اول تصريح للقائم بالاعمال الامريكي الجديد في الخرطوم !

أعرب عن تطلعه لحوار مفتوح على أساس الاحترام المتبادل
فيرنادز: السودانيون يستحقون التضامن والدعم من أميركا
الخرطوم:الصحافة 7 يونيو 2007

ابدى القائم بالأعمال الاميركي الجديد بالخرطوم، البرتو فيرنادز، تفاؤله بإمكانية انجاز الكثير في في اقامة علاقات دبلوماسية جدية مع حكومة الوحدة الوطنية والمجتمع المدني السوداني ، على الرغم من العوائق العديدة، مشيراً الى ان "السودانيين على قدر عال من الاحترام والود، ويعملون بجهد من أجل مستقبل مليء بالكرامة، التسامح، والازدهار، لذلك فإنهم يستحقون التضامن والدعم من قبل الولايات المتحدة الاميركية من أجل تحقيق هذا المستقبل الزاهر".واكد فيرنادز في بيان صحافي امس بمناسبة توليه مهام منصبه بالخرطوم "انني اتطلع لحوار مفتوح وبقلب منفتح وروح مفعمة بالاخلاص والاحترام مع كل السودانيين". واضاف :إنه لمن عظيم الشرف بالنسبة لي ان آتي الى الخرطوم كقائم بالأعمال للولايات المتحدة الاميركية في السوان، موضحاً انه عمل في السودان قبل خمسة عشر عاماً، "ولقد حلمت دوماً بالرجوع للعمل في السودان من أجل مزيد من التفاهم بين الاميركيين والسودانيين"،وتابع بقوله،" إنني متلهف للغاية للاتصال بجميع السودانيين سواءً من الشمال الى الجنوب، ومن الذين يعانون في دارفور الى القاطنين في البحر الاحمر،كما اتطلع ايضاً لعلاقات دبلوماسية جدية مع حكومة الوحدة الوطنية والمجتمع المدني السوداني، وذلك فيما يتعلق بالامور الجادة والمهمة ذات الاهتمام المشترك، كما انني ايضاً مهتم بشدة بالتقدم المحرز في مجال تطبيق اتفاقية السلام الشامل

شفت الفرق يا فيصل في الإحتراف الديبلوماسي ...

كان يمكن لفرنانديز أن يعقد مؤتمرا صحافيا و يمسك فيه بمجسم توماهوك و يقول لكم : تتذكروا مصنع الشفاء ؟؟ حنتفاهم معاكم كدة ..
لكنه ديبلوماسي يجيد فن : أحمل عصا غليظة ( العقوبات) و تحدث بصوت ودود .
carry big stick and speak softly
.
.

Quote: تتذكروا مصنع الشفاء ؟؟ حنتفاهم معاكم كدة ..

طيب إنت المانعك شنــو .. ما كان تمشي تشتغل ليهو مترجــم .. وتخليهو هو يقول الكلام العايز يقولوا ده .. وإنت ( تبربر ) بي وراهــو .. بالعربي ... ( بر .. برر .. بر )
وبالانقليزي : Cheep Shoot
وبعداك يعصر ليك الفيهـا النصيب .. وبالمرة يديك بيت ناصية في كافــوري عشان يريحك من قلع بيوت الناس ..
مش قلت عايز تقلع والا ح تخلي اصحابك ديل يقلعو ليك بالوكالة .. وإنت تترجم ليهم..


عــالم وهم تخاف ما تختشيش.

محمد سليمان : حديث القائم بالاعمال يحمل الكثير الذي يحتاج للشرح والتفسير وقبل كل هذا الفهم الصحيح .


وحديث القائم بالاعمال له ما بعده على مستوى العلاقات بين البلدين .

بس انتظر ، اذا استعصى عليك تحليل حديثه ، وهنا الكلام ليس ضربا من المجاملة ، وا التلطيف في بداية ممارسة عمله.

اما مصنع الشفاء:

فهذه من سقطات الادارة الامريكية وبعض (الوطنيين) الذين مدوها بالمعلومات المفبركة بان المصنع ينتج اسلحة كيماوية، ولعلمك ان هذه القضية تكشف كيف يتصرف الثور في مستودع الخزف ، وهذا منطق القوة الغاشمة، وتمت تسوية للموضوع وتعويض صاحب المصنع ، وكان محامي الدفاع غازي سليمان . ومن المفارقات ان المصنع كان باتفاق الامم المتحدة يزود العراق بالدواء في إطار برنامج النفط مقابل الغذاء .وحرم المحتاجون في السودان ودول الجوار من ادويته .

Quote: عــالم وهم تخاف ما تختشيش.

الزميل تمبس : تحياتي

وازيد من عندي :

إذا لم تستح فافعل ماشئت .

شكرا على المرور .

كيفك يا تمبس

أولا : فرنانديز ده بتكلم عربي زي الطلقة ( ما تخاف .. قاصد زي العجب ) ... ده بيغالط مع ناس الجزيرة المابخلوك تتم كلمة و يقاطعوك مليون مرة و قبال تقول جملة بكل وقاحة يقطعوا صوتك و يقولوا ليك ( شكرا لقد وصلت الفكرة ) ... هي الفكرة من الحلقوم ما قامت تكون وصلت كيف ؟؟؟ ...
أها فنانديز ده قدر و بالعربي يغالط زي ناس ( يا جماعة .. يا جماعة) فيصل القاسمي ( زول المديدة حرقتني .. يقول لأحد ضيوفه مشيرا للضيف الآخر : يا أخي هادا الزلمي قال فيك كيت و كيت و ما خلي فيك حاجة اها ردك شنو؟؟ .. و عندما يهيج الطرفان و يشتبكان ... يتدخل فيصل القاسمي و يقول .. يا جماعة... يا جماعة .. ما معقولة كده!! ) ..
لو إنت يا تمبس منتظر وظيفة ترجمة ... حقك راح .
ثانيا :

Quote: وبالمرة يديك بيت ناصية في كافــوري عشان يريحك من قلع بيوت الناس ..

لا .. لا .. مافي داعي لقلع البيوت ...
إنت ما سمعت ؟؟؟
قيمة العقارات في الخرطوم ستهبط بشدة ... بل ستنهار .... لأن أغلب الذين يملكون هذه العقارات هم تبع أجهزة الإنقاذ و المؤتمر الوطني ...
و لقد تم رصد حراك شديد في هروب رساميل و بكميات كبيرة الي أوروبا و كندا و أمريكا الجنوبية و الشرق الأقصي و دبي ...
أصلو الحكاية جات أخبار فوق فوق ( ما تحت تحت ... لأنو اوكامبو قاصد الناس اللي فوق ) أنو المسألة ما حتقيف علي أحمد هارون بس !!!!
ثالثا : ( و ده شخصي شوية) ... منتظرك يا تمبس ترسل لي الألبوم الفيهو آخر موضات الحلاقة و فنون لقطات الصور الشخصية لزوم البروفايل ( و خاصة تلك اللفتات البارعة و فيها وجهك ميمم شطر بيت ما ... و تنظر بعيدا عن الكاميرا موحيا غرقك .. أقصد إستغراقك في تفكير عميق عن إشكالية الدولة السودانية و الخروج من سلبطة الحقارة الإمبريالية في عصر الهيمنة الأمريكية .
آه .. قبل ما انسي .. ما تنسي الألبوم .
.
.

سيرة ذاتية

* البرتو فرنانديز * عيّن البرتو فرنانديز مديراً للاعلام والدبلوماسية العامة في قسم الشرق الاوسط وشمال افريقيا في مايو (آيار) 2005 وبهذه الصفة يعد احد المتحدثين باسم الخارجية الاميركية.ويتولى حاليا منصب القائم بالاعمال في الخرطوم يونيو 2007 .

بدأ فرنانديز مشواره الدبلوماسي مع وزارة الخارجية الاميركية عام 1983 وعمل في بداية مشواره الوظيفي في ابو ظبي وجمهورية الدومنيكان. وخلال الفترة من 1986 الى 1988 عمل ملحقاً اعلامياً في نيكاراغو، ثم انتقل الى الكويت عام 1988 في قسم الشؤون العامة في سفارة الولايات المتحدة في الكويت وغادر من هناك مع باقي اعضاء البعثة الدبلوماسية الاميركية بعد غزو الكويت من طرف نظام الرئيس صدام حسين في اغسطس (آب) عام 1990، ثم عاد ليعمل في وزارة الخارجية الاميركية مكلفاً شؤون مصر واليمن والسودان. وبعد ان عزز قدراته في اللغة العربية عمل مستشاراً للشؤون الاعلامية والثقافية في سفارة الولايات المتحدة في دمشق في الفترة ما بين 1993 الى 1996، انتقل بعد ذلك للعمل في غواتيمالا في الفترة ما بين 1996 الى 1999 ثم الاردن خلال الفترة من 1999 الى 2002 انتقل بعدها الى افغانستان في الفترة من 2002 الى 2003 .

وخلال فترة عمله في العاصمة الافغانية كابول كلف بتجديد «جامعة كابول» واعاد اليها قسم الموسيقى الذي كان قد منع من طرف حركة طالبان، و«المتحف الوطني الافغاني» و«متحف الارشيف الوطني» والنصب التذكاري للمفكر جمال الدين الافغاني، و«مسجد الملا محمد» وكذلك بعض المواقع الثقافية والتاريخية.

وكان فرنانديز قد خدم في بداية حياته العملية في الجيش الاميركي في الفترة من 1976 الى 1981. وهو خريج جامعة اريزونا عام 1981 في قسم دراسات الشرق الاوسط، وحصل على درجة الماجستير من الجامعة نفسها ومن القسم نفسه. والبرتو فرنانديز عضو في «معهد الشرق الاوسط» الذي يعد واحداً من أهم مراكز البحث والتفكير في العاصمة الاميركية، وأعرقها حيث أسس قبل 60 سنة.

الشرق الاوسط - حوار اجراه الصحفي السوداني طلحة جبريل

Quote: أولا : فرنانديز ده بتكلم عربي زي الطلقة ( ما تخاف .. قاصد زي العجب ) ... ده بيغالط مع ناس الجزيرة المابخلوك تتم كلمة و يقاطعوك مليون مرة و قبال تقول جملة بكل وقاحة يقطعوا صوتك و يقولوا ليك ( شكرا لقد وصلت الفكرة ) ... هي الفكرة من الحلقوم ما قامت تكون وصلت كيف ؟؟؟ ...

.. بلاي يا استيف انت كمان بقيت عامل فيها جحا وظريف ولطيف للدرجة دي ؟ طيب ما ليك كم سنة عامل فيها الولد شفت وقطاع طريق وقاعد تشيل حق الناس العين بتشوف ..
الحاجة التانية المهمة شديد..
خليني ادخل ليك موضوع الالبوم ده .. ما عندك صورة حايمة كدا والا كدا في ( النـــت ) علشان الواحد يستعين بيها ؟؟.. اصلو الايامات دي وقعت لي في حلاق خطير جدا .. غايتو انت ( بل راسك ) وابقى شوف ليك برنامج تاني غير برنامج الصور ده .. لانو احتمال في اليومين الجايات ديل يقوموا اصحابك الامريكان ديل يجيبو ليك صور بالاقمار الصناعية لي سيادتكم .. صورتك العامل داسيها دي بعدين والحاجة المهمة .. يعني انا كل مرة اقوم اديك في راسك الكبير.. دا واجيب ليك كلامك المعفن ده تشبكني صورتك .. صورتك .. ؟
إنت ح تعقل متين يا البقيت ظريف الايامات دي وبقيت بتنكت كمان ؟
بعدين شايفك عامل نايم من ناس دكتور خليل .. ومن زمان شابكنا الجنجويد عملو والجنجويد سوو .. دكتور خليل ده حسع ما جابوهو جماعتك ديل في اللستة بتاعت المهرجلين دي .. مالك ما دقيت جرسو وعملت اضان الحامل طرشه ..

Quote: لا .. لا .. مافي داعي لقلع البيوت ... إنت ما سمعت ؟؟؟ قيمة العقارات في الخرطوم ستهبط بشدة ... بل ستنهار .... لأن أغلب الذين يملكون هذه العقارات هم تبع أجهزة الإنقاذ و المؤتمر الوطني ...

بلاي ؟؟ وإنت بيتك وين من الناس ديل ؟؟ يعني علشان هم من زمان طلعوك بره الحسبة .. وفكوك عكس الهواء حسع جاي تعمل لينا فيها بتاع عقارات وسمسار وكمان شابكني اجهزة الانقاذ الوطني ..
هوي يا بتاع الصور انت روق في علبك وخلينا من الاستعراض الما بيأكل عيش ده .. الكلام ده قولو لي زول ما عندو حديده .. امشي فكو في ناس تراجي وناس بشاشا نحن مفتحين وعارفنك كويس يا كــوز.. اصلو الكوز فيكم لما ما يقسمو ليهو .. بيدق جرس وبيقول علي وعلي اعدائي ..

Quote: لقد تم رصد حراك شديد في هروب رساميل و بكميات كبيرة الي أوروبا و كندا و أمريكا الجنوبية و الشرق الأقصي و دبي ... أصلو الحكاية جات أخبار فوق فوق ( ما تحت تحت ... لأنو اوكامبو قاصد الناس اللي فوق ) أنو المسألة ما حتقيف علي أحمد هارون بس !!!!

. يعني افهم بقيت شغال .. رصدميتر ؟؟ خليت قلعان البيوت وبقيت شغال ارصادي ؟؟
والله ده كلو ما بحلك .. خليك قاعد قبلك وارصد..

أما الحاجة الشخصية خالص يا استيف .. نحن ما عندنا مشكلة مع المسالة بتاعت الصور دي .. زي ما قال ليك عمر الفاروق متصالحين مع نفسنا ..
اها شان اوريك الفنجرية كمان كيف ..
نزل صورتك هنـــا .. إن شاء الله كان من زمن حفر البحــر ما عندي مشكلة
وبعداك برفع يدي منك .. وبقدم اوراقي لي سيادتك علشان اشتغل معاك مترجم شخصي ..
مش الأخ برضو بعدين راح يحتاج لي مترجم وكدا .. بعد ما يجي داخل الخرطوم قادل .. علشان يمشي يشتري البيوت من الدلالة ومتأبط شنطة الحديد المرسوم فيها هلال ونجمة
اها لقيتني كيف يا العامل لي فيها جحــا ..؟

فيصل وتمبس

وطني ولا مليء بطني ،، سكاتي ولا الكلام النيء

من فات عليه فهم هذا الكلام فقد حرم خيرا كثيرا ، وصدق القائل في محكم تنزيله ( وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ (179) صدق الله العظيم


فتكم بعافية

الحبيب امير : تحياتي :

قد تنكر العين ضوء الشمس من رمد وينكر الفم طعم الماء من سقم


نسأل الله لهم الهداية

Quote: وطني ولا مليء بطني ،، سكاتي ولا الكلام النيء

صدقت .

إهداء خاص :
للذين يألهون اليانكي ويفترضون فيه العلم ببواطن الأمور
ويرجون منه البرء والسلامة //
الأمريكان لا يعرفون السودان ، ولا دارفور ولا يعرفون لنا قضية/
مجموعة من المتحكمين في إقتصاد العالم تدير شئونه حسب هواها،
هذا القائم بالأعمال جاء من صلب هذا الشعب وكتر خيره يريد أن
يعرف:-

http://www.youtube.com/jp.swf?video_id=HCkYfYa8ePI&eurl...s2cj42p3pCSy2xPXtGE8

الاخ المحترم فيصل

الناس ديل بعد تجربة مصنع الشفاء ما بيصدقوا بالساهل .. لكن لما يلقوا ليهم كذابين يبرروا ليهم بعض الضغوض والقسوة على الشعوب .. بيستفيدو

موهوم من ظن ان التاريخ يرحم ..


تنمبس الناس ديل مالهم مع صورتك ..






لا للعقوبات على السودان ..

Quote: لكن لما يلقوا ليهم كذابين يبرروا ليهم بعض الضغوض والقسوة على الشعوب

look who is talking !!!! .. !!x