تعالوا شوفوا الدهب المجمر ال من جبال شنقول = توجد صور

كتبهاسندس جبل/ sondos jabal ، في 3 يوليو 2007 الساعة: 21:35 م على الرابط ادناه :-

http://ganageidad.maktoobblog.com/393781/%D8%A8%D9%84%D...4%D8%B0%D9%87%D8%A8/

رغم انتمائي لهذه الارض ولقلة معلوماتي عن ارض الخير لبعادي عنها الا انني واثناء مروري بكلمة كتبها الاستاذ (احمد البدوي محمد طيب الاسماء )في 8 يناير 1946يقول فيها :ـ

بعد أن استقر الحال في السودان للحكم الانجليزي الذي كان يسمى الحكم المشترك بين انجلترا ومصر قدمت حكومة السودان هدية (لا تملكها ) لحكومة الحبشة بمقتضى معاهدة سنة 1902 بينهما هي بلاد بني شنقول . قال الكاتب باختصار :ـ

اخترت الكتابة عن هذه البلاد لانها بلادي ولانها منطقة نائية ومجهولة ولا تظنني مسرفاً إذا قلت أنه ليس في ربوع السودان من يعرف هذه المنطقة من الشباب المثقف في السودان ولا من رجال النهضة القومية الحديثة فيه حق المعرفة إذ أنني الوحيد من إهل هذه المنطقة الذي نزح من تلك الاصقاع إلى دراسة العلم في عاصمة السودان ثم في مصر . إنها موطن لي أولاً ورقعة اسلامية ثانياً ولأنها جزء من وادي النيل ثالثاً ولم اجد احدأً من المؤرخين كتب عن هذه المنطقة . تقع بلاد بني شنقول إجمالاً بين بلاد الفونج أو بلاد فازوغلي وبين الحبشة ،ولا ادري عن التاريخ السياسي لهذه المنطقة في القديم غير أني أسمع من ابناء السودان من رجال المؤتمر أنهم يطالبون باستقلال السودان بحدوده الجغرافية ويعنون بذلك ما يشمل جبال بني شنقول واستمر الكاتب يصف المنطقة واهلها وتضاريسها وطرق العيش هناك وكل هذا السرد سنة1946

ونحن الان وفي عام 2007 هل لي أن أسأل عن تلك المنطقة واين صارت وهل سيتفكك السودان ويتفتت الى ااجزاء وجزيئات لا وزن لها ولا قيمة ام سيظل متماسكاً في وجه كل التحديات . لا ادري ولكن ما بيدي الا الدعاء للسودان ولاهله بان يظل واحداً متماسكاً ولانه ( بلدي بلد الخير والطيبة ) …امين


استراحة
http://www.youtube.com/watch?v=FKaeO4Auwwg

غلبك

تحياتي يود شيقوق
ود الشيخ

عرفت منطقة البرتا جنوب الفونج منذ القدم بأنها أرض الذهب في السودان إذ يتواجد في باطن وسطح الأرض وفي مجاري مياه الأمطار وفيها ( جبال بني شنقول) التي صنع فراعنة مصر من ذهبها أقنعة وجوههم وأغشية مومياواتهم وذهب بني شنقول معروف في السودان منذ القدم بأنه أجود وأنقى أنواع الذهب على الإطلاق لذا كانت المنطقة هدفا لهجرات متواصلة لكثير من الأفراد من قبائل شمال السودان بحثا عن الثراء , وإليها كانت حملة إسماعيل بن محمد علي باشا والي مصر والتي وصلت حتى فازوغلي أول ديار البرتة إلا أنها لم تتوغل في ديار البرتا بحثا عن الذهب , كما أن أعداد كبيرة من جنود جيوش خليفة المهدي قد استقرت بها ونجم عن اختلاط الوافدين بالبرتا اكتساب الكثيرين منهم للسمات العربية فلا هم عربا ولا زنوجا, لهذا فإنهم يسمدن ( الوطاويط) وهي تسمية لا يرضونها وقد اقتطع الإنجليز المستعمرون جزءا كبيرا من أرض البرتا ومنحوه إلى أثيوبيا يضم جبال بني شنقول ودول وجبال أبو قروا ( الفردوس المفقود).
والبرتا مولعة بالغناء والرقص والموسيقا بوصفها من الطقوس الروحية التي ترتبط بكل مناشط الفرد الحياتية اليومية. وينجز الأهالي في البرتا أعمالهم اليدوية كصناعة الخوص والحضائر والحبال وغيرها .مما يصنع من سعف شجر الدوم على أنغام الموسيقى ويترنمون بها أو يصغون إليها من عازف الربابة . والمرأة أكثر من غيرها استخداما للنغم بل هي تنشئ الأغاني والألحان ومعظم الأغنيات التي تغنى في حلقات الوازا والمزامير وفي منتديات الباظا من إنشاء النساء والمرأة عندهم تغني وهي تطحن الذرة على الرحى الحجرية التي تسمى في السودان (المرحاكة) وأثناء قيامها بأعمالها المنزلية أو بعض الأعمال اليدوية أو هي تهدهد طفلها لينام.
وتشكل الحياة الزراعية التي يحياها الناس في مجتمع البرتا وطبيعة الأرض الطيبة وما يتوفر فيها من خيرات متنوعة ومعتقدات الناس وقيمهم الروحية البدائية العناصر التي أسست للأنماط الموسيقية التي يمارسونها وتنقسم على نوعين : ضرب جماعي بالمزامير وضرب فردي على الربابة والطمبرة والدلوكة والنوبة والوازا واللعب بهما قاصرا على شهور الجفاف ويتوقف خلال فصل الخريف حيث تعوق الأمطار وابتلال الأرض . الغناء والرقص الجماعي وما أن يقترب موسم الأمطار التي تهطل في المنطقة لأكثر من ستة شهور حتى ينصرف الناس كلية للإعداد لزراعة الأرض, وتجمع أبواق الوازا لدى شيخها الذي يسمونه (بابا روش) فيعلقها بحبال تتدلى من سقف (القطيه) التي غالبا ما تكون المطبخ الذي يسمى في السودان( التكل ) حفاظا عليها من النمل الأبيض ولكي يساعد الدفء على سلامتها.

يا اخوي دهبك دا بجمر في وين

اديتنا الليل يا جنى

عوووووك

رســالة عمكم كيمـــو
ــــــــــــــ
يا شيقاااا...سلامات
قبال ماتنزل صورك تعال شوف بيرمنجهام افريقيا
عندنا فى البجراوية فى كبوشية وحسب التأريخ
والتقرير الاتى:
Printable version

Ancient gold unearthed in Sudan

The Kush kingdom was conquered by the Egyptians
A team of archaeologists has discovered a huge ancient gold processing centre and a graveyard along the River Nile in northern Sudan.
They were part of the 4,000-year-old Kush, or Nubian, kingdom.

The scholars say the finds show the empire was much bigger than previously thought and rivalled ancient Egypt.

The archaeologists are racing to dig up the Hosh el-Geruf area, some 225 miles from the capital, Khartoum, before the Merowe dam floods the area next year.

The dam is due to create a lake 100 miles long and two miles wide, forcing some 50,000 people from their homes.

Tribute

عمو كمال

يا اخي فااااااااااااقدك بالحيل

الحقني بحاجاتك الحلوة من رقص جنوب النيل الازرق ولو الجمري والفريع البان شايف سيف بخيت وود الشيخ كاشفين حالي

جيب يا فيصل العندك

اول هام
هاك شوف عينة الدهب دة

قال بنى شنقول قال

اها يا سيف بخيت

فيصل نزل ليكم المناظر بس واخوك بسخن انتظر هسع العلال بكتل في السماء

اطلع عمو كمال العالم منتظرة المفاجات

عرفت منطقة البرتا جنوب الفونج منذ القدم بأنها أرض الذهب في السودان إذ يتواجد في باطن وسطح الأرض وفي مجاري مياه الأمطار وفيها ( جبال بني شنقول) التي صنع فراعنة مصر من ذهبها أقنعة وجوههم وأغشية مومياواتهم وذهب بني شنقول معروف في السودان منذ القدم بأنه أجود وأنقى أنواع الذهب على الإطلاق لذا كانت المنطقة هدفا لهجرات متواصلة لكثير من الأفراد من قبائل شمال السودان بحثا عن الثراء , وإليها كانت حملة إسماعيل بن محمد علي باشا والي مصر والتي وصلت حتى فازوغلي أول ديار البرتة إلا أنها لم تتوغل في ديار البرتا بحثا عن الذهب , كما أن أعداد كبيرة من جنود جيوش خليفة المهدي قد استقرت بها ونجم عن اختلاط الوافدين بالبرتا اكتساب الكثيرين منهم للسمات العربية فلا هم عربا ولا زنوجا, لهذا فإنهم يسمّون ( الوطاويط) وهي تسمية لا يرضونها وقد اقتطع الإنجليز المستعمرون جزءا كبيرا من أرض البرتا ومنحوه إلى أثيوبيا يضم جبال بني شنقول ودول وجبال أبو قروا ( الفردوس المفقود).
والبرتا مولعة بالغناء والرقص والموسيقا بوصفها من الطقوس الروحية التي ترتبط بكل مناشط الفرد الحياتية اليومية. وينجز الأهالي في البرتا أعمالهم اليدوية كصناعة الخوص والحضائر والحبال وغيرها .مما يصنع من سعف شجر الدوم على أنغام الموسيقى ويترنمون بها أو يصغون إليها من عازف الربابة . والمرأة أكثر من غيرها استخداما للنغم بل هي تنشئ الأغاني والألحان ومعظم الأغنيات التي تغنى في حلقات الوازا والمزامير وفي منتديات الباظا من إنشاء النساء والمرأة عندهم تغني وهي تطحن الذرة على الرحى الحجرية التي تسمى في السودان (المرحاكة) وأثناء قيامها بأعمالها المنزلية أو بعض الأعمال اليدوية أو هي تهدهد طفلها لينام.
وتشكل الحياة الزراعية التي يحياها الناس في مجتمع البرتا وطبيعة الأرض الطيبة وما يتوفر فيها من خيرات متنوعة ومعتقدات الناس وقيمهم الروحية البدائية العناصر التي أسست للأنماط الموسيقية التي يمارسونها وتنقسم على نوعين : ضرب جماعي بالمزامير وضرب فردي على الربابة والطمبرة والدلوكة والنوبة والوازا واللعب بهما قاصرا على شهور الجفاف ويتوقف خلال فصل الخريف حيث تعوق الأمطار وابتلال الأرض . الغناء والرقص الجماعي وما أن يقترب موسم الأمطار التي تهطل في المنطقة لأكثر من ستة شهور حتى ينصرف الناس كلية للإعداد لزراعة الأرض, وتجمع أبواق الوازا لدى شيخها الذي يسمونه (بابا روش) فيعلقها بحبال تتدلى من سقف (القطيه) التي غالبا ما تكون المطبخ

ناس البهجة ممكن يركنوا بهنا

شاهدوا التلاتة بنات لابسات تياب ومقنعات شغلن قلبي لمن بص الرصيرص فات

ناس البهجة ممكن يركنوا بهنا

شاهدوا التلاتة بنات لابسات تياب ومقنعات شغلن قلبي لمن بص الرصيرص فات

سر حبي لمناطق بني شنقول

ظل والدى يعمل بتجارة السعف ( الزعف ) لاكثر من خمسين عاما . كان يذهب بعربته السفنجة الى مناطق بني شنقول يمكث هناك اسابيع ثم يعود بالشحنة مليئة تلامس اسلاك الكهرباء .

عندما يعود الوالد يحضر معه كمية من العسل في قرب جلدية وكذلك الدوم والقنقليس . بعد اشتعال الحروب في تلك المنطقة ابيدت كل مزارع الزعف واصبح السفر الى تلك الاماكن مستصحب بكثير من المخاطر . وبعد ذلك اتجه الوالد لشراء السعف من ولاية كسلا .

نواصل

Quote: بعد اشتعال الحروب في تلك المنطقة ابيدت كل مزارع الزعف واصبح السفر الى تلك الاماكن مستصحب بكثير من المخاطر . وبعد ذلك اتجه الوالد لشراء السعف من ولاية كسلا .

اها انشاء الله تكونو بطلتو تجارة الزعف قبلما تولعو لينا كسلا كمان ...؟؟ التقول ولاعات غاز ...

فوق

جاييكم

لحظات

المسنوح,,,, خبارك ,, شاعر بي ورده

ولا ام الاولاد طلبت احفظ مالك

الطيب طاب بك المقام دايرين دهب مازى بترول السودان اللانفع فى تعليم ولا فى صخه0000

الكامل

لا وجع راس يا اللخو



ود محررررررررررررررررررررررررررب

ويييييييييييييييينك البوست نور كيفك وكيف ام احمد والعيال ؟

Quote: الطيب طاب بك المقام دايرين دهب مازى بترول السودان اللانفع فى تعليم ولا فى صخه0000

والله جنس غايتو ( على قول الجكس) الواحد كان ناوي يسوى ليهو كنجة او صريف او يربط ليهو تيلة في راس قطية برضو تسيسوها

دهبك فالصو يا عمك ...
بقيت أكضب من عمر حسن !!!!!
الذي هو أكذب من البرق الخلب والسراب المتيمم !!!!!

Quote: الطيب طاب بك المقام دايرين دهب مازى بترول السودان اللانفع فى تعليم ولا فى صخه0000

مرحب بشيخ شيوخ العرب وكافة البوادي ....دهب شنو البيجيبو ليك العرريب السجمان دة ؟؟ هو بس قاصد ليهو حت بعدما كملو الزعف هناك ...

كما كتب الاخ الاستاذ / عبد الحميد البرنس

Quote: قبيل الاستقلال،جاء وفد من "بني شنقول"،وطلب من المرحوم مبارك زروق ألايعلنوا الاستقلال قبل مناقشة "وضع بني شنقول"،لكن الحيرة غمرت السياسي المخضرم، عندما تساءل قائلاً: "و لكن أين بني شنقول حتى نناقش وضعها هذا "، ثم مضى كل إلى غاية مختلفة . ولم يكن تساؤل زروق هذا وليد فراغ ، هو جزء من خبث السلطة حين لا تريد والعكس ،لا بل هو جزء من إشكالية معرفية ذات صلة واهنة بالواقع ، أكثر مايتميز بها نخبة العالم الثالث إن وجد الآن ،لا بل هو جزء من جهل متعمدى بالوقائع إذا كانت قريبة من الشعوب ،أو أبعد من مقاعد الحكم و السلطة، ولعل ضحكة الأزهري هنا وهو يرفع العلم ضاحكاً ،وقد بانت ضروسه ،لا تخرج عن معنى عبارة صاغتها الأزمنة اللاحقة ،وهي:" قوام .. أمشوا بسرعة يا جماعة الخير الانجليز ... خلونا نحكم أنحن كمان". الآن الآن، الجنوب قد يكون على وشك الانفصال،ولم تتغير ملامح الصورة المتكونة في مثل ذهن زروق بعد، إذ ظلت النخبة الحاكمة، سواء في عهد " عسكر " أو " الديمقراطي البليغ" أو غير ذلك من أشكال البؤس المخيم،تؤكد بالحاح غريب على أن بني شنقول " سودانية مية المية" ، مع أن الواقع يؤكد منذ أكثر من قرن أنها " أرض سودانية ترزح تحت نير الأحباش " ، و النخبة هنا لا تريد أن تصاب ب " وجع رأس إضافي "، وهي بذلك أشبه بصاحبنا "البطيني " أشعب، أطلق كذبة وصدقها. لقد حدث هذا حقاً ،عندما أخبرتنا كتب التاريخ المدرسية الرسمية ،وعلى مدى أجيال متعاقبة، أن محمد على ياشا قد فتح السودان لسببين رئيسيين : الحصول على الرجال و الذهب من جبال بني شنقول، لكن تلك الكتب ذات الاحترام الهش والرصانة المبتذلة لم تخبرنا أبداً أن بني شنقول لم تعد حقيقة واقعية بقدر ما هي واقعة تاريخية لا أثر لها البتة داخل الحدود السياسية الحالية للسودان، كذلك وعلى فترات غدا السودان في ظل رعاية هؤلاء القادة الأفذاذ مثل ذلك المريض، يفقد من جسمه وأطرافه شيئاً فشيئاً، كذلك ضاعت حلايب وجبال عوينات وحلفا القديمة، بينما ابتلعت كينيا نحو المئتي كلم،وقد هضمت بحيرة أدلف تماماً،ودارفور على الطريق. يا إلهي ، يا إلهي يا إلهي، من أية طينة خلقت هذه الأشكال من السادة و القادة " المرطبين " ، فالوطن يغرق ، شباب يتآكل كل يوم ، وثمة نسوة يبعن ذلك الشيء ب " نص طحنية " ، بينما لعبة تبادل الكراسي تجري ، وبذات الحماس الأول، بين " معارض" و"حاكم"، على خلفية ذلك النشيد الحزين : " الشهداء هم وقود الحياة المترفة للسادة الأماجد" الأحاسن الأشاوس، ولا عزاء لبني شنقول، تلك القطعة العزيزة من أرض الوطن ، استأجرها الأحباش من الانجليز بعد نهاية حكم الخليفة عبدالله رضي الله عنه عام 1898 لمدة 25 سنة ، وذلك بغرض نهب الذهب مناصفة ، وهو ما تحول بمرور الوقت الى استعمار حبشي استيطاني بغيض، ولعل في وثائق طرف الأستاذ السفير يوسف حامد زعيم حركة تحرير بني شنقول ما يلقي المزيد من الضوء هاهنا. 1957، هل فقدنا ( قمبيلا ) أيضاً ، في ظل أول حكم حلمنتيشي رشيد ، إذ أن الزعماء الأماجد كانوا يتبارون وقتها أسفل قبة البرلمان فيمن هو أكثر اتقاناً لتراث البلاغة العربية القديمة ، على غرار " الخيل و السيف و البيداء و عنبر جوده يعرفني " ، مع أن المتنبي قد دفع حياته ثمن هذا البيت ، إلا أنها حقاً " نخبة عنيفة في أقوالها ...... مسالمة في أفعالها " ، على حد تعبير فانون . كانت بني شنقول احدى علامات المملكة الزرقاء ، أو مملكة الفونج ، حكامها ( أبان قرون ) ، وهي تقع في شرقي البلاد ، متاخمة ل" ولايات " القضارف – الجزيرة – النيل الأزرق وأعالي النيل ، تحدها دولة إرتريا شمالاً، بينما تجاورها في الجنوب و ( ولاية قمبيلا ) بمتوسط عرض 200 كلم مربع داخل الأراضي الأثيوبية، ومساحتها الكلية تقدر بحوالي 250 ألف كلم مربع ، و عدد سكانها نحو الثلاثة ملايين نسمة ، منذ العام 1898 تم قتل و سجن و تشريد نحو المليونين منهم الى ( السودان )، و لعل الزعماء الأماجد ، الذين تعاقبوا على حكم الخرطوم ، لا يعلمون شيئاً عن شهداء ذلك الجزء العزيز من أرض الوطن ، من أمثال القائدين الحقيقيين عبد الباسط حمد النيل و بابكر قولو ، و تلك العروس الحبلى التي بقر الأحباش بطنها بحثاً عن زوجها المناضل. وبني شنقول يقطنها قبائل سودانية معروفة ، فهناك الخناقية ، كيف و لا ، و شنقول نفسها تعني في اللغة الدنقلاوية النهرية القديمة ( بلاد الذهب ) ،إلى جانب البديرية و البرتا و القمز و الركابية و الفونج و الشوايقة و الماو الجعليين و الكوما و المغاربة و الشناقيط و غيرهم ، و إلى الآن لاتزال غالبية هؤلاء متمسكة بعادة ( الشلوخ ) ، فهي و إن كانت مؤلمة ، إلا أنها في عرفهم أخف وطأة من أن يقال لهم أحباش ، نحن هنا لا نلقي بظلال عنصرية بغيضة ، بقدر ما نشير إلى مفهوم الهوية، حتى أن الرئيس الأثيوبي السابق منجستو،عندما زار ( أصوصا ) عاصمة بني شنقول في أواخر أيامه لأول مرة ،قد صدم تماماً عند لقاء تلك الجماهير ، حيث التفت الى قائد طائرته قائلاً : " هل ضللت الطريق إلى مدينة سودانية " ؟!. "و لكن أين بني شنقول "، ذلك سؤال زروق البائس، فهي آنذاك مستلبة و لا تزال ، وليس كما تزعم الكتب المدرسية الرسمية المبتذلة مرة أخرى ، و من المؤسف حقاً أن يدرك المرء في وقت متأخر أن تاريخه في كثير من الأحيان قد قام على أكذوبة، ولكن مجرد الإشارة إلى ذلك يتطلب قدراً كبيراً من الشجاعة و الصدق و الصبر أمام ما يدعوه البعض ( صفوف المجابهين )، أولئك الذين تبدو حركتهم ، في ظل الأوضاع السياسية المتصاعدة الآن ، مثل البط "يحاول الركض حتى بعد قطع رأسه " ، و لا عزاء لبني شنقول ، سوى التأكيد على مراجعة التصورات الاجتماعية و السيلسية السائدة ، أو الدعوة بكل قوة إلى بروز قوى جديدة تلتقط الخيط الدال على حركة التاريخ، قبل أن نهتف،في الثواني الأخيرة ، مع علي الحسن مالك ، أو الرشيد بدوي عبيد ، قائلين : " اصح يا بريش "

http://www.hornofafrica.de/arabic/may2004_arb/may12-2_sud-eth.htm

عمو كمال نائم؟

الليله القماري اتحمسن للقول
للدهب المجمر المن بني شنقول

عمو كمال نايم لكن انا صاحيه

المقال اكتر من ممتاز .... فيه قيمه تاريخيه عاليه ...
طيب اسي شنقول دي حقتناولا لأ؟

استاذي الفاضل

فريته تاني بي تمعن

طلعت ما حقتنا

لكن على كده السودان ده اتفرتق حته حته (وش حزين جدا)

بت الهناء

Quote: طيب اسي شنقول دي حقتناولا لأ؟

بالجد يعجبني حضورك وجديتك في تصفح المواضيع ربنا يمتعك بالصحة والعافية . كنت متوقع هذا السؤال من الاخوة المتداخلين .

الواقع تعد منطقة «البرتا» ( مناطق بني شنقول) من اقدم المناطق المعروفة في تاريخ السودان منذ اقدم العصور، ومن ذهبها صنع فراعنة مصر اقنعة وجوههم وأغشية مومياواتهم وذهبها معروف في السودان منذ القدم بأنه اجود وانقى انواع الذهب في العالم، وخاصة ذهب «جبال بني شنقول».. ومنذ القدم كانت المنطقة هدفا لهجرات متواصلة من وسط وشمال السودان بحثا عن الذهب. يقول المغني: سافرت اجيب المال من جبال برتا الطوال واليها كانت حملة اسماعيل بن محمد علي باشا والي مصر التركي، والتي وصلت حتى «فازوغلي» بحثا عن الذهب والعبيد، كما ان اعدادا كبيرة من جنود جيوش خليفة المهدي قد استقروا بها، ونجم عن هذا الاختلاط اكتساب الكثير من «البرتا» للسمات العربية ـ وهؤلاء يسمون «الوطاويط» فلا هم عرب ولا هم زنج ـ وقد بسطوا سلطاتهم وكانت ومازالت فيهم الزعامة، ومنهم «المكوك» والحكام.


وتقع ارض البرتا في الجنوب الشرقي من السودان، بين خطي عرض «10 ـ 12 درجة» وخطي طول «34 ـ 36 درجة» ويحدها جبل «فازوغلي» شمالاً و«خور يابوس» جنوبا، والنيل الازرق شرقا، وقبائل «البرون» و«الدينكا» في اعالي النيل الابيض غربا. وقد اقتطع الانجليز جزءا كبيرا من ارض البرتا منحوه الى اثيوبيا، وهو يضم «جبال بني شنقول» اشهر موطن للذهب في السودان، وقد تحركت اعداد هائلة من البرتا من المنطقة الاثيوبية الى الاراضي السودانية، وانتشروا حتى مدينتي الروصيرص في شرق النيل الازرق والدمازين في غربه.

وباختصار يا عزيزتي صارت المنطقة مشتركة بين السودان واثيوبيا .

مبسوطة كدا؟

أي كده مبسوطه

Quote: كان يذهب بعربته السفنجة

يااااخ ...قلت عمك عندو تيمس قلنا معليش جيت بسفنجة الوالد ؟؟ انت اصلو داخل الحمام ؟؟؟

____

حاشية : ساعود لموضوع جبال شنقول فيما بعد

Quote: ساعود لموضوع جبال شنقول فيما بعد

تعال يا اخي ده موضوع محتاج لتكاتفكم

لاهمية الموضوع اورد هنا اقتباسا لما كتبه السيد البرنس ( والم اكن مخطئا فقد كان نشطا في هذا المنبر يوما ما ) ... ومضمون كتاب البرنس فيه كثير باق كما هو حتي اليوم لم يتبدل بتبدل الانظمة والوجوه في قصر الخرطوم :

Quote: عبد الحميد البرنس [email protected] قبيل الاستقلال،جاء وفد من "بني شنقول"،وطلب من المرحوم مبارك زروق ألايعلنوا الاستقلال قبل مناقشة "وضع بني شنقول"،لكن الحيرة غمرت السياسي المخضرم، عندما تساءل قائلاً: "و لكن أين بني شنقول حتى نناقش وضعها هذا "، ثم مضى كل إلى غاية مختلفة . ولم يكن تساؤل زروق هذا وليد فراغ ، هو جزء من خبث السلطة حين لا تريد والعكس ،لا بل هو جزء من إشكالية معرفية ذات صلة واهنة بالواقع ، أكثر مايتميز بها نخبة العالم الثالث إن وجد الآن ،لا بل هو جزء من جهل متعمدى بالوقائع إذا كانت قريبة من الشعوب ،أو أبعد من مقاعد الحكم و السلطة، ولعل ضحكة الأزهري هنا وهو يرفع العلم ضاحكاً ،وقد بانت ضروسه ،لا تخرج عن معنى عبارة صاغتها الأزمنة اللاحقة ،وهي:" قوام .. أمشوا بسرعة يا جماعة الخير الانجليز ... خلونا نحكم أنحن كمان". الآن الآن، الجنوب قد يكون على وشك الانفصال،ولم تتغير ملامح الصورة المتكونة في مثل ذهن زروق بعد، إذ ظلت النخبة الحاكمة، سواء في عهد " عسكر " أو " الديمقراطي البليغ" أو غير ذلك من أشكال البؤس المخيم،تؤكد بالحاح غريب على أن بني شنقول " سودانية مية المية" ، مع أن الواقع يؤكد منذ أكثر من قرن أنها " أرض سودانية ترزح تحت نير الأحباش " ، و النخبة هنا لا تريد أن تصاب ب " وجع رأس إضافي "، وهي بذلك أشبه بصاحبنا "البطيني " أشعب، أطلق كذبة وصدقها. لقد حدث هذا حقاً ،عندما أخبرتنا كتب التاريخ المدرسية الرسمية ،وعلى مدى أجيال متعاقبة، أن محمد على ياشا قد فتح السودان لسببين رئيسيين : الحصول على الرجال و الذهب من جبال بني شنقول، لكن تلك الكتب ذات الاحترام الهش والرصانة المبتذلة لم تخبرنا أبداً أن بني شنقول لم تعد حقيقة واقعية بقدر ما هي واقعة تاريخية لا أثر لها البتة داخل الحدود السياسية الحالية للسودان، كذلك وعلى فترات غدا السودان في ظل رعاية هؤلاء القادة الأفذاذ مثل ذلك المريض، يفقد من جسمه وأطرافه شيئاً فشيئاً، كذلك ضاعت حلايب وجبال عوينات وحلفا القديمة، بينما ابتلعت كينيا نحو المئتي كلم،وقد هضمت بحيرة أدلف تماماً،ودارفور على الطريق. يا إلهي ، يا إلهي يا إلهي، من أية طينة خلقت هذه الأشكال من السادة و القادة " المرطبين " ، فالوطن يغرق ، شباب يتآكل كل يوم ، وثمة نسوة يبعن ذلك الشيء ب " نص طحنية " ، بينما لعبة تبادل الكراسي تجري ، وبذات الحماس الأول، بين " معارض" و"حاكم"، على خلفية ذلك النشيد الحزين : " الشهداء هم وقود الحياة المترفة للسادة الأماجد" الأحاسن الأشاوس، ولا عزاء لبني شنقول، تلك القطعة العزيزة من أرض الوطن ، استأجرها الأحباش من الانجليز بعد نهاية حكم الخليفة عبدالله رضي الله عنه عام 1898 لمدة 25 سنة ، وذلك بغرض نهب الذهب مناصفة ، وهو ما تحول بمرور الوقت الى استعمار حبشي استيطاني بغيض، ولعل في وثائق طرف الأستاذ السفير يوسف حامد زعيم حركة تحرير بني شنقول ما يلقي المزيد من الضوء هاهنا. 1957، هل فقدنا ( قمبيلا ) أيضاً ، في ظل أول حكم حلمنتيشي رشيد ، إذ أن الزعماء الأماجد كانوا يتبارون وقتها أسفل قبة البرلمان فيمن هو أكثر اتقاناً لتراث البلاغة العربية القديمة ، على غرار " الخيل و السيف و البيداء و عنبر جوده يعرفني " ، مع أن المتنبي قد دفع حياته ثمن هذا البيت ، إلا أنها حقاً " نخبة عنيفة في أقوالها ...... مسالمة في أفعالها " ، على حد تعبير فانون . كانت بني شنقول احدى علامات المملكة الزرقاء ، أو مملكة الفونج ، حكامها ( أبان قرون ) ، وهي تقع في شرقي البلاد ، متاخمة ل" ولايات " القضارف – الجزيرة – النيل الأزرق وأعالي النيل ، تحدها دولة إرتريا شمالاً، بينما تجاورها في الجنوب و ( ولاية قمبيلا ) بمتوسط عرض 200 كلم مربع داخل الأراضي الأثيوبية، ومساحتها الكلية تقدر بحوالي 250 ألف كلم مربع ، و عدد سكانها نحو الثلاثة ملايين نسمة ، منذ العام 1898 تم قتل و سجن و تشريد نحو المليونين منهم الى ( السودان )، و لعل الزعماء الأماجد ، الذين تعاقبوا على حكم الخرطوم ، لا يعلمون شيئاً عن شهداء ذلك الجزء العزيز من أرض الوطن ، من أمثال القائدين الحقيقيين عبد الباسط حمد النيل و بابكر قولو ، و تلك العروس الحبلى التي بقر الأحباش بطنها بحثاً عن زوجها المناضل. وبني شنقول يقطنها قبائل سودانية معروفة ، فهناك الخناقية ، كيف و لا ، و شنقول نفسها تعني في اللغة الدنقلاوية النهرية القديمة ( بلاد الذهب ) ،إلى جانب البديرية و البرتا و القمز و الركابية و الفونج و الشوايقة و الماو الجعليين و الكوما و المغاربة و الشناقيط و غيرهم ، و إلى الآن لاتزال غالبية هؤلاء متمسكة بعادة ( الشلوخ ) ، فهي و إن كانت مؤلمة ، إلا أنها في عرفهم أخف وطأة من أن يقال لهم أحباش ، نحن هنا لا نلقي بظلال عنصرية بغيضة ، بقدر ما نشير إلى مفهوم الهوية، حتى أن الرئيس الأثيوبي السابق منجستو،عندما زار ( أصوصا ) عاصمة بني شنقول في أواخر أيامه لأول مرة ،قد صدم تماماً عند لقاء تلك الجماهير ، حيث التفت الى قائد طائرته قائلاً : " هل ضللت الطريق إلى مدينة سودانية " ؟!. "و لكن أين بني شنقول "، ذلك سؤال زروق البائس، فهي آنذاك مستلبة و لا تزال ، وليس كما تزعم الكتب المدرسية الرسمية المبتذلة مرة أخرى ، و من المؤسف حقاً أن يدرك المرء في وقت متأخر أن تاريخه في كثير من الأحيان قد قام على أكذوبة، ولكن مجرد الإشارة إلى ذلك يتطلب قدراً كبيراً من الشجاعة و الصدق و الصبر أمام ما يدعوه البعض ( صفوف المجابهين )، أولئك الذين تبدو حركتهم ، في ظل الأوضاع السياسية المتصاعدة الآن ، مثل البط "يحاول الركض حتى بعد قطع رأسه " ، و لا عزاء لبني شنقول ، سوى التأكيد على مراجعة التصورات الاجتماعية و السيلسية السائدة ، أو الدعوة بكل قوة إلى بروز قوى جديدة تلتقط الخيط الدال على حركة التاريخ، قبل أن نهتف،في الثواني الأخيرة ، مع علي الحسن مالك ، أو الرشيد بدوي عبيد ، قائلين : " اصح يا بريش "

شكرا اخي الباشمهندس ابو بكرا على تلك المعلومات الرائعة وسنظل في انتظارك لمزيد من التواصل

رقصة الوازا - من حفل افتتاح الخرطوم عاصمة الثقافة العربية


خالص ودي

لقيتني كيف؟

Quote: لقيتني كيف؟

لقيتك متنيل بنيلة .. لقيتك قطر بضاعة قافل السكة للاكسبريس ...

Quote: لقيتك قطر بضاعة قافل السكة للاكسبريس ...

وتيب ما ترمي التابلت خلينا نشتت

التابلت للحناكيش هو الاشارة الخضراء للقطار عشان يغادر المحطة والسيمافور عبارة عن لوحة حديدية معلقة في السكة حديد على بعد مسافة من المحطة فعندما يرمى ضابط المحطة السيمافور بتعني الاذن بالمغادرة بعد الاطمئنان لكل عوامل السلامة .

Quote: التابلت للحناكيش هو الاشارة الخضراء للقطار عشان يغادر المحطة والسيمافور عبارة عن لوحة حديدية معلقة في السكة حديد على بعد مسافة من المحطة فعندما يرمى ضابط المحطة السيمافور بتعني الاذن بالمغادرة بعد الاطمئنان لكل عوامل السلامة .

ياااهوي دة لا زعف لا حت .. انا ود سكة حديد والتابلت هي نفس الكلمة الانجليزية Tablet وليست من نضم العرريب .. وبعدين المحولجي هو عامل السيمافور والناظر بيسلم ويستلم التابلت وما بيجدعو يجدعو نخرتك قول امين .....هذا ما لزم التنويه ..

Quote: الواقع تعد منطقة «البرتا» ( مناطق بني شنقول) من اقدم المناطق المعروفة في تاريخ السودان منذ اقدم العصور،

وإن لم تخني الذاكرة قرأت فيما قرأت من تأريخ..
أن كانت في هذه البقاع قوة عسكرية تقدر بخمسمئة من جند مملكة(ألوه)
يحرسون حدودها الشرقية..
وقرأت لمؤرخ روماني لا استحضر إسمه الآن أنه شاهد قري هناك عرفت باسم(بنوبة)..

تحياتي ود شيقوق وضيوفه.

يازول انا شايفك مستعمل الاسم من غير الرجوع لحقوق الملكية الآسمية والفكرية

اعمل حسابك

راجع ليك تانى

الرطاني

Quote: ياااهوي دة لا زعف لا حت .. انا ود سكة حديد والتابلت هي نفس الكلمة الانجليزية Tablet وليست من نضم العرريب .. وبعدين المحولجي هو عامل السيمافور والناظر بيسلم ويستلم التابلت وما بيجدعو يجدعو نخرتك قول امين .....هذا ما لزم التنويه ..

عليك الله يا الرطاني اشرح لينا اكتر وكيف يكون التنسيق بين المحطتين ؟

مولانا الملك

تحياتي الحارة واشواقي

Quote: وإن لم تخني الذاكرة قرأت فيما قرأت من تأريخ.. أن كانت في هذه البقاع قوة عسكرية تقدر بخمسمئة من جند مملكة(ألوه) يحرسون حدودها الشرقية.. وقرأت لمؤرخ روماني لا استحضر إسمه الآن أنه شاهد قري هناك عرفت باسم(بنوبة)..

مالك ملخبط امورنا ومشيت ؟ تعال صاد فصل لينا الله يخليك

الاخ هشام المجمر

Quote: يازول انا شايفك مستعمل الاسم من غير الرجوع لحقوق الملكية الآسمية والفكرية

معليش بس قصدنا التلميع بكل حسن نية

بالمناسبة ليكم علاقة بالاستاذ المجمر المحامي بواد مدنى ؟

في انتظار عودتك .

Quote: ياااهوي دة لا زعف لا حت .. انا ود سكة حديد والتابلت هي نفس الكلمة الانجليزية Tablet وليست من نضم العرريب .. وبعدين المحولجي هو عامل السيمافور والناظر بيسلم ويستلم التابلت وما بيجدعو يجدعو نخرتك قول امين .....هذا ما لزم التنويه ..

مقيلل؟ وبتشرب في القهوة مع ام جناك؟

د.نسيم مقار في كتابه "الرحالة الاجانب في السودان - 1730 -1851- احد اصدارات مكز الدراسات السودانية - وتحت عنوان "مشاهدات جيمس بروس في السودان - مملكة سنار 1882 " :

Quote: يقول بروس في وصف حدود مملكة سنار وامتدادها شمالا وجنوبا ونظام حكم المناطق التابعة لها : " ان ملك سنار يمتد نفوذه علي جانبي النيل الازرق وهذه البلاد علي كلا الجانبيين يستخرج منها الذهب ويحكمها شيوخ يختارهم ملك سنار او وزيره . وهم اقرباء الملك او الشخصيات الكبيرة في بلاطه ويسمون الفونج . وبين النيل الازرق والنيل للابيض يوجد ايضا الذهب والعاج وغيره . والسكان من النوبة والوثنيين . وهاتان المنطقتان اغني جهات المملكة وهما في قبضة الاخويين عدلان وعبدالخالق اللذين قتلا ملكيين (من ملوك سنار ) وابقيا الملك الثالث علي قيد الحياة مجردا من مصادر قوته وموارده . ويقول عن اهمية فازوغلي واماكن وجود الذهب في مملكة سنار "ان فازوغلي تعتبر المركز الرئيسي في اقليم سنار . ومن فازوغلي ياتي الذهب وتقع فازوغلي بين النيل الازرق والنيل الابيض ." ويضيف " ان فازوغلي بلاد جبلية والاماكن التي يوجد فيها الذهب تقع بين الاراضي الجبلية . واهالي تلك المنطقة يؤكدون ان جميع الذهب الذي يوجد في التربة الحمراء . وحيث وجدت التربة الحمراء وجد الذهب . وحيث لا يوجد التربة الحمراء لا يوجد ذهب . وهو يوجد بوفرة في هذه الجهات في المجاري التي تتكون عقب سقوط الامطار " ويستطرد قائلا " والذهب يوجد بجوار النهر ولكن بكميات قليلة وفي كل مكان يستخرج منه يكون مختلطا بالتربة الحمراْ ء ويغسل تراب الذهب في اوان الفضة ولا يوجد ذهب في مناجم ويستخدم العبيد هنا في استخراجه " هذا عن حدود مملكة سنار الجنوبية

___________

اها ياعرريب انتو كنتو بسفنجتكم بتجيبو الزعف من هناك مش كدة ؟؟؟؟ الدهب سميتو زعف يا همباتة ؟؟؟ ان هذه اموالنا وثروتنا والم ترجعوه !! ولا حاجة!! .. يعني بقت عليكم ...؟؟

شيقا

سلام

ياخي.. ضاعت أطراف البلد والسودان تحت المسمى حكم الوطني.. كينيا, اثيوبيا ومصر كلها اخذت ما طاب لها من اراضي....
مع الجراح الكثيرة دي انت جاي تفتح ليك واحد آخر دمه جف من زمن الإنجليز!!!

وين صورك دي؟


تحياتي
عبدالعزيز

Quote: سر حبي لمناطق بني شنقول ظل والدى يعمل بتجارة السعف ( الزعف ) لاكثر من خمسين عاما . كان يذهب بعربته السفنجة الى مناطق بني شنقول يمكث هناك اسابيع ثم يعود بالشحنة مليئة تلامس اسلاك الكهرباء . عندما يعود الوالد يحضر معه كمية من العسل في قرب جلدية وكذلك الدوم والقنقليس . بعد اشتعال الحروب في تلك المنطقة ابيدت كل مزارع الزعف واصبح السفر الى تلك الاماكن مستصحب بكثير من المخاطر . وبعد ذلك اتجه الوالد لشراء السعف من ولاية كسلا .

كان مفروضا أن تورث الوالد في تجارة السعف وليس "الزعف" ....
كان تكون هسع "سعافي" كبير مليونير بأسطول سفنجاتك" و"تيامسك"
وكان ممكن تكون اشتريت شنقول ذاته وبنيه .. لكن مشكلتك أنت
جاري وملهوف لعيشة البندر القاعد تشنفنا بيه ده .. هسع دحين
وليداتك بيرضوا يرجعوا ليك تاني البردانة ويسيبوا الأيس كريم
والهامبيرغر وترطيبة الخرطوم دي !!!!!

ولا مش كده يا شيخ أبوبكر ؟؟؟

الرطاني

والله كتر خيرك نزلت اعظم معلومة عن تاريخ مملكة الفونج

الاخ عزو ود عيسى

انت وين كنت يا العشاء



الفاروق

Quote: كان مفروضا أن تورث الوالد في تجارة السعف وليس "الزعف" .... كان تكون هسع "سعافي" كبير مليونير بأسطول سفنجاتك" و"تيامسك" وكان ممكن تكون اشتريت شنقول ذاته وبنيه .. لكن مشكلتك أنت جاري وملهوف لعيشة البندر القاعد تشنفنا بيه ده .. هسع دحين وليداتك بيرضوا يرجعوا ليك تاني البردانة ويسيبوا الأيس كريم والهامبيرغر وترطيبة الخرطوم دي !!!!!

ابوى عرف مدافستي في همل الانترنت ديل وجاني قال لي كدى اقرا لي بتقول شنو في الانترني .. كلمتو فرح و قال لي عافي منك قروش السعف ما وقعت واطة طاب .

Quote: كان مفروضا أن تورث الوالد في تجارة السعف وليس "الزعف"

ياالفاروق .. السعف بعرفو ناس البحر والبندر اما الزعف فناس الزواحف !!!

وين الرطاني؟

كل الجمال أستاذ الطيب

إبراهيم عبد الحليم

Quote: وين الرطاني؟

صبحنا وصبح الملك .. شن تسوي بالرطاني .. شيلتو دهب الرطان من فازوغلي وقلتو عليهو زعف وشيلتو الملكية وكتلتو ملكيين وبقيتو مكوك وقلتو جدكم عبد مناف ...وين عبدالخالق ؟؟؟

...وين عبدالخالق ؟؟؟

انت ده جبتو من ؟

Quote: انت ده جبتو من ؟

السيد بروس كتبت مذكراته منذ قرون والدكتور مقار نقل منها الي كتابه الصادر في 1995 من مركز الدراسات السودانية -القاهرة (د.حيدر ابراهيم علي ) ولم يتصدي احد علي ما ذكره بخصوص ملوك الفونج الحقيقيين؟؟؟ تاريخ هذه البلاد بممالكها الكثيرة فيه كثير من الادعاءات والظلم فكم ملك حقيقي لم يذكر وكم ممن ادعي ملكا تنمر وادعي ...

Quote: السيد بروس كتبت مذكراته منذ قرون والدكتور مقار نقل منها الي كتابه الصادر في 1995 من مركز الدراسات السودانية -القاهرة (د.حيدر ابراهيم علي ) ولم يتصدي احد علي ما ذكره بخصوص ملوك الفونج الحقيقيين؟؟؟ تاريخ هذه البلاد بممالكها الكثيرة فيه كثير من الادعاءات والظلم فكم ملك حقيقي لم يذكر وكم ممن ادعي ملكا تنمر وادعي ...

واصل يا اللخو انت راسك مليان لكنك ضنين ومسنوح

Quote: وكم ممن ادعي ملكا تنمر وادعي ...

فكونا من جنس دا خلونا نعقد ممهولين

ونتابع دهبكم دا

دمتم بخير أجمعين

الاخ الاستاذ ود البخيت

Quote: فكونا من جنس دا

الرطاني ده عندو طلعة الصباحية بلبس عراقي الساكوبيس السمح والسروال ابو تكة السمح وصندوق البرنجي متروس لخشيمو . يصبح عماتو وخالتو وبعد داك بجيهو الوليد يقول ليهو الليلة يا عمو الجزارة ضابحة ناقة سمينة اتكسرت فجأة في المدلّية ( مشرع البحر) وزولك طوالي يتنفض ويقوم عاني الجزارة . طبعا الرطاني راجل خيّر واهلو كلهم بحبوهو مجرد ما وصل الجزارة لقى القوم جالسين ويقوم يسلم عليهم واحد واحد ويديهم شمارات الخليج كلها.

نواصل مع كبدة الرطاني

Quote: واصل يا اللخو انت راسك مليان لكنك ضنين ومسنوح

محاولة قراءة التاريخ السوداني وفق رؤي غير التي ورثناها شفاهة ووفق ما تيسر من وثائق وما جهل عمدا او تجاهلا لا يبدو مستساغا لدي الكثيرين ..الحقائق عن بلاد السودان غير كاملة والنتيجة هي عشوائية ما نعيش نظاما وشعوبا ...وللاسف نورث اجيال قادمة تلك العشوائية التاريخية

ما شاءالله نضميك ودهبك كلو عيار 24.لكن بيني وبينك فيصل ده عندو خبرة في الدهب والتنقيب ما عادية كلو كلو.

Quote: محاولة قراءة التاريخ السوداني وفق رؤي غير التي ورثناها شفاهة ووفق ما تيسر من وثائق وما جهل عمدا او تجاهلا لا يبدو مستساغا لدي الكثيرين ..الحقائق عن بلاد السودان غير كاملة والنتيجة هي عشوائية ما نعيش نظاما وشعوبا ...وللاسف نورث اجيال قادمة تلك العشوائية التاريخية

نتمنى ان تستقر بلادنا وان ينعم عليها بحكم ديموقراطي معافى وان تستصحب التقنيات الحديثة من قبل جيل المستقبل لاعادة ترتيب هذه الامور .

الفاتح ود ميرغني

Quote: ما شاءالله نضميك ودهبك كلو عيار 24.لكن بيني وبينك فيصل ده عندو خبرة في الدهب والتنقيب ما عادية كلو كلو.

الله يخليك يا الحبيب بس ختينا المسنوح . صاحبك الايام دى هو ذاتو مشغول بصور في دراب حلفا

Quote: صاحبك الايام دى هو ذاتو مشغول بصور في دراب حلفا

"مافي دراب في حلفا " .. كلمة دراب" ذاتا نحنا سمعنابيها عندكم بعد ما هجرتونا ,.,,,

Quote: بعد ما هجرتونا ,.,,,

حرام عليك نحن علمناكم زراعة العنكوليب وتفسخ العنوليب ومص العنكوليب بس كتر خيركم انتوا بشطارتكم ادخلتوا عليها التقنيات الحديثة!!

الرطاني وين انت

Quote: حرام عليك نحن علمناكم زراعة العنكوليب وتفسخ العنوليب ومص العنكوليب بس كتر خيركم انتوا بشطارتكم ادخلتوا عليها التقنيات الحديثة!!

يااااخ منطق التاريخ والجغرافيا والبتاع واية حاجة شفت ليك زولا عرريب ضهبان زول بر ساااي وطلح ودخان ودوم يعلم ليهو نايلوتك الزراعة ...عنكوليب شنو ونحن ناس عنب وبرقوقوق وتفاح وكيوي وافكادو ....

ابوبكر العريبى دا داير يتفلسف لكن طالما نحن موجيدين هنا ماعندو اى طريقه العب غيرا
وين الدهب يا 0000000000000000000000

Quote: وين الدهب يا 0000000000000000000000

من لخبتو العرريب قال "زعف" بدل "سعف" ...

والله ياباشمندس عارفك بجيب خبرو قال سعف قال امشى يا 00000000000000000

المحرب

ابوبكر العريبى دا داير يتفلسف لكن طالما نحن موجيدين هنا ماعندو اى طريقه العب غيرا
وين الدهب يا 0000000000000000000000

قول للرطانة نسيبتكم اكان تجيبوا ليكم زولا سمح زى ود محربنا السمح ده

شوف يا المحرب انا الليلة ناوي اسلس ليك الرطاني عشان يتعلم الاتي:-

كنان التيوس

صرار الغنم

شراب موية القربة بكداب الطلح لا سيما وانه لا يعرف من الطلح علا عيدانو اليابسة


ولازم يتعلم يصيح يقول وووووووووووووووووووووووووووووو الطيييييييييييييييييييييييييييب




هييييييييييييييييييييييييييع كع

Quote: شوف يا المحرب انا الليلة ناوي اسلس ليك الرطاني عشان يتعلم الاتي:- كنان التيوس صرار الغنم شراب موية القربة بكداب الطلح لا سيما وانه لا يعرف من الطلح علا عيدانو اليابسة

ونحن نعرف قيمة الطلح لكن ياعربى الناس كلهن بعرفو قيمة الطلح بانه يودر وجع
المفاصل والروماتيزم

Quote: كنان التيوس صرار الغنم شراب موية القربة بكداب الطلح لا سيما وانه لا يعرف من الطلح علا عيدانو اليابسة ولازم يتعلم يصيح يقول وووووووووووووووووووووووووووووو الطيييييييييييييييييييييييييييب هييييييييييييييييييييييييييع كع

والله ضحكته لامن وقعته


الاستاذ شيقوق,,,

يديك العافية

ويتولاك المولى برعايته انت ودهبك المجمر

الحارق حشي الجنيات ومسهر البنوت...


:)


تقديري واحترامي.

Quote: كنان التيوس صرار الغنم

ياااخ طلعنا من الزريبة بتاعتك دي ؟؟ نحن ناس همر ووبي ام دبليو اكس سفن

حضور ومتابعة ..

يا ود شيقوق الحمد لله جبال شنقول فيها دهب ما طلح

والا كان البوست دا دخاخينو تجيب الغاشى والماشى

لك التحية

الاخت العزيزة اميمة بت اهلي

والله ضحكته لامن وقعته


الاستاذ شيقوق,,,

يديك العافية

ويتولاك المولى برعايته انت ودهبك المجمر

الحارق حشي الجنيات ومسهر البنوت...

هذا حكي يتوطاهو الكثيرون من اهلنا السودانيين دون ادراك لمعانيه - دعونا نعمل ، ونحن نسلس في الرطاني ، على نشر ثقافاتنا عبر هذا المنتدى الرائع .

بالتاكيد من اهلنا ناس الفرجوني يا اميمة .


خالص ودي

المحرب


ونحن نعرف قيمة الطلح لكن ياعربى الناس كلهن بعرفو قيمة الطلح بانه يودر وجع
المفاصل والروماتيزم

قلت كدي ؟؟؟؟؟؟؟؟؟؟؟؟؟؟؟؟؟ شوف ليك سوق غير سوق ود شيقوق اجلب فيهو كلامك ده

سج ...................... حبوبتك

ود القرشي

ما تشفق خليك في الصف لحدى اكمل القدامك ............................ عمري كلو كايس فيك ضريبة ولقيتها عشان تعرف شحتفة الروح كيف

الرطاني


ياااخ طلعنا من الزريبة بتاعتك دي ؟؟ نحن ناس همر ووبي ام دبليو اكس سفن

استناني في الزريبة ما تشفق بولع ليك التقابة من الضبان

يااااخ منطق التاريخ والجغرافيا والبتاع واية حاجة شفت ليك زولا عرريب ضهبان زول بر ساااي وطلح ودخان ودوم يعلم ليهو نايلوتك الزراعة ...عنكوليب شنو ونحن ناس عنب وبرقوقوق وتفاح وكيوي وافكادو ....

بتعرف الضناب؟

Quote: بتعرف الضناب؟

ههههه


غايتو آآآلخو أبوبكر الحضري

أكان عرفته دي

ودشيقوق مابنخلو تب

علا يعتقك لى الله سااااي.



:)


لكما ودي واحترامي

والله البوست ده تامي مقيلتو وانجمايتو يالتأكيد...

تاريخ وحكي وانبساطة.

بت الفرجوني

آآآلخو

يجازي محنك جيتي ناطة من وين ؟ وحاة النبي غيري حد عارفك بتقولي في شنو مافي

هييييييييييييييع كع

الرطاني

بتعرف الخبة والكربتة والسربة ؟

علا يعتقك لى الله سااااي.


لالالالالالالالا علا اسمعو يرغي واحن عليهو

Quote: لالالالالالالالا علا اسمعو يرغي واحن عليهو

هههههههههههه


أها وكان قام كده نفر وهج...

باقيلك بجيك صادي.؟؟!!.

علا كان تسيلو عقال,,,


:).



خالس احترامي لكما.

Quote: أكان عرفته دي

يابتي سجم العرفة .. شن نسوي بنضم العرريب اكان فيهو فايدة العرريب السجمان دة اكان خلي الدهب وشال الزعف ...؟؟ نضم العرريب دة ما بينفع معانانحن جنيات البندر والحضر المتنوريين والكلامنا زي بتاع ناس السيما ...؟؟نحن الجمل ظلع وجدادي يلقط الحبة عاملة لينا تليك في المصران الصغير من دااااك زمان تجي تقوللي ضبان ؟؟؟

Quote: بأنها أرض الذهب في السودان

الحبيب شيقا

دهب قال ... دا لحق امات طه زمان


دهب انت وبس

كدا يا ود شيقوق!!

مداخلتي ما عجبتك!!!

اميمة الفرجونى

الرطاني

عزو

شيخنا حسن طه


معليش الليلة مشغول مؤتمرات من الصباح في ارقى القصور العمانية وحاة النبي اكان شفتوا شيقا ما بتفرزوهو من اولاد البندر غير كلامو وغير قدلتو وغير جغمتو - سكاكين وشوك - وصار يعاين للجكس خلسة ساااااااااااى ما بملأ عيني فيهن عشان استر حالكم في الغربة المسنوحة دى .


لقيتونى كيف؟

استراحة حت على انغام جنوب النيل الازرق


http://www.youtube.com/watch?v=FKaeO4Auwwg

Quote: معليش الليلة مشغول مؤتمرات من الصباح في ارقى القصور العمانية

ما برضو "مهرج "الملوك بيزورو القصور

Quote: ما برضو "مهرج "الملوك بيزورو القصور

وحاة النبي واقف مع الناس في صف الغداء بخمش محل الناس بخمشوا قنطرت ليك الصحن حتى المشروم خمشت ليك منو ما ناوى السفر !!

تعال يا الرطاني شوف اهلنا البعد الهجعة للضيفان بتوقد نارهم - مش خلينا نشوفكم يا اخينا

<object width="425" height="344"><param name="movie" value="http://www.youtube.com/v/PWDxqXsV1dE&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/PWDxqXsV1dE&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

Quote: وحاة النبي واقف مع الناس في صف الغداء بخمش محل الناس بخمشوا قنطرت ليك الصحن حتى المشروم خمشت ليك منو ما ناوى السفر !!

اها شلت الصحن فوق راسك وسبت الرغيف علقتو في يدك وباليد التانية خمشت الضلع ...مش كدة

Quote: اها شلت الصحن فوق راسك وسبت الرغيف علقتو في يدك وباليد التانية خمشت الضلع ...مش كدة

يا حليكم انتوا ناس البندر وقيعيين الهواميك ( سلطات خيار جذر وحاجة كدا لقيتها الليلة تشبه الموليتة فاقدة الدكوة بس) الواحد يقنطر صحنو فيها ويمشي يتكامل المريلة البيضاء يتلببها ويروح صاقع فيها الجرة.

اما نحن هييييييييييع نجي في الهواميك دي دايسين ابنص ما نبركن علا محلات السموك والتموك والشيات والهامبيرقرات . نقطر الصحن ونتكامل بيهو الحيطة ناكل زييييييييين ومحل رهيفة تنقد .

ياعرريب السجم الاكل هناك عندنا درجات ومراحل تبدء بلابتايزرز والشوربة وبعد المين منيو والديزرت وبعدين قهوة او شاي مش بس زغيط ساي زي البط .... المرة الجاية اقعد في بكان وقول لواحد صاحبك يجيب ليك معاهو بدل ما تفضحنا ...

المسنوح الله يمسخك ضحكتني

Quote: ياعرريب السجم الاكل هناك عندنا درجات ومراحل تبدء بلابتايزرز والشوربة وبعد المين منيو والديزرت وبعدين قهوة او شاي مش بس زغيط ساي زي البط .... المرة الجاية اقعد في بكان وقول لواحد صاحبك يجيب ليك معاهو بدل ما تفضحنا ...

لالالالا ما تلخبط نحن فناجرة والهندمة دى نحن حقتنا من زمن عبد الله ابن ابي سرح اللحسكم كوعكم.

الدرجات ومراحل في الاكل دى ما هولنا نحن ناس الدفرة والعقلة يا مسنوح .

Quote: من زمن عبد الله ابن ابي سرح اللحسكم كوعكم

.
نحن رجعناهو علي التاهيل المهني علي طول ؟؟

نحن رجعناهو علي التاهيل المهني علي طول ؟؟

لا ابدا سمعنا قالوا تعاهدتم بامداد الغزاة بقروانات .............البركاوي الاصلي والذين يسمى اصطلاحا بال سكو سكو .

حرم أنا دخلت عشان الصور ... !!
لقيت الموضوع كله ضناب وسربته وما عارف إيه !!!!
يعني دي هسع كلمات تفتخر بيها .. ؟ تقول الود جايي
من السربون !!!!
وينه صورك يا المسينيح ؟

Quote: لقيت الموضوع كله ضناب وسربته وما عارف إيه !!!! يعني دي هسع كلمات تفتخر بيها ..

انت شايت وين سعادتك؟

بكرت ولا شنو؟

الدرجات ومراحل في الاكل دى ما هولنا نحن ناس الدفرة والعقلة يا مسنوح .
عارفك تكون لحست صبعيك من قعدتك جنب الحيطه..
قال شوكه قال.

Quote: قال شوكه قال.

هو قال شوكة السنط اللفي رجلو المقشفة من عمناول ....

Quote: هو قال شوكة السنط اللفي رجلو المقشفة من عمناول ....

أخوي الفاضل ودشيقوق

وحات الله ود البندر ماخلالك شي تب...

شن قولك في جنس ده..؟؟؟

دحين رايك شنو نسوقو نفكو فوق لعوته نعلو يتعرب ويخبرنا ويمرغ نظره فوق

دهب الخزانة الصااااااااااافي ...

:).


راجنك سالم وغانم ان شاء الله من المؤتمر

شوكة ماتعترلك.

:).

Quote: معليش الليلة مشغول مؤتمرات من الصباح في ارقى القصور العمانية وحاة النبي اكان شفتوا شيقا ما بتفرزوهو من اولاد البندر غير كلامو وغير قدلتو وغير جغمتو - سكاكين وشوك - وصار يعاين للجكس خلسة ساااااااااااى ما بملأ عيني فيهن عشان استر حالكم في الغربة المسنوحة دى . لقيتونى كيف؟

شيقا

الا سعال

في المؤتمرات دي حسن نصر الله وسنيورة وجنبلاط والحريري وكمان جعجعععع موجودين.

كان مافي مؤتمراتك دي بلها واشرب مويتا .

!!!!!!!

ود البوب

الرطاني

بت الفرجوني

الشيخ ود البوب


ودعتكم الله كاسح الجلسة التانية من المؤتمر بجيكم بعد صلاة العصر .
سوف لا اعمل بتوصيات الرطاني بشأن المقرشة


ود الملك

الليلة تاني بقبل ليك على الحيطة ولحس اصابع سيبك من حديد ومرايل الرطاني

سال من شعرها الذهب ..

فتدلى وما انسكب ..

كلما عبثت به..

موجة ماج واضطرب ..

شيقا ..

حبينا نصبح ..

صباحك دهب ..

Quote: انت شايت وين سعادتك؟ بكرت ولا شنو؟

Ha shiga hooooooooooy كلام عروب يالعنجليزي !!!!!
أولاً : نحن ناس صبوح وليس غبوق يا شيقا !!!!!!!!!!!
تانيا: أنا شايت على قون الصعيد في المرمى (الأثيوبي)
"يا سعادتك" ! ! ! !!!!!!! ! !!!

Quote: " الشهداء هم وقود الحياة المترفة للسادة الأماجد"

الاخ الطيب

لك التحية والتقدير

ولك الشكر الجزيل على تذكيرنا بقطعة كانت عزيزة علينا يوما حينما كانت ضمن عصب الوطن العزيز ثم اضاعها من اضاعها كما سيضيع غيرها وغيرها .....

وشكرا على البكاء على الاطلال ......

اديك كدا

Quote: شوكة ماتعترلك.

شوكة ؟؟؟؟ تعتر لابو القنفد دة كيف ؟؟؟

السلام عليكم يا عولي

طوفيييييييي الجميلة

Quote: سال من شعرها الذهب .. فتدلى وما انسكب .. كلما عبثت به.. موجة ماج واضطرب .. شيقا .. حبينا نصبح .. صباحك دهب ..

الليلة وا سعدي جات مارة ليلة القدر الاحسن من الف رطاني

الفارووووووق

انت اكان فتحوا ليك تشوت تجاه الكعبة تقبل تشوت على ناس نقستي

الطيب شيقوق
تحية واحتراما
متابع وبي متعة .

Quote: شوكة ؟؟؟؟ تعتر لابو القنفد دة كيف ؟؟؟

الكترااااااااااااااابه


بري

ود اهلي ده

الاسد البسوق من قصته الناموس
ود عينه الجمر حدة اضافره الموس


قال ابوالقنفد قال

:).

باسط ود المكي


متعك الله بالصحة والعافية


قريبتي جاييك بالمهلة الهمل ديل فتحوا ليهم جبهة بهناك

الانهيار الاقتصادي والسبب -الجهبوز ودشيقوق (توجد صور)

بت الفرجوني

Quote: الاسد البكوس فوق قصته الناموس ود عينه الجمر حدة اضافره الموس

الزول البدور من البوادي ضريبة

ببقى موارك الغربة ويبعد الريبة

ما بتدبّى لي الهاملة البشوفا غريبة

ألا السيدا في الدندر مسيلها زريبة ...


هيييييييييييييييع كع

اميمه تحياتى
البلد اللسوتوبتبلعك متعارض
شقاها ابشنب فوق البزمو بطارض
تحياتى

اريتك بالجمرة ,,الماتلقى اليطفيها.

يا باسط ياولدي .. اها العرريب دة خلقة يختولها وردة زرقة دة عشر في عيونو تخليهم علي العليهو مضلم وبيترتع ...

Quote: يا باسط ياولدي .. اها العرريب دة خلقة يختولها وردة زرقة دة عشر في عيونو تخليهم علي العليهو مضلم وبيترتع ...

دحين ناس حلفا بعرفوا العواسة والمرحاكة والعتي ؟
بعرفوا زيت الولد للمسوحة ؟ ولا ناس فول ساى؟
بعرفوا بشركوا للقمري؟
بعرفوا ضمى ألبل ( الجمال)؟ اقصد جمال البطانة
حريمكم بعرفن رقيص عوم جنى الوزين؟ ولا ياها قديلتن الزى المداح في ميدان ابو جنزير؟
بتعرفوا المنجلية والسكاب والكوكاب والمشكاب؟ شكيتك للصادقاب .

وين الصور يا أستاذ الطيب شيقوق؟

إبراهيم عبد الحليم

الاخ ابراهيم

شكرا على المرور

Quote: وين الصور يا أستاذ الطيب شيقوق؟

يا اخي شوف لينا انت حاجة ان شاء الله اصلة من اصلات جنوب النيل الازرق

Quote: ولا ياها قديلتن الزى المداح في ميدان ابو جنزير؟

ما قلتو عرب

العزيز شيقا

سلام


أغيب يومين ألقى بوستك عمل صفحات!!

لكنو ما زال يعرج لنقصان الصور..

بس دايما معتمد على الرطانة يجملوا ليك البوست..!!!

تحياتي

Quote: حريمكم بعرفن رقيص عوم جنى الوزين؟ ولا ياها قديلتن الزى المداح في ميدان ابو جنزير؟

بالكيماوى

بس دايما معتمد على الرطانة يجملوا ليك البوست..!!!



عزو


بس اتغاتتوا المرة دى غلبهم يلحقونا بالصور


الفاضلابي


كيماوي

لا بيض ام جان

Quote: دحين ناس حلفا بعرفوا العواسة والمرحاكة والعتي ؟ بعرفوا زيت الولد للمسوحة ؟ ولا ناس فول ساى؟ بعرفوا بشركوا للقمري؟ بعرفوا ضمى ألبل ( الجمال)؟ اقصد جمال البطانة حريمكم بعرفن رقيص عوم جنى الوزين؟ ولا ياها قديلتن الزى المداح في ميدان ابو جنزير؟ بتعرفوا المنجلية والسكاب والكوكاب والمشكاب؟ شكيتك للصادقاب .

نضم عقد السوميت لابسنو فوق الرقبة...

:).


الاخوان ودشيقوق

خالد المحرب




بجيكم صاده ...


تحياتي.

Quote: بس اتغاتتوا المرة دى غلبهم يلحقونا بالصور

عزيزي شيقا


عمو كمال ده ممكن يجيب ليك صور القرن القادم.. انت بس حنسوا!!!

اميمة قريبتي

Quote: نضم عقد السوميت لابسنو فوق الرقبة...

كلامك ده الرطانة المسانيح بعرفوهو؟

انا فكرت اعمل بوست عنوانو ( نضم عقد السوميت لابسنو فوق الرقبة)

رايك شنو؟

Quote: نضم عقد السوميت لابسنو فوق الرقبة...

سوميت شنو ؟؟ دراب شنو ؟؟؟ نحن ناس الدهب ذااااااتو وعرفن نساؤنا بعقود الذهب منذ الاف السنيين ..!!

Quote: ( نضم عقد السوميت لابسنو فوق الرقبة)

حاجة تفرق..
لو بنات الرطانة لابسات الدهب حجول!!

Quote: ( نضم عقد السوميت لابسنو فوق الرقبة)

حاجة تفرق..
لو بنات الرطانة لابسات الدهب حجول!!

Quote: سوميت شنو ؟؟ دراب شنو ؟؟؟ نحن ناس الدهب ذااااااتو وعرفن نساؤنا بعقود الذهب منذ الاف السنيين ..!!

ابوبكر البندراوي

السوميت ده مابنقاس بالدهب

اصلو غالي ومقامو عالي


على فكرة حاسب... في دقسة حاصلة...

لكن بنجيبا انا وودشيقوق اخوي في البوست المرتقب

( نضم عقد السوميت لابسنو فوق الرقبة).


:).

Quote: اصلو غالي ومقامو عالي

يعني "المقام العالي " ( دة لقب امير المؤمنين في زمن التركية العثمانية ) ما كان عارف وبس قال "خرسيس ادبسيس انتو لازم تمشو سودان وجيبو دهب " !!!!!

انا فكرت اعمل بوست عنوانو ( نضم عقد السوميت لابسنو فوق الرقبة) رايك شنو؟

اخوي ودشيقوق

وهو بعد رائك راي يا عشي البايتات...

على بركة الله,,,


خلي النسوي النضم المسمت...

:).

ااالخو عبد العزيز




Quote: ( نضم عقد السوميت لابسنو فوق الرقبة)



حاجة تفرق..


حاجة زي لما تكون محلق في الفضاء,,

وفجأة,,,,

اميمه تحياتى
البلد اللسوتوبتبلعك متعارض
شقاها ابشنب فوق البزمو بطارض
تحياتى



الاخ الفاضل خالد المحرب...

أبشر...



اهديلك كلام" الفرجوني" قال:

ربعن ما أكل لامدة الخامــــــــــــــــــــــــــــــــــــــــــــوس
واتحربس جفل من كشتو الجامــــــــــــــــــــــــــــــــــــوس
الاسد البسوق من قصتو النامـــــــــــــــــــــــــــــــــــــــوس
ودعينو الجمر حدة اضافرو المـــــــــــــــــــــــــــــــــــــوس
تسلم ياجليس الشولقن مرصــــــــــــــــــــــــــــــــــــــــوص
ياضراب عراطم الدندن أم عركـــــــــــــــــــــــــــــــــــوس
ياقلاب وسيق الدرعهن ملبـــــــــــــــــــــــــــــــــــــــــــوس
تمساح ادبره الشايل البديق أب خـــــــــــــــــــــــــــــــــوس
في الجود والكرم لاقاني متل القــــــــــــــــــــــــــــــــــــوس
ايدك وابل ام برقا بشيل حرقــــــــــــــــــــــــــــــــــــــــوس
في الخرطوم نتر ماهو العرور البـــــــــــــــــــــــــــــــوص
للبهناك نتر رد الجواب مخصـــــــــــــــــــــــــــــــــــــوص


تحياتي.

عجيبة .. قولتو سوميت ؟؟؟؟

وتعتز النوبية بالذهب !!!!! قال سوميت قال

Quote: ربعن ما أكل لامدة الخامــــــــــــــــــــــــــــــــــــــــــــوس واتحربس جفل من كشتو الجامــــــــــــــــــــــــــــــــــــوس الاسد البسوق من قصتو النامـــــــــــــــــــــــــــــــــــــــوس ودعينو الجمر حدة اضافرو المـــــــــــــــــــــــــــــــــــــوس تسلم ياجليس الشولقن مرصــــــــــــــــــــــــــــــــــــــــوص ياضراب عراطم الدندن أم عركـــــــــــــــــــــــــــــــــــوس ياقلاب وسيق الدرعهن ملبـــــــــــــــــــــــــــــــــــــــــــوس تمساح ادبره الشايل البديق أب خـــــــــــــــــــــــــــــــــوس في الجود والكرم لاقاني متل القــــــــــــــــــــــــــــــــــــوس ايدك وابل ام برقا بشيل حرقــــــــــــــــــــــــــــــــــــــــوس في الخرطوم نتر ماهو العرور البـــــــــــــــــــــــــــــــوص للبهناك نتر رد الجواب مخصـــــــــــــــــــــــــــــــــــــوص

المفردات الفوق معظما ليست في قواميس بني عرريب التي فرضت علي الناطقيين بغيرها وهذه خيانة .. شنو يعني عراطم وشولقن والبديق .. انتو ياولادوبنات البنا يا تنضمو زينا كدة يا كل واحد ينضم بلغتو ويغني كمان بلغتو وما خصانا وبعدين النشوف فردتنا الشغال كعب داير في امريكا منو البيسجل ليهو في اليوتيوب في رمضان الجاي

اها قلتو سوميت ؟؟ الموضوع "الذهب" ؟؟؟؟ وانا حاهرييكم لتعرفو مالم تعرفو من قبل عن النوبيات والذهب .. قال سوميت قال :

من منتدي عمارة (احد المنتديات النوبية) وللسيد هاشم محمد عثمان هذه السطور لعلكم تفقهون :

Quote: الحٌلى والمجوهرات النوبية درة من الجمال الحسى والمعنوى والأسلوب الفطرى التى تفنن فيها المرأة النوبية منذ قديم الزمان . ولكى لا نطول فى الحديث سوف نختصر بعضآ من هذه الحلى ونود أن نستفيد أكثر من الخبرات النوبية فى هذا المجال وعليه نرجو مشاركتكم معنا فى هذا البوست لأجل التوثيق . (1) قرط بلتاوى ( الهلال ) : مصمم على شكل الهلال ومصنوع من الفضة وإستخدمته المرأة النوبية فى الزينة عقودآ طويلة ولم تبق من هذه الأقراط إلا القليل فى أيامنا هذه . كان هذا القرط مزخرف بالزخرفة النوبية التقليدية وهى المثلثات المتجاورة . (2) الشاوشاو : مصنوعة من الفضة وتعلق على جانبى الرأس وتتدلى بجانب الأذنين لتصل حتى الأكتاف . وجاءت كلمة " شاوشاو " من الصوت الذى تحدثه الحلية أثناء حركة المرأة والرقص وفى رواية أخرىة تسمى " ماريكو " وهى كلمة رومانية وربما أيضآ تسمى " الكُوشوّاد " بلغة السكوت . (3) ديناركو : دائرة أو قرص مسطح من الذهب الخالص قطره 40 ملم ولها تشكيلات مختلفة عباره عن ستة أنصاف دائرية مثل الأفلاق موزعة على محيط القرص . (4) خزام الأنف ( سورنقن تميم ) : قرص يوضع فى الأنف مصنوع من الذهب أو الفضة ويشبه الدبلة . (5) الصـُره : وهى قلادة الصُره ومصنوعة من الفضة وتسمى أيضآ حجاب السمك . وهناك أيضآ قلادة دوجــه والسافا والنقار والعاج ، العاج يلبس فى الأرجل وأندثر منذ فتره طويلة . وهناك الجكد والبيق والدعة ... ومن الحلى الأخرى الرصِه والدينار والرسان وقصة الرحمن وقرط عكش . أيضآ حلية الشف وسوار قبه ( كيم ) وسوار كورد وخاتم منجور وخاتم سيدى إبراهيم .. والحجل أو الخلخال .. ومشهور بين النوبيات فى الرياض " رجل بالحجل أو العكس " . وسوف نأتى للشرح فى مداخلة أخرى .

بت الفرجوني قريبتي

عليك النبي شيشك على الرطاني ده انا لي خمسة سنين بدودر فيهو بالطوالة وسياسة النفس الطويل وبسلس فيهو تسليس باااااااااااارد عشان ارمي في سنكيتو اللبدة والسرج والكراب والبردعة واكج فيهو اللجام وعييييييييييييك .


خليني احكي ليهو وافسر ليهو نضميك السمح ده


تمساح ادبره الشايل البديق أب خـــــــــــــــــــــــــــــــــوس

البديقة هي الحربة المليانة سنون وسنونها نايمة لا وراء زى اجنحة الطائرة الامريكية إف 16 بتدخل في اللحم diving وتاني ما بطلعها علا الجليل الرحيم واسنانها دى بسموها الخوس .

في الجود والكرم لاقاني متل القــــــــــــــــــــــــــــــــــــوس

كناية على الكرم وهذا يتسق مع قول الشاعر (والسيل حرب للمكان العالي) . يعني يا رطاني القوس محدودب زى المكان العالي . وفي رواية اخرى القوس هو الرجل الغارق في التوحيد وامور الدين .

ايدك وابل ام برقا بشيل حرقــــــــــــــــــــــــــــــــــــــــوس

اخخخخخخخخخ ده بتجننك عديل لانك بتخاف البروق والرعد . والله الكلام ده شعراء المعلقات التسع ما قالوهو . خليني اشرحو ليك :

ايدك في الجود والكرم بتشبه السحابة القاليها ( رافعها ) البرق اب حرقوس وسمي اب حرقوس لانو بتلولو زى ابحرقوس وابو حرقوس دا حشرة زاحفة تشبه الثبعان لكن صغير جدا بيشبة الصارقيل البتبحتوهو من الواطة الرطبة ليعمل كطعمة للسمك عندكم هناك .

في الخرطوم نتر ماهو العرور البـــــــــــــــــــــــــــــــوص

هييييييع في الخرطوم زأر زئير الاسد مش صيحة الراجل التكيسة والعرور وراق الخدرة لمرتو الزيك كدا .

Quote: المفردات الفوق معظما ليست في قواميس بني عرريب التي فرضت علي الناطقيين بغيرها وهذه خيانة .. شنو يعني عراطم وشولقن والبديق .. انتو ياولادوبنات البنا يا تنضمو زينا كدة يا كل واحد ينضم بلغتو ويغني كمان بلغتو وما خصانا وبعدين النشوف فردتنا الشغال كعب داير في امريكا منو البيسجل ليهو في اليوتيوب في رمضان الجاي

هههههههههههههههههههههههههههههههههههههههههههههه مسنووووووووووووووح

كتا في كورس لداحة على نفقة قريبي بكري الرطاني






النعيم وين ?


قصر

Quote: كتا في كورس لداحة على نفقة قريبي بكري الرطاني

ويييييييييييييييييييين عموكمال يا سجم

Quote: كتا في كورس لداحة على نفقة قريبي بكري الرطاني

ووولسسسسسسسسسسسسسسسسسسسسسسسسسسسسسسه

البندراوي

بركة السوميت الخلاك تنزل لينا صوركم الماخمج.

:).



الدهب ماهو معروف...


لكن برضو السوميت ماجيبتلي خبرو لاهسيي...





ودشيقوق أخوي

عفيت منك دنيا وآخرة...


بجيكم صاده..

Quote: بجيكم صاده..

Quote: عليك النبي شيشك على الرطاني ده انا لي خمسة سنين بدودر فيهو بالطوالة وسياسة النفس الطويل وبسلس فيهو تسليس باااااااااااارد عشان ارمي في سنكيتو اللبدة والسرج والكراب والبردعة واكج فيهو اللجام وعييييييييييييك .

هههههههههههههه

دحين بلحق ده...

براوه عليك يا دناي بعيد النـــــــــــــــــــــــــــــــــــاي
راسك قالع الحسكة أم حديدا يــــــــــــــــــــــــــــــــــــاي
لذيذ عجك الفروع الخالي من نوا نـــــــــــــــــــــــــــــواي
نزول عربانو فوق ضهر علي الباســـــــــــــــــــــــــــــــــاي

(الفرجوني).

الرطاني

براوه عليك يا دناي بعيد النـــــــــــــــــــــــــــــــــــاي
راسك قالع الحسك أم حديدا يــــــــــــــــــــــــــــــــــــاي
لذيذ لعجك الفروع الخالي من نوا نـــــــــــــــــــــــــــــواي
نزول عربانو فوق ضهر علي الباســـــــــــــــــــــــــــــــــاي

شيل النضم الزى نوار التبر النديان ده وديهو عمك بتهوفن خلو يعزفو ليك وارقص فيهو العاجكو

عافي منك يا قريبتي دنيا واخرة امانة ما طرحتى سحابة الرطانة

Quote: شيل النضم الزى نوار التبر النديان ده وديهو عمك بتهوفن خلو يعزفو ليك وارقص فيهو العاجكو عافي منك يا قريبتي دنيا واخرة امانة ما طرحتى سحابة الرطانة

ياعرريب من زمن السكران الهملان تابط شرا والفاسد الابال امرؤ القيس وانتو في انتصاراتكم الشفاهية .. نضم شنو السويتو تبر .. النضم ياهو النضم خطوط ساااي وكوارييك والتبر بالقيراط ....وقال كمان بيتهوفن يسويلو موسيقي لنضم العرريب .. اها دي اخرتا يا هر بتهوفن ما كان تعزف بالسر ؟؟

الرطاني

عليك النبي تعال اسمع شوشاى قريبي الفرجوني في قريبو الرفاعي ود حمور الذي قسم كل مرحاتو بعد ان كانت ابله تغطي عين الشمس


<object width="425" height="344"><param name="movie" value="http://www.youtube.com/v/P54xFW6iQ5I&hl=en&fs=1"&g...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/P54xFW6iQ5I&hl=en&fs=1"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

صباح الخير يا شيقا يا جميل , ياخي انت كلك كلك حلو
هيع
ومحل الرهيفة التنقد !!

شيقا

انت بقيت تودر ولا شنو ...... بدري عليك

ما قلت حتجي راجع

انا سعلتك سعال

المؤتمرات دي فيها ناس لبنان ولا مافي .

وأظنك ابو الفهم .

في انتظارك يا حبيبي

آخر خبر

أقيوم مرشح عن القانونيين في انتخابات جالية السودانيين بقطر

ايش رايك ..... قصرنا ؟؟؟؟

ود البوب

Quote: لكن برضو السوميت ماجيبتلي خبرو لاهسيي...

هو اصلا السوميت جاكم ياعرريب مع الجرتق من النوبة .. والسوميت ليس حجرا كريما ولكنه يشبه الاحجار الكريمة ويتدرج لونه بين بياض في الاطراف الي اسود في وسطه وتلبسه العامة والخاصة وخصوصا في الجرتق حيث تلبسه العروس في عنقها .. والبعض يلبسه في المعصم ...
برضو تقوللي سوميت ...ا

هشومي

Quote: صباح الخير يا شيقا يا جميل , ياخي انت كلك كلك حلو هيع ومحل الرهيفة التنقد !!

تعال لينا انت يا العشاء اب لبن والله تتدلل - ما تمشي بعيد حضورك بزيّن ( مش حلاقة الراس يا رطاني بجمّل ) بوستينا

لقيتني كيف هشومي؟

خالي الفنجري ود البوب

Quote: انت بقيت تودر ولا شنو ...... بدري عليك ما قلت حتجي راجع

اجي وين مع قريبك الرطاني الشايل لاب تبّو في كتفو زي السعن وحايم بيهو ويقرطع ساااااى يا دنيا ما فيك علا انا

Quote: المؤتمرات دي فيها ناس لبنان ولا مافي .

لبنان وبس ؟ فيها الحور العين وصاحبك مهندم ودارع سماعة الموبايل في اضانو وحاكل كراع في كراع ويلا جماعتك يناولوهو ليك في الشربات اشكال والوان الكباية بشرب ليك نصها وبخلي الباقي لزوم الفنجرة بس .

Quote: وأظنك ابو الفهم .

اخوك لعيب يا فنجري

Quote: أقيوم مرشح عن القانونيين في انتخابات جالية السودانيين بقطر

كان ما فوزتوهو بنفصل يا ود البوب . الراجل يستاهل والله شدو حيلكم معاهو .

كتب العكليت حسن طه

Quote: انا سعلتك سعال المؤتمرات دي فيها ناس لبنان ولا مافي .

يا حسن شيقا هو البيمشي لبنان

بيمشي يذاكر فيها


لانو المقررات ساهلااااااااا في لبنان


بس تعمل يدك كدا المقرار يروح شابك في يدك

Quote: عافي منك يا قريبتي دنيا واخرة امانة ما طرحتى سحابة الرطانة

اها يالعرريب وانت وبت الفرجوني مدام سويتوها سوق عكاظ هاكم البخليكم تنقزو زي الكنقارو :

الفرجوني والأمين البنا والجقر - دوبيت في البطانه
http://www.youtube.com/watch?v=OwjSXfsuhto

(اليوتيوب ما بيشتغل في سودانيزاونلاين لاسباب فنية )

ود البوب

الرطاني

Quote: يا حسن شيقا هو البيمشي لبنان بيمشي يذاكر فيها لانو المقررات ساهلااااااااا في لبنان بس تعمل يدك كدا المقرار يروح شابك في يدك

بالله لموا المسنوح ده بجيب الهواء لبوستينا

Quote: تعال لينا انت يا العشاء اب لبن

ووا فيسل .. العرريب دييل من سلالات الكانيبلز cannibals .. ات ما شايف دايما يمدحو الواحد بانو "العشا" و "عشا البايتات" ... ياااخ ام فتفت والمرارة والحاجات البياكلوها الزمن دة وقت البندرة بس من نوستالجيا ايام الكانيبلزم cannibalism... ياااخ نشوف لينا صرفة وتعال نغير مجري النيل شرقا اها يشيلهم في دربو يرميهم في البحر الاحمر والطلع منهم يلحق اهلو في الجزيرة العربية .. قالو عرب قالو ...

Quote: ووا فيسل .. العرريب دييل من سلالات الكانيبلز cannibals

اهااااا

اتاري اصحابي يمشوا زيارة لجهة الدندر

و تاني بيختفوا

يادوب عرفت السبب

اوع قبل الاكل بيكون في هونقا بونقا ? Maskagna

ناس البندر علمتونا درب قوقل نحن زمان كنا ما بنهمبت علا السيدا في الدندر مسوي زريبة والمرة دى ما بنتجغم علا السيدا في قوقل مسوى PHD


قال : Cannibalism

Cannibalism (from Spanish can&iacute;bal) is the act or practice of humans eating other humans. In zoology, the term "cannibalism" is extended to refer to any species consuming members of its own kind (see cannibalism (zoology)). The "cannibalism" term is extended outside of biological fields and used in a ####phorical sense, such as in aircraft maintenance when parts are "cannibalized" from an already broken airplane to fix another airplane.

Neanderthals are believed to have practiced cannibalism.[1][2] Among modern humans it has been practiced by various groups;[3] in the past in Europe,[4][5] Africa,[6] South America,[7] China,[8] India,[9] New Zealand,[10] North America,[11] Australia,[12] Solomon Islands,[13] New Caledonia,[14] New Guinea,[15] Sumatra,[16] and Fiji,[17] usually in rituals connected to tribal warfare. Fiji was once known as the 'Cannibal Isles'. Evidence of cannibalism has been found in the Chaco Canyon ruins of the Anasazi culture.[18]

The reasons for cannibalism may be as follows:

As sanctioned by a cultural norm
By necessity in extreme situations of famine
Caused by insanity[19] or social deviancy.
There are fundamentally two kinds of cannibalistic social behavior; endocannibalism (eating humans from the same community) and exocannibalism (eating humans from other communities).

A separate ethical distinction can be made to delineate between the practice of killing a human for food (homicidal cannibalism) versus eating the flesh of a person who was already dead (necro-cannibalism).

Contents

امشوا كدا انت والله اكان جابوا ليكم لحم الناس تطلعوهو مارتدلا عديييييييل

Quote: امشوا كدا انت والله اكان جابوا ليكم لحم الناس تطلعوهو مارتدلا عديييييييل

والله يا عمنا شيقا عرفت المارتدلا، تدهورت طاب
الله يستر من القدام


يوجد سلام للجميع

سيف ود البخيت ازيك سعادتك

اصبر وتاوق امانة ما حتشوف العجب يا اللخو

تحياتي

Quote: اصبر وتاوق امانة ما حتشوف العجب يا اللخو

عجب اكتر من دة ياوالت ديزني ؟؟؟

Quote: و تاني بيختفوا

ما دة ذاتوووو!!! يعني التصحر الاصاب الدندر دة بس حكاية طلح ودخان ؟؟ ما الفحامي وجماعتو كانو عامليين سوق البمبار

http://www.youtube.com/watch?v=x9gMdWLg1AM

كلك ذووووووووووووووووووووووف يا فيسل

ايوا خليك كدا سيبك من عولك المسانيح ديل
ده موسم فك التسجيلات وعايزين نشتري فيسل هليل والملاحق التابعة له ... لوووووووول

عمو كمال وينك يا ملحق؟

الشي جابلو كانيبالز

Cannibals


بجيبكم صاده,,,

برواااااااااقة...

:).

http://www.youtube.com/watch?v=guaqJReTJfc

بت الفرجوني

في انتظار عودتك


فيصل ؟؟؟؟؟؟؟؟؟؟؟؟؟؟؟؟؟؟؟؟؟؟

كانيبال..
مارتدلا..


يا شيقا..

ياخي انت وين؟
انا مضيع!!
في زول باكل زول!!
ولاي ناس أرب ده بيقول كلام عوج..

Quote: في زول باكل زول!! ولاي ناس أرب ده بيقول كلام عوج..

هو كذلك يا عمو

Quote: هو كذلك يا عمو

شيقاااا

العبارة دي موجهة لي فيسل يعني!!

Quote: العبارة دي موجهة لي فيسل يعني!!

جاااااااااك -الجيم معطشة-


عبدالعسيس مسكاقنا

Quote: جاااااااااك -الجيم معطشة- عبدالعسيس مسكاقنا

عمو كمال

سلام


نحن عايشين على ضفاف النيل ليش جيمنا تعطش!!



شوف الذوق الرفيع ده..


http://www.youtube.com/watch?v=NbQLe6OVQVY&feature=related

Quote: اهااااا اتاري اصحابي يمشوا زيارة لجهة الدندر و تاني بيختفوا يادوب عرفت السبب اوع قبل الاكل بيكون في هونقا بونقا ? Maskagna

اول شيتن

الجماعة دول بكون مارقوا رحلة صيد

أها,,,,

لا كــــــــــــــــــــــلوب معاهم
لا بــــــــــــــــــــــــاز معاهم
لا بنـــــــــــــــــــــــــدق معاهم,,,(ابوبكر البندراوي ده ما والت ديزني :).).
أها,,,,

بكون جابولم لحمة من الجزار للرحلة وامبوبة غاز وبتاجاز,,,,للشية(بقولولو الباربيكيو)..

وما بعيد بكون جابولوم كم سنارة كدي على كم كيس صارقيل,,,عدة صيدم عاد,,,,


أها بسسسسسسسسسسسسسسس,,,,

لمى فوكم بعشوم,,,وماعرفولو صرفة,,,,

وبقت الباقية,,,,


قال Cannibals قال

:).

البندراوي

غايتو وريتنا درب قوقل...لكن الموضوع يستاهل...

بقلم الاستاذة: هالة محمد طه
من منتدي: الجزيرة صاي.


الجرتق الأصل والممارسة والأدوات

الجر تق عادة من العادات الاجتماعية والتى مازال الإرث السوداني يتمسك بها كعادة لها طقوسها وادبها كيثر من انحاء السودان 0
والجرتق هو نوع من الحروز يستخدم لدفع الضرر او لجلب المنفعة ؛ للاحتراز من الجن والحسد او لجلب الخظ والثروة . وهذا العادة مازالت تحتفظ يكلياتها وطقوسها خاصة في المناسبات الزواج .
وقد تضاربت المعاني لكلمة جرتق هل كلمة عربية ام فارسية _ رومية ـ تركية ؟ فقد ذكر د.عبد الله الطيب ان كلمة جرتق يمكن ان تكون كلمة عربية راجعة لكلمة درداق وتعنى الصغار من الناس (1) وبعد تقصى شديد فى القاموس العربى ومحتار الصحاح لم نجد اى كلمة عربية بها حرف الجيم والقاف وهي أصلا فارسية الاصل ولم نجد هذه الكلمة أشعار العرب ويستخدم العرب هذه عاداتهم الخاصة بالزواج والختان والولادة مما يبعد ربطها بالعربية وفي قاموس الهجة العامية في السودان ورد كلمة جرتق نوبية وان كلمة جرت في اللغة النوبية تعني زينة تلبس عند الختان او الزواج وتشير بعض الروايات الشفاهية الي ان كلمة جرتق كلمة نوبية juurtikoo تتكون من جورت بضم حرف الجيم ومعناها قرض وكلمة koo ومعناها ذو اي صاحب وتكون الكلمة juurtikoo ومعناها ذو القرض وكما تاتي رغبات الانسان التقليدية كمحرك اساسي لممارسة الحروز وقد تتم عن طريق الممارسة الدينية والسحرية لتحقيق رغبات اساسية للانسان كالعتمة النجاح الحظ والامن ، او لدفع بعض الضرر من عين وحسد0
صينية الجر تق
تحتوي صينية الجرتق علي عدد 2_3 حق الاضافة الي عدد من اواني تعرف الواحدة منها بالكورية وتستخدم لحفظ الزيت الطيب والدلكة بالاضافة الي البخور المسبع ولبان الشب وهي تمثل عين العروسة وبزرة الغرض وذلك منعا للعين والسحر 0 كما توجد كورية بها لبن لممارسة عادة (بخ اللبن ) بين العروسين0 وهناك صحن الضريرة وهي عبارة عن خليط من المحلب والقرنفل والصندل المسحون 0 وتحتوي الصينية ايضا علي الحريرة الحمراء وبها خرزة كبيرة زرقاء او خضراء بالاضافة الي خرزة السوميتة وعظم السمك وقرني البطريق والسبحة
الحروز كعامل وقاية ضد العين وغيرها هي ممارسة قديمة في سلوك الانسان وقبل ممارسة مراسم الجرتق لابدمن مراعاة استقبالالقبلة بمعني ان يتجه العريس ناحية القبلة وتطمس رجليه ويديه في الزيت 0 وبعد ذلك تبداء مراسم الجرتق وتسمي عند النوبيون فوكريه (برطانتا ) وتعني كذلك المراسم نفسها 0 والجرتق لابد ان تتم ممارسته قبل مغيب الشمس ويكون عنقريب الجرتق في اتجاه القبلة وهذا اعتقاد له اهميته في المجتمع السوداني 0 كما كانت ممارسةالجرتق في السابق تتم في اليوم السابع لمراسيم الزواج ويعتبر كختام لطقوس الزواج وكانت تمارس في هذا اليوم العروس فقط لان العريس كان يحضر لااهل العروس وهو مجرتق ، اما الان فصارت هذه الممارسة في اول او ثاني يوم الزواج وللاثنين معا ( اقصد العريس والعروس 0 كما تتم ايضا مع عادة الجر تق عادة بخ اللبن او رش اللبن والتي يقوم بها كل من العرويسيين وتكرر ثلاث او سبع مرات 0 وهي نوع من الحماية الجماعية ويقال له مدلول عقائدي مرتبط باحد انهارالجنة0
[ادوات الجرتق
أدوات الجر تق هي عبارة عن بعض المواد النحاسية او الحديدية او بعض المواد الااخريى
+ الحريرة الحمراء وهي عبارة عن خيط احمر تنظم فيع القطع الخرزية وله دلالة عقائدية تهدف للحماية
+ خرزة خضراء او زرقاء كبيرة ولها دلالة حرزية تتعلق بخصوبة الرجل
+ فص الدم ( خاتم فضة به حجر يسمي فص الدم)
+ عظم السمك( حلقة من السلسة الفقرية للسمك ) ويرمزللخصوبة والقاء
+ خرزتان متوسطا الحجم وهذه كلها منظومة في خيط وتلبس حول معصم اليد اليمني وترمز للامل_ الفأل _ الفرح
+ سبحة اليسر وهي سبحة من المرجان الاسود بها 99 حبة ويعتقد بان لها خواص سحرية 0
+ عقد السوميت وهو من شبه الأحجار الكريمة او الخرز ويلبس حول العنق 0
اما الأسلحة التي تستعمل في الجرتق مثل السيف والسوط فلها رمزية رجولية كما تعتبر حرزمن العين 0
والجر تق في مراسم الزواج عند النوبين في منطقة السكوت يوم مشهوديذاع فيه الخبر والدعوة علي نطاق الشياخة فيحضر الجميع من الجنسين منذ العصر وتعد مأكولات الشعبية وبعد العشاء تبداء ا حفلة رقصية سييناري فيها الفنانون وبعد منتصف الليل تأتى ام العريس بفروة تفرشها مع البرش فوق العنقريب فيجلس عليها العريس متجها ناحية القبلة والي يمينه وزيره ( دشا ) بالرطانة ويكونان ويكونا قد قصا شعرهما بطريقة خاصة ( كاري ) وتاتي ام العريس ورفيقاتها بكمية من الحنة معجونة في أواني خشبية ويجلسن متجهات نحو الغرب واجهة العريس ويقف جميع الحاضرين من الجنسين في شكل دائري حول العريس في إحدى الحبو بات في تردد أغنية معروفه وهي اختلاط ليس فيه حرج والزغاريد تشق عنان السماء وتقوم
بلال يابلال يويو عجب بلال
ويشارك الجميع في الترديد وتقوم العريس نحوه وفي يدها السوميتة فتعلقها علي عنق العريس وفي معصمه الايمن وبعد ذلك تتولي الام او إحدى أخوات العريس ببدء وضع الحناء في يده اليمني وبعدها تدعو كل النساء بالرطانة ( اون توني ) للمشاركة في وضع الحناء للعريس وهذه المراسم تأخذ وقتا ليس بالقصير ، وقد يمتد لثلاث ساعات تمارس نفس هذه الطقوس في ختان الذكور وحالة الولادة0


اها يا البندرواي

يعني نعلمكم عربي وكمان نزاكر ليكم,,,

:).

Quote: امشوا كدا انت والله اكان جابوا ليكم لحم الناس تطلعوهو مارتدلا عديييييييل

اخوي ودشيقوق

مارتدلا والله انت متفائل,,,

لا لا,,,

بسوهن ""ملوحة""..

بس (بيف) بدل (فيش)...ديل من قاموس البندراوي.


:).

اها انتو يالعرريب نضمكم ذاتوو ما بتعرفوه ... انا الكلام الانتي جيبتيهو بعرفو من زمان واشرت الي السوميت هنا في كلام فوق (عايني فوق هنااااك ) :

Quote: هو اصلا السوميت جاكم ياعرريب مع الجرتق من النوبة .. والسوميت ليس حجرا كريما ولكنه يشبه الاحجار الكريمة ويتدرج لونه بين بياض في الاطراف الي اسود في وسطه وتلبسه العامة والخاصة وخصوصا في الجرتق حيث تلبسه العروس في عنقها .. والبعض يلبسه في المعصم ... برضو تقوللي سوميت ...ا

لمى فوكم بعشوم,,,وماعرفولو صرفة,,,,

والعجب اكان لقاهم مسنسنين وحاة الرسول يتطاقشوا زى الحنبك لما يجيهو عصار

بت الفرجونى


بسوهن ""ملوحة""..

شيشك شيشك دارجيهو مدارجة السايب كان جفل عيييييييييييييييك

Quote: بسوهن ""ملوحة""..

الملوحة عند كل الحضارات القديمة ولذا نحن ما كانيبالزم

كتبت وميمة العزيزة

Quote: لمى فوكم بعشوم,,,وماعرفولو صرفة,,,,

هو البعشوم دا كان داخل معاهم في صندوق ?

و ابو يدوهو الصرفة الاولى ?

اميمة اختي

ما تخافي من لمتهم دى وحاة الرسول فرطاق بس كلهم يطعنوا تراب

Quote: ما تخافي من لمتهم دى وحاة الرسول فرطاق بس كلهم يطعنوا تراب

أفو أخاف كيفن

أنا اخيتك آود شيقوق,,,,


يابندراوي أي نضمك شفتو

علا النسعلك سؤال,,,,

Quote: وتشير بعض الروايات الشفاهية الي ان كلمة جرتق كلمة نوبية juurtikoo تتكون من جورت بضم حرف الجيم ومعناها قرض وكلمة koo ومعناها ذو اي صاحب وتكون الكلمة juurtikoo ومعناها ذو القرض

انتو من ذوي القوارض...؟؟؟؟,,

ولا ناس قرض ساااااااااهي.

قال Cannibals قال...

:),

العزيز عم فيسل

Quote: هو البعشوم دا كان داخل معاهم في صندوق ? و ابو يدوهو الصرفة الاولى ?

ههههههههههههههههههههه

اي....و لما ابو.. قام هو اتصرف فيهم.

:).

ودشيقوق اخوي

اسمع وتم الكيف من نضم قريبنا سيد أحمد الحاردلو قال في مسدار بت العجب:

_1_

ياهن...هن
وياهن ديكا...
ياهن...جن
مسيكات الغنا والنم
وزي العرجه والدلوكه والتم تم...
وزي الحن
خمن...وجن
ويتخجن...ويترجن
وسون لي سوات الجن
وخلن قلبي___
بعد الشيب___
يهضرب بالغرام...ما لن!

_2_

ياهن ديكا
ياهن...هن
وياهن...جن
*فوانيس الدغيشيات
شيميسات الضحاويات
نجيمات العصيريات
قميرات المغارب...جن
*وديكا البت___
بنية الشارع الردموه...
بالكوريك...وبالكوريق
وسرقوا الشيله...
في ليلة الرحط...والنم!


_3_

تقول قالت...
أنا الكنداكه
أم الدوله
ست السيف
والخلت اسد مقدونيا...
زي الطيف
*وأختي بنونه بت المك
والحرقت جيوش الباشا...
فوق القيف
وكت فالوا...الحصين هجن
وكيف دجن
وشايله ألوف
وخامه سيوف
وصافه صفوف
ولامه اللم
لا نترت...
لا ترت...
ولا سألت عدادن كم!

_4_


*تقول قالت
أنا أم درمان
وديكا الطابية ست الشان
وست النان
*تقول قالت
ومين غير البنيه يقول:__
أنا همبول
وجيتا معاي دشليون زول
وراكزين في براود الريد
عشان الدنيا...
تبقى نغم
وتبقى فهم
وتبقي مدينة للانسان!.




:).

Quote: ودشيقوق اخوي اسمع وتم الكيف من نضم قريبنا سيد أحمد الحاردلو قال في مسدار بت العجب:

خلاص سويتوها جمعية ادبية ؟؟ ... انا انبسطت لما تميت المدرسة الوسطي (دة لناس جدو ودشيقوق يابتي ) لانو كنت بنوم اثناء الجمعية الادبية من الملل والكلام الغلات غلات ...بالله خلونا مع امريكان ايدول وكريس وادام وسايمون وابدول والجماعة الحلويين ديلك.. شنو" يهضرب بالغرام" مالشعوب السودانية كلها بتهضرب بالكهربا هي ناقصة هضربة ..ما محتاجة هضربة زيادة ...

زحوا لي وفجوا لي الدرب اصبح الرطاني واطلع مشغول شوية .

أميمة قريبتي

امسكي الرسن وقودي الرطانة وبعود ليكم بالمهلة .

Quote: ...بالله خلونا مع امريكان ايدول وكريس وادام وسايمون وابدول والجماعة الحلويين ديلك

لكن مش كان مفروض يفوز آدم...

:).


There is a modernization fallcy that follows an imaginative group-ego reflecting a fragile soul which blindly denies

the moral values of Butana tribes such as Courage, Love, beauty and other moral concepts that have been educationally recited in their unique poem verses and songs


As for the Nile tribes such as Nuba, they managed to bring nothing new to modernization, hence they have some songs and some sort of a poem-like verses believed to be an immitation and a mimetical frames to the western modern world which explains Elbandrway Abubaker's love to American Idole, Beethoven, and Bilade Shangol's GOLD

:).


*To foreign readers the above pragraph is just for having fun-time with friends on the board and it's not scientifically based
:).


يا أخوان البنات ياحليل نواحي بلدنــــــــــــــــــــا
حار سوط الفراق جرح قلوبنا جلدنـــــــــــــــــــــــا
ضقناهو الصبر فوق مرتو اتجلدنـــــــــــــــــــــــــا
ياحليــــــــل ياحليل وياحليل
البغمر كرفو يوم قالدنــــــــــــــــــــــــــــــــا

دي عشان نعوضك ""ايام بتنوم في حصة الديوان الادبي""

ياااا

وانا اقول الحس الابداعي عندك وين روح.

:).


تم التعديل لتغيير كلمة صالون الي ديوان,,,

حتي يتيسر لنا تسليس عزيزنا البندراوي وابعاده عن المفردات الاجنبية الدخيلة...

:).

Quote: To foreign readers the above pragraph is just for having fun-time with friends on the board and it's not scientifically based

If it were scientifically-based, Wad Shigoug would have slaughtered the whole livestock in his area & beyond in celebration of such a historic discovery.

Salamat Omayma

Quote: If it were scientifically-based, Wad Shigoug would have slaughtered the whole livestock in his area & beyond in celebration of such a historic discovery.

The whole livestock

ماكده وبس,,,

كان لمى فوق النياق الحمر هيلات الملك النعمان كان بضبحن,,,

وكان سوى العرضه,,,

والبطان,,,

والجبخان كان مايديك الدرب,,,


ازيك يا الفاتح,,,
:).

Quote: لكن مش كان مفروض يفوز آدم...

تيب ماقلتو عرب .....

واحد زعلان من الجمهور زيك قال عن اميركان ايدول ما يلي :
American Idol has become American Airlines. You get far less for your money and it takes much longer to get to your destination.

Quote: the moral values of Butana tribes such as Courage, Love, beauty and other moral concepts that have been educationally recited in their unique poem verses and songs

بمناسبة الكرج في البطانة مرة الفرجوني الكان في امريكا ورجع بدوي زي ما هو شاهدتو في التي في يقول ما معناه (لانو نضمو ما بتاع المنهج العربي المختصر جدا الدرسونا ليهو في مدارس حلفا ) اها قال ما معناه بالرطانه المترجمة :

مرة طلع البادية براهوو والدنيا هواء وكركبة شديدة في الجو (اها زي الكركبة الخلتنا نخش تحت السراير يوم ما وصلنا خشم القربة مهجريين-"دة فاصل مني انا الرطان ومش العرريب" ) والدنيا ليلت والفرجوني سطح في العنقريب في الراكوبة وكدة نص الليل بس بقجة جات بب وقعت فوق بطنو .. اها الدنيا ضلمة ...ولكن ما زول بادية كدة تحسس شويتين وعرف انو البقجة دبيبا ماكن (زي الدبيب الخلي ود شيقوق يخلي البردانة ويهاجر الي امبدة - دة برضو فاصل ) .. قال " يعني لو فرفرت كدة واللا كدة يااهو الدبيب جاب خبري (الله يطول عمرو -برضو فاصل ) وباقي القصة كان قابلتيه او سويتي ليهو مسمسج هو حيقوول لانو الكرج ذاتوو ... في اللحظة دييك تمنيت لو انو العرريب ودشيقوق هو الكان مسطح والبقجة وقعت فوقو هسع الواحد كان حيقول زمااااان كان في عرريب اكلو الدودو - دة برضو فاصل ).....

ياعرريب .. سعوال:
ماذا يفعل هذا الرجل ابعمة وجلابية والي ماذا ينظر الولد (اوع يطلع انت ؟؟ ):

الله يجازيكم المسانيح فتوني كتير وكمان جاكم طائر راك من طوكيو ادونى صبرة بجيب ليكم خبرو

عندى مشكلة فنية في الجهاز - بصلحو وبجي قادل فيكم واحد واحدة

بت الفرجوني اديلم من الافرنجي عشان يعرفونا نحن لامين فيها دنيا واخرة وغنم وبي ام دبليو وابل وابراج وطلح وساونا وعيييييييييييك محل رهيفة تنقد.

الرطانة شن التراث العندهم عشان يدبوا فيهو؟ عالم حابسة ليها قناطير تراب ودارب وقالوا حضارة .

Quote: عندى مشكلة فنية في الجهاز

خلاص لحقتو تيمس عمك ....

الله يجازيكم المسانيح فتوني كتير وكمان جاكم طائر راك من طوكيو ادونى صبرة بجيب ليكم خبرو

عندى مشكلة فنية في الجهاز - بصلحو وبجي قادل فيكم واحد واحدة

بت الفرجوني اديلم من الافرنجي عشان يعرفونا نحن لامين فيها دنيا واخرة وغنم وبي ام دبليو وابل وابراج وطلح وساونا وعيييييييييييك محل رهيفة تنقد.

الرطانة شن التراث العندهم عشان يدبوا فيهو؟ عالم حابسة ليها قناطير تراب ودارب وقالوا حضارة .

اخخخخخخخخخخخخ كتلتني الشحتفة اعاين للكلام ما بقدر اخمشو عشان اعمل ليهو كوتنج واروح مرحلو قدامي زى برق اب فاتحة السايق السحابة العاتمة .

اكتبوا بقبل عليكم بعد تنوموا عشان تصبحوا تشوفوا سواقتي فيكم كييييييييييييييييييف

اميمة

سمية بت طلحة لقت خبرك بجاى وفرحت وانبسطت وواعدانا بالمشاركة بعد تتعافى من وعكةبسيطة - وقالت ليك نزلي لينا كلام الشيخ احمد الفرجونى في اهلها ناس الحسن ود طلحة والمجتبى .


والله يا الرطاني اكان جاتك بت طلحة علا تشيل براطيشك في ايدك وتطعن تراب وانا بعد دا انوم وارتاح وابقى حكم بس ماسك الصفارة واقول الكورة عند اميمة اميمة ماشة وماشة وماشة وطوالي راحت شايتاك لبت طلحة - بت طلحة قادلة وقادلة وعييييييييييييك يخلنك تترصد زى فحل الحبار الناوي الانقلالة من تحت اللعوتة في الحر.

اخخخخخخخخخخخخ كتلتني الشحتفة اعاين للكلام ما بقدر اخمشو عشان اعمل ليهو كوتنج واروح مرحلو قدامي زى برق اب فاتحة السايق السحابة العاتمة .

اكتبوا بقبل عليكم بعد تنوموا عشان تصبحوا تشوفوا سواقتي فيكم كييييييييييييييييييف

اميمة

سمية بت طلحة لقت خبرك بجاى وفرحت وانبسطت وواعدانا بالمشاركة بعد تتعافى من وعكةبسيطة - وقالت ليك نزلي لينا كلام الشيخ احمد الفرجونى في اهلها ناس الحسن ود طلحة والمجتبى .


والله يا الرطاني اكان جاتك بت طلحة علا تشيل براطيشك في ايدك وتطعن تراب وانا بعد دا انوم وارتاح وابقى حكم بس ماسك الصفارة واقول الكورة عند اميمة اميمة ماشة وماشة وماشة وطوالي راحت شايتاك لبت طلحة - بت طلحة قادلة وقادلة وعييييييييييييك يخلنك تترصد زى فحل الحبار الناوي الانقلالة من تحت اللعوتة في الحر.

Quote: سمية بت طلحة لقت خبرك بجاى وفرحت وانبسطت وواعدانا بالمشاركة بعد تتعافى من وعكةبسيطة - وقالت ليك نزلي لينا كلام الشيخ احمد الفرجونى في اهلها ناس الحسن ود طلحة والمجتبى .

ودشيقوق اخوي

ابشر بالخير

مرحب حباب بت شيوخ البطانة...



يوم جانا الخبر من البسترو الحـــــــــــــــــــــــال
اولاد العزاز اخوان جداية النــــــــــــــــــــــــــال
صاينيين العروض بازلين نفيس المـــــــــــــــــــــــال
في ساعة المحاص شوف عينيي ماقول قـــــــــــــــــــــال
خاتين الوسم فوق القصر والطـــــــــــــــــــــــــــال
أخوان الحمامــــــــــــــــــة

اولاد العزاز الكلمتم بتفيــــــــــــــــــــــــــــــد
للمحتاج صباحن زي صباح العيــــــــــــــــــــــــــــد
عارفين الرزق والقسمة من السيــــــــــــــــــــــــــد
اولاد الهنا النايرين دوام الليـــــــــــــــــــــــــد
حاقين الشكر اخوان جداية الصيــــــــــــــــــــــــــد
أخوان الحمامـــــــــــــــــة

(الفرجوني).


بجيكم وبجيب كلام الفرجوني فوق أهلو شيوخ البطانة ناس الحسن ودطلحة.


أها يالبندراوي...جهز الصارقيل للصيد.

:).

Quote: مرة طلع البادية براهوو والدنيا هواء وكركبة شديدة في الجو (اها زي الكركبة الخلتنا نخش تحت السراير يوم ما وصلنا خشم القربة مهجريين-"دة فاصل مني انا الرطان ومش العرريب" ) والدنيا ليلت والفرجوني سطح في العنقريب في الراكوبة وكدة نص الليل بس بقجة جات بب وقعت فوق بطنو .. اها الدنيا ضلمة ...ولكن ما زول بادية كدة تحسس شويتين وعرف انو البقجة دبيبا ماكن (زي الدبيب الخلي ود شيقوق يخلي البردانة ويهاجر الي امبدة - دة برضو فاصل ) .. قال " يعني لو فرفرت كدة واللا كدة يااهو الدبيب جاب خبري (الله يطول عمرو -برضو فاصل ) وباقي القصة كان قابلتيه او سويتي ليهو مسمسج هو حيقوول لانو الكرج ذاتوو ... في اللحظة دييك تمنيت لو انو العرريب ودشيقوق هو الكان مسطح والبقجة وقعت فوقو هسع الواحد كان حيقول زمااااان كان في عرريب اكلو الدودو - دة برضو فاصل ).....

ههههههههههههههههههههههههههههه

والله الليلة ضحكتني آآآالبندراوي,,,

ودشيقوق اخوي ايديه العافية ويطولنا عمرو هو وعمو الفرجوني ويديهم العافية,,,


بجيكم صاده برواااقة...

Quote: Quote: مرة طلع البادية براهوو والدنيا هواء وكركبة شديدة في الجو (اها زي الكركبة الخلتنا نخش تحت السراير يوم ما وصلنا خشم القربة مهجريين-"دة فاصل مني انا الرطان ومش العرريب" ) والدنيا ليلت والفرجوني سطح في العنقريب في الراكوبة وكدة نص الليل بس بقجة جات بب وقعت فوق بطنو .. اها الدنيا ضلمة ...ولكن ما زول بادية كدة تحسس شويتين وعرف انو البقجة دبيبا ماكن (زي الدبيب الخلي ود شيقوق يخلي البردانة ويهاجر الي امبدة - دة برضو فاصل ) .. قال " يعني لو فرفرت كدة واللا كدة يااهو الدبيب جاب خبري (الله يطول عمرو -برضو فاصل ) وباقي القصة كان قابلتيه او سويتي ليهو مسمسج هو حيقوول لانو الكرج ذاتوو ... في اللحظة دييك تمنيت لو انو العرريب ودشيقوق هو الكان مسطح والبقجة وقعت فوقو هسع الواحد كان حيقول زمااااان كان في عرريب اكلو الدودو - دة برضو فاصل ).....

وحاة النبي الليلة ما براك - باين ارتفاع سعر سهم اعمار 11 % خلاك مفرهد . اخشى الزيادة في سعر السهم تبقى كذبة زى القبجة الوقعت في عنقرتك وظنيتها الدبيب اب درقة .

Quote: وحاة النبي الليلة ما براك

شن بخليني براي في الزحمة دي انا زول بندر وماني عرريب مخاوي يدوبي للجن

Quote: ودشيقوق اخوي ايديه العافية ويطولنا عمرو هو وعمو الفرجوني ويديهم العافية

انتي وكت تقابلي عمو خلي ياخد العرريب الصيني المغشوش دة البادية محل الدبابيب والكركبة والكشافات الفووق في السما وبعد داك النشووف ...دة عرريب مهكر بخاف من الصارقيل

قريب شيقا بيكون عندو شلن ضايع


بقربل ليهو في التراب

Quote: انتي وكت تقابلي عمو خلي ياخد العرريب الصيني المغشوش دة البادية محل الدبابيب والكركبة والكشافات الفووق في السما وبعد داك النشووف ...دة عرريب مهكر بخاف من الصارقيل

افو افو افو يا الرطاني

نحن عيال شلاعه نحنا الغيرنا ماتسمابا

أولاد عز وللعباس جدودنا صحابــا

الفى الواجبة مهما تكون وفيهاصعابا

نسلط فيها بالدم العزيز نســــخابــــا


هيييييييييييييع كع

Quote: أولاد عز وللعباس جدودنا صحابــا

انتو يا خلق الله العباس دة ما بتعرفو عندو قرايب زي ابولهب وابوجهل كان عندهم وليدات قطعو البحر ...

Quote: هو اصلا السوميت جاكم ياعرريب مع الجرتق من النوبة .. والسوميت ليس حجرا كريما ولكنه يشبه الاحجار الكريمة ويتدرج لونه بين بياض في الاطراف الي اسود في وسطه وتلبسه العامة والخاصة وخصوصا في الجرتق حيث تلبسه العروس في عنقها .. والبعض يلبسه في المعصم ... برضو تقوللي سوميت ...ا

صحبى الجميل
شكرا على جزيل المعلومات

الطيب الزول السمح
بشيشك على صحبى الجميل دا

اميمة حبيبتى
ياخ احترمك جدا
لانك حافظة للارث دا
ياخ احبكم كلكم
بث

بت الشيخ العظيييييييييييييييييييمة

ياخ احبكم كلكم
بث
مالك تعبانة في التفاصيل كبيها وابهليها كدا واخدي راحتك وكونى معانا بس

Quote: اميمة حبيبتى ياخ احترمك جدا لانك حافظة للارث دا ياخ احبكم كلكم بث

الغالية جدا جدا العمة سلمى بت الشيخ,,,

مرحب حبابك الف,,,

أعتز باحترامك وصداقتك يا اصيلة,,,

وانت موسوعة للحكي والتراث,,,أقرأك ياسلمى ولا ادري ما أقول,,فقط استمتع واغرق في محبتك,,,

:).


سلمى,,,

قلبي الليلة من طول الحنين متفجـــــــــــــــــــــع
والبرق اللبلوح لى نوم عيوني منجــــــــــــــــــــع
قمرية الدباس الفي الفروع بتسجــــــــــــــــــــــع
مالها الليلة في القوقاي تعيد وترجــــــــــــــــــع


(الفرجوني).

بت الشيخ العظيييييييييييييييييييمة

ياخ احبكم كلكم
بث
مالك تعبانة في التفاصيل كبيها وابهليها كدا واخدي راحتك وكونى معانا بس

ياعرريب يا مهكر ات في الكتابة الاليكترونة كما بتبرشت وكل رسالة ترسلها مرتين

Quote: الطيب الزول السمح بشيشك على صحبى الجميل دا

ياصحبي الجميل .. ما عليك بالعرريب الصيني المهكر دة .. رقشة ساااي ...

عمو الباشمهندس ابو بكر سيد احمد ابو رشا

اصبحت طيب؟

Quote: عمو الباشمهندس ابو بكر سيد احمد ابو رشا

عما كباسة ياشايب انا عندي احفاد محترفيين في الاندية الافريقية زيك ؟

عمو شيقا

Quote: عما كباسة ياشايب انا عندي احفاد محترفيين في الاندية الافريقية زيك ؟

كدى اسعلك يا اللخو :

انت قريت الاولية ولا الصغرى ؟

درسوكم غنمي ترعى طول اليوم وبها اسعى طول اليوم وسط المرعى طول اليوم؟
درسوكم المدونة الطبيعية ؟
درسوكم في القولد التقيت بالصديق انعم به من فضل صديقي؟
درسوكم طائر يشدو على فنن ؟
درسوكم طه القرشي مريض؟
درسوكم وليم تييييييييييييييل؟

اها و بعد يطلقوكم في فسحة الفطور بترجع بيتكم وبتعمل مشاكل زي شيقا كدا ولا مسكين تاكل الجاهزة وتقدل ساى ؟

وبعد نهاية الحصص كنت بتجي ناقز فرحان؟ اها بعد تدرع الشنطة في مسمار الحيطة او امينة البيت دحين بتسعل هل حماركم شرب ولا طوالي بتركبو وتوديه يشرب في البحر؟ اها ووقت يبدأ يشرب دحين بتصفّر ليهو عشان يروى زيييين نامن يدشر ليك في عراقيك؟

جاييك


عزو

كن معانا عشان تسمع محن السائب ده

كتب شيقا

Quote: درسوكم طه القرشي مريض؟

اول حاجةاسمها طه القرشي في المستشفى



في ذات مرة من المرارير

خالي لاقني بقرأ في طه القرشي في المستشفى

قال لي هو طه القرشي دا لسع في المستشفى

من زمنا داك ?





اكلكلك عشان تضحك ?

Quote: اكلكلك عشان تضحك ?

بتعرف الزبير ود رحمة؟

Quote: بتعرف الزبير ود رحمة؟

لا .

بعرف الشيخ محمد ابو الكيلك

من السلطنة الزرقاء

Quote: بعرف الشيخ محمد ابو الكيلك

سرك الرطاني الليلة ميرود ؟

Quote: كن معانا عشان تسمع محن السائب ده

شيقا


انا جالس مربع يديني و متابع..
ربما طه القرشي يخرجوا من المستشفى..

ويا عمو كيمو: ليش بسمو الإسهال طه القرشي؟


تحياتي

Quote: بتعرف الزبير ود رحمة؟

ياجلابي ...!

Quote: المرارير

مراير؟؟؟؟

وين؟؟؟

أها وكبد ألبل كمان,,,

ولا فيجيترين,,,موليتة بس,,,
البندراوي,,,

عازمنك موليتة بالبتنة,,,

ماتتأخر...


سمح...

:).

Quote: عازمنك موليتة بالبتنة,,,

وايه رايك في عشاء خفيف: بيف تريكاي و ماكي زيسوشي

Quote: ماكي زيسوشي

ده ملوحة بس من غير ملح (طازة يعنى)...

سمح...علا لازما تفطر معانا باكر من الدغش

ملاح (روب) بلبن ألبل,,,

اها...

Quote: انت قريت الاولية ولا الصغرى ؟

انا قريت الصبقرييد وشوية اولية وما دخلت خلوة لانو ما كانت في خلوة بتشرح بالرطانة ...وعرفت انو بتاع الغنمايات كان بغش ناس الحلة ويكورك "النمر النمر " وبعدين العراريب يجو جاريين ما يلقو نمر (اها شفت غشامة العراريب شن بيجيب النمر في الصقيعة دييك )ويرجعو ويوم العرريب جاهو النمر ( كان مرفعيين بس لابس جلد نمر من سوق امدرمان )وكورك النمر النمر ومافي زولا جاب خبرو وبعدين اكلو المرفعيين اللابس جلد النمر ....
اهو جنس اللاغويس دي الكانت في مقرر العربي .. .. انتو وين مع ناس شيخ زبير ومنهجهم ومان اند ذا بان وذاتز ااجير وذيز ايز ااوومن وذاتز ان ارب... عربي قال

Quote: اهو جنس اللاغويس دي الكانت في مقرر العربي .. .. انتو وين مع ناس شيخ زبير ومنهجهم ومان اند ذا بان وذاتز ااجير وذيز ايز ااوومن وذاتز ان ارب... عربي قال

دائما بتلخبط الكلام السمح وما شغال ليك برود ماب - هسع ناطي بينا لهناك مالك - اصبر خليني اشوف ايام كان برسلوك للسكر وبتلحسو في السكة او الحليب الجاف وتقوم تفتح العلبة وتتجغم منها ويروح الحليب مدكك بطرف لهاتك علا تخرتو خرت عشان يمشي بلعومك .

مالك ناطي بينا ماشي لجكسويتك جين اير jean year وترجر أيلند treasure island ومتاكي على الجونير .

خلينا في المحطة دى اصلك خجلان منها ما عايز تحكي بيها - انا قلت ليك بالواضح كنت صغير وبحلقوا لي صلعة عندنا اسمها زيانة ( بالله تخيل التعبير عن اهلنا كان كيف (زيانة مش حلاقة) تخيل يعني من الزينة . وكان عندي قنبير صغير وبلبسوني الحاجب يتدلدل في بطينتي وعيييييييييييييك

Quote: اهو جنس اللاغويس دي الكانت في مقرر العربي .. .. انتو وين مع ناس شيخ زبير ومنهجهم ومان اند ذا بان وذاتز ااجير وذيز ايز ااوومن وذاتز ان ارب... عربي قال

دائما بتلخبط الكلام السمح وما شغال ليك برود ماب - هسع ناطي بينا لهناك مالك - اصبر خليني اشوف ايام كان برسلوك للسكر وبتلحسو في السكة او الحليب الجاف وتقوم تفتح العلبة وتتجغم منها ويروح الحليب مدكك بطرف لهاتك علا تخرتو خرت عشان يمشي بلعومك .

مالك ناطي بينا ماشي لجكسويتك جين اير jean year وترجر أيلند treasure island ومتاكي على الجونير .

خلينا في المحطة دى اصلك خجلان منها ما عايز تحكي بيها - انا قلت ليك بالواضح كنت صغير وبحلقوا لي صلعة عندنا اسمها زيانة ( بالله تخيل التعبير عن اهلنا كان كيف (زيانة مش حلاقة) تخيل يعني من الزينة . وكان عندي قنبير صغير وبلبسوني الحاجب يتدلدل في بطينتي وعيييييييييييييك

Quote: وكان عندي قنبير صغير وبلبسوني الحاجب يتدلدل في بطينتي وعيييييييييييييك

اب"قنبور" ....

مدخل الى RUN من طريق Start ...

--------------------------------------------------------------------------------


اوامر Run
مدخل الى RUN من طريق Start ...
1- الامر ( winipcfg ) لمعرفة الـ ip الخاص بك
2- الامر ( regedit ) لفتح شاشة الريجسترى للوندوز
3- الامر ( msconfig ) اداة مساعدة ومنها ممكن توقف تشغيل اى برنامج اما الوندوز يبدا
4- الامر ( calc ) لفتح الالة الحاسبة
5- الامر ( command ) لفتح نافذة الدوس
6- الامر ( scandisk ) او ( scandskw ) الاثنين واحد وطبعا من اسمهم باين وظيفتهم
7- الامر ( taskman ) لمشاهدة كل اللى مفتوح ف التاسك بار (شريط المهام) والتحكم فيه
8- الامر ( cookies ) للدخول بسرعة على ملفات الكوكيز
9- الامر ( defrag ) باين من اسمه برضه هو ايه
10- الامر ( help ) وممكن برضه F1
11- الامر ( temp ) للوصول لفايلات النت المؤقتة
12- الامر ( dxdiag ) لمعرفة كل مواصفات جهازك وكل معلومات عنه ( وهذا من وجهة نظرى اهم امر فيهم وما حد يعرفه الا قليل )
13- الامر ( pbrush ) لتشغيل برنامج البينت ( الرسام )
14- الامر ( cdplayer ) لتشغيل برنامج السى دى بلير
15- الامر ( progman ) لفتح البروجرام مانجر
16- الامر ( tuneup ) لتشغيل معالج الصيانة للجهاز
17- الامر ( debug ) لمعرفة نوع كارت الشاشة
18- الامر ( hwinfo /ui ) معلومات عن جهازك وفحصه وعيوبه وتقرير عنه
19- الامر ( sysedit ) لفتح السيستم كونفيجريشن ايديتور ( محرر تكوين النظام )
20- الامر ( packager ) لاستعراض برنامج تغيير الايقونات
21- الامر ( cleanmgr ) لتشغيل برنامج التنضيف
22- الامر ( msiexec ) معلومات عن حقوق البرنامج والشركة
23- الامر ( imgstart ) لتشغيل اسطوانة وندوز
24- الامر ( sfc ) لارجاع ملفات dll لو حصلها حاجة
25- الامر ( icwscrpt ) لنسخ ملفات dll
26- الامر ( recent ) لفتح الريسنت الخاص بك واستعراض الملفات اللى تم فتحها قبل كذا
27- الامر ( mobsync ) لفتح برنامج مهم جدا لتنزيل صحفحات النت وتصفحها خارج النت فيما بعد
28- الامر ( Tips.txt ) ملف مهم فيه اهم اسرار الوندوز
29- الامر ( drwatson ) لفتح برنامج دكتور واطسون لعمل فحص شامل على جهازك
30- الامر ( mkcompat ) لتغيير خصائص البرامج
31- الامر ( cliconfg ) للمساعدة ف شبكة الاتصال
32- الامر ( ftp ) لفتح File Transfer Protocol ( بروتوكول نقل الملفات )
33- الامر ( telnet ) وهذا تابع اصلا لليونكس وبعد كذا دخلوه علي الوندوز عشان الاتصال بالسرفرات وخدمات الشبكات
34- الامر ( dvdplay ) وهذا موجود بس في الوندوز ميلينيوم وهذا لبرنامج بيشغل فيديو

لاتنسونة بالدعاء

سالة العم كيمــو
ــــــــــ
ياشيقاااا ...سلامات
يا ولدى البوست وصل الصفحة الرابعة(عينى حارة) وما داير
تنزل صور دهب بنى شنقول ..على اى حال هاك الصور دى لدهب
جماعتى الرطانة وعينك ما تشوف الا النور

عمك كمــال




حاشية للابن عزو
يا ولدى اصحى للون

أبو الطيب سلامات

متابع وباستمتاع

عمو كماااااااااااااااال

انت شايت وييييييييييييييييييييييييين؟ انا بقصد الدهب البشري . نزل لي انا الجمري وعوم جنى الوزين ونزل لي الفريع البان ونزل لبت الفرجونى الناس البسواا القوق في الشوشاي والدوبيت . ونزل للرطاني اندرية قروميكو ونزل لفيسل هليل ندى القلعة ونزل لعزو عبد الحمن عبد الله ونزل لنفسك البلوم في فرعو ...

يلا كب النغم في انتظارك


محمد عثمان محمود

حباب سفير النوايا الحسنة بالسلطنة والله بقدومك بيتنا نور وكل زينة

Quote: كان مرفعيين بس لابس جلد نمر من سوق امدرمان

ده بكون البعشوم اللاقى اصحاب عمو فيسل واتصرف فيهم...

قطع شك كان قايلينو كلب,,,,

اها وبسسسسسسسسس

البعشوم" يجنر"...وهم بكون اسوووا...بس بابوبي مالك ار يو هانقري

اها,,,

يكون بس قاموا مدولو لحمة,,,وعوووووووووووووو البعشوم عوا لرفاقتو

وعينك ماتشوف الا النوووووور...




سلام يا عولي
:)


الليلة كنت مزحومة جداااااااااااا...

شيقا

انت قايل الدهب بس في بني شنقول

ما تجي تشوف الدهب عندنا عيار 24 قيراط

ندوة " القضاء السوداني والعدالة الجنائية الدولية "

المتحدث فيها استاذنا الدكتور امين مكي مدني

الخميس 28/5/2009م السابعة مساءا.

الجق احجز.

ود البوب

دمتم،،،

خالي ود البوب


والله فعلا الدهب المجمر عندكم طالما الاستاذ امين مكى معكم لتقديم محاضرة في ناديكم المزيّن دوما بمثل هذا الحراك القانوني


كل الود



الرطاني


اخوك مشغوووووووووووووووووووووووووووووووووووول

دعواتك في صلاة الصبح الباكرية اكان عندك ليها مروة

كتبت الامورة اميمة

Quote: ده بكون البعشوم اللاقى اصحاب عمو فيسل واتصرف فيهم... قطع شك كان قايلينو كلب,,,,

ذكرتيني بحكاية الكديسة اليمنية


عملوا مبارة عالمية بين الكدايس

عشان يشوفوا اقوي كديسة في العالم

كل الشعوب جابت كدايسه وفكوهم في

الميدان فقامت الكديسة اليمنية طاخ طاخ

ردخت كل الكدايس وماشي يقدل و يستعرض

في عضلاتو و ما فضل ليهو الا يشنق الطاقية

اها قاموا سئلوا سيد الكديسة عن نوع هذه

الكديسة.

قال والله بصراحة دي موش كديسة انما اسد يمني

يعاني من سوى تغذية.




فبعشوم ناس شيقا على نفس الشاكلة


ناس شيقا ما خلو ليهم حاجة ياكلوها



مع تحياتي و احتراماتي للجميع

Quote: فبعشوم ناس شيقا على نفس الشاكلة ناس شيقا ما خلو ليهم حاجة ياكلوها مع تحياتي و احتراماتي للجميع

جاييك يا مسنوح

Quote: ندوة " القضاء السوداني والعدالة الجنائية الدولية " المتحدث فيها استاذنا الدكتور امين مكي مدني

يامولانا ابو المعمارية ممكن تثير هذا الموضوع المهم في وجود المختصيين من مولانات ونشطاء حقوق انسان ليقومو بلاتصال بالمحاكم المختصة للقبض علي العرريب ودشيقوق للضرر الذي سببه للبيئة وبالتالي الانسان كما يلي:
* تجفيف نهير يقع بالقرب من البردانة
*قطع جميع اشجار الطلح في الدندر بغرض الدخان
*الاستيلاء علي مفردات الطير من "عيييك وكيييك" وجعلها في قاموس نضمه
* القضاء علي كل "الزعف (كان سعف زمااان ") في منطقة جبال بني شنقول
*المساهمة في ازدياد الكتاحة في امدرمان بسبب حفرة الدخان العميقة التي في منزله بامبدة
*حرمان اهل البردانة من مواصلات حديثة بسبب فشله كمساعد سواق في اخراج عربية عمه التيمس المغرزة ...

لذا لزم التنويه

ويحيا العدل

Quote: * تجفيف نهير يقع بالقرب من البردانة *قطع جميع اشجار الطلح في الدندر بغرض الدخان *الاستيلاء علي مفردات الطير من "عيييك وكيييك" وجعلها في قاموس نضمه * القضاء علي كل "الزعف (كان سعف زمااان ") في منطقة جبال بني شنقول *المساهمة في ازدياد الكتاحة في امدرمان بسبب حفرة الدخان العميقة التي في منزله بامبدة *حرمان اهل البردانة من مواصلات حديثة بسبب فشله كمساعد سواق في اخراج عربية عمه التيمس المغرزة ... لذا لزم التنويه ويحيا العديامولانا ابو المعمارية ممكن تثير هذا الموضوع المهم في وجود المختصيين من مولانات ونشطاء حقوق انسان ليقومو بلاتصال بالمحاكم الختصة للقبض علي العرريب ودشيقوق للضرر الذي سببه للبيئة وبالتالي الانسان كما يلي: ل

معليش الكوتنج اتقلب وقلبنوا عمايلك يا مسنوح

انت بتشكي لمولانا حسن فاكرو عارف الطلح شنو؟

اما انك مصيبة

كتب قريبي بكري

Quote: المساهمة في ازدياد الكتاحة في امدرمان بسبب حفرة الدخان العميقة التي في منزله بامبدة

تصور شيقاحلف بدينو و ايمانو يعمل من الحفرة التي نتجت

من جراء قنبلة القذافي الوقعت جنب الاذاعة

يعمل منها حفرة دخان وقال دا نصيبوا من تقسيم الثروة.








ضييييييق يا شيقا

السلام عليكم ورحمة الله وبركاته



ديا جماعه اول موضوع اشارك بيه
ويا رب يعجبكم ...
عشان ما اطول عليكم الموضوع

الطريقة سهلة جداً إذا اتبعناالخطوات جيداً


أولا :لتأكد من أن الجهاز غير مصاب بالفيروسات

1- اذهب إلي start و اختار run واكتب command


2- اكتب ..cd واضغط enter ثم اكتب ..cd واضغط enter


3- اكتب cd windows واضغط انترثم اكتب cd system32 واضغط انتر


4- اكتب setup واضغط انتر


إذا جت رسالة بالشكل ده ( رجاءالإنتقال إلي لوحة التحكم


لتثبيت مكوناتها ونظم تكوينها)


فعلم إن جهازك خال من الفيروسات، وان لم تأتي هذه الرسالة


فجهازك به فيروسات


الفكرة : إن ملف إل setup الموجود داخل إلsystem32


يكون مغلق عندما يكون بجهازك فيروس ويكون مفتوح عندما يكون جهازك غير مصاب


لأن معظم الفيروسات تغلق جميع امتدادات


system.exe


****************************

ثانيا


أغلق ثلاث ثغرات خطيرة بالاكس بي

هناك ثغرات في أجهزة الاكس بي دائما تكون مدخل للها كرز ومعظمنا لا يعرفها

الثغرة الأولى :

تعتبر أحدى البوابات الخطرة للفيروسات وملفات التجسس

1- لوحة التحكم control panel

2- خيارات المجلد folder options

3- أنواع الملفات file types

وهناك ابحثوا عن :
ًWindows ****** host setting file
واحذفوه على الفور

الثغرة الثانية :

اسمها ( مشاركة ملفات بسيطة ) simple file sharing
لكن تفعيلها مش بسيط بل هو خطير جدا ..


1- خيارات المجلد (folder options)

2- عرض( view )

3- يجب إزالة علامة الصح من داخل المربع أمام :



مشاركة ملفات بسيطة ( مستحسن)

(Use simple file sharing) (recommended )


الثغرة الثالثة :


اسمها : (( عدم حفظ الصفحات المشفرة إلى القرص))
save encrypted page to disk
والطريقة كالتالي :


1- لوحة التحكم control panel

2- Network and Internet Connections

خيارات انترنت (internet options)


3 - خيارات متقدمة(advanced)


4- وضع علامة صح داخل المربع :


عدم حفظ الصفحات المشفرة إلى القرص ( don't save encrypted page to disk)

****************

ثالثا

الاغلبيه منا تجد جهازه يعج بالمخلفات الانترنتيه ربما لشهور ولا يقوم بالتنظيف الدائم لهذه المخلفات مما يجعل جهازه عرضه للبطء الدائم والتهنيق ومشاكل آخري وربما الاغلبيه لا يعرف ما هي أوامر التنظيف أو يستخدم طرق تقليديه أو لا يقوم بالتنظيف بالطرق الصحيحة اليوم اعرض لكم أوامر التنظيف التي تساعدكم بإذن الله علي المحافظة الدائمة علي أجهزتكم. . . نبدأ بالأمر الأول :اختر من قائمة ابدأ كلمة تشغيل واكتب هذا الأمر(Prefetch)ثم اضغط موافق تظهر لك صفحه احذف كل شئ بها بطريقتك الخاصة بالحذف. . . الأمر الثاني :اختر من قائمة ابدأ كلمة تشغيل واكتب هذا الأمر(temp) ثم اضغط موافق تظهر لك صفحه احذف كل شئ بها بطريقتك الخاصة بالحذف. . .الأمر الثالث :(%temp%) اختر من قائمة ابدأ كلمة تشغيل واكتب هذا الأمر ثم اضغط موافق تظهر لك صفحه احذف كل شئ بها بطريقتك الخاصة بالحذف. . .الأمر الرابع (dllcache)اختر من قائمة ابدأ كلمة تشغيل واكتب هذا الأمر ثم اضغط موافق تظهر لك صفحه احذف كل شئ بها بطريقتك الخاصة بالحذف
ملاحظه :عند الحذف البعض يستخدم التظليل ثم بالماوس الزر يمين وحذف أومن القائمة كلمة حذف إذا كنت تستخدم هذه الطريقة المحذوفات ستتوجه لسلة المحذوفات ويتوجب عليك الذهاب لهذه السلة وتفريغها من ما يوجد بها إما إذا كنت تستخدم التظليل وshift + del فهذا حذف نهائي ولن تجدها بسلة المحذوفات ولا يحتاج تفريغها بالذهاب لسلة المحذوفات<<<<<<<مجربها أنا بنفسي ميه على ميه بالتوفيق