Post: #1
Title: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Faisal Al Zubeir
Date: 08-28-2006, 00:54 AM
Parent: #0
كانت ليلة معبأة بالفرح الجميل !
(نادوس ) ادهشنا بالفرح الجميل في منزله وضيافة نصفه الاخر (ابنوسة)
عصمت الدسيس .. العريس زفته الدوحة بانغام الفرح المموسق و( زغرودة) فرح من الاعماق .
الغناء كان يلامس القلوب ، والاجواء كانت ليلة عرس سوداني اصيل .
الحضور كان مميزا ! بورداب الدوحة كانوا هناك
العريس عصمت الدسيس تقاسم مع الناس الفرحة والبسمة وكان فارسا يمتطي صهوة (فرحة العمر) ، مغادرا الى الخرطوم اليوم الاثنين ليعانق قدره الجميل و(نصفه الحلو) ، اميرته في انتظاره لتزف الى جنات الفرح ، (ميسون) تزينت لفارسها ، لتشهد ارض البلد (عرس الدسيس) !
لقطات المشاركين رصدتها العيون الفرحة ،
نادوس وابنوسة ، اهل العريس واصحاب الدار العامرة .
ودرملية ، لن ننسى ايام مضت ختم بها في نهايه الحفل البديع !
عمر ، محمد ، بهاء ، معاوية ، كانوا في الدائرة .. رقصوا فرحا لعزيزهم عصمت .
المهندس والشاعر معتصم الطاهر لم يفته ( العرس) وكان حضورا وسجل بكاميرته (اللحظات الباقية) ، وتفلتت منه ابتسامات شاعر دغدغ خياله الفرح الجميل ونافسه عوض حمزة ، عمر الخطيب (الجزيرة موبايل ) ومعاوية الزبير ( الجزيرة نت) سجلوا لقطات تفاصيلها في الحلقة القادمة !
تابعونا في عرس الدسيس !
صححت اخطاء طباعية
|
Post: #2
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Randa Hatim
Date: 08-28-2006, 02:23 AM
Parent: #1
لى شرف ان اكون اول المتداخلين
مبروك للعريس ... ومبروك للعروس ... زغرودة فرحة من الدوحه نرسلها لى ميسون مع نسايم دعاش الخريف ... ونحملها امانة لى موكب طيور مهاجرة راجعه لى بلاد النيل ...
وبيت مال وعيال ....
|
Post: #3
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: محمد امين مبروك
Date: 08-28-2006, 02:30 AM
Parent: #2
:
:
الف مبروك
وبيت مال واحباب
|
Post: #4
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عبدالكريم الامين احمد
Date: 08-28-2006, 02:31 AM
Parent: #2
مبروك للعريس الذي بداء تسخينته وافراحه من ارض وسماء الدوحة...
وشكرا نادوس وفيصل...
ونعتذز بشدة عن عدم الحضور لاسباب فنية خارجة عن الارادة...
وبالله الصور (بس ما تزعلوا محمد عبدالرحمن وبهاء بكري)...
يعني بالعربي كده خلو الصور تنزل الناس سمحيين وناييريين
|
Post: #5
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: بدر الدين الأمير
Date: 08-28-2006, 05:04 AM
Parent: #4
أهم شىء صور ود رملية وعمران بابكر بدرى
ورقيصهم الانفرادى الابداعى مع الجميلة الرقاصة جدا( ترحاس الاثيوبية)
ذبدة كلام: الى ملاسى ، هل تصدق أن صاحبك عماد عبدالله جاء للحفل لابس جلابية وعمة
وكان ممنوع من الرقيص مع اوقرب 000 صدقنى كانت حالتو تحنن صاحبك محكوم وحكومته حديد
|
Post: #6
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Faisal Al Zubeir
Date: 08-28-2006, 05:32 AM
Parent: #5
الوجيه بدر الدين : جهدك كان مقدرا : وسافرد لك كلمات تعبر عن بهجتك واظن ترحاس كانت مشاركتها تعبيرا عن التواصل الاجتماعي وعن تلاقي الشعوب وما بين الخرطوم واديس روابط عامرة ، والاثيوبيات ملكات يبدعن رقصا وشهدناهن على ايام طيب الذكر (مهرجان الثقافة) ، وتفوقت عليك واخرين !بس كانت لفته جميلة
|
Post: #8
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: nadus2000
Date: 08-28-2006, 06:13 AM
Parent: #6
الجميل فيصل الزبير
شكرا جميلا على نثر الفرح هنا وهناك، وشكرا لجميع الاخوة والاخوات الذين زينوا ليلتنا، وأبتهجت حتى حيطان منزلنا العامر بكم، وبمحبتكم، وبمحبة عريسنا الجميل عصمت الدسيس -ود الاشلاق وهذا حزب فروعه تنتشر في كل أصقاع السودان والانتماء له لا فكاك منه - والتحية لعروستنا ميسون (أختي الصغيرة) الحاضرة في كل تفاصيل يومنا وأيامنا الماضية، وأقول ليها الآن أفزعتني الصدف أكثر-
طبعايا فيصل انا كنت أمني نفسي بجلسة يتمدد في الفكر والسياسة، لقناعتي بأننا لم نعتصر ودالدسيس بما يكفي، وكنت أعد ليلتنا لوضح الجبهة الديمقراطية/الشيوعي، حق، والأمة على طاولة التفكيك، وأن أتحرش بثلاثتهم بدواخل عصمت، ولا أعتق محمد سليمان وبهاء وآخرين، أعددنا عدتنا ووزعنا المهام، ولكن يبدو أن الحبيب محمد عبدالرحمن وآخرين-بعض الحقانيين قد تآمروا بليل ليحيلوا ليلتنا فرحاً، وقد يكون وبعض الظن حق، لينجوا بحزبهم من طاولة العمليات.
|
Post: #57
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عبد المطلب خضر عبد المطلب
Date: 08-30-2006, 07:03 AM
Parent: #2
الف مبروك..وخالص الاماني بحياه سعيده
|
Post: #7
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معاوية الطيب
Date: 08-28-2006, 06:08 AM
Parent: #1
كنا نفضلها ليلة سياسية
ولكن تاتى الرياح كما لا تشتهى السفن
الف مبروك ،،،،
عصمت الدسيس
وشكرا نادوس وابنوسة
ولك فيصل الزبير
ذو القلم الرشيق
وتابع لينا سرد الامسية السياسية
وناس بدر الدين هنا مابيقصرو
|
Post: #9
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Omar Bob
Date: 08-28-2006, 07:16 AM
Parent: #7
الف مبروك عصمت العريس
وشكرا نادوس وابنوسته الرائعه
بس يا نادوس ابنوسه نست تختم (my late)
من حكومتنا لذا اثرنا الذهاب باكرا وفي
القلب حسره
|
Post: #10
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Emad Abdulla
Date: 08-28-2006, 07:35 AM
Parent: #9
طيب يا نادوس ..
و بقيت ( تبع ) بدر ؟؟؟ .. حليل أبوي .
لكن ..
يغفر لك كرم أبنوسة و شقاوة شوشو ..
و يغفر لك العشاء اللذيذ ( و إن كنت أفتقدت أم فت فت ) ..
و عصمت المسكين الماشي يقع على قدومو ..
( فرحان أوي يا خويا ؟؟؟؟ ) ..
أديها صنّه بس .. و بعد داك تعرف الله واحد يا عصمت .
و مش العمودية دي !! .. أها ده طرفي منها ..
وبرضو أخوك لسه نيرانو برّه :
أنا الشافو خلو ..
و حجر الظلط ..
و الكيك ..
و أب زرد ..
و .. زول طيب خلاص  .
ـــــــ
دعاء ( سري ) :
( و جعلنا من بين أيديهم سدا و من خلفهم سدا فأغشيناهم فهم لايبصرون ) ..
عشان يجعل كلامنا خفيف على ( الراجيني في البيت ) .
|
Post: #11
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Hussein Mallasi
Date: 08-28-2006, 08:09 AM
Parent: #10
| Quote: صاحبك محكوم وحكومته حديد |
و الحالة حكومتو حديد!
____
|
Post: #12
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Hussein Mallasi
Date: 08-28-2006, 08:13 AM
Parent: #11
اللهم إلا إن كانت الحكومات الحديدية على وزن فلزات كبدي!
|
Post: #13
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: النسر
Date: 08-28-2006, 08:22 AM
Parent: #12
مبروك عصمت
امنياتنا بسعادة دائمة
|
Post: #14
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Emad Abdulla
Date: 08-28-2006, 08:29 AM
Parent: #13
.. ..
اللافلزات ناقل رديء للطاقة .. يا هندسة ..
و بـ ( الذات ) الحكومات ..
يا حكومة ..
|
Post: #15
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عوض حمزة
Date: 08-28-2006, 08:36 AM
Parent: #1
اجمل التهانى واطيب الامانى للاخ عصمت الدسيس وعروسه ميسون
الاخ نادوس والاخت ابنوسه نشكر لكم حسن الضيافه والكرم الاصيل
الحبوب فيصل الزبير موثق ليالى الدوحه الجميله , قلم حاضر
اينما وجد الجمال ... لك كل الاحترام يا صديقى
|
Post: #16
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: nadus2000
Date: 08-28-2006, 09:21 AM
Parent: #15
Quote: الف مبروك
وبيت مال واحباب |
وممكن يكون بيت حقانيين كمان!!!!!!
|
Post: #18
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتز القريش
Date: 08-28-2006, 10:16 AM
Parent: #16
ألف مبروك يا عريس ـ وان شاء ما تبقي زيي (عشان العروس ما تزعل) ولو ما فهمتها أسأل منها صاحب الكلب المدلل (رافيل) الحنكوش .
كويس يا ود الأمير شوف تاني البسخن ليكم ال.... منو ؟
أنا تنسوني ـ طييييييييب أيها الكهل .
وشكرا على ترحاس ممكن تغفر ليك .
|
Post: #20
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عثمان حسن الزبير
Date: 08-28-2006, 11:00 AM
Parent: #16
مليار مبروك للعزيز المرعب عصمت الدسيس
وللجميلة الرائعة ميسون
شكرا للرائعين نادوس وأبنوسة وما جديدة عليكم هذه الحفاوة والكرم والأصالة ..
|
Post: #17
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عوض حمزة
Date: 08-28-2006, 09:52 AM
Parent: #1
| Quote: وممكن يكون بيت حقانيين كمان!!!!!! |
ماوقع لى الكلام ده يا نادوس ؟؟!!!
وكان قصدك الفى بالى داك .... ماااااااا باقى لى ممكن ..
|
Post: #19
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عبدالكريم الامين احمد
Date: 08-28-2006, 10:48 AM
Parent: #17
نحن الذين اخذتنا بعض الظروف نطالب بالاتي..
1_ صرف اوفر تايم للضحية (ترحاس) علي الرقص الايقاعي بتاع امس..(المادة 17) من
قانون العمل القطري..
2- نشر كل صور ودرملية ومن كل الزوايا والاتجاهات
3_نريد ان نعرف الاسباب الحقيقية لدبرسة محمد عبدالرحمن..
4-عدم نشر العضو عمران لما فيها من دبلجة ومونتاج القصد منها حسم معركة
قديمة لصالح الكهل الاربجي..
فيصل الزبير واصل الوصف...والوصف الدقيق بالله...!!!!
|
Post: #21
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتز القريش
Date: 08-28-2006, 05:01 PM
Parent: #19
وين الصور ؟؟؟
وين الصور ؟؟؟؟
زين الصور ؟؟؟؟
|
Post: #22
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: nadus2000
Date: 08-29-2006, 03:33 AM
Parent: #21
Quote: صرف اوفر تايم للضحية (ترحاس) علي الرقص الايقاعي بتاع امس..(المادة 17) من
قانون العمل القطري..
|
كيكي
التعليق يحتاج لمهارة ملاسي
|
Post: #23
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 06:45 AM
Parent: #22
فوق
فوق
عريسنا فوق ..
|
Post: #24
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: بدر الدين الأمير
Date: 08-29-2006, 06:57 AM
Parent: #23
وصل معتصم الطاهر
وهنا يكون الحديث للصور والتصور 0000
ذبدة كلام : المهندس مهندس
|
Post: #25
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 07:00 AM
Parent: #1
بل هى الهيبة
...
وهو عمدة .. فعلا
ولم يكن لشغل الباكات أى سبب أو دخل ..
والناس دى شفافة
جدا ..
|
Post: #29
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: بدر الدين الأمير
Date: 08-29-2006, 02:26 PM
Parent: #25
العمدة ياحليلك ممحن وممغوس 0 فى الحفلة تحنن وعلى البورد تجنن
لكن برضو حالك اخير من حال صاحبك (ملاسى)
انت سمحو لك بالحضور ومنعوك الرقيص
لكن ملاسى ممنوع من مجرد التفكير فى الدوحة قال الدحة قال 0
ذلك ماحدثنى به ملاسى وقال لى ليس النشر
ذبدة كلام : أسدا فى البورد وفى 0000 حمامة ومكسورة جناح
|
Post: #26
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 07:12 AM
Parent: #1
قصاني يا عمدة
وقال لى
بصورك
وبعدين
الرز
فى النص ..
دا وكتو يا شوشو ؟
|
Post: #27
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 07:43 AM
Parent: #1
أهل الدار
يستقبلونك ويكرمونك
ويفتحون صدورهم ترحابا قبل ابوابهم
وثغرهم بابتسامة قبل مطعمهم ..
رغم الحزن الذى بهم ..
لن ترى
غير ابتسامة
تجعلك نرقص
مثل شوشو
ونخرج مبســـــــــــــوط
جداً
|
Post: #28
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عبدالكريم الامين احمد
Date: 08-29-2006, 09:04 AM
Parent: #27
Quote: كيكي
التعليق يحتاج لمهارة ملاسي |
سلامات اخي نادوس...
لا لو كده مسحوب التعليق..واما حرفنة ملاسي
فيسال عنها الريس...
مزيد من الصور قد تسحب المزيد من التعليقات....!!!
|
Post: #30
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 02:34 PM
Parent: #1
تعرّس ولا أسبقك ؟
الناس نجهونا ...
ولا أقول ليك
أخير نضرب الهم بالرقيص ..
انا البفتح البوست
وشوف لو ما فتحوا لى ..فى الصور
برضو بنشيلو فوق راسنا ..
تم التعديل لدواعى السترة !!
نعتذر
جدا ..
|
Post: #32
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Emad Abdulla
Date: 08-29-2006, 03:20 PM
Parent: #30
معتصم ..
بتقوّل الصور المابيتقال .. ..
و تجيب لينا الطراوة مع أم العيال 
( عشان يفرحوا ناس ديك العدة و ملاسي متلقي الحجج ) ..
يديك العافية ..
و أحسن تكتب الحكيتو لي داك ..
وللا كمان أنا خشمي خفيف ..
يا هندسة .
و يابدر ..
( الحمام بيولفوهو بموية السكر ) ..
و ما بطال الزول يكون حمامة ..
السّكر مرغوب في زمن المساخة ..
أما كبيرنا نادوس .. ( بالعمر و المقام )
فالفيهو انعرفت ..
و باكر الفولة بتتملي .. و البقارة بتجي .
أبنوسة ( أم العريس ) ..
كريمة و أريحية في كل شي .. و شالت الناس فوق إبتسامتها .. رغم الحزن في القلب .
أسلحة الدمار الشامل بتاعت بدر أبت تشتغل مع رادارات الأيواكس بتاعت رندا ..
و عمران كان بياكل بلح رُطب طول الأمسية ..
و خاتي الرحمن في قلبو .. .. سرك باتع يا رندوك .
قلت لعصمت : صحن الحنة الراجيك كبير خلاص ..
قال لي : عندي حساسية ..
( و تحت تحت كده صرح تصريحات خطيرة .. ما تسمعا ميسون ) ..
: عصمت زول خجول و جميل .. وديع لدرجة ..
و بتلخبط قدام المشاعر الحلوة بتاعت الناس ..
و بيتحول لغول في حواراتو الفكرية و السياسية .
عمر بوب ..
كان بس مهموم ياخد الـ late permission
عشان يبرر ابتسامتو الراجع بيها البيت ..
( رغم أن العلاقات بين دول الجوار في القرن الأفريقي كويسة والله ) ..
شكيتك على الله يا بدر الدين كان تورت نفسنا .
محمد عبدالرحمن .. الليلة و الليلة ..
أنا خشمي و عندي .
ود رملية طلع فشنك في هز الكتف ..
و دمه الأمهري طلع .. شربات ساكت .
فيصل الزبير ..
يا زول يا جميل ..
دايما رايق و رزين و .. بسام .
بهاء الدين ..
جه متأخر و عملا كلها نقة مع أستاذنا محمد سليمان و عصمت ..
و الحبيب محمد عبدالرحمن كان بيراقب ( بتوجس ) ..
معاوية جه متأخر برضو .. و أنيق ..
سمعت معتز الظلامي بيقول : تلقاهو كان بيعشي الكلب ..
قلنا لمعتز يوطي صوت الأورغ .. قال :
العجايز البينزعجو و يخافو على بقية حاسة سمعهم يطلعوا بره بالله ..
أنا و محمد سليمان و عبدالجليل و بدر و .. تاني منو ؟؟ طوالي سكتنا 
مليون مبروك لعصمت ..
ووالله يا ميسون إنتي زولة بخيتة و سعيدة ساكت ..
الله يسعدكم .
و شكرا نادوس و أبنوسة ..
على ليلة حلوة .. تشبهكم /brown]
|
Post: #54
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Randa Hatim
Date: 08-30-2006, 05:52 AM
Parent: #32
والله يا ها المحرية فيك يا عمده
كلام عداهو العيب
جبت الحقيقه رغما عن انف الحاسدين
وبعدين اسلحة الدمار الشامل دى احنا عندنا ليها مضادات بيولوجيه واسلحة كيماوية فتاكه...
ما كفايه عليك الله الاغنية لاثبات فشل ثعلوب المكار...
|
Post: #31
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:00 PM
Parent: #1
لا تأمن هذه الابتسامة ..
رايك شنو ..
تنفع نوديها الخور ؟؟؟
بدر في لحظات نادرة
خارج الدارة ..
وهو يجر العريس للدارة
زاوية رؤية حرجة ..
خلف نظرات العريس ..
الزول دا ما بعرّس يا أسامة ..
وفّر جهدك ..
|
Post: #33
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:27 PM
Parent: #1
معادلة صحيحة
1+1
+ صفر
= 1
كانوا مضيافين
جدا
|
Post: #34
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: lana mahdi
Date: 08-29-2006, 03:27 PM
Parent: #1
ألف مبروك للحبيبة ميسون و للحبيب عصمت
ويا ناس الدوحة الله يديم لمتكم ووفاءكم
لنا
|
Post: #35
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:29 PM
Parent: #34
اسع عليك الله يا لنا
غالبك شنو
ال 800 ريال
ولا الشوق ..!!
كلها 40 دقيقة ..
|
Post: #37
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: lana mahdi
Date: 08-29-2006, 03:35 PM
Parent: #35
Quote: اسع عليك الله يا لنا
غالبك شنو
ال 800 ريال
ولا الشوق ..!!
كلها 40 دقيقة .. |
كلمتونا؟؟؟؟
|
Post: #38
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:38 PM
Parent: #37
لنا
بحسن الظن فى محمد عبد الرحمن ...نعم
فى معرفتنا به ..
متلومين ..
|
Post: #40
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: lana mahdi
Date: 08-29-2006, 03:48 PM
Parent: #38
Quote: لنا
بحسن الظن فى محمد عبد الرحمن ...نعم
فى معرفتنا به ..
متلومين .. |
يطرشني
|
Post: #36
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:35 PM
Parent: #1
المهم ألحقى زولك
شايفة ..الشايفوا دا؟
|
Post: #46
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: lana mahdi
Date: 08-29-2006, 04:28 PM
Parent: #36
Quote: المهم ألحقى زولك
شايفة ..الشايفوا دا؟ |
ما شايفاهو
الصورة ظاهرة عندي(X)
-على سبيل الإستهبال-
|
Post: #39
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:45 PM
Parent: #1
الفرقة ..
كان كل شيئ فيها جميلا
ورائعا ..
معنز القريش
سرق اللحن
والمقعد
ومصاصة الشـــافـــع ..
مصطفى الحاج
وكان جميلا حضوره
و كان أروع علاقة بأجمل الحلوات ..
|
Post: #41
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:48 PM
Parent: #1
على من يتآمر الشباب ؟
|
Post: #44
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: بدر الدين الأمير
Date: 08-29-2006, 04:05 PM
Parent: #41
سألتنى الزميلة والصديقة ترحاس الاثيوبة ونحن فى الحفل :
البصور ده مش المهندس معتصم الطاهر ، البجى الشركة ويحدثنى عن تلاقى الحضارة الاثيوبية مع
الحضارة السودانية ؟ قلت هو معتصم الطاهر 0 قالت طيب ليه عامل فيها مابعرفنى ؟
قلت لو عمل فيها بعرفك الحفلة دى حاتتفرتق 0 وانت فى حضرة حضارات تسود وتبيد
ذبدة كلام: أخير ملاسى لم ينكر ولم يتنكر
|
Post: #42
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:53 PM
Parent: #1
كان الاستقبال حاراَ
لا تسألونى عن لحظات الوداع
ود رملية حبيب الكل ..( الكُـــــــــــــل)
ومعاوية ( معاهو البضاعة) ..
|
Post: #43
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-29-2006, 03:54 PM
Parent: #1
نرجع لمحور رقيصنا ..
|
Post: #45
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عبدالكريم الامين احمد
Date: 08-29-2006, 04:17 PM
Parent: #43
والله باهندسة فاتنا مولد..
|
Post: #47
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: بدر الدين الأمير
Date: 08-29-2006, 04:32 PM
Parent: #45
كيكى انت لو كنت معانا
كان حاتكون اليوم فى ابو هامور ( ابوهامور هى مقابر الدوحة)
ذبدة كلام: كيكى تسكت وله افتو
|
Post: #48
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عبدالكريم الامين احمد
Date: 08-29-2006, 04:39 PM
Parent: #47
شنو ياالبدر..ياسيد الناس جوه وبره..!!!..
انا غير السكات عندي شغلة ...مالك علي موديني ابوهامور
والله اهلنا ذاتم قالوا صمة الخشم سمحة بالحيل..!!!
وبعدين انا ذاتي قلت شنو حسي يازول..قلنا مولد وفانتا..
|
Post: #49
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: ابوبكر الامين يوسف
Date: 08-29-2006, 06:29 PM
Parent: #48
Quote: ألف مبروك للحبيبة ميسون و للحبيب عصمت
ويا ناس الدوحة الله يديم لمتكم ووفاءكم
لنا |
الاخت لنا تحياتى
( لنا) دى بتتحمل الاسم والضمير حددى عشان نحدد (وش ضاحك)
|
Post: #50
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Emad Abdulla
Date: 08-30-2006, 01:54 AM
Parent: #49
كيكي ..
جريت واطي ؟؟؟ ..
أموووووت و أعرف شنو هو الكان بدر الدين ح يفتّو ؟
| Quote: قلنا مولد وفانتا.. |
..
بالله ( فانتا ) ؟؟؟
لخبطة قدر ده ؟؟ ممممممم !! ..
المولد عرفناهو .. فانتا دي يا ربي بالأمهري ؟؟
الله يعينك .
|
Post: #51
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Faisal Al Zubeir
Date: 08-30-2006, 04:35 AM
المهندس : معتصم الطاهر : تحياتي
ابدعت في نشر الصور وهي بالتاكيد توثق للحدث الجميل منذ ان شهق الفلاش ، وهي بالتأكيد افضل من (ألف) كلمة ، وتسجل ايامنا في الدوحة ولن ننساها ، ولن تنزل عليها ستائر النسيان او تمر عليها عجلات الزمن ، بل ستظل ذكرى خالدة ، ومشاركة ودالدسيس فرحته .
ود الطاهر :
خليك خفيف على العمدة فالفنان يكون دائما شفيفاوحساسا ، ولكنه يكون حاضرا بكل الالوان وجماليات المشهد ، فهو ان كان صامتا فكما قيل فإن في الصمت كلام ، او لعله تحدث لنفسه وكانه يحلم برسمة للحفل واجزم انها ستكون مدهشة ، بس ياود الطاهر عماد ايضا يجيد فن الكاركاتير يعني خلي بالك يمكن يرسمك .
نتابع جلسة ود الدسيس في منزل معاوية العامر :
ماذا قال عصمت الدسيس عن نفسه ؟.
يقول عصمت عن نفسه ( انا من الجزيرة ، وفي حياتي اشياء مؤثرة وتفاصيل شكلت حياتي ومواقفي ، فانا ودعسكرى تربيت في قشلاق البوليس ، وهو يشبه سكن العمال ، وتسود فيه المساواة ، والجمعية التعاونية ابرز معالمه ، ومن صور المساواة حتى ملابس العيد نشتريها منها ، وايضا في تقلبات حياتنا الاسرية عشت في قرية في مشروع الجزيرة لمدة ثمانية سنوات ، وتجسدت في هذه المرحلة شخصية المزارع البرجوازي الصغير ) !
تلك كانت اهم ملامح بدايات تكوين ود الدسيس في حراكه الاجتماعي !
|
Post: #52
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عمران بابكر بدري
Date: 08-30-2006, 05:06 AM
Parent: #51
ود الدسيس
كانت الافراح ... موردة وتنفحنا شذاها... عطرا سكن القلوب
وابدع الجميل نادوس في كرم الضيافة .. كما ابدع ..عماد عبد الله بالجلابية
واذكر ان هناك .. كانت زجاجة .. لافه اظن انها سعرها 200 ريال
ولا اعرف اين ذهبت وماذا يوجد بداخلها.. 00B M W
تصيد معتصم الطار الافراح وها هي عدساته تتحدث
مبرك عصمت الدسيس مليون مرة ومرة
طبعا انا متأخر عشان بكتب من المكتب
بعد ان يجود على الظرف بدقائق معدودات
وكتر الله خير معتز القريش
الكسر لينا كمبيوتر البيت .. وبيقنا مشردين .. نــــت
|
Post: #53
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: nadus2000
Date: 08-30-2006, 05:30 AM
Parent: #52
رقم صفر، محمد عبدالرحمن، ودرملية
محمد سليمان، وعصمت الدسيس، يا ربي بيقولوا في شنو.
بهاء بكري وعضو المنبر الغائب معاوية الزبير
حالة إندماج من حليم وحمودي يراقب
|
Post: #55
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-30-2006, 06:15 AM
Parent: #52
Quote: طبعا انا كتاخر عشان بكتب من المكتب
بعد ان يجود على الظرف بدقائق معدودات |
عفيت منِّك يا ست العطر الشامل الكامل ..
والكيميائى المضمخ
|
Post: #56
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: بدر الدين الأمير
Date: 08-30-2006, 06:37 AM
Parent: #55
يامعتصم المكتب المقصود هنا هو
شركة أوكسينت قطر - وعلى عمران تداخلت العربية مع التجرنقة
ذبدة كلام : رندوك خليك مع الاغنية وخليك مع الزمن ياريس
|
Post: #58
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: عمران بابكر بدري
Date: 08-30-2006, 09:53 AM
Parent: #56
انتو
ود القريش رجع يسرق الباسوردات تاني
ولا شنو
اتصلت على ود الامير ونفي انه كتب هذا الكلام
وقال معتصم وود قريش
كانو في منزله بالامس
لكن يا ربي كانو مع بدالدين ليــــــــــه
دا المجنن بيلو
|
Post: #59
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: nadus2000
Date: 08-31-2006, 07:57 AM
Parent: #58
والله يا ودالدسيس بختك
هاهي الخرطوم تستقبل بعبق الثوار
وبخور البمبان
|
Post: #60
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-31-2006, 08:39 AM
Parent: #1
العرس الما خمج
قيدمتو مظاهرة
|
Post: #61
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: Muna Khugali
Date: 08-31-2006, 08:59 AM
Parent: #60
مـبروك كـبيرة للعرسـان..ربنـا يتم ليهم علي خـير ويسـعـدهم..
إزيـك يافيصـل..إنت كـويس?
أنا ماعارفـة... ليه معتصـم مانزل صـورتي الفي الحـفلة معاكم?
تحيات خـرطـومية..
مـني
|
Post: #62
Title: Re: صفقة ورقيص في عرس عصمت الدسيس ... نادوس ادهشنا بالفرح الجميل !!
Author: معتصم الطاهر
Date: 08-31-2006, 05:14 PM
Parent: #1
| Quote: أنا ماعارفـة... ليه معتصـم مانزل صـورتي الفي الحـفلة معاكم? |
منى
سلام
عارفانى بريدك
وبغير عليك
كيف اشاركك مع الناس
خاصة صورتك الضاحكة ديك
ما بتغيب عن الخاطر
سلام للبنية
|
|