Post: #1
Title: ود رملية .؟!
Author: Faisal Al Zubeir
Date: 01-14-2007, 11:47 AM
Parent: #0
سلامات وعوافي :
عد لاصحابك .. وما تطول غيابك
المنبر في انتظار مساهماتك .
بس عليك بوصفة نادوس ( حبتين عند اللزوم) ، ووجع الدماغ يزول .
راجينك بالفرح الجميل .
|
Post: #2
Title: Re: ود رملية .؟!
Author: Randa Hatim
Date: 01-14-2007, 11:56 AM
Parent: #1
ودرمليه
سودانى .. اصيل .. نقى الدواخل.. صافى كماء النيل ..
حساس .. ينفعل بالناس وينفعل من اجلهم ويحمل همومهم ...
تتشكل دواخله وفقا لتمازجه اليومى مع من يحيطون به ...
فان تصافى معهم يقضى بقية يومه فى صفاء مع نفسه ..
وان اختلف معهم تحول يومه الى جحيم يطهر فيه النفس ويلقى اللوم عليها وان لم تخطئ ..
| Quote: بس عليك بوصفة نادوس ( حبتين عند اللزوم) ، ووجع الدماغ يزول |
وصفه سحرية يا ودرمليه ...
منتظرين رجعتك ...
|
Post: #3
Title: Re: ود رملية .؟!
Author: Faisal Al Zubeir
Date: 01-14-2007, 12:25 PM
Parent: #2
الزميلة : رندا الحميراء
Quote: ودرمليه
سودانى .. اصيل .. نقى الدواخل.. صافى كماء النيل ..
|
وهو ايضا من عناه الشاعر ادريس جماع :
هين تستخفه بسمة طفل قوى يصارع الأجيالا
حاسر الرأس عند كل جمال مستشف من كل شىءٍ جمالا
ود رملية : استجب لنداء الحميراء .واجبر بخاطرنا ..وسلامات وعوافي . دخولك في هذا البوست مطلوب ولا تكن كمن يغيب في يوم عرسه .
|
Post: #4
Title: Re: ود رملية .؟!
Author: سفيان بشير نابرى
Date: 01-14-2007, 01:20 PM
Parent: #1
فيصل الزبير ,,
سلام واحترام ..
والله جيت جاري قايلة
صورة عن قرب لي صاحبي ده
جيت ادلو بي دلوي لكن مدام شوق فأنا مشتاق ليهو جداً
|
Post: #5
Title: Re: ود رملية .؟!
Author: سمرية
Date: 01-14-2007, 01:34 PM
Parent: #1
عبد الرحيم ...
عباد الشمس .. شافك .. مشاك !!
الف لا بأس عليك ..
ود رملية ..
غيابك .. صدع جدار الانتظار !!
صراحة .. نفتقدك كثيرا .. حاول تبقى لينا كويس !!
هبة
|
Post: #6
Title: Re: ود رملية .؟!
Author: Emad Abdulla
Date: 01-14-2007, 02:16 PM
Parent: #5
Quote: سودانى .. اصيل .. نقى الدواخل.. صافى كماء النيل ..
حساس .. ينفعل بالناس وينفعل من اجلهم ويحمل همومهم ...
تتشكل دواخله وفقا لتمازجه اليومى مع من يحيطون به ...
فان تصافى معهم يقضى بقية يومه فى صفاء مع نفسه ..
وان اختلف معهم تحول يومه الى جحيم يطهر فيه النفس ويلقى اللوم عليها وان لم تخطئ ..
|
يا خواف من الشنا ..
قمت جاري ؟؟
تعال ..
بطل الجن و الحماقة و تعال ..
ح تجي يعني ح تجي .. ولا كتر خيرك ..
|
Post: #7
Title: Re: ود رملية .؟!
Author: عبدالكريم الامين احمد
Date: 01-14-2007, 02:29 PM
Parent: #6
ود رملية شال روح المنبر وفات..
وجعل الصباحات تبكي وتنادي سيدها وفارسها....
تعال يا صديقي فمكانك هنا وانت من تمنحنا معني البقاء فيه...
تعال يازول وانا تاني ما بعمل ليك قلاقل..ومستعدين نسمع (سهر الجداد) بس تعال.. يا فردة..!!
|
Post: #8
Title: Re: ود رملية .؟!
Author: معاوية الطيب
Date: 01-14-2007, 03:09 PM
Parent: #1
فيصل الزبير
ورندا
وهبة سمرية
وعماد عبد اللة
وسفيان
وكمان كيكى
اية السعد دة كلو
واللة لو محلك يا ود رملية اجى جارى جرى
ولك الفخر فى مداخلة كل منهم
فهم ونحن حقا نحبك بصدق
بقدر حبك وقلبك الكبير
وبقدر نفسك الشفافة
وانسانيتك النادرة
لك ان تفتخر بحبهم
وصدقهم ،،،،،،،،،،،،،،،،،،،،،
نحن بانتظارك
____________________________
شكرا فيصل
|
Post: #9
Title: Re: ود رملية .؟!
Author: Faisal Al Zubeir
Date: 01-14-2007, 03:42 PM
Parent: #8
اقول كما قال ود رملية : سلامات وعوافي
الزملاء :
سفيان نابري : انت منا ، وما بين الخرطوم والدوحة 3 ساعات . والمودة عامرة في هذه المداخلة .
سمرية : ليته يرى مقدار المعزة .
عماد عبد الله : ومن غيرك يرسم خطى عودته.
عبد الكريم الامين : هو توأم روحك لازم تجيبو ، انتما روحان حللن بدنا .
الحكيم معاوية : في حكمتك شفاء لذلك الود الشقي . ففك شفرته .
اما اخر قولي : وراك والزمن طويل ، وقل لبيت نداء بورداب الدوحة . لنقرأكما بدأت
سلامات وعوافي .
|
Post: #10
Title: Re: ود رملية .؟!
Author: عبد المنعم سليمان
Date: 01-14-2007, 04:13 PM
Parent: #1
والله احبة جدا يا فيصل وافتقده كثيرا
عليك الله يا ودرملية عشان خاطرنا ترجع
احبك يا رجل
منعم
|
Post: #11
Title: Re: ود رملية .؟!
Author: شمس الدين خواجات
Date: 01-14-2007, 06:13 PM
Parent: #10
احتمال !!!!!
|
Post: #12
Title: Re: ود رملية .؟!
Author: Muna Khugali
Date: 01-14-2007, 06:44 PM
Parent: #11
سـلامة روحـك إن أصابها الضيق والغضب..
دمت فيصـل
|
Post: #13
Title: Re: ود رملية .؟!
Author: khaleel
Date: 01-14-2007, 07:01 PM
Parent: #12
فيصل الزبير
كل سنة وانت طيب
ود رملية بحب الريال
وحتي في كرة القدم بشجع ريال مدريد
عشان كدة مختفي
|
Post: #14
Title: Re: ود رملية .؟!
Author: nassar elhaj
Date: 01-14-2007, 07:07 PM
Parent: #12
يا عبد الرحيم
حبيب الجميع وصديق الجميع
ونكهة الحياة ونداوتها حين يصارعها البؤس والحزن
أنت ترفع قناديلك دائماً
لتنير الطريق
لتشتت السلام والعفو لكل الوجوه..
هنا فيصل الزبير فتح هذا البيت كي ناتي له عشاقاً يرتلون اسمك
كي تكون معنا دائما
ونبتهج كلنا
كل هؤلاء العشاق والعاشقات جاؤوا هنا
لك يا ود رملية
عد دائما مغردا ومغنياً وفرحا
الحياة دائما بها نوافذ رائعة وجميلة
وكلنا في انتظارك ايها الرهيف النقي : عبدالرحيم
محبة لك
نصار الحاج
|
Post: #15
Title: Re: ود رملية .؟!
Author: نجوان
Date: 01-14-2007, 09:50 PM
Parent: #14
أنضم لسرب المطالبين بعودة ودرملية...... وفورا..
لّما ترجع بالسلامة..
ترجع أيامنا الجميلة
__
شكرا فيصل..
|
Post: #16
Title: Re: ود رملية .؟!
Author: فيصل عباس
Date: 01-14-2007, 11:15 PM
Parent: #15
ود رمليه؟؟
هتاف ممتد
يشق جدار العزله
وينت لينا جزيرة الورد
واطاول
فينا الشوق الواقف ضد...
عد لتضئ الدرب
عد والا ...................
ونرفع (لو) ولولتك الي الى حدود السماء...
عد يا انيق الحرف...
فيصــــل الزبيــــر
يديك العافيه وسلام من طيبك...
|
Post: #17
Title: Re: ود رملية .؟!
Author: nourelhadi awad
Date: 01-14-2007, 11:30 PM
Parent: #1
هي استراحة محارب
وربان ينتظر...
صمت الرياح
جميعنا عند بابك ( اعتصام)
نورالهادي
|
Post: #18
Title: Re: ود رملية .؟!
Author: بدر الدين الأمير
Date: 01-15-2007, 05:39 AM
Parent: #17
يا اخونا احلموا بعودة جديدة
لود رملية
فخلف غيابه عالم سعيد
انه فى الشتاء يرحل مع
جده الحردلو
ليغنى للغزلان
(الشم خوخت والبراق برق)
وفى طريق عودته سوف يمر على
على اشجار النيم وينشدها( ود ابوسن متحدر وانت متخدر)
وسوف يغنينا بمطيرق ومسدار جديد
وسوف ينثر على رؤسنا بركات تؤم العرفة والعرفان
بابكر بدرى ومحمود محمد طه
يالرفاعة المشرئبة بكنوزها وهواها وود رمليتها
وبصحتكم وصحة رفاعة ارفع كاسى
واعد مجلسى اشوفو ناقص زول وله تام
|
Post: #19
Title: Re: ود رملية .؟!
Author: Faisal Al Zubeir
Date: 01-15-2007, 07:00 AM
Parent: #18
الزملاء :
-عبد المنعم سليمان
- خليل
- نصار الحاج
- نجوان
- فيصل عباس
- نور الهادي
- بدر الدين
للجميع سلامي :
ود رملية جايكم ، وسلامات وعوافي وسيكمل المشوار .
|
Post: #20
Title: Re: ود رملية .؟!
Author: معتز القريش
Date: 01-15-2007, 07:41 AM
Parent: #19
ود رمليه
عليك الله ترجع
حلفتك بالجمال الذي يجملك
بالمعزة بالمودة البينا
لا لقيناك وفرحنا ولا نسيناك استرحنا
ننساك !!!
انت !!!
انت بتتنسي ؟
ما إنت روحنا وحبنا سافرنا في عينيك ولسه قلوبنا بيك متجننة
|
Post: #21
Title: Re: ود رملية .؟!
Author: Ahmed Abdallah
Date: 01-15-2007, 07:50 AM
Parent: #1
Quote: عد يا انيق الحرف...
|
For the above mentioned code
hoping to see you back and wishing you all the BEST
|
Post: #22
Title: Re: ود رملية .؟!
Author: Faisal Al Zubeir
Date: 01-15-2007, 08:21 AM
Parent: #21
ود القريش
عماد عبد الله
زولنا قرب يطل علينا . جهزوا حفل الاستقبال . الجمته محبتكم ولذا اخرستم قلمه .
بقول ليكم : سلامات وعوافي .
|
Post: #23
Title: Re: ود رملية .؟!
Author: مجاهد عبدالله
Date: 01-15-2007, 09:50 AM
Parent: #1
سلام أوركسترا الجمال
وسلام المايسترو ودالزبير
ما بتحتمل يا خواجات أي إحتمال...
زوايا الجمال لا يخططها إلأ ملك الجمال...
ودرمليه..
عد للذين أثكلت قلوبهم ويتمت إحساسهم..
وكفتك الغابة مناشدةً...
عد يا صديقي فإن أجمل الأيام لم تأت بعد..
وأعلم أننا سننام عندما نرى حروفك وألإحساس الإسفيري المصاحب لها دوماً
دعك مني أنا ولاتغل على الكرام ابناء الكرام البررة...
كامل الرجاء نسوقه لك أيها الشفيف...
|
Post: #24
Title: Re: ود رملية .؟!
Author: Faisal Al Zubeir
Date: 01-15-2007, 11:06 AM
الزميل مجاهد : تحياتي :
Quote:
زوايا الجمال لا يخططها إلأ ملك الجمال...
ودرمليه..
|
بعد مافي اي كلام .
فقط يقول حاضر .
|
Post: #25
Title: Re: ود رملية .؟!
Author: البدوى يوسف
Date: 01-15-2007, 03:22 PM
Parent: #24
Quote: سودانى .. اصيل .. نقى الدواخل.. صافى كماء النيل ..
حساس .. ينفعل بالناس وينفعل من اجلهم ويحمل همومهم ...
|
ده أنقى زول في الشرق الاوسط
الاخوة بورداب الدوحة:
لاتدعوه حتي يعود
ليعودالنقاء والصفاء
|
Post: #26
Title: Re: ود رملية .؟!
Author: Faisal Al Zubeir
Date: 01-15-2007, 06:15 PM
Parent: #25
الاخ الكريم والزميل العالم الكبير : البدوي : سلامات
شكرا على المرور ، وودرمليه ما عندو كلام بعد حديثك .
تحياتي لناس الرأي العام والصحافة وكل الزملاء
وفي انتطارك.
|
Post: #27
Title: Re: ود رملية .؟!
Author: عبدالكريم الامين احمد
Date: 01-15-2007, 08:24 PM
Parent: #26
سلامات وعوافي
يا ود رملية
تعال عليك الله..وداهلين في انتظارك..
|
Post: #28
Title: Re: ود رملية .؟!
Author: الشفيع عوض شوشتا
Date: 01-15-2007, 08:36 PM
Parent: #27
فارس الحكي الانيق
ود رملية ..
|
Post: #30
Title: Re: ود رملية .؟!
Author: ودرملية
Date: 01-15-2007, 09:54 PM
Parent: #28
سلامات
وعوافي
يا آلهي منكم .. يا آلهي من سناكم البراق ..
ولو تعلمون "ان خلوتي هي التئام حضوري بينكم" ..
عندما " كنا شفع" .."والشفع كانوا كا الانبياء في طيبتهم وسماحتهم " ...في نهاية كل عام دراسي كان الاصدقاء يقفون حلقات حلقات كل واحد منهم يحمل كراسة "للذكريات" الاي انا .. يسجلون امنياتهم ومحبتهم واشواقهم .... كانوا يكتبون اكلاتهم المفضلة ويهدون "ثلاثة ورود" للحبيبة والاصدقاء ويصوبون "ثلاثة رصاصات" في صدر "الحقد –والكراهية- والقبح" ..
الآي انا .. كنت احمل صفحة روحي "مذ بداية العام الدراسي" ... "يلثمونها" ببصماتهم ونفحاتهم الجميلة ..ثم اعود الي بيتنا "اتحسس" اسماءهم وصورهم في جدار الذكريات الكبير "روحي".. وانبش نبضات قلبي شوقا وتحنانا وحبا ..
ثم طفقت الحياة تطوي في الايام والسنين وبقيت تفتح كل يوم صفحتها لتضع بصمات جديدة "هبشت" المحنة والانسانية في قلبي ... ولانني كائن يقتات من وهج الاصدقاء ابيت الا ان استصحبهم في حلي وحالي ومألآة احوالي .. يرتبون في النفس احساس انني انسان ويزرعون في جدب الايام اشجار النخيل فكلما "ضاقت بي الوسيعة" رميتها فتساقط علي ثمرا رطبا ..
وها انا مرة اخري "اتحسسكم" جميعا في فورة الوريد ونبض الفؤاد .. فانتم الاصدقاء .. ترابكم ابريز قلبي واصواتكم بوصلة الشعور .. تكتبون بدمي ..وتخرجون من صولة الامنيات كالملائكة السمحين .. فكلما اشتدت بي وعثاء الغربة "اي غربة".. حزمت رحالي ويممت وجهي صوب واحاتكم الوريفة .. فالحياة جوهرها الحب .. والحب جوهره و روعته يكمن في بهاء الاصدقاء .. فاقتطف من حدائقكم ازهارا طيبة فواحة العبير امسح بها علي حواس مزاجي فيعتدل ويستكين ..
انا اضعف بكثير مما تعتقدون .. لا اقوي علي الغياب .. فكيف بالذي اصابه العطش يبخل علي نفسه برشفة ماء ..انتم زادي وزوادتي للايام القاسيات .. انتم غسول الروح وابتهاج الزمن .. اقضي بينكم اسعد ايامي وانشر في رحابكم محبتي واعتزازي .. من له مثلكم لا يقوي علي شيء سوي ان يكون بينكم .. يتنفس كتاباتكم .. ويرسم صوركم بحبر كلماتكم .. انسق الصور .. ارتبها اوزعها علي مسارب الدم .. فتتفشى في العصب رائحة الحياة ..
ربما لا تعلمون كيف اكون انا عندما ينتهي زمن التواصل هنا في المنبر ... اكون كالطفل .. انتظر يوم غد "وكانه عيد" كيف هذا .. بل هو العيد بأم عينه .. اسوح في براحاتكم والطف نواحي الروح بشذاكم ..
برغم ان السرقة "حرام" ... الا انني استحلها في حالكم "يامن سرقتوا روحي " .. فحلالا عليكم وحلال عليً ان اكون "المسروق" ..
سعفكم يا احباب الروح "راكوبة" الضهرية .. "وريحة" الجبنة البكرية .. ووجودكم كصوت امي الذي يشق الفيافي "ليسمعني نغم النداء اللطيف" ... امي ... "اه لو تعرفونها" ... تشبه الخريف ورائحة المطر .. "كالغمامات في رابعة الهجير" تظل المارة والمعطوبين والسمار وركض الاطفال في فضاء الظهيرة ..
"وآه لو تعرفونها" .. تشبهكم جميعا .. وكانها "ريقتكم" ..
فتقبلوا يا سادة الروح ووسادة تنهداتي .. تقبلوا حبي الشديد .. للرفاق الحالمين للصحاب الطيبين للذين لم تراهم عيني وابصرتهم روحي .. للاتي حلمت بخوتهن وصحبتهن وللواقفين علي باب الكتابة العالي .. يطرقونه بلطفهم فيفتح مصراعيه لاحتشادهم .. للذين وثقوا في انسانيتي .. والذين اخذوا من وقتهم "بعض ثانية" لينظروا حالي .. للذين احبهم "لكونهم ناس وفيهم ريحة النيل" ..للذين يعلمون حبي "ويرهقون" النبض بفيض رؤاهم النبيلة ..فانا لا احمل في مشقتي هذه الا قلبي وزاده .. زاده الذي "انتم" .. احلم بان احيا بي الناس رحيما لطيفا طيبا وحبوبا.. اشتاقهم واحبهم واهواهم ..
فهاكم روحي .. ودعوها "ترقد قربكم بسلام" ..
ثم دعوني اقبل ترابكم ...
.. تراب الاصدقاء ..
محبتي ومعزاتي ...
" اسماءكم فوق احتمالي .. فترفقوا بي .. اني احبكم .."
ربما انني ساستمرأ الغياب "حتي انعم بمثل هذا الحضور""حضوركم العجيب" ..
|
Post: #29
Title: Re: ود رملية .؟!
Author: عاطف عمر
Date: 01-15-2007, 09:31 PM
Parent: #1
هذا الشفيف يدهشني
يملؤني سعادة وفخراً
إنه مني وإنني منه
وإننا معاً منها
وآه ثم آه لو كنتم تعلمون
تلك الرملية المجدوبية التي تزين اسمه
عالم تتضاءل دونه الكلمات
وتنزوي دونه الأحرف والصور
تحياتي عبدالرحيم أينما كنت
ليس في أقدار المولى العزيز مصادفة
لكنني عائد لتوي من رسالة بعثت بها للحبيب الصادق ود رملية رداً على رسالة وجدتها منه على موقع رفاعة .
شكراً كثيفاً فيصل الزبير
|
Post: #31
Title: Re: ود رملية .؟!
Author: عبدالكريم الامين احمد
Date: 01-15-2007, 10:09 PM
Parent: #29
ها قد عاد الزين والحنين
وعاد الحراز وعاد المطر
وجاء صديقي الراقي ود رملية وريفا شفيفا يعبق المكان ويسترد الينا روحه والقه
العالي...
حبابك يا عبدالرحيم يا اصيل..
|
Post: #32
Title: Re: ود رملية .؟!
Author: Abu Eltayeb
Date: 01-15-2007, 10:32 PM
Parent: #31
أنا ماكنت خايف عليك ,
وكنت متأكد إنك حترجع ,
إنت زول ساهل ! ياود رمل الدرب السمح !
إنت مازول صعب ... ولا كعب ! إنت حاجه من
حاجات السودان السمحه الجايه , وكده ماكفايه
ياود رمليه ! خت الصوره يا رجل خلينا نتنور .
الصوره الفيها العود .. لو سمحت .. دعها تُغنيك ياود رمليه
فأنا أسمع شدو غناك ليل نهار .. كن بخير يكون هذا المنبر بخير .
راجيك يا صديقى .. مامون
|
Post: #33
Title: Re: ود رملية .؟!
Author: البدوى يوسف
Date: 01-16-2007, 12:09 PM
Parent: #32
| Quote: خت الصوره يا رجل خلينا نتنور . |
وياحبذا لو كانت بالبدلة اياها
|
Post: #34
Title: Re: ود رملية .؟!
Author: ملكة سبأ
Date: 01-16-2007, 12:28 PM
Parent: #1
ازيك ياعبدالرحيم
|
Post: #35
Title: Re: ود رملية .؟!
Author: حسن البشاري
Date: 01-16-2007, 03:20 PM
Parent: #34
ود رملية
حاضرا وغائبا.. واينما كنت تظل حاضرا عندنا..
نحبك لاننا لم نرى مثلك "مكتول" بحب الناس والسودان ..
نحبك لان الحب الذي عندك لو وزع على الناس لما اندلعت حروب ولما قامت فتن ..
دمت بخير ابدا .. واظهر كما تشاء وغب ما تشاء فانت مقيم عندنا غائبا وحاضرا
|
Post: #36
Title: Re: ود رملية .؟!
Author: ودرملية
Date: 01-17-2007, 02:09 AM
Parent: #35
سلامات
وعوافي
احباب الروح
..
كنتم اعظم من امنياتي .. وفوق التصور ..
الصمت لي .. ولكم عذب الاغنيات ..
لكم المحبة والمعزات ..
|
|