الأمـــــــة X الليبـــــرالي

Post: #1
Title: الأمـــــــة X الليبـــــرالي
Author: فيصل نوبي
Date: 03-11-2008, 11:55 AM
Parent: #0

__
فاصل إعلاني مع إعلانات بكري و نواصل بإذن الله ..
__

Post: #2
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 12:01 PM

بعد متابعة لصيقة لمدة ثلاثة أيام للدافوري و العجاجة القائمة (مع الاحترام لجميع الاطراف) .. توصلت لبعض الملاحظات نوردها ببعض إختصارات:

علي الرغم من أنه الليبرالي يلعب بـ team ناقص العدد و الدليل هنا
مرحبا بالصديق ياسر بيناوي مناضلاً في صفوف الحزب الليبرالي السوداني ..
الا أنه عادل عبدالعاطي ما قصر ..
بيلعب هجوم و دفاع و احيانا خط وسط ..

__
وضع الشعارات علي طريقة العزيز أحمد الريح .. له التحية .. ولا علاقة له بها.

Post: #3
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 12:07 PM
Parent: #2

ظهور عضو الامة الحبيب yagoub albashir
Quote: yagoub albashir
تاريخ التسجيل: 07-05-2003
مجموع المشاركات: 494

مما يدل علي واحد من اتنين
1. زنقة الامة ..
2. خطورة الوضع ..

_
سلامات للحبيب يعقوب .. بعيدا عن مدار البوست.

Post: #4
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 12:14 PM
Parent: #3

وصف حالي تماماً العزيز أحمد بكلماته هذه
Quote: على قلة اطلاعي الذي يمكنني وصفه بالجهل بتوجهات حزب الأمة، إلا أن كتابات
بعض المنتسبين لهذا الحزب أضافت لجهلي هذا نوعا من الارتباك، يشبه ذاك الذي
يعصف بي عند قراءة كتابات بعض المؤمنين بالفكرة الجمهورية.

_
ناهيكـ عن الاحباء* سيف مساعد + محمد عادل ..
* الاحباء دي ان شاء الله تكون صاح كده!

Post: #21
Title: Re: الأمـــــــة X الليبـــــرالي
Author: lana mahdi
Date: 03-11-2008, 06:41 PM
Parent: #3

Quote: ظهور عضو الامة الحبيب yagoub albashir
Quote: Quote: yagoub albashir
تاريخ التسجيل: 07-05-2003
مجموع المشاركات: 494
مما يدل علي واحد من اتنين
1. زنقة الامة ..
2. خطورة الوضع ..

الحبيب نوبي كيفك
لا هذا ولا ذاك
فقط :
3-عندو إجازة
وطبعاً الشكر لسودانيز أونلاين التي جعلت مثل هذا الماتش ممكناً، فلو كان الدوري في السودان (مكان النهائي و مبارة الكأس) لاختلف تشكيل الفرق و جدول المباريات و الفرق المتلاقية..يلاقونا وين ناس الليبرالي هناك عاد؟؟
ملحوظة يا أحباب:في تشكيل الفرق لما حسبتو اللعيبة ما راعيتو الأمة و الأمة بي شرطة يعني الأمة القومي و الأمة الإصلاح و التجديد
شكراً يا نوبي على هذا البوست اللطيف
محبتي
لنا

Post: #5
Title: Re: الأمـــــــة X الليبـــــرالي
Author: emad altaib
Date: 03-11-2008, 12:27 PM

ـــــــــــ
الاستاذ فيصل نوبي
لك السلام والرحمه :
شكرالك لدارسة الحاله بالمنبر وهذا يصب في مصلحة الحوار والنقد الموضزعي
بدلا من اقصاء الاخر والسب والشتم فكل هذا لا يقد ولا ياخر في جراح الوطن ..
..لكن برضو الحوار (الدافوري بيعمل لياقه) يعني برضو كويس ..
الان لوسمحت لي ان اضع الرابط بعد اذن مقدما ..

لنثب مع الأمة القومي وثبة جديدة لبناء الوطن: برنامج الحزب

سلمت استاذ فيصل
ودي وتقديري لك

Post: #6
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 01:41 PM

شوف يا عمك
رغم التفوق العددي لتيم الأمة عندو مشكلة حقيقية في اللاعبين ديل
Quote: ناهيكـ عن الاحباء* سيف مساعد + محمد عادل ..
بيرتكبوا فاولات خطيرة و لعبهم مصرج و بيهدوا كور للخصم يسهل التسجيل منها
دا غير التقريش في المرمى و بشكل يسبب حرج للحارس و يضطره للخروج من مرماه اكتر من مرة
و المصيبة انهم معارين بعد دا

ومن ناحية تانية الليبرالي يستعين بلاعبين اجانب لتكملة النقص العددي لكنهم من نفس المدرسة التدريبية - العلمانية غالبا -عشان كدا انسجامهم سريع مع التيم
من ميزات الليبرالي انه بيلعب بدون تأثير ضغط الأرض او الجمهور و لحداثة تكوينه يهاجم بحماس من يريد ان يثبت وجوده
ودي إحدى نقاط ضعف الأمة اللتي يحسن الليبرالي استغلالها وهي كون تيم الأمة له تاريخ حافل بنجاحات كبيرة و إخفاقات عظيمة في الدوري

ونواصل...

Post: #7
Title: Re: الأمـــــــة X الليبـــــرالي
Author: عبدالكريم الامين احمد
Date: 03-11-2008, 02:12 PM
Parent: #6

نوبي سلامات وبركة الجيت (بعد 9000 مداخلة وعشرة يوم)
ولو اتمحركت شوية عن هذا البوست يعلم الله كان حايم في البال ومنتظر مساحة وزمن..
وطبعا جيت ورحلة للصفحات الوراء
وويندو علي جنبة كده لزوم(الرفرش) لماتش (الامة -الليبرالي)
فهو ماتش جدير بافراد استديو تحليلي مثل هذا..

ملاحظات-1
عندما حضرت الجزء البادي من المبارة كان هنالك لاعبان من الامة(اساسيين)
هما حمزاوي ومحمد عادل وكنت شايف منهم شغل واجهاد ومحاولات مباغتة وايضا(ضرب خصم من الخلف)
علي طريقة (بدرالدين بخيت) وخالد برشم..
ولكن عندما كثرت الرفرشات ودخلت المباراة الربع ساعة الثاني
اختفي حمزاوي الخال ومحمد عادل اصبح ياتي بالكورة من الخارج..
لعله تكتيك سندكالي لا ادري
لكن اتفق معاك بان حضور يعقوب حفظ موازين القوة وقلل من الرقابة اللصيقة
علي راس الحربة(ود العمدة) الذي بداء في احسن حالاته وظني انه يودي الان واحدة من احلي مبارياته
هدوء وتركيز وبرود كروي (لم نعهده فيه قريبا)

كابتن لنا
مالية منطقة الوسط ولاعبة هي ايضا ماتش كبير
وان كنت اراها تميل للعب (الومن تو ومن) مع الديب ستنر فرويد بتاع الليبرالي
تيسير عووضة..

سنعود الي اداء الليبرالي مع التركيز علي عادل وفاضلابي
واداء تيسير
وفقرة خاصة لاداء محمد عبدالرحمن (ابننا في الدوحة)
ثم تحليق في تداخلات الاندية الاخري والجمهور:

Post: #8
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 05:46 PM

عادل عبد العاطي
يرتكب خطاء دفاعي في منطقة خطرة

و مخالفة بالقرب من خط 18 ناحية مرمي الليبــرالي
هل كلب الأمن بشرى الصادق المهدي أيضاً يشع نوراً؟؟ او في...لمخلوقات النورانية !

__
سلامات لـ ود البشري و عبدالكريم و الحبيب عماد..

_

Post: #9
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 05:54 PM
Parent: #8

و كالعادة ..
الحبيب محمد عادل يشوت الكورة بعيد من مكان الخطاء ..
و يرفع يديه معترضا علي قرارات الحكم ..
عادل عبدالعاطى بشرى اصادق ماكلب اوكى وللمره المليون

_
يضعه فرق السن في موقف اقوي من موقف الحبيب سيف دوماً ..

Post: #10
Title: Re: الأمـــــــة X الليبـــــرالي
Author: mutwakil toum
Date: 03-11-2008, 05:59 PM
Parent: #9

Quote: سيف مساعد

ود البشرى مساعد ده بلعب في الاتحادي

ولاا اشتروه؟

Post: #15
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 06:14 PM
Parent: #10

Quote: ود البشرى مساعد ده بلعب في الاتحادي

ولاا اشتروه؟
فسخ الموسم الفات بحجة الحصول على عرض أفضل
و كوتش الإتحادي كسر زير وراه

Post: #11
Title: Re: الأمـــــــة X الليبـــــرالي
Author: saif massad ali
Date: 03-11-2008, 06:01 PM
Parent: #9

نوبي بالمرصاد

Post: #49
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 08:55 PM
Parent: #11

متوكل توم
سلامات
ما حصل لاقاكـ الاعلان ده !!
الحبيب سيف مساعد مرحباً بك داخل أروقة حزب الأمة القومي

_
يا سيف مساعد هو كان ما المرصاد ده نمشي وين !!

Post: #14
Title: Re: الأمـــــــة X الليبـــــرالي
Author: Tragie Mustafa
Date: 03-11-2008, 06:12 PM
Parent: #9

فيصل نوبي
مرحب بك وبست مبشر بعودة قوية لك.

كتلتوني بالضحك
ويظهر انه الكرونجيه لن يجذبهم النضمي الا تختلوه لهم بهذه الطريقة فشكرا لكم على المجهود.

ودعني اسجل راي حول المعلقين
فيصل نوبي
محمد البشري
عبد الكريم احمد الامين

بالغتوا عديل كده تعليقاتكم اخطر من المبارة نفسها.
ناقصكم جني غايتو.

شوف لوحة ود البشرى دي خرافيه كيف؟؟؟
Quote:
شوف يا عمك
رغم التفوق العددي لتيم الأمة عندو مشكلة حقيقية في اللاعبين ديل
Quote: ناهيكـ عن الاحباء* سيف مساعد + محمد عادل ..

بيرتكبوا فاولات خطيرة و لعبهم مصرج و بيهدوا كور للخصم يسهل التسجيل منها
دا غير التقريش في المرمى و بشكل يسبب حرج للحارس و يضطره للخروج من مرماه اكتر من مرة
و المصيبة انهم معارين بعد دا

ومن ناحية تانية الليبرالي يستعين بلاعبين اجانب لتكملة النقص العددي لكنهم من نفس المدرسة التدريبية - العلمانية غالبا -عشان كدا انسجامهم سريع مع التيم
من ميزات الليبرالي انه بيلعب بدون تأثير ضغط الأرض او الجمهور و لحداثة تكوينه يهاجم بحماس من يريد ان يثبت وجوده
ودي إحدى نقاط ضعف الأمة اللتي يحسن الليبرالي استغلالها وهي كون تيم الأمة له تاريخ حافل بنجاحات كبيرة و إخفاقات عظيمة في الدوري
ونواصل...
غياتو يا ابوحتحوت بالغته!

غايتو جنس غايتو؟؟

Post: #22
Title: Re: الأمـــــــة X الليبـــــرالي
Author: lana mahdi
Date: 03-11-2008, 06:47 PM
Parent: #14

تراجي بالله أقعدي ما خالة الوراكي يشوف في المدرجات
طبعاً لو لعب قصادنا الشيطان أب قرنين حتشجعيهو يا أختي يا متحاملة

Post: #12
Title: Re: الأمـــــــة X الليبـــــرالي
Author: Mohamed Foto7li
Date: 03-11-2008, 06:08 PM

السلام عليكم ورحمة الله وبركاته

وانا موشجع حزب امه

Post: #13
Title: Re: الأمـــــــة X الليبـــــرالي
Author: esam gabralla
Date: 03-11-2008, 06:10 PM

السماكى

مخلى بيتك و جاى تتحاوم في "الحلال" مالك؟

غايتو فريق الحمر شما نفسو شوية اليومين ديل ...

Quote: يضعه فرق السن في موقف اقوي من موقف الحبيب سيف دوماً ..

ما اظن القصة السن و بس ....

غايتو في اندية كده تسجيلاتا تحير عديل

كورة زى بتاعت اخونا محمد عادل ده ابدا ما شفتها ....

اها الماسنجر رجع .... بترد لى رسالتى الزمااااان ديك؟

Post: #16
Title: Re: الأمـــــــة X الليبـــــرالي
Author: Tragie Mustafa
Date: 03-11-2008, 06:16 PM
Parent: #13

لا يا متوكل التوم وانت الصادق
في موسم فك التسجيلات .....

Quote:
ود البشرى مساعد ده بلعب في الاتحادي

ولاا اشتروه؟

سجل للنادي الجديد

Post: #17
Title: Re: الأمـــــــة X الليبـــــرالي
Author: Anwar Ahmed
Date: 03-11-2008, 06:19 PM
Parent: #16

وتراجي شايتة وين

Post: #60
Title: Re: الأمـــــــة X الليبـــــرالي
Author: Tragie Mustafa
Date: 03-11-2008, 09:57 PM
Parent: #17

انور احمد
سلامات
Quote: وتراجي شايتة وين

يازول ديل نحن على ما اعتقد
Quote: ومن ناحية تانية الليبرالي يستعين بلاعبين اجانب لتكملة النقص العددي لكنهم من نفس المدرسة التدريبية - العلمانية غالبا -عشان كدا انسجامهم سريع مع التيم

!!

Post: #61
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 09:58 PM
Parent: #13

عصام الوغد
ياخ شوقنا بحر ..
تخيل أخوكـ دقس في شيلة المسنجر دي ..
و بيني و بينكـ الواحد يقوم يقول ليكـ
اديني تلفونكـ ولا رسلي ايميلكـ يقوم يطلعونا من جماعة تراجي
بيتنا كما نحب ان نسميه .. لا يمنعنا من متابعة الحلالّ لمعرفة الشمارات و كده ..
بعدين هسي مباراة زي دي ممكن تحضرها وين لو ما شلت سنارتكـ و حُمت بالحلال

طالبني مسنجر قوي

_
بس كدي خلي المسنجر يشُم نفسه شوية ..
مما رجع ناشف نشاف عدوكـ .. دكين ما خلي لينا شيء فترة الغياب الاجباري اللي فاتت دي

Post: #18
Title: ٌRe
Author: Waeil Elsayid Awad
Date: 03-11-2008, 06:26 PM

دورى الاربعة:
الهـــــــــــلال X زيــــســـــكــو [/B

الامة X الليبرالى

المباراة النهائية بملعب د شداد بمدينة البشير

Post: #19
Title: Re: الأمـــــــة X الليبـــــرالي
Author: Naji A.Moniem
Date: 03-11-2008, 06:28 PM

فيصل نوبى سلامات

و
سلام يا عصام جبر الله

Quote: كورة زى بتاعت اخونا محمد عادل ده ابدا ما شفتها ...

كورة محمد عادل دى بتذكرنى كورة ود حلتنا زمان،الزول ده من شدة ما مشاتر
حارس المرمى المعاهو فى نفس التيم بقول للمدافعين الزول ده لو قرب من الـ 18
اردموهو ..مرات كده كانو ببالغو وبدون ما يقرب بمشو يقلعو منو الكورة
اها ده حصل فى بوستو ده:
عادل عبدالعاطى تعال ورينا مشكلتك شنو ولما يجيبو اسم الاقرع تفرفر كده

ولو ما الزميلة لنا مهدى قلعت منو الكورة بمداخلة موزونة ،كانت صرجت ودخلت هدف عكسي

_________________________
الأخت لنا مهدى والاخ محمد عادل no hard feelings plz

Post: #23
Title: Re: الأمـــــــة X الليبـــــرالي
Author: lana mahdi
Date: 03-11-2008, 06:52 PM
Parent: #19

Quote: الأخت لنا مهدى والاخ محمد عادل no hard feelings plz

الحبيب ناجي
الhard feelings ما بتلاقيها عندنا أبداً
فأخد راحتك و الناس هنا أخوان و أحرار في رؤاهم وتعليقاتهم طالما احترموا القدامهم و أراك تحافظ على هذا الاحترام كاملاً
محبة و تقدير
لنا

Post: #20
Title: Re: الأمـــــــة X الليبـــــرالي
Author: عبدالمجيد صالح
Date: 03-11-2008, 06:38 PM

تراجي

شكرا ليك

---------------------
يظهران شداد رفض انضمام اللعيبة الاجانب لفريق الليبرالي لكن ما مشكلة
بنلعب ناقصين - اللاجانب يشجعو وممكن نطلع ليهم جنسيات ليبرالية

Post: #26
Title: Re: الأمـــــــة X الليبـــــرالي
Author: عبدالكريم الامين احمد
Date: 03-11-2008, 07:18 PM
Parent: #20

عادل عبدالعاطي...
المتامل لكورة عادل في ماتش(امة- ليبرالي)
لابد ان يستدعي الي الذاكرة نوعية معينة من اللاعبين في الملاعب الكروية
امتازوا بصفات مميزة..
لعيبة مثل(كمال عبدالوهاب-الدحيش-ولاعب من الدوري الانجليزي نسيت اسمه) يمتازون بالحرفنة ولكن في اقرب لفة يمكن ان يعمل معاك مشكلة ويتكرت
حرفنة- وجهد كبير حركي وتكتيكات لعبة ومباغتة
وتحرك سليم داخل الملعب وتنويع لعب..(تنويع بوستات) ومباغتة
لذا نجد الامر اشتمل علي كورات وجمل تكتيكية متنوعة شملت
-حمزاوي
-الضوء المنبعث
-اتفاق الامة- الوطني
-وفي اعلي درجاتها هبشت الامام المهدي ذاااتو
-والان بشري الصادق هو كلمة السر والجانب الذي يهاجم من جهته عادل
يودي عادل علي طريقة (المان تو مان) مع التركيز علي راس الحربة ود العمدة
ويعقوب مع عدم اغفال رقابة (كابتن لنا) في الوسط لخطورتها المنبرية
واجادتها لتنويع اللعب وجمهورها الكبير كما ظهر في تنويعها للعب هنا
-بيان حزب الامة عن اتصال عبد الواحد
-برنامج حزب الامة
جرت رقابات مان تو مانية ما بين عادل -حمزاوي ولكن في فترات متفاوتة
واهدت الباند ودث بوستات محمد عادلية(اعتقد ان عنوانه) علي وزن اعتذارك ما بفيدك او نحو ذلك....
وبوست اخر لعادل خسوسي لحمزاوي تصادف مع بوست ياسر الشريف الذي وردت فيه سيرة ندي القلعة
ونعود....[/blue]

Post: #33
Title: Re: الأمـــــــة X الليبـــــرالي
Author: lana mahdi
Date: 03-11-2008, 07:44 PM
Parent: #26

Quote: مع عدم اغفال رقابة (كابتن لنا) في الوسط لخطورتها المنبرية
واجادتها لتنويع اللعب وجمهورها الكبير كما ظهر في تنويعها للعب هنا
-بيان حزب الامة عن اتصال عبد الواحد
-برنامج حزب الامة

يا كيكي يا خوي أنا الماتش دة جا علي بالساحق و البلا المتلاحق حيث ودرتا فردة عدستي و أصبحت أواجه العالم بعينين إلا و فردة عدسة لاصقة
حسة الأمة و الليبرالي ديل يتشاركو بتصرفو ما بعرف بس يجيبو لي بدل فاقد عدسة لاصقة وللا بخلي الماتشات دي و أقعد ليهم في دكة الاحتياطي

Post: #35
Title: Re: الأمـــــــة X الليبـــــرالي
Author: fadlabi
Date: 03-11-2008, 07:47 PM
Parent: #33

ده اللعب الخشن يا لنا

قنا ليكم التكتيك التكتيك

ما دايرين تسمعوا

Post: #34
Title: Re: الأمـــــــة X الليبـــــرالي
Author: lana mahdi
Date: 03-11-2008, 07:45 PM
Parent: #26

Quote: مع عدم اغفال رقابة (كابتن لنا) في الوسط لخطورتها المنبرية
واجادتها لتنويع اللعب وجمهورها الكبير كما ظهر في تنويعها للعب هنا
-بيان حزب الامة عن اتصال عبد الواحد
-برنامج حزب الامة

يا كيكي يا خوي أنا الماتش دة جا علي بالساحق و البلا المتلاحق حيث ودرتا فردة عدستي و أصبحت أواجه العالم بعينين إلا و فردة عدسة لاصقة
حسة الأمة و الليبرالي ديل يتشاركو بتصرفو ما بعرف بس يجيبو لي بدل فاقد عدسة لاصقة وللا بخلي الماتشات دي و أقعد ليهم في دكة الاحتياطي

Post: #24
Title: Re: الأمـــــــة X الليبـــــرالي
Author: Naji A.Moniem
Date: 03-11-2008, 06:59 PM

الكريمة لنا مهدى

Quote: الحبيب ناجي
الhard feelings ما بتلاقيها عندنا أبداً
فأخد راحتك و الناس هنا أخوان و أحرار في رؤاهم وتعليقاتهم طالما احترموا القدامهم و أراك تحافظ على هذا الاحترام كاملاً
محبة و تقدير
لنا

شكراُ على الروح العالية

Post: #25
Title: Re: الأمـــــــة X الليبـــــرالي
Author: Mahadi
Date: 03-11-2008, 07:10 PM

ياخوي ناس الليق ديل طوالي دايرين يلعبو في الممتاز

Post: #27
Title: Re: الأمـــــــة X الليبـــــرالي
Author: Ahmed Alrayah
Date: 03-11-2008, 07:29 PM

من كبد الحقيقة يوم المباراة بعنوان: (الأنصار بياكلو النار)

* قوات السلطان محمد عادل والعمدة محمد حسن والأميرة لنا مهدي جاهزة لعبور الليبرالي.

* الحبيب الإمام محتار! هناك محمد عادل وسيف مساعد ولنا مهدي وعماد التلب ومحمد حسن
العمدة! والبدلاء أفضل، ما شاء الله، عيني باردة.

* في ودنوباوي الطق عصب والدم ركب وجمهور الأنصار مولع نار!

* هدفين كفاية يا محمد عادل، خوفا من ثورة الحجارة والاستنارة!

* اللـيبـرالي غـلـب طوالي.

* ثروت سوار الذهب لن يرى الذهب!

* سيف مساعد مسلول، حد يغالط؟

________________________________________

من كبد الحقيقة بعد المباراة بعنوان: (هزيمة مفيدة)

* سيظل حزب الأمة...

* التاريخ لا يكذب وحزب الأمة هو الوحيد الذي...

* عادل عبد العاطي يستحق بطاقة حمراء!

* بكري أبوبكر جامل ثروت سوار الذهب، وهدفه الأول من تسلل واضح.

* وكيل بولندي يطالب عادل عبد العاطي بمستحقاته ويشكوه للفيفا.

* إشراك كمال عباس خاطئ، وقائمة الليبرالي لا تشمل اسمه!

* عادل عبد العاطي، ولدنا غلب ليكم! فرحانين ليه؟

Post: #29
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 07:34 PM
Parent: #27

لا تنسى يا ود الريح تصريح إدارة تيم الأمة:
" نحن قوم لا تهزنا هزيمة ولا يبطرنا نصر"
و طوينا الملف
و بنستعد للطابق (الموتمر الدستوري الجامع ) الثاني

Post: #43
Title: Re: الأمـــــــة X الليبـــــرالي
Author: kamalabas
Date: 03-11-2008, 08:38 PM
Parent: #27

شكرا ود الريح........

Quote: إشراك كمال عباس خاطئ، وقائمة الليبرالي لا تشمل اسمه!
تسجيل مافي طريقة... في الكشف الرسمي ما في طريقة...تطعيم ممكن !! لكن مافي التزام بخطة مدرب أو شعار فريق !!

Post: #28
Title: Re: الأمـــــــة X الليبـــــرالي
Author: Mahadi
Date: 03-11-2008, 07:33 PM

حبيبنا احمد الريح ووعك تغلط وتقول سيدا الجماعة ينطوا ليك في حلقك

Post: #30
Title: Re: الأمـــــــة X الليبـــــرالي
Author: fadlabi
Date: 03-11-2008, 07:35 PM

هيهيهيهيهيهيهيههياعاعاعااهاهاهاهاهاعاعهاعاه
:

و الله مرحب بيك تاني يا نوبي
ما تنقطع ياخ

Post: #31
Title: Re: الأمـــــــة X الليبـــــرالي
Author: Elawad
Date: 03-11-2008, 07:36 PM

مرحب بيك يا فيصل... بوست ممتع.
صراحة أنا مبسوط من فريق الأمة و مستعد أشجع و أجيب ليهم الكورة كمان لكن بيني و بينك ناس سيف و محمد عادل ديل مرات بمحنوا الزول. هسع شوف البوست دا...
خطوة مباركة ياعبد الواحد
سيف ما هبش رئيس مجلس إدارة فريقه عديل كدا والله أنا لو من ناس الأمة أعمل زي حارس المرمى القالو ناجي دا ولا أقتنهم مع بكري و ارتاح مرة واحدة.

Post: #32
Title: Re: الأمـــــــة X الليبـــــرالي
Author: fadlabi
Date: 03-11-2008, 07:43 PM

ناس الأمة شابكننا نحنا كتار.. نحنا كتار

طلعوا تلات اربعاهم محمد عادلات سااااااااااااكت

ياخي شي بالبيضة وشي مقاس

و قدر ما قلنا لعادل كفاهم

يقول دقيقة بس اطبق ليك في الفارة ده كوكاكولا و ننهيها

بعد ده مغربت

ما دايرين ذاتو

Post: #36
Title: Re: الأمـــــــة X الليبـــــرالي
Author: أبوبكر أبوالقاسم
Date: 03-11-2008, 07:55 PM

تم حذفه للتكرار

Post: #39
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 08:07 PM
Parent: #36

يعني يا ابوبكر كان لي تيم الأمة دا داقيها من سنة اسكت
وكان للليبرالي اي نعم هو جديد لكن لعيبته - او اغلبهم - كانوا منتسبين لأتيام عريقة ومؤسسة للإتحاد
يبقى معرفتهم بقوانين وقواعد اللعبة حتمية خصوصا الفير بلاي وما محتاجين شرح
بالتالي أي تجاوز للقوانين يعتبر متعمد لا عن جهل

في الحتة دي اسجل صوت اشادة بتيم الأمة لإلتزامهم باللعب النظيف

Post: #37
Title: Re: الأمـــــــة X الليبـــــرالي
Author: أبوبكر أبوالقاسم
Date: 03-11-2008, 07:55 PM

ياودالبشرى بدل ما تركّز على شرح قواعد اللعب النظيف جارى لمثل دا
Quote:
[IMG]http://www.sudaneseonline.com/u/

و بنستعد للطابق (الموتمر الدستوري الجامع ) الثاني__

بيقولوا الـ inside moves بتظهر

اللاعب الإنجليزى الحريف أعتقد إسمو " جاسكوينز "

واصلوا إمتاعنا

Post: #38
Title: Re: الأمـــــــة X الليبـــــرالي
Author: عبدالكريم الامين احمد
Date: 03-11-2008, 07:57 PM
Parent: #37

Quote: جاسكوينز

اييييييوه ده بس ياااهو
جاسكوينز
بول جاسكوينز

Post: #44
Title: Re: الأمـــــــة X الليبـــــرالي
Author: محمد حسن العمدة
Date: 03-11-2008, 08:39 PM
Parent: #38

Quote: الأمـــــــة X الليبـــــرالي

يا زول شن جاب لي جاب

شن جاب انتر ميلان للانكشارية

وشن جاب

المنتخب القومي لفريق حلة قريعتي راحت

وشن جاب

الطاؤوس للقيردون

!!!

باااااااااااااالغت يا نوبي يا حبيب

صراحة بوست روعة

Post: #40
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 08:17 PM

لمدرب تيم الأمة ورقة خطيرة جدا يبدو انه بيحتفظ بيها للنهائيات
وهي المهاجم المتميز خالد عويس
بالطبع للكوتش اسبابه اللتي ادت لعدم إشراكه لنجم الفريق المتميز
قد يرى ان هناك ماتشات اهم من الليبرالي و يرغب في الإحتفاظ به لها
او الرغبة في اتاحة الفرصة للنجوم الصاعدة و الجديدة
او قد تكون هناك اسباب خاصة بالنجم خالد ادت لتغيبه
ولكنه يبقى ورقة مهمة كانت كفيلة بإحداث فارق كبير
اتمنى ان نراه في بقية المباريات الأكثر اهمية

ونواصل....

Post: #41
Title: Re: الأمـــــــة X الليبـــــرالي
Author: fadlabi
Date: 03-11-2008, 08:20 PM

ود البشرى تحلبلك ده بقى تشجيع عدييييييييل

نطعن في حيادية المعلق

و الفيفا بيناتنا

Post: #42
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 08:35 PM
Parent: #41

فاضلابي يا عمك...
التزم جانب الحياد ما امكن لكن كمان اللعبة الحلوة بتجبرك تشيد بيها
اما عن التشجيع فانا اميل لتيم المولانات اللذي يلعب به برنس البورد دكتور نزار
وانصح بتوخي الحذر وعدم محاولة اللعب مان تو مان معاه
بسوق زوله الكورنر بمضي بيه اسمه و يرجعه يسلم الفاضي
نكمل الحديث عن تيم المولانات في حينه
خلينا في الماتش القدامنا ده

Post: #47
Title: Re: الأمـــــــة X الليبـــــرالي
Author: عبدالكريم الامين احمد
Date: 03-11-2008, 08:54 PM
Parent: #41

Quote: لمدرب تيم الأمة ورقة خطيرة جدا يبدو انه بيحتفظ بيها للنهائيات
وهي المهاجم المتميز خالد عويس

نعم كابتن بشري نتفق معاك في خالد عويس ووجوده كان مهم
ولدنا محمد عبدالرحمن لم يلعب الا في قترات متفاوتة واتمني ان لاتكون هنالك (اصابات ملاعب)..
ولكن بالجانب الاخر هنالك لليبرالي كابتن نور تور التي يبدو انها تفرغت للتدريب
حضورها كان مهم وقد يغير في موازين مواقف الفرق الاخري
فاضلابي لاعب الليبرالي الجديد واجه اسرع انذار ملاعب للاعب قادم بقوة وحرفنة (فنية مميزة)
في بوست (الرسمة البتوضي )الذي اختفي سريعا بتوجيهات عليا من الفيفا....

علي هامش الماتش جرت ماتشات نوعية وفرعية استنزفت بعض قوة الامة

موضوع عبدالواحد
اتفاق الامة الوطني...

خطورة الليبرالي تتركز في تهديفات (عادل خارج الخط) والمباغتة
وتنويع محاور اللعب

Post: #45
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 08:51 PM

يا شباب سلامات..
دعونا نكسر رتابة الردود و كل زول يفتش ليو فردة .. او يلعب باصو للمربع المريح

سريع كده..
قبل شويةسيف مساعد ده مش كان سارق من دايرة السنتر ؟؟
في زول فيكم كحّل القصة دي !!

__
غايتو الاعادة موجودة

Post: #48
Title: Re: الأمـــــــة X الليبـــــرالي
Author: خدر
Date: 03-11-2008, 08:54 PM
Parent: #45

نوبي

بوست جميل جدا جدا

________
اوووبس نسيت .. مبروكـ التسعات و عقبال الخمسات

Post: #46
Title: Re: الأمـــــــة X الليبـــــرالي
Author: محمود الدقم
Date: 03-11-2008, 08:54 PM

نوبي يا فنان عوافي:
واعتقد دي اول مداخلة لي معكم منذ اربع سنوات ولك العتبي..

بالنسبة لاداء المبارة والتحليل الفني فاني ارى منتخب الامة بدون الكابتن (لنا
يكون وضعه صعب جدا/ حيث تقوم بدورها بشكل يحسدها عليها (ادبايو) مهاجم الارسنال
/ حيث انها افشلت حتى الان العديد من الهجمات المرتدة من قبل فريق الليبراليي كذلك ود العمدة يمتاز بخبرة ممتازة في العشب الاخضر/ الشيء الجيد ان منتخب يعتمد بشكل اساسي على لاعبيين محليين او محترفين في الدول العربية.
المجاورة باستثناء اللاعب عبدالمنعم خيرالله وبشير ابوسالف.

. وهو جالس في كنبة الاحتياطي لان اداءه العام الفائت مش مزبوط

/وكان منتخب الامة قد سجل الكابتن احمد الدابي/ لكن اتضح فيما بعد ان (الدابي) يجيد لعبة الكرة القدم الامريكية (الركبي) وليس كرة القدم المعروفة
(الزعل مرفوع ياابوحميد).

نقطة ضعف منتخب الامة تكمن في المهاجم محمد عادل الذي يترك مساحات فاضية للمهاجم عادل عبدالعاطي ولولا الكابتن لنا مهدي وودالعمدة لكانت الخسارة كبيرة.طبعا اللاعب حمزاوي لديه اساليب كعبلة الخصم من الخلف
(موضوع الاقرع) ازعجت المنتخب الليبرالي ويخشي المراقبون انه لو استمر اللاعب حمزاوي في ذات الوتيرة ربما يدفع باللاعب عادل عبدالعاطي بالتوجه للفيفا (بكري ابوبكر).

اما الليبرالي فمعظم لاعبيه اجانب خصوصا بعد انضمام المهاجم (ثروت) من كندا لصفوف الفريق/ المشكلة الاساسية لمنتخب الليبرالي تكمن في كابتنه عادل عبدالعاطي فهو سريع الغضب
يرتكب فاولات قاتلة ستجعل الجمهور يطالب بتغيره/ ولولا (زهرة) الظهير الايسر لليبرالي لسارت الامور بشكل سلبي / خصوصا كابتن عادل عبدالعاطي يمتاز بجهور كبير في المستطيل الاخضر /وهو جمهور بدا يتململ (علي مايبدو) من الاعتذرات الكثيرة للكابتن عبدالعاطي/ فقط اخطاءه واحتفاظه بالكرة لفترة طويلة تجعل المدرب نور تاور تاور
ترسل له(مسيجات) وقت لاخر بان لا ينفعل زيادة..خصوصا وان هناك رابطة مشجعي الفريق قادمة من كردفان لتشجيع الفريق..
مع اعتذاري للجميع

Post: #50
Title: Re: الأمـــــــة X الليبـــــرالي
Author: تيسير عووضة
Date: 03-11-2008, 09:19 PM

قلنا (دافوري) قالوا لا

أحيي فيصل نوبي (الأغا)
ومحمد البشرى (الوحش)
أحمد الريح (الرشيد المهدية*)

ولا أنسى طبعاً من خارج الأستوديو
كيكي (الشتالي)

لاحظت أن المباراة بها كمية من الفاولات والبلنتيات
من جهة الأمة طبعاً
والتي أجاد الليبرالي إستخدامها (زي الماحاصل شي)
بالإضافة لإعتماد الأمة على قصة التفوق العددي والتي أثبتت فشلها عملاً بقول الخواجة:
كواليتي نوت كوانتتي

وحفاظاً على الحيادية سأكتفي بسماع التحليلات من الشباب الفوق ديل
وما ننسى إنو مرات التحليل بيكون أمتع من اللعبة نفسها

ـــــــــــــــــــــ
* المهدية دا إسم أبوهو قبل ما يجوا الأميين ناطين

Post: #52
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 09:27 PM
Parent: #50

بمناسبة حضوركـ الميمون يا أخ تيسير
نباركـ ليكـ إنضمامكـ للليبرالي
تسجيل لاعب صانع العاب خطيـــر زي ما قال عبدالكريم
بالعربي كده مكسب للليبرالي (ياخ اللامات دي كتيره خلاس)
ما ترضي الا بالرقم (10)

_
تيسير انتِ سجلوكـ متين !! وورقكـ ده ما مرّ علي شداد ليه

Post: #51
Title: Re: الأمـــــــة X الليبـــــرالي
Author: Ahmed Alrayah
Date: 03-11-2008, 09:24 PM

الليبـــــرالي X الأمـــــــة

بعـــد أسبوعيـــن، لكـــن وييييين؟!

وين وين وين تلقو زي ده، ودنوباوي العسل ده

Post: #55
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 09:38 PM
Parent: #51

ود الريح..
سلامات و مشتاقين و متابعين عن بُعد ..
و بننقل من هنا لاماكن تانية كمان
حضوركـ دوماً في الصميم
Quote: * بكري أبوبكر جامل ثروت سوار الذهب، وهدفه الأول من تسلل واضح.

يكون إستخدم نظرية الكاش يقلل النقاش

_
دوماً باصات ود العمدة و لنا مهدي تأتي بهجمات عكسية.
و أحيانا من امام حارس مرماهم محمد عادل

Post: #53
Title: Re: الأمـــــــة X الليبـــــرالي
Author: تيسير عووضة
Date: 03-11-2008, 09:34 PM

لقطة أخذت أثناء المبارة تجمع بين لاعب الأمة لنا مهدي ولاعب الليبرالي تيسير عووضة
وكما نرى اللقطة بها كثير من العتاب الممزوج بالمحبة بين اللاعبين المشاكسين ..

Post: #56
Title: Re: الأمـــــــة X الليبـــــرالي
Author: وليد محمد المبارك
Date: 03-11-2008, 09:41 PM
Parent: #53

يا فيصل صحي انت في البلد ولا ده حنك

Post: #64
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 10:03 PM
Parent: #56

حنكـ يا ابو شدن ..
اسال وليد كان بيتكلم معاي الليلة قبل ما تجيو انت بعشرة دقائق
بأمارة الـ (120 + 12) = 450+1650

_
مبروكـ شدن و تتربي في عزكـ يا حبيبنا.. حلاوتنا بره لامن نتلاقي

Post: #54
Title: Re: الأمـــــــة X الليبـــــرالي
Author: kamalabas
Date: 03-11-2008, 09:37 PM

كتبت كابتن تيسير
أحمد الريح (الرشيد المهدية*)
رشيد مهدية بتاع الساعة كم? ود الريح دا مستواه عالمي في التعليق
وبمناسبة رشيد المهدية دي أنتي ما لاحظتي أنو ود الريح كتب أيه

Quote: من كبد الحقيقة بعد المباراة بعنوان: (هزيمة مفيدة)

* سيظل حزب الأمة...

* التاريخ لا يكذب وحزب الأمة هو الوحيد الذي...

* عادل عبد العاطي يستحق بطاقة حمراء!

كفاية عمل من كبد الحقيقة وصاحب كبدة الحقيقة مناصريين للأمة?
...أنتي ما عارفة بالشجعوا عمود كبد الحقيقة مهزوم علي طول?
.....غايتو ياتيسير عادل دا خلوا معاهو المايستروا زهرة في النص بعد
دا ما بتجيكم عوجة لأنها بتلعب بهدوء وبتحد من أنفعالات وخشونة عادل
كمال

Post: #59
Title: Re: الأمـــــــة X الليبـــــرالي
Author: فيصل نوبي
Date: 03-11-2008, 09:53 PM
Parent: #54

شايف في إستراحة حاصلة بعد تسلل سيف مساعد المشهود قبل دقائق
و مدرب الامة يجري تنبيهاته للاعب الامة و يهدده بتحويله الي ما وراء الشباكـ

الاميرة لنا
تحيات عاطرات ..
حاولي تنظمي خط الدفاع ده شوية عشان الهجمات العكسية ما تكتر ..
و ما تعتمدي كتير علي كبد الحقيقة .. زي ما أشار حبيبنا ود الريح ..

تراجي
دوما بتذكرني بالحكم الرابع ..
بيكون داير يتخذ قرارات وهو بيتابع من الشاشة زيو زي المتفرجين

محمد فتوحي
ديل لميتهم كيف !! الامة و الهلالـ !!

خدر
نحن ناس تسعات ساي .. الخمسات دي ما قاعدين نجي بجنبها
مشتاقين يا وغد .. تصدق !!
أتابع مذكراتكـ و قربت ألصق ليكـ البتاعة ديكـ تاني .. متذكرها !!

_
انور احمد & وائل السيد & مهدي & فاضلابي & كمال عباس ..
العوض & ابوبكر ابو القاسم & ود العمدة & الدقم & ..
لكم التحايا .... الي حين عودة ..

Post: #57
Title: Re: الأمـــــــة X الليبـــــرالي
Author: esam gabralla
Date: 03-11-2008, 09:44 PM

live من الاستاد

Post: #58
Title: Re: الأمـــــــة X الليبـــــرالي
Author: عبدالكريم الامين احمد
Date: 03-11-2008, 09:48 PM
Parent: #57

عصام جبرالله بالله ما تهظر ده استديو جدجد
والله يورينا يوم
شيوعي-ليبرالي
حرم المكرسح بشيل العميان اليوم داك

Post: #62
Title: Re: الأمـــــــة X الليبـــــرالي
Author: esam gabralla
Date: 03-11-2008, 10:00 PM
Parent: #58

Quote: والله يورينا يوم
شيوعي-ليبرالي

انا غايتو من اسه حاجز ضد الفاضلابي او زهرة

ناس عادل و ثروت ديل لعبهم خشن و نحنا ورانا عيال نربيهم والاتنين ديل يا شيلوك كراعك يا رقبتك زاتا

المدرب قال للعيبتو "الخطة كالاتى ... بره الخط ضرب في النخرة ..."

نواصل البث المباشر من الاستاد

Post: #63
Title: Re: الأمـــــــة X الليبـــــرالي
Author: أبوبكر أبوالقاسم
Date: 03-11-2008, 10:02 PM

أخت تيسير أظنك طوّلتى ما تابعتى المنافسات والدليل:

Quote: [لقطة أخذت أثناء المبارة تجمع بين لاعب الأمة لنا مهدي ولاعب الليبرالي تيسير عووضة
وكما نرى اللقطة بها كثير من العتاب الممزوج بالمحبة بين اللاعبين المشاكسين ..__

الإثنين أصبحوا فى فريق برشلونة وطمموا بطنا أول أمس ...

لعيبة الكنب ما بنفعوا لأنو بكونوا فقدوا حساسية المباريات ولا بد من إشراكهم تدريجياً لإكتساب الحساسية المطلوبة وإلا بكونوا بندق فى بحر .

Post: #65
Title: Re: الأمـــــــة X الليبـــــرالي
Author: fadlabi
Date: 03-11-2008, 10:08 PM

Quote: انا غايتو من اسه حاجز ضد الفاضلابي

يسمك

أنا اليوم داك غايب ذاته

عاملين استنساخ اربعة ثروت و اربعة عادل
و تيسير و نور دفاع و نص لتهدية اللعب باقي القيم داك داير روقان أعصاب
ما بنلقى لينا محمد عادل بالهين
و فاكين ليكم الحداشاراوي لاعب مفاجأة لخلخلة الصفوف و التسجيل في الدقايق الأولى

Post: #66
Title: Re: الأمـــــــة X الليبـــــرالي
Author: محمد البشرى الخضر
Date: 03-11-2008, 10:27 PM

لا زال الحديث عن كوتش الأمة واوراقه الرابحة
ورقة اخرى مهمة للفريق وهي لاعب الإرتكاز النجم اسماعيل وراق
اللذي يمتاز باللعب بعقله قبل قدمه
مع لياقته العالية و حضوره الذهني يمتاز بهدوئه وقدرته على مواجهة الخصوم بلا إنفعال
وقد اثار عجب النظارة و المتابعين عدم مشاركته الفعالة في الماتش
قد يكون لإنشغاله ببعض ماتشات الجالية المحلية بعض الأثر على لياقته
ولكن يبقى سر احتفاظ الكوتش باوراق مهمة مثل النجمين خالد و وراق خارج التشكيلة
في حين ان مشاركتهم كانت ستكون ذات تاثير مهم على مجريات الماتش
عموما تبقى للكوتش النظرة الفنية و تقييمه لإمكانيات لاعبيه

نواصل....

Post: #68
Title: Re: الأمـــــــة X الليبـــــرالي
Author: emad altaib
Date: 03-11-2008, 10:37 PM
Parent: #66

ـــــــــــ
ياعمك فيصل نوبي ..
يا عمك ومحمد البشري ..
الحقوق محفوظ ليك ..

لوكان السودان ذي بوستكم ده ..
كان في حد طلع منو..
مش كان اخدنا كاس العالم بكل فرقنا ..
سُلِمتُم جميعا..

Post: #69
Title: Re: الأمـــــــة X الليبـــــرالي
Author: عبدالكريم الامين احمد
Date: 03-11-2008, 11:32 PM
Parent: #68

Quote: لا زال الحديث عن كوتش الأمة واوراقه الرابحة

ياكابتن عمك مدرب الامة احتفاظه بمفاتيح اللعب والاوراق الرابحة
تحسب ضده فالماتش نوعي وخاطف ومتعشب وبه منعطفات وهجمات الليبرالي صعب التكهن بنوعيتها ومواعيد
طلعاتها الجوية..لذا حذاري منها
وكذلك بعد ظهور مباراة(يمكن ان تقام في اي لحظة)
ضد فريق (السودان الجديد) بقيادة كابتن تراجي وخالد ومحمد سليمان مع احتمال ظهور مفاجي لامنة مختار واحتمال ضعيف (بشاشا) (في اجتهادت من خالد الطيب جادة لاقامتها))
حذاري من انزال الاخ الدابي فقد بقتح الجبهة الواشنطونية وعينك ما تشوف الا 0(دينق-وسام وكوستاوي)..
اسجل من داخل الاستديو اعجاب باداء
الطالب
بشير ابو سالف

ولسع قد احتاج لعودة من اجل تيسير وزهرة في تحيليل خاص

Post: #67
Title: Re: الأمـــــــة X الليبـــــرالي
Author: Mohamed Foto7li
Date: 03-11-2008, 10:36 PM

Up

الأمـــــــةالأمـــــــة الأمـــــــة

الأمـــــــةالأمـــــــة الأمـــــــة

الأمـــــــةالأمـــــــة الأمـــــــة

الأمـــــــةالأمـــــــة الأمـــــــة

Post: #70
Title: Re: الأمـــــــة X الليبـــــرالي
Author: محمد عادل
Date: 03-11-2008, 11:57 PM
Parent: #67

مباراة غير متوازنه
فريق بلعب فى الدرجة التالته ينافس ليهو فريق
شارك بره وجاب كاسات خارجيه
حزب ماعندو ميدان وماعندو هيكل لمجلس اداره
حزب ليست له شعبيه ولاقواعد
حينافس ليهو حزب عريق وله جماهير وقاعده
حزب مجلس ادارته الحالى يسئ ويشتم يمين وشمال
حزب قياداته لاترد على امثال هؤلاء
بل تترك كوادره واعضائها يردون على هؤلاء
حزب له جمهور واستاد
حسه الكوره دا اتلعبت وين
حزب اسفيرى ينافس حزب له مكانتو

Post: #71
Title: Re: الأمـــــــة X الليبـــــرالي
Author: Omar Bob
Date: 03-12-2008, 05:48 AM

سلامات يا نوبي:
عمودي اليومي - ليس من راي كمن سمع-

* الملاحظ في هذا الماتش ان الليبرالي باغت الامه بهجوم كاسح من كل النواحي
* لم بكن الامه يتوقع ذلك الهجوم لذلك انكمش الامه في منطقته كليا
* مارس الامه لفتره من فترات المباره تكتيك تشتيت البوستات ( اقصد الكوره)
* وقد ابدعت كابتن فريق الامه الاميره لنا في هذا التكتيك
*بمرور الوقت هدأ لاعبو الامه واكتشفو خطه هجوم الليبرالي وبداؤو يتناقلون الكره برشاقه في بعض الاحيان
* نجوم المباره من الامه الاميره لنا ومن اليبرالي كابتن عادل عبد العاطي
* لا ندري حتي الان ان كانت المباره ستستمر حتي نهايتها ام ستتدخل قوي خارجيه لايقافها
* تيسير اضافه حقيقيه لليبرالي ولها مستقبل واعد ان لم تتابع السهر وتتجنب الغرور
* الجمهور استحسن فكره عصام جبر الله والصور الحيه من داخل ملعب المباره ويطالبه بالمزيد

___________________________________________________________________________
بعيدا عن الروح الفكهايه العاليه في هذا البوست الجميل احي روح الاخت لنا الديقراطيه

Post: #72
Title: Re: الأمـــــــة X الليبـــــرالي
Author: زهرة حيدر ادريس
Date: 03-12-2008, 06:27 AM
Parent: #71

يعني بس بالغتو ...
جميل جميل جميل لحد الا منتهى يا فيصل نوبي
وجميلين برضو بي جمال وروعة السودان كل المرور ((حتى احبابنا الاميين)) وقلتو من غير زعل.. صاح

وزي ما قال الاخ عماد .. لو كان السودان كدا لسه ما كان زول مرق

واها دي شوته ليبراليه خالص يا عماد ...

السودان اصلا كدا .. جوهرو كدا .. لو ما عتاولة الساسه واتيام الدرجه الاولى اللى خربت كورتنا وكتلت المواهب الحقيقيه.. وبتفتكر انو الدرجه الاولى صنعتهم

على العموم نحنا ناس الليك واتيام الدرجه التالته ديل مواصلين في مباريتنا لحدي ما نغيير عقليه مازدا بتاعة اللعب بالاسماء الكبيره و التاريخيه اللي ما عملت حاجه غير ودتنا في ستين داهيه وخلتنا حاجزين مقاعد الطيش

والكاسات الجد جد موعد بيها وطن المليون ميل يا شباب

Post: #94
Title: Re: الأمـــــــة X الليبـــــرالي
Author: فيصل نوبي
Date: 03-13-2008, 05:10 AM
Parent: #71

عمر بوب
سلامات يا باشمهندس
عمودكـ خطير جدا
Quote: الملاحظ في هذا الماتش ان الليبرالي باغت الامه بهجوم كاسح من كل النواحي

مشكلة الليبرالي عادل .. القاطرة البشرية

_
تحيات طيبات للجميع .. و لنا عودة بإذن الله .

Post: #73
Title: Re: الأمـــــــة X الليبـــــرالي
Author: بدرالدين كاجوري
Date: 03-12-2008, 06:48 AM

( عادل عبد العاطي) البرنس
( لنا مهدي ) العجب

جماهير الازرق مستمتعة بااداء البرنس

جماهير الاحمر تطالب باخراج محمد عادل(اليجا تانا )

وقد لاحظنا انحياذ الرشيد بدوى عبيد للاحمر ( محمد البشري )

Post: #74
Title: Re: الأمـــــــة X الليبـــــرالي
Author: أبوبكر أبوالقاسم
Date: 03-12-2008, 07:09 AM

الأخوين نوبى وود البشرى تحية طيبة

طبعاً لازم تُؤمِّنوا على مبدأ
No heart feelings
لأنو إنتو عارفين أن التعليق يعتمد كثيراً على الشمارات والتحليل...

كدى أدونى رأيكم فى إعترافات ودالطيب غير القضائية عن مسار المباراة فى بوست محمد السنى دفع الله ( لا يا سامى لالالالالالا) :
Quote:

11-03-2008, 10:20 م

emad altaib

.

تاريخ التسجيل: 27-12-2007
مجموع المشاركات: 569
Re: يـا ســــامـي لالالالا.. (Re: محمد سنى دفع الله)

ــــــــــــ
استاذي محمد السني لك ودي
عندنا حارس في التمارين
العادية بيعمل (اكروبات)
يعني كان الكوره ساهله
بيقوم(بتنقز) ويقلب الهوبه
فيها ..
بعدين كان في دوي ..
محلي ..
واول مباره فريقنا..
لعب مع خصم .والخصم كان عادي
وان شاء الله جماعتك مدننا
(7) مقابل (صفر) والاخطاء
معظمها من الحارس ..
والمشجعين بعد المباره
لمو ليك في الحارس
ياخي والله القون التاني ده
الكوره كانت ساهله ..
والاخير بالبيضه وطلعت بين يديك ..
والحارس عاوز ليه دربا
يبرر موقفه ..
جره نفس طول
وصره جبته خلها ذي الختم
ونفض ايدياته ..
لوه رقبه ..
وقاليهم ..
ياخي اعمل ليها
شنو الكوره جديد بتتزلق
من يدي ..
والجميع انفقعوا بالضحك ..
ولعند اليوم صارت ملازمه
الكوره جديده بتتزلق ..

Post: #81
Title: Re: الأمـــــــة X الليبـــــرالي
Author: emad altaib
Date: 03-12-2008, 09:30 AM
Parent: #74

ــــــــــــــ
الاخ : ابوبكر ابو القاسم
لك السلام والرحمه:
Quote: الأخوين نوبى وود البشرى تحية طيبة

طبعاً لازم تُؤمِّنوا على مبدأ
No heart feelings
لأنو إنتو عارفين أن التعليق يعتمد كثيراً على الشمارات والتحليل...

كدى أدونى رأيكم فى إعترافات ودالطيب غير القضائية عن مسار المباراة فى بوست محمد السنى دفع الله ( لا يا سامى لالالالالالا) :

ياحبيبنا الموضوع ده حقيقي .. بتاع الحارس ده
قبل فتره طويله جدا ... وحتي الان موجود وحياويرزق ..
وعندنا ناس في المنبره بتعرف الكلام ده .. ولمن حدث الموقف ده ..
ما كان في شبء اسمه الحزب الليبرالي ..يعني امكن فوق ل15 سنه
وانا ماحبيت اذكره اسمه .. تحفظا مني ...
ولك كل الود

Post: #75
Title: Re: الأمـــــــة X الليبـــــرالي
Author: Omar Bob
Date: 03-12-2008, 07:54 AM

عمودي اليومي - ليس من راي كمن سمع-

* يجب ان لا يفوت علي المشاهدين ان هذه المباره تلعب وفق قوانين كره السله
* كل اللاعبين يمكن استبدالهم و اعادتهم حسب سير المباره
* للذين تسالو عن الكابتيين خالد عويس و محمد عبد الرحمن هاكم الحقائق -شفتو عشان كه العمود ده اسمو ليس من راي كمن سمع-
* محمد عبد الرحمن اشترك في بدايه المباره وانسحب محتجا لانه يعتقد ان الفريق الخصم ضعيف وسيمارس اللعب غير النضيف
* كما طالب ان ينسحب فريق الامه بكامله من المباره ولكن كابتن الفريق لنا لم تستجب له
* الكابتن خالد عويس قام بتمريره ذكيه - كعادته- في بدايه المباره ولكنها لم تجد من يستثمرها فاثر الخروج من المباره
* مهدي من الامه يشارك من حين لاخر في تسديد الضربات الثابته
* مشاركه اللاعبين الاجانب مع اليبرالي كان تكيكا ناجحا جدا
* الاعب الاجنبي كمال عباس ساعد الليبرالي في بعض الهجمات المركزه التي خلخلت دفاعات الامه في بعض الاحيان - عيب هذا اللاعب انه لا يلتزم بخطه المدرب - مما يجعل فريق الليبرالي يضع يده في قلبه
* اللاعب الاجنبي دينق ايضا شارك في بعض الهجمات وان كانت كراته تفقد التركيز في بعض الاحيان
* اللاعب الاجنيه تراجي بدات تدخل اجواء المباره
* ما يحمد للاعبي الامه حتي الان انهم ملتزمون باللعب النضيف الا من بعض الفاولات التي يرتكبها اللاعب محمد عادل المسجل بفريق الناشئين

Post: #76
Title: Re: الأمـــــــة X الليبـــــرالي
Author: محمد عبدالرحمن
Date: 03-12-2008, 08:05 AM
Parent: #75

ريال مدريد ْx المورده ودقراص ...
معقول لكن يافيصل نوبى.. ماعصرت علينا ؟
عموما المباراة خربت برنامجنا بمتابعتها صباح ومساء
وان شاء الله تكون وقفت على كدا عشان نمشى نشوف اشغالنا

Post: #77
Title: Re: الأمـــــــة X الليبـــــرالي
Author: فيصل نوبي
Date: 03-12-2008, 08:34 AM
Parent: #76

محمد عبدالرحمن
تعرف يا صاحبي انت من اللاععبين الاذكياء جدا في الامة ..
تشتيت الكورة من أمام حارس المرمي الأمي كانت لعبة حلوة جدا منكـ هنا
Re: بيان هام من المكتب التنفيذي للحزب الليبرالي السوداني
بس يا عمكـ نسيت انه في مراقبين خط قاعدين زينا كده للسارق

_
مشتاقين يا حبيب*..
حبيب دي ما حقت الامة .. دي حقت اولاد الحلة الفِرد و كده

Post: #108
Title: Re: الأمـــــــة X الليبـــــرالي
Author: فيصل نوبي
Date: 03-14-2008, 11:14 AM
Parent: #75

عمر بوب
سلامات يا باشمهندس .. و بركة بالشوفة ..
عمودكـ اليومي مسجل غياب اليوم الجمعة ..

_
تداعياتكـ جميلة لا تحرمنا منها ياخ..

Post: #78
Title: Re: الأمـــــــة X الليبـــــرالي
Author: منى على الحسن
Date: 03-12-2008, 08:34 AM

نوبي ازيك

مالك يا اخوي انت ود البشرى بتسوا في المديده حرقتني

مع الامة والليبرالي ؟؟؟؟؟

غايتو انا بشجع اللعبة الحلوة والاميرات لنا وتيسير لعبة حلوة خالص

تخريمة :

لكن

تشجيع ود الريح مغري لإستعادت الذاكرة

* الليبرالي ( .....) الشين دخلت بي وين

* ون مان شو الامة (....) كشوووو

Post: #79
Title: Re: الأمـــــــة X الليبـــــرالي
Author: فيصل نوبي
Date: 03-12-2008, 08:45 AM
Parent: #78

محمد عبدالرحمن
داير يعمل فيها ابوتريكة ..
Re: بيان هام من المكتب التنفيذي للحزب الليبرالي السوداني
يمشي يهابش الناس في إستادهم و يقلع الكورة و يرجع بعد الشوط التاني يعمل فيها رايح
و يا شباب هاكم كورتكم ما داير معاكم .. انتو بتلعبو بكورة قدم و انا زول سلة ساي

_
منينة ..
سلامات يا صاحبة .. الزول المسكين سايق شنو

Post: #80
Title: Re: الأمـــــــة X الليبـــــرالي
Author: اساسي
Date: 03-12-2008, 08:52 AM
Parent: #78

خطط اللعب

اللبرالي : يلعب بخطة _ قون وباك_

الامة : يلعب بخطة _ شختك بختك _

Post: #84
Title: Re: الأمـــــــة X الليبـــــرالي
Author: محمد حسن العمدة
Date: 03-12-2008, 11:49 AM
Parent: #80

Quote: بمناسبة حضوركـ الميمون يا أخ تيسير
نباركـ ليكـ إنضمامكـ للليبرالي

تيييييييييت

فاول من المعلق نفسو

يبدو ان حمى المباراة اصابت حتى المعلق الرياضي ..

بس يا زهرة هل العيب في اندية الدرجة الاولى وانسحاب الهلال من المنافسة تماما

مما دفع فرق الليق والدرجة الثالثة وكرة الشباب للطمع في الوصول الى الاولى ؟؟

ولا في الادارة بتاعت اتحاد الكرة وسيطرة شداد ؟؟؟

Post: #95
Title: Re: الأمـــــــة X الليبـــــرالي
Author: زهرة حيدر ادريس
Date: 03-13-2008, 07:59 AM
Parent: #84

Quote: بس يا زهرة هل العيب في اندية الدرجة الاولى وانسحاب الهلال من المنافسة تماما

مما دفع فرق الليق والدرجة الثالثة وكرة الشباب للطمع في الوصول الى الاولى ؟؟

ولا في الادارة بتاعت اتحاد الكرة وسيطرة شداد ؟؟؟

يا ود العمده يا ولدي قلنا ليك دي الجماهير المشجعه .. الكان نفسها تشوف كاسات بالجد او على اقلو تمثيل يشرف
الجماهير دي يا ود العمده ملت رياضه الناس الكل مؤهلاتهم عندهم قروش او انهم اقدم الفرق.. ملت مسالة انها مفروض تنبهر بالعكسه الحلوه اللي بيتبعها مليون هدف فينا لغلطات نفس اللاعب و التيم .. واشتاقت لرياضه بالجد ولعب حريف ومواهب يقيف عندها العالم .. وطال شوقها شديييييييييد لانتصار واقف في طريقو شداد ومازدا والهلال و المريخ

رايك شنو!؟

Post: #83
Title: Re: الأمـــــــة X الليبـــــرالي
Author: محمد البشرى الخضر
Date: 03-12-2008, 11:35 AM
Parent: #78

منى علي كيفك
Quote: الك يا اخوي انت ود البشرى بتسوا في المديده حرقتني
حسي الله يسألك ديل دايرين ليهم مديدة ولا عصيدة
براهم ما مقصرين

Post: #82
Title: Re: الأمـــــــة X الليبـــــرالي
Author: أبوبكر أبوالقاسم
Date: 03-12-2008, 11:33 AM

الحبيب/ عماد تحية طيبة

هذا البوست طابعه معروف ونحن عارفين صحة كلامك:
Quote:
ياحبيبنا الموضوع ده حقيقي .. بتاع الحارس ده
قبل فتره طويله جدا ... وحتي الان موجود وحياويرزق ..
وعندنا ناس في المنبره بتعرف الكلام ده .. ولمن حدث الموقف ده ..
ما كان في شبء اسمه الحزب الليبرالي ..يعني امكن فوق ل15 سنه
وانا ماحبيت اذكره اسمه .. تحفظا مني ...
ولك كل الود

وما يخفى عليك طابع المداعبة .......

بالمناسبة معرف فى الكورة إنو لما يكون هناك فريق كبير يُلاعب فريق أقل منه ، يقع الفريق الكبير فى مشكلة الشعور بإنو حافظ اللعب ويجو لعيبتوا الكبار يلعبوا اللعب البعرفوه يقوم ما ينفع ، يتوقع اللاعب يجيهوه بجاى يلقاه واقف قدامه، وتطير منهم الكورة البعرفوها ...

كامل مودتى وتقديرى على الروح الرياضية

Post: #85
Title: Re: الأمـــــــة X الليبـــــرالي
Author: إسماعيل وراق
Date: 03-12-2008, 12:32 PM
Parent: #82

شكراً فيصل نوبي على كسر الرتابة والمعركة التي تطاير غبارها دون معترك.

.
.
ود البشرى.. أخوك على الخط..

Post: #86
Title: Re: الأمـــــــة X الليبـــــرالي
Author: منى على الحسن
Date: 03-12-2008, 12:44 PM

نوبي .....صاحبي صاحبتي المسكين ....السايق اللاندكروزر ...ابو الزفت

اريتني بي مسكنتو اسوق الكروزر...

* الامة فوف .. فوق فوق .....

* الليبرالي صعب كاساتو دهب ..

Post: #87
Title: Re: الأمـــــــة X الليبـــــرالي
Author: فيصل نوبي
Date: 03-12-2008, 12:59 PM
Parent: #86

عندما يصل عبدالعاطي الي آخر كروته..
الأُمييون بين التهديد والوعيد الكاذب ومحاولات اغتيال ا...أو في سيرة الإرهاب !
تدري انه قرر التهديف بقوة او المحافظة علي النتيجة الحالية

_
منينة ..
عدلتي شنو ... الله يلحقكـ مسكنة صاحب صاحبتكـ

Post: #88
Title: Re: الأمـــــــة X الليبـــــرالي
Author: إسماعيل وراق
Date: 03-12-2008, 01:04 PM
Parent: #87

دا إسمو إنتحار يا فيصل

الله يكون في عونه..

Post: #89
Title: Re: الأمـــــــة X الليبـــــرالي
Author: فيصل نوبي
Date: 03-12-2008, 01:11 PM
Parent: #88

الحبيب مولانا ..
أخباركـ و أموركـ و صحتكـ ؟
بصراحة .. أحترم عادل جداً و له مكانة خاصة عندي برغم إختلافي التام مع توجهاته..
البوست ما بيشبه عادل ..
لما نقلت العنوان هنا ما كنت قريت البوست لسه ..

_
انت كنت قاعد إحتياطي مالكـ

Post: #90
Title: Re: الأمـــــــة X الليبـــــرالي
Author: ايوب عبدالرحيم
Date: 03-12-2008, 01:34 PM

نوبي سلام
عندي ملاحظة صغيرة في اكثر من لاعب في صفوف الفريقين يرتدي نفس الشعار دا :

الموضوع دا سبب لي لخبطة في متابعة ( الباصات )

ايه رايك

بوست جميل

Post: #91
Title: Re: الأمـــــــة X الليبـــــرالي
Author: محمود الدقم
Date: 03-12-2008, 02:45 PM

فيصل نوبي:
شايفك ماعلقت على تحليلنا وكدة (جنس حسادة غايتو )
صحف اليوم الرياضية حملت اشاعة مفادها (ان كابتن تراجي ستغادر صفوف (منتخب الهامش) وتنضم الى صفوف (الليبرالي)) وهذا ما يتمناه منتخب (ناس المركز) الكلام دا صاااح وللا لا?
كذلك عايزين نعرف جدول المباريات خصوصا مباراة (المركز x الهامش) ومبارة (السودان الجديد السودانx القديم) التي اشار اليها المعلق عبدالكريم.. وبرضك مبارة منتخب UN X منتخب (الكحومة) ومبارة الاخوان الجمهوريين بقيادة الدكتور ياسر الشريف ضX منتخب (حلة فرانكلي) وشوية تحاليل رياضية بخصوص مبارة ليبراليX شيوعي.. التي يرتقبها قطاع واسع من الرياضيين بالداخل والخارج.. على ان يحسم اللاعب كمال عباس امر تسجيلاته مع فريقه القديم منتخب المستقلين وكدا.

Post: #92
Title: Re: الأمـــــــة X الليبـــــرالي
Author: محمد عادل
Date: 03-12-2008, 07:11 PM
Parent: #91

خروج الكابتن عادل عبدالعاطى
مصاب هل يعود لارض الملعب مره اخرى

Post: #93
Title: Re: الأمـــــــة X الليبـــــرالي
Author: A.Razek Althalib
Date: 03-12-2008, 10:03 PM
Parent: #92

فيصل نوبي..
Quote: الأمـــــــة X الليبـــــرالي

الضرب ضرب أبي محجن والكركر البلقاء

يا نوبي شن جاب لجاب..
ألم ترى أن السيف ينقص قدره إذا قلت أن السيف أمضى من العصى..

خمسة×صفر..

Post: #96
Title: Re: الأمـــــــة X الليبـــــرالي
Author: زهرة حيدر ادريس
Date: 03-13-2008, 08:37 AM
Parent: #93

Quote: الضرب ضرب أبي محجن والكركر البلقاء

يا نوبي شن جاب لجاب..
ألم ترى أن السيف ينقص قدره إذا قلت أن السيف أمضى من العصى..

خمسة×صفر..

يا فيصل نوبي حصصصصصصصصصصصل ...
في انصاري متشعلق في اللوحه داير يغيير النتيجه

Post: #97
Title: Re: الأمـــــــة X الليبـــــرالي
Author: بكرى ابوبكر
Date: 03-13-2008, 08:43 AM
Parent: #93

ده من اجمل ما قراءت من البوستات ..
نوبى تنفع تكون سناريوانيست

Post: #98
Title: Re: الأمـــــــة X الليبـــــرالي
Author: إسماعيل وراق
Date: 03-13-2008, 08:51 AM
Parent: #97

Quote: ده من اجمل ما قراءت من البوستات ..
نوبى تنفع تكون سناريوانيست

العزيز بكري
بس أنت خليك ماسك الصفارة.. وبالله جهز كروتك.. اصلاً نحن لياقتنا اليومين ديل في السماء وبالنا طويل..
الكروت لأصحاب الفاولات من الفريقين.. علشان ما يجي واحد من أفراد (البرعم) المنافس ويقول دي رشوة للحكم.. أو تحريض.

Post: #111
Title: Re: الأمـــــــة X الليبـــــرالي
Author: فيصل نوبي
Date: 03-14-2008, 03:41 PM
Parent: #91

الدقم
Quote: شايفك ماعلقت على تحليلنا وكدة (جنس حسادة غايتو )

كدي راجع فوق شوية كده و اخد راحتكـ
Quote: دعونا نكسر رتابة الردود و كل زول يفتش ليو فردة .. او يلعب باصو للمربع المريح

_
برضو تحليلكـ قوي جدا .. و حبابكـ في داركـ

Post: #115
Title: Re: الأمـــــــة X الليبـــــرالي
Author: A.Razek Althalib
Date: 03-16-2008, 08:24 AM
Parent: #111

Quote: يا فيصل نوبي حصصصصصصصصصصصل ...
في انصاري متشعلق في اللوحه داير يغيير النتيجه

جنس دقسة..

Post: #99
Title: Re: الأمـــــــة X الليبـــــرالي
Author: فيصل نوبي
Date: 03-13-2008, 12:59 PM

التحايا لكم جميعاً .. فوق الي حين عودة ..

_
زرزرة شغل مع متابعة مباريات و كده

Post: #100
Title: Re: الأمـــــــة X الليبـــــرالي
Author: محمد حسن العمدة
Date: 03-13-2008, 01:23 PM
Parent: #99

يا نوبي زمان لامن كنا بندافر في الحلة

كان عندنا واحد خرخار شديد اسمو القطام

الزول ده كيشة وخرخار في نفس الوقت

اها لامن ينقلب بيقوم يخربا ويعمل ليهو شكلة من مافي

زي كيشت الكتشينة

اول ما يغلبو يقوم يلخبط الورق

Post: #101
Title: Re: الأمـــــــة X الليبـــــرالي
Author: عبدالكريم الامين احمد
Date: 03-13-2008, 01:38 PM
Parent: #100

عودة للاستديو
ونحي ظهور الفيفا(بكري) ويبدو انو الماتش احلو
والرعاية من بلاتر شخصيا...
1-ضروري نوكد باننا قد اندهشنا لنزول اللاعبة (تيسير عووضة) ضمن فريق الليبرالي
ولم نكن نعلم بان هذا الفريق قد سجلها..الا عندما رايناها في منتصف الملعب في خانة الديب
وهي تودي بكل حرفنة وحماس..ومارست رقابة (ومن تو ومن) مع كابتن لنا ..وهي لاعب خطير وجماهيري يمكن لليبرالي استغلاله في خلخلة دفاعات الخصم..(تذكر باللاعب المريخي الشهير قلة) وبالعربي كده (فرفارة)...
2- زهرة ايضا تجيد امتصاص الهجمة والهجمات المرتدة وظهر بان وجودها ضروري لتغطية (انفعالات) القاطرة البشرية عادل..واللاعب القادم بسرعة وعنف (ثروت)...
3-اللاعب المحترف (كمال عباس) ايضا اندهشنا لوجوده في هذا الماتش وبقوة وكنت اعتقدت
ومع اندهاشة تيسير بان الليبرالي (خمج السوق) وتم تسجيل كمال ايضا الا وبعد تروي تبين بان
ابو كمال يشارك كلاعب اجنبي
عموما الليبرالي يجيد الهجوم من العمق والاطراف..
ولكن الامة استطاع وكما قال الاخوة امتصاص الهجمات بطريقته الايطالية (دفاع المنطقة)..
وان كنا نعيب علي مدربه عدم المبادرة بالهجوم ماعدا بعض طلعات ود العمدة وبعض
محاولات محمد عادل الخجولة علي شااااكلة(هوووي يا عادل...واعتذر يا ثروت)...
ده ما هجوم ده..
لو لعب مدرب الامة بطريقة الهجوم الايجابي لشرب الليبرالي موية ولم يروي
-برنامج الليبرالي
-قضايا حاسمة(نيفاشا)
-مفهوم المعارضة الايجابي عند الليبرالي
-قضايا الهامش
- تحالفات الليبرالي....
-الدين- والدولة
-دستور 2005
ظهور هذه الجمل في شكل بوستات سيجعل من الماتش اكثر فائدة ومتعة وزرزرة

ظهور هجمات بهذا المستوي والعمق قادرة علي امتصاص قدرات عادل عبدالعاطي
وتقلل مقدراته الهجومية (لانو سيتفرغ للرد علي هذه الجزئيات) وساعتها سيكون قفاز المبادرة بيد الامة..ويسهل اصطياد الليبرالي ووضعه في (مربع الدفاع)....

Post: #102
Title: Re: الأمـــــــة X الليبـــــرالي
Author: Shams eldin Alsanosi
Date: 03-13-2008, 06:40 PM

Quote: لو لعب مدرب الامة بطريقة الهجوم الايجابي لشرب الليبرالي موية ولم يروي
-برنامج الليبرالي
-قضايا حاسمة(نيفاشا)
-مفهوم المعارضة الايجابي عند الليبرالي
-قضايا الهامش
- تحالفات الليبرالي....
-الدين- والدولة
-دستور 2005
ظهور هذه الجمل في شكل بوستات سيجعل من الماتش اكثر فائدة ومتعة وزرزرة

ظهور هجمات بهذا المستوي والعمق قادرة علي امتصاص قدرات عادل عبدالعاطي
وتقلل مقدراته الهجومية (لانو سيتفرغ للرد علي هذه الجزئيات) وساعتها سيكون قفاز المبادرة بيد الامة..ويسهل اصطياد الليبرالي ووضعه في (مربع الدفاع)....

هناك اشاعات تتردد بان المعلق اللامع كيكي قد تم شراؤه ليكون مستشارا ضمن هيئة تدريب فريق الامة يسدي لهم النصح في كيفية هزيمة الليبرالي وهذه الاشاعات بالطبع تستند علي الكبسولات التي صار يرسلها المعلق اللامع من عموده اليومي

Post: #105
Title: Re: الأمـــــــة X الليبـــــرالي
Author: عبدالكريم الامين احمد
Date: 03-14-2008, 10:32 AM
Parent: #102

Quote: كيكي قد تم شراؤه ليكون مستشارا ضمن هيئة تدريب فريق الامة يسدي لهم النصح في كيفية هزيمة الليبرالي

هلا يا شمس
وكل الود
نسوي شنو يا شمس الدين مع (الجنتك) ياااخي
القصة ما بيع وشراء
القصة(جينتك انصارية) ولكن الحياد هو سيد الموقف وناس الليبرالي اصحابي برضو

Post: #103
Title: Re: الأمـــــــة X الليبـــــرالي
Author: Ahmed Alrayah
Date: 03-13-2008, 10:24 PM

... مطالبات ليبرالية بمعاقبة محمد حسن العمدة لخلطه بين الدين والرياضة، وذلك
بسبب رفعه لقميصه عقب إحراز هدف الشرف لفريق الأمة في المباراة الماضية،
وظهرت تحته كلمات تعبر عن ولاءه للصادق المهدي (تعاطفا مع الحبيب الإمام).

بكري أبوبكر سيجتمع مع بكري أبوبكر وبكري أبوبكر وبكري أبوبكر للبت في
هذه القضية العاجلة.

Post: #104
Title: Re: الأمـــــــة X الليبـــــرالي
Author: نيازي مصطفى
Date: 03-13-2008, 11:12 PM
Parent: #103

سلااااامات يا نوبي .. تقصد برشلونه لاعب مع فريق امريكي لا يجيد الا كره القدم الامريكيه ومطعم بخبراء تزلج كنديين .

Post: #106
Title: Re: الأمـــــــة X الليبـــــرالي
Author: فيصل نوبي
Date: 03-14-2008, 11:06 AM

تحول تيسير من خط الوسط الي الهجوم
بهجمة مرتدة سريعة جدا
السيد طارق شرقاوي والسيد محمد حسن العمدة ..

_
ود العمدة و طارق شرقاوي في الدفاع و حراسة المرمي

Post: #107
Title: Re: الأمـــــــة X الليبـــــرالي
Author: فيصل نوبي
Date: 03-14-2008, 11:09 AM
Parent: #106

تيسير
اللاعب رقم 4
Quote: Take a break man

_
ما كلمناكـ ياخ

Post: #109
Title: Re: الأمـــــــة X الليبـــــرالي
Author: فيصل نوبي
Date: 03-14-2008, 11:21 AM
Parent: #107

عادل عبدالعاطي
بطريقة اللايبرو خطف الكرة من تيسير أثناء الهجمة و هدّف في شباكـ الامة

أوضح هدف منذ بداية المباراة

_
في انتظار الحكم ليعطي صافرة تحتسب هدف عادل او نفيه.

_
التعديل لتصغير الصورة ..
و البشري هاك الصورة مصغرة عشان فتلت لالبوست
http://sudanesehost.net/uploads/uploads/bola.jpg

Post: #110
Title: Re: الأمـــــــة X الليبـــــرالي
Author: محمد البشرى الخضر
Date: 03-14-2008, 11:25 AM

اخاف ان نرى هذا المنظر مرة اخرى في الملعب بعد استمرار المباراة لوقت إضافي
و لجنوح اللاعبين لترك الكرة واللعب على الأجسام وعدم إحترام الميدان و النظارة

Post: #112
Title: Re: الأمـــــــة X الليبـــــرالي
Author: elsawi
Date: 03-14-2008, 05:19 PM
Parent: #110

استغربت جدا من خطة مدرب الأمة بإشراك لاعب الدفاع سيف مساعد وإبقاء محمد عبد الرحمن في كنبة الإحتياطي رغم ظهوره بمستوي جيد في المباريات القليلة التي أداها .. كاد سيف مساعد ان يدخل الكرة في مرماه بتقريشة خاطئة اخرجها حارس الأمة بصعوبة لضربة ركنية
قريب خالد عويس بالغ عديل كده

لا اردي لماذا ابقي مدرب الليبرالي اللاعب الوطني علي عمر (تروس) في الإحتياطي واعتمد على اللاعبين الأجانب بالرغم من اللياقة العالية للاعب علي عمر ومقدرته علي تحريك خط الوسط وبداية الهجمات الخطرة على مرمى الأمة ..

Post: #113
Title: Re: الأمـــــــة X الليبـــــرالي
Author: Shams eldin Alsanosi
Date: 03-14-2008, 06:42 PM

محمد البشري إزيك
ياخي ما فضحتني فضيحة كبيرة خلاص مع الاجانب
عليك الله يا ود البشري قول لي الصورة دي مفبركة والزول الفي الصورة دا ما قاعد يلبي نداء الطبيعة

Post: #114
Title: Re: الأمـــــــة X الليبـــــرالي
Author: فيصل نوبي
Date: 03-15-2008, 07:10 PM
Parent: #113

شايف سيف مساعد قرّش الكورة في قون الامة بمزااااااااج
اسألك بالله عادل عبدالعاطي

_
شمس الدين
سلامات يا صاحب و مشتاقين ياخ

Post: #116
Title: Re: الأمـــــــة X الليبـــــرالي
Author: A.Razek Althalib
Date: 03-19-2008, 10:16 PM
Parent: #114

فيصل..
أصحى يا نايم..

Re: من الذي زار اسرائيل في الخمسينات ؟؟ عبد الرحمن المه... ام الصديق المهدي ؟؟

لم يزر عبد الرحمن المهدي ولا الصديق المهدي اسرائيل في ...لباً محمد أحمد عمر !

كالعادة..
هتف الجمهور..

التحكيم ظالم..

Post: #117
Title: Re: الأمـــــــة X الليبـــــرالي
Author: فيصل نوبي
Date: 03-19-2008, 10:29 PM
Parent: #116

ابو رزقة
الليلة المولد ياخ

_
و الانصار محتفلين

Post: #118
Title: Re: الأمـــــــة X الليبـــــرالي
Author: emad altaib
Date: 03-19-2008, 10:31 PM

ـــــــــــــ
العزيز فيصل نوبي والجميع سلام:

Post: #119
Title: Re: الأمـــــــة X الليبـــــرالي
Author: فيصل نوبي
Date: 03-19-2008, 10:57 PM
Parent: #118

هجمة مرتدة للانصار عن طريق الجناح الايمن الاميرة لنا مهدي
القول المُهدِي فى الرد على متقحمة نسب سيّدى الإمام المهدي

_
سلامات للـحبيب عماد

Post: #120
Title: Re: الأمـــــــة X الليبـــــرالي
Author: yagoub albashir
Date: 03-19-2008, 11:36 PM

Quote: هجمة مرتدة للانصار عن طريق الجناح الايمن الاميرة لنا مهدي

الحبيب فيصل نوبي
سلام
ياحبيب دا هدف عديل، هز شباك الخصم بعنف.

لك الود
يعقوب

Post: #121
Title: Re: الأمـــــــة X الليبـــــرالي
Author: محمد عادل
Date: 03-19-2008, 11:42 PM
Parent: #120

المباراه تقترب من مراحل فاصله
ومازال فريق الامه متقدم ونلاحظ تراجع مستوى الليبرالى
خاصة قائدهم عادل عبدالعاطى
والامه يحرز هدفين سريعين عن طريق لنا مهدى
صناعه جميله من اللاعب الحارث ادريس
وهدف اخر من محمد عادل
بصناعه شاهد على العصر

Post: #122
Title: Re: الأمـــــــة X الليبـــــرالي
Author: الصادق اسماعيل
Date: 03-20-2008, 00:30 AM
Parent: #121

ياجماعة الزول دا ما تغيروا، كرهنا الكورة ذاتا

عادل عبدالعاطى انت قلت انو العم الحبيب محمد احمد عمر مش...اوريك الكذاب منو حسه

Post: #123
Title: Re: الأمـــــــة X الليبـــــرالي
Author: فيصل نوبي
Date: 03-20-2008, 02:46 PM

عالم الرياضة
تقديم تراجي مصطفي
ما بين تربية (حسين خوجلي)لابنائه وبناته وتربية(الصادق المهدي)!!

_
جيت شايل عكازي لي تراجي قايلها هبشت ملاذ بس ربكـ ستر

Post: #124
Title: Re: الأمـــــــة X الليبـــــرالي
Author: محمد البشرى الخضر
Date: 03-20-2008, 03:09 PM

ود عادل
Quote: وهدف اخر من محمد عادل
بصناعه شاهد على العصر
وين دا يا خوي
يعمينا و يطرشنا فيه

Post: #125
Title: Re: الأمـــــــة X الليبـــــرالي
Author: محمد عبد الماجد الصايم
Date: 03-20-2008, 04:03 PM

إصابة لاعب مهم من الليبرالي .. بمخاشنة قوية من مدافع الأمة

بث!

Post: #126
Title: Re: الأمـــــــة X الليبـــــرالي
Author: محمد حسن العمدة
Date: 03-20-2008, 07:26 PM
Parent: #125

Quote: إصابة لاعب مهم من الليبرالي .. بمخاشنة قوية من مدافع الأمة

انا غايتو ما شفت حاجة

شكلو المراقبين ديل كانو نايمين ولا حاجة

اها الحصل شنو ؟؟

Post: #127
Title: Re: الأمـــــــة X الليبـــــرالي
Author: محمد عبد الماجد الصايم
Date: 03-20-2008, 07:35 PM
Parent: #126

Quote: اها الحصل شنو ؟؟

معقولة يا عمك

شوووووفة عيني دي

بس الحكم مشاها .. ما طلع الكروت للاعب الأمة الما بغباني
وشكلو كرّت قائد الليبرالي على الاحتجاج العنيييييف

Post: #128
Title: Re: الأمـــــــة X الليبـــــرالي
Author: محمد حسن العمدة
Date: 03-20-2008, 09:33 PM
Parent: #127

Quote: وشكلو كرّت قائد الليبرالي على الاحتجاج العنيييييف

معقول !

لا

لا

ياخ ما تبالغ

بكون ده ابو الدقيق براهو

Post: #129
Title: Re: الأمـــــــة X الليبـــــرالي
Author: ثروت سوار الدهب
Date: 03-21-2008, 09:12 PM
Parent: #128

يا عبد الكريم
كيفنك يا آود عمي
مبارتكم دي لا فيها شوط اول لا شوط تاني لا زمن بتنتهي فيه الحكاية شنو؟

انا طبعا منتظر بوست أحمد الريح

الامة X القلب

شكرا للاستاذ المعلق الرياضي فصيل النوبي للنقد المبتكر.

و بعدين في ناس هنا حقو يعرفوا المباراة ما يعلق عليها بواسطة اللعيبة انفسهم.

تحاياي للمفترع و المعلقين و المذيعين و الزوار.

بوست لاذع لكن ظريف

Post: #137
Title: Re: الأمـــــــة X الليبـــــرالي
Author: A.Razek Althalib
Date: 03-25-2008, 09:35 AM
Parent: #129

Quote: و بعدين في ناس هنا حقو يعرفوا المباراة ما يعلق عليها بواسطة اللعيبة انفسهم.

جنس حنبكة..

Post: #130
Title: Re: الأمـــــــة X الليبـــــرالي
Author: Ahmed Alrayah
Date: 03-21-2008, 09:56 PM

Quote:
انا طبعا منتظر بوست أحمد الريح

الامة X القلب

غايتو يا ثروت بعد عمليتك العملتها دي؛ الله أعلم تشيلو الكاس...

Post: #131
Title: Re: الأمـــــــة X الليبـــــرالي
Author: محمد البشرى الخضر
Date: 03-21-2008, 10:13 PM
Parent: #130

ود الريح
بالله المداخلة الجاية طوالي اكتب التوضيح المهم
عشان ما السنة الجاية تلقاها في جريدة صوت الأمة

وكدا

Post: #132
Title: Re: الأمـــــــة X الليبـــــرالي
Author: محمد عادل
Date: 03-21-2008, 10:18 PM
Parent: #131

اعلن الحكم عن نهاية المباراة بانسحاب
كابتن الفريق عادل عبدالعاطى
وشال الكوره وقام جارى

Post: #133
Title: Re: الأمـــــــة X الليبـــــرالي
Author: Ahmed Alrayah
Date: 03-21-2008, 10:24 PM

Quote: ود الريح
بالله المداخلة الجاية طوالي اكتب التوضيح المهم
عشان ما السنة الجاية تلقاها في جريدة صوت الأمة

ناس حزب الأمة ديل مريخاب ولا شنو؟
____________________________

بمناسبة المريخاب وثروت Goldsmith وعلم إسرائيل، هل يجوز التهكم
-ولو على سبيل المزاح- من معاناة أهل غزة؟

اليوم كتب مزمل أبو القاسم ملمحا لانقطاع الماء عن إستاد الهلال -فيما يبدو-:
Quote:
* مويتنا وافرة.. ونجيلتنا زاهرة!

* في زمن الدفع المقدم مافي موية بتقطع إلا من مفلس.. أو محاصر.. في قطاع غزة!

!What a distorted sense of humor

Post: #134
Title: Re: الأمـــــــة X الليبـــــرالي
Author: عمار محمد حامد
Date: 03-22-2008, 02:40 AM
Parent: #133

يا محمد عادل سلام. ضحكتنى و اللة

اولا: عادل ما قاعد يجرى من زول
تانيا:فى لاعب ارتكاز لبرالى قديم و رهيب انضم للبوست اليوم وامسكوا الخشب
ثالثا: لك منى كل الود

Post: #135
Title: Re: الأمـــــــة X الليبـــــرالي
Author: ثروت سوار الدهب
Date: 03-23-2008, 06:02 AM
Parent: #133

ود الريح

امانة في ذمتك دا كلام دا

انت ماك عارفني هلالابي

Quote: ناس حزب الأمة ديل مريخاب ولا شنو؟
____________________________

بمناسبة المريخاب وثروت Goldsmith وعلم إسرائيل، هل يجوز التهكم
-ولو على سبيل المزاح- من معاناة أهل غزة؟

برضو حارين بوست: الأمة X القلب

سلامات

Post: #136
Title: Re: الأمـــــــة X الليبـــــرالي
Author: فيصل نوبي
Date: 03-24-2008, 07:52 PM

دي اقوي من بلنتيات العجب
اعتذار للاخوة عضوية( حزب الامة) بالمنبر...

_
هدف للأمة من حكم الراية

Post: #138
Title: Re: الأمـــــــة X الليبـــــرالي
Author: فيصل نوبي
Date: 03-26-2008, 08:15 AM
Parent: #136

دا كلام شنو ياناس حزب الأمة القومى لقيتو بلطجيه إشتباكا...لصادق وطلاب الانصار

_
بدون تعليق

Post: #139
Title: Re: الأمـــــــة X الليبـــــرالي
Author: عمر عبد الخالق سعيد
Date: 03-26-2008, 08:26 AM

.

Post: #140
Title: Re: الأمـــــــة X الليبـــــرالي
Author: A.Razek Althalib
Date: 03-26-2008, 01:03 PM
Parent: #139

Quote: ابو رزقة
الليلة المولد ياخ

_
و الانصار محتفلين

فيصل..

مقنطرة في خط تمنطاشر..