ناذر في نيو لوك !!

Post: #1
Title: ناذر في نيو لوك !!
Author: Faisal Al Zubeir
Date: 01-14-2007, 05:07 PM

ياشباب كيفنكم : ومجارة لعبارته نقول لناذر خليفة ..ناذر كيفنك !

ناذر اختار نيو لوك في بروفايله ، واختار ان يطل علينا من خلال بوست انعام حيمورة بتاع الادوية ، و رسالته المقصودة من اليوم لازم تخاطبوه بدكتور ناذر ، والدال البتسبق الاسم نحنا بنستخدمها غلط ، وناذر عندو بي اتش دي فى الكتابة الساخرة ، عشان كدا اتخارج من طربوش التخرج ، يوم كان فرحان وركب ليهو مكنه دكتور ، قال احسن اشوف سوق الادوية .

الصورة تمام والنيو لوك : دكتور في شارع الشهداء ، شوفوا العينيين ، بتاوق من فوق النظارة ، يعني شغل زول مهم ، لكنه ما مبتسم ليه ما عارف ، يمكن كشف العيادة فارق ، وعشان كده بنقول ليهو نضارتك ما بتحلك ، احسن تبقى كمساري .

للالوان دلالتها ومعانيها ، دي بعرفوها ناس تجاني الماحي ، لمن الواحد يكون لابس احمر ، ولوقلب برتقالي معناها الزول مركبنو التونسية ، وسيصبح شهيدا ، ويمكن يكون رصاص او شنقا . وبلغة اهل الكورة اللون الازرق للرشاشات (الهلالاب) والاحمر للصهاينة(المريخاب ) ، بس ناذر ذكي اختار اللون الا خضر لون اهلنا العارفين من الصوفية ، والاصفر لزوم الطلة الجديدة . ولو سالته اللون ده شنو بيقول ليك ده (لون زينب) ! بس بننصحه يستمع لاغنية البعيو (صورتك الخايف عليها)!

الفوق كانت كتابة خارج النص و(غشمرة) ، وعارف نيزو حايكتب حتى على صورته الجديدة !

اما الكلام الجاد : فناذر هو ناذر (ملح المنبر) بدون (صنفرة) !

بس ياناذر ورينا غيرت الصورة ليه .

توضيح : لون زينب يعود لرسم كاركاتيري للفنان عزالدين ، لامراة ارتكبت حادثا والاشارة لونها احمر ، فسالها الشرطي ده لون شنو فردت : لون زينب ! الرسم يعود للسبعينات للفنان عزالدين .

Post: #2
Title: Re: ناذر في نيو لوك !!
Author: ناذر محمد الخليفة
Date: 01-14-2007, 06:17 PM
Parent: #1

فيصل الزبير ..

جاييك بي رواقة ولحدي ما اجي أهدي ليك الغنية الجميلة دي ليك ولي زوار البوست :

Post: #3
Title: Re: ناذر في نيو لوك !!
Author: عبدالمنعم الرزوقي
Date: 01-14-2007, 06:50 PM
Parent: #2

ناذر اسآلك سؤال انت كل ما تقول اسمعوا الاغنية دى ما بتجيني ليـــه

جاوب بس بصراحة

Post: #4
Title: Re: ناذر في نيو لوك !!
Author: انور تاج السر
Date: 01-14-2007, 07:05 PM
Parent: #2

الاخ فيصل تحياتي،

العزيز ناذر خور،

دي بمناسبة وظيفتك الجديدة كمشرف علي الخور؟؟(تم التعيين بواسطة كمال علي الزين بتاريخ 7/1/2007)

طيب، النظارة مفتولة استعدلا.

Post: #5
Title: Re: ناذر في نيو لوك !!
Author: هاشم نوريت
Date: 01-14-2007, 07:09 PM
Parent: #4

فيصل
دبايوا

طبعا رغم اجتهاد مجاهدنا ناذر الا انه لم يستطيع اخفاء الصلعة .
وبعد يا شيخ اضحك عشان الصورة تطلع حلوة .
: وياريت تهمس فى اذن ودالعمدة كمان

Post: #12
Title: Re: ناذر في نيو لوك !!
Author: كمال علي الزين
Date: 01-14-2007, 08:23 PM
Parent: #4

Quote: دي بمناسبة وظيفتك الجديدة كمشرف علي الخور؟؟(تم التعيين بواسطة كمال علي الزين بتاريخ 7/1/2007)

أنور

تحياتي

عارف الشعار( وكم بالخور من درر )

شعار المرحلة الجاية

بوصف ناذر حا يعمل جاهداً , للرفع من مستوى إدارة الخور

Post: #6
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:00 PM
Parent: #1

سلامات يا فيصل ..

Quote: الصورة تمام والنيو لوك : دكتور في شارع الشهداء ، شوفوا العينيين ، بتاوق من فوق النظارة ، يعني شغل زول مهم ، لكنه ما مبتسم ليه ما عارف ، يمكن كشف العيادة فارق ، وعشان كده بنقول ليهو نضارتك ما بتحلك ، احسن تبقى كمساري .

للالوان دلالتها ومعانيها ، دي بعرفوها ناس تجاني الماحي ، لمن الواحد يكون لابس احمر ، ولوقلب برتقالي معناها الزول مركبنو التونسية ، وسيصبح شهيدا ، ويمكن يكون رصاص او شنقا . وبلغة اهل الكورة اللون الازرق للرشاشات (الهلالاب) والاحمر للصهاينة(المريخاب ) ، بس ناذر ذكي اختار اللون الا خضر لون اهلنا العارفين من الصوفية ، والاصفر لزوم الطلة الجديدة . ولو سالته اللون ده شنو بيقول ليك ده (لون زينب) ! بس بننصحه يستمع لاغنية البعيو (صورتك الخايف عليها)!

الفوق كانت كتابة خارج النص و(غشمرة) ، وعارف نيزو حايكتب حتى على صورته الجديدة !

أساسا من ناحية دكتور فانا نلت الدرجة دي قبل كدة في بحث شامل بتلقاهو في اللنك دا :

تكتيكات أوتومسفيرية للكتابة في المنبر (أمثلة حية وتطبيقات) !!!

أما الصورة فالشغلانة لا نيو لوك لا بطيخ .. كل القصة إني نزلت واحدة من الصور في بوست من البوستات قام حبيبنا كوستاوي مسكا وقصقصا ولونا وحمضا وطلعا بالطريقة الليمونية دي وأنا عجبتني وقلت أختها للمناسبات البكون قافلة معاي فيها .. والأيامات دي أنا خاتيها في البروفايل عشان بطني طامة من بوست تسجيل المكالمات داك ..

والصورة الأصلية يا ها دي :

Quote: اما الكلام الجاد : فناذر هو ناذر (ملح المنبر) بدون (صنفرة) !

يا خي ما تشبكنا ملح ولا كسبرة القصة وما فيها البلد دي ما فيها موضوع وأحسن بدل الواحد يتحاوم في الفارغة ساكت لا شغل لا مشغلة أخير ليهو يقعد قدام المنبر دا (لا شغل لا مشغلة) يفكها في المواهيم الهنا !!

شنكل :

هسي لزومو شنو خسارة بوست كااامل في الموضوع دا !

Post: #7
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:01 PM
Parent: #1

الرزوقي ..

Quote: ناذر اسآلك سؤال انت كل ما تقول اسمعوا الاغنية دى ما بتجيني ليـــه

يا زول الغنية شغالة زي الطلقة براك متحجج وما داير تسمع !!
اللخو أنصار سنة ولا حاجة !

Post: #8
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:02 PM
Parent: #1

أنور ..

Quote: طيب، النظارة مفتولة استعدلا.

هسي في داعي للفضائح !! الوش هو المفتول ما النضارة

Post: #10
Title: Re: ناذر في نيو لوك !!
Author: كمال علي الزين
Date: 01-14-2007, 08:13 PM
Parent: #8

فيصل

تحياتي

اللوك الجديد بمناسبة , تدشين مشروعه الجديد

كيفية الإستفادة من مخلفات الخور وإعادة تصنيعها بالتعاون مع بعض الأحزاب

والمنظمات

وهي حملة إصحاح بيئية إسفيرية

صورة وتعليق :

الصورة العرقان فيها والنضارة مفتولة دي , أكيد بعد حادث التسجيل الأخير لمكامتو دون إذن من

نيابة البورد ولا مراعاة لحقه الدستوري , كوزير شئون الخور

العرق يشير إلى خطورة الكلام القالو

تاني بجيكم

Post: #9
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:04 PM
Parent: #1

هاشم نوريت ..

Quote: طبعا رغم اجتهاد مجاهدنا ناذر الا انه لم يستطيع اخفاء الصلعة .

صلعة شنو يا زول دي طاقية فوق للراس زي ما شايف الأصل هناك ..

Post: #11
Title: Re: ناذر في نيو لوك !!
Author: saadeldin abdelrahman
Date: 01-14-2007, 08:22 PM
Parent: #1

يا تومي هوووووووووووي

البغني دا منو يا ناذر?
____

انتا الامين وينو?

Post: #13
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:30 PM
Parent: #1

يا كمال ..

Quote: الصورة العرقان فيها والنضارة مفتولة دي , أكيد بعد حادث التسجيل الأخير لمكامتو

العرق ما من الخوف ... الصورة في مناسبة .. خليك حريف ياخ

Post: #16
Title: Re: ناذر في نيو لوك !!
Author: كمال علي الزين
Date: 01-14-2007, 08:36 PM
Parent: #13

Quote: العرق ما من الخوف ... الصورة في مناسبة .. خليك حريف ياخ

دي المناسبة الكلموك فيها بموضوع التسجيل

( وش أبوغمزة )

مناسبة مخيييييفة

Post: #14
Title: Re: ناذر في نيو لوك !!
Author: Abuelgassim Gor
Date: 01-14-2007, 08:31 PM
Parent: #1

يا أخونا ناذر دا ولدنا بتاع كلية الموسيقى والمسرح ، وبعدين أنا أستلمت أوراق عموميتو يعنى بقيت عمه على الورق...أنا خايف تسحرو لينا. يا ناذر يا ولدى عليك ببخور التيمان واللبان الجاولى. كمان أنا أتفقت مع خالتى سكينه وقالت تجى عشان تبخرك من العين...

Post: #15
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:34 PM
Parent: #1

سعد الدين ..

Quote: يا تومي هوووووووووووي

البغني دا منو يا ناذر?

دا عبد الله البعيو الرقاص داك !!

Post: #17
Title: Re: ناذر في نيو لوك !!
Author: saadeldin abdelrahman
Date: 01-14-2007, 08:39 PM
Parent: #15

صوتو اتلحس الراجل

تسلم يا حبوب

Post: #18
Title: Re: ناذر في نيو لوك !!
Author: ناذر محمد الخليفة
Date: 01-14-2007, 08:40 PM
Parent: #1

عمو قور كيفك

Quote: يا أخونا ناذر دا ولدنا بتاع كلية الموسيقى والمسرح ، وبعدين أنا أستلمت أوراق عموميتو يعنى بقيت عمه على الورق...أنا خايف تسحرو لينا. يا ناذر يا ولدى عليك ببخور التيمان واللبان الجاولى. كمان أنا أتفقت مع خالتى سكينه وقالت تجى عشان تبخرك من العين...

كمال وفيصل ديل لو ما نجهوني ما بيرتاحو ديل لا ينفع معاهم لا بخور تيمان لا بخور جوز وفردة .. عليك الله شوف لي معاهم صرفة

Post: #19
Title: Re: ناذر في نيو لوك !!
Author: كمال علي الزين
Date: 01-14-2007, 08:48 PM
Parent: #18

[QUOTE]كمال وفيصل ديل لو ما نجهوني ما بيرتاحو ديل لا ينفع معاهم لا بخور تيمان لا بخور جوز وفردة .. عليك الله شوف لي معاهم صرفة

خبر :

تم إنتداب ناذر للإشراف على إنشاء خور المعهد العالي للموسيقى, والذي تأخر إنشاءه كثيراً ,

تعليق :

ناذر ده أكتر خور حا يتعبك

ماتفرح , الناس ديل عايزين يستغلو خبرتك

Post: #20
Title: Re: ناذر في نيو لوك !!
Author: Abuelgassim Gor
Date: 01-14-2007, 09:23 PM
Parent: #1

Quote: كمال وفيصل ديل لو ما نجهوني ما بيرتاحو ديل لا ينفع معاهم لا بخور تيمان لا بخور جوز وفردة .. عليك الله شوف لي معاهم صرفة

يا كمال وفيصل
أنا داعيكم فنجان قهوة
بالمورده ...فريق ريد!!!
عشان.... بعدين نقوم نبخر ولدنا ناذر
وكمان عندنا حفلة ذار
ما عاوزين تحتو
نحن غايتو قاعدين نحتو حت فى حفلات الذار

Post: #21
Title: Re: ناذر في نيو لوك !!
Author: Faisal Al Zubeir
Date: 01-15-2007, 06:53 AM
Parent: #20

الدكتور ناذر : تحياتي :

اولا اشكرك كثيرا على الاغنية ، ولك التحية على صبرك الجميل ، وروحك المرحة ، بدات عملي بمراجعة البوست وصدقني لا زلت اضحك على (البطيخ) والصورة (الليمونة) . ليت المنبر يكون بهذه الروح وان تنتقل العدوى الحميدة والظريفة لكل الاعضاء .

ناذر : ده كلام جاد ما هظار :

عرفت انك فنان( نمبر ون ) ، وتجيد عزف العود ، فكر في امسية يستضيفها بورداب الدوحة وعلينا الاستضافة .

Post: #22
Title: Re: ناذر في نيو لوك !!
Author: Faisal Al Zubeir
Date: 01-15-2007, 07:47 AM
Parent: #21

يادكتور ناذر : تحياتي :

Quote: شنكل‎ :
‎
هسي‎ ‎لزومو شنو خسارة بوست كااامل في الموضوع دا‎ !‎

اولا ليه شنكل ، دي ما كرة قدم يا باك ، واعمل حسابك من كمال الزين (كمال وهبة) وهو حريف جدا ومراوغ بكتب عن درر الخور . وبعدين لو سجل هدف الناس حا تهتف ( ناذر بطيخ كمال فات وين) .

ما خسارة ، لاننا سمعنا اغنية جميلة ، وشفت بنفسك شعبيتك وعشان كده بنديك لقب جديد

ناذر شعبولا .. بس ما تقول ذي ما بيقول هو ايييييييييه شوف لك قفلة غيرها لاغنياتك .

Quote: هسي في داعي للفضائح !! الوش هو المفتول ما النضارة

ناذر يمكن تعمل عملية تجميل ، وده بيكون نيو لوك حقيقي ، وطبعا الوش لو مفتول العضلات بتكون تبش وهنا بدل ما تكون فنان تكون ملاكم مثل تايسون .

Post: #23
Title: Re: ناذر في نيو لوك !!
Author: Faisal Al Zubeir
Date: 01-15-2007, 09:53 AM
Parent: #22

Quote: ‎ ‎نجم/ة المنبر لعام (2006‏‎)‎
ناذر ( 19)‏

فوق ..فوق ..فوق .

سير سير سير يا البشير !!

Post: #24
Title: Re: ناذر في نيو لوك !!
Author: محمد البشرى الخضر
Date: 01-15-2007, 10:03 AM
Parent: #23

يا ناذر أخوي

حقو ترجع البروفايل القديم بعد البوست بتاعك لحق أمات طه*

بتاعة....
حد يتبرع و يشرح أمات طه* ديل منو و مشوا وين؟

Post: #26
Title: Re: ناذر في نيو لوك !!
Author: Faisal Al Zubeir
Date: 01-15-2007, 10:16 AM
Parent: #24

ود البشرى : ما تخوف ناذر .ناذر نجم البورد 2006 بلا منازع .

Post: #25
Title: Re: ناذر في نيو لوك !!
Author: أبو الحسين
Date: 01-15-2007, 10:12 AM
Parent: #1

ناذر كتب...
Quote: هسي لزومو شنو خسارة بوست كااامل في الموضوع دا !

عشان نشوفك قرييييييييييب يا الحِبيِّب!!!

شكراً يا صديقي فيصل لقُرب الصورة...

مودتي لكما والمتداخلين...

أبو الحســــــــين...

Post: #27
Title: Re: ناذر في نيو لوك !!
Author: Faisal Al Zubeir
Date: 01-15-2007, 10:30 AM
Parent: #25

ود الحسين : تحياتي لمرورك الجميل :

Quote: عشان نشوفك قرييييييييييب يا الحِبيِّب!!!

شكراً يا صديقي فيصل لقُرب الصورة...

مودتي لكما والمتداخلين...

شوف يا ناذر مكانتك ، الناس راجية الطلة ، والكلمة الساخرة ، فانت من يعطي المنبر نكهته المميزة ، وده استفتاء اخر على شعبيتك ، وتصدق يا الحبيب مثلك وودرملية هم النفس الجميل في ظل مايشهده المنبر من كتابات منفرة .

صنفرة:

ناذر عاوزين اغنية تانية عشان قور يحتو .

Post: #30
Title: Re: ناذر في نيو لوك !!
Author: انور تاج السر
Date: 01-15-2007, 10:45 AM
Parent: #27

الاخ الكريم فيصل تحياتي،

ناذر راجل حبوب و اصيل و ما محتاج اي شتيت سكر بس لو عايزو يقعد في البوست ده في حاجتين ما تجيب ليهو سيرتم، واحداخونا شاعر و كنار تل.

الاخ العزيز كمال الزين
تحياتي

اكتشفت ليك موهبة ارتياد تانية عند ناذر غير الخيران، و نتيجة لهذا الاكتشاف قلت ليهو تاني ما ترد علي مداخلاتي الا يكون في بيني و بينك سبعين متداخل.
تكون شنو الموهبة دي يا ربي؟

افتح هذا البوست
النضال على الطريقة البنغالية !!

Post: #28
Title: Re: ناذر في نيو لوك !!
Author: محمد البشرى الخضر
Date: 01-15-2007, 10:36 AM
Parent: #25

Quote: ود البشرى : ما تخوف ناذر .ناذر نجم البورد 2006 بلا منازع .

ما عشان كدا ,,,,

حسي دي صورة يحضر بيها حفل التتويج

ولا يكون عايز يكف العين

بتاعة....
يا معلم عندك فكرة الحاجة الجاري فيها نور طويل دي منو؟
تحت تحت سمعت إنها الغزالة و النظرة دي بعد مقابلة أخوها.

Post: #29
Title: Re: ناذر في نيو لوك !!
Author: Faisal Al Zubeir
Date: 01-15-2007, 10:45 AM
Parent: #28

ود البشرى :

Quote: بتاعة....
يا معلم عندك فكرة الحاجة الجاري فيها نور طويل دي منو؟
تحت تحت سمعت إنها الغزالة و النظرة دي بعد مقابلة أخوها.

قول مبرووووووووووك

ناذر : زميلي معتصم ود رفاعة ، مصممم جرافيك خطير وخريج كلية الفنون الجميلة ، قال ليك الصورة جبتها من وين ولو في واحد غيرها نحن بنعمل ليها عملية تجميل ..رأيك شنو؟ نبدأ نعمل رتوش!

Post: #31
Title: Re: ناذر في نيو لوك !!
Author: Faisal Al Zubeir
Date: 01-15-2007, 10:52 AM
Parent: #29

الزميل : انور : تحياتي :

Quote: ناذر راجل حبوب و اصيل

صدقت ولن ازيد حرفا .

Post: #32
Title: Re: ناذر في نيو لوك !!
Author: ناذر محمد الخليفة
Date: 01-15-2007, 04:18 PM
Parent: #1

سعد الدين ..

Quote: صوتو اتلحس الراجل

تسلم يا حبوب

كان ليهو فترة معتزل الغنا وبقى مؤذن جامع في المسعودية !!

Post: #33
Title: Re: ناذر في نيو لوك !!
Author: ناذر محمد الخليفة
Date: 01-15-2007, 04:22 PM
Parent: #1

فيصل الزبير ..

Quote: عرفت انك فنان( نمبر ون ) ، وتجيد عزف العود ، فكر في امسية يستضيفها بورداب الدوحة وعلينا الاستضافة .

يا زول دا منو القال ليك نمبر ون دا !! أنا فنان نمبر ون بس بين بورداب الخرطوم لأنو بي بساطة ما في زول غيري

شنكل :

الإستضافة مقبولة وحا أكون بيناتكم بمجرد ما ترسل التذاكر والفيزا و نثريات الرحلة

Post: #34
Title: Re: ناذر في نيو لوك !!
Author: ناذر محمد الخليفة
Date: 01-15-2007, 04:24 PM
Parent: #1

محمد البشرى ..

Quote: حقو ترجع البروفايل القديم بعد البوست بتاعك لحق أمات طه*

إن ما جبت أخر الموضوع دا أصلو ما ارجع صورة البروفايل القديمة !!

Post: #35
Title: Re: ناذر في نيو لوك !!
Author: ناذر محمد الخليفة
Date: 01-15-2007, 04:27 PM
Parent: #1

أبو الحسين ..

أخبار الجنيه المشلخ شنو
جوك صحبي قال داير ليهو جنيه مرسوم فيهو الوشم بتاع دينكا نقوك البيكون في الجيهة ومنقط كتير (زي العاملنو بي مكنة خياطة) لزوم تأكيد لوحدة العملة الوطنية وكدة ..

شنكل :

هاشم نوريت بيسأل بي ذهول (وين الخلال بتاع البجا) !!!!

Post: #36
Title: Re: ناذر في نيو لوك !!
Author: ناذر محمد الخليفة
Date: 01-15-2007, 04:29 PM
Parent: #1

أنور ..

Quote: ناذر راجل حبوب و اصيل و ما محتاج اي شتيت سكر بس لو عايزو يقعد في البوست ده في حاجتين ما تجيب ليهو سيرتم، واحداخونا شاعر

خجلت تواضعي المضبلن بي كلامك دا .. وفعلا سيرة الشاعر داك بتعمل لي إشقدي طوالي مجرد ما اقرا إسمو !!

Post: #37
Title: Re: ناذر في نيو لوك !!
Author: هجو الأقرع
Date: 01-15-2007, 07:05 PM
Parent: #1

ناذر يا اخوى خيلك مركز الجماعة ديل عاوزبن ينسوك موضوع التسجيل، والنيو لك فظيع ، بصراحة ناذر (حامل مسك )المنبر واقلها ان تجد منه بهجة وكلمات طيبة.

Post: #38
Title: Re: ناذر في نيو لوك !!
Author: ناذر محمد الخليفة
Date: 01-15-2007, 07:46 PM
Parent: #1

الأقرع ..

Quote: ناذر يا اخوى خيلك مركز الجماعة ديل عاوزبن ينسوك موضوع التسجيل،

ما تخاف علي .. أخوك ما شاء الله عيونو زي السحلية بعاين لي كل البوستات وما بتفوت علي حاجة !!

Post: #39
Title: Re: ناذر في نيو لوك !!
Author: محمد البشرى الخضر
Date: 01-15-2007, 08:57 PM
Parent: #38

Quote: حد يتبرع و يشرح أمات طه* ديل منو و مشوا وين؟

يا أخوانا أنا جادي في السؤال.

يعني أقتح بوست طويل عريض و أهلك الباندودث الروحو طالعة أصلها

ولا إيه..

Post: #42
Title: Re: ناذر في نيو لوك !!
Author: عوض حمزة
Date: 01-16-2007, 01:37 AM
Parent: #38

الاخ ناذر ..
فى ذلك اليوم موضوع الصورة .. كنا ( هناك) حيث كل الجمال حضور ومعنا كلب معاوية الوديع ( فافى) ... اسف طلعتمكم من الموضوع الاساسى .. ولكن يا ناذر ان شرفتنا هنا فى الدوحة فستجدنا كلنا حضور واقسم انك ستكون رب البيت ونحن الضيوف .. حباااابك الف .

Post: #40
Title: Re: ناذر في نيو لوك !!
Author: Abuelgassim Gor
Date: 01-15-2007, 09:20 PM
Parent: #1

حاله صعبة خلاص ... يا ناذر
الوليه دى مصره على الركوب على البتاع دا
طيب دى تحلها كيف؟...بوصفك فاكهة البورد

Post: #41
Title: Re: ناذر في نيو لوك !!
Author: عوض حمزة
Date: 01-16-2007, 01:05 AM
Parent: #1

الاعزاء ....

فى زول هناك قولت سلام تبقالو روح ... ( يا شباب ده الزول السمح ) فيصل الزبير القلم المترع بالجمال والانسان الانسان

ود خليفة حبابك وحرم اكان جيتنا نفرح بيك وتفرح بيناوابقا قريب حبابك .

Post: #43
Title: Re: ناذر في نيو لوك !!
Author: ASAAD IBRAHIM
Date: 01-16-2007, 02:05 AM
Parent: #41

ناذر في نيويورك

Post: #44
Title: Re: ناذر في نيو لوك !!
Author: ناذر محمد الخليفة
Date: 01-16-2007, 01:47 PM
Parent: #1

يا دكتور أبو القاسم ..

Quote: حاله صعبة خلاص ... يا ناذر
الوليه دى مصره على الركوب على البتاع دا
طيب دى تحلها كيف؟...بوصفك فاكهة البورد

والله سؤالك دا كمين عدييييييييل كدة .. أحسن ألم خشمي علي

Post: #45
Title: Re: ناذر في نيو لوك !!
Author: ناذر محمد الخليفة
Date: 01-16-2007, 03:39 PM
Parent: #1

أسعد وينك ؟!

Quote: ناذر في نيويورك

يا زول فال الله ولا فالك عمنا بشاشا قالو لابد لي في المطار بي هناك وحالف ينوم لي بي طوبة في نص راسي مجرد ما أنزل من الطيارة

Post: #46
Title: Re: ناذر في نيو لوك !!
Author: ناذر محمد الخليفة
Date: 01-17-2007, 06:47 PM
Parent: #1

خلاص يا فيصل فرجت ..