

تقريبا ... الناس نست الناس..

انت انت .بتتنسي ,,!!

ياأخى مبروووك العودة

Post: #17
Title: Re: تقريبا ... الناس نست الناس..
Author: د.نجاة محمود
Date: 06-30-2009, 10:07 AM
Parent: #11

ايوووووووووووووووووووووووووووووووووووووويوووووووووووووووووووووووووووووويووووووووووووووووووووو
(انقطع نفسهاوماتت من الفرح)

Post: #22
Title: Re: تقريبا ... الناس نست الناس..
Author: علاء الدين يوسف علي محمد
Date: 06-30-2009, 10:10 AM
Parent: #11

Post: #24
Title: Re: تقريبا ... الناس نست الناس..
Author: GamarBoBa
Date: 06-30-2009, 10:11 AM
Parent: #11

حمد الله بالسلامة يا تمبس.

تحياتي

Post: #25
Title: Re: تقريبا ... الناس نست الناس..
Author: كمال حسن
Date: 06-30-2009, 10:11 AM
Parent: #11

العزيز تمبس
خليتنا في نقطة
( المنبر بعديها ما بقى زي ما كان قبليها)

وأهو الآن بقى زي ما كان قبليها

حمدا لله على سلامة عودتك

Post: #123
Title: Re: تقريبا ... الناس نست الناس..
Author: tmbis
Date: 07-01-2009, 10:59 AM
Parent: #25

Quote: أقترح تبدأ من ناس ود الصائم ومؤتمر الإعلامييين ،،

والله يا باشمهندس ابراهيم .. وبي صراحة كدا .. الزول دا اليومين الفاتو كان عندو معاي مصلحة .. أو بالاصح كانت عندي عندو مصلحة .. وهو قدر يستغل الحتة دي فكدي خليني اراجع الدفتر بتاعي .. واجهز دفاعاتي .. لو لقيت انو الزول دا بقدر يضرني لي قدام .. ياها السكتة ويا دجار ما دخلك شر .. والخواف ربى عيالو .. ولو لقيتو قاعدج في السهلة ساكت .. غايتو إلا يمشي يكتب في البورد بتاع تراجي ويبقى سودان جديد.. لكن في كل الأحوال توقع رش شديد مطلع الاسبوع القادم ..
..
تسلمي من كل شر يا ماجدة .. منورة والله ..
..
Quote: ياخي أنت بتتنسي ..
الحمد لله يا بشير .. الواحد كان قايل نفسو شطبوهو .. بالقلم الأحمر .. اصيلين والله لكن ..
..
اووو أحمد معتصم .. غايتو بتعرفو تبردو للواحد قلبو بشكل ..
..
Quote: انقطع نفسهاوماتت من الفرح
والله يا دكتورة دكانك الفاتحاهو بي هناك انا كملتو ليك جرورة بس .. اي طحنية فيهو سفيته .. خليني لما اجيك بي هناك .. وأوريك الحنك شنو.. .. مشتاقين والله بالكوم..
..
اووووووو كمندان علاء الدين .. بلاي سلمنا العهدة وجيب المحضر وتعالو ابصموا انت والشفت .. والله ما عندكم اي خوة بي تعريفة .. علي الأقل ياخ مفترض تطلعو لي الزكاة من البساتين اللقيتوها مخدرة دي .. دي خوة شنو دي ياخ ..؟؟
..
قمر بوبــا .. كيفك يا جميل ..؟
..
Quote: وأهو الآن بقى زي ما كان قبليها
.. العزيز كمال حسن .. ياريت نقدر نقررض على كدا .. لكم كمان حلو على طول .. بيضر .. ومسييخ على طول بيضر ..
نحاول نخليها جلكوز .. بس كل زول طبعا يحترم حدودو تجاه التاني .. والله لو قدرنا نصل المرحلة دي .. صدقني المكان دا ببقى حاجة ما تخلص ..

Post: #15
Title: Re: تقريبا ... الناس نست الناس..
Author: tmbis
Date: 06-30-2009, 10:06 AM
Parent: #1

بالمناسبة:
أبو النوم دا بنقسم لي قسمين .. في نوع منو فوقو روح .. والنوع التاني صناعي وبتتحكم فوقو المسالة التقنية ..

الفوقو روح هو من فصيلة العناكب بتواجد في المناطق شبه الصحراوية ..
بالنسبة لينا كنا بنلقى ابو النوم في منطقة خور أبوعنجة قريب لي مدرسة المؤتمر الثانوية ..
أبو النوم كائن عنكبي بيدفن نفسو جوه حفرة ويفضل يحفر في التراب ويرمي طبعا بيكون التراب ناعم جدا ..
لما نجي نعمل اخلاء ميداني لي ابو النوم دا .. المسالة في غاية البساطة ..
تجيب ليك قطعة خيط من اي مكان (وتبلها) في خشمك وتدخل طرف الخيط في الحفرة .. لو كان ابو النوم دا صاحي وفي فتر الدوام الرسمي بتاعو .. بقوم بي كل بلادة بيمسك ويكنكش في قطعة الخيط دي تقوم ترفعو لي فوق المسالة ما بتاخد معاك زمن كتير .. وإذا بي ابو النوم خارج نطاق الخطة الاسكانية ..

هذا ما يتعلق بي الجانب الحــي في مسالة ابو النوم ..

طبعا في نوعية حسع بتجيك تقول ليك نحن مالنا ومال ابو النوم ..
لكن عادي جدا..

Post: #30
Title: Re: تقريبا ... الناس نست الناس..
Author: محمد فرح
Date: 06-30-2009, 10:17 AM
Parent: #15

يا سلااااااام
تمبس
والله دا احلى خبر

Quote: بالمناسبة:

الف حمدالله على السلامة

Post: #59
Title: Re: تقريبا ... الناس نست الناس..
Author: محمد عبد الماجد الصايم
Date: 06-30-2009, 11:10 AM
Parent: #30

Quote: وإذا بي ابو النوم خارج نطاق الخطة الاسكانية ..

__

__

Post: #16
Title: Re: تقريبا ... الناس نست الناس..
Author: احمد العمار
Date: 06-30-2009, 10:06 AM
Parent: #1

حبيب الشعب / تمبس تحياتى

حمد لله على السلامة و المكان متفقدك كير

يا زول ابدأ ( من حيث انتهى الناس )

و واصل كفاحك و خليك حريص

أحمد العمار

Post: #21
Title: Re: تقريبا ... الناس نست الناس..
Author: SHIBKA
Date: 06-30-2009, 10:10 AM
Parent: #16

محل نقطتك زاتها ياتمبس
لا تلف يمين لا تلف شمال

Post: #23
Title: Re: تقريبا ... الناس نست الناس..
Author: وليد محمد المبارك
Date: 06-30-2009, 10:11 AM
Parent: #16

اهو الواحد يا دووب يقدر يسلم العُهَد ويمشي ينوم

كرهتونا البلي انت واحميده

Post: #26
Title: Re: تقريبا ... الناس نست الناس..
Author: انعام حيمورة
Date: 06-30-2009, 10:12 AM
Parent: #16

وينو وهبة ما جبتوا معاك ؟؟!!

Post: #27
Title: Re: تقريبا ... الناس نست الناس..
Author: سيف بخيت موسي
Date: 06-30-2009, 10:15 AM
Parent: #16

أنا من شفت معتصم دفع الله من أمس
شغال مداخلات وظرافات

عرفت ليبيا فتحت

تمبس حمد ألف على السلامة

--------------------------
ابدا محل ما متذكر أنت

Post: #19
Title: Re: تقريبا ... الناس نست الناس..
Author: HAIDER ALZAIN
Date: 06-30-2009, 10:09 AM
Parent: #1

Quote: وما ناقش أبوالنوم ..

ابو النوم دا مهندس الدفعة ( 7 ) الجزيرة ..

حمد لله سلامة الرجعة ..

وبرضو طالبنك رجعة ..

Post: #28
Title: Re: تقريبا ... الناس نست الناس..
Author: علاء الدين يوسف علي محمد
Date: 06-30-2009, 10:16 AM
Parent: #19

وليد المبارك

Quote: اهو الواحد يا دووب يقدر يسلم العُهَد ويمشي ينوم

يا سعادتك خلاص أنا عايز إجازتي السنوية

Post: #34
Title: Re: تقريبا ... الناس نست الناس..
Author: وليد محمد المبارك
Date: 06-30-2009, 10:24 AM
Parent: #28

يا سيادة اللواء اجازة وبس

ليك على كمان تقضيها في ماليزيا محل قروش ناس الامن
ملح كده
وعلى حساب المكتب

ياخ نحن كنا سادين خدمة فترة طويلة

Post: #29
Title: Re: تقريبا ... الناس نست الناس..
Author: اسامة دفع الله ابوالحسن
Date: 06-30-2009, 10:16 AM
Parent: #19

لا حولالالالالالالالالالالالالالالالالالالالالالالالالالالا
تمبس تاني
كرهتونا البلي
ذاتو
حمد الله علي
السلامة

Post: #32
Title: Re: تقريبا ... الناس نست الناس..
Author: معتز الجيلي
Date: 06-30-2009, 10:19 AM
Parent: #29

.
عوداً حميداً
(وبركة الجيت)

.

Post: #31
Title: Re: تقريبا ... الناس نست الناس..
Author: baha eassa
Date: 06-30-2009, 10:18 AM
Parent: #19

اكتر سيرة في المنبر كانت عن تمبس وتوقيفه .. ومن ناحيتي سالت
بكري قبل اسبوع قال كل الموقوفين حيتم الافراج عنهم مع الارشفــة
ووفي بوعده قبل الارشفة .. وكتبت كلام بكري في بوست قبل ايام ..
سلامة العودة .. ياتمبس

Post: #47
Title: Re: تقريبا ... الناس نست الناس..
Author: فدوى الشريف
Date: 06-30-2009, 10:41 AM
Parent: #31

Quote: سالت
بكري قبل اسبوع قال كل الموقوفين حيتم الافراج عنهم مع الارشفــة

مقدرة والله

تمبس
ساعدنا بالتركيز

Post: #33
Title: Re: تقريبا ... الناس نست الناس..
Author: Frankly
Date: 06-30-2009, 10:20 AM
Parent: #19

مرحب تمبس

يازول شوت ضفّاري وما تتلف ورا

ولا نامت أعين الجبناء

في ناس كدا ح تنزل الإجازة الصيفية

Post: #35
Title: Re: تقريبا ... الناس نست الناس..
Author: شول اشوانق دينق
Date: 06-30-2009, 10:25 AM
Parent: #33

مرحب بيك يا تمبس

Post: #38
Title: Re: تقريبا ... الناس نست الناس..
Author: Faisal Habiballa
Date: 06-30-2009, 10:31 AM
Parent: #35

[
Quote: B]ممكن تقول لي سر حب الناس ليك شنو؟
شرحه

الف حمد لله علي سلامة

Post: #155
Title: Re: تقريبا ... الناس نست الناس..
Author: tmbis
Date: 07-04-2009, 12:45 PM
Parent: #38

Quote: يا سعادتك خلاص أنا عايز إجازتي السنوية
..
Quote: ياخ نحن كنا سادين خدمة فترة طويلة
الكيزان (علاء + الشفت ) اجازة شنو؟
ياخ انا لسه ما ناقش الحاصل شنو ودا بخصم من رصيدكم لو لمو فيني طقطقوني .. استهدوا بالله وكما كنت من اي طلبيات البورد بيمر بمنعطف خطير
..
Quote: لا حولالالالالالالالالالالالالالالالالالالالالالالالالالالا
تمبس تاني
.. يعني يا اسامة قايلني ما بجي راجع ؟؟ .. يازول البورد دا تحت تحت كدا عندي فوقو النص عديل كدا ..
يباركو ليك السمح يا معتز الجيلي ..
Quote: اكتر سيرة في المنبر كانت عن تمبس وتوقيفه
يا بهاء عيسى .. والله دي فرصة اشكر فيها كل الناس السالت عني والأخوان والأخوات الاتصلو بي لحدت ما حسيت إني يعني حاجة ليها قيمة .. وفرصة تانية برضو اشكر فيها بكري ابوبكر علشان وقفني ساكت كدا دا .. وبالمقايل الواحد خلال الفترة دي عرف مكانتو وسط اخوانو الزمـلاء .. عاجز عن شكر الجميع كل الأخوة والأخوات الفتحو البوستات معبرين عن اعتراضم .. وحتى صور البروفايل الما اتغيرت حتى الآن .. والله يا بهاء احساس عظيم انك بتشارك اخوانك في مساحة زي دي وبتلقى مكانك عندهم محفوظ .. اشكرك وكل الناس حتى بعض الأخوة من خارج المنبر .. وربنا يقدرنا على جزاء الجميع .. أو اقل تقدير يقدرني واكون عند حسن ظنهم بي.
Quote: تمبس
ساعدنا بالتركيز
حسع لابس نضارتين واحده هوا والتانية طبية .. لاقاك تركيز زي دا يا فدوى ؟؟
Quote: يازول شوت ضفّاري وما تتلف ورا
ولا نامت أعين الجبناء
.. يا كيموو .. والله انا ذاتي قلته كدا .. لكن شايف المدارس متعددة والشووت بقى مؤسس.
Quote: مرحب بيك يا تمبس
شووول .. كيف يا فرده .. قاعد تمشي لي بتاع القراصة واللا شغال طماطم الايامات دي

..
Quote: شرحه
يا فيصل حبيب الله ... الله يزيدنا في المحبة دي ويزيدك في الطيبة والسماحة قول آمين..
Quote: حمد الله علي السلامة
سحــــر .. مشتاقين والله .. كيف اخبارك إنت ؟

Post: #39
Title: Re: تقريبا ... الناس نست الناس..
Author: Sahar Yousif
Date: 06-30-2009, 10:31 AM
Parent: #35

حمد الله علي السلامة

Post: #40
Title: Re: تقريبا ... الناس نست الناس..
Author: د.نبراس
Date: 06-30-2009, 10:32 AM
Parent: #35

بركه الجيت بركه الجيت

:)

Post: #36
Title: Re: تقريبا ... الناس نست الناس..
Author: ALZOLZATOO
Date: 06-30-2009, 10:29 AM
Parent: #33

ياتامبا

لا يامعلم نحن كده مابنرضى الحقارة ولا الله ذاتو بيرضى تمشي تعمل رمي الجمرات قبل ماتعمل طواف القدوم لوووووووووول يكه شفناك حايم في بوست الرجم بتاع حبيبنا صبري الشريف قلنا الزول ده مشى لي حبيبو طوالي ونسانا

علي العموم ما نطول عليك لكن نحن ابو النوم بتاعنا كنا بنقطع ليهو خيط من اللباس بتاعنا ونعمل عُقدة صغيرة في طرف الخيط وتبلوا بي خشمك وتنزل الخيط لو ابو النوم نائم تقوم تحرك الخيط في شكل حركة دائرية لحدي مايصحى ويتكنكش في الخيط وتطلعوا بره الحفره وتعفصوا وتمشي عليك الله مش الطفولة دي عدم موضوع وعدم الاعتراف بالاخر لووووووووول يكه

ياخي بالجد فقدناك وكون انو واحد من اولاد امدرمان والمورده كمان يكون بره التشكيله دي مابتركب في الراس اصلو

عودا حميدا

زاتوووو

Post: #37
Title: Re: تقريبا ... الناس نست الناس..
Author: بكري الخير
Date: 06-30-2009, 10:30 AM
Parent: #33

تمبس وبس

تصدق في رقشة في امدرمان مكتوب عليها (تمبس وبس؟)

ياخ حمد لله علي السلامة

وتعال أقدل وسكت الخشامة

Post: #42
Title: Re: تقريبا ... الناس نست الناس..
Author: عابدون محمد عابدون
Date: 06-30-2009, 10:36 AM
Parent: #37

اول حاجة حمدالله على السلامة... بعدين
الشمار اللى عايزين نعرفه هو حجم التنازلات القدمتها لى بكرى عشان يعمل ليك " تاكس راجع "
بكسر الكاف وتسكين السين .. لعب البلى بتاع زمان ..

Post: #46
Title: Re: تقريبا ... الناس نست الناس..
Author: وليد محمد المبارك
Date: 06-30-2009, 10:40 AM
Parent: #42

Quote: الشمار اللى عايزين نعرفه هو حجم التنازلات القدمتها لى بكرى عشان يعمل ليك " تاكس راجع "

ما بتكون اكتر من القدمته انت عشان بكري يسجلك في المنبر

Post: #43
Title: Re: تقريبا ... الناس نست الناس..
Author: Hala Hassan
Date: 06-30-2009, 10:39 AM
Parent: #37

Quote: أبو النوم دا بنقسم لي قسمين .. في نوع منو فوقو روح .. والنوع التاني صناعي وبتتحكم فوقو المسالة التقنية ..

الفوقو روح هو من فصيلة العناكب بتواجد في المناطق شبه الصحراوية ..
بالنسبة لينا كنا بنلقى ابو النوم في منطقة خور أبوعنجة قريب لي مدرسة المؤتمر الثانوية ..
أبو النوم كائن عنكبي بيدفن نفسو جوه حفرة ويفضل يحفر في التراب ويرمي طبعا بيكون التراب ناعم جدا ..
لما نجي نعمل اخلاء ميداني لي ابو النوم دا .. المسالة في غاية البساطة ..
تجيب ليك قطعة خيط من اي مكان (وتبلها) في خشمك وتدخل طرف الخيط في الحفرة .. لو كان ابو النوم دا صاحي وفي فتر الدوام الرسمي بتاعو .. بقوم بي كل بلادة بيمسك ويكنكش في قطعة الخيط دي تقوم ترفعو لي فوق المسالة ما بتاخد معاك زمن كتير .. وإذا بي ابو النوم خارج نطاق الخطة الاسكانية ..

هذا ما يتعلق بي الجانب الحــي في مسالة ابو النوم ..

طبعا في نوعية حسع بتجيك تقول ليك نحن مالنا ومال ابو النوم ..
لكن عادي جدا..

أيوة دة كدة تمبس،،،

حمدالله على السلامة يا تامبا،،،

Post: #157
Title: Re: تقريبا ... الناس نست الناس..
Author: tmbis
Date: 07-04-2009, 02:25 PM
Parent: #43

Quote: بركه الجيت بركه الجيت
.. نبراسنــا .. والله يا دكتورة كنت مفكر اقوليك عسل إنت وبسكويت .. لكن اخوك الايامات دي قايمه عليهو اللوز .. وصوتي خلقه كدا كعب .. شوفي لينا اي طريقة بتاعت تتراسايكلين يا سلفه يا اي حاجة بتتبلع .. اقوليك حاجـة .. يازولة عسل إنت وبسكويت .. إن شاء الله يشيلو لي اللوز وبكري تاني يوقفني ..
Quote: تمشي تعمل رمي الجمرات قبل ماتعمل طواف القدوم لوووووووووول يكه شفناك حايم في بوست الرجم بتاع حبيبنا صبري الشريف قلنا الزول ده مشى لي حبيبو طوالي ونسانا
لووووول يا معلم المفتي العام صبري الشريف رافع مننا القزاز شغال فتاوي من دقنو وافتلو يلقى ليهو كلام كتير مكتوب في اي مكان ويجازفو ليك ويجي يلصقو .. وتكتب ليهو ما يرد ليك ولا يشتغل بيك الشغله .. انا حسع مفكر البوست بتاعو بتاع الرجم دا .. اشيل حجاري واتوكل على الله وارجمو ليك من مسافة قريبه جدا .. لكن كمان ما بيديني فرصة .. الواحد بالطريقة دي مفترض يضبح اصلها بايظه بايظه ..
Quote: ياخي بالجد فقدناك وكون انو واحد من اولاد امدرمان والمورده كمان يكون بره التشكيله دي مابتركب في الراس اصلو
.. حكم القوي على الضعيف يا معلم .. الواحد بقى عادي يخارجوهو من المنطقة دي .. لكن جيناكم يا حبايبنا يومين تلاتة الواحد بدخل السستم..
Quote: تصدق في رقشة في امدرمان مكتوب عليها (تمبس وبس؟)
والله يا بكري دا كلام لذيذ المرة الفاتت في حافلة اتنين وتلتين راكب .. وحسع ركشة .. لكن مالو المسالة ماشه (كاشة) كدا .. مش مفترض من حافلة لي امجاد ثم ركشة .. الناس دي عايزه تاكل حقنا واللا شنــو..؟ .. تسلم إن شاء الله يا بكري وسيد الرقشة ربنا يحفظو ويرزقو .. وكان لميت فوقو قول ليهو تمبس قاليك عندو النص .. بالميت كدا اللستك القدامي حسب قانون المصفنات الفنية الأخير.
Quote: الشمار اللى عايزين نعرفه هو حجم التنازلات القدمتها لى بكرى عشان يعمل ليك " تاكس راجع "
.. تعرف يا عابدون المسالة في غاية البساطة عندي قطعة ناصية ومعاها قطعة تانية ما ناصية اديتو الناصية واحتفظت بي الما ناصية .. الكاش بقلل النقاش لكن طبعا وعودي كانت عبارة عن وعود ترزية وشكل المكنة السنجر شالت فوقو .. الكلام دا طبعا بيني وبينك ..
Quote: ما بتكون اكتر من القدمته انت عشان بكري يسجلك في المنبر
.. يا شفت إنت صرفت نظر عن موضوع الاجازة واللا شنـو؟؟
Quote: حمدالله على السلامة يا تامبا،،،
الله يسلمك يا هندسة .. والله العظيم ليك وحشة .

Post: #45
Title: Re: تقريبا ... الناس نست الناس..
Author: tmbis
Date: 06-30-2009, 10:40 AM
Parent: #19

بالنسبة للقسم التاني لي ابو النوم:
هو الجانب الصناعي ..
يعني في ابو النوم صناعي .. زي ما في أبو النوم كائن ..
حاول عزيز بشاشا القارئ .. وعزيز/ت /ة / نا / س / ص .. المفتي العام صبري الشريف ..
حاول بقدر الأمكان وبكل حيطة وحذر ان تدخل يدك اليمنى في جيك الأيمن (يفضل في هذه الحالة بناطلين الجينز)
في اقصى ركن للجيب ومع الاصبع السبابة ستجد ما يدهشك . ح تلقى ليك كمية بتاعت خيوط كدا يا باقي قطن يتعلق بي الحالة الصناعية للجهة المصنعة وجودة القطن ..
(الكرضمة) البتلقاها جوه دي .. هي ابو النوم زاتو القاعدين نتكلم عنو في الحتة دي ..
طبعا في سؤال بيطرح نفسو ابو النوم الجابو شنو هنا دا جوه الجيب ..
بي بساطة جدا يا جماعة .. الواحد مفترض يضع كل الافتراضات وينظر للجانب الممتلي من الجيب ..
بي بساطة ..
ابو النوم دا يا جماعة لما الواحد جيبو يكون مليان .. مابيشتغل بيهو .. يعني في الحتة دي ابو النوم بيكون (مهمش) ..
لما الجيب يفضى من الضحاكات ما بيبقى ليك إلا ابو النوم دا .. تجرو ما ينقطع ..
اها
في ناس كدا ابو النوم ما عندها .. وأبو النوم زاتو منو ما ناقشاهو .. وبيعمل شنو ما ناقشاهو .. وأهم مسبباتو شنو ما ناقشه ..

طيب في سؤال زكي بيطرح نفسو ..
طالما نحن اتكلمنا عن ابو النوم لدى الشخصية (الذكورية) بدون ما نتظرق للجانب السيكولوجي الناجم من وجود أبو النوم دا .. وبينا مواضع تواجد ابو النوم،هل ترى من ناحية (جندرية) موضوع ابو النوم دا بيسبب نفس الهواجس النفسية دي ؟؟

ــــ

Post: #72
Title: Re: تقريبا ... الناس نست الناس..
Author: محمد كابيلا
Date: 06-30-2009, 11:56 AM
Parent: #45

Quote: (الكرضمة) البتلقاها جوه دي .. هي ابو النوم زاتو القاعدين نتكلم عنو في الحتة دي

العزيز /تمبس
سلامات ومنور المنبر
ومحل ما عايز تبدأ...!!!
بس خلى الكرضمة..!!؟؟
كل الود
محمد كابيلا

Post: #131
Title: Re: تقريبا ... الناس نست الناس..
Author: tmbis
Date: 07-01-2009, 04:04 PM
Parent: #19

Quote: يا سلااااااام
تمبس
والله دا احلى خبر
.. الله يكرمك يا محمد فرح .. بس عليك الله وصية سغيرة كدا .. ما تضغطو على الناس في موضوع البنقو دا وتلحقوهو الكهربه ..
..
Quote:
__

__
.. أنا مستغرب في بكري دا ما وقفك معاناأو بعدنا ليييه ؟؟
..
Quote: و واصل كفاحك و خليك حريص
أحمد العمار .. الله يديك الصحة والعافية .. والله الواحد ما كان حاسي انو موقوف زاتو بي مواصلتكم .. .. غايتو اهو زي ما شايف قاعدين نسخن حبه .. حبه.
..

Quote: محل نقطتك زاتها ياتمبس
لا تلف يمين لا تلف شمال
قلتي كدا يا شبكة .. خلاص done لكن طبعا مستثنى محمد الصايم من عدم اللف دا .. وفي رواية أخرى عمر الفاروغ ..
..
Quote: اهو الواحد يا دووب يقدر يسلم العُهَد ويمشي ينوم
كرهتونا البلي انت واحميده
لا يا شفت .. لسه ما اتحاسبنا .. عندنا مصالح متبادلة .. اكلو اخوان واتحاسبو بورداب .. بكري دا ما مضمون بقى .. اديها لحدت نهاية الارشيف مش احتمال يرجعونا الرج تاني ..؟
..
Quote: وينو وهبة ما جبتوا معاك ؟؟!!
وهبه اليومين دي ما بخارج معاي .. بيني وبينك عامل لي سمعة في الاسافير .. اي واحد يلاقيني يشبكني صاحبك وهبة بقى قاعد ساكت ناس نوبي مجهجهنو في الفيس بوك .. البورد بيمر بي منعطف خطير يا انعام وبيني وبينك وهبه مكنتو خفت ..
..
Quote: أنا من شفت معتصم دفع الله من أمس
شغال مداخلات وظرافات
عرفت ليبيا فتحت
والله يا سيف معتصم دفع الله زول حاره .. وصنديد اتضامن معانا لي آخر لحظة ولو لما طلاق وزير المياه الشهير ما كان رجع .. والحمد لله رجع ومعاهو كل الأفراح والأيام الحلوة لي بورداب الرياض .. وموعودين بي اجمل اللحظات الجاية ..
..
Quote: ابو النوم دا مهندس الدفعة ( 7 ) الجزيرة ..
ياتو نوع يا حيدر في الاتنين الفوق ديل .. خيطي واللا ابو لستك ؟؟ هههههه
راجعين بس إنت اظهر عشان المسالة يكون فيها تكافل وكدا ..

Post: #41
Title: Re: تقريبا ... الناس نست الناس..
Author: عزالدين آدم علي
Date: 06-30-2009, 10:35 AM
Parent: #1

ننساك؟؟؟؟؟؟ معقولة!!!!!
إنت إنت بتتنسي؟
حمد الله على السلامة ياتمبس
البورد ينور دنيتك
شتلة محنة مفرهدة

Post: #44
Title: Re: تقريبا ... الناس نست الناس..
Author: ادريس خليفة علم الهدي
Date: 06-30-2009, 10:40 AM
Parent: #41

يا حبيب

ابو النوم ما منو خوف .. الخوف من أبو الدرداق

عودا حميدا

Post: #48
Title: Re: تقريبا ... الناس نست الناس..
Author: وليد محمد المبارك
Date: 06-30-2009, 10:43 AM
Parent: #44

بعدين بكري عملها حاااااااااااااامضة

ما يرجعك الا يوم عيد ثورة الانقاذ 30 يونيو

هاهاهاهاهاهاهاهاهاهاها
هاهاهاهاهاهاهاهاهاها

هاهاهاهاهاهاهاهاهاهاها

والله بكري زاتو بقي مفتح ولعاب

Post: #51
Title: Re: تقريبا ... الناس نست الناس..
Author: محمد سنى دفع الله
Date: 06-30-2009, 10:50 AM
Parent: #48

تمبس وبس
احلى عودة
احلى من
عودة ديجانقو

Post: #52
Title: Re: تقريبا ... الناس نست الناس..
Author: حمزاوي
Date: 06-30-2009, 10:51 AM
Parent: #48

تمبس يرجع يوم 30 يونيو
ونودع احمد حنين يوم 30 يوينو
وود الباوقه فرحان في 30 يونيو

Post: #69
Title: Re: تقريبا ... الناس نست الناس..
Author: الحوت
Date: 06-30-2009, 11:42 AM
Parent: #48

عودا حميدا مستطاب

بس ما تكون قاصد بأبو النوم دي
صاحبي اشرف قوته

مشتاقين

Post: #49
Title: Re: تقريبا ... الناس نست الناس..
Author: Rihab Khalifa
Date: 06-30-2009, 10:47 AM
Parent: #44

Quote: أبو النوم كائن عنكبي بيدفن نفسو جوه حفرة ويفضل يحفر في التراب ويرمي طبعا بيكون التراب ناعم جدا ..

يعني ابو النوم ده موجود جد جد؟
سؤال جادي والله

----------
حمدلله علي السلامه يا علاء، ووين حميده و وهبه و مياده؟

Post: #50
Title: Re: تقريبا ... الناس نست الناس..
Author: Maawya Hussein
Date: 06-30-2009, 10:47 AM
Parent: #44

والله يا تمبس بقيت زي العجب يدخولك في اخر خمسه دقائق للكوره ..خليك زي وهبه كدا انتظر الماتش الجاي والعب اساسي

Post: #53
Title: Re: تقريبا ... الناس نست الناس..
Author: أيمن الطيب
Date: 06-30-2009, 10:58 AM
Parent: #50

ياخ ما تخليك مراة واحدة فى حياتك جادى,,

رفدوك من الفيس بوك ولا شنو يا حليو!!!

Post: #165
Title: Re: تقريبا ... الناس نست الناس..
Author: tmbis
Date: 07-06-2009, 08:32 AM
Parent: #53

Quote: بس خلى الكرضمة..!!؟؟
كل الود
محمد كابيلا
. العزيز كابيلا .. مليون سلام .. للكرضمة احداثيات خاصة جدا وكلو في محلو..
Quote: ننساك؟؟؟؟؟؟ معقولة!!!!!
الفنان عزالدين آدم ..تشكر على الكلمات الفنانه الجميلة كما عودتنا.
Quote: ابو النوم ما منو خوف .. الخوف من أبو الدرداق
.. يا سيادة الوزير درش ابو الدرداق زاتو هين .. الخوف من الدردقـه ..
Quote: ما يرجعك الا يوم عيد ثورة الانقاذ 30 يونيو
والله الغريبة يا شفت ما لاحظته للحاجة دي .. طيب ما كان يدينا طيارة من طيارات جماعتم الجديدة دي علشان يتم الناقصة.. محمد السني .. شكرا لزهورك اليانعة .. واحلى زهور ليك وكنا في انتظارك حسب الموعد ..
Quote: تمبس يرجع يوم 30 يونيو
ونودع احمد حنين يوم 30 يوينو
وود الباوقه فرحان في 30 يونيو
دي اسمها شعارنا العالي بيرفع يا خـالو ..
Quote: صاحبي اشرف قوته
يا حوووت بلاي ابو الشوش اسمو ابو النوم ؟؟ عرفنا حاجة والله .. ...
Quote: يعني ابو النوم ده موجود جد جد؟
سؤال جادي والله
والله يا دكتورة رحــاب ابو النومين ديل اكزست رجعيني سادسة ابتدائي والله اجيب ليك علبة من ابو النوم دا بي احجام واشكال مختلفة .. شكلك يا رحـــاب ما عملتي بحوث فترة الطفولة عن الحاجات دي .. ياخ في حاجات عجيبة جدا .. كنت بمشي منطقة النيل الأزرق في الخريف الدمازين تحديدا لحدت الآن عالقه في بالي ( حشرتين ) يدو ليك ابو النوم المستغربه منو دا خمسة صفر .. الأولى من فصيلة الخنافس عامله زي ابو الجعران .. لونه في لون الحرير أو عبارة عن قطعة قطيفه .. الحشرة التانية في حجم نملة الريش .. بس الحاجة الغريبة فوقه انها .. من ( النيون ) عبارة عن بقعة نيون طايره ( بتبقبق ) كنت بجتهد في اصطياد اكبر كمية واقفل عليهم بي كباية شاي صغير فتخيلي شكلها مع الضلمة بيكون عامل كيف .. ولله في خلقه شؤون.. حميده ووهبه ومياده مشرفين حسب آخر كشف افراج غير مشروط ..
Quote: والله يا تمبس بقيت زي العجب يدخولك في اخر خمسه دقائق للكوره
... .. يعني كورتي فكت يا معاوية ..؟ والله وهبه صاحبك دا ممكن اعمل ليك بيهو خمسة لفات بي الحوش البراني لي استاد الهلال .. وهبة شنو يا معاوية ..؟ ياخ عليك الله هو ياسر طيفور وفيصل نوبي فضلو فوقو حاجة ؟
Quote: رفدوك من الفيس بوك ولا شنو يا حليو!!!
.. وووين يا ايمن ؟ ياخ الفيس بوك دا لحدت الآن انا مجهجه فوقو بلقى ليك رسالة في الايميل وبدخل بيها كان ما جاتني رسالة تاني وحيات خوتك بكون لافي لف السنين ..

Post: #54
Title: Re: تقريبا ... الناس نست الناس..
Author: Yousif A Abusinina
Date: 06-30-2009, 10:58 AM
Parent: #50

عودا حميدا تمبس
والله بالجد نورت البورد

بدايتك من حيث انتهى الاخرين يا حبيب
اتفقنا مع بكرى نقطع سم من لسناك

مالك فى عز حرررررر الرياض مشتى شكلك مرطب يا حبيب وين الصور الحلوووووووووة

Post: #57
Title: Re: تقريبا ... الناس نست الناس..
Author: حذيفه ابراهيم الكباشي
Date: 06-30-2009, 11:05 AM
Parent: #54

حباب خريفنا الزارنا

..

Post: #67
Title: Re: تقريبا ... الناس نست الناس..
Author: انعام حيمورة
Date: 06-30-2009, 11:40 AM
Parent: #57

Quote: حباب خريفنا الزارنا

حذيفة الكباشي

_____________

خريفك في شارع الفلل صصااااح

Post: #55
Title: Re: تقريبا ... الناس نست الناس..
Author: العوض المسلمي
Date: 06-30-2009, 11:03 AM
Parent: #50

اووووووووو
تامبا حبابك والف مرحبا
ومكانك شاغر ومحل ما خليتنا ماولنا
سن القلم وخليك جاهز
الرش الرش يا عمك

Post: #58
Title: Re: تقريبا ... الناس نست الناس..
Author: ismeil abbas
Date: 06-30-2009, 11:06 AM
Parent: #55

Quote: تقريبا ... الناس نست الناس..

ننساك إنت إنت بتتنسى.................الحمدالله على السلامة.............................إسماعيل محمد أحمد عباس....

Post: #56
Title: Re: تقريبا ... الناس نست الناس..
Author: Hisham Ibrahim
Date: 06-30-2009, 11:04 AM
Parent: #50

سلامتك رجعتك يا تمبس !

أنا فرحان غايتو دا شعوري

شعور ناس تانين دا حقهم هم بثـــ !!

هشام

Post: #61
Title: Re: تقريبا ... الناس نست الناس..
Author: Amira Elsheikh
Date: 06-30-2009, 11:16 AM
Parent: #56

/يونيو ومع الارشفة والله بكرى داير يحرقك عديييل...

الليلة وووب...

تكون نفذت الخطة بتاعة.....................

Post: #60
Title: Re: تقريبا ... الناس نست الناس..
Author: محمد عبد الماجد الصايم
Date: 06-30-2009, 11:11 AM
Parent: #50

Quote: والله يا تمبس بقيت زي العجب يدخولك في اخر خمسه دقائق للكوره ..خليك زي وهبه كدا انتظر الماتش الجاي والعب اساسي

مافي وش بفنجط؟
احتياطا هاكم دا

Post: #62
Title: Re: تقريبا ... الناس نست الناس..
Author: عبدالله كع
Date: 06-30-2009, 11:21 AM
Parent: #60

يااااااااااااااااه .... كبرته والله !!!!!

حمدا كثيرا وعودا حميدا

انشالله جبته معاك وهبه يا قريبك !

.........كع

Post: #63
Title: Re: تقريبا ... الناس نست الناس..
Author: عمر صديق
Date: 06-30-2009, 11:23 AM
Parent: #60

Quote: محل نقطتك زاتها ياتمبس
لا تلف يمين لا تلف شمال

حمدا لله علي سلامة العودة

والجابك يجيب وهبة وحميدة وميادة وبقال

Post: #66
Title: Re: تقريبا ... الناس نست الناس..
Author: الفاتح ميرغني
Date: 06-30-2009, 11:29 AM
Parent: #63

حمد لله على السلامه

Post: #71
Title: Re: تقريبا ... الناس نست الناس..
Author: سارة كرودى
Date: 06-30-2009, 11:52 AM
Parent: #60

المنبر من بعدك كان خلا .. .. ..

و الف الف مرحب بيك حبابك عيد الليلة جابك .. .. ..

خليك لابت فوق خور ابعنجة .. ..

Post: #168
Title: Re: تقريبا ... الناس نست الناس..
Author: tmbis
Date: 07-07-2009, 12:28 PM
Parent: #60

Quote: بدايتك من حيث انتهى الاخرين يا حبيب
اتفقنا مع بكرى نقطع سم من لسناك
مالك فى عز حرررررر الرياض مشتى شكلك مرطب يا حبيب وين الصور الحلوووووووووة
.. ما بضمن ليك يا يوسف اتفاقيتك دي تمشي بي شكل ( نيفاشي ) .. لكن كمان بتكون في فترة بتاعت هدنـه .. دا طبعا لو ناس محمد الصايم ومن لف لفو ريحونـا .. من بوستات الدردقـة بي كل انواعـه.. قلنـا نستعد للسقط من بدري يا يوسف اصلو بعيد عنك الحبس الانفرادي دا علمنا ليك حاجات كتيرة خلاص .. اهمها لا تؤجل عمل اليوم إلى الغد
... حبابك مليون يا حذيفة يا كباشي .. مخرفه ومطرته كابه بي وجودكم والله ..
Quote: خريفك في شارع الفلل صصااااح
.. يا انعام إنت بقيتي سمسارة اراضي واللا شنـو؟؟ ..
Quote: الرش الرش يا عمك
اووو عمنا العمدة المسلمي .. بركة الشفناك طيب .. الرش من جانبنا كلو في السليم الدور والباقي على الرش من طرفكم .. توقع آخر تفاصيل الرش من هنـا على نهاية الشهر ...
Quote: ننساك إنت إنت بتتنسى.................الحمدالله على السلامة
سمعة يا وجيـه .. ما بتقصر معانا والله وعلى هذا الاساس ح نلبد ليك في اقرب فرصة نحاول نتصرف معاك في اي مشروع بتاع اي حاجة كويسة كدا .. وإن شاء الله بنقدر عليها..
Quote: أنا فرحان غايتو دا شعوري
يا سلالالام عليك يا هشام والله اديتني احساس جميل خلاص .. الله يفرحك دائما ..
Quote: تكون نفذت الخطة بتاعة.....................
اميرة وووب ، في خيارات كتيرة جدا انو الواحد يزوغ بيها من حركة بكري البايخـه بتاعت ( راس السنة ) دي .. عندي فكرة اجيب ليكم صور السد .. السد وطيارة الرش اصلها بايظه بايظه .. حيطة الناس الدقشتيها المرة الفاتت بقت كيف ؟؟ الليلة وووب عليكي ..
Quote: مافي وش بفنجط؟
احتياطا هاكم دا
.. غايتو ما عارف لكن انا عندي احساس انو الشيك التاني وصلك ولا مؤاخذة .. .. تفت .. واللا نفتووو ..
Quote: يااااااااااااااااه .... كبرته والله !!!!!
.. والله يا كع هي كان بقت على الكبر براهو .. ما فوكه عوجـه .. لكن مع الكبر جابت ليها توقيف ومع منـو؟؟ مع اللاسمو عبد الوهـاب دا .. كدي بلاي حاول امشي الفيس بوك قول انا صاحب عبدالوهاب شوف تترشه كيف .. ما تجيب لي سيرة الزول دا لا هو لا ياسر طيفور .. انا كانت علاقتي معاهو كانت لحدت فترة ما قبل الوتقيف .. والأخير فك اللعب واوراقو اترفعت للسيد المفتي بعداك بننظر في امرو ..

Post: #65
Title: Re: تقريبا ... الناس نست الناس..
Author: Nola
Date: 06-30-2009, 11:28 AM
Parent: #1

يا سسسسسسسسسسسسسسسسسسسلام ياااااااااخي

Post: #68
Title: Re: تقريبا ... الناس نست الناس..
Author: انعام عبد الحفيظ
Date: 06-30-2009, 11:40 AM
Parent: #65

حمدا لله على السلامة

Post: #70
Title: Re: تقريبا ... الناس نست الناس..
Author: فيصل نوبي
Date: 06-30-2009, 11:50 AM
Parent: #68

إنت قلت تجرب تدخل قبل وهبة ولا وهبة لسه مربوط ؟
غايتو كان بكري فكاكـ قبل وهبة بينطبق عليكـ كلام معاوية ..
و كان وهبة مفكوكـ و رابط روحو و ده ما أظنه بيقدر عليه (يكون مشكلة تانية)
اها العمرة بتاعت مسقط و حج العقبة متين ؟

_
مشتاقين ياخ ..

Post: #73
Title: Re: تقريبا ... الناس نست الناس..
Author: معتصم محمد صالح
Date: 06-30-2009, 12:15 PM
Parent: #70

جاي فااضي كده بدون صور بعد الزمن ده كلو ؟

ما تقول لي صور شنو ؟

انشاء الله صورة الباسويرد ...

بالمناسبة في ( نقطة ) مهمة فاتتك كانوا واقفين فيها الجماعة* قبل يومين والبوست اتسحب .. وهو من البوستات البتعجبك ..

* فيصل نوبي وود الصائم وقيل العوض المسلمي ..

Post: #169
Title: Re: تقريبا ... الناس نست الناس..
Author: tmbis
Date: 07-11-2009, 09:01 AM
Parent: #73

Quote: حمدا لله علي سلامة العودة
الله يسلمك يا عمر صديق .. وشكرا جزيلا لي البروفايل الكان معاك فترة طويلة أما اصحابي السوابق ديل .. جو راجعين .. لكن الله يعلم بعداك البحصل شنو....
Quote: حمد لله على السلامه
الله يسلمك يا باشمهندس الفاتح .. إجارزو سعيدة .. وعودا حميدا مستطاب ..
Quote: المنبر من بعدك كان خلا .. .. ..
.. الله يخليك يا سـارة كرودي .. ومرحبتين حبابك يعني نحن نطلع بي جاي تجو بي هنــا..؟
Quote: خليك لابت فوق خور ابعنجة .. ..
.. ادفع ثروتي كلهــا بي عماراتي .. بس أخد لي مشوار في خور ابوعنجه بي كتاحتو السمحة ديك ..
Quote: يا سسسسسسسسسسسسسسسسسسسلام ياااااااااخي
ووووين يــا نولالا بركة في الشوفه ..
Quote: حمدا لله على السلامة
الله يسلمك يا انعام عبد الحفيظ .. مشتاقين والله ..
Quote: غايتو كان بكري فكاكـ قبل وهبة بينطبق عليكـ كلام معاوية ..
و كان وهبة مفكوكـ و رابط روحو و ده ما أظنه بيقدر عليه (يكون مشكلة تانية)
بلاي يا نوبي أرجوك ما تجيب لي السيرة دي .. صاحبك دا لو عندك معاهو اي تفاصيل .. سوقو الفيس بوك وفكني منو .. أنا من ضمن الخطة بتاعتي والتكتيك المرحلي .. أنو الزول دا ما اجيب سيرتو نهائي أنا عايز اعيش بي رواية طـه سليمان ....
Quote: اها العمرة بتاعت مسقط و حج العقبة متين ؟
.. انت بس انوي .. والاكسسوارات مني بجيب ليك احرامات ايطالية قوية جدا .. بي سوست بالجمبات يعني ما بتحوجك تعمل الحركة بتاعتك الوهمية بتاعت المرة الفاتت ديك .. ياخ انت دخلت الجامعة طوالي .. اصلو ما قريت سنن وفرائض الوضوء وتفاصيل الحج والعمرة .. ياخ فضحتني مع اصحابي الفي مكـة .. قالو لي صاحبك دا جاي من ويين .. البلبس الحاجات كلها؟
Quote: بالمناسبة في ( نقطة ) مهمة فاتتك كانوا واقفين فيها الجماعة* قبل يومين والبوست اتسحب .. وهو من البوستات البتعجبك ..
يا نيسـتــا .. وين صور النقطـة دي ؟؟ ..

Post: #74
Title: Re: تقريبا ... الناس نست الناس..
Author: محمد المرتضى حامد
Date: 06-30-2009, 12:18 PM
Parent: #70

"لا يوجد شيء مثل العَودة إلى المكان الذي يَبْقى بدون تغييرَ لتجد فيه ما عدلته بنفسك."

والعود أحمد يا تمبس

Post: #75
Title: Re: تقريبا ... الناس نست الناس..
Author: مزمل خيرى
Date: 06-30-2009, 12:22 PM
Parent: #70

الاخ تمبـس

حمدلله بالسلامة ، سمعنا عنك كتييير بس ما شفناك

مرحب بيكـ تانى ..

Post: #76
Title: Re: تقريبا ... الناس نست الناس..
Author: doma
Date: 06-30-2009, 12:26 PM
Parent: #75

اصلوا ما نسيناك
وانت بتتنسي ؟!!
لكين سيد الريد بقي نساي .

Post: #77
Title: Re: تقريبا ... الناس نست الناس..
Author: ود محجوب
Date: 06-30-2009, 12:32 PM
Parent: #65

مراحب مراحب تمبس

بالغ السرور بعودتك

_____________________________

القدام خليهم

عليك با بأبتفة لا تاخذك فيه لومة لائم.

Post: #78
Title: Re: تقريبا ... الناس نست الناس..
Author: فادية اليمني
Date: 06-30-2009, 12:52 PM
Parent: #77

تمبس منور

و حمدلله على السلامــة

Post: #79
Title: Re: تقريبا ... الناس نست الناس..
Author: قيقراوي
Date: 06-30-2009, 12:55 PM
Parent: #77

Quote: تقريبا ... الناس نست الناس..

ما دام نسى العشرة و اختار سوانا حبيب ! . . . خلينا للايام

حمد لله على السلامة يا تامبا

Post: #81
Title: Re: تقريبا ... الناس نست الناس..
Author: Muna Khugali
Date: 06-30-2009, 01:12 PM
Parent: #79

Quote: طيب في سؤال زكي بيطرح نفسو ..
طالما نحن اتكلمنا عن ابو النوم لدى الشخصية (الذكورية) بدون ما نتظرق للجانب السيكولوجي الناجم من وجود أبو النوم دا .. وبينا مواضع تواجد ابو النوم،هل ترى من ناحية (جندرية) موضوع ابو النوم دا بيسبب نفس الهواجس النفسية دي ؟؟

من ناحية جندريه ساعيين نخلق مصطلح نسميه "أم النوم"اسوه بأبو النوم..
لكن طبعا المدارس النسويه متعدده والبعض اعترض علي السعي ده..
علي أساس..ليه الحقوق تقوم دائما علي ما عندالذكور؟؟
ومدرسه اخري نادت بأن حتي ماهو مذكر لا يصل لسقف طموحاتها..
وأخري اعترضت من زاويا مختلفه..
ابو النوم مصطلح سلبي يدل علي الكسل..يعني واحد والد كسل..اهو الكسل ده سموه نوم..
يبقي ايه اليخلينا احنا كناشطات نتمسك بيه؟؟

وبالتالي..

لا أدري!

بركة الرجعت وعقبال الباقيين..

Post: #85
Title: Re: تقريبا ... الناس نست الناس..
Author: tmbis
Date: 06-30-2009, 01:33 PM
Parent: #81

Quote: من ناحية جندريه ساعيين نخلق مصطلح نسميه "أم النوم"اسوه بأبو النوم..
لكن طبعا المدارس النسويه متعدده والبعض اعترض علي السعي ده..
علي أساس..ليه الحقوق تقوم دائما علي ما عندالذكور؟؟
ومدرسه اخري نادت بأن حتي ماهو مذكر لا يصل لسقف طموحاتها..
وأخري اعترضت من زاويا مختلفه..
ابو النوم مصطلح سلبي يدل علي الكسل..يعني واحد والد كسل..اهو الكسل ده سموه نوم..
يبقي ايه اليخلينا احنا كناشطات نتمسك بيه؟؟
وبالتالي..
لا أدري!

يا جماعة عن اذنكم عايز ارد لي بت الخليفة .. دي بالاول وبعدين ارجع..
دي الاجابة الذكية يا منى حقت السؤال دا ..
الاجابة المنبثقة من المدارس المختلفة بتحسس الواحد كدا بي انو في حركة
حتى مسالة الزوايا المختلفة دي الواحد زي كان عندو تحفظ من ناحية الطرح ..
المهم بتظل الجدلية قائمة بتعددية المدارس .. وزوايا الاطروحات البتأسس لي مفاهيم (بتركن) لي النوع والفئة ..

والله يا منى خوجلي الواحد لما يكتب ليهو مداخله زي دي إلا يمسك في جمبات الكيبورد كويس
ياخ اقوليك حاجة ..
جاتني دوشة عديل كدا ..
مداخلتين زي ديل في البوست.... الواحد إلا يجي رابط ليهو (بــاقة) ( إن شاء الله باقة زهور) بتاعت اي حاجة في ضهرو ورابطه بي شوال لزوم السخانة بتاعت اليومين دي .. وقطعان الكهرباء .. دا طبعا لو كان في السودان

Post: #82
Title: Re: تقريبا ... الناس نست الناس..
Author: أبوبكر أبوالقاسم
Date: 06-30-2009, 01:17 PM
Parent: #79

طـــال علـــينا فراقــكم واللـــــه يا غايبيــــــــن

Post: #84
Title: Re: تقريبا ... الناس نست الناس..
Author: سفيان بشير نابرى
Date: 06-30-2009, 01:26 PM
Parent: #82

Quote: الحنك شنو يا جماعة ..؟
أو بي صورة أوضح .. كنـا واقفين وين ؟؟ لانو من العيب خالص تخلي حاجاتك بي قفاك وتقوم تمسك ليك في حاجة تانية هي ما بي قفاك ..

يا اب تفه ياخ الزول ده بالواضح
اديهو النفس خليهو يستعدل .

Post: #170
Title: Re: تقريبا ... الناس نست الناس..
Author: tmbis
Date: 07-11-2009, 10:40 AM
Parent: #82

Quote: "لا يوجد شيء مثل العَودة إلى المكان الذي يَبْقى بدون تغييرَ لتجد فيه ما عدلته بنفسك."
يا مولانــا محمد المرتضى .. ياخ اسمح لي اقرا مداخلتك دي من الشمال لليمين وبالعكس امعانا في المتعة الجميلة .. ياخ انا ما عارف ما قريت منطق ليه ولا قانون عشان اقدر ارد ليك وافحمك واتفاصح عليك تشكر على الحاجات الجميلة جوه وبره .. وزي ما قلت ليك علشان الحاجات الجميلة تهون كل الحاجات الصعبة .. والواحد عادي جدا ممكن يجي علي نفسو ..
Quote: حمدلله بالسلامة ، سمعنا عنك كتييير بس ما شفناك
مزمل خيري مليون سلام .. مع اني زعلان منك .. ياخ طالما عبد الوهاب الكوز كان ضمن المدعويين مفترض كان تدخلنا معاك السستم وتعمل دعوة خاصة للمهاجرين والموقوفين تعسفيا .. وبالمناسبة دي مبروك البنية وتتربى في عزك ..
Quote: اصلوا ما نسيناك
وانت بتتنسي ؟!!
لكين سيد الريد بقي نساي .
يا مامتووو .. معقولة بس ؟ التحتو خط دا أنا ..؟ صدقيني ما بقدر ياخ انت كل الحاجات الحلوة من زمااان بنتعلم الف با تا ثـاء هنا دا يا اطيب قلب في الدنيا ..
Quote: القدام خليهم
عليك با بأبتفة لا تاخذك فيه لومة لائم.
كيفك يا دكتور ود محجوب بركة في الشوفه .. بعدين اب تفـه دا بي صراحة بقت بيناتنا مصالح مشتركة بتتحدد مع الراتب بتاع شهر سبعة دا .. لحدت الآن طبعا خاتنو في محل الضمانات في انتظار القسمة .. لو قام عمل فيها بتاع شيكات طايره .. بنشوف بعداك موضوع الصورة دا كيف والظروف شنو .. واحتمال كبير جدا لو ما عدلت معانا .. نقوم نجيب لينا سيناريو من عندنا ونشوف لينا خبير فوتو شوب يدخل معاهو في الصورة .. استيف عشان الرش يكون مركز .. ومن جبهات مختلفة .. ..
Quote: تمبس منور
و حمدلله على السلامــة
. فاديه اليمني .. والله عاجزين عن الشكر نيابة عن كل الأخوة السوابق ما قصرتي معانا والله .. ما نجيك في توقيف حساب يا خمة بوست اسفيري ..
Quote: ما دام نسى العشرة و اختار سوانا حبيب ! . . . خلينا للايام
يا قيقــا العزيز .. ياخ الظروف حكمت .. حكمت علينـا .. ..
Quote: طـــال علـــينا فراقــكم واللـــــه يا غايبيــــــــن
واللا مشتاقييين يا مونـا أبوبكــر .. تشكر على الاتصال الحلو حقو الواحد يتشبك مع عبد الوهاب ويلعبه مع بكري علشان يجيكم هناك الوقفه الجاية ..

Post: #83
Title: Re: تقريبا ... الناس نست الناس..
Author: Salah Abdulla
Date: 06-30-2009, 01:25 PM
Parent: #79

لاحولالالالالالالا .. ما شاء الله ..

والله يا ابن خالتي ماساهل
البشرية دي كلها رافعة الاعلام وراجية ؟؟

غايتو علاء بي شعارو ده وصورة البروفايل دي ، بيكون عارف مواعيد دخولك هنا
لكن برضو واقف وراي في صف الاستقبال
يليه ناس وليد ، ومن ثم بقية الجبهجية والأمنجية والكيزان

أيها الكيزان..

بالله يا تامبا رد على سؤال أختنا رحاب الكارب ..

Post: #86
Title: Re: تقريبا ... الناس نست الناس..
Author: Rihab Khalifa
Date: 06-30-2009, 01:38 PM
Parent: #83

Quote: رحاب الكارب ..

بتعرفها يا صلاح؟

Post: #88
Title: Re: تقريبا ... الناس نست الناس..
Author: Salah Abdulla
Date: 06-30-2009, 01:44 PM
Parent: #86

Quote: بتعرفها يا صلاح؟

معليش ، كنت مستعجل ، والاسم جا كده..

مشيها عليك الله.

Post: #93
Title: Re: تقريبا ... الناس نست الناس..
Author: عبد المنعم عمر عثمان
Date: 06-30-2009, 02:01 PM
Parent: #86

*
*

مرحب بيك علاء منصور
نورت النبر .

Post: #87
Title: Re: تقريبا ... الناس نست الناس..
Author: tmbis
Date: 06-30-2009, 01:43 PM
Parent: #83

Quote: بالله يا تامبا رد على سؤال أختنا رحاب الكارب ..

..

يا اصلي اسمها رحاب خليفة .. رحاااااب خليييفه ..

عاين..
إنت بعدما تطلع من البوست بتاع محمد فرح ومعاك ود الصايم .. حقو تمشو تدوها نومه طوالي ..
البتاع دا في السخــانه قالو بيعمي
معقول؟؟ أموال تجارة "البنقو" في السودان أكبر من عائدات البترول؟!

Post: #89
Title: Re: تقريبا ... الناس نست الناس..
Author: Mohamed Abdelgaleel
Date: 06-30-2009, 01:45 PM
Parent: #83

تأمبا - تحياتي والعود أحمد

سوق براحة وأوغل في الكتابة برفق

أهو عندك جماهير ولا أكتر والانتخابات على الأبواب

Post: #90
Title: Re: تقريبا ... الناس نست الناس..
Author: Rihab Khalifa
Date: 06-30-2009, 01:49 PM
Parent: #89

Quote: مشيها عليك الله.

Post: #91
Title: Re: تقريبا ... الناس نست الناس..
Author: Faisal Elrasheed
Date: 06-30-2009, 01:52 PM
Parent: #90

Quote: البتاع دا في السخــانه قالو بيعمي

ههههههههههههههههه هههههههههههههههههههههههههههههههههههههههههه

حمد لله علي السلامة يا تمبس ومعاها كل الوشوش المفرحه

وشوت يا عمك شوت ... وما اكثر الورله (جمع ورل) (علي قول محمد عادل) التي قدلت وتحاومت

Post: #92
Title: Re: تقريبا ... الناس نست الناس..
Author: محمد أبوالعزائم أبوالريش
Date: 06-30-2009, 01:56 PM
Parent: #90

أووووووووووو تمبكتو صخصيا؟

ياخ والله ليك وحشة
حمد الله سلامة الجية .. وسمد الله حلامة حادث العربية (ينفع مطلع غنية)

_____
شايف كمان في نيو لوك

Post: #95
Title: Re: تقريبا ... الناس نست الناس..
Author: Alsa7afa_30
Date: 06-30-2009, 02:09 PM
Parent: #92

تمبسكو

عوداً حميداً ..

Post: #96
Title: Re: تقريبا ... الناس نست الناس..
Author: Tabaldina
Date: 06-30-2009, 02:13 PM
Parent: #92

..
.
والله يا تامبا
منور البنبر .. وقعدة القهوة زاتها ..
وكم جميل ان تظهر مع السمستر الجديد
غايتو فى السمستر الفات ابوتفه سقط بثلاث مواد ..
وملاسي نجح بامتياز ..
وقلت الرجاله السودانية وازدادت العورات فى المنبر
خليها ساى ..
والعجب حبيبي ..
( حبيبيى دا ان شاء الله تكون متذكرو .. قرقر قرقر )

____________

بالله تانى بطل قلة الادب واللماضة واوزن حرفك
الموضوع بقى ما رجاله بقي شئ تانى و بكرى دا بقي ما بفرز
والله بسببك قرب نص المنبر يشيل ملاحق ..

اخوك خاشي دور امتحانات وكدا

مودتى ..
وعودا حميدا ..

Post: #103
Title: Re: تقريبا ... الناس نست الناس..
Author: Yassir Tayfour
Date: 06-30-2009, 02:40 PM
Parent: #96

Ya Halik..
No welcome back..

Let's talk business man..
First let's make the deals as dealers and then " eat like brothers"..
what have you brought from me?

___
It's nice to see you back here..

Post: #173
Title: Re: تقريبا ... الناس نست الناس..
Author: tmbis
Date: 07-15-2009, 09:59 AM
Parent: #103

Quote: حمد لله علي السلامة يا تمبس ومعاها كل الوشوش المفرحه
وشوت يا عمك شوت ... وما اكثر الورله (جمع ورل) (علي قول محمد عادل) التي قدلت وتحاومت
الله يسلمك يا فيصل .. مشينا وجينا.. في ناس كدا لسه في نفس الوهم حقهم القديم وفي واحدين اتطوروا لي أوهم من حالة الوهم الكانو فيها .. يعني بي اختصار زي ما قال المقدم بتاع الحفلة .. ما زال الليل طفلا يحبو ..
Quote: ياخ والله ليك وحشة
حمد الله سلامة الجية .. وسمد الله حلامة حادث العربية (ينفع مطلع غنية)
صديقي أبو الريش .. تسلم من كل شـر .. كان تميت جميلك يا ابوالريش فيما يتعلق بي مسالة اغنية العربية .. يعني قمت لحنتها وكدا .. احتمال كبير اقوم اطالب شركة التأمين بي نص خاص بيك من الشاسي والمراية القدام على ايدك الشمال وإنت طالع.. النيو لوك الجديد يا ابوالريش لزوم في ناس نست الناس قلنا نجيهم بالشكل الجديد ...
Quote: تمبسكوعوداً حميداً ..
تسلم يا حسكو ومشتاقين والله ...
Quote: غايتو فى السمستر الفات ابوتفه سقط بثلاث مواد ..
وملاسي نجح بامتياز ..
وقلت الرجاله السودانية وازدادت العورات فى المنبر
خليها ساى ..
والعجب حبيبي ..
( حبيبيى دا ان شاء الله تكون متذكرو .. قرقر قرقر )
يا تنقــا الله يسلمك شايف في نشاط اليومين ديل وجلاليب مختلفة الالوان والاحجام .... بالنسبة لي ابتفــه .. نحن خاتنو في مرحلة الحضانه وبنديهو خمسة واربعين يوم بس ولو حظو كويس المور تمشي معاهو تمام وما يطلع بيضة ويدخلنا في حتات ضيقة .. ولو ما اثبت جدارة واعتذر عن الحركة بتاعتو البايخـه ديك .. ح نحولو لي مجموعة محمد البشرى بعد التعديلات ونشتري ليهو كاميرا كوداك البتشتغل بي الفلم البحمضوهو داك .. يسمو كان يلقى ليهو ديقيتال .. ياخ نجيب ليهو دقيتال علشان يطلعه في امريكا في عيد الفصح الجاي يقوم يتصور لينـا مع استيف ..؟ والله ياهو الفضل .. عموو ملاسي دايما في الصدارة كما هو الحال من سنوات ما منو خوف .. العجب حبيبك متذكرو والله .. وحسع الايامات دي في مشروع اعداد ملف كامل بي كل حاجاتو .. ولو قام عمل اي فرفرة من جديد، والله المرة دي إلا يفرزونـا بي راماتنا ..
Quote: بالله تانى بطل قلة الادب واللماضة واوزن حرفك
الموضوع بقى ما رجاله بقي شئ تانى و بكرى دا بقي ما بفرز والله بسببك قرب نص المنبر يشيل ملاحق ..
اخوك خاشي دور امتحانات وكدا
وووين ياعمك ؟ في ناس الواحد لما يشوفك بجي شايل لماضتو وقلة ادبو معاهو في كيس .. ياخ في واحد نزلنـا بوست بتاع موسيقى .. قلنـا نفتح شهيتنا تخيل جا يتعاور زي دا نعمل ليهو شنـو؟؟ نديهو الفاتحـة يعني ؟؟ عاين عمكم دا والله مشروعو التوعوي دا ماشغالين بيهو خليهو إن شاء الله يقعد براهو في البورد دا .. لكن النوعية الرايحـة دي بنجيهه ليهو .. بعدين أعمل حسابك إنت ذاتك بقيت تدور بي نمرة خمسة ..
Quote: Ya Halik..
No welcome back..

Yeeeees thank you
تعرف يا هالك .. في القسم التحتاني في الشركة عندي فلبيني خريج لغة عربية .. والجمبو هندي برضو خريج لغة عربية .. واحد بيقول لي السلامو عليكم بي رواية حفص .. والتاني بقول لي استودعك الله بي الدوري يعني بيشكلو ليك التحايا دي زي الترتيب ..
انا بعتبرك مرزق بس لانو الهندي طلع اجازة سنوية والفلبيني اتنقل فترة مؤقته لي مشروع تاني .. يعني كان افكهم فيك يردو ليك على الخرمجة الكاتبة لينا هنا دا من الصباح .. إلا تجيب معاك مختار الصحاح حتين تفهم انا عايز اقوليك شنو..
ياخ قاليك ما تكتب لينـا بالانقليزي من الصباح .. حركات الافرو امريكان دي ما بتقسم معانــا مستواك ماشي في تدهور ملحوظ أنا خايفك الارشيف الجاي تتحالف مع مجموعة سيف وجكس واصحى يا بريش ..
راجع نفسك وزودنا بصورة من رسم المخ علشان نعرف بتفكر كيف إنت ؟؟

Post: #161
Title: Re: تقريبا ... الناس نست الناس..
Author: عابدون محمد عابدون
Date: 07-04-2009, 03:43 PM
Parent: #96

Quote: Quote: الشمار اللى عايزين نعرفه هو حجم التنازلات القدمتها لى بكرى عشان يعمل ليك " تاكس راجع "

ما بتكون اكتر من القدمته انت عشان بكري يسجلك في المنبر

السيد وليد محمد المبارك
ماكتبته أنا أعلاه ان موجه للاخ تمبس بحكم علاقتى وزمالتى له بالبورد وحمدت له العودة وهذه الزمالة تسمح بمساحة من الضحك والمجاملة..

المكتوب فى السطر الثالث كلام من طرفك موجه لشخصى الضعيف ولا أدرى سبب هذا التهجم أو حتى لا أفهم سبب ردك بالنيابة عن تمبس .. فيا أخى أنا لم أخطىء فى حقك يوما ولم أتداخل معك فى أى موضوع من قبل ولا أعرفك معرفة شخصية ليكون بينى وبينك عداوة أو ماشابه فأرجو أن توضح سبب هذا التهجم الغير لائق ...

Post: #97
Title: Re: تقريبا ... الناس نست الناس..
Author: nada ali
Date: 06-30-2009, 02:13 PM
Parent: #92

حمد الله على السلامة

من فوائد عودة تمبس:

1. معتصم دفع الله حا يرجع يكتب فى المنبر العام.
2. حا نرتاح من البوستات كل يوم و التانى "رجعوا طمبص رجعوا طمبص".
3. الناس الخاتّين صور تمبس فى البروفايل حا يشيلوها و يريحونا.

Post: #141
Title: Re: تقريبا ... الناس نست الناس..
Author: waleed dawash
Date: 07-01-2009, 09:50 PM
Parent: #97

والله ياتمبس مشرف وليك وحشه...

لكن البقيه وين ؟ ابوحسين وهبه والبقيه؟

Post: #94
Title: Re: تقريبا ... الناس نست الناس..
Author: ASHRAF MUSTAFA
Date: 06-30-2009, 02:07 PM
Parent: #89

ياسلالالالالالالالالالالالالالالام

ياخ ده احلي خبر

يا جميل يا منتهي الالفة
وجودك يسعدالانسان

والله ليك وحشة يا تامبا

ومقصرين شديد معاك
اخوك اليومين ديل مضغوط شديد
وما عندي وكت احك راسي

نتمني ليك اقامة دائمة وسعيدة
ونتمني فك كل الاسري الباقيين وعلي راسهم وهبة وميادة

تسلم يا تمبس
والمنبر دائما منور بوجودك الثري

Post: #98
Title: Re: تقريبا ... الناس نست الناس..
Author: nazar hussien
Date: 06-30-2009, 02:21 PM
Parent: #94

ْْ.

Post: #99
Title: Re: تقريبا ... الناس نست الناس..
Author: فايزودالقاضي
Date: 06-30-2009, 02:25 PM
Parent: #94

حمداً لله على السلامة اخوي تمبس ...

سعداء بهذه العودة ...

تصدق اول مرة اعرف ابو النوم ده مخلوق .. انا والله قايلها كلمة تتقال ...لكن ليه بقولوا ماناقش ابو النوم ؟!!! علاقة النقشان بالمخلوق ده شنو ؟!!!

ودي ،،،

كن بخير دائماً ....

ودالقاضي ...

Post: #101
Title: Re: تقريبا ... الناس نست الناس..
Author: abuguta
Date: 06-30-2009, 02:27 PM
Parent: #94

Quote: أو بي صورة أوضح .. كنـا واقفين وين ؟؟ لانو من العيب خالص تخلي حاجاتك بي قفاك وتقوم تمسك ليك في حاجة تانية هي ما بي قفاك

يازول ما دام دا كلامك رجع لى حمامتى
شغلك دا شغل صقور,,وانا لو قلت انك من نسور البورد ما كان رجعوك
الجماعة بتخاف التجريح

جيتن جيت ,,موسى بخيت

Post: #102
Title: Re: تقريبا ... الناس نست الناس..
Author: ناهد بشير الطيب
Date: 06-30-2009, 02:28 PM
Parent: #94

حمدلله على السلامة ياتمبس ...
بركة الرجعت طيب ...
وعقبال لوهبة وحميدة وميادة وبقية الاحباب ......

Post: #174
Title: Re: تقريبا ... الناس نست الناس..
Author: tmbis
Date: 07-15-2009, 10:59 AM
Parent: #102

Quote: ماكتبته أنا أعلاه ان موجه للاخ تمبس بحكم علاقتى وزمالتى له بالبورد وحمدت له العودة وهذه الزمالة تسمح بمساحة من الضحك والمجاملة..
..
Quote: فيا أخى أنا لم أخطىء فى حقك يوما ولم أتداخل معك فى أى موضوع من قبل ولا أعرفك معرفة شخصية ليكون بينى وبينك عداوة أو ماشابه
يا عاطف عابدون الحمد لله المسالة انتهت بعدم رجعة وليد .. وأنا متأكد تماما إنو وليد لا يحمل لك إلا كل خير والمسالة كلها عبارة عن ز ما قلت مساحات من الضحك والمجاملة في البوست دا تحديدا .. اتمنى انك ما تكون شايل من وليد .. واتمنى انو الفكرة تكون وضحت الحيه ليك ولي وليد ..
Quote: من فوائد عودة تمبس:
1. معتصم دفع الله حا يرجع يكتب فى المنبر العام.
2. حا نرتاح من البوستات كل يوم و التانى "رجعوا طمبص رجعوا طمبص".
3. الناس الخاتّين صور تمبس فى البروفايل حا يشيلوها و يريحونا.
ازيك يا دكتورة ندى ..
والله حاجاتك دي كلها ناقصة .. وبقيتي لا بتعرفي ترصدي ولا حاجة ... بقيتي زيك وزي دافنشي واحد نمسكو من الشخبطة في الحيط بتاعت الناس .. يقوم يحرق النجيلة ويقول ليك دي مدرسة خطوط النار
اضافة لما فوق من فوائد .. بركة في الشوفه .. رجعتينا لي ايام جميلة قبال ما الناس تنسى الناس ..
بعدين شنو طمبص دي ..؟
قاليك تمبسسسس .. تمبس .. ما شايفه ( الاس ) دي صايلانت ؟؟
أمانة في ذمتك توصلي تحياتي لي دافنشي مع الأشواق وكدا ...
Quote: والله ياتمبس مشرف وليك وحشه...
لكن البقيه وين ؟ ابوحسين وهبه والبقيه؟
.. وليد .. كيفنك ؟؟ الايامات دي مستمتعين بي هاجر كباشي ايامكم عنب .. بقية الشلة دي رجعت لكن لحدت الآن ما عارف ابوحسين دا مويتو شنو ..؟
Quote: ومقصرين شديد معاك
اخوك اليومين ديل مضغوط شديد
وما عندي وكت احك راسي
العزيز اشرف .. امورك كيف ؟؟ والله ماف تقصير يا ابو الشوش .. والضغط حاصل هنا برضو .. خلص الفي ايدك ونتلاقى .. يا بيناتنا السوك .. تشكر يا سيدي .. نزار ابن عمي .. تاني رجعنا لي محطة النقطه ؟؟
Quote: تصدق اول مرة اعرف ابو النوم ده مخلوق .. انا والله قايلها كلمة تتقال ...لكن ليه بقولوا ماناقش ابو النوم ؟!!! علاقة النقشان بالمخلوق ده شنو ؟!!!
العزيز ود القاضي تسلم من كل شــر .. طبعا نا لما شفت انو ابو النوم دا مهمش .. قلت أعمل شوية اضاءة عليهو .. خاصة وانو بيناتنا علاقة حميمة جدا وقديمة خالص ... ولو لما ضيق اليد كان جبت ليك نموذج حي ..
Quote: يازول ما دام دا كلامك رجع لى حمامتى
شغلك دا شغل صقور,,وانا لو قلت انك من نسور البورد ما كان رجعوك
الجماعة بتخاف التجريح
يا هندسة .. بركة بالشوفه .. ونحمد الله نظرية الحمامة حقتك دي ما مشت تعرف امس مشت الضهريات كدا مطعم ريم .. حسب الوصية حقتك .. جيت داخل عملت اسكانن لي المطعم ما لقيت ليك ولا واحد من الجماعة الطيبين .. غايتو لو لقيتم متلميين اخوك كان مدقوق مدقوق ..
Quote: حمدلله على السلامة ياتمبس ...
بركة الرجعت طيب ...
وعقبال لوهبة وحميدة وميادة وبقية الاحباب ......
العزيزة ناهد .. الله يبارك فيك .. وكيف صحتك .. الخميس الفات والله كنت قريب جدا منكم .. وكان عندي فرقه بتاعت نص ساعة .. اتصلت عليك قلت اجي اتطمن على صحتك للاسف التلفون مقفول طمنينا على صحتك وتسلمي من كل شـر ..

Post: #171
Title: Re: تقريبا ... الناس نست الناس..
Author: tmbis
Date: 07-12-2009, 06:51 AM
Parent: #89

Quote: يا اب تفه ياخ الزول ده بالواضح
اديهو النفس خليهو يستعدل
.. سيكـــا..؟! اب تفـه لو جابه اسكيتو ما عايزه معاهوو .. احتمال بعدين يقوم يصورك بالثابته دا زولي وانا بعرفو..
Quote: مرحب بيك علاء منصور
نورت النبر .
.. يا مليون مرحب يا هندســة .. ووين الحي بيك .. إنت برضو بتنور البورد بقينـا ما نشوفك إلا في الاعياد ..
Quote: سوق براحة وأوغل في الكتابة برفق
أهو عندك جماهير ولا أكتر والانتخابات على الأبواب
.. الجنرال محمد عبد الجليل .. بركة الشفناكم بعافيه الفترةالفاتت انا برضو ( راحو مني ناس كتـار ) .. السواقه فن زيها والكتابة لكن لما عربيتك كمان تورطك باقي ليك تاني بتثق ليك فوق عربية إيجار ..؟ .. قلت لي قال ليك ماشي لي ناس العمارة ..؟

Post: #100
Title: Re: تقريبا ... الناس نست الناس..
Author: Hani Arabi Mohamed
Date: 06-30-2009, 02:25 PM
Parent: #1

ألف حمد لله على السلامة ياحبيب

Post: #104
Title: Re: تقريبا ... الناس نست الناس..
Author: حنين للبلد
Date: 06-30-2009, 02:46 PM
Parent: #100

ننساك...انت انت بتتنسي؟؟

Post: #105
Title: Re: تقريبا ... الناس نست الناس..
Author: قيقراوي
Date: 06-30-2009, 03:31 PM
Parent: #104

Quote: تصدق اول مرة اعرف ابو النوم ده مخلوق .. انا والله قايلها كلمة تتقال ...لكن ليه بقولوا ماناقش ابو النوم ؟!!! علاقة النقشان بالمخلوق ده شنو ؟!!!

ياخ ما تبقى نقاش شديد . . .
ما كلو في يوم واحد !
مش الليلة انت عرفت انو ابو النوم دا مخلوق ؟
طيب قرض على كدا يا حبة

يديك الف عافية ياخ
و يملا يومك بهجة و ضحك

Post: #106
Title: Re: تقريبا ... الناس نست الناس..
Author: سيف اليزل جعفر عبد الرحمن
Date: 06-30-2009, 04:15 PM
Parent: #105

سلك سلك قدر الله ما خلق ... مرحب بيك

Post: #107
Title: Re: تقريبا ... الناس نست الناس..
Author: abdalla osman
Date: 06-30-2009, 04:37 PM
Parent: #106

الحبيب تمبس
منور والله ..
الحظ الجابك غشا سكتنا
جانا وجابك لينا هدية..

Quote: ممكن تقول لي سر حب الناس ليك شنو؟

جاوب لينا سؤال القرضابي ده ياااخ..

Post: #108
Title: Re: تقريبا ... الناس نست الناس..
Author: عبود عبد الرحيم
Date: 06-30-2009, 05:09 PM
Parent: #107

حمد لله علي السلامة يا تمبس
المنبر نور
ويكتمل نوره بعودة بقية الزملاء الموقوفين

Post: #109
Title: Re: تقريبا ... الناس نست الناس..
Author: خالد عبد الله محمود
Date: 06-30-2009, 05:17 PM
Parent: #107

بوست غير موفـــق

ــــــــــــــ
حمد الله ع السلامة يا عمكـ

Post: #110
Title: Re: تقريبا ... الناس نست الناس..
Author: Raja
Date: 06-30-2009, 05:33 PM
Parent: #107

تمبس يا شين..
Quote: تقريبا ... الناس نست الناس..

كيييييف..؟؟؟

حمد لله 1000000 ع السلامة يا حبيب

Post: #111
Title: Re: تقريبا ... الناس نست الناس..
Author: Amin Mohamed Suliman
Date: 06-30-2009, 05:43 PM
Parent: #110

حمدلله علي السلامه يا علاء ، أجر و عافيه إنشالله !

Post: #112
Title: Re: تقريبا ... الناس نست الناس..
Author: على محمد على بشير
Date: 06-30-2009, 05:57 PM
Parent: #111

مشتاقون يا مان
الكيبورد انجليزى وكدا
خلبنى الم لي فى كيبورد عربى و اجيك صادى

Post: #113
Title: Re: تقريبا ... الناس نست الناس..
Author: Rahma Awad
Date: 06-30-2009, 06:14 PM
Parent: #112

الف حمد لله على السلامة تمبس

Post: #114
Title: Re: تقريبا ... الناس نست الناس..
Author: نادية عثمان
Date: 06-30-2009, 06:29 PM
Parent: #113

تمببببببببببببببببببببببببس

وعاد

تمبس ياجدعان !

الف حمد لله على سلامة العودة ياغالي والله إتوحشناك أخوي والله عالم وشاهد !

Post: #115
Title: Re: تقريبا ... الناس نست الناس..
Author: هند محمد
Date: 06-30-2009, 07:32 PM
Parent: #114

ألف حمد الله على السلامة ياتمبس

وكيف ينسوك ! فرحتهم بيك جاوبت عنهم

يوم أخضر برجوعك

وعقبال كل الغايبين

Post: #116
Title: Re: تقريبا ... الناس نست الناس..
Author: ياسر بيناوي
Date: 06-30-2009, 07:36 PM
Parent: #115

طبعا الواحد كمناضل ختري شديد
لازم يرحب بالغالي تمبس ب ( نقطة كبيرة )

تليق بمقامو وووووو كدة

خالص الود

Post: #118
Title: Re: تقريبا ... الناس نست الناس..
Author: ماجدة عوض خوجلى
Date: 07-01-2009, 10:30 AM
Parent: #116

نعم لعودة عبدالوهاب وحميدة
بقال لا ولا ولا والف لا ولع خالص ...

Post: #119
Title: Re: تقريبا ... الناس نست الناس..
Author: اسعد الريفى
Date: 07-01-2009, 10:53 AM
Parent: #118

علاء الدين
يا اخى نورت و الله ليك وحشة
و افتقدناك
و فى الليلة الظلماء يفتقد البدر .....
اها امسك فى دى و غير اسمك لبدر !!
مودتى

Post: #120
Title: Re: تقريبا ... الناس نست الناس..
Author: اسعد الريفى
Date: 07-01-2009, 10:53 AM
Parent: #118

علاء الدين
يا اخى نورت و الله ليك وحشة
و افتقدناك
و فى الليلة الظلماء يفتقد البدر .....
اها امسك فى دى و غير اسمك لبدر !!
مودتى

Post: #121
Title: Re: تقريبا ... الناس نست الناس..
Author: اسعد الريفى
Date: 07-01-2009, 10:53 AM
Parent: #118

علاء الدين
يا اخى نورت و الله ليك وحشة
و افتقدناك
و فى الليلة الظلماء يفتقد البدر .....
اها امسك فى دى و غير اسمك لبدر !!
مودتى

Post: #122
Title: Re: تقريبا ... الناس نست الناس..
Author: مصطفي سري
Date: 07-01-2009, 10:55 AM
Parent: #121

عوداً حميداً الاخ علاء (تمبس)
ومرحب بيك في بيتك ...

Post: #124
Title: Re: تقريبا ... الناس نست الناس..
Author: هيثم درار
Date: 07-01-2009, 11:26 AM
Parent: #122

تمبس جا منو البرجا

عودة حميده يا تمبسكو
عقبال للباقين

Post: #125
Title: Re: تقريبا ... الناس نست الناس..
Author: محجوب البيلي
Date: 07-01-2009, 11:41 AM
Parent: #124

والله من شدة ما متكيف عايز أخنق طارق جبريل

في انتظار بقية الأحباب: وهبة وحميدة وميادة وبقال

الآن ينعدل المنبر
الآن ينفتل بعض الأعضاء/ت//ة / نا / س / ص
أو كما قال....

Post: #126
Title: Re: تقريبا ... الناس نست الناس..
Author: طارق جبريل
Date: 07-01-2009, 12:01 PM
Parent: #125

Quote: والله من شدة ما متكيف عايز أخنق طارق جبريل

اها يا تامبا جنس سوات ود البيلي دي يعالجوها كيفن

Post: #127
Title: Re: تقريبا ... الناس نست الناس..
Author: بت قضيم
Date: 07-01-2009, 12:01 PM
Parent: #125

حمد لله على السلامة يا تمبس
نورت والله

Post: #128
Title: Re: تقريبا ... الناس نست الناس..
Author: ممدوح أبارو
Date: 07-01-2009, 01:26 PM
Parent: #127

عوداً حميداً

Post: #129
Title: Re: تقريبا ... الناس نست الناس..
Author: داليا حافظ
Date: 07-01-2009, 01:47 PM
Parent: #128

ياخ البورد نور

Post: #130
Title: Re: تقريبا ... الناس نست الناس..
Author: تيسير عووضة
Date: 07-01-2009, 03:55 PM
Parent: #129

سايقا علاء
سايقا علاء

:::::::::::
مين الأخ لو سمحتا؟
وشك دا ماغريب علي ..

Post: #132
Title: Re: تقريبا ... الناس نست الناس..
Author: معتصم دفع الله
Date: 07-01-2009, 04:07 PM
Parent: #130

يا تامبا ..
أبعد من النقط النقط

حمد لله على السلامة يا صاحب ..

Post: #133
Title: Re: تقريبا ... الناس نست الناس..
Author: بابكر عثمان مكي
Date: 07-01-2009, 04:19 PM
Parent: #130

اوع تسمع كلام البقولو ليك شوووت ساي

العودة من جديد هنا

تعني اعادة النظر في

النفس
الناس
الاشياء

دون تغيير مبدأ او نسيان الابتسامة الصادقة الودودة

حمدالله علي السلامة

زيكو

Post: #134
Title: Re: تقريبا ... الناس نست الناس..
Author: عبدالعزيز الفاضلابى
Date: 07-01-2009, 04:34 PM
Parent: #133

ياخى ,, مرحبا بعودتك ,,
انا كنت عاوز امشى ,, لكن وكت جيت هادى قعدة.

Post: #135
Title: Re: تقريبا ... الناس نست الناس..
Author: السيد المسلمي
Date: 07-01-2009, 05:32 PM
Parent: #134

عوداً حميداً ياحبيب.

Post: #136
Title: Re: تقريبا ... الناس نست الناس..
Author: سيف الدولة كامل
Date: 07-01-2009, 05:48 PM
Parent: #135

الف حمدا علي السلامة,,, ازدان المنبر بعودتكم

Post: #137
Title: Re: تقريبا ... الناس نست الناس..
Author: سارة علي
Date: 07-01-2009, 08:13 PM
Parent: #136

اهلا
(بي صرة وش)
خلاص جيت تقالعنا في رزقنا؟؟

ربنا كضب الشينة غايتو...

Post: #138
Title: Re: تقريبا ... الناس نست الناس..
Author: Siham Elmugammar
Date: 07-01-2009, 08:28 PM
Parent: #137

تمبس

Post: #139
Title: Re: تقريبا ... الناس نست الناس..
Author: فتحي الصديق
Date: 07-01-2009, 09:01 PM
Parent: #138

تنقا
شرفت والله..

Post: #140
Title: Re: تقريبا ... الناس نست الناس..
Author: ناذر محمد الخليفة
Date: 07-01-2009, 09:18 PM
Parent: #139

ندى علي ..

Quote:
من فوائد عودة تمبس:

1. معتصم دفع الله حا يرجع يكتب فى المنبر العام.
2. حا نرتاح من البوستات كل يوم و التانى "رجعوا طمبص رجعوا طمبص".
3. الناس الخاتّين صور تمبس فى البروفايل حا يشيلوها و يريحونا

غايتو والله ضحكت من مداخلتك الفريدة في البوست دا ..

أنا شخصيا ما برحب بي عودة تمبس ، لانو في نظري ما غاب من المنبر اساسا ..

والله يا ندى قبل كم يوم ببحت في الارشيف ولقيت مداخلاتك وبوستاتك بخصوص شلة التهريج ومداخلاتك في بوست القصيدة الاوتمومسفيرية بتاعتي ديك ...

المهم .. (نو هارد فييلنقس) وكلها مماحكات ومشاغلات أسفيرية بتنتهي في وكتها وكدة ..\\\\

لك كل الإحترام ولو زعلانة مني في أي حاجة يا ستي أمسحيها لي في وش تمبس القدامك دا ..!!

Post: #142
Title: Re: تقريبا ... الناس نست الناس..
Author: وليد الطيب قسم السيد
Date: 07-01-2009, 10:30 PM
Parent: #140

مرحب بيك اخ كريم وابن اخ كريم

Post: #143
Title: Re: تقريبا ... الناس نست الناس..
Author: احمد التجانى احمد
Date: 07-01-2009, 10:42 PM
Parent: #142

تمبس
بركة الجيت

طمنى يااخى
عملت شنو فى موضوع العربية

Post: #144
Title: Re: تقريبا ... الناس نست الناس..
Author: صلاح الدين عبدالله محمد
Date: 07-02-2009, 08:06 AM
Parent: #143

ابو النوم الواحد مابيهبشة فى الجيب الا اذا كان الجيب فاضى
واعلم تماما ان بدواخلك الكثير الجميل
عشان كدة ابو النوم دا ماتهبشة هسع الا اذا كان بيضايقك فى المكوة وفى الحالة دى لوحاولت تجرة ترمية تعمل حسابك عشان الجيب مايتشرط وتتشرط انت بالمغسة

عشان كدة الحاجات البقفاك خليها فى ظهرك دائما لانو لوختيتها بقدامك بتضاريك مابتخليك تشوف الشارع وانت سايق تقوم تعمل حادث

وخليك دائما علاء يونس كما عرفتك
وليس تمبس الذى اتوقع له الضغط والسكرى وربنا يحمى الجميع

لك كل الود

Post: #145
Title: Re: تقريبا ... الناس نست الناس..
Author: نورالدين الفحل
Date: 07-02-2009, 08:09 AM
Parent: #143

تامبا الف مرحب بزيارتك المنتدى نور
رجوع القمرة لوطن القمارى عزيز وغالى
انا المحيرنى الناس دى حترد عليها كلها
ارجع تمبس بتاع زمان اغانى وتراث وحكايا.

Post: #147
Title: Re: تقريبا ... الناس نست الناس..
Author: Sana Khalid
Date: 07-02-2009, 09:51 AM
Parent: #145

يعني يا علاء انت من يوم تلاتين هنا؟

أنا شكلها عدساتي دي ما شغالة كويس!

__________

مع انو انت أكتر زول نساي للناس

لكن انت أكتر زول ما مفروض يشكي من نسيان الناس ليهو

مش كدا؟

زيكو قال ليك كلام سمح شديد

أقراه تاني يا تامبا عشان خاطر كل الناس البيحبوك

Quote: اوع تسمع كلام البقولو ليك شوووت ساي

العودة من جديد هنا

تعني اعادة النظر في

النفس
الناس
الاشياء

دون تغيير مبدأ او نسيان الابتسامة الصادقة الودودة

حمدالله علي السلامة

Post: #148
Title: Re: تقريبا ... الناس نست الناس..
Author: زياد جعفر عبدالله
Date: 07-02-2009, 11:34 AM
Parent: #147

ترزينا علاء
جلابيتي وينا؟

Post: #179
Title: Re: تقريبا ... الناس نست الناس..
Author: tmbis
Date: 07-28-2009, 01:44 PM
Parent: #127

Quote: الف حمد لله على سلامة العودة ياغالي والله إتوحشناك أخوي والله عالم وشاهد !
ليك وحشة يا نادية .. وين الحي بيك ..؟ إنت ما عايزه باقي الحاجات واللا شنو..؟ حددي لينا موقعك عشان نقدر نتفاهم معاك ..
Quote: وكيف ينسوك ! فرحتهم بيك جاوبت عنهم
يوم أخضر برجوعك وعقبال كل الغايبين
هند ..؟ والله الخدره حروفك دي .. معطره دايما المكان ..
Quote: طبعا الواحد كمناضل ختري شديد
لازم يرحب بالغالي تمبس ب ( نقطة كبيرة )
تليق بمقامو وووووو كدة
نقطة واحده بس يا ياسر ..؟ وعامل لي فيها مناضل كبير ..؟ غايتو مقبولة منك ، لكن وسع النقط شوية ..
Quote: نعم لعودة عبدالوهاب وحميدة
بقال لا ولا ولا والف لا ولع خالص ...
أهو يا ماجدة .. بكري لما البيض كلو في سلة واحدة .. يتكسر اليتكسر ,, أخبارك شنو ..؟
Quote: علاء الدين
يا اخى نورت و الله ليك وحشة
و افتقدناك
و فى الليلة الظلماء يفتقد البدر .....
اها امسك فى دى و غير اسمك لبدر !!
مودتى
يا ريفي يا موزون .. وين الحي بيك لا هنا لا هناك ..؟ يعني دا على وزن جاءت الشياطين وذهبت الملائكة ؟؟ والله كدا بتفرتق شديد.. ..
Quote: عوداً حميداً الاخ علاء (تمبس)
ومرحب بيك في بيتك ...
ملايين المراحب يا سري .. تشكر يا سيدي إنت الفيهم..
Quote: عودة حميده يا تمبسكو
عقبال للباقين
هيثم يا فردة .. ياخ ما اخير ليك انا بس .. الباقين ديل طلع لي منهم حميده ووهبة وانا بتفق معاك لو كان بكري اداهم صنة شوية والله كان احسن ..
Quote: والله من شدة ما متكيف عايز أخنق طارق جبريل
والله يا بيلي انا ذاتي متكيف اكتر منك .. على الاقل الواحد قادر يعبر عن شعورو في الطقس الحلووو دا
Quote: الآن ينفتل بعض الأعضاء/ت//ة / نا / س / ص أو كما قال....
.. اشكرك على حسن التعبير لكل الفئات ..
Quote: اها يا تامبا جنس سوات ود البيلي دي يعالجوها كيفن
.. خت احتمالات انو البيلي دا في الخرطوم .. وناس الخرتوم ديل إنت في كل رحلة قندهارية قاعد تهريهم وتقضفم الاكلوهو يعني عايزو يخليك تمر ساكت في المولد دا يا طارق .. والله كان ليك .. أقوليك حاجة ..؟ والله انا لو كنت حسع داخل من برج البركة كان ردمتك لمن تستغرب ..
Quote: حمد لله على السلامة يا تمبس
نورت والله
تسلمي يا بت قضيم .. منورة إنت بي كتاباتك وبي حاجاتك البراهـا ..

Post: #178
Title: Re: تقريبا ... الناس نست الناس..
Author: tmbis
Date: 07-28-2009, 09:46 AM
Parent: #113

Quote: ألف حمد لله على السلامة ياحبيب
الله يسلمك يا هاني .. وإن شا الله الجماعة طيبين .. وامورك زينة ..
Quote: ننساك...انت انت بتتنسي؟؟
والله يا حنين شكلك فعلا بتنسي الناس .. غايتو اريتو الكربنه تروح .. المان دا ما بتفات بسهولة .. كملي كربنتك وما تنسينا يا كمان تعالي واقسميها معانا ..
Quote: طيب قرض على كدا يا حبة
يديك الف عافية ياخ
و يملا يومك بهجة و ضحك
والله مقرضين جنس تقريض يا قيقــا .. لدرجة انو الواحد جا جدة شغلانه مستعجلة كدا وعمل فيها نايم .. انا جيت زول ليل وطلعت زول ليل .. تقول لي ناقش ..؟ ..
Quote: سلك سلك قدر الله ما خلق ... مرحب بيك
تمام يا يزل .. بعدما دخلنا السستم .. كلو بيسلك ..
Quote: جاوب لينا سؤال القرضابي ده ياااخ..
. يا دكتور عبد الله كيفنك ؟؟ وأمورك كيف ومالك قاطع الحس والخبر ..؟ سؤالك دا حمدو في بطنو يا دكتور يا كمان اديني كم شهر كدا كان الله حيانا وعامل ليك زيارة ميدانية والله لاني ناوي احدده معاك هناك .. جهز حالك إذا بتريد..
Quote: حمد لله علي السلامة يا تمبس
المنبر نور
ويكتمل نوره بعودة بقية الزملاء الموقوفين
يديك العافية يا عبود .. وشكرا لوقفتك معانا القوية .. والشباب الحمد لله رجعو بي ربطة المعلم .. وبيناتنا لقاء إن شاء المولى ..
Quote: بوست غير موفـــق
.. والله أنا زاتو قلت كدا يا خالد .. غايتو عليكم جنس حركات مريخـاب .. ..
Quote: كيييييف..؟؟؟
حمد لله 1000000 ع السلامة يا حبيب
رجووووية يا فردة .. والله سلامتك شديد .. شديد جدا .. سحروك بس ..
Quote: حمدلله علي السلامه يا علاء ، أجر و عافيه إنشالله !
الله يكرمك يا أمين .. غايتو زي ما قالو في المثل الحبس للمظاليم..
Quote: مشتاقون يا مان
الكيبورد انجليزى وكدا
خلبنى الم لي فى كيبورد عربى و اجيك صادى
وينك يا علي .. دي صدتك ؟؟ ..
Quote: الف حمد لله على السلامة تمبس
.. رحمــه .. احسن الله عزاكم مرة تانية .. وربنا يتقبل الوالده برحمته ويخفف عنكم الأحزان .. انه سميع مجيب الدعاء ..

Post: #149
Title: Re: تقريبا ... الناس نست الناس..
Author: بخاري عثمان الامين
Date: 07-02-2009, 12:02 PM
Parent: #1

وانا اقول العضه دي بقت طااااااااااااعمة كده

حمد لله علي السلامة

Post: #150
Title: Re: تقريبا ... الناس نست الناس..
Author: azhary awad elkareem
Date: 07-02-2009, 12:59 PM
Parent: #149

حبابك ...

Post: #151
Title: Re: تقريبا ... الناس نست الناس..
Author: lana mahdi
Date: 07-02-2009, 01:41 PM
Parent: #150

ألف مرحب بالحبيب علاء
في بيتك و مطرحك
تقديري
لنا

Post: #152
Title: Re: تقريبا ... الناس نست الناس..
Author: عادل جبارة
Date: 07-02-2009, 01:58 PM
Parent: #151

داش
شتات
حميدة
معتصم دفع الله
أبو وجيدة

كلكم أجمعوا هنا حتى يكتمل الحبور ..... وبكم تزدهي اللوحة

مشتااااقين تمبس ومليون مراحب

Post: #153
Title: Re: تقريبا ... الناس نست الناس..
Author: يوسف السماني يوسف
Date: 07-02-2009, 07:26 PM
Parent: #1

تامبا ياحبيب

الحنك شنو يا جماعة ..؟

محلك سر

خليك مقرض علي البوست دا واعمل نايم . وصالة كبار الزوار تستقبل ود الصايم وودالباوقة .

مرحب برجوعك

Post: #154
Title: Re: تقريبا ... الناس نست الناس..
Author: Gaafar Ismail
Date: 07-04-2009, 05:53 AM
Parent: #153

الحبيب الحبوب تمبس

ألف حمد لله على سلامة العودة .. إفتقدناك كثيرا .

تحياتي ووافر احترامي

Post: #156
Title: Re: تقريبا ... الناس نست الناس..
Author: smart_ana2001
Date: 07-04-2009, 01:04 PM
Parent: #154

و انا اقول الدنيا منوره كده ليه!!!
الحمد لله على السلامه

Post: #158
Title: Re: تقريبا ... الناس نست الناس..
Author: esam gabralla
Date: 07-04-2009, 02:30 PM
Parent: #156

قوم لف ........

بلا تقريبآ بلا قبة
نجيك بعد الهيصة بتاعتك دى تنتهى ... جنى و جن حبرتجية و مستهبلي العلاقات العامة

Post: #159
Title: Re: تقريبا ... الناس نست الناس..
Author: محمد مكى محمد
Date: 07-04-2009, 03:09 PM
Parent: #158

حمدالله على السلامه وباسوردك تقطعوا بعرق العافيه....

..................................تحياتى

Post: #160
Title: Re: تقريبا ... الناس نست الناس..
Author: mohamed elshiekh
Date: 07-04-2009, 03:21 PM
Parent: #158

قال حنك قال ..

حنك!!!!؟؟

وجاى فاتح نفسك كده ليه؟

والله انا كان فى محلك دا احرد وما ادقها تانى فى المنبر
الا بكرى يعتذر لى بى بوست مثب فوق فى السماء ,,

لكن معليش .. يا تمبوس ارجع مافى مشكله صحتك اهم لينا من تسجيل
المواقف ..
لانو بصراحه الاربعه شهور دى نزلتك 20 كيلو يا فيل..
لو قام بكرى دا اداك تانى اربعه شهور كان جرينا بيك الشميسى ..
تعرف يا فيل انا نقشت ليك فتحت داش اتاريه كل يوم يختو العضه
تقول والله ياداش انا ما عندى نفس .. وانا ماشديد .. وداش يقوم بالعضه كلها ..
اها عاد يا داش خم وصر فيل وجاك ..

واستجابة لندا اختنا ندى على حانقلع صورتك من هنا ..ودى اخر مرة ..

عموما عودا حميدا ...

ولك اطنان من الموده ياتمبوس .

على جنبه كده:

حميده الظاهر عليهو ما وقف اصلو من الكتابه
مجهز ليك بوستاتو وجاى طاير بى نمرة عشرة ..
قول ليهو اعمل حسابك وما تجى واقع على قدومك
والله قالوا تانى اى واحد يقول يا بكرى يركب هو بوستو الظلط ..

وعودا حميدا برضو ليهو ..

Post: #162
Title: Re: تقريبا ... الناس نست الناس..
Author: عابدون محمد عابدون
Date: 07-04-2009, 04:01 PM
Parent: #160

Quote: الشمار اللى عايزين نعرفه هو حجم التنازلات القدمتها لى بكرى عشان يعمل ليك " تاكس راجع "

ما بتكون اكتر من القدمته انت عشان بكري يسجلك في المنبر

------------------------------------------------------------------------

السيد وليد محمد المبارك
ماكتبته أنا أعلاه ان موجه للاخ تمبس بحكم علاقتى وزمالتى له بالبورد وحمدت له العودة وهذه الزمالة تسمح بمساحة من الضحك والمجاملة..

المكتوب فى السطر الثانى كلام من طرفك موجه لشخصى الضعيف ولا أدرى سبب هذا التهجم أو حتى لا أفهم سبب ردك بالنيابة عن تمبس .. فيا أخى أنا لم أخطىء فى حقك يوما ولم أتداخل معك فى أى موضوع من قبل ولا أعرفك معرفة شخصية ليكون بينى وبينك عداوة أو ماشابه فأرجو أن توضح سبب هذا التهجم غير اللائق ...

Post: #163
Title: Re: تقريبا ... الناس نست الناس..
Author: الفاتح الجنيد
Date: 07-04-2009, 04:07 PM
Parent: #160

العود أحمد
مليون مراحب ياتمبس
وبركة الجيت
تحايا ارادب

Post: #164
Title: Re: تقريبا ... الناس نست الناس..
Author: عابدون محمد عابدون
Date: 07-05-2009, 09:00 PM
Parent: #163

فوق

Post: #166
Title: Re: تقريبا ... الناس نست الناس..
Author: عابدون محمد عابدون
Date: 07-06-2009, 12:09 PM
Parent: #164

طيب خليناك لكن تانى ماتجى ناطى ساكت ...

Post: #167
Title: Re: تقريبا ... الناس نست الناس..
Author: فيصل نوبي
Date: 07-07-2009, 12:24 PM
Parent: #166

*

Post: #172
Title: Re: تقريبا ... الناس نست الناس..
Author: filan
Date: 07-12-2009, 10:44 PM
Parent: #167

( تقريباً ) دي كم من 10 ؟

حمداً لله على سلامتك ، وبقية الشباب .

Post: #175
Title: Re: تقريبا ... الناس نست الناس..
Author: ضياء الدين ميرغني
Date: 07-15-2009, 11:58 AM
Parent: #172

آييييييييييييييي بركة الجيت
عسل انت وبسكويت
حمد لله على السلامة ياخى والله مشتاقين
يازول انت من اى حتة وفى اى حتة بتسد
ارمى الفات والحق معانا السوق .
بيننا ونسات لما تفضى من الاستقبال والضيوف ديل
سلام
ضياء

Post: #176
Title: Re: تقريبا ... الناس نست الناس..
Author: Alfarwq
Date: 07-15-2009, 12:30 PM
Parent: #175

اه كرهتونا يا بكري رجع لينا تمبس رجع لينا تمبس ...... اه تمبس جاكم ..

و الله يا تمبس الكلام الفوق ده لاني شايل منك .... ياخي انا لي اكثر من سنتين بحنس فيك عشان تنزل لي اغنية احرموني و انت بت تعزز ... و الله الاغنية لو بتنزل حرف حرف كان مزلت زمانك .... و الله ما بتنزل الاغنية حقي بطلع فيك تاني و المرة دي بكري ما برجعك

و بما انك من اصحاب السوابق ... دي وريني اعمل شنو عشان اب صلعة يوقفني لم اتم البوست رقم الف .....

بالمناسبة صحبتك تراجدي وين ...

Post: #177
Title: Re: تقريبا ... الناس نست الناس..
Author: HAIDER ALZAIN
Date: 07-19-2009, 07:00 PM
Parent: #176

Quote: تقريبا ... الناس نست الناس..

صحيح والله من جد ...

الناس نست الناس ....