Post: #1
Title: تعال هنا يا انت شوف عرس الناس ديل كيف
Author: dombek yai
Date: 12-19-2008, 10:17 AM
Parent: #0
هذه محاولة لتعريف الاخوة والاخوات اعضاء البيت السوداني بمراحل الزواج عند الدينكا بصورة عامة ودينكا نقوك
على وجه التحديد حيث تختلف هذه المراحل والطقوس من فرع الي آخر داخل قبيلة الدينكا الكبرى وفي هذا الاطار
ارجو من الاخوة والاخوات اعضاء المنبر الذين يشاركونني في هذه العادات والتقاليد المساعدة في المعلومات.
هناك اختلاف بين فروع الدينكا المختلفة في تحديد مكان اقامة مراسم الزواج التقليدية سواء ان كان في منزل اهل العريس او اهل العروس
عند دينكا نقوك تقام مراسم الزواج في منزل اهل العروس والسبب في تقديري هو تقليل التكاليف على العريس الذي سيدفع المئات من الابقار
كمهر لاهل العروس يتم توزيعه بطريقة محددة سناتي لها لاحقا.
تبدأ هذه المراحل بتعارف الشاب والشابة عادة في الرقصات الليلية (النقارة) ويا حبزا لو تم التعارف في الليالي القمرية، يبتدر الشاب
التعارف بالفتاة التي اعجب بها بقوله(نيان نه نقيج كو دا) بمعنى يا بت كدا نتعارف وهناك من يستخدم اسلوب آخر كقوله( نيان نه باي كيك دا)
بمعنى يا بت اديني ليهو ويقصد الاسم وطبعا هذه العبارة مفهومة لدي الفتيات، يتم التعارف من كافة جوانب الاب والام والعشائر والبطون وذلك
للتأكد من عدم وجود اي صلة قرابة بينهما حيث ان زواج الاقارب محرم عند قبيلة الدينكا بصورة عامة فيجب ان يتأكد
الشاب بان الفتاة التي يريد الارتباط بها لاتربطها اي صلة قرابة به من جانب الاب او الام لا من قريب ولا من بعيد.
( حتى لو اشتركتوا في الجد العاشر برضو ممنوع )ولا كيف يا شباب جوك،شول، اتيم، ياي، مثيانق والبقية؟
سنواصل
دمبيك
|
Post: #2
Title: Re: تعال هنا يا انت شوف عرس الناس ديل كيف
Author: شهاب الفاتح عثمان
Date: 12-19-2008, 10:45 AM
Parent: #1
حبابك
ومحاربه زواج الاقارب من اين تمخضت الفكــره ?!!..
واصــــل نشر المعلــــومه
امنياتنا من القلوب ..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #28
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 10:52 PM
Parent: #2
| Quote: ومحاربه زواج الاقارب من اين تمخضت الفكــره ?!!.. |
والله يا دكتور ما عارف اقول ليك شنو لكن الفكرة دي موروثة من الاجداد جيل بعد جيل
طبعا المسألة دي متشددين فيها لابعد حد لدرجة انو لو الزول خالف وعرس قريبتو يعني
موش قريبتو شديد زي بت العم او الخال قريبتو من الجد السابع مثلا انت عارف الناس الكبار
ممكن يقاطعوك ويقولو ليك خلاص كويس امشي بعافيتك الكلام دا معناتو ما حتشوف سعادة في حياتك
الزوجية يا اما ما تجيب اطفال او تجيبهم ويموتوا طوالي يعني الحكاية فيها حاجة زي لعنة
وقالوا لمن واحد من سلاطينا كان على فراش الموت كان جوا ناس وقالوا ليهو يا سلطان حكاية منع الزواج
من الاقرباء البعيدين ناس الجد العاشر وكلام زي ده حقو تشوف ليه طريقة للمعالجة وكان رد السلطان ليهم انو
يجيبوا امراة كبيرة في العمر وتدفن حية وطبعا ده كلام مستحيل. والحكاية استمرت كده.
|
Post: #3
Title: Re: تعال هنا يا انت شوف عرس الناس ديل كيف
Author: Rihab Khalifa
Date: 12-19-2008, 11:01 AM
Parent: #1
دمبيك
متابعينك، باهتمام
|
Post: #25
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 10:26 PM
Parent: #3
شكرا اخت تاي رحاب نورت البيت
|
Post: #4
Title: Re: تعال هنا يا انت شوف عرس الناس ديل كيف
Author: najma
Date: 12-19-2008, 11:19 AM
Parent: #1
دمبيك كل سنة وانت طيب
لكن المهر عندكم غالى شوف العريس الذي سيدفع المئات من الابقاركمهر لاهل العروس
فى نظرى بت الدينكا مهرها غالى
Quote: عند دينكا نقوك تقام مراسم الزواج في منزل اهل العروس والسبب في تقديري هو تقليل التكاليف على العريس الذي سيدفع المئات من الابقار كمهر لاهل العروس يتم توزيعه بطريقة محددة سناتي لها لاحقا.
|
|
Post: #21
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 08:49 PM
Parent: #4
| Quote: لكن المهر عندكم غالى شوف العريس الذي سيدفع المئات من الابقاركمهر لاهل العروس |
والله يا نجمة كلامك صح المهر غالي جدا عندنا شبابنا في السودان عملوا عدة مؤتمرات عشان يناقشوا
القضايا دي لكن ما في تغيير.
انت قايلة ناس شول ود اختي ديل ما عرسوا لحدي هسا ساااااااااااكت كدا ما عشان الكلام دا ولا كيف يا شول؟
|
Post: #5
Title: Re: تعال هنا يا انت شوف عرس الناس ديل كيف
Author: Eng. Mohammed al sayed
Date: 12-19-2008, 11:49 AM
Parent: #1
| Quote: هذه محاولة لتعريف الاخوة والاخوات |
وجعلناكم شعوبا وقبائل لتعارفوا
شكرا
شكرا
شكرا
لهذا البوست الرائع
واصل
ومتابعين
................................
حبذا لو الكل استغل منبره بالتعريف وبكل اريحية عن المناسبات الحيوية والعادات وعرف التعامل لدي المجتمعات المتعددة.
كنت رائع عندما اوردت جمل وترجمتها
.....................
ياريت لو كل حد يعمل كما فعلت في هذا البوست
تقبل تحياتي
|
Post: #26
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 10:33 PM
Parent: #5
Quote: حبذا لو الكل استغل منبره بالتعريف وبكل اريحية عن المناسبات الحيوية والعادات وعرف التعامل لدي المجتمعات المتعددة.
كنت رائع عندما اوردت جمل وترجمتها |
والله فكرة كويسة عشان نعرف قيمة التنوع الثقافي والاثني في السودان
|
Post: #6
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-19-2008, 04:12 PM
Parent: #1
الخال دومبيك ياى
لك التحية على هذا البوست وإنشالله سنساعدك بكل ما تيسر لنا.
Quote: يتم التعارف من كافة جوانب الاب والام والعشائر والبطون وذلك
للتأكد من عدم وجود اي صلة قرابة بينهما حيث ان زواج الاقارب محرم عند قبيلة الدينكا بصورة عامة فيجب ان يتأكد
الشاب بان الفتاة التي يريد الارتباط بها لاتربطها اي صلة قرابة به من جانب الاب او الام لا من قريب ولا من بعيد.
( حتى لو اشتركتوا في الجد العاشر برضو ممنوع ) |
زواج الاقارب ممنوع لدى الدينكا واعلم ان غالبية قبائل جنوب السودان إن لم تكن جلها تمنع عادة زواج الاقارب.
الدينكا احياناً يمكنهم منعك من الزواج بصديقة الطفولة التى تربيتما معاً .. بل الأصح .. إن فتى الدينكا عندما يصل مرحلة الزواج غالباً ان لم يكن عادةً لا يفكر فى صديقة الطفولة لانه ببساطة يعتبرها بمثابة اخت عزيزة له.
هناك ايضاً مسالة الإخوة فى الرضاعة ... وايضاً الداية "القابلة" تعتبر ام للطفل المولود ولا يمكن لهذا الطفل بعد الكبر الزواج ببنت الداية إن كان الطفل ولد والعكس صحيح.
الاقارب فى الدينكا لا يعنى فقط من يربطك بهم صلات ارحام ولكن تصل بك إلى الاسبار "جمع سبر" وهو ما تحترمونه ... بمعنى ... هناك مثلاً من يحترم النار "هنا الإحترام لا يعنى البت العبادة" عليه فإنه لا يطفئه .. وإن تجرأ واطفى النار .. يمرض!!
او من كان يحترم الثعبان "نوع معين" ... لا يمكنه قتل هذا النوع من الثعبان ... وهناك من يحترم الأسد ولا يمكنه قتل الأسد وبالمثل الأسد لا يمسه ابداً ... هذا كان فى الماضى ولكن هناك من يعملون بها الآن ...
ما اردت قوله من هذا الشرح هو:
إن كنت انا من دينكا نقوك الذين يحترمون النار "الإحترام ليس كفرد بل كبطن من بطون القبيلة" وإلتقيت بفتاة من دينكا رمبيك مثلاً تحترم النار .. عليها يصبح زواجنا شبه مستحيل لانه تعتبر حسب العرف بنت عمى "فى الماضى كان هذا النوع من الزواج مستحيل".
جاييك راجع يا خال وشكراً على هذا البوست الرائع
امسكوا الرابط ده ممكن يفيدكم برضو
http://sudanyat.org/vb/showthread.php?t=9537&page=1
شول اشوانق دينق
|
Post: #7
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-19-2008, 04:16 PM
Parent: #1
مكرر
|
Post: #8
Title: Re: تعال هنا يا انت شوف عرس الناس ديل كيف
Author: صديق الموج
Date: 12-19-2008, 04:23 PM
Parent: #1
دمبيك وشول كيف حالكم..وعيد ميلاد مجيد وهابى كريسماس
بما اننا ننوى مصاهرتكم فارجو مدنا بمزيد من المعلومات..
انا احب بنات باريا زاتو!!
|
Post: #15
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-19-2008, 07:40 PM
Parent: #8
بما اننا ننوى مصاهرتكم فارجو مدنا بمزيد من المعلومات..
انا احب بنات باريا زاتو!!
هي يا يابا كضابا جنس كضب
كدي بس
هووووووي يا دمبيك وشول
اخير اسمعوا كلامي واختوا ود الموج ده
وحاة النبي يلفح المهر ويفك البيرق
|
Post: #23
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 10:03 PM
Parent: #15
| Quote: يلفح المهر ويفك البيرق |
وانت شغالة شنو ياختي طالما ابيتي تفتحي لينا كشك القراصة بملاح تقلية
بنركبك كونكورد ونفكك وراو
|
Post: #52
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-21-2008, 04:55 PM
Parent: #23
وانت شغالة شنو ياختي طالما ابيتي تفتحي لينا كشك القراصة بملاح تقلية
عاد يا دمبيك ياخوي شرفان جنس شرفنة ما شفتها في مخلوق
انت مالك عينك طايرة كدي؟
|
Post: #58
Title: Re: تعال هنا يا انت شوف عرس الناس ديل كيف
Author: dombek yai
Date: 12-21-2008, 09:06 PM
Parent: #52
البعاتية ايمان
| Quote: انت مالك عينك طايرة كدي؟ |
الطيارة التخمك من محلك تجيبك لوساكا قولي امين
|
Post: #61
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-22-2008, 07:38 AM
Parent: #58
الطيارة التخمك من محلك تجيبك لوساكا قولي امين
مالك مطيرني لوساكا يا يابا؟
في كورة ولا شنو؟
|
Post: #65
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 09:32 AM
Parent: #61
لا في عرس
|
Post: #86
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-23-2008, 08:39 AM
Parent: #65
لا في عرس
كدي بس هي
|
Post: #22
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 08:54 PM
Parent: #8
| Quote: بما اننا ننوى مصاهرتكم فارجو مدنا بمزيد من المعلومات |
حبابك ابو النسب بس جهز ليك كمية من الابقار وما بتجيك عوجة تب
|
Post: #9
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-19-2008, 04:37 PM
Parent: #1
الاخت العزيزة najma
بعد السلام والتحية والإحترام
Quote: لكن المهر عندكم غالى شوف العريس الذي سيدفع المئات من الابقاركمهر لاهل العروس
فى نظرى بت الدينكا مهرها غالى |
نعم ... مهر الدينكا غالى جداً ولكن ...
العريس ليس هو الذى يدفع المهر وحده "على الأقل فى الماضى"...
الدينكا مجتمع إجتماعى محكم الحقوق والواجبات ... الكل يعرف دوره الذى يجب عليه لعبه ... فعندما يبلغ فتى الدينكا مرحلة الزواج يكون هناك واجب من اخوانه "بما فيهم إخوانه فى الرضاعة" وابناء عمومته وخواله ... حتى اصحابه دفع نصيبه من المهر حسب المقدر لكل منهم "لا استطيع الآن تحديد المقدر من المهر لكل من سبق ذكرهم".
فلنفترض إن المهر المطلوب كان 100 بقرة قد يصادف ان معارف العريس الواجب عليهم دفع المهر -"هنا كلمة واجب لا تعنى كسر رقبة ولكن اخلاقى فى المقام الأول"- كثر... هنا يكون المهر المدفوع من العريس شخصياً قليل نسبياً والعكس صحيح -"موضوع العلاقات والصداقات لدى الدينكا مهم للغاية وهذا جزء من فوائده"-
على فكرة ... لا يتم دفع المهر كلها مرة واحدة وذلك يمكن للآتى:
- فى حالة دفعك كل المهر ... يصبح كانك إشتريت البنت من أهلها وهذا مرفوض تماماً لان الزواج لدى الدينكا لا يمثل عملية بيع وشراء.
- فى حالة دفعك كل المهر ... لا تترك الفرصة لنسابتك "أهل العروس" ... طلب المساعدة فى حالة الحوجة لانك بكل بساطة اعطيتهم كل ما تدين لهم به ..
يمكن ان يتطرشك العرس فى حالة دفع كل المهر دفعة واحدة إذا إعتبر أهل العروس إنهم تم إهانتهم.
على العموم ... فكرة دفع المهر حتة واحدة مستهجن ومرفوض عند الدينكا.
لسه جاى
شول اشوانق دينق
_______________________
رغم التبريرات أعلاه إلا إن نجمة على حق تماماً ... مهر بنت الدينكا غالى جداً
|
Post: #10
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-19-2008, 05:06 PM
Parent: #1
دمبيك وشول كيف حالكم..وعيد ميلاد مجيد وهابى كريسماس
بما اننا ننوى مصاهرتكم فارجو مدنا بمزيد من المعلومات..
انا احب بنات باريا زاتو!![/B]
ود الموج يا عجوز...
نحن نقول تور إنت تقول احلبوه؟!lol
الدينكا ممكن وللأسف يعرسوا واحدة شابة لى واحد عجوز زيك كده (وش مقطع من الضحك) تخيل؟!
شول اشوانق
_______________________
موضوع الاصحاب بيدفعوا معاك ده أغرتك مش ... إعترف (وش ضاحك على زول مزنوق)
|
Post: #11
Title: Re: تعال هنا يا انت شوف عرس الناس ديل كيف
Author: محمد فضل الله المكى
Date: 12-19-2008, 06:03 PM
Parent: #10
الأعزاء دمبيك وشول ( إن فول قوب)
العادات والتقاليد مهمة في حياتنا،وليتك يا أخ دمبيك لو فتحت هذا الموضوع من
وقت مبكر قبل أن يأتي طوفان الأرشفة، ولكن يمكن إستمراره في الربع القادم إن
عملت على ذلك لأهميته.
والسؤال هو هل يختلف المهر من عروس لأخرى ، على سبيل المثال بنت السلطان، هل
يتساوى مهرها مع بنت المواطن العادي من أبناء القبيلة؟ أم يختلف هذا الأمر حسب
المكانة الإجتماعيةوالزعامة وغير ذلك.
بعدين دمبيك يا بنج ، زول أغبش زي أنا بقدر يمشي لبنيه بتاع سلطان ؟ولا ( قعونج
بنُطْ قَدُرْ قُوَّه بِتاعو) ؟
لكم تقديري
|
Post: #24
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 10:23 PM
Parent: #11
(يين ابول قوب اشين كراج) انا تمام ما في عوجة
Quote:
والسؤال هو هل يختلف المهر من عروس لأخرى ، على سبيل المثال بنت السلطان، هل
يتساوى مهرها مع بنت المواطن العادي من أبناء القبيلة؟ أم يختلف هذا الأمر حسب
المكانة الإجتماعيةوالزعامة وغير ذلك |
المكانة الاجتماعية قد يكون لها دور في تحديد المهر لكن برضو بيختلف من زول لاخر
ممكن تلقى بت زول ساكت مهرها اكتر من مهر بت السلطان والعكس صحيح
| Quote: بعدين دمبيك يا بنج |
انا زول مسكين ساكت يا اخوي ما( بنج = رئيس او زعيم)
| Quote: زول أغبش زي أنا بقدر يمشي لبنيه بتاع سلطان ؟ولا |
اتا وحظ تاك كان لقو سلطان كوييس بيودي لاتا بنية تاو سااااكت
ويقول ليك يا ولدي بتي دي حافظ عليها كويس لحدي ظروفك يتحسن وتجيب المهر
ولو حظك منيل ووقعت في يدي سلطان صعب يقول ليك ادفع 200 بقر بتي طويلة وفي يدينها قلم( متعلمة)
لك التقدير كمان بانجديد(بنج كبير
|
Post: #12
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-19-2008, 06:56 PM
Parent: #1
يا خال
عنوان البوست ما بيودى للموضوع بصورة مباشرة ياخ!
ممكن يكون زواج الزامبيين ولَ زواج هنود ... إلخ!!!
كان ممكن يكون اسهل واكثر مشاركة لو كانت:
مراحل الزواج عند الدينكا بصورة عامة ودينكا نقوك أبيى على وجه التحديد
لو موافق على المقترح ده ... خلى بكرى يغير العنوان او افتح بوست جديد وخت رابط البوست ده جواهو كوصلة.
تمام
شول اشوانق دينق
|
Post: #16
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 07:54 PM
Parent: #12
| Quote: مراحل الزواج عند الدينكا بصورة عامة ودينكا نقوك أبيى على وجه التحديد |
يا شول شوفت ليك خال بيرفض طلب لود اختو؟ ما عندي مانع والله اوافق
|
Post: #13
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-19-2008, 07:27 PM
Parent: #1
تقام مراسم الزواج في منزل اهل العروس والسبب في تقديري هو تقليل التكاليف على العريس الذي سيدفع المئات من الابقار
كمهر لاهل العروس
دمبيك البعاتي
عاد يا ود امي النصيحة مهركم ده بيخرب الطبع
شوف مهري انا للعريس كان شنو
اها ياجماعة انا مغتربة ولميت القروش وجاهزة للعرس
|
Post: #32
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 11:16 PM
Parent: #13
| Quote: اها يا جماعةانا مغتربة ولميت القروش وجاهزة للعرس |
ما قلت هندية خفت القطر يفوتك؟ والله مسكين الاتورط فيك
|
Post: #33
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-20-2008, 08:29 AM
Parent: #32
خفت القطر يفوتك؟ والله مسكين الاتورط فيك
هو يا يابا القطر فاتني فوتة نصاح؟
عاد اقعد راجية بقركم ده؟
بري يا يابا
وحاة ابوي نجيبه بحقنا
مسكينة انا دي عالم بي الله
|
Post: #14
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-19-2008, 07:31 PM
Parent: #1
الاستاذ دومبيك و شول
موضوع جميل.
شول, فيما يتعلق باحترام الدينكا لبعض الحيوانات او الاشياء, التفسير يرجع الى احترام مجتمع الدينكا للبيئة الطبيعية التى تحيط به. نحن مثلا فى التويج, جنوب نقوك, لا نقتل الذرافة و فرس البحر (قرينتى), بل ان بعض العشائر لا تقتل الاسد والتمساح. عشيرتنا فلوى تحترم تعبان اسمه ( دينق ياط) و اهل الوالدة يحترموا (رينق ياط), اما امها فيحترمو بيار ( كوبرا) و اتيم ياط (بايبور) و ديل من اخطر انوع الثعابين فى الوجود. عندما كنت صغيرا فى السبيعنات, كنت امضى اوقات العطلة الدراسية عند اهل امى و كنت بشوف هذه الثعابين نائمة فى اركان اللواك او فى اطراف البيت و كانت جدتى تحثنى على احترام مكانة هذه الحيوانات و عدم إذعاجها. لم اسمع بشخص عضته هذه الحيوانات حينها. نتبنى علاقات القربة مع الاشياء مثل بعض الاشجار و الانهار. فمثلا نهر كير و لول ( التيل) باقسامه المختلفة يعتبر مقدسان و يقدم الاضحى سنويا قبل الصيد فيه.
اتوقع ان يجاوب بكرى على اقتراحك بتغير العنوان.
|
Post: #17
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 08:03 PM
Parent: #14
الاخوة والاخوات
د.شهاب
رحاب
نجمة
محمد السيد
ود اختي شول
صديق الموج
البعاتية ايمان
محمد فضل الله
زكريا جوزريف
شكرا ليكم جميعا على تفاعلكم مع البوست وآسف ما قدرت اجي راجع بسرعة لكن ان شاء الله
برد على استفسارتكم كلها وشول كتر خيرو ما قصر اضاف معلومات قيمة
جاييكم
|
Post: #18
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-19-2008, 08:18 PM
Parent: #17
البعاتية ايمان
يا يابا البعاتي الياكلك
|
Post: #40
Title: Re: تعال هنا يا انت شوف عرس الناس ديل كيف
Author: dombek yai
Date: 12-20-2008, 11:06 PM
Parent: #18
| Quote: يا يابا البعاتي الياكلك |
براااي ولا معاي ابو العزائم؟
انت يا ايمان حصل شنو في موضوع الكشك مع انعام؟
|
Post: #45
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-21-2008, 07:58 AM
Parent: #40
انت يا ايمان حصل شنو في موضوع الكشك
الكشة
|
Post: #20
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 08:40 PM
Parent: #17
بعد التأكد من عدم وجود صلة قرابة على نحو ما جا في اضافات الاخ شول تنتهي المقابلة الاولي بمزيد من التعارف
ويسأل الشاب عن قرية الفتاة وغالبا ما تكون المسافات بعيدة بين قرية واخرى
ثم يخبر الشاب اصحابه عن الفتاة وعن قريتها واهلها بغرض المزيد من المعرفة واذا اتضح له بانها على علاقة مع اي شاب من
اصحابه او اقربائه ففي هذه الحالة يختلف الامر من شاب لآخر فهناك من يعتزر عن مواصل المشوار ويفضل ان يتركها للشاب الذي ارتبط
بها قبله وهناك من لايهتمون بالامر ويواصل في مشواره نحو الارتباط بها رغم علمه بارتباطها بشخص اخر مما يسبب
بعض المشاكل احيانا قد تصل الي درجة الشجار والضرب بالعصي بين الشباب.
بعد ان يتاكد الشاب تماما من ان الفتاة مناسبة له يقوم بمصاحبة احد صديقاتها بحيث تسهل له اجراءات المقابلة عند ذهابه الي
قرية الفتاة ، وعندما يقرر الذهاب قد يقطع من قريته الي قرية الفتاة عدة ساعات سيرا على
الاقدام وقد يمر داخل غابات ممتلئة بالحيوانات البرية كالاسود والنمور وغيرها ويكون حاملا معه بعض الاسلحة البيضاء
فقط ( حربة كوكاب عصاوغيرها) ولا يهتم بما قد يصادفه في الطريق فلديه هدفه لابد من تحقيقه باي ثمن.
عندما يصل الي قرية الفتاة غالبا ما يكون في الاوقات المسائية يقصد الشاب منزل صديقة الفتاة التي تذهب لتخبرها بحضور الفلان.
نواصل
|
Post: #31
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 11:10 PM
Parent: #14
زكريا
اول حاجة شكرا كتير على الاضافة وكويس انك من تويج عشان تضيف لينا الكتير ما اظنو في اختلافات كتيرة
بينا وبينكم في المراسم دي برضو اهلي بيحترموا (رينق ياط).
بالمناسبة جدتي والدة ابوي من تويج (آل جووك ).
مع التقدير
|
Post: #19
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-19-2008, 08:40 PM
Parent: #1
انا كتيبت رد مطول "غير مختلف مع الاخ زكريا جوزيف" لكن ما عارف نشى وين ياخ!
عموماً تشكر على التثنية خالى دومبيك ياى
شول اشوانق دينق
______________________________
الرد ده إنشالله برجع وبكتبو بالنص يا جماعة.
|
Post: #27
Title: Re: تعال هنا يا انت شوف عرس الناس ديل كيف
Author: yasir Abdelgadir
Date: 12-19-2008, 10:51 PM
Parent: #19
بوست جميل ومفيد
عايز اضيف انو من ناحية طبية وعلمية عدم الزواج من الاقارب مفيد حيث ان زواج الاقارب ربما يقود الي بعض الامراض الوراثية والتي غالبا ما يكون علاجها صعب جدا...ولكن طبعا الان مع تطور تقنية الخريطة الجينية الوراثية امكن تلافي بعض هذه الامراض
شكرا أخ دومبيك
|
Post: #29
Title: Re: تعال هنا يا انت شوف عرس الناس ديل كيف
Author: dombek yai
Date: 12-19-2008, 11:00 PM
Parent: #27
تسلم اخي ياسر وشكرا على الاضافة
|
Post: #30
Title: Re: تعال هنا يا انت شوف عرس الناس ديل كيف
Author: Habib_bldo
Date: 12-19-2008, 11:03 PM
Parent: #19
دومبيك كل سنة وانت طيب وعيد مجيد
بوست أكثر من رائع
لكل قبيلة في السودان عاداتها وتقاليدها وقبيلة الدينكا تعتبر أكبر قبيلة في السودان
تقاليد صارمة ومعقدة جداً مساكين ناس شول الا يفتشوا عروس خارج القبيلة؟؟
فعلا سؤال يطرح نفسه ... ارتفاع المهر ما بيتسبب في إرتفاع نسبة العنوسة في البنات والاحجام عن الزواج بالنسبة للشباب؟؟
|
Post: #34
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-20-2008, 12:02 PM
Parent: #1
عايز اضيف انو من ناحية طبية وعلمية عدم الزواج من الاقارب مفيد حيث ان زواج الاقارب ربما يقود الي بعض الامراض الوراثية والتي غالبا ما يكون علاجها صعب جدا...ولكن طبعا الان مع تطور تقنية الخريطة الجينية الوراثية امكن تلافي بعض هذه الامراض
فعلاً استاذ ياسر عبد القادر.
على فكرة الدينكا وعلاقتهم بالطب حاجة عجيبة وداير ليهو بوست كامل براهو ... الناس ديل عندما معرفة محترمة جداً بالطب وبالتاكيد ناس زمان ما قرو طب ولا يحزنون لكن تجد فى حاجات بيعملوها الواحد لمن يجى يقرا طب بيتحير إنو الناس ديل عرفوا الكلام ده كيف... على سبيل المثال:
الاطفال البيصابو بالعمى الليلى ... عند الدينكا بيجيبوا ليهم كبده وبيطبخوها وبيجيبوا الطفل المصاب ويفتحو الحلة ويخلو الطفل يفتح عينه فى البوخ بتاع الكبدة المطبوخة وبعد داك ياكل الكبدة مع العلم إنو ناس الطب بيقولوا إنو الكبدة فيهو كمية بتاع فيتامين A البيعالج العمى الليلى "ولَ كيف يا ناس الطب"؟
شول اشوانق دينق
_________________________
يا خال يعنى زعتنى وعدمتنى النفس وطلعتنى زول مسكين ساى ما عندو حق العرس
|
Post: #35
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-20-2008, 01:31 PM
Parent: #1
اخى زكريا جوزيف
إحترا م الدينكا للطبيعة حاجة كويسة جداً ... انا من "فقوير ديل" ناس الوالد بيحترموا ثعبان إسمو "اقوير ياط" ... زمان فى السبعينات كنا بنلعب داخل اللواك ومعانا 2 ثعبان من النوع ده وبتذكر إنو عاملين ليهم فتحة صغير فى اللواك كمدخل واثناء وجودهم داخل اللواك لا يتم إشعال النار وكنت ارى الوالدة وهى تعطيهم سمن بلدى بواسطة ماعون مخصص ليهم ... اها بيقوموا بيضربوا السمن وبعد زمن بيتخارجوا وما كان بيمسوا زول ولا حاجة.
يسمى الإبن البكر لو طلع ولد على إسم الثعبان "أقوير" ... والإستثناء الوحيد عندنا هو إذا كان إسم الوالد هو نفس إسم أقوير لان دينكا نقوك يفضلون عدم تكرار الإسم لذا من النادر مثلاً تقابل واحد إسمو أقوير أقوير "ما إنها ليست سيئة ".
فرعنا ده البيحترموا "أقوير ياط" فى اويل هم "فشير" والآن انا لو قابلت واحدة من بنات فشير طوالى بتجنبها لصلة القربى وبعتبرها بت عمى وحتى لو حاولت اعرسها الجماعة من الإتجاهين الجماعة بيعترضوا.
شفت حالتى صعب كيف ..
هسع خيلانى "ناس دومبيك " ديل كتار شديد "ما شالله" وعندهم بنات كمية إتزوجوهن على مختلف فروع دينكا نقوك التسعة ... يعنى بالميت كده ممكن انا عندى على الأقل ود خالة فى أى فرع منهم او بت خالة وفى منهن الإتزوجوهن فى تويج وأويل ... إلخ.
معلومة عامة للفائدة:
فروع دينكا نقوك التسعة هم:
1- ديل
2- ابيور
3- انيل
4- مانيوار
5- الى
6- بنقو
7- اشاك
8- اشوينق
9- مرينق
كل الود
شول اشوانق دينق
|
Post: #36
Title: Re: تعال هنا يا انت شوف عرس الناس ديل كيف
Author: معتصم محمد صالح
Date: 12-20-2008, 01:51 PM
Parent: #35
يا سلام يا شباب .. بوست دسم وممتع ..
| Quote: وايضاً الداية "القابلة" تعتبر ام للطفل المولود ولا يمكن لهذا الطفل بعد الكبر الزواج ببنت الداية |
والله يا شول حكايتكم صعبة خلاص ...
اها الليلة عقد حميدة بعد المغرب ..وبعده ماشين حتة كده .. معانا ؟؟
|
Post: #37
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-20-2008, 03:14 PM
Parent: #1
فوق
شول
|
Post: #38
Title: Re: تعال هنا يا انت شوف عرس الناس ديل كيف
Author: dombek yai
Date: 12-20-2008, 10:14 PM
Parent: #37
شكرا تاني يا شول على الاضافات القيمة دي ومعليش كمان انشغلت شوية الليلة
لكن انا جاي هسا
|
Post: #39
Title: Re: تعال هنا يا انت شوف عرس الناس ديل كيف
Author: dombek yai
Date: 12-20-2008, 10:45 PM
Parent: #38
طيب نواصل
صحبة البت بتمشي تناديها واخينا طبعا بيكون منتظر على بعد مسافة بسيطة من
بيت ناس البت يلا بيتلاقوا ويمشوا لغرفة البت البتكون بعيدة شوية من غرفة
الوالدين وطبعا عادي جدا ممكن الولد والبت يكونوا قاعدين في غرفة واحدة
لفترة طويلة وما بتحصل اي حاجة بينهم الا الونسة بس وناس البيت بيكونوا
عارفين انو بتهم عندها ضيف وهم واثقين انها مربية تربية صحيحة وما
بتعمل حاجة غلطة، والشاب دا اذا ما عنده اصحاب في قرية ناس البت بيتعب
شديد لانو مابيشرب ولا ياكل في بيت ناس البت قبل العرس وحتى بعده برضو
في طقوس كدا لازم تقام في الاول عشان بعداك يبدا ياكل في بيت ناس البت
لكن دا ما بيعني انو البت مابتقوم بواجب الضيافة تجاه الشاب هي بتجيب
الموية والاكل ممكن الزول يمسك كوباية الموية من البت ويختها في الواطة
وما يشرب والاكل بيكون قاعد قدامو لكن ما بدخل يده فيهو لحدي ما يرجع
نواصل
|
Post: #41
Title: Re: تعال هنا يا انت شوف عرس الناس ديل كيف
Author: dombek yai
Date: 12-21-2008, 00:17 AM
Parent: #39
في المقابلة التانية دي الشاب بيقوم يطرح برنامجو للبت وطبعا ما بيلقى
اجابة في نفس الوقت بيبقى عليهو انو يتابع لحدي ما يلقى الاجابة بالسلب
او الايجاب البت كمان بتمشي تسأل عن الزول دا عن اصحابو واهلو وطبيعتو
المهم اخينا بعد المقابلة تنتهى بيبقى عليه رحلة العودة الي الديار
ولو حظو كويس وعندو اصحاب عندهم علاقات في نفس القرية بيمشوا مجموعة
في المشية والرجعة وفي حالة العدم غالبا بيكون ماشي مع اعز اصدقائه
الحكاية دي بتستمر كدا لفترة من الزمن لحدي ما الشاب يتقدم رسميا
لاهل البت في مرحلة تسمى ( مييك) او الخطوبة وبعد فترة زمنية من
المرحلة دي بيمشي ثلاثة او اربعة اشخاص من اهل الولد لبيت ناس
البت وبيكونوا شايلين معاهم زي عشر بقرات او اكتر بيقدموها
لابو البت في مرحلة تسمى ( اتووج) يعني زي فتح الخشم
او قولة الخير وكلام زي دا والابقار دي طبعا بتكون جزء من المهر
والبت بعد المرحلة دي ما من حقها تاني تعمل اي علاقات عاطفية
وبتكون قاعدة في انتظار تحديد موعد الزواج وفي المرحلة دي
بيطلق عليها ( نيان شي ماج كو) بمعنى قريب للعاقدين عليها.
نواصل بكره لو الله حيانا
|
Post: #42
Title: Re: تعال هنا يا انت شوف عرس الناس ديل كيف
Author: حسين نوباتيا
Date: 12-21-2008, 04:29 AM
Parent: #41
الاخوان دومبيك و شول اجمل التحايا..
بوست اكثر من رائع..
الاخ شول عندي سؤال ..
Quote: الاقارب فى الدينكا لا يعنى فقط من يربطك بهم صلات ارحام ولكن تصل بك إلى الاسبار "جمع سبر" وهو ما تحترمونه ... بمعنى ... هناك مثلاً من يحترم النار "هنا الإحترام لا يعنى البت العبادة" عليه فإنه لا يطفئه .. وإن تجرأ واطفى النار .. يمرض!!
او من كان يحترم الثعبان "نوع معين" ... لا يمكنه قتل هذا النوع من الثعبان ... وهناك من يحترم الأسد ولا يمكنه قتل الأسد وبالمثل الأسد لا يمسه ابداً ... هذا كان فى الماضى ولكن هناك من يعملون بها الآن ...
ما اردت قوله من هذا الشرح هو:
إن كنت انا من دينكا نقوك الذين يحترمون النار "الإحترام ليس كفرد بل كبطن من بطون القبيلة" وإلتقيت بفتاة من دينكا رمبيك مثلاً تحترم النار .. عليها يصبح زواجنا شبه مستحيل لانه تعتبر حسب العرف بنت عمى "فى الماضى كان هذا النوع من الزواج مستحيل".
|
اذا كان الامر بهذة الصعوبة فهل يعني هذا ان الزواج في القرى الصغيرة يكون شبة مستحيل؟؟..و على الشاب ان يلجاء للقرى الاخرى ليجد فتاة لا تنطبق عليها كل الشروط اعلاه؟؟
اجمل ما قراءت عن عادات الدينكا كتبه السفير الكويتي الاسبق لدى السودان المرحوم عبدالله السريع لا اذكر اسم الكتاب و لكني اذكر انه عاش 7 سنين متقطعة في مناطق الدينكا و كان مهوسا بهذة القبيلة العريقة و للاسف كتابه هذا كان و ماذال "حسب علمي" المرجع الوحيد الذي يفصل بطون و فروع احد اعرق القبائل الافريقية و يتحدث عن عادات و تقاليد كل منها بالتفصيل ..و كم اتمنى ان احصل على هذا الكتاب مجددا لاعادة قراءته مرة اخرى وربما محاولة ترجمته للانجليزية بعد اخذ التصاريح اللازمة..
|
Post: #43
Title: Re: تعال هنا يا انت شوف عرس الناس ديل كيف
Author: منى على الحسن
Date: 12-21-2008, 05:44 AM
Parent: #1
الاخ دمبيك والاخ شول وجميع الحاضرين
اعياد ميلاد مجيد وكل سنة والجميع بصحة وعافية
وان شاء الله العام القادم عام سلام لجميع اهل السودان
بوست رائع وجميل وقوي يا اخ دمبيك مع مشارف العام الجديد
Quote: تبدأ هذه المراحل بتعارف الشاب والشابة عادة في الرقصات الليلية (النقارة) ويا حبزا لو تم التعارف في الليالي القمرية، يبتدر الشاب
التعارف بالفتاة التي اعجب بها بقوله(نيان نه نقيج كو دا) بمعنى يا بت كدا نتعارف وهناك من يستخدم اسلوب آخر كقوله( نيان نه باي كيك دا)
بمعنى يا بت اديني ليهو ويقصد الاسم وطبعا هذه العبارة مفهومة لدي الفتيات، |
يا االله ما اجمل البساطة والرومانسية التي تشبه طبيعة الجنوب الساحرة في اختيار العروس
حقيقة طبيعة المنطقة الجغرافيةهي بتشكل وجدان وثقافة البشر
فجنوبنا الحبيب زاخر بكل سحر وابداع الخالق العظيم في الطبيعة
فلابد لاناسه ان يكونوا بهذا السحر
تسلم دمبيك ...واصل ونحنا متابعين معك هكذا الابداع
|
Post: #44
Title: Re: تعال هنا يا انت شوف عرس الناس ديل كيف
Author: معتصم محمد صالح
Date: 12-21-2008, 07:53 AM
Parent: #43
لك التحايا اخي دمبيك
بالامس وفي طريقنا الى مراسم عقد قران الاخ حميدة ناقشت هذا البوست مع الاخ شول اشوانق ومما ذكر لي ان الزواج يكلف على اقل تقدير مبلغ 40 مليون جنيه واندهشت لهذا المبلغ الضخم الذي يمثل سعر الابقار وقال لي ان هناك زيجات تتجاوز تكلفتها المائة مليون جنيه بكثير وسألته عن الحل لهذه العقبة التي تقف في طريق شباب الدينكا وتمنعهم من الزواج الا ان اجابته حملت يأسا كبيراً مختلطا بالعادات والتقاليد التي يصعب تجاوزها واكدت على الاقتراح السابق من احد الاخوة بمحاولة عقد ورشة او مؤتمر أو ايجاد صيغة يتم بها تجاوز هذه العقبة حتى يتمكن الشباب من الزواج وبحساب بسيط فيمكن لتكلفة زواج واحد اكمال زواج اكثر من عشرة شباب ..
الامر متروك لكم لمزيد من الاقتراحات والنقاش حتى نصل لحل يرضي الجميع..
|
Post: #46
Title: Re: تعال هنا يا انت شوف عرس الناس ديل كيف
Author: عواطف ادريس اسماعيل
Date: 12-21-2008, 08:12 AM
Parent: #44
الأخ العزيز دومبيك ..
معزة ..
نتابع باهتمام ..
العرس عندكم ولا بلاش ..
أها هسة أنا عندي أربعة أولاد عايزين مني كم بقرة ؟؟؟
|
Post: #57
Title: Re: تعال هنا يا انت شوف عرس الناس ديل كيف
Author: dombek yai
Date: 12-21-2008, 09:02 PM
Parent: #46
الاخت عواطف
Quote: أها هسة أنا عندي أربعة أولاد عايزين مني كم بقرة ؟؟؟
|
ربنا يخليهم ليك
لكن ح تتعبي شديد كان دايرة ليك اربعة بنات دينكا نقوك الا تجهزي ليك مراه كامل
لكن كان عندك ولد صغير عمرو شهرين بديهو بتي عمرها شهرين بديسكاون معقول لكن بعد شول يوافق
الف شكر
|
Post: #56
Title: Re: تعال هنا يا انت شوف عرس الناس ديل كيف
Author: dombek yai
Date: 12-21-2008, 08:49 PM
Parent: #44
| Quote: واكدت على الاقتراح السابق من احد الاخوة بمحاولة عقد ورشة او مؤتمر أو ايجاد صيغة يتم بها تجاوز هذه العقبة حتى يتمكن الشباب من الزواج وبحساب بسيط فيمكن لتكلفة زواج واحد اكمال زواج اكثر من عشرة شباب |
الاخ معتصم فعلا القصة مشربكة شديد الشباب عملوا محاولات عديدة لتخيف اعباء الزواج لكن بيجدوا صعوبات من
جانب الناس الكبار بالاضافة لظروف اخرى اهل العروس برضوا بيخسروا قروش كتيرة في اقامة المناسبة فهم البتحملوا
كل تكاليف المناسبة وخاصة بعد نزوح عدد كبير من المواطنين الي الخرطوم ومناطق اخرى في السودان مما زادت من
تكاليف اقامة المناسبة يعني اهل العروس لمن يعملوا المناسبة بيخسروا ملايين الجنيهات عشان كدا بيرفعوا
المهر عشان ما يقدروا يعوضوا خساراتهم .
فعلا تكاليف العرس ممكن تصل لمبلغ ال 40 مليون او اكثر لكن ما بتدفع مرة واحدة بتدفع على مراحل
لك التقدير
|
Post: #55
Title: Re: تعال هنا يا انت شوف عرس الناس ديل كيف
Author: dombek yai
Date: 12-21-2008, 08:31 PM
Parent: #43
انت الاروع والاجمل اختي منى اشكرك كثيرا
على المرور والمساهمة.
Quote: وان شاء الله العام القادم عام سلام لجميع اهل السودان
|
امين يا رب
|
Post: #47
Title: Re: تعال هنا يا انت شوف عرس الناس ديل كيف
Author: عثمان دغيس
Date: 12-21-2008, 08:23 AM
Parent: #1
أخي دومبيك ...
لك كل التحايا النواضر ...
بوست في غاية الأهمية والروعة ..
بس ياخي عرسكم ده ما كسر رقبة عدييييييل كده ...!@
يعني البقر ده كله بتجيبوه من وين ...؟
يعني مافي أفكار منكم - كمستنيرين -أو تحركات لمحاولة التخفيف من تلك الأعباء ؟
ومن لم يستطيع الباءة منكم يعمل شنو ؟؟
يعني ما ظهرت عندكم زيجات مسيار أو متعة أو زواج خميس ...!
يعني لازم يكون هنالك حل ..
بعدين هل يسمح بزواج الدينكاوية من شلكاوي مثلاً ؟
على الأقل ده بيحقق شرط عدم القرابة ...
متابعين بمتعة عالية ...
|
Post: #51
Title: Re: تعال هنا يا انت شوف عرس الناس ديل كيف
Author: عماد محمود علي
Date: 12-21-2008, 09:11 AM
Parent: #47
أخي دومبيك لك التحية والاحترام ....
لدي سؤالين الأول كيف يستطيع الشاب خلق علاقة مع صديقة الحبيبة ؟ وهل هو مسموح به ؟
الثاني هل يعلم أهل الحبيبة بأنها ذاهبة لمقابلة حبيبها عند صديقتها ؟ وهل مسموح بذلك ؟
البوست ممتع جداً وشيق وواخد كل وقتنا في القراءة والاستماع متعكم الله بالصحة والعافية . ولأخي الوجيه شول كل الامنيات الطيبة وربنا يسهل ليهو ويتزوج مع هذه الازمة الصعبة في زواجكم !!!
لك ولشول كل المعزة والمحبة والتقدير والاحترام .......
|
Post: #66
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 09:45 AM
Parent: #51
الاخ عماد
| Quote: كيف يستطيع الشاب خلق علاقة مع صديقة الحبيبة ؟ وهل هو مسموح به ؟ |
يعنى العلاقة بين الشاب وصديقة الحبيبة علاقة صداقة بس ما فيها حاجة حتى البت ما بتكون عندها مانع
يعني بيكونوا زي اخوان فمثلا اذا كان الشاب ما عندو اي معارف في القرية ديك ممكن يشرب موية على
الاقل في بيت ناس صديقة الحبيبة.
| Quote: هل يعلم أهل الحبيبة بأنها ذاهبة لمقابلة حبيبها عند صديقتها ؟ وهل مسموح بذلك ؟ |
المقابلة بتم في بيت ناس البت وفي قطيتها كمان وبعلم ودراية من ناس البيت والشاب زاتو بكون معروف
ليهم.
مع خالص الود
|
Post: #70
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 11:02 AM
Parent: #47
الاخ عثمان
Quote: يعني البقر ده كله بتجيبوه من وين ...؟
|
زمان لمن الزول يجي يعرس ناس جيله بيدعمو اصلو عندنا نظام اجيال كل جيل عندو تسمية محددة والتسميات دي
بتختلف من عمودية لاخرى داخل العموديات التسع فمثلا جيلنا في عموديتنا(ابيور) بيسموه (جيش) من عمر 18 لحدي
العربعينات وبعداك في جيل (نيانق اتير) ونيانق معناتو التمساح ديل الكبار شوية وبعداك في جيل (شوار) وشوار دا
طير بس ما متأكد نسر ولا صقر ممكن شول او اي زول تاني ياكد لي المعلومة دي.
بعدين كل جيل بتساند بعض وبيكون في احترام وتقدير بين الاجيال دي يعني زول من جيل نيانق ممكن يرسل واحد من جيل
جيش لكن العكس ما ممكن ونظام الاجيال دا مرتبط كمان بالشلوخ(والحمد لله انا واخوي الكاشف شول ود اختي دا ما حضرنا زمن الشلوخ)
يعني اهلنا زمان كان الله بيكون معهم ساااااكت في حكاية الشلوخ دي بيشققوا راس الزول ساااكت كدا بدون بنج ولا كلام زي دا ولو اتحركت
او اظهرت انك متألم ممكن ما يضموك للجيل لازم تكون ثابت وقت الشلوخ.
الشئ التاني المهر البيتم الاتفاق عليه ما بيدفعوا في وقت واحد انما بيدفع لعدة مراحل
Quote: يعني مافي أفكار منكم - كمستنيرين -أو تحركات لمحاولة التخفيف من تلك الأعباء ؟
|
الناس عملت تحركات كتيرة لكن بتتصدم بمجموعة من المعوقات من الناس الكبار والظروف الاقتصادية
| Quote: يعني ما ظهرت عندكم زيجات مسيار أو متعة أو زواج خميس ...! |
مع تغير الظروف في الوقت الحالي احيانا بتحصل اخطاء مقصودة او غير مقصودة بين الولد والبت ويحصل للبت حمل
في الحالة دي الناس بيكونوا في امر الواقع وبيشفوا معالجة للمشكلة دي وغالبا في الحالات زي دي اول حاجة الشاب
المسؤول من حمل البت بيدفعوه غرامة تسمى (ارواك) عبارة عن ثلاثة ابقار وبعداك البت بتكون في بيتهم لحدى ما تلد
ومن ثم بيعملوا بقية اجراءات العرس بس هنا بيكون في شوية تسهيلات لانو الناس بقوا على امر الواقع وطبعا ما في
فرق بين الطفل المولود بطريقة زي دي والمولود بعد زواج رسمي كلهم بيلقوا نفس المعاملة
| Quote: بعدين هل يسمح بزواج الدينكاوية من شلكاوي مثلاً ؟ |
زمان بالنسبة لدينكا نقوك كان صعب شوية يعرسوا بتهم لزول تاني سواء كان شلكاوي او غيرو من القبائل التانية
ودا كان بسبب انو ما كان في تداخل بينا وبين القبائل التانية لكن بعد الحرب ونزوح الناس الي الخرطوم ومناطق
اخرى حصل تداخل بين القبائل المختلفة وهسة بقى عادي ممكن بت نقوك تعرس من اي قبيلة في السودان وعندنا بنات كمان
مشوا لبرة السودان(يعني عملنا عولمة العرس )
| Quote: متابعين بمتعة عالية |
شكرا كتير
|
Post: #48
Title: Re: تعال هنا يا انت شوف عرس الناس ديل كيف
Author: محسية
Date: 12-21-2008, 08:28 AM
Parent: #1
تهانينا .. عيد ميلاد مجيد .
.
.
هل يعكس هذا المهر الغالي مكانة المرأة عند قبائل الدنيكا أم هناك إعتبارات أخرى ؟
.
.
سمح الكلام من خشم سيدو ..
لأن الروايات تضاربت حول العادات والتقاليد .
.
.
.
.
. واصل الحكي
|
Post: #50
Title: Re: تعال هنا يا انت شوف عرس الناس ديل كيف
Author: Zomrawi Alweli
Date: 12-21-2008, 08:57 AM
Parent: #48
Quote: .
هل يعكس هذا المهر الغالي مكانة المرأة عند قبائل الدنيكا أم هناك إعتبارات أخرى ؟
.
.
سمح الكلام من خشم سيدو ..
لأن الروايات تضاربت حول العادات والتقاليد . |
يعني يا المحسية الحكاية دي عجبتك ولا شنو
الا تعتقدين ان مهر البنات عندنا في المحس برضو غالي
بس الفرق عندنا في قسيمة الزواج بكتبوا شي وبياخدو شي تاني
الكضب يبدأ من قسمية الزواج التي تقول ان مقدم الصداق 25 جنيه والمؤخر 25 جنيه
وهذا عين الكضب تخيلي انا دافع مهر ولغاية هسع بسدد في الدين
والفرق بيننا وبين الدينكا انهم صادقين وشكرا على البوست الرائع
|
Post: #69
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 10:03 AM
Parent: #48
الاخت محسية
| Quote: هل يعكس هذا المهر الغالي مكانة المرأة عند قبائل الدنيكا أم هناك إعتبارات أخرى ؟ |
فعلا المرأة عندنا عندها مكانة كبيرة يعني لو حصل انو شابين اشتركوا في بت واحدة الجماعة ديل بيكونوا
في حالة حرب لحدي ما ينتصر واحد منهم الحرب دي بتكون اشكال من ضمنها انو كل واحد بحاول يفتش نقاط ضعف
الاخر ويقولها للبت شعان يكسبها احيانا الحكاية بتصل مرحلة الضرب باليدين او بالعصاية
دا بالاضافة الي انو اهل العروس بيضعوا في الاعتبار خسارتهم في اقامة المناسبة وزي ما انا قلت فوق هناك
انو جية الناس للمدن الكبيرة زادت من تكاليف اقامة المناسبة
كل سنة وانت طيبة
|
Post: #49
Title: Re: تعال هنا يا انت شوف عرس الناس ديل كيف
Author: Frankly
Date: 12-21-2008, 08:48 AM
Parent: #1
ألف شكر دمبيك على هذا البوست المميّز
متابعين بكل اهتمام لهذا التوثيق العظيم والتعريف المبسّط بعادات وتقاليد دينكا نقوك في الزواج
أفضل بوست في الربع الأخير من 2008.... رشّح معنا!!!
تحياتي كمال
|
Post: #71
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 11:23 AM
Parent: #49
فرانكي
Quote: متابعين بكل اهتمام لهذا التوثيق العظيم والتعريف المبسّط بعادات وتقاليد دينكا نقوك في الزواج
|
شكرا والله دي محاولة بسيطة ومتواضعة عن الزواج عند دينكا نقوك لي الشرف انها وجدت استحسانكم ما زلت اعشم
في اضافات الاخوة قير تور زكريا جوزيف جوك بيونق اتيم سايمون ياي جوزيف وبقية الاخوة الكرام
والكلام بجي مقطع لانو اصلا ما كاتب ولا محضر حاجة بس شغال بالذاكرة.
الف شكر
|
Post: #53
Title: Re: تعال هنا يا انت شوف عرس الناس ديل كيف
Author: طلحة عبدالله
Date: 12-21-2008, 05:11 PM
Parent: #1
هلا يا دمبيك
توثيق مميز يا جنا دينكا
واصل مع الشكر
|
Post: #72
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 11:35 AM
Parent: #53
Quote: توثيق مميز يا جنا دينكا
|
طلحة يا احمر نورت بيتك والله
خليت منو في الدكان اوعك تقول لي ايمان صالح ؟
كان هي معناتو حقك راح حتقوم تبيع دكانك دا كلو
اصلها دايرة ليها حق الكشك وما لاقية
هي صحيح دخلت دكانا داك قبل كدا يا طلحة؟
|
Post: #54
Title: Re: تعال هنا يا انت شوف عرس الناس ديل كيف
Author: محسية
Date: 12-21-2008, 06:32 PM
Parent: #1
Quote: يعني يا المحسية الحكاية دي عجبتك ولا شنو
الا تعتقدين ان مهر البنات عندنا في المحس برضو غالي
بس الفرق عندنا في قسيمة الزواج بكتبوا شي وبياخدو شي تاني
الكضب يبدأ من قسمية الزواج التي تقول ان مقدم الصداق 25 جنيه والمؤخر 25 جنيه
وهذا عين الكضب تخيلي انا دافع مهر ولغاية هسع بسدد في الدين
والفرق بيننا وبين الدينكا انهم صادقين وشكرا على البوست الرائع |
خالي زمراوي .. هكرفي (دي تحية نوبية) عشان ما يقولو البت دي قالت حاجة غلط.
.
مسألة المهر مسألة محيرة فعلا عندنا في المنطقة النوبية.
ولكن لو عملنا المهر (مئات الأبقار) ياها البورة بى عدلا.
بـ (25) الناس ما لاقية حل
.
.
معليش دومبيك .. أنت عارف المحس (مشاغبين شوية)
إستغلينا البوست بتاعك . نأسف .
أنا شخصيا سمعت روايات كتيرة عن زواج الدنيكا وفي روايات كتيرة فيها بعض المبالغات.
واصل الحكي .
طيب الماعندو (مئات الأبقار) ولا أهلو عندهم ...خبروا شنو؟
|
Post: #59
Title: Re: تعال هنا يا انت شوف عرس الناس ديل كيف
Author: خالد علي محجوب المنسي
Date: 12-21-2008, 09:37 PM
Parent: #54
Quote: على فكرة ... لا يتم دفع المهر كلها مرة واحدة وذلك يمكن للآتى:
- فى حالة دفعك كل المهر ... يصبح كانك إشتريت البنت من أهلها وهذا مرفوض تماماً لان الزواج لدى الدينكا لا يمثل عملية بيع وشراء.
- فى حالة دفعك كل المهر ... لا تترك الفرصة لنسابتك "أهل العروس" ... طلب المساعدة فى حالة الحوجة لانك بكل بساطة اعطيتهم كل ما تدين لهم به .. |
الأخوان
دومبيك
وشول أشوانق دينق
تحية طيبة سلاااااام
الموضوع جميل وفيه كم هائل من المعلومات الغائبة عنا
ارجو أن تعرجو على كل العادات والتقاليد عند الدينكا
متابعين معاكم
تحياتي ومودتي
|
Post: #60
Title: Re: تعال هنا يا انت شوف عرس الناس ديل كيف
Author: mohmed khalail
Date: 12-22-2008, 05:41 AM
Parent: #59
|
Post: #62
Title: Re: تعال هنا يا انت شوف عرس الناس ديل كيف
Author: Zomrawi Alweli
Date: 12-22-2008, 08:04 AM
Parent: #60
Quote: خالي زمراوي .. هكرفي (دي تحية نوبية) عشان ما يقولو البت دي قالت حاجة غلط.
.
مسألة المهر مسألة محيرة فعلا عندنا في المنطقة النوبية.
ولكن لو عملنا المهر (مئات الأبقار) ياها البورة بى عدلا.
بـ (25) الناس ما لاقية حل |
همديلللاه اوون إر هيكرفي .. ابوقو انينقو هيكرفيجنا
وانا اقول ان طقوس العرس عندنا زمان كان اغرب من طقوس الناس ديل
يا محسية طبعا انتي ما شفتي زمان العريس كان يدلكوه بالزيت لغاية ما يبقى زي سمك الاقلنج
ويوم زفة العريس لاهل العروس تسير السيرة كداري رجالا ونساء شيبا وشباباً
وكانت الاغنية الغالبة تقول (( سيرة للي العجبي سيرة للي العجبي)) وايضا (( بلال يا بلال يوي اجب بلال ساير قدموك يوي اجب بلال))) ولا نعرف ما معناه.
واثناء المرور تعرج السيرة الى البحر (النيل) ويقوم العريس برسم علامة الصليب بالسيف ويزغرت الستات ونحن نقول ابشر ابشر يا اريس ونغسل وشنا بالموية ونتمنى ان يأتي دورنا..
سوف نفرد بوست خاص بالعرس النوبي وطقوس العرس لا يقل غرابة عن طقوس الدينكا بس بعدما القى شوية دعم من النوبيين...
|
Post: #73
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 11:45 AM
Parent: #62
الاخ زمراوي
Quote: سوف نفرد بوست خاص بالعرس النوبي وطقوس العرس لا يقل غرابة عن طقوس الدينكا بس بعدما القى شوية دعم من النوبيين...
|
سنكون شاكرين والله
|
Post: #92
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 10:01 AM
Parent: #59
الاخ المنسي
Quote: الموضوع جميل وفيه كم هائل من المعلومات الغائبة عنا
ارجو أن تعرجو على كل العادات والتقاليد عند الدينكا
|
ان شاء الله الذاكرة تساعدني في نشر معلومات تفيد الناس عن عاداتنا وتقاليدنا البنفتخر بيها
مشكور على المرور
|
Post: #63
Title: Re: تعال هنا يا انت شوف عرس الناس ديل كيف
Author: محمد أبوالعزائم أبوالريش
Date: 12-22-2008, 08:08 AM
Parent: #1
الأخ دمبيك ..
أتفق مع الأخ شول في هذا الإقتباس:
Quote: يا خال
عنوان البوست ما بيودى للموضوع بصورة مباشرة ياخ!
ممكن يكون زواج الزامبيين ولَ زواج هنود ... إلخ!!!
كان ممكن يكون اسهل واكثر مشاركة لو كانت:
مراحل الزواج عند الدينكا بصورة عامة ودينكا نقوك أبيى على وجه التحديد
لو موافق على المقترح ده ... خلى بكرى يغير العنوان او افتح بوست جديد وخت رابط البوست ده جواهو كوصلة.
تمام
شول اشوانق دينق
|
بصراحة شفت العنوان من كام يوم .. لكن مريت فيهو بدون ما يغريني. وبالتأكيد لو كان بيشير إلى عادات الدينكا في العرس، كان لقيتني معاك من أول يوم، لإهتمامي بالموضوع، ورغبتي في معرفة عادات الدينكا عموماً.
على كل حال أشكرك على البوست .. ومنتظرين نعرف كمان زيادة.
| Quote: براااي ولا معاي ابو العزائم؟ |
ياخ إيمان دي واحدة مطرطشة .. بتلمني معاها في الموضوع مالك (محمد معانا ما تغشانا)
|
Post: #64
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-22-2008, 09:02 AM
Parent: #63
ياخ إيمان دي واحدة مطرطشة .. بتلمني معاها في الموضوع مالك (محمد معانا ما تغشانا)
يا يابا يغشاك وما يلقاك
انت ذاتك يا دمبيك بتجيب لينا جنس سيرة
الله يسامحك بس
|
Post: #67
Title: Re: تعال هنا يا انت شوف عرس الناس ديل كيف
Author: حسن مضوي
Date: 12-22-2008, 09:57 AM
Parent: #64
الأستاذ / دومبيك ياي
السلام عليكم ورحمة الله وبركاته
أخي دومبيك بصراحة مهركم غالي جداً وسمعت بأنه
يصل إلى حوالي 100 رأس من البقر فكيف يوفق أبناءكم
الذين لا يمتلكون بقر إذاً ما هو البديل للأشخاص المعسرين عن
دفع المهر وهل هنالك مسألة تكافل أو مساعدات من الأقارب والأهل
لهؤلاء الأشخاص .
تخريمة :
بصراحة يا دومبيك أنا عندي النية أناسبكم ولكن لا أمتلك ولا بقرة واحدة
فإذا كان أنت وشول أشوانق وجوك بونق وميثيانق شريلو كل واحد فيكم بتكفل
لي بعدد 25 بقرة عشان أتم المهر تب ما عندي مشكلة بجيكم ومرحب بي
مصاهرتكم بس شوفوا لينا حل للمهر دا
ودمتم حسن المضوي
|
Post: #76
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 12:16 PM
Parent: #67
الاخ /حسن مضوي
| Quote: بصراحة يا دومبيك أنا عندي النية أناسبكم ولكن لا أمتلك ولا بقرة واحدة |
انت ابقى جادي وكمان ماتبقى جلدي قدر ده اعمل ليك ان شاء الله عشر بقرات كدا
وبعداك تعال لينا بنشوف ليك طريقة
تشكر على المرور وموضوع الكفالة جاوبت فوق هناك
|
Post: #68
Title: Re: تعال هنا يا انت شوف عرس الناس ديل كيف
Author: shammashi
Date: 12-22-2008, 10:01 AM
Parent: #64
بوست لذيذ وومتع
تُشكر عليهو
أولا زواج الأقارب ممنوع دي والله بمليون دولار
وفكرة إنو المهر يكون بالتقسيط دي فكرة رايعة جدا وحقو تُعمم على كل قبائل السودان. لأنو فوائدا كتيرة جداً
لكن
Quote: هي بتجيب الموية والاكل ممكن الزول يمسك كوباية الموية من البت ويختها في الواطة
وما يشرب والاكل بيكون قاعد قدامو لكن ما بدخل يده فيهو لحدي ما يرجع
|
يا خي دي صعبة خلاس...
أنا غايتو ما باقدر عليها وخاصة كمان جايي كداري وشاقي لي غابات وكده.
تحياتي وواصل.....
|
Post: #89
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 09:45 AM
Parent: #68
Quote:
يا خي دي صعبة خلاس...
أنا غايتو ما باقدر عليها وخاصة كمان جايي كداري وشاقي لي غابات وكده.
|
يا اخي خلي الجرسة انت عارف لو بقيت في محل واحد من الجماعة ديل وقت تكون هناك
ما بتحس بالعطش او الجوع لكن احتياطا كده الناس ديل بيعملوا ليهم صداقات في القرية ديك
عشان جرسات زي دي يعني كان عطشت او جوعت تمشي لاقرب صديق او صديقة لانقاذ ما يمكن انقاذه
مشكور على المرور
|
Post: #74
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 11:55 AM
Parent: #63
الاخ ابو الريش
شكرا على المرور وعلى تثنيتك لتغيير عنوان البوست
والله ما عندي مانع ارجو من الاخ بكري تغيير العنوان كالاتي
مراحل الزواج عند دينكا نقوك
Quote: ياخ إيمان دي واحدة مطرطشة .. بتلمني معاها في الموضوع مالك (محمد معانا ما تغشانا)
|
|
Post: #87
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-23-2008, 08:53 AM
Parent: #74
Quote: ياخ إيمان دي واحدة مطرطشة .. بتلمني معاها في الموضوع مالك (محمد معانا ما تغشانا)
قادر الله
عاد كيفن ما بتنشكع وتضحك متل ده؟
|
Post: #91
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 09:55 AM
Parent: #87
| Quote: عاد كيفن ما بتنشكع وتضحك متل ده؟ |
مبسوط من كلام ابو الريش ابكي يعني؟ عالم غريب
|
Post: #75
Title: Re: تعال هنا يا انت شوف عرس الناس ديل كيف
Author: naeem ali
Date: 12-22-2008, 11:57 AM
Parent: #1
الاخ dombek yai
انا ما شفت البوست الممتع ده من زمااان مالي..؟؟
واصل يا حبيب
متعنا
|
Post: #77
Title: Re: تعال هنا يا انت شوف عرس الناس ديل كيف
Author: dombek yai
Date: 12-22-2008, 12:59 PM
Parent: #75
بعد فترة زمنية من مشية وفد المقدمة وتقديم(اتووج) بتكون في تحركات مكوكية بين
اهل الولد والبت عشان يعملوا ترتيبات المناسبة وتحديد اليوم.
وفي اليوم المحدد للمناسبة البتكون في بيت ناس البت زي ما قلنا اهل البت بيعملوا
الترتيبات اللازمة عشان ما يعملوا مناسبة ناجحة ومرات بتحصل منافسة في المناسبات دي
يعني الاعراس السبقت العرس دا بتأثر في المناسبة من حيث الترتيب وعدد المهر وكمان العريس
لو كان من قبيلة تانية بيكون في ارتفاع شوية في المهر مقارنة من انو العريس يكون
من نقوك.
الصباح بدري الجماعة بيعملوا المريسة التقليدية ودي بس مخصصة للناس الكبار في العمر
الشباب ما كان بيسمحوا ليهم بالشراب اها بعداك بيضبحوا تور او تورين او تلاتة حسب
تقدير اهل البت للضيوف البجو بالاضافة لغنماية واحدة او اتنين واحيانا بيكون خروف
او الاتنين معا.
يلا بعد داك بيجوا اهل العريس وسايقين معهم عدد من الابقار دا طبعا في حالة انو العرس
دا كان في ابيي اما في الخرطوم والمدن الاخرى فالنظام بيختلف شوية بيحسبوا قيمة البقر
بقروش هسة تقريبا البقرة بتعادل 300 جنيه والتور بـ 400 ولا كم يا شول؟
طيب في حالة انو العرس في البلد الناس بتجي ماشة كداري من مسافات بعيدة
وقبل ما الطرفين يجوا يقعدوا لمناقشة التفاصيل امام بقية الحضور مرات بتحصل
لقاءات سرية بين الاسرتين وحتى بيتفقوا على المهر وبعداك بيجوا يقعدوا امام الحضور لمناقشة التفاصيل
الدقيقة بعد الاتفاق على الخطوط العريضة.
طالع لي مشوار كدا ونجي نواصل
|
Post: #93
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 10:08 AM
Parent: #75
الاخ نعيم
| Quote: انا ما شفت البوست الممتع ده من زمااان مالي..؟؟ |
حمد الله على السلامة ومرحب بيك في بيتك
متعك الله بالصحة والعافية
مرورك مقدر
|
Post: #78
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-22-2008, 09:23 PM
Parent: #1
السلام للجميع
يا خالى دومبيك ... بت عمك (لوشيا أشول اروب كوال) "اشول ديد" جات امبارح من إيطاليا مع زوجها وكل أطفالها وحترجع يوم 5 يناير 2009.
لغاية هسع ما قابلتهم
بكرة او بعدو إنشالله بقابلهم يا خال.
شايفك ماشى كويس يا زامبى
شول اشوانق دينق
_____________________________________
جاى ... لكل زول سال او شكر وفى يدى قصيدة... من صنع الخيال
|
Post: #94
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 10:38 AM
Parent: #78
| Quote: يا خالى دومبيك ... بت عمك (لوشيا أشول اروب كوال) "اشول ديد" جات امبارح من إيطاليا مع زوجها وكل أطفالها وحترجع يوم 5 يناير 2009 |
بالله حمد الله على سلامتهم ونتمنى ليهم اقامة طيبة في السودان
بت عمي اشول دي بالمناسبة نموزج لعولمة الزواج الذكرتها في واحدة من مداخلاتي فوق هي متزوجة من ايطالي
وكمان في واحد بريطاني اسمو باري ماديسون الناطق باسم الخارجية البريطانية بيجيبوه في الجزيرة برضو متزوج
بت عمنا والامثلة كتيرة
Quote: لغاية هسع ما قابلتهم
بكرة او بعدو إنشالله بقابلهم يا خال.
|
بالله لمن تلاقيهم بلغ ليهم تحياتنا
| Quote: شايفك ماشى كويس يا زامبى |
انت زوقت وين يا عم الموضوع دا كبير يا ابو الشباب دايرين مساعدة
|
Post: #79
Title: Re: تعال هنا يا انت شوف عرس الناس ديل كيف
Author: محمد أبوالعزائم أبوالريش
Date: 12-22-2008, 09:37 PM
Parent: #1
شول ياخ قبل القصايد (من صنع الخيال)، ما عندك أغنية (أكوانج)؟ ويا ريت التسجيل القديم الكان في الإذاعة
|
Post: #80
Title: Re: تعال هنا يا انت شوف عرس الناس ديل كيف
Author: Muna Khugali
Date: 12-22-2008, 09:55 PM
Parent: #79
بوست أكثر من رائع..
شيق ويعطي المعرفه التي نحتاجها..
ليتنا نحظي بالمعرفه القريبه عن القبائل الأخري..
شكرا لك كثير..وكل سنه وانت طيب..
|
Post: #95
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 10:47 AM
Parent: #80
الاخت منى خوجلي
| Quote: ليتنا نحظي بالمعرفه القريبه عن القبائل الأخري |
والله ده قصدنا لمن فكرنا في البوست ده انو الناس تعرف بعاداتها وتقاليدها
فالتنوع العرقي والثقافي الفي السودان مفروض يكون لينا مصدر قوة.
نتمنى ان نسمع قريب من ناس محسية والاخ زمراوي عن اهلنا المحس.
شكرا كتيرا على المداخلة
|
Post: #81
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-22-2008, 10:07 PM
Parent: #1
| Quote: شول ياخ قبل القصايد (من صنع الخيال)، ما عندك أغنية (أكوانج)؟ ويا ريت التسجيل القديم الكان في الإذاعة |
محمد ابو العزئم ... إإإإإإإإإإإإإإإنتباه
شول اشوانق دينق
|
Post: #82
Title: Re: تعال هنا يا انت شوف عرس الناس ديل كيف
Author: محمد أبوالعزائم أبوالريش
Date: 12-22-2008, 10:10 PM
Parent: #1
| Quote: محمد اوب العزئم ... إإإإإإإإإإإإإإإنتباه |
ياخوي إنت فاهم غلط .. أنا طلبت أغنية مش مارش عسكري ...... إنتباه؟
ولو ما عايز تدينا أغنية جدكم (مش السلطان جدكم؟) ما حنقدر نقول شئ
|
Post: #83
Title: Re: تعال هنا يا انت شوف عرس الناس ديل كيف
Author: mohmed khalail
Date: 12-23-2008, 06:07 AM
Parent: #82
دخلنا وسلمنا وشكرناكم على البوست لا رديتو التحية ولا قلتو لينا بتقولو في شنو انتو,,
قلنا نسحب المداخلة وننسحب بكرامتنا!!!!!!!!!!!!!!!!!!!!!!!!!!!!!!1
|
Post: #84
Title: Re: تعال هنا يا انت شوف عرس الناس ديل كيف
Author: fadlabi
Date: 12-23-2008, 06:50 AM
Parent: #83
يا سلام شديد
أنا مستمتع متعة عجيبة
يا سلام ياخ ده بوست من أجمل ما قرأت في المنبر منذ تأسيسه
|
Post: #96
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 10:56 AM
Parent: #84
الاخ فاضلابي
| Quote: يا سلام ياخ ده بوست من أجمل ما قرأت في المنبر منذ تأسيسه |
الحمد لله انو عجبك البوست الله يقدرنا على المزيد
مشكور خالص على المرور
|
Post: #88
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 09:29 AM
Parent: #83
الاخ محمد خليل
Quote: دخلنا وسلمنا وشكرناكم على البوست لا رديتو التحية ولا قلتو لينا بتقولو في شنو انتو,,
|
آسف والله ما قصدت اطنشك بس بيكون ما انتبهت لمداخلتك امبارح المداخلات كتيرة وزمني كان ضيق شوية
ما قدرت ارد عليها كلها يا اخي آسفين جدا ولو تكرمت رجع مداخلتك
لو زعلت شديد ليك بقراية من شول لمن تعرس كتعويض ولو متزوج لمن تفكر تدبل
بمناسبةالبقر دي عندنا لمن الزول يغلط على زول اكبر منو او واحد من نسايبو ولو الزول الغلط عليه
زعل شديد الاجاويد بيطلبوا من الزول الغلطان دفع بقر او اتنين حسب حجم الغلط كتعويض عن الضرر النفسي
الناتج من غلطته وعشان المياه ترجع لمجاريها بينهم.
|
Post: #85
Title: Re: تعال هنا يا انت شوف عرس الناس ديل كيف
Author: ALZOLZATOO
Date: 12-23-2008, 07:21 AM
Parent: #1
الاخ دومبيك
البقر المدفوع للعروس كمهر هل يستفيد منه اهل العروس ام يكون ملكية للعروس وزوجها ، وهل يمكن ان يقوم اخو العروس بدفع بقرها كمهر له
في حالة الاختلاف او الطلاق او الوفاة هل يرجع البقر للعريس ولا الفات مات خلاص
هل يوجد تعدد زوجات ؟ اذا كانت الاجابة بنعم هل يدفع العريس نفس كمية البقر التي دفعها في العرس الاول ولا العريس بيكون سكن هاند وبيطلبوا منو بقر بسيط
ماهي سن الزواج المناسبة بالنسبة للفتيات والشباب
تحياتي وشكرا للبوست الرائع
زاتوووو
|
Post: #97
Title: Re: تعال هنا يا انت شوف عرس الناس ديل كيف
Author: عماد محمود علي
Date: 12-23-2008, 11:10 AM
Parent: #85
رومبيك .... ســلامات يا جميل ..
Quote: بمناسبةالبقر دي عندنا لمن الزول يغلط على زول اكبر منو او واحد من نسايبو ولو الزول الغلط عليه
زعل شديد الاجاويد بيطلبوا من الزول الغلطان دفع بقر او اتنين حسب حجم الغلط كتعويض عن الضرر النفسي
الناتج من غلطته وعشان المياه ترجع لمجرايها بينهم. |
ياخي إنت زماااااان غلطته عليّ لما كنا في الكمبوني ، أها أنا من يومها زعلاااااان شديييييييد اها شوف دي ليها كم سنة  يعني التعويض قدر كيف ؟ 
|
Post: #100
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 12:21 PM
Parent: #97
عمدة
| Quote: ياخي إنت زماااااان غلطته عليّ لما كنا في الكمبوني ، أها أنا من يومها زعلاااااان شديييييييد |
طيب انت ابو النسب ولا اكبر مني؟ كان واحد من ديل حقك محفوظ لمن تسمعني مشيت ابيي تعال شيل حقك يا اخوي
|
Post: #192
Title: Re: تعال هنا يا انت شوف عرس الناس ديل كيف
Author: JOK BIONG
Date: 01-04-2009, 01:16 AM
Parent: #97
برجع للمداخلة لاحقا
تحياتي
جوك
|
Post: #99
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 12:07 PM
Parent: #85
الاخ زااتو
| Quote: البقر المدفوع للعروس كمهر هل يستفيد منه اهل العروس ام يكون ملكية للعروس وزوجها ، وهل يمكن ان يقوم اخو العروس بدفع بقرها كمهر له |
البقر بتمشي لاهل العروس بيقسموا بينهم وما بتكون ملك للعروس وزوجها وبعداك والد العروس ممكن يستخدم البقرة دي في زواج ولدو
| Quote: في حالة الاختلاف او الطلاق او الوفاة هل يرجع البقر للعريس ولا الفات مات خلاص |
لو الاختلاف او الطلاق كان بعد فترة طويلة وانجبوا اولاد ما بيرجعوا البقر لكن لو حصل انو البت غيرت رايها وشافت زول تاني بعد فترة
قصيرة من العرس و قبل الانجاب ممكن اهل العريس يطالبوا ببقرهم لكن برضو نخلى شول يزيد او يصحح لو كلامي ما في محله.
اما بالنسبة للوفاة الزوجة اصلا ما بتمشي من بيت ناس الزوج لو اتوفى اذا المرحوم ده عنده اخوه اصغر منو بيشيل مرتو والاولاد
بيحملوا اسم الزول المتوفي احيانا لو الزول اتوفى قبل ما يعرس ممكن ابوه يعرس ليهو ويدو المرة لاخو المرحوم الصغير وبرضو
الاولاد بيحملوا اسم الزول المتوفى اهلنا بيعملوا كدا عشان يحافظوا على اسم المرحوم
Quote: هل يوجد تعدد زوجات ؟ اذا كانت الاجابة بنعم هل يدفع العريس نفس كمية البقر التي دفعها في العرس الاول ولا العريس بيكون سكن هاند وبيطلبوا منو بقر بسيط
|
تعدد الزوجات موجود بالنسبة للناس الما متمسكين بالديانة المسيحية ممكن الواحد يكون عنده عشرات او حتى مئة زوجة ويمكن
تكون سمعت بالسلطان دينق مجوك وهو عمنا كان عندو مئات من الزوجات لو رجعت لكتب د. فرنسيس دينق بتلقى عدد زوجات دينق مجوك
ما في حاجة اسمها سكن هاند يا زول عايز تدبل تدفع زيك وزي اي عريس جديد
| Quote: ماهي سن الزواج المناسبة بالنسبة للفتيات والشباب |
تقريبا من سنة الـ 18 فما فوق برضو نشوف راي بقية الشباب شنو ما متأكد مئة بالمئة
لك التقدير
|
Post: #90
Title: Re: تعال هنا يا انت شوف عرس الناس ديل كيف
Author: محمد أبوالعزائم أبوالريش
Date: 12-23-2008, 09:47 AM
Parent: #1
Quote: بمناسبةالبقر دي عندنا لمن الزول يغلط على زول اكبر منو او واحد من نسايبو ولو الزول الغلط عليه
زعل شديد الاجاويد بيطلبوا من الزول الغلطان دفع بقر او اتنين حسب حجم الغلط كتعويض عن الضرر النفسي
الناتج من غلطته وعشان المياه ترجع لمجرايها بينهم. |
يعني الواحد يفكّر مليون مرة قبل ما يغلط .....
ياخ أنا بقترح نطبق القانون ده هنا في المنبر .. عشان لو الحكاية نجحت نحاول نطبقوا على مستوى السودان
حاجة حلوة شديد ...
_____
رجاء ... مافي واحد مفلّس يحاول يغلط علي .. غلطو حيكون بدون فايدة
|
Post: #101
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 12:32 PM
Parent: #90
Quote: ياخ أنا بقترح نطبق القانون ده هنا في المنبر .. عشان لو الحكاية نجحت نحاول نطبقوا على مستوى السودان
|
مقترح كويس
لكن
| Quote: رجاء ... مافي واحد مفلّس يحاول يغلط علي .. غلطو حيكون بدون فايدة |
انت يا ابوالريش انادي ليك ايمان ولا كيف شنو تجيب مقترح وتزوق منو؟
|
Post: #103
Title: Re: تعال هنا يا انت شوف عرس الناس ديل كيف
Author: najma
Date: 12-23-2008, 12:37 PM
Parent: #101
دومبيك وشول كل سنة وانتم بالف خير
متابعين
كونوا بخير
|
Post: #126
Title: Re: تعال هنا يا انت شوف عرس الناس ديل كيف
Author: JOK BIONG
Date: 12-24-2008, 11:27 PM
Parent: #101
اخ دونقبيك جاب موضوع مفيد ومهم جدا علشان دا زاتو بزيد تعارف بين قبائل ومعرفة العادات
والتقاليد السائدة عندها.
الاخوان دونقبيك وشول وجوزيف ما قصروا في اي شئ بل تطرقوا الي كل ما يتعلق بموضوع الزواج عند
الدينكا عموما وفرع دينكا نقوك (أبيي) بصفة خاصة بكل ابعاده الاجتماعية والثقافية.
الزواج عندك دينكا نقوك(أبيي) تعنى الكثير اهمها الوجودية والاستمرارية في الحياة
وعندما نتحدث عن الزواج يكون في ذاكرتنا حقيقة واحدة هى الانجاب بمعنى ان الهدف من الزواج هو
انجاب ذرية تحافظ على البقاء والوجود.مثلا اذا تزوجت فتاة او شاب ولا قدر الله ان وجد نفسه و نفسها
عاقر او عاقرة فيتم معالجة أمر بدون طلاق. ففي حالة الشاب فان مهمة الانجاب يمكن ان يترك لشقيقه
او لو كانت الفتاة عاقرة بعد الزواج فان حكاية الطلاق غير واردة ولكن يحق للرجل ان يتزوج ثانية
ويحتفظ بزوجته العاقرة كالسيدة الاولي في أسرته.
ساضيف لاحقا
كل عام والجميع بالخير
جوك
|
Post: #129
Title: Re: تعال هنا يا انت شوف عرس الناس ديل كيف
Author: dombek yai
Date: 12-25-2008, 06:19 PM
Parent: #126
جوك كل سنة وانت والاسرة طيبين
شكرا كتير على الاضافات القيمة دي ونحن لسه في انتظار
المزيد
تهاينا للاسرة الكريمة
|
Post: #139
Title: Re: تعال هنا يا انت شوف عرس الناس ديل كيف
Author: ود الباوقة
Date: 12-27-2008, 07:03 PM
Parent: #101
والله يادومبيك صديق الموج دا تناسبوه الا تلقوه مع البقر تاني يوم في سوق الدامر ...
ود الباوقة
|
Post: #140
Title: Re: تعال هنا يا انت شوف عرس الناس ديل كيف
Author: dombek yai
Date: 12-27-2008, 09:48 PM
Parent: #139
| Quote: والله يادومبيك صديق الموج دا تناسبوه الا تلقوه مع البقر تاني يوم في سوق الدامر |
ود الباوقة
كل عام وانت بخير
والله غايتو يا صديق الموج ابو النسب الناس ديل شككونا فيك كدا تعال دافع عن نفسك شوية
|
Post: #159
Title: Re: تعال هنا يا انت شوف عرس الناس ديل كيف
Author: مدثر محمد عمر
Date: 12-29-2008, 07:58 PM
Parent: #101
والله استمتعت جدا ياخي... استمتعت عديل....
|
Post: #172
Title: Re: تعال هنا يا انت شوف عرس الناس ديل كيف
Author: dombek yai
Date: 12-30-2008, 02:35 PM
Parent: #159
تسلم اخي مدثر شكرا كتيرا
كل سنة وانت طيب ربنا يحقق الاماني
|
Post: #169
Title: Re: تعال هنا يا انت شوف عرس الناس ديل كيف
Author: Zomrawi Alweli
Date: 12-30-2008, 09:32 AM
Parent: #101
Quote: نتمنى ان نسمع قريب من ناس محسية والاخ زمراوي عن اهلنا المحس.
شكرا كتيرا على المداخلة |
انا هسع قاعد اتصل بناسنا المحس عشان اقدر اجمع صورة متكاملة عن العادات والتقليد في الاعراس
اصلو منطقة المحس كبيرة ومشرورة على ضفاف النيل وكل منطقة ليها خصوصيتها مع اننا نتفق في ليلة الحنة وليلة الشافلتي...
بس شوية كدة وبجيكم
همتك معانا يا محسية
|
Post: #173
Title: Re: تعال هنا يا انت شوف عرس الناس ديل كيف
Author: dombek yai
Date: 12-30-2008, 02:39 PM
Parent: #169
| Quote: انا هسع قاعد اتصل بناسنا المحس عشان اقدر اجمع صورة متكاملة عن العادات والتقليد في الاعراس |
الاخ زمراوي بالتوفيق ان شاء الله
|
Post: #98
Title: Re: تعال هنا يا انت شوف عرس الناس ديل كيف
Author: مزمل التريكى
Date: 12-23-2008, 12:04 PM
Parent: #1
| Quote: الدينكا احياناً يمكنهم منعك من الزواج بصديقة الطفولة التى تربيتما معاً |
شنو يا شول يعنى الزول ما يحب بت الجيران ولا كيف ؟
شوف الكلام ده كيف :
لو بتعرف انه ريدك شلنا مما انت دابك
لسه فى عمر الطفوله وقبل ما تعرف شبابك
طيب يا دومبيك زواج الغرباء كيف ؟
يعنى من بره القبيله خالص ؟
عيد ميلاد سعيد للجميع
وكل عام وانتم أجمل ما تكونون
|
Post: #102
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 12:36 PM
Parent: #98
Quote:
طيب يا دومبيك زواج الغرباء كيف ؟
يعنى من بره القبيله خالص ؟
|
حتى من بره السودان هسة بقى مقبول ناوي ولا شنو يا اخوي ؟
|
Post: #104
Title: Re: تعال هنا يا انت شوف عرس الناس ديل كيف
Author: dombek yai
Date: 12-23-2008, 01:35 PM
Parent: #102
بعد ما اهل العريس يصلوا بيت المناسبة عند اهل العروس بيكون في محل مخصص ليهم وفي محل تاني
مخصص لاهل العروس وبعداك بقية الضيوف بيتوزعوا بينهم حسب رغباتهم يعني الزول البيشوف نفسه
اقرب لناس العروس بينضم لمحلهم والعكس صحيح.
في الجلوس الاسرتين بيكونوا مواجهين لبعض زي القعاد في الدفار زمان وبعدين بيكون في
واحد قاعد في النص زي مترجم كدا شغله يردد الكلام من المتحدثين الزول ده بيسموه( اقام لونق)
وفي نهاية المناسبة اهل العريس بيدوه بقرة واحدة بيسموه ( وينق اقام لونق) وينق يعني بقر
قبل ما الناس يقعدوا العريس ومعاهو مجموعة من الشباب من ناس جيله لازم يدخلوا غرفة ام العروس
ويرقصوا فيها والدخول ما بيكون ساهل لانو صديقات البت بيكونوا واقفات في الباب يلا الشباب ديل
بجوا جارين جري ويدخلوا الغرفة بقوة ويرقصوا فيها وبعداك بيطلعوا الوقت دا الناس الكبار بيكونوا
اخدوا محلاتهم في الجلوس والشباب بيقوموا يرافقوا العريس لبيت تاني غير بيت العرس بيكون قاعد هناك
لحدي ما المناسبة تنتهي.
نجي للكلام البدور في محل العرس اول حاجة ابو العروس وما شرط يكون والدها ممكن زول تاني من اهلها يمثل
والد العروس بيرحب بالضيوف وبيقول للمترجم (اقام لونق دوم) بمعني امسك الكلام او وصل الكلام دا يا(اقام لونق)
واقام لونق بيقول بصوت عالي شديد (دوووم) يلا والد العروس بيقول( بان نيان دي ويك اشي كي مووض)
يعني مرحب بيكم اسرة بتي وطبعا (اقام لونق) بيردد كل الكلام وبعداك والد العروس بيسأل اهل العريس عن سبب حضورهم او زيارتهم
زي كأنه ما عارف الحاصل شنو.
نواصل
|
Post: #105
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-23-2008, 08:43 PM
Parent: #1
دمبيك
سلامات
ماشى اكتب كلام احتمال حايزعل الكثيرين خارج المنبر و اتمنى ان يخارجنى شول من الورطة المدخل نفسى فيها دى. بخصوص عدم الزواج من الاقارب, فهذه ليست تقليد فقط (مش بس الدينكا القبيلة الوحيدة البتمنع زواج الاقارب فى الجنوب), بل الحكاية تبدو انها تتعلق بما سينتجه زواج الاقارب. لحظو ان ثقافة الدينكا هى حول الابقار و تحسين النسل للابقار و ايجاد اجود انوع الابقار هو من اختصاص الدينكا, لذلك تجد ان الدينكا يقوموا بعمل كل شئ حتى لا ينجب عجل من ثور قريب لام العجل, وقعوا لكم الكلام. اصحاب العاهات الوراثية موجودة عندنا و لكنهم قلة و زواجهم, مهما كثرت ابقارهم مصيبة. يعنى الدينكا يعرفوا ان زواج الاقارب يمكن ان ينتج عنه مشاكل طبية.
|
Post: #111
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 10:34 AM
Parent: #105
الاستاذ/ زكريا
| Quote: يعنى الدينكا يعرفوا ان زواج الاقارب يمكن ان ينتج عنه مشاكل طبية. |
الحمد لله انو اهلنا من بدري انتبهوا للحكاية دي.
نعشم في المزيد من الاضافات
لك التقدير
|
Post: #106
Title: Re: تعال هنا يا انت شوف عرس الناس ديل كيف
Author: Elawad
Date: 12-23-2008, 09:09 PM
Parent: #1
واصل يا دمبيك... من أجمل البوستات التي كتبت في المنبر.
|
Post: #107
Title: Re: تعال هنا يا انت شوف عرس الناس ديل كيف
Author: mohmed khalail
Date: 12-24-2008, 02:25 AM
Parent: #106
Quote: لو زعلت شديد ليك بقراية من شول لمن تعرس كتعويض ولو متزوج لمن تفكر تدبل
|
بقراية واحدة ما كفاية كده خليهم عشرة ويبقى مافي زعل يا حبيب..
بالمناسبة ما دام البقر بيلعب دور اساسي في حياة اهلنا دينكا نقوك نطلق عليهم بقارة نقوقك مثلهم
مثل باقي اهلهم البقارة في بحر العرب وجنوب كردفان.
|
Post: #113
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 10:52 AM
Parent: #107
الاخ محمد خليل
| Quote: بقراية واحدة ما كفاية كده خليهم عشرة ويبقى مافي زعل يا حبيب |
شكلك داخل على الطمع لكن عشان نرضيك وما تزعل مننااتفقنا شول ود اختي حيدفع 8
والمغتربة ايمان صالح ح تدفع 2
|
Post: #128
Title: Re: تعال هنا يا انت شوف عرس الناس ديل كيف
Author: إيمان صالح
Date: 12-25-2008, 02:24 PM
Parent: #113
والمغتربة ايمان صالح ح تدفع 2
هي يا يابا الترابة في خشمك
ايمان صالح سجمك كان قايلها عندها شي
انا من ذوي الدخل المحدود ياخوي
دمبيك كل سنة وانت طيب
وشول كل سنة وانت طيب
وزكريا جوزيف كل سنة وانت طيب
وجوك بيونق كل سنة وانت طيب
والكريسماس مبارك عليكم
|
Post: #130
Title: Re: تعال هنا يا انت شوف عرس الناس ديل كيف
Author: dombek yai
Date: 12-25-2008, 06:41 PM
Parent: #128
Quote: انا من ذوي الدخل المحدود ياخوي
|
لقيتك جرسة لكن يا ايمان كان كدا ابو الريش عندو حق
| Quote: دمبيك كل سنة وانت طيب |
وانت طيبة يا فاكهة المنبر على حد قول وليم
لكن اوعك تصدقي الكلام دا
|
Post: #112
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 10:40 AM
Parent: #106
| Quote: من أجمل البوستات التي كتبت في المنبر |
مشكور كتير اخي العوض على المرور والمداخلة.
اعواك تكون العوض الجاب لمحمد موسى باقة العسل
لك التقدير
|
Post: #108
Title: Re: تعال هنا يا انت شوف عرس الناس ديل كيف
Author: محمد أبوالعزائم أبوالريش
Date: 12-24-2008, 05:50 AM
Parent: #1
| Quote: انت يا ابوالريش انادي ليك ايمان ولا كيف شنو تجيب مقترح وتزوق منو؟ |
يا دومبيك ياخ قول بسم الله، إيمان شنو .. إنت كل ما تلاقيني تجيب سيرة البعاتي والا شنو؟
_________________
صورتك خطييييييرة .. بس حقو تصغّر الحجم شوية
|
Post: #114
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 11:06 AM
Parent: #108
| Quote: إنت كل ما تلاقيني تجيب سيرة البعاتي والا شنو؟ |
كدا يا اخوانا اتفقوا البعاتي فيكم منو انت ولا هي؟
| Quote: صورتك خطييييييرة .. بس حقو تصغّر الحجم شوية |
شكرا يا ابو الشباب اها صغرناه كده كيف؟
|
Post: #109
Title: Re: تعال هنا يا انت شوف عرس الناس ديل كيف
Author: willeim andrea
Date: 12-24-2008, 06:26 AM
Parent: #1
الرائع دومبيك وضيوفه الكرام.... جد سعيد بموضوع البوست وطريقة الطرح والاضافه ... وفاكهة البوست ايمان وكان ما خايف من المره كنته جبته بقري وجيتك .... معزتي واحترامي للجميع
|
Post: #115
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 11:11 AM
Parent: #109
| Quote: وكان ما خايف من المره كنته جبته بقري وجيتك |
وليم حاول اقنعها برااااحة كدا وتلقاني قاعــــــــــد في انتظارك
لك التقدير والاحترام ومشكور على المرور
|
Post: #110
Title: Re: تعال هنا يا انت شوف عرس الناس ديل كيف
Author: محمد أبوالعزائم أبوالريش
Date: 12-24-2008, 09:59 AM
Parent: #1
| Quote: وفاكهة البوست ايمان |
يا وليم إنت كمان جيت من وين ياخ؟
فاكهة المنبر عديل كدة؟ .. الزولة دي كدة حتصدّق وتجي تطلع لينا في راسنا .. نحن ناقصين؟
دومبيك زولك ده ما تديهو راسو
|
Post: #116
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 11:15 AM
Parent: #110
| Quote: الزولة دي كدة حتصدّق وتجي تطلع لينا في راسنا .. نحن ناقصين؟ |
ده كلام صاح يا ابو الريش
|
Post: #117
Title: Re: تعال هنا يا انت شوف عرس الناس ديل كيف
Author: willeim andrea
Date: 12-24-2008, 11:58 AM
Parent: #1
ابو الريش... ده شنو ده... ما تقول لي نظام كسير تلج وكده.... ياخي الشوره شورته وخوفي عليك من شاكوش ايمان فاكهة الكون عديل..... اها تاني النشوف كان يقوم ليك ريش ..... معزتي واحترامي وحبي للجميع وميري كرسمس للناس الحلوين
|
Post: #118
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 12:39 PM
Parent: #117
طيب قلنا ابو البت سأل اهل العريس عن سبب الزيارة اها واحد من ديل بيرد ويقول
جيتنا لهنا جية خير وما في عوجة عندنا ولدنا الفلان شاف ليهو حاجة في البيت دا
عشان كدا جينا نشيلها، بيقوم واحد من اهل العروس يسأل طيب الحاجة الانتو جايين
تشيلوها دي شكلها كيف، بيرد واحد من اهل العريس ولدنا الفلان حب بت الفلان الفلاني
واسمها فلانية ونحن كعمودية ديل او مرينق مثلا بيكون لينا شرف كبير انو نناسبكم لو قبلونا
اها بعد ده بيقوم ابو العروس يقول ليهم ( بان نيان دي ويك آ كي قام) بمعني يا اسرة بتي طلبكم مقبول
بعد الكلام دا بيقوم واحد من جيل العريس ويبدا غنية من اغاني الجيل وبقية الشباب بيرددوها
والغنية دي بنسميها(دور) والناس بيكونوا متفقين قبل المناسبة على واحد من جيل العريس يكون مسؤول
من الاغاني اثناء المناسبة بيسموه (اوين) بيجيب غنية كلما الناس اتفقوا على حاجة اثناء مناقشة
تفاصيل العرس والزول البيختاروه ده لازم يكون حافظ اغاني الجيل كلها ويكون صوتو واضح وتمام
النسوان كمان عندهم اغاني اثناء المناسبة بنسميها(ديب) قاعد احاول من قبيل انزل غنية (ديب) بصوت
الفنانة تريزة نيانكول مثيانق لكن التحميل مابيمشي ارجو من الاخوة ناس شول والبقية المساعدة في الموضوع ده
اها النسوان ديل برضو من ضمن الترتيبات البيعملوها للعرس تاليف اغاني للمناسبة غالبا بتكون تمديح للعريس و العروس واسرهم.
نواصل
|
Post: #120
Title: Re: تعال هنا يا انت شوف عرس الناس ديل كيف
Author: داليا حافظ
Date: 12-24-2008, 01:52 PM
Parent: #118
Quote: طيب قلنا ابو البت سأل اهل العريس عن سبب الزيارة اها واحد من ديل بيرد ويقول
جيتنا لهنا جية خير وما في عوجة عندنا ولدنا الفلان شاف ليهو حاجة في البيت دا
عشان كدا جينا نشيلها، بيقوم واحد من اهل العروس يسأل طيب الحاجة الانتو جايين
تشيلوها دي شكلها كيف |
طريقة طلب لذيذة زي الفزورة
دومبيك
جي باك
قريت البوست من اولوا لأخرو ..لمن حوصتا ..ورئيسي في الشغل قاااعد إحدر لي
جد متعة ..تسلم إيدك .
|
Post: #121
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 04:18 PM
Parent: #120
دلوية
ين اباك، يين ابول قوب؟
سلامة نظرك اخت تاي
| Quote: جد متعة ..تسلم إيدك |
تسلم عيونك كمان
شكرا كتير على المشاركة داليا
|
Post: #119
Title: Re: تعال هنا يا انت شوف عرس الناس ديل كيف
Author: طارق جبريل
Date: 12-24-2008, 01:23 PM
Parent: #1
يديك الصحة ياخ
بوست متمسح وتريان
|
Post: #122
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 04:28 PM
Parent: #119
الاخ طارق
تسلم اخي العزيز
الف شكر
|
Post: #123
Title: Re: تعال هنا يا انت شوف عرس الناس ديل كيف
Author: dombek yai
Date: 12-24-2008, 05:37 PM
Parent: #122
يلا بعد داك بتجي مرحلة الترحيب بالكلمات بيقوم واحد من اهل العروس يلقى كلمة ترحيب باهل
العريس والضيوف الاخرين وبيقوم واحد من اهل العريس يرد كمان بكلمة شكر، اثناء مناقشة تفاصيل
العرس ممكن اهل العروس يوزعوا موية وفي المدن موية وبارد وحاجات زي دي بس ما في اكل لحدي
ما النقاش ينتهي ويتم الاتفاق على كل التفاصيل لانو لو ما اتفقوا وحصل خلاف كبير وصلهم لطريق
مسدود ممكن (اوين) يعني المغني من طرف العريس يجبيب غنية معروفة بتوجيه من الناس الكبار
ويرددوها بقية اهل العريس ويقوموا طالعين من محل المناسبة دا معناتو العرس طرشك وما في
زول ح ياكل من اهل العريس حتى لو الناس دايرة تموت من الجوع ما في طريقة للاكل
بيقوموا يرجعوا القرية الجو منها حتى لو كانت على بعد ايام بالمشي الناس بتمشي،
يلا بعد فترة زمنية ممكن تدخل الاجاويد ويحاولوا يعملوا صلح بين الاسرتين
عشان يشوفوا طريقة لتحديد موعد جديد لكن نادر ما تحصل امور زي دي في اعراسنا.
ويتواصل العرض
كل سنة وانتو طيبين
|
Post: #124
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-24-2008, 07:17 PM
Parent: #1
| Quote: انت زوقت وين يا عم الموضوع دا كبير يا ابو الشباب دايرين مساعدة |
والله يا خال ... الكيبل الضرب ما عارف وين فى إيطاليا ده عمل لينا مشكلة والله!
انا شخصياً جهازى الفى البيت خربان وفى التصليح واللابتوب بتاعى مع الشيكس بتاعى من شهر 6 والنت فى المكتب (لى هسع فى المكتب مع إنو Christmas Night) حالف بدينو وإيمانو ما بيشتغل إلا الساعة تسعة مساءاً ولى فوق ... شفت كيف المصاعب تاتى تباعاً يا خالى؟!
عموماً موضوع الكيبل زى الإتقال بيتصلح لغاية الجمعة وإنشالله بكون حاضر وقاعد ليك فى البوست ده
.
.
.
الإخوة الاعزاء ... جاييكم لكن بعد يوم الجمعة فرداً فرداً
الاخ الفاضل محمدخليل ياخ عليك الله ما تزعل ياخ وفى ذمتك رجع مداخلتك المسحتها لانى بجيك برواقة يا عم... please
بقية الإخوان والاخوات ... كل سنة والجميع بخير والسنة الجاية زى ما عايزين.
شول اشوانق دينق
|
Post: #131
Title: Re: تعال هنا يا انت شوف عرس الناس ديل كيف
Author: dombek yai
Date: 12-25-2008, 06:48 PM
Parent: #124
| Quote: والله يا خال ... الكيبل الضرب ما عارف وين فى إيطاليا ده عمل لينا مشكلة والله |
ما في عوجة تب منتظرينك
| Quote: واللابتوب بتاعى مع الشيكس بتاعى من شهر 6 |
بدون تعليق
كل سنة وانت طيب يا شول يحقق امنياتك
|
Post: #125
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-24-2008, 08:49 PM
Parent: #1
فوق لغاية ما نفضى من العيد
|
Post: #127
Title: Re: تعال هنا يا انت شوف عرس الناس ديل كيف
Author: Ashraf el-Halabi
Date: 12-25-2008, 06:51 AM
Parent: #1
سلامات دومبيك
Quote: قبل ما الناس يقعدوا العريس ومعاهو مجموعة من الشباب من ناس جيله لازم يدخلوا غرفة ام العروس
ويرقصوا فيها والدخول ما بيكون ساهل لانو صديقات البت بيكونوا واقفات في الباب يلا الشباب ديل
بجوا جارين جري ويدخلوا الغرفة بقوة ويرقصوا فيها |
الحتة دي لو شرحتها بتفصيل أكتر يكون أفضل
يعني ليه الدخول بيكون صعب؟
وهل صديقات العروس هن البيصعبوا الدخول، وليه؟
كل سنة وانتو طيبين
|
Post: #132
Title: Re: تعال هنا يا انت شوف عرس الناس ديل كيف
Author: dombek yai
Date: 12-25-2008, 07:14 PM
Parent: #127
الاخ اشرف، كل سنة وانت طيب
Quote: الحتة دي لو شرحتها بتفصيل أكتر يكون أفضل
يعني ليه الدخول بيكون صعب؟
وهل صديقات العروس هن البيصعبوا الدخول، وليه؟ |
اول ما اهل العريس يصلوا محل المناسبة العريس وناس جيله بيكونوا واقفين
بعيد شوية من محل الجلوس في ترتيبات كدا بيعملوها من ضمنها
بيضعوا في راس العريس حاجة زي تاج كدا بيسموه (اجوم) وبعدين هو بيكون في نص الناس
وعاملين ليهو حماية من الشباب بس عشان اهل العروس ما يشوفوه اها في وقت
التجهيزات دا بيمشي واحد من الشباب يستكشف البيت عشان يعرفوا موقع غرفة
ام العروس بعداك بيجي راجع ويخبر البقية بالموقع وعدد البنات الفي الباب
ودخول غرفة ام العروس والرقص فيها برضو من ضمن التقاليد في الاعراس والدخول
ما بيكون ساهل لانو صديقات العروس بيقفلوا الباب بيقفن صف امام الباب عشان
العريس ما يدخل بسهولة يعني عشان يتعبوه بس، بعد ما الشباب ينتهوا من ترتيبات تحضير العريس
يلا المغني بيبدا غنية ويتحركوا جارين نحو الغرفة مرات ما بتكون في
مقاومة من البنات فالجماعة بيدخلوا بسهولة وبعداك البنات بيدخلوا
الغرفة وكلهم يرقصوا لفترة بسيطة كدا وبعداك يطلعوا عشان يمشوا
يتابعوا سير العرس.
برضو جوك وشول وبقية الاخوة ممكن يضيفوا في الحتة دي
لك التقدير
|
Post: #133
Title: Re: تعال هنا يا انت شوف عرس الناس ديل كيف
Author: dombek yai
Date: 12-26-2008, 01:36 PM
Parent: #132
نهاركم سعيد يا ناس
طيب اذا قلنا العرس سار بصورة كويسة بدون اي خلافات كبيرة
نجي نشوف تحديد المهر بيكون كيف اها بعد ما الاسرتين يتبادلوا
عبارات المجاملة ممكن يقوم واحد من طرف العريس ويقول (با طو دا جاك بين دا)
والعبارة دي بتعني يا نسايبنا هدف جيتنا بقى واضح ونحن شاكرينكم على
حسن الاستقبال يلا ممكن تجونا بعد ده يعني ممكن تورونا مهر بتكم كم
وتحديد المهر زي ما انا ذكرت مسبقا بيتوقف على حاجات كتيرة من بينها
قامة البت يعني كلما كانت البت طويلة كلما كان المهر اكتر والعكس صحيح
وكمان لو عندها فلجة في اسنانها اها دي كمان بقرة او اتنين زيادة ده بالاضافة
لاخلاق البت وتعاملها مع الناس واستعدادها على العيش في اسرة كبيرة ونظام
الاسرة عندنا كمان دا موضوع طويل يعني الاسرة ما بتتكون من الاب والام والاطفال بس
ابدا ممكن يكون معاكم الخيلان والاعمام والعمات والخالات واولاد العم وقائمة تطول
ديل كلهم بيكونوا في الاسرة الواحدة وتحت مسؤلية راس البيت عشان كدا العروس بتكون
عارفة لو هي ماشة لاسرة كبيرة معناتو مسؤلياتها حتكون كتيرة.
بجيكم تاني
|
Post: #134
Title: Re: تعال هنا يا انت شوف عرس الناس ديل كيف
Author: محسن خالد
Date: 12-27-2008, 06:23 AM
Parent: #133
الأخ العزيز دمبيك، تحايا وافرة ومحبّات، وميري كريسماس للجميع
ياخي دا بوست جميل، وأتابع معك السطر بالسطر، وزدنا من هذا التنوير الثري والمُفيد
الكلام عن الحيوانات والثعابين على وجه الخصوص واقع لي في جرح عديل كدي، وكنت بفتش فيه في المراجع الكوشية القديمة، مع حيوانات كثيرة مثل (الثور) و(القرنتي) و(التمساح) و(الأسد) بهدف تتبعها داخل ثقافات السودان الحيّة حالياً. فدحين ح أزعجكم بالأسئلة وأرجو أن تدونا من سعة بالكم وعلمكم بهذه الثقافة في وجودها المعاصر بوسط ثقافات الجنوب، أنت والأخ شول دينق وزكريا جوزيف، ومن ينضم للكوكبة من بقية لاحقة.
---------------------------------
لزكريا جوزيف، وأرجو أن يصححني لو هنالك أخطاء، وأن يراجع مشكوراً رسمي للكلمات بالحرف اللاتيني أيضاً، هذا لأجل ضبط الصوت والتأكد منه:
1- دينق ياط .... DAING YAT
2- رينق ياط .... RAING YAT
3- بيار.... BAIAR
4- بايبور.... PIPOR
-----------------------------------
ولشول دينق:
1- أقوير ياط ... AGWAIR YAT
--------------------------------
ولدمبيك:
1- نيانق... التمساح... NIANG
2- شوار... طائر.... SHWAR
فما معادل (الثور) و(القرنتي) و(الأسد) في لغة الدينكا؟
أكون ممتناً لكم لو ترجمتم كل مفردة لها معنى في متناول يدكم إلى العربية أو الإنجليزية، أو إيراد أية قصص ومأثورات مرتبطة بهذه الحيوانات، ودام فضلكم.
-------------
زمان أخونا (الملك) في بوست مداخلات مسخّنة بيني وبين دكين، أورد مرافعة عن دكين بالتأصيل لثقافة (الثعبان) في الكوشيات. أها يا الملك تعال شوفها هسّع محفوظة وين من ثقافات السودان. لقد انقرضت تماماً -في وجودها المُباشر المتعلِّق بالعقيدة والنظام الاجتماعي- إلا في ثقافات الجنوب.
وكل عام والجميع بخير
|
Post: #141
Title: Re: تعال هنا يا انت شوف عرس الناس ديل كيف
Author: dombek yai
Date: 12-27-2008, 09:59 PM
Parent: #134
| Quote: فدحين ح أزعجكم بالأسئلة وأرجو أن تدونا من سعة بالكم وعلمكم بهذه الثقافة في وجودها المعاصر بوسط ثقافات الجنوب، |
الاخ محسن
اول حاجة ما في اي ازعاج والله وانا سعيد جدا على مشاركتك القيمة
وشول ود اختي ما قصر رد على استفساراتك ومستعدين للمزيد من اي
استفسارات بنجاوب قدر البنعرفو والغلبتنا برضو بنرسل الود شول
يسأل الكبار الفي الخرطوم.
كل عام وانت بالف خير
|
Post: #135
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-27-2008, 11:02 AM
Parent: #1
الاخ محسن خالد حبابك ومرحب بيك وكل سنة وإنت وكل الأهل بخير
اها... نجى للمهم:
| Quote: دينق ياط .... DAING YAT |
الاولانية دى ما متاكد إنها عندنا وإنشالله واحد من الأخوان يصححنى ... وإن وجد فالنطق بيكون كالآتى:
دينق ياض ... وممكن يكون باللاتينى كالآتى DENG YADH
| Quote: رينق ياط .... RAING YAT |
دى موجودة عندنا تب وكالسابق
رينق ياض ... RING YADH
بيار ... BIAR
دى غايتو ما عارفو
| Quote: أقوير ياط ... AGWAIR YAT |
دى يا محسن فى حالة نطقو بيدخلنا فى حركات زى النحو بتاع العربى والكلام الكتير داك بتاع النحو القريناهو زمان.
اقوير براهو كده ممكن يتنطق باللاتينى كده AGUER او AGWEIR
اما فى حالة يكون معاهو صفة "ياض" الهو بمعنى الكجور فبيكون نطقو مختلف كالآتى:
اقوير + ياض ... ينطق ... اقوين ياض "AGWEIN YADH"
| Quote: نيانق... التمساح... NIANG |
صحيحة بالضبط لكن هل تتخيل إنو النون والياء الإتنين بيتنطقوا كحرف واحد فى لغة الدينكا.
| Quote: شوار... طائر.... SHWAR |
الصحيح شوور ... CHOOR وتعنى النسر
| Quote: فما معادل (الثور) و(القرنتي) و(الأسد) في لغة الدينكا؟ |
الثور = ميور ... MIOR "حسب نطق دينكا نقوك" او موور ... MOOR "نطق دينكا أويل".
القرنتى = رو ... RAW
الأسد = كور ... KOOR
بالمناسبة العربى واللاتينى ما بيجيبو النطق المطلوب بالضبط والفوق ده إجتهاد من اخوك ... المهم الاخوان ممكن يجوا يصلحوا الغلط كان فى غلط وبكون شاكر برضو "اهو نطلب العلم من حيث اتى ولا نرفضه ومرحب بالتصويب للفائدة"
إنشالله اكون جاوبت جزء من تساؤلاتك وارجع تانى ونور البوست واسال ما بدأ زى ما عايز وكان قدرنا بنجاوبك ولو ما قدرنا إنشالله نمشى للناس الكبار الجنبنا وبنجيك بالأكيدة إنشالله.
كل سنة وإنت طيب والله يديك الفى بالك
محبتى الاكيدة
شول اشوانق دينق
_______________________
لقيت ولد أختكم كيف يا خيلانى دومبيك وجوك
|
Post: #142
Title: Re: تعال هنا يا انت شوف عرس الناس ديل كيف
Author: dombek yai
Date: 12-27-2008, 10:07 PM
Parent: #135
| Quote: لقيت ولد أختكم كيف يا خيلانى دومبيك وجوك |
شول وين نيان كاي (ود اختي) ما قصرت تب لقيتك خطيييير لكن
تسلم يا خي.
|
Post: #156
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-29-2008, 07:11 PM
Parent: #135
Quote: Quote: بايبور.... PIPOR
دى غايتو ما عارفو |
الاخ شول
انا اقصد ال viper بالإنجليزى لاننى لم جد ما يقابله بالعربى.
|
Post: #136
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-27-2008, 12:13 PM
Parent: #1
| Quote: ماشى اكتب كلام احتمال حايزعل الكثيرين خارج المنبر و اتمنى ان يخارجنى شول من الورطة المدخل نفسى فيها دى. بخصوص عدم الزواج من الاقارب, فهذه ليست تقليد فقط (مش بس الدينكا القبيلة الوحيدة البتمنع زواج الاقارب فى الجنوب), بل الحكاية تبدو انها تتعلق بما سينتجه زواج الاقارب. لحظو ان ثقافة الدينكا هى حول الابقار و تحسين النسل للابقار و ايجاد اجود انوع الابقار هو من اختصاص الدينكا, لذلك تجد ان الدينكا يقوموا بعمل كل شئ حتى لا ينجب عجل من ثور قريب لام العجل, وقعوا لكم الكلام. |
اخوى زكريا جوزيف كل سنة وإنت طيب والسنة الجاى يتحقق كل الأمانى
عدم زواج الدينكا من الأقارب إضافة لما ذكرت إنو تجنباً للأطفال المشوهين – مع إنى ما عرفت الدينكا زاتهم عرفو الكلام ده كيف - بيقلل من الصراعات بين القبائل والفروع وما إلى ذلك...
بمعنى ... لو حصل خلاف مثلاً بين فرعين من القبيلة ووصلت مرحلة حرب ممكن الحرب ده يتوقف بواسطة إبن مشترك بين الفرعين لانو الحرب ده بين اعمامو وخيلانو ولو هو جا ووقف فى النص بين المتحاربين طوالى الجماعة بيقيفوا وبيسمعوا كلامو وتوجيهو وبعدداك ممكن الناس تقعد وتحل المشكلة بواسطة السلاطين وحكماء القبيلة.
| Quote: اصحاب العاهات الوراثية موجودة عندنا و لكنهم قلة و زواجهم, مهما كثرت ابقارهم مصيبة. يعنى الدينكا يعرفوا ان زواج الاقارب يمكن ان ينتج عنه مشاكل طبية. |
بالمناسبة معاملة الدينكا لاصحاب العاهات دايرة مراجعة لانو تعاملهم معاهم يكاد لا يكون إنسانى بالمرة ... يعنى الزول العندو عاهة حتى ولو إتولد بيهو ناس الحلة واولاد دفعتو بيسمو باللقب البيلقبو بيهو الزول العندو العاهة ... على سبيل المثال ... الزول الاعرج الدينكا بيلقبو "نقول" ... "NGOL" وبيعير بيهو فى اقل إختلاف او ما شابه واولادو برضو ما بيريحوهم عشان ابوهم اعرج ... تخيلوا الزول ده عشان يحب سااااى مشكلة !
القرا كتاب د. فرانسيس دينق "طائر الشوم" ممكن يلاحظ الكلام ده برااااااها والله
شول اشوانق دينق
|
Post: #137
Title: Re: تعال هنا يا انت شوف عرس الناس ديل كيف
Author: الحاج حمد الحاج
Date: 12-27-2008, 02:28 PM
Parent: #136
dombek yai
متابعك باهتمام..بوست أكثر من رائع
|
Post: #138
Title: Re: تعال هنا يا انت شوف عرس الناس ديل كيف
Author: محسن خالد
Date: 12-27-2008, 06:15 PM
Parent: #137
مشكور يا شول، ولك الحب والشكر
أها الطلبات بتكتر، أخوك نقاق، وكان ما فهم ما بفوِّت الكلام ساكت.
في البداية يا ريتك تربط هذه الحيوانات بالمعتقدات حسب البتعرفو، والباقي بتموهو بقية الإخوة، وكذلك تربطها ببيوت الدينكا، عشان نعرف أولاد السلطان فلان علاقة احترامهم للحيوان الفلاني.
ولو هناك أي مأثورات من القصص والمرويات الشفاهية (passed on or transmitted) أكون من الشاكرين لو ذكرت البتعرفو منها.
الشيء التاني نقطة القرامر دي كدي أشرحها كويس، داير أعرف تداخل الكلمتين ديل بأثر علي الفونتيك كيف، ولياتو سبب؟
وكن بألف خير
|
Post: #144
Title: Re: تعال هنا يا انت شوف عرس الناس ديل كيف
Author: dombek yai
Date: 12-27-2008, 10:37 PM
Parent: #138
| Quote: في البداية يا ريتك تربط هذه الحيوانات بالمعتقدات حسب البتعرفو، |
الاخ محسن خالد
بالنسبة للحيوانات عندنا في عمودية ابيور مثلا في ناس بيحترموا (رينق ياط) من ضمنهم
ناس الوالد وناس الوالدة بيحترموا نوع اخر من الثعبان بيسموه (كور ياط) انت عارف
لمن كنت صغير بتذكر انو (كور ياط) دا مرة لف رجليني الاتنين وانا نائم فحسيت انو
في حاجة في رجلي ولمن صحيت من النوم لقيت الثعبان دا في رجلي قمت ناديت الوالدة
رحمها الله فقالت حاجة كدا لثعبان دا ما بتذكر قالت شنو انت عارف الثعبان فك رجلي
ومشي بدون ما يلدغني، في مسألة الحيوانات دي ممكن اخونا جوك وشول وزكريا يضيفوا الكتير.
لك التقدير
|
Post: #145
Title: Re: تعال هنا يا انت شوف عرس الناس ديل كيف
Author: dombek yai
Date: 12-27-2008, 10:48 PM
Parent: #138
|
Post: #158
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-29-2008, 07:49 PM
Parent: #138
Quote: الشيء التاني نقطة القرامر دي كدي أشرحها كويس، داير أعرف تداخل الكلمتين ديل بأثر علي الفونتيك كيف، ولياتو سبب؟
وكن بألف خير |
الاخ محسن
القصة ليست قرامر بل فونيتكز (phonetics) بتاعة لغة الدينكا و توجد حروف للغة الدينكا الملاتنة (latinizied) لتسهيل النطق. فمثلا: Nyang او التمساح, الحرف Nya ليس (نا) فى العربية و ليس موجود فى العربية على الرغم من ان غالبية السودانين فى الشمال ينطقونه. الحرف ينطق as in نيالا او (نج) فى الدلانج. الحرف دى بجيب مشاكل كبيرة للجنوبين عندما يتعرفوا على بعض العراب. عندى صديق عزيز جدا اسمه Manyok
و اسمه ينطق بطريقه سليمة من قبل الناطقين بالفرنسية و الاسبانية و انا هنا بقصد الحرف (نج). اها كان فى واحد فلسطينى بيدرس معه فى الجامعة عندما كنا فى كوبا فى التسعينات و الزول دى كان مشابكو يوميا : صباح الخير يا رفيق Manyok و طبعا اخونا ظن ان السبب فى اصرار الرجل على نطق اسمه بهذه الطريقة الغريبة لان العربية ليست فيها هذا الحرف و لكن الرفيق كان بيشم رائحة الخبث فى كل مرة و زول دى مترين و تلت و قروى و لو زعل منك, شيل شيلك. واحد يمنى جنوبى عرف ما كان يخفيه هذا الفلسطبنى و قام بشرحه اليه. اليوم التالى, اخذو الرفيق الفلسطينى الى مستشفى حيث مضى فيه عام كامل. صديقى هذا, دافع عنه محمامون كوببن اكفاء و تم براءه.
معليش يا دمبيك, خرجنا شوية من الموضوع.
ضربو باليد و بعد داك كاد يقضى عليه بالبيز بول بات.
|
Post: #174
Title: Re: تعال هنا يا انت شوف عرس الناس ديل كيف
Author: dombek yai
Date: 12-30-2008, 03:28 PM
Parent: #158
| Quote: و انا هنا بقصد الحرف (نج). |
العزيز ابوزيك والله جبت موضوع مهم جدا في حكاية الاسماء دي
فعلا لمن الزول ينطق اسمك بطريقة غير سليمة الواحد بيحس زي
كانو الزول دا ما بيحترمك او كلام زي دا عندنا اسماء صعبة ايوة
لكن برضو دايرة شوية اجتهاد ومن اصعب الاسماء بالنسبة للناطقين
بالعربية اسم (نقور) صعب ينطق صح بينطقوه( ناقور) لكن الزول لو
نطق الدلنج صح او Nyang مفروض ينطق نقور صحيح.
| Quote: ضربو باليد و بعد داك كاد يقضى عليه بالبيز بول بات |
غايتو يا ابوزيك زولك دا ربنا ستره ساقت قرب يوديهو الآخرة
| Quote: معليش يا دمبيك, خرجنا شوية من الموضوع. |
البيت بيتك يا ابو الشباب
|
Post: #143
Title: Re: تعال هنا يا انت شوف عرس الناس ديل كيف
Author: dombek yai
Date: 12-27-2008, 10:11 PM
Parent: #137
| Quote: متابعك باهتمام..بوست أكثر من رائع |
الاخ الحاج حمد
مشكور على المرور والمتابعة
نورت بيتك
|
Post: #146
Title: Re: تعال هنا يا انت شوف عرس الناس ديل كيف
Author: dombek yai
Date: 12-28-2008, 04:56 PM
Parent: #143
اها يلا نشوف اهل العروس بيسموا مهر بتهم كيف
ما بيقوم واحد منهم ويقول والله نحن حددنا مهر بتنا
بمئة بقرة مثلا البيحصل انو بجي واحد منهم
شايل معاهو مجموعة من العيدان اكبر حجما شوية من
عيدان الكبريت ويسلمها لوالد العريس يلا العيدان ديل
كل عود بيعادل عشر بقرات يعني كان خدتوا قدام
والد العريس 15 عود معناتو مهر البت 150 بقرة وكان
خدتوا عشرة معناتو 100 بقرة والحكاية بتكون بالشكل دا
اها بجي دور اهل العريس يردوا على تسمية المهر من طرف
اهل العروس يلا بيقموا يطلعوا 3 مثلا من 10 اعواد ويرجعوا
السبعة عيدان لاهل العروس دا معناتو نحن موافقين
انو المهر يكون سبعين بقرة ولو كان العيدان 15 ممكن
يطلعوا خمسة ويرجعوا العشرة بمعنى هم موافقين على 100 بقرة
كمان اهل العريس لمن يجوا يطلعوا العيدان هم بيكونوا
حريصين شديد انو ما يطلعوا نص العدد او اكتر عشان دا
ممكن اهل العروس يعتبره استفذاذ ليهم وعدم احترام لبتهم
لكن احيانا لو في مبالغة من طرف اهل العروس ممكن ناس العريس يطلعوا النص
يعني مثلا لو جابوا 30 عود وهم شايفين انو البت ما فيها المؤهلات
البتخل مهرها يكون قدر ده هنا اهل العريس ممكن يطلعوا نص العدد
او اكتر وبعداك يستعدوا للنقاش.
|
Post: #147
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-28-2008, 08:27 PM
Parent: #1
Quote: مشكور يا شول، ولك الحب والشكر
أها الطلبات بتكتر، أخوك نقاق، وكان ما فهم ما بفوِّت الكلام ساكت.
في البداية يا ريتك تربط هذه الحيوانات بالمعتقدات حسب البتعرفو، والباقي بتموهو بقية الإخوة، وكذلك تربطها ببيوت الدينكا، عشان نعرف أولاد السلطان فلان علاقة احترامهم للحيوان الفلاني.
ولو هناك أي مأثورات من القصص والمرويات الشفاهية (passed on or transmitted) أكون من الشاكرين لو ذكرت البتعرفو منها.
الشيء التاني نقطة القرامر دي كدي أشرحها كويس، داير أعرف تداخل الكلمتين ديل بأثر علي الفونتيك كيف، ولياتو سبب؟
وكن بألف خير |
اخى محسن خالد
ياخ لك الشكر اجزله على الشكر وزيادة الطلبات ... اصلو انا راسى ما بجى لو ما طلبو منى حاجة ... وبالله شوف كلام دومبيك الفوق داك كويس وجاييك باقى الدراب.
تسلم يا اخوى
شول اشوانق دينق
_____________________
يا خال ما تخاف بكرة بمشى بكشكش الجماعة وبجيب الأكيدة
|
Post: #148
Title: Re: تعال هنا يا انت شوف عرس الناس ديل كيف
Author: dombek yai
Date: 12-29-2008, 10:20 AM
Parent: #147
| Quote: يا خال ما تخاف بكرة بمشى بكشكش الجماعة وبجيب الأكيدة |
في انتظار المزيد يا عم
|
Post: #149
Title: Re: تعال هنا يا انت شوف عرس الناس ديل كيف
Author: Hadeer Alzain
Date: 12-29-2008, 12:56 PM
Parent: #148
دومبيك وشول كل سنة وانتو بالف خير وعافية ..
متابعين معاكم من أول يوم هذا البوست الرائع كروعتكم
عندي سؤال خارجي:
ما في حاجة جايبة لينا الإستعلاء الذكوري دا يا دومبيك يا أخوي
غير قصة البيع دي (قصدي بيعنا لجنس الذكور وكدا)
ولا إنتو الإستعلاء دا ما عندكم في الجنوب ؟
رغم شكي في ذلك (وش ضاحك)
أها الحل شنو ؟
نعرسكم مجان ونجرب؟
التحايا والتقدير ..
|
Post: #150
Title: Re: تعال هنا يا انت شوف عرس الناس ديل كيف
Author: dombek yai
Date: 12-29-2008, 03:29 PM
Parent: #149
Hadeer
Quote: متابعين معاكم من أول يوم هذا البوست الرائع كروعتكم
|
مشكور كتير على المتابعة والمشاركة
اسمح لي اخلي التعليق لشول ودا اختي شايفو نام شوية
كل سنة وانت طيب ربنا يحقق الاماني
|
Post: #151
Title: Re: تعال هنا يا انت شوف عرس الناس ديل كيف
Author: dombek yai
Date: 12-29-2008, 03:50 PM
Parent: #150
Quote: وعندما نتحدث عن الزواج يكون في ذاكرتنا حقيقة واحدة هى الانجاب بمعنى ان الهدف من الزواج هو
انجاب ذرية تحافظ على البقاء والوجود.مثلا اذا تزوجت فتاة او شاب ولا قدر الله ان وجد نفسه و نفسها
عاقر او عاقرة فيتم معالجة أمر بدون طلاق. ففي حالة الشاب فان مهمة الانجاب يمكن ان يترك لشقيقه
او لو كانت الفتاة عاقرة بعد الزواج فان حكاية الطلاق غير واردة ولكن يحق للرجل ان يتزوج ثانية
ويحتفظ بزوجته العاقرة كالسيدة الاولي في أسرته |
داير اضيف لكلام اخونا جوك بيونق الفوق دا
فعلا عدم الانجاب عندنا ما مشكلة كبيرة ممكن تؤدي للطلاق زي ما هو قال اذا كانت العلة عند الزوج
بيتم الاتفاق داخل الاسرة انو شقيقو ينجب ليهو الاطفال لكن بيكونو شايلين اسمو وهو البيكون مسئول من تربيتهم
والكلام دا ما بيكون معروف لناس خارج الاسرة وحتى داخل الاسرة زاتو بيكون في حدود معينة ولو كانت العلة
عند الزوجة هي برااااها بتقترح لزوجها انو يشوف ليهو عروس جديد تنجب ليهو اطفال وهي بتكون راضية تمام
عشان زوجها يعرس وبيكونوا قاعدين في بيت واحد، فالطلاق في ثقافتنا نادر ما بيحصل لانو مهما كانت الخلافات
في الاسرة الناس بيحاولوا يعالجوها باي شكل من الاشكال عشان يحافظوا على تماسك الاسرة.
لنا عودة
|
Post: #152
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 03:54 PM
Parent: #1
| Quote: في انتظار المزيد يا عم |
والله يا خال النت لسه ما على بعضو عندنا هنا!!!
حاجة عجيبة!!
شول اشوانق دينق
|
Post: #153
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 04:08 PM
Parent: #1
Quote: Quote: وعندما نتحدث عن الزواج يكون في ذاكرتنا حقيقة واحدة هى الانجاب بمعنى ان الهدف من الزواج هو
انجاب ذرية تحافظ على البقاء والوجود.مثلا اذا تزوجت فتاة او شاب ولا قدر الله ان وجد نفسه و نفسها
عاقر او عاقرة فيتم معالجة أمر بدون طلاق. ففي حالة الشاب فان مهمة الانجاب يمكن ان يترك لشقيقه
او لو كانت الفتاة عاقرة بعد الزواج فان حكاية الطلاق غير واردة ولكن يحق للرجل ان يتزوج ثانية
ويحتفظ بزوجته العاقرة كالسيدة الاولي في أسرته
داير اضيف لكلام اخونا جوك بيونق الفوق دا
فعلا عدم الانجاب عندنا ما مشكلة كبيرة ممكن تؤدي للطلاق زي ما هو قال اذا كانت العلة عند الزوج
بيتم الاتفاق داخل الاسرة انو شقيقو ينجب ليهو الاطفال لكن بيكونو شايلين اسمو وهو البيكون مسئول من تربيتهم
والكلام دا ما بيكون معروف لناس خارج الاسرة وحتى داخل الاسرة زاتو بيكون في حدود معينة ولو كانت العلة
عند الزوجة هي برااااها بتقترح لزوجها انو يشوف ليهو عروس جديد تنجب ليهو اطفال وهي بتكون راضية تمام
عشان زوجها يعرس وبيكونوا قاعدين في بيت واحد، فالطلاق في ثقافتنا نادر ما بيحصل لانو مهما كانت الخلافات
في الاسرة الناس بيحاولوا يعالجوها باي شكل من الاشكال عشان يحافظوا على تماسك الاسرة.
لنا عودة |
يا خيلانى ... داير اكون مع الناس البيسالوا ... سمح
الدينكا من اساسو بيعرفوا كيف إنو الراجل هو الما بينجب او المرا هى الما بتنجب؟!
بصراحة السؤال ده زمان ما خطر على بالى إلا بعد مداخلاتكم هنا ... تصدقوا!
شكراً سودانيزاونلاين
شول اشوانق دينق
|
Post: #154
Title: Re: تعال هنا يا انت شوف عرس الناس ديل كيف
Author: dombek yai
Date: 12-29-2008, 04:25 PM
Parent: #153
| Quote: الدينكا من اساسو بيعرفوا كيف إنو الراجل هو الما بينجب او المرا هى الما بتنجب؟! |
انت عارف كدا نسأل اخونا جوك عشان يدينا الاكيدة غايتو في حاجة كدا بيعملوا لو الزوجين طولوا وما انجبوا
عشان يعرفوا العلة من منو بس انا ما بتذكر بالظبط كدا اخونا قير تور برضو لو جانا بجاي ممكن يساعدنا في
القصة دي وكمان لو د. كوال اروب في الخرطوم ممكن تسألو لينا او اي واحد من الجلاكين ديل
شكرا يا عم على الملاحظة القوية دي
|
Post: #163
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-29-2008, 08:55 PM
Parent: #153
Quote: الدينكا من اساسو بيعرفوا كيف إنو الراجل هو الما بينجب او المرا هى الما بتنجب؟!
بصراحة السؤال ده زمان ما خطر على بالى إلا بعد مداخلاتكم هنا ... تصدقوا! |
حسب فهمى, فهذه العادة تلجا اليها بعض الاسر بعد الزواج الثانى للرجل و ليس الزواج الاول. سبب اللجؤ الى هذه العادة, (اظن انها انقرضت فى المجتمع الدينكا), هو ان ثقافة الدينكا تجبر على الزواج و الانجاب لاسباب شرحها جوك. و لكن وراء هذه العادة بعض المعتقدات الافريقية حيث اننا نعتبر الموت و الغياب عن الدنيا (physical) و ان اروح الاقرباء تعيش بيننا و لذلك يجب الإحتفاظ على مكانهم فى الاسرة و ذلك بالاحتفاظ ب (lineage) بتاعتهم داخل الاسرة من خلال الابناء يحملوا اسماءهم.
|
Post: #155
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 06:07 PM
Parent: #1
فوق
|
Post: #157
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 07:35 PM
Parent: #1
Quote: الاخ شول
انا اقصد ال viper بالإنجليزى لاننى لم جد ما يقابله بالعربى. |
إنت قصدت
the green one
ولّ
وإذا كان غير ديل ورينا وآآآآآسف لعدم فهمك عزيزى زكريا جوزيف
شول اشوانق دينق
______________________
البيخاف من الثعابين يطر بعيد
|
Post: #160
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-29-2008, 08:11 PM
Parent: #157
Quote: إنت قصدت
the green one |
شول
سلامات
اتيم ياط غالبا ما يكون ابيض و اسود او بنى و اسود. فاياط فى التويج هم اصحاب هذا الثعبان. شكله ذى rattle snake فى اميركا الشمالية و بيعمل صوت مخيف محظرا و معلنا وجوده و دى بيترجم بانه يريد ان يترك لواحده و عدماإقتراب به.
Deng yath من جهة الاخرى, صغير و رقيق و غير مسمم. لونه ابيض مع black spot on the neck.
شكرا
|
Post: #161
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 08:14 PM
Parent: #1
Quote: الاخ محسن
القصة ليست قرامر بل فونيتكز (phonetics) بتاعة لغة الدينكا و توجد حروف للغة الدينكا الملاتنة (latinizied) لتسهيل النطق. فمثلا: Nyang او التمساح, الحرف Nya ليس (نا) فى العربية و ليس موجود فى العربية على الرغم من ان غالبية السودانين فى الشمال ينطقونه. الحرف ينطق as in نيالا او (نج) فى الدلانج. الحرف دى بجيب مشاكل كبيرة للجنوبين عندما يتعرفوا على بعض العراب. |
زكريا .. ياخ إنت كنت وين ياخ
الف شكر على التصحيح ياخ وكده ماشين تمام.
شول اشوانق دينق
_______________________
بقينا عتالة يا خال!!! بس ما كتير على اخوانا واصحابنا ... موش
|
Post: #175
Title: Re: تعال هنا يا انت شوف عرس الناس ديل كيف
Author: dombek yai
Date: 12-30-2008, 03:42 PM
Parent: #161
| Quote: بقينا عتالة يا خال!!! بس ما كتير على اخوانا واصحابنا ... موش |
الناس ديل بيستاهلو كل خير يا بنج ديد
|
Post: #162
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 08:49 PM
Parent: #1
Quote: اتيم ياط غالبا ما يكون ابيض و اسود او بنى و اسود. فاياط فى التويج هم اصحاب هذا الثعبان. شكله ذى rattle snake فى اميركا الشمالية و بيعمل صوت مخيف محظرا و معلنا وجوده و دى بيترجم بانه يريد ان يترك لواحده و عدماإقتراب به.
Deng yath من جهة الاخرى, صغير و رقيق و غير مسمم. لونه ابيض مع black spot on the neck. |
this is my first information about these beloved snakes dear Zakaria
thank you soooooo much
شول
|
Post: #164
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 09:09 PM
Parent: #1
| Quote: حسب فهمى, فهذه العادة تلجا اليها بعض الاسر بعد الزواج الثانى للرجل و ليس الزواج الاول. سبب اللجؤ الى هذه العادة, (اظن انها انقرضت فى المجتمع الدينكا), هو ان ثقافة الدينكا تجبر على الزواج و الانجاب لاسباب شرحها جوك. و لكن وراء هذه العادة بعض المعتقدات الافريقية حيث اننا نعتبر الموت و الغياب عن الدنيا (physical) و ان اروح الاقرباء تعيش بيننا و لذلك يجب الإحتفاظ على مكانهم فى الاسرة و ذلك بالاحتفاظ ب (lineage) بتاعتهم داخل الاسرة من خلال الابناء يحملوا اسماءهم. |
مازال موجوداً اخى جوزيف ... على الأقل هناك فى دار دينكا الأصلى.
وحتى هنا فى الخرطوم .. حتى التسعينيات كانت هذه العادة موجودة واذكر كم نفر من الشباب الشطّار جداً تركوا الدراسة بناءاً على هذه العادة للمسئوليات.
تشكر يا عزيز
شول اشوانق
|
Post: #165
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-29-2008, 09:21 PM
Parent: #164
Quote: مازال موجوداً اخى جوزيف ... على الأقل هناك فى دار دينكا الأصلى.
وحتى هنا فى الخرطوم .. حتى التسعينيات كانت هذه العادة موجودة واذكر كم نفر من الشباب الشطّار جداً تركوا الدراسة بناءاً على هذه العادة للمسئوليات. |
و بالمناسبة, هذه العادة موجودة فى كل القبائل النيلية فى الجنوب تقريبا.
الشباب ديل تركوا الدراسة بسبب التيستاسترون (testosterone) و لا مسؤلية???? و الله بالغت فى دى يا شول.
|
Post: #166
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 09:47 PM
Parent: #1
نعم العادة تمارس عند القبائل النيلية جميعهم ولكن:
| Quote: الشباب ديل تركوا الدراسة بسبب التيستاسترون (testosterone) و لا مسؤلية???? و الله بالغت فى دى يا شول. |
كيف يعنى؟!
|
Post: #167
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 12-29-2008, 09:54 PM
Parent: #166
انت ما شايف التور البهيج بدون سبب? دى testosterone يا اخوى.
|
Post: #168
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-29-2008, 10:04 PM
Parent: #1
| Quote: انت ما شايف التور البهيج بدون سبب? دى testosterone يا اخوى. |
يا زكريا حالة التور الهائج ده والشباب العرفتهم مختلف شديد والله ياخ
تسلم
شول اشوانق
|
Post: #170
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-30-2008, 09:46 AM
Parent: #1
Quote: انا هسع قاعد اتصل بناسنا المحس عشان اقدر اجمع صورة متكاملة عن العادات والتقليد في الاعراس
اصلو منطقة المحس كبيرة ومشرورة على ضفاف النيل وكل منطقة ليها خصوصيتها مع اننا نتفق في ليلة الحنة وليلة الشافلتي...
بس شوية كدة وبجيكم
همتك معانا يا محسية |
ده الكلام والله اخونا زمراوى الولى
كل سنة وإنت طيب وراجينكم
شول اشوانق دينق
|
Post: #171
Title: Re: تعال هنا يا انت شوف عرس الناس ديل كيف
Author: dombek yai
Date: 12-30-2008, 12:04 PM
Parent: #170
نهاركم سعيد اخواتي (ladies first) واخواني اعضاء البيت السوداني
غايتو شول وزكريا سخنتوا البوست عندي حاجة بعمل فيها لمن انتهي بجيكم
واحد واحد
|
Post: #176
Title: Re: تعال هنا يا انت شوف عرس الناس ديل كيف
Author: dombek yai
Date: 12-30-2008, 04:05 PM
Parent: #171
نواصل
بعدما اهل العريس يطلعوا عدد من العيدان ويرجعوا البقية هنا احيانا بيحصل نقاش
اهل العروس بيردوا ويعددوا مزايا بتهم عشان كدا هم بيشفوا المهر القالوه ده معقول
وبنفس الطريقة اهل العريس بيردوا بمبررات تانية تدعم موقفهم والحكاية بتستمر كده
يلا بعداك لو النقاش بقى حاد شديد بيدخل المحايدين من الطرفين عشان يشوفو حلول وسطى
ترضي الطرفين والمحايدين ديل غالبا بيكونو من عموديات تانية غير عمودية العروس او العريس
مرات لو اهل العريس غنيانين شديد وعندهم كمية كبيرة من الابقار ودايرين البت دي شديد بيقموا
يرجعوا العيدان زي ما هي دا معناتو وافقنا على مهر بتكم زي ما هي وهنا بيقوم المغني من طرف
العروس ويجيب غنية والشباب يطلعوا من محل المناسبة للنقارة ويبدا الرقص وفي الوقت داك اهل
العروس بيجهزوا الاكل للضيوف.
نواصل
|
Post: #177
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-30-2008, 06:46 PM
Parent: #1
Quote: مشكور يا شول، ولك الحب والشكر
أها الطلبات بتكتر، أخوك نقاق، وكان ما فهم ما بفوِّت الكلام ساكت.
في البداية يا ريتك تربط هذه الحيوانات بالمعتقدات حسب البتعرفو، والباقي بتموهو بقية الإخوة، وكذلك تربطها ببيوت الدينكا، عشان نعرف أولاد السلطان فلان علاقة احترامهم للحيوان الفلاني.
ولو هناك أي مأثورات من القصص والمرويات الشفاهية (passed on or transmitted) أكون من الشاكرين لو ذكرت البتعرفو منها.
الشيء التاني نقطة القرامر دي كدي أشرحها كويس، داير أعرف تداخل الكلمتين ديل بأثر علي الفونتيك كيف، ولياتو سبب؟
وكن بألف خير |
اخى واستاذى محسن خالد
بعد التحية
اتيتك بشئ بسيط مما طلبت وسآتى إنشالله بالمزيد واتمنى الصبر والمتابعة والملاحظة والسؤال لانه الأهم...
طيب نخش فى الغريق يا اخوى:
علاقة الدينكا بالحيوانات
علاقة عشيرة فليويل بالقرود:
هذه العشيرة يحترمون "لهم صلة قرابة" بالقرود وهذه العلاقة جاءت وفق القصة "الاسطورة" التالية:
قديماً قيل إن شباب وشابات هذه القبيلة فى التوج ذهبوا إلى البحر لإقتلاع "كى KEI "* جزور نباتات البحر الصغيرة التى تقوم على الشواطى بغرض الأكل فهى تشبه البامبى ... وعندما عادوا فى المساء كان ايديهم متشخة وقاتمة السواد فتم توبيخهم بشدة وبعدها تم طردهم بحجة إن اياديدهم اشبه بايادى القرود... فذهب هؤلاء الفتية والفتيات إلى الغابة وعاشوا حياة القرود واصبحوا مثلهم.
والآن هذه العشيرة تحرم قتل القرد واكل لحمه.
علاقة عشيرة فجينق بالثعبان**:
جاءت الإسطورة على إنه قديماً ... كان هناك شخص يدعى أجانق "جد هذه العشيرة" وله صاحب يدعى ديانق بار من عشيرة أخرى "فشينج PACHENJ"***... وفى يوم من الأيام ذهب اجانق لكى يرعى ابقاره وأخذ حربة صاحبه ديانق، واثناء رعيه وجد ثعباناً فضربه بالحربة ولكن الثعبان تمكن من الهروب مع الحربة ودخل إلى جحر كبير داخل تلة طينية صلبة جداً "ريل RAEL".
فى المساء عندما اتى اجانق إلى الحى ساله صاحبه ديانق بار عن حربته وحدثه اجانق عن حكايته وفقده للحربة.
اصر ديانق على ان يعيد اجانق حربته ... فاعطاه اجانق إحدى حرابه ولكن ديانق طالب بحربته الأصلية التى هرب به الثعبان ومع إصرار ديانق على إستيعاد حربته الأصلية من اجانق ورغم الأجاويد ... قرر اجانق الذهاب إلى المكان الذى دخل إليه الثعبان.
بعد وصوله إلى المكان ... بدا اجانق بالحفر على التلة، وبعد مضى ثلاثة اشهر ... تمكن من الوصول إلى مكان تحت الأرض عبارة عن بيت للثعابين المصابين بالحراب وكانت كل الحراب موضوعة فى شكل رزمة واحدة.
مع ظهور اجانق حاول الثعابين المصابة مهاجمته ولكن، رئيس الثعابين امرهم بالكفاف عن مهاجمة الرجل ومعرفة اسباب مجيئه اولاً فقص اجانق حكايته ... فساله رئيس الثعابين: هل تقدر على تعرف الحربة خاصتك من بين هذه الحراب. فاجاب اجانق بانه يستطيع... وبالفعل ذهب واحضر حربته.
فقال له رئيس الثعابين ... ستذهب من هنا ولكن، من الآن فصاعداً سنكون اقرباء ... إذا وجدت احدنا لا تمسه بسوء وإذا لدغك أى فرد منا او ابناءك واحفادك فسيموت وقتياً.
بعدها نادى رئيس الثعابين إبنته وطالبها بمرافقة اجانق ... واوصل بننت رئيس السلاطين اجانق حتى مشارف الحى وبعدها رجعت.
وعندما جاء اجانق إلى الحى وجد ام ديانق بار قد توفت وقام ديانق بكفن امه بغطاء اجانق.
جاء اجانق وأعطى صاحبه ديانق. وعندما نادى لكى يلتوا له بغطاءه ... قيل له إن ديانق قام بإستعمال الغطاء لدفن امه بها، فرفض اجانق الجلوس وطالب بغطاءه لكى يجلس عليه!
عليه، ذهب ديانق ونبش قبر امه واحضر الغطاء ... فقام اجانق باخذ الغطاء ورميه فى الخلاء.
______________________________________________________________________
* صراحة لم اعرف الإسم المرادف لـ "كى KAI" باللغة العربية.
** هذا الثعبان اسود اللون.
*** فشينج هذه عشيرة تحترم اللالوب.
ديانق بار ... ديانق هنا الإسم وبار هنا صفة بمعنى طويل "آسف للسهو احبتى" ((هذا سبب التعديل))
ملحوظة: كل هذه العشائر تتبع لدينكا ملوال "اويل" وهنا يجدر بى شكر عمى الجليل اكين اثيانق اقوير على المعلومات القيمة التى قدمها لى.
طبعاً الاخوان إنشالله ما يقصروا خاصة فى حالة الاسماء بتاع الدينكا وحتى إن كان فى إضافة او سمعوا عن اسطورة اخرى غير التى اتينا بها.
خالص الود والتحايا
شول اشوانق دينق
|
Post: #178
Title: Re: تعال هنا يا انت شوف عرس الناس ديل كيف
Author: dombek yai
Date: 12-31-2008, 10:27 AM
Parent: #177
| Quote: والآن هذه العشيرة تحرم قتل القرد واكل لحمه. |
انت يا اخوي في الناس في الدينكا بيأكلوا القرود ولا شنو؟
لكن يا باشا اجتهاد كويس بالله واصل فيه.
ـــــــــــــــــــــــــــــــــــــــــــ
بمناسبة القرود دي عندنا في زامبيا هنا في قبائل كدي متخصصين في اكل القرود
فمرة في واحد شاب مسلم من القبائل ديل قام لمة فيهو واحد من الشيوخ ديل هنا
وقال ليهو يا خي انتو ناس مسلمين حسه عليك الله القرد دا ما زي انسان
انتو ليه بتاكلوه؟ قام اخونا دا رد للشيخ وقال ليهو شوف يا مولانا كل شئ الا ده
القرد دا لو قال لا اله الا الله برضو ما بنخليهو. عالم جعانة.
جاييكم
|
Post: #179
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-31-2008, 02:12 PM
Parent: #1
والله يا خال ... طبعاً مافى دينكا بياكلوا القرود بس اللغة غالبنى شوية وما عارف عشان اكتب الكلام ده قاعد اتعب كيف مع اللغة ياخ
عموماً شكراً على الإلتفات إلى هذه النقطة وفعلاً العربى ممكن يقولك كلام إنت ما قاصدو ... يعنى واو عطف ساى بجيب اجلك ويطلع عينك ذى الترتيب
نرجع لموضوعنا مع الحيوانات الما كملناهو لسه:
علاقة عشيرة "فشير" بالسمك أشيروالثعبان أقوير والنبات اقيب "الدليب" والنبات كويل
يقال إن لهذه العلاقة صلة بالبحر، يقال فى قديم الزمان ذهب جد العشيرة الأول إلى البحر وجعله ملاذاً له ولم يخرج منها ابداً، وأثناء إقامته داخل البحر وجد أشول ديد "جدة العشيرة" (إحدى بنات عشيرة فرياط) فتزوجا وانجبا إبنهم البكر أقوير ال1ى بدوره خرج من المياه وكون العشيرة.
- اشير ACHAER... سمك نادر جداً توجد فى البحر وعند إصطياده يلاحظ الصياد بكل وضوح هذا السمك يبكى ويلاحظ بكل دقة دموعه!!
- أقوير AGUER OR AGWER... ثعبان الكوبرا.
كما يقال أن أشير "حفيد أشير" فى ذلك الزمان بعد ان بلغ به الكبر مرحلة فقد البصر وكان فى تلك الفترات قانون القوى ياكل الضعيف هو القانون السائد.
فى إحدى الأيام اتت عشيرة أخرى وهاجمت العشيرة ففروا ولم يقدر أشير ديد الهرب وقام صبى صغير باخذه واجلسه تحت شجرة اقيب AGEAB "شجرة الدليب" صغيرة وقصيرة داخل فناء المنزل ... وعندما اتى المهاجمون صعد على الشجرة الصغيرة وفجاة اصبحت الشجرة طويلة للغاية ولم يتمكن المهاجمون من رؤيته.
بعد ذهابالمهاجمون عاد الشجرة كما كانت ونزل أشير منها ... فجاءت بقرة (نياليك NYALEK ) ... بقرة بيضاء مع وجود نقاط بنية فاتحة على راسها ... وبدات فى لحس عيون أشير حتى عاد له البصر.
بعدها إتجه صوب البحر.
...
العشيرة اثناء هروبهم إتجهوا إلى البحر ... وهم على الشاطى غلبهم التصرف فى ظل قدوم الأعداء من خلفهم ..
طلبوا من جد العشيرة الأول أشير الذى داخل الماء مساعدتهم فى محنتهم والورطة.
إنشق البحر نصفين وعبر العشيرة إلى الطرف الآخر ... وعندما جاء اعداءهم وحاولوا عبور البحر وفى منتصف البحر ... إنطبق البحر عليهم وماتوا جميعاً.*
...
جاء أشير إلى شاطئ البحر وبدأ التفكير فى إمكانية عبور البحر ... وفجاة، ظهرت ورقة شجرة يسميها العشيرة "كويل KUEIL OR KWEL" متجهة صوب أشير من داخل البحر وثبت امامه تماماً ... فجلس أشير عليها وعبر البحر.
ومنذ ذلك الحين اصبح العشيرة تحترم شجرة اقيب "الدليب" وشجرة كويل "من النباتات المتسلقة".
ملاحظات:
- افراد هذه العشيرة لا يقتلون الكوبرا بل يكون معهم داخل بيوتهم ولا يمسهم بسوء ما إنى حتى الآن لم اجد الصلة والقصة الكاملة عن علاقتهم بهذا الثعبان!.
- فى حالة داس احد أفراد العشيرة بقدمه على عظام الثعبان أقوير يقال إن ساقه يظهر عليه بقع اشبه بلون هذا الثعبان.
- إحدى البيوت المشهورة فى عشيرة فشير سمى على إسم النبات كويل ... يقال فان كويل PAN KUEIL أى بيت كويل.
شول اشوانق دينق
_________________________________
* هذه القصة اشبه بقصة عبور النبى موسى مع الشعب اليهودى للبحر الأحمر بالذات من خلال إنشطار البحر لنصفين
|
Post: #180
Title: Re: تعال هنا يا انت شوف عرس الناس ديل كيف
Author: dombek yai
Date: 12-31-2008, 03:42 PM
Parent: #179
| Quote: والله يا خال ... طبعاً مافى دينكا بياكلوا القرود بس اللغة غالبنى شوية وما عارف عشان اكتب الكلام ده قاعد اتعب كيف مع اللغة ياخ |
انت قائل روحك براااك يا اخوي ما كلنا تعبانين وكمان انت احسن مني بكتير لكن طالما الجماعة ديل بيفهموا كلامنا ده كويس
| Quote: يعنى واو عطف ساى بجيب اجلك ويطلع عينك ذى الترتيب |
ما عشان كده يا ابو الشباب غيرنا طريقة العرض اخوك كان عامل فيهو ولا عبد الله الطيب في بداية البوست لكن لمن شوفت الموضوع
كبير قلنا نقلب دارجي احسن بدلا ما نتورض سااااااي مع البروفسيورات القاعدين في المنبر دا، لقيت خالك كيف موش خطيير؟
| Quote: علاقة عشيرة "فشير" بالسمك أشيروالثعبان أقوير والنبات اقيب "الدليب" والنبات كويل |
انت عارف اول مرة اسمع القصص دي بالله اشكر لينا عمك ده تاني
|
Post: #181
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 12-31-2008, 05:31 PM
Parent: #1
| Quote: انت قائل روحك براااك يا اخوي ما كلنا تعبانين وكمان انت احسن مني بكتير لكن طالما الجماعة ديل بيفهموا كلامنا ده كويس |
Quote: ما عشان كده يا ابو الشباب غيرنا طريقة العرض اخوك كان عامل فيهو ولا عبد الله الطيب في بداية البوست لكن لمن شوفت الموضوع
كبير قلنا نقلب دارجي احسن بدلا ما نتورض سااااااي مع البروفسيورات القاعدين في المنبر دا، لقيت خالك كيف موش خطيير؟ |
لا اكان كده اتجدع ساى طالما ما انا براى التعبان ... وانبسط جداً طالما كلامى الجماعة فاهمينو ... "إنت متاكد يا خال"
لكن لقيتك خترى عديل ... بتفهما وهى طايرة قتا لى
| Quote: انت عارف اول مرة اسمع القصص دي بالله اشكر لينا عمك ده تاني |
عمى ده قاليك اصلو حاجة تعريفية للناس وفى نفس الوكت توثيق لى حاجاتنا الزمان ... ما حيقصر ووعدنى بالمزيد إنشالله.
شول اشوانق دينق
|
Post: #182
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-01-2009, 03:33 PM
Parent: #1
فوق عشان بداية السنة وكده
|
Post: #183
Title: Re: تعال هنا يا انت شوف عرس الناس ديل كيف
Author: dombek yai
Date: 01-01-2009, 06:11 PM
Parent: #182
كل سنة وانتو طيبين يا اهل الدار بمناسبة العام الجديد ان شاء الله تتحقق فيهو
امنياتكم كلكم
ونواصل في العرض
قلنا في الوقت الشباب بيكونوا في النقارة اذا اهل العريس وافقوا طوالي على المهر
بدون نقاش او اذا تم الاتفاق على المهر بعد تدخل المحايدين من الطرفين وزي ما قلنا
ناس العروس بيجهزوا في الاكل في الوقت دا الناس الكبار بيكونوا لسه قاعدين في محلهم
عشان تاني في تفاصيل ادقة بيناقشوها لكن التفاصيل دي ما فيها نقاش كتير هم بعد ده
بيناقشوا عدد الابقار المفروض يدفعوه اهل العريس عشان يستلموا عروستهم وبعدين حتى
اذا اهل العريس جوا في يوم العرس بعدد الابقار المطلوب للتسليم برضو
ما بيسلموهم العروس في نفس يوم المناسبة لازم يكون في زمن كافي عشان هم يجهزوا
بتهم للتسليم والتجهيز دا بيتضمن انو النسوان الكبار من طرف العروس
بيكونوا عايزين ليهم زمن عشان يجوا يقعدوا مع بتهم ويدوها نصائح عشان هي
تقدر تعامل اهل زوجها بصورة تشرف اسرتها، المهم الجماعة ديل بيتفقوا على
عدد محدد من المهر يدفع وبقية المهر بيدفعوه على فترات.
لسه في باقي
|
Post: #184
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-02-2009, 08:45 AM
Parent: #1
فوق
|
Post: #185
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-02-2009, 02:04 PM
Parent: #1
علاقة العشيرة "فتيك" PATEK بالتمساح NYANG:
يقال أن تمساحاً ضرب أحد افراد العشيرة وادخله البحر ... وقام بتحويله إلى تمساح مثله.
بعد أن تحول هذا الشخص إلى تمساح ... كان يعرف البشر ولا يمسهم بسوء خاصة أفرد عشيرته.
ملاحظة:
افراد العشيرة عندما يحاولون عبور البحر ينشدون هذه المقطع:
ين نيانق ... ين ريل وير ... دوق كوج جك
بمعنى:
إنت يا تمساح الجوا البحر ما تمس الناس بسوء
وبعدها هذا المقطع يستطيعوا عبور البحر دون أن يمسهم التمساح.
علاقة العشيرة فدومو PADOMO بالسمك قويض GWEDH"العجل":
يقال إن بلو ديد وجد هذه السمكة فى البحر وأراد إصطياده فطلب مرافقيه منه عدم إصطياده ولكنه أصر على إصطياد هذا السمك وبعدها تم تجزئة السمك داخل البحر لكبر حجمه وهذه العادة يسمى "جايوم" JAYOM
أتى بلو ديد بعد أن اخذ الجانب الكبير من السمك وقام بطهيه فى شاطئ البحر ... وبعد إتمامه لاكله الشهى ... توفى!! ويقال إن سبب الوفاة هو إنفجار بطنه.
ومنذ ذلك الحين ... لا يمس عشيرة فدومو هذا السمك.
ملاحظة:
فدومو... نسبة إلى دومو وهو من الذين أكلوا من السمك الذى إصطاده بلو ديد
علاقة العشيرة فضونج PADHONY بالسمك شوور "CHOOR "
كان هناك شخص يدعى أفين انقويك جوك يتجول على شاطئ البحر وأثناء تجواله مع مرافقيه وجدوا قارباً لاناس يسمون "مان أنقير"(*) ... فطلب مرافقيه منه الهدوء ولكنه أصر على قتل الــ "مان أنقير" وضرب مركبهم بواسطة "بلونق" وهى عصا صغير براس مدبب ... يطلق عليه ايضاً إسم "نوير".
إنشق المركب لنصفين وغرق الــ "مان أنقير" تماماً ... تم لعنة أفين من قبل الــ "مان أنقير" وبعدها تحول الــ"مان أنقير" إلى سمك يسمى شوور "اشبه بالبلبوط" وله شوكة كبير مثل القرقور ويصدر صوتاً داخل البحر يمكن سماعه بوضوح.
وبناءاً على اللعنة أتى علاقة العشيرة بهذه السمك ولا يتناوله فى غذاءهم بتاتاً.
ملاحظة:
(*) مان أنقير ... اناس عاديون ولكنهم لا يملكون مساكن ويقضون معظم حياتهم على المراكب داخل البحر
شول اشوانق دينق
|
Post: #186
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-02-2009, 05:45 PM
Parent: #1
فوق
|
Post: #187
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-03-2009, 04:28 PM
Parent: #1
up وفوق و(*)
|
Post: #188
Title: Re: تعال هنا يا انت شوف عرس الناس ديل كيف
Author: أحمد الشايقي
Date: 01-03-2009, 05:01 PM
Parent: #1
يا شباب ليه انتو ما تعملوا حملات محاربة العادات الضارة في مجتمع الدينكا,
يعني زي غلاء المهور دا , بعد الحرب الطويلة الشباب مواردهم من الابقار أكيد قليلة جداً, ودفع المهور يعطل عملية التنمية التي تحتاج لرؤوس أموال,
يعني الالتفات لتحسين نوعيات الأبقار والناتج منها أفضل من التركيز عليها كوسيلة زواج وهيبة قبلية ...
بعدين حكاية تكسير الأسنان دي ما ليها داعي بعد الوعي وثورة المعلوماتية
رأيكم ايــه ؟
أحمد الشايقي
|
Post: #189
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-03-2009, 05:16 PM
Parent: #1
Quote: يا شباب ليه انتو ما تعملوا حملات محاربة العادات الضارة في مجتمع الدينكا,
يعني زي غلاء المهور دا , بعد الحرب الطويلة الشباب مواردهم من الابقار أكيد قليلة جداً, ودفع المهور يعطل عملية التنمية التي تحتاج لرؤوس أموال,
يعني الالتفات لتحسين نوعيات الأبقار والناتج منها أفضل من التركيز عليها كوسيلة زواج وهيبة قبلية ... |
عين العقل والله يا أخى أحمد الشايقى وفعلاً الشباب بيفكروا فى كده من زمان مش هسع بس فى بعض العراقيل البتواجهم إنشالله من خلال البوست هنذكر منهم جزء "على الأقل الواحد بيفتكروا"
Quote: بعدين حكاية تكسير الأسنان دي ما ليها داعي بعد الوعي وثورة المعلوماتية
رأيكم ايــه ؟ |
حكاية قلع الأسنان يا عزيزى بقى فى خبر كان من زمن ما قريب وما بعيد ... يعنى الطلعوا من البلد سلموا من العادة ولكن الكانوا فى البلد لحقهم القلع للأسف.
عموماً فى عادات كتيرة إتساقطت من مجتمع الدينكا ... وإنشالله بعد الخال يخلص موضوع العرس ده ... ممكن بجيهم كده ونقول راينا.
تسلم على المشاركة والإقتراح وكل سنة وإنت طيب
شول اشوانق دينق
|
Post: #190
Title: Re: تعال هنا يا انت شوف عرس الناس ديل كيف
Author: dombek yai
Date: 01-03-2009, 06:00 PM
Parent: #189
Quote:
حكاية قلع الأسنان يا عزيزى بقى فى خبر كان من زمن ما قريب وما بعيد ... يعنى الطلعوا من البلد سلموا من العادة ولكن الكانوا فى البلد لحقهم القلع للأسف.
عموماً فى عادات كتيرة إتساقطت من مجتمع الدينكا |
افتكر حكاية قلع الاسنان والشلوخ دي وقفت عندنا منذ فترة طويلة وده كلام كويس مهما كانت مبرراتها
لكن تقريبا لحدي التسعينات في بعض القبائل النيلية كانت لسه بتمارس عادة الشلوخ حسه انا ما عارف
هل وقفت تماما عند تلك القبائل ولا لسه.
| Quote: وإنشالله بعد الخال يخلص موضوع العرس ده ... ممكن بجيهم كده ونقول راينا |
والله يا شول انا شايف تجيب الحاجات دي لو جاهزة بدل ما تنتظر لحدى ما نخلص من موضوع العرس ده وهو زاتو
خلاص ما باقي حاجة كتيرة بيكون احسن لو نوعنا البوست ولا انتو شايفين كيف يا جماعة نحن طبعا ناس
ديمقراطيين وكده يعني
|
Post: #191
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-03-2009, 07:08 PM
Parent: #1
علاقة العشيرة فلوال PALUAL بالصخرة "كور" "KOR" والشجرة "تيت" TEET "المهوقنى":
هناك عادة إيقاد النار بواسطة روث الابقار الجاف فى التوج لدى الدينكا... قيل إن العشيرة وأثناء إقامتهم فى التوج كان المطر ينزل يومياً ويطفئ النار... عليه...
غضبوا وقال إن لا بد لهم من محاربة السماء التى ينزل منها المطر ... وبالفعل بدأوا بقذف السماء بالحراب ولكن ...
بعد قذفهم للسماء بالحراب ... إنهمرت الصخور عليهم من السماء وتسبب ذلك فى موت الكثيرين منهم وعندها عمل البقية الباقية على الهرب والإحتماء بأشجار المهوقنى "TEET" .. وانقذهم هذه الأشجار من الصخور المنهمرة عليهم.
بعد ان توقف الحجارة ... سمع المتبقون من العشيرة صوتاً يقول لهم الآتى:
- الصخور الذى ضربتكم به، لا يمكنكم ان تسنوا بها حرابكم إطلاقاً ((افراد العشيرة لا يسنون الحراب بواسطة هذه النوع من الضخور)).
- إن لحق بكم أذى او كربة ... أذهبوا إلى شجرة المهوقنى واجلسوا تحتها، وبعدها لفوا حولها ثلاثة مرات وسيزول كربتكم.
ملاحظة:
• الغريب ... يقال إنك "كنت من قبيلة اخرى" لو سننت حربتك بواسطة الصخرة وقذفت به شخص من هذه العشيرة ... لا يمسه مكروه وحتى إن الحقت به الأذى فإنه فى النهاية يعيش!!
• الصخرة المقصودة هنا، صخرة اشبه بالجرانيت "او هكذا تخيل لى حسب الوصف"
شول اشوانق دينق
________________________________
يا خال ... فلندع البوست شاملاً بما يخص الدينكا للفائدة .... ممكن؟! "مع إنك ديمقراطى"
|
Post: #194
Title: Re: تعال هنا يا انت شوف عرس الناس ديل كيف
Author: dombek yai
Date: 01-05-2009, 12:15 PM
Parent: #191
| Quote: يا خال ... فلندع البوست شاملاً بما يخص الدينكا للفائدة .... ممكن؟! "مع إنك ديمقراطى |
والله يا عم ما عندي مشكلة تب فاليكون كما اقترحت لكن لو في ناس عندهم اعتراض ممكن
نصوت الموافقون نعم والمعارضون لا
بمناسبة التصويت بلا او نعم دي داير اعرف الدول البتستخدم النظام دا غير السودان لو في زول عندو فكرة
بجيكم راجع عشان نكمل موضوع العرس
|
Post: #193
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-04-2009, 12:56 PM
Parent: #1
فوق
|
Post: #195
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-05-2009, 06:54 PM
Parent: #1
Quote: والله يا عم ما عندي مشكلة تب فاليكون كما اقترحت لكن لو في ناس عندهم اعتراض ممكن
نصوت الموافقون نعم والمعارضون لا |
فلنصوت يا خال ولكن ... ما هى آليات التصويت؟! هل للمونجانق فقط دون غيرهم ولّ للجميع دون فرز
شول اشوانق دينق
|
Post: #196
Title: Re: تعال هنا يا انت شوف عرس الناس ديل كيف
Author: dombek yai
Date: 01-06-2009, 12:09 PM
Parent: #195
| Quote: ما هى آليات التصويت؟! هل للمونجانق فقط دون غيرهم ولّ للجميع دون فرز |
طبعا التصويت مفتوح للكل يا ابو الشباب بس دايرين ايمان صالح تعد / يعد لينا الاصوات ولا رائك شنو؟
بعدين كدا جيب لينا رواية كاربة كدى عن الفرق بين (مونجانق وجينق).
|
Post: #197
Title: Re: تعال هنا يا انت شوف عرس الناس ديل كيف
Author: mamkouna
Date: 01-07-2009, 01:01 AM
Parent: #1
الأخ الكريم دومبيك...
ميري كريسماس و سنة سعيدة عليكم و كل عام و أنتم بخير..
دا من أجمل البوستات الإتكتبت في الفترة الأخيرة..
شكراً على إتحافنا بالمعلومات الجميلة و مفيدة..
و...
متابعين!
|
Post: #198
Title: Re: تعال هنا يا انت شوف عرس الناس ديل كيف
Author: dombek yai
Date: 01-07-2009, 02:47 PM
Parent: #197
الاخت ممكونة
Quote: دا من أجمل البوستات الإتكتبت في الفترة الأخيرة..
شكراً على إتحافنا بالمعلومات الجميلة و مفيدة |
نورت البوست والف شكر على كلامك الطيب ده
شوية كده ونجي نكمل الباقي
|
Post: #199
Title: Re: تعال هنا يا انت شوف عرس الناس ديل كيف
Author: محمد سنى دفع الله
Date: 01-07-2009, 03:40 PM
Parent: #198
اخي دومبيك
عامك سعيد
كل عام وانت بالف خير
اختي شول اشوال دينق
عامك سعيد وعامك اجمل
يعني مافي زول فيكم اقول لي نص عمرك ضايع وانت فايتك البوست
لكن خليهم ينتظروني اصحابي الميامين السماني لوال وديرك الفريد اويا
واستيفن اوشلا وسانتوس ومادينق واتناسيوس ظلمونا وظلموا انفسهم
حينما لم يلامسوا هذه الطقوس والسبار وزخرفوا بها الدراما والفنون الأدائية
يا لجمال هذا البوست وبديع التوثيق لطقوس سوف تنقرض دون معرفتها المعرفة الحقيقية
شكرا جميلا لكم
ومتابعين في ادب هذا الجمال
|
Post: #202
Title: Re: تعال هنا يا انت شوف عرس الناس ديل كيف
Author: dombek yai
Date: 01-08-2009, 10:54 AM
الاستاذ الكريم/ محمد سني دفع الله
Quote: يعني مافي زول فيكم اقول لي نص عمرك ضايع وانت فايتك البوست
لكن خليهم ينتظروني اصحابي الميامين السماني لوال وديرك الفريد اويا
واستيفن اوشلا وسانتوس ومادينق واتناسيوس ظلمونا وظلموا انفسهم
حينما لم يلامسوا هذه الطقوس والسبار وزخرفوا بها الدراما والفنون الأدائية |
والله كنا نتمنى ان يكون هولاء الاساتذة الاجلاء معنا هنا في المنبر لكي يضيفوا الكثير عن
طقوس الزواج عند الدينكا وبقية القبائل في جنوب السودان فهم استاذتنا واكثر علما منا
ونتمنى ان يضيفوا مثل هذه الطقوس لاعمالهم الدرامية في المستقبل.
| Quote: يا لجمال هذا البوست وبديع التوثيق لطقوس سوف تنقرض دون معرفتها المعرفة الحقيقية |
الف شكر على المرور والمشاركة القيمة وسعيد جدا بمداخلتك.
لك كل الود والاحترام
|
Post: #200
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-07-2009, 04:30 PM
Parent: #1
كل سنة وإنت طيب استاذنا السنى وأختنا ممكونة
أخوكم / شول اشوانق دينق
_____________________________________
جاييك يا خال عن قصة المونجانق والجيينق
|
Post: #203
Title: Re: تعال هنا يا انت شوف عرس الناس ديل كيف
Author: dombek yai
Date: 01-08-2009, 11:32 AM
Parent: #200
Quote: أخوكم / شول اشوانق دينق
|
عشان تاني ما تخدتوا صور بنات في ملفاتكم الشخصية
اسمك ده يا ود اختي لو عمل ليهو شوية تصليحات كدى زي اضافة الف
وكمان وضع صورة حسناء في الملف الشخصي ممكن الناس يفهموه اسم بت
| Quote: جاييك يا خال عن قصة المونجانق والجيينق |
ونعم الاجتهاد يا بانجديد
|
Post: #201
Title: Re: تعال هنا يا انت شوف عرس الناس ديل كيف
Author: محمد كابيلا
Date: 01-07-2009, 04:43 PM
Parent: #1
دمبيك سلام
ومتابعين.....
قالوا إنطباع الخواجات عن الدينكا
THEY FEEL SORRY BECAUSE YOU ARE NOT FROM DINKA
الكلام ده صاح يا دومبيك
كل الود
محمد كابيلا
|
Post: #204
Title: Re: تعال هنا يا انت شوف عرس الناس ديل كيف
Author: dombek yai
Date: 01-08-2009, 11:47 AM
Parent: #201
الاخ كابيلا
Quote:
قالوا إنطباع الخواجات عن الدينكا
THEY FEEL SORRY BECAUSE YOU ARE NOT FROM DINKA |
we as Ngok or the whole Dinka?
غايتو يا اخونا كابيلا الخواجات ديل ما فهمت قاصدين شنو بالكلام ده
and why they feel sorry?
Quote: الكلام ده صاح يا دومبيك
|
في كل الاحوال الكلام ده ما صح
مشكور على المرور والمشاركة
|
Post: #205
Title: Re: تعال هنا يا انت شوف عرس الناس ديل كيف
Author: Tabaldina
Date: 01-08-2009, 12:20 PM
Parent: #1
..
.
متابعين السرد التراثي ..
منذ ايام كنت والعزيز شول نتناقش عن الافكار
والثقافات فى هذا البوست ..
واصل ..
_________
شول وووين يا مان ..
طلعت شولاية .. قرقر قرقر
|
Post: #206
Title: Re: تعال هنا يا انت شوف عرس الناس ديل كيف
Author: dombek yai
Date: 01-08-2009, 12:34 PM
Parent: #205
تبلدينا
Quote: منذ ايام كنت والعزيز شول نتناقش عن الافكار
والثقافات فى هذا البوست ..
|
طيب ما تنزلوا لينا نقاشكم ده هنا للفائدة
الف شكر
وجاي اواصل الباقي
|
Post: #207
Title: Re: تعال هنا يا انت شوف عرس الناس ديل كيف
Author: dombek yai
Date: 01-08-2009, 01:22 PM
Parent: #206
وقفنا في انو الاسرتين بيتفقوا على عدد المهر المطلوب لتسليم العروس والما بيتم في نفس يوم
العرس اها هنا لو العرس كان عاملينو في الخرطوم او اي مدينة تانية في السودان زي ما قلنا
بيكون في اختلاف شوية في المراسم في الحالة دي بيقيموا جزء من المهر بالقروش وذكرنا حاليا
انو سعر البقرة بيعادل 300 جنيه وتقريبا التور بيعادل 400 جنيه يلا في التقسيم بيحددوا
كم بقرة وكم تور في كل المهر واذا كان المهر كلو 120 مثلا ممكن اهل العروس يطلبوا ما يعادل
50 بقر او اكتر بالقروش والباقي تكون ابقار حقيقية ويشترطوا على اهل العريس مثلا انو يدفعوا
70 بقر قبل التسليم وداخل السبعين ده برضو بيكون فيهو تفاصيل انواع البقر الذكرناه فوق ده
كمان نسيت حاجة ؛اثناء النقاش لو اهل العروس او اهل العريس عايزين يتشاورو براهم بيطلبوا الاذن
عشان يطلعوا من محل القعاد ويمشوا لمحل بعيد شوية من الناس عشان يتشاورو وبعد يتفقوا بيجوا راجعين
وغالبا التشاور ده قاعد بيتم في الحتة بتاعة تحديد عدد المهر المطلوب لتسليم العروس.
اها اذا الاسرتين اتفقوا على كل تفاصيل العرس يلا اهل العروس بيقوموا يطلعوا من محل القعاد عشان يفتحوا
المجال لاهل العريس لتناول الطعام اها الاكل كمان بيوزعوه بنظام معين يعني الناس الكبار بيدوهم الاكل اول
قبل الشباب وفي الوقت ده الشباب الكانو في النقارة بيجوا يقعدوا عشان ياكلوا وبعد الاكل بيرجعوا للرقيص
واهل العروس ما بياكلوا الا بعد يتاكدوا انو الضيوف كلهم اكلوا.
نواصل
|
Post: #208
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 03:49 PM
Parent: #1
Quote: شول وووين يا مان ..
طلعت شولاية .. قرقر قرقر |
تصدق يا تبلدينا ... بى قدرة قادر
إزيك يا صاحب.
والله يا خال بعد ده البروفايل يكون صورته بس إستفهام زى القاعد هسع بس
بس عايز انبه إنى ما بلوم أى زول والله لانو إذا فى زول حسه بى لومى خليهو اليسامحنى ياخ لانو البوست للتعريف عن الدينكا وكل شئ عن الدينكا إن امكن.
وبرررررررررررررضو
أخوكم / شول اشوانق دينق
_____________________________________________
يا خالى ... بصراحة المقام بيدعو إنى اتكلم عن التسمية عند الدينكا
|
Post: #209
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 04:21 PM
Parent: #1
التسمية عند الدينكا:
لفائدة القراء وجب النظر بخصوص التسمية عند الدينكا.
نقاط عامة:
- غالبية الدينكا يسمون ابناءهم البكور على أسماء متفقة عليه سلفاً وهى أسماء ثابتة خاصةً إذا كان البكر ولداً وغالب هذه الأسماء يكون له علاقة بموضوعنا الذى تحدثنا عن نماذج منها فى البوست "علاقة الدينكا بالطبيعة ... فيمكن أن يكون إسم الإبن البكر مثلاً "أقوير" وهو إسم ثعبان الكوبرا... للذين جرت عاداتهم على إحترام ثعبان الكوبرا "عشيرة فشير". ويمكن أن "كور" بمعنى صخرة للذين يحترمون الصخر "عشيرة فلوال".
- هناك بعض التسميات يكون تخليداً للظروف المحيطة أو لحدث معين فى ذلك الزمان ومن هذه الأسماء على سبيل المثال لا الحصر: إسم "رياك" بمعنى "خراب او دمار" وهو إسم علم مذكر يسمى للمولود إذا ولد أثناء فترات الحرب ((لا يشترط تسمية جميع المواليد على هذه الإسم فى فترات الحرب))... والعلم المؤنث لهذا الإسم هو "نارياك" وتعنى نفس المعنى.
كما اذكر إسم "مهدى" الذى سمى عليه بعض الأطفال مواليد حقبة الثورة المهدية والذين اصبحوا اجداداً الآن ومنهم من رحمه الله ورحل عن دنيانا ... هذه التسمية "مهدى" ظهر لدى دينكا نقوك فى فترة المهدية.
جايين تانى للتكلمة
أخوكم / شول اشوانق
|
Post: #210
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 05:21 PM
Parent: #1
- هناك من يولدون بعد وفاة شقيقـ/ه/ته الـ/ذى/تى يكبره ويسمى المولود إن كان ولداً "شول" وترادف مسمى "عوض" فى اللغة العربية وإن ولدت بنتاً تسمى "أشول" وترادف "عوضية" ... وهنا وجب التنويه بانه ليس كل من يسمى "شول" او من تسمى "أشول" بالضرورة سمى بهذا الإسم لوفاة شقيقـ/ه/ها وإنما يمكن أن يسمى على عمـ/ه/ته او خالـ/ه/ته او إحدى أقاربـ/ه/ها ... كما على ما أظن أن إسم "اتاك" يحمل نفسه معنى إسم "شول" مع الإشارة إلى أن إسم "أتاك" إسم مشترك يسمى للذكور والإناث لدى بعض الدينكا.
- هناك إستثناء شبه وحيد أن يسمى الولد "أشول" وهذا الإستثناء نجده عند "دينكا بور" ... وعلى ما أعتقد هم فرع الدينكا الوحيد الذى يسمى عندهم الأولاد "أشول" و "أيوين" و .... الخ من الأسماء الذى من الأساس حكر على النساء لدى أغلب فروع الدينكا.
- ميزة تكرار الإسم كأن يسمى الفرد مثلاً "أقوير أقوير أقوير" نادر الحدوث عند دينكا نقوك تحديداً مع إن ليس به عيب ولكن هناك بعض الدينكا يحبذون تكرار الأسماء.
- يمكن أن يسمى طفل الدينكا بإسم غريب أو إسم غير مستحب وغالباً يكون سبب التسمية موت كل إخوانه او أخواته إما وهم صغار او قبل إن ولادتهم... وحينها يلجا الأب او الأم إلى هذه التسمية العجيبة ظننا منهما بأن هذه الطريقة سيحفظ مولدهما او مولودتهما ... والأعجب أغلبهم يتجاوزون الموت على الأقل مبكراً!!!.
إحتمال نرجع تانى فى نفس الموضوع أو نغيرو لى موضوع تانى
مع الود
شول اشوانق دينق
|
Post: #211
Title: Re: تعال هنا يا انت شوف عرس الناس ديل كيف
Author: محمد سنى دفع الله
Date: 01-08-2009, 05:45 PM
Parent: #210
دومبيك العزيز
وشول اشوانتق
اقدم اعتذاري واسفي لي الغلطة الكبيرة في تحويل اتن اختك الغالي
من رجل راشد الى فتاة جميلة
ونحن طول عمرنا ننطق اسم شول دينق في اليوم مية مرة كان في الإذاعة ولا في المناقشات بتاعة المثقفين الكبار
التحية له ولكم
بعدين انت كمان خاتي صورة بي كل ثقة لأجمل بسمة
الظاهر البسمة ما خلتنا نركزفي الإسم مؤنث ولا مذكر
لكن بعد الكتابة الجميلة دي نقول نحن كنا فاكريم الإسم اسيثناء من دينكابور
تخياتنا لك ولخالك وللجميلة التي جعلت من غلطة
فرصة للسماح والمودة والمحبة
واصلوا التوثيق اللأجمل
ودام صفانا
|
Post: #225
Title: Re: تعال هنا يا انت شوف عرس الناس ديل كيف
Author: dombek yai
Date: 01-09-2009, 12:26 PM
Parent: #211
استاذنا العزيز محمد سني
Quote: اقدم اعتذاري واسفي لي الغلطة الكبيرة في تحويل اتن اختك الغالي
من رجل راشد الى فتاة جميلة |
ما في داعي للاعتذار والله زي ما شول قال ليك المسألة بسيطة جدا وجودك هنا في البوست ومشاركتك معنا
اهم بكتير من الحاجات الصغيرة الما مقصودة دي.
Quote: بعدين انت كمان خاتي صورة بي كل ثقة لأجمل بسمة
الظاهر البسمة ما خلتنا نركزفي الإسم مؤنث ولا مذكر |
والله ما انت برااك يا اخوي اي زول بيدخل البوست دا اول حاجة بيشوف صورة الحسناء ديك وابتسامتها الخطيرة
قبل ما يقرا مداخلة شول وهنا عادي جدا ممكن الزول يفقد تركيزو
| Quote: لكن بعد الكتابة الجميلة دي نقول نحن كنا فاكريم الإسم اسيثناء من دينكابور |
ده كلام صح ولا يهمك يا عم
Quote: تحياتنا لك ولخالك وللجميلة التي جعلت من غلطة
فرصة للسماح والمودة والمحبة |
ولك منا كل التقدير والاحترام
|
Post: #224
Title: Re: تعال هنا يا انت شوف عرس الناس ديل كيف
Author: dombek yai
Date: 01-09-2009, 12:11 PM
Parent: #210
شول بجد انت ولد مجتهد خلاص
شكرا كتير على المعلومات القيمة دي عن الاسماء عندالدينكا
وداير اضيف انو التيمان عندنا بيسمو الاول (نقور Ngor) والتاني ( شان Chan) زي حسن وحسين ولو تومات
الاولى بنسميها(انقير Angear) والتانية( أشان Achan) والمولد البجي بعد التيمان او التومات بيسموه احيانا(بولBol)
لو كان ولد او (اضارAdhar) لو كانت بت وفي بعض الاحيان بنجد اسم(اضار) مشترك بين الولد والبت وبرضو اسم( بول) بيسمو بيهو
بدون ما يكون مولود بعد التيمان، المولد بعد( بول) او (اضار) بيسموه (أشويلAchuiel) لو كان ولد او بت وتقريبا برضو
بيسمو اسم اشويل ساي بدون مايكون مرتبط بالتيمان.
ارجو من الاخوة الكرام تصحيحي لو في حاجة ما في محلها في هذه الاسماء.
|
Post: #270
Title: Re: تعال هنا يا انت شوف عرس الناس ديل كيف
Author: GeerTor Tong
Date: 01-19-2009, 02:17 PM
Parent: #210
الأخ شول اشوانق
اقترح فتح بوست آخر تتناول فيه موضوع الأسماء
كذلك يمكنك مراجعة مجلة الأمانة التي تصدر عن مجلس الوزراء عدد مايو
فقد تتناولت فيها هذا الموضوع على حلقتين بالعنوان (نحو قاموس بالأسماء)
تطرقت فيها لأسماء الدينكا والنوير والشلك والانيواك التي تعرف من مجرد سماعها
مثلا:اشويل ونقور وبول.....إلخ.
|
Post: #212
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 06:02 PM
Parent: #1
Quote: دومبيك العزيز
وشول اشوانتق
اقدم اعتذاري واسفي لي الغلطة الكبيرة في تحويل اتن اختك الغالي
من رجل راشد الى فتاة جميلة
ونحن طول عمرنا ننطق اسم شول دينق في اليوم مية مرة كان في الإذاعة ولا في المناقشات بتاعة المثقفين الكبار
التحية له ولكم
بعدين انت كمان خاتي صورة بي كل ثقة لأجمل بسمة
الظاهر البسمة ما خلتنا نركزفي الإسم مؤنث ولا مذكر
لكن بعد الكتابة الجميلة دي نقول نحن كنا فاكريم الإسم اسيثناء من دينكابور
تخياتنا لك ولخالك وللجميلة التي جعلت من غلطة
فرصة للسماح والمودة والمحبة
واصلوا التوثيق اللأجمل
ودام صفانا |
أستاذنا السنى دفع الله ... ياخ إنت ما مفروض تعتذر كلو كلو.
صدقنى ... يكفى إنت زمان فرحتنى وأنا كنت بشاهد التلفزيون السودانى وبستمتع بواسطتكم والله.
اصلو ما ممكن تعتذر.
وبرضو الخلط الحصل ده خلانا نمشى الغريق ونعرف الناس برضو ... ويا راجل يا طيب حصل خير والله.
شول اشوانق دينق
|
Post: #213
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 06:21 PM
Parent: #1
ده هدية خاصة ليك أستاذنا السنى
معنى كلمة الدينكا:
يقال أن الإسم الأصل للدينكا هو "جيينق JIENG" وأن الإسم "دينكا" هو من نتاج تحريف الإنجليز للإسم "دينق كاك"
وفى حين إنى شخصياً لا أعلم من هو "دينق كاك DENG KAK".
كلمة "مونجانق" فى لغة الدينكا فى لغة الدينكا يمكنها ان تحمل معنيين وهما:
(1) مونجانق MONYJANG:
كلمة مركبة من كلمتين الأولى "موج MOJ" وتعنى رجل (راجل) والثانية "جانق JANG" وتعنى مجموعة من البشر أو أشبه إلى ذلك.
عند دمج الكلمتين لتصيرا كلمة واحد كالآتى:
موج + جانق = يكون نطق الكلمة الجديدة = مونجانق
(2) مونجانق MONJANK:
كلمة مركبة من كلمتين الأولى "مونج MONJ" وتعنى يحتوى والكلمة الثانية "جانق JANG" وتعنى نفس المعنى السابق أعلاه.
وعند الدمج يكون كالآتى:
مونج + جانق = مونجانق
كن دائماً بخير يا رب وإنشالله تجى السودان قريب ونسلم عليك.
تعرف يا أستاذنا لو بس غلطتا لى نسيبك ((متزوج إنت أخته أو هو متزوج أختك)) البيحصل شنو ... يدفعوك بقر لامن تآآآمن
شول اشوانق دينق
|
Post: #219
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 01-08-2009, 08:59 PM
Parent: #213
Quote: يقال أن الإسم الأصل للدينكا هو "جيينق JIENG" وأن الإسم "دينكا" هو من نتاج تحريف الإنجليز للإسم "دينق كاك"
وفى حين إنى شخصياً لا أعلم من هو "دينق كاك DENG KAK".
كلمة "مونجانق" فى لغة الدينكا فى لغة الدينكا يمكنها ان تحمل معنيين وهما:
(1) مونجانق MONYJANG:
كلمة مركبة من كلمتين الأولى "موج MOJ" وتعنى رجل (راجل) والثانية "جانق JANG" وتعنى مجموعة من البشر أو أشبه إلى ذلك.
عند دمج الكلمتين لتصيرا كلمة واحد كالآتى:
موج + جانق = يكون نطق الكلمة الجديدة = مونجانق
(2) مونجانق MONJANK:
كلمة مركبة من كلمتين الأولى "مونج MONJ" وتعنى يحتوى والكلمة الثانية "جانق JANG" وتعنى نفس المعنى السابق أعلاه.
وعند الدمج يكون كالآتى:
مونج + جانق = مونجانق |
شول
سلامات
اظن ان السلطان ديينق كاك كان واحدا من زعماء اقسام نقوك لوال ياك الحالى فى منطقة عالى النيل, و فى منطقة ملوط تحديدا. كلمة دينكا حرفت من قبل الاتراك الذين عقدوا معاهدة عدم الإعتداء و قد نتجت عن ذلك شيوع الإنتساب الى الدينكا من قبل بعض القبائل الشمالية حتى لا يقعوا فى شرك الرق. كلمة حديثة جدا و ليست موجودة فى اللغات الجنوبية. فالنوير ينادى الدينكا بالجينق, و هو الاسم الصحيح للدينكا حيث ان قبيلة النوير هى القبيلة الام للدينكا. مونجانق يعنى رجل الرجال و كما تفضلت بشرحها, فهى كلمة مركبة من (موج), اى الرجل, و (الجانق), اى الشعب او الناس. لاحظ ان ( موج) يتغير نطقها عند جمعها مع جانق حيث يصرف الإسم و يتغير (ج) فى موج الى (نج) ليكون مونجانق. مونجانق و جينق يستخدم لوصف الدينكا و كلا كلمتين تعنين نفس شئ. و بالمناسبة, الدينكا تنادى نا'از بالنوير. و نا'از تعنى جيينق.
ودى.
|
Post: #226
Title: Re: تعال هنا يا انت شوف عرس الناس ديل كيف
Author: dombek yai
Date: 01-09-2009, 12:37 PM
Parent: #219
العزيز زكريا
| Quote: اظن ان السلطان ديينق كاك كان واحدا من زعماء اقسام نقوك لوال ياك الحالى فى منطقة عالى النيل |
تقريبا انا زاتي سمعت كلام زي ده
Quote: مونجانق يعنى رجل الرجال و كما تفضلت بشرحها, فهى كلمة مركبة من (موج), اى الرجل, و (الجانق), اى الشعب او الناس. لاحظ ان ( موج) يتغير نطقها عند جمعها مع جانق حيث يصرف الإسم و يتغير (ج) فى موج الى (نج) ليكون مونجانق. مونجانق و جينق يستخدم لوصف الدينكا و كلا كلمتين تعنين نفس شئ. و بالمناسبة, الدينكا تنادى نا'از بالنوير. و نا'از تعنى جيينق.
|
والله يا ابوزيك انت خطييييييير عديل في علم اللغويات الله يزيدك
لك كل الود والاحترام
|
Post: #214
Title: Re: تعال هنا يا انت شوف عرس الناس ديل كيف
Author: خالد عنان عمر
Date: 01-08-2009, 06:55 PM
Parent: #1
I CAN SAY :IAM SORRY THAT I AM NOT FROM DINKA
BUT
DO I?
|
Post: #215
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 07:10 PM
Parent: #1
Quote: I CAN SAY :IAM SORRY THAT I AM NOT FROM DINKA
BUT
DO I? |
YOU DON'T HAVE TO SAY THAT BROTHER, CAUSE WE ARE EQUAL, NO TRIBE CAN SAY THEY ARE A SUPEREME
TRIBE
YOU DON'T HAVE ... BELIEVE ME
WELCOME KHALID ANAN OMER
شول اشوانق دينق
|
Post: #216
Title: Re: تعال هنا يا انت شوف عرس الناس ديل كيف
Author: محمد سنى دفع الله
Date: 01-08-2009, 08:32 PM
Parent: #215
يااخوي الحكاية لو فيها نسب
كان دفعت كم بقرة ؟؟
ضحكت لمن وقعت
عارف الأيام دي مفلس لمن ما عندي
البجيب سخلة ..
تقول لي بقر كتار ..اديك العافية
انت وخالك مدعوون للتسجيل معنا في موقعنا
مرحب بكم لنوثق لغد افضل
زورونا تجدوا مايسركم
www.sudanawi.com
دام صفانا
|
Post: #227
Title: Re: تعال هنا يا انت شوف عرس الناس ديل كيف
Author: dombek yai
Date: 01-09-2009, 12:57 PM
Parent: #216
Quote: انت وخالك مدعوون للتسجيل معنا في موقعنا
مرحب بكم لنوثق لغد افضل |
شكرا عزيزي محمد سني على الدعوة انا لسه بحاول افتح الصفحة
اصلو نحن عايشين في العالم الخامس خدمات الانترنت تعبانة عندنا
هنا.
كل الود
|
Post: #217
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 08:49 PM
Parent: #1
Quote: يااخوي الحكاية لو فيها نسب
كان دفعت كم بقرة ؟؟
ضحكت لمن وقعت
عارف الأيام دي مفلس لمن ما عندي
البجيب سخلة ..
تقول لي بقر كتار ..اديك العافية
انت وخالك مدعوون للتسجيل معنا في موقعنا
مرحب بكم لنوثق لغد افضل
زورونا تجدوا مايسركم
www.sudanawi.com
دام صفانا |
الله يديم صفانا ... والحرب كروفر
وبصراحة:
http://http//www.sudanawi.com
ما بيفتح معاى هنا فى السودان!! ... ما عارف مع كل الناس ولّ براى؟!!!
شول اشوانق دينق
_______________________
الجماعة قصدوك ولّ شنو
|
Post: #220
Title: Re: تعال هنا يا انت شوف عرس الناس ديل كيف
Author: محمد سنى دفع الله
Date: 01-08-2009, 09:01 PM
Parent: #217
يا اخوي مالك علينا
الظاهر عشان فيهو فلاش وحركات
بكون تقيل معاك لكن فرصة جميلة
نلتقيك فيهو حاول مرة اخرى او استعين بصديق
يلا واصلوا لينا حكاية العرس
شوفت فيلم وثايقي عن الزواج في إيثيوبيا
فيهو حكاية صاحب العريس يقيف قدام البيت ويتكلم مع الناس الجايين يخطبوا منهم
بعدين يقولو ليهو خلاص جيب الجماعة ديل
يقوم يقول ليهم اتفضلوا
بعد داك في كم طقس كده بتاع فتح خشم
يا زول الحكاية طويلة لكن فيها شئ من عاداتكم
هل دول الجوار فيها نفس العادات ولا في خصوصية
دام صفانا وماتنسى حاول مرة اخرى
|
Post: #218
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 08:53 PM
Parent: #1
تصدق بعد ردى ليك يا أستاذ السنى ... الصفحة فتح معاى
كن بخير
شول اشوانق دينق
_______________
ارجانى هناك بالله
|
Post: #221
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-08-2009, 09:17 PM
Parent: #1
Quote: شول
سلامات
اظن ان السلطان ديينق كاك كان واحدا من زعماء اقسام نقوك لوال ياك الحالى فى منطقة عالى النيل, و فى منطقة ملوط تحديدا. كلمة دينكا حرفت من قبل الاتراك الذين عقدوا معاهدة عدم الإعتداء و قد نتجت عن ذلك شيوع الإنتساب الى الدينكا من قبل بعض القبائل الشمالية حتى لا يقعوا فى شرك الرق. كلمة حديثة جدا و ليست موجودة فى اللغات الجنوبية. فالنوير ينادى الدينكا بالجينق, و هو الاسم الصحيح للدينكا حيث ان قبيلة النوير هى القبيلة الام للدينكا. مونجانق يعنى رجل الرجال و كما تفضلت بشرحها, فهى كلمة مركبة من (موج), اى الرجل, و (الجانق), اى الشعب او الناس. لاحظ ان ( موج) يتغير نطقها عند جمعها مع جانق حيث يصرف الإسم و يتغير (ج) فى موج الى (نج) ليكون مونجانق. مونجانق و جينق يستخدم لوصف الدينكا و كلا كلمتين تعنين نفس شئ. و بالمناسبة, الدينكا تنادى نا'از بالنوير. و نا'از تعنى جيينق.
ودى. |
اخى زكريا جوزيف ... بالجد I LOVE YOU SO MUCH BROTHER
شكراً للمعلومة ياخ والف تحية ليك.
شول اشوانق دينق
__________________________
الإسم على ما أظن ذكر فى مذكرات ... جابو شوقى بدرى هنا ولا فى سودانيات .. لا اذكر!! ليت شوقى كان معنا!!!
|
Post: #222
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 01-08-2009, 09:53 PM
Parent: #221
| Quote: بالجد I LOVE YOU SO MUCH BROTHER |
Likewise brother.
|
Post: #223
Title: Re: تعال هنا يا انت شوف عرس الناس ديل كيف
Author: خالد عنان عمر
Date: 01-08-2009, 10:48 PM
Parent: #1
Quote: YOU DON'T HAVE TO SAY THAT BROTHER, CAUSE WE ARE EQUAL, NO TRIBE CAN SAY THEY ARE A SUPEREME
TRIBE
YOU DON'T HAVE ... BELIEVE ME |
عزيزى اشوانق
وافر تحياتى واعزازى لكم
انا قصدت القول انه كان بامكانى القول
انه من المؤسف اننى لاانتمى الى الدينكا
ولكن فى حقيقة الامر فانى انتمى اليهم
بطريقة او باخرى
ولذلك فانا الان غير مؤهل لقول عبارة الخواجة
وقواسيب حبي لكم
|
Post: #228
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-10-2009, 08:27 AM
Parent: #1
فوق
|
Post: #229
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 01:08 PM
Parent: #228
جايب ليكم صور عرس واحد اخونا حضرت في الخرطوم قبل عدة سنوات
الصورة دي اجتماع الشباب قبل المغادرة لبيت ناس العروس والشاب اللابس نظارة ده هو الكان اختاروه
عشان يكون المغني(اوين) في العرس داك
|
Post: #230
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 01:17 PM
Parent: #229
هنا الجماعة وصلوا لبيت اهل العروس والشباب هنا بيعملوا تمرين للرقص
|
Post: #231
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 01:23 PM
Parent: #230
جانب من وصول النسوان لمحل العرس
|
Post: #232
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-10-2009, 01:25 PM
Parent: #1
فيها صور كمان
والله يا خال ماشى معاك طحنية
شول اشوانق دينق
|
Post: #233
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-10-2009, 01:37 PM
Parent: #1
العرس ده كان فى ميدان سوق ستة الحاج يوسف ولّ شنو يا خال؟
معقولة!! مافى ولا شجراية ساى ... ده كلام ده!
واصل يا زول
شول اشوانق دينق
|
Post: #235
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 06:50 PM
Parent: #233
Quote: العرس ده كان فى ميدان سوق ستة الحاج يوسف ولّ شنو يا خال؟
معقولة!! مافى ولا شجراية ساى ... ده كلام ده!
|
تخيل يا ابو الشباب العرس ده كان في الحاج يوسف بس ما كان في ميدان سوق ستة
باقي الصور في الطريق
|
Post: #234
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-10-2009, 06:04 PM
Parent: #1
وين باقى الصور؟
|
Post: #236
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 07:03 PM
Parent: #234
اها هنا ده تجهيز العريس عشان يدخل مع الجماعة لغرفة ام العروس ، احيانا في حالة غياب العريس
بيجهزو وكيلو والبتاعة الخاتينو في الراس ده البيسموه( اجوم)
|
Post: #237
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 07:21 PM
Parent: #236
هنا كده ابو الشباب ده بقى جاهز ومستعد بعد ده يطلع بره ينضم لبقية الشباب
وضع ( اجوم) في راس العريس بتقوم بيهو النسوان بمساعدة بعض الشباب ، بعد ما يطلعوا من غرفة ام العروس
الحاجات الفي الراس دي بتفضل في الغرفة بالقروش الفيها دي لكن ما محسوبة ضمن المهر
|
Post: #238
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 07:30 PM
Parent: #237
الجماعة هنا خلاص بداو يتحركوا نحو الغرفة ماشين مارش مع اغاني الجيل ويظهر في النص
وكيل العريس الكان بيمثل العريس في العرس ده والشباب بيغطوه من العين
|
Post: #239
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 07:38 PM
Parent: #238
جانب من المارش
|
Post: #240
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-10-2009, 07:39 PM
Parent: #1
| Quote: والشباب بيغطوه من العين |
يا خال زول مغطى وشو بى فوط ترابيز ... يغطوا من العين لى شنو ياخ
اما حكاية!
شول اشوانق دينق
______________________________
كان ده الطريقة ... عرس ما داير
|
Post: #241
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 08:26 PM
Parent: #240
| Quote: يا خال زول مغطى وشو بى فوط ترابيز ... يغطوا من العين لى شنو ياخ |
عشان الجماعة ما يسحرو ويقوم يقع ساي في وسط الناس
| Quote: كان ده الطريقة ... عرس ما داير |
ياخوي قول مفلس بس
|
Post: #242
Title: Re: تعال هنا يا انت شوف عرس الناس ديل كيف
Author: dombek yai
Date: 01-10-2009, 08:32 PM
Parent: #241
خطة الدخول للغرفة
|
Post: #243
Title: Re: تعال هنا يا انت شوف عرس الناس ديل كيف
Author: محسن خالد
Date: 01-10-2009, 09:18 PM
Parent: #242
يا شباب أريتكم بخير أجمعين
مشكور يا دومبيك على الإفادات، قاعد أغيب بفعل العصر العلي بجاي، لكن متابع وكمان بنزل المادة على ملف ويرد، مشكورين علي النعم والبركات دي وضراعكم كلكم أريتو أخضر.
الأخ العزيز زكريا، تحايا ومودات
مشكور على الإفادة، افتكرتها (قرامر) على حسب ما قال الأخ شول، ولأنها كانت ح تكون فائدة عجيبة وغريبة بالنسبة لي فوقفت فيها. لكن كلامك مفهوم تماماً بالنسبة لي. عندما قلت أنت تستخدم في الشمال فهمتُ أنك تقصد مفردات مثل (نانجا) أو (الأكل) كما تقال للطفل الصغير.
وأضفت أنت بأنها تستخدم في الأسبانية والفرنسية، أي أنك تقصد الحرف Ñ ونُطقه في مفردة (ESPAÑA) ذاتها، الذي يرسم مكبّر ومصغّر هكذا: Ñ, ñ في الأسبانية. بالنسبة لوجود هذا الحرف صوتاً ونُطقاً في الفرنسية كما ذكرت أنت، لا علم لي بهذا الكلام، والعارفين هنا يصححوني لو أنا غلطان.
مشهور هذا الصوت في الأسبانية لدرجة أنها تُسمى بلغة الـÑ. كما يُقال للعربية لغة (الضاد).
وحسب علمي أنّه يُوجد في اللغة البرتغالية أيضاً "أقصد الصوت" ولكنه يُكتب هكذا: (NH) كما في جملة الأغنية البرازيلية للفنانة بيبي دو برازيل التي تقول فيها:
O SAMBA Da 'MINHA' TERRA
وتعني: سامبا أرضي. أو إيقاع ورقصة أرضي، شايف التلاقيط كيف؟ يضحك نهارك
وهو الصوت ذاته بتاع (نانجا) كما نقول للطفل: (أُكل النانجا) دي.
وتحايا
العزيز شول، تحايا وود
يا سلام يا سلام ياخ، علي بالحلال بسطتني بسط، ياخي دا الكلام ذاااتو الدايرو أخوك، غايتو اليسامحنا دومبيك، أهو نُص بيت العرس قاعدين نتونس في (المأثورات والمعارف الشفاهية) التانية. لأنو شغل العرس ذاتو من صميم الفولكلور والأنثروبولجيا الثقافية. وشاكرك كمان يا شول النجيض على تقعيد الكلام في شكل نص موزون غاية الوزنة والترتيب بالنسبة لمداخلاتك الأخيرة. ح أجي لأعيد كتابة القصص –الأولى- بالشكل الدايرو منها، وإنت صححني لو غلطان، يعني ما تفوِّت لي أي حاجة مهما كانت صغيرة، صغيرة قدر البليّة برضو ما تباصيها تب، ولو كبيرة وكمان عندك بسطونة برضو بنقبلها، المهم الكلام يطلع مظبوط تمام. وعن نفسي أبقالي شيخ في الحكاية دي، لامن أمرق بالدايرو منها، مع حفظ حقوقك الأدبية كاملة، لكتاب شغال فيه هسع اسمه (الكوشرثيا)، وهو حصيلة من معارف وتعب بلقط فيه بهدف إحلال هذا المصطلح بديلاً للفولكلور، كوَّنتُه من مفردتي (كوش) و(إرث). فأرجو أن تُثبِّت المصادر، يعني الكلام دا جبتو من ناس كُبار وألا من وين؟ وأكان من كتب ورينا عشان نغرف معاك. ياخي لو ملقطو براك خلينا نتفق نطلِّع كتاب (حكايات جنوبية) ونقسم الأدوار من أجل شغل مكرّب ونجيض، جادي أنا بالمناسبة.
المهم بس ألقى فرصة وأجي أنزل قصصك النزلتها في البداية دي بالترتيب الدايرو منها، وأضبط لغتها وعرض روايتها وأبنيتها.
وكن وبقية رفاق ورفيقات البوست بألف خير
-------------
عزيزي دومبيك، الصور فتلت البوست، أظبط الشغل
|
Post: #244
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-11-2009, 12:23 PM
Parent: #1
Quote: العزيز شول، تحايا وود
يا سلام يا سلام ياخ، علي بالحلال بسطتني بسط، ياخي دا الكلام ذاااتو الدايرو أخوك، غايتو اليسامحنا دومبيك، أهو نُص بيت العرس قاعدين نتونس في (المأثورات والمعارف الشفاهية) التانية. لأنو شغل العرس ذاتو من صميم الفولكلور والأنثروبولجيا الثقافية. وشاكرك كمان يا شول النجيض على تقعيد الكلام في شكل نص موزون غاية الوزنة والترتيب بالنسبة لمداخلاتك الأخيرة. ح أجي لأعيد كتابة القصص –الأولى- بالشكل الدايرو منها، وإنت صححني لو غلطان، يعني ما تفوِّت لي أي حاجة مهما كانت صغيرة، صغيرة قدر البليّة برضو ما تباصيها تب، ولو كبيرة وكمان عندك بسطونة برضو بنقبلها، المهم الكلام يطلع مظبوط تمام. وعن نفسي أبقالي شيخ في الحكاية دي، لامن أمرق بالدايرو منها، مع حفظ حقوقك الأدبية كاملة، لكتاب شغال فيه هسع اسمه (الكوشرثيا)، وهو حصيلة من معارف وتعب بلقط فيه بهدف إحلال هذا المصطلح بديلاً للفولكلور، كوَّنتُه من مفردتي (كوش) و(إرث). فأرجو أن تُثبِّت المصادر، يعني الكلام دا جبتو من ناس كُبار وألا من وين؟ وأكان من كتب ورينا عشان نغرف معاك. ياخي لو ملقطو براك خلينا نتفق نطلِّع كتاب (حكايات جنوبية) ونقسم الأدوار من أجل شغل مكرّب ونجيض، جادي أنا بالمناسبة.
المهم بس ألقى فرصة وأجي أنزل قصصك النزلتها في البداية دي بالترتيب الدايرو منها، وأضبط لغتها وعرض روايتها وأبنيتها.
وكن وبقية رفاق ورفيقات البوست بألف خير |
والله يا محسن ... الواحد بالجد يقول وهو مرتاح كتر خير سودانيزاونلاين والله.
ياخ كلامك الفوق ده بيطمن الواحد إنو البحث عن الماثورات وتوثيقها حاجة مهمة بالجد.
عموماً ... الكلام الجبتو كلو ... ونسة موجهة منى مع عمنا أكين أقوير أثيانق رجل يبلغ الواحد وخمسين من العمر وده المرجع الوحيد الإعتمدت عليهو ... بس بعد كلامك ده إنشالله بجتهد ليك اكتر وبجيب كلام كتير هنا للفائدة وإنشالله كتابك الكاتبو ده يتم على خير واصلو زى ما قلت مااااااااا بفوت ليك أى حاجة مهما كانت درجة الصغر فيها وذلك لتكتمل الأمانة فى نقل الموضوع لجيل ربما لن يجد هذه العادات وسيكون بمثابة تاريخ جيد لهم.
الله يديك العافية يا محسن أخوى.
فائق ودى وتقديرى لك وللجميع
شول اشوانق دينق
______________________
على فكرة فى قصص واقعية ما إتسع لى المجال أجيبو هنا ... بس لو طلبتو ممكن نجيبو إنشالله
|
Post: #245
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 09:53 AM
Parent: #244
فوق شوية وجاييكم
|
Post: #246
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 05:40 PM
Parent: #245
الجماعة هنا مندفعين نحو الغرفة، انت وعضلاتك عشان تدخل غرفة ام العروس
|
Post: #247
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 05:45 PM
Parent: #246
الرقص داخل الغرفة
|
Post: #248
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 05:51 PM
Parent: #247
دي برضو داخل الغرفة
|
Post: #249
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 08:36 PM
Parent: #248
دي طريقة الجلوس في محل العرس، محل الزول اللابس جلابية وعمة ده جانب اهل العريس وعمك داك اللابس زي طاقية سلفاكير
داك جانب اهل العروس، وقلنا العرس ده كان في الخرطوم عشان كده في تصوير فيديو وصيوانات.
|
Post: #250
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 08:48 PM
Parent: #249
جانب من اهل العريس.
|
Post: #251
Title: Re: تعال هنا يا انت شوف عرس الناس ديل كيف
Author: dombek yai
Date: 01-12-2009, 09:11 PM
Parent: #250
بعد ما اهل العريس ينتهوا من الاكل بيجي دور اهل العروس وضيوفهم
بعدين في حاجة تانية مهمة في اعراسنا يعني الزول لو عايز يتزوج ليهو
بنية عندها اخت اكبر منها ما متزوجة بيكون في صعوبة شديدة عشان العرس ده
يتم لازم البت الكبيرة يعرسوها اول قبل البنات الصغار ونفس الشئ بينطبق
على الاولاد يعني لو عندي اخوي اكبر مني وما اتزوج ما ممكن انا اعرس قباله
حتى لو عندي امكانيات، لكن حسه تقريبا الحكاية دي قلت شوية والناس بقوا مرنين
شوية ، اثناء اهل العروس بيتناولو طعامهم الشباب من جانب العريس
بيرجعوا النقارة ويواصلوا في الرقيص لحدي ما يجي وقت الرجوع.
|
Post: #252
Title: Re: تعال هنا يا انت شوف عرس الناس ديل كيف
Author: Omayma Alfargony
Date: 01-12-2009, 11:34 PM
Parent: #251
الاخ دومبيك,,,
تحية وتصفيق حـــــــــــــــــــــــــــار
البوست حميل وممتع ومفيـــــــــــــــــــد,,,
والله أنا ما كنت عارفه نص الحاجات دي ان لم يكن جلها,,,
"قاتل الله الجهل",,,
وتحية حــــــــــــــــــــــــتارة للاخ شــــــــــــــــول لانه بازل مجهــــــــــود كبيـــــــر,,,
ولفوق يا شــــــــــول ودمبـــــــــيك
قشة ماتعتر ليكم,,,
و
متابعــــــــــــــــين,,,
ـــــــــــــــــــــــــــــــــــــــــ
لكن جد عنـــــــــــــــــــــــوان البوست مشكلة لاني كنت بعدي فيه ساااااي,,,
لحدي ما وصل الصفحة 3
قريت لما عيوني حــــــــــــــوصن لكن بمتعة,,,
لوكنت عارفه عن عادات وتقاليد الدينكا كان خشيت زمـــــــــــــــان,,,
|
Post: #253
Title: Re: تعال هنا يا انت شوف عرس الناس ديل كيف
Author: dombek yai
Date: 01-13-2009, 07:21 PM
Parent: #252
الاخت اميمة
Quote: تحية وتصفيق حـــــــــــــــــــــــــــار
البوست حميل وممتع ومفيـــــــــــــــــــد,,,
والله أنا ما كنت عارفه نص الحاجات دي ان لم يكن جلها,,,
|
الف شكر على المرور والحمد لله عرفت ليك معلومة عن عادات وتقاليد الدينكا
Quote:
لكن جد عنـــــــــــــــــــــــوان البوست مشكلة لاني كنت بعدي فيه ساااااي,,,
|
والله كلامك صح وطلبنا من الاخ بكري يغير العنوان لكن ما استجاب لينا
لك كل الود والتقدير
|
Post: #254
Title: Re: تعال هنا يا انت شوف عرس الناس ديل كيف
Author: dombek yai
Date: 01-13-2009, 07:36 PM
Parent: #253
هنا الجماعة خلاص انتهو من الاكل واتفقوا على كل شئ يلا جارين على النقارة
|
Post: #255
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 01-13-2009, 07:37 PM
Parent: #1
Quote: بعدين حكاية تكسير الأسنان دي ما ليها داعي بعد الوعي وثورة المعلوماتية
رأيكم ايــه ؟ |
السيد احمد الشايقى,
عادة قلع الاسنان و شلخ الرؤوس هى عادة سئة و ضارة و لكنها لا تنفرد بها قبيلة الدينكا, لا فى الجنوب و لا فى الشمال, بل العادة موجودة فى اركان الدنيا و خاصة فى المجتمعات التى تصنفها المركزية الاوروبية و انثربولوجيتها بالبدائية او المتخلفة. لا اعتقد ان هذا البوست يتسع لمناقشة هذه الظاهرة و اسبابها. العادة فى طريقها الى الزوال. سؤالى لك هو: هل حققت ثورة التكنولوجيا المعلوماتية إزالة عادات مماثلة فى بقية انحاء السودان?
سبب تساولى هذا ناتج عن شعورا لدى- و عذرنى ان اخطات فى الظن بك- بان تعليقك اعلاه يحمل فى طياته تهكم مبنى على مفاهيم انماطية و إستعلائية, تربت عليها اجيال كاملة فى الشمال, عن الجنوب و الجنوبين.
تامل قليلا فيما كتبته و انظر الى عوجة رقبتك!!! هل عادة قلع الاسنان عند الدينكا اكثر قبحا من عادة شلخ الخدود و بتر الاعضاء التناسلية للنسوة فى الشمال? من السهل جدا اصدار احكام انماطية عن الاخرين و إبلسة عاداتهم و تقاليدهم و معتقداتهم- و لم لا? فهذا يساعد على تعميق النفور بين الناس و تبرير كرهنا لبعضنا البعض. و هل يوجد شئ اكثر تخلفا من الحروب و العنصرية فى عصر الثورة المعلوماتية!!!
|
Post: #256
Title: Re: تعال هنا يا انت شوف عرس الناس ديل كيف
Author: dombek yai
Date: 01-13-2009, 07:52 PM
Parent: #255
البهجة والسرور على وجوه الجميع
|
Post: #257
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-14-2009, 09:09 AM
Parent: #1
فوق وإنشالله جايينكم.
شكراً أميمة ... اليومين ديل قاعد ارتب لى فى حاجات كده وبجى كابيهو هنا قريباً.
زكريا يا أخوى برراحة على الراجل ياخ.
شول اشوانق دينق
|
Post: #258
Title: Re: تعال هنا يا انت شوف عرس الناس ديل كيف
Author: dombek yai
Date: 01-14-2009, 08:25 PM
Parent: #257
الرقصة دي بيسموها (دانج) يا شول عندك واجب تاني كمان جيب لينا انواع الرقص عندنا
|
Post: #259
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 01-14-2009, 08:25 PM
Parent: #257
| Quote: زكريا يا أخوى برراحة على الراجل ياخ |
يا شول و اخونا دمبيك
سلام عليكما.
معليش يا جماعة, لم اقصد الإنحراف باpost. بس حاجات ذى بتوجعنى خالص لو ما رديت عليها.
إيا ريم إج و كو ريم آ نوم. ران كن اشى بوت طر مونج
كو ويت كن اشى يج.
|
Post: #260
Title: Re: تعال هنا يا انت شوف عرس الناس ديل كيف
Author: dombek yai
Date: 01-14-2009, 08:36 PM
Parent: #259
| Quote: معليش يا جماعة, لم اقصد الإنحراف باpost. بس حاجات ذى بتوجعنى خالص لو ما رديت عليها |
ابدا يا ابوزيك ما في داعي للاعتذار من حقك ترد على اي مداخلة وتستفسر عن اي كلام ما عجبك البيت بيتك
Quote: إيا ريم إج و كو ريم آ نوم. ران كن اشى بوت طر مونج
كو ويت كن اشى يج |
لك كل الود
|
Post: #261
Title: Re: تعال هنا يا انت شوف عرس الناس ديل كيف
Author: dombek yai
Date: 01-14-2009, 08:43 PM
Parent: #260
ده وضع اليدين بالنسبة للنسوان في رقصة (دانج)
|
Post: #262
Title: Re: تعال هنا يا انت شوف عرس الناس ديل كيف
Author: dombek yai
Date: 01-14-2009, 08:51 PM
Parent: #261
الزول الطويل داك يا هو الكان ممثل للعريس
|
Post: #263
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 01-14-2009, 09:08 PM
Parent: #1
يا دومبيك
الرقصات دى ما بتاعة دينكا نقوك- بتشبهة رقصات ريك. عمليا, يصعب تفريق التويج من الريك و لعله لا يوجد فرق ابدا ما عدا نحن بنعتبر انفسنا تويج و ليس ريك. رقصة اقرباءى نقوك نعتبرها (cool) و غير عنيفة مثل رقصة ريك او الجورشول او اللو. انتم بتقوموا بنطيط هادئ, بطئ مع ايقاع متوازى مع البنات. زمان ابونا كان بيحكى لنا كيف (the used to make fun) باهلنا نقوك حول رقصاتهم و لهجتهم الفريدة و الجميلة و هم (would make fun of) تويج فيما ياكلونه. نقوك يكرهوا خضرة اسمها اجويد كريهة حتى الموت و لن يتوانوا فى تذكيرنا بها.
الاغانى و الرقصات تعبر عن ضوينق. ضوينق تعنى حرفيا الجمال و لكن برفيسور فرانسيس يترجمه الى (pride) بالإنجليزية او (الفخر)ةبالعربية. هذا هو سبب غلاء المهر و تعقيد الزواج و بناء علاقات معقدة لتوطيدالعلائق الاجتماعية.
الوالد كان يحدثنا عن شابا من نقوك, إشتهر فى التويج باغنيته:
ضونق شينق انى
اشى ضونق شينق
اباراك إتك.
Can't get the smiling faces on the page.
|
Post: #264
Title: Re: تعال هنا يا انت شوف عرس الناس ديل كيف
Author: dombek yai
Date: 01-15-2009, 03:44 PM
Parent: #263
العزيز زكريا
| Quote: الرقصات دى ما بتاعة دينكا نقوك- بتشبهة رقصات ريك |
والله احتمال تكون في تشابه في رقصاتنا مع اهلنا الريك لكن ده نوع من انواع الرقصات عندنا زي ما
ذكرت بنمسيها(دانج)
| Quote: رقصة اقرباءى نقوك نعتبرها (cool) و غير عنيفة مثل رقصة ريك او الجورشول او اللو |
فعلا رقصة (دانج) عندنا ما عنيفة شديد زي بتاع ناس جورشول بس ما عندي فكرة عن رقصات اهلنا ريك
لكن برضو فيها دقة رجل شديد يعني لو الزول ما لابس جزمة قوية ممكن يرجع حفيان الناس بدقوا
ارجلهم في الواطة دي بشدة وبايقاع واحد واليدين بتكون في شكل قرون البقر .
| Quote: انتم بتقوموا بنطيط هادئ, بطئ مع ايقاع متوازى مع البنات |
ده النوع التاني من الرقصات عندنا بنمسيها( ايوات) الراجل والبت بنطوا سوا على مستوى معين من
الارتفاع وبرضو وضع اليدين بالنسبة للرجال بيكون زي قرون البقر والنسوان بيرفعن اليدين لي فوق ومتشابكة
| Quote: نقوك يكرهوا خضرة اسمها اجويد كريهة حتى الموت و لن يتوانوا فى تذكيرنا بها |
انت عارف يا زكريا زمان انا كنت بسمع اهلنا بيقولوا (تويج اجويد) لكن ما كنت عارف
انو اجويد دي خضرة كريهة زي ما انت قلت والله دي معلومة اول مرة اعرفها مشكور كتير يا ابوالشباب
لكن ما قاعد اقبل يقول ليكم تويج اجويد عشان حبوبتي والدة ابوي من تويج زي ما قلت ليك المرة الفاتت
| Quote: الاغانى و الرقصات تعبر عن ضوينق. ضوينق تعنى حرفيا الجمال و لكن برفيسور فرانسيس يترجمه الى (pride) بالإنجليزية او (الفخر)ةبالعربية. هذا هو سبب غلاء المهر و تعقيد الزواج و بناء علاقات معقدة لتوطيدالعلائق الاجتماعية |
اتفق معاك تماما في الكلام ده
Quote: الوالد كان يحدثنا عن شابا من نقوك, إشتهر فى التويج باغنيته:
ضونق شينق انى
اشى ضونق شينق
اباراك إتك |
والله ما شاء الله ذاكرتك قوية لسه بتتذكر اغاني مونجانق
Quote:
Can't get the smiling faces on the page |
,on your right hand on the page there is (smilies Library)just click it
you will see the smiling faces then click on the one you would like to see on your page
بجد زكريا انا سعيد جدا بمعرفتك وخبرتك الثرة في عاداتنا وتقاليدنا كل يوم الزول بيتعلم منك
حاجة جديدة، نتمنى ان يدوم التواصل بيننا
الف شكر
|
Post: #265
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-15-2009, 05:00 PM
Parent: #1
كيف تمت قسمة الدينكا إلى فروع وعشائر:
يقال إن الدينكا وهم فى رحلتهم "لم يحدد الوجهة تحديداً" وقبل بداية رحلتهم ... أعطى دينق ديد مسئولية تقسيم العشائر فيما بعد لــــ "أرياط مكوى"
وقال له: عندما تصل إلى "شوين مور انقاج"... CHWEN MOR ANGACH ... وهى مكان به شجرة عرديب كبير "العرديب يسمى شوى CHWEI" ... يقال إن هذا المكان فى الحدود السودانية الإثيوبية.
عموماً قال دينق ديد لأرياط مكوى أن يقوم بتقسيم العشائر وبطون القبيلة ... كما عليه أولاً قبل كل شئ ان يضحى بثور رمادى "هنا يقصد دينق ديد ... (أكون) AKON بمعنى فيل ".
وعندما وصل القوم إلى المكان المنشود "شوين مور أنقاج" قام أرياط مكوى بذبح فيل كضحية حسب وصية دينق ديد.
بعد تجهيز الذبيحة ... لم يكن هناك ماء لكى يتم الطبخ بها... ولكن بعد برحة، أتت سحابة عابرة وأمطرت تحديداً فى المكان الذى وقف عنده القوم ... وإمتلا خور كان بجوارهم تماماً، بعدها طبخ الذبيحة وقام بعدها أرياط مكوى بتقسيم الدينكا.
__________________
أرياط مكوى هو جد عشيرة فرياط PARIADH وهذه العشيرة تحترم الفيل نسبة لان جدهم قدمه ضحية حسب وصية دينق ديد قبل تقسيم العشائر.
_________________
عن تسمية دينكا أويل بإسم "دينكا ملوال" او "ملوال بوض أنيار":
أثناء رحلة الدينكا وبعد أن تم تقسيمهم ... كان هناك شخص يدعى ملوال، قام ملوال بضرب جاموس "أنيار ANYAR" بواسطة حربته ... ولكن للأسف لم يمت الجاموس وهرب بحربة ملوال.
أصر ملوال عى تتبع الجاموس الجريح حتى لحق به هو وقومه ... وبعدها اصبحوا ينادون على ملوال هذا ويقال لهم "ملوال بوض أنيار" بمعنى ... ملوال متتبع الجاموس.
_________________
- هناك غموض فى هذه الرواية سنحاول إستيضاحه عما قريب خصوصاً فى الأزمنة والأمكنة والعشيرة المتفرعة بالضبط.
- أرياط مكوى ... هو من الأسلاف العظام فى الدينكا "لم يجد حقه فى التوثيق إسوة بقامات كبار فى الدينكا لحقهم نفس المصير للأسف".
شول اشوانق دينق
____________________________
زكريا واماض ... جام فض أشن كراج بنج
|
Post: #266
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-15-2009, 05:52 PM
Parent: #1
النوير والدينكا
يقال إن نوير هو الأخ غير الشقيق لـــ دينق .
دينق هو إبن المراة الصغرى فى حين إن نوير هو إبن المراة الكبرى.
كانوا يملكون بقرة واحدة ... وضعت هذه البقرة عجلة "دو DOW".
أصر كل منهما على أن ياخذ العجلة الوليدة ... وكان أباهما على فراش الموت ويريد تقسيم الميراث على إبنيه قبل مماته.
نادى الأب إبنه دينق ليلاً ... وقال له: خذ العجلة الوليدة وأذهب به الآن واترك البقرة العجوزة هذه لاخوك نوير.
وفعلاً أخذ دينق العجلة وذهب بها ... وفى الصبح توفى أبيهما وذهب نوير إلى الحظيرة ليجد البقرة العجوزة فقط ولم يجد العجلة ولم يعثر على أخيه دينق.
نوير هذا كون قبيلته المعروفة "النوير" اما أخيه دينق فذهب وكون قبيلته "الدينكا او الجيينق".
ومنذ ذلك الزمان إختلفا وما زال الخلاف بين احفادهم.
_________________
طبعاً هناك روايات أخرى عن إختلاف النوير والدينكا ولكن كلها تأكد إنهم كانوا ابناء رجل واحد ... احياناً أشقاء واحياناً أخوين غير أشقاء.
شول اشوانق دينق
|
Post: #267
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-17-2009, 10:16 AM
Parent: #1
up
|
Post: #268
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-18-2009, 12:02 PM
Parent: #1
شنو يا خال ... الصور كملوا ولّ شنو؟ (وش مبسوط للدين)
|
Post: #269
Title: Re: تعال هنا يا انت شوف عرس الناس ديل كيف
Author: dombek yai
Date: 01-19-2009, 11:17 AM
Parent: #268
| Quote: شنو يا خال ... الصور كملوا ولّ شنو؟ |
الصور النشرتها دي هي المهمة في العرس داك البتعبر عن الكلام الكتبناه
انا لسه بحاول انزل غنية (ديب) بس البرنامج ما ماشي معاي.
انت عمك داك تعب ولا شنو شايف الحكايات وقفت كمان هههههههه وبعدين
ما تبقى انتهازي قدر ده شوف ليك كما نفر كده عشان ما تستهلك الزول.
انتو الوجوه الضاحكة دي بكري عمل ليها شنو بعد الصيانة بقت ما بتنزل معاي
|
Post: #271
Title: Re: تعال هنا يا انت شوف عرس الناس ديل كيف
Author: GeerTor Tong
Date: 01-19-2009, 02:41 PM
Parent: #269
الإخوة
دمبيك
شول
زكريا
السلام عليكم ورحمة الله وبركاته
للأخ شول اقترح فتح بوست خاص يتناول فيه الأسماء
ويمكنه مراجعة بعض الكتابات التي كتبتها في مجلة
الامانة بمجلس الوزراء
ولكم جميعا...خاصة الأخوين زكريا وشول يمكنكما كتابة
العلومات القيمة التي تتمتعان بها ولنا استعداد تام في نشرها بالجرائد
الورقية حتى تعم الفائدة لأن اهلنا ليسوا كلهم قادرين على مطالعة الانترنت
بالإضافة هي وثائق يمكن حفظها بالسهل حسب بيئتنا المحلية
الأخ دمبيك وشول وجوك
خرج عمنا مكور ضيل والد الدكتور اجاك مكور منذ يوم الإثنين 12 يناير
ولم يتم العثور عليه حتى اليوم حياً أو ميتاً.
الأخ اجاك سافر اليوم إلى اويل وسيعود منها غد او بعد غد لإحضار للوالد
حتى يتم نشى الاعلان في الصحف.
تلفون الدكتور اجاك هو :0024910793900
مع تحياتي
قير تور
|
Post: #285
Title: Re: تعال هنا يا انت شوف عرس الناس ديل كيف
Author: dombek yai
Date: 01-23-2009, 11:29 AM
Parent: #271
الاخ العزيز قير تور
الف مرحب بيك في البوست ونتطلع لمساهمتك معنا
خبر مؤسف جدا اختفاء عمنا مكور ضيل ونتمنى ان يكون بخير
لك التقدير
|
Post: #272
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-19-2009, 05:22 PM
Parent: #1
هلا ومرحبا بالأستاذ الأخ قير تور
وإنشالله العم مكور يكون بخير يا رب وإنشالله حاضرب تلفون لإبن خالتى د. اجاك مكور
شول اشوانق دينق
_________________________________
قير ... إحتمال البوست نقلبو لعادات الدينكا بصورة عامة (دومبيك بس يخلص)
|
Post: #288
Title: Re: تعال هنا يا انت شوف عرس الناس ديل كيف
Author: dombek yai
Date: 01-23-2009, 02:49 PM
Parent: #272
| Quote: قير ... إحتمال البوست نقلبو لعادات الدينكا بصورة عامة (دومبيك بس يخلص) |
يا اخوي انت قايلني بنقل من كتاب شابكنا نخلص ههههههههه دي محاولة سااااااي من شوية الحاجات
الفي راسنا اخدو راحتكم اقلبوه زي ما عايزين عشان نمد الاخ قير تور ببعض المعلومات والافادات
في سلسلة مقالاته بصحيفة السوداني ، وعموده (لويل كودو) بيعني قول قولك للناس الما عارفين
المعنى .
|
Post: #273
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 10:13 AM
Parent: #1
فوق
|
Post: #274
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 12:53 PM
Parent: #1
Quote: قبيلة الدينكا
الدينكا هم اكبر المجموعة النيلية، التي جاءت من سفوح الهضبة الاثيوبية واستقرت في الجزء الجنوبي من منطقة البيور جنوب السودان، وتحلقوا حول الانهار وخاضوا معارك ضد من هدد وجودهم من قبائل عاشت قبلهم.
والدينكا نيليون وهم اكبر قبيلة بالسودان، وقيل انهم ثاني اكبر قبيلة بافريقيا بعد الماساي في كينيا ويمثلون (11٪) من مجموع سكان السودان و(4,05٪) من سكان الجنوب السوداني.
ومن اهم بطون الدينكا النجوك وابوك وادوت والدينكابور والنويك ملوال، والى عشيرة الدينكا بور ينتمي الراحل جون قرنق زعيم الحركة الشعبية لتحرير السودان.
الخرافة
هنالك خرافات تصل الى درجة التقديس عند عموم الدينكا بالسودان، والخرافة عندهم عنصر اولي لبناء العقل حيث تدل على خصوبته.وتقول خرافة الدينكا، ان جدهم جميعاً يسمى (دينج ديت) وتعني في لغتهم ربنا الكبير، ولدته سيدة تدعى (ألوت) والتي تعني بلغة الدينكا بنت المطر، وهذا الولد اسمه (دينج ديت)، وباعتقاد السيدة ألوت انه الصلة بينها والله خالق الخلق.ويعتقد الدينكاويون ان (ألوت) صعدت الى السماء ذات يوم تاركة (دينج ديت) مع جمهور من الدينكا ليكون نبراساً مضيئاً في دنياهم، ومن ذلك الوقت يخصص اهالي قبيلة الدينكا بقرة واحدة باسم (ديت) وسط ابقارهم تيمناً وتبركاً، ولا يحق لهم بيعها وانما يحسنوا تربيتها لتتكاثر عندهم ويستفيدوا منها في الزواج وشرب الحليب واكل لحمها.
ويقول احد رجالات الدينكا اسمه جون البير ل «الرياض» انه وفي مطلع كل سنة جديدة يذبح كل شخص ثوراً او خروفاً سميناً، وذلك قرباناً لروح (دينج ديت) وتحديداً في اول موسم الامطار والحصاد وفي اول نضوج الذرة ولابد ان تكون ذبائح (دينج ديت) من افضل القطيع.
ويطغى عندهم حبهم وولعهم للابقار وتربيتها والذود عنها، وبحسب البير ان جد الدينكا قال لهم في وصاياه ان الزواج بالابقار وكذلك الدية والتعويض عن اجزاء الجسم كلها بالابقار.
أوصى(دينج ديت) جميع الدينكا بأن لا يقربوا الزنا، ولا يسرقوا، او يضاجعوا زوجات غيرهم.
وللدينكاوين صفات الكرم وحسن الضيافة فهم يأون الغريب والطريد ويبرون به.
ونجد الدينكا في مكان يحفظون ويراعون ويطبقون وصايا جدهم (دينج ديت) ويتواصون بها اباً عن جد، وبالتالي صار مجتمع الدينكا انقى المجتمعات واطهرها اذا ما قيسوا بغيرهم، وتواجد الدينكا وتوالدوا وتكاثروا وفق معايير اخلاقية يندر ان توجد في قبيلة نشأت في البدء بعيداً عن اديان السماء، فهم يهتمون وبشدة على شرف المرأة مقارنة مع غيرهم من قبائل الجنوب، الى الحد الذي تزهق فيه عشرات الارواح بينهم او مع آخرين لان شرف الفتاة مصونة، ولا يقبلون خدشه.
ولذا تجد فتى الدينكا احرص على شرف الفتاة البكر اكثر من حرصها هي على نفسها، فرغم الاختلاط التلقائي الذي تفرضه البيئة والحرية المطلقة بينهم وما كان سائداً من عادة التعري لوقت قريب الا انه نادراً ما تسجل حالة اغتصاب لفتاة بينهم برغم الكثافة السكانية التي يعيشونها.
كما ان الدينكا لا يقرون بينهم الاسترقاق، فعندما كانوا يحاربون في الماضي القبائل الأخرى، ويأتون برجالها أسرى لديهم منذ وصولهم لديار الدينكا فأسراهم احرار بل وأخوة لهم، يتساوون معهم في كل شؤون الحياة ويملكون المال ويعتبرونهم كالإخوان.
تاريخياً كثير ما عبر من بعض مكونات الجنوب القبلية عند تذمرهم من سيطرة قبيلة الدينكا على جميع امور البلاد، ففي العام (1991) قاد بعض ابناء قبيلة النوير (ريال مشار وغيره) معززين بعناصر من الشلك تمرداً ضد جون قرنق جسد خروجاً على هيمنة الدينكا وانضموا الى حكومة الخرطوم، الا ان ذلك لم يمنع قرنق من السيطرة على حركة التمرد واستقطاب من تمردوا عليه وعودتهم من خلال السنوات الأخيرة.
الزواج عند الدينكا
عندما يرغب الدينكاوي في الزواج لابد له من الاتفاق مع الفتاة التي ارتضاها زوجة، وبعد ذلك يتصل باصدقائه من الشباب للاستشارة، وبعد موافقة الاصدقاء على المشروع يذهبون جميعاً إلى منزل أهل الفتاة ويطلبون منها أن تأتيهم بقليل من (التبغ) وبعد تدلل معها ورجاء من الشباب تذهب الفتاة لوالدها وتخبره بخبر الخطيب وتطلب منه «التبغ» لهم فإن عادت به فتلك علامة الموافقة فيرجع الخطيب واصدقاؤه إلى أهلهم.
وبعد يومين تذهب الفتاة وصديقاتها إلى منزل زوج المستقبل لمساعدة والدته فتجهز لهن عشة خاصة وفي الأمسيات تقرع الطبول، ويبدأ الرقص مع البنات وبعد ذلك تعود الفتيات بالخطيبة إلى دارها، ويقوم الشباب برد الزيارة ولا يرافقهم العريس إذا كانت ام الخطيبة على قيد الحياة، كما يصحب الشباب أحد اقربائه نيابة عنه، ويساعد الفتيان أهل العروس في مزارعهم، وفي المساء ينظم الرقص والغناء وبعد انتهاء الحفل ينام الضيوف في العشة المعدة لهم.
وبعد ذلك تزور الفتاة عريسها في منزله، حيث تقام الافراح وتخصص عشة للعريس واصدقاء الأنس، وبعد أيام ترحل العروس إلى اهلها مع أحد اقرباء الزوج فيزورها زوجها هناك، وهكذا تارة عند أهله وتارة عند اهلها ولا تستقر حياتهم الا بعد موت الحماة، وبموتها تستقر الزوجة بمنزل زوجها خلفاً لوالدته في السيادة على المنزل وبعضهم يرحل بزوجته بعد المولود الاول. |
http://www.alriyadh.com/2005/11/29/article111338.html
شول اشوانق دينق
|
Post: #275
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 12:55 PM
Parent: #1
Quote: الدينكا هم اكبر المجموعة النيلية ، والمجموعة النيلية عموما جاءت من سفوح الهضبة الأثيوبية واستقروا في الجزء الجنوبي من منطقة البيبور الحالية وتحلقوا حول الأنهار وخاضوا معارك ضد من هدد وجودهم من قبائل عاشت قبلهم وقد قسم النيليون إلى قسمين :
نيليين وننيليين حاميين ، والدينكا نيلييون وهم اكبر قبيلة بالسودان ، وقال البعض انهم ثاني اكبر قبيلة بإفريقيا بعد الماساي في كينيا وهم يمثلون (11%) من مجموع سكان السودان و (50,4%) من سكان جنوب السودان ، والدينكا ينقسمون إلى قسمين كبيرين هما : دينكا كوي ويحلف أحدهم قائلا (أوك كوي) ويعني ان حلف بجده الأكبر وهو قسم عندهم غليظ وعزيز يقتضي لابر والإيفاء ويفهم ان القاسم بذلك من دينكا كوي وسمي الجد كوي بالصقر القوي الأبيض ذي الرقبة المائلة للسواد ويسميه أعراب البقارة (بولي) وهو صقر كاسر وسريع الانقضاض على فريسته اذ بين ان تظهر صغار السمك على سطح الماء وتختفي يكون قد اخذ صيدته منها في قوة وسرعة فائقة مذهلة واصابة لا تخطئ الهدف بأية حلا ، هذا وينقسم دينكا كوي الي ثلاثة اقتسام كبيرة تربطها معا عادات وتقاليد وأقسامها هي دينكا ريك ومركزهم التونج ودينكا قوقريال وهم خليط من دينكا ريك ودينكا توج ودينكا ملوال وهم اكبر مجموعات الدينكا قاطبة واهم مراكزهم اويل
هنالك خرافات تصل إلى درجة التقديس عند عموم الدينكا بالسودان (والخرافة عندهم عنصر أولي لبناء العقل) تدل على خصوبته تقول خرافة الدينكا او معتقدهم ذلك (ان جد الدينكا جميعا يسمى دينج ديت) وتعني في لغتهم ربنا الكبير قالوا انه في زمن من الأزمان لابعيد القديمة السحيقة قد جاء مطر وقد سبقه غمام كثيف وبرق ورعد وظلام دامس ثم برق مضئ بدد الظلمات وجاء صوت وكلام مع انهمار الأمطار الغزيرة ونزلت بنت ممشوقة القوام فارهة جميلة ضامرة الحشاء نازلة مع ذرات المطر اسمها (ألوت) والوت بلغة
الدينكا تعني بنت المطر او الغمام او رزاز المطر وكانت حبلى بارزة بطنها ومع نزولها وسط المطر ولدت لتوها ولدا صغيرا جميلا بأسنان تامة فقالت (ألوت) للخلق من حولها : هذا الولد جاء معي من السماء واذا كنتم عايزين الولد الصغير يتكلم احضروا ثيران بيضاء واعملوا ولائم وذبائح وكرامة وبعد الذبائح والكرامات والأعياد ووسط جموع الناس سوف يتكلم الولدالصغير فعملوا بنصائحها وتجمعوا سريعا من فجاج الدينكا كلها وذبحوا الذبائح واقيمت الكرامات فجاء المطر منهمر غزيرا فقالت (ألوت) أن اسم الولد (دينج ديت ) وهو يحفظكم كلكم وان هذا الولد هو الصلة بيني وبينكم والله خالق الخلق أجمعين ثم نزل المطر غزيرا ومن خلال المطر والبرق والرعد طارت ألوت في السماء العليا تاركة (دينج ديت) مع جمهور الدينكا وتكلم دينج ديت حاثا أي شخص من الدينكا ومن يعش بينهم من أقوام آخرين لديه بقر ان يخصص منها بقرة ويحفظها بإسم دينج ديت وسط أبقاره وعندما يسمي الشخص ويخصص ابقار دينج ديت لا يحق له بيعها وانما يحسن تربيتها لتتكاثر عنده ويستفيد منها في الزواج وشرب اللبن واكل لحمها وكذلك يحفظون عدداً من الضأن والماعز باسم دينج ديت ، وفي مطلع كل سنة جديدة يزبح كل شخص وباسم دينج ديت ثورا كرامة وكذلك يذبح خروفا من ضأن دينج ديت السمينة كرامة وكذلك تذبح الكرامات من أبقار دينج ديت وماعزة السمان في مواسم الأمطار والحصاد وفي أول نضوج الذرة ولا بد أن تكون ذبائح دينج ديت من أفاضل خراف وثيران دينج ديت انتهت الخرافة أو الاعتقاد عند الدينكا وبالتالي فكل أفراد الدينكا وفي كل مكان لا بد من يسمون جزءا من أبقارهم واغناهم وضأنهم بإسم دينج ديت وكل أسرة تقريبا تسمى أحد أبنائها على الأقل باسم دينج تيمنا وتبركا باسم جد الدينكا وطغي عندهم حب الأبقار وتربيتها والذود عنها ، وجد الدينكا قال لهم في وصاياه ان الزواج بالأبقار وكذلك الدية والتعويض عن اجزاء الجسم كلها بالأبقار ودينج ديت قال لجميع الدينكا لا تقربوا الزنا ولا تسرفوا ولا تقربوا زوجات غيركم ولا تغدروا بغيركم وإذا جاءكم غريب او طريد ديار فأنتم أولى بإيوائه والبربه وضمه للقبيلة ونجد الدينكا في كل مكان يحفظون ويراعون ويطبقون وصايا جدهم دينج ديت هذه يُحافظون عليها ويتواصون بها أبا عن جد وبالتالي صار مجتمع الدينكا كأنقى المجتمعات واطهرها إذا ما قيسوا بغيرهم من هكذا تواجد الدينكا بالسودان وتوالدوا وتكاثروا وفق معايير أخلاقية يندر أن توجد في قبيلة نشأت في البدء بعيداً بعيدا عن أديان السماء وهي أخلاقيا تقطعا لا توجد في كثير من قبائل جنوب كغيرهم الشديدة على شرف المرأة إلى الحد الذي تزهق فيه عشرات الأرواح بينهم أو مع آخرين لان شرف الفتاة مصونة من بناتهم قد خدش ، ولذا تجد فتى الدينكا احرص على شرف الفتاة البكر اكثر من حرصها هي على نفسها ، فرغم الاختلاط التلقائي الذي تفرضه البيئة والحرية المطلقة بينهم وما كان ساندا من عادة التعري لوقت قريب إلا انه لم تُسجل وعلى طول تاريخهم حادثة اغتصاب لفتاة واحدة بينهم ورغم انهم بتلك الكثافة السكانية لا يزنون نساء غيرهم بل ويعافون المرأة التي وطئها غيرهم من الرجال والزمن قد يغير كل شئ فالدين الخالص لله وحده الحجاب والرجاء ، كما أن الدينكا لا يقرون بينهم الاسترقاق فعندما كانوا يحاربون في الماضي القبائل الأخرى ويأتون برجالها أسرى لديهم منذ وصولهم لديار الدينكا أحرارا بل واخوة لهم يتساوون معهم في كل شئون الحياة ويملكون المال ويزجونهم من بناته ويعتبرونهم كالإخوان والأشقاء تماما
|
http://www.sudaneseonline.com/sudaniat/dinka.htm
شول اشوانق دينق
|
Post: #276
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 12:58 PM
Parent: #1
Quote: قبيلة الدينكا
--------------------------------------------------------------------------------
قبيلة الدينكا من أبرز القبائل التي تقطن جنوب السودان وقد لعبت دوراً بارزاً في تاريخه ويصنفها علماء الإنساب بنسبتها إلى مجموعة القبائل النيلية التي تقطن الجنوب في مناطق أعالي النيل وبحر الغزال والاستوائية وهي من أكبر المجموعات النيلية التي جاءت من سفوح الهضبة الأثيوبية واستقرت في تلك المناطق سالفة الذكر ويبدو انها في مجيئها استوطنت حول مناطق البيبور في ولاية جونقلي ثم خاضت حروبا مع بعض القبائل المحلية هنالك الى ان اكتملت لهم السيادة على المنطقة. وتنقسم قبيلة الدينكا إلى أقسام كثيرة منها دينكا كوي والكوي بلغتهم هوالصقر الكاسر السريع الانقضاض هذا هو جدهم الأكبر الذي يمجدونه غاية التمجيد ولهم في ذلك أسطورة تقول إن كوي قد ولد مع هطول الأمطار بعد فترة من الجفاف؛ وينقسم الكوي إلى ثلاثة أقسام كبيرة تربط بينها كثير من العادات المشتركة وهي دينكا ريك ودينكا قوقرريال ودينكا ملوال.
العادات والتقاليد
للدينكا عادات مميزة قلما تجد مثلها في إفريقيا فهم مثلا عندما يولد لديهم مولود جديد لا يقرب والده أمه الا بعد فترة طويلة جدا؛ وبعد ان يشب الولد عن الطوق يقومون بختانه ليس ختانا عاديا وانما بعمل جروح على من مقدمة جبهته الى موخرة جمجمته إضافة الى كسر سنين من أسنانه السفلى الأمامية وتتم هذه العملية على مرأى ومشهد جميع أهل القرية وويل له ان رمش له طرف أو صدر منه صوت تأوه فهذا دليل على جبنه؛ وهذا الجبن عار يلازمه طيلة حياته ولا يستطيع الزواج من بنات القبيلة حيث لا ترضى به فتاة بسبب جبنه؛ وبالتالي هم يحرصون غاية الحرص على الشجاعة في يوم الختان؛ وعلى العموم يتميز هؤلاء الدينكا بصفات عزيزة مكنت لهم السيادة على عموم قبائل جنوب السودان فهم كرماء ؛ ويحرصون على صيانة عروضهم وشرف بنات القبيلة كما انهم لا يزنون وعلى الرغم من التعري والاختلاط بين الجنسين عند الدينكا إلا انه لم تسجل عندهم أية حالة للاغتصاب؟
عند اغارة الدينكا على القبائل التي تجاورهم فانهم يقومون بسبي النساء ويأسرون الرجال وعندما يصل الاسرى الى ديار الدينكا فانهم يعاملون دون أي تمييز لأن الدينكا يعتبرون الاسير فردا من افراد القبيلة؟
الترتيب الاجتماعي
نسبة لكبر قبيلة الدينكا فانه لا توجد قيادة مركزية؛ فلكل عشيرة رأس كبير يسمى بالبنج يساعده كبار السن في إدارة شؤون العشيرة ولهم الكلمة الحسم في كل النزاعات التي تنشأ بينهم خاصة في مسائل المرعى والزواج؟ ثم تأتي طبقة الشباب وهم عصب القبيلة وعامودها الفقري وهم الصبيان الذين تم ختانهم وترفيعهم الى درجة الشباب؛ ثم النساء والاطفال؟
عادات الزواج
لأن الدينكا رعاة واصحاب ماشية فان عادات الزواج مرتبطة بالبقر عندهم؛ فعندالزواج يتحدد المهر بعدد الابقار؛ ولك ان تتصور ان بعض الزيجات يكون مهرها عبارة عن خمسة آلاف بقرة.
وفي بعض الاحيان يزيد العدد وأخرى يقل تبعا لمكانة البنت المراد تزويجها؛ هذه العادات على الرغم من تمكنها في وجدان الدينكا الا انها آخذة في التناقص بسبب الحرب الدائرة في جنوب السودان؛ حيث اجبرت العديد منهم الى النزوح الى مناطق الشمال ودول الجوار الإفريقي مما افقدهم ثروتهم الأساسية التي يعتزون بها كثيرا وهي الماشية؟ ويوجد في ثقافة الدينكا نظام تعدد الزوجات اللانهائي حيث يمكن ان تجد احدهم متزوجاً بأكثر من عشرين امرأة ويدور سؤال عن عدد النسل المنتمي الى أب واحد؟ حيث يمكن ان تجد أكثر من سبعمائة ابن؟ ويختلف عدد الزوجات نسبة لاختلاف المكانة فكلما علت مكانة الرجل في المجتمع زاد عدد زوجاته؟
أسلوب الحياة
الدينكا قبائل رعوية تعيش في منطقة السافنا الغنية الممتدة في جنوب السودان؛ وكما ذكرنا فان الدينكا ينقسمون الى مجموعات كثيرة لكل مجموعة مرعى خاص لا تتجاوزه إلى مرعى المجموعة المجاورة حتى لا تقع المشاكل والحروب حول هذا القسم من المساحة الذي يوفر الماء والكلأ بصورة كافية؛ وتتركز حياة الدينكا على أبقارهم فالبقرة عندهم تعطي الحليب والزبدة؛ كما يستخدم بولها كوقود للنار ويستعمل رماد الروث في طرد الحشرات الماصة لدماء الابقار بعيدا عنها إضافة الى تنظيف الاسنان؟
ولا يقوم الدينكا بذبح الابقار الا نادرا وفي حالة موت البقرة فانهم يقومون بطهي اللحم وتجفيف الباقي وتخزينه؛ ويستخدم الجلد في صناعة المفارش والطبول أما القرون والعظام فيستخدومنها في صناعة المناظر التجميلية؟
يعيش الدينكا في موسم الامطار تحت منازل مبنية بالقش والطين وتسمى «قطيةس»؛ أما في موسم الجفاف فيذهب الجميع الى شواطئ الانهار مع قطعان الماشية ما عدا العجزة والمرضى ولا يرجعون الى منازلهم الا مع بدء موسم الامطار.
ولا توجد سلطة مركزية أو زعامة قبلية موحدة للدينكا وعلى الرغم من محاولة الحكومة السودانية إنشاء مجالس تضم الأعيان الأغنياء لكل مجموعة إلا ان الأمر لم يذهب كما هو مخطط له؟
ويقضي ذلك التنظيم بأن يتم ترشيح كل فخذ من القبيلة لرئيس يمثلها في المجلس المحلي. ويقوم هؤلاء الرؤساء بفض المنازعات التي تتم بين أفراد القبيلة في إطار محكمة شعبية تحت ظل شجرة على الهواء الطلق ويتيحون للخصوم المرافعات الضرورية والدفوعات الكافية ومن ثم يصدرون الحكم الذي يكون ملزما؛ ويجدر الذكر ان هؤلاء الرؤساء يعاملون بكامل الاحترام والتبجيل؟
النظام العائلي
القرابة عند الدينكا لها أهمية عظمى؛ ولذلك فان تقسيم المراعي عند موسم الصيف يتم على أساس عائلي. ويتعصب أفراد كل فخذ لبعضهم ويقدمون لهم النصرة ظالمين أو مظلومين ويمتد هذا التعصب ليشمل كافة أفراد القبيلة ضد القبائل الاخرى يجب على أفراد القبيلة وفقا لهذا النظام ان يعرفوا أنسابهم حيث لا يجوز لهم التزواج بين أفراد العائلة أو الجد الواحد.
وعلى الرغم من تأثير الحرب على النظام القبلي للدينكا إلا انه يمكن القول ان التنظيم الاجتماعي للقبيلة ما زال متماسكا؛ وفي انتظار السلام حتى تعود الى سابق عهدها. |
http://www.banor.net/forum/showthread.php?t=2788
شول اشوانق دينق
|
Post: #277
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 01:01 PM
Parent: #1
Quote: الموسيقى والغناء:-
لكل مجموعة من تلك المجموعات عاداتها وتقاليدها وثقافتها الخاصة بها ، هذه الخاصية الثقافية المتعددة تلاقحت وانصهرت فيما بينها ونتجت عنها الثقافة السودانية المتنوعة والتى شكلت وبمرور الزمن وجدان كل الشعب السودانى . فمن الناحية الموسيقية نجد ان شمال السودان يتميز بالة الطمبور(1) الشعبية والايقاعات المركبة والغناء الرقص الجماعى وغناء الدلوكة(2) والدوبيت . و يعتبر الدوبيت من أهم المراحل الغنائية فى تاريخ الغناء والموسيقى فى السودان . كما نجد فى شرق السودان انواع غنائية متعددة اكثرها انتشاراً غناء الدرفولى لدى قبائل البجا كما تنتشر أغاني الدوبيت والمناحة ومن أكثر الآلات الشعبية انتشاراً في شرق السودان هي آلة الباسنكوب التى تشبه الة الطمبور فى الشكل وتختلف معه فى الحجم والدوزنة . أما جنوب السودان فقد حافظ على عرقه واصله الافريقى الذى يتميز بالغناء الجماعي والذى عادة ما يكون مصحوب بطقوس ورقصات معينة وضربات الطبول ومن اكثر انواع الغناء انتشار عند قبيلة الدينكا باعتبارها اكبر قبيلة فى السودان هى أغاني أقر وأغاني اللور وأغاني أودور كما نجد ان قبيلة الزاندى والتى تنتشر على الحدود السودانية مابين يوغندا وكينيا والكنغو من اكثر القبائل الجنوبية حباً للموسيقى وتنتشر فيها الآلات الشعبية مثل الة- البالمبو والكربى والكوندى (3)- وتتعدد فيها الأنماط الغنائية كما نجد أن الموسيقى ارتبطت بالحياة الاجتماعية والطقوسية لدى قبائل البرتا والذين يقطنون منطقة جنوب النيل الازرق فنجد عندهم -ابواق الوازا ومزامير القنا والة الجنقر (4)- والتى تشبة الة الطمبور ولكنها اكبرحجماً وصوتها اغلظ ولكل الة من هذه الالات وقت معين للاستخدام ومرتبط بطقوس معينه. أما غرب السودان تتعدد فيه الأنماط الغنائية والتى عادة ما تكون مصحوبة بالرقص و الغناء الجماعي المصاحب بالصفقة و الضرب على النقارة(5) كما تستخدم الة الربابة وهى شبيه لالة الطمبور والة ام كيكى(6) ذات الوتر الواحد والقوس وتعبر اغانى الجرارى والمردوم و الجالسة هى الاكثر انتشاراً بالمنطقة . |
http://www.drfhussain.net/nd/sudan%20music%20history.htm
شول اشوانق دينق
|
Post: #279
Title: Re: تعال هنا يا انت شوف عرس الناس ديل كيف
Author: جعفر محي الدين
Date: 01-20-2009, 01:31 PM
Parent: #277
شكرا دومبيك على هذا البوست الرائع
وفعلا عنوان البوست أبعدنا عنه لفترة طويلة
والله لم أستطيع إكمال قراءة البوست حتى الآن لكن حبيت أقول
فــــــــــــــــــوق
سنعود للمتابعة حتما
وفعلا فكرة عدم الزواج من الأقارب فكرة رائعة وذات هدف عميق وهو التعارف والتداخل مع فروع القبيلة الأخرى شيء ينم عن حكمة بالغة
لك ولشول التجلة والشكر
|
Post: #286
Title: Re: تعال هنا يا انت شوف عرس الناس ديل كيف
Author: dombek yai
Date: 01-23-2009, 01:41 PM
Parent: #279
Quote: شكرا دومبيك على هذا البوست الرائع
وفعلا عنوان البوست أبعدنا عنه لفترة طويلة
|
تسلم اخي جعفر وآسفين بخصوص العنوان الف حمد الله على السلامة
Quote:
والله لم أستطيع إكمال قراءة البوست حتى الآن لكن حبيت أقول
فــــــــــــــــــوق
سنعود للمتابعة حتما |
البيت بيتك ويشرفنا جدا مشاركتك معنا
الف شكر وتقدير
|
Post: #278
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 01:29 PM
Parent: #1
Quote: لويل كودو
متغيرات على زواج الدينكا (1
قيرتور
كُتب في: 2009-01-19
[email protected]
حقيقة كان من المفترض أن أتناول موضوعاً عن إحتفالات زيجة لأخ لنا هو كير مجاك فيوك، حدثت إحتفالاتها في شهر ديسمبر الماضي حدثت فيها اشياء تستحق التوثيق لأهميتها الزمانية والمكانية خاصة في سلوك أجيال اليوم.لكن بعض الظروف حالت دون فعلي ذلك، حتى وجدت نفسي مسبوقاً بأخ عزيز وكريم هو الأخ دمبيك ياي كوال الموجود حالياً بزامبيا بسفارتنا هناك وهو يتناول موضوعاً عن الزواج عند الدينكا في المنبر العام لسودانيز اونلاين، وزاد الأمر روعة المقدرة والمعلومات الوفيرة التي جاء بها الإخوة شول اشوانق وزكريا جوزيف اللذان زادا الألق وهجاً.
* آخر نقاش زواج حضرته هذا العام، ولا اقول حفل زواج، فهناك فرق كبير بين نقاش زواج وحفل زواج، كان يوم الجمعة الماضي 16 يناير 2009 م بالفتيحاب أقيم بمناسبة الأخت أدوت دينق أنييث.وأما آخر حفل زواج فقد كان، يوم الخميس 15 يناير 2009 م، بنادي الدبلوماسي بالخرطوم بمناسبة زواج الأخ جوك دومبيك.
* قد تستغربون جداً في الفقرة اعلاه لتفريقي بين إحتفال الزواج الذي هو الحفل النهائي ونقاش الزواج، وهذا يعود إلى أن نقاش الزواج عند الدينكا يمثل الشهادة الأخيرة والنهاية الخاتمة القانونية التي به تكون كل الأشياء المتعلقة بالحقوق والواجبات على اي من الأسرتين قد تم حسمها والنقاش حسب العرف والقانون والمبادئ سابق للحفل. والنقاش مسؤولية الكبار. أما الحفل فهو الفرح الذي يعقب النتائح أو الخلاصة وهنا نجد الشباب والنساء والأطفال هم الغالبية فيه وإذا وجد فيها الكبار فهم يقومون بدور المراقبة لمنع الإحتكاكات التي يمكن أن تحدث بين الشباب.
* بإختصار ساتناول ما حدث في زيجة الأخ كير مجاك فيوك، خاصة الإحتفال بإكتمال جميع المراسم.وكما هو سائد عند الدينكا عند تمام الإتفاق على المهر المطلوب عند طلب يد فتاة، فإنه يتم تحديد رقم معين يتم به التسليم إذ ليس المطلوب الرقم الذي تم الإعلان عنه فهناك إعلان آخر للتسليم، فمثلاً يمكن لأهل الفتاة القول بأن زواج الفتاة مطلوب لها (150) رأسا ويتم التسليم بـ(60 -80) راسا. وهنا النقاش الذي يتم بمثابة طلب شهادة من الحضور حتى إذا حدث اي أمر يؤدي إلى خلاف بين أسرة المتزوج أو بين أسرة الفتاة أو بين الأسرتين يكون الغرباء الذين كانوا حضوراً شهودا يدلون بما لديهم من معلومات، وهذا الإتفاق الذي يتم أمام الناس خاصة الغرباء يعتبر أكبر عهد يجب الإلتزام به فلا يمكن لأسرة كاملة التنصل عن واقعة حدثت أمام عشرات الحضور.
* على ما تقدم فقد كانت الأمور بين العريس كير مجاك وأسرة عروسته تسير على ما يرام. وإكتملت حتى تم تحديد يوم تسليم العروس، ومن الأشياء المهمة التي جعلتني أهتم بالقصة أكثر هو أن والد الفتاة لم يصعب الأمور فهو تولى بنفسه موضوع زواج كريمته وبحكم أنه مسلم وكذلك العريس فقد تم الإتفاق على إكتمال العقد بالمسجد القريب.
|
http://alsudani.info/index.php?type=6&issue_id=1856&col_id=136&bk=1
تحية للاستاذ/ قير تور
شول اشوانق دينق
|
Post: #280
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 01:32 PM
Parent: #1
Quote: لويل كودو
متغيرات على زواج الدينكا (2)
قيرتور
كُتب في: 2009-01-20
[email protected]
* وبما أن الاشياء الأساسية قد تمت وتبقى موضوع الإحتفالات، فقد اقامت أسرة الفتاة حفلاً مساء نفس اليوم، وكان حسب المتفق عليه أن تقوم سيدات أهل العريس بتسلم عروستهن في نفس الليلة.وتفاجأت سيدات أهل العريس بعقبة تريد سيدات أهل الفتاة وضعها لتحول دون إكتمال الفرحة في لحظتها، فقمن بدس الفتاة في غرفة أخرى وجئن قائلات بأن هناك بعض المراسم لم تكتمل.كانت هذه النقطة مفاجأة كبرى للنساء فطلبن السبب في ذلك التصرف فقال أهل الفتاة بأن بنتهن هي الفتاة التالية للتوائم، وحسب عرف الدينكا فإن المولود التالي ومن يليه يتبعان نفس مراسم التوائم وهناك متطلبات على العريس إكمالها وإلا فالزواج لن يتم.
*كانت هذه الإجابة كافية لصنع ثورة وسط سيدات اهل العريس فقد ثرن وعاتبن اهل الفتاة لماذا لم تكتمل هذه المراسم قبل عمل الحفل الذي قاموا به؟ إن كان هناك قصور فليست المسؤولية على اهل العريس... وتأكيداً على إصرارهن على تصرف أهل الفتاة رفضت نساء اسرة العريس تناول الطعام وخرجن من الدار مما خلق أزمة جديدة.
* كانت على الأسرة تدارك هذه المشكلة، فتم اللجوء إلى والد العروس الذي بدوره أجاب بأن دوره إنتهى منذ نهاية إكتمال العقد في المسجد وخاصة أنه في يوم نقاش المهر قبل شهور مضت كان الإتفاق قد تم على تسليم الفتاة... بل أن تأخير إستلام الفتاة كان بطلب من أهل العريس وليس بسبب والد الفتاة.وهنا برأ والد الفتاة ساحته وقال إن تأخير الإستلام ليس مسؤوليته.وفي النهاية تم التسليم بالأمر الواقع فقد وقعت نساء أهل العروس في خطأ لم يدركنه إلا متأخراً جداً فكان من المفترض عندما سمعن بأن والد العروس سيتم عقد قران كريمته في المسجد كان عليهن المطالبة بإكمال بقية المراسم قبل هذا الأمر الحاسم، وفي النهاية تم تسليم الفتاة في وقت متأخر من الليل.
* وللذين يظنون أن الأمر سهلٌ اقول لهم ليس سهلاً لأنه محكوم بالقبيلة والعشيرة، فالعريس من قبيلة (ديل) والعروس من قبيلة (مرينق)، ومرينق هذه هي قبيلة والدة كاتب هذا المقال وأما ديل فهي قبيلة (جدتي) والدة أمي.وفي اليوم الأخير للزواج خاصة الإحتفالات يكون التعامل وفق القبيلة وفي القبيلة تقع المسؤولية على الجيل الذي ينتمي له العريس، فالذي يتحدث لا يمثل نفسه بل قبيلة بالكامل وهذا هو الإعتبار الذي لا يفوت على المتنافسين فقد يكون ابن خالك أو خالتك أو عمتك هو الند في الطرف الآخر... وفي حالة النساء فقد تتقابل شقيقتان في المنافسة ولا تتنازل اي منهما عن حقوقها تجاه الأخرى ليفهم من ليسوا من الدينكا، فمثلاً والدتي المتزوجة قد تلتقي مع شقيقتها المتزوجة في قبيلة أخرى، وشقيقتها تلك لها موقع الريادة حسب موقع زوجها في القبيلة تأتي وتناقش ندها التي هي شقيقتها بحكم الدم ولكن ليست شقيقتها بحكم المكانة والمناسبة فلكل مكان لقبه الخاص به ولكل مناسبة اللقب الإجتماعي الخاص به.
|
http://alsudani.info/index.php?type=6&issue_id=1857&col_id=136&bk=1
شول اشوانق دينق
|
Post: #287
Title: Re: تعال هنا يا انت شوف عرس الناس ديل كيف
Author: dombek yai
Date: 01-23-2009, 02:27 PM
Parent: #280
شكرا شول على نقل مقالات الاخ العزيز قير تور
نتقدم له بجزيل الشكر والتقدير فهو قد اضاف نقاط مهمة جدا
لموضوع البوست.
لك كل التقدير اخي قير
|
Post: #281
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-20-2009, 01:41 PM
Parent: #1
Quote: شكرا دومبيك على هذا البوست الرائع
وفعلا عنوان البوست أبعدنا عنه لفترة طويلة
والله لم أستطيع إكمال قراءة البوست حتى الآن لكن حبيت أقول
فــــــــــــــــــوق
سنعود للمتابعة حتما
وفعلا فكرة عدم الزواج من الأقارب فكرة رائعة وذات هدف عميق وهو التعارف والتداخل مع فروع القبيلة الأخرى شيء ينم عن حكمة بالغة
لك ولشول التجلة والشكر |
الف شكر اخى جعفر محى الدين
شول اشوانق دينق
______________________
يا الخال دومبيك ... الــhome work الاديتنى ليهو قرب ينجض (وش مزغلل)
|
Post: #282
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-21-2009, 03:32 PM
Parent: #1
فوق
|
Post: #283
Title: Re: تعال هنا يا انت شوف عرس الناس ديل كيف
Author: Zakaria Joseph
Date: 01-21-2009, 05:29 PM
Parent: #1
شول
سلامات
المقالات البتنقل فيها بتمرضنى مرض يا قريبى. دى انتاج الإنقاذ و الغالب انها احدى المحاولات للتريخ اصول الجنوبين من قبل موظفين الإنقاذ من جامعة افريقيا العالمية.
| Quote: ومن اهم بطون الدينكا النجوك وابوك وادوت والدينكابور والنويك ملوال، |
| Quote: الدينكا تعني بنت المطر او الغمام او رزاز المطر |
| Quote: الدينكا هم اكبر المجموعة النيلية، التي جاءت من سفوح الهضبة الاثيوبية واستقرت في الجزء الجنوبي من منطقة البيور جنوب السودان، وتحلقوا حول الانهار وخاضوا معارك ضد من هدد وجودهم من قبائل عاشت قبلهم. |
انظر الى هذا الهراء!!!
ليس من الصعب معرفة اصول القبائل النيلية فى الجنوب لان هذه القبائل اصولها واحدة و الدينكا او الجينق ما هى إلا وحدة قبلية ضمن المجموعات القبلية التى تسمى بالنيلية, بمعنى اخر, لا يوجد فرق اثنى بين النوير و الدينكا و الشلك او مجموعة اللو فى الجنوب و شرق افريقيا. هذا يقودنا الى السوال الاتى: على ماذا يستند من يرجعوا اصول الدينكا الى الهضبة الإثيوبية? هناك طريقة علمية سهلة جدا لتدقيق اصول الاثنيات- علوم الالسنة ( Linguistic Classification of the Languages) و هذا يضع القبائل النوبية فى الشمال, بما فيها نوبة الجبال قرب القبائل النيلية فى الجنوب. بمعنى اخر, ( و هذا ربما لم يعجب البعض من الإخوة من النوبة و الدينكا), اصولنا نوبية من شمال السودان. و للعلم فقط, اقرب الاثنيات الافريقية للقبائل النيلية هى قبائل الولف فى سنغال و مالى و غينيا. هم نوبين من شمال السودان و قصة هجرتهم الى غرب افريقيا ربما تشرح زحفنا جنوبا. لم يتاثروا كثيرا بالثقافات الاجنبية مثلنا و هذا هو سبب تشابهم بنا.
فى راى, الجينق او الدينكا تكونت حديثا من النوير بينما مجموعات اللو التى تضم الشلك و الجورشول و الاشولى و الانواك و المورلى و بارى هى الاخرى تكونت من انقسامات داخل الدينكا. و للعلم, فهذا التكوين مازال مستمر حتى يومنا هذا. عادى جدا ان يتحول النوير الى الدينكاوى و العكس بين الليلة و ضاحها و نفس شئ مع الشلك, الدينكاوى او النويراوى بمقدورهم ان يتحولوا الى الشلك و العكس. مثال اخر هو اهلنا الجورشول و جوربيل و مندارى- لا هم لا نحن الدينكا بنقدر نفرق من هو هذا و من هو ذاك.
|
Post: #284
Title: Re: تعال هنا يا انت شوف عرس الناس ديل كيف
Author: شول اشوانق دينق
Date: 01-22-2009, 01:02 PM
Parent: #1
Quote: شول
سلامات
المقالات البتنقل فيها بتمرضنى مرض يا قريبى. دى انتاج الإنقاذ و الغالب انها احدى المحاولات للتريخ اصول الجنوبين من قبل موظفين الإنقاذ من جامعة افريقيا العالمية.
Quote: ومن اهم بطون الدينكا النجوك وابوك وادوت والدينكابور والنويك ملوال،
Quote: الدينكا تعني بنت المطر او الغمام او رزاز المطر
Quote: الدينكا هم اكبر المجموعة النيلية، التي جاءت من سفوح الهضبة الاثيوبية واستقرت في الجزء الجنوبي من منطقة البيور جنوب السودان، وتحلقوا حول الانهار وخاضوا معارك ضد من هدد وجودهم من قبائل عاشت قبلهم.
انظر الى هذا الهراء!!!
ليس من الصعب معرفة اصول القبائل النيلية فى الجنوب لان هذه القبائل اصولها واحدة و الدينكا او الجينق ما هى إلا وحدة قبلية ضمن المجموعات القبلية التى تسمى بالنيلية, بمعنى اخر, لا يوجد فرق اثنى بين النوير و الدينكا و الشلك او مجموعة اللو فى الجنوب و شرق افريقيا. هذا يقودنا الى السوال الاتى: على ماذا يستند من يرجعوا اصول الدينكا الى الهضبة الإثيوبية? هناك طريقة علمية سهلة جدا لتدقيق اصول الاثنيات- علوم الالسنة ( Linguistic Classification of the Languages) و هذا يضع القبائل النوبية فى الشمال, بما فيها نوبة الجبال قرب القبائل النيلية فى الجنوب. بمعنى اخر, ( و هذا ربما لم يعجب البعض من الإخوة من النوبة و الدينكا), اصولنا نوبية من شمال السودان. و للعلم فقط, اقرب الاثنيات الافريقية للقبائل النيلية هى قبائل الولف فى سنغال و مالى و غينيا. هم نوبين من شمال السودان و قصة هجرتهم الى غرب افريقيا ربما تشرح زحفنا جنوبا. لم يتاثروا كثيرا بالثقافات الاجنبية مثلنا و هذا هو سبب تشابهم بنا.
فى راى, الجينق او الدينكا تكونت حديثا من النوير بينما مجموعات اللو التى تضم الشلك و الجورشول و الاشولى و الانواك و المورلى و بارى هى الاخرى تكونت من انقسامات داخل الدينكا. و للعلم, فهذا التكوين مازال مستمر حتى يومنا هذا. عادى جدا ان يتحول النوير الى الدينكاوى و العكس بين الليلة و ضاحها و نفس شئ مع الشلك, الدينكاوى او النويراوى بمقدورهم ان يتحولوا الى الشلك و العكس. مثال اخر هو اهلنا الجورشول و جوربيل و مندارى- لا هم لا نحن الدينكا بنقدر نفرق من هو هذا و من هو ذاك. |
أخى زكريا
زى ما قلت ...انا قصدت اجيب المقالات دى هنا عشان البيجى يقراها بيفهم إنو الكلام الكتير المتداول ما كلو حقيقة.
هسى زى جيتك ونفيك للمعلومة الكتيرة الواردة ووضحت رايك ... الزول البيجى يقرأ الكلام ده بيستفيد من المعلومة الصاح ما المعلومة الموجهة المكتوب فى المقالات الجبتهم والمقصود منو حاجة معينة والحاجة المقصودة دايرين نورى الناس هنا إنو البيقرو من قبل كده ما كلو صاح وبنحاول نوريهم الصاح شنو والما صاح شنو.
Quote: و هذا يضع القبائل النوبية فى الشمال, بما فيها نوبة الجبال قرب القبائل النيلية فى الجنوب. بمعنى اخر, ( و هذا ربما لم يعجب البعض من الإخوة من النوبة و الدينكا), اصولنا نوبية من شمال السودان. و للعلم فقط, اقرب الاثنيات الافريقية للقبائل النيلية هى قبائل الولف فى سنغال و مالى و غينيا. هم نوبين من شمال السودان و قصة هجرتهم الى غرب افريقيا ربما تشرح زحفنا جنوبا. لم يتاثروا كثيرا بالثقافات الاجنبية مثلنا و هذا هو سبب تشابهم بنا.
فى راى, الجينق او الدينكا تكونت حديثا من النوير بينما مجموعات اللو التى تضم الشلك و الجورشول و الاشولى و الانواك و المورلى و بارى هى الاخرى تكونت من انقسامات داخل الدينكا. و للعلم, فهذا التكوين مازال مستمر حتى يومنا هذا. عادى جدا ان يتحول النوير الى الدينكاوى و العكس بين الليلة و ضاحها و نفس شئ مع الشلك, الدينكاوى او النويراوى بمقدورهم ان يتحولوا الى الشلك و العكس. مثال اخر هو اهلنا الجورشول و جوربيل و مندارى- لا هم لا نحن الدينكا بنقدر نفرق من هو هذا و من هو ذاك. |
بالمناسبة الإقتباس الفوق مستوى الحقيقة فيهو كبير جداً.
عندنا واحدة اختنا فى السنغال قال لى نفس الكلام القاعد تقولو ده.
بتحكى لى إنو (السنغاليين الولوف) لما يسالوها وهى تقول ليهم هى من السودان ... الجماعة بيستغربوا جداً وبيفتكروها ناكرة لاصلها.
http://www.uiowa.edu/~africart/toc/people/Wolof.html
http://www.africanculture.dk/gambia/ftp/wollof.pdf
http://en.wikipedia.org/wiki/Wolof_language
تسلم يا زكريا
شول اشوانق دينق
________________________
الخال دومبيك ما قادر يخش ... إتهكر وراجى بكرى يحل مشكلتو
|
Post: #289
Title: Re: تعال هنا يا انت شوف عرس الناس ديل كيف
Author: dombek yai
Date: 01-23-2009, 03:08 PM
Parent: #284
Quote: ليس من الصعب معرفة اصول القبائل النيلية فى الجنوب لان هذه القبائل اصولها واحدة و الدينكا او الجينق ما هى إلا وحدة قبلية ضمن المجموعات القبلية التى تسمى بالنيلية, بمعنى اخر, لا يوجد فرق اثنى بين النوير و الدينكا و الشلك او مجموعة اللو فى الجنوب و شرق افريقيا. هذا يقودنا الى السوال الاتى: على ماذا يستند من يرجعوا اصول الدينكا الى الهضبة الإثيوبية? هناك طريقة علمية سهلة جدا لتدقيق اصول الاثنيات- علوم الالسنة ( Linguistic Classification of the Languages) و هذا يضع القبائل النوبية فى الشمال, بما فيها نوبة الجبال قرب القبائل النيلية فى الجنوب. بمعنى اخر, ( و هذا ربما لم يعجب البعض من الإخوة من النوبة و الدينكا), اصولنا نوبية من شمال السودان. و للعلم فقط, اقرب الاثنيات الافريقية للقبائل النيلية هى قبائل الولف فى سنغال و مالى و غينيا. هم نوبين من شمال السودان و قصة هجرتهم الى غرب افريقيا ربما تشرح زحفنا جنوبا. لم يتاثروا كثيرا بالثقافات الاجنبية مثلنا و هذا هو سبب تشابهم بنا.
فى راى, الجينق او الدينكا تكونت حديثا من النوير بينما مجموعات اللو التى تضم الشلك و الجورشول و الاشولى و الانواك و المورلى و بارى هى الاخرى تكونت من انقسامات داخل الدينكا. و للعلم, فهذا التكوين مازال مستمر حتى يومنا هذا. عادى جدا ان يتحول النوير الى الدينكاوى و العكس بين الليلة و ضاحها و نفس شئ مع الشلك, الدينكاوى او النويراوى بمقدورهم ان يتحولوا الى الشلك و العكس. مثال اخر هو اهلنا الجورشول و جوربيل و مندارى- لا هم لا نحن الدينكا بنقدر نفرق من هو هذا و من هو ذاك. |
شكرا زكريا على هذه المعلومات القيمة.
| Quote: الخال دومبيك ما قادر يخش ... إتهكر وراجى بكرى يحل مشكلتو |
المشكلة اتحلت يا مونج شكرا ليك وشكرا لبكري كمان.
|
Post: #290
Title: Re: تعال هنا يا انت شوف عرس الناس ديل كيف
Author: dombek yai
Date: 01-23-2009, 03:27 PM
Parent: #289
Quote: لويل كودو
متغيّرات على زواج الدينكا (3)
قيرتور
كُتب في: 2009-01-21
[email protected]
* توقفت في المرة السابقة عند سرد ما حدث في مناسبة حقيقية في الشهر الماضي كآخر مناسبة في العام المنصرم. وبهذا السرد أردت لفت النظر إلى أن أهم المتغيرات على زواج الدينكا موضوع اعتناق كلٍّ من المسيحية والإسلام كأهم عنصرين، ثم أتت بعد ذلك عادات وثقافات أخرى لم تكن عند الدينكا في الزواج وهي دخيلة على مجتمع الدينكا، بحكم التأثر بمجتمعات أخرى مكانياً وزمانياً. بعض هذه العادات جميلة وبعضها أقبح ما تكون العادة. لكن سيأتي زمان تناولها لاحقاً بالأمثلة الحيَّة.
* وكما سبق الإشارة إلى أن الاخوة دومبيك ياي وشول اشوانق وزكريا جوزيف، بالإضافة إلى الأخ جوك بيونق الور، وكل هؤلاء باستثناء الأخ شول اشوانق موجودون خارج البلاد، وسوف نواصل طرح الموضوع على سطح أوراق صحيفتنا حتى يجد البسيطون من أهلنا الفرصة على المطالعة وتزويدنا بالمعلومات التي قد نكون أخطأنا فيها وفي الوقت نفسه يكونوا ساعدونا في توثيق تراثنا المهم جداً.
* عند الزواج قد لا يكون العريس على معرفة بالفتاة التي يرغب في زواجها في بعض الأحيان، وليس ضرورياً كذك على الفتاة معرفة الشخص الذي سيتزوجها. الشاب قد يتزوج فتاة لم يرها من قبل أو سمع بها... يكفي أن يختار الأهل الفتاة ويدفعوا المهر ثم يستلم الشاب زوجته نتيجة الثقة في اختيار الأهل، ونفس الشيء يحدث للفتاة فهي ليس من حقها رفض ما وافق عليه الأهل.
* الزيجات التي تتم عن طريق تعارف الشاب بالفتاة يسبقها فترات اختبارات صعبة جداً، منها مثلاً وقوف الشاب لأول مرة مع الفتاة يظهر رد فعله مباشرة في المرة التالية. بمعنى أنك إذا صادفت ووقفت مع فتاة لم تكن تعرفها، ولاقيتها في المرة القادمة ووقفت معك مدة تحسب دقائقها فهذا يعني بأن الفتاة لم تجد المعارضة على شخصية الشاب من أهلها، وهذه الموافقة لا تقال بطريقة مباشرة إنما بالتحري من خلال الكلام لأن الفتيات كبيرات السن أو النساء بمجرد رؤيتهن شاباً لا يعرفنه يقف مع قريبة لهن يسألن الفتاة "دا منو اللي كان واقف معاك قبيل؟". ومن الأشياء المهمة جداً التعرف على الاسم كاملاً والطوطم والعشيرة والقبيلة.. إذا كان هذا الشخص غير مرغوب فيه فالأسرة تكتفي بالإجابة لبنتهم بالقول "ما دايرين نشوفك ماشة معاهو يوم تاني". أما أخطر أنواع التحري فهو عندما يتحدث أخوان الفتاة إليها يحذرونها من شخص ما فهذا يعني أن وجوده في الحي الذي تقطنه الفتاة خطر على حياة ذلك.
* لكن هل هذا الأمر يسير كذلك في الوقت الراهن؟ أقول لا. فليس متاحاً للأسرة في الوقت الراهن معرفة ما يدور في داخل البيت ناهيك عن ما يدور في الخارج في الوقت الذي صارت وسائل الإتصالات تجعل اللقاءات سهلة دون حضور الأهل.
http://alsudani.info/index.php?type=6&issue_id=1858&col_id=136&bk=1
|
|
Post: #291
Title: Re: تعال هنا يا انت شوف عرس الناس ديل كيف
Author: dombek yai
Date: 01-28-2009, 09:57 AM
Parent: #290
up
|
Post: #292
Title: Re: تعال هنا يا انت شوف عرس الناس ديل كيف
Author: dombek yai
Date: 01-28-2009, 12:03 PM
Parent: #291
Quote: لويل كودو
متغيرات على زواج الدينكا (4)
قيرتور
كُتب في: 2009-01-25
[email protected]
* كما وضح في الحلقة السابقة بأن واحدة من طرق الرفض مبدئياً هو إرسال إشارة للبنت بالا تسير مع شخص آخر يحدد بالإسم مما يعني الرفض وإذا تمادت في تصرفها فالأساليب الأخرى كفيلة بايقافها حتى لو أدى الأمر إلي اقصى ما يتوقعه الفرد.
* من الأشياء الثابتة ، لكنها صارت من الماضي اليوم نتيجة الظروف التي يعيشها الناس حالياً ، هو أنه لا يمكنك الوقوف أو إيقاف فتاة غريبة عنك في مكان منفرد لا يلاحظ الآخرون سلوككما وتصرفكما معاً.هناك أماكن وأزمان محددة يسمح فيها بوقوف الشباب مع بعض وهي مناسبات النقارة حيث يتجمع الناس بشرط الا تختفي الفتاة التي غالباً ما تكون تحت مراقبة فتاة تكبرها عمراً هي المسؤولة عن البنات وتعرف كل الذين يتحدثون مع بقية بنات الحي ، وكذلك في الميادين الموجودة أمام المنازل حيث يأتي الشاب غالباً إلى حي الفتاة مساء بعد تناول الطعام ليلاً.أما النقارة فلها اوقات معروفة هناك ما تقام أوقات العصر ، وهناك ما تقام في الليالي المقمرة.
* قدوم الشاب لحي الفتاة ، متعارف عليه وهو يقف بعيداً من الدار التي بها الفتاة ويقوم بضرب اصابعه بحيث تصنع صوتاً يدركه أهل الدار بأن المطلوب هي الفتاة ويجب أن يتم التعريف بالشاب القادم الذي سأل اليوم فإذا كان غير مرغوب فيه تقول له الفتاة ارجو عدم الحضور مرة ولا تتعب نفسك فلي الكثير من المشغوليات ولذا فانا حريص على عدم تعبك وصحتك ولا داعي لتعريض نفسك للمخاطر .
* موضوع رفض الفتاة للشاب يتوقف على جدية الشاب نفسه هل هو شخص جاد فعلاً يريدها زوجة ، أم يريد اللعب بمشاعرها فقط. هنا يظهر دور إجتماعي مهم جداً ما يزال يمارسونه حتى اليوم ، وهو ان الجاد يذهب لأهله ويقوم بدفع الأبقارمعتمداً على الخلفية الإجتماعية والذي يتصرف هكذا قد يكون له أنصار وسط أهل الفتاة أو كلهم أحياناً خاصة إذا كان رفض الفتاة لم يكن له مبرر مثل عريس منافس آخر له أبقار عند أهلها فهنا يتم غصب الفتاة على العريس.
* في دينكا نقوك يمكن لأهل افتاة أخذها بالقوة وتسليمها للعريس ، وهذا التصرف يعني إخلاء الطرف من المسؤولية وكأنهم يقولون لقد قمنا بواجبنا نحوكم والباقي.عند قبائل أخرى في الدينكا يذهب الأمر أبعد من هذا التصرف ، والمسألة عندي مهمة جداً لأنها تعتبر واحدة من الطرق الصحيحة. فالفتاة التي ترفض شاباً يريد زواجها يمكنها التعرض للإغتصاب من قبل ذلك الشاب.
* من الوقائع التي حضرتها من قبل ، كنت جالساً في منزل قريب لي ، في عام 1993 م في سنار .كان الوقت الساعة 12 ظهراً بتوقيت السودان المحلي – الساعة 10 صباحاً بتوقيت غرينتش – سمعنا صوت صراخ من بيت قريب منا لمن تتوسل النجدة وعندما خرجنا من دارنا راينا فتاة تبكي وهي تقوم برمي من هم داخل الغرفة التي منه على التو باي شئ تجدها امامها.وكانت قد تم إمساكها بالقوة بواسطة عدد من الشباب المرافقين للعريس ، وفي النهاية يتم إخبار أهل الفتاة بأن بنتهم (لم تعد عذراء) وأما الفاعل فيكون جاهزاً لتحمل اي مطلب.فالغرض هو إجبار الفتاة على الذهاب إليهم وهو مايحدث غالباً.
|
http://www.alsudani.info/index.php?type=6&issue_id=1862&col_id=136&bk=1
|
Post: #293
Title: تعال هنا يا انت شوف عرس الناس ديل كيف
Author: شول اشوانق دينق
Date: 01-28-2009, 08:36 PM
Parent: #1
فوق
شول اشوانق دينق
|
Post: #294
Title: Re: تعال هنا يا انت شوف عرس الناس ديل كيف
Author: dombek yai
Date: 01-29-2009, 12:06 PM
Parent: #293
شول جيب ال home work وعندي شوية اضافات على مقالات الاخ قير تور
لمن اجي راجع
|
Post: #295
Title: Re: تعال هنا يا انت شوف عرس الناس ديل كيف
Author: dombek yai
Date: 02-04-2009, 03:54 PM
Parent: #294
فوق شوية كمان
|
Post: #296
Title: Re: تعال هنا يا انت شوف عرس الناس ديل كيف
Author: dombek yai
Date: 02-09-2009, 10:53 AM
Parent: #295
تحدث الاخ قير تور في واحد من مقالاته عن مرحلة تسليم العروس الى زوجها
ودي المرحلة الاخيرة في مراحل الزواج عند دينكا نقوك واول حاجة العروس
بيعملو ليها جلسة مع النسوان الكبار يكلموها انها لازم تحترم الكبير والصغير
في البيت الماشية ليه وان لا ترفع صوتها لاي واحد منهم وكمان يدوها دروس في
الطبخ واطعام الناس الموجودين في البيت مهما كثر عددهم، وطبعا المراة في مجتمع الدينكا
عندها واجبات كتيرة خلاص ، يلا بعد ما النسوان الكبار ينتهوا من تقديم النصائح للعروس
بيقوموا يحددوا يوم للتسليم وهنا بيكون شغل النسوان براهم بيمشوا نسوان مرافقات
للعروس وفي الطرف الاخر بيلاقوهم نسوان من طرف العريس ولو الاجراءات مشت بصورة سليمة
بدون اي عراقيل النسوان من الطرفين بيرقصوا رقصات نسائية بيسموها(توينق)
بيقفوا في شكل دائرة ويغنوا اغنية مع تصفيق الايدي وكل بعد فترة بترقص مجموعة داخل
الدائرة ثم تخرج وتدخل مجموعة اخرى.
ولو كمان بقى في عراقيل زي ما اشار قير في مقاله هنا ممكن النسوان المرافقات للعروس
يرفضو تسليمها الا بعد تنفيذ شروطهم، في الاعراس البتتم في المدن دخلت ظواهر جديدة في عملية
التسليم مرات النسوان المرافقات للعروس بيرفضو النزول من العربية الا بعد دفع مبلغ محدد مقابل
النزول.
وفي مجتمع دينكا نقوك ما مسموح انو العريس يسكن في بيت ناس العروس مهما كانت الظروف عشان كده اما يكون
عنده بيت براه يستقبل فيهو العروس او يسكن مع ناس ابوه لفترة معينة لحدي ما يكون نفسه ويعمل ليهو بيت.
|
Post: #297
Title: Re: تعال هنا يا انت شوف عرس الناس ديل كيف
Author: dombek yai
Date: 03-06-2009, 12:22 PM
Parent: #296
فوق شوية
|
Post: #298
Title: Re: تعال هنا يا انت شوف عرس الناس ديل كيف
Author: dombek yai
Date: 03-07-2009, 10:31 PM
Parent: #297
| Quote: في دينكا نقوك يمكن لأهل افتاة أخذها بالقوة وتسليمها للعريس ، وهذا التصرف يعني إخلاء الطرف من المسؤولية وكأنهم يقولون لقد قمنا بواجبنا نحوكم والباقي.عند قبائل أخرى في الدينكا يذهب الأمر أبعد من هذا التصرف ، والمسألة عندي مهمة جداً لأنها تعتبر واحدة من الطرق الصحيحة |
اخذ الفتاة بالقوة وتسليمها للعريس كان سائد فعلا عند دينكا نقوك ولكن في الوقت الحالي الموضوع ده شبه انتهى
فبقى من الصعوبة على الاباء تسليم بناتهم للعرسان بالقوة لانو بقى في جذء من البنات بيفضلن الموت من اجبارهن
على زواج من لا يرغبون فيه حيث بقت تظهر حالات الانتحار وكلام زي ده، برضو احيانا لو البت غلطت وانجبت طفل من غير
زواج وتخلى عنها الشاب الانجبت منه مرات بيقوموا يسلموها بالقوة لاي شخص يختاره الاسرة وهنا البت بتكون مجبورة تمشي
لانها ارتكبت غلطة والمهم في اختيار الاسرة في الحالة دي انو يكون زول قادر يعيش البت وقد يكون الزول ده متزوج 2 او3
او اكتر.
|
Post: #299
Title: Re: تعال هنا يا انت شوف عرس الناس ديل كيف
Author: dombek yai
Date: 03-22-2009, 07:35 PM
Parent: #298
up
|
|