بندقية البشير لا زالت بخير

نقلا عن الرأي العام السودانية

كسلا- عبدالحميد عوض

اكد الرئيس عمر البشير ان مسيرة الجهاد ستمضي حتى يتحقق السلام الشامل، وشدد البشير على ان السلام سيأتي بالبندقية اذا لم يتأت بالتفاوض.

وقال ان الانقاذ التي قدمت (25) الف شهيد جاهزة لتقديم اضعافهم مرات ومرات، واضاف ان عهد الانقاذ مع الشهداء ان راية الاسلام لن تسقط، واكد البشير الذي خاطب احتفالات الشهيد بكسلا ان الحكومة لم تسع يوما للحرب واضاف ان السلام الذي تسعى له الحكومة لن يكون سلام خضوع واستسلام،

هو لسه في تاني
السودان فضا ماكلو استشهد
عشنا و شفنا كن السلام بالبندقية
يبقى القهر بي شنو؟؟؟؟؟؟

لاحول ولا قوة الا بالله
الحرب اكلت الزرع والضرع والبشر ولا زال بعض البشر يبشر بها

أرأيت أيها الأنسان الفنان
انها بشارة البشير لشعبه
مع مطلع العام الجديد

شكرا ياعزة

الهم واحد

وربما لاحظت أن البشير شدد على البندقية
وأن هناك أضعاف أضعاف من
الشعب السوداني الفضل ينتظرون مصيرهم المحتوم..
انه البشير ويالها من بشارة مع مطلع العام الجديد.

قريت بوست البندقية دة
نفسى اتقفلت ومشيت نهرت اولادى واتدمدمت بالغبينة وقمت تانى
وجيت اكتب
اقول شنو ما عارفة،
وجعنى انو بكل طاقاتنا دى وبى كل امكانياتنا دى ما قادرين نوقف الطغيان فى حدو فايدتنا شنو؟؟

بى عرفتنا دى وتكاتفنا دة ما قادرين نقول لى ديكتاتور كفاك من العملتو فينا وكمان يكون نفسو مفتوحة للوعيد؟؟؟

، ولسه فى اولاد مننا حيموتوا وامات مننا حيثكلوا اولادهم ويتحرق حشاهم بتخطيط دكتاتورى معلن...؟

ولسه اطفال مننا حيتيتموا؟؟
ولسه اجنة حيموتوا فى بطون امهاتهم من الفجيعة؟؟

ولسة رجال عجايز مننا حيقتلهم العوز والاهمال بسبب موت فلذات اكبادهم فى عز الشباب
بتخطيط دكتاورى معلن؟؟؟

ولسه جنوب السودان وغربو وشرقو حيتفجروا فيهم قنابل وحينزرعوا فيهم الغام وحيتحصدوا
فيهم الناس اولاد البلد حصاد النار فى الهشيم
بمعرفتنا ومباركتنا وسكوتنا على الخطا، ما بنقدر نوقف الغلط فايدة صاحنا شنو؟؟؟؟
ونحن زاتنا كنا بنسوى فى شنو؟؟؟


لو حروف الشعر والحان المغنيين، وروايات الرواة ما قدروا يلفتوا للناس نظرهم لخطر الحلة الداهم وجاثم، فايدة ابداعنا شنو ؟؟؟

لو علمانا ومفكرينا ما عرفوا يجادلوا النظام ويسكتوا صوت رصاصو، وعجرفتو فايدة علمنا شنو؟؟؟

ونحن كلنا جدوانا شنو ؟؟؟؟
السودان دة ما بستحقنا،


خلوه ؟؟؟
انسووهو
خلوا المتغطرس يحكموا ويحصد ثرواتو ويتنعم بالفاضل فيهو ويشرك مستبدين العالم الباقيين فى الفساد

انتو بس اسكتوا
ما تتباهوا بيهو

الوطن معنى احسن من كدة
واعمق من كدة

ودة كلام جرايد

وانا كفرت بيكم وبى وبى كل المجهود المبذول

وبكل حروف الشعر وبكل الاغانى
ةبكل المسرحيات والقصايد وكل الكوادرفى العلم والاقتصاد والهندسة والتاريخ واللغة

كفرت بيكم يا ناس
كفرت بى نفسى المنتمية ليكم يا ناس

وكفرت بحقيقتنا المزيفة وعلاقتنا بحب الوطن وتمشدقنا بيهو
لو حب الوطن بدينا حق زايد، فوق جثث شبابنا ونساءنا واطفالنا وشيوخنا
وفوق صفقات البيع والشرا لارض اجدادنا
وتاريخنا
وبطولاتنا
انا كافرة بيكم
وبى


وكل عام وانتم ...جادين فى حبكم للسودان

العزيز ابومهيار ,

البشير لايستطيع ان يكون اكثر من البشير ,
انهم طغاة السودان وجبابرته
ولماذا يبشر بالسلام وهي ليست الثقافة التي تربي عليها
وهو يعلم قبل غيره ان اسود الشرق البجا علي اهبة الاستعداد لتلقين ملشياته الارهابية الدروس والعبر وانه
لن يجني سوي الخسارة والدمار من دعوته هذه العنتزية الكاذبة,

دقنه البجاوي

ان مسيرة الجهاد ستمضي حتى يتحقق السلام الشامل، وشدد البشير على ان السلام سيأتي بالبندقية اذا لم يتأت بالتفاوض

كلام جميل جدا ومن اجل السلام ندفن نفسنا تحت الارض كمان ومن اجل السلام سوف نجاهد بالبندقيه وبالتفاوض وبشتى الطرق
الرجل يبحث عن السلام ما بيبحث عن الحرب مثل الكلام ده مفروض تشيدو بيه موش تبرزو عضلاتكم وتكيلو من الكلام الغير موزون حاجه غريبه معارضه من اجل المعارضه فقط ربنا يهديكم ويهدينا

يا اب دقنا تحت الكاب
و الافك رباط البوت
ويـــــــــــــــــن تهنا يا نصاب يا صايع يا هلفوت
و بندقيتنا احنا برضو بــــخير
و طير طير يا بشير

صديقي لك التحية وانت تستطيع ان تلامس قلوبنا بما تاتي به من مواضيع
لكن الاخطر من بندفية البشير الاحساس المدمر الذي اصاب الحبيبة تماضر ارجو ان لا يمر هذا مرور الكرام خاصة وانها علي حق لان هذا الاحساس الذي تجهر به الاستاذة تماضر يدور بافئدة الكثيرين ولا حول ولا قوة الا بالله

عزيزي

على انف الكيزان وبشيرهم ، وبرغم التسلط والمظالم سوف نبنيه البنحلم بيه يوماتك

وطن شامخ ......وطن عاتي .......وطن ديمقراطي يسع لكل ابنائه

عزيزي

على انف الكيزان وبشيرهم ، وبرغم التسلط والمظالم سوف نبنيه البنحلم بيه يوماتك
وطن شامخ ......وطن عاتي .......وطن ديمقراطي يسع لكل ابنائه
لانه قيل لو الشعب اراد الحياة يوما فلابد ان يستجيب الغدر ، ولابد لليل ان ينجلى ..ولابد للقيد ان ينكسر

ياخوانا امكن تكون سياسة
ولا انا ما فاهمة الحاصل
البندقية يا وليد بحافظوا بيها على السلام مش بحققوا بيها السلام في فرق كبير
بعدين هو منو بقتل في منو كلا مك اداني احساس انو البشير بحارب في امريكان مش ياهم قبائل الجنوب و لاغيرهم
و كن غلطوا و اترموا في احضان .... طيب ما نحن الدفرناهم بره ولا كيف
برضو احتمال ما فاهمة كدي حاول التوضيح شوية
لكن البشير البعرفوا و الله يا وليد ما تبالغ و ماتتغر بالكلام

البتقال ما حلو لكن وريني النتايج
في حjj البشير دي في موضوع برجع لي تاني بس بعد ما اخد الاذن من صحبو
بس سوال البشير دا ما عندو سلطة على الجمارك؟؟؟
لي بعدين

بعدين هو منو بقتل في منو كلا مك اداني احساس انو البشير بحارب في امريكان مش ياهم قبائل الجنوب

عازه بنت السودان
تحياتى
لو كانت الحرب مع قبائل الجنوب كانت انتهت من امد بعيد وجاهل من يقول ان الحرب مع الجنوب وضد اهل الجنوب لو دورتى فى اجندة الانقاذ بتجدى الجنوب هو اكتر اقليم استفاد من ثورة الانقاذالحرب
الحرب يا عزيزتى حرب مع الامريكان ومع اعداء الاسلام

الحرب لاتدور على ارض الجنوب..من يهاجروا من ديارهم ليس
هم اهل الجنوب..من يموتون فى هذى الحرب سكان كوكب اخر
ماهى اجندة الانقاذ التى يمكن ان ندور فيها
فى زمان هؤلاء القتله لا يكون البحث عن اى الاماكن استفاده بل عن اى المناطق خسـارة .
سنظل جهلاء ياوليد الى ان نقتنع ان من فرض علينا تفسه بالبندقيه قادر على فرض السلام بها

سوف نكون أغبياء إذا اعتقدنا بأن الجبهة الإسلامية راغبة في سلام عادل في السودان, السلام الذي تريده الجبهة الإسلامية هو الخضوع التام لنظام حكمها. سلام الجبهة هو انضمام المعارضة لأحزاب الزينة الموجودة ألان في السودان بما فيهم حزب الأمة بقيادة الصادق الأمام الجديد. هناك حديث هذا الأيام بأن البشير سوف يلقى خطاب هام جدا بمناسبة أعياد الاستقلال وسوف ننتظر بغير شغف لكي نسمع هذا المجرم ماذا يريد بأن يضيف. ثم أريد أن أذكركم بأن تصريح البشير هذا ليس بجديد فهوا يمارس هذا الهواية منذ زمن بعيد. أنا أريد فقط بأن أذكر البشير وكيزانه بأن العالم قد تغير بعد الحدي عشر من سبتمبر وتعاونكم مع الولايات المتحدة في مجال الإرهاب لن ينجيكم غير كافي ولن ينجيكم.
Deng>

من يموت من اهل وطني ، هم ضحايا
لهذا العهد ، لا نحلم بالسلام ، طالما
كان رئيسهم -وبكل اسف رئيسنا-يقول مثل هذا

احلم بوطن به عمر خطاب يسهر من اجل رعاياه
لا يهلكهم من اجل سلطته

آآآه ابكيك وطني الحبيب

البندقية لا تصنع واقعا.ولا تطيل من أمد الجلوس على الكراسى..فهنالك ما هو أمضى منها الا وهو وعى الشعوب واستبسال مواقفها ..وهم الآن يبحثون عن مخرج عن منفذ..لذا يكتسى خطابهم بالارتباك...وكلام ليلهم يمحوه النهار ليعود أيضا فى تالى الليالى لتمحوه الصباحات لكن سيأتى صباح...يغلق صفحاتهم السوداء الى أبد الوطن...كلامهم كقصة النملة تماما تلك التى تدخل وتخرج بحبة ..لكن طابور نملهم الآن لا يستطعم السكر بقدر طعم الهزيمة...هم الآن داخل مستودع حتمية التاريخ لا يدخلون لايخرجون لكنهم فقط يثرثرون...وللثرثرة...اسكاتاتها المطبقة
تحياتى
ودعزة

هل هناك قيمة مجردة تساوى الإنسان .. البني آدم .. سوى أن كانت شريعة .. أو وطن أو سلام .. او أي قيمة أخرى ....
هل هناك قيمة تعدل حياة من ذهبوا ولن يعودوا ..
ولا زلوا يلوحون بمزيد من الموت تحت شعار جديد ..
فلتذهب كل شعارتهم الجوفاء إلي الجحيم وليعش شباب بلادي

هل هناك قيمة مجردة تساوى الإنسان .. البني آدم .. سوى أن كانت شريعة .. أو وطن أو سلام .. او أي قيمة أخرى ....
هل هناك قيمة تعدل حياة من ذهبوا ولن يعودوا ..
ولا زلوا يلوحون بمزيد من الموت تحت شعار جديد ..
فلتذهب كل شعارتهم الجوفاء إلي الجحيم وليعش شباب بلادي

الكفر بالناس وبالافكار لن يجدي يا تماضر
ولن يبصق الانسان التوبة بين عشية وضحاها
وليس لدي الناس عصا موسي

فلنبدا بانفسنا انا وانت
ما عسانا ان نعمل ونفعل
وفي هذا الانا المحبطة ملايين الانات

لذا هوني علي نفسك

العزيز ابو مهيار
تحياتي
لم اجد تعبيرا اكثر ملائمة لهذا الواقع سوى توقيعك
من يملأ سلة أحزاني بالبهجة؟

ترى من يملئها؟؟؟؟؟ في هذا الواقع الحالك؟؟؟
مع حبي

ممكن ارد نحنا الهنا
بيك انت زاتك يا اتبراوي
نبدا من جوانا كلكم روعة بس دايرين ترتيب دواخلنا
***
امكن نحنا بهجتنا راحت و العشنا زمان ما برجع بس الفضل لينا من ايام يلا نبيعو
و نبني لي اولادنا الجايين وطن
و بهجتم بهجتنا
اقسم اول واحدة
ودي يدي
ودي روحى اتجرد من كل شي الاوطني
مكشوفة الصدر في الصف الاول
ليس لي ما اخسره
الا الانا

الاخت العزيزة
عازة
سلامات
دعوة جميلة وجريئة منك، وبالطبع لست باقل جسارة ودي يدي معاكم، بس تعالوا نقعد نرتب الحاجات، عشان نعرف نبدأ، ومافي مستحيل رغم كل هذا الحلكة، فقدوتنا مصطفى بعكل معاناته، وها هو محجوب شريف ما زال حامل الراية لا كل لا ملّ ، ، معاك حق يلا كفاية سكلبة وولويل

في غلفة جوا الكفار
لقوني ناشف ومر
ما تخافي الله معاك
وكل الملايكة سمر
عاطف خيري

اها و بقينا اتنين
بالله واستاذ عاطف العندك هسه في ملبورن
مغستو تسكن الترب

ساكت يغنوا على القمر
واجعنى فى البحر السُكات
وسكّتنى فى الوجع البحر

اولاً سلام جاكم

تانيا شايف في ناس زعلانين ..شدييييد

ليه وفي شنو؟؟
الحرب؟؟؟
ماهي مدورة من زمان؟؟
فرصة السلام حتنتهي ؟؟
ما تنتهي ..هي من قوتا؟؟
الناس ديل؟؟؟وما ادراك ما الناس ديل؟؟؟
ما هو الغول ده زي ما قال عبدالله بولا عارفنو جا من وين
"كون الغول لم ينزل علينا من السما.."
والبعض يتساءل من اين اتى هؤلاء..
بجيكم بولا في البورد ده واسعلوهو من النسب ده كيفنو؟؟؟

النقطة الاهم في الموضوع كلو
إنو ناس جوة بطلو الحاجات دي

يعني الواحد لو لاقاهو خبر زي ده
طوالي ياخد الرقم
25 الف شهيد
وكلو شهيد دايرررررر

المهم ياخد الموضوع بي زاوية تانيةمختلفة تماما عن
طريقة البوستات دي كلها..

لاكين بالجد كدة هم الناس ديل جوا من ويييننننننن؟؟؟؟؟؟



تحياتي لكم جميعا
قيسان

يا عازة


الفراق بي طال

"مكشوفة الصدر وفي الصف الاول"


احيي فيك روح المبادرة لكن ده ما منطق البندقية زاتو؟؟؟

طالما بكورك فى الميكرفون الزول دة ماحيسيب العرض فى الفاضى كدى اول يتخلص من على ابو على وبعدين يزف الشفع لمعركة وصلها لغاية كسلا البكورك فيها,,
البشير عسكرى من وراء الميكرفون ومغلوب على امرة من زمان وسوف يمضى بتاريخ اسود لعسكرى من ورق ظل اسير اشخاص متهافتون وظل يبلع فى كلامة وينقز مع مبارك المهدى وخلافة دون ام يتذكر جعجعة الامس,,
الديمقراطية اتية ليس من مكرفون البشير ولكن من بندقية الذين اوصلوة الى كسلا ليهرطق,,

ليس في هذا ما يدهش ما يا صديقي فماذا كنت تتوقع من نظام كان مشروعه الأساسي الحرب ؟
إنه قطعا سيفقد مشروعيته إن تخلى عن هذا المشروع ومهما كانت نتائج هذا المشروع على الوطن وأهله
فإن النظام وعبر الإبقاء على جذوة الحرب متقدة بعطي نفسه الحق في فرض الطوارئ والأحكام العرفية بحجة أن البلد في حالة حرب وتحت غطاء هذه الحجة الواهية يتم كتم الأنفاس وسحل المعارضين وتكميم الصحف إلى غير ذلك من صنوف القهر
هل كنت تتوقع من البشير أن يوعد الشعب ببناء الطرق وتشييد الجسور والمستشفيات ؟
إنه لا يعد بذلك لأنه يعلم قبل غيره أن نظامه غير مؤهل لتحقيق مثل هذه الوعود. إنه نظام يجيد القتل فقط ولهذا فهو يعد فقط بما يستطيع أن ينفذ أي القتل ومزيدا من القتل

في مرة زارنا هنا أحد المتنفذين فسألته ببراءة الأطفال إن كان لم يحس بالخجل حين شاهد هذا الشوارع الفسيحة الجميلة والجسور العلوية في بلد لم يدخل خريطة العالم إلا قبل ثلاثين عاماً فقط؟ ألم يحس بالخجل حين يقارن ذلك بحالة عاصمتنا الآن في حين أنها كانت في الستينات من أجمل العواصم ؟
أتدرون بماذا أجاب ذلك المأفون؟
أجابني والشرر يتطاير من عينه إن الذي يجب عليه أن يخجل هو أنت وأمثالك من الشيوعيين الذين لم يعجبعهم التوجه الحضاري
قال ذلك ومضى مختالا يظن أنه قد ألقمني حجرا خاصة وأن بعض من حواريه قد هتف الله أكبر

وتركني أردد يا بختنا بالتوجه الحضاري الذي لا يعني عند هؤلاء غير البوؤس والفقر والخوف والجوع

فورت دمي يا أسامة خلاص كفاية

دالي