Post: #1 Title: ليس دفاعاً عن الخمر Author: حافظ حسن ابراهيم Date: 05-30-2009, 10:52 AM
ليس دفاعاً عن الخمر هنا التذكر يكون جزء من الاستعباط في قصة المريسة فانا لا اتذكر اول مره رأيتها و لكن عندما صرت اميز بين الاشياء و اكون ذخيرتي اللغوية كان من بين تلكم الكلمات (مريسة)... المهم في النهاية وجدت نفسي بشرب في المريسة كأي ممارسة حياتيتة يومية الي انا دخلت المدرسة و هنا تفشت لغة الحلال و الحرام , الجنة و النار , الاقرع الشجاع و كم و كم من التهديد و الوعيد ....وهنا اختل تجانسي الداخلي مع المريسة للابد و يجب ان لا اتهم بعدم الموضوعية فسلامي الداخلي حتي تجاه اسرتي اختل.... و اصبحت بين شد التهديد الديني و جذب ان اكون في مجموعة مكونة من افراد لم يختاروا طريقة تكونهم .... مجموعة تسمي اسرة .... حاولت ان اقلع عن المريسة لانها حسب معتقد مدير المدرسة تعتبر من ام الكبائر ..... و بمناسبة ام الكبائر دي حاج حسن ( ابوي) يعني اترقي بقي امام المسجد بعد موت الامام القديم .... كدا واحد يجي ناطي لي هنا و يقول لي ما في ديمقراطية في اختيار أئمة المساجد ...بس منصب الحاج الجديد دا عندو تباعتوا يعني كل يومين ناطي لينا زول جديد في البيت ...زول خارج في سبيل الله و بدل ينوم في الجامع ابوي بقرر يجيبو معاهو البيت ....لكن تصدقوا حاجة ياخي الناس البخرجوا في سبيل الله ديل ناس بسيطين بساطة كدا مبالغة و صدقوني انا بشفق عليهم اكتر من اني بكرههم ... عمك الخارج دا ما عارف لقط من وين انا بسكر... المهم لفا الكلام و دورو خشي بحمد و طلع بخوجلي لحد ما جاني لي كلام مدير المدرسة الابتائية القبل عشرين سنة عن الخمر و انها ام الكبائر .... و دار بيننا الحوار التالي: الخارج: انت عارف يا ولدي الخمر دي سموها ام الكبائر ليه؟ انا: حاولت ان افتح شهيته للحديث بفتح فمي دلالة البله و التعطش للمعرفة ببساطة لاني ما عندي لحظتها اي موضوع فقد كنت في عام العطالة الذي يلي الخدمة الالزامية ... فرديت ابداً يا حاج ليه سموها ام الكبائر؟ الخارج: اعتدل في جلسته و بدأ خطبة من النوع ابو لستك .... انت عارف يا ولدي في راجل صالح ... ربنا داير يمتحنوا ... الزول دا لاقا ليهو مره جميلة (يعني جكس من امو يا عبدالمنعم) جداً , معاها طفلة و قزازة خمر. قامت المره قالت للرجل الصالح دا: اسمع يا تزني بي (دي يكتبوها كيف بالدارجي)...او تقتل هذه الطفلة , و اما تشرب الخمر ....المهم عمك الخارج دا حمر دنقر... ضرب اخماس في اسداس و لقي ان ابسط حاجة ممكن يرتكبها هي شرب الخمر ... شرب ليك الخمر دا ... اول حاجة عملها قام ليك علي المره ...تانياً كتل الطفلة ... يعني عمل التلاتة جرائم انا: ضحكت بكل ما تسعفني حبالي الصوتية : والله يا حاج انا الليله عندي خميس و داير اشرب لكن ما تخاف ما بجي ببيت في البيت نرجع لمدير المرسة.... مدير المدرسة كان يدرسنا كل المواد في السنة الاولي و اجتهد اكثر في مادة التربية الاسلامية و خاصة ان له معتقد باننا خراف ضالة ....و لم تمر حصة تربية اسلامية الا و كان بها جزء عن الخمر و عقوبتها و لتقريب الفهم لاذهاننا كانت الخمر عنده تعني المريسة ليس اكثر .... هذه المدرسة اول ما اصابتني به داء الانفصام و الذي قد اكون اعاني منه حتي الان......مدير المدرسة شكل نواة الكراهية الاولي لدينا (فالمرء علي دين مديره). يجب علي ان اختار ام الجنة أو المريسة و لكن في النهاية اخترت الاثنين ... اشرب المريسة كوجبة متوسطة يعني بين الفطور و الغداء ... اصلي الظهر و ادعو الله حسب مخزوني اللغوي في ذاكم الحين ... ادعو الله ان يكفيني شر الاقرع الشجاع انا شارب الخمر و امي صانعتها و اكتفي بذاكم الشخصين ... لان حسب محدودية ذهني في ذاكم الزمن يجب ان لا ارهق الله بكثرة الدعوات.... استمريت في هذه الحالة لمدة من الزمن الا ان كانت قوانين الشريعة الاسلامية و هاك يا رجم. المريسة بتتعمل في القرية بشكل دائم و ليس الغرض منها التجارة او السكر و لكنها كمادة غذائية ... وفي بيوت بتعمل مريسة بغرض تجاري في القرية زي ما في ستات كتارفي السودان ببيعوا الكسرة و الشاي يعني الموضوع علي الاطلاق ما فيهو اي مشكلة الا مشكلة الاسلام الجديد دا ... و بعدين وقت كنا اطفال يعني في مريسة خاصة بتكون للاطفال بعدين ما النوع التقيل داك و ما بتتشرب يومي ... يعني الموضوع social .... المهم بجي بعد شوية و بحكي عن طريقة الصناعة لكن اقول ليكم حاجة....... طريقة الصناعة دي طويلة و ممكن تكون مملة للقاري لكن اي واحدة داير يعرف بس يرسل لي اميلو و انا بعمل ليهو اتاش لطريقة الصنع..... فتكم بعافية و بجي صادي اواصل لو طلع الموضوع سالك و ما بيتنافي مع القيم السودانية او يخدش الحياء السوداني !!!!!!!
Post: #2 Title: Re: ليس دفاعاً عن الخمر Author: HAIDER ALZAIN Date: 05-30-2009, 11:25 AM Parent: #1
Quote: فتكم بعافية و بجي صادي اواصل لو طلع الموضوع سالك و ما بيتنافي مع القيم السودانية او يخدش الحياء السوداني !!!!!!!
الحبيب حافظ حسن
تحياتي يا مُعلم ..
موضوعك في السلك وسالك .. و
ارجع سريع بس ما تقعد تعكلها لينا تراطيب في الحر دا
اصلي عارف ناس المرايس دا موسمهم مع السخانة ..
واصل وبنجيك لكلامك دا بعدين ..
وقبلها اظبط لينا وضع الولد الابوهو امام مسجد وامه بتسوي المريسة دا كيف ؟
تحياتي ومرحب بك
Post: #3 Title: Re: ليس دفاعاً عن الخمر Author: عبد المنعم سليمان Date: 05-30-2009, 11:37 AM Parent: #2
حافظ ازييييك يا حليل بوست خالد العبيد الشالوا انشاء الله ايدو تتشل بركة سيدي بكري ود ابوبكر راجل المنبر الذي اذا اراد ان يقول للبوست كن ياتيه البوست خاسئا وهو حسير فيكون ..
Quote: ليس دفاعا عن الخمر
انمـا دفاعا عن الحزب الشيوعي .. ههههههههههه
يا زول اقول ليك حاجه على بركة الله ..جررررز
Post: #5 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 11:56 AM Parent: #3
عبدالمنعم سجمنا و هنا كمان البوستات بشيلوهن ... اها نسألك بشيلوا سيدو و لا عندو مقص الشجر
انمـا دفاعا عن الحزب الشيوعي .. ههههههههههه
منعم ما ترمي فينا طرف الزمان نحنا ناس غلابة
Post: #4 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 11:43 AM Parent: #2
ود الزين ازيك
(وقبلها اظبط لينا وضع الولد الابوهو امام مسجد وامه بتسوي المريسة دا كيف )
اقول ليك قصة الولد الابوهو امام مسجد و امو بتسوي المريسة ... بالنسبة للابو و الامامة يعني انت عارف ابوي دا كان الوحيد المتاح بعد الامام القديم الله يرحمه... المهم عمودهو ليك امام و قبل موضوع الامامة دا هو بطل طشمه .... و جايك لقصة الام التسوي المريسة يا خي انت امل مش كان بتعوس ليكم الكسرة بس زي دا بالضبط دا كان حال الام التسوي المريسة.... بعدين المريسة نحنا كمثقفين شوية ما قعدين نبيعها لكن للاستهلاك المنزلي فقط ...بمشي و بجي
Post: #6 Title: Re: ليس دفاعاً عن الخمر Author: Abd-Elrhman sorkati Date: 05-30-2009, 12:02 PM Parent: #4
حافظ لك التحايا
بالمصادفة بقرأ في كتاب المرحوم الطيب محمد الطيب ( الانداية ) وهو دراسة جميلة ( أ‘يد نشرها مؤخرا عبر دار عزة )
يلا واصل ،،، معاك
Post: #7 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 12:24 PM Parent: #6
عبدالرحمن سوركتي سلامات و تب بمشي ليك دار عزة اشوف موضوع الانداية دا شنو
Post: #8 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 12:27 PM Parent: #7
الكشة اللئيمة
اليوم كان اثنين , سنة 1984, وقتها كنت في سنة رابعة ابتدائي و لسخرية القدر كانت هنالك تسميع لقصيده حتي الان لم انسها .... يعني حصة التسميع كانت اخر حصة بعدها مفروض نمشي البيت للفطور و سخرية القدر كانت القصيده دعوة صريحة للعلمانية في ظل قوانين الشريعة (سبتمبر),,,,, علي ما اعتقد ان ناس نميري الوقت داك لسا ما لحقوا ينقحوا المنهج عشان يتماشي مع توجه الدولة الاسلامي .... فالقصيده حتي الان اتذكر منها ابيات مثل: نبني بالإتلاف بلادنا الحبيبة لا نعرف الخلاف في الجنس و العقيده فالدين لله و المجد للوطن لحد هسي ما عارف اني كنت حافظ القصيده دي ليه.... احكي ليكم قصتنا مع قوانين الشريعة .... النميري فجأة صحا من النوم و قال لابد من شريعة تقطع يد السارق و تجلد شارب الخمر..... و الخمر حسب العرف المايوي هي خمر ما فرق لو كان مصنوعة في رورو او شيكاغو المهم خمر و يجلد شاربها 40 جلدة اذا ما عمل ازعاج عام و الا 80 جلدة.... بعد حصة التسميع مشينا البيت للفطور ... لكن عينك ما تشوف الا النور .... جردل مجدوع وين .... زير الموية مكسور و لموية مالية الراكوبة....حبوبة التي لم تعد تخرج من قطيتها لقيناها قاعدة في الشجرة برا و عيونا مليانة دموع .... كل الموجود في البيت الكلب و حبوبة لا احد غيرهم ... و قبل ان نستوعب دهشتنا .... دخلت خالتي حمره .... خالتي حمرة أمرأة ريفية لا تشبه سوي السرة بت عوض الكريم في احدي قصايد حميد .... دخلت تلكم الخاله و ابتدرت الحديث: حمره: ناس امكم ديل الليله ساقوهم ناس الكشة .... لكن هسي بفيكوهم بجوا... هنا انفجرت شقيقتي بالبكاء و اختي الكبيرة كانت في سنة سادسة و انا رابعة و يليني اخي الصغير في سنة اولي .... اختي كانت تبكي بينما نحن نبحث عن اجابات لسبب بكائها عند خالتي حمره.... اختي بصوتها المخنوق بالبكاء سألت خالتي حمرة عن سبب الكشة .... خالتي حمرة امي كشوها ليها؟ خالتي حمرة: و الله يا بتي قالوا عشان المريسة .... والله اخر الزمن و الما مات يا بتي بشوف اكثر من كدا.... قادتني خالتي حمره للفطور في بيتها ورجعنا الي المدرسة انا و شقيقي الصغير و كان علي اختي ان تتغيب عن حضور حصص ما بعد الفطور حتي تقوم بدور الام الذي هبط عليها من السماء.... الحال كلو من بعض يعني كان في كمية من اولاد المكشوشات و حتي الما كشوا امو تكون خالتو و الما خالتو علي اقل تقدير مرة الجيران .... بتواطوء غير معلن لم نخض في تفاصيل الكشة و لكن النار اندلعت قبلنا في المدرسة .... المدرسة كانت تخدم عدد من القري و نسمي تلكم القري قري العرب في حالة قل الود بيننا و ابناء تلكم القري عندما لم يكونوا علي ما يرام يطلقون علي قريتنا حلة العبود ... دا شكلوا اسم الدلع لعبيد .... لكن ما علينا رجعنا بعد الفطور و كان الهمس من الكل الا ابناء قريتنا .... بعد انتهاء اليوم الدراسي الكل متوقع ان هنالك حرابة في طريقها الي الانفجار و فجأة بدون سابق انذار او اتفاق اخذ عدد من ابناء القري الاخري بتعيرنا بالمريسة وبعدها تحول التعيير الي هتاف جماعي: 40 جلدة و ..... بالليل ,,,, النقاط دي ابذأ كلام ممكن الواحد يسمعوا و تسمعه انه سيحدث لامك ... المهم 40 جلدة معروفة و النقاط كانت تعني اغتصاب المكشوشات من قبل العساكر .... يا الله .... ما هي الا لحظات و استخدمت كل الاسلحة بدأ باقلام الرصاص المسنونة بعناية لذلك الغرض .... مرورأ بالطوب و انتهاء بالبراجل و البراجل دي كانت عند ناس سنة خامسة و سادسة بس لانهم عندهم علب هندسة... في النهاية تم تقييم الخسائر من الطرفين في تلكم الحرب و انتهي الامر بطابور عوقبت فيه كل المدرسة.... في ذاكم اليوم لم تأتي امي و لكن خالتي تزورنا في رأس كل ساعة الي ان اتي ابي من الخلا ... اختي الكبيرة خشت ليك في دور الام ... يعني زام ليك خشمها بحسم ... كنست الحوش, امرتنا بالاستحمام , و خلاص بعد دا ما في واحد يطلع لانو الوطا مغربت .... المهم اختي خشت الدور بطريقة صح.... بعد المغرب ذهب ابي الي اجتماع يضم كل رجال الحلة و علي ما اعتقد كان لمناقشة امر الكشه ... يوقفوها كيف ؟ كيف يحموا نسائهم؟ و لكن الاجتماع تمخض عن اشياء مصيرية بجيها راجع.... في تلكم الليله تبولت في السرير لاول مره من زمن زمين و بعد الظهر عادت امي و كل نساء القرية المكشوشات... عدنا حزينات منكسرات ....
Post: #9 Title: Re: ليس دفاعاً عن الخمر Author: Abd-Elrhman sorkati Date: 05-30-2009, 12:35 PM Parent: #8
حكي سلس وممتع
Post: #10 Title: Re: ليس دفاعاً عن الخمر Author: عبد المنعم سليمان Date: 05-30-2009, 12:42 PM Parent: #9
كتابة رائعة يا حافظ والله
Post: #11 Title: Re: ليس دفاعاً عن الخمر Author: HAIDER ALZAIN Date: 05-30-2009, 12:48 PM Parent: #4
Quote: بعدين المريسة نحنا كمثقفين شوية ما قعدين نبيعها لكن للاستهلاك المنزلي فقط ...بمشي و بجي
المعمولة للاستهلاك المحلي دي يا دوووب البتخلينا نصاحبك لانها بتطلع السوسيو يمشي فيها .. ودُقتها واجبة كاملة الاسباع ..
بالله ما تطول اسلوب جميل وكتابة ولا اروع
تحياتي لك
Post: #12 Title: Re: ليس دفاعاً عن الخمر Author: محمد الشيخ أرباب Date: 05-30-2009, 01:44 PM Parent: #11
قصة واقعية ايام نميري وقوانين سبتمبر
القاضي : هوي انت مالك
المتهم : والله كنا بنتغدو الجماعة ديل قبضونا جابونا هنا
القاضي : كنتوا بتتغدوا بشنو
المتهم : بنشربوا في البغو
لك التحية الاخ حافظ
Post: #13 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 02:26 PM Parent: #12
محمد الشيخ سلام و شكراً علي المرور و ايراد هذه القصة حيدر, منعم , سوركتي سلامات و شكراً علي التشجيع لكن اقول ليكم حاجة مواصل مواصل و الغريق جاي قدام
Post: #14 Title: Re: ليس دفاعاً عن الخمر Author: dardiri satti Date: 05-30-2009, 02:54 PM Parent: #13
ياخي إنت وناس
ودي الروعة هنا !! تحياتي
Post: #15 Title: Re: ليس دفاعاً عن الخمر Author: فيصل محمد خليل Date: 05-30-2009, 02:55 PM Parent: #13
Post: #16 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 03:24 PM Parent: #15
العزيز الدرديري ... شكراً ليك علي المرور لكن ما تراهن شديد علي قصة الروعة دي ... يا روعة لو عز اللقاء يجمعنا ما عارف مين ... و حالتا دي ما بدينا لسا منتظرين الخيمس بس شكلوا بعيد
فيصل كيفك ... عرفتك مرسل الاميل لشنو و تشكر و مرحب بيك 10 بلا كشرة و انا كمان بدل الاميل بس رسلت ليك التلفون كمان في رجالة عليك الله اكتر من كدا...
يلا نواصل في موضوعنا
قعدات التضامن امي كانت اكثر انكساراً من ان تجيب علي اي من اسئلتنا و استفساراتنا و لذا لذنا بالصمت احتراماً لحزنها ... لذنا بالصمت و لكن بمخليتنا نحن الثلاثة اختي الكبيرة, و انا و شقيقي الاصغر ... كل تدور بمخليته اسئلة علي شاكلة: هل تم جلد امي 40 جلدة؟ ماذا عن الاغتصاب؟ و يا تري ما هو شكل العسكري الذي قام بهذا الفعل الحماري؟ هل هو واحد ام مجموعة ؟ وما هو رد فعل امي؟ كل تلكم الاسئلة وجدت لها بعض الاجابات قي قعدات التضامن... مجموعة من نساء القرية من غير المكشوشات ياتين لحمدالله السلامة و هن محملات بسكر و بن و جردل بلاستيك معروف المحتوي و اكثر محملات شوقاً لرواية احداث الكشه و ماذا حدث هنالك ... في تلكم القعدات التضامنية وجدت ضالتي فانا متلصص جيد لاخبار الكبار.... سمعت قصة الكشة عشرات المرات و في كل مره تضاف عبارات جديدة او تحذف اخري ... احياناً يتغير ترتيب الاحداث و الاشخاص المهم رواية الكشة تروي بعشرة روايات و لكن كلها صحيحة.... و دوماً تبدأ ب (والله كنت قاعدة كويسة اها عندي حبة المريسة ديك قمت صفيتها .... كبت بلاستيك مودياهو لبت عبدالرحمن النفساء .... اها قبل ما نلبس توبي اشوف ليك امامة الظلم (امامة الظلم تطلق علي البوليس و دائما في حالة اللا امن لا تذكر الاشياء التي تهدد امن وسلامة البشر باسمائها .... فمثلاً عندما تحكي جدتي عن الثعبان تقول ليك (طرينا ما نادينا), و عند الحديث عن الجن يقول ليك باسم الله او دا زول عندو بسم الله يعني مجنون) .... في المخزون الشعبي كانت حبوبة في الليالي القمرية و اعتدال مزاجها تحكي لنا عن الجن, الغول و بعض الالغاز التي تطالبنا بحلها و اذكر من تلكم الفزورات (ديك شرارة في حلة فزارة القلوب خافنها و الكلاب نبحنها ..... و كانت تقصد البوليس او العسكري بشكل عام يعني العسكري دوماً هنالك مرتبط بالخوف) نواصل حكاية امي مع الكشة ..... اها اشوف ليك ناس امامة الظلم جارين علي البيت .... ثابتة ثابتة ما تتحركي ... قلبوا البيت دا قلب و في الاخر لقوا ليك المريسة في جردل البلاستيك المودايهو لبت عبدالرحمن النفساء .... جدعو ليك العدة و الزير شوف عيني واحد من امامة الظلم فتحوا و لقاها موية زرقاء ... اها قوم بقعر بندقيتك يا ود المره اكسر الزير..... النساء مندمجات اكثر ما يستوجب ... بعدين لو في واحدة فاتت حاجة امي ما عندها اي مشكلة ممكن ترجع و تعيد القصة تاني ما اصلها الفورا الف .... المهم ما كان في داعي للاندماج دا كلوا .... لكن ما علينا و تواصل امي في السرد: أول ما وصلنا ... جابوا دفتر كبير ... بسجل فيهو: اسمك اسم راجلك اسم شيخ الحلة و اسم الحلة زاتها... الصباح بدري جاء الشيخ و طلعونا كلنا قال ليهو ديل كلهم شيخاتك.... قال ليهو نعم ديل نسوانا المهم القالهو ما قالوا .... طلعونا لكن ما جلدونا لا اي حاجة .... ادونا كتب دين (مصحف) و قالوا لينا دي اول مره ... المره الجاية في جلد و غرامة .... كتاب الدين جبنا معانا و داكو جوا .... يا بت عليك الله جيب كتاب ناس امامة الظلم داك من جوا ... هكذا تنادي امي علي اختي حتي تأتي بالمصحف ليرينه تلكم النسوة.... لحد هسي انا ما عارف ممكن يشوفوا في المصحف دا شنو و مختلف عن باقي المصاحف التانية شنو ... لكن الذي اعرفه من هنا بدأ الدجل الاعظم... اجمل ما في قصة الكشة عندما ترويها امي حكاية بت ناميس ... بت ناميس امرأة ابسط ما يمكن بسيطة لدرجة السذاجة .... بت ناميس كانت تجادل العساكر طول مسافة السكة .... تجادل علي انها لم تفعل شيء قائلة ( والله انا ما سويت شيئ غير المريسة المره دي يا عيالي والله ما سويت حاجة).... ببساطة بت ناميس لم يدر بخلدها ان المريسة ممكن تكون جريمة يعاقب عليها القانون..... قعدات التضامن دي عملت rehabilitation لكل ناس البيت .... يعني خففت جزء كبير من الاسئلة الوجودية التي تعلقت بكشة امي. هدأت الاحوال بعد الكشة و تعهدات شيخ الحلة و لكن المريسة و العسلية لم تقفان فقط تغيرت اجراءات الامن و السلامة التي تختص بالصنع و التوزيع .... و انا في رأي فكرة بيت التصبينة دي ظهرت مع قوانين شريعة نميري .... اها كل الشباب بعرف بيت التصبينة و لا في حد داير شرح ؟
Post: #17 Title: Re: ليس دفاعاً عن الخمر Author: HAIDER ALZAIN Date: 05-30-2009, 03:33 PM Parent: #16
Quote: اها كل الشباب بعرف بيت التصبينة و لا في حد داير شرح ؟
أسال ناس الشهادة العربية يا عمك ...
Post: #18 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 06:40 PM Parent: #17
الله الكتابة دي مالها بقت كدا؟؟؟؟؟!!!!!!! .... ناس الشهادة العربية مين يا عمي ... والله كان معانا واحد شهادة عربية في الجامعة دا اول من دخل لينا فكرة القرنفل يعني تأكل ليك كم حبة بتاعت قرنفل كدا بعدين تتونس مع االجكس ذي الترتيب كل البلاحظو الجكس فيك انك بقيت لطيف و دمك خفيف خالص و احتمال برضو يلاحظو انو رأسك خفيف و الاخيرة دي بتعتمد علي دراية الجكس و درجة رأسك .... لكن با منقة حكاية تسأل ناس شهاددة عربية بقت ما جايبة حقها
Post: #19 Title: Re: ليس دفاعاً عن الخمر Author: حافظ حسن ابراهيم Date: 05-30-2009, 08:53 PM Parent: #18
احكي ليكم النكتةقبال النوم كدا والله هي ما نكتة قصة حقيقية ... في مرة من حلتنا مشت الحج ... الحج دا يا سوركتي بمشوا ليهو في مكة الجنب السعودية ... المهم خالتي عشة دي مشت الحاجة ووقت جات من هناك اسمها بقدر قادر كدا اتغير ليك اسمها بدل خالتي عشة لحاجة عشة ... جات ليك من الحج و بعد كحة الحجيج ديك انتهت و الزوار خفوا ... مشيت جابت ليها بلاستيك زي الما حاصلة حاجة... في بت من البنات القاريات في الحلة قامت قال ليها .... لكن يا حاجة عشة انتي ما حجيتي و المريسة دي حرام خالتي: اسمع يا منجوهة انتي بتعرفي شنو ... انا والله سألت في بيت الله ... و قال لي المريسة دي حلال الا العرقي حرام .... من يوم كدا السمع يكلم الما سمع ما في واحدة يجي يقول مريسة حرام.
Post: #20 Title: Re: ليس دفاعاً عن الخمر Author: الجيلى أحمد Date: 05-30-2009, 09:15 PM Parent: #19
تحايا ياحافظ,
واصل يازول ..
يامنعم ,
البوست بتاع خالد العبيد مشا وين..??
Post: #21 Title: Re: ليس دفاعاً عن الخمر Author: عبد المنعم سليمان Date: 05-30-2009, 09:46 PM Parent: #20
الجيلي انا سالت بكري نفس السؤال قال لي انتهت صلاحيته دا بوست ول لبن مراعي يا حيدر
غايتو ال عندو المنبر يحنن بوستاتو
Post: #22 Title: Re: ليس دفاعاً عن الخمر Author: عثمان محمد كرار Date: 05-30-2009, 09:47 PM Parent: #20
Post: #23 Title: Re: ليس دفاعاً عن الخمر Author: عبد المنعم سليمان Date: 05-30-2009, 10:06 PM Parent: #22
Quote: اها كل الشباب بعرف بيت التصبينة و لا في حد داير شرح
البعرفوا انا وحسب شاهد عدل انه تصبينة ناس السعودية في الكرنتينة
Post: #24 Title: Re: ليس دفاعاً عن الخمر Author: د.نجاة محمود Date: 05-31-2009, 02:44 AM Parent: #23
سلامات يا حافظ
دا واحد من اهم البوستات التي قرأتها في حياتي...
يناقش قضية كبيرة جدا وهي التعدد الثقافي واحترام الثقافات الاخرى وتصالح الثقافات الوافدة مع الثقافات المحلية...
وقضية المركز والهامش.. لناس السطح حيجو ينططو هنا ويعملوه مكاواة وتفريغ لمعني البوست الهام الجا في الوقت الراهن المحتاجين الناس يسمعو وجهة نطر الهامش.
ولناس الغور اتمنى يتناقش هذا البوست بجدية تامة
وللجندريات هذا بوست مهم جدا جدا.بيناقش موضوع الكشة ومشكلة القبض على النساء وجلدهن واغتصابهن..
Quote: بت ناميس امرأة ابسط ما يمكن بسيطة لدرجة السذاجة .... بت ناميس كانت تجادل العساكر طول مسافة السكة .... تجادل علي انها لم تفعل شيء قائلة ( والله انا ما سويت شيئ غير المريسة المره دي يا عيالي والله ما سويت حاجة)....
ودا جزء ما ساهل ابدا...
شكرا يا حافظ انك كتبت البوست الهام دا..
Post: #25 Title: Re: ليس دفاعاً عن الخمر Author: عبد المنعم سليمان Date: 05-31-2009, 02:54 AM Parent: #24
Quote: لناس السطح حيجو ينططو هنا ويعملوه مكاواة وتفريغ لمعني البوست الهام الجا في الوقت الراهن المحتاجين الناس يسمعو وجهة نطر الهامش.
ولناس الغور اتمنى يتناقش هذا البوست بجدية تامة
نقول شنو .. غايتو بس الحمد لله اللهم طولك يا روح
__
واصل يا حافظ
Post: #26 Title: Re: ليس دفاعاً عن الخمر Author: سيف النصر محي الدين محمد أحمد Date: 05-31-2009, 04:19 AM Parent: #25
Quote: انا سالت بكري نفس السؤال قال لي انتهت صلاحيته
البوست ده طبعا صلاحيتو بتكون طويلة . نظام تعتيق و كده.
Post: #27 Title: Re: ليس دفاعاً عن الخمر Author: بدر الدين اسحاق احمد Date: 05-31-2009, 05:52 AM Parent: #26
لاول مرة اعرف ان بكرى بيجاوب ليهو سؤال
Quote: انا سالت بكري نفس السؤال قال لي انتهت صلاحيته
......
شــاهد عيان فى زيارة لولاية من الولايات السودانية :
اجتمعت لجنة امن الولاية وخرجت بالقرارات التاليـة:
بعد التفشـــــى الشديد لشرب الخمور فى عاصمة الولاية نصدر القرار التالى ..
اسم القرار : تنظيم صناعة الخمور وتنظيم شربها ..
بدء العمل به : اعتبارا من تاريخـــه ( خريف 2001م )..
ملخص القرار :
يمنع صناعة الخمر لاى شخص الا بعد استخراج رخصة من المحلية ((فى ذلك الوقت ))..
وضع علــم ( احمر ) فى اعلى المنزل الذى يصنع فيه ( العرقـــى ) ..
وضع علم ( ابيض ) فى اعلى البيت الذى تصنع فيه المريســة البيضاء ..( في مريسة ما بيضاء ).
يباع العرقى بعد الساعة (2) ظهرا ..
تباع المريســـة بعد الساعة ( 11) ظهرا ..
يمنع دخول موظفى الحكومة الا بعد الساعة (2) ظهرا ..
يمنع دخول افراد القوات النظامية (بزيهم الرسمـــى ) ..
على الشرطة تطبيق القرار ..
...........
الـــعرف والقانون وعلاقتهم بالديـــن
مكونات الثقافــة المجتمعية
الانماط الغذائية لاهــل بــلادنــا
تطبيق القانون وانفاذه
صناعة الخمور ( وسائل كسب العيش ..
لماذا لا يصــنع الرجــل الخمــر فى المجتمعات التى تشربهــا ؟
....
شكرا الاستاذ على موضوع الخمـــر بمســــارات جديــدة ..
Post: #28 Title: Re: ليس دفاعاً عن الخمر Author: د.نجاة محمود Date: 05-31-2009, 06:28 AM Parent: #27
Quote: لماذا لا يصــنع الرجــل الخمــر فى المجتمعات التى تشربهــا ؟
سلام ياالبدري انت هنااتعاملت بالفهم المركزي للخمر..
ممكن في عطبرة نقول ليه الرجال ما بعملو الفول البياكلو
ولا ليه في مورة الرجال ما بعوسوالقراصة البياكلوها
اذا كنت المريسة كما قال حافظ انها بالنسبة ليه وجبة.. يبقى اصلا الاطعام هو شغل الام..
مع التحية ليك
Post: #29 Title: Re: ليس دفاعاً عن الخمر Author: HAIDER ALZAIN Date: 05-31-2009, 06:36 AM Parent: #28
اعمل حسابك يا حافظ دكتورة نجاة عاوزة تقعد على اليسار وتنصّب نفسها كنج القعدة وتصنف المجال سطح ( يعني راسه خفيف ) وغور ( ودا حوض رملة ) .. وبعد داك تطول وتقصر في الكاسات زي ما عاوزة للجالسين ..!! وحسب جلسات سابقة انا عارف ومتابع حاتطول كاس منو تخليهو يلُط بدري ويكسر الكبابي وتقصر لمين عشان بعدين يدرجها وهي طالعها البيت .. فدحين نعرف من هسع المريسة دي استهلاك محلي والا تجاري عشان ما نُخت بنبرنا دا ساكت .. !!
و
تحيات صباحية على انغام ام فتفت وكدة :)
Post: #30 Title: Re: ليس دفاعاً عن الخمر Author: خالد عويس Date: 05-31-2009, 07:53 AM Parent: #29
حافظ كتابة عميقة "تهبش" أمور كثيرة في غاية الأهمية على المستوى الاجتماعي، وتشرح وتحلل أشياء كثيرة بأسلوب سلس وبـ"قلب إنساني" جميل وكبير. واصل بالله
Post: #31 Title: Re: ليس دفاعاً عن الخمر Author: Zomrawi Alweli Date: 05-31-2009, 08:47 AM Parent: #30
اخي حافظ شكرا على هذه السياحة الفكرية
Quote: ما بتتشرب يومي ... يعني الموضوع social .... المهم بجي بعد شوية و بحكي عن طريقة الصناعة لكن اقول ليكم حاجة....... طريقة الصناعة دي طويلة و ممكن تكون مملة للقاري لكن اي واحدة داير يعرف بس يرسل لي اميلو و انا بعمل ليهو اتاش لطريقة الصنع.....
المريسة في عرفنا نحن ابناء الشمالية غير موجودة الا ان من تعاطاها من اهلنا إما كانوا في الجيش او البوليس او حتى معلمين في جنوب وغرب السودان اما نحن فلم نعرف المريسة الا في الخرطوم وقد شربت المريسة لذات الفهم الذي يقول ان المريسة غذاء متكامل من دسميات وزيوت نباتية الى اخره.. ولكن عند متابعتي لسردك وجدت ان هنالك تطابق بين صناعة المريسة وشربها لديكم وبين صناعة الدكاي عندنا في الشمالية ويالذات في منطقة المحس والسكوت حيث يتم نقع التمر في قواسيب خاصة (ازيار) وتترك لفترة اسبوع حتى تصل لدرجة معينة من التخمر ومن ثم يشرب كحالة اجتماعية ولم يسجل اي تاريخ في المنطقة النوبية ان تم بيع الدكاي..
كان لوقت قريب (نهاية السبعينات) ان يقوم اهل العريس بتوفير كمية من التمر لعمل الدكاي للضيوف الذين يتم دعوتهم وقد يتم تقييم عظمة العرس بعظمة نوع الدكاي اذا كان مسكرا فيقال ((انه ان دكاي عرس فلان كان اجود نوع)) وكان مثالا للتفاخر.. اما جلسات الدكاي فكان يقتصر على الرجال ويدخل ضمن الاجتماعيات.. وكانت جداتنا يقمن بصناعة الدكاي لازواجهن كنوع من الخدمة الواجبة ويتفخر الرجال بازواجهم اللائي يجدن فن صناعة الدكاي.
شكرا لنا عودة
Post: #32 Title: Re: ليس دفاعاً عن الخمر Author: محمد الأمين موسى Date: 05-31-2009, 09:00 AM Parent: #31
أخي الفاضل حافظ... هل سمعت بشخص بيقول ليك: الحمد لله ما بحلل صيامي إلا بكاس بغو!
لقد سمعت من أحد المعارف أغرب تبرير لشرب الخمر: قيل له لما لا تترك شرب العرقي؟ قال: وفاء للعرقي! كيف ذلك؟ قال: كنت في رحلة إلى إحدى مدن الجنوب. وصل بنا اللوري ليلا... والدنيا برد... ولا أحمل معي أي غطاء.. فما وجدت إلا نصية عرقي أتدثر بها... والحمد لله نمت دون أن أشعر بالبرد! ومنذ ذلك اليوم أنا أحفظ هذا الجميل للعرقي وليس من المروءة أن أتخلى عنه بعد أن وقف معي هذه الوقفة النبيلة!
Post: #33 Title: Re: ليس دفاعاً عن الخمر Author: على محمد على بشير Date: 05-31-2009, 09:35 AM Parent: #32
انا اصلا بحب الكلام عن التراث وتعدد الثقافات السودانيه وكل الحاجات الشعبيه اها دا بنبرى ودى قعده ..
يلا واصل يا رائع ياحافظ انتا ..
Post: #34 Title: Re: ليس دفاعاً عن الخمر Author: حافظ حسن ابراهيم Date: 05-31-2009, 09:39 AM Parent: #32
شباب صباحاتكم عسلية .... انتو عارف انا عندي مشكلة في الاقتباس اي حاجة اقتبسها القاها طلعت كلامخارم بارم ... شكلوا البوست دا وقف شيوعي عذراً قصد قرد ..... عشان كدا بطلت اقتباس
الجيلي ..... سلامات و شكراً علي المرور بوست خالد العبيد تكون الطارة كبست و شالتو ... يا د. بيان الطارة دي مصطلح للكشة و بعدين في اغنية سباتا بتقول (الطارة كبست الطرحة وين)
منعم: يا خي انت فرده صاقعة و بالجد انا عازمك عسلية في البلد لكن بعد ما احنك لي الحاجة لانو الفترة الفاتت خشيت ليهو في دور كدا و السنة قالت ماشة الحج .... المهم لكن بتحنكك لانو الامهات ديل دايماً قلبن رهيف...
عثمان كرار ... رسلت الاميل بتاعك داير تحجز و لا شنو .... بس معليش يا حبة نحن الخدمة دي ما عندنا يعني ما عندنا Delivery بس بعمل ليك اتاش جردل بلاستيك كدا وما بينا قروش......
د. نجاة حبابك و حباب البوست الجابك .... لكن يا دكتورة مالك دايره تعمل لي مشاكل مركز و هامش و بكره كمان تجيب ليها التوزيع الغير عادل للسطلة و الثروة ... و غياب الديمقراطية في انتخاب ائمة المساجد .... دا شعر نحنا ما عندنا ليهو رقبة .... و تاني شكراً يا دكتورة علي المرور و المهم دعوتي ليكي قايمة اول ما تجي من بلاد برا سالمة و غانمة كدا يا رب تخلينا نعرف و ليكي علي عاملين ليك سلام ... سلام بكل مكوناته .... عسلية و مريسة و العصر نقارة في السماء .... و سلام دا مصطلح محلي جدا لكن بشرحوا لقدام
سيف النصر: يا حنين سلامات وهذا نحنا في مرحلة التخمير لكن التعتيق جاي لقدام
بدر الدين: ازيك و شكراً علي القصة دي
حيدر الزين: وينك شايفك متابعك .... دكتورة نجاة مرحب بيها و بعدين نحنا ناس احواض رملة .... و بعدين الدكتورة دا نديها مهام المزة و كدا
خالد عويس: ازيك يا نجم كيفك و شكراً علي المرور و انشاء الله اواصل .... خالد عويس انا عاصرتك في الجامعة بس انت كنت زووووووول كبير نحن شفع فاتحين خشومنا شايفنك تنضم و تنضم لمين خليتنا نصوت للتجمع .... مرحب يا خالد
زمراوي ازيك : يعني الشباب في الهوا سوا يعني انت عندكم الدكاي و نحنا عندنا المريسة .... واحدة بواحدة و ما في حد احسن من حد .... تشكر يا زمراوي و معزوم معانا
محمد الامين: سلامات يا خي و دا تبرير جميل للشراب
المهم جاي مواصل
Post: #35 Title: Re: ليس دفاعاً عن الخمر Author: حافظ حسن ابراهيم Date: 05-31-2009, 09:45 AM Parent: #34
الانتفاضة و الخمر الحياة في القرية إستانفت المسير و لكن بحذر عالي وسط اجراءات الامن و السلامة الجديدة ... لم تتوقف صناعة كافة الخمور كما ذكرت لكن قللت الكمية و اختلفت وسائل التوزيع و التخزين ... استمرت هذه الحالة الي ان جاءت الانتفاضة و تنفس الناس بعض الشئ و لكن للامانة الانتفاضة يمكن ان تكون اتت بما هو اسوأ من مايو ... فهنا كانت الجبهة الاسلامية ... هنا الارهاب الفكري ... هنا الكل يدافع عن ذاته ضد جرائم اخلاقية مفتعلة من قبل هذه الجبهة ... تراجعت مساحة الحريات الفردية أكثر من السابق , تراجع الانسان كقيمة وسط زعيق الجبهة و تبعها اليسار المائل بشكل تبريري ... بمناسبة الجبهة الاسلامية و الانتخابات في طرفة ليس لها علاقة هنا بالمريسة لا العسلية... بعد نميري اختفd بواسطة الانتفاضة ... صدحت البنات في السباتة باغنيات مثل (طلعنا فوق الجبل و سكرنا اخر سكر ... و سكرنا اخر سكر يا نميري حكم فشل)... ايضاً هنالك هتافات او اقوال لكن ما داير اقول مأثورة عشان نحنا ما دايرين مشاكل اقول كنا بنرددها مثل (الشريعة تدق و نحن نبق) (ما في شريعة بدون زريعة) المهم نرجع لقصة الانتخابات و الجبهة الاسلامية ... ما اظن اكون براي في الدنيا دي لكن علي ما اعتقد معظم العقوبات التي نلتها في حياتي كانت بسبب معاكستي للكبار و كل تلكم العقوبات كانت بدنية ... الله !!!دا مش العنف ضد الاطفال ؟ مره قاعد في امان الله و حفظه جاني ليك ابوي الما يغباني ...قال لي شوف الليله في عربات بجن بمكروفونات تشتروهم؟ الله!! ابوي دا جن و لا شنو؟ امس انا ما اتجلدت لاني شترت عربي راكب جمل؟ المهم خليت ليك موضوع الجن دا لحد ما انتهي من المهمة الابوية دي ...يا سلااااااااااام ابوك يقول ليك شترت دا خبر بمليون جنية لكن بالقديم ....حاولت ان احدث تغيير نوعي في ادوات الحصب فبدل الطوب و الحجارة التقليدية فكرت في وسيلتين الاولي كانت القزاز و الثانية البيض الفاسد..و بتلصص سرقت 3 كبابي من دولاب امي و انا علي يقين حتي كتابة هذه السطور هي ما عارفة وين الكبابي دا فاتت... لانو ممكن تتساهل في كل شي الا العدة و كمان عدة الصيني و كباب الموية و الله دي فيها قطع من خلاف.... سرقت الكبابي التلاتة و كسرتها .... وضعت كل الزخيرة في القنانة و بدأت رحلة البحث عن البيض الفاسد .... لحظات و صوت الميكرفون يشق السماء ... والله كانوا بقولوا شنو ما في واحد من الاطفال الجنود كان عارف ... بعدين ما قلت ليكم لقيت لك كل اولاد الحلة في سني معباؤون من قبل ابائهم .... المهم شعرت بنوع من الارتياح باعتبار ان جن الاباء هذا جماعي و لا يخص ابي وحده ... جات العربات مليانة بنات مربطات من الرأس حتي اخمص القدمين و يزعقن بعبارات لم تكن مفهومة لدينا ... و بدأت الحرب و ما هي الا دقائق و العربات بما تحمل خارج القرية.... القيمthe game كان جميل جداً و في الصبح استعد كل الاطفال لحصب اي عربة بميكرفون باعتبار ان الكود هو المايكروفون .... عملنا خطة عسكرية سريعة .... المجموعة تقسمت الي 3 اقسام .... مجموعة اولي تكون عند مدخل القرية و هذه مهمتها حصب عربة المؤخرة ... المجموعm الثانية و كنت واحد من تلكم المجموعة و هي في وسط القرية باعتبار ان العربة اسرع من الطفل و لذا علي مجموعة الوسط ان تحصب العربات التي فلتت من المجموعة الاولي اما المجموعة الاخيرة فكانت مهمتها ملاحقة العربات و هي خارجة .... خطة محكمة صح؟ المره دي كانت لواري لكن الميكرفون موجود ....كنا في مجموعة الوسط متحفزين لوصول تلكم العربات و فجأة دوي زغاريد طغي علي هتاف الميكرفونات ... التفت الي الوراء و اذا بأمي و خالتي حمره يزغردن بكل ما اوتين من قوه .... زول من الحلة لابس ليهو جلابية مرقعة .... المهم المنظر كان غير مطمئن علي الاطلاق و لكن المجموعة الاولي بدأت الحصب .... دقايق و عينك ما تشوف الا النور .... يعني اي زول من الحلة بلقاك بجلدك ..... الحلة طلعت انصار و دي قصة تانية.... تساؤولات لازمتنا لفترة ليست بالقصيرة مثل: لماذا اذن لنا ان نحصب عربات امس و اليوم لا ؟ ما الفرق بين عربات الامس و اليوم فكلها تزعق بميكرفونات؟ المهم اسئلة كتيرة .... لكن السؤال ال حتي الان لم اصل فيهو لنتيجة قاطعة ... هل الاهالي كانوا يدرون ان الجبهة هي أس البلاوي؟ و هل يدرون ان الشريعة التي نكلت بهم هي من بنات افكار الجبهة؟ اما ان القرية قرية انصار و يمنع الاقتراب و التصوير من قبل الاخرين؟
Post: #36 Title: Re: ليس دفاعاً عن الخمر Author: على محمد على بشير Date: 05-31-2009, 09:49 AM Parent: #35
Quote: انا عندي مشكلة في الاقتباس اي حاجة اقتبسها القاها طلعت كلامخارم بارم
يا حافظ
ظلل الكلام العاوز تقتبسو اول شئ وبعدين لمن تضغط على ايقونة اقتباس وتفتح معاك اضغط اعادة تعيين وبعد ما يتمسح الكلام الخارم بارم اضغط بالماوس فى نفص النافزه واعمل لصق واعمل ارسال للرد ويطلع كوتك زى الورد
Post: #37 Title: Re: ليس دفاعاً عن الخمر Author: حافظ حسن ابراهيم Date: 05-31-2009, 10:24 AM Parent: #36
[
Quote: ظلل الكلام العاوز تقتبسو اول شئ
يا سلام يا علي و شكراً علي الاستشارية المجانية ... و ليك عندي كاس ... لكن واحد بس لاني ما عارف رأسك كيف؟
Post: #38 Title: Re: ليس دفاعاً عن الخمر Author: Salah Abdulla Date: 05-31-2009, 10:55 AM Parent: #37
سلام يا حافظ
بالله ما تقيف ، خليك مُدوّر كده طوالي ..
Quote: كدا انقر انا مرسل ليك ايميلي ليه
فيصل محمد خليل ،،، يا خلبوص ، نويت تعمل ليك ( طرمبة ) .. بيكشوك ، أعمل حسابك ... هههههههه الله يدينا خيرك ، إنت ومنعم..
Post: #39 Title: Re: ليس دفاعاً عن الخمر Author: د.نجاة محمود Date: 05-31-2009, 11:14 AM Parent: #38
Quote: تبعها اليسار المائل بشكل تبريري
لووووووووول يا حافظ ريحتني من امبارح بقنع في صاحبي شيوعي (كويس)
انك قوات "صديغة"...
بالله كمل انت قايل ماركيز دا بقى ماركيز ليه ما عشان حكاي..
دعوتك مقبولة يا حافظ ليك علي اصل كدا اجيكم..بس عاد ما تشتروني..
__________
يشتر لناس الشهادة عربية معناها يفلع.
Post: #64 Title: Re: ليس دفاعاً عن الخمر Author: محمد الأمين موسى Date: 06-01-2009, 07:29 PM Parent: #39
Quote: يشتر لناس الشهادة عربية معناها يفلع.
وللغرابة معناها: يِطَقِّع.
Post: #77 Title: Re: ليس دفاعاً عن الخمر Author: abdalla osman Date: 06-03-2009, 09:36 PM Parent: #36
Quote: هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
بتجيبك راجع يا حبيب
Post: #40 Title: Re: ليس دفاعاً عن الخمر Author: على تاج الدين على Date: 05-31-2009, 12:49 PM Parent: #32
Quote: أخي الفاضل حافظ... هل سمعت بشخص بيقول ليك: الحمد لله ما بحلل صيامي إلا بكاس بغو!
لقد سمعت من أحد المعارف أغرب تبرير لشرب الخمر: قيل له لما لا تترك شرب العرقي؟ قال: وفاء للعرقي! كيف ذلك؟ قال: كنت في رحلة إلى إحدى مدن الجنوب. وصل بنا اللوري ليلا... والدنيا برد... ولا أحمل معي أي غطاء.. فما وجدت إلا نصية عرقي أتدثر بها... والحمد لله نمت دون أن أشعر بالبرد! ومنذ ذلك اليوم أنا أحفظ هذا الجميل للعرقي وليس من المروءة أن أتخلى عنه بعد أن وقف معي هذه الوقفة النبيلة!
وا سى /محمد...لاباس عليك؟؟ كل شى لا باس؟؟ واش هادى البسالة؟؟وا بغيت كل شى يدير الطاصة؟؟ وانشط مع راستو؟ ...ويلى ياصاحبى ..هديل الدرارى السودانيين كى احمقو على الطاصة والنشاط والزبل ...سيروا ......
Post: #41 Title: Re: ليس دفاعاً عن الخمر Author: حافظ حسن ابراهيم Date: 05-31-2009, 01:03 PM Parent: #40
Quote: وا سى /محمد...لاباس عليك؟؟ كل شى لا باس؟؟ واش هادى البسالة؟؟وا بغيت كل شى يدير الطاصة؟؟ وانشط مع راستو؟ ...ويلى ياصاحبى ..هديل الدرارى السودانيين كى احمقو على الطاصة والنشاط والزبل ...سيروا ......
والله يا علي تاج الدين ما فاهم اي حاجة لكن للضمان سلامات و انشاء الله كويس
Post: #42 Title: Re: ليس دفاعاً عن الخمر Author: حافظ حسن ابراهيم Date: 05-31-2009, 01:38 PM Parent: #41
ما اسهل ان تكون ارهابياً لا صوت يعلو فوق صوت الضلال .... جمعية القرأن الكريم ..... استاذ اللغة العربية .... مدير المدرسة كل هؤلاء تأمروا علي اطفال يعتبون علي سلالام المراهقة بخوف ... و رغم الديمقراطية , هامش الحريات, و الجمعية التأسيسية لحليفة الطلاق ... لا صوت اخر سوي صوت الضلال .... المرحلة كانت المتوسطة ... الاصوات بدأت تخشوشن ... برزت العضلات و اشياء اخري كثيرة بعنفوان ... الكل لم يعد بريئاً بعد ملامسته ثدي بنت الجيران عن قصد او صدفة,,,, في تلكم المرحلة الدقيقة من العمر تم تزويدنا بقائمة من المحرمات تبدأ بأم الكبائر و بها تنتهي ... و تمر بالنظر للمرأة .... جسد المرأة يجب ان يغطي لا يظهر منه سوي الوجه و اليدين ... المرأة اس المشاكل.... و الخمر أم الكبائر ....علمونا الحذر من الحياة ... الخوف من ظلامات القبر وعذابه,,,, الاقرع الشجاع و دابة الارض, درب الصراط ووداي الاعرف ... و القائمة تطول و تطول من المحرمات....في تلكم الفترة كانت الساحة فقط وفقط اذا كان ضلال و الباقي كمبارس ... اليسار في حالة تبرير لسلوك قديم متجدد الاتهام و بوست خالد العبيد المسحوب نموزج..... الاحزاب الكبيرة انتهت مهتمها عند دخولها البرلمان.... هذا الزخم زودنا بكم من الكراهية يكفي لتدمير جبل احد ...اول الكراهية تبدأ بذاتك ... تمر باسرتك الصغيرة ....ثم القرية و بعدها المجتمع ككل. نتيجة لهذا الزخم قررنا ان نحارب الرزيلة في قريتنا.... يا الله يا الهي .... بمن أبدأ؟ بامي لانها تصنع مريسة كجزء من الوجبة؟ امي التي ترقص في حفلات الزار؟ امي لابسة التنانير القصيرة؟؟؟ ام أبدا باختي التي قد تكون علي علاقة بود الجيران؟ اختي التي اصبحت لا ترتدي التوب السوداني في الحفلات... بعدين التوب السوداني دا مجازي هنا اتراجع قليلاً و افكر مقطباً جبيني حتي يجود عقلي بنقطة البداية ... و بعدها تتراكم الاسئلة التي ليست للاجابة ... و اتساءل و اعيد التساؤل حتماً سأبدا بابي لانه رجل ديوس لم يستطع ان يمنع امي من صناعة المريسة و الرقص في حفلات الزار او ارتداء ثياب محتشمة ؟؟؟؟؟؟ اما ابدأ باخوتي الكبار .... حيث انهم لماذا صامتون علي هذا امنكر؟؟؟ و لكن في الختام لابد ان تكون هنالك بداية....لي اصدقاء اثنين بنفس الفكرة و الحماس و يعيشون نفس الوضع ... تشاورنا في الموضوع كثيراً و في النهاية خرجنا بفكرة قومية ... المهم طلعنا ان حكايات انصار السنة قصة تبدأ بالفرد المسلم, الاسره المسلمة و بعدين المجتمع المسلم .... دي قصة بيض جدا و مفروض نبدأ من فوق طوالي و نبدأ بامسك لي و اقطع ليك .... اتنفقنا ان نقاتل الرجال الذين يأتون القرية بعد غياب الشمس بغرض السكر و نحن نعي جيداً ان السكر ام الكبائر ... فالبداية كأس و البقية تأتي..... الفكرة راقت لجزء كبير من شباب القرية .... فهي فكرة غير مكلفة كثيراً يعني ما بتكلف الانسان حد عزيز عليه وحتماً ستخلق نوع من التناغم الداخلي حد زعمنا ...... المهم بقينا ليك قطاع طرق ما داسنها لا ناكرانها بس كويس وقت داك الشريعة مجمدة و الا كان قطعونا من خلاف.... أدوات النهب كانت سلاح ابيض و كنت املك خنجراً (فاجمل الناجين من الموت صار يعبد خنجراً) ... لكن والله و لا يوم ما طعنا حد بس بندقوا فتاشا بنشيل الفيها النصيب و نخليهو يتخارج .... بعدين نجي فرحانين نصلي العشاء و ننوم لحد بكره.... هذا الوضع استمر زي اسبوعين و ردود الافعال كانت تتراوح من خفيفة الي عنيفة جداً ... فكانت خفيفة عند الرجال حيث لم يقلقوا كثيراً علي هذا الوضع ... اما عند النساء فكانت عنيفة جداً لان هذا ارتبط بشكل مباشر بسوق العمل ..... واصلنا في الموضوع دا لمدة اسبوعين لحد ما قابلنا ليك واحد ادروب ... هو ادروب مسكين جداً .... طالع من الحلة زي الساعة 9 مساء كدا .... اقيف يا ادروب .... ماشي وين ؟ ادروب ردد بكل غتاتة قائلاً: ماشي في الشارع نحن: يا .... الشارع دا حق امك؟ قبل ان تنتهي عبارة امك ... بخفة النمر ناول ليك صاحبنا التالت دا بسطونة في الرأس ... الزول جاء ليك ارضاً.... و نحنا فتح من ديك بطلنا حركات نهب .... لكن والله حتي الان انا احمد الله لكن في الفترة ديك لو لاقني اي بن لادن ... يا خي بن لادن مين الكبير .... اي زول عمل ليهو لحية قعر بصل كدا .... يعني ببساطة كان ممكن يقنعني افجر نفسي .... يعني الواحد كان المواعيد دي في الجنة يقزقز ليك ساي بالسبعين ديل و ما مشكلة اول ما اجي خاشي كدا اقرأ ليها نشيد الحكومة في بداية الانقاذ داك حوريتي لا تحزني .... انا اخ لبلال انا من السودان .... يا شباب معليش علي القصة البايخة دي و عارف في شباب الوقت دا الكاروشة جاتهم لكن برجع ليكم لموضوع مناسبات اجتماعية لا تصلح دون خمر.....
Post: #43 Title: Re: ليس دفاعاً عن الخمر Author: على تاج الدين على Date: 05-31-2009, 01:44 PM Parent: #41
Quote: والله يا علي تاج الدين ما فاهم اي حاجة لكن للضمان سلامات و انشاء الله كويس
تحياتى يا حافظ ....دى لهجة مغربية بشاغل بيها اخونا محمد الامين...وهى ذات صلة بموضوع البوست تسلم ياسيدى
Post: #44 Title: Re: ليس دفاعاً عن الخمر Author: على محمد على بشير Date: 05-31-2009, 03:06 PM Parent: #43
Quote: واصلنا في الموضوع دا لمدة اسبوعين لحد ما قابلنا ليك واحد ادروب ... هو ادروب مسكين جداً .... طالع من الحلة زي الساعة 9 مساء كدا .... اقيف يا ادروب .... ماشي وين ؟ ادروب ردد بكل غتاتة قائلاً: ماشي في الشارع نحن: يا .... الشارع دا حق امك؟ قبل ان تنتهي عبارة امك ... بخفة النمر ناول ليك صاحبنا التالت دا بسطونة في الرأس ... الزول جاء ليك ارضاً.... و نحنا فتح من ديك بطلنا حركات نهب .... لكن والله حتي الان انا احمد الله لكن في الفترة ديك لو لاقني اي بن لادن ... يا خي بن لادن مين الكبير .... اي زول عمل ليهو لحية قعر بصل كدا .... يعني ببساطة كان ممكن يقنعني افجر نفسي .... يعني الواحد كان المواعيد دي في الجنة يقزقز ليك ساي بالسبعين ديل و ما مشكلة اول ما اجي خاشي كدا اقرأ ليها نشيد الحكومة في بداية الانقاذ داك حوريتي لا تحزني .... انا اخ لبلال انا من السودان ....
كاااااااااااااااااااااااااااااااااااك
ياخ الله يجازى محنك
Post: #45 Title: Re: ليس دفاعاً عن الخمر Author: عمر عبد الله فضل المولى Date: 05-31-2009, 05:25 PM Parent: #19
Quote: احكي ليكم النكتةقبال النوم كدا والله هي ما نكتة قصة حقيقية ... في مرة من حلتنا مشت الحج ... الحج دا يا سوركتي بمشوا ليهو في مكة الجنب السعودية ... المهم خالتي عشة دي مشت الحاجة ووقت جات من هناك اسمها بقدر قادر كدا اتغير ليك اسمها بدل خالتي عشة لحاجة عشة ... جات ليك من الحج و بعد كحة الحجيج ديك انتهت و الزوار خفوا ... مشيت جابت ليها بلاستيك زي الما حاصلة حاجة... في بت من البنات القاريات في الحلة قامت قال ليها .... لكن يا حاجة عشة انتي ما حجيتي و المريسة دي حرام خالتي: اسمع يا منجوهة انتي بتعرفي شنو ... انا والله سألت في بيت الله ... و قال لي المريسة دي حلال الا العرقي حرام .... من يوم كدا السمع يكلم الما سمع ما في واحدة يجي يقول مريسة حرام.
اضحك الله سنك فقد اضحكتني من جوة الجوة .
شكرا لهذا الحكي الرائع والسلس . وحقا هذا وصف لواقع سابق يحتاج الى دراسة ففيه كثير من العبر .
Post: #46 Title: Re: ليس دفاعاً عن الخمر Author: أسامه الكرور Date: 05-31-2009, 06:05 PM Parent: #45
تسلم ياحافظ والله مستمتع جداً بهذا البوست وتمنيت لو كنت قريباً منى لأستمتع أكثر واصل ياجميل
Post: #47 Title: Re: ليس دفاعاً عن الخمر Author: محمد الأمين موسى Date: 05-31-2009, 10:47 PM Parent: #46
Quote: وا سى /محمد...لاباس عليك؟؟ كل شى لا باس؟؟ واش هادى البسالة؟؟وا بغيت كل شى يدير الطاصة؟؟ وانشط مع راستو؟ ...ويلى ياصاحبى ..هديل الدرارى السودانيين كى احمقو على الطاصة والنشاط والزبل ...سيروا ......
آ سي علي آلخوادري... واش بغيتني نعاود لهم السيرة ديال الماحية والقرقوبي؟! ها ودني منك!
Post: #48 Title: Re: ليس دفاعاً عن الخمر Author: حسين نوباتيا Date: 06-01-2009, 04:51 AM Parent: #47
والله يا حافظ اخوي المريسة البتجيب الفهم دا..
Quote: و لكن للامانة الانتفاضة يمكن ان تكون اتت بما هو اسوأ من مايو ... فهنا كانت الجبهة الاسلامية ... هنا الارهاب الفكري ... هنا الكل يدافع عن ذاته ضد جرائم اخلاقية مفتعلة من قبل هذه الجبهة ..
حقو يوزعوها بمواسير الهيئة القومية للمياه..
Post: #49 Title: Re: ليس دفاعاً عن الخمر Author: HAIDER ALZAIN Date: 06-01-2009, 07:19 AM Parent: #48
عزيزنا حافظ ..
شنو الغيبة .. ما تكون جاتكم كشة وبيت التصبينة اتنقش ...
Post: #50 Title: Re: ليس دفاعاً عن الخمر Author: حافظ حسن ابراهيم Date: 06-01-2009, 07:42 AM Parent: #49
شباب صباحاتكم بقنية علي محمد بشير شكراً علي المرور و جايك صادي عمر عبدالله : انشاء الله ديمة ضاحك يا رب ... و شكراً علي التشجيع اسامة الكرور ... يا اسامة عليك الله دا اسم اب ليك؟ و يا حبة ما تشيل هم انت دايما قريب و في القلب كمان ... بعدين شكراً للانترنت يا حنين محمد الامين : والله لغتكم سمحة انت و صحبك بس ما عارفين قعدين تشتمونا و لا لا لكن للضمان مرحب بيكم و اقعدوا عافية. نوباتيا سلامات و صباحاتك منقة حيدر يا دفعة .... انت لحد هسي من زمن الكشة انت ناسي نيفاشا و لا شنو
نواصل يا فرد
Post: #51 Title: Re: ليس دفاعاً عن الخمر Author: حافظ حسن ابراهيم Date: 06-01-2009, 07:45 AM Parent: #50
مناسبات لا تقوم دون خمر حفلات الزار ..... يا سلام حفلات الزار ... الامية حبوبة الرجا ... الامية دي المرة البتدق الزار ... قعدة نسوان بدون اي تياب سودانية ... يعني امك اول ما تخش حفلة الزار بتقلع توبها و كل التياب بتكون في عنقريب ... يعني بالضبط زي انك في اروبا و لابس ملابس البرد في الشارع و اول ما تصل المكان المحدد بتقلع ملابس البرد الي حين اشعار اخر .... دا بالضبط البحصل في حفلات الزار ... يلا تعال شوف ليك الطبول الافريقية طبول لا تقاوم علي الاطلاق ... مصحوبة باصوات نحاسية ...الامية دي تبدأ ليك كدا و كل النسوان شغالات كورس ... يلا يا بشير (بشير يا بشير يا هي الحبشي المكادي) ... وهذه الاغنية تذكرني باجمل امرأة في القرية لكنها سافرت دون عوده سافرت سفر ابدئي..... تذكرني بأمراة تسمي ارض الجنان و فعلاً هي ارض الجنان بكل حلاوتها ... ارض الجنان ترقص بكل هيستريا و كانت ترقص واقفه علي طول ... و بمناسبة وضع الرقيص في الزار .... يعني اي وضع يعني شئ محدد ... مره سألت امي ليه يا امي ارض الجنان و كم مره كدا من الحلة سالتها ليه ديل برقصن واقفات و البقية جلوس او في وضع بين الجلوس و الوقوف؟ امي: البرقصن واقفات ديل عملوا ميدان و شربوا دم.... و الراقصات ما بين الجلوس و الوقوف ديل عملوا ميدان لكن ما شربوا دم .... اما الاخيرات لا سوا ميدان لا شربوا دم.... شرح:- الميدان و بعنوا بيهو ان الست عملت حفلة زار علي شرفها .....
و بعد بشير في اللولية ... بعدين اللولية دي عاملة جنس حبشية يعني sex worker بكلام الخواجات و في ملاحظة انا لاحظتها اخيراً بعد تراجع حفلات الزار او بعد تقدمي في العمر الذي لا يسمح بحضور حفلات زار و ربما لمشاكل الحياة ... عندما استرجع حفلات الزار دوما اتوقف عند اللولية فمعظم النساء البرقصن في اللولية يا واحدة زوجها متوفي او زوجها طافش .... يعني بالعربي كدا ست عندها مشكلة سرير .... و بعدين اللولية دي بتتصرف بكل سلوك ال sex worker و هي بترقص و تتأوه ... اللولية دي محصورة في شرق الله البارد فمثلاً المقاطع زي .... اللولية انا ما عارف الطريق حلفا و القضارف .....اللولية انا ما تعبان انا بحب كسلا و بورتسودان يعني الكلام كلو قريب قريب من الحبشة ... ياخي دي جارتنا تدوم لينا جارتنا ... و ملاحظة تانياً انا النسوان هناك اقص سقف جنسي لهن هو بورتسودان وقت داك شكلهم ما عارفين انا في الكرنتينة في جدة ,,, ما عارفين في دبي و تاني وين يا حيدر؟
بعد اللولية في الخواجة ... (خواجة رندو البيرة عندو و الويسكي جنبو خواجة رندو) .... و كمان في خواجة تاتريسا الكسر الكنيسة .... لكن كسر الكنيسة مالو والله ما عارف دا يكون من جماعات التنوير و لا شيوعيين اروبا .... عفوا يا شيوعيو بلادي والله ما قاصد حاجة .... نرجع لقصة الزار .... كل الانواع بشير الحبشي ... اللولية عاملة الجنس, الخواجا .... ديل كلهم بطشموا مريسة يعني ما في اي ويسكي او بيره الموضوع بغوا ساااااااااااااااااي يلي حفلات الزار موضوع النفير ال ما داير شرح .... بعدين النفير اهم ما فيهو المريسة و العسلية ... بعد الناس يجوا من الضحوة او اليومية بتاعة النفير (المساعدة)... يعني بعد الناس يجوا ... بجي سيد النفير بعزمهم يا اخوانا تعالوا لي في البيت .... و هي دعوة زي الازان بالضبط ...فبرغم ان كل المصليين بعرفوا وقت الصلاة برضو بكون في اذان بناديهم ... الناس بقعدوا علي البنابر قروبات .... بعدين اي واحد\ة بقعدوا مع ناس ونستهم لايقة معاهو .... بعد الناس ينتهو من العصيدة تمر الجرادل ... و اي مجموعة لازم يكون قدامها جردل مريسة و اخر عسلية .... لانو في واحد بشرب مريسة و ما بحب العسلية , في حد تاني عسلية فقط , في اخر داير يعمل خلطة من الاتنين... و في حد ما بشرب لا عسلية لا مريسة (ربنا حارمو).... وأجمل من الشراب القعدة طبعاً ... ما في ون قو one go يا منعم ... لانو الناس ما لاحقة اي حاجة .....بعد الشلعة دي بكون الطمبور بدأ... و الطمبور دا رقيص ما ألة موسيقية زي بتاعت الشمال ..... صفقة حارة قوية .... خالتي حمرا بصوتها الجرسي تبدأ: (عبدالرحيم جنا ... و جنو ما بتمني ... ركب الاندروبل كرعينا سابقنا) .... الصفقة الحارة تشكل مع الطبل الافريقي و الصوت الصادر من صدور الرجال .... تشكل خلفية لصوت حمره و بقية النسوة ... و بعدها يكون الرقص ..... تقذف النساء اجسادهن في الهوا و و يصفقن ثلاث مرات و كذلك الرجال ... موضوع الرقيص دا حاجي ليهو في موضوع عرس اخوي عشان ما اكرر الكلام .....
نكتة علي الطاير كدا في واحد فجأة كدا و بدون اي مقومات او مقدمات بقي انصار السنة ... بكامل وعيوا قرر يكون انصار سنة و ما في حد حاشوا.... بعد ما الاسلام الجديد دا وقر في قلبه قرر ان يحارب الرزيلة و بدأ باقرب صلة الرحم .... بدأ بأمه و يا للعار من زنا المحارم .... هي زنا المحارم دا كلام ساي ...خلاصة القول انصار السنة دا قال لامو يا خي تاني ما تسوي مريسة .... يعني بدأ من الدرجة الثانية و هي التغيير باللسان و عندما لم ينفع ذاكم الاسلوب قرر الانتقال الي الاسلوب الأخير وهو اليد... كسر الازيار و بدأ في طرد الزبائن بخشونة .... الحاجة استسلمت للامر الجديد و بطلت تسوي شراب ... و بعدين ما تنسوا انصار السنة الجديد دا ناسي حاجة ان الشراب كان مصدر الرزق في البيت .... الحاجة بعد ما بطلت باسبوع كدا شكلوا الادخار انتهي ... جاء صاحبنا دا و بكل قوة عين قال لامو : وين الغداء؟ فردت الام: والله الليله انصار سنة سااااااااااااااااكت
Post: #52 Title: Re: ليس دفاعاً عن الخمر Author: ibrahim alnimma Date: 06-01-2009, 08:17 AM Parent: #51
حافظ تحياتي : شكراً لك علي هذا البوست الرائع ، في ايام الديمرقراطية الثالثة سافرت لي اقدي وفي بحر تلك الرحلة ركبنا القطر الي الدمازين ، وهناك سمعت نقاش سياسي بسيط بين اثنين من ابناء المنطقة حول لمن سيصوتون الاثنان متفقات علي حزب الامة ....فقال احدهما ولكن الصادق سوف يمنع المريسة ...فكان رد الاخر لا الصادق لن يوقف المريسة ودي دعاية مضادة بس...وهنا تدخلت وقلت له نعم الصادق سوف يوقف المريسة اليس هو الذي ينادي بتطبيق الشريعة؟ فكان رد الثاني نعم سوف يطبق الشريعة،، ولكن مادخل الشريعة بالمريسة؟؟ففهمت علي طول ان مفاهيمه حول الشريعة تتناقض مع اطروحة الصادق الاصولية ....او ان حزب الامة في هذه المناطق يطرح الشريعة باسلوب اخر ربما يكون مستوعباً لطبيعة المنطقة ومفاهيمها حول النصوص الاسلامية ....... المهم توقفت عن النقاش ...وعرفت ان هؤلاء القوم ليس ضد الشريعة ولكنهم ضد المساس بعاداتهم وتقاليدهم ......
Post: #53 Title: Re: ليس دفاعاً عن الخمر Author: د.نجاة محمود Date: 06-01-2009, 08:24 AM Parent: #52
لي سنين ما فرحتابزول دخل البورد قدر الزول دا
دا افضل كاتب من روضة مردة..حتى الان..
Post: #55 Title: Re: ليس دفاعاً عن الخمر Author: حافظ حسن ابراهيم Date: 06-01-2009, 08:32 AM Parent: #53
Quote: لي سنين ما فرحتابزول دخل البورد قدر الزول دا
دا افضل كاتب من روضة مردة..حتى الان..
شكرا يا دكتورة و انشاء الله دايما فرحانة يا رب ... لكن كدا بتكبري لي رأسي شديد و اصدق وشويتين كدا اقوم اصرصر ليك وشي و ما اسلم علي الناس في الشارع لزوم ثقافة و كدا هههههه .... شكراً ليك يا دكتورة
Post: #54 Title: Re: ليس دفاعاً عن الخمر Author: حافظ حسن ابراهيم Date: 06-01-2009, 08:25 AM Parent: #52
ابراهيم سلامات
Quote: شكراً لك علي هذا البوست الرائع ، في ايام الديمرقراطية الثالثة سافرت لي اقدي وفي بحر تلك الرحلة ركبنا القطر الي الدمازين
ايييييييييك يا ابراهيم مرقت في اقدي كان بالمره تمشي ود ابوك و احمر سيلك.... فعلاًً كلامك صاح فالاسلام في معظم انحاء السودان اسلامي سوداني اسلام امتزج مع العادات و القيم المحلية و انتج الاسلام السوداني الكان موجود
Post: #56 Title: Re: ليس دفاعاً عن الخمر Author: Zomrawi Alweli Date: 06-01-2009, 08:34 AM Parent: #51
Quote: انصار السنة دا قال لامو يا خي تاني ما تسوي مريسة .... يعني بدأ من الدرجة الثانية و هي التغيير باللسان و عندما لم ينفع ذاكم الاسلوب قرر الانتقال الي الاسلوب الأخير وهو اليد... كسر الازيار و بدأ في طرد الزبائن بخشونة .... الحاجة استسلمت للامر الجديد و بطلت تسوي شراب ... و بعدين ما تنسوا انصار السنة الجديد دا ناسي حاجة ان الشراب كان مصدر الرزق في البيت .... الحاجة بعد ما بطلت باسبوع كدا شكلوا الادخار انتهي ... جاء صاحبنا دا و بكل قوة عين قال لامو : وين الغداء؟ فردت الام: والله الليله انصار سنة سااااااااااااااااكت
ود الكلب،،، كان ثايل الغداء بجي من وين؟؟؟؟
اوع يكون ارتد عشان يتغدا؟؟
Post: #57 Title: Re: ليس دفاعاً عن الخمر Author: Zomrawi Alweli Date: 06-01-2009, 08:36 AM Parent: #51
Quote: انصار السنة دا قال لامو يا خي تاني ما تسوي مريسة .... يعني بدأ من الدرجة الثانية و هي التغيير باللسان و عندما لم ينفع ذاكم الاسلوب قرر الانتقال الي الاسلوب الأخير وهو اليد... كسر الازيار و بدأ في طرد الزبائن بخشونة .... الحاجة استسلمت للامر الجديد و بطلت تسوي شراب ... و بعدين ما تنسوا انصار السنة الجديد دا ناسي حاجة ان الشراب كان مصدر الرزق في البيت .... الحاجة بعد ما بطلت باسبوع كدا شكلوا الادخار انتهي ... جاء صاحبنا دا و بكل قوة عين قال لامو : وين الغداء؟ فردت الام: والله الليله انصار سنة سااااااااااااااااكت
ود الكلب
كان قايل من وين بجي لغدا
اوع يكون ارتد عشان يتعدا؟؟؟؟
Post: #58 Title: Re: ليس دفاعاً عن الخمر Author: معتصم ود الجمام Date: 06-01-2009, 09:28 AM Parent: #57
التحايا لسكان هذا المكان ولصاحب المكان تحضرني قصة في ذات الاتجاه ... حكى لنا احد الاصدقاء من مناطق النيل الازرق ان منظمة الدعوة الشاملة قررت محاربة اكل سكان تلك المناطق للحلوف البري " الكدروق " فقامت بتوزيع كم غنماية وكم خروف وبعداك جابت عدد من الشيوخ لشرح الموضوع من الناحية الدينية ومسالة الحرام .... الشيخ للحضور .. ربنا حرم اكل الخنزير والكدروق ده يا هو الخنزير والواحد ما ياكل الكدروق ده لا في حال انو حيموت من الجوع يعني مضر اضرار شديد احد الحضور قال ....... والله يا مولانا انا نشوف الكدروك ده (ننتر انترار )
وفي تلك المناطق عندما كان الكودة واليا عليها حاربهم في عاداتهم وواحدة من تلك العادات عادة جدع النار واعياد الحصاد ... وسنعود
Post: #59 Title: Re: ليس دفاعاً عن الخمر Author: اسامة دفع الله ابوالحسن Date: 06-01-2009, 10:23 AM Parent: #58
Quote: فالاسلام في معظم انحاء السودان اسلامي سوداني اسلام امتزج مع العادات و القيم المحلية و انتج الاسلام السوداني الكان موجود
تعرف ياحافظ أخوي تاكيدا لما ذكرت كان بجوارنا في الحي مجموعة من الجيران العزابة الجماعة ديل مع انتهاء اذان العشاء يقوم واحد يقول ليهم يالله يجماعة نكشح العشاء (بكسر العين) سرعة سرعة عشان خلاص نبدا العقدة ولا الحريق المدور نص نهار رمضان مسألة تقصير الوقت عليكم الله الحاجات دي عاقدة تتجمع مع بعض غير في سودانا العجيب دا ياخ نحن شعب غير
Post: #60 Title: Re: ليس دفاعاً عن الخمر Author: حافظ حسن ابراهيم Date: 06-01-2009, 11:11 AM Parent: #58
ود الجمام اخونا زمان ازيك و كيف ولدك ابو اسم غريب و الله هسي نسيت اسمو لكن ما عارف لكن يا باشق او زنقار المهم اسم امي لو اجروها ما تقدر تنطقوا ... عليك الله سلم لي عليهو شديد و علي اريج لو سمحتا... و بالمناسبة ناس اريج في السودان و لا معاك في السعودية
Quote: وفي تلك المناطق عندما كان الكودة واليا عليها حاربهم في عاداتهم وواحدة من تلك العادات عادة جدع النار واعياد الحصاد ... وسنعود
رد فعل الاهلي طوالي كان بالموسيقي يا معتصم ... الوازا دورت ليك و طلعت غنية كاملة مقاطع منها
محل تطير بطير معاك يلا يا فردتي محل نطير الكودة في يلا يا فردتي ابو قمي بلدنا بس
ما تطول الغيبة يا معتصم
Post: #61 Title: Re: ليس دفاعاً عن الخمر Author: حافظ حسن ابراهيم Date: 06-01-2009, 01:43 PM Parent: #60
صناعة المريسة: نتيجة للطلب المتزايد علي خطوات صناعة المريسة قررت ان اكتب خطوات التحضير لان هنالك عدد من الرسائل الخاصة وصلتني بخصوص هذا الموضوع اضافة للاميلات.... فلكم الخطوات: اولاً: الزريعة ... اهم شرط في الزريعة ان الذرة يجب ان تكون قابلة للانبات بمعني اخر يجب ان لا تكون عمر الذرة اكثر من عام ... تغمر الذرة لمدة 24 ساعة في الماء و بعدها تعرض للهواء ليس لاكثر من نصف ساعة ... بعدها تغطي باوراق العشر او جولات الخيش و في حالة جولات الخيش ترطب كل فترة بالماء في اليوم الاول ... تترك الذرة مغطاه لمدة تترواح بين يومين او ثلاثة ... بعدها تعرض للشمس للتجفيف و قديماً كانت تعرض للشمس لمدة ليست اقل من 3 ايام و لكن علي ما اعتقد بعد ازدياد حرارة الارض و قضايا الاحتباس الحراري فيوم واحد يكفي في فصل الصيف اما في الشتاء و الخريف قد تحتاج ليومين لا أكثر .. بعدها تسحن الزريعة و تترك ... دوما في المنازل يكون هنالك مخزون stock من الزريعة حتي يكفي الست من هذه العملية الشاقة. ثانياً السورج و الفطارة : السورج عبارة عن عجين مطهي ( رأيكم شنو في عجين مطهي دي) و الفرق بينه و الفطارة ان الاخيره عبارة عن عصيده لكن غير كاملة الطهي ... السورج مهمته الاساسية النكهة زائداً الطعم ثالثا: يعرض السورج و الفطارة للهواء لمدة لا تتجاوز الساعة و بعدها يضاف اليهما كمية من الماء و يترك هذا الخليط لمدة يوم... بعدها يصب مسحوق الزريعة و الزريعة هي الاصل لانها بمثابة الخميرة و الغرض الاساسي منها التخمير ... يترك هذا الخليط لمدة يوم او يومين و هذا يعتمد علي الجو ... رابعاً: في ال 12 ساعة الاولي من عملية التخمير يفتح الخليط لاربعة او خمس مرات و ذلك بغرض دخول الاكسجين الذي تتغذي عليها البكتريا ... و في حالة عدم تعرض الخليط للهواء فان البكتريا تموت مما يتسبب في ان المريسة يكون لها طعم لازع و في الغالب الاعم يتم ابادتها او منحها للحيوانات لانها تكون غير مستساقة للكائن البشري ... يمنع منعاً باتاً تحريك هذا الخليط بالايادي for hygiene wise ....و الا تحولت المريسة الي مريسة تام زين ... و هنالك مثل سوداني يقول (انشاء الله يجيب مريسة تام زين) ... و تام زين في المخزون الشعبي انها ست خمبة يعني ما حريفة و دوما مريستها ليس لها رواد الا عندما تنتهي مريسة الاخريات و دوماً يرتادها زباين الحيرة و هي بتبيع باي ثمن و غالباً بالدين و من هنا جاء المثل الشعبي. خامساً الصفاية: عبارة عن قطعة خفيفة من القماش تخيط بما يشبه لباس المراتب و الغرض منها فصل المشك عن المشروب ... و المشك عبارة عن بقايا غير مرغوب فيها و هو بالضبط مثل بقايا الشاي و دوماً غذاء للمواشي ... يعني في الضحية جزء من الدعاية للخراف يقول ليك دا خروف مشك ... مشك الميم و الشين مضمومتان.
Post: #62 Title: Re: ليس دفاعاً عن الخمر Author: معتصم ود الجمام Date: 06-01-2009, 05:25 PM Parent: #61
حافظ ازيك يا اخوي حيرتني انت يا متنكر في اسم حافظ حسن ده ولا تكون ساحر ... على العموم والله انا وديت وجبتا وما نقشتا اي حاجة ... وبطيبة كدة ولدي اسمو مرهف وهو امو قاعدين في السودان وانا قاعد مصاقر الكفيل براي ... يا زول ادينا علومك انشاء الله في مسنجر وتسلم
Post: #63 Title: Re: ليس دفاعاً عن الخمر Author: أسامه الكرور Date: 06-01-2009, 06:20 PM Parent: #62
Quote: و هنالك مثل سوداني يقول (انشاء الله يجيب مريسة تام زين) ... و تام زين في المخزون الشعبي انها ست خمبة يعني ما حريفة و دوما مريستها ليس لها رواد الا عندما تنتهي مريسة الاخريات و دوماً يرتادها زباين الحيرة و هي بتبيع باي ثمن و غالباً بالدين و من هنا جاء المثل الشعبي.
والله زمنى دا كلوا أقول فى المثل وما عارف القصه شنو ؟؟؟
> > > > > >
لكن ماتقول لى ؟؟ الشيف أسامه زاتو مابحصلك
ما بتلفى ليك قناة تلفزيونيه توظفك ؟؟؟؟؟؟
Post: #65 Title: Re: ليس دفاعاً عن الخمر Author: الجيلى أحمد Date: 06-01-2009, 11:50 PM Parent: #63
Quote: فالاسلام في معظم انحاء السودان اسلامي سوداني اسلام امتزج مع العادات و القيم المحلية و انتج الاسلام السوداني الكان موجود
هذا تلخيص كامل التنقيح والاجادة..
Post: #66 Title: Re: ليس دفاعاً عن الخمر Author: ABU QUSAI Date: 06-02-2009, 07:25 AM Parent: #65
Post: #67 Title: Re: ليس دفاعاً عن الخمر Author: حافظ حسن ابراهيم Date: 06-02-2009, 08:32 AM Parent: #66
شباب صباحاتكم
معتصم مصاقرة الكفيل هينة بس انشاء الله جايبا مريسة تام زمين عليك نور طلع الولد اسمو مرهف ,,,, ربنا يحفظه انشاء الله ... و تعال المتنكر مين ؟ دا اسم الادوني ليهو من ما قمت ... راجع الطبيب يا فرده يكون في زهايمر او مرض كبر ساي ... تسلم يا ود الجمام و شكر علي المتابعة
اسامة الكرور
Quote: لكن ماتقول لى ؟؟ الشيف أسامه زاتو مابحصلك
ما بتلفى ليك قناة تلفزيونيه توظفك ؟؟؟؟؟؟ طالع
اها يا اسامة كمان جابت ليها قصص طباخين ... طباخين في الجنة ... لكن يا فرده تمام بحاول اقدم ورق لقناة اسمها زول ... لانو عندهم مقدم برامج شكلو جمييييييييييييييييل
شكرا الجيلي علي المرور و انت زبون بقيت دايما عندنا و حنعمل ليك حساب في الدفع
ابو قصي شكراً علي المرور و جايكم صادي
Post: #69 Title: Re: ليس دفاعاً عن الخمر Author: HAIDER ALZAIN Date: 06-02-2009, 09:18 AM Parent: #67
هاك كان العبار دا يساعدك تكتب ..
بفقاقيعها ...
بالمناسبة دا مؤشر جيد يعني .. ؟؟؟
Post: #70 Title: Re: ليس دفاعاً عن الخمر Author: حافظ حسن ابراهيم Date: 06-02-2009, 10:08 AM Parent: #69
حيدريا دفعة دا شكلوا من امو....تشكر يا حنين
Post: #68 Title: Re: ليس دفاعاً عن الخمر Author: طارق ميرغني Date: 06-02-2009, 08:39 AM Parent: #66
اخي حافظ
اجمل البوستات التي قراتها مؤخرا.
Quote: بجي سيد النفير بعزمهم يا اخوانا تعالوا لي في البيت .... و هي دعوة زي الازان بالضبط
بالفعل حتي في الخرطوم كان هنالك النفير في حالة بناء حيطه او حمام او خلافه فيجوا اولاد الحله وعلي الداعي تجهيز حلة العجالي
والمريسه.
لم نكن نري في ذلك اي مأخذ بل انه من الواجب.
Post: #71 Title: Re: ليس دفاعاً عن الخمر Author: حافظ حسن ابراهيم Date: 06-02-2009, 10:15 AM Parent: #68
طارق ميرغني سلامات و شكراً علي المرور
عرس اخوي العيال كبروا ... لكن بامانة العيال اتفلهموا.... قرر اخي الكبير الزواج للمره التانية وفي المره الاولي كانت الضحية ابنة خالي ... بت خالك حلالك ولد دا .... العرس الاول داك ما اثمر اي حاجة غير ردحي بتاع نسوان و غباين دون معني ....يعني لمدة سنتين لا جنا لا تني و الناس هنا بعرسوا عشان يجيبوا اطفال ....غايتو بت الخال المسكينة دي قرروا يطلقوها لانها عاقر ... والله العاقر منو في الوقت داك ما في حد عارف لانو ببساطة لا هي لا هو ما في واحد فيهم عمل كشف عشان يعرف الحاصل شنو ... بس هي مره ما بتلدي و خلاص مفروض السيد الذكر دا يشوف ليهو مره تجيب ليهو اولاد ... لانو الحمار بلدي لراحة ضهروا ..... الغريب في الامر الاتنين ما طلعوا عقر بس كان ما في صبر يبل الابري الاتنين انجبوا من زيجات اخري ...... بعد انتهاء مراسم الطلاق و توزيع القسايم و تحولت بنت خالي الي ثيب (عذبا) تلعن حظها التعيس قرر ذاك الاخ الزواج ... و المره دي كانت الزوجة من سلالة اعيان الحلة ... الزوجة المقترحة كان اكثر ما يميزها لها اجمل ساقان في القرية ... ساقان لم اري مثلهم الا عند كوندليزا رايس ... يعني سواقين كدا انسي ( يا اخوانا دي مرة اخوي هسي و أم اولادو عيب اتغزل فيها كدا لكن دي الحقيقة)... شكلوا اخوي دا اتكسر في السواقين الكوندليزية دي ... تمت الخطوبة و بدأت الاستعدادات للعرس ... بل الزريعة ... الزريعة دي حاجة اساسية جداً في المريسة ... قبل العرس باسبوع اكتشفنا انو امي قررت تعمل سهر و السهر دا طشمة ما اكتر و ما اقل ... الحاجة المسكينة نست انو اولادها اتفلهموا و ما دايرين حد غريب يجي و يلقاهم عمالين مريسة في البيت و خاصة الوليدات ديل في واحد في الجامعة و التاني اتخرجت ... يعني يجي صاحبهم ضيف و يلقاهم عاملين ام الكبائر دي ما فضيحة لا تغتفر .... تاني يمشوا في المين روود مع مين أو قول يخلطوا مين ؟؟؟..... يتكلموا مع مين في موضوع الاخلاق و الرزيلة؟؟؟؟ المهم الوليدات ديل وقفوا قرن احمر ... الاولاد و ابوهم (الابو طبعاً بعد ما رقوهوا سوهو امام جامع الوضع عندو شوية اتغير) الوليدات و ابوهم في كوم و الام براهو شفيعها الله في الطرف التاني و بدأت الملاسنة : الخريج: يا امي انتي الزريعة دي لشنو ... شايفكم عملتو الابري من بدري تاني الزريعة حقت شنو؟ الام من الاخر و بكل حسم: انا دايرة اسوي سهر .... فيهو عسلية و مريسة و عرقي كمان رايكم شنو؟ الاب بتهكم غاضب: طيب ما تتمي الناقصة و تجيبي بنقو؟ شكلو الموضوع ما ماشي علي بر هكذا علقت في سري..... الام: البنقو دا انا ما بعرفوا جيبوا انت الاب بدأت يستخدم سلطاتة التاريخية: اسمعي انا ما بتكلم معاكي انو المريسة حرام او حلال لكن نحنا جايينا ضيوف ما ممكن تحرجينا معاهم ... و اتجه الي الخطاب العاطفي و بعدين يا ولية اولادك ديل بجوا اصحابهم من الجامعة دايرة تحرجيهم معاهم يعني؟ الام: امي زكرتني باركان النقاش في الجامعة ... ذكرتني بالكادر الخطابي البنسي كل الموضوع و بشيل ليك كلمة واحدة و هاك يا نبز ....امي عملت كدا بس مسكت ليكم حرمة المريسة من حلالها... و بدأت في السرد و الردحي ... زكرت ليك عمك بكل قعداتو و كارشتو.... و بنفس الخطاب الانتقائي دا واصلت: تقول لي دايرة احرج اولادي احرجهم كيف يعني؟ ... و تعال اسمعني هنا الداير يعرس دا ود الجيران ما برضو ولدي انا .... عرسو الاول عملتوا فيني عمايلكم دا و منعتوني ما اسوي مريسة يا هو حصل الحصل ....شومتها علي الولد سنتين لا جني لا تني لحد ما طلق .... الخطاب دا جاب ليك كثافتنا .... اخوي الخريج دا بنفضة يد قال لامي ( أعملي الدايرة تعمليهو) يعني الود زعل..... أمي: شوفوا هنا انا بعمل سهر بعملوا..... يقعد الداير يقعد و الداير يطير يطير ... و اصحابكم البتخجلوا ليهم مني ديل ما تعزموهم ... و هنا انتهي الأمر .... بدأت مراسم التجهيز للسهر (عسلية و مريسة) .... موضوع السهر له قوانين غير قابلة للاختراق ... قوانين توارثتها النسوة ام عن جده و هي كالتالي: 1. تجهيز الزريعة دوماً مسئولية الام و في حالة غيابها لاي ظرف توؤل الي اقرب الاقربات و هذه دوما تكون الخالة و في حالة العدم العمة ... و في حالة غياب كل هؤلاء فهنا العريس يكون مقطوع من شجرة و لا يجب عليه السهر. 2. السورج و الفطارة البداية تكون بإمراة لم تطلق في حياتها او تترمل ... و المطلقات و الارامل الله لهن... 3. اما العسلية فوضعها مختلف تماماً و دوما توكل مهمتها لنساء شيخات ... ووقت اسمع كلمة شيخة دي طوالي بتذكر نسوان امدرمان ليه ما عارف ... المهم الشيخات ديل نسوان مقعدات ... ست مفروض تكون حريفة و خبره لانو ببساطة العسلية ممكن تقلب في اي لحظة من لحظات التخميير لاي خطأ ... فهنا نسبة الخطأ يجب ان تكون اقل من 0.001 ....بعدين العسلية دي اقول ليكم بتقلب كيف؟ العسلية اساساً بتكون صافية و هي بالضبط زي البيرة ... ووقت تقلب بتكون عكرة يعني الرواسب ما اترسبت كويس ... و قلبة العسلية يعتبر فال سئ جداً و الاهالي يطيرون به .... تحكي امي ... انا ام عزين ماتت يوم سهر بنتها ... والله المرة كانت كويسة تحمد الله ... قبال السهر بيوم جات فلانة الخمبة ... فتحت العسلية و بعدين العسلية قلبت ... والله انا عارفة قلبة العسلية دي ابدأ ما لاخير ..... هكذا تردد امي هذا القول دوماً. يوم السهر .... من الصباح النسوان يزغردن و اي منهن لها مهمة محددة و في الغالب الاعم هذه المهمة قد تحددها الحالة الاجتماعية marital status ....رصت 10 ازيار بما يشبه الهرم ... قاعدته 4 ازيار و قمته زير صغير.... كل زير يغطي بقطعة قماش بيضاء و بجانبه كأس من القرع ... و حجم الكأس يعتمد علي نوع المشروب ففي المريسة الكأس كبير نسبياً و في العسلية اقل حجماً... بعد الغداء الذي يحين في الساعة اتنين تبدأ طقوس السهر ... و يبدأ بشي يسمي الفرعة ... و الفرعة دي مهمة زكورية بحته ..الفرعة اول حد يفتح الازيار مفروض يكون والد العريس و في حالة غياب الوالد تؤول المهمة الي العم ... لحظة الفرعة تبدأ زغاريد تصم الازان ... و بعده تبدأ الطشمة .... يلا اقول ليكم حاجة قبل انا ذكرتي الاولاد الاتفلهمو ... المهم في البداية كانوا برسلوا ليك الشفع ... لا ما مريسة عسلية ... لا مريسة عليك الله سريع ...شويتين كدا الجسم نمل بقوا يجو براهم ... و هاك يا نقارة..... بجي صادي لموضوع النقارة دي ولا بريتكم شديد يا فرد؟
Post: #72 Title: Re: ليس دفاعاً عن الخمر Author: حافظ حسن ابراهيم Date: 06-03-2009, 06:55 AM Parent: #71
بين النقارة و الطمبور قارورة عسلية بعد ان فعلت ام الكبائر فعلها .... بدأ الرقص ... فالافريقي يعبر عن معظم مناسباتة حزينة كانت ام سعيده بالطبول و الرقص..... و هنا سوف اكتفي بسعيد الاوقات ... بعد ان فعلت امي الكبائر فعلها توجه الكل الي السهلة التي امام بيتنا .... تجمع الكل بعد اطلاق زغرودة امي التي لا تحدها اي حبال صوتية ... و تبعتها زغاريد الاخريات وهذا كان بمثابة اعلان لبدء ال body language ... النقارة مجلدة بالجانبين لكن بأي جلد لم اعد متذكر و لكن في الغالب الاعم تكون من جلد الغنم... قرعت النقارة بعيدان رقيقة جداً لكن اصدرت الصوت المطلوب و هذا الصوت ربما بمهارة العازفين .... صفقت النسوة و حمحم الرجال بإستخراج صوت من الصدر (حمحمة)... و بدأ الحفل فاتراً في البدء لكن بالتأكيد سوف يحموا رويدا رويداً ....رقصت النساء ام صلبونج ... ام صلبونج اسم لاحد الرقصات فيها تقفز المرأة الي اعلي لكن اهم جزء فيها ان تحرك اردافها مع ايقاع النقارة و حمحمة الرجال و هذه الرقصة عرفاً اضحت حصراً علي ذوات الارداف المتناسقة ... بعدها كانت عدة رقصات لكن اكثر ما وقفت عندها رقصة لم تسعفني الذاكرة لاستحضار اسمها ..... ابوي زي ما قلت ليكم بعد ما بقي امام جامع ... ينعي انعزل عن الحياة الاجتماعية قليلاً و هذا كان في مصلحة معظم الاطراف ... يعني بقي ما بمشي حفلات الطمبور ما برقص مع النساء الاجنبيات بسفور , لكن المناسبة كانت خاصة جداً و هي زواج ابن ... و ابن دا حيجيب احفاد ...المهم عمك جاء حلبة الرقيص بس كان مكتفي بالنظر ... دخلت امي حلب الرقص كاشفة عن شعرها بكل سفور الفلاحات ... و بيني و بينكم الرقصة كانت صعبة شوية فيها الرجل يربط مع المرأة من الارجل بثوب المرأة مراقصته .... يعني عشرة بدي لكن بنفرين بدل واحد و مع الايقاع يبدأ الاثنين في الانحناء الي الخلف و يستمر الانحناء بايقاع واحد غير بطئ و غير سريع ... و يستمر علي هذا المنوال الي ان يصل شعر المرأة (السلة) الي الارض بعدها يتغير الايقاع و يبدأ قيام واقفاً في لغة العسكر او أمامة الظلم .... فجأة يتغير الايقاع الي ايقاع صاخب جدا و هنا يتعانق الاثنان و تبدأ حركات صاخبة ... لكم ان تتخيلوا ان في تلكم الرقصة كانت أمي تراقص رجل اخر بينما ابي امام المسجد العائد الي اصوله يعانق امرأة اجنبية.... و كذلك 2 من عماتي كن في حلبة الرقص و يقمن بذاك الفعل .... الرقصة دي فترة في الحلة اندثرت لكن شكلهم احيوها في عرس اخوي .... يعني صراحة انا أول مره اشوفها كان يوم العرس .... اخي الذي يصغرني بعامين او 3 اعوام .... رجل فكاهي من الطراز الاول ... مهما كان الموقف سخيف أو حزين يحوله لنكة هذا الاخ اللعنة علق قائلاً : يا حافظ والله نحنا ما عندنا اهل عندنا ..........وكان يعني sex workers انا علقت بابتسامة الشلعة المعروفة ديك قائلاً: لكن ما شديد.... و ضحكنا باعلي اصواتنا ... و تجرعنا كأسين من العسلية وواصلنا فجور اهلنا.
Post: #73 Title: Re: ليس دفاعاً عن الخمر Author: Zomrawi Alweli Date: 06-03-2009, 07:52 AM Parent: #72
Quote: صناعة المريسة: نتيجة للطلب المتزايد علي خطوات صناعة المريسة قررت ان اكتب خطوات التحضير لان هنالك عدد من الرسائل الخاصة وصلتني بخصوص هذا الموضوع اضافة للاميلات.... فلكم الخطوات: اولاً: الزريعة ... اهم شرط في الزريعة ان الذرة يجب ان تكون قابلة للانبات بمعني اخر يجب ان لا تكون عمر الذرة اكثر من عام ... تغمر الذرة لمدة 24 ساعة في الماء و بعدها تعرض للهواء ليس لاكثر من نصف ساعة ... بعدها تغطي باوراق العشر او جولات الخيش و في حالة جولات الخيش ترطب كل فترة بالماء في اليوم الاول ... تترك الذرة مغطاه لمدة تترواح بين يومين او ثلاثة ... بعدها تعرض للشمس للتجفيف و قديماً كانت تعرض للشمس لمدة ليست اقل من 3 ايام و لكن علي ما اعتقد بعد ازدياد حرارة الارض و قضايا الاحتباس الحراري فيوم واحد يكفي في فصل الصيف اما في الشتاء و الخريف قد تحتاج ليومين لا أكثر .. بعدها تسحن الزريعة و تترك ... دوما في المنازل يكون هنالك مخزون stock من الزريعة حتي يكفي الست من هذه العملية الشاقة. ثانياً السورج و الفطارة : السورج عبارة عن عجين مطهي ( رأيكم شنو في عجين مطهي دي) و الفرق بينه و الفطارة ان الاخيره عبارة عن عصيده لكن غير كاملة الطهي ... السورج مهمته الاساسية النكهة زائداً الطعم ثالثا: يعرض السورج و الفطارة للهواء لمدة لا تتجاوز الساعة و بعدها يضاف اليهما كمية من الماء و يترك هذا الخليط لمدة يوم... بعدها يصب مسحوق الزريعة و الزريعة هي الاصل لانها بمثابة الخميرة و الغرض الاساسي منها التخمير ... يترك هذا الخليط لمدة يوم او يومين و هذا يعتمد علي الجو ... رابعاً: في ال 12 ساعة الاولي من عملية التخمير يفتح الخليط لاربعة او خمس مرات و ذلك بغرض دخول الاكسجين الذي تتغذي عليها البكتريا ... و في حالة عدم تعرض الخليط للهواء فان البكتريا تموت مما يتسبب في ان المريسة يكون لها طعم لازع و في الغالب الاعم يتم ابادتها او منحها للحيوانات لانها تكون غير مستساقة للكائن البشري ... يمنع منعاً باتاً تحريك هذا الخليط بالايادي for hygiene wise ....و الا تحولت المريسة الي مريسة تام زين ... و هنالك مثل سوداني يقول (انشاء الله يجيب مريسة تام زين) ... و تام زين في المخزون الشعبي انها ست خمبة يعني ما حريفة و دوما مريستها ليس لها رواد الا عندما تنتهي مريسة الاخريات و دوماً يرتادها زباين الحيرة و هي بتبيع باي ثمن و غالباً بالدين و من هنا جاء المثل الشعبي. خامساً الصفاية: عبارة عن قطعة خفيفة من القماش تخيط بما يشبه لباس المراتب و الغرض منها فصل المشك عن المشروب ... و المشك عبارة عن بقايا غير مرغوب فيها و هو بالضبط مثل بقايا الشاي و دوماً غذاء للمواشي ... يعني في الضحية جزء من الدعاية للخراف يقول ليك دا خروف مشك ... مشك الميم و الشين مضمومتان.
ياخي دا عمل جبار .. خليتني اكرع شديد لامن عيوني جحظن
هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
Post: #74 Title: Re: ليس دفاعاً عن الخمر Author: حافظ حسن ابراهيم Date: 06-03-2009, 12:49 PM Parent: #73
Quote: هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
زمراوي سلامات و انشاء الله طيب .... مضوع التوج بعتمد علي حاسة شم جماعة الامر بالمعروف ....
Post: #75 Title: Re: ليس دفاعاً عن الخمر Author: حافظ حسن ابراهيم Date: 06-03-2009, 08:13 PM Parent: #74
القعدة شييييييييييييييينة
Post: #76 Title: Re: ليس دفاعاً عن الخمر Author: حبيب نورة Date: 06-03-2009, 08:52 PM Parent: #75
علي اليمين دة أحلا بوست في أشنا دنيا
Post: #78 Title: Re: ليس دفاعاً عن الخمر Author: abdalla osman Date: 06-03-2009, 09:50 PM Parent: #71
Quote: ..... الغريب في الامر الاتنين ما طلعوا عقر بس كان ما في صبر يبل الابري الاتنين انجبوا من زيجات اخري ......
.
حصلت والله لي قريبتنا...بلو الابري تسع سنوات بعداك فضوها سيرة وهاك يا ولادة
Post: #79 Title: Re: ليس دفاعاً عن الخمر Author: عبد المنعم سليمان Date: 06-04-2009, 08:03 AM Parent: #78
هانق اوفر عشان كدا بنخلي البوست دا اوفر
Post: #80 Title: Re: ليس دفاعاً عن الخمر Author: Salah Abdulla Date: 06-04-2009, 09:31 AM Parent: #79
Post: #81 Title: Re: ليس دفاعاً عن الخمر Author: abubakr Date: 06-04-2009, 11:35 AM Parent: #80
ياخي / يابني اتعلمت من كتاباتك او صورك الاجتماعية السياسية الاصيلة حاجات كتيرة فلك فضل ان علمتني ... زي ما قال بلدياتي زمراوي نحن ناس اقصي الشمال بنسمع عن المريسة ولا نعرف كثيرا عن مدلولاتها الاجتماعية والمعيشية وطقوسها الا ما نقرء وهو قليل ... انت تناولت محاور اساسية في حياة غالب شعوب السودان مع اختلاف شكلي في التفاصيل ومصيبة شعوب السودان انها لا تعرف الا القليل عن بعضها البعض وكما ذكرت انا في موضوع اخر باسم "السودان" فان عوامل تماسك شعوب السودان السابقة ممثلة في ارض رحبة واناس قلة صارت تتلاشي لتكاثر في البشر وقلة في المصادر وسوء ادارة للبلاد والعباد وفساد عم الفكر والجيوب .. لك عظيم امتناني
Post: #82 Title: Re: ليس دفاعاً عن الخمر Author: abubakr Date: 06-04-2009, 11:35 AM Parent: #80
ياخي / يابني اتعلمت من كتاباتك او صورك الاجتماعية السياسية الاصيلة حاجات كتيرة فلك فضل ان علمتني ... زي ما قال بلدياتي زمراوي نحن ناس اقصي الشمال بنسمع عن المريسة ولا نعرف كثيرا عن مدلولاتها الاجتماعية والمعيشية وطقوسها الا ما نقرء وهو قليل ... انت تناولت محاور اساسية في حياة غالب شعوب السودان مع اختلاف شكلي في التفاصيل ومصيبة شعوب السودان انها لا تعرف الا القليل عن بعضها البعض وكما ذكرت انا في موضوع اخر باسم "السودان" فان عوامل تماسك شعوب السودان السابقة ممثلة في ارض رحبة واناس قلة صارت تتلاشي لتكاثر في البشر وقلة في المصادر وسوء ادارة للبلاد والعباد وفساد عم الفكر والجيوب .. لك عظيم امتناني
Post: #83 Title: Re: ليس دفاعاً عن الخمر Author: حافظ حسن ابراهيم Date: 06-04-2009, 01:15 PM Parent: #82
Quote: علي اليمين دة أحلا بوست في أشنا دنيا
يا حبيب نورا بالله كيف نورا و انشاء الله منوره .... حلاوة البوست دي جاي من حلاوتك انت يا حنين و تشكر علي المرور الليلة زي ما عارف خميس و معزوم علي طول بس بيتنا جنب بسط الامن الشامل و اوعي تكون وزن الريشة... تسلم و تعمر
Quote: حصلت والله لي قريبتنا...بلو الابري تسع سنوات بعداك فضوها سيرة وهاك يا ولادة
اها انشاء الموضوع هسي وقف يا عبدالله ... شكراً ليك يا ابو عبده
منعم الزومة قايمة و الدنيا خميس لكين احواض الرملة ديل ما بينفعوا معاي ...
يا ابو الصلح ايو الليله الخميس و انا بعد دا طالع لانو ود البدري سمين ... و بعدين قصة العالم الراجياني دي شنو؟ كلو العالم عندهم خميس الليله ....
ابو بكر شكراً ليك لكن احسن ليك تقول اخوي من ابني دي ... والله انا ابوي لو لاقي طريقة ما حيقول ابني طبعاً الخبيثين حيحاولوا يفهموها بشكل تاني لكن الموضوع كبر ساااااي ما قلة ادب تشكر يا ابو بكر و ربنا يخليك يا عمي
Post: #84 Title: Re: ليس دفاعاً عن الخمر Author: حافظ حسن ابراهيم Date: 06-04-2009, 09:01 PM Parent: #83
خميس جميل
Post: #85 Title: Re: ليس دفاعاً عن الخمر Author: HAIDER ALZAIN Date: 06-07-2009, 08:06 AM Parent: #84
دا اطول خميس يقابلني ..
Post: #86 Title: Re: ليس دفاعاً عن الخمر Author: حافظ حسن ابراهيم Date: 06-07-2009, 08:32 AM Parent: #85
Quote: دا اطول خميس يقابلني
فعلاً يا حيدر هو اطول خميس لانو الجمعة زاتها بقت خميس بعد ما يوم السبت بقي اجازة ...و بعدين السبت بقي فكاكة يعني قهوة و سمك من المورده ... و بعدين يا حيدر انا يوم السبت دا كان اليوم ال انا جيت فيهو للدنيا الفقر .... و قعدت اتأمل ليك في حياتي .... اتخيل علقت لنفسي قلت شنو ( دينك والله انا خطر) دا كلو اتجاوزتو انا و لحد عايس و لكن عمر الشقي بقي ....
حيدر كدا ياخي ننقل الصداقة شوية من اجانب الاسفيري دي ... ما احتمال انت تشتاق ليك لشوية غبار كدا و تجي السودان , او انا اجي عمره هههههههههههههههههه .....
Post: #87 Title: Re: ليس دفاعاً عن الخمر Author: قلقو Date: 06-07-2009, 08:35 AM Parent: #85
الأخ حافظ قولك(بعد ازدياد حرارة الأرض والأحتباس الحرارى)ومافهمته انا عن تأثيرهما على تحضير وصناعة المريسة فدى شديدة وحلوة..عجبتنى . مع امنياتى لكل صناعاتنا المحلية بالتطور والأذدهار .
Post: #88 Title: Re: ليس دفاعاً عن الخمر Author: حافظ حسن ابراهيم Date: 06-07-2009, 10:05 AM Parent: #87
قلقو سلامات و شكراً علي المرور
Quote: بعد ازدياد حرارة الأرض والأحتباس الحرارى)ومافهمته انا عن تأثيرهما على تحضير وصناعة المريسة فدى شديدة وحلوة
قلقو شكلك انت كنت يا ادبي او علمي بدك حصة الكيمياء في الثانوي ... مش بقول ليك البكتريا ببتكاثر في درجة حرارة من كدا لكدا ... يعني درجة الحرارة الملائمة و كلما ارتفعت درجة الحرارة ازداد تكاثر البكتريا الخاصة بالتخمير الا ان تصل الحرارة درجة محددة بعدها تموت البكتريا و ارتفاع درجة حرارة الارض المتزايد دا شكلو حيزهر صناعتنا المحلية لكن في نفس الوقت يهددها....
شكراً قلقو علي المرور و نحن تحت الخدمة اي سؤال او استفسار او استشارة مجانية
Post: #89 Title: Re: ليس دفاعاً عن الخمر Author: عبدالله احيمر Date: 06-07-2009, 12:09 PM Parent: #88
Quote: بجي صادي لموضوع النقارة دي ولا بريتكم شديد يا فرد؟
....... ....... يار يت لو كل الناس ببروا ذي بريـك دا شــكرا لك أن فتحت لنـا صفحـة من التنوع الثقافي ( البقولوا عليهو ) وشـكرا موصول لبتاع الدكاي وللزول الكتب بوست العرس عند الدينكا ( منذ زمن ) بس فضـل لينا ناس البقنية وابيض ضميرك و.... و...... تنـوع ثــر , بس نحـن الغبيانين يا خوي أن طبعت حكيك دا وبديت أوزعـوا بس أوعك تقول المصنفات الفنية وشـنو وشــنو
Post: #90 Title: Re: ليس دفاعاً عن الخمر Author: حافظ حسن ابراهيم Date: 06-07-2009, 12:28 PM Parent: #89
Quote: [يار يت لو كل الناس ببروا ذي بريـك دا شــكرا لك أن فتحت لنـا صفحـة من التنوع الثقافي ( البقولوا عليهو ) وشـكرا موصول لبتاع الدكاي وللزول الكتب بوست العرس عند الدينكا ( منذ زمن ) بس فضـل لينا ناس البقنية وابيض ضميرك و.... و...... تنـوع ثــر , بس نحـن الغبيانين يا خوي أن طبعت حكيك دا وبديت أوزعـوا بس أوعك تقول المصنفات الفنية وشـنو وشــنو
عبدالله الاحيمر ... شكراً ليك و الله الكتبوا فوق دا ذوقك والله ما اكتر .... التنوع الثقافي شوتين كدا تجيب ليها كلام كبير يا اخوي و نحن ناس معايش ساااااي ... يا خي عليك الله طلب لو ممكن تساعدني وين القي بوست العرس عند الدينكا دا ... اصلو اخوك جاهل شوية في الكمبيوتر دا و كدا ..... يا زول اطبع قدر ما طابعتك تتحمل انا لاقيك وين ... دا لله و الرسول لا فيهو ملكية فكرية و لا يحزنون ابقي واصل يا ابو عبده
Post: #91 Title: Re: ليس دفاعاً عن الخمر Author: عبد المنعم سليمان Date: 06-07-2009, 10:53 PM Parent: #90
فووووووق
Post: #92 Title: Re: ليس دفاعاً عن الخمر Author: أسامه الكرور Date: 06-08-2009, 09:12 AM Parent: #91
وتانى فوووووووووووووووووووووووووق لمتين؟؟؟؟؟؟
Post: #93 Title: Re: ليس دفاعاً عن الخمر Author: الطيب شيقوق Date: 06-15-2009, 09:25 PM Parent: #92
جاييكم يا ناس البقنية
Post: #94 Title: Re: ليس دفاعاً عن الخمر Author: خالد المحرب Date: 06-16-2009, 00:44 AM Parent: #93
والله ياحافظ سنة 82 لمن كنافى الزمن الجميل000 وكنت بحب عفاف ابوحريره قبل ما اتزوجها عمها على كان جاى من لندن قبل مايجى نادونا نحن نفير راس مالنا كان قزايز شرى من بار الزين عليك امان ضربنا البيت بهيا00 ولا اروع نقاش فى بلادى زمان 0 يعنى ماكان فى مشكله وكان معانا اخونا وحبيينا واحد قبطى اسمو مكاريوس قرى معانا فى الجيلى الثانويه00
Post: #95 Title: Re: ليس دفاعاً عن الخمر Author: عبد المنعم سليمان Date: 06-16-2009, 00:58 AM Parent: #94
Quote: نحن نفير راس مالنا كان قزايز شرى من بار الزين عليك امان ضربنا البيت بهيا00 ولا اروع نقاش فى بلادى زمان 0
غايتو يا حافظ عمك خالد اب شنب دا في الشراب بكون مزتو خروف وبعد الشراب عشاهو تور الحمد لله الـ وقف ما عشان اختنا عفاف عشان نحافظ على ثروتنا الحيوانية من الانقراض
Post: #96 Title: Re: ليس دفاعاً عن الخمر Author: الطيب شيقوق Date: 06-16-2009, 07:25 AM Parent: #95
بريد العيش بريد يوم المريسة كتييييييرة بريد الدقّة صافية الموية فيها قلييييييييييييلة انا بستغرب في الزول البياباهو صااااااافي وبياكلو بليلة
ده طبعا واحد من عربنا . بعد ولع بالحيل عصر اصبعه في اضانو وصار ينم ويتلولح زى اذان المغربية
هو طبعا بيستغرب في عينة زولك المرشد ده الممكن ياكل العيش بليلة سااااى لكن اكان جابوهو ليهو سكسكو صافي بتر منو لا وراء .
هلا هلا العرريب ات وصلت هنا ...؟؟ ما تقول انت الدوبيت شنو "واحد من عربنا " يرموك في عرر قول امين ....
Post: #98 Title: Re: ليس دفاعاً عن الخمر Author: وليد التلب Date: 06-16-2009, 09:33 AM Parent: #96
الاخ/ حافظ
لك كل الود
اقول ليك ماشفت البوست ده من بدري اكون كضاب ؟ لكن قلت تلقاهو واحد حيشبكنا نقة ساكت . لكن الليلة قلت اخش اشوف في شنو ؟ والغتيت حيدر الزين طالع نازل معاي لقيتو رادي هنا وما كلمني
ضحكت من اعماق قلبي تعلمت ان للآخر منطقه فيما يفعله اعجبت بأمك ايما اعجاب في صلابة مواقفها وفهمها البسيط .
تعليق اخوك الصغير في اهلو سبب لي احراج في المكتب مع الزملاء ، فلم استطع التوقف عن الضحك
لك الود مرة اخري
Post: #99 Title: Re: ليس دفاعاً عن الخمر Author: HAIDER ALZAIN Date: 06-16-2009, 10:17 AM Parent: #98
اووو القعدة تاني دورت والا شنو ؟
غايتو دي طالما جابت دووبيت يانا الختينا عدلن وجيناكم ..
Post: #100 Title: Re: ليس دفاعاً عن الخمر Author: الطيب شيقوق Date: 06-16-2009, 11:43 AM Parent: #99
Quote: هلا هلا العرريب ات وصلت هنا ...؟؟ ما تقول انت الدوبيت شنو "واحد من عربنا " يرموك في عرر قول امين ....
حصل دليت الراية ؟؟؟؟؟
Post: #101 Title: Re: ليس دفاعاً عن الخمر Author: حافظ حسن ابراهيم Date: 06-16-2009, 12:17 PM Parent: #100
شباب سلامات بس الزنقة حاصلة انا في الابيض ورشة لكن الليله المساء لو الله كفانا شر اولاد الحرام بجيكم برواقة
اقعدوا عافية
Post: #102 Title: Re: ليس دفاعاً عن الخمر Author: Mohamed Abdelgaleel Date: 06-16-2009, 01:11 PM Parent: #101
أها قعدنا
Post: #103 Title: Re: ليس دفاعاً عن الخمر Author: حافظ حسن ابراهيم Date: 06-16-2009, 02:40 PM Parent: #102
Quote: نادونا نحن نفير راس مالنا كان قزايز شرى من بار الزين عليك امان ضربنا البيت بهيا00
خالد المحيرب سلامات يا خي .... لكن ما تقول لي دي النفاير و لا بلاش نفير بشيري واااااااااااااااااااااااااااو ربك يحسن و يبارك . اها سين سؤال ما عندكم تاني نفير قريب؟.... لكن انا اقول ليه عفاف دي جميلة كدا ؟ و اذا عرف السبب بطل العجب والله انت جميل يا خالد لكن عفاف اجمل صدقني ....يا خي دا زمن زمين لكن 82 دي يا خالد ما كترتها شوية
منعم وين انت ياخي؟ اخوك اليومين دي في الابيض و لاقي ليك اصحاب جوا من امريكا و استراليا و القعدة يااااااااااااااااااه
Quote: غايتو يا حافظ عمك خالد اب شنب دا في الشراب بكون مزتو خروف وبعد الشراب عشاهو تور الحمد لله الـ وقف ما عشان اختنا عفاف عشان نحافظ على ثروتنا الحيوانية من الانقراض
ثروتنا الحيوانية والله لو بقت علي خالد هينة لكن ..... تم الباقي خيال
الطيب شيقوق
Quote: بريد العيش بريد يوم المريسة كتييييييرة بريد الدقّة صافية الموية فيها قلييييييييييييلة انا بستغرب في الزول البياباهو صااااااافي وبياكلو بليلة
ههههههههههههههههههههههه انت بالصورة دي حتفصلني من الشغل و بجيك راجع يا الطيب لقصة الفصل دي
وليد التلب ....والله الليله شكلوا يوم الضحك والاحراج العالمي ... نحنا شغالين ورشة في امان الله في الابيض ...ال session كان مقدماهو زولة زميلتي والله عسل بس ....اها البنية العسل تنضم تنضم و شئ وصيف باليد ومرات كتابة علي الفلب جارت يا خي ... انا مركلس مستني دوري .... قلت يا خي ما أشوف بت ابو حريرة دي كتبت شنو .... يجيني البوست الما يغباني بالاحمر فوق (ليس دفاعاً عن الخمر)...فتحته علي طول و انا بقرأ في التعليقات... قريت ليك دوبيت شيقوق دي و هاك يا ضحكة ...ضحكة بجلاجل ...يعني دا حرج أصلوا ما بعده حرج؟ ناس الورشة participants افتكروا اني مجنون.... قامت البنية دي دايره تخفف الموقف ...قالت ليهم اصلوا حافظ دا كدا ...المهم دايرة تكحلا عمتها... بعدين يا التلب حيدر دا شكلو شرفان و الشرفان بجهجه دفاعاتك
ابو بكر: انا شايفك متابع البوست دا تقول عندك معاهو تار يا خي ما تخليني اتهور و اقوم اعزمك....والله يا بكور الا يربطوك ... و الليله انا معزوم تاني مع أخوان السوء... و خليتك طيب يا بكور
حيدر يا حنين والله ليك وحشة لا تلفون لا مسج ... يا خي ابقي واصل وتعالنا بدون عدل
Quote: حصل دليت الراية ؟؟؟؟؟
يا شيقوق والله انت شقي و قديم من زمن الراية بنزلوها ... و يا شباب الراية دي طبعا ما القطرية و لا الراية جريدة الجبهة الاسلامية زمان... رأيك شنو يا شيقوق تفتح ليل بوست تسميهو (نزل الراية)
محمد عبدالجليل
Quote: أها قعدنا
لسا شوية كدا خلي الدنيا تمغرب يا مان وصلني الاميل تشكر لكن قانص للعزومة بس الله يختينا شر السفر و الموت...لكن جايين جايين
Post: #104 Title: Re: ليس دفاعاً عن الخمر Author: خالد المحرب Date: 06-16-2009, 06:31 PM Parent: #103
Quote: : بريد العيش بريد يوم المريسة كتييييييرة بريد الدقّة صافية الموية فيها قلييييييييييييلة انا بستغرب في الزول البياباهو صااااااافي وبياكلو بليلة
بريد الدقه صافيه 00والله ياالطيب انت تعرف مطايب الحاجات 000 الدقه هى من النخب الاول فى هذه التركيبه دى بدوها زمان لى شيوخ القبايل 0 اذا فى عزيمه بى الخليجى نظام اكرام يعنى دى نترمى فى الشوك0000
ماكانت عيب فى العرف القديم هى من ضمن الطقوس واكتمال الفرح 00 واللحم كان زمان الا بالمناسبات عشان كدا هم بقولوا نظام هضم 0 00
Post: #105 Title: Re: ليس دفاعاً عن الخمر Author: عمار عبدالله عبدالرحمن Date: 06-19-2009, 09:11 PM Parent: #100
سلام وتحية ,, انت بكري ده ما تدو عبار عبارين عشان يعلق بيرق الانداية دي في راس البوست وما يخلينا نطش ساكت ,, صراحه اجمل بوست في ومكان في العناوين الفوق ولا انا الرحه لفة راسي ,,, لاني لم اتي هنا الا بعد نبهة لهذا البوست المدرسة بعدد من الماسنجرات + اتنين تليفون مصلح _______________________ ذكر عدد من المحترمين ان اهل الشمالية ما بعملوا المريسه بعمل الدكاي (الشربوت) لا بعملوا المريسة ممان , و في قريتنا ناوا وللان كبيقات (ازيار) المريسة من ضمن مكونات ديكور المسيد (الزاوية) ,,
واصل وبالله احجزوا لي بنبرين قبل اما واحد يجي ينزل البيرق ..
ط
Post: #106 Title: Re: ليس دفاعاً عن الخمر Author: الطيب شيقوق Date: 06-19-2009, 11:15 PM Parent: #105
يا اخوانا الحافظ
ود المحرب
بتعرفوا كاس القرع البطوطح فوق الجردل المليان واقف سحابة ؟
Post: #107 Title: Re: ليس دفاعاً عن الخمر Author: ادريس خليفة علم الهدي Date: 06-27-2009, 08:45 AM Parent: #106
حافظ سلام
علاقتي بصاحبة الفخامة اعلاه ..لها قصة سوف ارويها لك وهي: سنة 1973 وعمري حينها 5 سنوات كان الوالد مديرا لاحدي المدارس باحدي قري شمال كردفان .. كان هناك تقليد اسبوعي مابين حلة النور (غربي المدرسة) وحلة دفع الله (شرقي المدرسة) وهذا التقليد عباره عن مصارعة النوبة .. بيدأ القوم بالتوافد منذ الساعة الثامنة صباحا باتجاه شجرتي تبلدي جنوب المدرسة وكل يضرب علي نقارته تحميسا لمصارعه .. في احد الايام بينما القوم يرقصون سألتني احداهن (ود المدير فطرت ؟ ) اجبتها بلا (مدت الي قرعة بها سائل لا ادري ماهو (حلوة مش كده) شربته حتي آخره وشكرتها .. وبعدها ذهبت الي دارنا وجدت كل اهل الدار داخل الكرنك وامامهم الفطور ( قال لي الوالد ياولد تعال افطر) اجبته بانني أفطرت سألني اين ؟؟ اجبته محل الناس البتدق الدلوكة قال لي بي شنو ؟ قلت ليهو حاجة كده لونا احمر في قرعة .. اها بي زعل كده ضربني الوالد دون تبرير منطقي .. ياعمك الجمعة البعدها اول حاجة فتشت ليها الولية الادتني القرعة وقلت ليها اديني فطور بعد ما فطرت .. مشيت للوالد وقلت ليهو قوم اضربني قال لي لماذا قلت ليهو فطرت زي الجمعة الفاتت .. وبعد داك وصلنا لي تسوية مع تلك المرأة انها تجيب لي أم جنقر .. واستمر الحال علي ذلك حتي غادرنا تلك القرية
اها شفت العلاقة دي قدر شنو ؟؟
Post: #108 Title: Re: ليس دفاعاً عن الخمر Author: حافظ حسن ابراهيم Date: 06-27-2009, 01:52 PM Parent: #107
Quote: مشيت للوالد وقلت ليهو قوم اضربني قال لي لماذا قلت ليهو فطرت زي الجمعة الفاتت
ههههههههههههههههه .... فطرت و لا شلعتا يا ادريس
Post: #109 Title: Re: ليس دفاعاً عن الخمر Author: ادريس خليفة علم الهدي Date: 06-27-2009, 01:56 PM Parent: #108
Quote: فطرت و لا شلعتا يا ادريس
بتكون شلعة في شكل فطور
Post: #110 Title: Re: ليس دفاعاً عن الخمر Author: بشري الطيب Date: 06-27-2009, 02:31 PM Parent: #109
الاخ حافظ سلامات...
ياخي ده بوست ينعنش ...
(يحكى عندنا إنو في زمن كان المستورد بجي من أم درمان بي اللوري وقوم ياللوري إتكسر في الخلا والبلد عدماني الكاس والجماعة متلمين بعد المغرب ومحتارين جا واحد شايل قزازة وقعدوا الباقين يحنسو فيهو وهو أبى يدي زول معاهو قالهم معاي فلان هو نص وأنا نص واحد قالو أدني كاس من نصك قالو والله ما بقدر لأنو نصي التحت).
بنجي صادين
Post: #111 Title: Re: ليس دفاعاً عن الخمر Author: الجيلى أحمد Date: 06-27-2009, 03:50 PM Parent: #110
حافظ سلام ياترس
الدنيا سبت وكدا
Post: #112 Title: Re: ليس دفاعاً عن الخمر Author: صديق الموج Date: 06-27-2009, 06:19 PM Parent: #111
ان كان حافظ ابراهيم اسنحق لقب شاعر النيل فحافظ حسن ابراهيم يستحق لقب حكاى النيل والله لم اقرأ فى هذا البورد مثل هذا الصدق ولم استمتع بمفردات متل تلك التى حشدت هنا ياخى عديلة وخدرة عليك محل ماتقبل بعدين ولايهمك.. ترى مريسه بلا ضبان ولامريسه.. اكتب نحن نزلنا من بنابرنا واتفنا فى واطات الله مفرجخين ويكفينا فغر الفاه والاندهاش.. بالله ماتنسى تمر على الدلاليق جمع دلق والعبابير ولاتنسى المشك فهذا حديث يسكر... وحكاية عدم بيع المريسة دى ابونواس قال قول مشهور: عجبت لخمار ماذا يشترى بما يبيع؟؟ سوف اعود للبوست ده ان شاء الله كل ماتفك او تربط،،،
Post: #113 Title: Re: ليس دفاعاً عن الخمر Author: سلمى الشيخ سلامة Date: 06-27-2009, 08:05 PM Parent: #112
Quote: سوف اعود للبوست ده ان شاء الله كل ماتفك او تربط،،،
ود الموج انت فاكيها ليه من اصلو ؟
يا سيد الحوش سلام مربع شكرى للاخ صديق الموج لانه نبهنى لهذا الموج العالى من الجمال تانيا نحنا اولاد حته واحدة عليك الله كان لاقيت بابكر حميمة ومحمد اخوه اغريهم السلام وكل ناس الابيض
عارف واحدة كانت بتسوى المريسة ايام العون الامريكى "عيش ريغان" بعد الكشة الوكت داك ما كان فى جلد قالت ـ الله يخليك ياريغان ويخلى عيشك تانى بنسوى المريسة وتانى اليدقونا شفت الزولة دى سمحة كيف؟ تحياتى
Post: #114 Title: Re: ليس دفاعاً عن الخمر Author: حافظ حسن ابراهيم Date: 06-27-2009, 08:39 PM Parent: #113
صديقي الجميل ادريس ازيك .... والله انا خلاص فترت من صحبتك الاسفيرية دي ...يا خي اعمل حركة يا تجي السودان أما ان اجي السعودية انشاء الله عمرة .... نمسك شباك النبي (زي ما بتقول امي) عليك الله كيف و كيف المعاك سلاااااااااااام للكل
بشري الطيب مرورك بالدنيا
Quote: يحكى عندنا إنو في زمن كان المستورد بجي من أم درمان بي اللوري وقوم ياللوري إتكسر في الخلا والبلد عدماني الكاس والجماعة متلمين بعد المغرب ومحتارين جا واحد شايل قزازة وقعدوا الباقين يحنسو فيهو وهو أبى يدي زول معاهو قالهم معاي فلان هو نص وأنا نص واحد قالو أدني كاس من نصك قالو والله ما بقدر لأنو نصي التحت).
لكن صحبك طلع شفت شرفااااااااااااان دا الكلام
الجيلي وينك انت لا حس لا خبر لكن برضوالشوق من حاصف لكن ما عارف الباقي شنو
Quote: الدنيا سبت وكدا
والله يا الاخوعارف الدنيا سبت لكن انا اليومين دي في إجازة يعني كل الايام خميس .... تسلم يا حلو و معزوم خميس خاص
صديق الموج .... كدا انت بتكبر رأسي والله ...يا جميل لكن ما مدلل اشواقي و تحياتي و بعدين انت معزوم عندي ونسة لله احتراما للشنب الابيض دا
شباب و شابات سودانيز اون لاين اسمحوا لي اتغزل في سلمي الشيخ سلامة اسم له ايقاع... سلمي يا عسل انتي و يا منقة انتي بس دا كل الغزل ... انتو عارفين انا افشل زول في الغزل ...مره انا وود عمي قلت ليهو يا عاصم الليله خليني اشاغل البنات ديل انا... عاصم: يا زول تمام المهم انا بديت اشاغل لكن المشاغلة طلعت بيييييييييييض و البنات ضحكن ما اعجاب فيني لكن سخرية ... لكن سلمي الشيخ سلمي حقيقة اسم له ايقاع خاص عندي .... هي قصة طويلة لكن بجيها .... امهم يا سلمي وقت كنا صغار و بنلعب عروس و عريس كانت بت عمي عروسي بسميها سلمي الشيخ سلامة .... لكن جايكي يا سلوم للموضوع دا
Post: #115 Title: Re: ليس دفاعاً عن الخمر Author: د.نجاة محمود Date: 06-28-2009, 05:43 AM Parent: #114
سلام يا حافظ ليك وحشة اسفيرية
انت لازم كل يوم تنزل بوست ياخي... وكل يوم تعمل تمام اسفيري حتى يطمئن قلبنا انك لسع بتفرفر
زمان في المعهدعندنا صاحب يحتفي جدا بالكحول بانواعها علنيا وما عنه اي امج تو كيب
المهم يوم مرض شدد ومشى الدكتور وجا صاحبنا المشترك يبدو الهم عليه جاقعد جنبي بكل تراجديا اسخبلوس ورمى دمعة قلت خلاص الزول دا شرطا اضرب شاكوش كبير شديد حيث كنت حائط المبكي لضحايا الشواكيش سالتو ملك يا زول قالي فلان وتاني اجهش بالبكاء بس انا خوفتا شديد قلت قطعا مات قلت ليه بكل درامات الدنيا ماااااااااااااااااااااااااااااااااااااااات قالي لا قلت ليه طيب مالو كلمني يلا خلاص بقيت ذي تحيةزرق صريخ الحصل شنو قولي اسع.. قالي عنده...... اهااه (الحركة الشفطية البالنخرة ديك ) تلي.... الحركة الشفطية تاني ديك ذي عشر مرات تليف في الكبد انا قلت ليه يعني شنو؟ قالي معناها ( حركات شفطية) السنة دي ما بتمها
يلا دخلنا في فاصل نشيج وبكاء ثنائي والخيال الخصب صوره لي محمولا يوما على كتف
وحسيت بوحشة الدنيا يعني معقول الزول دا يكون مافي في الدنيا.. بكينا زين وقال طبعا هو ما عارف الدكتور قريب فلان وقال ماحنكلمو عشان يعيش ما تبقى له من عمره بلا شلهتة وبتنة وكلتوك ولا جوك وادوه حقن كثيرة شديد.. بالله اوعي تكلميه وما تنبشي لو جا سكران تاني مهما يكون الزول دا صاحبناواخونا. المهم بعداك ذي اسبوعين كدا بمشي الكلنيك معاه..اي سقالة ما برد عليه وكم مرة اديتو كراسي بدون نبيشة اها امشى انساه عند عشة وكر
وبقيت النملة الشفوقة المسلمة ما عايزاه يموت مسلم عاصي طوالي بكلمو عن مضار السكر ببعيد لبعيد.وادعو الله انه يهديه
لغاية ما جا يوم فرحان منشرح قالي والله في بت في التمريض سمحة خلاص المهم فهمتا انه في توصيلات موية ونور بينها وبينه مشيت معاه يوم اشوفها لقيتها بت ظريفة جدا يلا بقيت في دايملة اخلاقية هل نخليه يعيش سنتو الاخيرة دي سعيد بعدين البت دي ذنبها شنو.. جيت قلت اكلم صاحبناالمشترك واشركو في هذا الامر الجلل الزول دا قالي اسمعي يا زولة الاعمار بيد الله بعدين انت ياخي انت ما ممكن تنقذي العالم دا كلو انت بس لمي لسانك عليك وما تكرهيه حياتو السكر حرام والسكر والنموذج الاجتماعي المرفوض الخ الخ كلامك الفارغ دا ... بس تاني يوم يجي صاحنا السكران ديمة يقولي والله انا ما كنت قايلك كدا ياخي انا اقوليك عن البت الفي التمريض تمشي تكلمي فلان بالله راسي داالليل كلو اعدل فيه بقدر اعانتك
يجي الحمار دا يطيرها لي من راسي بعدين ياخي الوضوع دا لو انا عايز اكلمو ما كنت كلمتو الزول دا ساكن معاي بقيت في الاعتذارات والله غصبا عني
وبس انا.. وهو شغال نظام زر ياخي بلا بس بلا كلام فارغ مافي سبب كلمتك بيه تكلمي اي زول والله بقيتي زولة عجيبة خلاص زولة غير جديرة بالثقة ولا الخوة ذاتو يلا جاني احساس اني قدر سمسمة داك انه ما بقدر اكلمو بالحقيقة عشان اكون جديرة بالثقة والخوة ولو سكتا هو بفتكرني قوالة وبنقل الاخبار و شمارجية بلغة هذا الزمن يلا حسيت بحزن عميق جدا .. قربتا ابكي قام طوالي قالي اها خلاص يا زولة الحصل حصل والخسارة حصلت بس تاني كل زول بحفظ اسرارو وما يثق في اي زول لكن ممكن ذي زمان نذاكر مع بعض مافي مشكلة
نمشي مسرحيات النقدالتطبيقي مافي مشكلة برضو بس كلام في مواضيع خاصة تاني مافي. بعدين موضوع الكلام في السكر دا يتقفل نهائي بينا وفلان دا انا خلاص قطعت علاقتي معاه نهائي ما تكلميه عن اي موضوع يخصني
مافي مشكلة وعافي ليك..
اها المهم بعداك اكتشفت انه الزول دا شديييييد ولضييييييض والحقن حقن كالسيوم ولليلة دي حي يروزق عنده كوشة من الاطفال و
يملا الكون فرفرة وسقالات بس الممثل داك الى الان ممثل فاشل وان افضل دور مثلو في حياتو كان علي .. والمضحك جدا صاحبنا الجاب قصة بت التمريض ديك عشان شافني مهتمة بيه اكثر من اللازم وعايز يعرف نفر الاهتمام دا شنو وبت التمريض دي اخت صاحبو(معلومة عرفتها لاحقا) برضو يقولو كيدنا عظيم..
مع تحياتي لحافظ ولاصحابي القدام ديل
Post: #116 Title: Re: ليس دفاعاً عن الخمر Author: طلال جبير جابر Date: 06-28-2009, 07:01 AM Parent: #115
الاخ حافظ صباح الخير
اسمع والله عازمك ام فتفت عند ناس الكو في ديوم بحري ،..... والله تفكها ليك وتخليك مية المية ..... ما تقول لي فاكيها ليه .... عشان تبدا بعدين من جديد .... وانا عازمك معانا في بحري وقالو بحري سر الهوي ....
يا زول ياسمح والله شهينا القعدة معاك ما دايرين اي بنابر بس في الواطة نتفن .... سلم قلمك الرائع روعة انسان بلادي ........
Post: #117 Title: Re: ليس دفاعاً عن الخمر Author: طارق عمر مكاوي Date: 06-28-2009, 07:36 AM Parent: #116
حكي لي أحد اصدقائي من الدينكا .. ذهب لمدينة الرنك في زيارة (تغطية صحفية) .. و اعتاد اثناء فترة تواجده بالرنك علي زيارة احدي ستات الشاي تحت ظل شجره وريفة .. لاحظ اثناء الفترات التي يقضيها جوار ست الشاي انو في شباب و شابات بيشربو عندها الشاي و بعدها بيستأذنوها في انهم يستخدموا بيتها بطريقة اصطلحوا عليها و مفهومة بينهم ..
صاحبي سال ست الشاي: انت يا خاله بتأجري للناس ديل بيتك دهـ بقروش .. اجابت ست الشاي : لا و الله يا وليدي بس الت الله ( يعني لوجـه الله ) .
عاوز اقول الســودان دهـ جدا متنوع و متعدد الثقافات .. و من يحكمنا يجب انو يحترم الإختلاف دهـ .. او الطوفان .
ودي ..
Post: #118 Title: Re: ليس دفاعاً عن الخمر Author: ادريس خليفة علم الهدي Date: 06-28-2009, 07:53 AM Parent: #116
يا حافظ
عندي صاحبي من ايام الزمن الجميل .. كنا كل يوم بنجيب نص قزازة من الشري القبرصي .. ونمشي علي البحر (النيل الابيض) عندنا مكان واحد بنقعد فوقوا كل يوم .. عندنا كباية شترا .. يعني لازم يبقي كاس زائد .. اها كل يوم الشكلة في البشرب الكاس الاول منو ؟؟ نقوم نعمل قرعة (طرة وكتابة) ونرتضي بحكمها .. لمن نجي للكاس الاخير ..تقوم الكبسيبة .. حقي حقك .. في الاخير نقوم نديهوا الاتحاد العام (نكشحوا) يقوم يا عمك المشير يعلن قوانين سبتمبر .. القبرصي تحول الي عصير البلح ... وحات خوتك من اليوم داك ولي هسع بنتعازم علي الكاس الاول ..
Post: #119 Title: Re: ليس دفاعاً عن الخمر Author: حافظ حسن ابراهيم Date: 06-28-2009, 09:22 AM Parent: #118
د. نجاة سلام و انشاء الله طيبة انتي و العيال و ابوهم.... لكن عندك اصحاب عينة.... يا خي ما تلميني فيهم خوة لله و الرسول
طلال جابر جبير ...والله عندك اسم ابو و جد في السلك لكن قصة اسم الابو و الجد بجيكم ليهم في الخاص
Quote: اسمع والله عازمك ام فتفت عند ناس الكو في ديوم بحري ،..... والله تفكها ليك وتخليك مية المية .....
اوعي تنط من كلامك دا و بعدين انا معبود ام فتفت لكن ما باكل بتاعت السوق يعني من يدينا الحاجة رأساً... و بعدين تعال لي هنا انا لو داير افكها من البداية ربطها ليه
Quote: يا زول ياسمح والله شهينا القعدة معاك ما دايرين اي بنابر بس في الواطة نتفن ....
شنو يا طلال موضوع البنابر دا انت اسلمت و لا شنو؟ يلا احكي ليك قصة الاسلام و البنابر زمن الانادي و دي جمع انداية يا طلال و بتعبير اخر انداية يعني بار بلدي...المهم في خواجة بجي الانداية بشكل دايم و بعدين الفدادية (الفدادية دي الست صاحبة الانداية)...الفدادية بقت تجيب ليهو ويسكي وكدا....مره عمك الخواجة دا جاء الانداية قامت الفدادية نادت المساعدة بتاعتها جيبي للخواجة دا كرسي الخواجة: لا بنبر الفدادية: جيبي ليهو الويسكي من جوا الخواجة: لا مريسة (المهم جابو ليهو المريسة و اتحكر في البنبر) الفدادية: طيب يا بت جيبي ليهو كباية شوب الخواجة: لا أبار (عبار) الفدادية: سجمي الخواجة دا اسلم و لا شنو؟
و انت هسي يا طلال اسلمت و لا شنو؟
طارق مكاوي
Quote: عاوز اقول الســودان دهـ جدا متنوع و متعدد الثقافات .. و من يحكمنا يجب انو يحترم الإختلاف دهـ .. او الطوفان .
يجب ان يحترم التنوع؟ اه يا طارق
ادريس يا خي انت مبالغة من زمن الشيري القبرصي يا خي انت طلعت اقدم من الدرب....
يلا يا فرد القعدة سمحة و لكن جايكم صادي
Post: #120 Title: Re: ليس دفاعاً عن الخمر Author: dardiri satti Date: 06-28-2009, 10:02 AM Parent: #100
Quote: أسال ناس الشهادة العربية يا عمك ...
الظاهر طلعنا شهادة عربية!! أشرح لينا يا أستاذ.
تحياتي
Post: #121 Title: Re: ليس دفاعاً عن الخمر Author: ادريس خليفة علم الهدي Date: 06-28-2009, 10:28 AM Parent: #120
هاك دي في واحد من اعياد سنة 1984 .. والتي عادة ما نقضيها في القرية .. عندنا مباراة كرة قدم مع القرية المجاورة .. والمدرب خالا لينا مسخوت .. جمع الفريق بعد الفطور وقال احسن حاجة تعملوا بيها لياقة هي المريسة .. يا مؤمن يا مصدق .. صفيحة وراء صفيحة . لحدي الساعة تلاتة .. بعد نص ساعة طلعنا لي الميدان لعمل تمارين الاحماء (اخوك حارس المرمي) .. المهم الساعة اربعة وعشرة دقايق بدت المباراة .. في الدقيقة عشرين من ضربة مرمي . اشرت الي الجميع بالتقدم الي الامام .. ورجعت زي عشرين متر .. وجيت فاكي البيرق .. يازول بعد شوية لقيت ليك القشاش بتاعنا برفع فيني من الواطة وبيضحك والكورة في محلها .. سمعت ليك واحد قال يا جماعة انتوا الحارس دا مقيل ولا شنو ؟ يا عمك شلت الكورة ومشيت البيت (التقول شارب زمزم)
Post: #122 Title: Re: ليس دفاعاً عن الخمر Author: dardiri satti Date: 06-28-2009, 10:46 AM Parent: #100
Quote: اخي حافظ شكرا على هذه السياحة الفكرية
Quote: ما بتتشرب يومي ... يعني الموضوع social .... المهم بجي بعد شوية و بحكي عن طريقة الصناعة لكن اقول ليكم حاجة....... طريقة الصناعة دي طويلة و ممكن تكون مملة للقاري لكن اي واحدة داير يعرف بس يرسل لي اميلو و انا بعمل ليهو اتاش لطريقة الصنع.....
المريسة في عرفنا نحن ابناء الشمالية غير موجودة الا ان من تعاطاها من اهلنا إما كانوا في الجيش او البوليس او حتى معلمين في جنوب وغرب السودان اما نحن فلم نعرف المريسة الا في الخرطوم وقد شربت المريسة لذات الفهم الذي يقول ان المريسة غذاء متكامل من دسميات وزيوت نباتية الى اخره.. ولكن عند متابعتي لسردك وجدت ان هنالك تطابق بين صناعة المريسة وشربها لديكم وبين صناعة الدكاي عندنا في الشمالية ويالذات في منطقة المحس والسكوت حيث يتم نقع التمر في قواسيب خاصة (ازيار) وتترك لفترة اسبوع حتى تصل لدرجة معينة من التخمر ومن ثم يشرب كحالة اجتماعية ولم يسجل اي تاريخ في المنطقة النوبية ان تم بيع الدكاي..
كان لوقت قريب (نهاية السبعينات) ان يقوم اهل العريس بتوفير كمية من التمر لعمل الدكاي للضيوف الذين يتم دعوتهم وقد يتم تقييم عظمة العرس بعظمة نوع الدكاي اذا كان مسكرا فيقال ((انه ان دكاي عرس فلان كان اجود نوع)) وكان مثالا للتفاخر.. اما جلسات الدكاي فكان يقتصر على الرجال ويدخل ضمن الاجتماعيات.. وكانت جداتنا يقمن بصناعة الدكاي لازواجهن كنوع من الخدمة الواجبة ويتفخر الرجال بازواجهم اللائي يجدن فن صناعة الدكاي.
شكرا لنا عودة
عزيزي ،
يا أستاذ نحن عندنا البقنية‘ وهي نفس المريسة ، بس نحن بنضيف ليها التمر. في سبعينات القرن الماضي ، نشر الدكتور نجم الدين محمد شريف، بحث عظيم في مجلة الدراسات السودانية، بعنوان "" خمور النوبة"" شرح فيه تقنيات وطقوس صناعة العرقي ، والدكاي ، والبقنية ، والنبيت ""النبيذ"" الخ... و دا ، وسِيبَك منهم ، إرث ثقافي واقتصادي مفروض الناس يطوروه ويجودوه تقنياً ، ويطلعوا بيه للسوق العالمي، وما مفروض يتجاهلوه رضوخاً لاستعلاءآت الثقافات الوافدة.
تحياتي .
الأخ حافظ، شكراً على لفت الإنتباه إلى زوايا لم تكن ضمن الإدراك، فمزيداً من الكشف ، مع الإمتاع والمؤانسة، وخالص مودتي.
تحياتي
Post: #123 Title: Re: ليس دفاعاً عن الخمر Author: dardiri satti Date: 06-28-2009, 11:32 AM Parent: #100
Quote:
هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
زمراوي ،
دي بالذات ، أوعك منها. ياخي مرة واحد صاحبنا الشرطة العسكرية جهجهوه جهجهة عدوك !! تصور جو مارين جنب العربية بتاعته ، شمو ليك ريحة ، طلعوا ليهو في المكتب ونزلوه : إفتح السيارة ! في شنو ؟ أقول لك إفتح السيارة ، يا ملعون الوالدين ، إفتح ، مروٍّج بعد؟؟ أخونا فتح العربية ، وشم الريحة، ونطط عيونه! -""أكيد هادي حطها واحد منكم ! تريدون تصلحوا لي مشكلة؟"" - ""إيش من مشكلة ؟ فين القارورة؟"" وحياتك الريحة طاقة ، ولا قارورة ولا يحزنون!! ربك رب الخي رجاب المقدم (الشريطي) راجل سكران حيران. طلع ليهم من جوة العربية، تصور شنو؟ تفاحة مقرومة، قرمها واحد من الشفع قبل تلاتة أيام في العربيةوخلاها!! تقول لي عايز كمان تعمل مريسة في الشقة؟؟
تحياتي
Post: #124 Title: Re: ليس دفاعاً عن الخمر Author: حافظ حسن ابراهيم Date: 06-28-2009, 11:59 AM Parent: #123
الدرديري ساتي سلامات
Quote: دا ، وسِيبَك منهم ، إرث ثقافي واقتصادي مفروض الناس يطوروه ويجودوه تقنياً ، ويطلعوا بيه للسوق العالمي،
اوريك كيف بيطوروا الحاجات دي كيف
الحالة دي الكشة.... الدنيا خميس ... انا وأحد اصحاب الرماد كعادتنا قرر ان نمارس الروتين الخميسي.... قمنا بشراء قارورتين ماء من اقرب دكان ليس حباً في الماء و لكن لزوم الفاضي... جزء من الماء قد شربناه و الباقي دلق علي الارض بينما نحن نمني انفسنا بخميس جميل ... في الشارع كنا بنعمل بروفه بصوت منخفض (اطيب من الالم و ارتاح ... وفي الشاطي يا حبان ساهرتو بينا و عدد اخر من الاغاني اللازمة),,,المهم وصلنا محطة التوزيع .... 4 اطفال لا غير , الاخت الكبيرة كالعادة قامت بدور الام و هي تهدهد في الصغير: نحن: سلام .... الاخت الكبيرة: اهلا .... ففي هذا السودان اذا كنت الاخ الكبير فانك بكل تأكيد ستحرق اجمل مراحل حياتك وهي مرحلة المراهقة ...لان وضعك كأخ كبير في الغالب يحتم عليك ان تكون اب و انت في 16 من عمرك لغياب الاب لأي سبب غير مرئي... اما ان تكون الاخت الكبري فهنا الوضع أسوا , ففي 12 من العمر تحلين محل الام و في ال 15 تكونين ام بكل ملحقاتها من حمل و ولادة و رضاعة ..... المهم نواصل حوارنا مع الاخت الكبيرة التي لم تتعدي 10 سنوات نحن: وين امك؟ الاخت الكبيرة: ساقوها ناس الكشة.... عند سماع هذه الكلمة المخيفة (الكشة) الي الخلف درت عشرون عاماً وزيادة ....والحضرة كانت لأسو الزكريات , الزير المكسور و الماء المندلق, حبوبة التي تجاوزت العمر الذي فيه يمكن ان تكون خارج قطيتها, حبوبة المتكومة في ظل شجرة النيم تبكي برعب, الأواني المتناثرة , خالتي حمرا و عبارات المواساة اللحظية, بكاء اختي الكبري و سؤالها عن لماذا تم كش امي, تبولي في السرير الذي سبب لي كثير من الحرج لمدة شهر بعد تلكم الحادثة..... كل الئيم الزكريات هذا اجتاحني دون اذن او مقدمات, ... بعدها انهمرت كمية من الاسئلة التي ليست للاجابة... اسئلة علي شاكلة:- ايا تري اي من هؤلاء الصغار سيتبول في السرير هذه الليله حداداً علي امه؟ هل يدور في رؤوسهم ما دار في رأسي قبل 20 سنة و يزيد, هل يدور برؤوسهم ان امهم سوف يتم اغتصابها؟ و من المغتصب؟ هل مجموعة ام فرد؟ ما هو رد فعل امهم؟ دخلت في كأبتي المعهودة و بدأت اقارن بين هؤلاء الاشقياء الاربعة و نحن قبل عشرين و زيادة من السنوات.... في ذاك اليوم المشئوم اليوم الذي سيقت فيه امي بواسطة الكشة فقد كانت لنا خالتي حمرة بحنانها الذي يكفي دزينة من اطفال و يفيض, فمن لهؤلاء الاشقياء الاربعة اليوم؟.... فالاجابة لا حد غير عمارة تحت التشييد و أثاث متأكل ابي عاد بعد انتهي اليوم في المزرعة و اب هؤلاء التعساء ربما لا يعود اطلاقاً ....و كم من الاسئلة التي لا تتوقع اجابات..... في الختام لعنت كل شئ و اقنعتني صديقي ان لا خميس لنا اليوم.
Post: #125 Title: Re: ليس دفاعاً عن الخمر Author: dardiri satti Date: 06-28-2009, 01:31 PM Parent: #100
Quote: غايتو يا حافظ عمك خالد اب شنب دا في الشراب بكون مزتو خروف وبعد الشراب عشاهو تور
عفيت منه !!
تحياتي
Post: #126 Title: Re: ليس دفاعاً عن الخمر Author: حافظ حسن ابراهيم Date: 06-28-2009, 05:53 PM Parent: #125
Quote: دي بالذات ، أوعك منها. ياخي مرة واحد صاحبنا الشرطة العسكرية جهجهوه جهجهة عدوك !! تصور جو مارين جنب العربية بتاعته ، شمو ليك ريحة ، طلعوا ليهو في المكتب ونزلوه : إفتح السيارة ! في شنو ؟ أقول لك إفتح السيارة ، يا ملعون الوالدين ، إفتح ، مروٍّج بعد؟؟ أخونا فتح العربية ، وشم الريحة، ونطط عيونه! -""أكيد هادي حطها واحد منكم ! تريدون تصلحوا لي مشكلة؟"" - ""إيش من مشكلة ؟ فين القارورة؟"" وحياتك الريحة طاقة ، ولا قارورة ولا يحزنون!! ربك رب الخي رجاب المقدم (الشريطي) راجل سكران حيران. طلع ليهم من جوة العربية، تصور شنو؟ تفاحة مقرومة، قرمها واحد من الشفع قبل تلاتة أيام في العربيةوخلاها!! تقول لي عايز كمان تعمل مريسة في الشقة؟؟
درديري قول لزمراوي دا بدل مريسة ممكن يعمل عسلية في الشقة لانو الرسك هنا ما عالي و بكره بجي صادي بوريكم كيف تعملوا عسلية في غياب الفدادية
Post: #127 Title: Re: ليس دفاعاً عن الخمر Author: عبدالكريم الامين احمد Date: 06-28-2009, 07:22 PM Parent: #126
في صحة البوست الرائع ده كاس واربعة بقات من عرقي بكري وارد حواء ليمون..!!
وياحافظ انا لمن دست فرملة في اخر مداخلة كنت واقف لط وبل لك ان تقول واقف زنبارة وجاتني خلعة طشمية وهمتني انو الارشفة جات والناس لمت الباقات وانا ما قدرت ارفع كاس كاسين مع الاخوان في البوست الفاتني مفلع لاسباب عجيبة وغريبة.... وضبتو الصبوح وضيبة تشهيك بساط الريح كبيررررر وعريض يلمكم كلكم مع الطشمة العلينا وعليكم دي ويسوقوكم الي مشاهدة السكر علي اصولو عن زولين (كل ما اشوف لي زول محترم الشراب وبشرب بادب واحترام) ضروري اتذكرهم ولو علي عجالة.....
1- باخوس... افندي سمين سمن تاريخي ومرح مرح عالي ولكنه ومنذ بدايات العصر يبدا فيما يسميه الحكحكة والكاروشة ويردد مقولته الشهيرة (يازمن ادفر وتعال)...!! في انتظار ساعات المساء في بداياتها وتبداء ترتيبات موغلة في النظام غسيل العدة وانتظار الهادي السواق عشان يجي يمشي لست العرقي بلية وترتيبات العكو...!!!عندو باغة مميزة وعامل ليها بخور خاص ومجلدها بقرطاس قووي كده ماعارفو جايبو من وين..؟؟؟ ورغم يقينه بان الهادي سيذهب الي ست العرقي ويعود الا انه في انتظاره القلق يطل من بوابة المبني والكاروشة في اعاليها وهي يردد( ديششششك يا الهادي ياخي تعال عليك حبوبتك)... دي كلها باقة بتاعة تصرفات مرحة يفعلها بمرح وحماس حتي يستقبل الصنف الجايبو الهادي لتبدا القعدة الما خمج وله لحظة ذهاب الي متابعة (العكو) بعد البقة الرابعة تحديدا وهو يردد (اهااااا ياعكو)... ثم تبداء العرقي في السريان في الراس لكي يبداء الشعر والغناء الماخمج والانجليزي المعلب... وبعد مرات تزوره سحابات قساوة وقبقبة اولاد الكاس.... (السكر عند باخوس دراما وسينما وتتشهي ) ان تزيد الاربعة بقات التي كانت يهبها للراوي حسب مزاجو (لتسمع مقولة علي شاكلة لو جاء ديشك مافي ليك اربعة بقات) وانا باخوس جني وجن سكر الحناكيش ... ولسع سنعود الي سكرة باشري ورحلتها العجيبة..
Post: #128 Title: Re: ليس دفاعاً عن الخمر Author: د.نجاة محمود Date: 06-29-2009, 02:06 AM Parent: #127
Quote: د. نجاة سلام و انشاء الله طيبة انتي و العيال و ابوهم.... لكن عندك اصحاب عينة.... يا خي ما تلميني فيهم خوة لله و الرسول
انا ذاتي لو لقيتهم ما با باهم لكن العينة دي من طرف المعهد ترفع ليك ملية لوري.
الجميع هنا بخير سائلين منك..
Post: #129 Title: Re: ليس دفاعاً عن الخمر Author: طلال جبير جابر Date: 06-29-2009, 10:34 AM Parent: #128
صبا ح الخير
يا حافظ يا اخوى وين انت شفقتنا عديل كدة .. من الصباح عاملين فيها تقال ..
انت امامة الظلام لمو فيك امبارح ولا شنو؟ ورينا في ..... عشان نقوم بالواجب وكدة ..
.............. ما قلنا ليك تعال في بحري ..امان وناس حنان
Post: #130 Title: Re: ليس دفاعاً عن الخمر Author: حافظ حسن ابراهيم Date: 06-29-2009, 11:04 AM Parent: #129
عبدالكريم الامين .... سلامات
Quote: (كل ما اشوف لي زول محترم الشراب وبشرب بادب واحترام)
يا سلام يا خي ذكرتني جارنا في البلد .... انت عارف عمك دا بحتفي بي و قت امشي البلد اجازة او حد ابي العيش .... الزول دا في بداية القعدة بعمل ل counselling بذكر لي كمية من العظام (العظام خت تحتها ختين) كمية من الرجال العظام في المنطقة بسكروا ... انت عارف والله انا ما داير زول يذكرني باي حاجة لكن عمك دا مصر .... و بعددين في القعدة عندو طقوس كدا مبالغة ... و لو دايرو يكرهك اشرب ون قو او صر وشك بعد الكأس يا حافظ ما تنسي انت بتشرب في عرقي ما في دواء .... لازم تشرب باستمتاع حاول ما تصر وشك, ما تبصق بعد الشراب والخ القائمة من النصائح . د. بيان كيف اصبحتي الليله
طلال سلام
Quote: انت امامة الظلام لمو فيك امبارح ولا شنو؟ ورينا في ..... عشان نقوم بالواجب وكدة ..
يا منقة امامة الظلام يلموا في منو تاني بعد ما خشي نظام ال deleviry و شكراً لثورة الاتصالات
بعدين يا حنين بحري دي جايين جايين لكن ما خوف من اماة الظلم لكن حباً في ناس بحري ... بحري شارع الهوا
Post: #131 Title: Re: ليس دفاعاً عن الخمر Author: HAIDER ALZAIN Date: 06-29-2009, 11:18 AM Parent: #126
Quote: بدل مريسة ممكن يعمل عسلية في الشقة لانو الرسك هنا ما عالي و بكره بجي صادي بوريكم كيف تعملوا عسلية في غياب الفدادية
شنو يا حبيبنا ...
الليلة دي ما الليلة .. والا كيف ؟!
منتظرين والا عشان ما قلنا حاجة ..
التحايا
* صاحبك وصل والا لسع ؟
Post: #132 Title: Re: ليس دفاعاً عن الخمر Author: د.نجاة محمود Date: 06-29-2009, 11:57 AM Parent: #131
تعرف يا حافظ في ادب القعدات دا في حاجة بتحير وهي تكوين الشلة القاعدة دي.. في المعهد كان في اثنين قارشين ملحة بعض شديد يستحيل تلقاهم في حتة واحدة وطوالي بيقطعوا في بعض ودائما في توم اند جيري ريليشنشب بينهم وذات يوم من الايامات اللاقيهم ليك الاثنين ماشين مع بعض يضاحكو المعنويات وذ اسكاي.. توجست جدا.. المهم حق الله بق الله قالو ماشين الديم وانا كنت ماشة الديم اها كلام من هنا ومن هناك عرفت ماشين يشترو عرقي..اتمحنت في عمري حيث كنت دائما اعتقد انه الناس المصاحبين والفرد بسكرو مع بعض اتلخبطت لي الجغرافية تب لدرجة ما وعظتهم وارعبتهم من يوم القيامة وما قلت ليهم الحديث بتاع الخمر ولعبت دور امامة الظلام كدا ساي نلقى لينا اجر والاجر تلاقيط.. اتبومت الى ان وصلنا الى مفترق الطرق هم مشو على عشة وكر وانا مشيت في مشواري اضرب اخماسا في اسداسا..وكدايس راسي في غاية الدهشة والانبهاط لدرجة ظبتا نفسي بتكلم بصوت عالي ورافعة الاصبعين السبابة و والوسطى في اشارة الاثنين.. بس قلت يا يوم السبت ما تجي نشوف نفر الموضوع دا كدا خارطة فهم الرجال ذاتها اتلخبطت تب..
يوم السبت جا وقبضت ليك واحد من الجوز الذي ارتاح له اكثر وممكن تسألو سالتو ممكن اعرف السر في الصحبة دي.. قالي الزول دا زول عضير ساكت وراسو خفيف بس يشم ساكت يرقد سلطة وانا اقوم بالباقي,,
وعرفتا بعدها نوعية من العلاقات المستحيلة الممكنة بين السكارى...
Post: #134 Title: Re: ليس دفاعاً عن الخمر Author: حافظ حسن ابراهيم Date: 06-29-2009, 12:31 PM Parent: #132
حيدر والله شفقتنا عليك .... طولت ما جيت ماري بجاي ... شكينا زاتو قلنا الزول دا تاب و لا شنو؟
د. نجاة
Quote: قالي الزول دا زول عضير ساكت وراسو خفيف بس يشم ساكت يرقد سلطة وانا اقوم بالباقي,,
ههههههههههههه لكن صحبك طلع شفت شرفااااااااان.... لكن يا دكتورة الشرفان دا اكبر مشكلة في القعدات ... و انت عارفة الشرفان ممكن يدبل لنفسو الكاسات يطول كاسو خاصة لو كان الكنق بتاع القعدة .... يعني الشرفان دا ببساطة بجهجه دفاعات القعدة كلها يعني بدل الناس تركز مع العرقي و الغناء تكون بتراقب فيهو ما يزور...
و اضافة الشرفان برضوا الواحد مفروض يحذر زوي العاهات الاجتماعية (يعني المشكوشين حديثاً و في سننا دي بقوا المطلقين و الارامل) يعني زوي العاهات الاجتماعية اول كأس يفتحو ليك بيت عزاء ... و هاك يا بكي و هاك يا ثكلي ... بعدين القصة كلها تكون راحت في حق الله و اجمل واحد من زوي العاهات الاجتماعية ببكي بعد اول غنية انشاء الله لو كانت ورا ورا ... تغنوا اي غنية يفتكرها انها مؤلف قصادو.....
و لكن الشهادة لله الشرفانين و ذوي العاهات الاجتماعية صدقيني افضل من المثقفاتية البيقول ليك (شكل الحاجات, الزول دا حاجتو ما واضحة) يا خي ديل في القعدات بفجروا المرارة لانو اهم شئ في القعده انو الانسان فيها برجع لاصله الاول اصله البدائي دون اي رتوش او مساحيق.
كائنات غير مضرة بالقعدة 1. ابو راساً خفيف..... كاس و يينوم يكفي غيرو شرو 2. حوض الرمله .... دا موضوع ما معقد اول ما العرقي انتهي خلاص بستسلم و يلعن حظه و ينام... لكن في احيان كثيرة يعرض حياة الاخرين للخطر .... يعني بعد الساعة 11 يقول ليك نمشي لنعمة و في الغالب الغالب تلقي ناس امامة الظلم.
Post: #136 Title: Re: ليس دفاعاً عن الخمر Author: HAIDER ALZAIN Date: 06-29-2009, 12:59 PM Parent: #134
نسيت العاملين فيها شعراء يا حافظ .. اول من يجغم كاسين وعاوزين يقرأ ليك شعر يفقع مرارتك .. تسكو وهو وبرضوا يقرأ ..
واصحاب الهاجس الجنسي .. ملأ ليك راسو وطوالي عاوز يمشي يقابض اي زولة قدامو حتي ولو ست العرقي ذاتها .. وياما في ناس عمولها ووصلوا لمرادهم وتاني يوم الصباح بقوا في الاستفراغ والبكا ..
Post: #133 Title: Re: ليس دفاعاً عن الخمر Author: dardiri satti Date: 06-29-2009, 12:13 PM Parent: #100
يا جماعة!! أنا عامل كم مداخلة ، ظهرت في الكشف بي هناك ، وما ظهرت في البورد بي هنا!! دا كلام شنو ياااااااااابكري؟؟؟
تحياتي
Post: #135 Title: Re: ليس دفاعاً عن الخمر Author: حافظ حسن ابراهيم Date: 06-29-2009, 12:39 PM Parent: #133
الدرديري سلامات يا اخوي
Quote: يا جماعة!! أنا عامل كم مداخلة ، ظهرت في الكشف بي هناك ، وما ظهرت في البورد بي هنا!! دا كلام شنو ياااااااااابكري؟؟؟
تحياتي
كدي يا درديري قبال تشتكي لبكري انت وقت عملت المداخلات دي كنت عامل اي حاجة معاها؟ المهم المداخلة الاخيرة دي ليقناها لكن الباقيات امشي شوفن الشرقي .... والله يكفينا شر الطارات
تسلم يا حنين
Post: #137 Title: Re: ليس دفاعاً عن الخمر Author: حافظ حسن ابراهيم Date: 06-29-2009, 06:19 PM Parent: #135
حبة بندول قبل النوم عمك بتاع طشمة صح .... عندو باقة بجيب فيها العرقي كل يوم ... بيتو دايرين يعرسوها , بناتو التانيات جو قالوا ليهو: ابوي ما تديني باقتك دي نعلم بيها العروس , عمك قال ليهم ليه باقتي ما تعلموها بكيس
حيدر الزين الرجاء مشكوراً بعد ان تم حذف ابناء الشهادة العربية من قائمة الحناكيش,,, ارجو شاكراً ان تشرح قصة الكيس دي للنساء و ناس شهادة لندن
مع خالص شكري يا ود الزين
Post: #138 Title: Re: ليس دفاعاً عن الخمر Author: طلال جبير جابر Date: 06-30-2009, 07:41 AM Parent: #137
صباح الخير للناس الحلوين في قعدة حافظ... وصباح الخير البفتشو في موية ساااااااااااااااااااااااااااااااقطة تفك ليهم باقي الطشمة.. وصباح الخير ياحافظ شنو يا الجماعة ديل كتلتهم كدة مالك... ماشايفك ولا شايف لي زول جاء قاطع بهنا ....
راجنك.................
واحد............
Post: #139 Title: Re: ليس دفاعاً عن الخمر Author: ادريس خليفة علم الهدي Date: 06-30-2009, 10:50 AM Parent: #138
Quote: حبة بندول قبل النوم
علي ذكر حبة البندول دي .. عندي قريبي طبيب .. دايما بشكي ليهو من تقل الراس الصباح .. قال لي بعد الطشمة تبلع حبة بندول بعد شهر رجعت ليهو قلت الامور بعد ما مشت كويس تاني الحالة رجعت .. قال لي ساعدها بكباية حليب قبل النوم .. وحات خوتك من يومك داك ولي هسع بجيب الحليب قبل العصير
Post: #204 Title: Re: ليس دفاعاً عن الخمر Author: dardiri satti Date: 09-26-2009, 06:50 AM Parent: #133
Quote: يا جماعة!! أنا عامل كم مداخلة ، ظهرت في الكشف بي هناك ، وما ظهرت في البورد بي هنا!! دا كلام شنو ياااااااااابكري؟؟؟
تحياتي
أنقلها ليكم تاني
دي واحدة:
Quote:
هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
زمراوي ،
دي بالذات ، أوعك منها. ياخي مرة واحد صاحبنا الشرطة العسكرية جهجهوه جهجهة عدوك !! تصور جو مارين جنب العربية بتاعته ، شمو ليك ريحة ، طلعوا ليهو في المكتب ونزلوه : إفتح السيارة ! في شنو ؟ أقول لك إفتح السيارة !! يا ملعون الوالدين !! إفتح !! مروٍّج بعد؟؟ أخونا فتح العربية ، وشم الريحة، ونطط عيونه! -""أكيد هادي حطها واحد منكم ! تريدون تصلحوا لي مشكلة؟"" - ""إيش من مشكلة ؟ فين القارورة؟"" وحياتك الريحة طاقة ، ولا قارورة ولا يحزنون!! ربك رب الخير رجاب المقدم (الشريطي) راجل سكران حيران. طلع ليهم من جوة العربية، تصور شنو؟ تفاحة مقرومة، قرمها واحد من الشفع قبل تلاتة أيام في العربيةوخلاها!! تقول لي عايز كمان تعمل مريسة في الشقة؟؟
تحياتي
ودي مداخلة تانية
Quote:
المريسة في عرفنا نحن ابناء الشمالية غير موجودة الا ان من تعاطاها من اهلنا إما كانوا في الجيش او البوليس او حتى معلمين في جنوب وغرب السودان اما نحن فلم نعرف المريسة الا في الخرطوم وقد شربت المريسة لذات الفهم الذي يقول ان المريسة غذاء متكامل من دسميات وزيوت نباتية الى اخره.. ولكن عند متابعتي لسردك وجدت ان هنالك تطابق بين صناعة المريسة وشربها لديكم وبين صناعة الدكاي عندنا في الشمالية ويالذات في منطقة المحس والسكوت حيث يتم نقع التمر في قواسيب خاصة (ازيار) وتترك لفترة اسبوع حتى تصل لدرجة معينة من التخمر ومن ثم يشرب كحالة اجتماعية ولم يسجل اي تاريخ في المنطقة النوبية ان تم بيع الدكاي..
عزيزي ،
يا أستاذ نحن عندنا البقنية‘ وهي نفس المريسة ، بس نحن بنضيف ليها التمر. في سبعينات القرن الماضي ، نشر الدكتور نجم الدين محمد شريف، بحث عظيم في مجلة الدراسات السودانية، بعنوان "" خمور النوبة"" شرح فيه تقنيات وطقوس صناعة العرقي ، والدكاي ، والبقنية ، والنبيت ""النبيذ"" الخ... و دا ، وسِيبَك منهم ، إرث ثقافي واقتصادي مفروض الناس يطوروه ويجودوه تقنياً ، ويطلعوا بيه للسوق العالمي، وما مفروض يتجاهلوه رضوخاً لاستعلاءآت الثقافات الوافدة.
تحياتي .
الأخ حافظ، شكراً على لفت الإنتباه إلى زوايا لم تكن ضمن الإدراك، فمزيداً من الكشف ، مع الإمتاع والمؤانسة، وخالص مودتي.
تحياتي
Post: #140 Title: Re: ليس دفاعاً عن الخمر Author: dardiri satti Date: 06-30-2009, 12:52 PM Parent: #100
يا جماعة!! الحكاية شنو؟؟؟ مداخلاتي البودبها تقول لابتمشي لاحاجة!!
تحياتي
Post: #141 Title: Re: ليس دفاعاً عن الخمر Author: حافظ حسن ابراهيم Date: 07-01-2009, 12:14 PM Parent: #140
Quote: راجنك.................
عدنا يا طلال و العود احمر
ادريس الخميس قرب
Quote: علي ذكر حبة البندول دي .. عندي قريبي طبيب .. دايما بشكي ليهو من تقل الراس الصباح .. قال لي بعد الطشمة تبلع حبة بندول بعد شهر رجعت ليهو قلت الامور بعد ما مشت كويس تاني الحالة رجعت .. قال لي ساعدها بكباية حليب قبل النوم .. وحات خوتك من يومك داك ولي هسع بجيب الحليب قبل العصير
الحليب دا ليك انت و لا الشفع يا ادريس فرق
الدرديري
Quote: يا جماعة!! الحكاية شنو؟؟؟ مداخلاتي البودبها تقول لابتمشي لاحاجة!!
يا ادريس ما تتشاكي فينا... ياخي مداخلاتك لو انت في السودان امشي الشرقي ... و لو في السعودية شوف ناس الامر بالمعروف او اقول امشي الكرنتينة و لو في بلد تانية الجفلن خلهن اقرع الواقفات
و انا جاييكم بعد شوية في محاضرة بعنوان كيف تصنع عسلية بالله اي واحد يجيب معاهو ورقة و قلم ... و نظارات سود ما معانا
Post: #142 Title: Re: ليس دفاعاً عن الخمر Author: محمد عبد الماجد الصايم Date: 07-01-2009, 12:40 PM Parent: #141
غايتو يا عمكـ من زمان عاوز أدخل البوست دا لكن ماسكني في بنقو بهناكـ أها .. كمان تبقى علي اتقبض بالاتنين!
Post: #143 Title: Re: ليس دفاعاً عن الخمر Author: حافظ حسن ابراهيم Date: 07-01-2009, 01:33 PM Parent: #142
Quote: من زمان عاوز أدخل البوست دا لكن ماسكني في بنقو بهناكـ أها .. كمان تبقى علي اتقبض بالاتنين!
بنقو عديل كدا يا ود الصايم دا بمش البيقولوا عليهو الحياد عن الخلق السوداني القويم ... يعني انت بالصورة دي ما حتكون عندك اي قوامة ليوم القيامة تاني... يا خي العرقي دا مالو عيبو لي 40 جلدة بس و لو قليت ادبك بتضاعف تبقي تمانين و حراسة كان كتر ما بتفوت ليها 10 ساعات ... لكن التاني دا بجيب ليك دبك و سوبا و الله يسترك من كوبر و ام سلبة ... ود الصايم اخوي حاول تتعامل في الحلال ...
يا ود الصايم احكي ليك نكتة انت كزول قاعد في السعودية .... قال لي في عمك بتاع طشمة من امو ... قام مشي الحج , يصادف في الحج يلقي ليك ست العرقي الما تغباهو لمن لابسة احرام ... المهم جاها طاير قال ليها (عليكي الرسول و انت الليله في بيت الله و لو عندك معزة في النبي تاني ما تزيديهو موية)
Post: #144 Title: Re: ليس دفاعاً عن الخمر Author: حافظ حسن ابراهيم Date: 07-01-2009, 01:39 PM Parent: #143
كيف تصنع عسلية
العسلية بالضبط زي البيرة .... و للعلم انا جربت الاثنين لكن العسلية كانت بالنسبة لي الاشهي ... ربما قد اكون متضامن مع شعار نشرب مما نصنع....لكن ما علينا فهذا كلام زائد....فصناعة العسلية ك process ساهلة جداً ... لكن تحتاج الي مهارات و خبرات عالية في نفس الوقت , فهنا الخطأ غير واجب يعني نسبة الخطأ يجب ان تكون صفر. كل مكونات العسلية زريعة و ماء و ليس هنالك شئ اخر , يلا يا شباب نشوف الخطوات ... ودي يا زمراوي ممكن تعملها عادي في الشقة و ناس الامر بالمعروف لمن دري لا من سمع....غالي الخطوات: 1. الزريعة ( وطريقة اعداد الزريعة تم شرحها في محاضرة صنع المريسة في هذا البوست الصفحة الاولي) ... 2. بعد ان تسحن الزريعة بشكل جيد .... يتم طهيها علي نار هادئة و لمدة لا تتجاوز ال 20 دقيقة بعدها يعرض الطهي للهواء حتي يبرد تماماً, بعد >لك تصب كمية كافية من الماء 3. يحرك الخليط حتي يتحول الي محلول متماسك .... وهنا يمنع منعاً باتاً استخدام الايادي و ذلك ربما لاحتوائها علي بكتريا ضارة, فالبكتريا الضارة تقتل بكتريا التخمير و تحول طعم العسلية الي طعم لازع و لا تصلح للاستهلاك الادمي. 4. يترك الخليط لمدة 3 ايام ... و في اليوم الاول يفتح الخليط كل ساعتين لمدة 10 دقايق حتي يتسني لبكتريا التخمير ان تتزود ببعض الاكسجين, و يمنع استخدام الايادي (انا اركز علي عدم استخدام الايادي) 5. المرحلة الاخيره هي مرحلة التنقيع ... مرحلة التنقيع دوماً تحين بعد يومين او ثلاثة ايام حسب حالة الطقس.... يفتح اناء التخمير بحذر, و يستخدم كاس خفيف من القرع و بنفس الحذر يبدأ نشل الصافي من المترسب, وبعد نشل كل الصافي تبدأ عملية اخري, و هذا الجزء الذي يفصل بواسطة كأس القرع يسمي كراي ... والكراي يعني الاول او البكر في اللغة العربية, و هناك اعتقاد ان هذا الكراي زو قيمة غذائية عالية جداً و لذا دوما يكون من حظوة السادة الذكور و فقط للذكور الذين يتفانون في الاعمال الليلة.... و بعد الانتهاء من الكراي يربط ثوب نظيف من اركانه الاربعة علي قوائم الراكوبة و يصب الباقي المتعكر من المحلول في الثوب مع وضع حوض او طشت تحت للتنقيع ... و يسمي هذا النقيع بالتني ( وتعني الثاني), .... بعدها يتم وضع المترسب المتبقي في اناء و يصب له قليل من الماء و تعاد عملية التنقيع مره اخري و يسمي النقيع في هذه المره بالتلوه ... و التلوه دوما من حظوة الاطفال ....
Post: #145 Title: Re: ليس دفاعاً عن الخمر Author: HAIDER ALZAIN Date: 07-01-2009, 04:51 PM Parent: #144
حاااافظ ..
والله ما قريت اي مداخلة وقفت عند بتاعت الكيس الفوق هههههه
قلت كدي اشوف صناعة العسلية وابو سامي وصل يا عمك ..
يبقي بنجيك بكرة بمزاج نشرح الكيس وفوائدة وعيوبه وكيف تأمنو من ( الفقعة ) في المواصلات العامة..
تصبح على خير ..
Post: #146 Title: Re: ليس دفاعاً عن الخمر Author: HAIDER ALZAIN Date: 07-02-2009, 10:24 AM Parent: #144
ياحبيب .. محاضرتك ناقصة ..
نفتح باب الاسئلة والا يفتح الله ؟!!
Post: #147 Title: Re: ليس دفاعاً عن الخمر Author: حافظ حسن ابراهيم Date: 07-02-2009, 08:59 PM Parent: #146
العزيز حيدر و الكل
خميس مبارك
Quote: نفتح باب الاسئلة والا يفتح الله ؟!!
اوكي يا استاذ افتح باب الاسئلة و بعدين ادي الشباب ديل هوم ورك
Post: #148 Title: Re: ليس دفاعاً عن الخمر Author: ادريس خليفة علم الهدي Date: 07-04-2009, 02:31 PM Parent: #147
بالبحث في الشيخ قوقل حفظه الله .. وجدنا للمريسة طريقة أخري
Post: #149 Title: Re: ليس دفاعاً عن الخمر Author: Sabri Elshareef Date: 07-07-2009, 04:29 PM Parent: #148
****
Post: #150 Title: Re: ليس دفاعاً عن الخمر Author: حافظ حسن ابراهيم Date: 07-07-2009, 05:29 PM Parent: #149
Quote: ****
سلامات صبري الشريف و تشكر علي المرور ... لكن بيني و بينك حيرتني في الاربع نجوم دي...رأسي بقي يودي و يجيب
اربعة نجوم .... يا ربي تكون 4 كاسات ؟ و لا 4 سنة سجن ؟ و احتمال كبير تكون 4 مضروب في 10 و تساوي 40 جلدة وفق قانون الشريعة؟
و لا قاصد شنو يا عمك .... اصلنا ناس غلابة و علي باب الله
لكن للضمان كدا بقول شكرا كثير
Post: #151 Title: Re: ليس دفاعاً عن الخمر Author: isam elzein Date: 07-08-2009, 02:28 AM Parent: #150
الخرطوم قبل الهوس الدينى
السوق العربى , انداية التومه والجامع الكبير
Post: #152 Title: Re: ليس دفاعاً عن الخمر Author: dardiri satti Date: 07-08-2009, 07:34 AM Parent: #100
Quote:
المريسة في عرفنا نحن ابناء الشمالية غير موجودة الا ان من تعاطاها من اهلنا إما كانوا في الجيش او البوليس او حتى معلمين في جنوب وغرب السودان اما نحن فلم نعرف المريسة الا في الخرطوم وقد شربت المريسة لذات الفهم الذي يقول ان المريسة غذاء متكامل من دسميات وزيوت نباتية الى اخره.. ولكن عند متابعتي لسردك وجدت ان هنالك تطابق بين صناعة المريسة وشربها لديكم وبين صناعة الدكاي عندنا في الشمالية ويالذات في منطقة المحس والسكوت حيث يتم نقع التمر في قواسيب خاصة (ازيار) وتترك لفترة اسبوع حتى تصل لدرجة معينة من التخمر ومن ثم يشرب كحالة اجتماعية ولم يسجل اي تاريخ في المنطقة النوبية ان تم بيع الدكاي..
عزيزي ،
يا أستاذ نحن عندنا البقنية‘ وهي نفس المريسة ، بس نحن بنضيف ليها التمر. في سبعينات القرن الماضي ، نشر الدكتور نجم الدين محمد شريف، بحث عظيم في مجلة الدراسات السودانية، بعنوان "" خمور النوبة"" شرح فيه تقنيات وطقوس صناعة العرقي ، والدكاي ، والبقنية ، والنبيت ""النبيذ"" الخ... و دا ، وسِيبَك منهم ، إرث ثقافي واقتصادي مفروض الناس يطوروه ويجودوه تقنياً ، ويطلعوا بيه للسوق العالمي، وما مفروض يتجاهلوه رضوخاً لاستعلاءآت الثقافات الوافدة.
تحياتي .
الأخ حافظ، شكراً على لفت الإنتباه إلى زوايا لم تكن ضمن الإدراك، فمزيداً من الكشف ، مع الإمتاع والمؤانسة، وخالص مودتي.
تحياتي
Post: #153 Title: Re: ليس دفاعاً عن الخمر Author: طلال جبير جابر Date: 07-08-2009, 08:00 AM Parent: #152
حبيبنا كيفنك
حمد الله علي السلامة ....
والله مشتاااااااااااااااااااااااااقين ....
ومتابعين شديد ......
واحد...............
Post: #154 Title: Re: ليس دفاعاً عن الخمر Author: isam elzein Date: 07-08-2009, 03:31 PM Parent: #153
شنو يا جماعه البوست الذيذ دا واقف
يظهر انو محتاج لدفره وله يوم الخميس لسه ما جا
Post: #155 Title: Re: ليس دفاعاً عن الخمر Author: ادريس خليفة علم الهدي Date: 07-11-2009, 09:39 AM Parent: #154
(*)
Post: #156 Title: Re: ليس دفاعاً عن الخمر Author: الشفيع محمد صادق Date: 07-12-2009, 06:50 PM Parent: #155
سلام أخ حافظ الحكاي والشباب ... لزوم رفع البوست ..الي حين عودة......عبار مرفوع في صحة السودان عبارك ياوطن تحياتي للجميع
Post: #157 Title: Re: ليس دفاعاً عن الخمر Author: حافظ حسن ابراهيم Date: 07-14-2009, 02:55 PM Parent: #156
شباب سلامات .... معليش بس الجري و المساسقة و المزاج العكر منعنا من الزيارة
عصام الزين سلامات يا بلف , لكن ما تقول لي انداية و قهوة التومة دي في السلك و يا حليل زمان و ايام زمان
درديري ساتي وينك انت يا زبوننا الدايم و انشاء كلو في محلو و الله ليك وحشة , و بعدين تعال عندك ياخي انا فترت من الصحبة الاسفيرية دي ,,, بعد دا خلاص تعال بالدرب انت بقيت زول بيت و لا ما بتجي بيوت ..... منع من ظهورها الخلق السوداني القويم
طلال جابر جبير ذو الاسم الجرسي كيفك يا منقة و تمشي تجي غانم و سالم و تشكر يا فرده ,,,, الخميس قرب
ادريس خليفة ... انا و رافع البوستات مثل هذين (السبابة و الوسطي) لكن وين؟ تم الباقي خيال
الشفيع: سلام
Quote: سلام أخ حافظ الحكاي والشباب ... لزوم رفع البوست ..الي حين عودة......عبار مرفوع في صحة السودان عبارك ياوطن تحياتي للجميع
(عبارك يا وطن) دي يا الشفيع علي وزن كأسك يا وطن؟ ويل للذين يحرفون الكلم .... الشفيع سلامات و اعتمدناك زبون ... بس ما تخلينا نتلوم معاك في موضوع الدفع
سلام كبير لكلي محبي ........ و الرفع هنا لخصوصية الخميس الذين يحين بعد يومين و الي ذلك الحين استودعكم الله,,,, ابتسامة مزيعات طازجة تعلمنها في معاهد الاعلام
Post: #158 Title: Re: ليس دفاعاً عن الخمر Author: أبو ساندرا Date: 07-16-2009, 07:11 AM Parent: #157
كلام المثقفاتية(1) : ------------------- هذه البلاد او بعض الذين في هذه البلاد من أولاد اللزينا
لو تخلوا عن إستعلائهم الديني والعرقي* وفتحوا عيونهم و وعيهم على الثقافات السودانية القحة وتركوا للناس وبخاصة في الهامش ادواتهم وعاداتهم وفنونهم وممارساتهم لخرج لنا فن وادب حقيقي وراقي كهذا
* لم أضف الإستعلاء الذكوري لأنه في تلك المسارات غير وارد فالناس على فطرتها وطبيعتها -----------------
Post: #159 Title: Re: ليس دفاعاً عن الخمر Author: أبو ساندرا Date: 07-16-2009, 07:13 AM Parent: #158
كلام مثقفاتية (2) ------------------ و بلاشك قد توفرت لحافظ قدرات ذاتية وإستعداد فطري ومكتسب من بيت ديمقراطي ، ام قوية ومعتدة بذاتها واب مؤمن بأهمية التعليم وضرورته فهيئا لأبنائهم فرصة التربية والتعليم الأسرة والتعليم والوعي لاحقآ حفظوا حافظ من مآلات الإستعلاء الديني والإستلاب الثقافي
لكن كم واحد/ة توفرت لهم ماتوفر لحافظ ومروا بنفس الظروف وذات المعلمين والعسس ، كم؟ وبصياغة اخرى ، كم واحد أصيب بهذات نفسية وعقد بسبب المفاهيم الخاطئة لدى المعلمين الذين عجزوا عن إدراك التكوينات و الثقافات المحلية وحاصروهم بهذا حرام وذاك عيب وماشابه كم واحد تزلزلت قناعاته المشى بيها من بيته إلى المدرسة ، بسبب التباين الواضح بين ماتلقاه من تربية وما شاهده من ممارسات وقيم وبين تلك التي تلقاها من معلميمن قادمين من ثقافة مغايرة وممارسات { قد} تكون مختلفة و { قد }هذه سببها أن الخمور البلدية بدءآ من الشربوت والبقنية والبقو والمريسة مرورآ بالدكاي والكونجو مورو والعسلية وصولآ إلى العرقي موجودة في الشمال والشايقية إحتفوا بالدكاي والمخبوء في الخوابي في غناهم
بلاشك ضاع شباب كثير في تلك الأمكنة بسبب التبينات الثقافية وعدم إحترام المختلف والإصرار على فرض صيغة واحدة شمالية المحتوى { عربية إسلامية } على كل البلد
Post: #160 Title: Re: ليس دفاعاً عن الخمر Author: حسن الجزولي Date: 08-03-2009, 11:50 AM Parent: #100
نوع كتابة بها طعم الحياة والوجود دونما زيف أو تغبيش للوعي والمفاهيم وكنت قد إحتفيت بها من قبل في بوست لأختنا نجاة محمود حول ذات الموضوع .. علقت فيما يعلق المعلق قائلاً :-
Quote: نوع كتابة حافظ دي أكتر من مدهشة .. هي خطرة شديد وخطورتها ستظهر في المدى القريب جداً وخطورتها تكمن في واقع التعدد الثقافي المهدد أصلاً لثقافة الاستعلاء والاقصاء والهيمنة!.. ليكتب حافظ وأمثال حافظ وينزلو في العوازل كي!
ولأجل الاحتفاء مرة أخرى بمثل هذه الكتابات وطعمها على العقل .. هئنذا أهتف :- فوق كمان وكمان. وتحايا ياود يا حافظ ودامت لنا كتاباتك
Post: #161 Title: Re: ليس دفاعاً عن الخمر Author: حافظ حسن ابراهيم Date: 08-14-2009, 08:51 PM Parent: #160
شكراً ابو ساندرا
شكراً حسن الجزولي
شكراً كثير علي المرور
Post: #162 Title: Re: ليس دفاعاً عن الخمر Author: حافظ حسن ابراهيم Date: 09-20-2009, 03:45 AM Parent: #161
شباب كلسنة و انتو طيبين ...
مش رمضان انتهي؟
انا الليله رافع البوست دا في حد عند إعتراض؟
من كان له إعتراض فليقله الان و أو ان يصمت للابد
تحياتي
Post: #163 Title: Re: ليس دفاعاً عن الخمر Author: حبيب نورة Date: 09-20-2009, 04:24 AM Parent: #162
يا عمك أرفع المسجون دة
معقولة ياخ متين قلنا باص !
Post: #164 Title: Re: ليس دفاعاً عن الخمر Author: حبيب نورة Date: 09-20-2009, 06:00 AM Parent: #163
والله يا حافظ يا حفيظ البوست دة طبعاً انا كنت ملبدوا في التصبينة الفيفوريت بي كلام أولاد الناس هسة يا قريبك مرقتوا ليك بعد ما أتعتق
لكن بس مشكلتي العدّل
لكن لو بتقبلوا الكمونية دي
المرة الجاية أنا بجيهكم
يازول علي اليمين بقرأ وبتلفّت خايف زول يقول لي كتمت والدنيا قبايل عيد بوست لابس بنطلون لبني لكن بي فهم
عندي معاك كم مشروع كدة نتجادعهم برانا
الله بس يختينا شر الطارة
Post: #165 Title: Re: ليس دفاعاً عن الخمر Author: طلال جبير جابر Date: 09-20-2009, 07:53 AM Parent: #164
كل سنة وانت طيب ...... اها يا حافظ يا اخوي جهزت المزة ولا لسة . عشان كما جهزتها اجيبا معاي ،،،،،
حبيب نورا البيع لزومو شنو كان دايرين الشيرنفق حقنا بنرسلو رصيد...ههههههههه بعدين هو معتق ساي معتق عتيق السرور ،،،، وسيبك من الطارة بنخارجك ما تخاف
حافظ اخبار الشربوت شنو .........
Post: #166 Title: Re: ليس دفاعاً عن الخمر Author: حافظ حسن ابراهيم Date: 09-20-2009, 08:19 AM Parent: #165
Quote: لكن بس مشكلتي العدّل
لكن لو بتقبلوا الكمونية دي
المرة الجاية أنا بجيهكم
حبيب نورا سلام في البداية كدي نديك من الاماني غير قابلة التحقيق دي , لكن أقول ليك لضيق الزمن ................................. المهم يا حبيبا في النقاط دي خت امانيك غير الممكنة و بالطبع انا ما مسئول من عدم تحقيقها...يا حبيبا انت تعال ما دايرين منك أي عدك لكن لو جبت الكونية دي منضفة ما بنابها
Quote: يازول علي اليمين بقرأ وبتلفّت خايف زول يقول لي كتمت والدنيا قبايل عيد بوست لابس بنطلون لبني لكن بي فهم
يا فرده والله انا لقيتك اكثر زول مواكب في البوست و يا شباب كتمت حلت محل كبست بعد ان إنضربت الاولي
يا فردة دا بوست ماشي ساي بنطلون لبني مين
مرحب بالمجادعة و ربنا يكفينا شر خلقوا و طارتهم
Post: #167 Title: Re: ليس دفاعاً عن الخمر Author: حافظ حسن ابراهيم Date: 09-20-2009, 08:22 AM Parent: #165
Quote: كل سنة وانت طيب ...... اها يا حافظ يا اخوي جهزت المزة ولا لسة . عشان كما جهزتها اجيبا معاي ،،،،،
انا اجهز حتي المزه يا شباب ما ممكن انا الشربوت رمي ضراعي في الوطا كمان بكل قوة عين داير مزة؟
طلال كل سنة و انت طيب......... و تم النقاط الفاضية اماني
Post: #168 Title: Re: ليس دفاعاً عن الخمر Author: حبيب نورة Date: 09-22-2009, 03:43 AM Parent: #167
مافيها مرارة واللا كبدة إبل!
Post: #169 Title: Re: ليس دفاعاً عن الخمر Author: حبيب نورة Date: 09-22-2009, 03:43 AM Parent: #167
مافيها مرارة واللا كبدة إبل!
Post: #170 Title: Re: ليس دفاعاً عن الخمر Author: Abdelhai Omar Date: 09-22-2009, 08:15 PM Parent: #169
العزيز حافظ متابع لهذا البوست الفاكهة هبشتني حين قلت
Quote: ....لكن تصدقوا حاجة ياخي الناس البخرجوا في سبيل الله ديل ناس بسيطين بساطة كدا مبالغة و صدقوني انا بشفق عليهم اكتر من اني بكرههم
باقي الناس ديل جماعتي ما سبب الشفقة عليهم؟؟ والحمد لله الله لا جاب الكراهية
قال ليك واحد حلفاوي ضغطوه عشان يمشي يصلي الجمعة لقى جماعة خارجة في المسجد شادين حلتهم وشارين هدومهم ...رجع ..قالوا ليه مالك ماصليت قال ليهم الحمد لله لقيت الجامع أجروه لى عزابة
Post: #171 Title: Re: ليس دفاعاً عن الخمر Author: طلال جبير جابر Date: 09-23-2009, 12:45 PM Parent: #169
حبيب نور ازيك .....
ديل اهم حاجة يالذيذ......
تعال لينا في بحري،،،،،،،،،،
Post: #172 Title: Re: ليس دفاعاً عن الخمر Author: جمال علي حسن Date: 09-23-2009, 02:52 PM Parent: #167
الاخ حافظ
لاتوقف السرد وتغرق مع المداخلات
فانت ( سيد) قلم ...(طاعم) وممتع ..وجرئ
ونصيحتي ان توقف التعاطي مع المداخلات و
تواصل سردك الذي بدات به واظن انو بوستك دا مشروع رواية خطيرة
مع احترامي ....
جمال
Post: #173 Title: Re: ليس دفاعاً عن الخمر Author: nassar elhaj Date: 09-23-2009, 09:42 PM Parent: #172
سلامات يا حافظ وعيد جميل لك
وليبقى هذا الكلام، ريثما أعود وأقرأ بي رواقة صديقي عزيز وجميل / أعني : محمد عبدالجيل ، نبهي إلى الكتابة البهية هنا واحتاج أن أقرأها
مودة لك
نصار الحاج
Post: #174 Title: Re: ليس دفاعاً عن الخمر Author: محمد الشابك Date: 09-24-2009, 00:28 AM Parent: #173
شكرا ...
واحد قال:
الدنيا دي لو وزنوها علي كبايه وكاس
تكون حاجه ماتخلص ..
تخيلوا ...
. . .
برضو شكرا..
Post: #175 Title: Re: ليس دفاعاً عن الخمر Author: د.نجاة محمود Date: 09-24-2009, 08:59 AM Parent: #174
Post: #176 Title: Re: ليس دفاعاً عن الخمر Author: سارة علي Date: 09-24-2009, 10:10 AM Parent: #175
غلبني التعليق
Post: #177 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 10:34 AM Parent: #176
Quote: مافيها مرارة واللا كبدة إبل!
كبده إبل يا مفتري هي وينا الثروة عشان يعملوا منها حيوانية ... كيف يا حبينا و كيف العيد و الاماني التي لا تتحقق الا في السينما الهندية.
Quote: باقي الناس ديل جماعتي ما سبب الشفقة عليهم؟؟ والحمد لله الله لا جاب الكراهية
عبدالهادي سلامات و متشكرين كتير علي طلتك البهية (بهية دي سمحة صح؟) ... والله جماعتك ديل انا ما قلت عنهم أي حاجة كعبة بس بشفق عليهم لانهم أجلاف طيبين ( و اللهم لا تلمني فيما تملك و لا أملك)
فتك بعافية يا حنين و هاك دي بالله رسلا لصحبك الحلفاوي دا... بعدين دي ما نكتة دي حقيقة (عمك جاء يصلي صلاة الجمعة و بعدين عمك دا لا حلفاوي و لا حزن بس قليل أدب سليط اللسان ... المهم جاء لقي ليك الجامع ناس القري الجاوره ملوه فل ما لقي أي حته يقعد فيها.... بس بأعلي صوت علق : يا أخوانا الجامع دا نحنا عملانهو لراحة نفسنا)
تشكر يا عبدالهادي علي المرور و جماعتك علي العين و الرأس و تحت تحت كدا القلب برضو
Post: #180 Title: Re: ليس دفاعاً عن الخمر Author: شول اشوانق دينق Date: 09-24-2009, 10:39 AM Parent: #177
Post: #178 Title: Re: ليس دفاعاً عن الخمر Author: abdalla osman Date: 09-24-2009, 10:38 AM Parent: #176
Quote: (عليكي الرسول و انت الليله في بيت الله و لو عندك معزة في النبي تاني ما تزيديهو موية)
وانت طيب يا حافظ..
Post: #179 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 10:39 AM Parent: #176
جمال شكراً جزيلاً علي المداخله و شكراً أكثر علي الحث علي المواصلة و صدقني حأعمل بنصيحتك و بداخل برضو لانو ناس حلوين زي حبيب نورا و طلال جابر و انت و كل من لف لفil .... ناس زي ديل صعب الانسان ما يتداخل معاهم دمت طيب يا جمال و كل سنة و أنت بخير
شيبك لبيك نصار الحاج شخصياً ؟ مرحب بيك يا مان و منتظرين طلتك
Post: #182 Title: Re: ليس دفاعاً عن الخمر Author: هواري نمر Date: 09-24-2009, 10:43 AM Parent: #179
اها وصلت.. حمد الله علي السلامة. في العيد تلفونك بره الشبكة...
__________ الشربوت طلع كيف؟؟
Post: #181 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 10:43 AM Parent: #176
Quote: الدنيا دي لو وزنوها علي كبايه وكاس
تكون حاجه ماتخلص ..
محمد الشابك حقيقة خذوا الحكمة من أفواه المجانين و السكاري
Post: #183 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 10:48 AM Parent: #176
و انتي طيبة يا دكتورة نجاة و السنة الجاية يا رب أجمل
Quote: غلبني التعليق
كر علي يا بت أمي سارة مالو التعليق غلبك ,,, لكن ما مشكلة الغلبا راجلا تأدب حماها ...
د. نجاة ملاحظة انا البوست دا بيقوا يخشوهو بنات يعني هسي سارة دي تلتتكم إنتي و سلمي الشيخ سلامة ... تشكري يا سارة علي المرور و التعليق الغلبك شكرا كثير انك تقلتي د. نجاة و سلمي الشيخ سلامة
شكرأ اختي الجميلة
Post: #184 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 12:02 PM Parent: #183
شكراً شول علي الفيديو و علي مواعيدنا يا فردة
عبدالله عثمان و أنت برضو طيب شديد و ربنا يحقق الفي بالك
هواري بجاي برضو كل سنة و أنت طيب يا ود ناس نمر
Quote: الشربوت طلع كيف؟؟
ظبط والله ما ناقصاها الا عدة كرستينا
Post: #185 Title: Re: ليس دفاعاً عن الخمر Author: حبيب نورة Date: 09-24-2009, 12:04 PM Parent: #183
تشيرز!
أرفعوا المسجون
Post: #186 Title: Re: ليس دفاعاً عن الخمر Author: مدثر محمد عمر Date: 09-24-2009, 12:22 PM Parent: #100
أستاذن أن أرسله لأصدقائي... تحدثت بحزن شفيف لحظة استحضار صورة الكشه وأظن حينها أن كلمة "رائع" أحزنتك قليلاً أيضاً.. منذ زمن لم أقرأ شيئاً يشبه الغمام ويمطر كثيراً في نواح بعيدة من القلب..
Post: #187 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 12:35 PM Parent: #186
Quote: أستاذن أن أرسله لأصدقائي
سلام مدثر و الاذن معاك و كل سنة و إنت طيب
تشكر علي المرور
و يا حبيب نورا شايفك ما تعمل فيها مدسي ... شايفك و مستنيك يا حبيب
Post: #188 Title: Re: ليس دفاعاً عن الخمر Author: محمد زكريا Date: 09-24-2009, 12:36 PM Parent: #186
ولي يا ساقي مشتاقه لمشتاقي ولا حاجه بالشكل ده ...... حدي يزكرني
Post: #190 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 12:47 PM Parent: #188
Quote: ولي يا ساقي مشتاقه لمشتاقي ولا حاجه بالشكل ده ...... حدي يزكرني
يا محمد زكريا بطل حركات شنو حكاية يذكروك دي يعني عامل فيها ما عارف
رمضان ولي هاتها يا ساقي مشتاقة تسعي لمشتاق
و المشتاقه هنا الصبوح ... و الصبوح نوع من الخمر يشرب في الصباح الباكر و لذا سمي بالصبوح و في رواية بلدية تسمي (فكاكة) أي أن تفك ما علق بالبطن من سموم... و هنا الشاعر قال رمضان ولي كما تلاحظ و أمر النادل ان يأتي بالمشتاقة و ال هي الصبوح لانها مفطره في نهار رمضان
ياخي من الزهج ما خليتني ابارك ليك العيد كل سنة و إنت طيب يا محمد و السنة الجاية كما تشتهي
Post: #189 Title: Re: ليس دفاعاً عن الخمر Author: طلال جبير جابر Date: 09-24-2009, 12:41 PM Parent: #186
ازيك ياحافظ بالله الكريستال حقتي ختها بعيد .......
Post: #191 Title: Re: ليس دفاعاً عن الخمر Author: وليد محمد المبارك Date: 09-24-2009, 12:57 PM Parent: #189
حافظ يا معلم
عليك الله بكره تجي الرحلة
جيب معاك نصيتك وانا بجيب معاي بابوري
انت تسكر وانا اتصقع ونفرتقها ليهم
Post: #192 Title: Re: ليس دفاعاً عن الخمر Author: حافظ حسن ابراهيم Date: 09-24-2009, 01:05 PM Parent: #191
وليد الشفت سلامات و كل سنة و إنت طيب والله في العيد جاتني طشمة ليك ... (طشمت ليك فوق السحابة الراحلا) قلت اضرب ليك لكن لقيت ما عندك أي تلفون عندي ... المهم كل سنة و إنت طيب
Quote: جيب معاك نصيتك وانا بجيب معاي بابوري
يا زول بوابير ما معانا نحن ناسي بكاسي ساي ... لكن بجي الرحلة علا ما بنقصوا لينا الشيرنق دا شوية نحنا ناس طالعين من عيد و كدا
تسلم يا شفت علي المرور و نتلاقي اذا ربك هون بكرة
Post: #193 Title: Re: ليس دفاعاً عن الخمر Author: حبيب نورة Date: 09-24-2009, 01:06 PM Parent: #191
انتظر ياخ
البوست مليان عوارض
هو كلو نصيص يا مان
Post: #194 Title: Re: ليس دفاعاً عن الخمر Author: وليد محمد المبارك Date: 09-24-2009, 01:13 PM Parent: #193
يا حافظ لي بكره
يا حبيب نورة
هو انت يا اما تحب نورة يا تسكر معنا !! الاتنين ما ببقوا
Post: #195 Title: Re: ليس دفاعاً عن الخمر Author: طلال جبير جابر Date: 09-24-2009, 01:27 PM Parent: #194
ولييد حبيب نورا دا سكران بالريحة بس
عزمناهو ولا عبرنا نصيصو دا اكان شم ساكت كمل ،،،،، لووووووول
انشاء الله امامة الضلام يهددو دفاعاتك عشان ما تغنج بالنص تاني براك
Post: #196 Title: Re: ليس دفاعاً عن الخمر Author: سارة علي Date: 09-24-2009, 06:48 PM Parent: #195
ما تتخيل يا حافظ انا مبسوطة من كتابتك كبف.. بتحكي بي بسااطة وسهولة وواقع معاش.. ــــــــــــــــــــــــــــ لكن دة ما بينفي اعتراضي علي الشراب(رأي شخصي وما تتضايق منو)
Post: #197 Title: Re: ليس دفاعاً عن الخمر Author: Abdelhai Omar Date: 09-24-2009, 07:50 PM Parent: #196
حافظ أيها الشقي من الذي اغراك لتصف لهؤلاء القوم كيف تصنع المريسة والبغنية بعد أيام قلائل ستجدهافي أوربا والأمريكتين وبعض دول القارة الأفريقية معباة في قزاز ماركة حافظ. كله ده ساهل. المشكلة بعدين الناس الحايجوا في صحيفتك طاشمين مع تبعات الطشمة لازماك توبة نصوح وكم ألف كدة إستغفار.رايي تبدا من باكر
Post: #198 Title: Re: ليس دفاعاً عن الخمر Author: Hadeer Alzain Date: 09-24-2009, 08:04 PM Parent: #197
يا حافظ كل عام وانت بخير وأكثر إبداعآ وإشراقآ
ياخي قومت نفسنا عدييييل والله .. دا إبداع منقطع النظير! وشكرآ لكونك ثقفتنا كثير فليحفظك الله لوالديك يا إبن الناس الطيبين ونسختي من الرواية -والتي أتمنى أن تصدر قريبآ- أحجزا لي من هسه
وشكرآ تاني على هذا النبض الحي ألف سلام
Post: #199 Title: Re: ليس دفاعاً عن الخمر Author: محمد زكريا Date: 09-24-2009, 11:47 PM Parent: #198
Quote: رمضان ولي هاتها يا ساقي مشتاقة تسعي لمشتاق
بالله هو ده بيت الشعر الانا قاصده؟ شكرا علي الشرح الوافي, يعني لازم تخجلنا معاك كده, غايتو ربنا يهدينا جميعاًً
Post: #200 Title: Re: ليس دفاعاً عن الخمر Author: الطاهر ساتي Date: 09-25-2009, 12:16 PM Parent: #199
اجمل واصدق ما قرأته في التسعة شهور الأخيرة
من الساعة حداشر قاعد فيهو ولسة ما انتهيت ولا اكتفيت حرام زول زيك يا حافظ يكتب في سودانيز بس ياخى تلفونك في الخاص ..
وكل سنة وانت طيب
Post: #201 Title: Re: ليس دفاعاً عن الخمر Author: Abd Alla Elhabib Date: 09-26-2009, 01:18 AM Parent: #200
Quote: حرام زول زيك يا حافظ يكتب في سودانيز بس
أستاذ ساتي .. سلام وعـيدك مبارك والله ما قلت إلا الصاح .. الزول ده روائي معـتق .. الواقعـية ودقـة الوصـف والصـدق مع الذات تعطي أعماله مـذاق خاص حبيب للنفس بالله شجـعو لينطلق لآفاق أرحـب. ------ حافظ يا زول يا جميل .. متعك الله بالصحة وفجر فيك طاقات الإبداع. قرأت بين ثنايا حكاياك الحـميمة ذكرا لرورو وقلي وود أبوك .. وربما حاضـرة الجبال المـزموم ( ترعرعت بها)..وأقدى والقربين والدمازين .. ياخ إنت بلدياتنا تلفونك في الخاص لو أمكـن ! تحياتي وودي وعـيدك مبارك .
Post: #202 Title: دفاعـاً عن الخمر والمريسة والعرقي والغيبوبة والقيامة الرابطة ذاتة! Author: حبيب نورة Date: 09-26-2009, 04:45 AM Parent: #201
ولي السكرجي حافظ يا حفيظ الغايب و حاضر ومن لف لفهم من رمتالة السايبر نقول علي فكرة يا ولية كبّي خلينا ندفن في كاساتنا ليالي الشوق يا جماعة انا يادوب سربت لي كاشين انا أخوك ياشعدية!!!!!!!! في صحتك يا حافِس! وصحة بكري الرافع الراية يعني شنو مافي حاجة؟؟ يا مرة انا هيّن واللا ليّن ؟؟ وحاة أمي انا كان أتديّن أتبيّن كبي لينا كاس قبال ما ناس إمامة الظلم يجو بي البكسو يخموك خمـّة السرق ما مرق حافِس مالك يا صنديد يا جبل الحديد مالك يا عشا البايتات يا زول انت مالك ماشي ماذال الليل طفلاً يحبو عرقي العيش سواها فينا لكن لا شكـرنا ر قدنا طينة ما كفاية يوم الخميس الفات يوم ضبحنا التيس والمرارة والشية ديييييي تقول يا غربتي اليوم داك حاجة التاية حجزنا برمة مريستا كلها و انا دقيت سدري وقلت الليلة العدل علي حرّم زول واحد ما يدفع اها صاحبك أب راساً خفيف دة قام من الكاس التاني يعني دي حالة؟؟؟؟؟؟؟؟؟ انت ما قلت حوض رملة؟؟؟
Post: #203 Title: Re: دفاعـاً عن الخمر والمريسة والعرقي والغيبوبة والقيامة الرابطة ذاتة! Author: هواري نمر Date: 09-26-2009, 06:07 AM Parent: #202
حافظ يا بلدينا.... انت اقعد .. اشرح و اشرح...لما كرستينا تشيل عدتها و تفحط.. بالله 14 خليتها كيف؟؟ لسه الناس... بتسكر بالدين و تقعد تتشاكل... ونجي عربية المركز...تلم العدة(معروضات)
ياخي عربية البوليس لو قفت ساي جنبك.. عليك امان الله ..تسكر.. ياخي ما خلو للنسوان عدة ..
أأأأأأأأأأأأأخ ياخي.. 14 جنة....وهي مسكننا.. بالله لسه الناس بتقول كده.. ويسن عيشة ونص ..حي و لا مات..
اقول لي شي تعال تم كلامك والونسة خليها في بوست بعد الارشفة..
Post: #206 Title: Re: ليس دفاعاً عن الخمر Author: حافظ حسن ابراهيم Date: 09-26-2009, 01:09 PM Parent: #196
Quote: ما تتخيل يا حافظ انا مبسوطة من كتابتك كبف.. بتحكي بي بسااطة وسهولة وواقع معاش.. ــــــــــــــــــــــــــــ لكن دة ما بينفي اعتراضي علي الشراب(رأي شخصي وما تتضايق منو)
سرور مساء النور و انشاء الله دايماً مبسوطة من نعمة الحياة دي
يا زولة اعترضي ساي قشة ما تعتر ليك والله انا ذاتي معترض و خاصة وقت أصحي مرات الصباح بطمام و صداع ,,, لكن بس ما جابرنا الا الشديد القوي ... تسلمي يا سارة و شكراً كتير
Post: #207 Title: Re: ليس دفاعاً عن الخمر Author: حافظ حسن ابراهيم Date: 09-26-2009, 01:20 PM Parent: #206
عبدالحي عمر سلامات يا شخص و انشاء الله كل سنة و أنت طيب
Quote: من الذي اغراك لتصف لهؤلاء القوم كيف تصنع المريسة والبغنية بعد أيام قلائل ستجدهافي أوربا والأمريكتين وبعض دول القارة الأفريقية معباة في قزاز ماركة حافظ. كله ده ساهل. المشكلة بعدين الناس الحايجوا في صحيفتك طاشمين مع تبعات الطشمة لازماك توبة نصوح وكم ألف كدة إستغفار.رايي تبدا من باكر
بالله اجدها في أروبا و اميركا عديل كدا ياخي دا ما غني لجنا الجنا.... ينعل ببساطة ممكن الواحد يقول وداعاً الفقرو أولاده... في البداية اللهم أتوب اليك و أستغفرك ... لكن تعال لي انت يا عبدالحي انا كيف يجي يوم الصحائف و اتسال انا... يا مان ان كتبت وصفة لصناعة المريسة مش قلت لحد أعملها ... و بعدين بالصورة دي حتتحاسب مدام كوري في حالة إيران تعمل مفاعلها النووي لان مدام كوري بتاعت كيمياء؟
هدير الزين: سلام و تشكري علي المرور و نسختك محجوزة اذا طلعت في صور من أساسو
محمد زكريا سلامات بالله عندي أصحاب في اوسلو استوصي بيهم خير لحد ما اجي بغادي
Post: #208 Title: Re: ليس دفاعاً عن الخمر Author: حافظ حسن ابراهيم Date: 09-26-2009, 01:27 PM Parent: #207
الطاهر ساتي سلامات و تشكر علي المرور و الكلام الطيب ... رسلت ليك التلفون في الخاص
الحبيب عبدالله الحبيب بالجد انت قربت تطلع بلدياتنا بس جايك برواقة في كتيبة الجنقو في الربع الجاي دا ... التلفون انشاء الله وصلك و بالله ابقي واصل
حبيبي نورا و حبيب الكل .... انا جايك بالدرب التحت بالله رسل الاميل و التلفون لو أمكن
سهام المجمر شكلك دايرا ليك حاجة للدلوكة لكن اقسمت بالله يسمك لو ما جبتي قسمة .... تشكري علي المرور و منتظرنك
Post: #209 Title: Re: ليس دفاعاً عن الخمر Author: dardiri satti Date: 09-26-2009, 02:14 PM Parent: #100
Quote: يا جماعة!! أنا عامل كم مداخلة ، ظهرت في الكشف بي هناك ، وما ظهرت في البورد بي هنا!! دا كلام شنو ياااااااااابكري؟؟؟
تحياتي
أنقلها ليكم تاني
دي واحدة:
Quote:
هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
زمراوي ،
دي بالذات ، أوعك منها. ياخي مرة واحد صاحبنا الشرطة العسكرية جهجهوه جهجهة عدوك !! تصور جو مارين جنب العربية بتاعته ، شمو ليك ريحة ، طلعوا ليهو في المكتب ونزلوه : إفتح السيارة ! في شنو ؟ أقول لك إفتح السيارة !! يا ملعون الوالدين !! إفتح !! مروٍّج بعد؟؟ أخونا فتح العربية ، وشم الريحة، ونطط عيونه! -""أكيد هادي حطها واحد منكم ! تريدون تصلحوا لي مشكلة؟"" - ""إيش من مشكلة ؟ فين القارورة؟"" وحياتك الريحة طاقة ، ولا قارورة ولا يحزنون!! ربك رب الخير رجاب المقدم (الشريطي) راجل سكران حيران. طلع ليهم من جوة العربية، تصور شنو؟ تفاحة مقرومة، قرمها واحد من الشفع قبل تلاتة أيام في العربيةوخلاها!! تقول لي عايز كمان تعمل مريسة في الشقة؟؟
تحياتي
ودي مداخلة تانية
Quote:
المريسة في عرفنا نحن ابناء الشمالية غير موجودة الا ان من تعاطاها من اهلنا إما كانوا في الجيش او البوليس او حتى معلمين في جنوب وغرب السودان اما نحن فلم نعرف المريسة الا في الخرطوم وقد شربت المريسة لذات الفهم الذي يقول ان المريسة غذاء متكامل من دسميات وزيوت نباتية الى اخره.. ولكن عند متابعتي لسردك وجدت ان هنالك تطابق بين صناعة المريسة وشربها لديكم وبين صناعة الدكاي عندنا في الشمالية ويالذات في منطقة المحس والسكوت حيث يتم نقع التمر في قواسيب خاصة (ازيار) وتترك لفترة اسبوع حتى تصل لدرجة معينة من التخمر ومن ثم يشرب كحالة اجتماعية ولم يسجل اي تاريخ في المنطقة النوبية ان تم بيع الدكاي..
عزيزي ،
يا أستاذ نحن عندنا البقنية‘ وهي نفس المريسة ، بس نحن بنضيف ليها التمر. في سبعينات القرن الماضي ، نشر الدكتور نجم الدين محمد شريف، بحث عظيم في مجلة الدراسات السودانية، بعنوان "" خمور النوبة"" شرح فيه تقنيات وطقوس صناعة العرقي ، والدكاي ، والبقنية ، والنبيت ""النبيذ"" الخ... و دا ، وسِيبَك منهم ، إرث ثقافي واقتصادي مفروض الناس يطوروه ويجودوه تقنياً ، ويطلعوا بيه للسوق العالمي، وما مفروض يتجاهلوه رضوخاً لاستعلاءآت الثقافات الوافدة.
تحياتي .
الأخ حافظ، شكراً على لفت الإنتباه إلى زوايا لم تكن ضمن الإدراك، فمزيداً من الكشف ، مع الإمتاع والمؤانسة، وخالص مودتي.
تحياتي
Post: #210 Title: Re: ليس دفاعاً عن الخمر Author: dardiri satti Date: 09-26-2009, 02:16 PM Parent: #100
Quote: يا جماعة!! أنا عامل كم مداخلة ، ظهرت في الكشف بي هناك ، وما ظهرت في البورد بي هنا!! دا كلام شنو ياااااااااابكري؟؟؟
تحياتي
أنقلها ليكم تاني
دي واحدة:
Quote:
هل ممكن صناعة هذه المريسة في الشقة في بلد زي السعودية ام أن رائحتها توديني التوج؟؟
زمراوي ،
دي بالذات ، أوعك منها. ياخي مرة واحد صاحبنا الشرطة العسكرية جهجهوه جهجهة عدوك !! تصور جو مارين جنب العربية بتاعته ، شمو ليك ريحة ، طلعوا ليهو في المكتب ونزلوه : إفتح السيارة ! في شنو ؟ أقول لك إفتح السيارة !! يا ملعون الوالدين !! إفتح !! مروٍّج بعد؟؟ أخونا فتح العربية ، وشم الريحة، ونطط عيونه! -""أكيد هادي حطها واحد منكم ! تريدون تصلحوا لي مشكلة؟"" - ""إيش من مشكلة ؟ فين القارورة؟"" وحياتك الريحة طاقة ، ولا قارورة ولا يحزنون!! ربك رب الخير رجاب المقدم (الشريطي) راجل سكران حيران. طلع ليهم من جوة العربية، تصور شنو؟ تفاحة مقرومة، قرمها واحد من الشفع قبل تلاتة أيام في العربيةوخلاها!! تقول لي عايز كمان تعمل مريسة في الشقة؟؟
تحياتي
ودي مداخلة تانية
Quote:
المريسة في عرفنا نحن ابناء الشمالية غير موجودة الا ان من تعاطاها من اهلنا إما كانوا في الجيش او البوليس او حتى معلمين في جنوب وغرب السودان اما نحن فلم نعرف المريسة الا في الخرطوم وقد شربت المريسة لذات الفهم الذي يقول ان المريسة غذاء متكامل من دسميات وزيوت نباتية الى اخره.. ولكن عند متابعتي لسردك وجدت ان هنالك تطابق بين صناعة المريسة وشربها لديكم وبين صناعة الدكاي عندنا في الشمالية ويالذات في منطقة المحس والسكوت حيث يتم نقع التمر في قواسيب خاصة (ازيار) وتترك لفترة اسبوع حتى تصل لدرجة معينة من التخمر ومن ثم يشرب كحالة اجتماعية ولم يسجل اي تاريخ في المنطقة النوبية ان تم بيع الدكاي..
عزيزي ،
يا أستاذ نحن عندنا البقنية‘ وهي نفس المريسة ، بس نحن بنضيف ليها التمر. في سبعينات القرن الماضي ، نشر الدكتور نجم الدين محمد شريف، بحث عظيم في مجلة الدراسات السودانية، بعنوان "" خمور النوبة"" شرح فيه تقنيات وطقوس صناعة العرقي ، والدكاي ، والبقنية ، والنبيت ""النبيذ"" الخ... و دا ، وسِيبَك منهم ، إرث ثقافي واقتصادي مفروض الناس يطوروه ويجودوه تقنياً ، ويطلعوا بيه للسوق العالمي، وما مفروض يتجاهلوه رضوخاً لاستعلاءآت الثقافات الوافدة.
تحياتي .
الأخ حافظ، شكراً على لفت الإنتباه إلى زوايا لم تكن ضمن الإدراك، فمزيداً من الكشف ، مع الإمتاع والمؤانسة، وخالص مودتي.
