Post: #1
Title: لمــــاذا التضخيم !!! ؟
Author: فيصل نوبي
Date: 09-06-2006, 07:36 AM
Parent: #0
بكل بساطة تبلدينا قاعد في شارع المطار و ما عارف شيء عن المسيرة 
أخبار اليوم الموعود .. مســيرة الأربعاء !!
Quote: ..
.
بما أننى فى نهاية شارع المطار ..
فأننى اتسأل أخبار المسيرة شنو!!
هل تحركت ضد الزيادات!!
هل القيادات يقودن المسيرة!!
هل اعترضت الحكومة على مظاهرة سلمية لا اكثر ولا اقل ؟
_______________
السؤال لجمال الصادق وصباح احمد
وملاسي وفرح وآخرون باعتبارهم فى قلب الحدث.. |
و هناك جغلمية بوست تلعلع ...
تفتكرو انو لو مسيرتكم دي عنده أثر كان تبلدينا بيكون قاعد في مكتبو مرتاح كده بيسأل
|
Post: #2
Title: Re: لمــــاذا التضخيم !!! ؟
Author: عاصم ابوبكر حامد
Date: 09-06-2006, 07:42 AM
Parent: #1
غريبة تصور
لكن الشعب مقهور ولا انت رايك شنو ...
نسيت اسلم عليك يا نوبى
اخبارك يا راجل ....
|
Post: #11
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 02:17 AM
Parent: #2
عاصم ابوبكر
سلامات يا سيد!!!
Quote: غريبة تصور
لكن الشعب مقهور ولا انت رايك شنو ... |
انت شايف شنو!!!
|
Post: #3
Title: Re: لمــــاذا التضخيم !!! ؟
Author: kamalabas
Date: 09-06-2006, 07:44 AM
Parent: #1
.....
| Quote: تفتكرو انو لو مسيرتكم دي عنده أثر |
وهل تريد أنت أن يكون لها أثرا ?
أين موقفك من قمع المظاهرات السلمية بالعنف والضرب والقتل?
أين موقفك من حظر الناس من ممارسة حقهم في التعبير والتظاهر?
....
|
Post: #12
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 02:24 AM
Parent: #3
كمال عباس
Quote: وهل تريد أنت أن يكون لها أثرا ?
أين موقفك من قمع المظاهرات السلمية بالعنف والضرب والقتل?
أين موقفك من حظر الناس من ممارسة حقهم في التعبير والتظاهر?
.... |
انت قريت السؤال كويس ؟؟
موقفي واضح جدا ..
لكن للاسف المنبر يزيد علي ما يحدث في الواقع اضعاف مضاعفة ..
|
Post: #5
Title: Re: لمــــاذا التضخيم !!! ؟
Author: نادر
Date: 09-06-2006, 08:13 AM
Parent: #1
اللهم أنصر جماهير الشعب السوداني الصابرة المحتسبة ...
اللهم سدد خطاهم ...
اللهم عليك بعساكر الجبهة .. تجار الدين الذين نهبوا أموال الشعب السوداني ...
اللهم عليك بأعداء الحرية والانسانية ...
اللهم عليك بالقتلة
|
Post: #6
Title: Re: لمــــاذا التضخيم !!! ؟
Author: خدر
Date: 09-06-2006, 08:33 AM
Parent: #5
فيصل سلامات
حقيقه بوستكـ غير موفق علي الاطلاق ولا يوجد به ادني درجات الاحترام لما يحدث هناكـ
في الخرطوم سوي ان كان حقيقه ام كذب و لم اتوقع منكـ ذلكـ ابدا
يا فيصل بعيدا عن ما تسمونهم (مناضلي الكيبورد) و خلافاتكم المثاليه معهم
الذي يحدث في السودان يمس عموم اهل السودان يمس اهلكـ و جيرانكـ و نسابتكـ
و اخوانكـ و سيد الدكان جاركم العاشرتوهو و عاشركم سنين طويله بمس ناس الخرطوم
و ناس تندلتي وناس السكوت .. الخ
المظاهره اليوم حول الزيادات في اسعار المحروقات و السكر موش ضدكـ او ضد اهلكـ
و عشيرتكـ عشان تكتب فيها بوست هزيل زي ده و تضع فيهو المكتوين بنار الزيادات
في كفه و تبلدينا
في كفه اخري
اعدل يا فيصل .. و عد الي حكمتكـ .
تحياتي
|
Post: #7
Title: Re: لمــــاذا التضخيم !!! ؟
Author: Tabaldina
Date: 09-06-2006, 09:11 AM
Parent: #6
..
.
Quote: بوست هزيل زي ده و تضع فيهو المكتوين بنار الزيادات
في كفه و تبلدينا
في كفه اخري |
شنو يا خدر يا اخونا ..
مالكـ على الحبيب نوبي ..
دا بوست تساؤلي .. لماذا التضخيم !!
بعدين العبد لله شخصى الضعيف مكتو ايضاً بالزيادات
والله عملت فجوة مادية..
بس الخلاف على طريقة المعارضة والاحزاب فى القيادة
وتنظيم المظاهرات والتخفي وراء الغلابة المكتوين بنار الحال
بالمناسبة:
مسالة الكفة والاخرى لم استوعبها..
هل تعتقد عكس ما اري !!؟
__________________
غايتو الواحد هنا لو قيمو مشكلة ولا ما قيمو مشكلتن
دى زاتها ام كُبْك الفصلوها لينا عراقي ..
|
Post: #8
Title: Re: لمــــاذا التضخيم !!! ؟
Author: خدر
Date: 09-06-2006, 09:43 AM
Parent: #7
تبلدينا
نوبي من الاقلام التي احترمها في المنبر لذلكـ كان من الضروري ان اوجه نقدي له و اتمني ان يعود الي اعرفه عنه
البوست التساؤلي ده كان المعيار فيهو انت و بوستكـ بتاع اخبار المظاهره شنو يا اخوانا
وانت قاعد في مكتبكـ في شارع المطار و متابع اخبار المظاهره من سودانيزاونلاين رغما عن انكـ
في قلب الخرطوم
بالمناسبه انت بتسأل ليه وانت قريب من مكان المظاهره طالما انت مكتوي مع الناس بالزيادات دي ياقولكـ .. ماشاركت فيها مالكـ ؟؟
طيب (1)
لمن يجي نوبي و يفتح بوست و يتسائل (زي ما انت قلت) و هو في حقيقة الامر (يُكذب) كل البوستات
التي تتحدث عن اخبار المظاهره لان جملة (لماذا التضخيم) تصبح جمله خبريه حين بمقارنتها
بمحتوي البوست ان تبلدينا جالس لم يسمع او يشم بنبان المظاهره و هو قابع في مكتبه القريب
من مكان الحدث
(2)
ليس في الامر تقليل من شأنكـ او اعلاء له
لن يستوي ان يكون كل اعضاء البورد في كفه و انت او خدر او نوبي في كفه اخري .. قطعا سترجح كفتهم هم
ولا شنو ؟؟
|
Post: #9
Title: Re: لمــــاذا التضخيم !!! ؟
Author: القلب النابض
Date: 09-06-2006, 01:48 PM
Parent: #8
*
على سبيل التحية
|
Post: #14
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 02:34 AM
Parent: #9
ولكي اضعافها يا قلب ..
مشتاقين .
|
Post: #13
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 02:33 AM
Parent: #8
خدر
سلامات
ياخي قصة انو بوست هزيل دي خليها و مقبولة منك ..
لكن داير اسالك سؤال وااااحد
ضربت تلفون بيتكم و لا لي اصحابك في الخرطوم ؟؟
الوضع المنقول عبر الهاتف .. هل له اي مقارنة بما نراه مكتوبا هنا في المنبر ؟؟
خليك امين مع نفسك و في قراء كتار هنا من الخرطوم ...
بعدين مسالة اني مكتوي بنار الزيادات .. مافي زول ما مكتوي بيها ..
و داير اقول ليك شيء تاني كمان ..
في ناس هنا بيلعلعو و مظاهرات و ما بيعرفو جالون البنزين و لا رطل السكر كان بي كم و بقا بي كم ...
يعني الخلاصة بي بساطة لما تكون قاعد في مكتبك و انت في غربة و فجاءة تفتح المنبر و تلقا كمية بوستات و ضربو فلان و اعتقلو فلان و عملو وسوو و تجري ترفع سماعة التلفون و بكل بساطة يقولو ليك كانت مسألة بتاعت نص ساعة و انتهت .. و الناس كويسين ..
ده يقولو عليو شنو و لا تسميو شنو غير تضخيم !!!
تبلدينا ده ضربت ليك بيو مثل بعد مااتصلت الخرطوم البيت و من بعده اصدقاء و شغالين في نص الخرطوم و بكل بساطة قالو انو الموضوع انتهي !!!
تبلدينا ما بعيد من الاحداث .. و اذا كانت الاحداث بالقوة المصورة في المنبر كان تبلدينا ده حيكون عارف الحاصل شنو ...
و لا ما كده !!!
|
Post: #19
Title: Re: لمــــاذا التضخيم !!! ؟
Author: Tabaldina
Date: 09-09-2006, 01:54 AM
Parent: #8
..
.
سلام يا عزيزنا خدر..
متأخر يومين.. بعد أنتهاء الحدث
| Quote: بالمناسبه انت بتسأل ليه وانت قريب من مكان المظاهره طالما انت مكتوي مع الناس بالزيادات دي ياقولكـ .. ماشاركت فيها مالكـ ؟؟ |
مظاهرة /مسيرة /شغب /إنتقاضة
ما شتركت لانى ما مقتنع !!
ولانى مقتنع بأن حزب الامه لا يمكن ان ينجح مسيرة
نأهيك عن انتفاضة شعب..
لانى مقتنع بأن القيادات نائمة وتعتقد بأنها ستحرك - الشغب - بالريموت كنترول
لاننى لااظن ان التحدث عن الزيادات هو الهدف فالهدف اكبر واقوى أنظر الفرق
بين انتفاضة الشعب ومسيرة الحزب
لاننى لم اعد اثق بأن هناكـ حل غير إرادة الشعب . وارادة الشعب هنا لم تتبلور تجاه
هؤلاء المدعين.. أو لم يسعوا ويساهموا فى بلورتها او شحذ الشارع
فعلاً كنت قابع فى مكتبي ولا اتابعها عبر سودانيز اون لاين فقط
ولكن عن طريق اتصالات هاتفية.. وخرجت فى خط سير ولم اجد اثراً
Quote: قطعا سترجح كفتهم هم
ولا شنو ؟؟ |
تجاوزاً لسمالة التقليل وعدم التقليل
آها يا خدر بعد مضى يومين وانتهاء الزوبعة فى الفنجان
أتضحت حقيقة واحدة نوبي كَذبْ البوستات دعماً لقولى وصدقنا
نحن وكذب الأخرون .. واثبتنا فعلاً انها كاذبة
يا خدر يا اخوى الشفناهم ديل ما بنجوا مسيرة مش انتفاضة
وشتان بين عكا والإسماعلية او بين تلك وهذه.
خدر لمن تكون عايز - هم - تعمل مسيرة خاطب الجهات المسؤولة الحكومة
وجهز لافتاتك ومذكرتك وطريقكـ والقوى الداعمة
ولمن تنوى تعمل انتفاضة لا تسبقها باعلان وندوات وضجة حرك خلاياك ونقاباتك
وجماهيرك واخفى ساعة صفرك ومواقع الاستراتيجية ..الخ
وهكذا تكون هناك مسيرة او انتفاضة ..
يا خر انهم بائعو الوهم ..
تحياتى وودى؛
|
Post: #15
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 02:38 AM
Parent: #7
تبلدينا
طبعا زي بوستك اللي انت كتبتو ده ما بيقروهو
لانو ما فيهو اكشن 
|
Post: #10
Title: Re: لمــــاذا التضخيم !!! ؟
Author: هشام مدنى
Date: 09-06-2006, 02:26 PM
Parent: #1
يعنى شنو؟؟
|
Post: #16
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 02:41 AM
Parent: #10
يا خال سلامات
شكلو البوست او طريقة التعبير ما عجبتك ..
لكن متأكد انك متفق معاي انهم بيدو المواضيع اكبر من حجمها !!
|
Post: #17
Title: Re: لمــــاذا التضخيم !!! ؟
Author: محمد عيد الله
Date: 09-07-2006, 02:46 AM
Parent: #10
لماذا لم يقد السيد الصادق المهدي
هذه المظاهرة التي دعا لها بنفسه ؟؟؟
ولماذا يترك غيره للبمبام ؟؟؟
لعلعة في الفاضي واصطياد في الماء العكر
|
Post: #21
Title: Re: لمــــاذا التضخيم !!! ؟
Author: فيصل نوبي
Date: 09-09-2006, 01:50 PM
Parent: #17
Quote: لماذا لم يقد السيد الصادق المهدي
هذه المظاهرة التي دعا لها بنفسه ؟؟؟
ولماذا يترك غيره للبمبام ؟؟؟
لعلعة في الفاضي واصطياد في الماء العكر |
محمد عيد الله
تفتكر ممكن يجاوبوها !!!
|
Post: #18
Title: Re: لمــــاذا التضخيم !!! ؟
Author: فيصل نوبي
Date: 09-07-2006, 03:04 AM
Parent: #1
تبقي بوست جديد لملاسي
لكي يسألهم
الفرق بين الظاهرات و المسيرة شنو !!!
|
Post: #20
Title: Re: لمــــاذا التضخيم !!! ؟
Author: فيصل نوبي
Date: 09-09-2006, 01:44 PM
Parent: #1
هاكم دي كمان
خلو تبلدينا
Quote: بت عجاج إزيك تاني ..
بقيت أخش اي بوست الاقيك قدامي زي نزار قباني دا !!
Quote: Quote: ويين يعني يا ود الخليفة
ما نقلت لينا اخبار الانتفاضة مالك ولا مقاطعها زي البوي كت |
إنتفاضة ؟؟!!
وين دي وكانت متين ووين ولي شنو ؟؟
ما سمعتا بيها إلا من هنا بس ..
صنفرة :
أخبار الإنتفاضة الهنا دي غايتو أنا ما مقصر فيها !! |
هدية بسيطة إلى الدكتور مصطفى محمود !!
|
|