ضياء ميرغني وسوما وايقاع سيرة حميم لكم جميعا

http://media.putfile.com/Dya

اعجبني النص لشاعرتنا وزميلة البورد سوما والمعالجة اللحنية

للصديق الفنان ضياء الدين ميرغني والمعروف في البورد باسم الطاهر2

اهداء للجميع

عفوا

سوما هي الشاعرة أسماء الجنيد وسوما هو لقبها المنبري.

احب ان أهدي هذه الأغنية بشكل خاص للصديق أسامة الخواض وعروسته الجميلة

وبيت مال وعيال..

اخوى ابو مهيار
صباحك جدول مويه وجرفين خدار
شكرا لاهتمامك وفردك مساحة رائعه زى روعة اخونا ضياء
اللحن جميل عجبنى جدا وضياء فنان متمكن
شكرا لكلامك المن الجوف واعجابك بالقصيده
انا بهديها ليك انت واسرتك الكريمه
وهدية للعرسان اسامه وزوجته
وهديه لكل احبابنا زوار واعضاء البورد
شكرا اخى ابو مهيار
وشكرا ضياء يا ضى الاهل فى كل محل

نبع الطيبة والمحنة والحرف المموسق
اختنا العزيزة والغالية سوما
سعيدانا بترجمة هذه المعانى الساميات الى لحن
نال رضاك .
ومن المناسب ان اذكر كيف اصبحت هذه القصيدة اول
تعاون بينى وبين سوما .
ويعود لهذا المنبر الرائع سودانيزاونلاين الفضل فى ذلك
وبإقتراح من استاذنا يوسف الموصلى إصدار سي دى من اعمال
شعراء وفنانى البورد . وشدد بشكل خاص لافتانظر سوما لى ونظرى لسوما
لم تمضى ايام حتى كان وليد هذا الإقتراح بكل اريحية هذا العمل
الذى اهديه لكم جميعا وخصوصا العرسان.
اما سوما مبدعة الجمال والتالق فأهديها كل ازهارى
محبتى
ضياء الدين ميرغنى.

العزيز الصديق ابو مهيار
خالص المحبة والشكر الجزيل لتحقيق وعدا
كنت قد قطعته مع نفسى لعزيزتنا المشرقة والمبدعة سوما
بإنزال هذا العمل فى اقرب فرصة .
لا ادرى كم من الكلمات يلزمنى كى ينساب الحرف مقامك عندى.
محبتى
ضياء الدين ميرغنى

الأخ أبو مهيار
تحاياي

هنا يمتلئ المكان جمالاً ، وتنتشر فيه أقواس قزح ، ولا عجب في ذلك ، فهنا تلتقي الشّمس "سوما" بالمطر "ضياء" فيرسمان معاً كألوان الطّيف أزهى المساحات .. لسوما الرائعة ولضياء المبدع ولك التحيّة والوُدّ



مودّتي

ـــــ
انا في البعيد مشتاق لهمسة من الوطن يانسمة
[email protected]

Quote: تحاياي هنا يمتلئ المكان جمالاً ، وتنتشر فيه أقواس قزح ، ولا عجب في ذلك ، فهنا تلتقي الشّمس "سوما" بالمطر "ضياء" فيرسمان معاً كألوان الطّيف أزهى المساحات .. لسوما الرائعة ولضياء المبدع ولك التحيّة والوُدّ مودّتي

الرجل الرقيق كما النسمة والعفيف حد الكمال والراقى
اخى لؤى
صدقنى بغلبنى الكلام البوصف ذوقك وحسك الراقى
اجمل ما احسه انها عجبتك . ان شاء الله دائما نحن فى مستو ذوقك
محبتى
ضياء الدين ميرغنى

وليكتمل الجمال ، أضع العمل هنا مسموع كقلادة جمال تزيّن صدر هذا البوست لو سمحتم/ن لي بالطّبع ..

ود مساحات البلد

ـــــ
انا في البعيد مشتاق لهمسة من الوطن يانسمة
[email protected]

العزيز لؤى
تصرف كيفما ما تشاء
ودون اذن ان احببت
فانا واثق جدا فيك

ود مساحات البلد
شعر اسماء صديق الطيب الجنيد(سوما)
الحان وغناء ضياء الين ميرغنى
مهداة للغالى الاخ الفنان مصطفى السنى

يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فــــــــا ل ..


اهداء خاص لعرسان البورد اسامة الخواض وسلوى والعزيز عبد الحميد البرنس والهام
مع خالص التمنيات بحياة حلوة وزاهرة ومورقة وللجميع
مع حبى ضياء الدين ميرغنى

التحـيّـات الطيّـبات لكم جميعآ
أبو مهيار لتنزيل الغنوة الحلوة
الشاعرة سوما و هي تطوّع الغنا للقيم و القضية
الفنان ضيـاء و هو يهدينا لحنـآ جميلآ
الغنوة فيها روح علي السّـقيد..و قفزت لخاطري (أرض الطيبين)
العود سمح و حـي ..
حـي حـي

Quote: التحـيّـات الطيّـبات لكم جميعآ أبو مهيار لتنزيل الغنوة الحلوة الشاعرة سوما و هي تطوّع الغنا للقيم و القضية الفنان ضيـاء و هو يهدينا لحنـآ جميلآ الغنوة فيها روح علي السّـقيد..و قفزت لخاطري (أرض الطيبين) العود سمح و حـي .. حـي حـي

العزيز الطيب بشير
ابهجتنى زيارتك اعجابك باحد الحانى واتطلع للمزيد
فانت من قبيلة المبدعين ورايك مهم بالنسبة لى
اقول لك انا وعلى السقيد ارواحنا ذاتها متعلقة بى بعض
وحتى الآن هنالك مجموعة من الاعمال آخرها ما قدمه فى سهرته
الاخيرة اغنية أمر الهوى كلمات سعد الدين ابراهيم والحانى
تقديرى
ضياء الدين ميرغنى

بقولوا فى لغة الاخبار مواضيع مرتبطة
اليس كذلك يا الطيب بشير
ضياء الدين ميرغنى يغنى لكل نساء بلاده فى عيد المرأة ويه...ائعات المنبر وللجميع

Quote: اغنية أمر الهوى كلمات سعد الدين ابراهيم والحانى تقديرى ضياء الدين ميرغنى

ياسـلاااااام
أقـرّب أصـرّح بأمر الهوى؟
ياخ الغنوة دي تمام التمام
كلمات زميلي في مجموعة الخميس (من الخرطوم سلام) الأستاذ سعد الحنيّن
و ألحانك يا مبدع
و الله حلوة
سمعتها في شريط السقيد الذي عدت به من واشنطن قبل نحو عامين..
دروبك تتوّه و احب أمشي فيها؟
جميل ياخ
و بعدين أداء صاحبي المجنون علي السقيد ليها مبالغة..و البت الحامت في الشريان
البت
بــ..الهاء..و النّـون و الدّال؟
لوووووووول
ياخ واصلوا الله يدّيكم العافية
كمان لـمّـيت في البنيّـة سوما دي هي برضها مجنونة
كلّكم ما فيكم زولآ نصيح
و انا مباريكم بتضيّعوني ساي
غنّـوا
الله يدّيكم العافية و الريد

خالص التحايا
جميعكم..
Abomihyar (تشكر لانك سمحت لنا بمشاركتك الفرح)
سوما صديقتى الشاعرة الجميله..فرحى خلق الله واتنى ياشبه القمره..(ديمقراطي 1000)
الطاهر عزيزى...يافنان ورح الفنان ماعارف اقول ليك شنو...غير ربك يدك العافية كمان وكمان..ياسمح يازين..
وكلكم الهنا..
استمتعت حتى الثماله وهومت فى خيال اننى (اعرض) وسط بنات بلدي..وياااااااااه

* اغيثونا اغيثونا طفح الجمال...
لم تكونو اكثر من هالة شفقية لتلاقح المفاهيم وتوطيد (المراحيل)؛ انتم ذاتكم من استرخيتم فى دواخلنا لتهدئة الارتباك الوارد من دلالة الاسئلة؛دون الحاجة لعلائم الاستفهام المخصصه لترقية المعانى السامية وانتظار الاجابات فعندما استمعنا....ياااااااااااااااااااه
كنتم بكامل الشفافية وبكامل الانسانية المجهزة لكل احتمالاتنا الماسويه بمافيها تلك التى تجرده من امكانية التفريق بين الاحاسيس..
(سوما- الطاهر)..
وجميعكم
التحايا النواضر..



الطاهر راجع ايمليك..

صديقى العزيز معتز تروتسكى
سارجع لك تعوزنى الكلمات كى اعبر عن ما بداخلى نحوك
محبتى ايها الودود
ضياء

الطيب بشير
حنتلاقى لازم بيقول الشعور
كوردة وكنخلة عميقة جذور
ونحكى الامانى ونحاكى الطيور
وما نرضى نقلق نمشى الامور

مش قالوا الجنون فنون ؟
تسلم يا غالى
ضياء

الله

كرنفالات الفرح الجميل تنصب صيواناتها المزركشة هاهنا ونحنا لاحس لاخبر ولا تعزمونا ياسوما وضياء؟!!


احبكم بحجم الروعة والبهجة التى قد ادخلتموها الى روحى حد الزغردة !

ضياء الرزين
حبابك يا نغم
كلامك حنين زى لحن الاغنيه يعلم الله
كالعاده سباق للخير .. اديك العافيه ان شاء الله
عجبننى الاهداء للزول الحنين السمح مو شين مصطفى السنى
شكرااااااا اردب محنة بالانابه ..
شكرااااا لكل الزوار الكرام ..بجيكم واحد واحد ان شاء الله
عذرا المشغوليات هى السبب .. لكن بغلبا ليكم وبجيكم صاده تب
ضياء اخوى مسعول من الخير
اخونا ابو مهيار قج الصيوان ومشا دخل جوه خلانا للضيفان
انت ما قصرت يا العريس .. لكن انا مشغوله بى غادى بجيكم مره مره
التحايا ليك ابو مهيار ولى مهيار وكل اهل الدار تحايا قنطار
تحياتى للجميع ونلتقى باذن الله

up
I will come back Ndiya & soma
diya

شكرا يا صاحبة الفردوس العالى والمقام الرفيع
نادية عثمان
كرنفالات الفرح هذه تكتمل بطلتك البهية
وحسك وذوقك الجميل
محبتى
ضياء الدين

Thanks friends

I will be back

الصديق الفنان ضياء ميرغني
أستاذتنا أسماء الجنيد

الكلمات طبعا أجمل مافيها البساطة ونفس القرية وريحة الدعاش وكل التحايا للمبدعة الأستاذة سوما ونطالب بشدة بمزيد من الجمال ...
اللحن خفيف وجميل يوديك بعييييييد ويرقصك وإنت جالس إيقاع السيرة مع صوت ضياء بإمكانياته الكبيرة في الطلعات في أماكنه يزيد اللحن جمال على جمال ويجبرك إنك تذوب معاه وتسرح في كلماتو وتصور القصيدة كأنك تراها فيديو أمامك ..

نطالب الثنائي المبدع بمزيد من الإبداع ونثر الجمال في أشكال مختلفة من الألحان الجميلة للفنان ضياء..

الغالى/ضياء
منذ فترة وانا ابحث عن العزيز/ عثمان حسن الزبير
لأننى قد قضيت فترة جميلة وفى حضور والده الاستاذ الشاعر له الرحمة
وكنت امتع نفسى بمشاهدة العصافير الجميلة واعرف اسماءها.
وكان ذلك فى بيتهم العامر
تحياتى لعثمان ولاهله



ابو مهاب

يُرفع من أجل بسط بعض الجّمال على مساحات هذا الوطن الصّغير ..

ـــــ
انا في البعيد مشتاق لهمسة من الوطن يانسمة
[email protected]

يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب
*****************************

جـــــــمالــــــــ احساس اصيل و عريق

* د.عفاف الصادق

قوارب نيلية مشرعة بريح المحبة لكم اخي ضياء و اختي الرائعة دوما سوما
لا تحيدو (رجاءا) عن مثل هذا البهاء.
------------

كتبت ليك يا ضياء في بوست رائعة الاستاذ عركى و نصفه الحلو د.عفاف

Quote: الاستاذ الجميل ضياء طبعا انا حاكتب الكلام ده هنا و ما عارف كان تقراه ولا لا لكن انا سمعت ليك كم مرة فى البالتوك قبل اربعة او خمسة سنين و الله يا الطاهر قمة التطريب و الأداء و عليك الله واصل الجمال و التجويد.. و نحن في انتظارك دائما.

محبتي

Thanks abumihyar

Quote: كتبت ليك يا ضياء في بوست رائعة الاستاذ عركى و نصفه الحلو د.عفاف Quote: Quote: الاستاذ الجميل ضياء طبعا انا حاكتب الكلام ده هنا و ما عارف كان تقراه ولا لا لكن انا سمعت ليك كم مرة فى البالتوك قبل اربعة او خمسة سنين و الله يا الطاهر قمة التطريب و الأداء و عليك الله واصل الجمال و التجويد.. و نحن في انتظارك دائما. محبتي

الرائع والجميل اخى سعد الدين عبدالرحمن
اشجتنى واطربتنى كلماتك مثلما اطرب لذوقك الرائع
وانت تهدينا اجمل ما تطرب له الأذن من اختياراتك الجميلة
اتمنى فقط ان نكون دائما عند حسن الظن بنا
محبتى
ضياء الدين ميرغنى

الرائعة دوما سوما لك التحايا النواضر وللاخ ضياء , على هذه اللمسات الرائعة التي افتقدناها كثيرا في هذا البورد , ونتمنى ان يكون النصف الاخير من هذا العام متجددا بمثل هذه الروائع , فلكم التحية مجددا

Quote: يا ود مساحات الاهل.. مرشوش عطر مربوط هلال.. جرتق موشح بالبرش.... مرصوص سبح حزمة جمال.. سايقنو لى ست الحسن .. مليانه حنه وكوم خصال .. ديسا مكحل بالسواد .. خدا مورد بالدلال .. مسكونة بى ضحكة صغار.. منسوجة بى صافى الزلال .. معروفه بى خاطر الكبار .. مرسومة فى واحة ظلا ل .. سمحة و عديلة و زين .. عزة قبيلة و فــــــــا ل ..