Post: #1
Title: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 03:45 PM
الزول ده ظريف والله لمن لاقيناه في الرحلة لكن مالو في المنبر سخيف كده ؟!!
الزولة دي دمها تقيل ياخ مع إنو في المنبر زولة لطيفة ورقيقة وكتاباتها سمحة خلاص !!
هكذا نجد أن بعضهم وبعضهن ممن أتيحت لنا الفرصة للتعامل معهم في الفضاء الإسفيري بمختلف وسائل التلاقي الإنترنتي هم شخصيات نعرفها بشكل ما ..وخارج إطار تلك الآلآت هم شخصيات أخرى تماماً!!
وكنت دوماً أردد بيني وبين نفسي عندما أكتشف ذلك الفرق الرهيب
غريبة !!
وأسأل نفسي ولا مجيب !!
كيف يكون ذلك وهل تعد هذه حالة من حالات إنفصام الشخصية (المؤقت ) والذي يزول بإغلاق
وسائل التواصل الإنترنتي أياّ كان نوعه منبراً أو ماسنجراً أو فيس بوك أو إسكاي بي أو غيرها ؟!
لا أدري فمن يدري ؟!
الفنان الراحل الجميل أحمد زكي يقال أنه كان يستشفى لدي طبيبه النفسي بعد الخروج من أداء
شخصياته التمثيلية في أعماله سواء كان ذلك في التلفاز أو السينما لكي يتخلص من تأثيرات تقمصه للشخصية التي كان يؤديها بحسبان أنها تسيطر عليه سيطرة كاملة ويحتاج للتخلص من تأثيراتها لطبيب نفسي !!
احياناً أظن و( بعض الظن إثم ) أن بعضنا يحتاج لطبيب نفسي عقب الخروج من معركة إسفيرية أُستخدمت فيها الكثير من الاسلحة المشروعة والغير مشروعة وأُهدر فيها الوقت خصماً على راحة الأعصاب وإطمئنان النفس وهدوء البال !
يتبع ،،
|
Post: #2
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 03:55 PM
Parent: #1
دوماً أردد في أحاديثي عن بكري أبو بكر في ( لمات) البورداب
واقول بأن الله لأبد أنه سيجازيه خيراً وفيراً ينفعه يوم لا ينفع مال ولا بنون
لأنه قد وفّر لنا منبره هذا ليجمع شملنا كسودانيين في مختلف أصقاع الشتات في الكون !
ولكن عندما أجد أن هناك من يظلمون في هذا المكان ظلم ( الحسن والحسين)
ويساء إلهم وتلطخ سمعتهم دون ذنب ومن دون أن يتحرك بكري سريعاً
لرفع الظلم عن كاهل المظلوم بما إستطاع إليه سبيلاً أجد نفسي
أقول ( والله بكري ده حايتشتش بالنار تشتشة يوم القيامة غايتو ) !!
إذاً فبكري في الحالتين هو الضائع ( وش باسم) !
|
Post: #3
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: المر
Date: 06-20-2009, 03:56 PM
Parent: #1
اذيك اسى نرجاك تتمى ولاندخل؟
|
Post: #4
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: PLAYER
Date: 06-20-2009, 04:08 PM
Parent: #3
Quote: الزول ده ظريف والله لمن لاقيناه في الرحلة لكن مالو في المنبر سخيف كده ؟!!
الزولة دي دمها تقيل ياخ مع إنو في المنبر زولة لطيفة ورقيقة وكتاباتها سمحة خلاص !! |
حكمة اليوم
أخلاقيات البورد+تصرفات الواقع مقسومة علي 2=حقيقة الأنسان
|
Post: #13
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 05:14 PM
Parent: #4
بلير ياصديقي
أين أنت ياصاحب الحكم الحكيمة ؟!
عساك طيب يارب
إستوقفتني هذه العبارة !
وأثارت في نفسي السؤال :
هل لهذا المنبر أخلاقيات بالفعل وماهي ؟
هل اللائحة الغير مفعلة في كثير من الأحيان
هي ميثاق الشرف لهذا المكان وكيف يكون ذلك ونحن لا نحتكم للائحة إلا فيما ندر ؟!
كن بالقرب فحكمك الجميلة تثري الحوار سمح ؟
|
Post: #5
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 04:10 PM
Parent: #3
يلا الإعتراف ( الكويس) في الأول :
أعترف وأقر انا الموقعة أدناه
بأن التعارف بيني والآخرين عبر هذا المنبر ( مثالاً) قد أضاف لي الكثير المفيد
وجدت في منبر بكري من إنطبقت عليهم مقولتي ( الصديق وقت الضيق ) بحق ِ وحقيقة !
وكذلك مقولة ( رُبّ أخ لك لم تلده أمك ) وحمدتُ الله كثيراً على هكذا نعمة لربما ماكانت توفرت لي في ( الغربة) لولا وسائل التواصل عبر هذه النوافذ !!
تعلمتٌ من منبر سودانيز أون لاين الصبر وطولة البال على الأذى !
تعلمتُ ومازلتُ أتعلّم أساليب إدارة دفّة الحوار الموضوعي والهادف في غير إنفلات ولا تطرف !
تعلمتُ قيمة التسامح وأهمية التجاوز عن هنات البعض
وتقبّل قسوتهم إن كانت في الصالح فليس كل من قسى
عليك يكرهك ، كما أن ليس كل من بذل لك المدح كان هذا هو رأيه فيك في السر كما في العلن !!
يتبع ،،
|
Post: #7
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ismeil abbas
Date: 06-20-2009, 04:22 PM
Parent: #5
ألأخت/العزيزة..نادية ..السلام عليكم....
الحمدالله على طلتك البهية اولآ...
ثانيأ..كل إنسان بكتب فى رأى هذه هى شخصيته الحقيقية...والبتعامل بها فى الخارج هى المتغمصة...
نعم..هذا المنبر اتاح لنا الكثير من العلاقات الجميلة الحميمة التى نعتز بها.....
تسلم على هذا الموضوع الجميل.....إسماعيل محمد احمد عباس...
|
Post: #14
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 05:25 PM
Parent: #7
الأخ الكريم إسماعيل عباس
| Quote: ثانيأ..كل إنسان بكتب فى رأى هذه هى شخصيته الحقيقية...والبتعامل بها فى الخارج هى المتغمصة... |
صدق مافهمت !!
كيف يعني الزول يكون شخصيتو البتعامل بيها في الخارج متقمصة ؟!!
| Quote: نعم..هذا المنبر اتاح لنا الكثير من العلاقات الجميلة الحميمة التى نعتز بها..... |
أنت اكبر مثال حي على جمال الشخصيات التي تعرفنا عليها من خلال منبر بكري .. تسلم يارب
ومنتظراك برد السؤال سمح ؟
|
Post: #6
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 04:14 PM
Parent: #3
المر اخوي
تدخل برجلك اليمين طوالي
البيت بيتك أخوي حبابك مليون
البنية كيفنها عساها وأمها بألف خير يارب
|
Post: #8
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 04:26 PM
Parent: #6
تعلمتُ من آلة (الماسنجر) (ماحق بكري التاني البهناك داك) !!
أنه ليس كل من دخل لنافذتي الماسنجرية دون إذن هو متطفلاً يريد بي الشر أو أنه جاء لتدبير مؤامرة ما ..!
بعضهم توجّست من دخوله إلي دون سابق معرفة ولكني وجدته إنساناً كأروع ماتكون الإنسانية
ونفسي أقول ( الأنسنة ) عاجباني من زمان ( وش باسم) !
من منبر بكري تعلمتُ الكثير من المصطلحات العربية والغير عربية والهيروغلوفية أحيانا !!
|
Post: #9
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: خالد عبد الله محمود
Date: 06-20-2009, 04:38 PM
Parent: #8
نادية يا بتنا
| Quote: إذاً فبكري في الحالتين هو الضائع ( وش باسم) ! |
بكري ده بذكرني راجل المرتين إذا سمع كلام الأولي التانية تزعل و لو سمع كلام التانية الأولي تزعل يعني في جميع الأوقات في جهة راضية عنو و في جهة ساخطة عليهو ...
غايتو كامل تضامني مع بكري أبوبكر .. 
|
Post: #11
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عبد اللطيف بكري أحمد
Date: 06-20-2009, 04:55 PM
Parent: #9
أختي نادية،،
هذا موضوع في غاية الأهمية والحساسية في آن معا،،
ماقاله أخي إسماعيل يمكن أن يكون صحيحا بحيث أن الواحد
هنا يعبر عن نفسه بقوة بينما تكون هنالك عوامل آخرى نفسية
تمنع ذلك على الطبيعة، كالخجل مثلا،،
ويمكن أيضا أن يكون الأمر معكوسا بحيث يخون التعبير صاحبه
فيعكس للناس خلاف مايريد،،
أحب دائما أن أكتشف معدن الشخص على الطبيعة فالكثير
من الخداع يمارس عن طريق الوسائط التي يحاول فيها كل طرف
تجميل صورته بقدر مايستطيع،، وسأكون سعيدا جدا
حين أكتشف أن شخصا مع على الطبيعة أجمل مما كنت
أعتقد ، وبالمقابل أحبط جدا عند حدوث العكس،،،
موضوع شايك ,مهم،،
|
Post: #23
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 06:28 PM
Parent: #11
أخي عبد اللطيف بكري
Quote: أحب دائما أن أكتشف معدن الشخص على الطبيعة فالكثير
من الخداع يمارس عن طريق الوسائط التي يحاول فيها كل طرف
تجميل صورته بقدر مايستطيع،، وسأكون سعيدا جدا
حين أكتشف أن شخصا مع على الطبيعة أجمل مما كنت
أعتقد ، وبالمقابل أحبط جدا عند حدوث العكس،،، |
نفس الملامح والشبه من شعوري ذاتو والله !
عارف ؟
(معرفة الناس كنوز ) البقولوها دي بحسها
وبفرح بيها شديد لمن القى زول بنطبق عليهو المثل ده !
لكن عاين :
بالبدل في ناس في المنبر معانا هنا مثلاً بحب كتابتهم
جدا وبكون مكتفية بجمالهم الإسفيري وما بسعى أتعرف عليهم خارج المكان ده أحسن من ماتبوظ
الشغلة كلها في رأسي لأنو مرات الزول الجوة هنا ده ما زي الزول
البرة داك مع إنو نفس الزول بي شحمو ولحمو وعضامو !!
ياربي الحاجة دي عادية تفتكر ؟!
|
Post: #17
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 05:46 PM
Parent: #9
خالد ياولدنا
| Quote: بكري ده بذكرني راجل المرتين إذا سمع كلام الأولي التانية تزعل و لو سمع كلام التانية الأولي تزعل يعني في جميع الأوقات في جهة راضية عنو و في جهة ساخطة عليهو ... |
وهو بكري البخليهو من الأول يعرس مرتين شنو ؟
يستاااااهل ( وش ضاااحك رغم إنو صاري ) !
منبر بكري ده مرات يعلمك التناقض تكون ضاحك وباكي في آن !!
|
Post: #10
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: salah ismail
Date: 06-20-2009, 04:47 PM
Parent: #8
ان الذي يحمل الشمعة ياتي دائما بالنور. الشمعة دائمة الاحتراق..نحن نفرح بالضوء ..ونصرخ من الحريق,,,
عندما ياتي النور ايضا تصنع الظلال ..وهي سوداء ..ولكنها لا توجد الا بوجودنا ..نحن ..والشموع ..والظلال ...
بائع الكتب لن يقرأها لنا..
حامل العطر لن يمنعه من الوصول حيث يشم ..
اين تعلم الاطفال الغضب
والضحك ..
لماذا الازهار رقيقة وجميلة ..
|
Post: #19
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 06:02 PM
Parent: #10
salah ismail
Quote: بائع الكتب لن يقرأها لنا..
حامل العطر لن يمنعه من الوصول حيث يشم ..
اين تعلم الاطفال الغضب
والضحك ..
لماذا الازهار رقيقة وجميلة |
..
ومن فوائد منبر بكري أن يقرأ المرء منا كلاماً جميلاً ومفيداً مثل هذا
تسلم أخي وبالفعل في الحياة متسع من أنهار الجمال لمن أراد !
|
Post: #12
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 05:06 PM
Parent: #8
بعضهم وبعضهن تعرفت عليه في منبر بكري أو الماسنجر بتاع الهوت ميل
ومن يومها وأنا أحمد الله في صلواتي الخمس أن أتحيت لي الفرصة للتعرف عليها/ه
والبعض !!
يتبع ،،
|
Post: #15
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Elmosley
Date: 06-20-2009, 05:27 PM
Parent: #1
انتي ذاتك جننتينا مره ضاحكه مره باسمه مره صاره وشك
ياخي بالله ماتصري لينا كده
وانا مصر علي كلامي
|
Post: #16
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ياسر بيناوي
Date: 06-20-2009, 05:36 PM
Parent: #15
نادية مشتاقين والله
Quote: انتي ذاتك جننتينا مره ضاحكه مره باسمه مره صاره وشك
ياخي بالله ماتصري لينا كده
وانا مصر علي كلامي |
استاذ موصلي كلامو في محلو
وكفاية انك انتي برة المنبر وجوة المنبر واااااااااحد
نثني ونبصم يا استاذ
خالص الود
|
Post: #18
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ismeil abbas
Date: 06-20-2009, 06:00 PM
Parent: #16
الرائعة....نادية...
| Quote: أنت اكبر مثال حي على جمال الشخصيات التي تعرفنا عليها من خلال منبر بكري .. تسلم يارب |
تسلمى يارب....وبنفس القدر مكانتك فى النفس....
سأوضح...
Quote:
Quote: ثانيأ..كل إنسان بكتب فى رأى هذه هى شخصيته الحقيقية...والبتعامل بها فى الخارج هى المتغمصة...
صدق مافهمت !!
|
أكتب لى أقل لك من انت.....هناك مقولة بهذا الشكل..
عندما نكتب لا نتجمل...والكلام الذى يطلع قبل التعديل هو ألأصدق..عندما نكتب نفعل أهم ألأحاسيس..النظر...اللمس..ويأمن على ذلك العقل...
وفى الخارج عادة ما ننافق لكى نتجمل ونظهر بالمظهر الذى يليق بالمظهر العام..ونحاول ان نحسن فى الكلام واختيار العبارات الرنانة التى تشنف ألأذان لكسب ألأخر..
أخى/عبداللطيف بكرى...أقرب إلى فكره..شخص يعجبنى فيه توازنه ألأجتماعى..هولاْء وكثر شخصياتهم المنبرية هى نفس شخصياتهم فى الطبيعة..من كتاباته هنا ميزته قبل ان أراه ولم أخذل فيه...هناك امثلة كثيرة..ولكن لآنه تداخل معنا وتوافقنا فى الرؤى..
Quote: أختي نادية،،
هذا موضوع في غاية الأهمية والحساسية في آن معا،،
ماقاله أخي إسماعيل يمكن أن يكون صحيحا بحيث أن الواحد
هنا يعبر عن نفسه بقوة بينما تكون هنالك عوامل آخرى نفسية
تمنع ذلك على الطبيعة، كالخجل مثلا،،
ويمكن أيضا أن يكون الأمر معكوسا بحيث يخون التعبير صاحبه
فيعكس للناس خلاف مايريد،،
|
أنت مثال آخر...جميل......إسماعيل محمد احمد عباس....
|
Post: #22
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Hani Arabi Mohamed
Date: 06-20-2009, 06:28 PM
Parent: #18
هل السودانيون هكذا في المنابر فقط أم في حياتهم بعيداً عن النت أيضاً؟
هل شخصيته واحدة في البيت والعمل وأمام الجيران وأمام الأهل وأمام الأصدقاء وأمام النسابة وأمام ...
|
Post: #28
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 09:31 PM
Parent: #22
هاني
سلامات
Quote: هل السودانيون هكذا في المنابر فقط أم في حياتهم بعيداً عن النت أيضاً؟
هل شخصيته واحدة في البيت والعمل وأمام الجيران وأمام الأهل وأمام الأصدقاء وأمام النسابة وأمام ... |
أغايتو أمام النسابة أكيد بكون مختلف وأكثر رقة ً ورقياً ومجاملةً ولا شنو ؟!! ( وش باسم)
أسئلة مهمة والله
صحي نحنا عندنا وشوش كتيرة لحياتنا وتعاملاتنا مع الآخر ولا ياهو وش وأحد مافي غيرو ؟!!
|
Post: #27
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 08:03 PM
Parent: #18
شقيقي الكريم إسماعيل
Quote: عندما نكتب لا نتجمل...والكلام الذى يطلع قبل التعديل هو ألأصدق..عندما نكتب نفعل أهم ألأحاسيس..النظر...اللمس..ويأمن على ذلك العقل...
وفى الخارج عادة ما ننافق لكى نتجمل ونظهر بالمظهر الذى يليق بالمظهر العام..ونحاول ان نحسن فى الكلام واختيار العبارات الرنانة التى تشنف ألأذان لكسب ألأخر.. |
والله وجهة نظر برضو
لكن في ناس والله يجيدوا منمق العبارات التي تخلب العقل والقلب
لكن ليس فيها ذرة صدق هذا عن تجربة أخي إسماعيل !
وبعضهم ترأه وجهاً لوجه وتجده مرتبكاً متلعثماً لا يستطيع ترتيب جملة مفيدة
ولكنه صادق لا تشوبه شائبة من نفاق ولا زيف ولا يرتدي قناعاً !
غايتو في كده وفي كده !
المهم أن الحياة مدرسة ومنبر بكري بالذاااات مدرسة
كبرى يااااما علمتنا وحاتعلمنا الكتير وربنا يدينا خيرها ويكفينا شرها يارب
كن كما أنت وتسلم ياشقيقي الراقي جداً
|
Post: #20
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ناذر محمد الخليفة
Date: 06-20-2009, 06:14 PM
Parent: #16
سلام نادية ..
تدينا أمثلة ولا أديك ليها أنا ؟!!
|
Post: #21
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: سيف بخيت موسي
Date: 06-20-2009, 06:22 PM
Parent: #20
نادية والجميع
مساء الخير
من نعم الله علي أن مثلاً : إنضمامي لهذا المنبر ، وتعرفي على عدد من الأخوات والأخوان زائد توثيق علاقتي بأخرين كنت أعرفهم على الواقف إضافة إلي انه أرجع لي صداقات قديمة فارقت بيني وبينها دروب الحياة
وذاك جمعيه لم ولن يمكن ان يكون ممكنناً إلا عبر هذا المنبر
لبكري ابوبكر ، الفضل والسبق ولجميع الأعضاء الإعتماد والتكلان لجعلهم هذا البورد جاذباً ، رغم ما فيه من منقصات هنا وهنالك لا يمكن تفاديها او تجنبها إلا بقليل من الصبر وحسن الظن والعفو عند المغنم .
الكمال لله رب العالمين ، وهذا المنبر وطن إسفيري فيه جميع الناس بمختلف الدرجات العلمية والثقافات واللهجات والأجناس والأعمار، فمن الطبيعي وجود عثرات ، ولكن يبقى دورنا أن نقول للمخطي أخطأت وللمحسن أحسنت " انصر اخاك ظالم أو مظلوم" .
اجمل ما في هذا البورد يمكن ان تجعله فرحاً بيدك ونكدً بذات اليد .
وأول المهلكات فيه هي الإستعجال في فتح البوستات أو المداخلات ، زائد العناد والإعتداد بالرأي بأكثر مما يجب ، إقصاء الأخر ، المجموعات غير إيجابية ، لذلك تجدي كثير من المداخلات مبنية على إفراد العضلات وإثبات للذات حتى ولو من دون قصد، وكذلك دفاعاً أو هجوماً دون تحديد سقف لهذا الهجوم أو ذاك الدفاع ، الشئ الذي يوقع عدد ليس بالقليل في خانة الإزدواجية والكيل بمكيالين ، ويفسر ذالك بالوجهين .
ولكن يعلم الله جميع من إلتقيناهم عبر هذا المنبر ( واقعياً أو هاتفياً أو إسفيرياً) من أفضل الناس لو لا النقص البشري المعصوم من الكمال .
يكفي أن تجد بوردابي يحتفل بك ويستقبلك ويفك كربك أين ما يممت شطرك
اللهم نسالك صلاح النفس في السر والعلن
ودمت نادية والجميع بألف خير
أذهبوا فأنتم الطلقاء
-------------
نادية بالمناسبة دي أخبار عمنا عثمان شنو ؟
|
Post: #24
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: PLAYER
Date: 06-20-2009, 06:48 PM
Parent: #21
المحترمة نادية
تعرفي مشكلتنا كأعضاء في البورد بنظلم بعضنا البعض بقصد او بدونه باننا نرسم صور خيالية للأخرين من خلال كتاباتهم ونصدق بقوة انهم كذلك في الواقع دون مرعاة ظروف واوقات ومناسبات وهدف الكتابة ...حيث يختلف كليآ في الحوار المباشر حيث يمكن أستخلاص صفات أخري من خلال التصرفات....
السؤال:
هل يتعمد البعض الظهور بعكس حقيقته?..............نعـــــــــــم.
ولماذا?........................تختلف الاسباب من شخص لأخر.
ما الحل?.......في نظري....التفريق بين الشخصية الكتابية(البوردية او الخيالية) والكلامية(الحقيقية اوالواقعية)....تفاديآ لصدمة في البورد كده وفي الواقع ما كده.
اما أخلاقيات البورد فهي طريقة التعامل بين الأعضاء بخيرها وشرها,صدقها وكذبها...وليس لها علاقة مباشرة بأخلاقيات الواقع والتي يحكمها ظروف مختلفة مثل:الخوف من رد الفعل المباشر او نظرة المجتمع الموجود...الخ
سؤال أخير
هل هناك بورداب كاملي الأوصاف ..أي بدون عيوب?...لا وألف لا...وكذب من قال ذلك....
حكمة اليوم
أحسن البشر في البورد لهم/ن قبائح لا تري الا عند اللقاء وأقبح البشر في البورد فيهم/ن جمال لا تري الا باللقاء.
|
Post: #34
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 10:52 PM
Parent: #24
المحترم بلير
Quote: تعرفي مشكلتنا كأعضاء في البورد بنظلم بعضنا البعض بقصد او بدونه باننا نرسم صور خيالية للأخرين من خلال كتاباتهم ونصدق بقوة انهم كذلك في الواقع دون مرعاة ظروف واوقات ومناسبات وهدف الكتابة ...حيث يختلف كليآ في الحوار المباشر حيث يمكن أستخلاص صفات أخري من خلال التصرفات....
السؤال:
هل يتعمد البعض الظهور بعكس حقيقته?..............نعـــــــــــم.
ولماذا?........................تختلف الاسباب من شخص لأخر.
ما الحل?.......في نظري....التفريق بين الشخصية الكتابية(البوردية او الخيالية) والكلامية(الحقيقية اوالواقعية)....تفاديآ لصدمة في البورد كده وفي الواقع ما كده. |
طيب لكن يابلير نحنا أصلاً في المنبر ده وسيلة تعارفنا موش ياهو حروف كيبورد كلام مكتوب ؟!
يبقى لو على كلامك كل الصور هنا خيالية ولا شنو ؟!
عاين
أنا بتفق معاك تماماً إنو في كتير من الناس مابشبهوا كتاباتهم في الواقع لظروف كتيرة
بتحكم شكل الكتابة ذاتها ومساحة تحركهم بحريتهم التامة في منابر الحوار
لكن ماأكضب عليك مرات كتيرة بندم على ناس
قريت ليهم وماعرفتهم في الواقع وناس عرفتهم في الواقع وماقريت ليهم في المنبر !
لكن برضو كلامك عن التفريق بين الشخصية
المنبرية والواقعية مهم لكن في حالات نادرة
بتلقى فيها الزول الجوة من خلال كتابتو ياهو ذاتو الزول البرة من خلال تعاملوا !
الحاجة دي مابقدر يحكم عليها إلا الزول القابل ناس كتار من ناس المنبر برة المنبر !
إنت لاقيت ناس من المنبر برة المنبر يابلير يا أخي الكريم ؟!
عاين
| Quote: هل هناك بورداب كاملي الأوصاف ..أي بدون عيوب?...لا وألف لا...وكذب من قال ذلك.... |
طبعا الكمال لله وحده وكلنا مليانيين عيوب ومافينا ملائكة نحنا بشر
ممكن أستأذنك وأعمل حكمة اليوم المرة دي ؟( وش مرتاح للحوار معاك)
|
Post: #31
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 10:33 PM
Parent: #21
الأخ الكريم
سيف بخيت موسى
Quote: من نعم الله علي أن مثلاً : إنضمامي لهذا المنبر ، وتعرفي على عدد من الأخوات والأخوان زائد توثيق علاقتي بأخرين كنت أعرفهم على الواقف إضافة إلي انه أرجع لي صداقات قديمة فارقت بيني وبينها دروب الحياة
وذاك جمعيه لم ولن يمكن ان يكون ممكنناً إلا عبر هذا المنبر |
كلامك سليم وجميل وبالفعل هذه أروع حسنات المنبر
| Quote: لبكري ابوبكر ، الفضل والسبق ولجميع الأعضاء الإعتماد والتكلان لجعلهم هذا البورد جاذباً ، رغم ما فيه من منقصات هنا وهنالك لا يمكن تفاديها او تجنبها إلا بقليل من الصبر وحسن الظن والعفو عند المغنم . |
كلام كويس لكن والله المنبر مرات ببقى طارد شديد وفي ناس كتيرة جميلة هجرت المكان ده
رغم حبهم الزمان ليهو بسبب كترة المشاكل والعنف اللفظي البسود لفترات للأسف !!
| Quote: الكمال لله رب العالمين ، وهذا المنبر وطن إسفيري فيه جميع الناس بمختلف الدرجات العلمية والثقافات واللهجات والأجناس والأعمار، فمن الطبيعي وجود عثرات ، ولكن يبقى دورنا أن نقول للمخطي أخطأت وللمحسن أحسنت " انصر اخاك ظالم أو مظلوم" . |
لو بس يبقى الشعار إنو إختلاف الرأي لا يفسد للإحترام قضية كان المنبر بقى لونه بمبي وحلو !!
| Quote: اجمل ما في هذا البورد يمكن ان تجعله فرحاً بيدك ونكدً بذات اليد . |
وعادي ممكن إنت تكون فرحان يجيك وأحد ينكد عليك لا إدك لا كراعك !
ومرات برضو تكون منكد يجيك زول يفرحك ويبسطك فسبحان الله !
| Quote: وأول المهلكات فيه هي الإستعجال في فتح البوستات أو المداخلات ، زائد العناد والإعتداد بالرأي بأكثر مما يجب ، إقصاء الأخر ، المجموعات غير إيجابية ، لذلك تجدي كثير من المداخلات مبنية على إفراد العضلات وإثبات للذات حتى ولو من دون قصد، وكذلك دفاعاً أو هجوماً دون تحديد سقف لهذا الهجوم أو ذاك الدفاع ، الشئ الذي يوقع عدد ليس بالقليل في خانة الإزدواجية والكيل بمكيالين ، ويفسر ذالك بالوجهين . |
كلام عين العقل
مامحتاج أزيد فيه حرف وليتهم وليتنا نعي هذا الدرس الجميل والله !
Quote: ولكن يعلم الله جميع من إلتقيناهم عبر هذا المنبر ( واقعياً أو هاتفياً أو إسفيرياً) من أفضل الناس لو لا النقص البشري المعصوم من الكمال .
يكفي أن تجد بوردابي يحتفل بك ويستقبلك ويفك كربك أين ما يممت شطرك
اللهم نسالك صلاح النفس في السر والعلن
ودمت نادية والجميع بألف خير
أذهبوا فأنتم الطلقاء |
ربنا يخليك ويبارك فيك والله وشكراً على المداخلة الثرة والمليانة والموضوعية شديد
بس خليك قريب عشان تثري الحوار الهادف فلوجودك طعم الموضوعية والحصافة
Quote: -------------
نادية بالمناسبة دي أخبار عمنا عثمان شنو ؟ |
سألتك عليك العافية ياراقي
أبوي بألف خير وبستجيب للعلاج الحمد لله بس أدعو ليهو ربي يرد ليهو بصره يارب
الآ قاتل الله الجلطات والنزيف اللعين !!
|
Post: #29
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 09:46 PM
Parent: #20
ناذر الخليفة ( الأب الحنون)
كيفك والمولودة الجديدة ودهاليز ( الأبوة) يامستجد ؟! ( وش فرحان ليك)
| Quote: تدينا أمثلة ولا أديك ليها أنا ؟!! |
ده نظام سؤال تعسفي ولا شنو ياود الخليفة ؟!
عاين
أنا عملت البوست وإنت أكتب مايروق لك طالما حاتتحمل مسئولية كتابتك ولا شنو ياصديق ؟!
لقيتني كيف بالله يا أبو رزان ؟!( وش برررررررئ جدا)
عاين
تحياتي للغالية ليمو وقول ليها :
بطلي الحنكشة وإنكربي الأم مدرسة وليس حنكشة سمح ؟ ( وش باسم)
|
Post: #26
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 07:49 PM
Parent: #16
بيناوي ياشقيقي
عارف ؟
لمن إنت اليوم داك ( مت) في المنبر وطلعت إشاعة الحمد لله
بكيتك بكى حيرني أنا ذاتي وأبوي الله يديهو العافية بكى وأختى صبوحة
ولمن كتر نواحي في المنبر وضربت الثكلي جاتني رسائل وتلفونات من برة البلد تصبرني
وتعزيني فيك تصدق ؟!
أها لمن فقنا على إنو الخبر إشاعة الحمد لله
قعدت كده وإستغربت وقلت لروحي : بتعرفيهو من وين
ولا شفتيهو وين ياسر ده تبكي عليهو كده ؟!
ماكان في إجابة غير إنو عرفت إنو رابطنا صدق ومشاعر إنسانية صادقة
في المكان ده نحن ذاتنا مابنكون عارفينها إلا وكت شدة زي يوم موتك داك الله لا عادو يارب !!
| Quote: وكفاية انك انتي برة المنبر وجوة المنبر واااااااااحد |
تفتكر كوني أكون جوة المنبر وبراهو حاجة وأحدة دي فلاحة ياياسر ؟
مدح ولا ذم الحاجة دي يابيناوي تفتكر ؟!
مرات البنعتقدو صاح يطلع خطأ والعكس صحيح موش ؟!
|
Post: #25
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 07:30 PM
Parent: #15
يوسف الموصلي ياود خالي الغالي
سلامات يازول ووينك مسجل غياب هنا وهناك ماعوايدك ؟
Quote: انتي ذاتك جننتينا مره ضاحكه مره باسمه مره صاره وشك
ياخي بالله ماتصري لينا كده
وانا مصر علي كلامي |
لقيت أنسب صورة تناسب الجو في المنبر هي صورتي دي ( وش كيف كيف )
بالمناسبة عايزاك ضروري لموضوع الديوان لأنو في مراحله الأخيرة سمح ؟
|
Post: #30
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: الطيب شيقوق
Date: 06-20-2009, 09:57 PM
Parent: #25
نادية
مشيت عدة منتديات اسفيرية لم اشعر فيها بالراحة التي اشعر بها هنا مشيت وفشلت مشيت وفشلت مشيت وفشلت حسيت مافي اهل اقرب لي من اهلى في سودانيز اونلاين شنو الحاصل؟
|
Post: #33
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Habib_bldo
Date: 06-20-2009, 10:42 PM
Parent: #30
نادية العسل
ألف تحية ومليون سلام
سيبك من بورداب الخرطوم
جيتي الرياض وشفتي معظم البورداب ..
لقيتيهم كيف؟؟؟؟
مش حلوين وأحلى من الشهد؟؟
|
Post: #37
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 11:53 PM
Parent: #33
حبيب بلدو ؟
ياسلااااااااام بركة الجيت يازول ياسمح الدواخل
كيفك وكيف السعودية على حسك والله وحشتوني جداً
قلت لي ناس السعودية ؟
ياخ ديل ناس زي الشهد فعلاً وجمائلهم مغرقاني عديل والله ربي يقدرني على جزاهم يارب
وأما بورداب الخرطوم فديل كيف أسيبني منهم ياخ ديل فيهم الاصدقاء والأهل والعشيرة
شهادتي فيهم مجروحة .. ربي يحفظهم يارب
خليك قريب وطمني علي تمبس وحميدة وشتات ومو سمح ؟
|
Post: #35
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-20-2009, 11:33 PM
Parent: #30
الطيب شيقوق
الحاصل إنك زول وفي وحنون وأدروب ولوف
عارف ؟
منبر بكري ده زي النيل البشرب منو لاااازم يرجع ليهو تاني !!
وش ولوووووف
كيف ود عم طه وينو ماظاهر ؟!
|
Post: #32
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عمر صديق
Date: 06-20-2009, 10:38 PM
Parent: #25
الاخت نادية
تحياتي
اعتقد ان ازدوج الشخصية المنبرية ياتي من ان المقابلات خارج البورد تعبر عن الحقيقة بصورة واقعية وان البعض عندما يخلو بنفسه مع الكي بورد يتعامل مع واقعه التخيلي ويظن انه يعيشه وفقا لتصوراته الذهنية
ومن هنا تاتي المفارقات والازدواجية وكلما ضاقت المسافة بين الحقيقة والخيال كلما اصبحت الشخصية المنبرية متوازنة وكلما حدث العكس تظهر الازدواجية
|
Post: #38
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 00:04 AM
Parent: #32
Quote: اعتقد ان ازدوج الشخصية المنبرية ياتي من ان المقابلات خارج البورد تعبر عن الحقيقة بصورة واقعية وان البعض عندما يخلو بنفسه مع الكي بورد يتعامل مع واقعه التخيلي ويظن انه يعيشه وفقا لتصوراته الذهنية
ومن هنا تاتي المفارقات والازدواجية وكلما ضاقت المسافة بين الحقيقة والخيال كلما اصبحت الشخصية المنبرية متوازنة وكلما حدث العكس تظهر الازدواجية |
وجهة نظر برضو معقولة ياعمر
لكن عاين
وأقع البوردابي التخيلي ده ممكن يخليهو مرات يتخيل إنو طرزان ؟!
وممكن البوردابية تتخيل إنها سندريلا مثلاً ؟!
راقت لي حكاية وأقعه التخيلي دي وقعدت أعاين للكيبورد وأتخيل غايتو !( وش خيالي) !
|
Post: #36
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Elmosley
Date: 06-20-2009, 11:42 PM
Parent: #25
لو كنت (قريبي) ساعدني كي
ارحل عنك
او صلح صورتك حتي لا ازعل
آو اغضب منك!!!
واحد بسمه
|
Post: #39
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 01:09 AM
Parent: #36
الموصلي ود خالي
ود خالي البسيمة الحلوة تاني حليلها
لازمنا النكد والصرّة شدت حيلها
لاعاد الفرح لا الدنيا باقية نبيلة
الفانية أم قدود مسخت علينا الليلة !
رأيك شنو في النكد (المؤسس ) ده؟!!
تجاريني ؟!!
|
Post: #40
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 02:00 AM
Parent: #39
يلا قبل ما أمشي أنوم دايرة أقول ليكم الإعتراف ( الماكويس) !
سودانــــــــــــــــيز أون لاين
علمتني (الثقالة) بعض مرات بحس يروحي ثقيلة ماطوالي !
قول لي كيف ؟!
زول يتثاقل علي بقوم أرد على ثقالتو بثقالة أكتر منها
ودي حركة زمان ماكان عندي الحركة دي !!
حبة شك !
في منو ؟
في بعض الأسماء الغير معروفة بالنسبة لي من الزملاء
المامعروفين لدي لسة وبالذات الأسماء الحركية غير المعروفة
فزي غصباً عني كده بجيني إحساس كده ماحلو
وبحاول أطردو من جواي ومرات مابقدر أها ده شئ ماسمح مني !
الخوف !
من منو ؟
من الماسنجر بصراحة !
وبرغم إنو ماقعد أستخدمو كتير ومرات مرات بس برد على بعض الزملاء فيهو
لكن ماقعد أريدو كلو كلو غايتو لله في لله كده !
أها وتاني ؟
وبرضو بحس إنو منبر بكري غير في شخصيتي حبة وخلاني إلى حد ما ..( شكالة) مرات مرات كده
وللأسف مرات كتيرة تلاقي زول يخاطبك بلغة مستفزة
فتستجيب للإستفزاز وترد بذات اللغة وده ماحلو ياخ !
وبعدين ؟
أناالله خلقني زولة مسالمة ومابحب المشاكل بي طبعي ولا بحب النكد
لكن مرات يجيك النكد لحدي عندك وتسعى إليك المشاكل للأسف وتخليك (عدواني) كمان !
بعترف إنو مرات بحس كده بروحي قربت أبقى عدوانية فبقوم طوالي أسجل خروج من المنبر
وأغيب لي منو كم يوم تكون نفسيتي هدأت حتى أرجع تاني للقراية أو الكتابة !
أكعب شئ ممكن يحصل للزول في منبر بكري ده أنو يخسّرك روحك أوناس بتعزهم وتقدرهم وتريدهم هنا
عشان كده نصيحيتي لي بت أم روحي دي ودائما بقولها لنفسي :
يابت يانادية هوووي إياك تنجرفي وراء منبر
بكري يقوم يحولك لنادية تانية مابتعرفيها سمح ؟
فالحة بتي يلا قومي إتخمدي نومي !!
سمح
تصبحي على خير نادية باي لي بكرة !
ممكن برضو الزول تفك منو عادي في منبر بكري ده ( وش صامولة عقلو ممكن تكون محلوجة) !
|
Post: #41
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عبدالله وداعه الامين
Date: 06-21-2009, 02:17 AM
Parent: #39
Quote: ود خالي البسيمة الحلوة تاني حليلها
لازمنا النكد والصرّة شدت حيلها
لاعاد الفرح لا الدنيا باقية نبيلة
الفانية أم قدود مسخت علينا الليلة ! |
حار بينا الدليل يا نادية شن الحيلة
موكورة الظروف تقلت علينا الشيلة
الغارة العبوث صرّت وشيشها الليلة
ورينا الكرم شديلنا ساهي بليلة
سلام نادية وان شاء الله طيبة انتي وكل الحبان هنا
جابنا صوت الروراي وجينا نروري معاكم
سلام لي كل الناس وابقي عافية
|
Post: #42
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ALZOLZATOO
Date: 06-21-2009, 06:48 AM
Parent: #41
اختنا نادية
صباح الخير
والله كلامك صاح ياختي والله في ناس الله يطراهم بالخير قابلتهم شخسيا لكن بعد فترة غياب من المنبر جيت ليقيتهم ليك بتاعين مشاكل قلت ياربي الناس ديل حصلت ليهم ظروف ولا شاكوش ولا شنو الحصل .
بالنسبة لي شخصيا في البورد بختلف من الواقع في البورد بكون اكثر صراحة وبعبر عن راي بكل ثقة على الواقع بتحكمها اشياء اخرى منها عدم احراج الشخص او مراعاة الحاضرين او حاجات تانية حامياني
الوالد اخبارو شنو بالله
تحياتي
زاتوووو
|
Post: #50
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 11:28 AM
Parent: #42
اخونا الزول زاااااتو
صباحك نور وزوهور
| Quote: والله كلامك صاح ياختي والله في ناس الله يطراهم بالخير قابلتهم شخسيا لكن بعد فترة غياب من المنبر جيت ليقيتهم ليك بتاعين مشاكل قلت ياربي الناس ديل حصلت ليهم ظروف ولا شاكوش ولا شنو الحصل |
إنت عارف ؟
أنا في ناس رجعت لي مكتباتهم وإتحسرت عليهم عديل ياخ !
مثلا وأحد زي صاحبنا الولد الجميل تمبس
ياخ ده كان عبارة عن فراشة في شكل شاب !
فراشة تنثر الجمال
زهرة تنشر فواح العبير
ملاك بجناحين عديل يحوم على خلق الله ويفرق هموم الناس بسمح الغناء
وسمح الكلام وتطييب الخواطر
أها زول سمح زي تمبس ده ياربي المنبر
الخلاهو (زهجي ) كده ولا هو جاي من بيتهم زهجان ؟!
ده لو إفترضنا إنو تمبس أخوي زهج
وزهجو كان سبب في إنو بكري يوقف حسابو مثلا مثلا يعني !
النصيحة لي الله تمبس ماكان كده بحسب متابعتي ليهو في المنبر ده
لكن حصلت ليهو تحولات في شخصيتو المنبرية صاح ولا ماصاح ؟!
تمبس ده زول في الواقع إبتسامتو مغطية كل مساحة وشو من الأضان للأضان !
| Quote: بالنسبة لي شخصيا في البورد بختلف من الواقع في البورد بكون اكثر صراحة وبعبر عن راي بكل ثقة على الواقع بتحكمها اشياء اخرى منها عدم احراج الشخص او مراعاة الحاضرين او حاجات تانية حامياني |
أها ده كلام بتفق مع كلامي الفوق بتاع زول البرة غير الزول الجوة ولو إلا حد ما
ومالازم يكون الزول برة سمح وجوة كعب أو العكس .. المهم إنو في حبة إختلافات
بتكون حاصلة لدي بعض المنبراب وده ماعيب لكن حقيقة لو عرفناها كويس
وإتعاملنا معاها بنجنب نفسنا شر الصدمات جراء عقد مقارنات ساي بعد مرات صاح ؟
أبوي بخير ياالزول لكن لسة محتاج دعواتكم سمح ؟
|
Post: #43
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: bent awad el kareem
Date: 06-21-2009, 06:58 AM
Parent: #41
ندويه كيف حالك
سبحان الله قلت يا ربي ناديه دي قاعده تقراء افكار الناس ولا شنو؟
صدقيني لو عملتي احصائية تلقى كم هائل طار ليه نفس سؤالك ده في رأسو
غايتو أنا ارتحت كتير لفتحك للبوست ده وكلامك الفي محله ده
تسلمي يا الغاليه
------------------
كنت عايزه أسألك عن الوالد
لكن أجابتك للاخ سيف طمنتني - الله يديه طول العمر ويبعد عنه الاذى
|
Post: #44
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: اساسي
Date: 06-21-2009, 08:29 AM
Parent: #43
اول حاجة خلينا نختلف في الموضوع دا اختلاف متقاطع في غير اتفاق , من وجهة نظر شخصية , انا شايف المقارنة بين الشخصية المنبرية والشخصية الغير منبرية مقارنة معقودة في غير محلها , ودا برجعنا في البداية لفرتقة الشخصية المنبرية ذاتها .. ماهي الشخصية المنبرية ؟؟!
اعتقد ان الشخصية المنبرية هي حصيلة تراكم معرفي وانساني واكاديمي واخلاقي يتم تداوله في الحوار , ونفس السؤال عن الشخصية الغير منبرية , نجد ان الشخصية الغير منبرية هي ايضا حصيلة تراكم معرفي انساني واكاديمي واخلاقي يتم تداوله في الحياة , اذن محركات الانسان هي في واحدة في كلا الحالتين تراكم معرفي وانساني واكاديمي واخلاقي , اذن الشخصية المنبرية هي ذاتها الشخصية الغير منبرية . وهذا ما اريد اثباته في ان كل الاشخاص سمحهم وقبيحهم طيبهم وخبيثهم لهم نفس الشخصية في المنبر او في خارجه . وهذا يحتاج الي تفصيل ها نحن نبدا فيه .
عقد المقارنة كما اسلفت بين الانسان داخل المنبر وخارجه عقدا لمقارنة غير متوازنة , الشخصية المنبرية هي شخصية الانسان في اجلي صورها في وضوح شفاف من غير رتوش او ديكور , وهذا يتاتي من عدة اشياء , اولا المشاركة في المنبر تعتمد علي اظهار الافكار ومقارعتها بافكار اخري مختلفة او متفقه وهذا يحتاج من الشخص الي التركيز علي كتابة افكاره بجلاء , لان الانسان في النهاية هو مجموعة افكار , والشي الثاني كثرة المداخلات وتنوع المواضيع يجعل من روية الشخص اجلى وضوحا عندما تعرف افكاره في موضوعات مختلفة متباينه , فنحن تقريبا قرانا لبعضنا مئات بل الاف المداخلات . وهذا لا يتاتي في الحياة العادية بسهولة . وعند تلمسنا للشخصية الانسانية خارج المنبر فان الحكم في هذا الحالة لعقد المقارنة ليس انت يا اخت نادية , واساليني لماذا وانا اقول لك , خذيني انا وانت مثالا علي اننا بورداب التقوا علي المنبر والتقوا خارجه , واسالك هل تستطيعي ان تحكمي علي شخصيتي خارج المنبر ؟؟ فاذا اجبت بنعم ساقول لك انك عجولة جدا وانك لا تعرفي عني شيئا خارج المنبر ورغم اننا التقينا مراتان وفي ظروف مختلفة الا اني اقول لك من الصعب بل من المستحيل ان تحكمي علي شخص من لقاء او لقاءان او حتي عشرة لقاءات , لابد من احتكاك حقيقي ومحك حقيقي يبين لك من هو الشخص حتي تستطيع ان تحكم عليه , وهذا واضحا جدا في مسالة الخطوبة التي يعقبها الزواج , فالكثيرون يقولون ان الخطيب او الخطيبة شخص غير الزوج او الزوجة , وهذا للاسف كلام غير صحيح , وهذا اقرب مثال بين الشخصية المنبرية والغير منبرية . اي فترة الخطوبة وفي الزواج ففي الخطوبة لا تكون هناك محكات حقيقية ولا تكون هناك حاجة لاظهار كل الابعاد الشخصية لانه لا توجد حاياة كاملة بين الشخصين , وانا اعتبر ان الشخصية المنبرية هي الاقرب للحياة الزوجية التي تظهر فيها شخصية الانسان الحقيقية وكما اسلفت لكثرة المداخلات وطول سنوات القراءة وفترة التلاقي البوردابي هي مثلها وفترة الخطوبة اي فترة للمجاملات واظهار المشاعر الانسانية من تعارف وغيرها ومن المستحيل مثلا ان التقي من لي خلاف منبري عميق معه في اول مرة ونشتبك في غلاط وجدال سيكون هناك ابتسامات وضحكات وغيره ولكن ان فتحنا نفس موضوعات حوارنا سنكون لحظتها نفس الشخصان المشتبكان في الحوار وبنفس الدقة والقوة التي نكتب بها علي المنبر وعليها ستعلو اصواتنا وتهبط بنفس وتيرة حوارنا في المنبر ومن هناك ياتي خلافي معك الذي ابتدرت به المداخلة في انك عقدت مقارنة بين لحظتين مختلفتين الاولي لتقارع الافكار والاخري لانسجام الارواح وشتان ما بينهما
اتمني ان اكون وفقت ولو نوعا ما في ابداء وجهة نظري رغم قناعتي باني حاولت جاهدا ان اضغط المداخلة قدر الامكان لكي لا تبقى قراءتها مملة
كوني دائما بخير
|
Post: #45
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: nazar hussien
Date: 06-21-2009, 08:46 AM
Parent: #44
نادية بالله عليك ما تعمل لي لينا فيها ستمية حبة بي قرش
شاعرة وصحفية واعلامية ومحررة وكاتبة ومخرجة ومنتجة
شنو هو؟؟؟؟؟ وكمان عايزة تخففي دمك هنا...زهجتينا...
بالله مش اعصابك باظت!!! يله دا نوع الاستغراب البجيب الهم ..وانك تكون ما بين مصدق وما مصدق
مع اكيد محبتي واحترامي
|
Post: #47
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: محمد المرتضى حامد
Date: 06-21-2009, 09:22 AM
Parent: #45
| Quote: مالو في المنبر سخيف كده ؟!! |
ما كانش العشم.
_____
يا ناديه، كدا خلينا من بره المنبر ، هسه جوه المنبر بس
في ناس بيشوفوك ظريف وآخرين بيشوفوك عشره عشره ، المسألة
بسيطه ومعقده في آن.
بالمناسبه القصه دي معيارها ليس المنبر وحده فهي تنداح
لتشمل زميل الدراسه والعمل والبيت ووو.. قد تجدين طالبا
جامعيا قمة الليبرالية وسط زميلاته في الجامعة في حين أنه
في البيت (قراقوش) بالنسبه ليهو مويه ساي.
العفو والعافيه.
|
Post: #58
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-22-2009, 02:01 AM
Parent: #47
محمد المرتضى
حبابك مليون
Quote: يا ناديه، كدا خلينا من بره المنبر ، هسه جوه المنبر بس
في ناس بيشوفوك ظريف وآخرين بيشوفوك عشره عشره ، المسألة
بسيطه ومعقده في آن. |
أأأأأأأاي والله !!
وتكون مستغرب وإنت حاسي بالزول الشايفك عشرة عشرة ده
وتسأل نفسك ياربي مالو معاي ( شاميني ومكجني) !!
وماتلقى إجابة كلو كلو .. الله غالب !!
Quote: بالمناسبه القصه دي معيارها ليس المنبر وحده فهي تنداح
لتشمل زميل الدراسه والعمل والبيت ووو.. قد تجدين طالبا
جامعيا قمة الليبرالية وسط زميلاته في الجامعة في حين أنه
في البيت (قراقوش) بالنسبه ليهو مويه ساي. |
أها ده ممكن تسميهو طرق وأساليب للتعامل متعددة ؟
ولا تسميهو إنفصام في الشخصية ولا شئ عادي وطبيعي في البشر ولا شنو مثلاً ؟
وهل في كل الحالات هو سلوك غريب ومستنكر
ولا وفقاً للحالة المعنية البتبدل فيها الزول من وجه لوجه ؟!
تسلم ياود المرتضى وخليك قريب
|
Post: #56
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 02:59 PM
Parent: #45
Quote: نادية بالله عليك ما تعمل لي لينا فيها ستمية حبة بي قرش
شاعرة وصحفية واعلامية ومحررة وكاتبة ومخرجة ومنتجة
شنو هو؟؟؟؟؟ وكمان عايزة تخففي دمك هنا...زهجتينا... |
أسمع يانزار هوووي سكت ليك كتير وشايفاك بتلاحقني في البوستات
إتعديت حدودك وأنا بحذرك حقي باخدو بيدي لا بنتظر بكري ولا بطيخ فاهم ولا مافاهم ؟
شوف ده بالله كمان المستعلي ذكورياً ده ؟
مالك ومالي إنت إن شاء الله أبقى رئيس جمهورية ذاتو إنت مشاركني ؟
حذرتك غايتو ولو لم ترعوي فلا تلومن
إلا نفسك وقد أعذر من أنذر وقع ليك ولا أعيدو ليك ؟!
شوف الوهم ده بالله .. هوووووووي أعمل شخيت وأقيف بعيد أسحن ليييك !!
لقيتني كيف بالله موش هرشتك عديل ؟
بعرف أشاكل وأردح ولا مابعرف ؟!
هههههههه
ياخ تعال ناخد أنا وانت كورسات وممكن تختار (أشكل ) ناس يعلمونا هنا سمح؟
مودتي التي تعرف وتحياتي لأولادك وبالله جيت البحرين ترانزيت ومالاقيتك ياخ !
|
Post: #55
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 02:27 PM
Parent: #44
أساسي الأساسي
سلامات وعساك وكل الأسرة الأساسية بألف خير يارب
عاين
| Quote: اعتقد ان الشخصية المنبرية هي حصيلة تراكم معرفي وانساني واكاديمي واخلاقي يتم تداوله في الحوار , ونفس السؤال عن الشخصية الغير منبرية , نجد ان الشخصية الغير منبرية هي ايضا حصيلة تراكم معرفي انساني واكاديمي واخلاقي يتم تداوله في الحياة , اذن محركات الانسان هي في واحدة في كلا الحالتين تراكم معرفي وانساني واكاديمي واخلاقي , اذن الشخصية المنبرية هي ذاتها الشخصية الغير منبرية . وهذا ما اريد اثباته في ان كل الاشخاص سمحهم وقبيحهم طيبهم وخبيثهم لهم نفس الشخصية في المنبر او في خارجه |
كلامك ده جميل وكويس جداً لكن هل بينطبق على الستة الف عضو في المنبر هنا ؟
مثلاً يا أساسي في بوردابي بعرفو أنو هو خارج هذا المكان زول (زهجي ) شديد
ولسانو بذئ وبسب الدين عديل فهل ممكن يجي يعمل ده هنا ؟
ووأحد تاني تلقاهو هنا شكال وغياظ وثقيل ثقالة السنين تجي تلقاهو برة المنبر يدهشك
بالتعامل الراقي والتهذيب العالي والأخلاق المثالية شديد
أنا معاك إنو معرفة الزول خارج المنبر واللقاء بيهو مرة ولا إتنين ماكفاية للحكم على شخصيتو بصورة صحيحة لكن هل حكمنا عليهو بعد عشرة السنوات الطوال من خلال كتابتو في المنبر بكون حكم صحيح على شخصيتو الحقيقية ؟
يعني عايزة أقول ليك إنو الكلام والتعامل عبر الكتابة فعلاً مرات كتيرة بكون مخالف لشخصية الزول البوردابي ياأساسي .. ففي وأحد تلاقيهو هنا مثلا بمسوح الرهبان وهو في الحقيقة الشر يمشي على رجلين أها ده بتسميهو شنو ؟
صاح الكتابة بتعكس روح وشخصية كاتبها لكن مافي كل الأحوال لأنو في ناس برسموا شخصياتهم المنبرية بمنتهى الدقة والحرص عشان تكون في خط بحددوا الزول لروحو زي ماحاصل في الحياة خارج المنبر لما الزول يحدد خياراتو ومساراتو وطريقة تعامله مع الناس في الدنيا ..وكلامي ده بتأكده لقاءات كتيرة لينا مع ناس عاشرناهم جوة المنبر وخارجه!
| Quote: عقدا لمقارنة غير متوازنة , الشخصية المنبرية هي شخصية الانسان في اجلي صورها في وضوح شفاف من غير رتوش او ديكور , وهذا يتاتي من عدة اشياء , اولا المشاركة في المنبر تعتمد علي اظهار الافكار ومقارعتها بافكار اخري مختلفة او متفقه وهذا يحتاج من الشخص الي التركيز علي كتابة افكاره بجلاء , لان الانسان في النهاية هو مجموعة افكار , والشي الثاني كثرة المداخلات وتنوع المواضيع يجعل من روية الشخص اجلى وضوحا عندما تعرف افكاره في موضوعات مختلفة متباينه , فنحن تقريبا قرانا لبعضنا مئات بل الاف المداخلات . وهذا لا يتاتي في الحياة العادية بسهولة . |
ماشي لكن منو القال إنو كل البورداب الزملاء الأعضاء المعانا هنا عندهم القدرة على التعبير عن نفسهم عن طريق الكتابة وتوصيل أفكارهم عبر ضربات حروف وجمل كاملة عن طريق الكي بورد ياسماني ؟
عاين
ممكن تكون شخصيتك في المنبر ياها صورة شخصيتك الحقيقية في أجلى صورها لسبب بسيط إنك قادر توصل نفسك عبر حروفك وترتيب أفكارك لأنك عندك القدرة على ده غيرك بتخونه كلماته وبظهر بشكل غير شخصيتو الحقيقية موش لأنو متعمد ده بس لأنو مابقدر يكون نفسو من خلال الكتابة لأنو مابتوصل حاجاتو بالشكل الهو عايزو وعندي أمثلة من زملاء أعزاء هم ذاتهم بقولوا الكلام ده عشان كده تلاقي مداخلاتهم قليلة أو شبه معدومة خوفاً من أنو مايقدر يعبر عن نفسو كويس من خلال الكتابة في حين أنو ممكن تلاقيهو وجهاً لوجه ويوصل ليك فكرتو بشكل سلس ومبسط وجميل تتفق أو تختلف معاهو ده موضوع تاني المهم انو بكون قدر يوصل ليك فكرتو الأحجم عن توصيلها عبر المنبر لأنو عارف مقدرات روحه الكتابية مثلا .. موش ممكن ؟!
| Quote: ومن المستحيل مثلا ان التقي من لي خلاف منبري عميق معه في اول مرة ونشتبك في غلاط وجدال سيكون هناك ابتسامات وضحكات وغيره ولكن ان فتحنا نفس موضوعات حوارنا سنكون لحظتها نفس الشخصان المشتبكان في الحوار وبنفس الدقة والقوة التي نكتب بها علي المنبر وعليها ستعلو اصواتنا وتهبط بنفس وتيرة حوارنا في المنبر |
ياسماني ناس كتار جداً بختلفوا في المنبر ده وبتشاكلوا ويحتدوا في الحوار بشكل فيهو عنف لفظي مبالغ فيهو وأحيانا إغتيالات شخصية عديل لكن رغم كده تلاقيهم لو فتحوا نفس الحوار وجهاً لوجه خارج المنبر بتكون اللغة مختلفة بالتأكيد يعني لو أخدنا مثال لإتنين بتنابذوا عديل في بوست هنا في المنبر معقول لما يتلاقوا وبعد الابتسامات والسلامات لو فتحوا الكلام حايواصلوا بذات الوتيرة بما في ذلك السباب والشتم ؟ ماأظن طبعاً ولا إنت رأيك شنو ؟!
| Quote: اتمني ان اكون وفقت ولو نوعا ما في ابداء وجهة نظري رغم قناعتي باني حاولت جاهدا ان اضغط المداخلة قدر الامكان لكي لا تبقى قراءتها مملة |
بالعكس المداخلة كالعادة ثرّة وموضوعية وتفتح النفس على الحوار يا أساسي ياريت تتواصل معانا عسانا نخرج برؤية وأضحة وجلية وإجابة حول هل هنالك فروق في شخصياتنا المنبرية وخارج المنبر ؟
ومداخلاتك ترفد البوست بالمفيد والمهم
راجينك وكون بألف خير
|
Post: #53
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 01:08 PM
Parent: #43
بت عوض الكريم
حبيبة قلبي إنتي والله
Quote: سبحان الله قلت يا ربي ناديه دي قاعده تقراء افكار الناس ولا شنو؟
صدقيني لو عملتي احصائية تلقى كم هائل طار ليه نفس سؤالك ده في رأسو
غايتو أنا ارتحت كتير لفتحك للبوست ده وكلامك الفي محله ده |
تسلمي ياغالية
ووالله من ميزات المنبر ده يجمعني بزولة زيك قلبها تحس حنيتو من حروفو
عارفة ؟
بوست مرض أبوي ومداخلتك فيهو خلتني أتمنى إنو أشوفك وأقالدك
أها إنتي زولة مابعرفها إلا من خلال المنبر ده بس ، لكن حنيتك وصدق مشاعرك الطيبة
حسيتها في لهفتك وفرحك الشديد لمن أبوي نطق بقولة (الحمد لله ) بعد طول صمت !
ياحبيبة ربي يديم المعروف وأصلو الدنيا شن فيها ماياها لمة ناس في ساعة خير
تسلمي ياغالية .. تسلمي شديد
|
Post: #49
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-21-2009, 10:46 AM
Parent: #41
عبدوش ود عمو وداعة
سلامات وبركة الشفناك طيب أخوي
و
Quote: حار بينا الدليل يا نادية شن الحيلة
موكورة الظروف تقلت علينا الشيلة
الغارة العبوث صرّت وشيشها الليلة
ورينا الكرم شديلنا ساهي بليلة |
عبد الله الزهج ملك الخلوق بالحيل
وإختلفت معايير السماحة عديل
مين يا أخوي بيعدل في الكتوف الميل
ملعون الزمن ضوّقنا مُر الويل !
و
تاني ؟
|
Post: #46
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: محمد كابيلا
Date: 06-21-2009, 09:20 AM
Parent: #1
Quote: الزول ده ظريف والله لمن لاقيناه في الرحلة لكن مالو في المنبر سخيف كده ؟!!
الزولة دي دمها تقيل ياخ مع إنو في المنبر زولة لطيفة ورقيقة وكتاباتها سمحة خلاص !!
|
أستاذتنا الرائعة/نادية... سلامات
فى إعتقادى إختلاف شخصية الزول أو الزولة
يكون حسب الموقف والموضوع وإذا كان سخيف
فى المنبر وغير ذلك خارج المنبر فهذا يعود
إلى الموضوع والموقف فى كل ولا أعتقد أن يكون
إنفصام شخصية ....!!!!
كل الود
محمد كابيلا
|
Post: #48
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عمر صديق
Date: 06-21-2009, 10:29 AM
Parent: #46
Quote: ود خالي البسيمة الحلوة تاني حليلها
لازمنا النكد والصرّة شدت حيلها
لاعاد الفرح لا الدنيا باقية نبيلة
الفانية أم قدود مسخت علينا الليلة !
|
يا نادية البسيمة بحقق للسعادة دليله
عارض هو النكد والصرة تبقي قليله
لازم نزرع الفال ودنيانا ديمة نبيلة
وحسن النية بيهوالقاسية هينة ذليلة
|
Post: #51
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: داليا حافظ
Date: 06-21-2009, 11:53 AM
Parent: #48
| Quote: الشخصية المنبرية ..جوة زول .. وبرة زول !! يوجد ( إعتراف) !! |
ندوية أزيك
تعرفي يانادية لو شلتي كلمة منبرية حتلقي الشخصية بشكل عام جوة وبرة ما زي بعض ...وأننا بنجتهد
كتير عشان نخفي عيوبنا ..ونتحلى بضبط النفس و..و..و ، وده طبيعي الما طبيعي التلبس بشخصية
مختلفة ..ما ليها علاقة بينا نهائي ..وده في المنبر وخارجو زي بعض ، المنبر ده صورة حية
لينا ..وكقياس عام حالة ( الإختلاف ) هي أكتر حالة ممكن تعرفي فيها الشخص كويس ـ بحسب تجارب ـ وهنا
وبرة يا نادية نحن البنحدد نفرد مساحات مع منو ونختصر منو ..والقصة دي ما صعبة صدقيني .
............................
ما كل البختلف عدو وما كل الببتسم صديق (في تبسم بالكلمات ) .
أبقي طيبة .
|
Post: #52
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عبدالله وداعه الامين
Date: 06-21-2009, 12:16 PM
Parent: #51
Quote: عبد الله الزهج ملك الخلوق بالحيل
وإختلفت معايير السماحة عديل
مين يا أخوي بيعدل في الكتوف الميل
ملعون الزمن ضوّقنا مُر الويل ! |
يا نادية الزهج ماهو المعكّر كيفي
محتار في الخلوق وانهدّ حيلها كتوفي
والحارقة الفؤاد فوقي ومنتّف سيفي
قلبي علي الحبيب وقليبو هدّم قيفي
|
Post: #54
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: الطيب شيقوق
Date: 06-21-2009, 01:44 PM
Parent: #52
نادية
منبر بكري ده زي النيل البشرب منو لاااازم يرجع ليهو تاني !!
يرجع شنو هو بنفات؟ انا غايتو كرهت الضيوف وبطلت الشغل وما بتبع جنازة ميت علا بعد اتصل بالناس في المقابر يقولوا لي نحن خلاص بقينا على كب التراب على الميت .
كيف ود عم طه وينو ماظاهر ؟!
مسافر السودان و الايام دي قادل وسط السوق بلقط في العمم والعطور
|
Post: #57
Title: Re: الشخصية المنبرية ..جوة زول .. وبرة زول !! يوجد ( إعتراف)!!
Author: فايزودالقاضي
Date: 06-21-2009, 03:02 PM
Parent: #54
نادية ...سلامات ...
انا لا اري اي وجود للشخصية المنبريه بمعزل عن الشخصية الحقيقية بل اري ان الشخصية المنبريه هي شخصية حقيقيه في حالة تعبير مكتوب ... والمنبر عبارة عن اراء وحقائق لايمكن فصلها عن شخوصها وهي تعبيرعن حقيقتها ..
يعني يانادية التعبير بره وجوه مفروض يكون واحد لانه ببساطة نابع من شخصية واحدة رغم اختلاف المخرجات سواء كان تعبير كتابي او كلامي او حتي تصرف مباشر ...
ودي واحترامي ...
فايزودالقاضي
|
Post: #59
Title: Re: الشخصية المنبرية ..جوة زول .. وبرة زول !! يوجد ( إعتراف)!!
Author: nazar hussien
Date: 06-22-2009, 07:02 AM
Parent: #57
Quote: ياخ تعال ناخد أنا وانت كورسات وممكن تختار (أشكل ) ناس يعلمونا هنا سمح؟
مودتي التي تعرف وتحياتي لأولادك وبالله جيت البحرين ترانزيت ومالاقيتك ياخ ! |
المشكلة انو اشكل ناس في المنبر بره بتلقيهم موية بس...وأسعليني انا
دا فيهم واحد بعرفه معرفة شخصية...وكل ما الاقيه برد علي مشكلة..او
داخل في مشكلة...اتيقن ان باسويرده بطرف ابليس. (فأنا متفق معاك
تماما في هذا البوست علي الاقل من خلال النموذج البعرفو..وما حا اقولو
ثانيا: ودي حا اقولها لأني صبي لها بوصف بعض المستنيرين من اهل امريكا
دكتورة بيان: قابلتها في بيتها بماليزيا...وأكلت وشربت عندها...ورافقتنا
في الاسواق...هناك...فلم اجد اكرم واطيب وأبشش (من بشوشة) ما بشاشة...
وهي مهذبة وخلوقة...ولا تكاد تسمع صوتها من فرط الادب...ومع ذلك...مصنفة هنا
علي انها مشكلجية...وجبهجية...وهي في الواقع عكس ذلك تماما...وقلت شهادتي
فيها من قبل.
تالتا: جيتي ترانزيت ليش ما دخلتي؟؟؟
رابعا: نحن جايين السودان ما ترانزيت وسنلتقي باذنه تعالي
|
Post: #60
Title: Re: الشخصية المنبرية ..جوة زول .. وبرة زول !! يوجد ( إعتراف)!!
Author: شول اشوانق دينق
Date: 06-22-2009, 11:22 AM
Parent: #59
زول فى شخصيتين (شخصية منبرية وشخصية طبيعية) ... البيعمل كده بينفع ممثل فى هوليوود بالجد!
ما عارف التمثيل لزومو شنو؟ ودوافعو شنو؟
خارج النص:
نادية الوالد كيف؟ إن شاء الله كلو شئ ماشى كويس؟
|
Post: #75
Title: Re: الشخصية المنبرية ..جوة زول .. وبرة زول !! يوجد ( إعتراف)!!
Author: نادية عثمان
Date: 06-23-2009, 01:11 PM
Parent: #60
صديقي الزول السمح الدواخل شول أشوانق
كيفك يازول ياطيب ونقي
Quote: زول فى شخصيتين (شخصية منبرية وشخصية طبيعية) ... البيعمل كده بينفع ممثل فى هوليوود بالجد!
ما عارف التمثيل لزومو شنو؟ ودوافعو شنو؟ |
ممكن يكون دوافعو ( لا كذب ولكني أتجمل) ؟( وش ليلى علوي)
عاين
أروع مافيك ياشول إنك وش وأاحد جوة وبرة وده خلاني لما لاقيتك
كانو بعرفك من مليون وة وإتربينا في رومبيك ولا دنقلا وقمنا مع بعض !
تسلم يازول ياراقي شديد
|
Post: #71
Title: Re: الشخصية المنبرية ..جوة زول .. وبرة زول !! يوجد ( إعتراف)!!
Author: نادية عثمان
Date: 06-23-2009, 01:25 AM
Parent: #59
نزار
سلامات أخوي الغالي
Quote: دكتورة بيان: قابلتها في بيتها بماليزيا...وأكلت وشربت عندها...ورافقتنا
في الاسواق...هناك...فلم اجد اكرم واطيب وأبشش (من بشوشة) ما بشاشة...
وهي مهذبة وخلوقة...ولا تكاد تسمع صوتها من فرط الادب...ومع ذلك...مصنفة هنا
علي انها مشكلجية...وجبهجية...وهي في الواقع عكس ذلك تماما...وقلت شهادتي
فيها من قبل. |
دكتورة بيان يانزار كتير من الناس هنا لو لاقوها وعرفوها
عن قرب والله حايكتشفوا الذ زول في الكون عديل !
أنا لاقيتها في بكى والدها الله يرحمو ورغم كده كانت بشوشة
ورغم الدموع مامكشرة في وش زول وتشيل وتوزع لينا في الشاي واللقيمات
والله زولة جميلة وحبوبة وكوميديانة درجة أولى ربي يحفظها يارب
وزيها كتيرات من اخوات كريمات نعتز بمعرفتهن وأصلاً التقيناهم في حوش بكري ده ذاتو .
عاين
إنت نازل السودان متى وبتقعد قدر شنو ؟
|
Post: #69
Title: Re: الشخصية المنبرية ..جوة زول .. وبرة زول !! يوجد ( إعتراف)!!
Author: نادية عثمان
Date: 06-22-2009, 05:51 PM
Parent: #57
فائز ود القاضي
سلامات ومليون حبابك
| Quote: يعني يانادية التعبير بره وجوه مفروض يكون واحد لانه ببساطة نابع من شخصية واحدة رغم اختلاف المخرجات سواء كان تعبير كتابي او كلامي او حتي تصرف مباشر ... |
كلامك صاح وده ( المفروض) لكن هل هو ده الواقع
فعلاً من خلال معرفتك للبورداب جوة وبرة ؟!
ده السؤال العايزين نعرف إجابتو وطبعا في ناس
وإيمكن أكون أنا منهم على حسب رأي البعض فيني مثلا
جوة زول وبرة زول ومالازم يكون البرة زول سمح والجوة كعب
ولا الجوة كعب والبرة سمح لكن إيمكن
تكون بعض ( التكتيكات ) الكتابية وحدود رسم الشخصية
البحب الزول يظهر بيها قدام زملائه الأعضاء والقراء
يعني إسلوب يرى أنه بناسبو للتعامل مع الفضاء الاسفيري موش ممكن ؟!
|
Post: #68
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-22-2009, 04:45 PM
Parent: #54
ود شيقوق ؟؟
| Quote: يرجع شنو هو بنفات؟ انا غايتو كرهت الضيوف وبطلت الشغل وما بتبع جنازة ميت علا بعد اتصل بالناس في المقابر يقولوا لي نحن خلاص بقينا على كب التراب على الميت . |
لا حولا ولاقوة الا بالله
سمح ده ماياهو الإدمان ذاااااتو
يازول لازم علاج بالابر الصيني قوام ( وش ضاااحك)
قلت لي المستشار متجدع في الشعبية الأيام دي ؟
يعني لما انا سافرت هو مشى ؟
بختو غايتو وربنا يرجهنا بلدنا كلنااا يارب
|
Post: #67
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-22-2009, 04:05 PM
Parent: #52
Quote: يا نادية الزهج ماهو المعكّر كيفي
محتار في الخلوق وانهدّ حيلها كتوفي
والحارقة الفؤاد فوقي ومنتّف سيفي
قلبي علي الحبيب وقليبو هدّم قيفي
|
معذور الحبيب كترت همومه عليهو
حمّال الأسية الليلة عاد وأسيهو
شن طعم المحبة وأنت بتجافيهو
شايلك في قليبو وفي حباب عينيهو !
|
Post: #65
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-22-2009, 01:49 PM
Parent: #51
دودي
سلامات ومرحب بالطلة ياغالية
Quote: المنبر ده صورة حية
لينا ..وكقياس عام حالة ( الإختلاف ) هي أكتر حالة ممكن تعرفي فيها الشخص كويس ـ بحسب تجارب ـ وهنا
وبرة يا نادية نحن البنحدد نفرد مساحات مع منو ونختصر منو ..والقصة دي ما صعبة صدقيني . |
ياداليا
لو إعتمدتي على حالة الإختلاف في المنبر عشان تعرفي بيها الزول كويس
بكون في حلقات ناقصة لأنو الإختلاف ذاتو ممكن يحمل رسائل ومضامين تفسريها بحسب فهمك غنتي موش فهم المختلفة أو المختلف معاك وتكون الرسائل دي فسرت بغير ما يريد لها صاحبها !
يعني مثلاً شعار ( الإختلاف في الراي لا يفسد للود قضية) هل هو مطبق في حالة الإختلاف المنبري هنا ؟
عايني ياحبيبة :
أنا معاك غنو برة المكان ده نقدر نحدد نفرد مساحات مع منو
ونختصر منو لكن هنا صعبة شوية صدقيني إنتي
لأنو ببساطة إنتي لما بتكتبي موضوع للقراية أو للنقاش
في المنبر مابتكوني عارفة ولا متوقعة الممكن يدخل ليك منو
وكيف حايكون طريقة كلامو ومخاطبتو ليك صاح؟
طيب أها مجرد دخول زول مامرغوب فيهو مثلا من طرفك الى بوست
بتاعك معناها فرد لنفسو مساحة غصباً عنك ولا على كيفك باعتبار إنو ده منبر عااااام !
وحتى لو مارديتي عليهو أها ده ماببقى إختصار
وممكن تسميهو تطنيش لكن هل هو حايسيبك تطنشي
الرد على مداخلتو وتردي على الآخرين بدون ماينكد
عليك وهل حايحترم خيار عدم ردك عليهو ده بروح رياضية
ولا حايعتبرها حقارة وتسفيه مثلاً ؟!!
شوفي كده وكلميني بستفيد من رأيك شديد سمح ؟
|
Post: #64
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-22-2009, 12:45 PM
Parent: #48
Quote: يا نادية البسيمة بحقق للسعادة دليله
عارض هو النكد والصرة تبقي قليله
لازم نزرع الفال ودنيانا ديمة نبيلة
وحسن النية بيهوالقاسية هينة ذليلة |
ياعمر الفرح والله مابناباهو
من خبر السواد انا قاعدة أترجّاهو
بالبسمة العريضة الحزن أتحداهو
بس فتر الوشي وصرّ وعبس هو براهو !!
|
Post: #78
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عمر صديق
Date: 06-23-2009, 04:57 PM
Parent: #64
Quote:
ياعمر الفرح والله مابناباهو
من خبر السواد انا قاعدة أترجّاهو
بالبسمة العريضة الحزن أتحداهو
بس فتر الوشي وصرّ وعبس هو براهو !! |
بت عثمان ابوك بالخير دوام انباهو
ومن مصر المؤمنة الصحة تجي جالباهو
تعود البسمة والحزن يمشي لي اشباهو
ورب الناس سميع لي من بر لي آباهو
|
Post: #79
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 05:40 PM
Parent: #78
Quote: بت عثمان ابوك بالخير دوام انباهو
ومن مصر المؤمنة الصحة تجي جالباهو
تعود البسمة والحزن يمشي لي اشباهو
ورب الناس سميع لي من بر لي آباهو |
أبوي إن شاء الله يسلم زول جميل بالحيل
أبوي رمز الشهامة وللرجالة دليل
هداهو المرض صابر وجمل الشيل
يشفيهو الآله بي حق عظمة النيل !
|
Post: #86
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عمر صديق
Date: 06-23-2009, 10:54 PM
Parent: #79
Quote: أبوي إن شاء الله يسلم زول جميل بالحيل
أبوي رمز الشهامة وللرجالة دليل
هداهو المرض صابر وجمل الشيل
يشفيهو الآله بي حق عظمة النيل !
|
دعواتك مجابة بالحمد والتهليل
وراجعين غانمين في كل صبح اوليل
تسلمي يا الابوك للشهامة دليل
وكفارة واجربي عد مياه النيل
|
Post: #61
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-22-2009, 11:23 AM
Parent: #46
العزيز محمد كابيلا
سلامات وعساك طيب أخوي
Quote: وإذا كان سخيف
فى المنبر وغير ذلك خارج المنبر فهذا يعود
إلى الموضوع والموقف فى كل ولا أعتقد أن يكون
إنفصام شخصية ....!!!! |
عاين
أنا طبعا ماقصدي إنفصام شخصية بالشكل المرضي الخطير داك !
مع إنو ده مرض نفسي موجود وقد يكون بعضنا مصاب بيهو وهو ماعارف كمان !
لكن انا قصدي إنفصام ( مؤقت) قد يكون بمارسه
العضو وهو في كامل إرادتو لأنو رسم لنفسو شخصية
منبرية محددة يا أما زول شكال وعنيف يا أما زول
طيب ورقيق وقد لا تكون دي شخصيتو الحقيقية مثلاً ..ده قصدي سمح ؟!
|
Post: #62
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: doma
Date: 06-22-2009, 11:42 AM
Parent: #61
الابنه ندويه تحياتي
يمكن نفس الشعور دا حصل لي كثير لكين قلت لنفسي
دايما بنبحث عن الاخطا لدي الاخرين وننسي نفسنا تماما
مش ممكن يكون الخطا فينا نحن ؟؟
اقصد من يشكون ان الشخصيه تختلف بين السايبر والواقع .
والنبي لو بتعزيه غيري الصوره الصاره فيها دي رغم انها جميله لكين احبك بتضحكي
|
Post: #77
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 03:43 PM
Parent: #62
ماما دومة
يا أحلى ام في المنبر
تحياتي ياغالية
Quote: الابنه ندويه تحياتي
يمكن نفس الشعور دا حصل لي كثير لكين قلت لنفسي
دايما بنبحث عن الاخطا لدي الاخرين وننسي نفسنا تماما
مش ممكن يكون الخطا فينا نحن ؟؟
اقصد من يشكون ان الشخصيه تختلف بين السايبر والواقع . |
عارفة ؟
هو أصلاً مافي شكوى هنا ياحبيبة لكن كلام حول شئ ممكن يكون ( ظاهرة) ولا إسلوب
ولا تكتيك متبع من بعض الناس هنا وده لا هو عيب ولا جريمة ولا خطأ لأنو كل زول حر
يتعامل بالشكل الهو عايزو بس أنا هنا بتكلم على إنطباعي
وانطباعك وإنطباع الآخرين حال المقارنة بين
اللقاء بماما دومة خارج المنبر مثلا وهل هي ذاتها
نفس الشخصية الجوة المنبر ولا بنحس انها مختلفة ولو
مختلفة هل هو إختلاف متعمد وليه مثلا ده ياهو العايزين نناقشوا في البوست ده !
عارفة ؟
مرة زميل محترم في المنبر ده لاقاني وأتيحت لينا الفرصة نتكلم لفترة من الزمن
قام قال لي بكل صراحة وشفافية قد تعتبرها غيري وقاحة عديل لكني اتبسطت من صراحتو
قال لي :
أول ماسجلتي في المنبر وكنتي بتدخلي بوستاتي
كنت بقول دي شنو الثقيلة الفارغة العاجباها روحها دي
وكنت بشوفك زولة رأسها فاضية وبتاعة مجاملات وماعندك التكتح !!
والله قال لي كده عديل !!( وش مكرفس)
قلت ليهو وبعدين ؟
قال لي عايز أعتذر ليك هسي لأنو لقيت روحي ظالمك
وبدأت أقرأ ليك في المنبر لأنو ماكنت بقرأ ليك أساساً
ولما قريتك ولما لاقيتك واتكلمت معاك حسيت قدر شنو أنا كنت ظالمك ومضطهدك ساي !!
أها ولاحظي إنو في الوقت الكانت دي الصورة ( المنبرية)
الشينة الراسمها لي الزميل ده انا كنت راسمة ليهو صورة جميلة جدا من خلال كتابتو في المنبر
لكن كان ده رأيو فيني عاد مابقدرأغالطو لحدي ماشاءت الأقدار وأتقابلنا وجه لوجه
حتى بدأ يقرأني في المنبر وقال إنو لقى صورة
مغايرة تماماً للكان رأسمها لي في من خلال مداخلاتي
بكلمة ونص في بوستاتو والكان بعتبرها مجاملة
وهسي بقينا أعز أصدقاء شفتي كيف ؟ ( وش مرتاح للكلام معاك شديد)
| Quote: والنبي لو بتعزيه غيري الصوره الصاره فيها دي رغم انها جميله لكين احبك بتضحكي |
النبي عزيز وغالي وإنتي غالية وحبيبة لقلبي يمة
حاااااااضر غالية والطلب رخيص ياماما الحنينة شديد
|
Post: #63
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: محمد كابيلا
Date: 06-22-2009, 11:59 AM
Parent: #61
أستاذتنا الرائعة...
تانى سلامات....!!!!!
Quote: لكن انا قصدي إنفصام ( مؤقت) قد يكون بمارسه
العضو وهو في كامل إرادتو لأنو رسم لنفسو شخصية
منبرية محددة يا أما زول شكال وعنيف يا أما زول
طيب ورقيق وقد لا تكون دي شخصيتو الحقيقية مثلاً ..ده قصدي سمح ؟! |
لقد فهمت قصدك إلا أننى أردت أن أقول
أن شخصية العضو يرسمه الموقف والموضوع
المحددين إذا كان ذلك داخل المنبر أو خارجه
يعنى المزاج الذى يعكس طيبة ورقة العضو
أو حدته وعنفه يرتبط بالضرورة بالموقف
والموضوع بغض النظر عن المكان ...!!؟؟
كل الود
محمد كابيلا
|
Post: #66
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: PLAYER
Date: 06-22-2009, 03:06 PM
Parent: #63
نعم قابلت لكن لم يكن هناك مفاجات لانني لم اتخيل شخصيتهم من خلال كتاباتهم...
للاسباب ادناه ارفض رسم شخصية البوردابي/ة من خلال المشاركات:
1/ثلاثة تجارب شخصية:
ا/ظلمت أنسانة فخسرتها للابد لانني حاولت استخلاص حقيقتها من خلال المشاركات فكانت الصورة سلبية فابتعدت عنها....فكنت مخطي لان الواقع غير ذلك.
ب/اتظلمت من أخ عزيز لاصراره علي الحكم علي من خلال المشاركات متجاهلآ ظروفها..فخسرت صديقآ.
ج/كدت ان أظلم أنسانآ برئ بحكم غير عادل وبناء علي موضوعات ونقاشات في مواضيع كل الاحتمالات واردة فيه.
2/بعد المواضيع تتطلب الرد الحاد او الهجومي او الاستفزازي او الناعم...وأخر تتطلب اللاموضوعية فهذا ليس دليل كافي ان هذه هي طبيعة كاتبه/ا
حكمة اليوم
التخيلات كالأحلام بعضها تتحقق وبعضها لا
|
Post: #70
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: إبراهيم عبد الحليم
Date: 06-22-2009, 06:32 PM
Parent: #66
Quote: أعترف وأقر انا الموقعة أدناه
بأن التعارف بيني والآخرين عبر هذا المنبر ( مثالاً) قد أضاف لي الكثير المفيد
وجدت في منبر بكري من إنطبقت عليهم مقولتي ( الصديق وقت الضيق ) بحق ِ وحقيقة !
وكذلك مقولة ( رُبّ أخ لك لم تلده أمك ) وحمدتُ الله كثيراً على هكذا نعمة لربما ماكانت توفرت لي في ( الغربة) لولا وسائل التواصل عبر هذه النوافذ !!
تعلمتٌ من منبر سودانيز أون لاين الصبر وطولة البال على الأذى !
تعلمتُ ومازلتُ أتعلّم أساليب إدارة دفّة الحوار الموضوعي والهادف في غير إنفلات ولا تطرف ! |
الله الله
| Quote: تعلمتُ قيمة التسامح |
شعارى فى الحياة أعيش و أموت عليه و أنا مرتاح البال
بوست جميل أخت نادية وهاك الأغنية دى لأبنك هدية
http://www.4shared.com/file/95617725/2d70c465/atfal.html
إبراهيم عبد الحليم
|
Post: #72
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: nazar hussien
Date: 06-23-2009, 07:34 AM
Parent: #70
Quote: عاين
إنت نازل السودان متى وبتقعد قدر شنو ؟ |
عاين دي لذيذة جدا...(لكن بتنقال بين الناس وجها لوجه يا نادية)
هسي انا اعاين وين؟ في الكيبورد والله الصورة القالت ليك دومة
غيريها....
وهي بتحبك بتضحكي...ما بتحبك عبوس
وفي عزة جبالك ترك ..الشموس
يا ستي انا جايي السودان السنة دي نص شهر سبعة
وحا اقعد شهر ...ونازل مصر السنة القاية ان شاء الله
مش قربت اكون غريبة
|
Post: #73
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: داليا حافظ
Date: 06-23-2009, 08:58 AM
Parent: #72
Quote: وحتى لو مارديتي عليهو أها ده ماببقى إختصار
وممكن تسميهو تطنيش لكن هل هو حايسيبك تطنشي
الرد على مداخلتو وتردي على الآخرين بدون ماينكد
عليك وهل حايحترم خيار عدم ردك عليهو ده بروح رياضية
ولا حايعتبرها حقارة وتسفيه مثلاً ؟!! |
ندو
صبحاتك بيض
العايز يتحاور من وجهة نظري لازم يلتزم بحاجتين الإحترام أولا ـ وما ضروري الود من وجهة نظري
ـ ‘والموضوعية ثانيا ، غير كدة إنت ما ملزمة بطريقة رد محددة ، كل شخص وخياراتو ..وعدم الرد زاتو
رد ، وصديقني أنا إستخدمت الطريقة دي لمن نالني تجريح وقلة إحترام ما كانت مبررة من وجه
نظري ..وفي الحالة دي ببقى قدام الزول واحد من اتنين اما ينزل ويتعامل بطريقة هو رافضة أصلا أو
يترفع وهنا أنا بختار أترفع حتى لو فسر من البعض ، مسالمة ، طيبة ..المهم أنو الشخص ما يفقد
إحترامو لنفسو ..
.................
بعدين أعترف ليك هل بتصدقي أنو انا (عصبية جدا ) ؟، لكن هل انت بتنفعلي في مناسبة عامة لو مافي
ضرورة قصوى ؟ ، أها ناس (المنبر العام) زي الناس البنلاقيهم في (مناسبات عامة ) ، ..موش بنلاقي
فيهم ناس محترميين لمن نقول يا "سلاااام" وننفصم بيهم عدييييل ، وناس جايين بس عشان يتكلمو في
المارقة والداخلة ..ومش انت مرات بطنشي "المعاكسة" ومرات بتعملي فيها ما سامعة كلمة ما عجبتك ،
ومرات بتحدري ومرات بتنهري ، وموش مرات بتلاقي البتتونس معاك ، والدايرة تقطع معاك ، والدايرة
تصاحبك ، والما بتعجبك حركاتا، والنفسك تصاحبيها و..و ..نفس الشي !
|
Post: #87
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 11:12 PM
Parent: #73
دودي
سلامات ياغالية
Quote: العايز يتحاور من وجهة نظري لازم يلتزم بحاجتين الإحترام أولا ـ وما ضروري الود من وجهة نظري
ـ ‘والموضوعية ثانيا |
قلت لي ( لازم يلتزم بالاحترام والموضوعية) ؟!!
خليني اقول ليك زي ماقلت للكاتبة منى أبو زيد في حلقة نخلات من بلادي ( إنتي مثالية شديد) !
ياحبيبة وهو آفة المكان ده شنو غير ( عدم) الإلتزام بما ذكرتيه بالأعلى ؟!
يعني هسي لو كان ( بعض ) الناس هنا بتناقشوا وبختلفوا
وبتفقوا وهم ملتزمين حدود الإحترام المتبادل والموضوعية
باقيلك كان بكون في ( شكلة ولا نبذة ولا جوطة) واحدة في حوش بكري ده ؟!
Quote: بعدين أعترف ليك هل بتصدقي أنو انا (عصبية جدا ) ؟، لكن هل انت بتنفعلي في مناسبة عامة لو مافي
ضرورة قصوى ؟ ، أها ناس (المنبر العام) زي الناس البنلاقيهم في (مناسبات عامة ) ، ..موش بنلاقي
فيهم ناس محترميين لمن نقول يا "سلاااام" وننفصم بيهم عدييييل ، وناس جايين بس عشان يتكلمو في
المارقة والداخلة ..ومش انت مرات بطنشي "المعاكسة" ومرات بتعملي فيها ما سامعة كلمة ما عجبتك ،
ومرات بتحدري ومرات بتنهري ، وموش مرات بتلاقي البتتونس معاك ، والدايرة تقطع معاك ، والدايرة
تصاحبك ، والما بتعجبك حركاتا، والنفسك تصاحبيها و..و ..نفس الشي ! |
جيتيني في حتتي الانا بقول فيها يادلو قولي لي كيف ؟
أنا وكتار من زملائك وزميلاتك في المنبر وكتير من الأعضاء ماشايفين غير داليا حافظ المسالمة
اللطيفة والهادئة رغم الإستفزاز الممكن تتعرض ليهو
أها كونك تتعاملي مع المنبر العام بتعامل خاص يخلي داليا ( العصبية جدا) دي ( هادئة وصبورة)
يبقى معناها المنبر ليهو تأثيروا المباشر على شخصيتك وقدر انو يخليك تضبطي أعصابك جواهو
في الوقت الممكن تكوني فيهو برة وفي بيتكم مثلا على راحتك تماما وتمارسي عصبيتك على كيفك صاح ؟!
عايني :
باقي الكلام بتاع تشبيه المنبر بمناسبة عامة وخلينا نقول مكان عام
بتفق معاك فيهو تماما وفعلا بتلاقي فيهو ( على كل لون يابتيستا) !!
ده مثل مصري أظنك سمعتيهو موش؟
لاقيتك عمتك منال في الخرطوم (في مكان عام زي المنبر ) و( قطعنا ) فيك !( وش ضاحك وبعزك شديد)
|
Post: #84
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 09:37 PM
Parent: #72
نزار
Quote: عاين دي لذيذة جدا...(لكن بتنقال بين الناس وجها لوجه يا نادية)
هسي انا اعاين وين؟ في الكيبورد والله الصورة القالت ليك دومة
غيريها.... |
عاين
أنا قصدي تعاين لحروف كتابتي البتقرأ فيها دي ياااخ ( وش بعيون كبار)
Quote: وهي بتحبك بتضحكي...ما بتحبك عبوس
وفي عزة جبالك ترك ..الشموس |
ماما دومة دي وأحدة من أجمل النساء في المنبر ده
والله تحس بي نقاءها طالع من بين حروفها وسماحة تعليقاتها الجميلة
ربي يحفظها لزوجها ولوليداتها ولينا يارب
عاين تاني :
يبقى غالبا نتلاقى في الخرطوم باذن الله
أما مصر فدي لازم تجيها وانا موجودة ياجدع
ماتبقاش زيارتك حلوة من غيري يانزار يااخويااا بقى ولا أييييه ؟
و
البحرين حر أوي ؟
|
Post: #83
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 07:39 PM
Parent: #70
إبراهيم عبد الحليم
تسلم يارب وفعلا بالتسامح تنوم وضميرك وبالك مرتاااااح
هدية من إيدك مقبولة وبتي بتسلم عليك وبتشكرك على الهدية الجميلة شديد
تسلم ياراقي
|
Post: #82
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 07:11 PM
Parent: #66
بلير العزيز
Quote: للاسباب ادناه ارفض رسم شخصية البوردابي/ة من خلال المشاركات:
1/ثلاثة تجارب شخصية:
ا/ظلمت أنسانة فخسرتها للابد لانني حاولت استخلاص حقيقتها من خلال المشاركات فكانت الصورة سلبية فابتعدت عنها....فكنت مخطي لان الواقع غير ذلك.
ب/اتظلمت من أخ عزيز لاصراره علي الحكم علي من خلال المشاركات متجاهلآ ظروفها..فخسرت صديقآ.
ج/كدت ان أظلم أنسانآ برئ بحكم غير عادل وبناء علي موضوعات ونقاشات في مواضيع كل الاحتمالات واردة فيه.
2/بعد المواضيع تتطلب الرد الحاد او الهجومي او الاستفزازي او الناعم...وأخر تتطلب اللاموضوعية فهذا ليس دليل كافي ان هذه هي طبيعة كاتبه/ا |
وتيب ؟؟
ماده ياهو ذااااااتو الأنا بقول فيهو من خلال البوست ده يابلير
اننا مرات بنرسم صورة للزملاء من خلال مداخلاتهم لان مداخلاتهم وأساليب كتابتهم هي البتحكم ثم في الواقع نلقاهم شكل غير المنبر !
بلير
قريت قصتي مع البوردابي فوق الظلمني من مداخلاتي في بوستاتو ثم رجع إعتذر عن ظلمو لي
قصة مشابهة لقصصك دي يابلير يبقى فعلا في
صورة مختلفة الى حد ما عن الزول في المنبر
وبراهو وماكل الناس طبعا لانو في ناس جوة
زي برة وبرة زي جوة وببقى في النهاية كل زول بحدد مسار حاجاتو طبعا !
تسلم وخليك قريب
|
Post: #81
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-23-2009, 06:13 PM
Parent: #63
المحترم محمد كابيلا
مليون حبابك
Quote: يعنى المزاج الذى يعكس طيبة ورقة العضو
أو حدته وعنفه يرتبط بالضرورة بالموقف
والموضوع بغض النظر عن المكان ...!!؟؟ |
مامتفقة معاك في الحتة دي شديد قول لي كيف ؟
يعني مثلاً في بعض الناس رجال ولا نساء معانا هنا في المنبر ده
لو حصلت ليهم مشكلة في الشارع ممكن يزعلوا وينفعلوا ويطلع منهم الفاظ
هنا في المنبر مهما اتشاكلوا مابطلعوها على الاقل لانو شكلة الحلة ولا الزقاق بتاع الحي
بيكونوا حضروها عشرين لكن هنا عشرة الف زول حايقروها
والمايشتري يتفرج فالبعض هنا بخاف على صورته قدام
العشرة الف قارئ غير الستة الف عضوية ولا إنت رأيك شنو ؟
|
Post: #74
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: معتصم مكاوي
Date: 06-23-2009, 11:16 AM
Parent: #1
بالجد يا نادية
في حاجات تدي ربك العجب
دفيس وهردبيس وتقل دم
وفجاجه وركاكه وو.....
.....................
.....................
.....................
والنقاط دي باقي الحاجات
الما قدرت أقولها ..
وما قادر لساني يلوكها
ولا حلقي يبلعها ..
|
Post: #76
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: د.نجاة محمود
Date: 06-23-2009, 01:52 PM
Parent: #74
لقيتيني كيف؟
|
Post: #80
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: الطيب شيقوق
Date: 06-23-2009, 05:43 PM
Parent: #76
نجاة حاسبي ملاحظ مافي مراعاة لحقوق الملكية الفكرية
ابعدي من اتنين ( لقيتيني كيف؟)
(وهييييييييع كع)
|
Post: #85
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Sabri Elshareef
Date: 06-23-2009, 10:14 PM
Parent: #80
Quote:
ومن يومها وأنا أحمد الله في صلواتي الخمس أن أتحيت لي الفرصة للتعرف عليها/ه
والبعض !!
|
تحية طيبة الاستاذه \ نادية عثمان
هل الحمد لله مقصوره فقط علي الصلاة ؟؟
ام ان لسان العبد دائما في ذكر وحمد ل الله؟؟
تعرفي ان الميزة الاساسية لهذا المنبر هو اننا وجدنا نافذة لفضح العقل السلفي
من وهابية وجماعة اسلام سياسي او حبرتجية الدين الكلمنجية يا عملات احمد فؤاد نجم
واننا نفضح من يتسربل بعباية الدين عبر السنين
وتوحدت فيه ارادة جماهير شعبنا نصرة لاهل الهامش في الجنوب والشرق والغرب واقصي الشمال
من محاسن البورد انه عرفنا باناس عبر الحرف ينحازون نساء ورجال صوب الحق والحقيقة
ويبحثون حول انتشال جثة الوطن الغريق بفساد اهل الهوس الديني لبر الامان
عرفني بفنانين وفنانات
منهم ود خالك الموصلي
وعرفنا بكتاب وكاتبات يغطون عين الشمس علي قفا من يشيل
منهن
تماضر شيخ الدين
عرفنا بروائيين شباب نساء ورجال
منهم
محسن خالد والشاعره صفاء فقيري
وغالبا المعرفة معرفة حرف
اتجول في احرف فضيلي جماع وبشري الفاضل واضحك في حكاية البنت التي طارت عصافيرها
عرفنا بمفكرين
الخاتم عدلان ابراهيم الكرسني
وووووووووووووووووووووو
كتااااااار
الله يحفظ المنبر من شفوت الدين
الحايمين الان بحثا للحرية التي صادروها في الوطن وجعل من يطالب بها في السجون
لك التحية والاجلال
بوست ممتاز
|
Post: #88
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ناهد بشير الطيب
Date: 06-23-2009, 11:21 PM
Parent: #85
نادية سلامات
ياخى انتى جوه المنبر وبره واااااحد
وده شىء جميل
تسلمى لى
_____________
الوالد كيف طمنينا ....
|
Post: #102
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 04:15 PM
Parent: #88
سلامات ناهد الحبيبة
Quote: ياخى انتى جوه المنبر وبره واااااحد
وده شىء جميل
تسلمى لى |
تسلمي من كل شر ياغالية
ولقائي بيك كان عبر جريدة الخرطوم الغراء قبل سنين ودنين
ومن الزمن داك تفرقنا الحياة وتجمعنا لحدي مالمانا حوش بكري
وفرحت بيك أخت وصديقة في زمان القحط الإنساني !!
عايني :
إنتي موش قلتي جاية القاهرة ولا خليتي الموضوع ده وريني ضروري شديد سمح؟
ابوي بخير بس ماتقطعي منو الدعوات الطيبات ياحبيبة وتسلمي لي يارب
|
Post: #96
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 09:07 AM
Parent: #85
الأستاذ صبري الشريف
تحية طيبة
Quote: هل الحمد لله مقصوره فقط علي الصلاة ؟؟
ام ان لسان العبد دائما في ذكر وحمد ل الله؟؟ |
طبعا الحمد مامقصور على الصلاة فقط لكن في الصلاة بكون العبد بين يدي المولى
ياأستاذ صبري أنت بتسأل على أي شئ يخطر ببالك بدون تفكير مرات فخليني برضو أسألك
سؤال خطر ببالي هسي .. إنت بتصلي ؟!
Quote: تعرفي ان الميزة الاساسية لهذا المنبر هو اننا وجدنا نافذة لفضح العقل السلفي
من وهابية وجماعة اسلام سياسي او حبرتجية الدين الكلمنجية يا عملات احمد فؤاد نجم
واننا نفضح من يتسربل بعباية الدين عبر السنين
وتوحدت فيه ارادة جماهير شعبنا نصرة لاهل الهامش في الجنوب والشرق والغرب واقصي الشمال |
والله أنا بعتقد إنو المنبر ده ماحق فئة معينة ولو في زول معتنق الفكر السلفي ولا الوهابي فده خياره وهو حر زي ماانت حر في إختيارك للعلمانية أو الماسونية أو أي فكر آخر ولا شنو ؟
بعدين شنو حكاية يتسربل بعباية الدين دي ؟
ياتو دين تقصد لأنو الأديان كتيرة ؟
وهل عيب إنو زول يتسربل بعباية دينو في إعتقادك ؟
ثم من هل من حقنا أن نصف المختلف معنا فكرياً
ولا دينياً ولا أيدلوجياً بأوصاف زي ( الحبرتجي والكلمنجي)البتقولها دي .. !
وموش كل زول حر في إختياروا وموش هي دي الديمقراطية البننشدها
ولا هي الديمقراطية دي غيروها ؟!
Quote: عرفني بفنانين وفنانات
منهم ود خالك الموصلي
وعرفنا بكتاب وكاتبات يغطون عين الشمس علي قفا من يشيل
منهن
تماضر شيخ الدين
عرفنا بروائيين شباب نساء ورجال
منهم
محسن خالد والشاعره صفاء فقيري
وغالبا المعرفة معرفة حرف
اتجول في احرف فضيلي جماع وبشري الفاضل واضحك في حكاية البنت التي طارت عصافيرها
عرفنا بمفكرين
الخاتم عدلان ابراهيم الكرسني
وووووووووووووووووووووو
كتااااااار |
لهم جميعهم التحية والتقدير ونرجو أن لا يحرمونا شهد كتاباتهم العميقة والمبدعة
Quote: الله يحفظ المنبر من شفوت الدين
الحايمين الان بحثا للحرية التي صادروها في الوطن وجعل من يطالب بها في السجون |
مافي شئ بيحفظ المنبر غير الطرح الموضوعي وإحترام الرأي والرأي الآخر في دونما
تجريح وتجريم للآخر المختلف معنا ونبذه وتسفيه معتقدو ورأيو وإنتماءه!
Quote: لك التحية والاجلال
بوست ممتاز
|
ولك من التحايا والإجلال بحجم مامنحتني وأكثر
وشكراً على الإطراء ووصف البوست بـ ( الممتاز ) ،،
|
Post: #105
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Habib_bldo
Date: 06-24-2009, 10:59 PM
Parent: #85
نادية سلام وتحية من جديد
وكل البورداب والبوردابيات في رياض الخير بخير
وياريت لو أمتدت أيام تواجدك في الرياض كا قمنا بواجب الضيافة على المستوى الذي يليق بالمتألقة الإنسانة الرقيقة نادية عثمان.
نعود لموضوع البوست.
أنا مع رأي الأستاذ عمر الصديق.
في بدايات سودانيز اونلاين أو قبل انطلاق سودانييز أونلاين كنا نلتقي في (شات)(Sudannet.net) وكنا نصادف بعض المنفلتين من خلف الكي بورد طبعا يكتبون أحيانا كلام غير لائق. وأستمر الوضع حتى في منبر سودانيز اونلاين.
من تحليلي لهذا السلوك ولمعرفتي الشخصية ببعض المنفلتين منبريا لاحظت أن شخصياتهم تختلف تماما في الواقع عن شخصية البورد.
ربما كانت ملاحظاتي وتحليلي ورصدي لمثل هذه السلوكيات أكبر دافع لي للسعي لجمع البورداب وإعطائهم فرصة للتعارف خارج إطار المنبر وفعلا بعد تكوين جسم بورداب سودانيز اونلاين بالرياض كأول بورداب يستنون هذه السنة الحسنة أختلف الوضع تماما في سلوكهم وكتاباتهم في المنبر والذي كان يعادي الجميع ويكتب ما يشاء بدون حسيب أو رقيب أصبح يعمل ألف حساب قبل أن يكتب اي عبارة لأنه أصبح معروفا لدى فئة من البورداب وربما يجد اللوم والعتاب لو تهجم على زملائه دون مبرر أو ربما فقد إحترامه أمامهم.
حتى لو حدث أختلاف في وجهات النظر أدى لقطيعة أو خصومة يجد من يسعى للإصلاح بينهم.
ملخص هذا الكلام
بعض الناس لديهم ضعف في الشخصية ولا يستطيع الإفصاح بما في دواخله أمام الناس ولكن حينما يختلي أمام شاشة الكمبيوتر يظهر سلوكياته الشاذة لأنه يشعر بالإمان وأن أحدا لم يصل أليه.
|
Post: #149
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-10-2009, 07:51 PM
Parent: #105
| Quote: بعض الناس لديهم ضعف في الشخصية ولا يستطيع الإفصاح بما في دواخله أمام الناس ولكن حينما يختلي أمام شاشة الكمبيوتر يظهر سلوكياته الشاذة لأنه يشعر بالإمان وأن أحدا لم يصل أليه. |
الزمن ده غير وبقت الأمور تصل المحاكم عديل وصاحب الحق بياخد حقو والحمد لله ياحبيب بلدو !
|
Post: #91
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 00:43 AM
Parent: #76
د. بيان ؟
إنتي نورتي بوستينا المتواضع ؟
يامرحبا يامرحبا نورك غطى على الكهرباء !
لو رجعتي للمداخلات فوق بتلقي كلامي وكلام نزار أخوي حول أنو
لقيناك زي العسل برة المنبر وزي العسل جوة المنبر
وربي يحفظك لزوجك ووليداتك والبحبوك يارب
عايني :
قبل كم يوم إكتشفت إكتشاف سمح عديل وهو انو
ماليزيا بدخلوها من السودان من غير تأشيرة
عاد أها تحضري نفسك لضيافتي يوم من الأيام
وتعملي لي أكتر من العملتيهو لنزار وعارفاك
مابتقصري .. عندكم شاي بلبن مقنن ولقيمات في ماليزيا ؟( وش شرفان)
|
Post: #89
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 00:00 AM
Parent: #74
د. معتصم مكاوي
حبابك ومليون مرحب
Quote: بالجد يا نادية
في حاجات تدي ربك العجب
دفيس وهردبيس وتقل دم
وفجاجه وركاكه وو.....
.....................
.....................
.....................
والنقاط دي باقي الحاجات
الما قدرت أقولها ..
وما قادر لساني يلوكها
ولا حلقي يبلعها |
يا الهي !
شكلك ( فشفاشك) مهري عديل من الحاصل في المنبر !
عاين :
دي حاجات بتحصل من آن لآخر انت بس ماعليك إلا تدعو للناس أنو ربنا يهدئ النفوس
ويخزي عين الشيطان !
ولو زهجت شديد تغيب أسبوع ترجع تلاقى كل حاجة في محلها عااادي وكأن أي شئ لم يكن !
أسأل ( مجرّب) ياطبيب سمح ؟ ( وش باسم)
|
Post: #90
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: baha eassa
Date: 06-24-2009, 00:15 AM
Parent: #89
يانادية .. ..
رايك شنو في تكشيرات البعض في المنبر وبرة المنبر .. انتي مثالا؟؟؟؟
|
Post: #92
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: حبيب نورة
Date: 06-24-2009, 01:28 AM
Parent: #90
يا أفكارك يا كرافت
البوست يا نادية كل يوم أجي أقول أديك كم نموزج
تشغلني المشاغل
وقصتي بايظة جداً
لكن تكوني طالباني
|
Post: #93
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: nazar hussien
Date: 06-24-2009, 06:56 AM
Parent: #92
Quote: تحية طيبة الاستاذه \ نادية عثمان
هل الحمد لله مقصوره فقط علي الصلاة ؟؟
ام ان لسان العبد دائما في ذكر وحمد ل الله؟؟
|
أها عايني مساخة الرد دا؟ (معليش يا صبري الشريف)
انا شايفو مسيخ...يمكن نادية تشوفو غير كدة..علي كيفها
اما ماليزيا : كان مشيتي لوميني كان جيتي راجعة...
بي لقيمات بدون لقيمات....ناس بيان ديل ساكنين
في جنة الله في الأرض...(يارا لا زالت تهددنا بماشة ماليزيا
وتاني ما جاياكم راجعة؟ شفتي كيف؟) مع انها كانت وقتها صغيرة جدا
|
Post: #94
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: د.نجاة محمود
Date: 06-24-2009, 07:25 AM
Parent: #93
Quote: نجاة حاسبي ملاحظ مافي مراعاة لحقوق الملكية الفكرية
ابعدي من اتنين ( لقيتيني كيف؟) |
ود شيقوق بطل سلبطة
انا اول زول استخدم لقتني كيف دي في البرود
مع مناضل المينبوس صاحبك
يلة تدفع لي طوالي حق الاستخدام..
جيب بوستك وجبيب بوستي ونشوف ملك منو؟
وهيع دي مسجلة لشنتير من سنة 2002
عاد دا ممكن تتفسح فوقها لانه سيدها مفقود مفقود
الله يطراهو بالخير
طلعت عريبي بتاع سلبطة ساكت
|
Post: #95
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: الطيب شيقوق
Date: 06-24-2009, 08:19 AM
Parent: #94
بيان
Quote: ود شيقوق بطل سلبطة
انا اول زول استخدم لقتني كيف دي في البرود
مع مناضل المينبوس صاحبك
يلة تدفع لي طوالي حق الاستخدام.. |
اها الليلة وقعتك سودة من هنا وماشي اعمل بوست جديييييد بعنوان ( القبض على دكتورة نجاة لانتهاكها حقوق الملكية الفكرية)
ايش رايك؟؟
| Quote: وهيع دي مسجلة لشنتير من سنة 2002 |
يعني عايزة تمشيني على عجل الحديد ؟ انا هيييييع اعلنت عنها قبل شانتير ولم يقدم اى اعتراض بلم تم تحديثها ب ( هيييييع كع)
في خبير بتحتحت قالوا متكاملانا في مسقط صاح؟
|
Post: #103
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 04:32 PM
Parent: #93
نزار
سلامات كده
عاين
Quote: أها عايني مساخة الرد دا؟ (معليش يا صبري الشريف)
انا شايفو مسيخ...يمكن نادية تشوفو غير كدة..علي كيفها |
إنت موش قريت فوق في إعترافي إنو في بعض المداخلات تعلمك الثقالة في الرد عليها ؟!
وتيب ؟!!
Quote: اما ماليزيا : كان مشيتي لوميني كان جيتي راجعة...
بي لقيمات بدون لقيمات....ناس بيان ديل ساكنين
في جنة الله في الأرض...(يارا لا زالت تهددنا بماشة ماليزيا
وتاني ما جاياكم راجعة؟ شفتي كيف؟) مع انها كانت وقتها صغيرة جدا |
بختهم والله ناس بيان بجنة الله على الأرض دي
ويارا لازم توديها تاني عليك الله سمح؟
بالنسبة لي لابد من ماليزيا وأن طال السفر بس ربك يبعد العوارض ويهون القواسي يارب!
لكن في مشكلة لأني مابعرف اتكلم ( ماليزي) ياخ ! ( وش عادل إمام عديل كده )
|
Post: #152
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: سارة كرودى
Date: 07-15-2009, 01:15 PM
Parent: #103
الجبيبة نادية .. ..
فى كل يوم بتاكد انو حقيقة ممكن تعيش برة زول وجوة زول من خلال معايشتى لى ناس كتار .. .. ..
تفتكرى انو الواحد فينا بكذب ليه بعيش بى قناع للناس البرا .. ..
عارفة يا نادية .. ..
مرات بقعد بفكر وبسرح فى تكوين النفس البشرية غريب
فى النوع الصادق حتى مع الجماد الحولينه وفى النوع البغش حته نفسه وفى النوع التايه وبفتكر انو وصل وفى النوع البحاول يخلق حاجات
من خيالو وفى النوع الانانى المابعرف يعيش لى غير نفسه وفى وفى .. ..
تفتكرى انو مقياس النجاح بالنسبة للانسان الجوة زول وبرة زول ممكن يكون شنو .. ..
نادية بوستيك مريح زيك .. .. ..
كونى كما تتمنى وعيشى كما نريد ( رائعة دومأ)
|
Post: #100
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 03:18 PM
Parent: #92
حبيب نورة
منقدك هبابة جمرو نوعها أصلي !
عاين
في تمام ساعة الإشراق خش ناصية الروح بتلقى الوهج مستنيك
ماتقالدو شديد لأنو قال عندو ديسك في ضهرو ومزاجو مارايق سمح ؟!
تلفون خالتك مقطوع شاحن ورصيد الرجاء معاودة الإتصال بعد ساعة ينفع ؟!
وتعال أدلو بي دلوك هنا .. الدلو المنك بيكون مليان موية حنين وحبة رهاب !
|
Post: #106
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 11:27 PM
Parent: #100
حبيب بلدو العزيز
سلامات يازول يانيل
Quote: نادية سلام وتحية من جديد
وكل البورداب والبوردابيات في رياض الخير بخير
وياريت لو أمتدت أيام تواجدك في الرياض كا قمنا بواجب الضيافة على المستوى الذي يليق بالمتألقة الإنسانة الرقيقة نادية عثمان.
نعود لموضوع البوست.
أنا مع رأي الأستاذ عمر الصديق.
في بدايات سودانيز اونلاين أو قبل انطلاق سودانييز أونلاين كنا نلتقي في (شات)(Sudannet.net) وكنا نصادف بعض المنفلتين من خلف الكي بورد طبعا يكتبون أحيانا كلام غير لائق. وأستمر الوضع حتى في منبر سودانيز اونلاين.
من تحليلي لهذا السلوك ولمعرفتي الشخصية ببعض المنفلتين منبريا لاحظت أن شخصياتهم تختلف تماما في الواقع عن شخصية البورد.
ربما كانت ملاحظاتي وتحليلي ورصدي لمثل هذه السلوكيات أكبر دافع لي للسعي لجمع البورداب وإعطائهم فرصة للتعارف خارج إطار المنبر وفعلا بعد تكوين جسم بورداب سودانيز اونلاين بالرياض كأول بورداب يستنون هذه السنة الحسنة أختلف الوضع تماما في سلوكهم وكتاباتهم في المنبر والذي كان يعادي الجميع ويكتب ما يشاء بدون حسيب أو رقيب أصبح يعمل ألف حساب قبل أن يكتب اي عبارة لأنه أصبح معروفا لدى فئة من البورداب وربما يجد اللوم والعتاب لو تهجم على زملائه دون مبرر أو ربما فقد إحترامه أمامهم.
حتى لو حدث أختلاف في وجهات النظر أدى لقطيعة أو خصومة يجد من يسعى للإصلاح بينهم.
ملخص هذا الكلام
بعض الناس لديهم ضعف في الشخصية ولا يستطيع الإفصاح بما في دواخله أمام الناس ولكن حينما يختلي أمام شاشة الكمبيوتر يظهر سلوكياته الشاذة لأنه يشعر بالإمان وأن أحدا لم يصل أليه. |
يلا دي مداخلة مهمة شديد بتعضد فكرة البوست كلو وبتفق معاك فيها جداً
وفعلاً مسألة المعرفة وتقليل التخفي ومعرفة البورداب لبعضهم البعض بالتأكيد بتكسر حاجز الغربة والعداء والحدة والمبالغة في ردة الفعل نتيجة مجرد الإختلاف في الراي أو التوجه !
وبتخلي الناس تتفق وتختلف في محبة وأحترام وده المطلوب !
تسلم ياحبيبو وخليك قريب سمح ؟
|
Post: #97
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 01:07 PM
Parent: #90
بهاء عيسى سلامات
أنا صرة وشي جوة وبرة وأحد
بس هنا ماكان في زول بشوف صرة وشي لكن في الشهور الأخيرة
إنت عارف الحاصل لي ماشوية فلقيت الوش الباسم صر وقطّب جبينو براهو !
لكن ونزولاً لرغبة الغالية ماما دومة حانغير الصورة باذن الله ونبتسم تاني سمح؟
|
Post: #98
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: سارة كرودى
Date: 06-24-2009, 01:45 PM
Parent: #97
الاخت نادية مساء النور .. ..
بوست جميل وموفق .. ..
حكاية بره زول وجوة زول الواحد بكون عارف شخصيتو الداسيها دى فيها من العيوب مايكفى .. ومن التناقض ما يحير بلاحظ الحاجة دى بكتره
لمن يكون فى بوست فيهو شكل ومهاترات بلقه ناس مشهورين بى ضيق الاخلاق وضيق الصدر بعملوا فيهاهم حمامات السلام ..
على ما اظن الواحد فيهم بمارس الشخصية الكان بتمنه يخت نفسو فيها وماقدر والله واعلم .. ..
ودى الاكيد.. ..
|
Post: #99
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عبد الناصر الخطيب
Date: 06-24-2009, 02:00 PM
Parent: #98
أستاذة / نادية
تحية وتقدير
-------------------------------------------
بالتأكيد أى زول في شغلوا / في بيتو / قدم مجتمعوا
ما حيكون نفس الشخص لانوا لازم يكون مستوعب لكل نوع من التعامل وشكلوا وحدودوا
وعلى كده بعمل المحددات الخاصة بي لكل وضع وحالة
المنبر تصنيفوا وضع عام / أقرب للإجتماعي وبالتالى حتاخد كل سمات تعاملك الاجتماعي وتحاول
تطبقوا من خلال تعاملك بالمنبر يعني حتجي بالشخصية الما ليها أى أرتباطات بحالتك المزاجية مافي زول لى داعي أن كنت مبسوط ولا زعلان ساخط ولا رأضي في كل الاوقات لازم تتعامل هنا بأحسن ما عندك و تحاول تدي الانطباع الايجابي عنك كأنسان
وطبعا من غير ما تخت في بالك أنك عوز ترضي الجميع لكين في كل الاحوال حتتعامل التعامل الحيخلي الاحترام بينك وبين الجميع متوفر حتى في خلافاتك معاهم
-----------------------------
عني شخصية التعليق الوحيد الاتلقيتوا في الحته دي أني ما بكل التهذيب الموجود بيهو في المنبر
وكان المقام عملي بحت وما كان بيني وبينوا أى معرفة شخصية غير إننا بنكتب في منبر وأحد
وكل وأحد مننا قبل يلاقي التاني كان خاتي في بالوا شخصية التاني من خلال المنبر
فاكيد الصورة حتختلف
تقديري
|
Post: #101
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: baha eassa
Date: 06-24-2009, 04:11 PM
Parent: #99
يا حبيب نورة كمل الرواية بلا طالباني ولا شيشاني
|
Post: #109
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-25-2009, 01:11 PM
Parent: #101
بهاء ؟
| Quote: يا حبيب نورة كمل الرواية بلا طالباني ولا شيشاني |
مالك هارش ود الناس قدرك ولا عُرض صدرك ؟
خليهو على كيفو ياخ هو طالباني وأنا طالباهو إنت مالك ؟
عالم حاسدة ياخ ( وش مكرفس) !
|
Post: #108
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-25-2009, 11:00 AM
Parent: #99
المحترم عبد الناصر الخطيب
تحية وتقدير
Quote: المنبر تصنيفوا وضع عام / أقرب للإجتماعي وبالتالى حتاخد كل سمات تعاملك الاجتماعي وتحاول
تطبقوا من خلال تعاملك بالمنبر يعني حتجي بالشخصية الما ليها أى أرتباطات بحالتك المزاجية مافي زول لى داعي أن كنت مبسوط ولا زعلان ساخط ولا رأضي في كل الاوقات لازم تتعامل هنا بأحسن ما عندك و تحاول تدي الانطباع الايجابي عنك كأنسان
وطبعا من غير ما تخت في بالك أنك عوز ترضي الجميع لكين في كل الاحوال حتتعامل التعامل الحيخلي الاحترام بينك وبين الجميع متوفر حتى في خلافاتك معاهم |
صدقت ذكرتني بروحي وأنا في حالة تصوير لقناة هارموني بالحتة بتاعة مافي
زول ليهو داعي بحالتك المزاجية مبسوط ولا زعلان دي !
اليوم داك أنا عيانة وتعبانة ومحبطة شديد وكان عندي تصوير ولازم أبتسم
في وش المشاهد الداخلة بيتو لانو ماليهو ذنب في مرضي وحالتي المعكرة دي !!
لكن برضو يا أستاذ عبد الناصر هنا الوضع بختلف لأنو في ناس بيكونوا زهجانين من ئ
خارج المنبر ده وتلاقيهو جاي داخل شمال وفي أول بوست يفش غبينتو وزهجو ويتشاكل
مع زميل ولا زميلة في أقل كلمة وبيظهر نرفزة الزول وإنو جاي مسخن لأنو بتكون
الحاجة بسيطة ومابتستاهل ليها شكلة !
وده البجيب حرقة الدم ..غايتو ربي يهدئ نفوسنا جميعا يارب !
|
Post: #104
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-24-2009, 07:18 PM
Parent: #98
الكريمة الأخت سارة كرودي
مساء الخيرات والنور عليك
| Quote: بوست جميل وموفق .. .. |
تسلمي وشكراً جميلاً على وصفك للبوست
Quote: حكاية بره زول وجوة زول الواحد بكون عارف شخصيتو الداسيها دى فيها من العيوب مايكفى .. ومن التناقض ما يحير بلاحظ الحاجة دى بكتره
لمن يكون فى بوست فيهو شكل ومهاترات بلقه ناس مشهورين بى ضيق الاخلاق وضيق الصدر بعملوا فيهاهم حمامات السلام .. |
ملاحظة في محلها تماماً والله !
مرة ياسارة في زول متابع للمنبر من الخارج ولا مشترك معانا هنا
قال لي نفس ملاحظتك دي تصدقي ؟!
غايتو هو المنبر بيعلم الكويس ومن ذلك ضبط الأعصاب وقيمة الإعتذار عند الخطأ!
وبرضو بيعلم الشين ومنها إنفلات الأعصاب والتطرف الشديد وكسب عداوات بدون داعي !
تسلمي ياراقية وخليك قريبة سمح ؟
|
Post: #107
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: د.نجاة محمود
Date: 06-25-2009, 02:12 AM
Parent: #104
سلامات يا نادية
من الحاجات البتحصل هنا انو الناس الهنا بسيطرو على تلوين صورة الاخر وشيطنته
قبل فترة اتصل بي صاحبا لي لي سنين طويلة منو.. بعد قالي هو منو
قاعد يضحك بصورة هيسترية
قال زول قاليه بيان دي نجاة محمود ما صدق كلو كلو اسع ضرب يتأكد
قال ما خلا زول بعرفنا ما سالو من تلفوني عشان بس يعرف الحقيقة
انه بيان تساوي نجاة
المهم بعد كثير من القرقرات في موضوع كوزة وجبهجية وامن كمان
قلت ليه تابع الموضوع بيبدأ كيف وينتهي كيف مع اي مناضل كيبورد
بالفعل بقى يتصل دائما في كل دوقشمان ولا قلة ادب
وقالي المحل دا امرقي منو
بعداك بقينا في نقاشات دائمة حول الشخصيات الشريرة هنا
وقديتو ليك بقصة العقلية الذكورية دي حتى قال الروب
قال تاني اجيب سيرة عقلية ذكورية بقطع الخط..
قال ديل ما شخصيات ذكورية ولا حاجتين ووصفهم بوصف لا يمكن كتابته هنا...
يلا بقى يتابع اي حوار لما خلاص يزروا الجماعة وحججهم تنتهي
بيتصل يقولي خلاص بعد شوية يجيك عكاز
الغريبة الى الان ماحصل قالي في موضوع اطلعي منو والا تحول
الى معركة حامية الوطيس فيها تلميحات وسخة
ومن اليوم داك بقى وداعيتي .. يا بيان البوست دا خارجي روحك كلامك كلو قلتيه
حيكون لف ودوران لا طائل منه رسالتك وصلت..
من الحاجات النصحني بيها مااخش مع اي بت سمحة في مخاشنة لانه ناس البورد ديل بكاين
قرقرقرقرر
المهم خلاصة الكلام انه هنا الناس هم برسمو شصيتك ما انت..
وشكرا لنزار وشكرا لنادية لظنهم الحسن في شخصنا
وان شاء الله يانزار يارا تجي تدرس هنا
اوعى تقول عييييك
بناتي قربن يتخرجن وقبل كم شهر كدا عمرهم كان 4 سنة
السنين تجري هوا
ويا نادية تعالي لينا هنا اعملي برامج البلد دي التقولي الشمالية مليانة نخل..
فيها شتلات يانعات
محبتي للجميع
|
Post: #110
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادر الفضلى
Date: 06-26-2009, 03:03 AM
Parent: #107
الأستاذة نادية
تحيات طيبات
أتابع هذا البوست المتميز فى موضوعه وفى نهجك فى طرحه وإدارة الحوار فيه.
ويبدو أن طبيعة مهنتك وحاستك الصحفية كان لها دوراً فى ملاحظاتك عن تباين
الإنطباع عن بعض الشخصيات من خلال كتاباتها وتفاعلاتها فى المنبر، وبين واقعها.
وأعتقد أنه بحث هام تقومين فيه بإستطلاع وإستقراء الآراء لسبر أغوار
ما سميتيه بالشخصية المنبرية، والذى سيقود لمعرفة أكثر بالشخصية أو الشخصيات
السودانية التى فى رأيى تركيبة معقدة رغم ظاهرها البسيط ..
كما أرى أن الموضوع بطريقة غير مباشرة سيدفع الأعضاء سواء قارئيين أو مشاركين
بالبوست مراجعة وتقييم أنفسهم وكيفية تعاملهم وسلوكياتهم بالمنبر ..
والتعريف أو التذكير بضرورة الإلتزام بأعراف حميدة للتعامل والإحترام ..
وإن لم تسطر قوانيناً ملزمة بالمنبر .. وأن نهاية الدنيا ليست فى إنتصار فى نقاش
سواء بحق أو باطل .. وإن كان على حساب الإساءة أو التجريح .. أو الإحراج .. أو قتل الشخصية ..
تقدمين يأسلوب ذكى نفسك نموذجاً .. وتقدمين إعترافاتاً .. وإن كنت أعتبرك من
الذين طبعاً لا تطبعاً يلتزمون بآداب التعامل والنقاش وأحترام الغير والرأى والرأى اٍلآخر.
الموضوع كبير و شيق .. وكما أسلفت فهو بحث قيم لك حق السبق فيه!
سأعود إن أتيج لى الوقت للإدلاء بدلوى عن الشخصية المنبرسودانية!
|
Post: #111
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عبد الناصر الخطيب
Date: 06-26-2009, 04:04 AM
Parent: #110
أستاذة / نادية
-------------------------------------------------
Quote: لكن برضو يا أستاذ عبد الناصر هنا الوضع بختلف لأنو في ناس بيكونوا زهجانين من ئ
خارج المنبر ده وتلاقيهو جاي داخل شمال وفي أول بوست يفش غبينتو وزهجو ويتشاكل
مع زميل ولا زميلة في أقل كلمة وبيظهر نرفزة الزول وإنو جاي مسخن لأنو بتكون
الحاجة بسيطة ومابتستاهل ليها شكلة !
وده البجيب حرقة الدم ..غايتو ربي يهدئ نفوسنا جميعا يارب !
|
ملاحظة جديرة بالاهتمام
لكن ( عدم معرفة ) البعض بالتعامل مع المقام العام
يظهر في كثير من الاحيان لكن في النهاية لا يصح إلا الصحيح
علي أى حال الغالبية العظمي هنا من أصحاب الادراك والنضج
الذي يجعلهم قادرين على تفهم حدودهم بكل شي
فش الغبينة ليس هنا مكانه إطلاقا
ولك التحية
**
|
Post: #115
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-26-2009, 04:08 PM
Parent: #111
الاستاذ عبد الناصر الخطيب
سلامات ومرحب بيك دائماً
| Quote: فش الغبينة ليس هنا مكانه إطلاقا |
والله جنس فششان هو .. الله قادر !!
كلامك سليم تماماً ( فش الغبينة) ليس هنا مكانه إطلاقاً ولكن !!
تسلم ومرورك مفرح دوماً فلا تحرمنا منه سمح ؟
|
Post: #113
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-26-2009, 02:55 PM
Parent: #110
الأستاذ الكريم نادر الفضلي
تحيات باسقات تليق بجلال تهذيبك وقدرك العالي
Quote: كما أرى أن الموضوع بطريقة غير مباشرة سيدفع الأعضاء سواء قارئيين أو مشاركين
بالبوست مراجعة وتقييم أنفسهم وكيفية تعاملهم وسلوكياتهم بالمنبر .. |
أنا عن نفسي بعتبره نقد ذاتي وتصليح وتقويم لنفسي وإعتراف بما كان للمنبر فضل إضافته لشخصيتي وأيضاً ماكان خصماً على روحي من خلال تواجدي فيه وبين أعضائه الكرام وعضواته الكريمات ..
Quote: والتعريف أو التذكير بضرورة الإلتزام بأعراف حميدة للتعامل والإحترام ..
وإن لم تسطر قوانيناً ملزمة بالمنبر .. وأن نهاية الدنيا ليست فى إنتصار فى نقاش
سواء بحق أو باطل .. وإن كان على حساب الإساءة أو التجريح .. أو الإحراج .. أو قتل الشخصية .. |
لله درك !
كلام زي الورد متفقة معاك فيهو تماماً
ولو التزمنا بيهو كلنا كأعضاء في المنبر والله لأصبح هذا المنبر جنة الله في الأسافير ولكن !!
Quote: تقدمين يأسلوب ذكى نفسك نموذجاً .. وتقدمين إعترافاتاً .. وإن كنت أعتبرك من
الذين طبعاً لا تطبعاً يلتزمون بآداب التعامل والنقاش وأحترام الغير والرأى والرأى اٍلآخر. |
شكراً جميلاً على الثناء العاطر في شخصي الضعيف !
ونعم اقدم نفسي نموذجاً لأن إستشعرت التحولات في شخصيتي المنبرية أولاً
فأحببت أن أعرف كيف هم الزملاء والزميلات ولنطرح الامر للنقاش
عسى أن تفيد المكاشفة الطيبة عن شئ نجهله في شخصياتنا !
Quote: الموضوع كبير و شيق .. وكما أسلفت فهو بحث قيم لك حق السبق فيه!
سأعود إن أتيج لى الوقت للإدلاء بدلوى عن الشخصية المنبرسودانية! |
الشخصية المنبرسودانية ؟!!
مصطلح جميل وجذاب لك قصب السبق فيه !
وبدوري أضيفه لقائمة المصطلحات العديدة التي تعلمتها
وأتعلمها يومياً في هذا المكان النافع والمفيد !
ننتظرك حضورك دوماً فهو ثر ومفيد وموضوعي سمح ؟
|
Post: #112
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-26-2009, 10:45 AM
Parent: #107
الحبيبة د. بيان
تحياتي
Quote: من الحاجات البتحصل هنا انو الناس الهنا بسيطرو على تلوين صورة الاخر وشيطنته
قبل فترة اتصل بي صاحبا لي لي سنين طويلة منو.. بعد قالي هو منو
قاعد يضحك بصورة هيسترية
قال زول قاليه بيان دي نجاة محمود ما صدق كلو كلو اسع ضرب يتأكد
قال ما خلا زول بعرفنا ما سالو من تلفوني عشان بس يعرف الحقيقة
انه بيان تساوي نجاة |
عايني :
الحتة دي بتسوقنا لسؤال مهم يادكتورة
يعني الزول الصاحب ده ماعرف إسلوبك ولا إسم بيان عمل ليهو لبس وتشويش ؟
قصدي الزول في المنبر لو كتب باسم مستعار موش إسلوبه بيكون حقو ؟
يعني الصاحب لو بيعرف إسلوب نجاة كويس في الكتابة كان ممكن يشبه عليك
حتى لو ماعرف انو بيان تساوي نجاة موش كان ممكن مثلا لما يقرأ ليك قصة
أو مقال أو قطعة أدبية أو نقدية يقول مثلا ياخ إسلوب
د. بيان ده بشبه إسلوب صاحبتنا نجاة محمود ؟
ولا الاسم الحركي بيعمل تشويش لدرجة الآخر البيعرفنا من أصحابنا مايتعرف علينا مثلاً ؟
Quote: المهم بعد كثير من القرقرات في موضوع كوزة وجبهجية وامن كمان
قلت ليه تابع الموضوع بيبدأ كيف وينتهي كيف مع اي مناضل كيبورد
بالفعل بقى يتصل دائما في كل دوقشمان ولا قلة ادب
وقالي المحل دا امرقي منو |
عارفة؟
أصحابنا القراء بيشوفوا ( شجر الشر ) وهو يسير نحونا أكتر مما بنشوفه نحنا ونحنا وسط العجاجة القائمة دي !
عشان كده مرات لما زول من أصحابي القراء يقول لي البوست الفلاني حايحصل فيهو كده بتصدق النبؤة بتاعتو طوالي تصدقي ؟
لكن أقول ليك شئ ؟
غايتو حتة إنك كوزة وأمن دي بندهش لأنو إنتي بالذات زولة مسرح ونقد وكوميديا ياخ !
غايتو البتقع من السماء تتلقاها الواطة معليش والجاتك في إنتماءك سامحتك ياغالية !
Quote: بعداك بقينا في نقاشات دائمة حول الشخصيات الشريرة هنا
وقديتو ليك بقصة العقلية الذكورية دي حتى قال الروب
قال تاني اجيب سيرة عقلية ذكورية بقطع الخط..
قال ديل ما شخصيات ذكورية ولا حاجتين ووصفهم بوصف لا يمكن كتابته هنا... |
ديل ناس منو ديل ووصفهم قال شنو مممكن توريني في ( الباسنجر ) ( وش حلاتو ) !
Quote: يلا بقى يتابع اي حوار لما خلاص يزروا الجماعة وحججهم تنتهي
بيتصل يقولي خلاص بعد شوية يجيك عكاز
الغريبة الى الان ماحصل قالي في موضوع اطلعي منو والا تحول
الى معركة حامية الوطيس فيها تلميحات وسخة
ومن اليوم داك بقى وداعيتي .. يا بيان البوست دا خارجي روحك كلامك كلو قلتيه
حيكون لف ودوران لا طائل منه رسالتك وصلت.. |
والله يادكتورة صديقك ده ود حلال ومستشار ممتاز
أمسكي في كلامو قوي تتكافي بلاوي المنبر وحرق الدم وعكاكيز نص الليل خاصة سمح ؟
Quote: من الحاجات النصحني بيها مااخش مع اي بت سمحة في مخاشنة لانه ناس البورد ديل بكاين
قرقرقرقرر |
ممممممممممممم!!
برضو في ( الباسنجر ) بالله ( وش شمشار) !!
| Quote: المهم خلاصة الكلام انه هنا الناس هم برسمو شصيتك ما انت.. |
في ناس بترسم شخصيتها المنبرية براها بي ايدها وشديدها
وفي ناس بتترسم ليهم شخصياتهم لا إيدهم لا كراعهم !
| Quote: وشكرا لنزار وشكرا لنادية لظنهم الحسن في شخصنا |
ياحبيبة نحنا قلنا الأقل كتير من حقك وإنتي كريمة وبت كرام وتستاهلي كل خير ..
Quote: وان شاء الله يانزار يارا تجي تدرس هنا
اوعى تقول عييييك
بناتي قربن يتخرجن وقبل كم شهر كدا عمرهم كان 4 سنة
السنين تجري هوا |
ربي يحفظ بنياتك وتشوفيهم في أرقى المراتب يارب ويانزار لازم تودي يارا ماليزيا ياخ ..
Quote: ويا نادية تعالي لينا هنا اعملي برامج البلد دي التقولي الشمالية مليانة نخل..
فيها شتلات يانعات |
من ناحية جاية جاية باذن الله بس متين دي اللسة عايزة تحديد ( وش مابعرف يتكلم ماليزي ياخ) !هههه
وعارفة انو في نخلات يسدوا عين الشمس وإنتي على
رأسهم وربي يحفظ كل بنات السودان نخلات باسقات ويستحقوا التكريم والإحتفاء ..
شاكرة حضورك الطاعم يادكتورة وخليك قريبة سمح ؟
|
Post: #114
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: حنين للبلد
Date: 06-26-2009, 03:00 PM
Parent: #112
نادية
مرور للسلام والتحية.
|
Post: #116
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-26-2009, 05:57 PM
Parent: #114
الحبيبة حنين للبلد
تسلمي وحمد لله على السلامة
ليك وحشة والمنبر من غيرك ناقصو قلم مهم
بركة الشفناك طيبة وشفتي أهلك وأحبابك طيبين يارب
|
Post: #117
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 06-27-2009, 00:52 AM
Parent: #116
حكمة اليوم ( بعد إذن الصديق بلير )
كُن نفسك تكن مرتاح الضمير !!
|
Post: #118
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-03-2009, 10:59 AM
Parent: #117
الشخصية المنبرية
زي ماقلنا قبل كده
زول تفتخر باقي عمرك إنك لاقيتو في الحوش ده !
وزول تتحسر إنو لماك معاهو حوش وأحد !
وفي كليهما خير لك
لأنو المحصلة في الآخر تعليم وتعلّم من مدرسة المنبر
ببعض شئون الحياة وفنون التعامل مع الغير !
|
Post: #119
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Sabri Elshareef
Date: 07-03-2009, 11:47 AM
Parent: #118
الاخت \ نادية
تحية واحترام
شغلتني شواغل من المتابعه واعتقد ان هذا البوست مراية لشوف روحنا فيها
اسير الي ان احقق قول الاستاذ المفكر الشهيد محمود
يقول
الفكر والقول والعمل يكونو متسقات
فكرك وقولك وعملك تكون برا بالاحياء والاشياء
ان صدق هذا تصدق كافة التعاملات
لكن ليس المنبر فقط
تجد الانسان في البيت شخصية وفي المكتب شخصية
وفي الشارع شخصية
تحياتي اعود تاني لك
|
Post: #120
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: محمد عبد الماجد الصايم
Date: 07-03-2009, 11:55 AM
Parent: #119
غايتو أصلي ما بعرف أعمل الحكاية دي!
|
Post: #124
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-03-2009, 10:39 PM
Parent: #120
ود الصايم العزيز
| Quote: غايتو أصلي ما بعرف أعمل الحكاية دي! |
ياتو حركة في الحركات تقصد ؟!
ياخ تعال وأسهب في السرد ووضح وجهة نظرك بشكل موسع لأنو وجهة نظرك تهمني جداً سمح ؟!
كلام كبار موش ؟
اها كان يجيبك لينا ( تسهب) عليك الله ياخ ( تسهب ) دي كيف معاك ؟ ( بيبي فيس وحلاتو ) !
|
Post: #121
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-03-2009, 01:05 PM
Parent: #119
تسلم صبري أخوي
برجع لي مداخلتك بس عندي شغلة صغيرة أقضيها وأجي سمح ؟
|
Post: #122
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: علاء الدين يوسف علي محمد
Date: 07-03-2009, 02:17 PM
Parent: #121
الأستاذة الغالية و الأخت العزيزة نادية
سلامات
أول حاجة عايز أشهد ليك بإنك إنتِ تحديداً شخصية لا تقبل التلُّون
يعني وش غير الباسم العرفناهو فيك ما بنفع معاك ولا أظن بتقدري تقدمي غيرو
و أشهد لك بالحكمة و الطيبة و الإحترام
تاني حاجة
أنا غايتو معترف إنو عندي لونين
أحمر و أخضر
في النص ماف
و لكلاهما ظرفٌ و حالة
|
Post: #126
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-04-2009, 00:30 AM
Parent: #122
الإنسان الجميل علاء الدين يوسف علي
تحية تليق بحضورك البهي والمحبب لدي دوماً
Quote: أول حاجة عايز أشهد ليك بإنك إنتِ تحديداً شخصية لا تقبل التلُّون
يعني وش غير الباسم العرفناهو فيك ما بنفع معاك ولا أظن بتقدري تقدمي غيرو
و أشهد لك بالحكمة و الطيبة و الإحترام
تاني حاجة |
عندي صحبتي من خارج المنبر لكنها من أكتر المتابعين ليهو
وحافظة ناسو كلهم .. مرة قالت لي :
عندكم فلان وفلان مجاملين لكن فلان وفلان والله لو جات حبوبتو
إشتركت معاكم في المنبر مايجاملها ..لأنو مابقول إلا المقتنع بيهو
وكلامو في معظمه حاااار ومابعرف يكسر تلج لي بت ، وبقول المقتنع بيهو بس
أها الزول الفلان الأول ده كنت إنت ده !
التاني بقوله ليك في ( الباسنجر ) ! ههههه
الخلاصة :
رأيك الإيجابي حول شخصي الضيف يشرفني والله ياعلاء وهو أكثر مما أستحق بكتييير !
أنالاقيتك برة المنبر وسعدت بيك وحقيقة لقيتك غير الزول الفي المنبر
جوة المنبر كلامك حااار لدرجة الزول يتخيلك (جهامة) كده ومن النوع البتدق وتكفت طوالي داك!
وبرة المنبر لقيت رجل طيب الملامح وشديد التهذيب وبشوش وكريم وجدع وصباح خير عديل والله
وبي كده إنت فعلا ياعلاء
Quote: أنا غايتو معترف إنو عندي لونين
أحمر و أخضر
في النص ماف
و لكلاهما ظرفٌ و حالة |
لكن أحمر أخدر ديل شنو وليه اللونين ديل بالذات ؟
مرورك فيه إثراء للحوار
و
في إنتظارك سمح ؟
|
Post: #123
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-03-2009, 03:17 PM
Parent: #119
المحترم صبري الشريف
تحية وإحترام
Quote: لكن ليس المنبر فقط
تجد الانسان في البيت شخصية وفي المكتب شخصية
وفي الشارع شخصية
تحياتي اعود تاني لك |
تمام فعلاً في بعض الناس بيكونوا في كل الاماكن
التلاتة الذكرتهم ديل زول مختلف في تعامله وطريقته !
طيب لو قلنا المنبر ما بيت ولا مكتب ولا شارع يبقى مكان رابع للتعامل ؟
وأنت شخصياً بتتعامل في المنبر زي تعاملك في البيت ولا المكتب ولا الشارع ؟!
مهم نعرف طرق تعاملنا في المنبر وهو بيعني لينا شنو !
تعود في أي لحظة مرحب بيك أخ كريم ابن أخ كريم
|
Post: #125
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عادل جبارة
Date: 07-04-2009, 00:00 AM
Parent: #123
الأستاذة نادية والمشاركون الكرام
تحية وتقدير لهذا الطرح التحليلي العميق للشخصية المنبرية داخل وخارج ساحات المشاركة ... ولكن دعوني أختلف قليلا مع فكرة ورأي الصديق إسماعيل عباس ... فكثير من الشخصيات التي سمحت لي الظروف بمقابلتها أجد حقيقتها الطبيعية خارج المنبر ... إختلاف جوهري وليس ظاهري فقط وكنت أود الخوض في بعض التفاصيل وضرب الأمثلة ولكن ترددت في ذلك خوفا من إساءة الفهم ( المنبري ) !!! علما بأنني أسمعت بعضهم رايي في اختلاف شخصياتهم عما هي عليه داخل المنبر ووجد رأي القبول لديهم ... بقي أن أقول أن الشخصية المنبرية في الخارج أوضح وأجمل بكثير من نفس الشخصية داخل المنبر والذي تغلب عليه أحيانا كثيرة المجاملات والبروتوكولات في الجانب الإيجابي بينما يتشكل الجانب السلبي في إساءة فهم الآراء والقراءة الخاطئة للأفكار ومن ثم الرد غير المتوازن ...
موضوع شيق وعميق .. وشكرا للجميع
|
Post: #127
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-04-2009, 11:51 AM
Parent: #125
الاستاذ الفاضل
عادل جبارة
تسلم من كل شر يارب
مداخلتك سمحة عديل برجع ليها بمزاااج بس أخلص حلة البطاطس الفي يدي دي سمح ؟
|
Post: #128
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-04-2009, 02:33 PM
Parent: #125
الأستاذ الفاضل
عادل جبارة
| Quote: تحية وتقدير لهذا الطرح التحليلي العميق للشخصية المنبرية داخل وخارج ساحات المشاركة ... ولكن دعوني أختلف قليلا مع فكرة ورأي الصديق إسماعيل عباس ... فكثير من الشخصيات التي سمحت لي الظروف بمقابلتها أجد حقيقتها الطبيعية خارج المنبر ... إختلاف جوهري وليس ظاهري فقط وكنت أود الخوض في بعض التفاصيل وضرب الأمثلة ولكن ترددت في ذلك خوفا من إساءة الفهم ( المنبري ) !!! |
سوء الفهم المبري دي مسألة مهمة جداً بالمناسبة وأنا شخصياً عانيت منها كتير شديد !
وتمثل ذلك في عدة حاجات مثلاً دخولك لبوست فيهو إختلاف وجهات نظر بين زول وزول أها لو دخلت بس
تقول رأيك اللي هو تطابق أو إتفق مع وجهة نظر وأحدة من المختلفين فمعنى ذلك أنت مع الجهة دي ضد الأخرى !
ومرات مثلاً تكون عامل مداخلة معنونة باسم زول معين يقوم يجيك زول تاني يرد عليك بعصبية وسوء ظن وكأنك قاصدو هو شخصياً ويصر على كده !
ومرات ومرات ومرات وكلو سوء فهم منبري !!
| Quote: علما بأنني أسمعت بعضهم رايي في اختلاف شخصياتهم عما هي عليه داخل المنبر ووجد رأي القبول لديهم ... بقي أن أقول أن الشخصية المنبرية في الخارج أوضح وأجمل بكثير من نفس الشخصية داخل المنبر والذي تغلب عليه أحيانا كثيرة المجاملات والبروتوكولات في الجانب الإيجابي بينما يتشكل الجانب السلبي في إساءة فهم الآراء والقراءة الخاطئة للأفكار ومن ثم الرد غير المتوازن ... |
في شخصيات منبرية في الخارج بتكون أجمل وفي العكس كمان مرات
لأنو في ناصية ربنا أداهم مقدرة الكتابة الرائعة والمؤثرة جدا في القارئ
لكن ماعندهم ملكة فنون التعامل مع الغير خارج إطار
الكتابة وفيس تو فيس كده ..موش بتحصل مرات ؟
| Quote: موضوع شيق وعميق .. وشكرا للجميع |
تسلم يارب وبالمناسبة الموضوع ده طرحتو من خلال سهرة كاملة مع بعض شخصيات من المنبر
حاتشاهدها على هارموني قريبا باذن الله سمح ؟
|
Post: #129
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 10:43 AM
Parent: #128
في شخصيات جوة المنبر زي برة المنبر
صديقتي نعوم مثلاً
جوة المنبر تسمع ضحكتها ( هههههههه) وفي التلفون وفي اللقاء المباشر
هي ذات الـ ( هههههههه) بشكل جميل
نعوم ربي يحفظك يابت خالتي حنانة قولي آآمين ..
|
Post: #130
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 11:04 AM
Parent: #129
صديق الموج
عرفتو برة المنبر قبل جوة المنبر
شخصيتو جوة وبرة فيها إختلاف لكن ماكبير
برة المنبر لاقيتو في التلفزيون القومي وفي السعودية
لما كنت هناك زيارة
ولما لاقيتو برة لقيتو زول مرح جدا
بحب الفرح والرقص وزول عاشق لأغنية الحقيبة بجنون
حافظ إسم أي أغنية وأي شاعر
طريقة تعامله مع أولاده عجبتني شديد
خاصة زوجته وبته السمحة ، مشروع المذيعة ديك
لقيتو برقص مع بتو كأنها الجكس بتاعو وونسة وقرقراب شديد
يعني أب جميل ومتصاحب على بناتو وأولادو بشكل حلو
صديق الموج داخل المنبر عرفتو من خلال مداخلتو المرحة والقفشات اللذيذة
لكن كمان لقيتو فيما يتعلق بقضايا الوطن زول جسور ومابخاف ولايووق مرات
خاصة لمن يمسك قضايا الفساد عاد كان ماخرب بيت المفسد ودخلو السجن مابرتاح ..هههه
صديق الموج
إن شاء الله لا تفوت لا تموت يازول ياسوداني جميل
قول آآمين
|
Post: #131
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 11:21 AM
Parent: #130
منى عوض خوجلي
دي بعرفها من زمااااااااان
زمن كانت بتجي جريدة الخرطوم في القاهرة وتجيب المقالات الرهيبة بتاعتها للنشر
هي ماكانت بتعرفني شديد الزمن داك
كانت بتجي سايقة ليها بت صغيرونة ولذيذونة ماسكاها في يدها
ياها ذاتها البت دي هي آية حبيبتنا الكبرت هسة وبقت أم وخلت منى حبوبة قبل آوانها !
منى أحلى أم وأنضر حبوبة الله خلقها .. حبوبة مودرن وشيك وراقية وآخر جمال ولطافة
تتسم بالموضوعية الشديدة في كتاباتها داخل المنبر
وتتسم بالذكاء الوقاد والدم الشربات وخفة الظل المبالغة
منى جوة عسل وبرة باسطة بالمكسرات عديل
ربي يحفظها ياااارب
|
Post: #132
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 11:32 AM
Parent: #131
في زول كده محيرني كان جوة المنبر ده !
ولمن لاقيتو برة المنبر زادت حيرتي !
زول عجيب ياخ !
إنه الرجل الخلوق والمهذب والمحترم جداً إسماعيل عباس
ياخ ده زول مكمل الإنسانية لي حدها والله
جوة المنبر زي برة المنبر
مافي مرة سمعت زول قال عنو شئ سلبي ولا شفتو قال عن زول شئ سلبي !
ملاك في شكل رجل وقور كامل الإتزان والأدب والأخلاق
خدوم وأخو أخوان ووبلد وشهم وكريم وأي صفة سمحة فيهو
ياخ هو زول ( شكرو ) عمر الفاروق تاني فيهو كلام ؟!
ربي يحفظك ويخليك يااااارب لوليداتك وأمهم وأحبابك
قول آمين
|
Post: #133
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 12:11 PM
Parent: #132
هالة حسن
ماكنت بقرأ ليها كتير جوة المنبر لأنها مقلة في كتاباتها أساساً
وبعدد الكتابات البسيطة القريتها ليها والمداخلات
هي إنسانة لطيفة وحبوبة ومرحة
ولما لاقيتها خارج المنبر في رحلة قندهار بتاعة البورداب لقيتها بت جدعة وشهمة
من النوع البحلف إلا يوصل كل من ليس له ضهر لتكسب أجر فضل الظهر بعربتها الجميلة
بشوشة وذات جمال سوداني هادئ وطلة وجه مريحة .. وتخجل الزول بي كرمها الزائد
بعد كده لاقيتها في مكتبها الفخم بشركة الاتصالات
ومابقول إسم الشركة عشان مايبقى إعلان وكده هههه.. وتوالت المعرفة وتعمقت من خلال المنبر وخارجه
إنسانة يتشرف المرء بصداقتها والله
ربي يحفظها
|
Post: #134
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: انعام حيمورة
Date: 07-06-2009, 12:36 PM
Parent: #129
Quote: جوة المنبر تسمع ضحكتها ( هههههههه) وفي التلفون وفي اللقاء المباشر
هي ذات الـ ( هههههههه) بشكل جميل |
يا ندوي ..
يعني قستي شخصيتي دي كلها بالضحكة بس ؟؟!!
ههههههههههه
|
Post: #135
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 12:43 PM
Parent: #134
يانعوم بجي راجعة لشخصيتك تفصيلياً
بس خليني أشوف قصة ( الكف ) دي شنو وأرجع سمح ؟!
|
Post: #136
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Shams eldin Alsanosi
Date: 07-06-2009, 01:21 PM
Parent: #135
تنبيه
من خلال اتصال هاتفي مع الاخ عادل بلير الان أكد انه لا يستطيع الدخول ولا دخل له بالبوست المكتوب بخصوص خبر باقان وسلفا
نادية اقري بسرعة قبال بكري يجي
|
Post: #137
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: Shams eldin Alsanosi
Date: 07-06-2009, 01:30 PM
Parent: #136
ةةة
|
Post: #138
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 01:42 PM
Parent: #136
شمس الدين حبابك
Quote: من خلال اتصال هاتفي مع الاخ عادل بلير الان أكد انه لا يستطيع الدخول ولا دخل له بالبوست المكتوب بخصوص خبر باقان وسلفا
نادية اقري بسرعة قبال بكري يجي |
أقري فين ياجدع .. أنا ما أجريش بالساهل ياأخويا ..ههه
ماهو عشان كده أنا رديت على زول في البوست المسحوب إنو بلير صديقي
صاحب الحكم الحكيمة لم نعرف عنه كذاباً ولا مروج إشاعات فكان المفروض
بكري على الأقل يعبرنا بكلمة ويورينا إنو القصة هكر موش يسحب في البوستات
وأحد ورأء التاني لمن قطع نفسي ياخ !
|
Post: #139
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 03:58 PM
Parent: #134
نعوم
| Quote: يعني قستي شخصيتي دي كلها بالضحكة بس ؟؟!! |
وماهي الضحكة دي أهم سماتك الشخصية !
الضحكة دي يانعوم مميزة وإنتي من زمن الجامعة بعرفوك الناس بي ضحكتك ويعلقوا عليها
ضحكة كده ضاحكة ومن جووووة القلب !
شفتي ليك ضحكة بتضحك ؟
ياها دي ضحكتك بتضحك تصدقي ؟!
و
نعوم
عرفتك جوة المنبر وبرة المنبر وإتعمقت المعرفة
بقت بيتنا وبيتكم وأهلي وأهلك
وملاح غدانا وصينية فطوركم
بقت حنانة أمي وعثمان أبوك
بقت إالهام شقيقتي وإنتصار شقيقتك
بقينا وأحد والحالة وأحدة والروح وأحدة والله اللمانا بالصدق
والمحبة والمعزة البينا بي أحلى الصلات وأحد
تسلمي وتظل شهادتي فيك مجروحة ياحبيبة قساي وياصديقتي الغالية
نعوم
أضحكي ياخ !
|
Post: #140
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: عادل جبارة
Date: 07-06-2009, 04:22 PM
Parent: #139
| Quote: مداخلتك سمحة عديل برجع ليها بمزاااج بس أخلص حلة البطاطس الفي يدي دي سمح ؟ |
الأستاذة الفاضلة نادية
بصراحة رفعتي معنوياتي ... دا أولا ..
تانيا ... أنا برضو والله عندي شوية أشغال بالمكتب أخلصها وأرجع لمداخلتك الدسمة إياها
ثالثا ... أخجل أن أقول أنني كنت ولا زلت موجود بالرياض أثناء وجودك هنا ولم أتمكن من مقابلتك والأحتفاء بك .. ولكن الحمد لله بورداب الرياض لم ولن يقصروا
ولي عودة مسائية بإذن الله ... من البيت بمزااااااج برضوا !!!
|
Post: #142
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-06-2009, 04:43 PM
Parent: #140
الأستاذ والأخ الكريم
عادل جبارة
حبابك مليون أخوي تجي في أي وكت
البوست وستو يتشرفوا بيك والله
ومداخلاتك ثرّة وموضوعية وهادفة
منتظرينك سمح ؟
|
Post: #141
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ismeil abbas
Date: 07-06-2009, 04:27 PM
Parent: #139
Quote: الأستاذة نادية والمشاركون الكرام
تحية وتقدير لهذا الطرح التحليلي العميق للشخصية المنبرية داخل وخارج ساحات المشاركة ... ولكن دعوني أختلف قليلا مع فكرة ورأي الصديق إسماعيل عباس ... فكثير من الشخصيات التي سمحت لي الظروف بمقابلتها أجد حقيقتها الطبيعية خارج المنبر ... إختلاف جوهري وليس ظاهري فقط وكنت أود الخوض في بعض التفاصيل وضرب الأمثلة ولكن ترددت في ذلك خوفا من إساءة الفهم ( المنبري ) !!! علما بأنني أسمعت بعضهم رايي في اختلاف شخصياتهم عما هي عليه داخل المنبر ووجد رأي القبول لديهم ... بقي أن أقول أن الشخصية المنبرية في الخارج أوضح وأجمل بكثير من نفس الشخصية داخل المنبر والذي تغلب عليه أحيانا كثيرة المجاملات والبروتوكولات في الجانب الإيجابي بينما يتشكل الجانب السلبي في إساءة فهم الآراء والقراءة الخاطئة للأفكار ومن ثم الرد غير المتوازن ...
موضوع شيق وعميق .. وشكرا للجميع |
كلام زى الدهب........والله فى شخصيات هنا لا منبريه ولا غير منبريه..دى شخصيات برزخيه....ما تقدر تصنفهم خالص.....ليه مالناس تكون متوازنه وتكون واضحة وتبطل الغمز واللمز والتنكيد على الناس..والعجيب نحلل الناس من غير مانشوفهم أو نعرفهم جيدآ ونحكم عليهم..التأنى سمح..والبوست ده برضو سمح......
مودتى..وإحترامى للجميع.............إسماعيل محمد احمد عباس....
|
Post: #146
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-08-2009, 10:20 AM
Parent: #141
شقيقي الغالي إسماعيل عباس
| Quote: كلام زى الدهب........والله فى شخصيات هنا لا منبريه ولا غير منبريه..دى شخصيات برزخيه....ما تقدر تصنفهم خالص.....ليه مالناس تكون متوازنه وتكون واضحة وتبطل الغمز واللمز والتنكيد على الناس..والعجيب نحلل الناس من غير مانشوفهم أو نعرفهم جيدآ ونحكم عليهم..التأنى سمح |
عارف ؟
كان عندي بوست قبل كده ماعارفة موجود في ياتو أرشيف
عن العداء المنبري والإنطباعات الخاطئة بتبادل المعلومات المغلوطة عن شخص بعينه بين
بعض العضوية في لقاءاتهم وونساتهم الماسنجرية وغيره !
بالجد أنا كنت ومازلت وسأظل مستغربة وسؤالي قائم .. ليه وكيف زول يعادي زول مابعرفو ؟!
وهل المنبر والتعامل من خلالو كفاية عشان تكره ليك زول وتكوّن عنو فكرة كعبة
وتبدأ تتعامل معاهو على إنو عدو حقيقي ؟
عاين
لو بتقدر تجاوب لي على الأسئلة دي بتكون ريحتني كتير وبجيك بأسئلة تانية سمح ؟
|
Post: #143
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: انعام حيمورة
Date: 07-06-2009, 09:48 PM
Parent: #139
هههههههههههه
والله ضحكت من جووة
|
Post: #144
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ismeil abbas
Date: 07-07-2009, 04:55 PM
Parent: #143
ألأخت/الغاليه ناديه....لك التحية...
Quote: ربي يحفظك ويخليك يااااارب لوليداتك وأمهم وأحبابك
قول آمين |
الله يحفظك كمان يارب ويشفى الوالد....
أما عن عمر الفاروق من يوم شكرنى الدخلت فينى مامرقت......لك وله التحية والتقدير...........
إسماعيل محمد أحمد عباس....
|
Post: #145
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-07-2009, 05:14 PM
Parent: #144
برجع ليكم يا أحباب سمح ؟
|
Post: #147
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ismeil abbas
Date: 07-08-2009, 12:03 PM
Parent: #145
ناديه أختى الرائعة.....كيفنك..
بصراحة البوست ده مفيد جدآ جدآ لآنو من خلال التحاور قد تعم الفائدة...
Quote:
بالجد أنا كنت ومازلت وسأظل مستغربة وسؤالي قائم .. ليه وكيف زول يعادي زول مابعرفو ؟!
وهل المنبر والتعامل من خلالو كفاية عشان تكره ليك زول وتكوّن عنو فكرة كعبة
وتبدأ تتعامل معاهو على إنو عدو حقيقي ؟
عاين
لو بتقدر تجاوب لي على الأسئلة دي بتكون ريحتني كتير وبجيك بأسئلة تانية سمح ؟ |
أولآ ليه تجيبى لى أسئلة صعبة ما عايزة تنجحينى...؟؟
لاتستغربى من طبيعة البشر يا ناديه..وربنا لما خلق البشر صنف نفوسهم...
الشخصية المنبرية إنطباعية شديد..تترك إنطباع عن شخص وتدور فيهو كأنو لم يحصل شىْ...وبعدين لما تكتشف الزول الدورت فيهو تبدآ فى ألأعتذارات..وما اكثر ألأعتذارات هنا فى هذا المنبر..
العداء فى بعض الشخصيات مؤصل لآسباب كثيرة..والعامل النفسى لحظة الكتابة مهم لطرح جيد...
نسأل الله ان يبعد بيننا الكراهية والبغضاء والحسد..................مودتى.إسماعيل محمد احمد عباس....
|
Post: #150
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-10-2009, 09:24 PM
Parent: #147
| Quote: أولآ ليه تجيبى لى أسئلة صعبة ما عايزة تنجحينى...؟؟ |
إنت أصلاً ناجح بي طيبة قلبك وشهامتك ونقاءك وصفاء سريرتك بشهادة
كل العرفوك خارج المنبر وجوة المنبر عمرك ماغلطت في زول ولا سمعنا زول شكى منك
تسلم يارب وربي يحفظك لعيالك وأمهم أخوي وبرجع ليك تاني سمح ؟
|
Post: #148
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: نادية عثمان
Date: 07-08-2009, 05:30 PM
Parent: #143
نعوم
ربي يديم عليك نعمة الضحك يارب
قولي آمين
|
Post: #151
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: ismeil abbas
Date: 07-12-2009, 09:58 AM
Parent: #148
فوق
|
Post: #153
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: سارة كرودى
Date: 07-15-2009, 01:17 PM
Parent: #151
الجبيبة نادية .. ..
فى كل يوم بتاكد انو حقيقة ممكن تعيش برة زول وجوة زول من خلال معايشتى لى ناس كتار .. .. ..
تفتكرى انو الواحد فينا بكذب ليه بعيش بى قناع للناس البرا .. ..
عارفة يا نادية .. ..
مرات بقعد بفكر وبسرح فى تكوين النفس البشرية غريب
فى النوع الصادق حتى مع الجماد الحولينه وفى النوع البغش حته نفسه وفى النوع التايه وبفتكر انو وصل وفى النوع البحاول يخلق حاجات
من خيالو وفى النوع الانانى المابعرف يعيش لى غير نفسه وفى وفى .. ..
تفتكرى انو مقياس النجاح بالنسبة للانسان الجوة زول وبرة زول ممكن يكون شنو .. ..
نادية بوستيك مريح زيك .. .. ..
كونى كما تتمنى وعيشى كما نريد ( رائعة دومأ)
|
Post: #154
Title: Re: الشخصية المنبرية ..جوة زول .. وبرة زول !! يوجد ( إعتراف) !!
Author: انعام حيمورة
Date: 07-16-2009, 08:28 AM
Parent: #151
وينك انتي يا نادية ..
|
|